سكريبت ماما جت الحلقه الثانيه بقلم محمد منصور حصريه وجديده على مدونة النجم المتوهج
 |
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
من داخل قاعة الافراح يجلس بوشي في الكوشة وبيبص لبرديس وهو هاين عليه ياكلها وهي بتبص لبتاع الدي جي وبتقول
ابوة عمه.
فيبص لها بتاع الدي جي فتقول له
شغلنا احنا ولاد الجمهورية
فيشاور لها الدي جي وهو يقول
من عينية
ويشغل اغنية احنا ولاد الجمهورية فتقوم برديس وترقص وتمد ايدها لبوشي وهي تقول
قوم ارقص
بوشي
رقصت بطنك علي عود.
فتقف خالتة سكينة قدام منه وهي تقول
قوم ارقص سلون مع البت
بوشي
ارقص سلون. ودة يترقص ازاي بس. وانا ما برقص اصلا ويوم ما ارقص ارقص علي يا ولاد الجمهورية
فيقف وراء منه احدي اقاربة ويقول بصوت عالي مع الاغنية
ياخواتي. ياخواتي
فيبص له بوشي وهو قرفان، ،،،،،،،،،
ومن داخل حجرة نوم برديس وبوشي تجلس برديس علي السرير وامامها صنية مليانة أكل وهي بتاكل وبوشي رايح جاي في الاوضة وبيقول لنفسه
انا بوشي يتعمل فيا كدة. طيب وسمر حبيبتي هاتعمل اية لما تعرف اني اتجوزت واحدة غيرها. اكيد هاتزعل وممكن تفركش معايا. وساعتها هايبقي حقها بس انا ماقدرش علي زعلها ولا اقدر اعيش من غيرها ولا اقدر علي المفترية خالتي
ويسكت عندما يسمع صوت برديس تقول
تعالي كل
فينظر لها بوشي بعصبية ويقول
بقول لك اية يا بت انتي اوعي تفتكري ان جوازي منك هايتم انا ما بحبكيش اصلا وبحب واحدة تانية خالص وهاتجوزها
فتنظر له برديس وهي تقطم حتة من الفرخة اللي في ايديها وتقول
تقصد عم امح الشحات
بوشي بعصبية
امح الشحات اية بس. بقول لك بحب واحدة تانية وهاتجوزها. تقولي لي امح.
برديس ببرود
اة وفيها اية طالما بتحب تنكر لية
بوشي
انتي عبيطة يا بت
برديس
يا بوشي بلاش تنكر انا كل يوم بشوفك الصبح وانت بتمسك ايدة
بوشي
بمسك ايدة. عشان اساعدة علي انة يقوم من علي الارض. هو انا اصلا برغي معاكي لية. هما كلمتين ورد غطاهم انا مش ليكي ولا عمري هاكون ليكي. عرفي امك ان الحب مش بالعافية
برديس
يا شيخ اتنيل. هو انت فاكرني انا اللي دايبة فيك.
بوشي باستغراب
الله. اومال لية وفقتي تلعبي علية الملعوب دة مع امك وتتجوزيني بالغش
فتقف برديس وتغسل ايديها في حوض الحمام الموجود في حجرتها وتذهب ناحية الدولاب وتخرج برديس صورة رجل في اواخر الاربعينات من عمرة وباين انة مجرم وشكلة مخيف ويدعي ابو عزة وتضع الصورة في يد بوشي وهي تقول
عشان بحب ابو عزة
فينظر بوشي للصورة ويخاف بشدة من منظرة ويقول وهي يرمي الصورة
سلاما قولا من رب رحيم. اوعي تاذيني صاحب البيت اسمة احمد
برديس بدهشة
انت بتقول اية
بوشي
انا سمعت خالتي قالت كدة لما طلع لها جن
برديس وهي تمسك صورة ابوة عزة وتبوسها بغرام وهي تقول
بس دة مش جن دة ابو عزة ارجل راجل شوفتة في حياتي الراجل الوحيد اللي امتلك قلبي
بوشي باستهزاء
يعني انتي من كتر حبك في ابوة عزة اتجوزتيني انا.
برديس
اة.
بوشي باستهزاء اكثر
بجد يا بختة بيكي. وياتري اية رئي ابوة عزة في جوازك مني
برديس
فرح جدا.
بوشي ضاحكا
والله العظيم. انتي ماتعرفيش انا مبسوط قد اية اني جوة علاقة بنت جذمة زي دي.
برديس
مش هتاكل بقي
بوشي بعصبية
مش هاطفح.
برديس
طيب انت مال لك عصبي كدة
بوشي
هو انتي عبيطة ولا بتستعبطي. ازاي واحدة بتحب واحد تتجوز واحد تالت خالص
برديس
بعدين هاتعرف.
بوشي بحدة
لا عايز اعرف دلوقتي والا،،،،،،،،
فيرن موبيل برديس فتمسك برديس الموبيل وكان المتصل هو ابوة عزة فترد مسرعا وتفتح الاسبيكر وتقول
مين حبيبي انا. رد علية واقول
فيرد ابو عزة بصوت وحش جدا ويقول
انا. انا حبيبك انتي
برديس بدلع
مين علمني المحن
ابو عزة
انا يا حبيبي يا محن
فينظر بوشي لها وهو قرفان ويقول
اول مرة اشوف حمار بيحب نعجة. قصة حب غبية
ويسمع ابو عزة بيقول
فين الواد جوزك
فتقول برديس
اهو جنبي
ابوة عزة
طيب خلي يكلمني
برديس
هو سامعك. قول
ابوة عزة
ولا يا بوشي. هو سؤال وعايز اجابة صريحة اية رايك في لون شعري
فتضحك برديس وتقول
بيموت في رامز
فينظر لها بوشي ويقول
اية اللذيذ في اللي هو قاله. عشان تضحكي دة دمة تقيل وصوتة وحش
ابو عزة بعصبية
هو مين دة اللي صوتة وحش. اية يا برتيس ما تلمي جوزك بدل ما لمة انا
برديس
اسمي برديس يا حبييي.
ابو عزة
مش دة الموضوع. خلي جوزك يتلم
برديس
عيب يا بوشي دة مهما كان حبيبي.
ابو عزة
حبيبي يا محن
برديس
قلب المحن
وتضحك بدلع شديد فيقول ابو عزة
برديس احترمي نفسك وخلي ضحكتك محترمة شوية انتي دلوقتي معاكي راجل غريب عني
بوشي
لما انت بتغير عليها كدة. تعالي خدها
ابو عزة
نفسي. بس في ظروف تحوشني عشان كدة انا هاسيب برتيس معاك امانة لمدة 6 شهور بس عايز لما ارجع اخدها منك الاقيها بنت بنوت والا
ثم يتنهد ويقول بلغة تهديد مخيفة
هانفخك واسلخ جلد اهلك. كله الا حريمي. وقد اذعر من انظر واللي اولة شط اخرة بسين. ويوم ما النار تحرقنا يبقي علي الاقل ندفئ. ولو راجل كبير في سن امك اتكلم يبقي علي الاقل تسمع له
بوشي باستغراب شديد
انت بتقول اية
ابوة عزة
ابوة عزة خلص الكلام
ويغلق الخط وبرديس تبوس الموبيل وتقول
شايف بيغير علية ازاي راجل الرجالة كلها
بوشي
هو بيشم جلة البهايم
برديس
لا. بس بيبرشم شريط او اتنين علي خفيف
بوشي
واشمعني بعد 6 شهور هايجي يستلمك
برديس
لا دة سر ما ينفعش اقول لك علية. بس نصيحة مني اسمع كلامة وخلي لما يجي يلاقيني بنت بنوت أوي بنت بنوت خالص
ويفتح باب الحجرة وتدخل سكينة عليهم ويفزع الاثنين فتنظر لبوشي وتقول
انت لسة ما قلعتش البدلة
فتنظر لها برديس
بتحايل علية يقلع وهو مش راضي
فينظر لها بوشي ثم ينظر لسكينة وهي تقول
يعني لسة مادخلتش بالبت
بوشي
هادخل يا سكينة مستعجلة لية كدة
سكينة
طيب يالا
بوشي باستغراب
يالا ازاي بس وانت واقفة كدة
سكينة
عندك حق
فتذهب ناحية كرسي التسريحة الموجود في الحجرة وتسحب الكرسي وتضعة امام السرير وتقول
اهو قعدت. يالا بقي. فرجني هاتدخل ازاي
فتجلس برديس علي السرير وتنظر له وتقول
ايوة صحيح فرجنا هاتدخل ازاي
فينظر لهم بوشي ويسكت. فتقول سكينة
ماتيلا
بوشي
سكينة ممكن تطلعي برة وانا هابقي اصور لك الدخلة فيديو.
سكينة وهي بتضحك
انت مكسوف مني ينيلك عيل
بوشي
اسمعي يا سكينة هي كلمة ورد غطاها مش هادخل وانتي قاعدة كدة
سكينة
وانا مش هاخرج الا لما تدخل
بوشي
كدة هاخرج انا
وخرج بوشي من الاوضة وقفل الباب وراء منه وسكينة تبص لبرديس وتقول
هو ماله اضايق لية
برديس
هو علي طول كدة من يوم ما اتجوزنا ما شوفتش معه يوم عدل
وتعيط برديس وتاخذها سكينة في حضنها وهي تقول
بس بطلي عياط ولو عايزا تخلعي اخليكي تخلعي
برديس
لا. هاحشي احسن،،،،،،،،،،،،،
وبعدها بساعة ومن داخل اوضة زوبع يجلس زوبع من ثلاثة من اصدائقة. ويشربوا حشيش ويقولون
كلنا ناسين ومش فاكرين كلنا علي العهد مستلحوين
فيدخل الي الاوضة بوشي وينظر لزوبع ويتجة ناحيتة وهو يقول بعصبية
انت يا زوبع تطلع متفق مع خالتي علية
ويمسك زوبع من لايقة القميص فيخاف اصدقائه مما يحدث فينظر لهم زوبع ويقول
اشهدوا يا ناس زين الالي عايز يقتلني
فيقول احدي اصدقائه. ويدعي مايص وبصوت ناعم
ابعد عنة يا رخم
فينظر بوشي للي بيتكلم باستغراب شديد ويرجع يبص لزوبع ويقول
مين دي
زوبع
دة اخطر واحد فينا احسن لك تبعد عننا لاننا كلنا شاربين حشيشة النهاية وممكن نشحنك بالطاقة الشمسية
مايص
ابعد عنه بدل متخانق معاك
فيبص بوشي لمايص ويقول
يا بنتي انتي انا خايف ازقك في صدرك اخد 6 شهور. ويتعمل لي قضية تحرش
زوبع
طيب روق يا صاحبي واقعد خد معانا نفسين من حشيشة النهاية. ولا تحب تشرب حشيشة البرنس. ودور معانا علي مريم بنت رضوان
بوشي وهو بيسيب لايقة زوبع وبدا يهدي شوية وقال
انا مش عايز حاجة انا كل اللي عايزة اخلص من الكابوس بتاع برديس دة باي طريقة
زوبع
طيب وخالتك.
بوشي
انا ماليش دعوي بحد ومش هاعيش مع برديس غصب عني. انا بحب سمر وهاتجوزها
زوبع
دة كدة في بوليكة كبيرة هاتحصل بينك وبين خالتك
بوشي
تحصل بوليكة تحصل عوليكة انا مش هاكمل في الجوازة دي. باي شكل وزي ما ورطني تشوف لي حل
زوبع
طيب وابو عزة اللي عايز يتجوز برديس غصب عن خالتك
بوشي باستغراب
ابو عزة هو انت تعرف ابو عزة
زوبع
طبعا دة نصاب كبير وكان من رجالة خالت،،،،،،،،
فيسكت زوبع لانة وقع بلسانة وفضح خالتة فقال له بوشي
سكت لية. كمل
زوبع
بقول لك اية انا ماليش دعوي بالحوار دة ابعد عني وسيبني اعيش. وكفاية ان مريم ما عرفتش ابوها
بوشي باستغراب
مريم مين
زوبع
مريم بنت رضوان البرنس
فيضربة بوشي بالقلم ويقول بعصبية
يا عم بقي. رمضان خلص ومريم رقصت مع رضوان في الفرح فوق من الحشيش دة شوية
زوبع فرحا
بجد والله مريم عرفت رضوان
بوشي بحدة
زوبع ارغي وقولي اية حكاية ابو عزة مع خالتي ويعني اية نصاب وكان من رجالتها
زوبع
بلاش انا. خالتك ايدها طويلة وانا لو حكيت لك ممكن تعمل معايا. الا. واخواتها
بوشي
ماتخفش. قولي بس الحوار في اية. وهاجيب. لك حشيشة فدوي يا عمري
زوبع وهو فرحان
بجد فدوي نزل منها حشيش لا كدة بقي احكي لك الحوار علي السريع خالتك كانت نصابة كبيرة وابو عزة كان الذراع اليمين ليها لكنة طمع في برديس وطلب ايدها من خالتك وخالتك رفضت هددها بانة يسلمها للحكومة ويفضحها لكن خالتك سلمتة للحكومة قبل ما هو يسلمها وماقدرش يفتح بوقة عشان عياله تحت ايد خالتك وهاتزعله عليهم لو اتكلم وهددت برديس انها لو كلمت ابوة عزة دة تاني لتزعلها وها تحبسها لغاية ما ترجع لعقلها
فيصدم بوشي ويحس ان دايخ من الصدمة ويجلس علي الركنة ولكن مايص كان يجلس خلف بوشي بالظبط فيجلس بوشي علي رجل مايص من غير ما يحس فيقول مايص وهو يلف ايدة حوالين وسط بوشي
يا ولا. بتعرف تسوق ولا هاتوقعنا
فيقف بوشي وهو يبتعد عن مايص مسرعا وينظر له ويقول
يخرب بيتك. انت مايص اسم وفعل
وينظر لزوبع ويقول
عشان كدة خالتك جوزتني من برديس
زوبع
ايوة. عشان تقطع اي حبل ممكن يوصل بينها وبين ابو عزة
بوشي
طيب اية رايك بقي ان برديس لسة بتكلم ابوة عزة
زوبع
انت بتقول اية. دة لو خالتك عرفت هاتخرب الدنيا
بوشي
انا بعد اللي عرفتة عن خالتي وانها كانت نصابة هاهرب واسيب الفيلا واعيش حياتي
وراح بوشي ناحية باب الاوضة فقال له زوبع
هاتروح فين يا صاحبي
بوشي وهو بيبص له
اي حته ماحدش يعرفني فيها
زوبع
وتسيب العز اللي معيشاك في خالتك
بوشي وعيونة بتدمع
يغور العز اللي جاي من حرام. تعرف انا كان نفسي اكون ظابط واقبض عليها وارجع فلوس الناس اللي سرقتها منهم
زوبع
عايز تبقي ظابط وتحبس خالتك اللي بتحبك
بوشي
طالما سرقت لازم تاخد جزاتها وانا مش هاسكت، ،،،،،،،،
ومن داخل اوضة نوم سكينة يرن الموبيل الخاص بها وكان المتصل بها زوبع فترد
ايوة يا زفت
زوبع
الحقي يا خالتي في حد قال لبوشي انك كنت نصابة وهو ناوي يشتغل ظابط ويقبض عليكي
اتفزعت سكينة وقالت بعصبية شديدة
ومين اللي قاله
زوبع خائفا
ماعرفش
سكينة بمكر وهي متاكدة ان زوبع اللي عملها
زوبع عرفت ان رضوان خرج من السجن وبيدور علي مريم
زوبع بحزن
اة. عرفت
سكينة
طيب عرفت ان زين الحقيقي في الواحة
زوبع بحزن
اة. عرفت
سكينة
طيب عرفت ان زوبع هو اللي قال لبوشي علي حقيقتي
زوبع
اة. ماهو كان لسة عندي وقولت له
سكينة
طيب عرفت انا ناوية اعمل اية في زوبع
زوبع
لا. لسة الحلقة دي ما جتش
سكينة
جاي لك حالا يا ابن هياتم.
وترمي سكينة الموبيل وهي تصرخ بشدة فيخاف زوبع ويصرخ هو كمان فيقول له مايص
مالك
زوبع وهو بيترعش من الخوف
ماعرفش مين الحمار اللي قال لسكينة ان بوشي عرف انها كانت نصابة، ،،،،،،،،،،،
ومن داخل عربية سكينة تتجة سكينة بالعربية ناحية بيت زوبع وهي علي اخرها مش مصدقة ان بوشي عرف حقيقتها اللي مخبيها بقالها سنين كتير وفجاة تقع عينيها علي حادثة كبيرة وناس ملمومه وعربية اسعاف بتنقل المصابين ووقعت عينيها علي عربية بوشي فاتخضتت ووقفت ونزلت من العربية بسرعة وراحت جري ناحية عربية الاسعاف ولقيت بوشي مصاب صرخت وخدتة في حضنها ولقيتة بص ليها وبيقول
انتي مين
سكينة قالت
بوشي انت مش عارفني انا خالتك سكينة
بوشي بعصبية
انا مش بوشي. انا المقدم بشير الاسكندراني ومش هاسيبك يا سكينة يا عارف يا معروف الا لما اقبض اعليكي واحط في ايدك الشنكلابات
سكينة
بوشي انت بتقول اية
فيبص لها بوشي ويقول
مين بوشي دة انا المقدم بشير الاسكندراني. قولت
واغمي علي بوشي لان الخبطة كانت في دماغة، ،،،،،،،،
ومن النهاردة العركة الاسكندراني ابدات و كل اللي فات حمادة وكل اللي جاي حمادة تاني خالص
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق