رواية لقاء واحد يكفي البارت التاسع والعاشر بقلم غدير وسام حصريه وجديده على مدونة النجم المتوهج
رواية لقاء واحد يكفي الجزء التاسع والعاشر بقلم غدير وسام حصريه وجديده على مدونة النجم المتوهج
 |
✍سألوني.... من تكون اميرتك.....
أجبتــــهم.....هي امرأه ....
لم تراني .....لكن رأيتها....
بقلبي وإحساسي..... أحبتني.....
وأعلنت لها عشقي.....حين ملكت.....
سحر عيونها.....وهدمت كل....
حصون قلعتها.....حين ألقيت عليها ....
كلمات شعري ....وأستوطن.....
بروحها حروفي....فاستسلمت.....
ورفعة لى راياتها.....وتنازلت لي طوعا ....
عن عرش قلبها....وتوجتني.....
أمير علي قلبها.....فانا أحببتها
بل عشقتها....وفي قلبي.....
اسكنتها....😘
💚 🦋 🦋 ✨ ✨ ✨ ✨ ✨
ليش هيج يعني حلوه تطلع من تشوفني واني مشتاقتلك حيل
شنوو وين جان ومنو هاي الدازه هيج رساله
طلعت لكيتهم جاي يرحون وعمه مجلبه بيهم يباتون
بس مقبلو
ساره جلبت باختها سندس تبقه ابوهن كوه قبل البنيه هاديه كلش وخدومه الي قلقني خطبتها لبسام بس اكيد الموضوع قديم
طلع بسام كعد يم اهله راحو
اي يوم راحو ليش هيج تاخرت مو عيب من خالك
باوعلها وهز راسه مراضي
خليلي عشه حبيبتي
صار
لحكني للمطبخ كال هنا اكل لا تودي للهول
وين جنت
شبيج مرام شحجيت لعد اني مو كتلج ويه جماعتي وافترينه على المعارض
ها. نسيت
اي هواي تنسين انتي اسم الله عليج
خليت العشه
انتي اكلتي
لا استحي
تعالي وياي لعد تعشي
كعدت يمه يباوعلي ويدنك
ضحك وكال.... عبالك بكلبج حجايه كولي
كلشي ماكو
متاكده
لا ممتاكده..
ههههه فدوه للصريح احجي
يعني خطوبتك انت وسندس ليوين واصله
شون يعني شجه بالج وسالتي سامعه شي
ماكو شي تذكرت من شفتها
هي حجت وياج بشي
لا ابد البنيه مجابت طاري اصلآ
ماكو شي يستحق ينذكر لو تشغلين بي راسج الحلو مجرد حجي بين العائلتين ومصار فضت راحت
مااكلتي شي
لا داكل
كام خله القوري على النار ورجع
عمو اجه كله شسويت لكيت سياره
لا والله يابه غاليات العندي ميكفن النوعيه الاريدها
شوف شكد تحتاج اطيك اني بابا؟
اريدك سالم حجي ماتقصر
كمت صبيت جاي عمو. تشرب
اي والله بابا
بقو يحجون واني رتبت المطبخ ورحت للغرفه
بسام فات مشغل اغنية كاظم الساهر بالتلفون ويغني ويا
الليه احساسي. غريب عاشك وانا مالي حبيب
حبيت كل الناس لاموني
حبيت كل احبابي باعوني
كلت احب الحب احسن
كلت احب الحب اضمن
لااحب ولااتوه. ولابعد في يوم احزن
الليه غير شعوري غير. اشواكي
حتى الأغاني غير
غير صدري سما واحساسي طير
بس طيفك ماتركني
ظل ساكن وسط جفني
كان طيب وانت قاسي
كان يذكر وانت ناسي انت وينك كان هذا الفرق مابيني وبينك
جيتني تشكي الزمن.. جيتك اريد انسى..
لكيت في كلبي وطن .. ولكيت بك منفى
صوته حلو سلطنت ويا الكلمات تجنن خذتني لغير عالم
دنك عليه وهو يكرر ويه الاغنيه
الليله.. الليله احساسي غريب
شبي احساسك. عيني
رجع كال كان يذكر وانت ناسي
هزيت ايدي. جرني ويغني ضحكت اليوم مزاجك عالي
ههههه شبيج احجي
كتله شبيه.. مثل كل يوم
واني هم بس انتي متعرفيني
شعدك تسمع هاي الاغنيه اكو سبب
طلع الاستوديو منزلها وضايفها للمفضله
كال اعشق القيصر حبيت هاي الاغنيه بذات لان احسها قريبه مني
اممم
والله محد ترجم كل احاسيسي غيرها
يعني جنت تحب وحبيبتك متدري لو تحب احساس الحب
اثنينهن
مفهمت و الاخت جنت اقصد سندوسه.. شنو موضوعها
صفن انوب طكها ضحكه
ههههه شي قديم وراح اصلآ
احساسي، كله مو يمها
المن لعد تتذكر من تسمعها
مو اكلج..زهايمر مبكر . رجع يدندن
كان هذا الفرق مابيني وبينك
كان يذكر وانت ناسي
كان طيب وانت قاسي
دفعته. وكلت
والله ماعرف شبيك
هههههه... اكلج الجنطه الدزيتها وين
اشرتله فوك الكنتور
عفيه شالفتها فوك الكنتور ليش
رفعت كتفي ومطيت شفتي بمعنى مادري
نزلها... شفتيهن
هزيت راسي
معجبوج
لا باول قطعتين انصدمت وعفتهن
ههههه عفيه عفيه
تعاي يمي اشوف
مااااا
لج ليش حلوات والله اختاريتهن واني مسلطن واتخيلج بيهن
ماااا
فتحهن وبدون خجل يكلب وينطيني اني ردت الارض تنشك وتبلعني
تعاي رتبيهن بخانتج
عوفهن اني ارتبهن
هااا ذن للبس مو للخزن حبيبتي
اعرف
زين
كال
مرام...
نعم
يعني ماشوفج تهتمين بنفسج ليش هيج
شون يعني
حبيبي لاتفكرين اني انتقدج انتي هسه بعيني ملكة جمال بس حلو من احس بيج تهتمين بنفسج لخاطري
انتي نظيفه بلبسج وجسمج بكلشي بس اني اريد تنزعين الاسود
ماكدر انزعه اصلا حتى عيب من اهلك
اهلي معليج بيهم
من باجر اخابر اقبال تاخذج صالون ونزعي
لا بسام عيب والله انوب اقبال تريدها تشهرني
اشششش بدون نقاش وشكو اقبال تشهرج شمسويه انتي
يعني شكلي معاجبك
لج بابا اني كلت معاجبني بس هيج اريد احس بيج تترتبين اليه مهتمه بيه
و هذا الشي متحسه الى اغير بشكلي
مادري شوون اوصلها الج
خلص الي تريده يصير
ضجت رحت للحمام باوعت بوجهي فتحت شعري اني اخر مره حفيت ورا عرسي كم مره ينعدن على الأصابع وانور عمره ماكلي روحي صالون غيري شكلج
رجعت صفنت بالمرايه واكلب بشعري ميشي نازل لان شعري طولان حواجبي اصلآ خفاف وبيهن شمره يعني حتى لو ماشيلهن مايبينن مشمورات وحدهن
بس شاربي على طول اخذه اني كدام المرايه وجهي خفيف الشعر بي بس اكيد ممرتب وله شنو الخلا يحجي
دك الباب حبيبي وينج تاخرتي
هسه طالعه
شافني اول مطلعت كال ضجتي
لا
شنو... لا.. غير غيمتي
لا على شنو اغيم حجي الحق ميزعل
وشنو حجي الحق شفتهمتي بله من كلامي
فهمت الي ردت توصله اليه
وشنو هو
بسام كافي فدوه اريد انام خابر اختك وروح حاجي اهلك اني عليه أنفذ وبس
ها هيج صارت
اي
عوفي لعد كلشي لاتسوين
اخذ تلفونه وطلع
بقيت اتكلب وابجي اني مالي احد بهيج حاله البنيه عدها ام تحجيلها تنصحها شسوي اني ماعندي لا ام لاصديقه حتى حمواتي مو هلكد وياهن وحتى لو اني وياهن علاقتنه حلوه ماكدر افتح هيج موضوع وياهن صعبه
حسيت بي فتح الباب
افتح هيج موضوع وياهن صعبه
حسيت بي فتح الباب سويت نفسي نايمه هو هم فات غسل واجه نام
يمكن يشوف ويقارن بيني وبين غيري هو رجال وحقه يجي يفوت يريد يشوف شكل. حلو واني مثل الغراب غفيت واني ابالي ميت حسبه وفكره ناويه انفذها
كعدت مالكيته باوعت ب٩ وين راح من الصبح
ويومين على هذا الحال يطلع من الصبح ويجي من انام ميحاجيني ابد اليوم هم كعدت هو ماكو
طلعت سويت ريوك ونظفت يله كعدو
صباح الخير ماما
صباح النور
تريكتي
لا منتظرتكم
يله لعد تعاي عمج وين
صباح الخير يابه
صباح النور عمو
صبيت الريوك ماكلت خلصنه سالت عمه شسوي غده كالت
مشتهين دولمه اني اسوي بس حضريلي المواد
صار.... حضرتهن وكعدت يمها
شبيج اليوم
مابيه
ضحكت
مرام
نعم عمه
جم مره كتلج كولي ماما واني من اكولها مو بس كلمه اريدها فعل هم
يعني من تحتاجين تشكين لاحد اني امج مو ام بسام
بجيت شون عرفتي
ولج انتي بنتي اعرفج من عيونج
شبي وياج
يكلي رتبي نفسج نزعي الاسود
دنكت.... وكالت مال الاسود حقه بس رتبي نفسج يخسه منو بنظافتج وترتيبج
هو مكال هيج بالكلمه بس بينلي
شكال
كال اريد احس بيج تترتبيلي تهتمين بيه
شلون بله
يريد اروح صالون
صفنت.. كالت ولج مرام احنه الدنيا ماطتنا مجال وهملناج لاخذتج صالون لا خذتج سوك بس شوفة عينج انور الله يرحمه وحاله
اعرف عمه
يله العصر اخذج
كال اخابر اقبال من شافني ضجت بطل
ههههه ليش ضجتي
مادري يمكن مرات حجاية الحق تغث ههههه
دكومي خلي الجدر على النار ورا الغدا نروح وبعد من يصير شي احجيلي
ضحكت صار
تغدينه وشلتله بجدر صغير عمه كالت يحبها نظفت وبدلت وطلعنا رحنه للصالون
وحدت لون شعري
وحفيت ورجعنه للبيت نزعت الاسود بثوب نيلي
عمو من شافني ابتسم كال بالعافيه
ساره واختها ذيج الايام مشفناهن اليوم نزلت وبقت مصدومه ادري بالحيه تريد تبخ سمها وتخاف من عمي
لحكتني للمطبخ شمسويه بنفسج ونازعه الاسود
اي عندج اعتراض
هزت ايدها وطلعت... كتلها لحكي بثي الخبر لحمواتج خاف ميدرن
خزرتني وغمتني
كبور
فاتت سندس. بالعافيه حبيبتي
الله يعافيج
جان الاسود ضالمج بس لبسي الوان فاتحه
ان شاء الله
بسام وين لعد
طالع
ها يتاخر
ليش
مو اريد اكعد وياج نسولف براحتنه
ميجي هسه يتاخر
زين لعد راح اسوي جاي
لا حضرت عشه فد مره بعد نتعشه
تمام يله لعد
تعشينه حتى مصطفى اجه يمنه
يابه ابنك حاجي راح يرجع لشغلته القديمه كلناله بس دلاليه ابقه عليها
شبي
البارحه واليوم راجع ويا ايمن
اهووووو هذا شحجينا ويا
على كيفكم يجوز بس كعده كالت عمه واني مطفيه منو ايمن شنو شغلته القديمه مادري
يابه اكعد اليوم احجي ويا
عمو مرام من يرجع لو بيش الساعه كليله عمي يريدك
صار عمو
عاف العشه وكام لحكته عمه قبل لاتكوم كلت لمصطفى ماعرفت تظمها لمن يخلص اكله
اي اسكت لمن يخابرونج مثل ذيج المره لو تنطون فلوس لو نموته
اسم الله فالك ماكبلنا
خله وطلع
ساره نبصت
اي حجايته ثكيله فوك ميريد مصلحتهم بس هو ابن البطه السوده
عفت الاكل يجوز يرجعون ياكلون
فات بسام سلم راسا عمو طلع
لك انت تبقه دماغ سزز ماكفاك الصار لعد احنه المن سفرنا وطاح حظك وحظنه
شبيك حجي شصاير
وكفت بعيد وارجف كلش خفت من الصياح. شفته يباوع عليه و مركز
شعندك ويه ايمن
صديقي سمع راجع اجه سلم عليه
يحجي ويه عمو ويرجع يباوع بوجهي...
ها بس هيج وشغلكم القديم
يابه تحسسني جنه سلابه لو مجرمين شالقضيه
اسمع بسام تكعد هنا بامان الله وتبقه على الدلاليه اهلا وسهلا ترجع للصيرفه من باجر تحجز لوحدك وتسافر
حجي ياصيرفه اني مو اول البارحه كتلك السياره العجبتني ماكفت فلوسي اخذها بعد صيرفتيش
خصم الكلام كلته
صار حجي الي تريده يصير.
رجع باوع عليه وتقربلي شبيج صوفرتي دنحجي تره لاتخافين
لزم ايدي انتبهت جنت حاطتها على صدري
رخي حبيبي رخي ماكو شي. شو تعاي
عمو صاح شبيج بابا ماكو شي
هزيت راسي حتى صوتي مطلع جابلي مي..... ابتسم اشربي
شربته كله
ساره على كيفج سويتي نفسج كلش، ستوج جنتي تعلفين
خزرها بسام شويه انتقي الفاظج
شلونك بسام
هلو سندس، شلونج
الحمد لله بخير وانت شلونك صاير متنشاف
مشغول والله
باوعلي هاا احسن
اي
لعد فايت اغسل اني غمزلي وكرص خدي وباس ايده وراح
حتى ماشفته متعشي لو لا
لحكته طلع من الحمام كتله تتعشه
لا ماكل
بالعافيه
الله يعافيج. انتي هم بالعافيه
على شنو... نسيت الحفافه وشعري بعده مشايفه لان جنت لابسه حجاب
وجهج طالع حلو لايكتلج شمرة الحاجب
هاااا شكرآ
خلي اروح اشوف الحجي منو تارس راسه عليه اليوم
خطيه يخاف عليك
ادري ... عيني ادري
طلع فتت للحمام لملمت ملابسه الوصخه ورتبته طلعت شفت سندس لازمته من زنده وهو خال ايده فوك ايدها.... يتبع
مساء الورد ... الي يسال ليش مرام ماتذكرفنفس سؤالكم سالته الها كتلها الوجه حقج تنسي لان حسب مكلتي الملامح مجانت واضحه والصوت مبحوح من الخنك كالت ماعرف والله ليش نهائيا ماجه بالي ولامر لحظه ممكن تكون الدنيا هيج صغيره وهو شخص خلصته وراح وراها هواي احداث صارت لهتني تحويلتنه وزواج والدي وحمل امي بعد مجانت ميصير عدها وحمل ضرتها وزواجي ... شتذكر هو جتى عمر نسيته اني ... بس. مشهد بعد التغشيشه الي نشرتها اطيد راح تتذكر مو لهدرجه وهذا راح يكون لو لبارت ال١٠ لو ١١ ... والقصه مو قصيره ٤٥ او ٥٠ بارت ... متقتصر على مرام وبسام راح تظهر شخصيات ثانيه
#لقاء- واحد- يكفي#
البارت ال١٠
💚 🦋 🦋 ✨ ✨ ✨ ✨
يا ذات العيون العسلية ..
حاولت عبثاً أن أكتب الشعر فيهما ..
لكن هيهات أن أُروض خيول الشعر في عينيك !
إنها جامحة كالأعاصير ..
يصعب إحتوائها .. ويصعب التنبؤ بما ستخلفه حين هدوئها ..
لله ما سحر العيون فإنها
قد غافلتني وعجّلت بمماتي
لله ما هذا الجمال فإنها
تفني العقول وتشعل اللذات
أدعو الإله بأن يبارك حسنها
دوماً و يحفظها من الحسرات🌼🌼💔💔🧜♀️
شفت سندس لازمته من زنده
وهو خال ايده عليها
ختلت شفته وخر ايدها حيل وخزرها حجه ياشر بايده واصبعه بوجها بس مبين حيل عصبي ومطايقها يدور وجه منها وترجع بكلمه تخلي يلتفت عليها
بس ماسمع شيحجون لان همس وبعيدين كلش عليه ماكدر اسمعهم شنو يحجون
بس نار اعتلكت بكلبي من
ردت اروح عليهم هو عافها وراح وهي صعدت تركض
الموقف بقه يتكرر كدام عيني البنيه رغم نظراتها علينه من نجتمع بس، مبينت شي كدامي
رجعت لغرفتي وهو شويه ولحكني بس مانتبهت اله لمن صاح عليه
مرام
نعم عيني.
سالمه عينج شبيج وين صافنه صار ساعه من فتت واتغزل بالشعر الحلو لزم خصل شعري
وشمها تقرب لركبتي هم شمها حيل وباسها شال وجهي شبيج
جان كاعد يمي واني مادري بي
شرادت منك سندس شفتها يم الدرج تحجي وياك ولازمتك
استغرب. هاااا شفتينا
اي
مرادت شي بس تكول ماشوفك
هاااا وجان لازم تلزم ايدك
مو اني موكفت سلمت وعفتها فلزمتني توكفني
كمل وهو يضحك. ولامهتم
باعي حبيبي هيج افكار لاتخليها بالج ومره ثانيه اذا شفتي هيج موقف لاتختلين تعالي واوكفي يمنه زين
ان شاء الله يعني اكو مره ثانيه
ههههه شون بيج اني.. هسه عوفيني منها و تعالي احجيلي منو الي سوالج هذا التغير
عمه اخذتني
وين
صالون
ها طلعتو يعني
اي
رجع شعري ورا اذاني شعجب مكتيلي لعد
غير ويه عمه
اعرف بس غير تنطيني خبر
مادري يعني انت كلت روحي جان لازم انطيك خبر
اي صح اني طلبت وكتلج اتصل باقبال والطلعه بعلمي تصير بس مادري بيج رايحه َيا امي
يله مصار شي بس مره ثانيه ازعل اذا تجاهلتي وجودي ويه عمه ويه عمو تبلغيني قبل متطلعين زين
ان شاء الله متتكرر
منو دفع
عمه
ها خير ان شاء الله
حجيتي عليه يمها
هزيت راسي باي،
ضحك و. فرك كصته اي شكلتي عليه
مكلت شي بس هي افتهمت واخذتني
بس صالون رحتو لو للسوك
لا بس صالون
يله سهله عود.. اني اخذج تشترين شمحتاجه المشكله راح اخذ سياره يله اذا بقت فلوس هههه
مايحتاج عندي كلشي
شنو عندج اشو بس الاسود شفته وعود غيرت كام تلبس نيلي لا اخذج واشتري لاتخافين عندي اتشاقه وياج حتى اذا عوزنه الحجي والحجيه موجودين....
ان شاء الله
هسه شنو بعدج زعلانه
نطيت عيوني.. اشرت على نفسي.... اااااني
هههه لعد منو نزعج من حجيت
يمكن عصبت شوية بس انت كلبت وجهك عليه وطلعت يوكين متحجي ويايه
احب بيج صراحتج متنكرين شي
يعني ضجتي لان محجيت وياج.
عرفي طبعي مرام من اضوج ابتعد حتى ماذي الاحبه بكلمه او تصرف
زين الاسود ليش من نزععتي كمتي تلبسين هذا النيلي اصلا ماكو اي فرق
مو راسا البس الوان يعني شويه شويه
ليش عود
احسن شويه شويه. هذا هم الوان. نيلي تره مو اسود
.
ولامبين اسود عبالك مانتبهت عبالي بعدج لابسه الأسود
والله نيلي
يله عمي... قابلين بالعافيه ان شاء الله اخر مره تلبسينه
امين يارب
عمو ليش هيج تعصب وزعل
اوووو اذا احجيلج يراد نربط الاحداث بعضها وتاليها الرباط جبس ليز
ماعوفك اليوم اذا متحجي شقصتك ويا الجبس
حب من اول جبسه. هههه اني الماعوفج اليوم..
لهاني ونساني القصه نمت كعدت واني بحضنه افتقدته ذيج الايام
دك تلفونه َفز
جاوب.
. هلو ايمن صباح النور
اي.... اي. اشوف يمعود هو اني بس، شفتك البارحه انكلبت الدنيا
يعني شنو
لا عوفها اني ممستعد لا ماديا ولا معنويا
الله كريم يجوز ابيع البيت واكنسل السياره هههه الله وياك
صباحو حبيبي
صباح الخير شنو راد منك هذا
هيج شغل
مو نفسه العمو ميريدك تشتغل ويا
كافي مرام شغلي لاتدخلين بي واي شي داخل الغرفه ميطلع
هزيت راسي... كيفك.. تتريك
اي لان اريد اطلع
طلعت لكيت ساره بالمطبخ هي وعمه وسندس
اي عيني نايمين بالعسل وعمي راد يموت الليل كله بالمستشفى
جانت موجهة الحجي اليه بس بسام طلع وسمعها..
!! شنوو شبي ابويه؟؟
عمه كالت ضغطه صعد واخذنا للمستشفى اني ومصطفى
وليش متكعدوني
ابوك مقبل
يعني يمه هي هاي الشغلات بيها زعل بربكم وينه هسه نايم كاعد
لا نام انطو بالمستشفى فاليوم
استغفر الله
مرام. صبيلي، جاي ماريد زقنبوت
كعد يم عمه... انتي شلونج هم تعبان شكلج
والله يوم ابوك اخذ نص حيلي
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق