سكريبت الاسمر الفصل الاول والثاني بقلم نور سمرا حصريه وجديده على مدونة النجم المتوهج
 |
" فِي دَاخِلِ كُلِّ قَلْبٍ يُوجَدُ عَالَمٌ أَكْبَرُ مِنْ الْوَاقِعِ ؛ تُوجَدُ رِوَايَةٌ وَضَحْكَةٌ وَدَمْعَةٌ ، تُوجَدُ أَخْبَارٌ لَا يَرَاهَا أَحَدٌ وَأَسْرَارٌ لَا يُحْكَى عَنْهَا لِأَحَدٍ ، أُمُورٌ لَنْ يَشْعُرَ بِهَا إِلَّا حَامِلُهَا
💙🦋
بحارة شعبية
واقفة ع الشباك بمكياجها الصاخب وصوت الاغاني واصل لا اخر الحارة وعم تتامل الشب يلي مقابلها ياااخ
" يلعن ابوك شو حلوولك يكفني هالطول وهالقامة وهالعضلات لك طلع نظرة لهون وليي عليك عم نتظبت ع الفاضي انشكلت رقبتي وماكنت طسني اووف
لك يقصف عمرك الهي الي ساعة عم ناديلك يامقصوفة الرقبة طفي هالبطيخة وتعي ساعديني حاج واقفة ع الشباك متل الفزاعة
جوري: ببرود كمان عيطي سمعي الحارة علينا مابصير
ام حسين: بعصبية لك ريتني اقبرك شكلي ماعرفت ربيكي طولي بالك ليجي حسين من الجيش خليه يشوف شغلو معك ياقليلة الترباية
جوري: هووهوو علينا كل يوم نفس هالدباجة هلق شوبدك لشو هالبهادل كلا اااه
ام حسين: قومي انقبري جيبلي غراض من الدكان تحركي
جوري: اووف هاتي مصاري شو جبلك خلصيني
طلعت من البيت لابسة بنطلون جينز ديق وقميص اصفر وتحتو كنزة بضي بيضة ورابطة القميص من قدام وصندل ابيض عالي وشالة بيضة مطلعة غرتهاةمنا والعلكة بتما يعني يابنات تخيلو شكل رمزية 😂 😂
وقفت عند باب البيت اتامل الشباب يلي عم يشتغلو قدام بيتنا ولك دخيل سمارو يخربيتو رح موت وهوو ولانظرة ماابرود شايف حالو ونفسية كتير هالمقوص
ام صلاح : ست كبيرة بتم قاعدة قدام البيت ليل نهار لتشوف الرايح والجاي وما بتفوتها فايتة
جوري: مرحبا خالتي
ام صلاح: اهلين جوري لوين رايحة ؟؟
جوري: ع الدكان جيب غراض لا امي
ام صلاح: غراض شوو ؟؟
جوري: (عم تنفخ) كيلو رز وعلبة لبن
ام صلاح : اممم لي شوناوية تطبخ هالمقوصة امك
جوري: شكرية ورز انا تاخرت خالتي عاوزة شي
ام صلاح: لا روحي ولي على قامتك على هالمنظر تضربي منك لا امك عاساس لشرنة صبحية كتير بتعرف تطبخ يعدمني ياهاا
جوري: مرحباكيفو ابو سمييير ؟
ابو سميير: لك يامية مرحبا بأحلى جوري وصفررلك ريتو ما حدا يلبس اصفر من بعدك ويؤبرني الاصفر ياملاكي
جوري:بحدة لك ابو سميير مو ناقصتك عطيني هالغراض خليني روح يووه
ابو سمير: بامر عيونك ياحلو دخيلو يلي مو رايق
وهي الرز وهي لبن امريني في شي غيرو عيوني
جوري: لا يسلمون هي حقون
ابوسمير : خدي هالعلكة من ايدي دخيل هالقامة انا لك اروح دعس وفعس
جوري: طلعت من الدكان وبعدو ابوسميير عم يتغزل فيني لمحورق وانا راجعة كان الشب الحلو جاي ع الدكان اووف لو متاخرة شوي جوا كنت شفتو وشافني لك يلعن هالحظ ولك مرق ولا طلع شو شايف حالو بس بيطلعلو يؤبش قلبي قبش على هالشخصية وهالسمار بشلل يايااموو
علي: السلام عليكم
ابو سمير : وعليكم السلام بأحلى علوش امرني لك عيني
علي: باكيت دخان وقنينة كولا صغيرة
ابوسمير: كيف الشغل علوش يعني الله يعينكن على هالشوبات كيف عم تتحملو يازلمة
علي: بعين الله قول الله يتوب علينا من هالشغل سجلهن لحتى نقبض ابو سمير
ابوسمير: لك ع حسابك لك علوش
طلع عم ينفخ ورجع للورشة وقعد على بلوكة ليدخن
ابو عدنان من فوق شو علي بلاقيك قعدت رح تقضيها هيك مهيصة ؟؟
علي: بعصبية لك لعنت نفسو لعلي من الصبح
مابحقلنا نرتاح ولا شايفنا حمير عندك مامنحس
ابو عدنان:بخوف اي فهمنا ارتاح لشوف اخرتها معك ومع عصبيتك هي
قيس: ههههه خاف منك
علي: لك بصبر حالي ماعصب بس غصبن عن سمايي يازلمة انا خلاقي ديقة وايدي والضرب ما بحسن
قيس: ههههه لاتقلي حافظك ما بنسى بورشة لدهان شو عملت بصاحب الورشة لهلق مابروح من بالي كيف دهنتو لك يازلمة كل ليل عم فكر كيف نضف حالو😂😂
وهلق ابو عدنان خاف يتجعلك بكوم الرمل لهيك قصر الشر وماحكى 😂😂
علي:يخربيتك على هالضحكة تقول مصاحب مرااوبعدين انا ما بتعدا على حدا هننن بطلعوني عن طوري
قيس" اي لهيك معد حدا شغلك معو من عصبيتك الذايدة وهالشي مو منيح لك علي لازم تتحكم باعصابك بينخاف تبتلا بحدا لا سمح الله
علي: دخيلك الرزق على الله وصح بضرب بس مو لدرجة ابتلى و انا يلي مصبرني على هالاشكال امي ولو ماهيك كنت سافرت وتركت هالقرف كلو
قيس: لك علوش شايف هديك العصفورة يلي ع الشباك
علي:بدون ما يلتفت بزورة قيس نحنا من ايمت منتفرج ع العصافير طول عمرنا منحترم المكان يلي منشتغل فيه وهالحركات مابحبا وانت بتعرفني
قيس: لك ولا انا بطلع والله بس هالبنت كل نهار عم طلع علينا ومعلية صوت الاغاني لهيك اشتلقت عليها
علي: الله يستر عليها مادخلناقوم خلينا نخلص طق راسي من الشمس رجع حمل لكريك وبلش يعبي رمل وقيس يحملهن لجوو
وبأخر لنهار رجع ع البيت مهدود حيلو وحالتو حالة
علي: وينك ياموو
ام علي: بحنية هون تقبرني بالمطبخ
علي: السلام عليكم كيفك حجة وقرب باس ايدها
ام علي:وعليكم السلام الله يرضى عليك ويعطيك الف عافية تقبرني الحمام جاهز
فوت تحمم لحطلك الاكل
علي: شو طابخة اليوم ؟؟
ام علي: مجدرة
علي: نعمة كريم يلا لفوت اتحمم
**
بمكان تاني وبضيعة صغيرة لساتها على عاداتها وتقاليدها القديمة المراعندن ما الها كلمة ولا اي تقدير وبس تسمع الكلمة وتشتغل من تم ساكت لا راي ولا شخصية
بنت متل فلقة القمر
بشعرا الاشقر الطويل وعيونها الشهل لوساع وبياضهاا
كانت كتلة من الجمال والانوثة
وحيدة على تلت شباب
مهران: بعصبية وينك ياكلبة لممممى
لمى: بخوف طلعت من المطبخ اي اخي اجيت
مهران: وقرب منا بعصبية ومسكها من شعرا لي هيك قميصي مجعلك انا ماقلت كلو بدو يكون مكوي ولا انتي ما بتفهمي وع بالك قتلة مرتبة
لمى: بخوف لا اخي بوس ايدك والله مابقا عيدها و القميص ماشفتو والله هلق بكويه بس ماتعصب
مهران: فايت اتحمم وبدي يكون مكوي فهمتي نقلعي من خلقتي
لمى: بخوف فهمت اخي
حملتو وركض على غرفتي طلعت المكواية وبلشت فيه ودموعي من تنزل ع هالمعاملة اخواتي كتير قاسين عليي مهران وماهر بس مهند كان حنون ويدافع عني دائما
**
علي شب معروف بالحارة بعصبيتو وخلاقو الديقة بس
شهم وابضاي ولكل بيشهد باخلاقو وحيد لا امو
ومن ورا عصبيتو الذايدة كان من شغل لشغل يعني مسبع الكارات حلمو يسافر بس امو عم ترفض يبعد عنا صار عمرو ٢٧ ولحد هلق امو مالقت بنت تعجبها
المساا ببيت ام علي
علي: شو ياامو شو صار معك ببيت ابو محمد
ان شاءالله قمحة
ام علي: ولوت تما لا شعيرة ومسوسة ماحببيتا لك امي عليها نظرة خبث اعوذ بالله وطويلة متل العامود ماحبيتا
علي: بقلبو ااخ اصلا كنت متوقع والله شكلك رح تم عزابي ياعلي اممم اي كلو خير يامو انا فايت نام جسمي مكسر تكسير والله
ام علي: نوم الهنا يعيوني الله يقويك ويرزقك ياامي
**
قاعدة ع التخت وحاطة رجل على رجل ببيجامتها الحمرا البنتكور واضافرها لمنكرة بالاحمر وعم تهز برجلا
جوري: لك عم قلك ماعبرني هالمقوص الحارة كلااشتلئت وهو متل الحيط الله وكيلك تعدميه اذا رفع راسو واطلع ناحي
فريال: وانتي خلص دبقتيه شو مافي غيرو
بعدين لكل بيعرف اانو علي نفسية وشايف حالو وفوق كل هاد وحيد وامو لهلق ما عم تعجبها ولا بنت
جوري: اي دخيل امو ودخيل ابوه على هالخلفة
بشلل يؤبرقلبي
فريال: ان شالله وبرتاح منك ولك جدبة عم قلك وحيد وبقلك المتل خدي وحيد القرن ولاتاخدي وحيد امو
جوري: هههه لك يبعتلك قتلك متل قلتيلي وصايرة تعرفي تملي يابعدي ستي ويكون بدي ياه ورح تم وراه لا اخدو
فريال: الله ياخدك خدي مروان قاتل حالو عليكي
احسن ماتركضي ورا واحد مو شايفك ولا معبرك
جوري: اييععع قال مروان ابو كرش انا بدي اخدو الله ياخدو اي مابنطس تقيل دم وزنخ
فريال: اي خليكي ناطرة وحيد امو لكن
جوري: اي شو ورايي بنطرو العمر كلو بيستاهل الاسمر
فريال: انقلعي سكري بدي نام تضربي منك الو
جوري: انقبري اندفسي نومة بلا قومة اي وسكرت
قال مروان لك شو جاب لجاب وين طول وعضلات وسمار علي وين هداك ابو كرش يلي مابيتسمى
بس شو عليه ياعلي مصيرك توقع بشباك جوري
**
متل كل يوم بفيق بكير ليطلع ع الورشة
قيس: يلا يازلمة ساعة
علي: هلق هالخمس دقايق صارو ساعة تلحس دقنو لا ابو عدنان امشي خلصنا
قيس: اي ابو شريك طمنا نقول مبروك
علي: بتنهيدة اووف لا متل العادة ماعجبت الميمة
قيس: يلا لسا البنات على قفى مين يشيل الا ماتظبت
وتعجبها شي وحدة
علي: اي ان شالله لك فحم قلبي بدي يصير عندي عيلة ومرا تهتم فيني طقيت يازلمة
قيس: دخلك لاحق ع هالهم بكرا بتلعن الساعة يلي تزوجت فيا على نق ونكد ومشاكل
علي: لك شايفلك مارح طول شي
قيس: ع سيرة لزواج عمر عرسو الخميس وطلب مني اجي انا وياك واكد عليي وقال اذا ما بتحضرو لازعل وما احكي معكن بنوب
علي: اي منحضر لي لا شو وراناا منتسلى ومنغير جو
قيس: لكن الخميس بجي لعندك بعد ما نخلص شغل ومنروح
علي: وجب يلا يااافندي ع الشغل وين العدة
قيس: يلا رح طلعها وجاييك
جوري: من الشباك ولك دخيل هالصباح ولك وانت بتياب الشغل بتطير العقل كيف وانت متانق ارروح قتلل عليت صوت اغنية نانسي عجرم معجبة مغرمة انا بقا مش عيزة الا هووا
علي: بقلبو استغفرالله بلشنا وين اهلا هي ماحدا عم يضبهاا بس فشرت عينك اطلع فيكي
قيس: بصراخ علي انتبه
علي: وبعد بسرعة لتنزل شقفة بلوكة من السطح قدامو
وبعصبية يلعن ابوك ياحيوان
ربيع:(من فوق السطح) الي هالحكي ولاااك
علي: بعصبية ذايدة اي الك لعما يضرب جوز عيونك بدك تروحني
ربيع: خليك عندك نازل والله لاامسح الارض فيك ياكلب ياابن لكلاب
قيس: وماسك عليي اهدا علي شبك مو قصدو الشب
علي: مو قصدو بدي العن**** ودفش قيس ومسك بربيع يضرب فيه
ربيع: ****
علي : عم تسب امي ياا*** وزتو بقلب الرمل وبلش ضرب وين بيوجعك
ابو عدنان: من بعيد لك علي تركو عم قلك تركوو
علي: عم تسب على امي لك لسا ماخلق يلي بدو يجيب سيرتها ع لسانو ياوسخ وهااا وهااا
قيس: وعم يشدو ويبعدو عن ربيع ولتمو ناس ع صراخهن وبصعوبة قدرو يفكو ربيع منو
ابو عدنان: مابدي شوف وشك من هون ورايح بهي الورشة انا ناقصني زعران يلا الله معك
علي: بالناقص منك ومن شغلك ومن هالورشة المقرفة
ربيع: ودمو حميمو وبوجع ابو عدنان انا بدي اشتكي عليه واخد حقي وما بتنازل ليبوس رجلي هالكلب
علي: مافشرت ورجع بدو يهجم عليه ومسكو الشباب
ابو عدنان: بخوف من علي لا مابدنا نشتكي على حدا
قوم امشي معي لا اخدك ع المستوصف بقلبو الله يكسر ايديك ياعلي مكسرو بس بخاف اشتكي يتحطط عليي بعرفو مجنون لهيك رح بعد عن الشر وغنيلو وربيع بعوضو شو بدي اعمل
***
جوري: وليي على قلبي شو هاد لك كسرو لزلمة
لك ياهيك لرجال يا بلاه ولييي شو حلو حتى هوومعصب هالاسمر وقامت ترقص وتغني وسمارو هدلي حيلي قلبلي نهاري مع ليلي وقلبي الو هو عمري الحلو ياعيوني تغزلو بجمالو
***
دخل البيت ولساتو معصب
ام علي: علي شوفي يامو شو رجعك بهيك وقت
علي: تركت الشغل
ام علي: الله يهديك وتخفف هالعصبية ياامي والله خايفة تبتلا بحدا وتفوت السجن والله بمووت حسرة وقهر عليك
علي:بعيد الشر ياامو هيك الله خلقني مابحسن اتحمل كلمة دغري بفور دمي
ام علي: اي عاساس مابعرفك بس لمين بدك تطلع جدك الله يرحمو كان وقت يعصب ياكل الشوك من قهرو
علي: فايت اتحمم جسمي كلو مدبق من الشوب
ام عليي: استنا لطلعلك تياب وجبلك المنشفة
**
بالضيعة
ام مهران: لمى وينك
لمى: من السطح اي امي انا ع السطح عم انشر الغسيل
ام مهران : اي خلصي وتعي عاوزتك
شوي ونزلت لمى اي يامو قليلي
ام مهران: اليوم المسا بدن يجو بيت عمك يحكو فيكي
لمى: بخوف وقعت السلة من ايدا مين بيت عمي
ام مهران: يووه شبك كانو تكهربتي بيت عمك ابوياسين بدو يخطبك لياسين
لمى: ( بخوف) لا ياامو دخيلك مابدي يااه
ام مهران؛ لك مهبولة انتي من ايمتا عنا البنات بتقول لا
والله مايسمعك ابوكي او اخواتي ليسلخو جلدك عن عضمك
لمى؛ يامو مشان الله مو ياسين لك هاد خواتو دابحهن من القتل ليل نهار بياكلو قتل منو بوس ايدك مابدي ياه
ام مهران: ولك ياخوته اذا الرجال ما كان عصبي
وشخصيتو قوية مو رجال وانتي اذا شاطرة بتخليه برا شي وبغرفتكن شي تانية فتحي مخك ولك حوبه
واوعك تجني وتحكي قدام ابوكي واخواتك انو مابدك ياسين
لمى: ببكي امرك يامو لي انا بسترجي احكي او اعترض
ام مهران: اي تقبريني ماتعاندي وشو بقولو قولي موافقة ومتل مابدكن وهلق فوتي جهزي اوتيل الطبخة
لمى: امرك ياموو فتت ع المطبخ وبلشت بكي يعني مابكفي ضرب اخواتي كمان بدي صير تحت رحمة ياسين المجنون ،
** #يتبع
#الاسمر
#نور_سمرا
#الجزء_الثاني
بالضيعة
مرام وينك
مرام: اي خالد
خالد: تعي لشوف سمعتي انو عمك المسا رح يخطب لمى لا ياسين ؟؟
مرام: بربك لا ماسمعت غير منك والله
خالد: مرام مابدي هالخطبة تم روحي احكي مع لمى وعبي براسها ترفض يعني حركيلي وطلعيلي هالكيد يلي عندك
مرام: بامرك اخي هلق بروح لعندا ولايهمك
خالد: والله اذا بياخدها ياسين لا اطلع بروحو
مرام: اخي يعني لو مابعرف القصة كنت قلت بتحبا وبدك ياهاا
خالد: مين قلك مابدي ياها بس مو لانو بحبا كرمال اقهر ياسين الواطي
مرام: ااخ منك انسى هالقصة عااد مرق عليها سنين وايام
خالد: الاسى ما بينتسى لك مرام واذا بتم يوم بعمري
رح دفعو التمن لا ياسين
مرام: الله يهدي بالك ياروحي لكن انا رح البس وروح
خالد: اي وتوصي مرام فهمتي وغمزهاا
مرام: بأمر خلودي ماتوصي حريص
طلعت وانا عم ادعي بقلبي يفتحلي مهران وقفت قدام الباب ظبت شعري واخدت نفس ودقيت
مهران: بنفسية اهلين مرام فوتي
مرام: كيفك ابن عمي
مهران: بقلبو تضربي ما اغلظك منيح تركها وفات للمضافة
مرام: يالطيف شو نفسية بس بيطلعلو ليش الكذب
فتت لعند لمى ع المطبخ كيفك ولييه
لمى: اهلا وسهلا بالقاطعة وجهك ولا ضو القمر ست مرام
مرام: اكيد وجهي😌
لمى: دخيل الواثق
مرام: شو قال عمك جايه يخطبك اليوم ؟؟
لمى: بحزن اي
مرام: يعمري انتي بعرف انو مابطيقيه لا ياسين
لهيك قوي حالك وقولي مابدك
لمى: لي بسترجي مابتعرفي اهلي وعقلن
مرام: لا جبني حالك وقولي اي وعيشي تحت رحمتو ويصبحك ويمسيكي بقتلة وغير كلامو لكبير والزفر
لمى: مرام مشان الله ماتذيدهاا عليي من دون شي رح طق قهر
مرام: لك جدبة بس يسالوكي قولي لا قدام العالم وهيك مارح يجبروكي وقتلة وماصارت شو اول مرة بتاكلي قتلة يعني
لمى: لو قتلة فيا ومافيا بس متاكد رح يشختوني ع البلوعة اخواتي وبعرفهن
مرام: لا ياحوبة اذا بتقولي لا بس يسالك الشيخ مابيسترجو يدبحوكي كرمال اهل الضيعة وحكيهاا ان كترت قتلة ماكنة وبتمرق احسن ماتعيشي مع ياسين كل عمرك ولك حوبه فتحي مخك شبك
لمى: ااخ يامرام كل مابتذكر وجه اختو سلمى بموت من رعبتي والله
مرام: فكري بكلامي وقوي حالك ماتكوني جبانة
لمى: هزت براسها باي اووف
رح تبقي هون للمسا
مرام: لا لازم ارجع اعمل عشا لا خالد
وهيك بقيت مرام تزن وتعبي براس لمى
المسا اجو عمامها وحكو فيها واتفقو على يوم كتب لكتاب يكون الخميس
لمى : يارب دخيلك مابدي ياسين يارب قويني وقول لا و ماتم هالخطبة
***
بالحارة
علي: صباح الخير ياامو
ام علي: الله يصبحك بانوار النبي تقبرني
علي: اااووه مافي من بعد قهوتك لك دخيل صباحك ياست لكل
ام علي: ما انحرم من هالمبسم صحة وهنا يعمري
علي : ياامو بدي افطر واطلع شوف شغل جديد
ام علي: من عيوني الله يفتحها بوشك ويرزقك وينولك يلي بالك
فطرت وطلعت فتت لعند ابو سميير
علي: السلام عليكم
ابو سميير: وعليكم السلام بالازعر
علي: بزورة شو انتشرت الاخبار دغري الله يلعن هالحارة حطهن لا الحكي
ابو سميرر: بس شو هاد يازلمة مكسرو لربيع يخربيتك على هالايد
علي: خرجو الله لايقيمو ولو تركوني عليه لخليه شهر ع الشوربة هالكلب هات عطيني باكيت بدي انزل دور على شغل
ابو سميير: بتشتغل شوفير؟؟
علي: بشتغل بلقرود السود بتعرفني مابحب اقعد بلاشغل
ابوسميير: طيب نطرني يومين وبردلك خبر
علي: وجب لكن بطقطق بسوق الهال هاليومين
عند عمك ابو فريد
ابو سميير: متل مابدك علوش الورد
**
ام صلاح : صبحية ولك مقوصة
صبحية: مرحبا اختي شلونك وشلون صحتك
ام صلاح: وين داحلة هيك ومو شايفة حدا قدامك وليي على عيونك
صبحية: ما تواخذيني كنت مستعجلة بدي انزل جيب غراض للبيت ع بكير
ام صلاح: تعي هلق قعدي مشئيتي شفتي شو عمل ابنا لا ام علي ،؟
صبحية: بفضول لا والله ماشفت شو عمل ؟؟
ام صلاح: لي بنتك لشرنة ما خبرتك مو كل نهارها ع الشباك
صبحية: ولوت تما وبقلبا شوفو مين عم يحكي شرطي الحارة يلي مابتفوتها فايتة لا والله ماخبرتني
ام صلاح: مسك ربيع ابن ابو ربيع وبلش ضرب فيه وبالغصب لابعدوه عنو ياخطيتو نهنهو من القتل
صبحية: يوو وليه لا يقتلو اكيد مخبص معو علي لكل بيعرفو عصبي وخلاقو ديقة بس مابيتعدا على حدا
ام صلاح: اي والله سمعتي امو لشرنة قال ماعجبتها بنت ابو محمد
صبحية: يووه قال ماعجبتها اي والله هالبنت متل الوردة جمال ومال ومتعلمة وبيني وبينك انا حاطة عيني عليها لحسين من زمان
ام صلاح: لك انايلي بعرفها لا عليا هي مابدا تزوج علي مفكرة الكنة رح تاخد ابنها مناا
صبحية: يعني الشغلة باينة مو معقول انو كل هالبنات مايعجبوهاا وعم طلع علة بكل وحدة هالمقوصة عاساس رح تعيشها عيشة ملوك لك اختي حارتنا ديقة ومنعرف بعض
بس خطيتو هالعلي بزعل عليه والله مالو حظ بشي
ستي ينابعو بالعزا ما دخلنا يلا بخاطرك لروح وارجع ع بكير
ام صلاح : قولتك مادخلنا الله معك
***
جوري رايحة جايه بالغرفة اووف كمان اليوم مابين لك
كيف بدي شوفو حركي حالك لك جوري وفكري منيح
ام حسين: لك نيال يلي عندو بنت تسر قلبو وخاطرو
انا عندي بنت تاكل وتشرب وتلزق بالشباك تقول متوحمة على ام صلاح لك تلحلحي تعي ساعديني
جوري: اجيت بس حاج تعيطي بوسها لا ايدك كل الحارة سمعتك
ام حسين: يبلاه بقصوو اي انقبري شغلي تحت الزيت وبلشي قلي
جوري: بالله مو جايه دلولك لحتى عم تعملي كل هالاكل؟
ام حسين: اي يقبر قلبي جايه المسا
جوري: بقلبا هي فرصتك ولك جوري هلق خدي سكبة وروحي لعندن ع البيت ومنو بتشوفيه ومنو بطبقي امو ولك يسعد دينك على هالعقل ابوسني
ام حسين: لك على مهلك ع الكبة رح تخربيهن وليي عليكي مين بدو يبتلى فيكي والله امو داعية عليه
جوري: يصحلو يابعدي لي شو ناقصني
ام حسين : لا خذات العين ولاشي مو ناقصك شي تقبريني كملي كملي الله يصبرني بس
بعد ما امنت انو امي فاتت ترتاح بغرفتا رحت لبست
تنورة جينز وقميص احمر حطيت مكياج تعطرت هديت الشالة ع راسي وتسحبت ع المطبخ عبيت كبة ويبرق زينتهن ولفيتهن بكيس وطلعت ع روس اصبيعي رديت الباب بس المشكلة هلق بأم صلاح
كيف بدي امرق من قدامها اووف اي فوتي اندفسي متل كل هالناس وليي عليكي متل الرادار
شفت ابن جيرانا رامز ندهتلو بهمس بست ولك رامز
رامز: اي جوري شوبدك
جوري: بعطيك الف ليرة اذا بتلهي ام صلاح عني وماتشوفني
رامز: خمسة
جوري: اووف وليي عليك شو طماع امري لا الله هي خمسة
نطرت شوي وقت جاب رفقاتو وتجمعو قدامها يلا جوري هي فرصتك وركض من قدامها اووف الحمدالله
وصلت لباب بيت الاسمر وانا قلبي عم يخفق يارب هو يلي يفتح دقيت ونطرت بعد ما شيكت على منظري بكمرة الجوال وانفتح الباب
علي: ٠٠٠٠
جوري: اامممم هون خالتي ام علي
علي: هون تفضلي ياامو تعيي شوي وتركها ودخل لجوا
جوري: لك ولييي رح اوقع من طولي شوهاد بشل عن قريب ولسا صوتو ولبسو ياااويلييي
ام علي: باستغراب جوري
جوري: كيفك خالتي تفضلي هالسكبة اشتهتلك ياها امي
ام علي: يسلمو عذبتي حالك
جوري: وعيونها لجوا لا خالتي عذابك راحة عاوزة شي
ام علي: لا سلمي على امك
جوري: الله يسلمك بخاطرك
ام علي: سكرت الباب يووه من ايمت الست صبحية بتبعت سكبة على اساس اكلها بيتاكل بس على مين انتي وبنتك هالاساليب مابتمرق عليي تخيلو اخد جوري لا علي ييي كش برا وبعيد
علي: شو ياموو عم تحكي مع حالك
ام علي: لا تقبرني هلق رايح انت
علي: اي شو وبيجي قيس كرمال نوصل ع بكير
ام علي: ماتبلى هالشخصية العين تحرسك
شو طالع حلو بهي لتياب كان لابس بنطلون جينز غامق وكنزة بيضة وعليه جاكيت رسمي وبوط ابيض مسرح شعرو لورا بطريقة مرتبة
علي: وقرب باس ايدهاا لك يخليلي ياكي ياست لكل
هاا يمكن اجى قيس عاوزة شي يااموو
ام علي: لا عمري انتبه ع حالك ورجعو على بكير
علي: بأمر عيونك بخاطرك
***
جوري: رجعت طاير عقلي انو شفتو وشافني يؤبر قلبي ريتو على هالشبوبية حسيت قلبي رح يوقف بس فتحلي الباب اي شو الاسمر بشلللل يااايااموو
فتت لغرفتي سكرت هالباب وشغلت اغنية الشب الاسمر جنني ياعيوني وسارقلي قلبي مني هالله هالله
وغيرو ما بهوى شبان ياعيونيي ومابريدو يبعد عني
وعم ارقص ع لمراية واسرح بخيالي وانو بلش يحبني ونكون لبعض وبمممم صحيت على ضربة شحاطة من اميي
ام حسين: هاد يلي فالحة فيه شغلة متل الخلق مابتعرفي تشتغلي حطك لرقص والمسخرة
جوري: ااخ وجعتيني لي عم تضربيني حرام عليكي
ام حسين: متحورقة نص الكبة ياام بطن كبير
جوري: ااه اي طيبين وكنت جوعانة شو صار يعني
ام حسين: بعصبية روحي نزلي الغسيل من السطح انشو من الشمس ماعاد الا يوصل اخوكي
جوري: طلعت وانا عم اتاافف اووف منك كنت عم اتخيل وطاير عقلي هلق وقت الغسيل
وقف اتامل باب بيتهن واتحسر ااخ معقول بيوم يصير بيتي ويتحقق هالحلم شفتو واقف مع قيس وشوي لمحت اخي حسين ييي هلق بشوفني لانزل لميت الغسيل ونزلت ركض
علي: لك الحمدالله ع السلامة بحسون
حسين: الله يسلمك وقرب اخدو مباوسة
اشتقلك ياكر
علي" وانا اكتر ياجحش
قيس" تعوو هرر لفوتكن ع البايكة
علي وحسين: قيييسسس
قيس: مزح ياشباب ماتقربو خليكن بعاد التياب عيرة يستر على خواتكن
علي" بتعرف حالك مو قد العلقة معنا لي مابتقصر لسانك ياحقير
قيس: لك عم نهز لورد علوشي الورد يلا خلصنا ولوو
حسين: لوين ياخونة انت وياه متشيكين والله حيوو
علي: رايحين نحضر عرس عمر بالضيعة
حسين: اممم اي بلهنا لو مو تعبان كنت رحت معكن
علي: خيرها بغيرها هلق بتكون ميمتك ناطرتك روح ارتاح
حسين: اي والله تعبان ونعسان يازلمة مليت بدي اتسرح طق قلبي
قيس: بعين الله حبيب قول لا امك تزوجك مابتعرف يمكن تفتطس بالجيش وما تشوف هاليوم
حسين: لك يفطسك ابو ضريب انت وملافظك انقلع قبل ماعصب منك وشوهلك هالخلقة النتنة
قيس: هههههه رايح رايح
**
طلعنا بسيارة البيك اب وقيس مشغل اغاني ومعلي الصوت وعم يغني بصوتو النشازز الله يمرق هالمشوار على خير 🙂
وصلنا قريب العصر وكان الطبل والزمر بااستقبالنا واجى عمر وابوه واخواتو وشو رحبو فينا
كان العرس كبير ماشالله خيم داير مديور الساحة ومفرودة كلا سجاد والتزيين بجنن وبحرة بالنص
حطولنا غدا تغدينا وطلعنا نشارك بالعرس بس استغربت انو اهل هالضيعة مختلط والعروس والعريس انصمدو قدام لكل كان العرس مختلط
قيس: لك علوش شايف هالشوفة وليي لك هون البنت بشلو لك شوهاد شو هالجمال يازلمة
علي: مافكرت الاعراس هيك عندن
قيس: لا انا حضرت قبل بمرة هون انا وعمر كان لاصاحبو
علي: ولي ما انقبرت وقلتلي هيك الوضع ياكلب
قيس: روقنا علي شبك والله العرس بجنن خلص ما عجبك لا تطلع واقعد واسكت انا قايم ادبك وقام وترك علي مزعوج من الوضع
وائل اخوه لا عمر: شو علي مابدك تشاركنا بالدبكة
علي: لا مبلا بس وينك انا مابدبك حد نسوان
وائل: بضحكة ههههه خلص تعال ولايهمك
مشي علي معو وائل طلب من الديجيه يخبر لكل انو الدبكة خاصة لرفقات العريس وهيك رجعو البنات لا مطارحهن ونزلو الشباب وعلى كان ع الاول ولعيون عليه كيف عم يدبك بمهارة وخفة
والصبايا جنو عليه والشاطرة يلي بدا تلفت نظرو بس هاد اسمرناا نفسية ارتاحو يابنات مارح يطلع فيكن
**
بجهة تانية وبنفس الضيعة وافقة مع امها ونسوان عمامها وعماتها وقلبها عم يخفق من الخوف
بالمضافة قاعدين كبارية الضيعة ليكتبو كتاب ياسين ولمى
الشيخ: بعد اذنك ابو مهران خلينا نسمع رأي البنت
ابو مهران: مهران روح جيب اختك مع انو مافي داعي
بس متل مابدو شيخنا
طلع مهران ونده على لمى
ام مهران: تعي امي مسكتها وطلعو لقدام المضافة
اصحك يالمى تغيري رايك قولي اي فهمتي
لمى: كنت خايفة لدرجة وصورة سلمى معم تروح من بالي وقلت بقلبي لك خليني موت ولا كون مرتك ياسين
مهران: دخل لجنب الشيخ شرف شيخنا البنت عند الباب
الشيخ : بنتي سامعتيني
لمى: برجفة اي شيخنا
الشيخ : رح اسالك وبدي تعلي صوتك حتى لكل يسمعك يابنتي انتي موافقة على الزواج من ياسين ابن عمك
لمى٠٠٠
الشيخ: بنتي سمعتيني ؟؟
ام مهران: بخوف لك احكي قولي اي خلصينا
الشيخ : ومسك ايد مهران يلي بان عليه العصبية
اهدا ابني بتكون خجلانة بنتي رح عيد السؤال انتي موافقة على الزواج من ابن عمك ياسين
لمى: قويت قلبي لا ياشيخنا مو موافقة
انتفضو كل يلي بالمضافة واولهن ياسين يلي صار وشو احمر من الدم
ابو ياسين: وقف بغضب شو هاد ياابو مهران انت بدك تزلنا وتنزل من قيمتنا ببيتك
مهران: وعم يبعد الشيخ عن الباب والشيخ مانع لكل يطلع
ام مهران:بخوف لك شو عملتي الله لا يوفقك الله لايوفقك والله ليدبحوكي وليي عليي شو اعمل تعي معي وسحبت لمى لورا البيت روحي اهربي هربي ولاتخلي حدا يمسكك روحي
هربت لمى واما وقعت بالارض تبكي عليها
طلعو لرجال من المضافة والغضب عامي على قلبوهن
ماهر لك ويناااا وينااا ولا اطلع بروحهاا والله
كانو متل البارود عم يدور عليها بكل مكان
لمى: كنت عم اركض بلا وعي بين البساتين مع انو عتمة ومو شايفة واتخبط تخبيط واوقع وارجع قوم واركض من خوفي وانا عم اسمع اصواتهن ورايي
**
قيس : اووف هلق وقتاا
علي: شو صار ليش وقفت ؟؟
قيس: مابعرف شبهاا وقفت لحالا يازلمة
نزلو من السيارة ورفعو الغطى
علي: هاد غرض العيرة موكل عليه ابليس جيب الجوال وشغل الكاشف لنشوف العطل
وانا عم احكي حدا مسك فيني بقوة انتفض جسمي نفض لتفت لشوف ؟؟
توقعاتكن ياحلوين
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
