رواية ابن حفيدو الحلقه الرابعه بقلم محمد منصور حصريه وجديده على مدونة النجم المتوهج
 |
رواية ابن حفيدو الحلقه الرابعه بقلم محمد منصور حصريه وجديده على مدونة النجم المتوهج
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
عبده برق لان الصوت دة يعرفوا كويس لكنه كذب نفسه ولف وشه وهو بيقول لنفسه
يارب ما يكون هو يارب ما يكون هو
لكنه لف وشاف ابوه حفيدو لابس جلبية معلمين وفي ايدة نبوت بكباسين فلطم وقال
يا ابن الكلب يا محمد بقي جايب ابويا هو اللي يحلها دة احنا كدة اتنفخنا
وراح عبده جري ناحية ابوه وقاله
بابا انت اية اللي جابك هنا
حفيدو
عايزني اعرف ان انت معاك حكاية واسكت دة انا جبت نبوت الناجي
ابو كالسين
عبده
كالسين اية هو النبوت بردان روح يا بابا انا كويس
حفيدو زقة بعيد عنه وقال
ورب الكعبه ابدا دة انت ابني ياة
وراح حفيدو ناحية بدر الجزار ووقف قصاد منه بالظبط وكان وصله عند سوته وقال حفيدو
اسمع يا بقرة حمزة ان،،،،،،،، اةةةةةة
لكن هوب وفي لمح البصر حفيدو كان متعلق جنب سعيد و شيماء وبص بدر ل عبده وقال
هات ياة النبوت دة
بص عبده ناحية النبوت اللي علي الارض ومسكه واداه للمعلم بدر وهو بيقول
دة نبوت بكالسين حلو في الشتاء لو حبيت تلبسه
بدر بعصبية
هلبس نبوت انت بتقول اية
عبده وهو بيدي النبوت ل بدر
انا ما بقولش
مسك بدر النبوت وبص له وقال
دة نبوت الناجي
عبده
اومال اية ما هو دة حفيدو ابن الناجي
بدر بص ل حفيدو وقال
هسيبهم يمشوا وسيب لي النبوت دة اذكار منك
حفيدو
كله الا نبوت الناجي
بدر
هديك في 20. اورو
عبده
تقصد يورو يا معلم
بدر
ال اورو اكتر من اليورو يا غشيم
محمد سامي ل عبده
مش ال اورو دة بسكوت بشيكولاته هو اترقي وبقي عمله
عبده
نزل امتي ال اورو دة يا معلم
بدر حط ايدة في جيبة وطلع عمله لونها بنفسجك عليها صورة واحد احول وقال
هو دة ال اورو
حفيدو
ولا كل اوررات الدنيا دة نبوت الناجي
بدر
50 اورو و لخص
حفيدو
نبوت الناجي خصايا ما يتبعش ولا بفلوس الدنيا
عبده
هو دة مش نبوت الناجي اسم الله عليه
حفيدو
لا دة نبوت اشتريته وانا جاي من محلات الناجي خصايا لزوم الخناقة
عبده ل بدر
هات يا معلم 10 اورو وخد النبوت
بدر
ماشي الكلام يا فنان
حفيدو
بتبيع نبوت جدك يا واطي
عبده
اسكت بقي وخلينا نمشي من هنا انت فرحان وانت متعلق كدة وقريب هتتباع سجق بلدي وحووشي
حفيدو
واقول اية ل الناجي خصايا
عبده
انت مالك عامل حساب ل خصايا اوي كدة دة خصايا يعني لو كتر هنحطة في طبق سلطة ونخلص منه ،،،،،،،،
ومن جوة شقة سعاد المحروقة يقف محمد مع سعيد وشيماء وعبده قصاد منهم وكان بيقول
وش نظافة والشقة دي تبقي فرتكة
كانت شيماء فرحانه اوي وهي بتفتح كل اوض الشقة وبتقول
فعلا جميلة اوي وكفاية انها بتاعتنا
وقال عبده ل محمد
مش يلا بينا احنا وسيب العرسان مع بعض
سعيد
وابني
عبده برق ل سعيد وقال بهزار
تجيب مليون ج برجع لك ابنك
سعيد ضحك وقال
تجيب انت 20 اورو وتخلي معاك
عبده
هو انا حمار دة اللي قاعد علي
200 ج مكشر وال قاعد علي ال اورو احول هي ناقصة حزن انا ماشئ
ومشي عبده وخد معه محمد وشيماء فضلت تفتح كل الاوض لغاية ما فتحت الاوضة اللي اتحرقت فيها سعاد وقالت
والاوضة دي هخليها اوضة الاطفال
لكنها شافت واحدة قاعدة مربعة في نص الاوضة وبتقول
أ . ح يا بت كانت شقة امك دي
اتسمرت شيماء وفضلت تترعش وهي ماسكة مقبض الباب وسعيد بيقول
بس انا شايف بقي ان الاوضة دي هتبقي احلي لو اتعملت اوضة اطفال
بصت له شيماء وقالت
أ . ح ياة هي كانت شقة امك
سعيد استغرب وقال
اية ال أ . ح دة اوعي يكون اللي في بالي اداء اعتراض
شيماء
ما عرفش هي ولا لا بس هي قالت كدة
سعيد
هي مين
شيماء شاورت ناحية الست اللي قاعدة مربعة وقالت
دي
راح سعيد ولقي الاوضة فاضية فقال
دي مين
شيماء
دي . دي
واتصدمت شبماء لما شافت الاوضة فاضية فقالت
والله العظيم كانت قاعدة هنا ومربعة
سعيد
هي مين
شيماء
ما عرفش
سعيد
طيب تعالي ندخل ننام ونشغل القران برضو الشقة مقفوله بقالها سنين
شيماء
احسن برضو
وشغل سعيد القران وشيماء عماله تبص للاوضة اللي بقت فاضية فقال لها سعيد
ما تركزيش بقي مع الاوضة
شيماء
ولو طلعت لي أ . ح تاني
سعيد
قولها انك ب . ي . س يعني بيس
شيماء
انت بتهزر
سعيد
لازم اهزر اومال اضيع فرحتي ب الشقة انتي مش شايفة هي حلوة ازاي
شيماء
هي فعلا حلوة اوي
سعيد
ابن حفيدو دة دماغة تتاقل بالالماظ وانا قريب لازم اعزمه علي اكله سمك هنا بس لما نودب الشقة ،،،،،،،،
وبعدها بكام يوم يصحي عبده علي رنه موبيله فيفتح عيونه بصعوبه ويبص للموبيل يلاقي اسم محمد سامي قال
ودة عايز اية دلوقتي
ورمي الموبيل جنب منه بعد ما عمله صامت وتنتهي الرنه ويرن الموببل تاني وبرضو كان محمد سامي فرد وقال
الو يا مخرج الروايح
لكنه يسمع صوت فيحاء بتقول
انا فيحاء
بص للموبيل تاني يتاكد من اسم المتصل لقي محمد سامي فقال
ازاي طيب انتي مع محمد دلوقتي
فيحاء
اة كنا قاعدين نتكلم ويا بعض وقررنا انك تفتح لنا شقة نتجوز فيها
عبده
فيحاء انتي علي علاقة ب محمد سامي
فيحاء
يا لهوي عليه انت ناسي اننا قرين فاتحة من خمس سنين
عبده
فتحت اية اتفتحت دماغك يا بعيدة
فيحاء
لما كنت بتصلي بينا مش كلنا قرينا الفاتحة
عبده اتعدل وقال
واني حمار قال لك ان الفاتحة دي معنها انك مرتبطة
فيحاء
محمد قالي كدة اومال انا سكت عليه طول السنين اللي فاتت وما خلتهوش يجي يقابل بابا
عبده
وما قلكيش ان الله اكبر زيها زي كتب الكتاب
فيحاء بهبل
يعني هو دلوقتي جوزي ومش لازم يقابل بابا
عبده باستهزاء
ويقابله لية ما انتم قارين فاتحة وقال الله اكبر وانتي معانا
فيحاء
حبيبي يا محمد
عبده
دة اشتغلك يا بقرة حمزة علشان ما يخطبكيش رسمي انتي اية يا بت شايلة دماغك وحطة مكانهم جبنه مثلثلات
هنا يسمع صوت محمد بيقول
ابن حفيدو لم نفسك وخليك في حالك وتفتح لنا شقة وانت ساكت خلينا نتجوز فيها بقي
عبده
انت يا محمد اللي بتقول كدة وتبقي عملت زي الصليبين لما دخلو اورشليم وحرقوا وش ليلي فوزي ليلة ما كانت رايحة تسلق البيض ل احمد مظهر وتعمل له عيش قاليط
محمد بتناكة
اية العك والقرف دة اللي انت بتقوله دة وفي عيش اسمه قاليط القاليط دي مش عيش انا مش حمار
عبده
مرة ما نفسي اقول التخريف اللي انت بتقوله واعمل فيها مثقف زيك
محمد
طيب كفاية وقولي هتفتح لنا شقة ولا لا
عبده
من عينية يا غالي بس سيبني ادور علي شقة تليق بيك انت وفيحاء
محمد
طيب بسرعة حاكم احنا مستعجلين
عبده
جري اية يا روح امك اكنش شغال عندك
محمد
انا مخرج الفرقة دي وكلكم شغالين عندي ولا انت نسيت نفسك يا ابن حفيدو
عبده
طيب اقسم ب ،،،،،،،
قاطعة محمد وقال
لا ورحمة امك الغالية دة انا بحبك يا عبده يا عم الدنيا كلها
عبده
طيب لم نفسك و متنساش انت كنت شغال اية في كوم حمادة وحمادة كان بيعمل فيك اية بالليل
فيحاء
كان شغال اية يا عبده وحمادة كان بيعمل اية
محمد
عبده سلام بقي علشان من ستره ربه ما يفضحهوش عبده
وقفل محمد الخط وعبده حط الموبيل جنب منه ورجع ينام تاني وساب فيحاة بتبص ل محمد سامي وبتقول
قفلت لية قبل ما تقولي حمادة كان بيعمل اية فيك
محمد بتناكة
فيحاء شامم في كلامك ريحة مش حلوة ولو عايزا تفضلي مراتي احسن تنسي حكاية كوم حمادة دي خالص مفهوم ......
وفي نفس اليوم بالليل كانت شيماء نايمة جنب جوزها سعيد حبت تقوم تعمل حمام راحت لغاية الحمام لقت الحمام مقفول بقفل وقصاد منه اقماع صفراء ومكتوب علي باب الحمام
**منطقة عمل حفر وتكسير ل انشاء خط المترو الرابع اللي عايز يعمل حمام عنده حوض المطبخ **
صرخت شيماء وقالت
يا سعيد
هنا تظهر لها سعاد المحروقة وكانت متعصبة وبتقول
خ. خ يا بت صوتك ميعلهاش في شقتي فاهمة واية بتنادي سعيد هتخوفيني بالزبرا بتاعك مثلا
شيماء صرخت من بطنها لان تقريبا القولون اتخرم ووقعت علي الارض مغمي عليها .......
اللي ضحك يقول بتيييييييخ
يتبع
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق