رواية ليتك تعلم مابقلبي البارت الثالث بقلم أماني سيد حصريه وجديده على مدونة النجم المتوهج للروايات والمعلومات
 |
خرجت كلا من خديجه ونها من المكتب
فى مكتب السكرتاريه
نها تقوم بشغلها وتنظر لخديجه بتعالى ولا تهم بوجودها ولا تريد ان تعلمها الشغل
خديجه ممكن اعرف هتبدائى امته تعرفينى الشغل انا ممكن اساعدك على فكره
نهى بحده انتى مش شيفانى مشغوله دلوقتى استنى شويه لما اخلص هديكى حاجه تعمليها
خديجه طيب انتى ممكن تدينى ملف من دول اراجعه معاكى او ارقمه او اظبط جدول الاعمال بتاع انهارده
نها نظرت لها بحده لا مقدرش اغامر واديكى حاجه تعمليها لوحدك ساعتها شغلى انا اللى هيبوظ وانا مش واثقه فى شغلك صراحه وبالنسبه لجدول الاعمال ده تخصصى أنا حتى لو اشتغلتى مع زين بيه
خديجه بس بشمهندس زين طلب منك تعلمينى وانى اساعدك وانى أبدأ معاكى من انهارده اكيد سمعتيه وهو بيتكلم لانه قالك كده
نهى وانا قلتلك هخلص واديكى حاجه تعمليها يبقى تصبرى بقى
خديجه طيب ادينى قاعده مستنيه انا فاضيه عموما مش ورايا حاجه
جلست خديجه بجانب نهى تنظر اليها وهى تعمل حتى تستطيع ان تتعلم منها وبالفعل دون ان تشعر نهى استطاعت خديجه تعلم طريقه العمل
ولاحظت ترتيب نها لشغلها وسرعتها ف استخدام الحاسوب فهى لا تنكر ان نهى مجتهده وسريعه فى عملها ودقيقه جدا وهذا الشئ جعل خديجه تحسن الظن تجاه نهى فقد ظنت انها تفعل هذا معها خوفا على جودت عملها او انها تؤثر عليها فى عملها
بينما تتحدث نها فى سرها بابتسامه جانبيه ابقى ورينى بقى شطارتك وهتتعلمى ازاى فكرانى هبله انا اعلمك كل التفاصيل عشان اتركن وانتى تاخدى مكانى 😏😏😏
واثناء انشغالهم دخل سليم واول ما نظر الى خديجه تهللت اساريره
سليم . ايه ده معقول انسه خديجه ازيك عامله ايه وبتعملى ايه هنا
خديجه بشمهندس سليم ازى حضرتك انا الحمد لله انا هنا بتدرب على الشغل مع نهى عشان هبدا اشتغل مع بشمهندس زين من القصر انت عارف انه كان بيدور على سكرتيره تشتغل من القصر فماما ورده رشحتنى ليه وهو وافق
سليم معقول عموما الف مبروك دى خطوه كويسه انتى كده هتاخدى خبره هتساعدك بعد كده
على كده بقى هنشوفك كتير الفتره الجايه هنا وفى القصر
خديجه ان شاء الله لو اتعلمت طبعا
نظر سليم لنها
سليم . نها علمى خديجه الشغل كويس عشان دى واسطه من ورده هانم شخصيا خدى بالك منها يا نهى
دخل سليم غرفه زين
صباح الخير يا زين بس ايه السرعه دى انا قلت هتعد كام يوم وايه اللى طلعها فى دماغك كده
زين صباح النور يا سليم عيب عليك يابنى انت بتتكلم مع زين السالمى برضو
سليم طيب ليه عايزها تشتغل معاك يعنى
زين حاجه فى مداغى كده متشغلش بالك بيها انت ساعدتنى الصبح وتشكر على كده
سليم طيب حبيت اعرفك ان واضح كده من شكل نهى انها مش طايقاها ومش عايزه تعلمها الشغل
زين سيبهم لما نشوف اخرتهم ايه ونشوف العبقريه اللى سابقه سنها هتتعلم ازاى
سليم بقولك ايه صحيح شفت ورق المشروع بتاع حازم الخديوى التصميمات جاهزه انا ظبطتها امبارح وخلصتها عايزين نعد معاهم بقى و نشوف الدنيا فيها ايه انا سامع ان دلوقتى بنته هى اللى مسكه الشغل كله
زين انا بفكر أعمل عزومه عندى الجمعه الجايه واعزمهم وبالمره اعزم طنت الفت وعمو محمد عشان
سليم تعزم بابا وماما ليه هتدخلهم فى المشروع هما كمان
زين لا بقالى فتره مشفتهمش وماما وحشتها امك او اهم يتسلو مع بعض واحنا نتكلم فى الشغل
سليم طيب خلاص هجهز الورق والتصميمات وابعتهملم عشان لما تعزمهم يبقى كل حاجه جاهزه
زين طول عمرك جاهز يا صاحبى
فى مكتب السكرتاريه
نهى انتى تعرفى زين بيه ومامته من امته انتوا قرايب او معرفه من زمان
خديجه باقتضاب . ممكن تساليه خليه هو يجاوبك
نهى . صمتت حقد وهى بداخلها تفكر كيف يمكن ان تتخلص من خديجه فى العمل
مر اليوم دون حدوث اشياء جديده سوى ان خديجه تعلمت كثير من الاشياء من نهى دون ملاحظه نها لها او مراقبتها لها فى صمت لدرجه ان نهى ظنت ان خديجه فقدت الامل فى انها ستتعلم منها ولا تعلم نها ان خديجه كانت تتعلم منها كل حركه فى صمت وفى نهايه اليوم خرج زين من المكتب وذهب لخديجه التى تجلس تراقب نها
زين خديجه وقت الانصراف جه يلا بينا
خديجه تمام انا جاهزه يلا بينا
رفضت انها تخبره ما فعلته نها معها و انها رافضه تشاركها معها فى العمل كما ابلغها زين او بطريقه تعاملها معها فهى تتعامل معها بتعالى كى لا يظن زين انها تريد عمل مشاكل
بمجرد خروج زين وخديجه اتصلت نها بشخصاً ما
نها اه فى جديد فى واحده انهارده جت مع زين ومشيت معاه برضوا جم وروحوا مع بعض
الشخص طيب متعرفيش مين دى او تقربلوا ايه
نها لا حاولت اعرف منها اى حاجه ومعرفتش وبرضو شكلها تعرف سليم كويس
الشخص طيب عينك عليها ولو فى اى جديد تبلغينى وحاولى تعرف علاقتها ايه بيهم فتحى عينك كويس
نها طيب حاضر مع السلامه
دخل زين وخديجه القصر وكانت ورده تجلس فى الردهه فى استقبالهم
ورده بابتسامه اهلا اهلا عاملين ايه ويومك كان عامل ايه فى الشغل انهارده يا خديجه
خديجه الحمد لله يا ماما كله تمام هخلص الغدا واحكيلك كل حاجه
ورده هو انا هستناكى عشان نتغدا الغدا الشغالين حضروه من زمان روحوا غيروا هستناكم تنزلوا ونتغدى على طول
خديجه بزعل مصطنع ليه كده يا ماما مستنتنيش ليه اجى احضره انا الظاهر كده انك مبقتيش تحبى اكلى
ورده لا ابدا يا حبيبتى انا استجرا برضوا بس لما تخلصى تدريب ابقى اعملى فى المطبخ اللى يعجبك
خديجه حاضر يا حبيبتى تسلميلى يارب ذهب
كلا من زين وخديجه لغرفهم وانتهو من تبديل ملابسهم واجتمعوا على السفره
زين ماما صحيح يوم الجمعه الجايه فى عزومه غدا ان شاء الله
ورده عازم مين يا حبيبى
زين فى عميل جديد وبنته عازمهم هنا وسليم وباباه ومامته وعمى وبنته ونظر لخديجه وقال . وانتى برضو يا خديجه اعملى حسابك انتى هتبقى معزومه معانا عشان هنتكلم فى الشغل وتاخدى بالك كويس من اى ملاحظات هيقولوها تسجليها كويس وتكتبيها على الاب توب وتطبعيها وتحطيها فى الملف مع ورق المشروع
خديجه خلاص تمام انا هاخد بالى كويس وسيجل كل حاجه
زين انا هطلع اريح شويه فى اوضتى ساعه كده واستنينى فى المكتب عشان نبدا شغل
ورده احكيلى بقى يا خديجه يومك كان عامل ازاى فى الشغل انهارده
خديجه مافيش حاجات كتير حصلت بس السكرتيره بتاعت زين دى ايه بومه بالرغم انها شاطره فى شغلها الا انها بتتكلم بتعالى وتكبر كده مش فاهمه ليه ولبسها ده كوم تانى هى لابسه ومش لابسه ومكنتش عايزه تعلمنى اى حاجه فى الشغل ومخلتنيش اعمل حاجه
ورده طيب انتى ناويه تعملى معاها ايه وهتتعلمى الشغل ازاى
خديجه انا حسستها انى خلاص فقدت الامل فى انها تعلمنى حاجه فى الشغل وهى صدقتنى بس انا اتعلمت كل خطواتها فى الشغل وتقريبا اتعلمت نص الشغل يعنى يومين كده وهبقى كانى مولوده سكرتيره
ودره شاطره يا خديجه مايتخفش عليكى
اما عند نور وباباها صالح
نور تجلس على اللاب توب وتقوم بإرسال تصميمتها والسى فى بتاعها لاكتر من شركه ازياء كى تعمل معهم فى تلك الأثناء دخل عليها والدها
صالح نور زين كلمنى وعزمنا على الغدا يوم الجمعه
نور حاضر يا بابا انا فاضيه وهاجى مع حضرتك
صالح .هو انتى وزين محددتوش معاد الفرح ليه لحد دلوقتي
نور زين دايما مشغول وانا مش هروح اعرض نفسى عليه واقوله والنبى يا زين تعالى اتجوزنى
صالح وماله لما تكلميه او تلمحيله ده ابن عمك برضو مش غريب وغير كده انتوا مستنين ايه الاول كنتى مستنيه تتخرجى واديكى اتخرجتى مستنيين ايه بقى لما يكون نفسه ولا لما يجيب شقته انا مش فاهم لازمته ايه التاخير
نور انا مش فاهمه انت مستعجل ليه عموما يابابا ربنا يسهل هلمحله حاضر
صالح مستعجل ايه لا انتو اللى طولتوا اوى المفروض انكم كنتوا اتجوزتوا من زمان عموما ملحوقه ان شاء الله انا ليا معاه كلام
انتى قاعده مركزه اوى بتعملى ايه على البتغع ده
نور مافيش يا بابا انا كنت ببعو ال c.v بتاعى والتصميمات لشركات ازياء ومستنيه الرد
صالح نعم ليه ان شاء الله من قله الشركات عندنا انتى عايزه التاس تقول علينا ايه مش لاقيين مكان عندنا نشغلها فيه كلمى زين وانزلى أبدأى اتدربى معاه ف الشركه بلاش لعب عيال
نور بعصبيه . يابابا لو سمحت سبنى مع لعب العيال بتاعى ده للاخر خلينى اعمل حاجه بحبها من نفسى لو عايزنى اتجوز زين وأكمل معاه سبنى براحتى كفايه انى دخلت هندسه عشان دى كانت رغبتك رغم انى مش بحبها سبنى لو سمحت اهمل اللى مقتنعه بيه من غير ضغطت
صالح .ماشى يا نور هسيبك مع انى مش مقتنع بس عشان مترجعيش تقولى بجبرك
نور ماشى يابابا شكر انا هنام دلوقتى تصبح على خير
صالح وانتى من اهل الخير
ياترى مين الشخص اللى نها بتوصل اخبار زين ليه ؟؟؟
ياترى خديجه هتقدر تتعلم الشغل بسرعه زى نها ولا هيبقى ليها اخطاء ؟؟؟
ياترى زين هيحدد معاد فرحه امته ورد غل خديجه ايه ؟؟؟
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
اتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
