رواية لقاء واحد يكفي البارت السابع والثامن بقلم غدير وسام حصريه وجديده على مدونة النجم المتوهج
رواية لقاء واحد يكفي الجزء السابع والثامن بقلم غدير وسام حصريه وجديده على مدونة النجم المتوهج
 |
عندما يمتلئ القلب بالحب الصادق
لافرق بين البعد والقرب
فمن يعشق الروح
لن يجد في كل الأشخاص بديلا
عـنـدمـا اكتـب لـك ...
لا أنـتـظر مـنـك رداً...
أنـا فـقـط اريد ان اخـبـرك....
أنك ترقد في أعماقي و لاتغيب ... ولم انسك يوما... 🌺♥️💔💔 💔 💔
شالت راسها من شافتني اشرتلي تقربت بعيون مدمعه اني عمه نقطة ضعفي كلش احبها عبالي زعلت مني
باستني كالت مبروك يمه جرت كرسي واشرتلي اكعد
تدرين كل يوم معزتج تزيد عندي
واحبج اكثر من بناتي وولدي
عمه واني والله احبج هواي
رجعت تبجي.
بسام ها حجيه تره مكتلج حتى تبجين
سكتت كالت اليوم اني اسوي ريوك جرت التلفون خابرت على مصطفى كلتله جيب كيمر عرب وعسل
اني خدرت جاي صاحت شكلت كعدي
هههه لا عمه انتي كعدي هن بيضات
بسام وياي كام جاب طاوه فركع بصل وبيض وحضر الميز مرتب شغله وعلى كيف يشتغل مو مثلي مخبوصه اجه مصطفى كال هاي احتفال ب بسام اليوم..
كله بسام اكعد تريك ويانه
كعد باوعلي وباوع لبسام وكله
اي شقررت على شغلك
ارجع افتح مكتب الدلاليه والصيرفه اني وايمن
ليش متعوف الصيرفه نسيت شصار بينه من وراها
شغلي شنو اعوفه من وراهم مكافي هجيت من العراق كله
الله كريم هسه بس الدلاليه افتحها اشتغل بالبيت العندك
ان شاءالله
مصطفى.... اطلع المؤجر منه يعني
بعدك شالقضيه مصطفى من شوكت كتلك طلعه
يابه انطي صبر. الرجال كال الكه بيت واطلع بس كلت استعجله لان كتله براحتك خطيه
لا استعجله اريد ارتبه
ان شاء الله يله اترخص
اني اكل على كيف شلت راسي يباوع
صدقه ل الله
شبيك
مابيه عيني خلصي ريوك وتعالي للغرفه
شكو اريد اكمل شغلي قابل اعوف عمه
معليج ساره راح تنزل واقبال على جيه
كتله ساره.. هههه ضحكتني والله هاي توصخ متنظف
هسه انتي شعليج بهذا الحجي لحكيني
باوعتله.. يالله هذا شون بي لحكته للغرفه اول مطبيت سد الباب
كتله بسام
ها عيني كولي
تره والله بعدني متاذيه وووو
وشنو. احجي
يعني بس انطيني فرصه والله جاي تضغط عليه يعني اطيني مجال اتقبلك جسديا ونفسيا
لعد شداسوي اني غير اخليج تتعودين عليه واهيأج نفسيا غمز وضحك وجسدياا
عرفت الكلام ضايع ويا بس تمدد كال تعالي اريد انام البارحه منمنه زين وغمز تمددت يمه مسوه شي غير حضني رفع راسي
سولفي منا لحد من نغفه
اوك شحاب تعرف
زواجج شون صار
عن طريق معارف واصفيني لعمه وهي جتي عليه اخذ نفس طويل وكال
منو المعارف ذول
ماذكر والله
اي كملي
يعني اني وانور الله يرحمه اقتنعنا بعض وتزوجنا
زين انتي شحسيتي من متقربلج
بسام اني ماعرف بهيح شي فما فرق عندي الموضوع
اممم
تثاوبت.. ابتسم كال نامي
وبعد ماتكلبت كومه لان ممتعود عليه نمت كعدت هو نايم كلت خلي اكوم لعمه خطيه
تحركت فز
وين
اروح لعمه خطيه
اممم
غسلت وطلعت لكيت إقبال بالمطبخ هي وساره باوعلي ودارن محجن بس عيونهن تسوولفن المكدرت الساناتهن تحجي
اني شكو مترحن لذاك الملكوف كلت لعمه محتاجه شي
لا حبيبتي رجعي يم رجلج
نايم عمه
ها تعالي لحكيني للغرفه وانتن كملن وصيحن عليه
تعاي
سدت الباب وكعدت كالت تعاي احجي غبره مو على اساس اني امج ومتضمين عليه
ردت احجي اشرتلي اسكت وتسحبت فتحت الباب حيل وكعت ساره شسوين هنا
ها جيت اصيحج
ليش كملتن
لا. لا اسالج قصدي اسوي برياني
كلشي لاتسوين. غير الكتلجن عليه عمج موصي اكل بس رتبن يله اطلعي وبعد لا تتسمعين زين
طلعت واني اضحك
سدي حلكج انتي
سكتت
احجي
شحجي عمه انتي تعرفين كلشي وهو حذرني اخالف كلامه يمكن انتي اكثر شخص راد يطمنه عن وضعه لان خايف عليج جان
الله يرحمه
الله يرحمه
احجيلي الصدك خوما غصبج بسام
لا
اكيد ولج اني اعرفج
مو غصبني بس مانطاني مجال
اووف شحجي يمه انتي متعرفين شي
فهميني
هو يحجيلج عود. دكت الباب اقبال كالت الاكل جاهز
روحي كعدي بسام وتعالي تغدي
خلي نايم واشيله على صفحه
لا كعدي روحي.... روحي
رحت للغرفه تقربت منه بهدؤ
بسام..... بسام
هااا عيني نعسان والله
متتغده
. اممم شويه كليبي انتي
ابتسمت حجيه حلو وكلبي يرف عليه من يسمعه من جان يخابرني من جان مسافر كلامه حلو
مو منتظريك خطيه
انكلب على ضهره مبتسم ومغمض على النص
اممم شسويتيلي غده؟؟؟
بسام تره مصار نص ساعه من كمت من يمك شلحكت اسوي يعني بهاي النص ساعه مثلاً
جرني عليه خليت ايديه على صدره وجهي بوجه
ليش احس صار دهر من كمتي
دنكت شال راسي
خليني اشبع منهن مشتاقلهن صار سنين
حجيك يدوخني
ليش كلبي
مادري ابقه افكر بي
اوووف هيج اني محظوظ وشاغل بالج وتبقين تفكرين بالحجي الاحجي
دنكت. اتحسر.. كال هم دنكت اووف يله عيني امشي نتغده لان اذا بقينه بعد شويه اشوفج اني شكد مشتاق مو بس لعيونج
كام واني بقيت صافنه غسل واجه كال ها تجين تبقين صافنه
لا جايه
كعدنه على الغدا
بس مصطفى يتشاقه ويا جهاله
وعمو هم يحجي اني ساكته وبالي ابد مو يمهم لمن طخني واشر على الاكل
بعدنه ناكل ساره كالت رحم الله والديكم اقرو الفاتحه على روح المرحوم انور
الكل سكت اعرف قصدها شنو بهاي الحجايه
لمن عمه كلتلها شنو لازم انتي مسويه الثواب وجاي تذكرينه بعدين من يمته تترحمين عليه انتي كلمة الله يرحمه تستخصرين تكولينها اذكرج شسمينه لو ماله داعي فمثل مااني ساكته كومي سوي جاي وانلصمي
مصطفى شبيج يوم شحاجيه هاي يمج وغاثتج افصم ضهرها ولله
رادت تكوم
اني كتلها ابقي اني اسوي جاي متعرفين تسوي مثل ميحبه عمي
ردت بس انهزم سويت الجاي وكعدت اقبال جابت المواعين بديت اعزل واغسل
كامت تتكنه عوفيهن عيني العروس
باوعتلها. اقبال العنده كلمه يروح يحجيها يم بسام لاتجن تبسمرن بيه زين
شحاجيناج عيني ليش انتي مو عروس والبارحه ليلة عرسج. هز
شحاجيناج عيني ليش انتي مو عروس والبارحه ليلة عرسج. هزت ايدها وراحت
كملت المطبخ وصبيت الجاي ورحت يمهم اشرلي بعيونه تعاي يمي عفته ورحت يم عمه
اقبال اني اروح العصر لبيتي لو تردون شي
كتلها لا اني موجوده لاتشيلين هم
شنو صار الحجي بيدج لازم ست مرام
شبيج اقبال شكتلج اني
داحجي ويا امي مموجهتلج كلام ولاانتي الي تقررين ابقه لو اروح
بعد. بعد كومي اخذيلج راشدين منها شو انتن تردن حجه عليها خوش شاحنتج سويره عليها
اقبال صاحت يمه انتي صايره مدري شلونج
عيني مرام مدلينه وين هاي التشتغلج ومخليتهم كلهم وراج جاوبتها بحركة كلب كلش، قهرتني حجايتها
انوب طلعت سحاره خلف الله عليج اقبال..
ممجذبه اني عيني شوفي شون عاميتهم مدري شتخلين متخلين اشو بيت وكله صفه الج اكلهم شربهم
بسام صاح شكوووو واجه كعد يمنه... خير
ماكو يمه ماكو اختك تريد تروح روحي يمه الله وياج
ليش قبوله رايحه مشفتج
وين تشوفني و انت خاتل بالغرفه
غمزلها غير راجع من السفر وتعبان مارتاح
اي ترتاح ليش لا
. ههههه شبيج خويه احد مضوجج لو زعلانه مني
مزعلانه بس الوضع معاجبني
باوعتلي ودارت عينها صفح
بسام باوعيلي اليه عوفي مرام اذا قصدج على وضعنا اني ووياها تره هذا الشي اني الردته هي معليها واعتقد مسوينه شي لاعيب ولاحرام هي زوجتي وجودنا سوه بمكان واحد شي طبيعي صح لو لا
اي صح
تمام شكو بعد واذا سمعت بعد احد يحجي او يسمع مرام كلام ازعل منه زين خويه
زين
يله لعد ابقي لاترحين واذا عجبج ترحين اني اوصلج
لا محمد جاي عليه
مرام.. بعد كوب جاي فدوه لعينج
هسه. كمت صبيت جاي مادري ليش من يكلي فدوه احس احساس غريب هو كله على بعضه يربكني من شفته اول مره حسيت شايفته اعرفه مادري لان اخو انور وبينهم هواي شغلات يتشابهون بيها.
وين الجاي يابه يحتاج كل هالصفنه تقرب باسني من خدي
هذا جنت جايه اجيبه
وين مو صار ربع ساعه اباوع لازمته وضاربه دالغه شبيج بس لاتفكرين بحجي الجماعه
لا متعوده عليهن
ها هيج
اي والله
زين مدام متعلمه ماشيل همج من وغاد
طلع يضحك على شنو مادري التهيت بالبيت. نزل مبدل بيده تلفونه.
ها صفاوي دزلي السويج مالتك بيد علاوي أريد اطلع
كرص خدي وباس ايده
تردين شي طالع اني
لا
جابوله السويج وراح
اني بلشت بالعشه نواشف وشوربه سويت مقبلات عمه كاعده يمي بس ساكته وصافنه اني هم ماحاجيتها فات عمو الله يساعدج بابا
الله يسلمك عمو
تعاي بابا اذا خلصتي
طفيت الشوربه وكعدت يمه
هاي كعدتنا جان لازم تصير قبل جية بسام بس صارت بعد
كتلج البارحه وارجع اعيدها محد يفرض عليج اي شي اني عفتكم البارحه تحجون حتى تتقربون لبعض وهو كال اني اعرف شاحجي وياها واقنعها ... اقتنعتي بابا بي لو لا
عمو مثل مكلت كلشي صار بسرعه واني سواء اقتنعت او لا هو واقع حال وانفرض علينه كلنه بسب الصار والحوالينه. موت انور هواي غير وقائع انفرضت عليه وعليكم انتم هماتين
صح بابا بس اني هذا كله ميهمني اذا انتي ممقتنعه انتي هنا بحمايتي
وحمايتي حجي تره هي صارت مرتي بكل معنى الكلمه لو الحجيه ماكلتلك ولو الشغله مو جديده عليج يوم تحجين الي، يفيدج وتضمين الي متردين يطلع صح لو لا
ابني عوف هذا الحجي الماضي راح الله ويا وشفت ربك الكاتبه الك ميصير لغيرك جاوبته عمه وهي مبين عليها ضاجت من كلامه
اي يوم صح بس بعديش الله الي نصفني مو بني ادم الي امنه وجان اقرب بشر اليه. هي دنكت وهو باوعلي عشاج كامل لو اجيب شي
لا مكمله تتعشون اصب
باوعتلهم
عمو كال صبي بابا هنا ناكل
بسام اطاني علاكه كال هاي الج
شنو
فتحيها
فتحت بيها جبس ليز وكيك وعصير
شكراً
العفو يابه .. راح ابدل
بسام..
نعم عيوني
خذها وياك صعدها
جيبيهن خليني الحك اصعدهن لا انوب تخليني اتعشه جبس
ضحكت لا مسويه خير ليش اعشيك جبس اكو واحد يتعشه جبس شنو فاره عصفور هذا بليل اكله. حسيت نفسي طفله محد بحياتي جابلي شي اول مره احد يذكرني ويجيب بدون ماطلب
صبيت العشه ونزل بسام ياكل شوربه ويسوي اممم طيبه عاشت ايدج مدام تعرفين تسوين شوربه شبيج خلصتيها عليه جبس ليز ..... يتبع
وهذا بارت ثاني مثل موعدتكم نشرت بسرعه قبل متصير الساعه ١٢ .. مثل سندريلا جيت ركض ..😁😁😁
كتبت الي اكدر عليه وشي ثاني حبيت انوه عنه بخصوص كم تعليق هنا عن متابعين الواتباد اتكلم.... على وصف الي صار بين بسام ومرام .. اني مشرحت شرح مفصل بقدر ماحبيت ابين نوع علاقتها بالمرحوم انور ونوع علاقتها بسام
وصفت بشكل عاطفي سلس بدون تعمق خادش للحياء بس حبيت اوضح هذا الشي تحياتي
#لقاء- واحد-يكفي #
البارت الثامن
💚 🦋 🦋 ✨ ✨ ✨ ✨
"أحكي" لي عن وجعك
لأضيف لك الباء... بين الكاف والحاء...فأخفف أوجاعك.
💔💔🌼🌼💐💐
وأفصح لي عن "جروحك"...
فأعيدها لك بدون الجيم.
فتلتئم تباعًا.
فأنا "حصنك" الدائم ...وأضف النقطة فوق الصاد
وقت أحتياجك ...
💋💋💔💔💔💓💓🌼
لعد شبيج خلصتيها عليه جبس ليز
هااا
بس صدك شون جنتي تنطينياها بالكصبه هههههه
شبي هذا خبل بس والله خبل حلو فدوه على كولته صفنت بوجهة وكتله
شنو مشتهي جبس اليوم
لادخيلج شبعان منه هههه اووف باوعلي ودنك عمو خلص وترخص كال لاتصبيلي جاي راح انام بابا
نوم العوافي عمو
الله يعافيج بابا
بقت عمه تباوع ودنك حسيتها ضاجت من حجي بسام مبين يقصد شي اشرتله عليها
تقرب باس راسها شبي الحلو بس لاضاج مني
لا يوم ضجت عليك مراح تنسه السويته مو
يوم ستوج كلتي الماضي راح صدك اني تاذيت بس هسه الصار مثل البلسم لجروحي باوعلي اخ هي بس شوفتها عافيه دشوفي شوفي نظره من عينها تنسيني كل الشفته وعشته يوم
دنكت
كلامه حلو. ويدوخني هواي
عمه ضحكت وكالت اروح اشوف ابوك
التفتلي خلصتي كلبي
اي بس انظف المطبخ
يله اني وياج
هههه شسوي يعني تغسل مواعين.
وشكو بيها من جنت وحدي مو اغسل قابل هسه راح استنكف... يله شتردين هسه اعزلج لو اغسل
هههه لا اكعد انت ماريد شي. هن شكدوتهن
بين متخلص جايك خلصانات بس هااااا شايلتك للثكيل
ههههه شنو الثكيل مرامي... شتقصدين بس يله يابه.. حاضر غمز. وعض شفته.
ههههه لاتنحرف بافكارك اطالبك بمساعده من احتاجها
وهاي الج بطاقه مفتوحه شوكت ميعجبج كولي رجلج جاهز يابه اني تحت الطلب بالي بالج شغل طلعه مصرف. تقرب غمز غير شي
عايل وياج يابه
ههههه لا ابد حشاك
كملت وهو يباوع عليه اخذت دولكه مي وكاسه جبيره باوعتله ها متجي
لا اجي شون ماجي يله
فتنا للغرفه اشر على الكاسه شسوين بيها هاي
هاي اخلي الجبس بيها
هاااا كتيلي الجبس والمي بس لا تنكعي بي وتثردين.. تره شبعان اني
استغربت وضحكت.. هههه. ليش
هيج.. لاتهتمين
غسلت وبدلت ملابسي بس كلت اليوم اوكع على علته شبي بس، يحشش عليه
كعدت شفته يكلب بتلفونه كتله
بسام
ها كليبي
ذب الجهاز وانتبهلي كولي
شنو قصتك ويه الجبس
انتي كولي
شكول
يعني انت ماعدج مغامرات ويا
لا
ااااااااابد
لا.. ابد
منا منا
داكلك... لا
كيفج
دحجي فدوه
افداج اني وعشيرتي لاتتفديني بس هم مااحجي
ليش
اريدج انتي تذكرين من ذاتج ساعتها الها طعم خاص
شذكر
باسني حيل من خدي
اوف الله بي زهايمر حبيبي وناسيني ليش ولج ليش
هم رجعنه تره ازعل
واني اموت من حبيبي يزعل عليه
اسم الله عليك
تخافين عليه
انت شتكول
اني اذا اكول ماخلص للصبح واحنه عدنه غير سوالف مال ناس محرومه... تعالي اسولفلجياهن وحده وحده بلكي بينه بخت وتتذكرينه
.
جرني لحضنه تمنعت بعدين استسلمت كدام شوق جارف تخطه كل حصوني ودفاعتي لدرجه لكيت نفسي اسبح ضد التيار ويا واعافر موج مشاعري الي كنت اكذبها ومستمره بمحاربتها بين كل هاي المشاعر غلبنه النوم بين ايدين بعض وهو يبث مشاعره واني استقبلها بصمتي وحيرتي
فزيت الصبح على دكات خفيفه على الباب. فتحته لكيت عمه
يوم مرومه بيت اخويه اهل ساره جايين على الغده وعمج راح يسوك يله همي نفسج وتعاي ساعديني هم يالله
اي عمه بس اغسل
يله واني سويت ريوك نتريك
ابتسمت فديت حنيتها
لحكتها وبلشنه كالت نطبخ تمن احمر وعمج وصه سمج مشوي اخويه ابو محمد يحب السمج
بسام.. صباح الخير
صباح النور
اليوم شعدجن
بيت خالك ابو محمد جاين
هلا بيهم
تتريك امي
كيفكم عدكم مجال تسولي لو اجي اني اسوي لنفسي
باوعلي ضحكت كتله هسه احضرلك
مرامي خفايف عيني لاتسوين بيض اي شي خفيف
ادلل
كرص خدي وباس ايده اموت على هاي حركته
خليتله ريوك بس جبن وقشطه
محتاجه شي حجيه
لا يوم ابوك راح يتسوك
شسوون
تمن احمر وسمج
ها لعد اني اكمل واطلع اشوفلي سياره
يمه خالك جاي يشوفك سمع بيك راجع
باوعلها بينهم نظرات حسيت اكو شي ميريدوني اعرفه
ميخالف همه شوكت يجون
على الغدا
عاف حتى الريوك وكام
باوعتله ماكلت
ماريد اثكل حتى اتغده
كيفك
كملت الاكل والمقبلات عمي جاب السمج والفواكه رتبتهن نزلت ساره كاشخه على اخر حبايه تباوع منا وومنا. وكالت.
عمه محتاجه شي
بعد وكت يمه جان بقيتي فوك
بين مبدلت اني والجهال وكلت. مرومه متقصر شكو عدها هي خاليه مختليه خوما مثلي واق ويق
باوعتلها هاي شتحجي وياها بله
هاي شنو مبدعه اليوم
صارت هوسه هي ركضت. تصيح جوي اهلي
سلمت عليهم ابوها وامها خواتها اثنين واخوهن محمد. ماخذ اقبال واخت ساره الي هذيج المره ساعدتني بوستني وسلمت رغم شويه حسيتها مثكله وجه عليه مو مثل ذيج المره من اجت وتباوعلي بغير نظره بس ماحقرت وياي يعني ساكته بس تباوع عليه وتدور وجهة
من كمت اصب هي جت وياي
رتبت السفره وصحتلهم بالهول
بسام جان هادي كلش وجهة معبس
حتى ماكل هيج رفع عتب كعد سندس اخت سمر مشالت عينها من عليه ومبين عليها مقهوره حتى عينها غركانه دمع بس واحد يحاجيها تبجي اني كلش ركزت وياها هي وبسام
ابو ها كال يابه عاشت ايدكم الاكل طيب
الف عافيه عمه والكل جاوبه هن جمعن السفره وغسلن المواعين وساره صبت الجاي
طول الكعده اني لو جاي لو كهوه لو فواكه تخمتهم.
بس بسام غير الجاي ماشرب مااكل ولاتقرب للفواكه
كعدت يمه كتله شبيك
تعبان والكعده ثكيله على كلبي
لهدرجه
فوك متتصورين
اكدر اعرف ليش
ها كونان رجع شغل استشعارات التجسس
هههه شمعرفك بكونان البداخلي
اني الي اعرفه يابه هههه
ايباااه شون
اني مطلوب اله عمي هو والجبس اصحاب فضل عليه
مادري شنو سالفتك بس المهم ضحكت
يهمج اذا ضجت لو فرحت
موبس انت ماحب اشوف شخص مهموموبس انت ماحب اشوف شخص مهموم
تحسر كال خليها سكته
كتله. بسام. ممكن.... سؤال
جواب
ضوجتك الها علاقه بسندس
باوعلي مستغرب
يعني عمه مره حجت بخطوبه مصارت هيج شي
هاااا ومكلتلج منو الترك الثاني
انت التركت
خلص لاتسالين لعد ولاتغارين
.
اغااااار
و شبيج راح تطلع عيونج
مو مستغربه تره فاهم غلط
وليش عادي تغارين اني مثل رجلج تره
درت وجهي خاله كله
اي خالي شونك اخبارك شناوي هالمره
بعد..... خالي والله مادري
ترجع لشغلك نفسه
اي ان شاء الله
الله كريم شتحتاج خالك موجود
الله يحفظك
دير بالك يابه وشويه تحذر
الله الحافظ خالي
باوعلي شونج خالو
الحمد لله بخير
دومج والله خالو انتي طيبه وخوش بنيه
تسلم عمو الله يحفظك
بسام اني اترخص منكم متواعد ويه جماعه
غالي خالي روح الله وياك
كام لحكته بس مرت خالهم لزمتني
ولج تعاي محلوه شسوين
ابتسمتلها وجاوبتها واني عيني ورا بسام..... ممسويه شي والله خاله
عوفيها خلي تشوف رجلها خاف محتاج شي. عمه كلتلها
رحت ورا للغرفه جان يمشط بشعره
تريد شي
لا انتي تردين شي
تتاخر انت
ماعرف راح افتر بالمعاررض تردين شي
لا
شبيج
انت شبيك احسك مو على بعضك.
لاتشغلين تفكيرح والله مو شي مهم
ان شاءالله هسه حتروح للمعارض
. ااي اخذلي فره اشوف النوعيه الي بالي والاسعار
تجين ويايه.. هههههه
ليش تضحك
مادري احسج ممطمنتلي
لا مو هيح يله عيني. روح الله وياك
باسني من خدودي وراح
مع السلامه اذا احتاجيتي شي اتصلي.
ان شاء الله..
وصل للباب و رجع باسني وطول بهدؤ وخفه
وبعدين طلع
صخنت ولزمت وجهي نار باوعت بالمرايه مشتعل وجهي احمر
رحت يمهم. يسولفون اني وحدي كاعده ساره وخواتها وعمه ومرت اخوها عمو هو واخو زوجته واني خراعة خضره تالي طكت روحي كمت احضر عشه لان مبينين باقين
كملت تقريبا نصه دك تلفوني بسام
الووو
ها حبيبي شسوين
احضر عشه
راحو الجماعه
لا
ها باقين وشسويتي عشه ليش مادزيتو
لا خطيه عمو جاب الغدا من بره كمت اني جهزت شعدنه كبب وكباب ومقبلات
عاشت ايدج حبيبتي محتاجه شي
شنو راح تجي
يعني قبل العشه اني يمكم احتمال كولي تردين شي
لا تسلم
الله يسلمج
سديته منه ورحت صحت عمه تشوف الاكل تمام
اي والله عاشت ايدج يوم معدله بنيتي
اسوي شي بعد
لا هذا هو عاشت ايدج
خليت العشه وبسام مجاي عزلتله اكل خلصو من صبيت جاي الهم.. بسام اجه سلم وفات لغرفتنه لحكته
تتعشه
مو هسه راح اسبح
بقيت انتظره تلفونه على الميز دك بين موصلت سكت شفت رساله ليش هيج يعني حلوه تطلع من تشوفني. واني مشتاقتلك حيل ..... يتبعمساء الورد تاخرت عليكم عذروني مازالت حالة عمي والد زوجي وزوج اختي للمرحومه حرجه ادعوله يتشاقه ماعرف ليش من انشر قصه هواي شغلات تعاكسني منها صفحتي بالفيس كلساع تسجل خروج رغم ذيج الفتره من انقطعت عن الكتابه ابد مصارت عندي هيج حاله هسه كلساع تبليغ ...
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق