رواية 30 يوم حياه البارت الخامس والسادس بقلم الكاتبه أميره أسامه حصريه وجديده في مدونة النجم المتوهج للروايات والمعلومات

روحيه...بصت من الشباك ولا يايوسف انت جيت

يوسف...ايوه يا اما جيت وبجبلك السحور

روحيه...ولما انت جيت يا ابن الكلب سايبني اعده جعانه كده

يوسف...الواد عامر مش راضي يديني بيقولي الاكل خلص

روحيه..هو قالك كده والنبي لا انا خرجاله بالعصايه

عامر....احيييه هي قالت خرجاله

زين...وبالعصايه

روحيه...ولا يا عامر

عامر...😳😳😳😳 روحيه حبيبتي

روحيه...حبيبتك يا واطي بانت يا واد مش عايز تدي الواد السحور

عامر....انا محصلش ده انا اديكي اكلي ياقلبي ده انا بقول ليوسف ياخد السحور قالي لا معييش فلوس وقالي انك مبتبطليش طلبات

روحيه...اه يا ابن الكلب يا يوسف انا ياولا ماببطلش طلبات والنبي مانا سيباك

وراحت وراه بالعصايه

يوسف...استهدي بالله يا اما استهدي بالله

ياروحيه ده بيوقع بيني وبينك ده الحته الشمال

ااااااه

زين...مسك روحيه في ايه ياروحيه مالك عامله قلق ليه بس مين مزعلك

وقفت روحيه وهي بتبتسم لزين بحب..

روحيه...عارف ياولا يازين اهو انت بقي اللي فالقلب بجد معرفش بحبك ليه

زين....مانا اتحب ياروحيه بردو

روحيه...طبعا تتحب كفايه عنيك ياولا بتفكرني بعيون المرحوم الولا يوسف عينه ملونه بس مخدش جمال عين ابوه انت اللي خدتها تكونش انت ابني ياولا🤔

زين...بضحك مرحوم ايه يا روحيه انتي بتبشري عليا

روحيه...بعد الشر عليك وعلي شبابك ياولا

زين...باس ايدها حبيبتي ياروحيه ربنا يخليكي لينا يااحلي حاجه فالحاره دي كلها يلا ادخلي جوه بقي وهجبلك انا السحور لحد عندك

روحيه....حاضر يا حبيبي

يوسف...من ورا العربيه بتاعته الوقت عارفه تقولي حاضر ياروحيه بعد ما سبلك بعيونه الخضر

روحيه...بس يا ابن الكلب

يوسف...حاضر يا مامي😂

وبص لعامر وانت وحيات امك ماهسيبك بعد العصايتين اللي خدتهم دول

عامر....مانت كنت عايزني انا اللي اخدهم يا واطي وامك ايدها تقيله

يوسف..وهو بيدعك مكان الضربه انت هتقولي دي وقفت رجلي

ادهم...بضحك رجلك بردو

احمد العربي مالكم ياشباب عاملين قلق ليه

الشباب. كل سنه وانت طيب يا عم احمد

احمد...العربي وانتوا طيبين يعود علينا وعليكم الايام بخير يارب

سهير....كل سنه وانتوا طيبين يا جماعه رمضان كريم علينا وعليكم يارب

الشباب...وانتي طيبه يا ام توته

ادهم...علي فين يا ام توته

سهير....ابدا قولت انزل اجيب السحور و انفع كيمو واباركله يجعله فتحه خير عليك يارب ياكيمو

كريم....الله يخليكي ياام توته احلي سحور لعيونك تحيه مني ليكي بمناسبه الافتتاح

سهير...لا والله ابدا ما يحصل

كيمو....والله ابدا

ادهم...خلاص يا ام توته بقي متكسفيش كيمو

سهير...يدوب يارب يا كيمو

امك عامله ايه يازين

زين...بخير يا لم توته الحمد لله زي الفل

سهير...يارب ديما منوره حياتكم ويخليهالكم يارب

زين...يارب يا ام توته تسلمي

سهير...ان شالله يخليك يلا سلام عليكم

الجميع...عليكم السلام

سعيد....عايز اي حاجه يا كيمو

كريم...لا يا حاج اطلع انت ارتاح وشويه وهاجي نتسحر سوا

كيموا...يلا يا حبيبي كل سنه وانتوا طيبين يا ولاد

الشباب...وانت طيب يا حاج سعيد

طفل صغير..عم كريم انا عايز سحور عشان امي بس معييش غير الجنيه ده

كيمو....لف ياض تعالي هنا

عايز ايه قولي

الطفل....بجنيه فول

كيمو...طب حط يالا الجنيه في جيبك

حطله كريم فول وطعميه وبطاطس وعمله شنطه كبيره وحطله العيش

كريم...اتفضل ياعم احلي سحور وكل يوم سحوركم عندي

الطفل بس ده كتير ياعم كيمو

كريم...مش كتير ولا حاجه يلا بسرعه عشان امك تلحق تحضر السحور

الطفل شكرا ياعم كيمو ربنا يخليك

ادهم....خد يالا هنا

نعم يا عم ادهم

مسكه ادهم من هدومه عارف ياض عمر لو لمحتك اي وقت في اي مكان بتشرب سجاير هعمل فيك ايه

الطفل...انا مش بشرب

ادهم...بعصبيه متكدبش انا شايفك مرتين عالناصيه يالا انت لسه صغير انت عندك كام سنه

الطفل...12 سنه

ادهم...طب بزمتك ده ينفع ياض انت فاكر انك لو شربت كده تبقي راجل

الطفل....مانا راجل يا غم ادهم وبعدين ما انا بشوفك يعني بتشرب سجاير وانا بحبك وبحب اعمل كل حاجه انت بتعملها ونفسي لما اكبر ابقي زيك

الطفل....ياض هو انت ادي طب انا كبير وعارف مصلحه نفسي عايز تكبر وتبقي زيي مش هتعرف انا لما شربتها ياض كنت مخلص كليه يعني شربتها علي كبر ومبشربهاش كتير عشان انا بلعب وبشيل حديد غلط اه غلط بس مش بعمله كتير الدور والباقي عليك بتدمر صحتك وانت لسه صغير واعمل حسابك مش هتعرف تبقي زيي طول مانت بتعمل كده انت فاهم

الطفل....حاضر

ادهم....مش مصدقك وبعدين ياض امك ملهاش غيرك وعندك اخواتك صغيرين مسؤوليين منك يعني انت راجلهم لو جرالك حاجه هيتبهدلوا من بعدك سعتها هتبقي فرحان وساعتها هتبقي راجل

الطفل....طيب اعمل ايه

ادهم...متحطش في بوئك القرف ده تاني

الطفل...اصلا انا معيش فلوس انا سبت الشغل

زين...كنت بتشتغل ايه ياعمر

عمر...كنت بشتغل في ورشه رخام

زين...وسبت الشغل ليه

عمر...الراجل مشاني عشان مقدرتش اشيل الرخام

زين...انت مبترحش المدرسه عمر....لا انا خرجت السنادي من تانيه اعدادي عشان اوفر المصاريف

زين...كنت شاطر ولا لا

عمر...اه والله كنت شاطر اوي انا كنت طالع التالت عالفصل وكنت جايب 92

زين...نعم 92 وتخرج من المدرسه

عمر...مفيش فلوس وحتي لما كنت بروح الشغل مكنتش الفلوس بتقضي يادوب بناكل بيها وبندفع ايجار البيت

زبن...انت ابوك ميت

عمر...لا ابويا مطلق امي ومتجوز واحده تانيه ومش بيبعتلنا فلوس

زين...اخواتك بيتعلمو

عمر ..لا اخواتي لسه صغير واحد عنده سنتين والبنت عندها اربع سنين

زبن...عابز ترجع المدرسه

عمر....نفسي بس مينفعش

زبن...بعصبيه مفيش حاجه اسمها مينفعش هترجع مدرستك تاني واي حاجه تخص دراستك انا مسؤول منها فاهم ومن بكره هترجع عمر....انا لازم اشوف شغل عشان اصرف عالبيت

زين...مالكش دعوه بحاجه ولو عالشغل اشتغل معابا انا محتاج حد يساعدني بس وديني ياعمر لو ماركزت في دراستك وشغلك لاهعلقك علي باب الورشه مفهوم

عمر...بفرحه بجد والنبي ياعم زين

زين...بابتسامه جميله بجد ياعم عمر

ادهم....وانا مني ليك كل يوم تيجي ساعه الچيم همرنك لحد ماهتبقي احسن مني

عمر....بجد ياعم ادهم طب احلف

ادهم...ياض الراجل بيتمسك من كلمته ياض بكره بعد الفطار تكون عندي

عمر...ربنا يخليكوا ليا يارب

زين....بكره الصبح تعدي عليا نخلص حوار المدرسه والمصاريف وتبتدي مذاكره علي طول مفيش وقت

عمر...حاضر طب والشغل

زين...نخلص من حوار المدرسه الاول وهنظبط كل حاجه يلا جري عشان تلحق تتسحر

عمر...بفرحه ماشي سلام عليكم وخد الشارع جري وهو بيتنطط من الفرحه

احمدالعربي....بفرحه ربنا يحميكم لشبابكم يارب ياولاد يلا انا طالع متتاخروش عشان نلحق نتسحر

ادهم...ماشي يا حاج هروح لهيما اقفل معاه الصاله وطالع...

خلص اليوم بسرعه ودخلوا الجميع بيوتهم عشان يتسحروا.

زين...سلام عليكم

مديحه عليكم السلام يا ابني اتأخرت كده ليه

زين...كنت وقاف مع كيمو والشباب شويه

مديحه...ابن حلال كيمو ده والله

زين...كان واقف يدور بعينه علي وعد...اه اوي ياامي ربنا يرزقه هما فين البنات صحيح

مديحه بيحضروا السحور

زين...طيب خدي دول جهزوهم مع السحور

مديحه...ايه كل ده

زين....يعني تشجيع كده لكيمو

مديحه...ماشي يا ابني هات بقيت الشنط

زين...لا دي شنطه فيها حاجه لمنه ووعد فيها فوانيس

مديحه....ماشي يا ابني ربنا يفرح قلبك هناديلك عليهم

دخلت مديحه نادتلهم

خرجت منه ووعد

منه...نعم يا ابيه زين

وقفت وعد ساكته وباصه فالارض

بصلها زين بطرف عينه وبص للشنطه فتحها وطلع اول فانوس كل سنه وانتي طيبه يا منه

منه بفرحه الله ده فانوس ربما يخليك ليا يا ابيه زين

مسكها من قفاها مسمعش كلمه ابيه زين دي بدل ما اخده منك🤨

منه...لا خلاص كل سنه وانت طيب يا احلي زين فالدنيا ربنا يخليك ليا

زين بحب ويخليكي ليا يارب

طلع فانوس وعد كل سنه وانتي طيبه ياوعد

ابتسمت بعد بطريقه طفوليه

وحضرتك طيب يا ابيه وبصتله

شافته بيعض علي سنانه بغيظ

وعد....🙄🙄 يازين

منه...بضحك لحقتي روحك انا هروح اساعد ماما بسرعه

وعد انا هشيل الفانوس وجايه معاكي

زين...استني ياوعد

بصتله بخوف ونزلت عينها عالارض

زين...بصولي ياوعد

رفعت وعد عينها براحه

زين...انا اسف حقك عليا كنت متعصب شويه الصبح وجت فيكي

وعد...لا مفيش حاجه يا ابي

زين...هااااا

وعد...بابتسامه يازين

ضحك زين بحب يعني مش زعلانه

وعد...لا والله ابدا مش زعلانه

زين...عجبك الفانوس

وعد...اوي تسلم ايدك

زين...طب يلا روحي شيليه عشان نتسحر

وعد...حاضر

اختفت وعد من ادامه بسرعه

اما زين فا كان عينه عليه والابتسامه مش مفارقه وشه

عشان عرف يضحكها.

بعد مده بسيطه اجتمعوا كلهم علي تربيزه الطعام وابتدوا يتسحروا وهما مبسوطين وبيتكلموا ويضحكوا

.........

في شقه حاج فاروق

نعمه...ولا يالاحه يلا خدوا الاكل

صلاح...هو مفيش غير لاحه ياما

نعمه....يلا ياواد بلاش مناهده هات اخوك وتعالوا خدوا الاكل

بعد شويه اجتمعوا علي الارض وابتدوا يتسحروا

حاج فاروق...كل سنه وانتوا طيبين ياولاد

صالح...وانت يابا ربنا يديك الصحه انت وامي

صلاح....ربنا يخليك لينا ياحاج انت والحاجه

فاروق...ويخليكوا لينا يارب ونفرح بيكم قريب

صالح...بمناسبه الفرحه بقي يا ابا كنت عايز نروح نقرا فاتحه بوسي ونعمل الشبكه عالعيد الصغير ايه رايك

صلاح...وانا كمان يا ابا عايز اطلب ايد شهد واهو بدل الفرح يبقوا فرحين

نعمه...ياألف بركه

فاروق....انا معنديش مانع ياولاد ده يوم المني اللي اشوفكم فيه في بيوتكم وماليين عليا البيت عيال

صالح...ربنا يخليك لينا ياحاج

نعمه...نفسي اشوف عيالكم والحق افرح بيكم قبل ما اموت

صلاح...متقوليش كده يا اما بعد الشر عليكي حسك فالدنيا ديما

نعمه....ربنا يفرحني بيكم يارب قولت ايه يافاروق

فاروق...مانا قولت موافق هما بس ياخدولنا معاد ونروح نتقدم بس اسمع انت وهو كل واحد فيكم في يوم

صالح...ماكيد يا ابا متقلقش هنظبط كل حاجه

انا بكره هكلم بوسي تقول لامها اننا هنروحلها بكره ايه رايك

فاروق...علي خيره الله وانت يالاحه بعد بكره

صلاح...تمام هكلم انا الولا ايهاب وعامر وهقول لعم حسني كمان

فاروق...يبقي علي خيره الله وتنزلوا تجيبوا الشبكه علي طول والفرح يبقي واحد فالعيد

صالح....ماشي

نعمه....وتبتدوا شغل في الشقق بتاعتكم بقي عشان الخطوبه متطولش وتتجوزوا علي طول

صالح...احنا شغالين في الشقق يا اما متقلقيش

فاروق...طب يلا كلوا الفول هيبرد....

................

في منزل احمد العربي

رحاب...ايه رايكم فالفول بتاكلو كده من غير ما تقولوا اي حاجه

احمد...تسلم ايدك يا حبيبتي

ادهم...تسلم ايدك يا ست البنات

هيما...هو ايه اللي تسلم ايدك تسلم ايدك يابت ده كيمو اللي مظبطه انتي حطتيه فالطبق

رحاب...ياباي متعرفش تقول كلمه حلوه وانت ساكت وبعدين هو احطه فالطبق ده شويه

ادهم...الله يكون في عون اللي هيتجوزك كسفانا😂

رحاب...بزعل كده يا ادهم بتعوم علي عومه انال مين ان شاء الله اللي بيعملكم الاكل

هيما...يابت احنا بنجبر بخاطرك بناكل بس ربنا عالم باللي بيحصل فينا بعد ما ناكل

احمد...هو اللي هيتجوزها يطول اصل

رحاب...ربنا يخليك ليا يا احلي اب فالدنيا

هيما...يابت متفرحيش اوي كده ده بيجاملك

رحاب...بزعل طب والله ما انا واكله ولسه هتقوم مسكها عيما من كف ايدها وهو بيضحك طب خلاص بهزر

رحاب...اوعي بقي وراحت دموعها نازله

ادهم....الحق دي بتعيط 😂😂😂😂😂يخربيت هبلك

هيما..حط ايده علي كتفها وخدها في حضنه وربنا بنهزر يا بت

رحاب...اوعي بقي ملكش دعوه بيا

احمد...عيال رخمه عارفين ياولاد الكلب لو حد فيكم زعل حبيبه ابوها تاني

ادهم...ياعم وربنا بنهزر هي اللي عيوطه ودموعها بتنزل من اقل حاجه يابت وربنا بنهزر طب بزمتك احنا مش بنمسح الاطباق يعني اكلك يجنن

هيما...وهو بيغمزله اتلهي ده بس عشان بنبقي مخلصين لعب وجايين واقعين

رحاب..زقته بايدها طب اوعي بقي كده اوعي

ادهم...وربنا بيغمزلي

هيما...يابت الواحد ميعرفش يهزر معاكي علي طول تعيطي كده انشفي كده يا بت🤨 مينفعش تبقي بسكوته واخواتك ادهم وهيما العربي

رحاب..وهي بتمسح دموعها طب اكلي حلو ولا لا

ضحك. هيما...بحب والله العظيم احلي اكل باكله يابت ده انا بخلص صنيه المكرونه كلها وبطلب منك اي اكله بتعمليها.

ضحكت رحاب..علي فكره انتوا رخمين

احمد...طبعا رخمين ومعندهمش دم كمان في خد يزعل القمر ده عارفه يابت يارحاب انتي اللي هيتجوزك امه داعيه عليه

ادهم...بمناسبه الجواز بنتك جايلها عريس

احمد....مين

ادهم...ايهاب ابن عم حسني

شرقت رحاب وهي بتشرب

هيما...ايه شرقتي يا اختي قال يعني مش عارفه

رحاب...وشها احمر وارتبكت انا خالص وانا هعرف منين

احمد....ايهاب جدع ومحترم وابوه راجل طيب ايه رايك يا رحاب

ادهم...رأيها في ايه مانت شايف يا حاج وبتلقطها وهي طايره

رحاب...وهي بتقوم وربنا ما هكلمكوا تاني

هيما...استني يابت عامله فيها عروسه ومكسوفه اقفي يابت

رحاب...نعم عايز ايه

هيما...روحي افتحي الدولاب بتاعي هتلاقي فيه شنطه لونها ابيض خديها بتاعتك

ادهم...وانا كمان جايبلك حاجه في دولابي ملكيش دعوه بحاجه توته

جريت رحاب طلعت الشنطتين لقت ادهم جايبلها فانوس وهيما جايبلها عروسه طمطم

خرجت رحاب جري من الاوض وهي مسكاهم وراحت باست هيما وحضنته وجريت حضنت ادهم

ادهم...بحب كل سنه وانتي طيبه يا احلي عروسه

رحاب...وانت طيب يا اخويا

هيما...مبروك عليكي طمطم عقبال بوجي🙄

رحاب...رخم صحيح يا هيمااااا ايه الشنطه التانيه دي بتاعت مين

هيما...عض علي شفايفه بغيظ...بصوت واطي يابنت ال🤨

احمد....اكيد حبيبه القلب هي جت عليه المهم قولتي ايه

علي ايهاب

رحاب...بكسوف اللي تشوفه يا بابا

ادهم...هو عايز بس يقرا فاتحه ويلبس دبل عشان الناس تبقي عارفه ان رحاب ليه ودخله وشبكه مع بعض خلال سنه يكون خلص شقته وربنا كرمه انت عارف يعني ان هو وعامر بيساعدو مع عم حسني في جهاز شهد

احمد....عارف طبعا واحنا يا بني بنشتري راجل وهو لسه شاب في بدايه حياته

ادهم....وبوب جدع وراجل

هيما...وانا اضمنه برقبتي

احمد....يبقي علي خيره الله

يلا اعمليلنا بقي الشاي

رحاب...حاضر مشيت رحاب وهي مكسوفه وبتحاول تداري فرحتها ودخلت المطبخ فضلت تتنطط من الفرحه

هيما دخل وراها يغسل ايده اول ما شافته وقفت وبرقت

بصلها بسخريه وهو بيقلدها

اللي تشوفه يا بابا😏😏

حوشي يابت الفرحه اللي وقعت منك فالارض

رحاب...علي فكره انت رخم وان جبتلك اخبار من منه تاني يبقي بحق

هيما...ليه كده بس يا قلبي يابت انتي روحي

رحاب..روحك الوقت بقيت روحك😒

هيما....يلا يلعن ابو شكلك اعملي الشاي يابت

ضحكت رحاب هي وهيما وعملت الشاي وخرجوا اعدوا بره

...........

في منزل يوسف

يوسف...احلي اكل لاحلي روحيه فالدنيا

روحيه...تسلم ايدك ياحبيبي

يوسف..بتمثيل الزعل حبيبك الوقت حبيبك تشهد عليكي العصايه اللي نزلتيها علي رجلي

روحيه....انا يا ابني ده تتقطع ايدي قيل ما تتمد عليك انت حبيبي ياولا

يوسف....امال مين اللي كالني عصايتين بره في قلب الحاره ياروحيه

روحيه....شوف مين ضربك وجاي تتبل عليا😏

يوسف...ماشي ياستي ابه رأيك فالفول

روحيه....جميل تسلم ايدك ألا صحيح ياولا يا يوسف

يوسف...ايه ياروحيه

روحيه ليه🤔

يوسف...🙄🙄عايزه فانوس ياروحيه

روحيه...ومعوزش ليه ان شاء الله كبرت ولا كبرت

يوسف...لا ياستي انت لسه شباب بكره يبقي

عندك احلي فانوس فيكي يامصر عيزاه بشمعه

روحيه....شمعه ده ايه😏😏

انا عايزه الولا التخين ابو بالطو ده

يوسف....والا مين التخين اللي لابس بالطو انتي بتعرفي رجاله يا روحيه🤨🤨🤨

روحيه...ضربته علي راسه اختشي ياواد اللي هو اسمه كرومبه ده

يوسف...بضحك تقصدي كرومبو 😂😂😂

روحيه...ايوه كرومبو ده

يوسف...واشمعني كرومبو يا روحيه

روحيه....بيضيع مني حجات فالبيت يدورلي عليها

يوسف...عوض عليا عوض الصابرين يارب حاضر عيني يا اما عايزه اي حاجه تاني مش عايزه مكسرات

روحيه...وانا فيا سنان

يوسف...ماسنانك اهي زي الفل ياروحيه ومرصوصه انتي بتغزي العين

روحيه...الله اكبر في عينك انت بتحسدني يا ابن الكلب عينك وحشه زي ابوك😏😏😏

يوسف...عينك وحشه زي ابووووك مش ابويا ده اللي كنت بتعاكسي في عينه

روحيه....قوم ياواد من ادامي بدل ما اديك بطبق الفول واد مش متربي صحيح

يوسف...بضحك خلاص حقك عليا

روحيه...اوعي كده

يوسف...فضل يزغزغها والنبي ابدا القمر ميزعلش

روحيه...بضحك ياواد عيب اختشي

يوسف..مسك ايدها باسها بحبك يا اما

روحيه...وانا كمان بحبك اوي

يوسف..كلتي

روحيه...اه الحمد لله

يوسف... هعملك بقي احلي كوبايه شاي بلبن

روحيه...تسلم ايدك

شال يوسف الاكل وعمل الشاي ورجع اعدوا مع بعض يضحكوا ويهزروا بعد شويه نامت روحيه زي الاطفال عالسرير وهي اعده

نزلها يوسف لتحت وغطاها كويس وباس راسها وخرج راح علي الاوضه بتاعته.

........

في صباح يوم جديد

علي ابطالنا جريت سعات اول يوم رمضان وابتدا المغرب يقرب كان الشباب بيجروا شمال ويمين وبيجهزوا المائده اللي بيرص الاطباق واللي بيحط العصير واللي بيجيب ميه واللي بيوزع بلح صوت القرأن شغال في كل مكان روح التعاون بينهم كانت تجنن حتي يوسف وعيسي حماه واقفين بيساعدوا معاهم ويسوف اعد يجري بسرعه وينزل الاطباق

ادهم....هيما شوف هناك في حاجه ناقصه

يوسف...ولا ياعامر هات عيش هنا

صالح....ايهاب عندك حاجه ناقصه

إيهاب...مله تمام

حاج سعيد...في اي نواقص يا زين يا ابني

زين...كله تمام ياحاج سعيد

ابتدت المائده تتملئ بالناس والكراسي تخلص وابتدوا ناس تانيه تيجي

صالح...ولا يالاحه اجري بسرعه هات كراسي من القهوه زياده

صلاح...تعالي يايوسف معايا بسرعه

يوسف...يلا اجري

صالح....يازين اربع اطباق هنا

هيما...خليك يازين انا رايح

كيمو....اعمل معاكو حاجه

حسني...هات مايه هنا ياكيمو

كريم....عنيا

واجتمعوا الناس كلهم وراح حاج سعيد علي المسجد عشان يأذن

وكل راديو كان شغال اعلن عن وقت الفطار

مدفع.الافطااااار أضرب واخيرا أذن أذان المغرب

وابتدوا الاطفال يفرقعوا صواريخ رمضان فرحه الافطار.

وابتدت انورا الشارع تنور والزينه تعكس الوانها

........

وهو ده رمضان زمان فرحه وبهجه وسعاده ولمه ودفا

حب وترابط ومساعده

رمضان في مصر حاجه تانيه رمضان في مصر مفيش فيه فقير عشان أهل الحي كلهم بيأكلوا مفيش جار بياكل وعارف ان جاره جعان

جميله وعظيمه يامصر بناسك الطيبه وقلوبهم الصافيه اللي رغم قساوت الزمن إلا ان لسه رمضان فيكي بخير

البارت السادس...

فطروا الناس وابتدوا يخرجوا من مائده الرحمن ولموا شباب الحته الاطباق ونضفوا المكان وطلعوا علي طول علي بيوتهم عشان يفطروا

زين...يلا ياض يا يوسف بسرعه

يوسف...لا انا داخل انا بقي لروحيه عشان ناكل زمانها مستنياني

زين...اخلص ياروح امك روحيه عندنا وزمانها مطلعه

عين مديحه.

يوسف...يانهار اسود طب يلا بسرعه قبل ما تاكلها

طلع زين ويوسف

فتح زين الباب.

مديحه... يلا يا زين الاكل هيبرد

زين...يوسف معايا يامديحه

مديحه دخله يا حبيبي عارفين

زين...تعالي يايوسف

يوسف...سلام عليكم كل سنه وانتوا طيبين كل سنه وانتي طيبه خالتي

مديحه...وانت طيب يا حبيبي زي انهرده يارب تكون متجوز انت و البت مريم

يوسف....يارب يا خالتي يسمع من بوئك ربنا

روحيه...مستعجل يا اخويا اوي عالجواز😏

يوسف...ياروحيه هو انا كنت جوز امك ما تهدي حده

مديحه...وميستعجلش ليه يا ست روحيه شاب طول بعرض وزي القمر ومش ناقصه حاجه غير دعاكي

يوسف...قوليلها والنبي ياخالتي

زين...مالك ياروحيه ماتخفي عالواد شويه

روحيه...دافعوله اوي يا اخويا والنبي لولا عيونك دي كنت قلبت عليك زي صاحبك🤔

منه...ما تيلا بقي الاكل جاهز

روحيه...مسروعه علي ايه يابت مش شيفاني بتكلم

منه...هو انا قولت حاجه ياروحيه😂

زين....جبانه بتعرف تسكتك في ثانيه زين يلا قوموا

يوسف...الله عالريحه ايه الاكل الحلو ده كله

مديحه...عملاه انا والبنات مع بعض

يوسف...تسلم ايدكم يارب انا هاكل مش هستني حد

زين...اللي يشوف كده يقول صايم😏 انت ملكش غير الواد عامر

يوسف...😂😂 طب والله ما كلت ولا شربت حاجه ياض احنا بنصوم معاكو ونفطر معاكم

مديحه...ربنا ما يفرق بينا ابدا يا حبيبي

يوسف...يارب ياخالتي عامله ايه يابشمهندسه

وعد...بابتسامه الحمد لله يا يوسف بخير

مديحه كلي ياروحيه عشان السكر انتي مكلتيش حاجه من الصبح

روحيه...يعني هو انتي كنتي اكلتيني😏😏

مديحه...شوف الوليه بتبصلي ازاي طب الحق عليا اني خايفه عليكي وبعدين ما انتي اللي مرضتيش تاكلي

روحيه....هتروحي من ربنا فين عالكدب ده😒

مديحه...انا كدابه الله يسامحك ياروحيه

يوسف...اما اسكتي بقي فضحتينا🙈

زين....تسلم ايديكم الاكل جميل

منه...طبعا مش حطيت ايدي فيه

زين....هتقوليلي...وبص ليوسف..🤨🤨ياض براحه هو في حد بيجري وراك

يوسف...شايفه ياخالتي باصصلي فالاكل ازاي

زين...هو انت عاتق

روحيه...هو كده زي البغل وياريته بيبان عليه

شرق يوسف وفضل يكح

مديحه...هاتي مايه بسرعه يامنه الله اكبر بصتولو فالاكل

زين...وده بيحوق في حاجه

مديحه...ياواد قول ماشاء الله

يوسف...منك لله روحي كانت هتطلع ناوليني ياخالتي صباع محشي

زين...مش بقولك مبيحوقش فيه 😂

ضحكوا كلهم وكملوا اكل وطبعا الاعده مع روحيه مش بتخلي من الضحك

........

سهير....ايه رأيكم فالاكل يابنات

شمس...تسلم ايدك يا سوسو

بوسي....تحفه ياسوسو كفايه ريحته

توته....قال يعني عملتي لوحدك مانا مدعوكه معاكي من الصبح فالمطبخ

سهير...شوفي البت الصفرا مش تقول كلمه حلوه

توته...زغزغتها بهزر معاكي يا سوسو هو في اكل زي اكلك طب ده انتي عليكي طشت ملوخيه بتجيب اخر الشارع

سهير...ايوه يا اختي كلي بعقلي حلاوه المهم هتفتحوا المحل امته

بوسي...هنعدي اول اسبوع ده نرتاح عشان الاسبوعين الاخرنين بتوع رمضان دول هتبقي مدعكه

توته....اه والله ربنا يستر علي اد ما يعتبر رزقنا فالاعياد بس بيبقي تعب

سهير....ربنا يقويكم

توته...ماتنزلي معانا يا شمس وخليكي جدعه

شمي...لا يااختي انا ماليش في شغل الكوافير

توته...وماله يابت شغل الكوافير ماهو اللي فاتح بيتنا

شمس....مقصدش والله ياتوته بس انا مش شاطره زيك انتي وبوسي وامي انا معرفش اعمل اي حاجه يادوب اعمل استشوار واكوي الشعر وخلاص

توته....يابت وهو ده شويه عالاقل تعملي للعيال الصغيره اللي بتيجي تموي شعرها فالعيد وأيدك تبقي بأيدنا

شمس....بابتسامه ماشي يا ستي موافقه وهنزل اساعدكم بس اقول لعادل الاول

بوسي...ليه يا اختي ان شاء الله هو كان لسه جه اتقدملك ولا حتي لبسك دبله ولا حتي اتكلم عليكي قال تستأذن قال

شمس....عادل مكلم امك يا اختي وقريب يخلص قسط الشقه وهيجي يطلبني هو مش عايز يجي غير لما يكون في حاجه كبيره ماشاله من عليه زي الشقه

سهير....لبوسي وانتي مالك يا بت يا صفرا هي بتتكلم صح ولا تحترمه وعادل محترم وابن حلال وجدع مش هيفول لا بس كمان لازم تعرفه وهو في حكم اللي متقدم كفايه انه جه قاللي الكلمتين دول كبر في نظري

بوسي...طيب يا اختي اعدي حاميلها كده

توته...اللي يشوف كده يقول مبتستأذنش من صالح

بوسي....اه عادي هو لسه بقي خطيبي

توته.... والنبي ده كان علقك علي باب المحل

بوسي...يعلق مين هو يقدر ده بيموت فيا

سهير...بت يا بوسي انتي مش عجباني اركزي كده شويه صالح جاي يتقدملك بعد بكره ويقرأو فتحتك والشبكه هتبقي عالعيد

ست نعمه...قالتلي

بوسي....نعم وده حصل امته

سهير...الصبح وانا فالسوق قابلت نعمه بتتسوق هي كمان ووقفنا رغينا شويه

بوسي...ده نهاره مش فايت ازاي ميقوليش كده طب انا مش موافقه

سهير...ماتتهدي يابت الوليه بتقولي فتحوا الموضوع بليل عالسحور وهو طول اليوم طالع عينه ما بين الشغل ومائده الرحمن اكيد ما فضيش

بوسي...ياسلام مفضيش خمس دقايق يعرفني

توته...انتي يابت عايزه ايه هو الواد لحق وبعدين المفروض تطيري من الفرحه مش تقلبيها نكد والنبي انا لو مكانك وادهم مقاليش ولا كان همني غير اني هبقي اخيرا ليه وخلاص

بوسي...ده انتي يا اختي مش انا عشان انتي واقعه لشوشتك مع سي ادهم

توته...وانتي مش واقعه مع سي صالح

سهير...انتي يابت مش مريحاني انتي بتحبي الواد ولا لا قلبي حاسس انك شيفالك شوفه

بوسي...يا اختي يا لما انتي كمان شوفت ايه بس هو احنا بنخرج من الحاره عشان نشوف حد

سهير...انا عايزه اعرف الحاره مضيقاكي في ايه يامعدوله خطاها علي دماغك وزعئه ليه

بوسي...يا اما نفسي اشوف الدنيا وبصراحه بقي نفسي اتجوز بره

سهير...يبقي ارفضي صالح من الوقت ياروح امك عشان صالح ابوه عنده بيت ملك وسايب لكل ولد دور كامل الشقه كبيره يعني عمر ما صالا ولا الواد لاحه ما هيسيبوا البيت الملك ويخرجوا ياخدو ايجار

بوسي...اهو اما مش عايزه الشقه الكبيره دي عايزه ياستي حتي اوضتين صغيرين بس بعيد عن الحاره

توته...يخربيت ام الحاره اللي عملتلك تربنه في نافوخك

سهير...سيبك منها دي بت براويه ومسيرها تقع علي جدور رقبتها طول ماهي بتتبطر عالنعمه اللي في ايدها

بوسي...بزهق انا شبعت وقامت دخلت اوضتها تكلم صالح

شمس...البت دي مش مريحاني يا امي خايفه تكسفنا مع الناس وصالح بيحبها

سهير...مانا عارفه ومش مريحاني انا كمان خايفه تكون عينها علي حد ومطمعها

توته...حد ايه بس يا اما علي رايها هنشوفه فين هي بس اللي عندها شويه احلام وطموح مسخننها شويه

سهير....ياخوفي مالاحلام دي

.........

في شقه حاج سعيد

كيمو....الله الله عالاكل يا بطوط وريحته اللي جننتني

فاطمه بحب....بالف هنا يا حبيبي يلا كلوا كل ياحاج كل ياعادل

عادل...تسلم ايدك يا بطتي

سعيد...تسلم ايدك يا فاطمه اعدي كلي يلا انتي واقفه طول اليوم فالمطبخ في عز النار وانتي صايمه

منار....وانا روحت فين يا سي بابا والله كنت بساعدها

فاطمه وهي بتاكل اه والله الصراحه ساعدتني البت منار بتفكرني بيا وانا صغيره نشيطه كده وبتحب تخلص اللي وراها بسرعه الاكل ما خدش في ايدنا ساعه زمن

كيمو....مانتي لحد الوقت نشيطه يا بطوط

فاطمه....لا كان زمان كبرت بقي يا كيمو وعجزت

كيمو....عجزتي ايه بس يا بطوط انتي بتغزي العين عنك ولا ايه انتي لسه شباب ولا ايه يا حاج

سعيد....طبعا انتي الخير والبركه

كيمو....يعني اقولها شباب تقولها بركه ياحاج😒

سعيد...بضحك يا ابن الكلب عايز توقعنا في بعض ولا ايه مقصدش طبعا لسه شباب

كيمو...ربنا يديكوا الصحه والعافيه يارب

عادل....الحمد لله كنت جعان اوي

فاطمه...يا ابني انت لحقت ما تاكل زي الناس

عادل...مش قادر والله ياست الحبايب شربت مايه كتير واحنا تحت فالمائده وعصير

فاطمه...طب وده ينفع مليت بطنك عالفاضي

عادل...الحمد لله شبعت وبعدين لو جعت هاكل هو الاكل هيروح فين يعني

منار بضحك....كيمو هيخلصوا😂😂😂

فاطمه...يابت قولي ماشاء الله

كيمو....انا لو منك اعد اكمل اكل اهي قالتلك اللي هيحصل😂😂

منار...كيمو هو انت هتنزل المحل انهرده

كيمو...اه طبعا ده اول يوم

منار...ماتخليك معانا والنبي انهرده اول يوم عشان نتابع كمان المسلسلات مع بعض وبعدين عملالك كنافه وقطايف وبسبوسه

كيمو....🙄🙄وبسبوسه

سعيد...انت بتفكر انزل علي شغلك ياولا بلاش طفاسه الاكل هيروح فين لما تطلع ابقي كل

كيمو...ايوه عندك حق ياحج البت دي عايزه تخسرني

منار...انا بردو طب انا غلطانه

كيمو...بصوت واطي شويه وهطلعلك وانتي بقي شوفيلنا كده مسلسل حلو نتابعه

منار بنفس الصوت مسلسل واحد ده المسلسلات شكلها يجنن السنادي ده في مسلسل اسمه دار الايتام🙏 عليه دعايه جامده جدا لو شفت إعلانه هيعجبك اوي شكله هو اللي هيبقي التوب

كيمو....دار الايتام😒😒 يابت بقولك عايز حاجه نتسلي فيها تقوليلي دار الايتام هي ناقصه نكد

منار...اسمع مني بس انا واثقه انه هيعجبك

كيمو...خلاص دار الايتام دار الايتام

فاطمه...انتوا بتتودودوا علي ايه كده يا بت انتي وهو

كيمو...ولا حاجه يا بطوط انا شبعت الحمد لله

فاطمه...شبعت ده ايه ده الاكل زي ماهو

كريم...متقلقيش ساعه زمن اهضم واطلع انسفهولك

فاطمه...بالف هنا ياحبيبي

قام حاج سعيد يغسل ايده فضل كريم باصص عليه لحد ما دخل الحمام قرب من امه

وحط ايده في جيبه

كريم...امسكي يا بطوط

فاطمه...ايه ده يا ابني مستوره لسه اللي معايا مخلصش انت لسه مديني قبل رمضان وعادل ادني ومعاش ابوك لسه معايا

كريم...امسكي بس قبل ما الحاج يجي يا بطوط دي حاجه بسيطه رمضان مصاريفه كتير وامبارح بس ربك كرمني يا بطوط وده اول يوم ادعيلي بس يكمل الشهر علي كده وانا اظبطكم

فاطمه...يا ابني عيزاك تشيل حاجه لنفسك نفسي افرح بيك يا كريم انت اول فرحتي يا ابني

كريم...يا امي جواز ايه انتوا زهقتوا مني ولا ايه اديني اعد معاكم اهو وبعدين مستوره ياستي

فاطمه..طيب اقسمهم بينا حتي

كريم...والله معايا ربك كرمني انا بقي مش هكرمكم يلا بقي شيليهم قبل ما الحاج يجي

فاطمه... حاضر يا ابني

كريم...يلا سلام عليكم

خرج حاج سعيد من الحمام بعد ما سمع حوارهم ابتسم ودعا لكريم

فاطمه...روح ربنا يباركلك يا ابني ويفرح قلبي بيك ويخليك ليا وميحرمنيش من حنيتك عليا انا وابوك واخواتك

............

عدت الايام عالحاره بدون اي جديد صالح اتقدم لبوسي واتفقوا عالخطوبه تالت يوم العيد وصلاح اتقدم لشهد والخطوبه نفس اليوم..

زين...رجع عمر مدرسته ونزله الورشه معاه وطول ماهو مش محتاجه كان بيخليه يذاكر فالورشه عمله مكتب صغير عشان يذاكر ادام عينه وكل يوم يخلص زين الشغل علي الساعه 11 ويروح الصاله بتاعت الجيم هو وعمر وابتدا ادهم يدرب عمر تمارين خفيفه علي اد سنه وبقي مسؤوول من الشباب كلهم وتحت عينهم

اما عن الحاره كانت مظاهر الحب وروح رمضان الحلوه طاغيه علي الناس كلها الكل بيود بعض بيعزموا بعض بيتلموا ويتجمعوا علي سفره واحده الكل بيهادي بعض باطباق الحلويات احتفالا بالشهر الكريم الشباب بمعاونه الكبار كانوا بيوزعوا شنط رمضان والمائده مكانش بيخلص منها الخير مكانش في حد جعان في الحاره...حاج سعيد كان بيجمع اطفال الحته كل يوم بعد صلاه العصر ويديهم درس ويكلمهم عن دينهم يعرفهم الحلال من الحرام يحفظهم قرآن

الروح اللي كانت فالحاره كانت كفيله تجدد روح البشر وتقربهم من بعض وتحببهم في بعض

عدت ايام رمضان بنفس النمط وجه ليله سبعه وعشرين واللي كانت عاده خلوه من عادات الحاره انهم يجتمعوا كل الشباب بأهلهم ويفطروا مع بعض فوق سطح البيت بتاع حاج سعيد

وفاليوم ده

أجتمعت مديحه وفاطمه ونعمه وسهير وناريمان وروحيه مع البنات وابتدوا بعملوا الفطار اللي هيجمعهم علي سفره واحده

عدت الساعات وهما بيحضروا مع بعض وقبل الفطار بشويه طلعوا البنات فوق السطح ظبطوه وحطوا ترابيزات كتير ورصوا الكراسي

توته...بت يا شهد انزلي هاتي كوبايات المايه من خالتي فاطمه

شهد....حاضر

توته...بسرعه يا بت

وعد...توته امسكي من العصير

توته...هاتي تسلم ايدك يلا رصي معايا بسرعه

وعد...حاضر

شمس...توته بقولك ايه لو خلصتي تعالي ننزل نجيب الاكل

توته...يا اختي انا اتهديت طالعه نازله واظبط في كراسي واعدل ترابيزات روحي ياختي هزي طولك انتي والبروطات اللي تحت وطلعوه عشان نرصه

شمس...ياساتر

طلعت مديحه.وروحيه

مديحه...ايه يابنات في حاجه محتاجينها

توته...لا يا ديحه كله جاهز فاضل الاكل

مديحه...انا قولتلهم يستنوا شويه كده عشان ميبردش لسه الولاد هيقفوا فالمائده شويه

توته...احسن بردو انا عارفه مستعجلين يطلعوه علي ايه

مديحه...لا مفيش استعجال ولا حاجه لسه ادامنا وقت وبعدين احنا هنبص عليهم من فوق اول ما نلاقيهم بيخلصوا خلاص نجيب الاكل بسرعه

وعد...هما البنات فين

مديحه...سيباهم بينضفوا شقه حاجه فاطمه عشان اتدهملت من التحضير بيظبطوها قبل ما يطلعوا حرام الست تدعك في كل ده لوحدها هي ومنار

توته...لا متقلقيش احنا زي كل سنه هنظبط كل حاجه

وعد...احسن حاجه عملتوها السنادي ان الاطباق كلها فويل عشان ناكل وتترمي

توته...ايوه صح دي كانت هتبقي هده فالموعين

مديحه...دي فكرت حاج حسني

روحيه....شوفوا العيال في سنكم كنت بهد الدنيا😒

توته...بزمتك يا روحيه كنتي بتغسلي كل المواعيين دي

روحيه...واكتر يا معدوله انا عارفه يا اختي هتفتحوا بيوت ازاي😏

مديحه.. بضحك اسكتي انتي ياروحيه مش جعانه

روحيه...هتموتي وتفطريني عشان ماخدش الثواب بعينك😒

ضحكت توته ووعد ومديحه

مديحه...شوفي الوليه اعمل فيها ايه بحبها مقدرش اتكلم

طلعت ناريمان ونعمه وفاطمه.

مديحه...البنات خلصوا

فاطمه...اه سيباهم خلاص بيخلصوا المطبخ الله يباركلهم خلوا الشقه زي الفل وتعبوا

مديحه...ربنا يكرمهم يارب ولا تعب ولا حاجه

نعمه...ايد علي ايد تساعد وهما مشاء الله كذا بنت بغني مش هيتعبوا

فاطمه...لسه التعب بكره واحنا بنعمل الكحك

مديحه...ان شاء الله ولا تعب ولا حاجه. بس دي اول سنه نتأخر كده في عمايل الكحك

فاطمه...هو بياخد في ايدنا حاجه ساعتين زمن بنبقي مخلصين كل حاجه بكره قبل الفطار نعجن ان شاء الله وبعد الفطار نقرص ونحط فالصاجات وعالفرن قبل ما الشباب بقي يمشوا عايزين نستغلهم يطلعوا الفرن هنا فالسطح عشان اللي يطلع نسويه بسرعه

نعمه....وانا هخلي الولا لاحه وصالح يجيبوا الفرن بتاعي انا كمان اهو يساعد

مديحه...اه كده احسن انا قايله لزين يجيب بتاعي انا كمان

فاطمه...3 افران كده حلوين اوي

طلعوا البنات كلهم مع بعض

منار...ايه ده الله احنا هنعمل الكحك هنا فالسطح

فاطمه...ايوه يا بنتي امال هنعمله فين الشقق متقضيناش لاكن هنا فالسطح المكان واسع وهوا

ناريمان....يلا كل سنه وانتوا طيبين يارب ويعود عليكم الايام بخير

نعمه...علينا كلنا ياناريمان

ناريمان...يارب يا ست نعمه والله اللي يعاشركم لا بيفكر هو دينه ايه ولا ده عيده ولا لا

مديحه...احنا كلنا واحد يا ناريمان مفيش فرق بينا واللي بيجمعنا حب وعشره طيبه وخوف علي بعض

سهير...ربنا يديم المعروف بينا ديما يارب وما يفرق بينا ابدا....صحيح بالمناسبه انا بكره هطلع وانزل عليكم انتوا عارفين الكوافير اليومين دول بيبقي زحمه ازاي عشان بس ماسبش البنات

فاطمه...ياختي خليكم انتوا في شغلكم احنا كتير وهنخلص علي طول شوفوا اكل عيشكم

سهير...لا ازاي ميصحش طبعا وبعدين ده انا بستني اليوم ده بفارغ الصبر عشان نتجمع ونضحك ونساعد بعض

مديحه...اهو كل ما تحسي ان الدنيا رايقه اطلعي ولو البنات احتاجوكي انزليلهم

توته...بكره ان شاء الله معنديش صبغه ودي اكتر حاجه متعبه الايام اللي فاتت كان شغل كتير وصبغه كتير اللي جاي بقي سهل

نعمه...يا اختي الله اكبر هتحسدي نفسك يا بت انتي طول السنه رتستني الزباين

توته ..اه والله ياخالتي انا شغلب مله في الاعياد واعياد المسيحين وخلصت

فاطمه...ربنا يجعل كل ايامنا اعياد يارب

الكل يارب

مديحه...مالك ياروحيه ساكته ليه

روحيه...اقول ايه انتوا مديين لحد فرصه يتكلم نازليين رغي مبتفصلوش😒

سهير...انتي ياوليه علي طول قرفانه من روحك ومننا كده

وبعدين ماتتكلمي هو حد ماسك لسانك

روحيه...ولولوا عليكي ساعه وسكتوا

سهير...انتي بتدعي عليا كده ياروحيه ده انا حتي بحبك وجيبالك بسبوسه من اللي بتحبيها

روحيه...ياختي انشالله يخليكي انا مقصدكيش انتي عارفه اني انا بحبك انا اقصد مديحه

ضحكوا كلهم

مديحه...كده ياروحيه بعتيني في ثانيه

وفالوقت ده سمعوا

مدفع الافطاااااار أضرب

والشارع كله اتملي صواريخ وبمب والاذان أذن

جريوا البنات ومعاهم امهاتهم وقفوا من فوق يتفرجوا علي الشباب وهما بيوزعوا البلح والعصاير وبيدخلوا الناس تفطر فالمائده

أبتسامتهم علي وشوشهم بسبب المنظر المبهج مكانتش تتوصف ولا تتقدر بمال

وعد...الله شكلهم حلو اوي

منه...اه اوي انا هاين عليا انزل اوزع معاهم

توته...اه والنبي يابت يامنه انا لولا ادهم كنت نزلت

رحاب...انا من اول رمضان بتحايل علي بابا واخواتي مش راضيين

فاطمه...ماهو مينفعش تنزلو في وسط الشباب بردو يابنات وبعدين اخواتكم اهم مش مقصرين

منار...ياست الكل ماحنا عارفين احنا بنتكلم عالمنظر الجميل ده يفتح نفسك انك تعملي حاجه حلوه تاخدي عليها حسنات

شمس...ايوه والله عندك حق يامنار

بوسي...الناس غلابه بتفرح وبتستني رمضان عشان المنظر ده يفرحهم اكتر

سهير...اه والنبي يابت يا بوسي المصريين اغلب من الغلب واي حاجه بتفرح قلبهم.

نعمه...رمضان كله خير وبركه

مريم...بصراحه انا بحب اي موسم ليكم بحس اني مبسوطه وبحتفل بيه زي زيكم

مديحه...احلي حاجه فالدنيا روح التعاون والحاجه اللي بتطلع من القلب بنيه خالصه لله عشان كده المنظر اللي تحت ده واصلنا ومفرحنا ومخلينا غيرانين اننا مبنعملش زيهم

شهد...صح ياخالتي والله انا حاسه اني غيرانه منهم

فالشارع..

زين....عمر ولا ياعمر تعالي

عمر...ايوه ياعم زين

زين...بتعمل ايه

عمر...كنت بوزع البلح مع عم چو وخلصت

زبن...طيب امسك الشنطه دي تجري بسرعه تفطر امك واخواتك جري الاذان اذن ولسه مفطروش

عمر...ربنا يخليك ياعم زين بس امي عامله اكل حرام نديه لحد محتاج

زين...بابتسامه جدع يالا مابتاخدش اكتر من حقك بس زي مانت شايف الكل كل واتراضي ومفيش حد جعان في حاره السعاده 🤨 روح لامك يالا محدش يقول للرزق لا وامسك المبلغ ده تديه لامك في ايدها كله عشان تنزل تجبلك انت واخواتك لبس العيد وربنا ياعمر لو سألتها وقالتلي مخدتش منه حاجه لا هعلقك

عمر...عيب ياعم زين انت تعرف عني كده انا تربيتك انت وعم ادهم وعم هيما وكلكم

زين...ماشي اما اشوف تربيتي يلا جري وتعالي تاني عشان هتفطر معانا فوق عالسطح

عمر...هوا خمسه وهكون هنا جري عمر بص عليه زين وهو بيجري ابتسم وشاف نفسه وهو صغير في عمر...عشان شايل زيه المسؤوليه من وهو صغير. رجع تاني زين بسرعه من شروده ...

زين...عامر شوف حد محتاج حاجه

عامر...كله تمام يا زينه الرجال

كيمو....ولا يازين بقول ايه انا ثانيه كمان وهفضحكم

زين..في ايه ياض عايز تدخل الحمام ولا ايه😳

كيمو...ياعم بلاش قرف حمام ايه جعان

هيما...بيت امك ياض انت علي طول جعان

كيمو...خليك في حالك يابتاع الچيم ياض انا لو سبتلك نفسي وانت جعان هتاكلني

هيما...عشان بحرق يابغل مش زيك

حط كيمو ايده علي كتف هيما عارف يالا يا هيما انا ما بجيش الچيم ليه

هيما...ليه ياخويا ان شاء الله

كيمو...عشان لو جيت في ظرف شهر هبقي فورمه وهغطي عليكو

هيما...طب وعهد الله ياكيمو انا موافق تعالي وهخليك فورمه واحسن مني كمان

زين...اهو حلفلك

كيمو...انت ما صدقت ياعم انا مقدرش عالچيم

هيما...هاجي معاك واحده واحده ولما الاقيك اتعودت هنشد بس بردو واحده واحده

ميمو...افكر🙄

هيما...وحيات امك ما هسيبك وهفضل وراك لحد ما اخليك اجمد شاب فيكي ياسيده زينب

عامر....بص لكيمو ده بيحلم

كيمو...بضحك والنبي مافي حد فاهمني فالعيال دي غيرك يا عامر انت قلبي

عامر...وربنا انت الحته الشمال بتاعتي

زين...لهيما بقول ايه يلا نشوف الناس دول ابتدوا وصله الحب مش هنخلص

هيما...يلا مش هسيبك ياكيمو

عادل...يا بوب هات عيش هنا بسرعه

ايهاب...عنيا

خلص بسرعه الوقت وابتدوا الناس يخرجوا من المائده وكل ده والبنات بتتفرج عليهم وكل واحده فيهم باصه لحبيها بأبتسامه حب

واستنوهم لحد ما خلصوا نزلوا البنات جابوا الاكل بسرعه وطلعوا الشباب والرجاله الكبار وراهم

عشان يفطروا مع بعض ويعيشوا يوم جميل بيستنوه كل سنه ويقضوه في ضحك وهزار وكلام طبعا مش هينفع يعدي اليوم من غير ما ايهاب وعامر يجمعوهم علي صوتهم الحلو. 😉😉😉😉❣️

الفصل السابع والثامن من هنا

بداية الروايه من هنا

إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇