رواية لقاء واحد يكفي الفصل الخامس والسادس بقلم غدير وسام حصريه وجديده على مدونة النجم المتوهج
رواية لقاء واحد يكفي الجزء الخامس والسادس بقلم غدير وسام حصريه وجديده على مدونة النجم المتوهج
 |
قالوا: قاسية
قلت: في زمن الوحوش
قالوا: غامضة
قلت: وما نفع الكتاب المفتوح
قالوا: مغرورة متكبرة
قلت: بل ترفع وخروج عن المألوف
قالوا: ما نوعك من النساء
قلت: أعرف متى أكون في قمة أنوثتي
و متى أكون أصلب من الصخر
وأعلم كيف أكون مدللة
وكيف أتحمل ع عاتقي مسؤوليات الحياه
انا إمرأة تتعامل حسب الموقف
والشخص برقة او قسوه
ببساطة
انا إمرأة العقل والقلب معاً ..💔💔💔
💎 💎 💎 💎
فات مصطفى يصيح وينها هاي المتستحي .. طلع عمي كله هي انت شبيك
يابه لهنا وكافي تطرد مرتي وجهالي من بيت ابويه
عمتي طلعت واني هم لحكتها
من شافني راد يحجي عمه كلتله اني طردتها البنيه ماحجت وياها. اصلا.... لكيتها نازله بيها ذاك الغلط وهي ساكته
. يوم كافي تدافعولها
ممدافعه وروح اخوك ذاك المرتك تتحسف بي حتى الرحمه وتعيرها تكلها لو ما شافوج فكر ماخذوج للسكط
مصطفى دنك. كال صدك هذا الحجي
عمه كلتله حسافه تجذب امك ولك حلفت بروح الغالي اول مره احلف بي وتسالني هذا الحجي، صدك
اني دنكت بس دموعي تنزل
عمي كله انت تعرف مرتك ماكو داعي تجي هايج علينه وتخليها تدفعك واني جنت ازامط بيك اكلها بس مصطفى يسمع يكلب الدنيا عمي ثاري نايم ورجليه بالشمس روح بابا روح حتى وان حجت مرام اني اايدها الي يعجبها يفوت والميعجبها تطرده يله تفضل واخر مره تعلي صوتك بيتي. من اموت تعال سوي الي يعجبك وباجر اخابر زوجها يجي يشوفلكم حل
بقه يتعذر وباس روسهم اجاني كال عذريني خويه محجيت دنكت وفتت لغرفتي لكيت بسام متصل مالي، خلك احجي طفيته ونمت
ثاني يوم الكل بالبيت ساكت اسوي بالغدا اجت عمه كالت ليش متجاوبين بسام
متشوفيني عمه اني وين الحك
ميخالف يوم جاوبي دك عليه متخبل عباله اكو شي
هسه اهدر التمن. واروح اخابره
عوفي اني اكمله روحي يله
رحت دكيت مجاوب دز رساله عندي شغل هسه .... رجعت كالت ها شبساع خلصتو
يكول مشغول
يااا ستوه حاجاني بس لازعل ههههه
مادري
وصدك مرجع اتصل بعد اني هم التهيت ونسيته بين الشغل والبيت وخواته وعمي هم صحته تعبت واخذه مصطفى دكتور منع عنه التدخين والتعب ولازم اكله يكون صحي....
والكرايب من سمعو بي كلها اجت لان هو خوش انسان وهو وعمتي دائما يواصلون كرايبهم بكلشي
عمتي هم وكعت من شافته ماله خلك واني حتى فرشت يمهم بالغرفه هم كيفو بيه اني وعمه بالكاع وعمي على الجربايه
نبقه نتفرج مسلسلات ونحجي لعمو احداثها و كام يتابع ويانه لو نبقه نسولف لحد مانام ومرات من وكت نعس ونام كلنه
منجطلين اني وعمتي كالت ولج غبره شو ماتخابرين بسام
عمه . هو مااتصل
ابد
لا ابد والله
شعجب
مادري والله عمه من دكيت وكلي مشغول
شنو شغله ماخلص
يجوز ماعنده مجال
شنو ماعده مجال يوميه يدك علينه اني وابو. خصه من عرف مريض كل ساعه يتصل كولي انتي غبره ومابيج خير اكولج اي
ههههه اي ليش
يااااا تسال ليش دنامي نامي الصبح اشوف وليدي شبي
تصبحين على خير
وانت بخير
الصبح كعدت مريضه ماكدرت اكوم بقيت بالفراش
عمي من شافني تاخرت استغرب كال اليوم شبيج مو عوايدج
مالي خلك عمي
عرفتج هاي طلع عليج التعب
لا والله عمي متعبانه بس البارحه حسيت استبردت
صاح على عمتي سوتلي حليب حار شربته كوه و
مااكلت شي خلصتها بس نوم
غافيه وتلفوني دك
شلته جاني صوته
شلونج
الحمد لله
شبيج ليش مريضه
استبردت
اكيد مو غير شي..
لا البارحه من نظفت بقت ملابسي مبلله مجان عندي وكت ابدل فاستبردت
ليش تبقين بملابس رطبه ياعيني
التهيت والله
بشنو ابويه انتي اكو اهم من صحتج
هاااا
شبيج شتحسين هسه
بس خمول واريد ابقه بفراشي ابقه حاضنته ونايمه
اووف ريتني فراشج
تحسر وكال شو سكتي
شكول
لاتكولين شي كافي عليه اسمع نفسج
كال اووووف بصوت مبحوح واستغفر
شبيك
تدرين انتي وحده بذاته
ادري
ههههههه يعني تعترفين
اي
اي وشنو ذنبج تعرفي
امممم لان ماجاوبتك
مو بس هيج مسالين هم يعني اختفيت كومه هسه عوفي اني زوجج يابه كولي بينه خبز وملح. جبس، ليز
هههههه لا عمه تطمني عليك
اني هم عمه اطمني عليج واليوم كالت مريضه يابه تمنيت اني، يمج
شسوي
اوووووو عوفي الاسوي لوكته لان ناوي هواي اسوي شغلات عقلج مايستوعبها
شوكت تجي انت
ترديني اجي كولي تعال باجر اني يمج
لا اسال بس
يعني اصفي وضعي هنا شغلي
الله يساعدك
اي شكو ماكو ابويه شونه
ههههه هم صارو زينين اني وكعت
منو هم الي، صارو شو حمعتي شنو امي هم تمرضت..
حسيت نفسي جفصت... كتله...
هااا مو تمرضت بس خطيه انهبطت على عمي
من زمان هم روحهم معلكه سوه
الله يخليهم لبعض ويحفظهم الكم
ويخليج النه
اني شكوو
انتي الروح والريه..
ههههه حلوه هاي
شعبالج لعد غير اني مااحجي
بسام..
ياروحه اوووف شحلو اسمي كولي عيوني
انت ليش هيج تحجي وياي
غير مرتي
اعرف مرتك بس يعني اسلوبك غريب يعني عبالك تعرفني انت حتى من جيت اني مشفتك هواي
مكافيه حتى تعرفني
صح مشفتج من جيت بس كونت فكره ولاتنسين حجي امي وابويه خواتي تحسر.. وكال وكلام انور الله يرحمه
الله يرحمه
فد جم يوم راح ينزل ولد للعراق وادز بيده جنطه الج رتبيها بالغرفه
اممم ان شاء الله
محتاجه شي ادزلج
لاسلامتك
كولي لاتستحين
ممحتاجه سلامتك
يابه الله يسلمج
فاتت عمه ها يمه متاكلين شي
ماشتهي عمه
دكومي غسلي صحصحي واسويلج اكل لاتظلين خامله
طلعت. عمه وهو كمل
ليش مماكله عيوني انتي موزين عليج
ماشتهي
اوف ميصير كومي مثل مكالت امي غسلي وجهك وصحصحي
امممم
فدوه
يله
يله راح اسده بس اريد صوره وانتي تاكلين هااا انتظر
اوك
يله عمري الله وياج
مع السلامه
تنشطت من كلامه وسؤاله وحنيته عليه محد هيج محسسني باهتمام
دايماً جنت اني الاهتم واني الافتقد واني الاداري غسلت وصورت نفسي واني اكل ودزيتها اله
كتب الف عافيه اشربي علاج
ان شاء الله
صرت زينه وهو بعده يتصل ييوصي ويسأل
حاوطني باهتمامه وحنيته حسسني شكد جنت مقصره بالسؤال عليه
ساره خلصت مده زعلها ورجعت من كيفها نزلت هي كلش ماثره على بتول اخت بسام الاصغر منه
اقبال هم تتاثر بس موكلش يعني خذت فتره شدت وياي وراها رجعت طبيعيه
بس هن اثنينه عرباين هاي بجرخين وذيج باربع جروخ ههههه وحده تندفع بسرعه والثانيه لا المهم اني هم ماشيت الوضع على كولة عمه مدام الكمر يمي شلي بالنجوم عمي وعمتي راضين عليه
جنه كل خميس نسوي ثواب للمرحوم ونوزع منه والبنات ورجولتهن يجون يتعشون يمنه هن يجن من الصبح هم يلحكوهن
بسام تصل و كال كمت اعرف الخميس، ماتصل بيج ولااراسلج
اسكت بسام... حتى رجليه يونن عليه من الوكفه والشغل
سلامتج ليش هالشكل تعبين نفسج
كلشي لخاطر انور يهون
تحبي
اوووف. شحجيلك انور مجنت احس بي زوجي لا ابني
لهدرجه
يمكن متصدك بس اكثر
الله يرحمه ويغفر له ويسكنه فسيح جناته يارب
اللهم امين
يله اني اترخص
براحتك... حسيت بي ضاج يعني شنو ماذكر المرحوم شبيهم مكروصين منه هو مظلوم من جان عايش ومن مات هم انظلم
صدك ضجت منه مرات احس موته مفرق عد احد غيرنه اني وامه وابو الله يرحمه
.
يومين يتصل كلامي ويا على كد السؤال وجافه كلش ويا خصوصا بعد ما وصلت الجنطه الكال عليها باايد صديقه فتحتها كلها ملابس داخليه ونوم يخزن وملابس طلعه الوان خليتهن بجنطتهن حتى مطلعتهن منها
عمي كال حضرو نفسكم اخذكم نجف وكربلاء شكد كيفت هم نزور وهم نروح لانور طلعنا الفجر
وصلنه للنجف زرنا الامام وتوجهنه للمقبره بجينه يمه وقريناله قرآن عمي هم يكسر الخاطر من يحجي ويا هد حيلي هو وعمتي خطيه كسرهم فراكه يبجي ويرجع يكله الي مهون عليه ارتاحيت من المرض ومن الناس
طلعنا رحنه تغدينه وتوجهنا لكربلاء هناك احساس يختلف طمانينه على رهبه شكد كعدنه اني وعمتي بالحضره مشبعنه صلينه الزياره والادعيه وطلعنا لعمي انوب كعدنا بالصحن نسولف ونباوع للعوائل والزوار كلساع واحد ناطينه ثواب كال عمو نبات هنا ونطلع الفجر اجرنه بفندق والفجر صلينه بلامام وطلعنه للبيت
بنص الطريق دك تلفون عمه اقبال
جاوبتها
هلا يمه. لا جنه بالزياره ودعينالكم
شنووووووو جذابه. ولج كولي والله.. يتبع.
#لقاء- واحد- يكفي #
البارت السادس
💚 🦋 🦋 ✨ ✨ ✨
نتجاهل الكثير ليس لأننا لانرى
بل لأن القلب إرتوى مما رأى
وليس كل العواصف
تأتي لتعطيل حياتك
بل بعضها يأتي لتصفية طريقك.....💐💐💔💔
عمي صاح شكوو
بسام جاي ولاكي محد بالبيت عباله صاير شي متخبل مخابر اقبال
الحمد لله على سلامته جان راح لمصطفى
مادري استعجل حجي
صار يأبه صار درت ابنها جاي باعتنه بعد
يمه بسام هذا النفس
ايباه واحنه..
اهوووو تغار من ابنك...
لا عمي. بس انتي ابنج النفس اني هم جنتي احبها واغليها وادللها بعد معليه بيكم انتي وابنج
من سمعت كلام عمي... ضحكت
التفتت عليه وصاحت
ها ولج ضحكتي
ههههه اي عمه حلو حجي عمي
الله يحفظج عمو انتي بنيتي واعز
دنكت ومستمره اضحك بس بالي مشغول بالي اجه مو على اساس يتاخر بعد برجعته
وصلنه للبيت لكينه بيت مصطفى نازلين وفاتحيله البيت وخواته جايات فتنه سلمو عليه اجيت اني سلمت من بعيد وفتت للغرفه شفت جنطته على الجربايه مفتوحه ومطشره الملابس. يمكن مطلع منها لان مبين غاسل لملمتها وطلعت نظفت البيت منا ومنا ورحت كعدت اني الطريق كله نايمه بس نعسانه وجسمي مكسر من السياره هم يسولفون واني اغفي..
عمتي انتبهتلي وكالت كومي نامي حبيبتي انتي تعبانه
ماصدكت راسا طفرت هن خير من الله موجودات يدبرن نفسهن بدوني
الله فراشي العزيز رحت حضنته عبالك شهر مفاركته وثواني مادريت بعد بشي كعدت فايت وكت حسيت بشخص يمي بالبدايه مستوعبت بعدين فتحت عيوني حيل بفزه...
لكيته كاعد على الجربايه ويباوع بوجهي وصافن
محتاج شي
لا جيت اخذ ملابسي كام دور بالجنطه والتفتلي عود رتبيها بالكنتور
امم ان شاء الله
متتعشين
وانتو تعشيتو
لا البنات هسه يحضرن
اروح اساعدهم
هز راسه اني طلعت وكفت بالباب يعني شنو المفروض شون استقبله سلمت سلام عادي وخلص اشو يباوع عليه شمنتظر اخذه بلاحضان... رحت غسلت وفتت للمطبخ لكيتهن محضرات كلشي. بس نقلت وياهن كعدنه نتعشه الكل يحجي. ويضحك بس اني ساكته كاعده بينه وبين عمتي كالت شبيج اليوم هو انتبه التفت علينه
مابيه بعدني تعبانه
ولج طكيتلج جم ساعه نوم ما راح التعب
هههه لا والله
هو كال وعينه عليه
ضحكونا وياكم يمه
ماكو شي يوم سالفه بيني وبين بنيتي
الله يثخن لبنكم
ورا العشه كلمن راح بقينه بس احنه عمي كله اي بابا شمقرر تسوي
استقر هنا بعدكافي
اني هم كلت هيج احسن
عمه كالت بخوف
ماعليه شي من يبقه هنا حجي اني كلبي ملجوم وبعد ماتحمل
لا ان شاء الله ماكو شي ابو. كله
وضعك هنا بالبيت شقررت عليه وباوع عليه
بسام.... مثل ماكتلك حجي وامي هم تعرف كلشي مو صحيح يمه
كيفك يوم اني شريد
بعد هاي بقت يمك ويم مرام اكعدو واتفقو
يحجون واني مثل الثوله اكلب راسي بينهم شكو مادري.
عمي كال يالله اروح انام وانت اخذ زوجتك لغرفتكم اتفقو. هاااا شنو اللي تريده مرام يمشي افتهمت لاتغصبها على اي شي لمن تتفقون
صار حجي صار
انتي بابا مرام جنت ناوي اكعد واحجي وياج بس تمرضت. وهو هم مااطاني مجال كلت اخذج للزياره ونرجع نكعد سوه نحجي بكلشي وانتي تشوفين الي يناسبج كعدي ويا واحجو زين بنتي.. الراح راح احنه هسه ولد اليوم المات الله يرحمه والحياة مستمره انتي صغيره وحقج تعيشين زين بنيتي
هزيت راسي
راحو بقينه كاعدين. وكف مدلي ايده بقيت اباوعله
بسام.. امشي للغرفه نحجي
نبقه هنا احسن
لا جوه يعله صوتنا ماريد احد يسمع واريد نحجي براحتنه
يله.. ابتسم يشجعني وهو ماد ايده
خليت ايدي بايده وكمت
فتنا كعد على الجربايه واشرلي اجي يمه كعدت
اي مرام انتي شمفكره شمقرره لحياتج
يعني ممفكره
ابد
لا
يعني من وافقتي على زواجنه شنو جان بالج ليش ازوجتج
لخاطر عمو وعمه وحتى محد يحجي وياي غير
شون يعني لخاطر اهلي قصدج السبب الثاني بله نمشي بس الاول وضحي اليه مفهمت يعني تقصدين
تبقين وياهم مووو
اي...
لا يابه لا جان خليت وحده من خواتي تجي تعيش يمهم لو مرت مصطفى تره بتلفون واحد احاجي اخلي يمشيها مثل الساعه ومال اسد حلوكهم شعليه بيج اني ليش اهتم باليحجي عليج اذا متهميني. وعلى كولة ساره اليربطنا بيج راح صح لو لا
دنكت.
مجاوبتيني صح لو لا
اممم صح بس يعني يجوز لان عمو وعمه ضغطو. عليك
هههههه اني صغير ويضغطون عليه انتي مفكرتي
ليش ارتبطت بيج
اذا نرجع للحق مو كلامي هذا انتبهي جاي ابينلج اذا رجعنه للحق هذا لا كلامي وولاتفكيري بس اذا اجينه للواقع تفكير المجتمع والأهل والاقرباء انتي ارمله واني ممزوج
لو جان اكو اطفال بيها مجال اهلي يضغطون عليه على كلامج بس ماكو.. طفل. باوعلي باستفهام مووو بله
ماعندي كلام انت جاوب
اقصد اذا مفكره اني ازوجتج لخاطر احد او حتى اسكت احد فانتي غلطانه اني من ازوجتج فالنفسي.. مفكرت باحد
واذا بالج مال زواج على ورق وانت حمايه واخو زوجي الله يرحمه. وممفكره بيك فهاي شيليها من بالج همين.. زين
ومال انطيني فرصه اتعلم عليك وهاي السوالف ماعندي
بلعت ريكي كتله
شلون يعني
يعني انتي تسميتي باسمي من يوم العقد تتصرفين على هذا الاساس غيره ماعندي واضح
لا
شنو..؟؟ لا فهميني
ماكدر
شنو المانع
الي كلته قبل شويه مو سهلة تره
ماكتلج سهله بس مدام مخلين حواجز راح تبقه صعبه سهليها تسهل تصعبينها تبقه صعبه
شلون مجاي استوعب
عوفي كلشي عليه ومعليج
فهمني أنت شتريد
اريدج زوجه اليه بكل ماتحمل الكلمه من معنى
صعبه أنت جاي فجأة تريد اتغير
مكتلج اتغيري ولا تكولين فجأة صار. كل ذيج الفتره اني اهيئج لهاي المرحله
بس اني متهيائت
مشكلتج مو مشكلتي عن نفسي ليلة وحده بعد مانتظر
صدك تححي
اي والله
فدوه بسام
اخ.. من تكولين اسمي كلش اضعف ومستعد انفذلج كل التردي بس هاي لا مو بيدي يجي يوم
تعذريني
بسبس انطيني مجال
الج كل العمر بس بحضني وانتي مرتي غيره لا.. تعذريني
لخاطر الله بسام عمي مو كال كيفج
معليه بعمج اني الحجي هنا اليه انتي زوجتي اني... مرامي حبيبتي لاتخافين ولاتستحين مني
تقرب مني اني وكفت جرني صرت بين ايدي مارحم خوفي مو بس كوضع جديد كبنيه ما خاضت هاي التجربه قبل صح انور جان يحاول وجنت متصوره الي يسوي تقرب طلع بس ملاطفات ومحاولات كلش بريئه وفاشله حتى الملابس مجنه ننزعها
بس بسام جردني من كلشي حسيت بي يستمتع بكل حركه يسويها ويهمس عبالك يحاجي نفسه. بكلمة.... مثل مجنت احلم مثل ماجنت اتمنى يتغزل بكل شبر بكلامه وبفعله يترك اثر الى ان وصلت لحظة امتلاكي حسيت بكل وجع الدنيا بحيث صرخت ويه صرختي رفع راسه و جان متفاجا من شاف الدم ومن خلال تقربه عرف اني بعدني بنيه باوعلي بين ابتسامه وبين استغراب سالني انور ممتقرب منج
جاوبته بجي ودموعي تجري من الوجع والخجل
ماعرف
شنو ماعرف شجنتو تسون فهميني
عطت ماعرف عوفني مو خذت الي تريده وتممت زواجك شتريد بعد
لاتصيحين واحجي عدل مجاي نتعارك فهميني بانور الله يرحمه الصوج لو بيج؟؟؟ بيمن الصوج
اهلي يعرفون بوضعكم هذا
جاوبته واني ابجي وجع وخوف
ماعرف هو جان يكول اني تعبان وماكدر بس مره تقرب وكلي انتي صرتي مرتي وتممت كلشي
شون يعني سوه مثلي
شنو مثلك
استغفر الله مثل هسه شون تقربتلج
لا
لعد
ماعرف
لخاطر الله احجي لاتقطرين عليه بالحجي وكل حجاية كلتي ماعرف شنو متعرفين المفروض انتي مريه مزوجه
مادري... مادري لاتصيح عليه هو جان كل ما يحاول وبعدين يعصب ومره طردني من الغرفه ثاني يوم اعتذر مني وكل لعمه اني اخذتها وكال اياني واياج تطلع كلمه غير الكلته واني سكتت محجيت
اممم افتهمت
شنو يعني هسه
شراح تسوي
ماكو شي.. تقرب باسني كال . اخ محتار شون احمد الله واشكره واني جنت اكول كلشي احبه خذو مني طلع الي مضموم اليه احسن واحسن ماعرف الوم امي لو الوم نفسي... استغفر الله يعني اذتج واذت انور بهذا الزواج
مفتهمت..
لاتفتهمين عيني كافي عليه انتي اليه مرتي لكيتج مثل ماعفتج حضني حيل. ويباوع عليه
مبيج شي متاذيه
لا
عفته وكمت للحمام افكر بالصار يعني اني وين جنت عايشه وين صرت
طلعت لكيته منتجي على تاج الجربايه ويدخن
ابتسم اول مشافني
نعيماً عمري
شكراً
تعالي نامي بس اغسل اسويلج شي دافي تشربي واجيبلج مسكن
اخذ ملابسه وراح تمددت بين تفكير وتعب وجع نمت كعدت على بوساته الصبح بكل وجهي حاولت ابعده
اششش.. حياتي على كيفي والله.. لاتخافين
ماريد بس شويه
كتم صوتي بوسه وكمل الي بدا
واني... مكدرت امنعه ورجع تقرب مني هالمره حسيت بلهفته جان حريص بكل حركه اكثر من البارحه باس راسي وابتعد جر جكاره ورجع حضني رفع راسي ويباوع بعيوني
اوووف دوخني عيونج شكد مشتاقلهن من شفتهن اول مره وهن بالي
دفعته انت ليش هالشكل تحجي ويايه كانك حابني من زمان لاتكلي واني على ذمة انور الله يرحمه جنت تفكر بيه
ضحك وجر حسره بعدها فرك بين عيونه وكام التفتلي وكال مو اكلج عندج زهايمر مبكر .. اااااخ..
شبيك فهمني شتقصد لعد
ماكو .. ماعتقد راح تفهمين شاقصد يراد اكعد واحجي منا لباجر. بس اذا انتي مذكرتي ميفيد كلامي ومو صوجي اذا انتي انطبعتي بالي واني نسيت كلش
..
شاذكر فدوه انت شبيك
تعبان.. ومرتاح.. ضايج وفرحان. شايفه الي يعيش حالتين بوكت واحد. هذا مثال حي كدامج اني
باوعي عليه تعرفين شبيه
حرام اذا فهمت شي كلتها بكلبي
فات للحمام واني طلعت غسلت بره ورجعت ركض للغرفه والله استحي اخلي عيوني بعيون اهله
شكولون عليه ذبت نفسها بحضنه من اول ليله. ونست المرحوم
اهوووبعد وراي سارره وربعها والله مالي خلك. هسه اني وين جان مضموملي كل هذا
طلعتله ملابس، من الكنتور.
طلع من الحمام
ليش متعبه نفسج. وانتي موجوعه
ديله على الملابس باوعتله صفح لو مهتم وتدري بيه تعبانه جان عفتني وما.....
ابتسم وتقرب باسني
لاتعتبين بنظراتج ماكدر اقاومج صعبه وعذريني بكل تصرفاتي منا وجاي. زين ولاتطلبين مني ابتعد لو احرم نفسي منج. لان نحرمت بما فيه الكافيه وهسه جاني العوض. عافني صافنه بحجيه وطلع ... شيقصد. تعبت احلل كلامه واحس بيه شفره بس عنده رموز حلها..
بدلت وطلعت لكيت عمه مغطيه وجهة ب فوطتها وتبجي وهو يمها لازم ايدهة باس راسها وباوعلي. اشر تعاي ...
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق