سكريبت الاسمر نور الفصل السادس والسابع والثامن والتاسع بقلم نور حصريه وجديده على مدونة
 |
مشاعر جديدة عم تخلق بين علي ولمى وبنفس الوقت الخوف من يلي جاي
وقبل أذان الصبح قامت لمى ورجعت لغرفة مرت عما
لحتى تفيق مطمنة انها لساتا عندا
***
بعد ماطلع علي على شغلو
ام علي: لمى خلصي لتروحي معي ع الدكتور
لمى: حاضر مرت عمي بس بقي نضف المطبخ
ام علي: يلا تستعجلي بس تخلصي انا بغرفتي ناطرتك
علي: وقفت انطر الرائد صفا لطلعت وركبت فورا وشكلا مزعوجة لدرجة طلعت الباكيت وبلشت دخن كل الطريق واول مانزلت بلشت بهادل بلعناصر
***
بالضيعة
نزلت مرام مع عمتها كوثر واشترت فستان للخطبة
وكلشي بخصو
كوثر: شبك لك عمتي هاد شكل وحدة بكرا خطبتها
مرام: بحزن ااخ ياعمتي شو بدو يكون شكلي وانا مغصوبة عليه
كوثر: يووه على هالحكي لك مرام نحنا ليش من ايمت مناخد براي البنت ولاحابة يصير مصيرك متل مصير لمى وبعدين شبو ياسين عين الله عليه كامل مكمل ورجال من ضهر رجال بقاا حطي عقلك براسك واوعك يطلع من تمك هالحكي مرة تانية
مرام: ياعمتي فهميني انا قلبي معلق بأبن عمي مهران ومابدي غيرو
كوثر: ومسكت راسها وليي عليي شو عم اسمع ولك مرام انت ناوية اخوكي يدبحك يخربيتك على هالحكي
وقفت ومسكتها من كتافها سمعيني منيح نحنا هون بضيعة منا بالمدينة حتى نحب ونتمعشق هون الكلمة للرجال وبس واذا اخوكي بقلك موتي بدك تموتي هالقصة طلعيها من راسك ومهران شيليه من بالك لانو هوبدو بنت ابو عبدو وبدن يخطبوها لاتخربي على حالك وتجني متل بنت عمك وصح ياسين عصبي ومجنون وايدو والكف بس انتي بتخليه يصير
وانتي واعية مابدو مين يعلمك شوفي يعمري انا كنت متلك خايفة كتير من عمك محمود بس وقت تزوجت ماكنت عارضو ابدا ودللو ع الطالعة والنازلة وبالكلام الحلو سرقت قلبو وصار بدو رضايي للرجال يعمري متل لولاد بس بدن مسايرة وريق حلو وطلة حلوة فهمتي عليي
مرام: وعم تمسح دموعها فهمت عمتي
كوثر: الله يحن عليكي ماتوطي راس اخوكي وسايري ياسين وتقبليه يكون قسمتك ونصيبك وانا معك ورح ساعدك بكلشي
مرام: يخليلي ياكي ياعمتي
***
ونحنا راجعين ع الحارةفي لحقونا شبين
٠٠٠٠ وليي على قلبي شو هالبياض لك يكفني اروح قتل
٠٠٠٠٠هلق هاد شعر ولا خيوط دهب وقلبك يادهب صافي مش متل غيرو مغشوش لك وليي على بعضي
ام علي: بحدةرح تنقلعو من هون ولابلش فيك وفيه
لعما على قلة الادب جيل والعياذ بالله
٠٠٠٠: شبك ياحجة طولي بالك هالقمر شو بيقربك لانو حابين القرب منك😏
ام علي:حبك برص الهي وفتلت عليه لك مو انت ابن صفية ولاااه الله يلعن هالترباية
٠٠٠ ايي بدك تاخدي موعد منا كرمال الحلوة وضحك هو ورفيقو بصوت عالي😂😂
ام علي: اذا مابتنقلع من خلقتي لحتى خلي الناس تتفرج عليك ياواطي ياقليل الادب دبارك عند ابوك ياازعر
علي: كنت راجع من الشغل وشفت امي ولمى واقفين مع شبين وشكلن عم يتخانقو وفار دمي من لبس لمى ومشيت لعندن بسرعة شوفي ياموو
ام علي : بخوف مافي شي ابني ومسكت ايدو امشي ع البيت
علي: بعصبية لا تجننني سماي نتر ايدو منا روحي انتي ولمى ع البيت يلااا ومسك الشب من تيابو شو كنت عم تحكي معن ولك حقير اااه
الشب الاول هرب وترك رفيقو
احمد: بخوف علي الله يوفقك لاتضرب والله ماحكيتن شي شحن اسالهن
علي: لا انا بعرفك ازعر ومكتر بس انو تقرب ع حريماتي هي مافيني اسكت عنا وضربو اول بكس وقعو بالارض ونزل لعندو واحمد عم يترجاه وهو عم يضرب فيه
ابو احمد:وجاي عم يركض علي لك شو عم تعمل جنيت بعد عن الولد ليش عم تضربو
علي: بعصبية هاد ولد مو شايفو قد الحيط وبعدين ياعمي ابو احمد انت بهون عليك حد يتحرش بحريماتك
ابو احمد؛ وعم يطلع بابنو لاوالله مابهون عليي وحقك على راسي من فوق وابني انا يلي ربيه انت ماتوسخ ايديك فيه
علي: وبعد عن احمد انا تركتو هالمرة كرمالك بس ماتلوني شو ماعملت اذا رجع عادهاا
ابو احمد : اذا بعيدها لحم الك والعضم النا ساوي يلي بدك ياه ورفع ابنو يلي كل وشو دم قوم الله يغضب عليك عطول مسود وشي بعمايلك كلو من دلال امك الله ياخدكن وريحني منكن امشي قدامي
علي" رجع ع البيت وسكرو بقوة وصرخ لمىىىى
لمى: بخوف تخبت ورا ام علي
علي:بصراخ بدي اقصف عمرك اليوم وقرب مسكها من شعرا
لمى: ااخ والله مادخلني دخيلك يامرت عمي
ام علي: وعم تبعد علي عنا ابني برضايي عليك تركها لي عم تضربهاا بعد عنا دفشتو وخلت لمى تهرب للغرفة
علي: بصراخ طالعة بهاد المنظر لبرا رجليكي وايديكي مكشوفين وفاردة شعرك وبتقولي ماعملت شي وبلش يكسر كلشي حوليه والله يالمى اذا بتطلعي مرة تانية هيك لقص رجليكي
من هون ورايح طلعة من البيت بلا حجاب وعباية ممنوع انا ماعندي نسوان تطلع بالقرعة بس مو الحق عليكي الحق على امي كيف بتسمحلك تطلعي هيك
ام علي :ايواا انا شو دخلني فيك وفيا هلق صار الحق عليي وتركتها الها
علي:ياموومشان الله خلص طلع من البيت معصب لدرجة كان عم يتخيل شكلها كيف خايفة منو اووف علي ماكان لازم تمد ايدك عليها انت الحق عليك ماقلتلا تلبس حجاب لي عم تلومها هي تربت هيك بس فار دمي وقت شفتا كيف طالعة يعني كم واحد شافها وشاف بياضها وعيونا يلي بجننوونعومتها وشعرا لحالو قصة رح رجن يالله بقيت عم اتفتل بالشوارع وفكرت انو لكل شافوها رح تموتني من القهر
****
جوري: مسالخير يااسمري
اووف مسكر نت وينو هاد بالعادة متل هيك بكون فاتح
لروح اتحركش ب فريال
بست ولييه
فريال: خير ياطير
جوري: وجع شبك ولييه لي صايرة لئيمة
فريال: اسالي حالك
جوري: سالتو لحالي قال مابيعرف عنجد شبك ؟؟
فريال؛ مو عاساس تقنعي حسون فيني
جوري: اي وانا وعدتك لك حوبة
فريال: لك جوري عمين عم تضحكي واليوم امك راحت وحكت ب حلا
جوري: اي واذا حكت لك جدبة يعني ماصار شي
سمعي بكرا حسين جايه وبدي تكوني عندي وتركي الباقي عليي ولو يافريالو انا مين عندي اغلا منك معقول خلي هالسرنوة حلا تصير مرت اخي ما فشرت عينا وحياتك مابكون حسون غير الك بس انتي سمعي كلمتي
فريال: ماشي لحاق الكذاب لورا الباب
جوري: يقطعو لعمرك شو كلبة ماببين معك انقلعي مابدي احكي معك
زتيت الجوال وبالي عند علي ياترى وينو لي مسكر
***
فات ع البيت كان هادي وشكلن نايمين فات للغرفة وطلع بالتخت كالعادة اكيد عند امي زت حالو ع التخت تعبان وبنفس الوقت جوعان كل نهار ما اكل شي
لمى: حسيت عليه وقت رجع قمت شوف اذا حماتي نايمة اووف الحمدالله نايمة تسحبت ع مهل وطلعت لغرفتنا فتحت الباب شوي شوي وشفتوو متسطح ع التخت قربت منو بخوف علي
فتح عيونو وطلع فيني بزعل
لمى: قربت وقعدت قبالو انا اسفة بوعدك البس حجاب وعبايةة بس ماتزعل
علي: تجلس وطلع بعيونها الشهل وكيف مدمعين مسك ايدا انا يلي اسف لانو مديت ايدي عليكي بس صدقيني ندمان وانا الحق عليي كان لازم خبرك انو مابصير تطلعي هيك
لمى: ولايهمك انا مازعلت بعرف الحق عليي قوم بدل تيابك لحطلك عشا
علي: اي والله جوعان كتيرر
لمى: بس اوعك طلع صوت لا تفيق مرت عمي
علي: بهمس لا رح احكي بالاشارة كلو ولا تفيق الميمة
بقلبو قديش هالبنت عاقلة وقلبا طيب رغم اني ضربتا جايه تعتزر مني ااخ ياالمى شو عم تعملي فيني قمت بدلت تيابي ولحقتا ع المطبخ
لمى: بتحب اعملك بيض
علي: لا مابدي شوية حواضر وابريق شاي مابدنا نطلع ريحة البيض بليل
لمى: ماشي كيف كان شغلك اليوم ؟؟
علي: وعم يتاملها كيف عم تشتغل منيح قليلي شو قال الدكتور بخصوص الميمة ؟؟
لمى: مابعرف وقت دخلت لعندو انا بقيت برا وسالتا قال وضعي منيح
علي: اممم وماعطاها دوا ؟؟
لمى: مابظن لانو ماشترت شي طلعنا من عندو ع البيت فورا
علي: انا الصبح بسالها ومسك اول لقمة
انتي هون وانا عم دور عليكي
لتفتو لتنين ع الباب
ام علي: شو عم تعملو بنص هاليل
علي: اهلين يامو تعي تعشي حماتك بتحبك
ام علي: بحدة لمى انتي شو فيقك ااه وكيف بتتركيني لحالي وانا تعبانة
علي: ياامو انا فيقتا تعملي اكل وانتي كنتي نايمة
ام علي: لا دافع عنا انت لو كنت نايمة مابصير تتركني تخيل يصير معي شي بليل ومالاقي حدا ولا انت اخر همك خلص صار عندك مرا وماعاد بدك امك
علي" استغفر الله العظيم ياامو بوس ايدك خلص انا هلق براسي رح نام عندك بس خليني اعرف اتزهرم هالقمة الي من الصبح بلا اكل
ام علي: ريتك عمري خلص كول تقبرني وانتي روحي لغرفتك انا هون معو يلااا
لمى: طلعت ب علي يلي هزلا براسو انو تروح
ماشي تصبحو على خير رحت لغرفتي مقهورة لي عم تعاملني هيك انا والله بحبا
***
بيوم جديد
وبالضيعة تحديد كان لكل مشغول بخطبة مرام وياسين والمسا اجتمعو كل كبارية الضيعة ببيت ابو خالد ورغم خلاف ابو مهران وابو ياسين بس ابو مهران حضر هو وولادو كرمال خاطر ابن اخوه خالد 🙂
وتمت الموافقة من قبل مرام وانكتب لكتاب
خالد: الف مبرووك ابن العم
ياسين: الله يبارك فيك وعقبالك
خالد: بقلبو اي عقبالي بس مو قبل ما اخد بتاري منك
لا لسا بكير لاحقين ع الهم
ابو مهران: لا مو بكير انت هلق لازمك مرا اختك رح تتزوج وبدك حدا يخدمك
خالد: ان شاءالله خير عمي
بعد ماطلعو لكل بقي خالد وياسين بالبيت
ياسين: شو ابن عمي مارح شوف مرام يعني
خالد: مبلا رح تشوفها عشو مستعجل بكرا بتمل منا
يامرام عملي قهوة وتعي لعند ابن عمك
مرام: اوف كنت خايفة لدرجة وعم ارجف مابعرف كيف عملت القهوة حملتا ولسا ايديي عم يرجفو
مسالخير
خالد وياسين: مسالخيرات
مرام: وخايفة تطلع ب ياسين تفضل
ياسين: وعم يتأملها يسلم هالايدين بنت عمي
ضيفت خالد وكان بدي روح
خالد: مرام لوين تعي قعدي مع خطيبك
قربت وقعدت حدو ولسا قلبي عم يخفق من الخوف
ياسين: خالد قحط بدي اعرف اقعدمع خطيبتي شوي
خالد: ههههه اي ماشي حقك بس رح اجي كبسة هااا
ياسين: كهكه انقلع عاد
راح خالد عم يضحك عليه
ياسين: مرام كيفك
مرام: الحمدالله
ياسين: شبك عم ترجفي والله انا ماباكل بشر لك مرام انا ياسين معقول خجلانة مني كل عمرنا سوا
مرام: طلعت فيه لااول مرة بشوفو هيك بعيونو حنية وكلامو هادي
ياسين: قربت مسكت ايدا حسيت فيا كيف انتفض جسما لك شبك كل هالقد بخوف انا
مرام: لا بس اول مرة حدا بيمسك ايدي مابعرف يعني بدي وقت اتعود عليك
ياسين: بضحكة لك دخيل ربك شو حلوة انا كنت اعمى عنك كيف ما انتبهت قديشك حلوة
مرام: بخجل لك ياسين خلص
ياسين: ياويلي اسمي شو حلو منك مرام انا ماني سي
متل مابتسمعي من العالم بكرا رح بتشوفي ياسين تاني صح انا عصبي ومجنون بس تأكدي انو في سبب
ومع الايام رح تكتشفي وانا مابدي منك غير الحب والاهتمام وقتا مارح قصر معك بشي
مرام: ابتسمت بوشو ان شالله
****
الصبح طلع على دوامو عادي
ونطر صفا
صفا: صباح الخير
علي: صباح النور ياخانوم ع الفرع ؟؟
صفا: لا عندي مشوار ع السوق
علي: بقلبو منيح طلعت بتروح ع السوق بس ياخوفي تروح على قسم الرجالي
صفا: ضحكنا معك 🙂
علي: ٠٠٠٠٠
نزلت وطلبت مني انزل معا
صفا: شو بكره اجي ع السوق بس مطرة اليوم عيد ميلاد ماما وبدي هدية شو برايك جبلا
علي: بصراحة انا مابفهم بهي الامور وبالاخر هي امك ولازم تكوني بتعرفي شو بتحب
صفا: اي فهمنا عاساس جبتك لا تساعدني
ونحنا عم نفتل وانا قلي شو بكره قلك فوتت السوق ومع مرا اووف ساعة ونحنا نفتل من محل لمحل وداق خلقي كتير
علي: صفا خانوم فيني ارجع ع السيارة ؟؟
صفا: لا خليك هون مو مطولة ( عم تحكي مع صاحب المحل) هي في منا الوان
صاحب المحل: اي في شو لون يلي بدك ياه؟؟
صفا: يعني لون يكون غامق
صاحب المحل: تعاا مهدي جبلي من هاد لون اسود والزيتي والبني بسرعة
مهدي: بامرك معلم
علي كنت عم راقب بصمت وسمعت مهدي ومعو شب عم يحكو على صفا وانا كنت معصب خلقة وبس بدي اتفشش بحدا مسكتو تعااا لهون شو كنت عم تحكي ولاااه
مهدي: والله ماحكيت شي شبك شو جاي تتبلاني
صفا: بحدة شوفي علي
علي: ولاشي شغلة بيني وبينو امشي معي لبرا ياحباب
مهدي: لا ماني طالع معك انت بتطلع لعما بدو يتبلا علينا عينك عينك
علي: ما تحملت حالي وضربتو بوكس بنص خلقو
صفا: بصراخ عليي ومسكتو من تيابو وبعدتو عن مهدي لك حيوان شو عم تعمل
علي: انا سمعت هالكلمة وجنن جنوني وقفت قدامها لمين عم تقولي حيوان اااه لك انتي شو مفكرة حالك اذا بشتغل عندك يعني بحقلك تحكي يلي بدك ياه لا فشرت عينك وماتفكري خايف منك لا انا مابخاف غير من يلي خلقني وهلق هالشغل ماعاد بدي ياه وبدك تحبسيني لك لحفض ايدك وما تعطي زتيت مفتاح السيارة وطلعت اخر هالعمر تجي بنت تزلك ياعلي وتهينك قدام الناس لك الله لايوفقك يا ابو سميير
طلعت من السوق كرهان حالي وصلت ع الحارة شفت ابو سمير وقيس قاعدين برا
قيس: علوش شبك
علي: قعدت حدن تركت الشغل
ابو سميير: الله لا يعطيك العافية بدك تعلق معها لك هي من الدولة ولك كر
علي: كر بعينك وتكون مو فارقة معي هي موتة واصلا كلو منك مو طايقك هااا لهيك سدو لبوزك
قيس: خلص روقنا علوشي لاتزعل ولا عبالك
علي: ماني زعلان الرزق على الله بس خايف تحطني براسها وانحبس واترك امي ومرتي لحالن انا مو فارقة معي والله بس هنن شورح يصير فين
ابو سميير: كنت فكر فين قبل ماتجن متل عادتك
لك يا علي العصبية مو منيحة لازم تتحكم بحالك وتتذكر انو في برقبتك عيلة مسؤل عنا
علي: بعصبية يعني شو بدك تزلني وتم ساكت لا فشرت
ما كان ناقصني غير مرا تتحكم فيني
قيس: دخلك حلوة
علي: هلق هي حلوة بس يااخي مسترجلة ماعندا انوثة ابدا لبسها مشيتها تصرفاتها لك حتى صوتها يازلمة بتخشنو
قيس: اممممم اي يعني عم تقول رائد شو بدك تلبس فستان وتتمكيج وهي بين العساكر طبيعي تلبس متلن
علي: انو هالنسوان شو بدهن بهيك شغل مافهمت
ابو سميير: انت شو بفهمك بالمساوة ياكر المرأة صارت تشتغل بكل المجالات وابدعت واثبتت جدارتها
علي: بلش يتفلسف قوم انقلع جبلنا شي نشربو
ابو سميير: على حسابك بس
علي: اي على حسابي ولامنيتك ابو نجيب
قيس؛ ههههه لك تركو بهمو يازلمة هلق كان عم يشكيلي قبل ماتجي ماحدا عم يعطيه كلو بالدين وبدو يجيب بضاعة مامعو ولسا لهلق ماتزوج الله يعينو
علي: الله يعين العالم
قيس: مفكر كل الناس محظوظة متلك
علي: بقلبو اي حاسديني ع جوزتي وماحدا بيعرف انو لهلق مابقدر احكي معا كلمة اووف بعين الله احسن شي وشوي رن جوالو برقم جوري فصلو وحطو بجيبتو حلي عني انتي كمان كرهان حالي معم يظبت معي شي ولا احلى صفا تحطني بالسجن هيك بتكمل معي
يلعن ابو هالعمر ،
قيس: شبك علي
علي: ولاشي انا رايح ع البيت طلع مصاري حق الكولا وعطاهن لا ابو سميير
ابو سميير: له لك علوش هيك رح ازعل منك هي ضيافة مني
علي: لا مابصير هاد باب رزقك وبعدين مافي فرق بينا يازلمة هالمرة عليي حطهن ع الطاولة ومشي للبيت مهموم ،
***
جوري : لعما شبو هاد من مبارح مطنشني وعم يفصل بوشي هالمقوص بسيطة ياعلي قمت فتحت لخزانة طلعت فستان زهر وجاكيت جينز لبست وتمكيجت
يااموو انا رايحة ع الدكان بدك جبلك شي معي
ام حسين: طلعت من المطبخ ومتخنصرة مقلوعة ع الدكان بهاد المنظر لك انتي ما بتستحي قولي لا شوف امي شو عم تعمل وساعدها بس ااخ لمين بدك تطلعي عمتك منور لا رحتي ولا اجيتي
جوري: ياامو بوس ايدك لك مابتملي كل يوم مية مرة بتعيدي هالكلام
ام حسين: ولك ياريت الكلام معك عم يجيب نتيجة
جوري: اووف انا رايحة طلعت معصبة مابكفي بطيخ معم يرد كمان نقار امي والااحلى هلق ام صلاح رح استعجل ومارد عليها
ام صلاح: جوري ولييه يبعتلك قتلك على هالمنظر وين مقلوعة هي يلا بس ترجع بسالها تعاا فراس ولاااه
فراس: نعم خالتي
ام صلاح: امك وابوك وين راحو منشوي
فراس: راحو لعند اختي بديعة
ام صلاح: يووه ولي راحو حكيلي
فراس: مابعرف سمعتن عم يحكو انو متخانقة مع زوجها وحماتا
ام صلاح: امممم روح كفي لعبك لعما هي ماصرلا شهر مرجعها زوجا بعد ماطلقها يخربيتا شو قوية طالعة لا اما قليل شو عملت ب ابو فراس يلا بس ترجع بسالها
محمود ولااه وين رايح
جوري: هاااي ابو سميير
ابو سميير : لك هااياات بنور العين لك نور المحل بأحلى وردة جورية بالحارة
جوري: بضحكةههههه لك وليي عليك من وين بتصف هالحكي
ابو سميير : دخيل هالضحكة ايمت هيك بدك تحني علينا ولك جوري ونحط هالجبنات على هالخبزات
جوري: لك ابو سميير كم مرة قلتلك مستحيل وهالموضوع سكر عليه اااه
ابوسميير: طيب عطيني سبب لرفضك ياجوري لي هيك انتي
جوري: اووف يعني انا ماكنت بدي احكي بس انت هيك بدك ياسيدي السبب امك
ابو سميير: بتعجب اميي؟؟
جوري: اي امك كل الحارة بتعرف قديش امك بخيلة وايدها ماسكة يعني الفارة بتموت ببيتكن من الجوع وغير هيك قوية كتير يعني انا ماكان بدي احكي بس انت اجبرتني
ابوسميير: بحدةفشرتي امي مو هيك ويلي بدو يحكي عليها كلمة بدي قص لسانو ياعيب الشؤم بس وهلق اذا مابدك شي تفضلي الله معك
جوري: ماشي متل مابدك مارح رد عليك واتخانق معك بس روح اسال وقتا بتعرف ليش ماحدا عم يعطيها لا امك بخاطرك
طلعت مقهورة منو لعما كيف قلعني والاحلى مااشتريت شي ولا قدرت اسالو عن علي اووف يااا وانا بدي ارجع حدا نده عليي جورري لتفت كملت تخنصرت وطلعت فيه خير سيد مراون
مروان: شبك عطول معصبة خدي وعطي لك روحي
جوري: لك تروح روحك شو بدك انت التاني ماكان ناقصني غيرك
مروان: مين الاول ليه ؟؟
جوري: بعصبية لك مروان حل عني هااا
مروان: مافكرتي بموضوعنا صدقيني لعيشك ملكة بس انتي قولي اي بيت وسيارة ودهب وشو مابدك بس امري
جوري: فكرت وقلتلك لا مابهمني لا بيت ولاسيارة ولادهب بس بدي منك تعتقني بوس ايدك عتقني وتركتو ومشيت لعما شو دبقة
مروان: حطيتك براسي ورح اخدك وقتا بتشوفي شو رح بعمل فيكي انا عم تتنفسني عليي ياجوري بسيطة ،
بعد ماطلعت من عندو قعد مقهور من كلامها وعم يهز برجلو معصب لعما ما اوقحها عم تحكي على امي عينك عينك بس معقول الناس عم تحكي على امي ولا جوري حكتها هيك حجة بس لازم اسال واستفسر طلعت من الدكان احمد ولووو
احمد: اي ابو سميير
ابو سميير : ديربالك ع الدكان شوي وراجع
احمد: ايييه الف طلب متل هالطلب ياعين وبلش يفتح بسكوت وياكل
ابوسميير: مرحبا خالتي
ام صلاح: اهلين عزيز
ابو سميير: ماحدا بناديلي عزيز غيرك ياخالتي
ام صلاح: هلق بلا كتر حكي احكي شو بدك
ابوسميير: مابعرف شو قلك خجلان اسال بس مالي غيرك صح يلي عم يحكوه عن امي؟؟
ام صلاح : اممم قصدك انو بخيلة ولسانها طويل
ابوسميير: بقهر اي
ام صلاح: اي صح ولهيك ماحدا عم يقبل يعطيها
ابو سميير: بعصبية لك بس لو اعرف مين طلع هالكلام عليها لشقو شقفتين
ام صلاح: لك عزيز ماحدا مطر يطلع هالحكي لانو صح ونحنا هون عشرة عمر ولكل بيعرف بعضو وامك جد هيك ماحدا عم يتبلا عليها
ابو سميير: لك انتي شو عم تحكي لي شو شفتو من بخلها وكلامها اااه
ام صلاح: لك قعود وبلا هبال قلي انتو بالعادة شو بتفطرو ،؟؟
ابو سميير: زيتون وزيت وزعتر شو بدنا نفطر يعني
ام صلاح: وامك شي مرة غيرت هالفطور او شي مرة طبختلكن اكلة معتبرة ولا شي مرة شفت عندا شي جارة ولا راحت باركت لحدا بالحارة ولا ايمت شفتا غيرت هالكلابية تبعها لك يااجدب امك بخيلة والدليل انو الله رازقكن ومعها دهب لكواعها وحدة غيرها كانت عطتك وكبرت المحل وجددت البيت وفي شغلات كتير لسا ما حكيت عنا حتى ماتزعل بس فتح عيونك وشوف
ابو سميير: بقهر مشكورة خالتي بخاطرك
رجعت ع الدكان وكلامها عم يدور براسي واتذكر مواقف كتير بيني وبين امي اااخ معقول امي هيك لا انا بشوفها احسن ام بالدنيا ومستحيل صدق عليها هيك حكي ،
#الاسمر
#نور_سمرا
#الجزء_السابع
دخل على غرفتو وسكر الباب وتسطح ع تختو مهموم وكرهان كلشي اااخ يارب لي هيك حظي لكل حاسدني اني تزوجت وما تكلفت بشي وبنت بتجنن اخلاق وجمال وادب دخيل رباا شو حلوة بس شوفها قلبي بطير والله
بس مابتكمل مع الواحد مشتهي اقعد معا متل هالمتزوجين نيمها بحضني نسهر سوا نضحك ونمزح مع بعض لك حتى بوسة ماقدرت اخد منا ااووف منك ياميمة شو عم يدور براسك مابعرف
سمعت الباب نفتح غمضت عيوني ومثلت النوم
لمى: بهمس علي
علي:٠٠٠٠
لمى: قربت منو شكلو غفيان قعدت قبالو وحطيت ايدي ع شعرو دخيل هالوش بتعرف انك بتجنن عيونك ودقنك شعرك لك كل ع بعضك بتجنن صح عطول معصب بس بيلبقلك والله دخيل هالشبوبية يلي بتشلل
قربت طبعت بوسة صغيرة وتركتو وطلعت
علي: فتح عيونو وقلبو رح يوقف حط ايدو مكان البوسة ياويليي هالبنت بدا تجنني انا من دون شي فارط ااخ لازم اعمل شي خلص اووف شو طيبة هالبنت دخيل الله انا ،
**
رجعت ع البيت بملل شلحت الشالة وزتيتها ع التخت
حسين: بصراخ جوررري وينك ياكلبة
جوري: بخوف ركضت وقفلت الباب ولييي معقول علي قلو ياويليي اكلنا هواا
حسين: عم يخبط ع الباب بقوة لك فتحي والله لعدمك حياتك
ام حسين: لك حسين شبك شوفي شو عاملة هالمغضوبة كمان؟؟
حسين: ساليها بدا تفضحنا بين الناس لك فوق منظرهاا يلي بخجل واقفة بنص الحارة مع مروان
ام حسين: لك ريتني بقربك
جوري: بقلبا ااخ الحمدالله فكرت علي كشفني
يااخي والله مادخلني هو وقفني انا كنت عم اشتري من الدكان وقت طلعت لحقني والله ماخصني وحياة الله
حسين: واذا وقفك مابتعرفي تبهدلي وتقلعيه ولا عاجبك الوضع بس مارح تطلعي والله لا اقصف عمرك وصدقيني اول حدا بدق بابنا لحتى زوجك وارتاح منك
جوري: بصراخ لا ماحزرت مو بكيفك انا الي اب مسؤل عني وقلتلك مادخلني هو لاحقني لعما يااا لك تضرب هالعيشة
حسين: وذاد جنونو لك لمين هالكلام ولييه وبلش يدفش بلباب بعصبية
ام حسين: بخوف مشان الله ياحسين خلص لك فضحتونا قدام الجيران خلص تركها تقبر عمرا هلق بحكي مع ابوك وبقلو شو عم تعمل بس كرمال الله حاج فضحتنا
حسين" بسيطة ياجوري حسابك بعدين ولشوف كلمة مين رح تمشي دخل غرفتو وسكر الباب بقوة
ام حسين: لك انتي شو بدك تجلطيني
جوري: من ورا الباب امي مشان الله شي مرة دافعي عني حكيلو اختك مو هيك ولا شاطرة بس دافعي عن دلولك ولا كاني بنتك
ام حسين: خلص سكتي سديه لحلقك لا يرجعلك الله يصبرني عليكن ابوكن سافر وترك الشقى على من بقى
*****
تاني يوم صحيت على دق ع الباب طلعت شفت لمى رايحة تفتح الباب ركضت ومسكتا من شعراا
علي: هييي لوين رايحة اااه
لمى: ااخ علي شعري شبك رايحة افتح الباب
علي: بعصبية بهاد المنظر
لمى: طلعت بحالي شبو منظري؟؟
علي: بحدة لك بالبيجامة رايحة ومن دون غطى على راسك بدك اقبرك يعني اندفسسي لجوااا لشوف مين حسابك بعدين تركتا ورحت افتح
فتحت الباب كانت صفا واقفة قدام سيارتها ومتكتفة
علي: اهلين بالرائد صفاا
صفا: وشالت النضارة عن عيونا صباح الخير
علي: صباح النور🙂
صفا: شو مافي تفضلي
علي: لا اهلا وسهلا تفضلي
دخلت وانا وراهاا بتحبي تقعدي برا ولا بغرفة لضيوف
صفا: وعم تتامل البيت لاهون حد البحرة
علي : تفضلي وبصوت عالي لمى ساوي قهوة
صفا: عايش لحالك هون ؟؟
علي: لا مع امي ومرتي
صفا: اممم فكرتك اعذب مافي خاتم بايدك؟؟
علي: قصة طويلة
لمى: من شباك المطبخ مين هي ياترى معقول بتقربو لعلي بس والله حلوة كانت لابسة بنطلون جيشي وكنزة بدي سودا وطاقية سودا وبوط اسود رنج
طلعت بحالي معقول اطلع قدامها بالبيجامة اي شبها ياهبلة اصلا بتجنن عليي دخيل علي هو وهالذوق شلحت الجاكيت وبقيت بالكنزة الحفر ظبت شعري وفردتو وقرصت خدودي ليحمرو شوي حملت القهوة وطلعت قربت مننن وانا عيوني عشرة عشرة عليها وبصوت ناعم اهلا وسهلا تفضلي
صفا: مابنكر اني نصدمت فياا قديش حلوة وناعمة حتى صوتها بجنن
لمى: قربت لعند علي تفضل حبيبي
علي:ياعفو الله كان ناقصني غزل ودلع لتكمل معي يخربيت قلبك يالمى هلق وقتك رح تروح لهيبة احمممم يسلمو 🙂
صفا: اي علي انا جيت رجعك ع الشغل
علي: بعتزر منك ياخانوم مابرجع لمكان نهنت فيه
صفا: علي انا بحياتي ما اعتزرت من حدا بس انا بعترف غلطت بحقك بعد ما عرفت ليش ضربت الشب لهيك انا اسفة وحقك عليي وبتمنى انو ترجع لشغلك
علي: انا اساسا كل هالشغلة ما حبيتا بس كنت مطر لهيك كنت اتحمل نفسيتك ومزاجك وقول ياولد اصبر على رزقك بس مو معناتها اقبل تنهان كرامتي قدام الناس انا شخص عصبي وخلاقي ديقة لدرجة واني ما ارجع عصب واضرب مافيني اوعدك لهيك الافضل ما ارجع وتتكرر ااقصة
صفا: طيب ارجع واذا شفت مني اي تصرف اترك وامشي انا تعودت عليك وصعب ارجع لاقي حدا متلك
علي: بتنهيدة ماشي خليني فكر
صفا: لااا لسا بدو يفكر خلص ولوو هي اعتزرت منك لي هيك راسك يابس بكرا ناطرتك ومابدي اعتراض
علي: تمام
صفا: اوك لكن انا بستأذن بشوفك بكرا ومدت ايدها تسلم عليه
علي: مد ايدو بشوفك الله معك
طلعت ودعتها ورجعت لمىى
لمى: اي علي
علي:بزورة لحقيني ع الغرفة بسرعة
لمى: ااه ماني فاضية عندي شغل 😓
علي: بحدة رح عد لتلاتة بتكوني مزروعة بالغرفة بلشت هاا واحد تنين
لمى: بركض اي اجيت بلا ماتعصب
علي: فوتي وسكري الباب
لمى: سكرت وقفت بعيد شوو
علي: قربت اتأملها شو مو يلي بشوف هالوش البريئ بقول ياحرام شو ادمية هالبنت ولا كانو عاملة شي
لمى: ببرائة لي شو عملت
علي: وقرب منا ومسك سحاب الجاكيت اممم كانو هاد ما كان موجود منشوي وبلش ينزل فيه
لمى: بخجل وبعدت عنو اي بردت بالمطبخ ومشيت لحد التخت ترتبو ماقلتلي مين هي؟؟
علي: بمكر هي حبيبتي 😏
لمى: (من دون وعي) حبيبتك وانااا؟؟
علي:( بخبث) وانتي شوو
لمى: انو يعني كيف حبيبتك ومتزوج بقصد بتعرف هي ؟؟
علي: اي بتعرف انا قلتلا انو تزوجتك كرمال اهلك وزواجنا على ورق بس
لمى:( بزعل )اي منيح وبدا تطلع مسكها من ايدا
علي: كانو في حدا غيران
لمى: من دون ماطلع فيه لا لي بدي غار الله يهنيك
علي: ههههه لا باين لكن ليش هالدموع يامجنونة
معقول عم تبكي
لمى: لا معم ابكي هي من الغبرة
علي: هي بتكون البنت يلي عم اشتغل عندا انا مبارح تركت الشغل وهي اجت ترجعني
لمى: اي منيح بلهنا
علي: هههههه لك وحياة الله غيرانة شوفي كيف معصبة
لمى: مومعصبة ولا غيرانة بعد بدي اطلع
علي: غيرانة وكتير والدليل انو قلتي حبيبي قدامها صح
لمى: اااه لامو صح مدري كيف طلعت من دون قصد يعني هيك عفوية
علي: تهربي قد مابدك لشوف اخرتا معك بس بتعرفي هالكلمة بتجنن منك لو تعرفي شو عملت فيني
لمى: طلعت فيه بعيون كلا حب شو عملت
علي: تعي لقلك شو عملت
عليييي
علي: لك يلعن ابوه لعلي حرام علي يتهنى اوووف
لمى: هههههه لك عيييب حد بسب حالو
علي: طلعي قوليلا علي مات
لمى: لك بعيدام الشر لاتحكي هيك خلص رح قلا نايم
طلعت من الغرفة وعلي رجع ينام
اي مرت عمي
ام علي: بزورة شو كنتي عم تعملي ؟؟
لمى: كنت عم رتب الغسيل
ام علي: وعلي وينو ؟؟
لمى: علي نايم
ام علي: امممم روحي ساوي فطور لفوت فيقو يلا
لمى: حاضر مرت عمي
ام علي: فتحت باب غرفتن يعمري لي نايم لهلق وقربت تمسحلو على شعرو قوم مشان تفطر يعمري
علي: بتمثيل يسعدلي صباحك ياامو
ام علي: وصباحك يعمري شو لي مو رايح على شغلك ؟
علي" اخدت اجازة اليوم
ام علي: طيب يلا صحصح ولحقني على ارض ديار
علي: ماشي بامرك
****
عند ابو سميير
كانو عم يفطرو وعقلو بكلام ام صلاح معقول تكون امي هيك
ابو سميير: ياامو
ام عزيز: اي عزو قلي
ابو سميير: جاي عبالي اكلة كبة من تحت ايديكي الحلوين
ام عزيز: كبة شو انت التاني لشو هالمصريف الذايدة هلق بعملك اكلة برغل بندروة مع مخلل تاكل اصبيعك وراها
ابو سميير: برغل بندروة اي طلعت من خشومنا هالاكلة مابدي عبالي كبة ورح ابعتلك لغراض بدي اتغدا كبة يعني كبة
ام عزيز: وماعجبها طيب جيب
ابو سميير: شو ناقصك غراض قبل ماروح ع الدكان
ام عزيز: بس جيب لحمة عنا كلشي
ابوسميير: بقلبو شحا قبلت تعمل كبة معنها اهل الحارة عم يتبلو عليها دايمة انا طالع عالدكان
ام عزيز: الله معك تقبرني الله يرزقك ويفتحها بوشك
***
بالضيعة
كان واقف قدام السيارة وهو متشيك ع الاخر انفتح الباب شال النضارة وطلع فيا بحب
ياسين: دخيل الله انا لذاذة ياموو على قلبي انا كانت لابسة فستان احمر نص كم بورود بيضة ناعمة وفاردة شعرا ومكياج خفيف
مرام: صباح الخير ومدت ايدها تسلم عليه
ياسين: لك يؤبرني هالصباح
مرام: بعيد الشر شو لوين بدنا نروح
ياسين: بدنا نروح نشوف غرف النوم
مرام: بفرح عنجد ياسين رح نقي غرفة نومي معم صدق
ياسين: ههههههه لك شبك ولك هبلة شو يعني اذا رح تنقي غرفة النوم
مرام:اي لانو بالضيعة البنت مالها رأي بشي وعطول بيت حماها بيشترو غرفة النوم من دون رأيها ف استغربت واهلك بيعرفو؟؟
ياسين: لا ماحكيت لحدا رح نقيها وانا بعد كم يوم بروح وبجيبها ومابدي حدا يعرف بطلعتنا تمام
مرام: تمام ومسكت ايدو وعم اطلع فيه وبقلبا معقول هاد ياسين يلي كل بنات الضيعة تخاف يتقدملها وينك يالمى تشوفي ياسين قديش طلع حنون ورومنسي
ياسين: هههههه لك لي عم تتطلعي فيني هيك ياهبلة
مرام: حبيبي وعم اتاملو شو فيها
اااخ لك ياسين شبك شو صار لي وقفت هيك
ياسين: مرام شو قلتي ؟؟
مرام: بخوف انو لي وقفت السيارة فجئ
ياسين: لا يلي قبل هالكلمة
مرام: انو كلمة ؟؟
ياسين : لك مرام لاتجنني وقت قلتلك لي عم تتطلعي فيني
مرام: قلت حبيبي وعم اتأملو
ياسين: بفرح لك ولييي ونزل من السيارة يرقص اخيرا قالها
مرام: نزلت وراه لك يامجنون شو عم تساوي نحنا بنص الشارع لك العالم عم تتطلع فينا
ياسين: وقرب حملها وعم يفتل فياا لك ياروح وقلب حبيبك اخير سمعت هالكلمة منك
مرام: هههههه لك مجنون حاج فضحتنا
رجعنا ع السيارة ومسك ايدي وحط اغاني وعلا الصوت وبلش يغني كان جانن ع الاخرو انا قلبي جانن معو ومعم صدق اني حبيتو وانورح صير مرتو يالله وانا يلي كنت ميتة رعبة من علاقتي فيه
بعد ما شفنا غرف النوم واخترنا وحدة عزمني ع الغدا وكان كل الوقت عم يدللني ويطعميني بايدو وقت رجعنا ونزلنا من السيارة كان مهران مع خطيبتو
ياسين: كيفو ابن عمي
مهران: ببرود اهلين وعيونو على مرام
شو كيفك مرام
مرام: الحمدالله كيفك انت
وكيفك سجى
سجى: تمام
ياسين: يلا مرام مشي نفوت تفضل ابن عمي🙂
مهران: بعرسك ابن عمي وبقلبو معقول مرام قديش صايرة حلوة معقول انا كنت اعمى عنا ورحت ابتليت ب سجى
سجى: شو مهران افندي رح تاكلها بعيونك
مهران: لمين؟؟
سجى: لمين مو ماشفت حالك كيف عم تتطلع بمرام
مهران:حاج هبل ولييه وامشي بلا تخبيص قال عم اطلع بمرام
سجى: بغيرة اذا كل هالقد عاجبتك لي ماخطبتا
مهران:لتفت عليها بعصبية سمعي ولييه انا خلقي واصل منك لهون من مبارح مو طايقك رح تبطلي نكد والا وعزة الله ياسجى لزتك لا اهلك متل الكلبة انا مهران ماني اخوكي الطنط عم صبر حالي ما اضربك بالشارع انقبري على نصتك تضرب الساعة يلي بتليت فيا فيكي نكدية وما بتنطاقي لعما
سجى: بقيت ساكتة من خوفها منو ومشيت عم داري دموعها
****
علي : لمى روحي لبسي لا نطلع مشوار
ام علي: لوين ان شالله 🙂
علي:من وقت ما تزوجنا ما طلعت من البيت قلت باخدها تتفتل بالمدينة واشتريلا كم قطعة تياب
ام علي: وانا دايق خلقي وبدي روح معكن 🙂
علي: ياامو انتي منشوي جيتي لسا
ام علي: بزعل هلق صرت تقيلة عليك و بدك تطلع بدوني و
علي: قطع كلامها لا والله بحطك على راسي انت الاصل يامو ومارح اطلع من دونك
رن جرس البيت
علي: قايم شوف مين فتح الباب ورجع
ياامو جارتنا برا بدا ياكي وقعد حد لمى
ام علي: ياااهلا وسهلا بأم حسين
لمى:هههههههه
علي:بستغراب شبك ولييه لي عم تضحكي ؟؟
لمى: هههههه امك ذكرتني بفادي معاز يأاهلا وسهلا بأم حسين
علي: هههههه اي والله لكن قومي نضفي فوق البراد بسرعة بلكي حبت تشرب فنجان القهوة فوقو😂
لمى:😂😂لا هلق بتكون قاعدة تحت الكنباية وامك عم تقلا يااهلا وسهلا بأم حسين
😂😂😂 وفرطو ضحك لتنين
ام علي: بعصبية ورصاص منك الها شو هالضحك هاداااه شو رح تحكي علينا ام حسين هلق استحو عااد
وانتي قومي تحركي عملي قهوة حاج عم تتصهصلي
لمى: وعم تكتم ضحتها امرك مرت عمي وراحت للمطبخ
ام علي: شبك انت صاير مفروط عيب عليك هالحركات لعما فقد عقلو جيل ماعاد استحى ودخلت لعند ام حسين
وعلي لحق لمى
لمى: عجبك اكلنا بهدلة بسببك😂
علي: بالله بسببي مين يلي فرط بالاول على ام حسين
لمى: 😂😂خلص ولوو لاتذكرني وترجع مرت عمي تبهدلنا
علي: قرب منا وحضنها وهي عم تعمل قهوة
لمى: لك علي شو عم تساوي هلق بتفور القهوة
علي: ماخصني تفور مرتي وانا حر بتعرفي انو ريحتك بتجنن
لمى: وحمرو خدودها بربك علي هلق بتجي امك
علي: تجي خليني مبسوط شوي وانا قريب منك هيك
لمى: طيب بعد شوي لا اسكب القهوة بلا ما احترق
علي: هاتي انا بسكبها انتي روحي لبسي
لمى: لا بدك مرت عمي تبهدلني هات انا باخدها
علي: مافي هلق ام حسين بتصير تتاملك هاتي انا بعطيها لا الميمة اخدها وراح نادا لا امو
ام علي: بهمس لك لي انت جايب القهوة وين ست الحسن
علي: انا هيك بدي خلص ياامو خديها وفوتي
ام علي: ماشي لتروح ام حسين مابدي تسمعني
علي: تركتا وفتت للغرفة
كانت واقفة قدام لخزانة ومتخنصرة
علي: شو عم تساوي لهلق مالبستي ؟؟
لمى:انت قلت ممنوع اطلع بلا عباية وانا ماعندي
علي: اي هلق بشتريلك وحدة
لمى: اي وشو البس هلق سيد علي
علي: لحظة انا بتذكر جبتلك فستان وبلش يدور بلخزانة ااااه لقيتو فتح الكيس وكان فيه فستان زيتي طويل ومعو شالة بيج وبوط بيج
لمى: شو حلو علي انت كيف هيك بتعرف تنسق بالالوان وذوقك بجنن
علي: كنت اشتغل بمحل البسة من زمان
لمى: عنجد ولي تركت ؟؟
علي: تخانقت مع زبون وضربتو واشتكى عليي ونمت كم ليلة بالسجن وبعدا صاحب المحل قلعني
لمى: امممم مو باين عليك مشكلجي
علي: لا ماني مشكلجي بس مابسمح لحدا يدسلي على طرف واذا بتعيدي هالكلمة قاصو للسانك في وحدة بتقول لزوجا مشكلجي 🙂
لمى: وحطت ايدها ع تما وهزت براسها انو لاا
علي: يلا بدلي تيابك خلصينا
لمى : حملت الفستان وبدا تطلع
علي: لوين ولك هبلة ؟؟
لمى: ع الحمام بدل تيابي
علي: بالله لي ماتبدلي هون 🙂
لمى: بالله وانت قاعد هون لاماحزرت
علي: هههههه لك عنجد هبلة انازوجك عادي لي عم تخجلي مني يادبة
لمى: زوجي ع الورق ولا نسيت كلامك الصبح وليش تزوجتني لهيك يازوجي العزيز مستحيل بدلهن هون ياامااا اطلع انطرني برا🙂
علي: ماحزرتي ماني طالع وهي قعدة
لمى: تمام خود راحتك انا بطلع
علي: كنك لمى بتطلعي من هالباب
لمى: بطلع شو خايفة منك يعني
علي: طلعي وشوفي 🙂
لمى: ومشيت لعند الباب وصفنت اووف منك علي وضربت رجلا بالارض بقهر
علي: هههههه على اساس مو خايفة
لمى: لانو مابتشوف حالك وقت تعصب
علي: امممم كل القد بخوف
لمى: ٠٠٠
علي: خلص سماح هالمرة خليكي انا طالع ناطرك برا بس المكياج ممنوع هااا
لمى: اصلا ماعندي لحط
علي: اي منيح يلا ناطرك لا تتاخري رح شوف الميمة
بعد مدة طلعو من البيت وعلي طاير عقلو ب لمى وكيف طالعة بلحجاب والفستان
عند الباب بعد ماسكر الباب اجت ام علي ومسكت ايدو
علي: طلع ب أمو مصدوم
ام علي: اوقات عم تجيني دوخة لهيك خليك ماسك ايدي ابني وانتي لمى تعي لمشقيتي
مشيو وعلي مقهور
وبقلبو اووف معقول مافيني امسك ايد مرتي متل كل هالناس حتى هي استكترتيها علي ياموو
****
سكر الدكان وركض ع البيت فتحت الباب يااموو
اختو رؤئ ماما بالمطبخ
دخل ع المطبخ مبسوط بدو ياكل كبه يعطيكي العافية يااموو
ام عزيز: اهلين تقبرني الله يعافيك
ابو سميير: وعم يدور بعيونو على الكبة شو يااامو وين الكبة ؟؟
ام عزيز: ابني روح غسل لبين ماجيب الاكل
ابو سميير: بأمرك غسل ايديها وراح لغرفة القعدة يستنا امو
ام عزيز: وحاملة صينيةالاكل ياولاد تعو تغدو
وفاتت ونزلت الصينة ع الارض
ابو سميير: وهو مصدوم بالاكل يلي قدامو شووهااد ياامو وين الكبة
ام عزيز: وتربعت ع السفرة ما سخيت روح هالحمات هيك قلت بخبيهن وبحط بالاكل شوي احسن ما ناكلها فرد يوم وقلت بما انك مشتهي الكبة بعملك دبابة بالبرغل والرمان والجوز وحدها زبدية لبن
ابو سميير : ياموو عنجد عم تحكي يعني ماعملتي كبة
ام عزيز؛ لك اميي حرام هالبعزقة لشو الكبة هلق انت قدامك زاجة واخواتك لسا صغار وبدهن مصاريف خلينا نضب ايدنا هالفترة ودخيلك على هالاكلة بالله دوق هالدبابة بتجنن
ابو سميير: بقلبو شكلن اهل الحارة معن حق اااخ بس قام وطلع من البيت مطنش صراخ امو عليه طبش الباب بقهر ورجع لدكان لازم لاقي حل لانو شكلي مارح اتزوج ابدا من فصول امي اااخ ياربي
********
بقي كل الطريق ساكت وصلو لسوق وبلشت الجعقة وهو ببالو لمى وهي بعيدة عنو خاف ضيع عنن
علي وقف : لمى تعي وقفي جنبي من العجقة بلا ما ضيعي
ام علي: لا خليها حدي وتمسك بايدي ما بضيع بس انت لوين بدك تروح ؟؟
علي: لهون رفيقي عندو محل تياب رح جبلا عباية
وصلو ودخلو المحل وبلشو يتفرجو على تياب
شو لمى عجبك شي
لمى: حملت عباية سودا قطعتين كمامها عراض وعليهن لولو كانت حلوة وستايل صبية صغيرة
علي: ابتسم اي حلوة كتير
ام علي: وانا عجبتني بدي متلا اكبر بقياسين
علي: ياامو عنجد بدك متلا؟؟
ام علي: اي مو قلت حلوة لك امي
علي: اي حلوة بس يامو هي مو لعمرك
ام علي:لا حلوة شو دخل العمر انا بدي متلا
علي: بامرك عطينا متلا ع قياس الحجة عبدو
عبدو: بقلبو الله يعينك ياعلي
علي:لمى دوري على غيرا
لمى: ابتسمت ماشي وقف حدا وعم يدورمعا وبهمس ماتزعلي من امي اي مازعلت
شو رايك بهي ؟؟
علي: بهمس حلوة بس قولي ماعجبني شي
لمى: تمام
علي: بصوت عالي شو صار معك كانو مو عاجبك شي ؟؟
لمى: ماعجبوني مو حلوين
علي: طيب لكن خلونا نطلع حاسب على غراض امو وطلعو ،
#يتبع
#الاسمر
#نور_سمرا
#الجزء_الثامن
بالضيعة
خالد : شو ابن عمي كانو نسيت القصة ؟؟
ياسين: حط كاسة الشاي ع الطاولة انو قصة؟؟
خالد: ههه ياعين علقت بالعسل ونسيت تارك لك ابن عمي
ياسين: امممم قصدك على لمى اي نسيتا وماعاد بدي فكر فيا انا هلق قرب عرسي ومابدي فكر بشي تاني ودخلك اذا اهلا تبرو منا وقلعوها انا لشو وجع راسي فيا مو مستاهلة ضيع وقتي عليها تنباع بالعزا
خالد: بقلبو لعما بقلبك شو طلعت خروق وانا عم اتحملك كل الوقت لتجي تقلي نسيت الموضوع اي مو على كيفك
عين العقل شي راح ومضى وانت هلق رح بصير عندك عيلة وبرافو عليك عجبتني هلق بقدر اطمن على اختي معك
ياسين: اي دخيل اختك اذا في احلى منا
خالد: عيب عليك ولااك عم تتغزل فيا قدامي
ياسين: ههههه اي بكرا منشوفك بس تخطب
خالد: لا دخيلك مابدي هيك مرتاح
*****
فريال : لك جوري شبك الك ساعة حاطة راسك بالجوال ولاكاني عندك
جوري: وعيونا بالجوال اي ولييه عم دور على طريقة جذب
فريال: ولك حوبة لسا بتأمني بهيك قصص
جوري: اووف مابعرف رح طق يافوفو بدي طريقة يحكيني فياا معم يردعليي
فريال: يادبة متذكرة وقت عملتي طريقة البوشار شو صار احترقو وعلى شوي حرقتي حالك بالطنجرة
ولا وقت حطيتي الرمان كيف بهدلتي المطبخ وامك خلتك تعزليه كل ليل وغير الاندونمي والكتشب وغيرهن لسا ما تبتي اعقلي عاد الزلمة متزوج اتركيه وشوفي يلي رايدك
جوري: يلا رجعت ام حكم وهلق بتقلي مروان.
فريال: اي شبو مروان ماضروري يكون حلو المهم بحبك ومعباا رح يدللك دلال ماحدا دللو وبقلك المتل خود يلي بحبك ولا تاخد يلي بتحبو
جوري: لك تضربي انتي وامتالك هاتي هالاركيلة حرقتي ام النفس لحالك
فريال: جوجو حسوني هون ؟؟
جوري: اي هون مو طايقتو قال بدو يزوجني لا اول واحد بدق بابنا مفكر الشغلة على كيفو
فريال: لااا انتي اليوم مابتنطاقي الاسمر تبعك اخد عقلك
جوري: خلص ياكلبة اقعدي بلا هبلك هلق تعي خبرك شو صار معي عند ابو سميير
فريال؛ ورجعت ظبت قعدتها اي احكيلي
جوري: هاد ياستي طلعت جيب كم غرض الي وقلت بركي بلمح علي بالحارة المهم الاخ بلش يتغزل فيني و رجع سمعني مشان موضوع الخطبة
فريال: اي وشو قلتيلو؟؟
جوري: هههههه قلتلو لا بس الاخ اصر يعرف السبب
فريال: وان شالله خبرتيه ؟؟
جوري: اي بعد ما اصر وجن علي الله وكيلك وقلعني من الدكان
فريال: 😂😂خرجك الله لا يقيمك مو حرام تكسري بخاطرو ولا هو مافي منو
جوري: وجع انا شو دخلني هو بدو يعرف
وبتعرفيني لساني متبري مني بقيت الخمير ولفطير وهو ماتحمل احكي على امو
فريال: يبعتلك قتلك مقواكي والله لسا لتوقعي طب على بوزك
جوري: نننننن قومي انقلعي سخني ابريق المتة ام قلب كبير
فريال: اي لانو انتي الضيفة تتحورئي شو انك قليلة مروة لك امو داعية عليها يلي رح يبتلا
جوري: سديه ولييه يصحلو اصلا😏
فريال : يووه على شو يابعدي
****
بعد ما طلعنا من المحل وقفت انا وحماتي يلي كانت عم تتزور فيني وكان في شباب واقفين قبالن وعم يطلعو فينا
علي: طلعت وشفت الشباب كيف عم يطلعو ب لمى ويضحكو وجن جنوني ومشيت لعندن خير انت وياه على شو عم تتطلعو
الشب" وانت شو دخلك لا يكون شارع يلي خلفك
علي: اممممم ومسكتو من رقبتو اي شارع يلي خلفني ورح ورجي يلي خلفك كيف الترباية بتكون وبلشت ضرب فيه
لمى: بخوف دخيلك يامرت عمي روحي بعدي علي عنو لكي كيف هجمو عليه
ام علي: ياااعلييي تركو ياامي وصرت خبط عليهن بالشنتة يلي بايدي ليبعدو عن علي وصرخ ليساعدونا الناس
لمى: ياويليي اكيد رح تجي الشرطة هلق
بالمخفر
قاعدة ورا مكتبها وعم تتطلع فيه
صفا: لك شو عامل انت اااه
علي: ببرودمو عامل شي
صفا؛ فعلا مو عامل شي بس كاسر ايد واحد والتاني مشوه وجهو والتالت كاسر انفو 🙂
علي: ٠٠٠٠
صفا: احكي لي تهجمت عليهن وضربتن ؟؟
علي: هيك تبلي 🙂
صفا: علي احكي هالشي مو لصالحك اذا اشتكو عليك رح تنسجن اقل شي ست شهور
علي: يشتكو مابهمني
صفا: يعني مارح تحكي لي ضربتن
علي: قلتلك تبلي
صفا: ماشي ياااا ظافرر
ظافر" فتح الباب وضرب تحية نعم سيدي
صفا" نزلو لتحت وجبلي الشباب
العسكري طلع علي لبرا
ام علي: وركضت لعندو ياااروحي انت لي هيك ساويت بحالك وفينا وبلشت تبكي
علي؛ بعصبية لك انتو شو عم تعملو هون شو جابكن بدكن تتجننوني يعني
ام علي: شلون شو جابنا مابدنا نعرف شو رح يصير فيك
علي: لك ياامو بوس ايدك خدي لمى وروحو من هون لا تجننوني ياامة الله واقفة هي وياها بين لزلم لك روحو من هون بلا ما يطلع جناني
لمى : بخوف يلا مرت عمي خلينا نرجع ع البيت
ام علي: ببكي الله يسامحك ياعلي ومشيت مع لمى يلي عم ينزلو دموعها ع الساكت
علي: استغفر الله اووف
صفا: اي شباب شو سبب المشكلة ؟؟
الشب: ياسيدي والله نحنا مادخلنا كنا واقفين وهو اجى اتهجم علينا
صفا:: ببرود امممم يعني تبلي
الشب التاني: الله وكيلك تبلي .
صفا: يعني ما طلعتو بعيلتو هيك ولا هيك
الشباب: ٠٠
صفا: تمام هلق بس تنزلو لتحت رح تتذكرو يااظافر
الشب: دخيلك ياسيدي تسامحنا ماعاد نعيدها وهي شوفت عينك شو عمل فينا
صفا: يعني مابدكن تشتكو عليه ؟؟.
الشباب: لا الله يسامحو
صفا: وانتو الله ياخدكن كم مرة صرتو جايين لهون كرمال قصص التحرش بلسواق اااه
الشباب: ٠٠٠٠
صفا: حيوانات رح ربي فيكن لقرود هالمرة لحتى تحرمو تنزلو على سوق من هون ورايح وبصراخ يااظافر تعاا نزلهن وتوصى فيهن منيح هالمرة
الشباب: بصراخ دخيلك والله التوبة اخر مرة والعساكر عم يشحطوهن
نزلت صفا لتحت لعند علي كان قاعد بالزاوية وباين القهر على وشو
صفا: شو ابو عنتر ما هديت
علي: ٠٠٠٠
صفا: قوم لوصلك ع البيت
علي: يعني نحلت القصة
صفا: اي هدول الشباب يلي ضربتن الهن سوابق وهنن مابدن يشتكو عليك
علي: شكرا كتير سيدي
صفا: هههههه مو بينا ولوو من هون ورايح بدك تعتبرني صديقة مو الرائد يلي بتشتغل عندك
علي: وعم يطلع فيا وهي عم دخن هلق بما انو صرنا اصدقاء بحسن اسالك
صفا: اكيد اسال
علي: شو يلي دخلك بهالمجال لي بنت حلوة متلك تلبس متل الزلم وتتصرف متلن وتشتغل بمكان كلو مجرمين وعساكر
صفا: ونفخت الدخان وتنهدت انا خلقت بعيلة الله عاطيها بس كنا اربع بنات ماعنا اخوة شباب ومن انا وصغيرة اسمع الناس تدعي لا اهلي يطعمهن الصبي
وقتا كان عمري ٩ سنين قعدت بحضن بابا وسالتو ليش الناس عم تقلك الله يبعتلك الصبي
ضحك بابا على سؤالي وقلي لانو انتو حريمات وضعاف ولازم يكون عندكن اخ يكون سند وقوة الكن
قلتلو شو يعني سند قلي يعني وقت تحتاجيه يكون جنبك سندك بكلشي ماتخافي من حدا يحميكن ويخاف عليكن حنون ومافي متل حنية الاخ ياابنتي
انا وقتا صفنت وقلت لي مابكون انا هالاخ لخواتي
ومن وقتا صرت اهتم بكلشي يهتمو فيه الشباب دخلت نادي وصرت اتعلم فنون الدفاع عن النفس ويلي يقرب من خواتي كون الو بالمرصاد وقفت مع ابي بالشغل وكنت ايدو اليمين بكلشي ولحتى بين اقوى دخلت بهاد المجال ونسيت شو يعني انثئ
علي: بس هالشي غلط بهاد الوقت ماعاد في فرق بين الشب والبنت و قد ماعملتي مافيكي تكوني متل الشباب يعني لا لبسك ولا تصرفتك ولا رتبتك بتخليكي شب انت بنت بتجنني لا تدفني حالك بهاد المكان بين المجرمين وياستي اذا كنتي حابة هالشغل بس بعد الشغل شو يلي بيمنعك مابترجعي صفا البنت الحلوة الناعمة
لي مابتجربي تلبسي وتتصرفي متل البنات لي تحرمي حالك من هالشغلات.
صفا: مابعرف بحس هالقصص تافهة ومستحيل بيوم اتخيل حالي لابسة فستان
علي: لنفترض وقعتي بالحب مو مستعدة تتغيري كرمالو؟؟؟
صفا: ههههه لك بربك علي انا وين والحب وين يازلمة
علي: اي ضحكي ضحكي لانو مفكرة الشغلة بايدك
صفا: يمكن مو بايدنا بس انا بعرف اتحكم بمشاعري وبقلبي كمان وهي وصلنا سيد علي شرف انزل
علي: حولي نزلي نشربك كاسة شاي
صفا: غير مرة فوت طمن اهلك عليك تصبح على خير
علي: وانتي بخير
حسين: شو علوش مين الخانوم ؟؟
علي: اهلين حسون رح جيب كراسي استناني
فتحت الباب وفتت يالله يالله
لمى: وركضت على علي وضمتو وببكي انت منيح
علي: كنت مصدوم وحسيت كهربا نفضتني شديت عليها وعم شم ريحتا اي منيح ماتخافي وحاج تبكي
ام علي: يااعمري انت وبعدت لمى عنو تقبر قلبي الحمدالله على سلامتك
علي: ييي شبكن كلن ساعتين يلي غبتن لشو هالبكي
لمى ساوي متة حسين برا رح اخد الكراسي وانت ميمة روحي نامي مرقت القصة بس فوتتكن على الفرع ما رح مارقها بس ليروح حسين وعيونو على لمى يلي عم تعض على شفتها بخجل
بقلبو ياربي هي البنت بدا تجنني حمل الكراسي وطلع
حسين؛ شبو وشك
علي: خليها لا الله يازلمة هلق طلعتي من السجن
حسين: خير علي شو صاير معك
علي: مافي شي كنت انا وعيلتي بالسوق وشوية زعران
عم يطلعو عليهن ماتحملني عقلي وهجمت عليهن
حسين: لك كفو يسعد دينك ياريت كنت معك
علي: مرقت المهم كيف انت
حسين: ماشي الحال عم ندفش
علي: سمعت انك طلبت بنت ابو محمد ؟؟
حسين: اي والله انا مابعرفا للبنت وافقت على كلام امي وبس يردو خبر بروح بشوفا
علي: الله يقدم يلي فيه الخير وابو محمد مافي منو يعني نيالك بهيك عم
حسين: وانت كيف امورك
علي: تكه لجيب المتة فات ع البيت كانت واقفة عند الباب طلع فيا لمى عنجد خفتي عليي
لمى: اي جد لي عندك شك
علي: لك دخيل ربك مع اني مقهور منك كوماياات
لمى: والله انا مادخلني امك اخدتني معا
علي: ماشي فوتي لجوا بعدين منحكي
وطلعت لعند حسين وصبلو كاسة
ااخ ياحسون مهموم ورح طق
حسين: شبك علي شغلت بالي
علي: امي ياحسين رح تجلطني والله
حسين: ههههه شكلو بلشت المشاكل بين الحماية والكنة
علي: ياريت هيك القصة لك انا مابدي احكي وعيب احكي بس انت اخي ومالي حدا احكيلو غيرك انا بالاسم عريس
حسين: معقول وشو دخل امك بهي الشغلة
علي؛ من اول يوم جبت هالمخلوقة امي صفرنت وعملت العمايل قلت حقها يعني ابنها الوحيد وتزوج من دون علما بس بعدين تغيرت صارت كل يوم تبلش تصرخ وتتوجع وماتنام لحتى ينام واحد منا عندا انقهرت عليها وصرت اترجاها اخدها ع دكتور ما ترضى واخر شي اقتنعت تروح هي ومرتي وفعلا راحت وسالت شو حكى الدكتور قالت تعب وعادي مافي شي بخوف بس انا رحت لنفس الدكتور واتاكد انو امي مافيها شي وكل امورها تمام
حسين : بتعجب لكن شو قصة الوجع
علي: طلع كو تمثيل
حسين: تمثيل لي امك بداا تمثل عليك انو مرضانة؟؟؟
علي: لانو غيرانة من مرتي ومابدا اتقرب منا وكل ماشافتنا سوا بتعمل قصة واذا فتنا ع الغرفة بتقيم لقيامةلك يازلمة اذا ضحكت معا بتنقهر وبتزعل لك اليوم قلت بما انو اجازة لا اخد مرتي ونطلع نتفتل شوي بتجي بتقلي بدي روح معكن قلتلا تكرمي واول ماطلعنا مسكت ايدي وبعدت مرتي عني قال هي عم دوخ قلت ياولد سايرها بتم امك دخلنا نشتري تياب كل مانقت مرتي قطعة تقلي بدي متلا
نقت مرتي عباية صارت بدا متلا ياامي هي مو لاعمرك لا بدي متلا لك يطولك يقصرك اخدتا واخدتا وانا طلع خلقي وطلعت وتفشتت بالشباب يلي برا
حسين: ههههه قال ونحنا غيرانين منك تزوجت قبلنا
علي: شمتان ياحقير
حسين: صح مرة امي حكت قدامي انو امك مابدا تزوجك لحتى الكنة ما تسرقك منا وقتا قلتلا لا مستحيل خالتي ام علي تفكر هيك طلع كلام امي صح وامك عنجد هيك عم تفكر
علي: اي ابنا وحيدها وخايفة اتركها والحق مرتي ومابتعرف انو عندي ياها بالدنيا والله واذا بتطلب روحي بعطيها وبتخلى عن مية مرة ومابتخلا عنا
حسين: اي شو رح تعمل هلق ؟؟
علي: مابعرف رح طق والله وكمان مرتي شو ذنبا تعيش هيك
حسين: انا برايي تقعد وتحكي معا وتقلا انو كاشفها وانو من حقك يصير عندك عيلة وولاد احكي معا برواق وحنية واذا ما اقتنعت منك مالك غير تجبلا منوم وتخلص من القصة
علي: مجنون انت معقول حطلى منوم ويصرلها شي لاا رح احكي معا حااول اثر عليها بطريقتي
حسين: قوم سخن لابريق نشفت حلقي تضرب انت وهالسهرة
علي: خراس ولااه لعما صاير متل قيس فضيحة
وقت فات علي رن جوالو ع الطاولة
حسين: لعما لك هاد رقم جوري معقول علي وجوري
لااا لااا علي مستحيل يحكي مع اختي انا بعرفو
بس جوري ااخ مو بعيدة عنا هالفصول انا بورجيكي ياكلبة
علي: شرف حسون افندي
حسين: كان جوالك عم يرن
علي: مين لي مارديت
اااه هاد الرقم لوحدة قال معجبة
حسين: ايوا ايامك ياعمي وماعرفت مين ؟؟
علي: لا والله بعتتلي ع الواتس قال معجبة ومن هالحكي حاولت اعرف مين ماعرفت
حسين: ليكون حدا من الشباب بدو يعمل فيك مقلب
علي: لا حكيت معا صوت واتاكدت انها بنت بس ماعرفت عن حالها وانا حظرتا من الواتس مانقصني
بتعرفني مابطيق هالقصص وهي رح احظرها مكالمات كمان
حسين: انا تذكرت عندي شغلة مهمة ولازم روح تصبح على خير وقام بعجلة
علي: لك يقطعمرك لي خليتني قوم سخن المي ياكديش
حسين: من بعيد شربها انت ومرتك وغمزو
علي : تفوو عليك كلب
حسين: دخلت بعجلة ماكان في حدا شكلن نايمين دقيت على جوري وانا عم حاول مابين اني معصب
جوري: فتحت وبنعس شوبدك حسين
حسين: عطيني جوالك بدي احكي مكالمة ضرورية مع معلمي يلا
جوري: بخوف اااه جوالي لي وين جوالك
حسين: لك خلصيني ولييه جوالي مافيه رصيد يلا
جوري: شالتو عن الشحن وايديها عم يرجفو خود
حسين: فتحي البطيخ يللااا
جوري: اااه اي يلاا فتحتو وعطو ياه وهو راح فيه لغرفتو ياويليي ان شالله مايفتش فيه والله لا يدبحني
حسين: فتحت السجل شفت مكالمة لا علي بنفس الوقت يلي كنت قاعد معو ومسيفة رقمو بالاسمر هالحقيرة
دخلت الواتس شفت المحادثة الله يعدمني ياكي معجبة مو والله لخلي لقرود تتتعجب فيكي ياكلبة
لا والك معجبين كمان بيسطة دخلت ع محادثة بينها وبين مروان وبعتلو اذا لسا بدك ياني ابعت اهلك بكرا انا موافقة وبس وصلتو عملت حذف من عندي وطلعت منو ماشي ياجوري والله لربيكي اخدت صور لكلشي وطلعت من غرفتي جوري مسكي جوالك
جوري: بخوف اي هات تصبح على خير
حسين: وانتي من اهلو لاتنسي تسكري الشباك منيح
جوري: اي تمام اخي سكرت وفتت اوف الحمدالله شكلو مافتش فيه ااخ بس لازم من اليوم ورايح اخد احتياطي
****
علي فتت لغرفة الميمة وقعدت قبالها وهي بايدها المسبحة بدي احكي معك بموضوع بس مابدي تزعلي وتبكي
ام علي: بخوف خيرامي ؟؟
علي: ياامو انا بعرف انك تعبتي وتحملتي كتير مشاني وما نقصتي عليي شي وحنيتك ومحبتك الي
مابنكرهاا وصدقيني انو عندي ياكي بالدنيا كلا واذا بتطلبي عيوني مابقصر الله بيعلم ومو علي يلي بينسى او بكب امو كرمال مرا
ام علي: عم ينزلو دموعها ع الساكت
علي: ماتفكري انو مابعرف انو كنتي ترفضي البنات كرمال ما اتزوج وانو صحتك منيحة ياامو انا ماني غبي لا افهم حركات الغيرة والتملك يلي عندك بس فكري فيني شوي من حقي اتزوج وجيب ولد يحمل اسمي ولا ما بدك تشوفي احفادك قليلي لي بدك تحرميني من كل هاد
ام علي: بخاف تحبا اكتر مني وتصير تحرضك عليي وتزتوني بدار العجزة
علي: ههه لك ياامو معقول انا اعمل هيك انا تربايتك
والله اذا ما تصبحت وتمسيت فيكي وسمعت دعوة منك يومي كلو بتعكر لك انتي الاساس ياا ام علي
ام علي: بس كمان اانا خايفة من هالبنت مامنعرف عنا شي هيك دخلتها على حياتنا لامنعرف اصلا من فصلا
وانا اذا ما اتاكدت انو هالبنت مظلومة ما رح اقبل فيا
علي: ياامو انتي شو عم تحكي لك انا حكيتلك مين بكونو اهلا وبعدين شو شفتي منا
ام علي: ماشفت شي والبنت منيحة وادمية مارح انكر بس بجوز لانو ما صارت الك وبس تتمكن تتغير
علي؛ اووف ياامو حرام عليكي عم تظلميها
ام علي: معم اظلم حدا انت مابتعرف بكيد النسوان
علي: يعني هلق شو رح يتم وضعنا هيك
ام علي: اي لحتى اعرف عنا كلشي
علي: ماشي تصبحي على خير ( طلعت مقهرو من البيت كلو وبعدين مع هالحالة)
#الاسمر
#نور_سمرا
#الجزء_التاسع
فتح الباب وفات على مهلو
وقف قبال شباك امو وشاف لمى نايمة عندا نفخ بقهر وكمل لغرفتو
لمى: كنت لسا فايقة ومشغول بالي على علي صارت الساعة تنين وماكان يرجع وقت شفتو خيالو عند الشباك رتحت وقمت اتسحب من غرفة حماتي لغرفتنا
فتحت الباب شوي شوي وفتت كان قاعد ع التخت
علي: ببرود لي بعدك فايقة
لمى: قربت وقعدت قدامو ومسكت ايديه لي طلعت زعلان من البيت
علي: ماني زعلان كان دايق خلقي وطلعت غير جو
لمى: انت لساتك على فطورك مابدك تاكل
علي: لا مالي نفس تعبان وبدي نام روحي رجعي لعند امي
لمى: امممم كانو عم تقلعني
علي: اي عم قلعك يلا روحي بدي نام
لمى: نام مين ماسكك
علي: رح نام بس بدي بدل تيابي اول لهيك طلعي
لمى: بعناد ماني طالعة
علي: اي لاتطلعي بدل قدامك وبلش يشلح تيابو
لمى: دارت ضهرا بخجل وغطت عيونا لك عيب عليك علي شو هالحركات
علي: عيب عليي ولا عليكي قلتلك طلعي ومارضيتي
لمى: بزعل اي خلص طالعة
قربت لا افتح الباب ماشفتو غير شدني لعندو
علي: لا ماحزرتي فوتت الحمام مو متل طلوعو تعي نامي حدي
لمى: قربت وضميتوو بتعرف قديش كنت خايفة عليك بس ما بتستاهل
علي: ههههه لي مابستاهل ست لمى
لمى: عم تقلعني وتحكي معي بنفسية
علي: ااخ منك خلص تعي بلا نكد هلق عنجد تعبان
لمى: ٠٠٠
علي: مسكت ايدا واخدتا ع التخت ضميتا بقوة اااخ بس الله يسامحك يااميمة غمضت عيوني بحرقة
****
بالضيعة
ماسكينو ولاد عمو وعم يشحطوه على بيتهن
خالد: بصراخ لك تركوني خلص عليه لا ابن الستين كلب
ابو مهران: بغضب خالددد اهدا عاد لعما ضربك
خالد: مابدي اهدا لك هاد سبنا وبهدل عيلتنا كيف بدكن اهدا
ياسين: وماسك خالد لك خلص اقعد وفهمنا لي عم تتقاتل مع ابن العواد
خالد: بصراخ الوطي عم يجيب سيرتنا بالعاطل انو بيت الحوراني مافيهن رجال
ماهر: هالواطي ابن الكلب
ابو مهران: خراس انت التاني لعما ضربكن ماعاد استحيتو
خالد: عمي انت السبب تبريت من بنتك وخليت العالم تحكي علينا وتجيب معدلنا بالعاطل انت بتعرف شو عم يحكو علينا
انتفصو لكل بغضب مهران شو عم يحكو
ابو مهران: خالد اوعك تحكي وهالسيرة مابدي اسمعها
خالد: لاعمي بدك تسمحلي اهل الضيعة عم يحكو انو بنتك هربت مع عشيقها وقدام عيونا ونحنا لو رجال ما منطلعها من بيتها غير بكفنها وابن العواد قالها بوشي
ولسا بدك ياني اسكت
مهران: لك الله ياخدك يالمى انقلعتي وماكنا نخلص منك
ابو مهران: انت قلت سيرتها مابدي اسمع فيا نقلعو كلكن من هون يلا وانت خالد بتبعد عن بيت العواد هدول زعران وكلن مشاكل ومو ناقصنا
ماهر : طلع بابوه بقهر وطلع وطلعو لكل وراه
مسك اخوه من كتفو انا رح دور عليها وجيبا متل الكلبة وخليها عبرة لبنات ااضيعة
مهران: وانا معك بس ماتجيب سيرة قدام اهلك خلينا نعرف عنوان هداك الكلب وبعدا منتصرف
خالد: رجع ع البيت ضحكتو شبر حمل جوالو واتصل
٠٠ اهلين ابو سليمان
خالد: ههههه لك عيني ربك ياغالي والله انك كفو
٠٠٠: ولوو بدنا خدمة تحرز بس عتبان عليك ياشريك
خالد: له ياشريك
٠٠ يازلمة ايدك متل المخباط روحتلي حنكي
خالد: ههههه لك لزوم التمثيل ياشريك وبعدين قابض هديك الحسبة على هالبوكس
٠٠٠ : اي حقي شوبدك اكل قتلة بلاش
خالد: اكيد حقك وهلق بدي منك وين ماقعدت تحكي عليهن وانن مو زلم وخروق ومن هالحكي فهمت عليي
٠٠٠ : صار بأمر عيونك لخليهن يخجلو يحطو عينن بعين حدا
خالد؛ دخيل ربك اي هيك بدي ياك تقل لعيار قد مافيك
مرام: بستغراب لمين بدو يتقل لعيار ولي هيك حالتك
خالد: وسكر الجوال وانتي شو دخلك روحي سخني مي بدي اتحمم وحطيلي اكل يلا اضوي
مرام: حاضر وبقلبا ياترى شو عم يخطط خالد الله يستر
*****
ع الغدا كانو مجتمعين وحسين عيونو على جوري
ام حسين: الصبح دقتلي ام مروان رح يجو المسا كرمال جوري
جوري: وقعت الملعقة من ايدا اي وشو قلتيلن ؟؟
ام حسين: قلتلن اهلا وسهلا
حسين : اي منيح لكن لروح وجيب ضيافة
جوري: لااااا انتو جنيتو شو على كيفكن انا مابدي اتزوج
حسين: ببرود لا بدك تتزوجي ورجلك فوق رقبتك وتاني مرة بتنوصي حسك احسن مااخفيلك ياه
جوري: لا ياسيدي مابدي نوصو ومروان مارح اخدو وانت مادخلك بحياتي انا الي اب وهلق رح دقلو يجي يتصرف معك
حسين: ببرود اكتر امممم اي روحي خبريه شو ناطرة
ام حسين: لشو هالجنان اااه لك يصحلك تاخدي مروان
الشب كامل مكمل بيت وسيارة وشغل عم يقص دهب من وراه وغير هيك رايدك على شو عم تشوفي حالك ااه لك حدا دق بابنا غيرو صار عمرك ٢٥ ويلي قدك صار عندن عر ولاد حمدي ربك انو اجاكي متلو
جوري: لي يابعدي انا شو ناقصني لحتى احمد ربي على مروان ابو كرش لاااا ومية لاااا ماباخدو عم تفهمو والله بقتل حالي
حسين: انقلعي لغرفتك ولييه انا عم صبر حالي ماقوم فعسك بس عم قول مو حلوة تطلعي قدام الجماعة مشوهة لهيك اقصري الشر وانقلعي
جوري: رح احكي مع ابوك يتصرف معك ومشيت تخبط برجليها ع الارض بعصبية
حسين: حمل صحن وضربو عليها الله يلعنك بلا ترباية
جوري: سكرت الباب بخوف وطلعت جوالها تتصل على ابوها اي وينك لي معم ترد اووف
زتت الجوال وبلشت تفتل بالغرفة بقهر وقفت قدام لمراية معقول كل هالجمال واخد مروان
وتشمت فيني فريال اااخ منك ياعلي شو كان صار لو حبيتني الي والله انا حلوة وبنحب
رجعت حملت الجوال ودقيت لا ابي
ابو حسين: اهلين بنتي
جوري: ببكي يابي ارجع الله يخليك هاد حسين بدو يزوجني على كيفو😭
ابو حسين:لك بنتي خلص اهدي شو على كيفو هلق بحكي معو وبهدلو ومابصير غير يلي بدك ياهاا ياوردتي
جوري" يخليلي ياك ياحئ ايمت بدك ترجع اشتقنالك
والله
ابو حسين: مابقدر انزل هلق بدي لا اخر السنة ان شالله
جوري: طيب يابيي مابدي عطلك عن شغلك انتبه ع حالك
ابو حسين: وانتي كمان بنتي ولاتزعلي وقومي غسلي رح احكي مع اخوكي وفهمو انو مادخلو فيكي
جوري: ماشي الله معك زتيت الجوال لنشوف هلق ياسيد حسين كيف رح تغصبني
*****
قاعدين بارض ديار عم يعملو شيشبرك
لمى : مرت عمي فيني اسالك سؤال
ام علي:سالي
لمى: لي مابتحبيني
ام علي: وتركت من ايدا العجينة وطلعت فيا مين قلك مابحبك ؟؟
لمى: تصرفاتك معي وعطول بحس انك مابدك قرب من علي
ام علي: وماعرفت شو بدا ترد قومي جهزي لبن بكون خلصت يلي قدامي
لمى:بحزن امرك مرت عمي
ام علي: بقلبا صح انا لي عم عاملها هيك والله البنت كتير ادمية وكل النسوان بتتمنى يكون عندا كنة متلا
بس مابعرف لي انا عم اتصرف هيك وعم جن على علي ومابدي تقرب منو ويحبا بس وبعدين ياعليا ابنك لا ايمت رح يتحمل هي مبارح طلع زعلان واليوم طلع لشغلو بكير لا فطر ولا حكى مع حدا
****
عند جوري قاعدة بغرفتا ومسكرة الباب
ام حسين: جوري قومي ساعديني نضف البيت قبل مايجو الجماعة
جوري: ماني قايمة خلي ابنك لمدلل يساعدك حلو عني
حسين: طلع من غرفتو ودق عليها فتحي الباب ست جوري بدي احكي معك
جوري: روح من هون مابدي شوف خلقتك وانا حكيت لا ابوك عن فصولك كلا
حسين: اي ابوكي حكى معا انا لا هيك بدي احكي معك افتح قبل ما جن واكسرو لسا لهلق مصبر حالي عليكي
جوري: مابدي افتح بدك تضربني بعرفك
حسين: الله يجيبك ياطولة البال لا مارح اضربك فتحي يفتحو قبرك
جوري: بخوف ومن ورا الباب احلف بحياة امك مارح تضربني
حسين: وحياة امي مارح اضربك
جوري: وفتحت الباب وهربت لا اخر الغرفة
حسين: ماعرفتك كتير خايفة ماشالله مو منشوي كان حسك طالع لا اخر الحارة تعي انقبري لهون
جوري" لاهون منيح احكي شو بدك
حسين: اي ست جوري من وين بدك بلش من رسايلك لعلي ولا رسايلك مع مروان ولا رسايلك مع ابو سميير
جوري: رسايل شو انت شو عم تخبص
حسين: امممم اي غشمي حالك مفكرة مابعرف انك عم تبعتي لعلي رفيقي ولاحقتيه وانتي بتعرفي انو متزوج ولا قايلتيلو بنزل على ضرة
جوري: كذب ما بعت لحدا رفيقك كذاب وعم يتبلى عليي
حسين" بس رفيقي ماقلي وانا شفت محادثتك معو حاج تكذبي ولعلمك خبرت ابوكي بكلشي
وورجيتو محادثاتك مع لكل وقلي اعمل المناسب معا وانا هلق رح خيرك يابتوافقي على مروان او بتوافقي على ابو سميير معك ساعة وبدي جوابك وانطلعتي ونزلتي رح تاخدي واحد مننن وبالصرماية ياحلوة واذا عملتي شي هيك ولا هيك وعزة الله لزوجك لواحد ختيار وخليكي خدامة عندو
جوري: لااا انت جنيت مارح اخد لا هاد ولا هاد ويلي بيطلع بايدك يطلع برجلك والله ياحسين بفضحك بالحارة لسا مابتعرفني
حسين: وقرب مسكها من شعرا جربي عملي شي والله بدفنك هون وماحدا بيدرا فيكي خليكي عاقلة احسنلك ناطر قرارك برا ودفشها ع التخت بقوة
جوري: اااخ الله يكسر ايدك شو يهودي
حسين: بصوت عالي يامو ممنوع جوري تطلع من غرفتا من دون علمي
ام حسين: اي ابني الله يهديكي بس
*****
علي خلصت دوام وماكنت حابب ارجع ع البيت تفتلت شوي وخطرلي روح لبيت خالتي واحكي معا بخصوص امي
ام محمد: لك اهلا وسهلا كيف هيك وغلطت وجيت لعندي
علي: والله انتي ب البال عطول ياخالتي بس شغل والله
ام محمد: الله يقويك تقربني لي ماجبت امك ومرتك معك يسهرو عنا
علي: غير مرة كنت قريب منك وقلت اجي شوفك واطمن عليكي
ام محمد؛ الله يرضى عليك شو ما حبلت مرتك لك خالتي
علي: ههههه خليها لا الله ياخالتي
ام محمد: لي عم تضحك صاير شي بينك وبينا يعني
علي: ااخ ياخالتي لي انا قربت منا اول
ام محمد: يووه معقول لك ابني صرلكن مدة متزوجين كيف هيك يعني منك ولا منا احكيلي انا متل امك
علي: لا مو مني ولا منا من اختك
ام محمد: يووه شو هالحكي لك علي شو دخل اختي
علي: اختك مابدا قرب منا وكل يوم بتعمل مية قصة ومن وقت تزوجت البنت عم تنام مع اختك
ام محمد: الله يصلحك ويهديكي ياعليا
علي: رح طق ياخالتي قعدت معا وحكينا صارت تحجج انو مابتعرف البنت وخايفة ومن هالقصص وغير الغيرة تبعها من لمى شو لبست بدا تلبس واذا ضحكت بوش مرتي بتزعل واذا ساعدتا بتزعل لك اخ شو بدي احكي لا احكي
ام محمد: يعمري انت شو متحمل خلص دواها عندي لا امك ولا يهمك
علي: الله يخليلي ياكي
ام محمد: اكيد مو متغدي رح جبلك تتغدا
علي: لا خالتي مالي نفس والله
ام محمد: مو على كيفك وخلص قلتلك شغلتك محلولة
علي: ان شالله بس مابدي تجيبي سيرة انو خبرتك وتزعل مني وتاخد على خاطرها
ام محمد: لا ويهمك مارح جبلا سيرة
***
كانو قاعدين وناطرين على
لمى: مرتي عمي علي تاخر كتير مالو بالعادة
ام علي: بجوز عندو شغل الغايب عزرو معو هلق بيجي ان شالله وبقلبا معقول صاير معو شي بعيد الشر ولا اخد على خاطرو مني الله يحميه ولا يضرني فيه يارب
***
جوري: لك عم قلك مسكر عليي الباب وخيرني بين مروان وابو سميير
فريال: ههههههه لك خرجك الله لايقيمك
جوري: يقصف عمرك الهي شمتانة ياكلبة فوق ماتوقفي معي وتساعديني لاقي حل
فريال: لكي انتي ادرا بأخوكي وطبعو ومستحيل يتركك بحالك لهيك وافقي على واحد منن وخلص
جوري: لك انتي هبلة شي قال وافق مستحيل
فريال: لك هبلة وافقي هلق مؤقتا وبعدا طفشيه
جوري: اييي اي والله جبتيها بس على مين وافق
فريال: هلق ابو سميير مالك مصلحة معو اهلو بخلا مارح يجو ويدفعو حق دهب ومن هالحكي بس مروان مليان وطاير عقلو فيكي وبكرا سحبي منو ودللي حالك وبعدا طفشيه على طريقتك وانتي تسسس ماشالله عنك مابدو حدا يعلمك🙂
جوري: انا حية يااكلبة بتطلعي مية تسس انتي ع الافكار يلي عندك يخربيتك من حالك والله لو بتم مية سنة مابتخطر علي بالي
فريال: لا انك حوبة بدل ما تسايري اخوكي وتعملي متل مابدو وتطلعي انتي المظلومة فاتحة جبهة وانتي بتعرفي انك الخسرانة فيا العين تطرقك لسان ع الفاضي مخ مافي
جوري: خلص سدي حلقك عاد يلا روحي انقلعي لا روح خبر حسين وجهز حالي
فريال: تففف عليكي حقيرة
سكرت بوشا وطلعت لعند حسين وعم مثل كسرت الخاطر والحزن
حسين: اهلين والله شو ان شالله عقلتي ورح تسمعي كلمتي
جوري: اي متل مابدك اخي
حسين: اووو ماعرفتك والله شو هالادب والاخلاق بتنحسدي والله ماعلينا ومين تعيس الحظ عفوا سعيد الحظ
جوري: مروان 😓
حسين: امممم اي الف مبروك يلا لكن جهزي حالك رح يوصلو الجماعة
جوري: بأمرك
وفتتت البس لازم ساير هلق مالي غير هالحل
****
بالضيعة
صارت سيرة لمى واهلا ع كل لسان وهالشي
خلا مهران وماهر يصرو اكتر لينتقمو من لمى
وغير خناقاتهن يلي عم تصير مع اهل الضيعة
ياسين حدد موعد العرس الخميس ولك عم يشتغل فيه لانو وعد مرام يعملا عرس ماصار
**
علي رجع ع البيت متاخر وشاف امو ومرتو عم يستنوه
علي: مسالخير
ام علي: لك وينك لهلق شغلت بالنا عليك
علي: وعم يطلع ب لمى يلي تجمعت لدموع بعيونا
كان عندي شغل انا فايت نام تصبحو علي خير
ام علي: بحزن وانت بخير وانا فايتة نام
لمى: بس مرت عمي انتي ماتغديتي خليني جبلك تاكلي قبل ماتنامي
ام علي: لا مابدي مالي نفس روحي انتي كلي
لمى: فتت ع المطبخ ياترى شو صاير بين علي ومرت عمي مو على بعضن لضب هالاكل بالبراد وروح نام انا كمان ضبيت الاكل ورحت على غرفتنا لا اخد تياب
كان نايم قربت منو شوي شوي عم اتامل بتعرف انو اشتقتلك كتير يأاسمر وزعلانة منك كل نهار عم اعملك الاكلة يلي بتحبا بس ما اجيت ولا انت اكلت منا ولانحنا بس يلا المهم انك رجعت بخير وسلامة
قمت من قدامو ورحت لعند لخزانة اخدت بيجامة وطلعت دخلت ع الحمام بدلت تيابي وفتح الباب وقفت عند المغسلة لغسل ورفعت غرتي لورا لمحت الجرح يلي ع جبيني تذكرت كيف مهران بوقتا ضربني لانو طالع الشاي مو ظابط واجى راسي على حفة المجلى وقتا نزفت كتير وامي اااخ يااامي شو بكيتي عليي يومها ونيمتيني بحضنك ااخ ياامي شو اشتقتلك واشتقت لحضنك الدافي اشتقت لبيتنا ولا اخواتي ولبابا الله يسامحكن بس وبلشت ابكي
علي: فتح عيونو بعد ما طلعت لمى اووف منك علي يعني بدك تعاقب امك لمى شو ذنبا مابكفي اهلا ظلموها كمان انت بكفي انها منيحة على امك ومابتزعلها وقايمة بشغل البيت وما بتشتكي ابدا لروح شوفها وراضيها قمت لشوفا بالحمام كانت واقفة ع المغسلة
لمى: ااااه
علي: لك هبلة هاد انا شبك
لمى: اووف منك علي رعبتني
علي: وشاف دموعها لي عم تبكي اااه حدا زعلك؟؟
لمى: لا بس تذكرت اهلي وامي اشتقتلا كتير
علي: وضمها على صدرو الله يسامحهن حدا عندو بنت متلك بفرط فيها هيك
لمى: اي انت مو عاساس كنت نايم ولا عم تمثل كنت
علي: ااه لا كنت نايم بس فقت لانو جوعان
لمى: امممم طيب بعدلي لروح حطلك عشا
علي: لا ماحزرتي مارح بعد رايح معك
فاتو ع المطبخ وعلي فتح البراد شو طبختو اليوم
لمى: اكلتك المفضلة
علي: بربك وماتحكيةمن الاول ياعيني وطلع الطنجرة
لمى: علي امك ما اكلت روح فيقها واجبر بخاطرها بكم كلمة حلوة خطي
علي: وقرب وباسها على خدا لك انتي لي حلوة هالقد اااه
لمى: هههههه مدري يلا روح لبين ماحط الاكل
طلع علي على غرفت امو وقرب منا ومسك ايدها وباسها ياامو ياام علي
ام علي: فتحت عيونا اي علي بدك شي ياامو
علي: قومي تعشي معي
ام علي: بزعل مابدي مالي نفس تعشى لحالك
علي: علي ماعليي اذا مابتقومي مارح دوق الاكل
بهون عليكي نام جوعان
ام علي: لاوالله مابهون عليي
علي: اي لكن تفضلي معي عليا خانوم ورفع لحرام عنا وساعدها تنزل من التخت
****
ام حسين: بصدمة ولك يعدمني ياكي ياحئ لك شو هالمنظر
جوري: شبو منظري دخلك بجنن
ام حسين: مابو شي بس طالعة متل الفزاعةهيك بدك تطلعي قدام الجماعة بدك طفشيهن يعني
جوري: لك امي انتي شو بفهمك بالمكياج وهالقصص خلص تركيني براحتي
ام حسين: حسبي الله بس مابقول غير االله يكون معك يامروان
كانت لابسة بنطلون جينز ازرق وقميص احمر يادوب مغطي الورك وحاطة مكياج كتير
ام حسين: وينو اخوكي يروح يفتح شكلن اجو الله يسترنا منك
طلع حسين استقبل مروان واهلو
ام حسين: هي القهوة جاهزة رح فوت قبلك حمليها على مهلك ما تخجلينا قدام لضيوف
جوري: والله فهمت خلص فوتي حملت الصينية واخدت نفس وعملت حركة البنت الخجلانة مسالخير
حسين: بقلبو يخربيتك على هالمنظر يارب صبرني ما اتبلى بهالبنت
ضيفت لكل وقعدت حدا اما وعم تطلع بمروان يلي ضحكتووشبر يبعتلك قتلك الهي على هالمنظر لك ماعرفت تلبس قميص اوسع من هاد حاسة على شوي رح تنفجر بخلقتنا الله لايوفقك ياحسين كلو منك
بعد ماحكو وطلبوها واخدو لموافقة قراو الفاتحة دغري وحددو يوم الخطبة
***
تاني يوم
بعد ماطلع علي على شغلو
ندق باب بيتهن راحت لمى تفتح تفضل
الشب : مرحبا انتي مرت علي
لمى: اي انا
الشب: انا بكون هادي ابن خالتو وبدي شوف خالتي
لمى: اي اهلا وسهلا تفضل لنادي عليها
مرت عمي
ام علي: اي لمى
لمى: ابن اختك هون بدو يشوفك
ام علي: اهلين هادي
هادي: وقرب باس ايد خالتو اهلين فيكي خالتي
انا جايه اخدك معي لعنا
ام علي: خير امك في شي ؟؟
هادي: هلق بس توصلي بتعرفي رح انطرك بالسيارة
ام علي: خير ان شالله وفتت بعجلة لبست وطلعت لمى انتبهي على حالك ولا تفتحي الباب لحدا ان شالله انا مابتاخر
لمى: امرك مرت عمي
وطلعت وراها وسكرت الباب منيح
المسا رجع علي
حطت لغراض بالغرفة وفات ع المطبخ يدور على لمى
مسالخير
لمى: بابتسامة مسالخيرات يعطيك العافية
علي: يعطيني ياك
لمى: امممم عطاك ياني شو لسا بدك
علي: امممم هلق بقلك شو بدي تعي معي
فاتو ع الغرفة وحمل كيس وعطاها ياه هاد الك
لمى: فتحتو بفرح وانصدمت من يلي بقلبو
علي: شو بدك كانو ماعجبك ؟؟
لمى: بخجل اااه لا حلو بس شو بدك فيه
علي: ههههه لك هبلة انتي اكيد لا تلبسيلي ياه قال شو بدا فيه
لمى: لك علي
علي: ومسك ايديها وطلع عليها بحب لك عيون علي لمى حاج ارحمي قلبي شوي ماعاد يتحمل واذا تم هيك رح يدور على غيرك هااا
لمى: بالله شو وبعدين شو خصني انا انت بتعرف لي
علي: اي بعرف انا طالع جيب كم غرض بدي ارجع لاقيكي لابستيه فهمتي
لمى: وامك
علي: امي عند خالتي تعبانة رح تبقا عندا
طلع علي من البيت ولمى واقفة تتامل قميص النوم وليي كيف بدي البسو ياربي بخجل اووف
لك ياهبلة هاد زوجك عادي لازم تتعودي احسن مابكرا يمل ويدور علي غيرك شلت لغراض من الغرفة ورتبتا
لبستو وطلعت بحالي ياويلي كيف رح استرجي وقف قدامو هيك الاحسن البس الكمنو فوقو لبستو وقفت قدامي لمراية عملت مكياج خفيف وتسريحة ناعمة من قدام وتركت شعري من ورا مفرود
شوي وسمعتو رجع وقلبي بلش يخفق بقوة وايديي يرجفو
بعد شوي فات ومعو غراض لسهرة وحطهن ع الطاولة
وطلع فيني بتعرفي انك بتاخدي العقل مابنسى وقت اتمسكتي فيني وتخبيتي ورايي وقتا حسيت بكهربا
نفضتني نفض وقت شفت دموع وماقدرت اتحمل كاني بعرفك من زمان وقتا حتى لو قتلوني اهلك فدا عيونك شهل انا اشتغلت وتعبت وعانيت كتير بحياتي بس ماكنت متوقع يكون العوض عن هالتعب انتي
بشكر الله انو بعتني لضيعتكن وبشكر الله انو عطلت السيارة لوقف وشوفك وتتحامي فيني
لمى: بتعرف وقتا لو ماكنت واقف انت كنت هلق انا تحت لتراب كانو اخواتي على شعرة مسكوني لو ما الله بعتلي ياك اتخبى وراك وماشفت متل شهامتك وقوة قلبك لو حدا غيرك سلمني الهن وقال مابدي وجع راسي وانا متلك عانيت وعشت بين عيلة لاحنية ولا كلمة حلوة والله بعتك الي عوض ويا محلى هالعوض
علي: وقرب منا وباسها بوسة طويلة
وبهاد اليوم لمى صارت ملكو
وبقي كل ليل يتأملها ومو مصدق انو نايمة حدو وبقلبو دخيل ربك ياخالتي انت اليوم خليتني اسعد انسان بالدنيا
بقيت امو كم يوم عند خالتو وماكان عاطي فرحتو لحدا با لمى وطلعو تفتلو وعمل كلشي بيتمناه
بس ياترى فرحتو رح تكمل ؟؟
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
