رواية لقاء_واحد_يكفي الفصل الاول والثاني بقلم غدير وسام حصريه وجديده على مدونة النجم المتوهج
رواية لقاء_واحد_يكفي البارت الاول والثاني بقلم غدير وسام حصريه وجديده على مدونة النجم المتوهج
 |
النسيان .... نقطة بدايه ام نهايه كل محاور القصه تدور حول مرفاء النسيان لتضيع فيه قوارب اللقاء
مشهد
فات مشغل اغنية كاظم الساهر بالتلفون ويغني ويا
الليه احساسي. غريب عاشك وانا مالي حبيب
حبيت كل الناس لاموني
حبيت كل احبابي باعوني
كلت احب الحب احسن
كلت احب الحب اضمن
لااحب ولااتوه. ولابعد في يوم احزن
الليه غير شعوري غير. اشواكي
حتى الأغاني غير
غير صدري سما واحساسي طير
بس طيفك ماتركني
ظل ساكن وسط جفني
كان طيب وانت قاسي
كان يذكر وانت ناسي انت وينك كان هذا الفرق مابيني وبينك
جيتني تشكي الزمن.. جيتك اريد انسى..
لكيت في كلبي وطن .. ولكيت بك منفى
صوته حلو سلطنت ويا الكلمات تجنن خذتني لغير عالم
دنك عليه وهو يكرر ويه الاغنيه
الليله.. الليله احساسي غريب
شبي احساسك. عيني
رجع كال كان يذكر وانت ناسي
هزيت ايدي. جرني ويغني ضحكت اليوم مزاجك عالي
ههههه شبيج احجي
كتله شبيه.. مثل كل يوم
واني هم بس انتي متعرفيني
شعدك تسمع هاي الاغنيه اكو سبب
طلع الاستوديو منزلها وضايفها للمفضله
كال اعشق القيصر حبيت هاي الاغنيه بذات لان احسها قريبه مني
اممم
والله محد ترجم كل احاسيسي غيرها
يعني جنت تحب وحبيبتك متدري لو تحب احساس الحب
اثنينهن
مفهمت و الاخت شنو موضوعها
ههههه شي قديم وراح
١_________٢
#لقاء- واحد- يكفي#
البارت الاول
💐💐💐🌸🌸🌸🌸🌸
ليس الاشخاص سوى عقارب ساعه تدور وتدور لتلتقي بنهاية المطاف
الايام الشهور السنين تمر كلمح البصر نقابل اشخاص فنحفر داخل ذكرياتهم بينما ننساهم نحن ليس لانهم لم يتركو اثر لكن بسبب مامررنا به من احداث
اليوم نخوض احداث قصه حدثت بما مر من الزمن. لنبدا احداثها. ولندخل معهم. حياتهم ويومياتهم💐💐💐💐
راح ابدي بصاحبة القصه..
يمكن كل اولاد عدها اهل يحبونهم ويداروهم ماكول اهلي ميحبوني بس الاثنين لاابالي ميهتمون ابد رغم اني وحيدتهم
احنه عائله متكونه من ام واب عايشين بيت تجاوز بمنطقه تعبانه بدت احداث كلشي واني بالخامس اعدادي ماجنت شاطره ولاكسلانه مشيه اموري اني وصديقتي الي بيتها الحايط على الحايط ويانه
لميس هم قصتها قصه عدها ٥ اخوان شباب بس هي بنيه اخوانها ٤ من النوع يسون مشاكل بس الصغير. اكثرهم مطيرجي ويشرب ويكبسل كل السوالف التعبانه بي حسره اصعد السطح من ورا بس هذا كله اني مجنت اشوفه بعدين يله افتهمت كل هذا
معجبني بي شكله لا جانت حنيته الي بينها اليه لمن امي ضربتني على شي ميسوه جانت متعاركه ويا ابويه وطلعت حركتها بيه صعدت للسطح ابجي سمعت صوته وهو يسالني شبيح منو وياج
مابيه شي
ها والمابي شي يكوم يبجي هيج
معليك انت
كيفج بس عبالي اساعدج
ساعد نفسك بلاول يوميه ابوك خابزك
هههههه عادي تعلمت
اني هم متعلمه لذلك معليك بيه
بكيفج يابه شحاجيناج
المهم... اني ما ورثت من اهلي عدم الاهتمام بالعكس جنت اهتم حتى بالغريب عكس امي محتاره بابويه ها حجه بالتلفون ها طلع لان ابويه حلو كلش وسيم ماخذت منه لا الجمال ولا الكريزما اني شكلي مرتب بس مو بجماله اليوم رجعت من المدرسه عدي تحضيرات لامتحانات نهاية السنه ودايخه البيت بي ٢غرف غرفه لاهلي وغرفه اليه فوك غرفه
فاتت لميس
خير شبيج ستونه تفاركنه
دولي علكت بين اهلي وعمير واجيت
ياااا شبي
لميس كالت من وره طيوره الناس تشتكي وابويه يوميه مكسر البرج ويرد يبني
انوب اليوم جايين هداده مطيرجيه ماخذ طيورهم هو يكول اني جنيتهن وهمه يكلوله رجعهن
كلتلها واني اضحك
ههههه صدك تححين علمود طيور
يااا شوف هاي يكول التك ب٥٠٠ الف
صدك تحجين
والله
وتالي
عفتهم يتمالخون وجيتج
هلا بيج كعدنه ناخذ صور كالت اكو بنيه اختها تدزيلها الصور وتطبعهن الج ورقي راح ادزلها ذني خذنه كومه وصعدنه فوك بالسطح هم كالت راح اطبع نسختين الي والج باعي، ابويه مفلش البرج خطيه عمير يوميه بانيله واحد نزلنه حضرنه لدوامنه للباجر
فاتت . امي كومي سوي جاي لابوج
اي جيت
كمنه اني ولميس سويت جاي وصبيت الهم رحنه نقرا
يله اروح كالت لميس شكلهم هدو
الصوت جان ينسمع من بيتهم لبيته
اي والله جنهم سكتو
باجر تجيني اجيج
اني اجيج احسن كتلها
راحت واني احذني الفضول صعدت البرج مكسر وهو يلم بي كتله تحتاج مساعده
اندار عليه وابتسم كال اني مو مثلج ماقبل واحد يساعدني
هههه شتحتاج كول
ماكو شي كافي سؤالج عليه
جان سطحنه وسطحهم طابكين على بعض وبينه فتحه بكد الباب متجين هليها باب خشب قديم وخرته ورحت الم ويا
ضحك وكمل شويه وكتله رايحه اخاف اهلي يحتاجون شي
شكراً
هههه العفو
نزلت سويت عشه
التمينه الكل ساكت كملنه ومثل العاده ابويه للغرفه وامي لحكته
مشت الايام امتحنت وخلص الدوام واني ولميس لو هي يمي لو اني من اخوانها يطلعون بس الاكثر هي يمي وكل فتره اصعد للسطح نسولف اني وعمر جان هواي مهتم بيه ويسال عني حسيت بنفسي كمت اميل اله حيل شعور مراهقه او اهتمام جنت مفتقدته من اهلي هو عوضني عنه كل الاعرفه جنت اتحين الفرص حتى اشوفه او اسمع عنه من لميس الي هلايام .بالها مو يمي ابد تحجي بالتلفون وتتختل كالت ليش متشترين جهاز تعرفين وضع اهلي مايسمح بس امي وابويه عدهم تلفونات من اريد احجي. وياج اخذ جهاز امي
ها. هاج هاي صورنه عندي نسخه والج نسخه
بيش، صارن
.
لميس انجبي لج مو عيب.
اني وعمر تطورت بينا العلاقه لمواعده يعني نتفق بوكت معين اصعد اشوفه وكلش جنت افرح بهذا الوكت لحد مكال اريد اجيبلج تلفون ميصير هيج
لا شسوي بي واذا شافو اهلي شكلهم مين جبته
اني هم فلوسي متكفي اريد اخطبج بالي شغله اذا رهمت مو بس اتقدملج حتى بيت وحدنه نكعد
صدك تتقدملي عمر
اي والله اني اريد ازوجج واخذ بيت اخخخ بس خلي تضبط هاي الشغله اعيشج ملكه النسوان تحسدج
شغلتيش هاي
مشروع اني وجماعتي كاعد نحضرله
بس لا الطيور. وسوالفهن
انت ليش متعوف الطيور وتشوفلك شغل احسن من الطيور وسوالفهن ومشاكلك ويا ابوك كل يوم
هي هاي الشغله بعيده عنهن
ان شاء الله خير خلي انزل لا امي تدور عليه
نزلت امي صاحت تعاي هاي لميس تريدج
فاتت لميس.. الحكيني ولج
شبيج
عرس ابن عمي وماعندي هدوم
جانت امي جايبتلي ملابس طلعتهن الها كامت تختار احنه نروح باجر والسبت يله نرجع
عابتلج هيج افاركج
تحملي يومين ٣ وارجع.. حذاء ماكو
لا بس ملابس جابتلي امي
ديله ادبر روحي. طلعت تركض
ثاني يوم جت سلمت وراحت
بيومها بليل ابويه كال ابات بالشغل جان يشتغل بمخازن وعدهم نقل بضاعه
طلعت اسد الباب شفت هوسه عمر ويا اربعه بس يتلفتون وياهم سياره بعدين طبو وبقه واحد منهم
بره مارتاحيت والفضول اخذني صعدت من غرفتي ماكدرت اشوف اله بالسطح صعدت لكيتهم فوك
هو من اخر عركه ابو. كسر البرج رجع سوا وعدهم مثل المخزن سندويش هم خله بي الطيور وبقية غراض البرج سمعت واحد منهم كله
وين نخلي هنا شتكول عمير
اي وين عدك مكان ثاني
بكلبي والغسل اكيد على الطيور خلي انزل
تسحبت ونزلت نمت للصبح امي كعدتني نظفنا غسلت هدوم صعدت اشرهن شفت عمر بالسطح بس يتلفت ومايطير كاعد باالباب مال الغرفه حتى مانتبه اني صعدت جاي احاجي امي صاحت عليه
نزلت كلت شبي هذا وهم رجع الفضول كاتلني بعد ماكدر هالطبع ماغيره الوب شلون اعرف شضام العصر هم شفت ذول اجو اجو كبل للبيتونه اسمع صوت ضرب واحد يون نزلت اركض من الخوف هذا شنو كتلو خاف مثل ذيج المره على الطيور
شسوي نزلت كملت البيت ونسيت السالف من ركضتي وامي وابويه تعاركو تغار عليه وهو مكيف
صعدت الم الملابس واسمع ونين قوي مال بشر يتالم
ميت شغله وفلم براسي صار خاف كتلو وانهزمو خاف بي شي نزلت ادور على ابويه مالكيته وامي نامت بصراحه الفضول غلب الخوف وعبرت عليهم من الفتحه البنيه و سمعت ونه جايه من الغرفه باوعت بابه بي فتحه صغيره جان اكو واحد ممببن من الدم الي بي وعيونه مشدوده خفت وركضت رجعت انضربت رجلي بشي طلع صوت هو رفع راسه.........
.
اني فلتت من الخوف للصبح مانمت وراها رابطت فوك خاتله واسنط عرفت خاطفين الولد وطالبين فديه عليه نمرد كلبي عليه يفوتون يضربو ويطلعون واحد منهم يعرفه وهو الي جايبه
بالنهار يرابط واحد منهم وبليل عرفت عمر من حجيهم ميكدر لو شرب لو كبسله من يرحون يطلع انتظرت من راح اني عبرت حاجيته من ورا الباب ياولد. شال راسه منو. عفيه طلعوني
اسسسس صوتك
فتحي الباب صيحي اهلج لو انتي وياهم
اسكت شصيح اهلي يمعود ذول عصابه
اعرف عصابه بس طلعيني فتحي الباب ومعليج
ماكدر مسدود بس انت جوعان عطشان
ميت عطش وجوع
انتظرني هسه اجيبلك
نزلت الببت مابي شي غدانه وعشانه على كدنه ترستله مي وعدي جبس ليز جبته اله
صعدت.
ياولد تكدر تدنه اليه هنا
وين.متشوفين عيوني مشدوده
تعال على صوتي بقيت اهمسله وهو
هنااا هناااا
تقرب فتحت الباب جان صغيره خليت البطل بحلكه نصه وكع بالكاع انوب كمت انطي جبس قطعه قطعه رجعت شربته مي
اتلفت خايفه ماعندي غير ذن سد بيهن جوعك هسه كوه كمل ورحت
لميس واهلها تاخرو اني كمت من ماشوف عمر واطمن طلع اعبر
لو اشربه مي اكل ماكدر اطي لان الفتحه صغيره ومرات ميبقه اكل اشتريله كيكه مره جبس ليز انكعه بمي واطي اله عمير مجان يفوت عليه يبقه بره واحد يصعدونه يحاجي وينزل. من طلعو صحت عليه ماجاوب ووووين يله جاوبني. وكال عفيه يا بنيه كلش جوعان وعطشان َاني بيومها ماعندي اكل وماكدر اضم اخاف اهلي، يشكون بيه وحتى اذا ضميتله مين اعبره بظ الجبس اكدر انطي منه لو كيكَه ومثل كل يوم
دزيت الجهال اشترولي جبس بتيته ليز ونكعته اله بمي حار وكلته
كال اكلج هذا شنو الي توكلينيا
هااااا
مو ماعندي شي جبتلك جبس ونكعته بمي
هذا كام يضحك
شكو تضحك عليه عفته ورحت
تعالي يمعوده شسمج حتى اسمج ماعرفه
مرام. اسمي مرام
فدوه
عفته ورحت بيومها سمعتهم يحجون بينهم ياخذون الفلوس ويكتلونه متت خوف يارب شلون
اعرف اهلي اذا اكلهم يخافون والشغله تفتر علينه ابو لميس رغم يدري بولده باطلين بس ميطي بيهم كم مشكله يسون يرجع على الناس يسويها عشاير وفصول
فخفت. بس ماكدرت اسكت
رحتله حافظ رقم احد من اهلك
؟؟؟ .... اي عدج تلفون
لا تلفون امي جبته وانت ردلي الرقم يجوك لهنا ادليهم
سمعت صوت الباب نفتح... ختلت.. فات عمر وصديقه بيده تلفون فتح الباب وفات عليه هذا الي يخلونه يحاجي وكله راح اخابر اهلك بس تكلهم اني زين حرف غير ذن افرغ هذا براسك مغير نبرة صوته و ملثم بس اني اعرفه. وشفت وجهة اكثر من مره فتح عيون الولد الخاطفينه عيونه مورمه وخشمه مامبينله معالم لابس قاط رصاصي وقميص وردي بس مشككات من الجر والضرب
وفعلا اتصل وطلع كمل اتصاله باهل الولد ونسه الباب مفتوح مصدكت بس كلت بوكتها يمكن الولد اله عمر. وخلاصه جان على ايدي ونزل ونسه الباب
اني ركضت فتحتله ايدي
كتله يله هو جان يفتح ويغمض مبين ممتوازن خفت يتخربط هنا شيجره اليه جريته ولك يلها عبر علينه فوته للغرفه سديت الباب اطيته مي ونزلت سويتله لفه يسند نفسه لايوكع اطيته ياكل باوعلي كتله اتصل على اهلك قبل لايرجعون لو امي تدور على تلفونها
لزمه و دك على واحد كله انهزمت تعال باوعلي وين احنه
كتله ب.....
وصف للولد
كتله خاف يرجع ويعبر هنا
لازم هسه تطلع
رحت جبتله عباية ماما وحجابها لفلف نفسه كتله اطلع اكو محل بالركن اوكف يمه امي كعدت رجعت التلفون.
طلع ورحت لامي يمه تلفونج عدي راح اخابر لميس
ولج مابي رصيد
اني ارمش وهي دك عليه
انجبي
زين اخليلج رصيد
منيلج
بالدين من عمي ابو اسعد ومن يصير عندي اطي
ها يقبل
اي دروحي جيبي ولاتخابرين رمشيلها
اي.
ركضت
لكيته واكف وشفت عمر بعده بالباب هو وربعه الحمد لله ماصاعدين
ركضت التلفون دك رقم
اطيته اله هذا الرقم الك
اي جيبي
وينك.
اني ب....
طالعلك. اطاني التلفون.
كال وصلو اهلي رايح بس شون اتواصل وياج ادك عليه هذا الرقم لو لا
كتله روح... روح هسه مدام مافاكدينك روح
ماكتيلي
اتصل على هدا الرقم ومنو ذول تعرفيهم اريد اشتكي عليهم..
ماعرفهم هو تلفون امي بس روح واني ماعرفهم جدد بالمنطقه ماعرف اي احد بيهم ولالنه علاقه بيهم عفيه اذا اشتكيت اتجرجر اني اهلي يذبحوني
شون لعد
اسكت اني مو طلعتك انسه ولاتشتكي اذا تريد ترد الخير اليه تره خطيتي بركبتك
ماشتكي لخاطرج
اجو عليه وراح.. واني
رجعت مصفصفه وخايفه لايعرفون بيه شسوي بوكتها
امي ها خليتي رصيد.
... هاااا
وجعا التلفون وين
هذا بس ماقبل يعبيلي رصيد بالدين
كبور تلفج وتلفه
سمعت هرجه صارت وصياح وراها طلعو عمر وربعه وتاهت عليه بينه بينهم لان امي موتتني علمود الرصيدلان خلص من اتصل بي الولد وخلص كتلها اني خلصته على لميس بهذا الوكت
احنه جنه عارضين بيتنه ونباع
خذنه بمنطقه زراعيه وشلنه ورا الحادث بفتره بيت لميس هم شالو اصلا مارجعو الضاهر عمر بلغ اهله لميس هم اختفت واني رجعت لروتين حياتي بين مشاكل اهلي لحد ما مره اتصلت مريه بامي كلتلها من طرف ناس وحابه تجي تشوفني هالفتره ابويه حيل تغير ويه امي تقريبا وضعه المادي تحسن مانحس بس اله مزوج على امي وهنا بدت المشاكل والتلفيقات بين الاثنين خصوصا لامي وهنا بدت المشاكل بس جان مهرب اليه من حياتي بيت اهلي
انور جان شاب عادي مابي شي مميز غير طيبة كلبه الخطوبه جانت عاديه امه وابو واخواته حضرو والكرايب كلشي امه جهزته امي جانت شايله ايدها مرت ابويه جابت بنيه وهي ولد وبالعناد كامت تدلل باخويه شي ماشفته منها
زواجي تم خلال شهر بيوم زفتي امه جانت كلش متوتره وتوصي بيه
يمه لاتصدي خاف يتقرب صيري سباعيه اني محد علمني ولا افتهم شي سكتت بيومها زفونا لغرفتنه بيت اهله كلش جبير بمنطقه راقيه والبيت مبي بس امه وابو. واني الي فهمته عده اخوات ٤ مزوجات واخوان اثنين مزوجين واحد طالع بيت وحده والثاني مسافر بليلتها ورا مازفونه كال تتعشين
لا
كيفج اذا تردين سبحي ونامي اني هم تعبان راح انام شفته فتح الثلاجه طلع علاج اخذ حبايات اثنين ونام اني هم غسلت ونمت
كعدت على ونه لكيت
انور مصخن كلش اشتعل نار واني نخبصت ياربي شسوي
جريت تلفونه طلعت الارقام مكتوب نبع الحنان. دكيت
ها يمه انور
خاله هاي اني مرام
شبيج
خاله انور مشتعل نار
ياااااا يمه جايه
فتحتلها الباب فاتت طلعت علاج شربته اله. وكالت لبسي عمج راح يجي جنت بعدني بثوب النوم
لبست حجاب وطب ابو ها بابا سلامات
دنكت
لزمه.. كلها لا ام مصطفى ماينسكت عليه هذا كومي بدلي
انتي بابا جهزي زوجج اخذه مستشفى
صفنت شجهز يعني شسوي
امه انتبهت
كالت فتحي كنتوره اطيني تراك وتعالي
جبته وتساعدنه اني وياها ابو تجاله وطلعو بقيت صافنن شكووووو يتبع
مشتاقتلكم هواي رجعنه بقصه جديده يارب تعجبكم وتكون مرضيه وتنال رضاكم
#لقاء-واحد- يكفي#
البارت الثاني
كنت مستعدا دائماً للوداع قبل أن يبدأ اللقاء ...
فكم غريبة هذه الحياة...
تأتيك بالخيبات والإحباطات ....وتحطمك رغم كل قوتك وثباتك وإيمانك فلا تستغرب...
ماتفعله هذه الأشياء في قلب الإنسان..
#ثـــــــــــــــــم....💢
أحدهم ...!!!
نسي صوته في
أذني
واسمه في
فمي ...
وترك في
قلبي
مساحات الشوق ...
وطرقااااا
لا تؤدي إلا
إليه ......؟؟؟؟
طلعت البيت فارغ استغربت يعني اخواته اهلهم محد بات البيت مكلوب شكلهم يتاخرون. واني لاكدر انام ولا اكعد. شديت الدشداشه ولزمت البيت كله نظفته كملت وهم ماكو قبل الفجر فاتو هو زين يمشي
ابو كال اخذي للغرفه لزمته وديته كبل نام اني هم تعبانه تمددت بصفه ونمت ..... كعدت على دكات الباب انور فاقد ولاكعد. فتحته لكيت اخته بالباب
هلو صباح الخير عروستنه
صباح النور
متتريكون اليوم يله كعدي انور وغسلو بين ماجيب الاكل
اي هسه
كعدته انور تكعد تتريك
لا ماريد خليني نايم اكلي انتي
مو اختك كالت منتظريك
كليلهم نايم روحي تريكي انتي
ابتسمت غطيته زين ورحت لكيت الكل مجمع من سالو جاوبتهم ميقبل يكعد عادي تريكنه
عمتي كالت ولج شوكت منظفه جيت اتلفت هذا بيتنه لو لا
اخته الجبيره اقبال كالت. جينه انظف لان تعبنه وكلنه لامي الصبح نجيج والكالج البيت ورد ياااا هاي امي هيج منظفه ماصدك
والكالجياها تقرا شعر بيج هههههه
مرام كلت بمكان مكاعده خاله ايدي على خدي
بتول اخته الصغيره.. كالت. اهلج ماجو
عمتي شعدهم جايين طريقهم بعيد اني حلفتهن مايجن اثنينهن حوامل
ضحكت امي وضرتها يتبارن بالخلفه
لمن الاكل وماخلني اتحرك وين يله انور كعد. مكسر تريك ورجع نام
وهيج مرت ايام وشهور اني ويا
مثل الاخوان عرفت بعدين عده شمره او صرع اثر حادث عنده علاج اذا نساه او تاخر بي يتعب
وصمام بالراس كل ٥ سنوات يتبدل جنت اتعامل ويا مثل الطفل مرات يزعل ويتمرض بس ابد مااذاني بالعكس هو واهله دللوني دلال ماشفته عد اهلي تلفون حديث انام شوكت ميعجبني واكعد وكت ماحب من حمواتي يحجن عمتي تكلب الد نيا عليهن تكلهن ممقصره بشي وفعلا عاملتهم بالمثل همه دللوني واني كذلك. اكلهم شربهم علاجهم
مرت حمايه ساره تصير بت خالهم من تشوفهم شون يتعاملون وياي تنجن تجي تخبث جم مره لمن عمه كلتلها بقيتي عدي ٧ سنوات ماشفت منج الي شفته منها بيوم
ساره اي عيني هي تنام بكيفها تكعد بكيفها. خوما اني
عمه كلتلها فد يوم كعدتج اني رجلج شغله من وكت ويكعدج وجنتي تريكينه وترجعين تنامين
هي تكعد كعدتنه وتنام بنومتنه
لا والله تتلوكيلها لان قابله بابنج السكط
ويا حجايتها انور ورجلها فاتو
رجلها استلمها راشديات
وانور دنك وفات. لحكته
الله يساعدك
باوع ودنك
معليك بيها حبيبي
اني حبيبيج
لعد منو
ليش شفتي مني
وشنو المشفته منك
هههههه تضحكين عليه لو على نفسج
وليش هيج تحجي
لان هذا الواقع اني شنطيتج
تقربت كعدت يمه ... انور اني جنت وحيده اهلي صح. بس عمري محسيت عدي اهل
انتبهلي وحسيت الدنيا فرغت رغم الهوسه البره والصريخ
انت صرتلي صدرحنون وضهر اني مجان عدي ضهر. ابد
ابتسم شون ضهر اعوج
خليت ايدي على حلكه.... لاتكول هيج المرض مو انتقاص ولاعيب
الي يعير شخص بمرضه هو هذا الناقص
اريد انام مرام كلبي يوجعني
نام عيني متتعشه
لا انام
تريد ابقه يمك
لا
طلعت لكيت عمتي تبجي
وعمي وحمايا طالعين
ليش تبجين
ماشفتي شصار الله لايوفقج كسرت كلبه هسه ينشمر
اسم الله
والله كولي عمتي كالت روحي يمه اني اعرفه بس ينغث هيج يصير بي شي
خوفتني رحت يمه ساعتين نام وكعد ابتسم من شافني.
ها بعدج هنا
لا طلعت ورجعت تتعشه
انتي اكلتي
لامنتظرتك
شمسويه
انت شعاجبك
اريد من الي مسويته
هسه اجيبلك بس ها المباع لايرجع ولايبدل
هههههه اوكي
طلعت عمه صاحت هااا
ماكو شي اسويله عشه
كولي والله
هههه الله
شو ماصدك بيج خلي اشوف وليدي
عفتها راحتله وكملت العشه طب عموعمو
ها بابا تتعشون
اي عمو تاكل
وياكم لعد
صار من عيوني سويت صينيه جبيره مديت راسي للغرفه يله عيني عشه عمو هم ياكل ويانه
. اجو اثنينهم والتمينه غيرتلهم جو وضحكتهم نسيتهم الصار هم مستغربين انور شون مو مثل كل مره حسب كلامهم يتاثر بالحجي ويتعب
خلصنه عمه كالت تعاي ولج شسويتيله
اني ماسويت شي والله
ههههه اقصد جان مرتاح ومامهتم
لا عمه
كولي ماما وبابا بعد ماريد عمه وعمو
صار ماما صدك حسيتها طالعه من كلبي الكلمه
حجيت لها كلشي
عفيه عليج هذا هم حظه خله هاي هيج تحجي اخ ولو مصطفى ماقصر بيها
ختولي
عمه.. مرام خوما يجي يوم وتملين وتعوفينه
ليش امل من شنو انتو صرتو اهلي صار شكد يمكم ابويه وامي كم مره سالو عليه
دنكت وهزت راسها
لو مااني اتصل يمكن ينسون عدهم بنيه خليها سكته
باستني َكالت لاتهتمين ماما
ممهتمه اصلا تعودت اروح اشوف انور
لكيته متمدد يحجي بالتلفون ويا اخو الي بالخارج اسمه بسام
منو كلك انت؟؟ خواتك ميضمن شي ...
لا مابيه شي .. انطيك امي تتاكد
والله مانشمرت
اي.... اي
هاك هاي امي طلع لعمه حاجت اخوهم تبجي تدعيله قهرتني
بعدين تحول الحجي عليه انفخت الى شويه اطير....
عفتها تحجي ورحت سبحت طلعت انور ماكو سالت عمه كالت طلع ويا ابو
عمه ... بسام مزوج
لا سافر جان خاطب اخت ساره وفسخ مايقبل هو جان رايدها بس، بعدين فسخ يكول بكلبي وحده
ابتسمت الله شكد حلو يحب
تحسرت... وكالت
اي يحب يكلي هاي تختلف عن البنات بكلشي
الله يجمعهم سوه
اووف. خليها بالكلب اروح انام انتي هم اطي انور علاجه ونامي
صدك ذكرتيني المساعد مالته راح يخلص خلي اتصل بي يجيب
اي ماما كلي لابوج هذا ميهتم هسه ميجيب
دكيت عليه
ها يابه
عمو حبوب انور المساعد مالت علاجه راح يخلص
اي هسه اجيبه بعد تردين شي انتي امج
لا سلامتك
سديته خليت علاجه ورقه كاتبه اشرب علاجك وكلاص. مي ونمت
انور بهاي الفتره سمن وصار حلو والعين عليه كمت اغار كلش خصوصا صفحته بالفيس والانستا اني اكلب بيهن واشوف
شنوعيني الزحف
ههههه تغارين
مو رجلي
انتي بالذات المفروض تطمنين لان تعرفين وضعي
باوعتله وشبيك
هههههه لاتخبليني شنو شبيك مرات اشك اكول هاي شبيها معقوله متفكر بحياتها شكو باقيه وياي
ليش اني مضوجتك بشي
لج مو انتي اني. اني العيب بيه يعني انتي ميعجبج تصيرين زوجه
ليش اني هسه شنو
استغفر الله لج عيني مره ورجال علاقه زوج وزوجه
افتهم بس انت مفكر يعني هذا الشي راح يفرق عندي لا اني كافي عندي انت كدامي وماريد شي اصلا اني محسوده عليك وعلى عمه وعمو
ههههه ليش بله
مدلله
اي كلش انتي خبله
كيفي
بليلتها انور حاول يتقربلي بس مكدر والايام الوراها كل ليله احس يضغط على نفسه وحتى معاملته وياي تغيرت عصبي على طول ويصيح اهله انتبهو بس محجيت شي رغم اني وامه كلشي نسولف لبعض بس مكدرت
وصلت بي ليله من حاول مكدر ضربني وجر شعري كال طلعي لاتبقين كدامي طلعني بره الغرفه وسد الباب
بقيت كاعده شويه بعدين رحت للهول توضيت وقريت قران تمددت على القنفه البيت بي غرف فارغه كلت اروح انام بوحده منهم جنت انطفهن كل فتره غرفه البنات وغرفة بسام. رحت لغرفة البنات تمددت بيها وغفيت كعدت على لمساته جان مبتسم باسني من خدي. كومي حبيبتي شبيه اني نكسرت ايدي
اسم الله
تخافين عليه
شعندي غيرك
اوووف كومي عيني
من وكفت جرني لحضنه سكنت عنده وبجيت ليش هشكل انور اذيتني
تنكسر ايدي
مو الضرب من طردتني وهنتني انور . اني قوتك انور مو العكس
اي حبيبي
انور مو هذا الشي الي يقربني منك
بس اني اريد اقرب منج
دنكت ماعرف شكله
من طلعنه لاكتنه عمه
استغربت بس محجت شي
اشر لي بايده وهمس اشششش...
ولحكها شويه طلعت تضحك... كالت الف مبروك ماما....
💐💐💐💐💐💐💐💐💐💐💐💐💐🌻
الي كتب الاحداث بالبدايه سريعه مجان اكو شي مهم ينذكر اكثر من الي ذكرته الابهام او الغموض ومثل مكال البعض خبصه اني متقصدتها الاحداث المشوقه جايه مو كل الشخصيات هسه موجوده واكو شخصيات غامضه راح تضهر ياريت تنتبهون لمقدمة القصه حتئ تتوضح الامور
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق