رواية إبن حفيدوا الفصل الاول بقلم محمد منصور حصريه وجديده على مدونة النجم المتوهج
 |
احنا 7 اصحاب قولو اخوات عبده حفيدو ودة اللي هو انا واتعرفت في الكلية باسم ابن حفيدو بيقلشو علي اسم فيلم ابن حميدو ومحمد سامي و حجاج ابو الحج وسعيد ابو السعد و وسيم قمر الدوله و شيماء نصر و فيحاء نصر هما مش اخوات بس تشابه اسماء جمعتنا كلية واحدة كلية تجارة عين شمس وعملنا فريق مسرح نتحدي بي اي فرقة مسرحية في اي كلية غير كليتنا وكانت حياتنا عادية جدا لغاية ما جه اليوم دة اليوم اللي قررنا في نسرق او شقة من الشقق المقفوله ماهو حرام يبقي في مصر 13 مليون شقة مقفوله واحنا ك شباب متمرمطين مش لاقين شقة نسكن فيها ودي بقي قصتي قصة العصابه بتاعتي ،،،،،
ابن حفيدو
★الحلقة الاولي★
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
بالليل من جوة شقة خمس اوض وصاله وتلت حمامات يعيش عبده مع ابوه حفيدو من السودان وجه مصر من سنين واتجوز مصريه وخلف منها عبده و اللي اصحاب عبده خدو تريقة ومن وقتها عبده اتعرف وسط الشلة ب اسم ابن حفيدو ونرجع ل حفيدو اللي كان قاعد بيتفرج علي الشاشة وقت ما سمع رن جرس الباب اللي كان بيرن باغنية
مين استني واتهني يا هاني يا مهنا
فقال حفيدو ل عبده
نفسي مرة جرس الباب يرن ف ما تلخبطش بينه وبين نغمه موبيلي كل ما الباب يخبط افتكر موبيلي بيرن لانك حاكم عليا احط النغمه دي
عبده قال وهو رايح ناحية الباب
وهو انت عايز تحط نغمه ل اغنيه غير اغنية ابنك اللي كسرت الدنيا
حفيدو
هي ما كسرتش الدنيا دي كسرت كل الموبيلات اللي شغلتها قال استني واتهني يا هاني يا مهني
عبده
بكرة تعرف قيمة الموهبة اللي عندك نجيب محفوظ الجديد انا
حفيدو
انت عيان ياة دة انت مؤلف فاشل كاتب رواية الكلب يقرف يقرها ولا اسمها المتخلف اخرام في عالم الهيلاهوب
عبده فتح الباب وهو بيقول
كفاية بقي تكسير مقاديف
واول ما الباب اتفتح ظهر شاب شبه بيت العنكبوت عند وش قد نص رغيف العيش و شعر كبير اوي ومنكوش شبه وردة عباد الشمس بص حفيدو للمنظر وهو قاعد مكانه قال
عبده انت تعرف اينشتاين الغلابة دة منين
الشاب دة هو المخرج محمد سامي لا مش محمد سامي اللي انتم تعرفو دة محمد سامي اللي بيتجاب اون لاين وقال محمد سامي ل عبده
ما تحوش ابوك عني يا عم وعرفو ان مخرج روايا اخرام في سقف المدينه
حفيدو سمع الاسم فقال
هو انت واصحابك تخصص اخرام
عبده وهو بيشاور علي اوضة في اخر الصاله
خش وما تعملش عقلك بعقله
وراح محمد ناحية الاوضة فقال حفيدو
رايح فين دة
عبده
دة مخرج الفرقة اللي انا فيها وجاي لي علشان نتكلم
حفيدو
تتكلمو بدل ما تذاكرو
عبده
ما احنا هنتكلم في المذاكرة
حفيدو وهو بيبص ل شعر محمد
ما تاخدوا وانزلو اتكلمو عند الحلاق الواد دة خلاص شعره كل وشه كله ما بقاش فاضل الا لقمة صغيرة
محمد
يا عبده انا كدة بتهزق وانا ما حدش يهزقني غير استاذي محمود حميدة
عبده
اعتبره محمود حميدة وخش الاوضة وانت ساكت
ووصل محمد ل اوضة عبده وقبل ما يدخل يرن جرس الباب تاني فبص عبده للباب ورجع بص ل محمد وقال
ادخل انت وانا هفتح ل باقي الشلة وجاي وراك
و دخل محمد الاوضة وعبده راح يفتح باب الشقة وفتح الباب علشان يقف قصاد منه تلت شباب حجاج ابو الحج فلاح الفرقة وسعيد ابو السعد مساعد المخرج محمد سامي والطبلة بتاعته ووسيم قمر الدولة نجم الفرقة واغني واحد فيهم ولما حجاج شاف حفيدو قال بلغة فلاحي
هيو العم حفيدو سهران لية لغاية دلوقتي دي الفراخ باضض ونامت
عبده
مالكش دعوي بي وخش وانت ساكت حاكم هو ما بيحبكش و لو شاف،،،،،،،،،
لكن عبده ما كملش الجملة وسمع حفيدو بيقول
اية اللي جابك حجاج عبد العظيم دة هنا
حجاج ضحك وقال
الله يحظك يا ابا الحج حفيدو ديما تتلخبط بيني وبين استاذ حجاج عبد العظيم دة فنان واني ،،،،،،
قال حفيدو مقاطعة له
فوكما عارف الفوكما
حجاج
دي مين دي
حفيدو
مرات كلب البحر
حجاج
اية هيو دة
وبص حجاح ل عبده
اني مرات كلب البحر دي كدة شوتمه
عبده
هي شوتمه وبعدين يا حجاج انت زعلان لية من انك مرات كلب البحر ما انت معروف في الكلية كلها ان ريحتك مش ريحة بني ادميين وكل ما بتيجي تبات عندي ابويا تاني يوم بيرش الشقة كلها تيتول
حجاج
التيتول دة شوتمه صوح
عبده
يا عم ادخل وانت ساكت بقي
لكن حفيدو يسكت لا ما ساكتش وبص ل وسيم وقال
ودة مين يا عبده
عبده
دة سعيد ممثل معانا في الفرقة ومساعد المخرج
سعيد
انا اللي جاي انا اللي هقعد السقا في البيت
حفيدو
انت يا معفن هتقعد احمد السقا
سعيد
لا يا عم جربتان انا بتكلم عن عصام السقا
حفيدو
دة انت عبيط بقي
سعيد ل عبده
عبده ما تخلي ابوك يهدي عليه شوية وعرفو اني انا بطل الفيلم التسجيلي بتاع اسكندرية فوق كوبري استني
حفيدو
استني اركن وانزل اديك بالجذمة
سعيد
يااااااااااا عبده وبعدين بقي انا ساكت علشانك انت
عبده
معلش حقك عليه راجل كبير
لكن هنا حفيدو بص ل وسيم اللي قال
اوعب تفكر تغلط فيا انا منتج الفرقة دي واغني واحد فيهم انا وسيم قمر الدولة لو حبيت تتريق عليه مش هتلاقي اللي تقوله
حفيدو
انا اصلا قرفت منكم
وبعدها بص حفيدو ل عبده وقال
واد يا عبده هو في اية النهاردة اصحابك كلهم هنا
عبده
هنذاكر يا حج هنذاكر
وبص عبده ل اصحابه الثلاثة وقال
خشوا الاوضة بقي
حجاج
ابا الحج حفيدو دة اصعب من كمين شرم
عبده
طيب خش يا اخويا بدل ما يرجعك من نص الطريق
ودخلو الثلاثة الاوضة ولسة هيدخل عبده الاوضة رن جرس الباب تاني فقال حفيدو
واد انت عملت اوضك سنتر للدروس الخصوصية
عبده
والله ابدا
وفتح عبده باب الشقة علشان يلاقي اخر اثنين في الشلة بنتين زي القمر شيماء نصر و فيحاء نصر اللي كانو لابسين نفس الطقم ونفس قصة الشعر هنا برق حفيدو وقال
انتو طلبتو نسوان دليفري كمان
شيماء اتعصبت وقالت
ما تخلي ابوك يحط بوقه في لسانه
فيحاء
ما تخلي ابوك يحط بوقة في لسانه
عبده
يعني انتي البغبغان بتاعها واحنا عارفين لكن اعقلي الجملة اللي انتي بتعديها مش تعيدي وخلاص
حفيدو
ودول هتذاكرو معاهم اية ماس
عبده
اشمعني ماس يعني
حفيدو
اصلهم بيطلعو كهرباء وهما لسة علي الباب اومال لما يدخلو الاوضة هيحصل اية
شيماء
ابوك دة كائن هولامي لا يطاق
فيحاء
فعلا هولامي
عبده
ممكن تدخلو الاوضة وانتو ساكتين بلا هولامي بلا مياصة فرغه
وبص ل ابوه وقال
وانت يا بابا كفاية بقي دول متجوزين ورجالتهم جوة
حفيدو
كمان رجالتهم جوة دة احنا في اخر الزمان ودلوقتي الباب يخبط ويدخل علينا ياجوج وماجوج
عبده
مش هنفتح ل حد تاني خلينا ندخل نذاكر بقي
حفيدو
وانا هقعد هنا ل وحدي
عبده
هنخلص مذاكرة وهنطلع كلنا نقعد معاك،،،،
ومن جوة الاوضة كان عبده واقف قصاد اصحابه وبيقول
طبعا انتو كلكم مستغربين انا لية جمعتكم هنا
محمد
فعلا كلنا مستغربين وانت عارف احنا ورانا اية
عبده
ورانا اية
محمد
ولا اي حاجة
عبده
تبقي تسكت وتخرس خالص وتسمعني كويس
محمد
احترمني شوية انا مخرج هيبتا مسطرد مرج
عبده
والنبي تتلهي دي مش اسم رواية دة اسم خط نقل
محمد
طيب اسكت وقول انت عايزنا في اية
عبده
كلكم تعرفوا باللي حصل ل سعيد ومراته شيماء
حجاج وهو بيضحك
ايوة اني عرفت طردتهم صاحب الشوقة
عبده
اتشكيت شوقة في قلب مزراينك يا بعيد اللفظ سعد
حجاج
اني اقصد كشحهم
عبده
اسكت
وسيم
ما تخلص يا عم وقول اللي عندك
عبده
هنجيب حق سعيد وشيماء
وسيم
ايوة ازاي بقي
عبده
هنفتح شقة مقفوله من سنين
وسيم
انت بتقول اية علي اخر الزمن هنبقي حرامية
عبده
انت عارف في كام شقة اصحابها قفلنها في مصر
بصوا كلهم ل بعض وفضلو ساكتين فقال عبده
13 مليون شقة احنا بقي هنفتح شقة من دول ل سعيد وشيماء
محمد
ونبقي عصابه
عبده
طالما مش لزما صاحبها فهي تلزمنا احنا ولا عجبكم رمية صحابنا في بيت حماه
ورجع السكوت تاني يحل علي الاوضة وكلهم بيفكروا في المصيبة اللي داخلين عليها وبكرة باذن الله هقول لكم باقي اللي حصل سلام ،،،،،،،،،
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق