رواية 30 يوم حياه البارت الخامس عشر والسادس عشر بقلم الكاتبه اميره أسامه حصريه وجديده على مدونة النجم المتوهج للروايات والمعلومات
 |
رواية 30 يوم حياه البارت الخامس عشر والسادس عشر بقلم الكاتبه اميره أسامه حصريه وجديده على مدونة النجم المتوهج للروايات والمعلومات
عند زين ووعد كانوا مشغلين فيلم وهما بيشربوا الشاي والنسكافيه
زين كان مركز معاها وكانه بيحفظ ملامحها وكل ما يحس انها هتبص عليه يبعد عينه بسرعه كان نفس الحال عند وعد كان بتحاول تلمحه بطرف عينها واول ما تحس انه هيشوفها تبص للفيلم كل واحد فيهم كان اعد تحت مسمي انه بيتفرج علي فيلم لاكن الحقيقه ان محدش فيهم كان مركز اصلا وكل واحد فيهم كان عايز يأعد مع التاني حاولت وعد تقول اي حاجه الكلام كان بيروح منها...حتي زين هرب منه الكلام حاول كتير يقطع الصمت اللي بينهم بس كل محاوله كانت بتنتهي بفشل
لاكن قرر انه يكسر الصمت ده ويتكلم
زين...هو فيلم ايه ده
وعد...معرفش اول مره اشوفه
زين...طيب بيتكلم عن ايه انا مش مركز معاه
ابتسمت وعد بأحراج
زين...بتضحكي علي ايه🤨
وعد...ابدا اصل انا كمان مش مركزه ولا عارفه اصلا بيقول ايه الفيلم ده
زين...والله امال انتي حاطه عينك عالشاشه ومندمجه واللي يشوفك يقول مركزه
وعد...بصتله وعد وهي سرحانه في ملامحه سعات كتير بيبان علينا انتا مركزين اوي في حاجه معينه والحقيقه اصلا انت متبقاش معاها حتي لو بواحد فالميه من تركيزك وبتبقي مركز في حجات تانيه واخده كل وقتك
زين...ااممممم اللله ومسك الريموت قفل التلفزيون واعد عالكنبه عدل قرب منها شويه وبصلها وهو رافع حواجبه🤨 وحضرتك بقي بتفكري في ايه وايه اللي شاغل تفكيرك
وعد...بارتباك هاااا لا مفيش ولا حاجه وابتسمت وبصت عالتلفزيون وهي ضربات قلبها كأنها حرب...هو انت قفلت التلفزيون ليه هتنام
ابتسم زين وفضل باصصلها من غير ولا كلمه
بصتله وعد وبعدت عينها ورجعت بسرعه بصتله تاني
وعد...في ايه بتبصلي كده ليه ومبتسم ليه كده علي فكره انت كده بتخوفني
زين...بنفس الابتسامه بخوفك ازاي
وعد...اصل منه ساعات بتحب ترخم عليا فا بتفضل بصالي ومش بتتكلم عشان تخوفني
زين...بس انا مش بخوفك وبعدين هو انتي شيفاني مكشر مانا بضحك اهو
وعد...ما ده يخوف اكتر علي فكره
زين...أشمعني
وعد...عشان اغلب الاوقات بحسك جد ومش بتضحك
زين...🤨اقصدك تقولي اني مش بضحك
وعد...بأبتسامه لا والله مقصدش بس بقلق منك
زين...مانتي لازم تقلقي مني اصل انا خطر😉
ضحكت وعد بكسوف ووشها احمر.
زين...عموما يا ستي انا مش بضحك عشان اخوفك انا بضحك علي شكلك وانتي
مرتبكه
وعد...انا لا خالص مش مرتبكه
زين....متأكده
بصت وعد في عينه وملامحه وهو مبتسم وصوته الرجولي الهادي
وعد...هااا
زين...واضح انك مش مرتبكه وعايزه تهربي من سؤالي
وعد...سؤال ايه
زين...🤨كمان نسيتي السؤال يعني مرتبكه وناسيه سؤالي كمان
وعد...لا والله بجد انت لغبطني ونسيت السؤال
زين...بحب كنت بسألك ايه اللي شاغل تفكيرك
وعد....سرحت عشان تحاول تلاقي حاجه تقولهاله
بصت في عينه وهي باين عليها التوتر وسرحت
فضل زين باصصلها من غير ولا كلمه وكأن كل واحد فيهم في دنيا تانيه وكأن كل واحد فيهم بيعترف للتاني بحبه بس جواه
زين...لنفسه بحبك ياوعد مش قادر استحمل اكتر من كده مش عايز اي حاجه من الدنيا غير انك بس تعرفي اني بحبك نفسي اكتبك علي اسمي نفسي اصرخ بعلو حسي وأقول للناس كلها اني بحبك نفسي اخرج معاكي في كل مكان وانا ايدي في ايدك ..
وعد...بحبك يازين بحبك ومابشوف راجل في حياتي غيرك انت وبس بحس الامان معاك انت سندي يازين وضهري وحمايتي نفسي تحس بحبي ليك نفسي ماتحبش حد تاني غيري
عشان لو ده حصل هموت يازين كان نفسي اقولك علي سبب ارتباكي وهو وجودك جمبي وصوتك ونفسك وريحتك حجات كتير اوي بتلغبطني بس مقدرش خايفه يازين تشوفني عيله صغيره خايفه تقولي مينفعش خايفه علي نفسي اتصدم لو سمعتك بتقولي انتي زي اختي حس بيا يا زين والنبي انا مش هقدر والله اعيش من غيرك انا حبيتك غصب عني اوعي تحاسبني علي حبي ليك
نزلت دمعه سريعه من عينها فالوقت ده خلت زين فاق من سرحانه
وعد...مسحت عينها بارتباك وقامت وهي بتقوله
زين...تصبح علي خير
مسكها زين من ايدها
غمضت وعد عينها وهي حاسه ان قلبها هيقف من لمسته وخافت وارتبكت اكتر عشان اتأكدت انه شاف دموعها ومش عارفه هتقولوا ايه
زين...بصيلي ياوعد
خدت وعد نفس طويل وخرجته بهدوء وحاولت تبتسم عشان تداري
وعد...نعم
زين...بتعيطي ليه
وعد...انا لا خالص مش بعيط
شدها زين بحنيه أعدها جمبه وهو ماسك ايدها أعدي
وعد...أبتسمت بأرتباك واعدت نعم
زين...انا اكيد مش بيتهيألي اني شوفت دموعك بس انتي عايزه تهربي تمام معنديش مشكله هسيبك تهربي من الاجابه
بس مينفعش تكدبي عليا صح
هزت وعد راسها بأبتسامه وملامح واضح عليها انها عايزه تعيط
زين...تمام وقررتي ايه بقي
تهربي ولا تكدبي ولا تقنعيني ان انا بيتهيألي
ابتسمت وعد وسكتت ثواني وبصتله...اهرب
أبتسم زين بحب...امممم تهربي علي كده بقي الموضوع كبير
وعد....يعني
زين....انا اكيد مش رخم واكيد عارف يعني ايه احترم خصوصيه اي حد بس لو قولتلك اني عندي فضول اعرف ايه هو الموضوع الكبير اللي خلاكي مشغوله ومش مركزه مع الفيلم وخلاكي تعيطي وتمسحي دموعك بسرعه وفالاخر عايزه تهربي من سؤالي
وعد...زين
زين...عيون زين
أبتسمت وعد غصب عنها وهي مصدومه من طريقه زين بتحاول تكدب نفسها انه عادي رغم انها حاسه من حواها ان في حاجه نفسها تصدقها وخايفه.
ممكن انام
زين...بأبتسامه لا
وعد...طب شغل فيلم
زين..علي اساس انك بتتفرجي وبعدين ردي عليا الاول
وعد...طب هقولك علي حاجه
زين...قولي
وعد...انا هقولك بس مش الوقت سبني شويه
زين...كان من جواه خايف تكون وعد بتحب ومكسوفه تصارحه.
زين....ماشي ياوعد اللي يريحك وساب ايدها ومسك الريموت عشان يفتح التلفزيون
وعد...مسكت ايده زين انت زعلت مني
بص زين...علي ايدها وبصلها
اكيد لا مقدرش ازعل منك وبعدين انا قولتلك اني بحترم خصوصيه اي حد يمكن زي ما قولتلك عندي فضول بس ادام انتي مش حابه تتكلمي مش هغصب عليكي كل الحكايه اني حابب اطمن عليكي مش اكتر انتي عارفه اني مبحبش اشوف دموعك انتي وامي ومنه وبتجنن لما بشوفهم وانا معرفش السبب حابه بقي تسبيني في الحيره دي ودماغي تروح لألف حاجه سبيني مش حابه احكي
وعد...طيب ممكن أسالك سؤال
زين...اكيد
وعد...هو انت دماغك ودتك فين
زين...يعني ايه
وعد...يعني ايه اللي فكرت فيه
زين...وهو بيردهالها ملكيش دعوه فكري بقي واتعبي نفسك شويه وسحب ايده من ايدها وفتح التلفزيون وربع ايده ورجع ضهره لورا وركز فالفيلم
وعد...زين
زين....وهو باصص للتلفزيون امممم
وعد...عشان خاطري قولي فكرت في ايه
زين...مش هتفرق معاكي كتير
وعد...لا هتفرق
زين...بلاش
وعد...اتجمعت الدموع تاني في عينها هي حاجه وحشه
بصلها زين بحب
زين...اكيد لا يا وعد
وعد..طب قول وانا اوعدتك هقولك لو اللي في دماغك ده صح ولا لا ومش هكدب والله
زين...عادي اكدبي اكيد هعرف عشان انتي عارفه اني بعرف اذا كنتي بتكدبي ولا لا من صوتك
وعد...ماشي قول يلا
زين...يعني جه في بالي انك بتحبي ياوعد
وعد😳
زين...وعايزه تقولي وفنفس الوقت محرجه انك تصارحيني
وعد...أبتسمت بحب اكيد انت فهمتني غلط بس لو هو ده اللي فيا بجد ايه رأيك
زين....بعصبيه بصلها وهو عينه في عينها هكسر دماغك ياوعد
وعد...بارتباك هو يعني لو ده اللي حاصل اكيد الحب مش عيب صح ولا ايه يعني تكسر دماغي دي لو شوفتني بعمل حاجه غلط مش بحب صح
زين...لا مش صح يا وعد وزي ما قولتلك هكسر دماغك انتي فاهمه
حست..وعد بخوف طيب سيب ايدي انت بتوجعني علي فكره وبعدين احنا بنتكلم صح وانت اللي قولت كده مش انا ليه بتتعصب بقي
زين...هو ده اللي خلاكي تعيطي ياوعد انا صح ولا غلط
وعد...والله غلط انا مليش علاقه بحد انا مش بروح اي مكان غير الجامعه واي مشوار بروحه بيكون معاك او مع خالتو او منه او بأعد مع صحابي هنا فالحاره
زين...ماشي ياوعد
وعد...حست انه زعلان منها اتكلمت بزعل واضح علي صوتها
علي فكره انت زعلت مني ومش انا اللي قولت كده انت اللي قولت اللي جه في بالك وحسيت بيه يعني مينفعش تزعل مني بس انا عايزه اطمنك انا مليش علاقه بأي ولد يازين ولا عمري فكرت ارتبط بأي حد وعلي فكره مش شرط خالص اني اخبي عليك حاجه وتكون عشان محرجه اصارحك ممكن اكون مش قادره او مش عارفه اقول اللي جوايا..بس اطمن يازين انت وخالتو ربتوني كويس والمفروض تكون واثق فيا تصبح علي خير
مسكها زين تاني بس المرادي بعصبيه اعدها
زين...انتي شكلك اتجننتي تربيه ايه وثقه ايه وعد انا لو مش بثق فيكي هطير رقبتك دي من مكانها كل الحكايه ان شوفت دموعك وانتي مش راضيه تتكلمي وكلامك غريب ومش فاهمه انا لو سمعتك بتتكلمي كده تاني والله ياوعد هيبقالي حساب معاكي
وعد..علي فكره انا مقصدتش انا بس بقولك كده عشان برد علي كلامك خوفت تكون مش واثق فيا
زين...انا واثق فيكي اكتر من نفسي وعموما ياستي انا خلاص مش عايز اعرف اي حاجه المهم تكوني كويسه ومعندكيش مشكله ولو حبيتي تتكلمي معايا اي وقت انا موجود وياريت بلاش عياط امسحي دموعك دي يلا وادخلي نامي انا هدخل انام تصبحي علي خير
نزلت دموعها اكتر بهدوء قام زين ولسه هيدخل علي الاوضه بتاعته
وعد....زين
زين...ايوه
وعد...ممكن تخليك شويه
خد زين نفس طويل واتنهد بحزن علي دموعها دي هيتحنن ويعرف مالها وفي نفس الوقت خايف إجابتها تصدمه
زين...راح اعد عالكنبه ولف ايده علي رقبتها وشدها لصدره
نزلت دموع وعد اكتر
رفع زين شعرها وباسها من راسها
زين...وعد انتي كده بتقلقيني طيب قوليلي منه مزعلاكي امي زعلتك
هزت وعد راسها بلأ
زين...طيب في حد ضايقك من البنات في حد ضايقك فالحاره ومخبيه عليا
وعد...مفيش
زين...ياوعد انت بتزعلي لما دماغي بتسرح عشان خطري طمنيني
وعد...والله مافي حاجه انا بس حاسه اني مخنوقه شويه
زين...كده لوحدك
وعد...اه والله العظيم
زين...مش مصدقك يا وعد
انهارت وعد من العياط
زين..ششششش وعد كده انا قلقت خلاص قوليلي في ايه
رفع وشها ومسح دموعها وفضل باصصلها
فالوقت ده كان في حرب في داخل وعد تقوله انها بتحبه وتتحمل صدمه انتي زي اختي ولا متقولش وتفضل عايشه في حبه مع نفسها
لاكن قررت تهرب وتبعد بسرعه من ادامه ودخلت بسرعه جري علي اوضتها هي ومنه
زين...وعد وعد وسمع منه وهي بتكلمها
منه...ايه ده في ايه وعد بتعيطي ليه كده
فضل زين...يمشي ايده علي راسه وعلي وشه بقلق واضايق ان منه صحيت وشافتها وهي بتعيط دخل زين علي اوضته وهو عايز يكلمها ويشوفها بأي طريقه وكأنه مش ساكن معاها في نفس المكان واتحط بينهم ميت حاجز لاكن قرر انه هيعمل حاجه عشان يعرف منها في ايه.
......
منه...يابت انتي غبيه هفضل لحد امته اعلم فيكي جتلك الفرصه لحد عندك وضيعتيها بخوفك وجبنك ده
وعد...وهي بتعيط كنتي عيزاني اقوله اني بحبه مقدرتش يامنه والله لاخر وقت كنت هقوله بس مقدرتش وخوفت يا منه اتصدم من رده خوفت اسمع اكتر كلمه كرهتهاطول حياتي اني زي اخته
منه...بصي ياوعد انا هقولك كلمتين ملهمش تالت
اولا انتي ضيعتي من ايدك فرصه انك تقوليله عاللي جواكي ومش عارفين الفرصه دي هترجع تاني ولا لا لما قالي حضريلي لبس الشغل هربت وقولت اسيبك لوحدك يمكن تتحركي بس زي كل مره خايفه...
وعد...يامنه حطي نفسك مكاني
منه....انا لو مكانك يابت مش هعمل زيك هشوف قلبي عايز ايه وهعمله هلغي عقلي عشان طول مانا مشغلاه مع قلبي الاتنين هيدخلوا في صراع مع بعض وفالاخر هوصل للانتي فيه ده لاعارفه تقولي ولا قادره ما تقوليش وهقولك ياوعد علي حاجه كمان انا لو مكانك وعندي شك لو 10 فالميه بس انه يوافق و90 فالميه هيرفض ويقولي انتي زي اختي هقول ياوعد واخلص نفسي من العذاب الانا فيه عذاب بعذاب هقول عشان اعرف راسي من رجلي واقدر اعيش حياتي طبيعي انا نصحتك يا وعد وانتي اللي هتقدري تقرري انتي عايزه ايه ومش معني كلامي اني مش هساعدك لا هفضل اساعدك لحد ما الاقي مبسوطه بس لازم تقرري وبسرعه انتي عايزه ايه وصدقيني احساسك بالاحراج ان ازاي بنت تقول لولد انها بتحبه ياماناس يا وعد ضيعت فرص عليهم بسبب التوتر والخوف والاحراج ومين يبتدي الاول
الحب يا وعد بيجي مره واحده لو مكنتيش تقاتلي عشانه يبقي متستاهليش الحب ده فالوقت ده اتصل بيها هيما.
منه ..هقوم ارد علي هيما واجيلك
وعد...هزت راسها من غير ولا كلمه وكلام منه كان بيتردد في ودنها...قامت منه فتحت البلكونه وقفلت الستاره وردت علي هيما
منه...الوو
هيما...ايه اللي مصحيكي لحد الوقت
منه...وانت ايه عرفك بقي اني صاحيه
هيما كان واقف فالبلكونه صدره عريان وفي ايده السيجاره نفخ الدخان بعيد
هيما..عرفت من نور الاوضه شايفه لسه مفتوح وانتي قولتيلي أنك هتنامي
منه...انا نمت فعلا بس وعد كانت صاحيه اعده بره ودخلت الاوضه قلقت وصحيت المهم انت ايه اللي مصحيك
هيما...مفيش دخلت الحمام وقولت اشرب سيجاره فالبلكونه قبل ما انام
منه...ايه ده انت واقف وشدت الستاره وبصتله ابتسملها وهو حاط السيجاره في بوئه ادخلي يابت جوه او شدي الستاره
منه...نعم يا امور وانت ايه اللي موقفك من غير هدوم كده
هيما...اتلمي يابت ايه من غير هدوم دي وبعدين الجو حر
منه...كب ادخل جوه او البس تيشرت
هيما...بتغيري عليا يابت🤨
منه...ايوه طبعا امال هغير علي مين ان شاء الله
هيما...هشرب السيجاره وادخل والله المهم مال صوتك فيكي حاجه
منه....علي فكره انا بحبك اوي
هيما...مانا عارف😉وبعدين ايه اول مره تعرفي اني بحس بيكي ولا ايه
منه...لا اكيد مش اول مره بس كل ما بتحس بيا بحبك اكتر
هيما...طب يلا قولي مالك
منه...مضايقه عشان وعد مضايقه وكانت بتعيط
هيما...ليه زعلتيها ولا ايه
منه ..لا والله ابدا بص هقولك بس اوعدني متقولش لاي حد
هيما...اتعدلي يابت من امته وانا بقول لحد اي حاجه
منه...ياهيما مش قصدي والنبي بلاش الطالعه اللي بتطلعها فيا دي
هيما...طيب امال ايه ما تظبطي كده🤨
منه...بص وعد بتحب زين
هيما...بصدمه نعمممم
منه...بقولك ايه هتقولي سن ومش سن زيها هزعل منك اسمع للاخر
هيما...طيب قولي
حكيتله منه كل حاجه حصلت من يوم ما عرفت من وعد انها بتحبه لاتفاقها معاها علي زين لحد ما دخلت الاوضه وهي بتعيط
منه...بس هو ده كل اللي حصل وانا هتجنن عشانها
هيما...طب بقولك ايه خليكي معايا كده
منه...في ايه
دخل هيما وهو بيقفل الاواز اصبري بس
هيما...ادهم
ادهم...عايز ايه
منه..بتعمل ايه ياخربيتك
هيما...اصبري بس ركز معايا كده
ادهم...ماتخلص ياعم مش شايفني بتكلم
توته..من التليفون قول لهيما يتمسي بدل ما احطه في دماغي
ادهم...بضحك قلبك ابيض يا معلم اخلص توته هتاكلك
هيما...ياعم اصبر بس دي حاجه تخص زين
ادهم...بقلق ماله زين
منه...الله يخربيت اللي يقولك حاجه ده انا لسه بقولك متقولش لحد طلعت فيا وعيب ومش عيب
هيما...يابت اسكتي انتي مش فاهمه حاجه
ادهم ..ماتخلص ياعم في ايه
هيما....منه...بتقول ان وعد بتحب زين
ادهم...نعممممم
منه...هو في ايه كل ماحد يعرف يقول نعم
توته...مين اللي بيحب زين؟
ادهم...يابت اصبري
توته...والله ابدا لازم اعرف
ادهم...وعد وعد يا حشريه
توته...والنبي كنت حاسه
هيما...ياعم الرومانسي خليكي معايا بقي
ادهم...عاجبك كده جبتلنا الكلام بقولك ايه هفهم منه وارجعلك
توته...وربنا ابدا خلاص هفضل ساكته
ادهم...احكي
هيما...وعد انا هفتح الاسبيكر واحكي لادهم
منه...منك لله يا هيما انا غلطت اني قولتلك سيحتلي
ادهم...متخافيش يا منه مفيش حد بيسمعك غيري انا وتوته
منه...يانهار اسود وتوته
توته...ومالها توته ياللي تتشكي لما اشوفك يامنه الكلب
منه...بضحك توته انا حبيبتك والنبي بلاش سياح
توته.. عيب يابت انا توته
منه...ربنا يستر اسمعوا
وحكيتلهم كل حاجه بس دي كل الحكايه
ادهم...طب خدي الكبيره بقي يامنه زين اخوكي بيحب وعد ورافض مبدأ الجواز اصلا من اي بنت غيرها وعد حب عمر زين زي انا والبت توته
توته...يخليك ليا
هيما...مش وقت محن يااختي انتي وهو🤨
توته...اعوذ بالله عدو الرومانسيه
ادهم...ماتتلم يالا محن ايه🤨
منه..خليكو معايا بقي انتوا بتتكلموا جد زين بيحب وعد
ادهم...اه والله العظيم
منه...طب هنعمل ايه لازم الاتنين يعرفوا
هيما...انتي تقوليلها واحنا نقول لزين
توته...هو ايه اللي هي تقولها وانتوا تقولوله هو سلق بيض
ادهم...امال نعمل ايه ياخبره
توته....ايوه كده الهبره تقولكم اصل انا حبيبه قديمه
هيما...اخلصي ياست الحبيبه
توته...لولا اخوك والنبي كنت زعلتك
هيما...تزعلي مين يابت
ادهم...يا ابني اسكت انت وهي
منه...ياباي مولودين فوق راس بعض
هيما...انا اسف قولي ياست توته هانم
توته...ايوه كده..اسمعوا
🙄🙄🙄🙄🙄
البارت السادس عشر....
في صباح يوم جديد الساعه التاسعه صباحا أشرقت
الشمس علي حاره السعاده
وابتدت الحاره تتزحم بالناس اللي راحه شغلها والبياعين واصوات فتح ابواب المحلات وريحه الفول وصوت الزيت وهو بيغلي وبيتحط في الطعميه..
......
صحيت مديحه من النوم اتوضت وصلت ركعتين الصبح ولبست وخرجت جابت فطار بسرعه ودخلت غيرت لبسها ووقفت تحضر الفطار دخلت تصحي زين عشان يفطر ويخرج لشغله
مديحه...زين زين ياحبيبي يلا أصحي
زين...صباح الخير يا امي
مديحه...صباحك فل ياقلب امك يلا يا حبيبي قوم خدلك دش انت جسمك بينزل مايه خالص ويلا عشان تفطر قيل ما تخرج لشغلك
زين...هي الساعه كام يا امي
مديحه....الساعه تسعه ونص
زين...طيب سبيني عشر دقايق بس
مديحه...انت هتعمل زي العيال الصغيره يلا قوم
زين...مش قادر يا مديحه
مديحه...انت تعبان ولا ايه يا يا حبيبي
زين...لا ياحبيبتي انا كويس بس منمتش كويس
مديحه...طيب هروح اصحي البنات يدخلوا الحمام ويصلوا علي ما اجهز الفطار علي التربيزه تكون صحيت
زين...ماشي ياحبيبتي
خرجت مديحه راحت علي اوضه البنات
مديحه...منه منه بت يا منه يلا اصحي
منه...ايه يا ماما بقي سبيني انام حرام عليكي منمتش كويس
مديحه...يابت قومي بلاش دلع انتو فيكو ايه انهرده كل ما اصحي حد يقولي منمتش كويس
منه...يامديحه لنتي بتصحينا بدري ليه هو احنا ورانا شغل وانا مش واخده بالي ماتصحي اللي عنده شغل احنا مالنا
مديحه...اهو كل يوم علي نفس المرشح ده وفالاخر بتصحي يبقي وفري عليا وعلي نفسك حوار كل يوم ده انتي عارفه اننا بنفطر سوا يلا اخلصي والبيت محتاج تنضيف كتير انهرده خلينا ناخد اليوم من اوله
منه....من عنيا حلضر وادي الشغاله بتاعت البيت صحيت
مديحه...يلا امشي انجري عالحمام قبل ما اخوكي يصحي
منه...اللهم أطولك ياروح خرجت منه من الاوضه
مديحه...وعد يلا قومي يا بنتي
وعد...فتحت عينها وهي ماسكه راسها من الصداع حاضر يا خالتو صباح الخير
مديحه...والنبي فيكي الخير يا وعد الوحيده اللي قالتلي صباح الخير
ابتسمت وعد وقامت اعدت عالسرير
مديحه...ماسكه راسك ليه وعد....صداع رهيب ياخالتو من بليل هيموتني
مديحه....ايه منمتيش كويس زي منه وزين
اول ما وعد سمعت اسمه بصتلها...انا بسهر علي طول بس اول مره احس بصداع كده
مديحه...ماهو باين علي عنيكي طيب يلا قومي علي الحمام اغسلي وشك هاتفوقي شويه وأفطري وأشربي الشاي و هديكي مسكن
وعد...مليش نفس ياخالتو
مديحه...هو ايه اللي ملكيش نفس خلاص مش هديكي مسكن مينفعش تاخدي غير لما تغيري ريقك قومي يلا بلاش دلع
وعد...حاضر ياخالتو
خرجت مديحه راحت المطبخ قامت وعد مسكت فوطتها وسرحت شعرها وبصت لنفسها فالمرايه لقت عينها باين عليها العياط مشت ايدها علي وشها شمت ريحه البرفيوم بتاع زين في ايدها افتكرت لما فضل ماسكها من ايدها ولما عيطت وخدها في حضنه وحطت ايدها علي صدره أبتسمت وعد وقربت ايدها وهي بتاخد نفس طويل عشان تشم الريحه وبعد كده حطت ايدها علي صدرها وايدها التانيه فوق كف ايدها بتحضنها وهي مغمضه عنيها
دخلت فالوقت ده منه
منه...خليكي كده احضني في ايدك وبصي للمرايه لحد ما تتجنني
وعد....منه انا مش فيقالك ومصدعه
منه...ماشي ياختي وبعدين مصدعه ايه انتي نمتي قبلي انا خلصت تليفون رجعت لاقيتك نمتي
وعد...انا معرفش نمت ازاي اصلا وبعدين هستناكي تخلصي كلام مع حبيب القلب
منه...ماشي يا اختي ادخلي الحمام هصلي وخارجه
وعد...بقولك ايه هو صحي
منه...هو مين
وعد...بلاش رخامه
منه...بضحك😂 لا يا اختي لسه مصحيش وادخلي قبل ما يصحي يلا عشان يروح شغله
وعد ..منه انا مش عارفه هجيب عيني في عينه ازاي بعد ما سبته وجريت حاسه انه مش هيعديهالي غير لما يعرف انا مالي
منه...اتعاملي عادي وماتبصلهوش خالص هو هيفطر ويمشي وانتي عارفه زين يعني اكيد مش هيفتح معاكي كلام ادامنا
وعد...ربنا يستر انا خارجه
خرجت وعد راحت عالحمام بسرعه وأتنهدت براحه انها ملقتهوش صحي
..........................❣️
في شقه حاج فاروق
نعمه...ياواد اصحي انت وهو يلا تعبتوا قلبي
صالح....ياما سبينا شويه الله يرضي عنك هو حد قالك اننا شغالين عند حد دي قهوتنا ياما
نعمه...ياواد الرزق مفيهوش بتاعنا ولا بتاع حد تاني يلا قوم ابوكم لو خرج من الحمام لقاكم مصحتوش هيطين عيشتكم
صلاح....ياما كان زمانك خرجتي وسبتينا ننام شويه
نعمه...الساعه 10 قوموا انا عملت اللي عليا ولو جه هقوله أنكم مش راضيين تصحوا تشوفوا شغلكم
خرج حاج فاروق من الحمام وهو حاطط الفوطه علي كتفه فتح الراديو وجاب قناه القرأن وبصوت عالي نادي عليهم ولا ياصالح ولا يالاحه
فالوقت ده سمعوه صالح وصلاح وقاموا من عالسرير واقفين..
نعمه...قومتوا بسرعه الوقت من دقيقه كنتوا مطلعين عيني صحيح الجبن ليه ناسه ماكان بأحترامكم
صالح...صباح الفل يا ست الكل ده الحاج يا اما وبعدين احنا بنسمع صوته بنتلبش
حاج فاروق...ليه يا ابن الكلب سامع صوت وحش اوي كده
صالح...بضحك صباح الخير يا ياحج والله ما اقصد بس ليك هيبه كده يا حاج
صلاح....علي فكره بقي ياحاج انا صحيت علي طول صالح اللي مكانش راضي يصحي
صالح...يا كداب
نعمه...كداب ياحاج متصدقهوش ده مغلبني علي طول هو كمان
فاروق بطيبه بيحبوكي يانعمه وبيضحكوا معاكي
نعمه...ايوه يا اخويا دافعلهم لحد ما هيتمرعوا علينا
صلاح...احنا نقدر يا نعناعه😘
نعمه...بابتسامه حطت ايدها علي خدها شوف الواد بياكل بعقلي حلاوه
صلاح...انا اقدر بردو انتي حبيبتي
نعمه...طيب يلا روحوا الحمام اغسلوا وشكم لحد ما احط الفطار
صلاح...هوا وهاجي احضر معاكي الفطار كمان
نعمه...كمان ده ايه الرضا ده كله
خلص صلاح وصالح الحمام بتاعهم وخرجوا صلوا
وراحوا بسرعه خرجوا الاطباق مع نعمه ووقف صالح عملهم الشاي وخرجوا فطروا مع بعض
........................❣️
في منزل حسني
شهد....صباح الفل يا بابا
حسني....صباح الشهد يا شهد ايه الدلع ده كله والفطار الحلو ده
شهد...والنبي انت اللي حلو
حسني...كلي بعقلي حلاوه
ايهاب...خرج من الاوضه وهو لابس عشان يروح شغله اكيد عايزه منك حاجه
شهد...لا ياشيخ طب والله ابدا يابابا ده بيوقعنا في بعض
حسني...سيبك منه ده غيران مننا فين اخوك ياولا
عامر خرج من الاوضه
مين بيسأل عليا صباح الفل
حسني...صباح النور يا حبيبي انا قولت هتفضل نايم
عامر....انا اتعودت اصحي بدري للشغل بس اعمل ايه مفيش شغل لحد ما الدكتور يقولي
حسني...ربنا يكمل شفاك علي خير يا حبيبي طب يلا تعالي نفطر عشان تاخد علاجك
عامر....حاضر ياحاج ايه يابت يا شهد الحلاوه دي كلها الفطار ريحته قومتني من علي السرير
شهد...اي خدمه😉
ايهاب...بت يا شهد هاتعمللنا اكل ايه انهرده
عامر...همك علي بطنك كده علي طول مش لما تفطر الاول
ايهاب...مش بطمن سديت نفسي يلا همشي انا
حسني...يا ابني مش تفطر الاول
ايهاب...لا كده حلو انا متأخر اصلا راحت عليا نومه
عامر...يلا امشي خلي البيت يروق يا سلام دي الراحه حلوه بشكل
ايهاب...ادعي للي خدلك اجازه🤨 يلا سلام
عامر...بضحك سلام
حسني...اديني الشاي يا شهد
شهد...اتفضل
عامر....ااااه
شهد...مالك ياعامر
حسني..مالك ياواد في ايه
عامر...الجرح كل شويه يشهد عليا
شهد...كل وادخل ارتاح عالسرير
حسني...اه افرد جسمك بس بردو متفضلش نايم اتحرك كده عشان الجرح مايلمش وانت تاني ضهرك كده
عامر...والله ما قادر ارفع ضهري بحس ان الجرح بيتعبني اكتر ونفسي بيروح
حسني...معلش حاول
شهد...يومين تلاته وان شاء الله تبقي احسن اكتر
عامر...يارب
حسني...الحمد لله
شهد...ما تاكل يابابا انت مكلتش كويس
حسني...مكلتش ايه بس ده كده حلو اوي عشان الحق انزل بقي
عامر...تلحق ايه ياحاج انت مسافر ده المحل تحت البيت😒😒
حسني...انا اتعودت افتح في نفس المعاد كل يوم يا ابو لسان طويل
عامر...😉😉😉عليا بردو ولا عايز تلحق تعاكس الستات اليوم من اوله
حسني...ستات ايه يا ابن الكلب اللي اعاكسهم والله لولا انك عامل عمليه كنت اديتك علقه من أياهم فاكرهم ولا أفكرك
حط عامر ايده علي قفاه بضحك لا خلاص افتكرت
شهد...الذاكره رجعتله
عامر...مابلاش انتي وترجعي تجري زي الهبله وانتي بتنادي علي ابوكي
حسني...انت الاعده معاك تخسر انا نازل
عامر...شكرا يا كبير
راح حسني عالباب يلبس جزمته عشان ينزل
عامر...قام من عالسفره وبصوت عالي أمسك ياحاج
حسني...بخضه امسك ايه
عامر...أمسك أعصابك😂😂
حسني...بغضب حدفه بكيس المناديل امشي يا ابن الكلب ياتافه
فضلت شهد تضحك علي والدها وعلي عامر اللي دخل اوضته بسرعه
حسني...عيل مش متربي يموت لو معملش في حد مقلب زهقت منه
فتح عامر الباب براحه وطلعه راسه لو مش عاجبك طلقني
هز حسني راسه شمال ويمين وهو بيضحك عيل رخم يلا سلام
عامر...سلام يا حجوج
حسني...سلام يا اخويا سلام يا شهد
شهد...سلام يابابا
خرح عامر من الاوضه ومسك الاطباق عشان يشيلها
شهد...انت بتعمل ايه
عامر...هساعدك
شهد...لا ياسيدي شكرا اتفضل يلا علي اوضتك ارتاح وانا هتسلي
عامر..ماشي
......................❣️
في منزل يوسف
روحيه...الحمد لله
يوسف ...ايه روحيه انتي كده كلتي
روحيه...اه شبعت
يوسف...شبعتي ده ايه الاكل زي ماهو الاكل مش عاجبك ولا ايه
روحيه...حلو تسلم ايدك
يوسف...طب امسكي عاملك بقي كوبايه شاي فشر الواد صالح
روحيه...أتوكس هو بيعرف ينيل حاجه😒
يوسف...لا حاسبي صالح عليه كوبايه شاي تعدل الدماغ بصحيح
روحيه....😏😏
يوسف...افضلي كده اعوجي في بوئك يا روحيه ووقفي حالنا
روحيه....انت ياواد اعد معايا عشان تضايقني يلا علي شغلك
يوسف...انتي بتطرديني يا اما
روحيه...اه بطردك ياروح امك
يوسف....كده يا اما ده حبيبك
روحيه....لو حبيبي صحيح كنت جبتلي اللي قولتلك عليه
يوسف....وانا بساخسر فيكي حاجه يااما قولييلي عايزه ايه وانا اجبهولك انهرده
روحيه...عايزه اكل في المطعم بتاع الراجل العجوز🤔
يوسف...راجل عجوز مين عم شوقي بتاع الفول والطعميه بس كده
روحيه...فول وطعميه في عينك وعم شوقي ده ايه😒
يوسف...امال مين طيب عم بركات بتاع لحمه الراس
روحيه...روح إلهي أشوفك نسناع يا يوسف يأبن روحيه وانا اكل راس ليه😡
يوسف...مانا مش فاكر راجل عجوز يا اما فير دول قوليلي مين او بيبيع ايه وانا هجبلك منه وانا جاي
روحيه...اتنيل مانا لو عارفه أسمه كنت قولت🤔 بس هو بيجي في التلفزيون
يوسف...اااه منمره انتي علي حاجه كبيره يا روحيه وده مين يا اختي اللي بيطلع فالتلفزيون اللي ان شاء الله هشيله من البيت قريب😒 عشان بوظ اخلاقك ياروحيه وعلي طول بتتفرجي علي قنوات الرقص وهتموتي وتطبقي الرقص ده في اي فرح فالحاره عايزه تهزي😒
روحيه...فكرتني ياواد يايوسف ده في حته رقاصه بس ايه تقول للقمر قوم وانا اعد مطرحك اسمها صبار
يوسف...اسمها ايه🤔😳
روحيه...صباااااار
يوسف...هو في واحده فالدنيا اسمها صبار يا اما
روحيه...يا اخويا هما اللي بيقولوا كده وانا هختار اسمها
يوسف....شعرها اسود يا اما وطويل🤔
روحيه...ايوه
يوسف...وعينها ملونه وبيضه وطويله كده
روحيه...جدع ياواد يايوسف ايوه هي
يوسف....صافينار🙈
روحيه....اييييوه هي دي انت تعرفها ياولا
يوسف...وانا هعرف رقاصه منين يا اما بس بشوفها عالتلفزيون
مسكت روحيه شبشبها وانت يا ابن الكلب بتتفرج علي الرقاصين ليه دي اشكال تتفرح عليها🤔
يوسف...😒 انتي يا اما مبتنسيش ولا دي اعراض زهايمر انتي مليون فالميه عندك انفصام فالشخصيه🤔
روحيه...انت ياولد اعد ترغي معايا عشان متجبليش الاكل
يوسف...تصدقي بالله انتي نستيني اصلا اننا كنا بنتكلم عالاكل ها يطلع مين الراجل العجوز ده ان شاء الله
روحيه...ده راجل شعره ابيض وباينه يا واد اجنبي ابيض كده ووشه احمر
ولا بس نضاره🤔 وزي القمر
يوسف...🙄🙄🙄 كنتاكي
احيه بتعاكسي كنتاكي يا اما الله يرحم يا اما كنتي بتاكلي العيش الناشف وتقولي عليه الشيبسي
روحيه...انت بتتمسخر علبا ياولا
يوسف...لا عاش ولا كان يا ست الحبايبي اللي يتمسخر عليكي طيب واللي خلق الخلق لا هتجيلك انهرده بليل احلي اكله كنتاكي وهتتعشي بيها
روحيه...بجد ياوالا
يوسف....بجد يا قلب الولا
روحيه....طب ومش هنحلي
يوسف....انتي خدتي عليا اوي ياروحيه 🙄عايزه ايه حلو وانا اجبهولك
روحيه....انا عايزه اكل سند الحنك
يوسف....🥴يعني تتعشي كنتاكي وتحلي بسد الحنك يخربيت ميكساتك يا روحيه
روحيه...ايه وحش🤔
يوسف...لا قمر يا اما وحياتك عندي لا هعملك احلي عشوه بليل وهحلي بوئك بسد الحنك كمان مبسوطه ياستي
روحيه...بأبتسامه حب إلهي يسعدك يا يوسف يا ابن بطني ومتحرمش منك ابدا ويديك ويرضيك ويرزق من وسع ويحققلك كل احلامك ويبعد عنك ولاد الحرام ويكفيك شر طريقك
يوسف..ايه الدعاوي الحلوه دي كلها كل ده عشان الكنتاكي ده علي كده كل يوم هجبلك عشان اسمع الدعوات دي كلها
روحيه....ربنا يفرح قلبك يا حبيبي
يوسف...ويخليكي ليا يارب
سكتت روحيه شويه وبصتله وهي بتقفل عنيها بتركيز
يوسف...في ايه ياروحيه في حرامي ورايا ولا ايه🙄
روحيه....انت ابن يا والا🤔
يوسف...😒😒
........................❣️
في منزل زين
دخلت مديحه المطبخ وابتدت تحضر الفطار في الأطباق عشان تحوله للسفره
زين...بصوت نايم وملامح باين عليها الزعل كان حاطط الفوطه علي كتفه صباح الخير يا أمي
مديحه...صباح الفل اخيرا صحيت ده انت عمرك ما عملتها ولا حتي فالمدرسه
زين...معلش يامديحه مره من نفسي بقي
مديحه...ولا يهمك يا حبيب قلبي يلا ادخل خد دش سريع وتعالي نفطر
زين...ماشي في حد جوه
مديحه...ايوه صح أستني دي وعد جوه
زين...ماشي سند زين رجل علي الحيطه ووقف يستناها تخرج
فضلت مديحه تحول فالاطباق عالسفره
مديحه...يلا هروح علي بال ماتيجي متتاخرش
زين...حاضر يا أمي
وعد...كانت سامعه كلامهم وحاطه ايدها علي قلبها وعايزه تخرج بس سمعاه من اول ما صحي ومش قادره تخرج وتحط عينها في عينه
لاكن قررت تخرج وحاولت تقنع نفسها ان عمر ما زين هيفتح اي حاجه في وجودهم فا قررت تستغل ده تكون معاه في وجودهم وتهرب منه لو هما مش معاها
خدت نفس طويل وخرجته بهدوء وحطت ايدها علي أوكره الباب فتحت براحه لاكن اتخضت ورجعت خطوه لورا لما لقيته واقف ادام الباب وساند بأيده الاتنين علي الباب ونظرته بلون عينه ترعب لوحدها.
وعد....برقت وحطت ايدها علي قلبها وسكتت ثانيه ورجعت بسرعه
وعد...صباح الخير
فضل زين باصصلها وساكت ومردش عليها
بصتله وعد بأحراج وأرتباك وفضلت عينها راحه جايه بتوتر
وعد....ااااا انا ممكن أا اعدي
فضل باصصلها زين وساكت وعاجبه شكلها وهي مرتبكه
بصتله وعد لاكن المرادي بلهجه ونظره فيها رجاء صعبت علي زين
وعد...🥺زين لو سمحت عديني انت بتخوفني قولتلك مش بحب حد يبصلي كده
زين...اخيرا اتكلم بليل لما اجي لو لقيتك مش بره ومستنياني قسما بالله ياوعد لو نايمه هدخل اجيبك من جوه وانتي عارفه لما بحلف
بلعت وعد ريقها بصعوبه وهي واقفه ساكته
زين...مفهوم
وعد كانت حاسه ان هيغم عليها مش عارفه أذا كانت خايفه منه ولا مبسوطه بتحكمه وأوامره عليها
زين...بنظره شريره لاكن من جواه نفسه ياخدها في حضنه مفهووووم
هزت وعد راسها بسرعه رهيبه عشان تهرب من ادامه وخلاص
وعد...حاضر ممكن اعدي
زين...انا مش حابسك علي فكره ممكن تعدي
وعد...انت حاطت ايدك هعدي ازاي
زين...بصلها بأبتسامه شر مرسومه علي ملامحه اتفضلي
هربت بسرعه وعد من ادامه
مديحه...يلا ياوعد بقي
وعد...حاضر حاضر ياخالتو هحط الفوطه وهاجي علي طول ودخلت اوضتها بسرعه قفلت وراها الباب ووقفت وراه وحطت ايدها علي قلبها اللي مكانش راضي يبطل دق ابدا...
وعد...فضلت تمشي أيدها علي قلبها كأنها بتهديه أهدي أهدي خلاص مشينا من ادامه..هعمل ايه ياربي هستناه بليل وابينله اني خوفت منه ولا مخرجش وهو مش هيقدر ينفذ اللي قاله
وعد...طب لو نفذ يارب دلني اعمل ايه سكتت ثواني وهي بتفكر مفيش غير اني أقول لمنه هي اكيد هتقولي حل.
فضلت وعد تكلم نفسها وملامحها مابين ثانيه والتانيه تتغير مره خوف وتوتر منه ومره أبتسامه فرحه ودموع في عينها لمجرد احساسها ان زين طريقته متغيره معاها.
مديحه....يلا ياوعد يلا يازين
زين..فتح الباب وخرج وكان حابب يشوف ملامح منه عشان يتأكد وعد قالتلها حاجه ولا لا
زين...انا جيت اهو صباح الخير يامنه
منه...بطبيعيه صباح الفل علي عيونك حرام عليك كل ده الفطار ريحته تجنن
زين...حس انها طبيعيه كمل بأبتسامه معلش حقك عليا اديني جيت اهو خلصي عالاكل بقي كله ياستي
منه...يلا يا وعدددددد
فتحت وعد الباب وخرجت وهي باصه فالارض عشان ما تبصلهوش وهو مركز معاها منه كانت متابعه الاتنين وكاتمه ضحكتها
اعدت وعد فالكرسي بتاعها جمب منه وهو ادامها بالظبط
مديحه...كل ده حرام عليكي جوعتينا انتي وزين انهرده
وعد...وهي باصه في طبقها معلش ياخالتو حقك عليا
مديحه...انتي لسه تعبانه ياحبيبتي
زين بسرعه...تعبانه مالها
مديحه...شويه صداع دي عينها كانت منفخه خالص وباين عليها التعب
زين...بص لوعد انتي تعبانه
وعد...من غير ما تبص لا انا بخير
زين...مديحه وعد تعبانه
مديحه...ياابني قولتلك شويه صداع هو انت اي حد فينا احنا التلاته يتعب شويه تتوتر وتبقي خايف كده
زين...وعد بصيلي
خدت نفس وبصتله وهي مرتبكه
زين...فيكي ايه تحبي تروحي المستشفي
وعد...مش مستاهله والله انا بس يمكن سهرت شويه وصحيت بدري فا مصدعه خالتو قالتلي هتديني مسكن
زين...ميتاخدش غير لما تاكلي كويس انتي سامعه
وعد...حاضر
مديحه...براحه يا ابني متبقاش كده علي اعصابك علي طول
زين...لو مقلقتش عليكم يا امي هقلق علي مين بس انا مليش غيركم
بصتله وعد بطرف عينها بحب
مديحه...ربنا يخليك لينا ياحبيبي
زين...ويخليكم ليا وبص لوعد بعدت عينها بسرعه
منه...طيب ممكن ناكل بقي
زين...يا بت هو انتي عاتقه ما تاكلي وانتي ساكته
فضلوا ياكلوا مع بعض وعين زين مركزه مع وعد اللي كانت مش بتبصله خالص بس حاسه بخياله وعارفه انه باصصلها ومكانتش قادره تفسر نظرته وطريقته دي غير ان كلامها شككه فيها وضايقه بما انها زيها زي منه مش قادره تستوعب ان ده حب .
وعد...الحمد لله
مديحه...يابنتي افطري زي الناس
وعد...شبعت والله انا قيلالك اصلا مليش نفس ممكن بقي تديني مسكن
زين...متديهاش حاجه غير لما تاكل زي الناس🤨
وعد...بصتله🥺 بس انا شبعت واصلا مش هقدر اكل طول مانا مصدعه كده
زين....يعني لو ارتاحتي شويه هتاكلي
وعد...اه هاكل
زين...ماشي خلاص اديها يامديحه ولو مكالتش عرفيني 🤨
مديحه...بضحك زين وقت التعب بيقلب الشاويش عطيه
منه...احلي شاويش ده ولا ايه
زين...ماشي يا بكاشه الواد هيما عامل معاكي ايه 🤨
منه...بضحك بخير
زين...بتضحكي علي ايه يابت🤨
منه...اصل بصراحه بيصعب عليا اللي بتعمله فيه
مديحه...اه والله يا بنتي ومين سمعك الواد طيب وجدع
زين...اطلعوا. انتوا بس منها انا عارف بتعامل ازاي بعيد عن اي حاجه هيما حبيبي واخويا وصاحبي لاكن لحد جوازه من اختي انا حماه جوز امه زي ما يحب هيلاقيني
ضحكت منه واتحرجت
مديحه ..ربنا يعينك ياهيما
وعد...خالتو فين المسكن
مديحه...اه نسيت يا حبيبتي معلش ادخلي خديه من الكمدينو اللي جنبي هتلاقيه فالدرج
وعد...ماشي
راحت وعدخدت المسكن وراحت علي الاوضه تصلي
وقامت منه ومديحه شالو السفره وزين دخل يغير بعد دقايق بسيطه خرج
زين...ايه يا أمي انا نازل عايزه حاجه مني
مديحه...عيزاك طيب يا حبيبي
زين...منه عايزه حاجه
منه...لا ياحبيبي شكرا
زين...فين وعد
مديحه...في اوضتها
زين...هروح اطمن عليها قبل ماانزل
مديحه...مش هتشرب الشاي
زين...لا هخلي صالح يجبلي الشاي بتاعي عالورشه زمانه فتح
مديحه...ماشي يا حبيبي
زين...خرج من المطبخ راح علي اوضه وعد ومنه خبط
وعد..كانت اعده علي طرف السرير سرحانه بعد ما خدت المسكن ادخل
فتح زين الباب وهو مبتسم ابتسامه خفيفه.
اول ما شافته وعد وقفت بسرعه
زين دخل الاوضه وبصلها كانت بتلعب في صوابعها بتوتر ومش بصاله
زين...عامله ايه الوقت
وعد..بخير
زين...لو تعبانه والمسكن معملش حاجه نروح لدكتور
وعد...لا لا انا بخير
زين...طيب علي فكره انتي ممكن تبصيلي عادي
وعد...بصتله🥺
زين...انتي عارفه ومتأكده اني خارج الشغل وانا عقلي مش معايا وهيفضل عقلي مش معايا لحد ما ارجع بليل عقلي هيفضل مشغول وبيفكر في اللي مضايقك واللي خلاكي تعيطي واللي خلاكي مصدعه واللي مخليكي متوتره ادامي الوقت واللي خلاكي تقولي كلام غريب امبارح...يعني اي حاجه ممكن تحصل هتكوني انتي السبب فيها واه ياستي اعتبريني بحملك المسؤوليه
وعد انتي مخلياني من امبارح قلقان عشانك ومعرفش فيكي ايه
وعد....ليه كل ده انا مقصدتش والله اقلقك كده خالص هو عموما مفيش اي حاجه يمكن كنت مضايقه شويه
زين...لابصي انتي قلقتيني ولحد الوقت مصممه تقلقيني وانتي عماله بتخبي كده هعديها بس حكايه بقي يمكن دي مش هعديها وبليل هعرف ياوعد في ايه وزي ماقولتلك
لو لقيتك نايمه هدخل اصحيكي ومن غير ما اخبط كمان انتي فهماني
وعد....زين
زين...انا رايح الشغل عشان متأخرش لو عندك حاجه عايزه تقوليها بليل لما ارجع ابقي قوليها سلام ياوعد
وعد...🥺🥺سلام
خرج زين من الاوضه
زين...سلام يا امي انا نازل
مديحه...سلام يا زين ربنا يحفظك يا أبني🙏
🙄🙄🙄🙄😛
البارت السابع عشر حتى البارت الرابع والعشرين من هنا
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
