رواية لقاء واحد يكفي البارت الثالث عشر والرابع عشر بقلم غدير وسام حصريه وجديده على مدونة النجم المتوهج
رواية لقاء واحد يكفي الجزء الثالث عشر والرابع عشر بقلم غدير وسام حصريه وجديده على مدونة النجم المتوهج
 |
وحين يأتيك أحدهم لاجئاً إليك...
فأحسن إحتوائه وأكرمه...
، فما أتاك إلا لأنه رأى فيك الأمان !
💔💔💔💐💐💐
شفته صافن عبالك ضاج
بسام... شبيك
هااا ضحك. معقوله هيج الله يحبني شمسوي عنده خير وديجازيني عليه بيج.. لا وحامل همين
ههههه
فرحت
فرحت كولي طاير متخبل.. اي بس فرحت متوصف احساسي
اني خفت من شفتك صفنت
لا عيوني اكيد فرحان
اكيد حبيبي طفل ومنج شاريد بعد من الله الحمد لله والشكر على نعمتك يارب
الحمد لله
حبيبي مرامي. ديري بالج على نفسج وعلى ابنه ماريد اي شي يتعبج والي يغثج تجاوزي. مشيلنه هاي الفتره على خير فديتج
ان شاء الله شكو عندي اني حبيبي تشوفني مسويه شي لو متحارشه باحد
بس الشغل عيني ديري بالج لمن نشوف دكتوره زينه وطمنه على وضعج انتي والطفل
الله كريم تدلل
باس ايدي ويصفن ويضحك لحد موصلنه
للبيت كللهم. الكل فرح عمي راسا كام. كال هسه حسيت نفسي صرت زين.
وعمتي بجت صفنت بوجههي ورجعت ضحكت كالت تعاي كعدي يمي رحتلها باستني وحضنتني حيل حسيت بيها امي من صدك
بسام بعد مرام مسؤليتج حجيه
بعيوني يوم احطها بعيوني اني احبها وانوب حامل بابنك زادت معزتها
. ساره الي يكول ماعدكم احفاد كبل كلنه مخلفين اني والبنات لو هي وبسام يختلفون
محد يختلف كلكم معزتكم وحده
العلاج شويه هداني بس بقيت دايخه ونفسي تلعب بسام كال كومي نامي بغرفتنه
اي كايمه ..... بس، فتت راح طلعلي لبس، مريح كال بدلي ونامي،
شكراً
تدلل حبيبي
محتاجه شي بعد
لا راح انام
نوم العوافي اني اغسل واجي يمج هم نعسان
منطلع بدلت وغسلت تمددت ستوني اغفي انحشك بيه همس
مرام.. مرتاحه حبيبي
اممم
هههه نامي
بسام انت فرحان صدك
عندج شك اشو ثاني مره تسالين
ماعرف هيج
ماكو شي اسمه هيج احجي
ههههه لا والله شبيك يجوز هرمونات الحمل
تمام راح اعديها متصلتي بامج تكليلها شعجب
من اكعد اخابرها
توقعت اول منطلع تبشريها
الله كريم
دارني عليه اكو شي بينج وبين امج متزاعلين ماشوفكم هواي تتواصلون ويه بعض صاير شي
ههههه حلوه مزاعلين
ليش، ضحكتي
يعني حلوه من تنطي صفه لعلاقتي بامي او حاله اني وامي مابينه شي لازعل لا رضا. ولاتَواصل
ليش هيج حبيبي حرام عليج
شمسويه اني وحرام اتصل وهي تطلع الف حجه حتى تسده حتى شونج متكلي ولو من باب المجامله
بسام... هيج منها ومن كيفها ماصدك
اي والله
ماحاولتي انتي تتقربين
بسام شداحجي اكله اتصل وهي تسربتني
هههههه شنو تسربتج بابا
والله لعد شنو ابوج يصيحني واني قبلها متصله عليه هو بالشغل
لو الباب اندك لو اخوج يبجي
والاب اتعس
ميخالف لاتهتمين
تره انت فتحت الموضوع ممهتمه تعلمت
ايباااه هاي مامهتمه
اي شسوي اكطعها لنفسي يعني
لا يابوي على كيفج ابني ومرتي اريدهم
باوعتله صفح ضحك
بسام طارت النومه
اني هم
العلاج زين ارتاحيتي عليه
اي احسن بهواي
جعتي
لا.. لا فدوه
شبيج على كيفج ملازم من تشتهين
بسته فدوه شكد احبك
نطت عينه
تحبيني
دنكت ودرت منه
تعاي وين انهزمتي
اووو بسام عوفني حباب
صار يابه تمدد وجرني لصدره دوري عليه
انداريت
أميرتي .... سأحتويكِ بين أحضاني فلا تُفارقي حُضني٠٠ ولاتعرفي غير رائحتي ولا يطيب لكِ النوم إن لم أُغني لعينيكِ .... سأمتزج بكِ كما لو أنكِ الأُنثى الوحيدة في الكون فأُمنيتي أن أحبسكِ خلف قُضبان أضلُعي .... وأجعلكِ حبيسة عشقي .... فأنتِ من سجنتها بين عيني وقلبي ياحبيبتي ياعشق الروح
حضنته ونمت. على كلمات ودتني لغير عالم
ايام حملي الأولى صعبه حانت كلش كرهت نفسي وكفه ماوكف
مصطفى جم مره شافني متخربطه كل لعمه من باجر ساره تنزل جانت كاعده شالت راسها ليش يمه
مصطفى لعد بحبالتج مو العالم خدمتج لحد مجبتي
اي حمواتي خدموني مو هاي
شكو اخدمها اني ودوها يم اهلها اذا كلش متكدر
ميخالف هي هم من عدنه انتي جايه لامي وابويه متخدميها الها
باوعتله تسلم لا عيني اني اكدر
شتكدرين لخاطر ربج دشدي حيلج وعود وراها انتي اشتغلي
عمه عضت شفتها كالت سكتي
ومن ثاني يوم نزلت وريتها مانزلت الركع واصل للركن
اني ماتحملت ردت اكوم عمه صاحت كعددي هذا التريده هي عوفيها
عمه مايسوه هالتركع اني اكوم على ككيفي، شعدنه فدوه
معليج كعدي وسكتي الطبخ من طبخت مبين مال تايبين. حتى توبنه ثالث يوم عمه طبخت
بقت يوميه على هالحاله تركع وتصيح لمن بيوم. عمي وبسام جانو مطالعين عمو خطيه محجه شي بس وجهة احتقن ويباوع لعمه ويستغفر كام فات للغرفه
بس ذلك شيسكته كعد كالب وجهة شكوووو شصاير
ساره شبيك الصينيه وكعت مني
هاي ١٠ مره توكع منج شبيج شلل رباعي
اسم الله يمه... جاوبته ودارت تلملم
اخاف لان تشتغلين بالبيت تركعين
وكعت مني، بسام شبيك تره اني اتعب شغل هنا وبيتي هم على راسي وجهالي اني هم بشر اليه طاقة تحمل
وبيش زاد عليج عمه كالت اكلج شربج هنا وجهالج يمنه الفوك شبي شيوصخه اذا انتو هنا وذاك المكرود بس للعشه يجي
هاي انتي همين عليه عمه فوك زينيتي عايفه بيتي ومكابلتكم بس انتو لاحمدا... ولاشكورا هاي لو هي مسويه شي جان كعدتي تشعرين بيها للصبح
شوفي ساره.. بشغلج لاتذليني اني لو مابنيتي وكعت ونساوتها صعبه احتاجج لا والله... بس ارجع واكول العتب مو عليج العتب على بناتي
بسام كافي يوم ماله داعي روحي خويه جفينه شرج اصعدي وخلف الله عليج بيتنا نريده جايبنه بفلوس فلشتي تفلش عمي احنه نسلك نفسنه كلشيي الجان حتى لو نكع جبس ليز بمي وناكل .
.والتنظيف سهل و اذا مصطفى كلج اشتغلي لاهلي حولي عليه اني اتوبه الج
خليت ايدي على حلكي اضم ضحكتي ودنكت هو شافني ابتسم
ها عجبتج فقرة الجبس مو وعفتي الباقي
عمه كالت شنو مشتهيه جبس ولج
لا اصلا من تنسيت لعبت نفسي منه
يا صلاة محمد... الف الحمد لله شحولتي على ماكس
لا. ماحب كل الجبس
لا اصلا من تنسيت لعبت نفسي منه
يا صلاة محمد... الف الحمد لله شحولتي على ماكس
لا. ماحب كل الجبس اريد كيك وعصير. لان مايغزر
لا غزر وداعتج بس ذاك اكثر
عمه ضحكت وفاتت وذيج هزت ايدها خذت جهالها وصعدت
بسام.. شلون عندي شغل لازم اطلع
متطلع لعد
شون اعوفكم
روح حبيبي الله وياك عليمن خايف
لا شخاف هي ساره شخلت فلشت البيت مابقه شي اخاف عليه
صاح حجي تروح وياي اوصلك للمحل تنتظر الولد الكتلك عليه
جايك يابه كملت
شنو عمو يروح وياك
اي ولد راد بيت وهو راح ينتظره اني عندي شغله
خير ان شاء الله
طلع هو وعمو اني كمت على كيف ارتب بدون ماتنتبه عمتي. هي لزمت الطبخ واني البيت بدون ماحسسها كملت كلشي فتت لغرفتهم وغرفتي بعدين رجعت الها للمطبخ لزمت السنك.. جرتني روحي نامي
خابرت اقبال راح تجي وتجيب رموسه بنتها وياها تبقه يمنه
لا عمه عليمن والله على كيفي ماتعب نفسي شوفي شويه شويه اكمل من اشوف نفسي دخت اكعد شتكولين
جاوبتني... لا يمه متكدرين
اكدر تعالي، شوفي. خذتها للبيت صفنت.. ولاتنكدرين انتي
هههههه حتى هدوم غسلت بقه الشر على بسومي
هههه تورطينه بيهن
ميكول شي حبيبي يشرهن وهو ساكت مو هو تنازل عن خدمات ساره يتحمل
الله يخلي الج يارب ويكومج بالسلامه
امين يارب.. عمه شطبختي ريحته تخبل
برياني ولحم
اريد...
كعدي اصبلج
لا اني اصب كعدي تعبتي انتي.
كمت صبيت فاتت اقبال وبنتها ريماس عمرها ١٧ سنه كلش حلوه وهادئه قليل تجي لان ابوها ميقبل تطلع حتى من المدرسه كعدها
سلمت وكعدت على صفحه
ها كتيله رجلج خوما حجه
لا يمه اصلا هو الي كال ودي رموسه يم مرت خالها وبيبتها هو تدرين بي يموت عليج وكال اني كلش اعز مرام احسبها اختي شون تتلكانه من نروح وتكيف بلمتنه
عاد مرومه والنعم منها كالت عمه تكيف بيجن بس انتن عرباين بساع تندفعن
ها يمه
كومي كومي شري الملابس مو مال سوالف وانتي بيبي ارتاحي ونظفي المطبخ لان مرت خالج كملت البيت بقه بس هو
اقبال.. ساره خلصته شعجب
ياصخام هي هاي بيها خير غير للقال وقلت والفتنه من الصبح بسام طردها باسلوب متشوفيني دكيت عليج
لعد منو مرام كملته كالت اقبال وباوعتلي تضحك
اي اني شيرالدله هو مبي شي حتى رموسه خطيه ماريد اتعبها
دنكت هي صارت حمره عبالك تريد تبجي كوه متحمله
تقربت منها اذا تردين روحي ويا ماما حبيبتي لاتضوجين
باوعت لامها ورجعت دنكت
لاتبقه شكو عدها هنا وهناك شنو الفرق
جنها مغصوبه بجيتها يمنه بس محجيت كلت خاف تكول متريد بنتي يمها سكتت رحت ارتب ملابس بسام
دك عليه جاوبته
هلا حبيبتي
هلو
شسوين
ماكو ارتب بملابسك وحضرتلك سلة ملابس مرتبه تشرهن بس جتي اقبال شرتهن خلصت منها
الف الحمد لله ههههه خلصت
عادي اليوم خلصت وباجر
بعد ماوصخ ملابسي
حجي يفيدك هذا انت تلبسه ساعه ترجع تكول غسلي
هههه حافظتني مروم
اذا ماحفظك الك احفظمن لعد
فديته
ردت شي حبيبي
ردت اطمن عليكم
لايظل بالك مبينه شي
ممشتهيه شي
لا
ابني عاقل على امه ميطلب شي
ليش مو على ابو
ابو وكح
هههه تعرف نفسك
اكيد ...
انت وين
هااااا بشغله طالع
يم ايمن
ههههع الي يكول ايمن صاحبتي وهيج تسالين
لاتفرها بسام شعدك يم ايمن
مرام. الف مره كايلج بشغلي لاتدخلين زين يله مع السلامه سده بوجهي بقيت صافنه
معقوله رجع شغله ويا ميخاف على نفسه هذا
كملت طلعت لكيتهن يصبن غده وعمو راجع للبيت
رجلج يجي دكيت عليه ماحصلته
ماعتقد عمو هسه جنت احجي ويا مكال راجع
دعزليله غده وتعالي اكلي كالت عمتي
اقبال كعدي اني اخليله
لا اكعدي اكلت اني من جيتو ماشتهي بعد
عمو كال دكي عليه شوفي وينه
اريد احاجي بشغله
دكيت جاوب َ
ها عيني
. عمو رادك
شراد
. سمعت يمه واحد صاح..بسام تعال شوف هاي الحواله .... يتبع
اعتذر عن التاخير الواتباد والفيس ماعرف شبيهم ضعف بالشبكه او بلاغات. البارت قصير لان بالي مشغول بعمي خشع لعملية قسطره حاليا تحت المراقبه...
#لقاءواحد-يكفي#
البارت ال١٤
💚 🦋 🦋 ✨ ✨ ✨
المحبة لا تأخذ من كتاب،،،،،❤️
إنما هي نسخ من قلب إلى قلب،،،،،❤️
وللحب أربعة فصول ،،،،،❤️
الشعور......الاعتراف.....الشوق......البقاء.❤️
واجملهم الأول،،،،ولذتهم الثاني ،،،،،وأصعبهم الثالث ،،،،❤️
وأماعن أصدقهم فهو الرابع،،،،،،❤️ .
انت وين
هااااا بشغله طالع
يم ايمن
ههههع الي يكول ايمن صاحبتي وهيج تسالين
لاتفرها بسام شعدك يم ايمن
مرام. الف مره كايلج بشغلي لاتدخلين زين يله مع السلامه سده بوجهي بقيت صافنه
معقوله رجع شغله ويا ميخاف على نفسه هذا
كملت طلعت لكيتهن يصبن غده وعمو راجع للبيت
رجلج يجي دكيت عليه ماحصلته
ماعتقد عمو هسه جنت احجي ويا مكال راجع
دعزليله غده وتعالي اكلي كالت عمتي
اقبال كعدي اني اخليله
لا اكعدي اكلت اني من جيتو ماشتهي بعد
عمو كال دكي عليه شوفي وينه
اريد احاجي بشغله
دكيت جاوب َ
ها عيني
. عمو رادك
شراد
سمعت يمه واحد صاح.. بسام تعال شوف هاي الحواله
شنو هاي
روحي عندي شغل .
سده. بوجهي
هم تغدو اني لملمت المطبخ واكل بنفسي بين اكل لعمي بين اسكت يجوز ماكو شي واخوفه هيج
بس روحي فركعت ومعدتي صارت نار الاكلته كله ذبيته وبعدني الوب بس ماخليت احد يحس بيه اروح لحمام غرفتي استفرغ وارجع لمن رجع هو قريب المغرب جنه كلشي ممسوي يضحك ويه عمه وريماس بنت اقبال جايب حلويات الها واليه كل مره اخذ منه اليجيبه افتحه ويبقه يصنف على الجبس هل مره عفتها حتى من سلم رديت من طرف خشمي هو انتبه وغلس
اقبال كالت اروح جهالي مناك وحدهم
الله عليج خاف محتاجه رموسه اني ماعليه شي خفايف
لا يم امي وتساعدج شعندي اني
كيفج حبيبتي تعبناج نتعب بيوم زواج رموسه وحمودي
بوجودكم كلبي يله ماما ابوج اجه ماوصيج بعد
هزت راسها وراحت كعدت
رجعت للمطبخ اشوف شنسوي عشه اجه حضني جر ثوبي وباس جتفي مشتاقلج
ماسويت اي رد فعل
شبيج
باوعتله صفح
اهووو مرام لاتسويها قصه تره تلعب نفسي من هاي السوالف لاتصيرين مثلهم
مثل منو مثل اهلك لان يخافون عليك منعجبك.. لو عاجبك ترجع تنخطف اخاف ذيج المره سلمت. والله خلاني بطريقك هالمره محد يندلك لاتنسه واحد منهم كرايبك وانت متدري منو يجوز قريب عليك كلش يطب ويطلع وياك
ابتعد مستغفر وجر شعره ليوره بايده كعد على الكرسي يباوعلي ماعاجبه حجيي
راح تسويلج قصه مو الولد مريت عليه اشوفه
متشوفه بسام واني وانت نعرف مرحت تشوفه واني كلش، زين سمعت شكلك رجعت لشغلك ويا وتاخيرك وطلعاتك المفاجئه كلها ويا
واذا انتي شنو تحاسبيني
اي احاسبك واكثر واحد من حقه يحاسبك اني
طبت عمه كالت شكو
هو خزرني بعيونه ياشر بحلكه بمعنى لاتحجين. مهتميتله
كتلها مرجع شغله ويا ايمن
صاح تلصمين لو لا قسما بالله اذا نطقتي حرف بعد لا اشوفج وجه بسام الثاني
سكتت لان خفت منه بس خوفي عليه اقوه بحيث من عمه حجت طبكت وياها
ولك ليش، يمه متخاف على نفسك انت خاف عليه على ابوك مرتك هذا الي بطنها ماله حوبه يمك
لا ليش، يخاف علينه اهم شي شغله
راح تنلصمين لو لا
ليش تسكتني شحجيت اني مو هذا الصدك
فهمني يمه على بختك وليدي صدك حجيها
يمه هاي تمسلت
خلف الله عليك
الولد مريت شفته وهي بالصدفه سمعت واحد حاجا... وجلبت
بعدين وين اشتغل ويا المحل مو بيد الحجي وكدامه يعني اذا اشتغلنه ميشوفنه؟.هاي بكيفها تحجي
تخاف عليك يوم شعدها غيرك متشوف اهلها همه والماكو سوه
الله يخليكم اليه انتي وعمو موجودين ماحتاج احد لااهل ولاغيرهم
ها هيج الحجي ست مرام
اي موصدك لعد انت شنو فرقك عنهم هم امري ميهمك مثلهم حجيتها وبجيت وهو باوعلي مقهور اجه حظني
تغسلني هاي الدموع هسه ليش البجي
مكدرت احجي الغصه واكفه بلعومي
شبيج كلبي
مو انتو تكول نلصمي
هسه انتي لصمتي على اساس من نكلج سكتي تشغلين البيكيسي ومن نكلج احجي تسكتين
عمه ضحكت وطلعت والله انت مينعرف صدكك من جذبك
هو رفع وجهي كافي كلبي انتي والله ماله داعي كل الي سوي تره صديقي مو صاحبتي لعد لو لازمتني احجي ويه وحده شجان سويتي
اهون ولايصير عليك شي
ههههه جذابه يعني تقبلين اروح لغيرج
اموتك غير
ههههههه جوعان حبيبي
اني هم مماكله شي من الصبح
شون تحرك دمي. ليش هيج
من وراك غير قهرتني خليتني حتى الاكلته ذبيته
تره انتي تجيبن المغثه لنفسج
ومنو سد التلفون بوجهي
كتلج رايح مسديته بوجهج
ورجعتي اتصلتي. وجاوبتج
وهنا ينسد الموضوع ايمن هواي راح تسمعين بي لاكل مره تسويلج مشكله واخر مره تدخلين امي بالي، بينه اذا صارت صدك ازعل
اي تشوفني وجك الثاني
هههههه اخ يابه هاي مانسيتيها بس، غير شي نسيتي
شعبالك
هسه تعشيني لو اطلب
ابتسمت شتطلب
ضحك من كل كلبه. هههه.. ها .. كولي شمشتهيه هسه اجيبلج
لا حبيبي ماريد
احجي اني اكيف تشتهين وتطلبين احس بيج حامل صدك ههههه
ليش عيني شبيه ممبين حامل
شون يبين اشو كلشي ماكو
صفنت صدك اني غير لعبان النفس كلشي ماكو لااشتهي لا احس باحاسيس الحامل
ها صفنتي انتي كل حجايه احجيها تصفنين بيها
هاا
ههههه سلامتج راح اسوي لنفسي عشه وارحمها.
راح يحضر واني صافنه خاف الطفل بي شي خاف مو حامل التحليل غلط
زين ولعبان النفس الدوخه صحت
بسااام..
نبض كلبه
ابتسمت يدوم نبضك اريد اروح دكتوره
روحي
باجر اخلي عمه توديني
كيفج تردين اكلها
اني وعمه منحتاج واسطات.
الله يثخن لبنكم يحجي ويسوي جاي. انتبهت خطيه يحضر اكل لنفسه
رحت طلعت كبه فاتت ريماس. كالت روحي كعدي ااني اسوي عشه
بسام. باوع كال روحي اني ورموسه نكمل
راح اكعد يمكم
هو وريماس كملو العشه خلينا بالمطبخ اجه عمو وعمه اكلو وكلمن راح لغرفته اني افكر دخلت على الكوكل معلومات عن الحمل كلشي ماعرف شفت وضعي، طبيعي اطمنت شويه انداريت بسام صافن عليه
شبيك
مابيه شي بس، شكلج يجنن من تركز
مابيه شي بس، شكلج يجنن من تركزين تصغرين عيونج وتاكلين شفايفج شهيتيني
شنو اشتهيت
اكلهن
غلست جرني تدرين من شوكت بنفسي اكلهن..
شبيك بسام
هسه دسالي من شوكت
ماااا
هههه مره جبتيلي مي وجنت اكدر اشوفج انتبهت هيج تلمين شفايفج من تفوتينه اليه
انت تك لايت وين شفتهن شادين عيونك
هههههه لو أعمى هم اشوفج بكلبي مو بعيوني
فدوه اروحلك همه شخلولك لاكلب لاعيون جفصو بمصارين اهلك وانت ولايمك هسه تريد تعيد امجادك وترجعلهم
شرجع شبيج انتي مراح تجوزين من هذا الموضوع مو
اخاف عليك والله بسام
حبيبي ماكو شي
حضني..
شون فرتها ونستني السالفه
ياسالفه
ذكرياتنه ويا شفايفج تعالي خلي احقق احلامي
هههه حامل منك صار ٣ اشهر وبعدك محقق حلمك
لا جرني وصار يحقق احلام جان راسمها بخياله وخلاني اعيشها واقع حلو ويا بحنيته وخوفه ولهفته عليه.. نمت بين ايديه وعلى صدره وهو خال راسه بركبتي كعدت الصبح قبله وكمت حضرت ريوكهم بس مادري هو يكعد من وكت يبقه نايم. كلت خلي اساله
رحت على كيف فتت ويا بالفراش مشيت ايدي على ضهره. حبيبي اممم
تكعد لو تبقه نايم
لا ماعندي، شي عوفيني.
كمل نومتك لعد
جرني صرت جوا. خله راسه بركبتي.... ليش تتحارشين..
شسويت
كعدتيني وراح تنهزمين
هههه خفت لاعندك شغل
عندي شغل.. هسه اشوفجيا..
ههه لا حبي. كافي موزين على النونو
منو كال
اني فتت على الكوكل الاشهر الاولى لازم نتحذر
بس، يمي الحذر بالشغل والبيت ماكو حذر
لعد اخلي عمه تشتغل
رجع يمشي خشمه على ركبتي وجتفي ويبوسهن على كيف اني جسمي حسيته قشعر ولزمتني رجفه ماعرفت افسر ردت قربه بهاي اللحظه. مديت ايدي بين شعره والثانيه بركبته بادلته الحركات ونسيت كل التحذيرات الي جنت احجي عنهم قبل لحظات
باوعلي بمكر مبتسم دنكت بخجل رجع باسني. ماينشبع منج
ضحكت.. وبست خده شكد ماكول اعشقه ماوصل ربع الي احسه حبه خلاني اترك خجلي واحب ابينله شكد اني احبه واحب قربه مني
اموت عليك
مو كدي
لا اني اكثر. انتي نسيتني بس اني طبعتج بكلبي وبالي وبروحي طلكت كلشي قبلج وبعدج اعتزلت الدنيا والمشاعر والحب والقيصر يشهد عليه
شكد تحبه
الوحيد الي من جنت اسمعه احسه يترجم احاسيسي اوووو خوب مدرسة الحب حتى بجي بجيت من سمعتها.. خصوصا من يكول
ادخلني حبك سيدتي مدن الاحزان... وانا من قبلك لم ادخل مدن الاحزان . لم اعرف ابدا.. ان الدمع هو الانسان .. ان الانسان بلا حزن ذكرى انسان
. سحبني لحضنه وجر تلفونه فات للاستوديو ... وشغلها..
بسام يمعود الناس الصبح تسمع قران
طفيته كتله بليل سمعنياها و اريدك تحجيلي كلشي..
صار اشر على عيونه وكام
وين
اغسل حياتي واجي اسويلكم احلى ريوك
حاضر الريوك اغسل وتعال
وانتي.
انتضر تخلص
جرني نغسل سوه لاتكولين لا
بس اجيب ملابس النه
باسني حيل وبصوت وراح يضحك للحمام لحكته بالملابس ضحكنه وصل للشارع من ورا حركاته كلساع يسوي شغله لمن زهكت منه وطلعت كوه
لكيت عمه ترتب بلاكل.
صباح النور عمه حبيبتي
صباح الخير يوم شونج اليوم. سالتني وهي تتلفت
بسام كعد نايم
كاعد هسه يجي
راح اشوف عمج وانتي كعدي ريماس
خليها نايمه عمه شعدنه احنه
لا كعديها هي امها معلمتها تكعد من وكت
صار عمه.. رحت يم الباب واسمع همس. فتحته هي ارتبكت ومادري، شضمت ..
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق