سكريبت ماما جت الحلقه الثالثه بقلم محمد منصور حصريه وجديده على مدونة النجم المتوهج
 |
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن داخل حجرة في مستشفي ينام بوشي علي السرير ومتعلق له محاليل وبجانب منه الدكتور وقدامه تقف سكينة وزوبع وبرديس والدكتور بيكشف علي بوشي وهو بيقول وهو بيعدد
يا عارفة انتي فين تعالي شوفي اختك واللي عملته سكينة نصابه. يا ام نيازي صحي نيازي وقولي له سكينة نصابة انتي يا ولية ياللي بتنشري جوزك سكينة نصابة الست اللي قاعدة هناك في اخر القصة خلي بالك سكينة نصابة
ويقف بوشي مرة واحدة ويقول
انا المقدم بشير الاسكندراني ومش هاسكت الا لما اقبض عليكي يا سكينة يا عارف يا معروف وحياة امك ماشي
فينيمه الدكتور مرة اخري وهو يقول
طيب نام يا حبيبي نام واذبح لك جوزين حمام
فينظر بوشي للدكتور ويقول
هاتذبح الحمام باية
الدكتور
بالسكينة
بوشي وهو بيلطم
اسكت مش طلعت نصابة وانا اللي كنت بحبها زي ما حبيت امي وكنت بعتبرها ماما طلعت نصابه. امي نصابه
ويلطم بوشي علي وشه فيطبب الدكتور علية وهو بيهدي ويقول
طيب روق روق
وينام بوشي وهو بيكلم نفسه ثم تقع عينه علي سكينة وزوبع وبرديس ويقول
انتم مين
فينظروا الثلاثة لبعض فيقول زوبع
دي سكي،،،،،،،،
ولكن سكينة تضرب زوبع بالكوع في بطنه فيقول وهو يتوجع
دي اللي متتسماش
فيكرر بوشي كلمه انتم مين لغايو مايروح في النوم بسبب حقنة المنوم اللي ادي هاله الدكتور وينظر الدكتور لهم ويقول
ممكن نخرج نتكلم برة،،،،،،
ومن داخل مكتب الدكتور يجلس الثلاثة امام الدكتور اللي كان بيقول
الاستاذ بشير الحادثة قصرت علي مركز الذاكرة عنده بقي فاكر اسامي وناسي الصور. يعني مايعرفش اشكال اللي بينادي باسماهيم لان واضح انه قبل الحادثة اتعرض لصدمة عصبية كبيرة خالص. وكمان هو فاكر احداث وناسي احداث في حياتة. يعني دماغه حصل فيها وش
زوبع
يعني مخة بقي بيشخلل عشان بيوش ولا بيوش عشان بيشخلل
فينظر الدكتور لزوبع باستحقار فيقول زوبع
دة مجرد سؤال
سكينة للدكتور
سيبك منه يا دكتور. وطمنئ علي ابني اكتر والحالة اللي عندة دي هطول
الدكتور
شوفي يا مدام استاذ بشير حياتة وقفت عند انه ظابط وبيدور علي واحدة اسمها سكينة عارف معروف عشان يسلمها للعدالة لكن في نفس ذات الوقت اللي بيكره في سكينة ومن التخاريف اللي خرفها وهو في البنج اقدر اقول لك ان عارفه هي نقطة ضعفة وهي الوحيدة اللي بوشي فاكر شكلها وتقدر تخلي يخف من اللي هو في
سكينة بمكر
عارفة.
برديس
بس عارفه دي امه و تايهة من زمان وماحدش يعرف لها طريق
سكينة لبرديس
مين قال كدة. ماما جت
زوبع
اية ماما جت دي لبن اطفال جديد
سكينة لزوبع
انت تخرس خالص بدل ما اجيب لك فدوي
زوبع خائفا
لا والنبي بلاش
سكينة لزوبع
وعايزك تتصلي ببتاع ماكياج كويس
زوبع
اعتبري حصل يا خالتي
سكينة لبرديس
وانتي تروحي اوضه بوشي في الفيلا وتجيبي صورة خالتك عارفة من الدولاب
برديس
لية يا ماما
سكينة وهي بتبص بصه كلها مكر
عشان سكينة هاتبقي عارفة
برديس
وهاتكسبي اية لما تعملي كدة
سكينة
هاكسب ان ابني ما يفضلش يدور عليه عشان يسلمني للحكومة وهاكسب حب بوشي اللي بيحبه لعارفة ونرجع الفيلا وينسي سكينة دي خالص
فيقول الدكتور
بس دة غش
سكينة وهي بتخرج الرشاش الالي من عبايتها وتحطه في وش الدكتور وتقول
قولت اية
الدكتور وهو بيرفع ايدة لفوق ويقول بخوف
انتي صح
سكينة
يبقي كمان شوية تخش لبوشي وتقول له ماما جت
الدكتور وهو لسة مرعوب
حاضر، ،،،،،،،،،،،،
وبعدها بكام ساعه يحضر بتاع المكياج وبقدرت قادر تتحول سكينة لي عارفة عارف معروف وتدخل علي بوشي الاوضه اللي محجوز فيها وهي معها برديس وزوبع فيفرح بوشي بشدة اول ما يشوفها. ويقوم من علي السرير وياخد سكينة في حضنة وهو يقول
واحشتيني اوي يا ماما
سكينة
حبيب امك
بوشي وهو في حضن سكينة
عرفتي يا عارفة ان سكينة اختك طلعت نصابه
سكينة
حبيي انسي سكينة دي خلاص اتقبض عليها من زمان
بوشي وهو بيخرج من حضنها
انتي فاكرة انك هاتضحكي علية
زوبع لسكينة
يالا نجري باين علية عرف انك انتي سكينة
فتضربه سكينة في بطنة وتقول
اطلع برة
زوبع
مش طالع هي كانت اوضه امك
فيطير بوشي علي السرير وينام علي بطنة ويعمل ايدة مسدس ويقول
سكينة هنا. سلمي نفسك يا سكينة المكان كله محصور
زوبع
محاصر. عشان محصور دة يبقي حد عايز يخش الحمام
سكينة وهي تتجة ناحية بوشي
بوشي سكينة مش هنا. تعالي ماتخفش
وتاخذة في حضنها عشان يهدي، ،،،،،،،،،
ومن خارج السجن يقف ابو عزة في زي عسكري من العساكر اللي قدر يهربه ويقول
جاي لك يا سكينه عشان نصفي القديم والجديد
ويخرج مسدس من جيية وينظر للمسدس وهو ناوي علي الشر ، ،،،،
ومن داخل فيلا سكينة تفتح سكينة باب الفيلا وتدخل الي الفيلا ومعها زوبع وبوشي وبرديس وكانت تقول
الف حمد لله علي سلامتك يا ابني
بوشي
الله يسلمك يا ماما عارفة
زوبع
هي فين ماما عارفة دي
فتضربة سكينة في معدتة فيقول
افتكرت افتكرت يخرب بيتك ايدك. تقيلة
سكينة لزوبع بعصبية
بتقول اية يا ابن هياتم
زوبع
مابقولش
ثم تنظر سكينة لبرديس وتقول
يالا خدي جوزك واطلعي علي فوق خلي يدخل عليكي
بوشي
ادخل عليها يعني اية
سكينة باستغراب
يا سنة سوحه انت الحادثة نسيتك ازاي تدخل علي مراتك
بوشي
انا ماعرفش يعني اية الكلمة دي واعملها ازاي
سكينة
احية. مش عارف تعملها ازاي
زوبع وهو بيشرب سيجارة حشيش
انا بعرف ادخل. ادخل انا بداله
فتضربه سكينة كمان مرة وتقول
تدخل فين هي زريبة
فيتوجع زوبع وهو يمسك معدتة ويقول
وربنا لمشي واسيب لك الفيلا
ويستعد للانصراف فتمسكه سكينة من قفاه وهي تقول
تعالي هنا رايح فين
زوبع
مروح
سكينة بصوت واطي
وتسيبني مع المصيبة دي لوحدي
زوبع
مصيبة اية بس
سكينة وهي تنظر لبوشي
بوشي اللي ناسي ازاي يدخل
زوبع
طيب وفيها اية
سكينة
فيها اني عايزا بوشي يدخل علي برديس عشان تحمل منه وتنسي الزفت اللي اسمه ابو عزة
زوبع
ااااااااااة. طيب وانا هاعمل له اية
سكينة
تعرفة ازاي يدخل انتم مش شباب زي بعض
زوبع وهو بيقفل اخر زرار في القميص وبيلف راسه بايشارب كان قدامه ويقول
انا مش الراجل دة يا هانم شوفي حد غيري جوز بنتك يتعلم في. فن ليلة الدخله
فتضربة سكينة بالقلم وتخلع الايشارب من علي راسه وهي بتقول
اتنيل واتوكس يا ابن الموكوسه انت فهمت اية. انا بقول لك تقعد تتكلم معه وتفهمه يعمل اية
زوبع وهو بيفك قميص الزرار ويقول
ااااااااة. فهمت
وسابها زوبع وراح ناحية بوشي وقال بعلو صوتة
بوشي خد برديس واطلع بيها اوضة النوم وقلعها ال،،،،،،،،
فتضربة سكينة بالشلوط وهي تقول
بتقول اية يا ابن الغبية
فيمسك زوبع مكان الشلوط وهو يقول لبوشي وهو بيعيط
خلاص سيبها بهدومها
فتضربة سكينة كمان مرة بالشلوط فيصرخ ويقول
يا سكينة يا مفترية لا كدة عاجب ولا كدة عاجب اعمل اية طيب
فيصرخ بوشي ويعمل ايدة علي شكل مسدس ويطير علي الارض وينام علي بطنه وهو يقول
سلمي نفسك يا سكينة المكان كله محصور
زوبع
يخرب بيتك كل ما تقول الجمله دي اعوز اخش الحمام
فتتجة سكينة ناحيتة وهي تقول
روق يا حبيبي ماما جنبك وسكينة في السجن صدقني
بوشي وهو بيبص لسكينة
اشوفها الاول وبعد كدة اصدقك
سكينة
هاخليك تشوفها بس اهدئة
وتنظر سكينة لبرديس وتقول
خدي جوزك واطلعي اوضتكم
فتتجة برديس ناحية بوشي وتاخذه وهو يقول
سكينة فين يا بربريس
برديس
تعالي بس نام ولما تصحي هاقول لك، ،،،،،،،،،
وبعد نص الليل ومن داخل اوضة نوم زوبع يقف بوشي امام زوبع اللي كان نايم ويصحي بوشي زوبع وهو يقول
فين زوبع اللي شغال مع سكينة
فيفتح زوبع عيونه بالعافية ويقول باستغراب
بوشي انت بتعمل اية في اوضتي دلوقتي.
بوشي بعصبية وهو بيخرج كرنية نادي الجزيرة وبيحطة في وش زوبع وبيقول
انا المقدم بشير الاسكندراني
ويمسك زوبع من قفا ويخرج به من اوضة النوم ويخلي يقعد علي تربيزة قدامه ويقول
انطق يالا فين زوبع
زوبع باستغراب
بوشي
فيضربة بوشي بالقلم وهو يقول
المقدم بشير يا حيوان
زوبع وهو يمسك خده ويقول
هو ما حدش بيضرب في القصة الزفت دي غيري لية
ويستعد للنهوض فيمسكة بوشي من لايقة القميص ويقول
رايح فين
زوبع بعصبية
وربنا لانا خارج من القصة بلا قلة قيمة بقي
بوشي وهو بيقعد زوبع غصب عنه وبيقول
اقعد يله. وقولي مين فيكم زوبع
فينظر زوبع حوالين منه وميلقيش حد غيرة فيقول
بشير انت بتشرب حشيش
فيقول بشير بعصبيه شديدة وكانه ظابط فعلا
انطق يا روح امك مين فيكم زوبع
زوبع خائفا
انا زوبع
فيضربه بوشي بالقلم وهو يقول
فين سكينة يا زوبع. واوعي تنكر التحريات اثبتت انك خالتها وهي خالتك قولي هي فين
زوبع
خالتها انا خالتها. انت دماغك رجعت توش تاني عموما انا ماعرفش مكانها
فيقترب بوشي من زوبع ويبص في عينيه وهو يقول
ماتعرفش يبقي ما تزعلش من اللي هاعمله فيك
زوبع خائفا وقلبه بيدق
هاتعمل اية
بوشي
انت لو مكاني تعمل اية
زوبع بعد تفكير للحظات
ابدا بتخليع الظوافر. دي بتجيب موت مع اي كلب
فتلمع عيون بوشي ويقول
صح.
ويمسك بوشي رجل زوبع ويدفعه علي الارض فيقع زوبع ويجلس بوشي فوق منه ويخرج كماشة كبيرة من جيبة ويمسك رجل زوبع فينظر زوبع لبوشي ويقول
انت هاتعمل اية يا مجنون
بوشي
هاخلع لك ظوافرك
فيصرخ زوبع ويقول
لاااااااااااااااااااا.
بوشي
هاتقول فين سكينة
زوبع بخوف شديد
هاقول هاقول ،،،،،،،،،
وعند دقات الساعه 2 صباحا تنام سكينة في سريرها ويدخل من شباك الاوضه ابو عزة وهو يحمل المسدس في يده ومتنكر في هيئة واحدة ست منقبة عشان ماحدش يعرفه وبيتسحب فتشعر بي سكينة فتولع نور الاوضة من الزرار اللي جنبها وتنظر له وتقول
انتي مين
فينظر لها ابو عزة ومايعرفهاش بسبب المكياج اللي غير شكلها تماما ويقول
انتي اللي مين
سكينة بخباثة بعد ماعرفت ابو عزة من صوته
انا عارفة اخت سكينة
ابو عزة
انتي اللي تايهه من سنين لقوكي ازاي
سكينة
اهو ربنا امر
ابو عزة
اومال فين اللي يتخفي اسمها
سكينة
تقصد سكينة
ابو عزة
اسم الله عليكي
سكينة
دي نايمة في الاوضة التانية
وفي هذة اللحظة يكسر باب الاوضة ويدخل من الباب زوبع وهو طاير ومتعور في حتة في وشة وبيقول بصعوبه
قسما بالله العيلة دي كلها معاتيه طول الطريق عمال اقول لبوشي انا هاقول لك علي عنوان سكينة بلاش تضرب وهو يضرب فيه ومصدق انه هو ظابط علي الاخر
سكينة
وهو فين بوشي
فينظر زوبع ناحية باب الاوضة ويدخل بوشي الي الاوضة وهو بيقول
انا هنا اهون فين سكينة يا زوبع
وبمكر التعالب تشاور سكينة علي ابو عزة وتقول
الحقني يا بشير سكينة هربت من السجن وعايزا تقتلني عايزا تقتل امك حبيبتك
ابو عزة وهو ينظر لسكينة
انا سك،،،،،،،،،
وقبل ما يكمل الجمله لقي ابو عزة بوشي طار ناحيتة وخده ووقع بي علي الارض وبوشي بقي فوق منه وبيبص له وبيقول
كنتي فاكرة انكم هاتعرفوا تهربوا مني كتير يا سكينة يا عارف يا معروف
فينظر زوبع لسكينة ويقول وهو مفتح عين والعين التانية مقفوله من كتر الضرب
يا بنت الكلب. ولية دماغك سو
فبصيت له سكينة بغضب فغمض زوبع عينه التانية وعمل نفسه ميت، ،،،،،،،،،،،،،
مش هقول. علقو والجو دة. اكتب تقيمك للحلقة من
واحد ل عشرة. حلوة الصيغة دي
الحلقه الرابعه والاخيره من هنا
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
