سكريبت ماما جت الحلقه الرابعه والاخيره بقلم محمد منصور حصريه وجديده على مدونة النجم المتوهج
 |
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
وقبل ما يكمل ابو عزة الجمله لقي بوشي طار ناحيتة وخده ووقع بي علي الارض وبوشي بقي فوق منه وبيبص له وبيقول
كنتي فاكرين انكم هاتعرفوا تهربوا مني كتير يا سكينة يا عارف يا معروف
فينظر زوبع لسكينة ويقول وهو مفتح عين والعين التانية مقفوله من كتر الضرب
يا بنت الكلب. ولية دماغك سو
فبصيت له سكينة بغضب فغمض زوبع عينه التانية وعمل نفسه ميت وسمعت سكينة صوت ابو عزة وهو بيقول
يا جدع اوعي من فوقية. انا مش سكينة انا راجل زيك
ويخلع ابو عزة النقاب فيبص بوشي له ويقول
وكمان ربيتي شنب وذقن يا لئيمة
وينهض بوشي وهو ماسك في رقبة ابو عزة وهو بيقول
قدامي علي القسم يا بنت اللئيمة
فيحاول ابو عزة الافلات من بوشي ولكن بوشي تمكن منه وضربة بالرسية في دماغة فوقع ابو عزة مغمي علية ورجله بانت من تحت النقاب فبص بوشي لشعر رجل ابو عزة وقال
ولية لئيمة وخبيثة . ومربية ذقنها في رجليها
وشال بوشي ابو عزة وخرج بي من الاوضة، ،،،،،،،،،
وبعدها بساعه ومن داخل قسم الشرطي يفتح بوشي باب اوضة الظابط النبطشي ويرمي ابو عزة قدام الظابط اللي اتخض من المنظر وبص ناحية ابو عزة اللي كان مضروب في كل حتة في وشه وبوقة بيجيب دم ويرجع الظابط ويبص لبوشي ويقول بحدة
انتو مين ودخلتو هنا ازاي من غير اذن
فيخرج بوشي كارينة نادي الجزيرة ويدي للظابط وهو يقول
انا المقدم بشير الاسكندراني. وقبض علي سكينة يا عارف يا معروف
فيبص الظابط للكارنية ويستغرب ويرجع يبص لبوشي ويقول
وانت مديني الكارينة دة لية هاجدد لك اشتراك النادي
ابو عزة وهو يتالم وسنانه نصها مش موجود
احقلني يا حضية السابط من ايد ابن المجنونه دة. عمال يضيب فيه ومسمم اني اشمي شكينة وانا مس واحدة شت انا ياجل واشمي أبو عشة وكثر لي سف شناني بقيت ادلغ في حيوف كتير أنا عايش حقي
بوشي بعصبية
اخرسي يا حيوانة يا جذمة كنتي فاكرين انكم هاتقدروا تهربوا مني دة انا المقدم بشير الاسكندراني
الظابط بعصبية
بس انتو الاثنين والا هارميكم في الحبس
بوشي
ترمي مين يا نجم. انا ظابط زيك اللي المفروض تترمي في الحبس هي المجرمة دي
وينظر بوشي لابو عزة فيقول ابو عزة
يا أبن المجنونه انا ياجل والله ياجل سيك. حتي سوف
وقام ابو عزة وراح ناحية ركن من اركان الاوضة وبدا يقلع هدومة لغاية ما وصل للملابس الداخلية وقال
صدقت ولا لشة
فيصدم بوشي ويقول
يعني اية انا اضحك علية. طيب ماشي
ويفتح باب اوضة الظابط ويستعد للخروج فيقول له الظابط بعصبية
خد يا روح امك هو انت فاكر دخول الحمام زي خروجة
بوشي وهو بيخرج من الاوضه
بقول لك اية انا مش فاضي لك
فيقف الظابط بعصبية ويقول للعسكري اللي واقف علي المكتب
يا حامد امسك ابن العبيطة دة
فيمسك العسكري حامد. بوشي من قفا وينظر الظابط لي. ابو عزة ويقول
وانت يالا. انا بشبة عليك. انت سوابق يالا
ابو عزة
لا يا باسا
الظابط
هاتشتغلني يالا. انت وشك مش غريب علية.
وينظر للعسكري حامد
خد الاثنين دول واعملهم فيش واعرف لي حكايتهم اية، ،،،
وبعدها بيوم ومن داخل القسم اللي محجوز في بوشي تدخل سكينة وزوبع وبرديس ومعهم الدكتور المعالج لبوشي ويتجهوا الي مكتب الظابط اللي امر بحبس بوشي ويدخلو الي المكتب وبلهفة شديدة تقول سكينة للظابط
ابني محجوز هنا
فينظر الظابط لها ويقول
وانتي مين بقي
سكينة
انا عارفة عارف معروف. أم بشير اللي حضرتك امرت بحبسة
الظابط
اة. اومال مين سكينة اللي مصدعنه بيها وعايز يقبض عليها
سكينة بارتباك
دي الدادة بتاعت بشير وهي اللي مربيا وبيحبها جدا واتصدم فيها لما عرف انها نصابة
الدكتور
ودة اللي سبب له المرض الغريب والنادر اللي عنده واللي جاله مع فقدان الذاكرة زي ما شرحت لحضرتك في التيلفون. و مش هايخف منه الا لما يشوف سكينة دي بتاخذ جزاتها وترجع الفلوس اللي سرقتها لي اصحابها
فتبص سكينة للدكتور بغل وتبتسم ابتسامه صفراء وتقول
كلامك حكم. يا دكتور. بس مافيش طريقة غير دي عشان يخف
فيخاف الدكتور ويقول
لا. طبعا ممكن يخف لو خد اي برشامة صداع بس انتي ترضي عننا
سكينة
انا راضية عنك لغاية دلوقتي.
وتبص سكينة للظابط وتقول
ممكن ناخد بشير معنا بعد ما حضرتك عرفت حالته
الظابط
طبعا،،،،،،،،
ومن داخل فيلا سكينة يفتح باب الفيلا وتدخل سكينة ومعها بوشي وزوبع وبرديس وكان بوشي غاضبا جدا وبيقول
بتضحكي علية يا عارفة وتقولي ان الست المنقبة دي تبقي سكينة وهي اصلا راجل
سكينة
انا ما بضحكش عليك
بوشي بعصبية شديدة
لا ضحكتي علية وانا مش عارف انتي لية بتتستري عليها ومش عايزها تاخد جزاتها ما بيصعبش عليكي الناس الغلابة اللي هي سرقتهم
سكينة وهي تقترب منه
بوشي. خالتك سكينة بتحبك وعمرها ما كانت قاسية عليك لية انت قاسي عليها كدة
بوشي
انا مش قاسي عليها بس اللقمة الحرام اللي دخلتها في بوقي من فلوسها خلتني مش طايق نفسي ولا طايقها
سكينة وهي بتعيط
انت كنت عايزها تعمل اية وهي فضلت شغاله موظفة في حضانه خمس سنين بملاليم ومش ملاحقة علي مصاريفك بعد ما امك صابها الجنان وتاهت. ولا ملاحقة علي مصاريف برديس اللي ابوها رماها لخالتك سكينة وهي لحمة حمراء وسافر ومارجعش تاني. خالتك كان قدامها حل من اتنين ياما تبيع نفسها للي يدفع ياما تسرق عشان تاكلكم وماقدرتش تبيع نفسها ولقيت نفسيها بتسرق لكن مش حبا في السرقة والله. سرقت عشان تاكلكم
وتعيط سكينة اكتر واكتر وتبان قد اية هي ضعيفة رغم كل الجبروت اللي شايفة اللي يعرفها وتكمل قائلا
اول ماخالتك. عملت قرشين كويسين بطلت نصب وربيتكم ومابقتيش تفكر في اي حاجة الا سعادتكم وكان حلم عمرها انها تجوزك لبرديس وتشوف عيالكم حوالين منها.
بوشي
في ناس كتير مش لاقية قوت يومها لكنهم ماسرقوش ولا نصبوا وربوا عيالهم وعاشو وعايشين بس الفرق بينهم وبيني اني ولادهم بيبقوا فخورين بيهم وانا اتكسف اعرف حد علي خالتي النصابه. بلاش تدافعي عنها يا عارفه
سكينة
انت شايف كدة. يبقي مالهوش لزوم الكلام ولا الغش
وتخلع سكينة البروكة اللي علي راسها وتمسح المكياج الخاص بيها وترجع لصورتها الطبيعية وتقول
انا سكينة عارف معروف اللي انت بدور عليها. سلمني للبوليس طالما دة هايريحك
فينظر لها بوشي وينصدم ويمسك دماغه ويصرخ من الوجع ويسقط علي الارض. فتجري علية سكينة مسرعا وتاخذة في حضنها وتقول
ابني
وتنظر لزوبع مسرعا وتقول له
اتصل بالدكتور بسرعه. وتعالي انقله معايا للاوضة بتاعته،،
ومن داخل اوضة بوشي. ينام بوشي علي السرير وهو تعبان وامامه الدكتور المعالج لي ويكشف علية ومن خلفه تقف سكينة وزوبع وبرديس فينظر الدكتور لسكينة وهو يقول
باين علية اتعرض لصدمة عصبية شديدة. قصرت علية بشكل كبير
سكينة بقلق
يعني اية
الدكتور
ماتقلقيش انا اديته حقنه مؤهدئة وان شاء الله يبقي كويس
سكينة
يارب يا دكتور
الدكتور
ممكن بقي كلكم تخرجوا وتسيبوا يرتاح
زوبع
لا. انا عايز افضل معه. ممكن يحتاج حاجة
الدكتور
خلاص ماشي خليك معه.
وينظر لسكينة وبرديس وهو يقول
وانتم بقي ياريت تسيبوا الاوضة عشان بوشي يرتاح
فيخرجا الاثنين ومعهم الدكتور اللي بيستاذن ويخرج من الفيلا وتجلس سكينة علي فوتية موجود في مدخل الفيلا وامامها تقف برديس وتقول لها
عجبك اللي حصل دة.
سكينة وهي بتعيط
برديس انا مش ناقصاكي. ومش طايقة اسمع صوت حد. كفاية ان ابني تعبان
برديس
ما انتي اللي عملتي في كدة. حتي قال لك تبقي نصابة
سكينة بعصبية
بت. انتي فضلتي عايشة مدلعة وانتي عارفة ان الفلوس اللي بتدلعي بيها فلوس حرام. واشتغلتي معانا كمان في اخر عملية أية ضميرك صحي دلوقتي
برديس
ما انا صعبان علية بوشي وحاسه بالذنب. وكمان كوني وفقت علي جوازي منه بالغش وحرمته من حبيبته دي مخلياني هاتجنن وعايزا يفوق ويرجع يعيش حياته مع حبيبته البني ادمه اللي بيحبها
سكينة
اة. وانتي تروحي لي ابو عزة وتترمي في حضنه وتتجوزي غصب عني
برديس
انا نسيت ابو عزة دة خلاص. وفوقت من اللي انا كنت في
سكينة
بس كان مني عيني انك تتجوزي بوشي وتخلفي منه. بوشي انظف واحد فينا وعمره ما هايطمع فيكي ولو مت وسيبتك هيحافظ عليكي
برديس
بس ما بيحبنيش وانا مش هاعيش مع واحد غصب عنه
سكينة
يعني انتي عايزا اية دلوقتي
برديس
انا هاطلق بوشي
سكينة
بردو
برديس
بقول لك اية دة اخر كلام عندي. سيبني وسيبك بوشي يعيش حياتة زي ما يحب
في هذة اللحظة يفتح باب الفيلا وتدخل عارفة عارف معروف وتنظر لها سكينة باستغراب شديد وتنظر لها برديس باستغراب اكتر وتقول سكينة
عارفة
فتضحك عارفة وتقول
اية كنتي فاكرة اني مش هاخرج من السجن واعرف طريقك
برديس فرحا
خالتي عارفة حمد لله علي السلامة
عارفة وهي بتاخد برديس في حضنها
ازيك يا حبيبه خالتك والله وكبرتي يا برديس
سكينة
انتي عرفتي عنوان الفيلا ازاي
عارفة
فين بوشي حبيب قلب امه
وتنظر عارفة لبرديس وتقول
والنبي يا برديس اطلعي قولي لبوشي ماما جت
وتطلع برديس للدور الثاني لكي تبلغ بوشي فتنظر عارفة لسكينة وهي بتقرب منها وتقول
وربنا انتي واطية واوطي من اوطي واطي عرفته في حياتي
سكينة وهي بتبص لعارفة في عيونها
عايزا تاخدي جوزي مني واسيبك تتهني. لا يا روح امك انا خد حقي منك بالاصول
عارفة
اصول. تلبسيني قضية مخدرات اخد بسببها مؤبد لية يا سكينة اشحال لو ما كنتش صاحبتك. ومن زمان واحنا في كار النصب سوي. بس اقول اية طمعك في الفلوس اللي جمعنها خليتك تنسيني. مش حوار جوزك اللي خده منك. بس عموما تكرمي عشان ابني اللي انتي ربتي طول السنين اللي فاتو دي ومهانش عليكي تسيبي في الشقة بعد ما اتقبض علية
سكينة بعصبية
بوشي دة ابني انا زي ما برديس بنتي. انا اللي ربيته وشوفته وهو بيكبر قدامي دقيقة بدقيقة وكنت لي ام مش انتي يا سوابق
ومسكت سكينة ذراع عارفة بغل وقالت
ومن غير لف ودوران عرفتي مكان الفيلا ازاي
عارفة
من ابو عزة. ما هو ماعرفش يخلص عليكي وباعتني انا عشان اخلص عليكي
سكينة بتهديد
طيب فكري كدة ت،،،،،،،،،
وتسمع سكينة صوت برديس وهي بتقول بخضة
الحقي يا ماما. بوشي مش في الاوضة. ولقيت زوبع متكتف ومربوط في السرير
سكينة
انتي بتقولي اية
وتطلع سكينة لاوضة بوشي بسرعه ومن خلفها عارفة ويدخلو الاوضه مسرعين وتتجة سكينة ناحية زوبع وفكته وشالت الكمامه من علي بوقه وقالت له
مين اللي عمل فيك وفين بوشي
زوبع
خالتي. بوشي بيقول لك. شكرا علي حسن تعاونك معه. وقدر يمضيكي علي توكيل عام يوم الفرح وانتي بتحسبي اصحاب القاعة علي مصاريف الفرح وعمل نفسه انه فاقد الذاكرة وخلي الدكتور يهومنا بدة بعد ما اتفق معه قبل الحادثة بيوم عشان يشغلنا وميخلانش نشوف اللي بيحصل حوالينا وهو بيبع كل املاكك وبيدخلها في حسابه
انصدمت سكينة وقالت
بوشي يطلع كل دة منه
فتضحك عارفه وهي تقول
ابني حبيبي ربيتي عشان يقلوظك يا روح امك
فتصرخ سكينة وهي تقول
لاااااااااااااااااا. وازاي ولية عمل كدة دة انا كنت بعتبرة زي ابني
زوبع
هو كمان بيقول لك انه من زمان وهو عارف انك نصابه بس كان مستني اللحظة المناسبة عشان يبقي الجوكر بتاع الكوتشينة اللي بيقش.،،،،،،،،،،،
وبعدها بكام ساعه ومن داخل طيارة يجلس بوشي ومعه سمر مراته. واللي كان بيحبها وبيقول لها
هانقضي شهر عسل عمرك ما كنتي تحلمي بي
سمر
وانا اتمني كل ايامي معاك تكون عسل. بس عايز افهم انت لية عملت كدة في خالتك
بوشي وهو بيضحك
سكينة مش خالتي. وانا عملت فيها كدة عشان اجيب حق ماما.
وينظر للخلف حيث تجلس عارفة وهي بتضحك وبتقول
قلب ماما من جوة.
فتنظر سمر لعارفة ثم تنظر لبوشي وتقول
شايف في عينيكي اسئلة كتير خلاصة الحوار دة انا ابن عارفة وعارفة مش اخت سكينة وسكينة سجنت عارفة ظلم وخدتني وربتني وحبتني وانا حبتها لكن مش هاحبها اكتر من ماما اللي ابو عزة عرفني عليها وخدني للسجن اللي هي في عشان ينتقم من سكينة. وعارفة مش مجنونه زي ما قالت سكينه
ويبوس بوشي ايد امه عارفة ويقول
ماتعرفيش قد اية انا فرحان ان ماما جت، ،،،،،،،،
وبعدها بشهر ومن داخل حضانه تجلس سكينة وهي شعرها منكوش قدام الحمام وهي قرفانه من نفسها وتسمع صوت عيل من جوة بيقول
يا سكينه خلصت تعالي شطفيني
فتنظر سكينه لباب الحمام وتصرخ بشدة،
النهايه
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق