رواية ابن حفيدو الحلقه الخامسه بقلم محمد منصور حصريه وجديده على مدونة النجم المتوهج
 |
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
من جوة شقة سعاد المحروقة كانت شيماء علي سريرها لسة مغمي عليها وسعيد ماسك بصلة وبيحاول يفوقها لكنها نايمة وبتشخر وقت ما باب الشقة خبط راح سعيد و فتح لقي عبده قاله وهو قلقان
اية يا ابني اللي حصل ومال مراتك
سعيد
اغمي عليها ومش عارف افوقها رغم اني عمال اشممها بصل لكن ما فيش فايدة دي ل درجة انها بتشخر
عبده قلق اكتر وقال
طيب وهي فين
سعيد
جوة في اوضة النوم
عبده دخل وسعيد وراء منه ونسيو يقفلو الباب لكنهم سمعوا صوت الباب بيترزع وقفو وبصو ل بعض وهما بيترعشو ولفو وشهم وبصو للباب لقو مقفول فقال عبده
انت اللي قفلت الباب صح
سعيد
يارب اتحول فحم شيشة مش انا
هرش عبده في دماغة وقال
يبقي الهواء
سعيد
الشبابيك مقفوله
عبده
شباك المطبخ اتنسي مفتوح
سعيد
المطبخ ما فيهوش شباك
عبده
يعني باب الثلاجة كان مفتوح وهو اللي عمل تيار هواء
سعيد
الثلاجة مقفوله
عبده
طيب اية يعني انت بتفقعني ب ردك دة ما تمشئ معايا الدنيا وخليها هواء علشان اقسم برب العزا لو اللي في بالي صح انا هسيبك وامشي
سعيد
تمشي تروح فين مش انت اللي جبتنا الشقة دي اتصرف
عبده
خلاص هتنيل خلينا ندخل نشوف مراتك
ودخلو اوضة النوم وصوت شخير شيماء كان عالي اوي فقال عبده
انا اول مرة اشوف واحدة مغمي عليها بتشخر
هنا ردت شيماء وقالت
انا بشخر وانا صاحية وسعيد مصمم يشممني بصله
سعيد
ازاي صاحية وانتي مغمضة عينيكي
شيماء
ما انا كنت خايفة افتح عيني ل شوف أ . ح
عبده استغرب وقال
دي ملاكي ولا اجرة
شيماء
ملاكي اية واجرة اية دي الست اللي طلعت لي
عبده
طلعت لك فين
شيماء
مرة في اوضة ومرة قصاد الحمام
وبعدها صرخت وقالت
هو انا شخيت علي نفسي صح
وبصت تحت الملايا اللي فوق منها ف قال سعيد
ما تقلقيش انا غيرت لك
لطمت شيماء وقالت
يا دي النيلة اللي انا اتنيلت بيها انا في السن دة اعملها علي نفسي
عبده كان بيضحك وقت ما شيماء بصت له وقالت
لم نفسك يا ابن حفيدو وشوف لي حل للمصيبة اللي انت لبستنا فيها دي
عبده
ولا تزعلي نفسك سيبي الشقة
شيماء
نعم اسيب اية دة بعينك
عبده ل سعيد
هي مراتك واخدة هواء في دماغها مش هي خايفة من اللي طلعت لها
أ . ب
شيماء
لا أ . ح
عبده
وهي تقصد اية بالحرفين دول
شيماء
شارحا نفسها اداة اعتراض
عبده
اة دي باين عليها شرشوحا
هوب يحس عبده ب لسعة ايد علي قفاه بص حوالين منه وقال
مين
سعيد
مالك في اية
قام عبده وقف وهو عمال يبص حوالين منه وماسك قفا مكان ما اضرب وقال
انا افتكرت مشوار لازم امشي
شيماء بخبث
انت ماسك قفاك لية يا ابن حفيدو
عبده
عرق النساء شد عليه
شيماء
وهو عرق النساء في القفا شكلها لسعتك علي قفاك
عبده وهو لسة بيبص حوالين منه
لا عاشت ولا كانت اللي تضربني دة ان،،،،،،،
وصرخ لما شافها واقفة قصاد منه ولابسة عبايا سوداء مليانه ترتر وحطه ايدها في وسطها وبتقول
كمل يا حيلتها يا ابن المراة المبقعة يا خايب من ظهر شايب وعايب من ظهر سايب يا عبده يا ابن حفيدو الاجرب يا ابن وداد الطخينة اللي يشوفها رايحة يفتكرها راجعه بفطيرة وشهرتها المراة بنت الحقيرة
عبده برق وبدا يدعك عينية وبص ل سعيد وقال
سعيد هو التيلفزبون عندكم متعود يشتغل وهو اللي يجي للضيوف ولا انتم اللي المفروض تروحو له
ووقع عبده من طوله ،،،،،،،
وبعدها بشوية كان سعيد ماسك نفس البصلة وبيحاول يفوق عبده اللي نايم في السرير جنب شيماء وعبده مغمض عيونه وبيقول
انا صاحي وابعد بقي البصلة دي عني وشغل القران
سعيد
حاضر هشغله
وراح سعيد يشغل التيلفزيون علي القران وشيماء قالت
انت شوفت العفريته صح
ضربها عبده بالقلم وهو بيقول
اخرسي دي ست الناس كلها قال عفريته قال
شيماء مسكت في رقبته وقالت
انت بتضربني يا ابن حفيدو طيب والله لكون مطلعه زمارة رقبتك مزمرا بيها شوية
وبدات تعض عبده وعبده يعضها ودخل سعيد عليهم وبص لهم وهما بصو له وسعيد ما بيتكلمش وهما ساكتين وفجاة صرخ سعيد ووقع علي الارض مغمي عليه و سعاد المحروقة وقفت علي باب الاوضة وكانت بتبص لهم بغل وبتنفخ ،،،،،،
وبعدها ب شوية يكون في شيخ في وسط الشقة وبيقراء قران بصوت عالي ويقراء ويقراء ل غاية ما خلص قراءة وقال ل عبده وسعيد
كدة الشقة تمام واللي كانت ما خليكم مش عارفين تنامو راحت ل حال سبيلها دة انا الشيخ مشمش
عبده
بغض النظر عن الاسم بتاعك احنا سمعنا عنك كتير واهالي المنطقة كلهم بيشكروا فيك لكن اكيد كدة العفريته أ . ح مشيت
مشمش
ولية يا بية الغلط طيب تقول ل راجل من سن ابوك أ . ح
سعيد
هو ما يقصدش المعني الوحش لكن هي اسمها كدة وانت علي راسنا من فوق يا عمنا وطمئني بالله عليك هي كدة مشيت
مشمش
يا باشا انا نمبر وان في مجالي والشقة دي بالذات انا حرقت العفاريت اللي فيها اكتر من مرة
سعيد
نعم
عبده
اهدئة
سعيد
بيقول لك عفاريت انت جبت لنا شقة ولا مركز شباب جهنم
مشمش
مالك يا بية قلبك خفيف كدة هو في حد عاقل يخاف من العفاريت
سعيد
اومال العاقلين يخافو من السوداني
لكن هنا تظهر شيماء وهي ماسكة شبشب الحمام وتقول ب اعلي صوتها
اظهري يا ولية ب شنب لو انتي راجل اظهري وانا انفخك اصل انا مش هسيب الشقة ل وحدة ميته وارجع اقعد مع ابويا المقرف
عبده
قول ل مراتك تدخل اوضتها بالشبشب اللي معها دة احنا مش رايحين نتخاق مع صراصير
مشمش
سيبها يا بية تطلع الطاقة السلبية اللي جوة منها يمكن تفوق وتروق
عبده استغرب وقال
الطاقة السلبية
مشمش
اومال يا بية الانجتيف ماسورا
عبده
الانجتيف ماسورا
وبص عبده ل سعيد وضحك وقال
عم الشيخ طلع سباك
ورجع بص عبده ل شيماء وقال
طلعي الماسورا اللي جواكي بس حاسبي ل تكسري حوض الوش
ورجعت تصرخ شيماء ،،،،،،
وتعدي الايام والاصحاب اتجمعوا تاني في اوضة عبده وبص لهم عبده وقال
طبعا انتم عايزين تعرفو انا جمعتكم لية تاني النهاردة
حجاج ابو الحج
انا مش عايز اعرف لكن نفسي اتعشي وانا داخل الحمام شوفت جنبه فلمنك وفينو من الكبير ابو سمسم ما تجيبهم اكل فيهم عقبال ما تقول اللي عندك
عبده
انا عايز اعرف الحمام من طريق والمطبخ من طريق تاني اية اللي خلاك تروح المطبخ وتفتح الثلاجة وكمان تشوف اللي فيها
حجاج
اية في اية مش دي شوقة اخويا يعني شوقتي
عبده
كجك خوت ممكن تنكتم وتخلينا نركز في اللي احنا جائيين علشانه
محمد سامي
قول يا عبده انت جبتنا لية وسيبك من الفلاح دة
عبده
انا بعد ما اطمئنت علي مستقبل سعيد وشيماء وان خلاص شقتهم بقت ما فيهاش عفاريت جه الوقت نحل مشكلة محمد وفيحاء
حجاج
ومحمد ماله ومال فيحاء
عبده
طلع قاري فتحتها في صلاة العصر من خمس سنين
وسيم
الله دة احنا بقي اخر من نعلم يا ولاد اللعيبة
محمد
بطل نق حاكم انا عارف عينيك تفلق الصخر
وسيم
هنق عليكم لية اهبل هيتجوز هبلة
محمد
ما بقاش اللي انت تقول علية اهبل يا ابو العربية الفستقي
وسيم
لا هتغلط اغلط فيا انا انما تجيب سيرة العربية هفلقك
فيحاء
هو كلكم علية ولا اية مش كفاية اللي حمادة كان بيعمله في لما كان شغال في كوم حمادة
محمد بحدة
فيحاء لمي لسانك والا تبقي طالق مني
فيحاء
بطلقني قبل ما تتجوزني انت حصل لك خلل في دماغك
هنا اتفتح باب الاوضة ودخل حفيدو وعلي ودنه الموبيل وكان بيقول
سمعت بنفسك يا حضرة الظابط ابني طلع من عبدة الشيطان واصحابه زيه بدل ما يقعدوا يذاكرو عمالين يطلقو بعض قبل ما يتجوزو و واحد منهم حمادة كان ،،،،،،،
محمد قاطعه وقال
كان اية يا عم انت
وبص محمد ل عبده وقال
ما تشوف ابوك يا عم
عبده
بابا اقفل الباب واخرج اتفرج علي المسلسل الرومي دة النهاردة اخر حلقة
قفل حفيدو الخط وقال
هو اشتغل
عبده
اة يا حبيبي
حفيدو بص في ساعة ايدة وقال
بس لسة الساعة 8 وهو بيشتغل الساعة 10
عبده
هتلاقي اعلانات وحتت من المسلسل اتفرج عليها هتعجبك
قفل حفيدو الباب ورجع عبده يبص ل اصحابه وقال
اقسم بالله كلمة تاني من اي متخلف فيكم هفركش القعدة دي كلها ومش هحل مشكلة اي معتوة منكم تاني خلصت
بصو كلهم ل بعض وقال عبده بعد لحظة من الصمت
انا لقيت شقة تاني صاحبها قافلها من 10 سنين لانه سافر امريكا ومش راجع
محمد
ودي فين
عبده
في وسط البلد
محمد
ايوة بقي سقف عالي
عبده بغيظ
اة ومريحة في المطبات
محمد
هي بتتحرك
عبده
اة وساعات بطير لو ركبت لها بلالاين كتير
ضحك كل الموجودين بص لهم محمد وقال ل عبده وهو مضايق
بتتريق عليه يا ابن حفيدو
عبده
حقي وكلمة تاني منك هدي الشقة ل حجاج
فرح حجاج وباس ايد عبده وقال
وربنا اعيش اللي فاضل من حياتي بطاتي تحت رجليك
عبده
اية القرف دة هو يعني من حلاوة بطاتك
حجاج
تبقي مديني شقة بطير ومريحة في المطبات واستخر فيك بطاتي
يتفتح الباب تاني وحفيدو الموبيل علي ودانه وقال
سمعت يا حضرة الظابط دول كمان ليهم في تجارة الاعضاء وبيدو ل بعض البطاط هات خبير بطات وتعالي حالا وانا هقفل عليهم من برة
وقفل حفيدو الباب فقال وسيم
هو ابوك بيكلم ظابط ب جد
عبده
ما تقلقش الموبيل اللي معه دة فاصل شحن من 20 سنه ممكن بقي نركز
محمد
هنركز يا سيد الناس قول اللي عندك
عبده
الخطة المرة دي هنحتاج فيها رجل حريمي لابسة شراب شبيكا ولبانه بطرقع
بصت العصابه ل بعض وماحدش كان فاهم حاجة خالص ولا انتم فاهمين
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق