القائمة الرئيسية

الصفحات

سكريبت ماما لعشاق الكوميدية الحلقه الأولي بقلم محمد منصور حصريه وجديده على مدونة النجم المتوهج

سكريبت ماما لعشاق الكوميدية الحلقه الأولي بقلم محمد منصور حصريه وجديده على مدونة النجم المتوهج 

سكريبت ماما لعشاق الكوميدية الحلقه الأولي بقلم محمد منصور حصريه وجديده على مدونة النجم المتوهج 


وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ 


بسم الله توكلت علي الله. وهو رب العرش العظيم

                         ‏                         ‏

من داخل فيلا كبيرة في الاسكندرية  وهي فيلا امراة في الستينات من عمرها صاحبة شعر احمر مميز.   لكن اللي يشوفها يقول انها بنت الاربعين وتدعي سكينة عارف معروف   اخطر نصابة معتزلة شافتها اسكندرية.  وكانت سكينة عندها بنت في العشرينات من عمرها تدعي برديس بت حلوة جدا لكنها مجنونة ومطرقعة وبتعمل حاجات غريبة وبتخاف من سكينة جدا  وبيعيش مع سكينة وبرديس أبن اختها الصغيرة.  عارفة.  وأسمة بشير.  والدلع بتاعة.  بوشي.   وهو شاب في اواخر  العشرينات من عمرة.   وممثل خايب ونفسه يكون نجم سيما معروف وبوشي.  وعي علي الدنيا لقي نفسه عايش مع سكينة.  وكل ما يسال خالتة سكينة  علي أمة عارفة  تقول له انها صابها الجنان وتاهت بعد ما خلفتة بسنتين  وماحدش يعرف لها طريق وفضل بوشي يحلم باليوم اللي يشوف فيها امة اللي يعرفها بس عن طريق الصورة اللي معه. وكان بوشي  عايش مع خالتة سكينة وهو ما يعرفش انها  كانت نصابة خطيرة وكل الفلوس اللي عندها دي جمعتها  من النصب. لكن الشهادة لله سكينة بتحب بوشي جدا وكانة ابنها  والعجيب في سكينة  دي مع انها في الستينات من عمرها ونحيفة لكنها ست عصب ورجالة بشنبات بيخافة منها. وبتحب تلعب يوجا  اوي مع انها ماتعرفش اية اليوجا دي.  وساعات تلعب بالية. وساعات تلعب بنج. المهم انها تلعب ، ،،،،،


ومرت ايام كتير وسكينة عايزا تجوز بوشي لبنتها برديس باي شكل. عشان عرفت ان  ابو عزة شريكها في العصابة عمل لها عمل سفلي وسلط عليها جن يوقعها في حبة وحصل وبقيت برديس حبيبة ابو عزة لكن سكينة بلغت عنه البوليس  واتحكم علية ب 6 شهور. وفضل جواز بوشي من برديس  نقطة صراع بين سكينة وبوشي  لان بوشي  ما كنش عايز يتجوز برديس لانة شايفها زي اختة وبس. وكمان بوشي بيحب سمر بنت الجيران     لغاية ماجة اليوم اللي هايبدأ منه حكايتنا ومش اي حكاية دي حكاية كلها الاعيب وعركة اسكندراني بين بوشي والخاله سكينة . ،،،،،


وبعد أذان المغرب ومن داخل فيلا سكينة تجلس سكينة  في وسط الفيلا تلعب  يوجا وفي حالة صمت شديد  فينزل بوشي  من الدور الثاني للفيلا ويقف امامها ويقول 


مسا النور عليكي يا سكينة


فلاترد علية فيمر بوشي من امامها فتمنعه سكينة بيدها وتقول بانفعال شديد 


أوعي تعدي من قدامي


بوشي باستهزاء

لية بتصلي.  دة انتي قاعدة ومربعة عاملة زي بياعة الجرجير 


فتنظر له سكينة بغضب شديد ثم تقف  وعيونها فيهم شر فيخاف منها بوشي ويستعد للانصراف فتمسكة سكينة  من ودانة وتضع بوقها في ودنة المشدودة وتقول


أنا سكينة عارف معروف من اغني اغنياء اسكندرية تقول علية  بياعة جرجير 


فيتالم بوشي  ويحاول ان يبعد يدها عن ودانة ويقول لها


يا سكينة بقي. حرام عليكي سيبي وداني من كتر شدك فيها بقيت شبة ودان الفيل 


سكينة 

انت تستاهل كمان قطعها.   


بوشي

لية بس كدة.


سكينة

عشان قليل الادب ولسانك طويل . وماحدش رباك  ومش بس كدة لا  انت كمان. عيل سنسبري 


فينظر لها بوشي  مستغرب اللي هي قالتة ويقول


شوفي انا هاسمحك في كل اللي فات بس عايز اعرف يعني اية بقي عيل سنسبري دي 


فتترك سكينة ودانة و ترجع مرة اخري تجلس قاعدة اليوجا


دة انا بشتمك بالانجليزي يا حمار 


بوشي باستهزاء 

لا وانتي بصراحة كابتن في الانجليزي. دة انتي خارجة من اوله ابتدائي. ياسكينة


سكينة

كذب انا خريجة الفرنسا شنازلزيا. والشهادة متعلقة في اوضي


فيضحك بوشي  باستهزاء ولايرد عليها  ويتجة ناحية باب الفيلا ويستعد لفتحة فتنظر له سكينة وتقول 


رايح فين يا. بوشي 


بوشي 

عندي تصوير . ما انتي عارفة ابن اختك.  فنان،،،،،،،، 


فتكمل سكينة الجملة مكانة وتقول


جربان 


فينظر لها بضيق فتقول وهي تنظر له من تحت لتحت 


فنان جربان.    يعني بالانجليزي. مطر مالو 


بوشي  باستهزاء

ولما انا مطر مالو. لية عايزا تجوزيني بنتك اتوبيس بالعافية.


سكينة بحدة 

بنتي اسمها برديس. يا كلب المعيز 


وتنظر له بحزم شديد واصرار رهيب


وهاتجوزها يعني هاتجوزها.  


بوشي 

دة علي جثتي يا سكينة 


ويفتح باب الفيلا ويخرج من الفيلا ويغلق الباب خلف منه. فتنهض سكينة  مسرعا وتتجة ناحية الموبيل بتاعها اللي كان علي التربيزة  وتطلب رقم صديقه الوحيد وابن خالتة الثانية هياتم. ويدعي زوبع وهو مؤلف مغمور. وفي هذة اللحظة كان زوبع قاعد في اوضة ومعه تلاتة من اصدقائة وبيشربوا حشيش وبيقولو وهم مساطيل 


كلنا ناسين ومش فاكرين وعلي العهد احنا مستلوحين.


ويكرروها اكتر من مرة الي ان يرن موبيله  فيخرج زوبع الموبيل من جيبة وينظر لرقم خالتة واول ما يفتح يسمع صوت سكينة وهي بتقول 


ساعة يا زفت عقبال ما ترد 


زوبع 

يا خالتي انتي لسة رنة دلوقتي حالا. وبعدين انا في جلسات المحبة


سكينة باستهزاء

جلسات اية يا ابن المجنونه


زوبع

المحبة.  اللي بنحب بعض فيها حبة حبة بتاعت صباح الزين يا مهندس خير.     شربت العصير


سكينة بعصبية 

ولا.   بطل رغي وخلي الرجالة تجهز ويقابلة بوشي 


زوبع

والله حرام عليكي اللي انتي عايزا  تعملي في بوشي  دة


سكينة بحدة 

جري اية يا ابن هياتم.  ماهو السبب. هو اللي خلاني اضحك علية عشان يتجوز بنتي 


زوبع

تقومي تعملي علية الحوار دة. هو الجواز بالعافية يا ناس 


سكينة بانفعال شديد 

زوبع.   بطل رغي وانجز بوشي قرب يوصل لمكان التصوير ومش عايزا حرف واحد من اللي دار بينا يوصل له والا 


فتسكت سكينة فيخاف زوبع ويقول


والا اية


سكينة

انت عارف


زوبع

لا ماعرفش. وكل مرة تخوفيني ب والا دي وما عرفش اية اللي بعديها


سكينة

يبقي خلاص. نفذ بدل ما عمل معاك.  الا . واخواتها


زوبع

طيب لو،،،،،،


سكينة بانفعال شديد 

لو. حرف شعلقة في الجو.  يا روح امك. ها تنفذ ولا اخلي امك توزع كنافة علي روحك يوم الجمعة الجاية 


زوبع خائفا

اية بس متعصبة لية. يا خالتي 


سكينة بانفعال اكتر 

اخلص يلا.  وروح قابل بوشي 


زوبع بزهق

حاضر حاضر، ،،،،،،،،،


ومن داخل قاعة افراح كبيرة وبها معازيم كتير وكاميرات تصوير ومخرج.    يجلس بوشي في الكوشة وبجانبة تجلس فتاة ترتدي نقاب وفوق النقاب طرحة زفاف ويقف امام بوشي زوبع ومعه اوراق السيناريو الخاص بالفيلم ويقول له


جاهز للمشهد اللي جاي يا فنان 


بوشي 

جاهز. بس مستغرب المشهد


زوبع

لية بس


بوشي 

هو في عروسة تقعد في الكوشة لابسة نقاب وفوق النقاب طرحة.


زوبع

ايوة هي دي الموضة. و انت ناسي ان الفيلم دة هاينزل في رمضان 


بوشي 

اة. عشان كدة العروسة منقبة.  طيب ممكن اعرف مين دي واسمها اية وما بتكلمش لية من ساعة ما قعدت جنبي


زوبع

دي النجمة الهندية شاروخان


بوشي باستغراب وهو ينظر للفتاة


مين يا خويا. شاروخان ازاي شاروخان دة راجل


زوبع وهو بيشرب سيجارة حشيش


نزل منه ستات. وبعدين بقي كفاية اسئلة وركز في المشهد اللي جاي. عشان دة اهم مشهد في حياتك واللي قبلينا قالة.  صاحبك اللي يصاحبك ولا صاحبك اللي ما يصحبكش ويبخت اللي ييعطني  ويعيط معايا ولا يضحكني ويضحك فوقيا 


فيبص له بوشي باستغراب شديد وزوبع يقول


فهمتني يا صاحبي.


بوشي

يخرب بيتك. الجملة اللي انت قولتها دي جابت لي حول 


فيتجة المخرج ويدعي نور ناحية بوشي ويقف امامة  ويقول


بقول لك يا نجم جاهز دلوقتي نصور مشهد كتب الكتاب


بوشي 

جاهز جدا


وينظر المخرج لمساعدة ويقول


نادي علي الماذون


فيدخل الماذون الي القاعة ويجلس امام بوشي  والعروسة  ويقول المخرج


يالا كله في مكانه. دور كاميرا.  اكشن


وتبدا مراسم كتب الكتاب والكاميرا تصور كل ما يحدث وينتهي الماذون فينظر المخرج لبوشي ويقول


امضي يا فنان علي عقد الجواز. عشان المشهد يخلص 


فيمضي بوشي  علي العقد وبعد ان يمضي يجد اسم برديس بنت خالتة سكينة في خانة العروسة   فيصدم ولكن الماذون يخطف منة ورقة الجواز وهو يقول


مبارك يا عريس


بوشي باستغراب 

مبارك. اية.     انا قريت أسم برديس بنت خالتي في خانة العروسة 


فترفع العروسة النقاب عن وجهها فتظهر برديس فيصدم بوشي ويصرخ من الصدمة ثم يقول


انتي


وفجاة يقف امام بوشي  ابن خالة ويدعي سعيد  ويسلم علية ويبوسة وهو يقول


الف الف مبارك يا عريس


فيبعدة بوشي  عنة بضيق  وهو يقول


سعيد. انت بتعمل اية هنا.


سعيد

بعمل اية. بحضر فرحك علي برديس


ويحضن سعيد.  بوشي مرة اخري. فيدفعة بوشي  بغضب وهو يقول


يا عم اوعي فرح اية انا بصور فيلم. حتي اسال زوبع 


وينادي بوشي علي زوبع ولكنه يراي زوبع وهو يخرج من باب القاعة مسرعا.  فينطلق بوشي  وراء زوبع  فيجد جميع افراد عائلتة يدخلون الي القاعة  والكل بيسلم علية وبيزغرطو والكل فرحان وبوشي  يحاول الافلات منهم وتظهر من خلفهم  سكينة وهي تضحك وتقول


الف مبروك يا جوز بنتي


فينظر لها بوشي بغل شديد ويقول


جوز بنت مين. انا ماتجوزتش حد


سكينة

ازاي بس دة كلة حاجة متصورة وكتب الكتاب تم وبرديس مراتك علي سنة الله ورسولة


بوشي 

دة كذب. وغش انا كنت بصور فيلم للسيما


سكينة ضاحكا وباستهزاء 

سيما رجعت حرة لينا ومصر اليوم في عيد


بوشي 

اتريقي براحتك لكن برديس مش هاتبقي مراتي بالعافية. وبنتك طالق


فتضحك سكينة كمان مرة.


ما ينفعش انت تطلق   


بوشي باستهزاء 

اومال مين اللي ينفع يطلق أنتي 


سكينة

مش هاينفع انت تطلق عشان العصمة في ايد برديس وانت ماضي وموافق علي كدة 


بوشي  بغضب

كدة. طيب مش هاتخش علية ولا هاتلمس شعرة مني واللي عندك اعملي . يا سكينة يعني بالانجليزي.  بق بق


سكينة بغضب

لا هاتخش عليك وهاتلمس شعرك كله وتخلف منك عيل وهاسمي دق دق


بوشي وهو ينظر في عيون سكينة بتحدي


عافية يعني


فتخرج سكينة رشاشها الالي  من عبايتها وتضع الرشاش في وش بوشي وتقول


اة عافية 


فينظر بوشي للرشاش ويقول خائفا


تحبي اجيب لك عيل دلوقتي. ولا تستني 9 شهور وتاخدي حاجة نظيفة


وينظر لحريم العيلة  ويقول


ما تزغروطو يا ولاد الكلب 


فكل الحريم يزغرطوا في نفس واحد و بوشي ينظر لخالتة والرشاش اللي في ايديها ويقول


نزلي البتاع دة بقي. ماتخلنيش اقطع الخلف


فتنظر له خالتة وتنزل الرشاش وتزغرط، ،،،،،،،،، ،


لو عجبتكم الحلقة ياريت تعرفوني رايكم بلايك او كومنت. خليني  اكمل القصة وانا فرحان بتعليقكم او اللايك بتاعكم.  


الفصل الثاني من هنا


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺

تعليقات

التنقل السريع
    CLOSE ADS
    CLOSE ADS