رواية ابن حفيدو الحلقه السادسه بقلم محمد منصور حصريه وجديده على مدونة النجم المتوهج
 |
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وقفل حفيدو الباب فقال وسيم
هو ابوك بيكلم ظابط ب جد
عبده
ما تقلقش الموبيل اللي معه دة فاصل شحن من 20 سنه ممكن بقي نركز
محمد
هنركز يا سيد الناس قول اللي عندك
عبده
الخطة المرة دي هنحتاج فيها رجل حريمي لابسة شراب شبيكا ولبانه بطرقع
بصت العصابه ل بعض وماحدش كان فاهم حاجة خالص فقال لهم عبده
احبكم كدة وانتم طور الله في برسيمة
وسيم
ما تقول يا عم اللي عندك من غير ما طوله لسان
حجاج
هو يعني هيجيبة من برا من هو ابن حفيدو
عبده
حتي انت يا حجاج بتقلش علي حفيدو دة ما فيش حد غيرك ما خلص الجبنه والفينو بتوعه
محمد
فينو اية دلوقتي ما تقول خطتك وخلصنا وبطل رغي
عبده
العمارة اللي فيها الشقة عليها بواب ارخم من الرخامة ما بيعديش الهواء وعنده فرت حركة ما بيقعدش في حتة ودة بسبب البرشام اللي بياخدو
محمد
وانت خلاص داقت بيك الدنيا رايح تجيب لنا شقة في عمارة زفت زي دي لية
عبده
اللي لقتها واتاكد ان صاحبها مش راجع مش بس كدة صاحب الشقة اسمه د.سامي شلابي ابو الغيط
حجاج
ودي فيها اية يعني
عبده
هو انتم ما تعرفوش ان محمد سامي اسمه الرابعي محمد سامي شلابي ابو الغيط
بصو كلهم ل محمد وفضلو مبلمين ومحمد قال
اية مالكم ساكتين لية عادي يعني
هنا بقي الضحك ابتدا والقلش اشتغل وقال وسيم
اية الاسم المسخرة دة شلابي دة جمع شلبي
ويضحكوا الباقي وسعيد بيقول
ولا جدك ابو الغيط تلاقيكم عديتو الفقر من بعد ما دخل كردون مباني
شيماء
اما جدك الاولاني اسمه ابو الغيط اومال جدك التاني اسمه اية
عبده
ودة سؤال برضو القناطر اكيد
وسيم
يلا اللي عايز يركب ابوالغيط من هنا
وشاور علي محمد ويضحكوا وشعر محمد يقف اكتر من الغيظ والغضب وقال حجاج وهو بيحط ايدة علي كتف محمد
شلابي شيل يا عسكري دي زي مخالي شيل هههههههي
وهنا صرخ فيهم محمد باعلي صوت عنده وقال
بس يا ولاد الكلب وكلمة تاني من اي حد منكم انا مش هسكت والاسم اللي تتريقو عليه دة اسم تركي
وبص ل عبده بحدة وقال
قول اللي عندك واخلص
عبده
هنشيل اليفطا اللي علي باب الشقة ونحط يفطا تانية عليها
محمد
ولما هي سهلة كدة يبقي اية لزمة الشراب الشبيكة
عبده
ما احنا محتاجين اللي يلهي البواب ل غاية ما احنا نغير اليفطا
وسيم
طيب وانت عايز تغير اليفطا لية
عبده
علشان نزاول البواب
وسيم
هنزاولة ازاي بقي
عبده طلع موبيله وفتح معرض الصور ووراهم اليفطا اللي محطوطة وشاور علي حتة فاضية في اليفطا وقال
هنا بقي هنزود ووالده محمد
محمد
اية دة هو محل بقاله
وسيم
ولا انت فاكر ان البواب دة حمار وهتخش عليه الاونطة دي
عبده
هتخش
سعيد
هي اية اللي هتخش دة لو عيل صغير مش هيصدق الهبل دة
عبده
هيصدق ل اننا هنخلي ديما يشوف كلمه ووالده لمدة اسبوع و علي كل حاجة قصاد عينيه وبكدة هيفتكر ان اليفطا دي عليها من الاول كلمة ووالده ويدخل محمد سامي الشقة وهو ابن الدكتور سامي والبواب هيرحب بي كمان
محمد
مش انت ابن حفيدو بس عبقري
عبده
دة علم نفس مش شغل هرس
وفي علم النفس لو فضل البني ادم مننا شاف كلمة او رقم اكتر من مرة وعدي علي جملة كبيرة مافيهاش الكلمة دي بتحصل ل عيونه حاله من حالات المزوله وبيشوف الكلمة او الرقم اللي فضل يشوفها كتير جوة الجملة مع انها مش موجودة لكن هنا اللي شاف عقله مش عيونه
وسيم
يا ابن الصايعة
عبده
دي شتيمة صح
وسيم
دة اعجاب ب شخصيتك القذرة
عبده
علي الرحب والسعة
حجاج
طيب دلوقتي يا فالح مين هيلبس الشراب الشبيكة ومين هيغير اليفطا
عبده بص ل فيحاء وقال
فيحاء
محمد وقف زي الديك الرومي وقال
عايز رجل فيحاء تبان ل راجل غريب ولية دة كله علشان ناخد الشقة تغور اللقمة المتغمسة ب تراب الارض وتغور المية اللي فيها فسيا كلب
عبده
ما هي شيماء مش هتنفع تلبس شراب رجليها طخينه وجسمها شبه الهرم رفيع من فوق ونازل علي عريض من تحت
شيماء
ولا لم لسانك بدل وعهد الله اجيبك من شعرك
عبده
ما قصدش والله انا اقصد ان سعيد جوزك مش هيرضي تعملي دور اغراء
شيماء
لية ان شاء الله انا ممثلة واعمل اي دور طالما بيخدم الدراما
عبده بص ل سعيد
جوزها انت موافق علي كدة
شيماء
هتدفعوا كام
كلهم في صوت واحد
نعم
سعيد
اقصد لا طبعا
عبده
انا كنت عارف انك ابن بلد
شيماء
وانا قولت هعمل الدور يا سعيد وهثبت لهم اني لسة فورما
عبده
يا كابتن مصر الموضوع مش محتاج تثبتي حاجة لكن انا هنا صاحب العصابة وشايف ان فيحاء هي اللي تنفع للدور دة
شيماء وهي بتصرخ
وانا قولت لا
عبده ل سعيد
ما تقول حاجة يا جوزها
سعيد بص لها وشاف الشر في عيونها فرجع بص ل عبده وقال
انا من رايي ان هي وفيحاء يخشوا علي البواب وهو اللي يختار مين تنفع ومين ما تنفعش
بصت شيماء ل فيحاء وقالت
انا طبعا
فيحاء
انا طبعا
شيماء
بت مش وقته البغبان اللي جواكي يتكلم
فيحاء
لا مش بغبغان يا حبيبتي بس دي شقتي وانا لازم اتعب علشان اوصل لها
شيماء
ودة من امتي
فيحاء
من النهاردة يا عينيه دة انا فيحاء المفترية اللي ما حدش بيقدر عليه
شيماء
كدة طيب البسي الشيباكة ووريني نفسك يومها وانا اوريكي انك ولا حاجة
فيحاء
دة انا اللي هوريكي ،،،،،،،،،
وعدي الاسبوع والاثنين دخلو علي البواب وهما لابسين الشراب الشبيكة والبواب بص ناحيتهم وبرق اوي وبدا يهرش في شعر صدره وبعدها مشي ناحيتهم وقرب وهما قربوا وهو يقرب وهو يقرب وهوب،،،،،،،،،،،
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق