رواية حب المشاغبين الفصل الحادي والعشرين والثاني والعشرون والثالث والعشرون بقلم الكاتبه حنين هاني حصريه وجديده على مدونة النجم المتوهج للروايات والمعلومات
رواية حب المشاغبين الفصل الحادي والعشرين والثاني والعشرون والثالث والعشرون بقلم الكاتبه حنين هاني حصريه وجديده على مدونة النجم المتوهج للروايات والمعلومات
احمد. اي ده اسمها مريم
بيلا. ايوه اسمها مريم ياحنين
احمد. طيب انتي مالك مضايقه ليه
بيلا. مريم دي الي حكتلك عليها هي دي الي بتحب مراد
احمد. طيب ومالو هو انتى اصلا فاكره ان هي بتحبو يابنتي الموضوع لو كان حب مكنتش سكتت بصي انا خدت رقم ابوها وهكلمو وهخطبها
بيلا. اي الحلو وقع ولا اي
احمد. عايزه الحق ولا ابن عمو
بيلا. الحقيقه
احمد. بصراحه عجبتني وانا مش لسه هتعرف فهتكلم علي طول
بيلا. خلاص كلمو وشوف اي الدنيا
احمد. ماشي هقوم اكلمو
بيلا. يابني انتا معندكش صبر استنا لغايت الصبح
احمد. انا لسه هتسنا انا هكلمو عشان اقولو اشوفو بكره
بيلا. ده انتا بني ادام غريب ياجدع اي مفيش صبر
احمد. اه انا عايز اخطب واتجوز انتي زعلانه ليه يابايره انتي
بيلا. طيب وحيات امك ماسهيبك وجريت وراه في الشقه بقا انا بايره ياحيوان انتا
احمد. اعلمك اي منتي مش راضيه تجوزيني
بيلا. ياحيوان مش راضيه عشان بقولك كلم ابوها الصبح
احمد. طيب انا راجل بيحب السرعه اعمل ايه
بيلا. انشالله تولع كنتك نيله
احمد. بردو بايره وجري وسبها
بيلا. طيب مفيش عشا بقا
احمد. لا خلاص انا اسف انا الي باير وضحك واعدو يضحكو ورن فونها
احمد. قومي ردي يختي قومي وبعدين لازم تفهمي ان في حدود يعني لازم تعرفيني كل حاجه
بيلا. بتكلمني انا ياض
احمد. لا ياقلبي ده انا بكح
بيلا. اه. بحسبوراحت ترد عليه
مراد. اي ياحبيييي
بيلا. حبك برص عايز اي
مراد. اي يابنتي انتي فين الرقه والانوثه
بيلا. هو كده عجبك ولا اقفل
مراد. لا انتي قمر في كل حالاتك
بيلا. عارفه
مراد. ماشي يختي المهم عايز اقابلك بكره عشان عاوزك في موضوع
بيلا. موضوع ايه
مراد. هنتكلم في موضوع الشغل عشان نبدا
بيلا. ده بجد بس ازاي انتا لسه تعبان
مراد. لا انا زي الفل طول منا معاكي
بيلا. خلاص اوكي بكره نتقابل الساعه خمسه
مراد. ماشي ياحبيييييي يلا باي وقفل
عند احمد
احمد. مساء الخير والد مريم معايا
عثمان. ايوه مين معايا
احمد. انا اسمي احمد كنت عايز حضرتك في موضوع
عثمان. خير انشاء الله عايز اي
احمد.كنت طالب ايد بنت حضرتك وعايز اعد معاك ونتعرف
عثمان. ماشي يابنيي مفيش مشكله تحب نتقابل امتا
احمد. بكره لو مناسب
عثمان. ماشي ياحبيبي بكره نتقابل الساعه سبعه علي النيل
احمد. ماشي شكرا لحضرتك وقفل
تاني يوم
نزلت بيلا الكليه هي واحمد
احمد. هروح انا بقا لما اخلص هرن عليكي
بيلا. اوكي ومشيت راحت على المكتب لقت مازن
صباح الخير اي الاخبار
مازن. ياصباح الفل اي الابتسامه الحلوه دي
بيلا. مرسي تسلم انهارده في عملي
مازن. ايوه بس هقولك علي حاجه دقيقه ومشي راح مكتبو ورجع وداها تذكره
بيلا. اي دي
مازن. دي تذكرة الرحله بتاعت السخنه
بيلا. اوه السخنه كمان
مازن. ايوه الكليه عملت رحلة اربع تيام وبصراحه حبيت اهداكي بيها
بيلا. اوكيه قبلتها بس لازم ادفع حقها يالاه مش هعرف اقبلها
مازن. دي حاجه بسيطه خالص مش. محتاجه
بيلا. نووو لازم ادفع تمنها
مازن. خلاص ياستي تمنها 500خليهم بقا وانتي اعزميني بيهم النهارده
بيلا. اوكيه تمام بس هطلب الاكل دلفيري لاني ورايا مشوار
مازن. خلاص اوكيه
وراحو علي المعمل عشان تبداو شغل وبعد مخلصو اتغدو ومشيت بيلا راحت تقابل مراد
بعد نص ساعه
بيلا. هو انتا شايل الفون ده زينه ولا لابس الساعه ده منظره هو انتا مش واخد بالك ان الساعه بقت سته وحضرتك لسه جاي
مراد. بصراحه كنت نايم وصحيت خمسه ونص
بيلا. اه يعني كمان لما كلمتك كنت بتضحك عليا وانتا لسه صاحي وقال اي معلش اصل الطريق زحمه معلش اصل في حادثه
مراد. مخلاص بقا يابت المهم تشربي اي
بيلا. شربت خلاص
مراد. نادله المهم تعالي نتكلم علي الشغل عشان نبدأ فيه من يوم السبت
بيلا. لا السبت مش هكون موجوده اصلا
مراد. ليه يختي واركي اي
بيلا. رحله طالعه رحله
مراد. رحله اي هو انتي فاكره نفسك لسه طفله
بيلا. اي يابني الكليه عامله رحله للسخنه وانا طالعه
مراد. اي ده بجد طيب مقولتيش ليه
بيلا. والله الموضوع عرفتو انهارده واصلا التذكره كانت جايلي هديه
مراد. من مين ان شاءلله يختي
بيلا. من دكتور مازن زميلي كان جبيهالي وانا مرضتش
مراد. سبحان الله مش بينزلي من زور يعني راحه
بيلا. ايوه
مراد. وهو رايح كمان
بيلا. ده اكيد
مراد. ماشي وانا كمان رايح
#رواية_حب_المشاغبين
بارت22
بيلا. نعم هتروح فين انتا عبيط
مراد. بت انتي بتغلطي
بيلا. اه انتا مش شايف بتقول اي هتتطلع فين انتا مش شايف انتا متجبس ازاي
مراد. اي المشكله عايز اغير جو
بيلا. تغير جو وانتا متكسح كده
مراد. حاسس انك بتذليني سيكا وشمتانه فيا
بيلا. انا لا ابدا بس انتا واحد متكسح دلوقتي هتتطلع رحلة هتعمل ايه
مراد. يعني اسيبك تتطلعي والواد الممحون ده معاك
بيلا. واد. يابني ده دكتور واي ممحون دي
مراد. ياستي هو كده هو مش بينزلي من زور وبيعد يسبلك
بيلا. طيب وانتا زعلان ليه يعني
مراد. اصل انا مبحبش صحبتي تبقا صحبت حد غيري
بيلا. ياشيخ ده ازاي بقا
مراد. هو كده انا مبحبش صحبتي تبقا صحبت حد غيري انا كده انتي زعلانه ليه
بيلا. انا مش زعلانه انا بس خايفه عليك
مراد. لا ياحبي متقلقيش ده هبقا زي الفل طول منا معاكي
بيلا. اممم ماشي برحتك
عند احمد
احمد. سلام عليكم استاذ عثمان علي معادنا صح
عثمان. لا معلش يابني تعبت ومش هقدر انزل تقدر تشرفني في البيت لو تحب
احمد. طبعا طبعا معنديش مشكله ممكن اعرف العنوان
عثمان. اه هقولك العنوان*..........*
احمد. خلاص تمام ساعه وكون عندك وقفل
انا بقا هوريكي الي عندي يارب بس اشوفها
عند عثمان. مريم في ضيوف جايه
مريم. مين دول يابابا
عثمان. البسي انتي بس وهتعرفي بعدين
مريم. طيب
يترا مين جاي يكونش هيجبلي مرات اب عقربه بس لا ابويا ميعملهاش اومال مين
طيب انا شغاله بالي ليه ياخبر دلوقتي بفلوس شويه هيبقا ببلاش
وبعد ساعه وصل احمد
فتح ابوها الباب ودخلو
عثمان. نورتنا يابني
احمد. ده بنورك والله بص حضرتك انا مش هلف ودور انا شوفت بنت حضرتك مرتين كده بس بصراحه في خناقه فا طالب القرب منك
عثمان. وانتا بقا بتشتغل اي ومنين وعندك كام سنه يعني عايز اعرفك عرفني عنك
احمد. اسمي احمد عندي 25لسه مخلص دكتوراه في المحاسبة والمعلومات والبيزنيس وقدمت ورقي في الكلية واتقبلت ودلوقتي بقيت دكتور ولسه هعمل بيزنيس خاص ليا
واما عن اهلي فا ابويا متوفي واحنا من الغردقة امي عايشه هناك وليا اخت كبيره دكتوره في فنون جميله وبس ماليش اخوات تاني
عثمان. طيب يابني الي فيه الخير يقدمو ربنا انا بردو الراي رايها انا معنديش غيرها
طلعت مريم بالعصير
مريم. اتفضل؟ هو انتا انتا اللي جابك هنا
احمد. مش هينفع ارد عليك دلوقتي عشان في بيتكو
عثمان. مريم مينفعش كده اتكلمي كويس مع دكتور احمد
مريم. دكتور مره واحده ده اخرو واحد صبي
احمد. سبها براحتها اكيد مش قصدها وبعدين دي مريم بتحبني هي بس مكثوفه منك بس هي قالتلي انا مش قادره اعيش من غيرك
مريم. اه
احمد. ايوه انتي وسكتي خالص
عثمان. خلاص ياولاد تحب نقرا فاتحه المره دي والمره الجايه تجيب اهلك ونتفق ونلبس دبل
احمد. طبعا ماشي وقراو الفاتحه ومشي
عند بيلا
مراد. الجو حلو اوى
بيلا. اه فعلاً واعدو ساكتين شويه
مراد
مراد. نعم
بيلا. ليه مقولتيش انك من الاول عارف اني تعبانه
مراد. انتي عرفتي
بيلا. ايوه عرفت من ماما بس انتا ليه يعني اتعملت كان مفيش حاجه حصلت ليه مقولتيش
مراد. محبتش اضغط عليكي حبيت ان اسيب كل حاجه علي راحتك عشان لما تحكي تحكي من نفسك مش تحكي وانتي مغصوبه
بيلا. مع انك مجنون ودماغك طقه بس عاقل اوي
مراد. ايوه طبعا يابنتي ده انا اعجبك اوى
بيلا. تبا للغروك وبعد شويه من الكلام والضحك
يلا عشان اروحك
مراد. لا ياباشا انتي تلحقي تروحي عشان علاجك
بيلا. لا مش هينفع اسيبك لازم اوصلك
مراد. طيب يلا علشان متتعبيش
روحت بيلا مراد وبعدين روحت لقت احمد اعد في الصاله وفرحان
بيلا. عملت اي ياعريس الغفله
احمد. قريت فاتح والاسبوع الجاي هنلبس دبل ونجيب امك
بيلا. اي حيلك حيلك كل ده
احمد. ايوه يلا بقا انا داخل انام
بيلا. الواد اتجن خلاص
عدا الكام يوم بدون احداث
بيلا بتروح الكليه وترجع تكلم مراد
احمد بيكلم مريم وبيستفزها عشان تكمل معاه
مراد حجز التذكره عشان يطلع الرحله
جيه يوم الجمعه وراح احمد مع بيلا ومامتو عشان يلبسو الدبل
والموضوع تم ومريم عشان احمد استفزها هي وافقت
وخلص اليوم وجيه يوم الرحله المنتظر
#رواية_حب_المشاغبين
بارت23
جهز الاتوبيس والكل ركب عشان يسافرو
مراد بعت رساله لبيلا
مراد. يعني ايه اكون جاي عشان اعد جمبك القي هو اعد
بيلا. عشان هو برقم التذكرة ياذكي عشان كده اعد جنبي
مراد. ماشي ياقطه اعدي
بيلا. منا اعده الله هو انتا زعلان ليه اصلا
مراد. لا مش زعلان ولا حاجه وراح قفل
بيلا في دماغها
امممم ده الموضوع في غيره ونار بيغير الاستاذ مراد بيغير يلا خليه يغير ممكن ينطق ولا حاجه اما نشوف ناوي ينطق امتا
عند مريم بتكلم احمد فون
احمد. انتا ازاي تسافري من غير ماتعرفيني
مريم. بصفتك مين
احمد. انا خطيبك
مريم. بالغش انتا مش عارفه عكيت الدنيا فوق راسي ومره واحده لقيت نفسي مخطوبه وبابا صدقك بقولك ايه انتا لو عملت كده عشان انا اتخنقت معاك كذا مره يبقا سبني احسن لان انا بقولك اهو انا علي الي حصل
احمد. ياريت الموضوع زي منتي فاكره وقفل بعدها
مريم. يعني ايه انا مش فاهمه حاجه خالص هومعقوله اعجب بيا بس ازاي يعني اكون متخنقه وبهدلتو وفي الاخر يعجب بيا انا مش عارفه
وبعد ساعتين وصلو السخنه
وتبدأ المغامرات من هنا
كل واحد دخل علي اوضتو عشان يرتاح اول مابيلا دخلت لقت فونها بيرن
بيلا. احكي
مراد. انتي هتنامي لا مفيش نوم تعالي هعزمك علي الاكل انا جعان
بيلا. عاوزه اكل سوشي
مراد. انتي بتكلي سمك ني مجاش في بالي يوم ان واحده تجي تقولي عاوزه سوشي
بيلا. ده تحفه بص هتنزلني دلوقتي يبقا ناكل سوشي
مراد. طيب ماتسيبك من السوشي بتاعك ده وتعالي اعزمك علي سمك ده احنا في السخنه حته
بيلا. نووووو ياسوشي هينام
مراد. خلاص يختي تعالي هاكلك سمك ني تعالي
بيلا. خلاص هيغير ونزل
مراد. اوكيه باي
اما بقا ياواد يامارو تعالي دلع نفسك وظبط الاداء وفتح بقا الشنطه وطلع طقم و روأ علي نفسو وحط البرفن بتاعو ونزلها
مراد. فينك
بيلا. فيني اي هو انا لسه لبست علشان فينك
مراد. يختتتااييي هو انتي منهم
بيلا. من مين
مراد. من البنات الي بتعد تلت ساعات بتجهز
بيلا. مش بظبط يعني يعني علي حسب مدا الروقان
مراد. اه يعني عقبال ماتنزلي اكون انا كلت نفسي
بيلا. ياعم خلاص ربع ساعه وهنزل وقفلت
عند مريم دخلت الاوضه وجايلها احساس انها عايزة ترن عليه بس بردو مش عاوزه لغايت مامسكت الفون ورنت
مريم. احم انا وصلت
احمد. تمام خلي بالك من نفسك وقفل على طول
هو ازاي يكلمني كده انا غلطانه اني كلمتو اصلا هو فاكر نفسو مين لا مش عشان هو دكتور هيتغر عليا ويتكبر ده اي ده وغيرت ونامت
عند مازن
مازن. انا لو كلمتها دلوقتي اكيد تعبانه من المشوار خلاص هرتاح واكلمها بليل
بعد ساعه نزلت بيلا
بيلا. احم انا خلصت متاخرتش صح
مراد. لا أبداً الموضوع كلو مش مستاهل يعني ده كلهم ساعه ونص
بيلا. اه صح عندك حق بس كلو عشانك
مراد. اه طبعا طبعا وبعدين اي الاوفر الي علي وشك ده
بيلا. ده الميكب بتاعي بتقولي عليه اوفر
مراد. ايوه مش شايفه مكتره ازاي انتي جميله من غير حاجه
بيلا. وانتا اصلا ايش دخلك في الميكب بتاعي وحش حلو ايش دخلك
مراد. منا يعني بقولك انك احلا من غيرو
بيلا. ايوه اشمعنا يعني ايس دخلك
مراد. هو كده انا مبحبش صحبتي تبقا شكلها اوفر وملفت امسحي بقا منو شويه علشان متكره اوي
بيلا. لا مش ماسحه وبعدين كل ماتكلمني تقولي محبش صحبتي تبقا كده
مراد. ايوه عشان انتي صحبتي وبقولك الحقيقه بس براحتك وقلب وشو
بيلا. خلاص ياعم انا بنكش فيك
مراد. طيب يلا امسحي
بيلا. طيب مش ماسحه بقا ويلا عشان ناكل ولا غيرت رايك
مراد. قدامي ده انتو صنف مايقدرش عليه غير الي خلقو
بيلا. بتقول حاجه
مراد. لا أبداً بكفر عن ذنوبي
ومشيو شويه عقبال مالقو محل سوشي
مراد. يلا تعالي شوفي هتجبي اي
بيلا. منتا هتاكل معايا
مراد. لا ياحبيبتي انا ماليش في الاكل الفافي ده انا هاكل سمك
بيلا. منتا لو ملكتش معايا سوشي انا مش هاكل
مراد. انا مش بحب البتاع ده
بيلا. لو حلو تعالي بس وخدتو ودخلت وجيه المنيو وبص فيه مش فاهم في حاجه
مراد. امانه عليكي اي ده ده اكل طبيعي زي الناس
بيلا. ده ياباني وصينيي ص متقلقش انا هطلب ليك معايا
مراد. اطلبي يختي اطلبي وجيه في بالو جملة ريان اخوه
بص عايز تكسبها شاركها اي حاجه هي بتحبها
مراد. ده مش حب ده تلبك معوي منك لله ياريان انا غلطان عشان بمشي وراه كلامك كان لازم اسمع كلامو وقولك تعالي نتغدا بس لحظه كده فكر ان ممكن مازن كان يعمل نفس الحوار وعشان ميزعلاهاش هياكل الي هو مش بحيبو وساعتها بيلا هتحبو واستوعب لحظه كده والله الواد ريان ده بيفهم كويس انو قالي
بيلا. اي يابني روحت فين
مراد. لا انا معاكي
بيلا. طيب تفتكر المشروع هينجح
مراد. طول منتي عندك امل هينجح وبعدين كفايه اني هبقا شريك معاكي يعني وهعملك دعايا
بيلا. علي فكره انا الي اتنزلت ووافقت اني ادخلك معايا
مراد. لا ياشيخه
بيلا. ايوه طبعا
مراد. لا ياحبيبتي ده انا المهندس سيف يعني لو قولت لاي حد هيوافق
بيلا. تبا للغرورك
مراد. لا ده مش غرور دي ثقه
بيلا. خلاص سيبك من كل دلوقتى انا كده كده قولت اكسب فيك ثواب ونتشغل سوا
مراد. لا اصيله يام رحاب والله قولي يختي
بيلا. انتا دلوقتي بتحب انهي اسم سيف ولا مراد
مراد. بصي عمتا انا بحب الي يقولي مارو قولتي مارو يبقا كسبتيني
بيلا. ايش معنا يعني
مراد. اصل مفيش غير ماما الي بتقولها فا انا اتعودت تقولي مارو اقولها اي ياقلب مارو من جوه فا انا بحبو اوي بصراحه
بيلا. ماشي يامارو
مراد. ياقلب مارو من جوه
بيلا. وجع في قلبك
ونزل الاكل ومراد مش عارف ياكل وفي حالة صمت رهيبه
بيلا. بص انتا بتمسك دي كده وتعملها كده وتاكلها بصلها مراد وقالها
وانا تاعب نفسي ليه ومسكها بايدو وكل واعدت بيلا تضحك وفضلو في نكش لغايت مخلصو اكل
يتبع
🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺
متخرجوش كل حاجه عوزينها عندنا واتفضلوا حضراتكم كملوا معنا هنا 👇 ❤️ 👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق