رواية لقاء واحد يكفي الفصل الحادي عشر والثاني عشر بقلم الكاتبه غدير وسام حصريه وجديده على مدونة النجم المتوهج
رواية لقاء واحد يكفي الجزء الحادي عشر والثاني عشر بقلم الكاتبه غدير وسام حصريه وجديده على مدونة النجم المتوهج
 |
حينما أخبرك دائماََ بأنني أحبك لا يعني بأنني احاول تذكيرك بذلك، ولكن لأنني ازداد حباََ بعد كل مره💐💐
مثل ماخليتي يفصخ من اختي وهو عاقد سيد ومحكمه
شوفو شصار بيكم من يومها وانتو متتعضون .. ابنج انخطف والثاني مات
بقيت جامده بمكاني شنو عاقد. مو كالو بس حجي
التفتت لعمه صاحت بيها انلصمي ولي لبيتج بعد اذا نزلتي رجليج اكسرهن مثل الحيه تبخ سم بكل مكان يله النزلتي حتى تحجينه كلتي وصلت معلومتج صار شكد تفترين تردين تحجينها
نكتت نفسها وصعدت
ماعرف شصار بداخلي غيره لو احساس بالاستغفال لو الجذب الي جنت عايشه بي. حقها البنيه تباوعلنا هيج اني جايه عليها بس ليش.. عمه ليش سالتها
لاتساليني اني الجواب مو عندي روحي اسالي هو
هو راح ياخذها بضحك ويفرني بميت دربونه وتالي يتيهة عليه مثل كل مره لااخذ حق ولاباطل من عنده
واني محلفني كلمه ماحجي هذا كل الي اكدر اكوله الج فلاتساليني بعد زين وعمج هم عباله انتي تدرين
توجهت للغرفه واني مصره اليوم اعرف لاكاني بايده التلفون. وطلع يركض مرومه عندي شغل مهم طالع واتاخر زين..
بس.. لحظه احاجيك
من ارجع كليبي . سوه حركته كرصني وباس . ايده وطلع
كعدت على الجربايه بانهيار يمكن اذا اكول بداخلي بركان قليل ورجعت لنقطة الصفر حسيت اني وحيده حتى الي كالت اني وياج بوكت الضيق انسحبت زين هسه اني المن ألجأ وبهيج وضع منو ينصحني شاسوي
عندي اهل مثل البنات اروح الهم
واذب حملي عليهم عدي اب ياخذ حقي
ام تسمع وتنصح
بجيت ولاول مره ابجي بصوت واعتكفت بغرفتي ممشتهيه لاشوف ولااسمع اي احد تعبت. تعبت
مطلعت رغم عمه دكت الباب كومه مااكلت شي اشرب بس مي جنت احس بس هو يهدي النار الي بكلبي شويه افكاري مثل الجمر ترجع تسعر بضلوعي.. غفيت والاحلام كامت تجي اشكال مافهمت ولاتذكرت شي بس صحيت مختنكه والهث باوعت بسام ماكو.. جاي مجاي مادري ولا اليه نفس اتصل اشوف احس المواجهة احسن
طلعت بدون نفس صبحت عليهم
عمي كال شبيج عمو اخذج للدكتور
لا عمي مابيه شي بس راسي ودايخه
سلامتج بابا من تحتاجين شي كليلي رجلج وصاني عليج عده شغل وطلع من وكت من سالته استغرب كال مادري لكيتها نايمه
عمه ساكته
محجت شي لميت الاكل
ماتتريكين
ماشتهي
اني شعليه مثكله وجهج عليه
تدرين ليش عمه لان اعتبرتج امي
ماجنت متوقعتها منج
كتلج محلفني ماحجي عن علاقته بسندس.. كبلج
ليش.. بس اريد افتهم
واني كتلح اسألي
واني وين شايفته عليج الله بروح انور انتي كتيله شي وكاعد يتهزم مني
وروح انور ماكتله بالعكس اني اريدج تعرفين كلشي
اكو شي بعد مضموم غير العرفته
كعدو سوه واحجو يمه
بس يرجع احط حد
بقه النهار كله بره اتصل مغلق حتى اهله قلقو عليه
واني على نار اتكلب
صار الليل وكلت انتظره لو يبقه للصبح بس سلطان النوم والتعب والتفكير الي اجهد جسمي وروحي غلبني وكعت بين احضان هدوئه
كعدت هم مالكيته بس الفرق جان اصلآ ماراجع للبيت ومتصل عليه كومه بس اني نايمه مافزيت فمبلغ عمه الي كلتلي اول ما طلعت
من غرفتي
... عمه ماصدك ماعنده علم معقوله غيابه صدفه لو تهرب
كليلي عده اتصال بسندس يجوز هي كلتله
لو كايلته مانهزم جان واجهج
لعد ليش
الله اعلم يجي ونفتهم.. دكيت. عليه مغلق
هسه غير اعرف طنطل من انام تتصل ومن ادك مغلق راح انجن ياالهي
الضهر اتصل يطمن عليه
مرام شلونج حبيبي
بعد وكت
هههه عرفت زعلتي بس مشغول شون صار كلبي
محمل
اعاااااا محمل ومغيمه عليه ليش
كام يدندن... حجيك مطر صيف...
حجيك مطر صيييييف. مابلل اليمشون حجيك مطر صيف
.... صدك والله اني بوخه مبيه خير
هههههه قاففله من الرئيسي حبيبتي
اي. شوكت تجي
اشتاقيتيلي
لا
ههههه اليوم بليل لاتنامين
بليل لو الفجر
حسب شوكت يخلص الشغل
شغليش هذا الي من الصبح للصبح
اجي واحجيلج
هو مال تحجي فراح تحجي هواي
هههه هههه ...
غنالي..
اكرهها واشتهي وصلها وانني احب.. كرهي لها
احب هذا اللؤم في عينيها وزورها اذ زورت قولها
تدري شاتمنى بسام
شتتمنين عيوني
النار البكلبي تتحول بيك
وبرودك اليه.
نارج يم ناري رماد..... مرام
شون عرفت وانت ممجرب
مجربها من زمان يمكن انتي هسه جربتيها اني صار سنين تحرك بكلبي ومخليتني ماعيش مثل البشر عشت احلام جانت بيوم من الايام مستحيله .
لازم نحجي
يدلل حبيبي من عيوني. نكعد ونحجي بالي تردي بس، .. هسه عندي، شغل اروح
بس لاتتاخر
والله ماتاخر
يمكن القدر مجان حاب نكعد... كعده ونتصافه بيومها رجع من وكت بس عمو تخربط واخذه للمستشفى ورجعو الفجر ونام
اني مانمت لمن طلع الضوه كمت للبيت مثل كل يوم حتى غده سويت من حركه كلبي واني اتخيل شكل الحوار بينه وشون اواجهة وشراح يكول
كعدت عمه ... انتبهتلي ها مانمتي
لا... شلونه عمي
تعبان. ضغطه كلش مرتفع ويمكن السبب رجلج ماتدرين شصار بينهم
عمه اني شاعرف عنه. كلشي ماعرف ابنج بحر ياخذني بموجه ويجيبني بثانيه مخلصها وياي حبيبي وعيني وحسباله اتقشمر بعد
اريد بس افتهم ليوين بعد يريد يبقه مستغفلني ليا حد راح يبقه يجذب عليه اكله شي اساله عن شي
يسويله ميت دالغه وياخذني بالههههه. والهههه. ويفرها عليه
لاتكولين مستغفلني بسام اذا ضم عليج فلغايه بنفسه
كليلي بيها عمه يمكن اعذره كليلي غايته شنو ميجرحني... انجرحت. ميغثني.. انغثيت وانهانيت من حجتها وتباوع عليه وهي متاكده اني كلشي ماعرف
سكتت واني نار اعتلكت بيه
والله يمكن الي، يسمع يكول تبالغ بس ماكدر شخص يسمعك كلام عمرك مسامعه ومفهمك انت حياته وفجأه تكتشف كل هذا جذب شسوي. عمه كليلي انتي شسوي واني اسوي. من يا مكان اروحله
شكوووو... شبيج من الصبح
باوعتله جان ستوه كاعد
منو الي تحجين عليه
برائيك منو لمن اوكف واحجي يم عمتي بهيج كلام عن منو احجي
مرام شعدج م
برائيك منو لمن اوكف واحجي يم عمتي بهيج كلام عن منو احجي
مرام شعدج من الصبح شصاح براسج
ساره صاحت براسي .. مو من اليوم صار اسبوع حجيها براسي كالت خلي يحجيلج على سندس
ها السالفه هنا ماكدرت بعد تضمهن اكثر بس خلف الله عليها كدرت تصبر هالكد
اي وهسه اني شفتهمت
كتلج اكعدج واحجيلج ليش تلحين شي صار كبلج على شنو تحاسبين
بسام مجاي احاسبك على خطوبتك منها احاسبك على الجذب من تكلي بس حجي بين الاهل.. وتطلع عاقد سيد ومحكمه شتتوقع مني
موبس عقد جنت احبها وتحبني ومتفقين على الزواج واني الي كلبت وبطلت بعد شتردين
دقيقه انت تريد تخبلني كل يوم اكتشف شغله جديده
وهاي مو اخر شي راح تكتشفينه واذا متصوره العيب بيه واني اضم عليج متوهمه.. روحي راجعي نفسج وفكري اني منو
شنو انت منو شتقصد
داكلج ساليها لنفسج مو تساليني اني
بسام شغلة الالغاز عوفيها واذا مثل كل مره بالك تفرها عليه فاكلك لا هاليوم اريد اعرف كلشي
هاااا تمام تردين تعرفين صار تعاي كعدي.. اني اكلج بيهن وحده وحده .... يتبع
برتوت هديه كولو ام غدير مامدللتنه استعدو راح تنكشف اوراق بسام ومرام...
#لقاءواحد-يكفي #
البارت ال١٢
💚 🦋 🦋 ✨ ✨ ✨
غشيم وچنت اكول الدنيا خلصانه ..
وزارع طيبتي اعله اجروف عطشانه ..
صرت مثل النهر بس يوكف يعوفوه
واذا رد يمشي كلها اتصير صحبانه ..
ويصعد على اجتافه العشب والعاكول
ويمدله بلا حيه الناعور ذرعانه ..
سفينه بنص بحر هدت عليهه الريح
تاهت والتكتلك كلها ................سفانه...🌌🌌💕💓
تعاي اكعدي اكلج بيهن.. وحده وحده واريدج تتمعنين بكل كلمه وتفهمينها زين
امم احجي
شايفه من بشر تتعلق بي، سنين وتحبه وتحلم بي وتهجر الدنيا كلهة لخاطر. وتكون متاكد هذا الشخص يفكر بيك ويمكن اذا شويه انطيته اهتمام يبادلك المشاعر وحتى الحب
فجأة هذا الشخص تلكاه ناسيك ولاتمر باله لا. وومرتبط بغيرك وعايش حياته ولامفكر بيك ولامتذكرك بيوم
والي مرتبط بي. شخص اقرب الك من روحك بس بوكتها حسيت انت شايل بكلبك عليه لان اخذ اعز شي الك بالدنيا من ترجع وتعرف هو ماله ذنب مثلك مخدوع والخدعكم هو الي امنت بي وحجيتله الي تتمنا كسر حلمك وباكه وانطا لغيرك شيصير بيج
كلشي مافتهمت بسام مو كتلك حجي الالغاز عوفه
باعي اني لو بالج هذا الي حجيته معتبرتي لغز بالعكس جان حلج كل شفرةمن الصار الي حجيته لو انتي متذكرتني جان فهمتي كلش، زين
ليوين تريد توصل راح اتخبل
راح اقربها الج انتي شايفتني كبل زواجج باانور
لا
ابد
ابد
بيتكم مو ب......
شنو الجديد بالموضوع
سطحكم وسطح جيرانكم مابينهم بس فتحه كد الباب سهل توخرين القاطع الجنتو مخلي وتعبرين مو
صفننت بوجه بدا كلشي يرجعلي ورجعت لذيج الايام. ساره من كالت واحد من ولدج انخطف جانت تقصد بسام بس اني منتبهت
وبسام الولد الي خلصته من ايد عمر وربعه
انت..؟؟؟؟
شذكرتي
انت الولد المخطوف الي هزمتك
اي بالضبط اني
صفنت وراجعت كل كلمه كالها معقوله
.
اي معقوله ليش لا
تحبني كتله
وليش ماحبج
وليش حبيتني وشوكت
شلون ماحبج شتتوقعين... انسان بينه وبين الموت خيط كطعتي وخلصتيني طلعتيني وماهتميتي شراح يصير يلزموج يكتلوج هزمتيني ومارتاحيتي لمن طلعت من كل المنطقه يله ارتاحيتي
وانت حبيتني لان هيج سويت
اي لدرجة ضيعت حقي ولليوم اني بعدني بخطر
شلون
ماشتكيت لان خفت عليج وبالمعلومات الجانت عندي يلزمون الي خطفني بلمح البصر بس خفت عليج انتي
فعلا اني هواي دعيتلك من خلصتني
ولج انتي الخلصتيني صدك سكمتيني بالجبس والمي الدافي
ضحكت واني اكول شبي ويه الجبس
قصتي قصه حزينه ويه الجبس
بس انت ماتصلت مو كلت اتصل
ولا دورت عليه لو صدك تحبني جان على الاقل اتصلت
اني سافرت وراها... والرقم... تحسر وتردد بحجايته بعدين كال الرقم ضاع مني
..
. ورا. فتره عرفت هو جذب عليه والرقم ماضاع مثل مكال بس حتى ماكره امه ... لان هو موصيها وناطيها الرقم حتى تطمئن عليه وهي من شايفتني. خاطبتني لانور بدال متخطبني اله. هذا الحجي بعدين عرفته... رغم هو مصارحها بمشاعره ناحيتي وكايللها احبها
والدنيا هيج صغيره فرتنا ورجعتنا اني وانور تزوجنا ماصدك شلون يعني كل هذا صار
حتى نرجع نلتقي
هز راسه وتحسر اي الدنيا صغيره
وحيل صغيره بس مرات احنه بايدنا نضيع احلامنه من نخلي، ثقتنه بغيرنه حتى لو كان اقرب شخص الك
هواي كررت كلامك هذا منو الي خان ثقتك تقصدني اني
لا انتي الثقه كلها مرام.
بس مفهمت انت وسندس شصار بينكم
قبل لاانخطف جنت خاطبها بعد علاقة حب بينه صارت شغلات بالبدايه جنت اتلافاها بس َ وراها تعلقت بيج كمت مااكدر اتغاضه عنها اكتشفت اني وهي منوالم بعض اظلمها واظلم نفسي اذا كملنه الارتباط عرفت اني حبيتج كل تصرفاتج حبيتها حركاتج ضحكتج من تضوجين كله سجلته حركه حركه بذاكرتي حبيتج اي حبيتج مو بايدي مكدرت اكمل ارتباطي بيها وكتلها وصارحتها بكلشي
بس هي بقت منتظرتك
منو سندس؟؟ لا متوهمه هم ارتبطت من انفصلنا. بس رجعت انفصلت عنه سببها بسببه ماعرف
معقوله
صدكي..... ولاكلشي تشوفي تصدكين بي عبالج هي ضحيه واني جلاد مراح اكلج اني مو مذنب بس مو وحدي الي غلطت
هي هم وره الفسخ انخطبت وتركو
ها يجوز متقبلته بعدها نفسها بيك
وتحبك اكيد
ههههه اي ميخالف... لزم وجهي باثنين ايدي وكال... بس سؤال حبيبي ليش ناسيني هيج ولا ذكرني تدرين شكد اذيتيني، من ماعرفتيني واني متخيل اول متشوفيني راح تتخبلين شكد جنت ارسم بالي لحظات اول لقاء النه تالي، طلعت ناسيتني
شذكر منك اني جنت عايشه برعب وانت وجهك ماشايفه حقك ممبينتلك ملامح وصوتك جان مبحوح كوه يطلع كلساع خانكينك
اي والله صدك شكد ضربوني بوقتها ومن الخنك والصياح صوتي. راح بقيت هنا اسبوع يله تحسنت .. بس انتي من لقاء واحد انطبعتي بكلبي وبعقلي وبمشاعري. حنيتج ماشايف مثلها جازفتي بنفسج حتى تخلصين واحد متعرفي لليوم احلم بلهفتج عليه من عرفتي مخططين ياخذون فديه ويقتلوني شون جيتي متخبله
دنكت يعني بوكتها تصرفت طبيعي اي احد بمكاني يسويها
زين ماكلتي ليش ماتصل
والله بسام الدنيا كفختني مافكرت باي شي وبيومها رجعت انخبزت من امي لان مخلصه الرصيد وماعبيتلها بمكانه واني كتلها حاخذه اعبي الها
ههههههه صدك تحجين. حبيبي طاح حظي من وراي تنضربين لو ادري اخلي مصطفى يعبيلج صدك صووجي خلصته اني بمكالمتي ويا مصطفى
يمعوده وكتها ردتك بس تطلع الخطفك وربعه كلبو المنطقه من رجعت انوب انهزم هو واهله
شالو يعني
تعرفيهم
لا كتلك جانو نازلين جدد ماعرفهم وراها راسا شالو
اكيد خاف كلك هذا نهزم وعرف المنطقه راح يجيب الشرطه ويطلعوني من جوه الكاع
بوكتها لو مبلغ انعل والدي
هم جماعته كلوله لهذا الي حاجاك وطلع كله منك عفت الباب مفتوح وانهزم
شون عرفتي
جنت اسمعهم
انتي شعجب جنتي تصعدين للسطح بهذا الوكت قله يصعدون
ها جنت اشر ملابس ومن اضوج اصعد اشم هوا تعرف مجان عندي متنفس غيره واهلي ميقبلون اطلع ابد
ورا ماخلصتك بعد ماصعدت واصلا همه شا
ها جنت اشر ملابس ومن اضوج اصعد اشم هوا تعرف مجان عندي متنفس غيره واهلي ميقبلون اطلع ابد
ورا ماخلصتك بعد ماصعدت واصلا همه شالو. وكطعو
كل خيط الهم بالمنطقه
اي صح
مرامي
نعم
حياتي موضوع سندس نسده حتى ويا ساره لا تحجين ولاتجيبين طاري محد يعرف انتي الي خلصتيني، بس امي، حتى ابويه ميعرف
اوك
عفيه حبيبتي وامي تره معليها اني محلفها تحبج ومتكدر على زعلج
مازعل منها اني بس لان احبها عتبت
فدوه للكلب الابيض ويلوموني ليش حبيتج وتمسكت بيج
منو يلومك اذبحه
اويلي تغار انوب
مطيت شفتي جرني باسني حيل
صار جم يوم محروم منج
انت وين تتاخر
ماكو شي شغل
. شغليش هذا بسام
عمري غير المحل ارتبه باقي على اثاث القديم من جان ابويه لازمه
مكلت لعد حتى عمي بقه بقلق
لا يدري كتله
زين خفت راجع لايمن من ورا انخطفت مو
لا يابه شعليه الولد بس احنه تشاركنه بصيرفه وفتحناها بالدلاليه وشغلنه زين خير من الله وراها نخطفت
بس تره واحد منهم كرايبك
لا بربج متعرفي
لا من حجيهم افتهمت هو كرايبك يعرفك بس ماعرف منو بس اذا اشوفه اعرفه
صدك
والله
مرام... جعت
ياا سوده عليه حتى ماخليتك تاكل
بيضه بوجهج حبيبي اسم الله عليج.. يله اني وياج ناكل وهم اشوف الحجي
نتغده بعد فد مره
ادزلكم غده
لا مسويه
ها عاشت ايدج مرامي
باس ايديه استحيت منه
نبقه نخجل احنه
ههههه يله كوم اني هماتين جعت
يله
طلعنه سوه هو راح لابو واني للمطبخ لكيت عمه تسوي شوربه لعمي
كتلها عمه اني عزلت لعمي من الغده لادهن ولاملح
ها سويتيله عاشت ايدج يمه
غداج هواي يكفي البنات جايات بالطريق
اي عمه شوفي واذا ماكفه بسام يجيب
اي خلي يجيب دجاج بعد
هسه اكله هم يتاخرون بسام جوعان تره
صبيله خطيه
وعمي
شوفي
سألتهم كالو ننتظر البنات
رحت حتى من يجون اصب
بسام. بس دجاج تردين
اي كلشي عندي
رايح اذا تذكرتي خابري انتي موثقه منا لهنا تنسين
هههههه شيخلصني بعد
ام الزهايمر المبكر
دروح هو وجهة شوارع وصوته مزنجر يريد اذكره بابا انت جنت بحلك الموت وتفكر بالحب
غير الحب نقذني
العالم على جيه عيني
اي فلتي هسه بس وره الغدا لو تنكلب الدنيا الكفج
الله كريم روووح
باي
ههههه.. طلعت اكل عمي حضرته
وسويت بعد زلاطه ومقبلات
اجت عمه تساعدني طبن البنات
راحن لابوهن كبل عمه لحكتهن
اجه بسام جايب الدجاج وطرشي وخبز حار رتبته وهو وياي ابوع لطوله الله يحفظه شكد بي، صفات حلوه ما يستنكف من يساعدني
اجن خواته بوسنه وسلمن عليه
كالن نساعدج
بسام روحن عيني ارتاحن ماعدنه
دروح انت كلتله إقبال دفعته وكامت تصب وياي
شلونج مرام مرتاحه
الحمد لله بخير وانتي شلونج
الحمد لله
شنو ابويه ياكل من هذا
لا غده عمي هذا راح اودي اله على الجربايه
بتول كالت وين اخلي السفره
اقبال امي كالت بغرفة اهلي خلي ابويه يلتهي بسوالفنه
خذتها وراحت اجه بسام اخذ الاكل ومصطفى هم نزل التمينه كلنه حتى ساره نزلت عمه محجت شي ولااني لان بسام وصاني
اني بصفه كاعده بس متقيده من ازواج البنات كل هاي الفتره واني ماتعودت عليهم
ليش متاكلين بسام قرب الاكل يمي
بسام.. الطرشي ذاك الجبته مدبس
اي انطيج منه
اممم بلعت ريكي ومسحت شفتي رغم اني والطرشي مو صحبه معدتي حيل تتحسس منه بس نسيت كلشي واني اباوعله
ضحك وجابه هاج شبيج من تشتهين شي طلبي
مو طلبت
احنه تره نطي اكل للعالم العدنه منطيهم جبس بمي
مي دافي لاتنسه جنت اسويلكيا مثل البتيته السلك
تدرين حتى البتيته كرهتها
ها شون تكول احبج لعد لازم تحب كلشي مني
مو موتيني بي
اكلك اشو الكيك والعصير ماغزر
لا بس الجبس هههههه
شلت راسي عمي باوع علينه ويضحك ابتسمتله ودنكت مستحيه
عمو يباوع علينه
باوع لابو ها حجي مركز
انجب لك
هيج صارت .. عود خليتلك كرسي بالمكتب وخليت اسمك بلافته اله ابيع الكرسي وامسح اسمك
كلهم ضحكو
ساره عاد انت متعلم تاخذ مكان وحاجات غيرك.
بسام ضاج عاف الاكل وكام اني هم ترخصت لحكته..
عمو صاح كعدي يابه مكملتي اكلج
شبعت عمو الف عافيه راح اشوف بسام.. باوعتلها هي كالت
تره وماقصدي الفهمتو
عمه صاحت.. كافي ابوكم مريض خليتكم يمه حتى يفرح بلمتكم مو
ينغث
باوعت لااقبال.
كومي يمه سوي جاي لاخوتج
والولد
خليها عمه مسويه اني بس يهدر
كمت... لحكني بسام للمطبخ هاي الزباله لاتهتمين لحجيها هي تتقصد
اعرفها شبيك ختولي شفتك انت ضجت
لا عليمن ... فاتت بتول اخذت الاستاكين والجاي وراحت
هو بقه كاعد يمي واني ارتب
بالمطبخ.. بدت عدي لويات بمعدتي اني كلش اتحسس من الطرشي عرفت اللويه من ورا
شبيج من نحنيت سال
الطرشي ياذيني واكلت منه هواي
صدك
والله معدتي تتحسس منه ومثانتي تهيج
شون تاكلي لعد
. والله بسام من شفته فقدت مادري شبيه اول مره هيج اني كل مره اتجنبه
تعاي كعدي شسويلج
مادري جنتي لويه قويه عبالك معدتي نعصرت حيل لدرجة عصرت ايده قوي ونيت بالم
اسال امي
لا هسه اخذ حباية معده ونعناع وانام
وين حبوب المعده اجيبه الج
هسه ادوره بالصيدليه
هو طلع النعناع فوره وصبلي
شربت متحملت ركضت ذبيت من راسي بالحمام... ضجت لان من تبدي عدي نوبة الغثيان ورا ماتتحسس معدتي متخلص
طلعت كمت كل شويه ذابه من راسي
طلعت عمه كالت شبيها حجالها
دخذها دكتور شمنتظر تباوع عليها
ترحين
سكتت الوجع بده يزيد
يله كومي لعد بدلي تكدرين
اي
بدلت وطلعنه دكتور باطنيه
من حجيتله كال سويلي تحاليل ماكدر انطيج علاج اتاكد ماكو حمل يله
طلعت سويت التحاليل انتظرنه
بسام. معقوله حامل مرام
لا اني هذا وضعي بس اكل طرشي بس نسيت
الله كريم
طلعت التحاليل رجعنه اله
كال عندج حمل اعتقد بدايته
شفته صافنن عبالك ضاج....
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق