رواية ابن حفيدو الحلقه السابعه والثامنه والاخيره بقلم محمد منصور حصريه وجديده على مدونة النجم المتوهج
 |
رواية ابن حفيدو الحلقه السابعه والثامنه والاخيره بقلم محمد منصور حصريه وجديده على مدونة النجم المتوهج
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
وعدي الاسبوع والاثنين دخلو علي البواب وهما لابسين الشراب الشبيكة والبواب بص ناحيتهم وبرق اوي وبدا يهرش في شعر صدره وبعدها مشي ناحيتهم وقرب وهما قربوا وهو يقرب وهما يقربوا وهوب البواب دخل ما بينهم وراح ل واحدة تالته كانت ماشية وراهم ولابسة برضو شراب شبيكة وقال
شوفتك بتشاوري قلبي دار من مطرحة وجالك جري
ضحكت البنت دي وقال بالفلاحي
عايزاك يا عسل انتا
ومسكته من ايدة وعديت بي وسط شيماء وفيحاء وبصو الاثنين ل بعض وقالو في نفس واحد
دة حجاج و لابس واحدة ست ،،،،،،،
ونرجع بالاحداث ل كام يوم والعصابة قاعدة علي القهوة من غير شيماء وفيحاء وكان عبده بيقول ل حجاج وهو باصص له
ايوة انت اللي هتلبس الشراب الشبيكة
حجاج
لية يا ابو البلد
عبده
علشان شيماء مش هتركز في اللي المفروض تعمله وفيحاء نفس النظام الاثنين شغلو خصية غيرانه مني وانا احسن منها ودة غلط ومش وقته وهيخليهم يخرجوا عن الخطة اللي انا رسمها وبدل ما يلهو البواب ممكن يتخانقو مع بعض قصادة وتبقي باظط
وسيم
صدق صح بس تفتكر ان حجاج هيعرف ياكل الجو منهم
عبده
هو انت نسيت لما عملنا في الكلية مسرحية سكر هانم وحجاج عمل دور سكر خرب الدنيا ازاي وقتها دة انا كنت هتجوزة بعد العرض بس افتكرت ريحته
وسيم
هي ريحته فرقت مع الخليجي اللي كان قاعد اول صف وكان عايزه يروح معه وقعدنا نحلف له انه راجل وهو راسة والف جذمة انه يروح معه عادي اصل الواد حجاج دة فلاح من فلاحين اوروبا اللي بيزرعوا رز بلبن
حجاج
ما كفاية بقي اني كدة هتغر
وسيم
فرحان انك مراة
عبده
لا و هو كان وقتها في كمية انوثة فشر هند رستم
محمد
اياك واوعي تشبه اي حد ب الاستاذة بتاعتي هند رستم
عبده
يا عم مش وقتك بقي اسكت وكمل كوباية الحلبة اللي قدامك وبعدين هند رستم استاذتك ازاي انت عمرك شوفتها
سعيد
يمكن شايف نفسه في ادوار الاغراء اكتر منها
محمد ضرب التربيزة بايدة وقال بحدة
اوعي تفكر تقول اللي ما تقدرش تعمله دة لو الدنيا علي جناح يمامة ف الانسان يعيش مرة واحدة واياك تنسي انه مضي قطار العمر يا ولدي
عبده
دي افلام السهرة برعاية دومتي
محمد
لا تسخر من اللي مدرستة مدرسة الحياة والفلسفة اسلوب حياته
عبده
انت بتاع فلقسة انما الفلسلفة دي مش مجالك
محمد
ديما شجرة البعوض يحدفوها الحاقدين بالطوب
عبده
نفسي تتكلم عادي زينا بلاش كلام مثقفين مش لايق عليك انت اهبل ياة
محمد
انا مسمحلكش دة انا مخرج رواية هه يا عابدين
وسيم
عابدين اللي جابوك
محمد ل وسيم
سمعتك يا كلب المعيز ودة احقر انواع الكلاب اللي بيمشي بودي جارد ل شوية معيز
عبده
مش بقول لك اهبل و هثبت لك انك اهبل ل نفترض ان في شجرة بعوض مين متخلف يروح يحدفها ب الطوب من حلاوة البعوض اوي ولا انت فاكر ان البعوض دة زي التوت بيتاكل شوفت واخدنا ب الكلام معاك ل فين ديما كدة اللي يتكلم معاك يطلع مسحول خلونا نركز في الخطة اللي هنجيب لك بيها الشقة
ورجع عبده يبص ل حجاج وقال
ركز معايا بقي و عايزك تمسحهم من الارض وتعرف شيماء وفيحاء انهم بقو نسوان بالوسطي
سعيد بص عبده وقال
شيماء دي مراتي صح
عبده
هي غلط انا قولته
سعيد
لا بصراحة هي الفترة الاخيرة جسمها بقي واخد شكل الجرس
عبده
يبقي حجاج هيلاغي البواب وقت ما انت يا وسيم هتركب اليفطا الجديدة مع محمد
سعيد
وانا وانت هنعمل اية
عبده
هنزل سكينة الكهرباء العمومي ونخلي العمارة ظلمة كحل علشان الكاميرات ما تصورش اللي هيحصل وبعد ما اليفطا الجديدة تركب هنرجع النور تاني ،،،،،،،
ونرجع ل بواب العمارة اللي مقرب اوي من حجاج وبيقوله
والجميل اسمه اية
حجاج
حجاج
البواب اتفزع وقال
اية
حجاج عرف انه خرف فقال
حجاجة
البواب
اية الاسم الغريب دة
حجاج بدلع
اية مالكش في الحجاجة ما تربوهش حجاج بلدي علي السطح
البواب
هو انتي بتتكلمي عن الدجاج صح
حجاج
اسم الله عليك انا بقي امي من حبها في الدجاج سمتني حجاجة ويسلام عليه وانا مشوية ولو مزاجي رايق تاخد مني احلي بيض
البواب
الله انتي كمان بتبيضي
حجاج
الله وما بيضش لية طيب مش حجاجة
وضحك حجاج ضحكة خليعة ومشي ايدة علي شعر البواب وقال
والحجاجة منها عايزا اية الا ديك زيك يلدعها وينقرها لما تغلط وينتف ريشها لو بصت ل ديك غيره
وهنا شاف عبده وسعيد واقفين قصاد مدخل العمارة وعبده بيشاور له علي اوضة البواب بص حجاج للاوضة وقال
بقول لك اية ما عندكش سرير في اوضك ندخل نجرب المولل بتاعته ولا هو سوست
وشلح حجاج وبين حتة من الفخدة برق البواب وبلغ ريقة بالعافية وقال
سوست يا عسل
حجاج
طيب ما يلا بينا ايها الفرعون صغير
ودخلو الاثنين الاوضة وهنا يفتح عبده وسعيد باب العمارة ويدخلو العمارة ويلاقو وراء منهم شيماء وفيحاء وشيماء قالت
اية اللي انت عملته دة يا ابن حفيدو
عبده بص لها وقال
عملت اية
شيماء
تبعد حجاج في لبس واحدة ست
عبده
غلطان انا علشان خايف عليكم من البواب
فيحاء
وهو البواب يعني كان هيعمل لنا اية هو من الزنوبا
سعيد
مين الزنوبا دول
فيحاء
جمع زومبي
عبده
انا كل يوم بتاكد ان ما كنش ينفع واحد زي محمد سامي يرتبط بواحدة غيرك
فيحاء
اشمعني
عبده
نفس معدل الهبل
سعيد
عبده ما عنداش وقت احنا للرغي دة عايزين نفصل الكهرباء بسرعه قبل ما حجاج يخرج من الاوضة وهو حامل
عبده بص لهم وقال
ممكن بقي تمشوا دلوقتي وبعدين هنبقي نتكلم
شيماء
ماشي يا ابن حفيدو ليك روقه
ومشيو الاثنين و سعيد قال
فين اوضة الكهرباء
عبده شاور ناحية اوضة البواب وقال
هناك في اوضة البواب
سعيد
نعم وهندخل ازاي وهو جوة مع حجاج
عبده
انا مافهم حجاج يعمل اية
وراحو الاثنين ناحية الاوضة وفتح عبده الباب بشويش ودخل عبده بعد ما شاف البواب لابس جهاز ال V R وعمال يلعب وحجاج بص لهم وقال
خشوا بسرعه
البواب
لا خشوا بالراحة بالراحة ونخش جراحة
وفضل البواب يلوش يمين وشمال وهو بيقول
ما تيجي في حضني يا حجاجة دة اللعبة دي بتحب الاحضان اوي
حجاج
هغير وجاي لك
البواب
كل دة بتغيري هدومك
حجاج
ماتبقاش شاب طايش بقي
وشاور حجاج بايدة ل عبده و سعيد ودخلو الاثنين علي طراطيف صوابعهم وهنا يصرخ البواب ويقول
لا بقي اتنين مرة واحدة كدة كتير عليه
لسة هيخرج سعيد جري مسكه عبده من قفاه وقال بشويش
مش احنا
البواب
لا انتم
بص عبده للبواب وهنا البواب قال
مش هتخوفوني بالسيف اللي في ايدكم دة
عبده قلبه وقع في رجليه وقال
يلعن امك ما تتبسط وانت ساكت
وراحو ناحية باب الكهرباء وفتحو الباب ومسك عبده سكينه الكهرباء ونزل بيها في نفس الوقت يسمعوا صوت فرقعه يتخط سعيد ويصرخ وهو بيقول
الكهرباء مسكت فينا
حجاج
ما تخفش دة فردة صدري اليمين فست
البواب قلع جهاز ال V R ولقي الدنيا طلمة فقال
حجاجة انتي فين
وقفوا الثلاثة اتسمروا وقال حجاج
ان جنبك اهو
البواب
النور قطع لية
حجاج
تخفيف احمال
البواب
فعلا الاحمال شديدة اوي النهاردة
ولوش بايدة جت في فردة الصدر الدنيا فرقعت اتفزع البواب وقال
اية الفرقعه دي
حجاج
من كتر الاحمال صدري ما استحملش
وطار
البواب
طار ازاي
حجاج
امر الله هتعترض ولا اية ولا انت بقي كنت بتحبني علشان صدري وبس من انت باين عليك غشاش وشهوائي متعفن
البواب
احبك امتي وازاي دة انا لسة عارفك من كام دقيقة
عبده وسعيد استغلو لحظة العتاب الجربانه دي وخرجو جري من الاوضة ،،،،،،،،
وفعلا اليفطا ركبت وقبل ما الكهرباء ترجع كان حجاج خارج من الاوضة وسايب البواب بيلعب تاني بجهاز ال V R وتاني يوم جه محمد للعمارة علشان يسكن لكن قبل ما محمد يوصل ب دقيقة كان في اللي واقف مع البواب وبيقوله
انا محمد سامي ابن الدكتور وجاي علشان شقة بابا
برق محمد والشخص اللي كان واقف مع البواب دة بص له وابتسم وراح له ووقف قصاد منه وقال
بلغ تحياتي ل ابن حفيدو وقولو كريم كرملة بيشكرك علي الشقة دي
محمد
انت الحرامي اللي فتح شقة بدر ل عبده
كريم
هو انا ،،،،،،،،
ابن حفيدو
★الحلقة الثامنة★
والاخيرة
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
برق محمد والشخص اللي كان واقف مع البواب دة بص له وابتسم وراح له ووقف قصاد منه وقال
بلغ تحياتي ل ابن حفيدو وقولو كريم كرملة بيشكرك علي الشقة دي
محمد
انت الحرامي اللي فتح شقة بدر ل عبده
كريم
هو انا،،،،،،
ومن جوة شقة عبده يقعد عبده قصاد اصحابه وكان محمد راح جاي في الاوضة وعمال يقول
يعني اية نتعب ونشقي والشقة تروح ل حرامي وعايزنا نسكت
عبده
اومال عايزنا نعمل اية
محمد
نروح نبلغ البوليس
عبده
انت حمار يلا هنبلغ نقول لهم اية شقة مش بتاعتنا رايحين نفتحها سبقنا ليها حرامي
محمد
يعني نسكت
عبده بحدة
اة نسكت علشان مقدمناش حل غير دة
محمد
ما انت صحيح مش فارق معاك حاجة قاعد في شقة يجري فيها الخيل وفي يوم من الايام ابوك هيموت والشقة دي هتبفي كلها بتاعتك لكن احنا هنروح فين
عبده
وانا مالي هتروحو فين كنت ولي امركم انا
محمد
لا بس انت خلتنا نحلم بان كل واحد مننا هيكون لي مكان يبدا من عنده حياته ونحس اننا بجد عايشين
عبده
يا اخي انا بصراحة مستغربك انت كنت اكتر واحد رافض الفكرة دلوقتي بقت حلوة
محمد بعصبية
اتعشمت يا اخي بلاش نتعشم في البلد دي حلمت يا اخي اني بفرش شقة زي ما انا حابب بلاش احلم حرام حتي الاحلام في البلد دي بتتسرق مننا وقدام عيونا لو ما كنش من حرامي كبير يبقي من حرامي صغير المهم اننا نتسرق
وسيم
اهدئة يا محمد مش كدة
محمد
انا هادي اهو هو انا كدة متعصب بس البركان اللي جوة مني مش عارف اسيطر عليه
وسيم
بس انا مع عبده ورايي من رايه احنا ما ينفعش نبلغ البوليس والا هنلبس الكلبشات
محمد
خلاص عبده يشوف لي شقة تانية
عبده
انا مش هشوف شقق تاني وكفاية اوي اللي حصل دة
محمد
ما حصلش حاجة
عبده
لا حصل ان الحرامي كريم طالما وصل لشقة الدكتور سامي قبلنا يبقي هو بيرقبنا وعارف احنا بنعمل اية واي شقة هنحاول نوصل لها هو هيكون هناك قبل مننا افهموا بقي
محمد
وهو ازاي عرف باللي احنا بنخطط له
عبده
ما عرفش
محمد
طيب خلينا نجرب شقة تانية ولو وصل لها قبل مننا وقتها ن،،،،،،،
عبده مقاطعه له
ما فيهاش تاني قولت
محمد
خلاص احنا هنتصرف وهنجيب شقة تاني ب معرفتنا ومش عايزين منك حاجة
عبده
يا اخي افهم بقي كون ان في حد عرف اللي احنا بنعمله يبقي في خطر علينا ولو البوليس شم خبر مش هنترحم وما حدش فينا حمل ساعة واحدة في السجن
محمد
يعني تفضل الشقق مقفوله واحنا محرومين دة يرضي مين دة
عبده
يرضي اصحاب الشقق اللي ما بيفكروش الا في نفسهم وانا شايف ان عادي كل صاحب شقة مقفوله يفتحها يستفيد منها غيره بدل ما العفاريت يسكونها احنا اولي
محمد
ما كنتش بقي من الاول عشمتنا
عبده
ما كنتش اعرف ان الحلم هيتقلب كابوس بسرعه كدة
محمد
يبقي انا بقي هكمل ناحية حلمي ومش هسكت ،،،،،،،،،
ومن قدام شقة سعيد وشيماء كان سعيد بيحاول يفتح باب الشقة لكنه ما كنش عارف وشيماء قالت له
اية في اية
سعيد بص لها وقال
الكالون ما بيفتحش
شيماء
نعم وريني كدة
خدت منه المفاتيح وفضلت تحاول وفعلا الباب ما فتحش وهنا يتفتح باب الشقة من جوة ويظهر كريم بص لهم وقال
نعم اي خدمة
سعيد اتخض وقال ل شيماء
يلا نمشي
شيماء
اصبر
وبصت شيماء ل كريم وقالت
انت بتعمل اية هنا
كريم
انا ابن سعاد المحروقة وابن دكتور سامي انا كريم كرميل وعجبتني اوي فكرتكم وقررت اخد اللي انتم فتحتو
شيماء
دة انت حرامي بجح اوي
كريم
اوي اوي اية زعلانه مني تحبي اتصل بالبوليس واقول لهم علي اللي انا عملته فيكم
سعيد
طيب احنا عايزين عفشنا وكل حاجة لينا جوة
كريم
لا
شيماء
هو اية اللي لا خد الشقة وغور بيها لكن عفشنا اللي دفعنا في دم قلبنا تاخدوا لية
كريم
انا كدة احب لما اخد اخد كل حاجة
شيماء
انت حيوان وجذمة وابن ستين كلب
وقلعت الكوتشي اللي كانت لابسة ونزلت بي علي وش كريم اكتر من مرة وفتحت حاجب كريم اللي زقها بعيد عنه وطلع مطواة من هدومة وجه يضربها وقف قصاد منه سعيد وخد الضربه في معدته صرخت شيماء لما شافت الدم نازل من بطن سعيد طلع كريم يجري مسكوا سكان العمارة وسعيد بص ل شيماء وهو بينزف مش قادر يتكلم وصرخت شيماء قائلا
اسعاف ،،،،،،،،
وبعدها ب شهر عبده كان في القفص هو وكل اصحابه ومعهم كريم وقال القاضي
عبده انت اعترفت وقولت انك صاحب فكرة فتح الشقق المقفوله وانك كنت بتفتحها بمساعدة كريم كرميل الحرامي واجرة شقة سعاد دي ل سعيد ومراته شيماء من غير ما يعرفوا انها مفتوحة بالقوة وبدون علم ورثة سعاد
عبده
ولسة عند اعترافي دة
كريم
يا باشا الواد دة نصاب وكذاب انا ما عرفهوش
عبده
ما يعرفنيش ازاي بس يا حضرة القاضي ورقمه كان علي موبيلي
القاضي
رد يا كريم لما انت ما تعرفهوش جاب رقمك ازاي علي موبيله
كريم
ما عرفش يا بية
القاضي
كريم انت مسجل خطر فتح شقق وسرقتها يعني اي حد هيحب يفتح شقة هيلجا ليك
عبده
ودة يا حضرة القاضي اللي انا عملته
القاضي
يا بية وربنا انا ما شوفتش الواد دة الا مرة واحدة وهو بيفتح شقة سعاد ومن بعدها حطيته تحت المراقبة وعرفت ادخل كل مكان بيجتمع بي هو واصحابة وزرعت لهم مسجل صوت ينقلي كل كلمة بيقولها وقولت انط اخد الشقق اللي هيفتوحها واهو ابيع الشقة من دول ب نص ميلون وتبقي جبرت لكن مش انا اللي فتحت لهم الشقق
هنا يتفتح باب المحكمة وتدخل سعاد المحروقة او بمعني ادق روحها وماحدش كان شايفها الا القاضي وعبده واصحابه وتروح ل غاية القاضي وتبص له في عيونه وتقول
انا سعاد ا . ح ربه منزل زمان محروقة حاليا وجاي لك في كلمتين ورد غطائهم العيال اللي في القفص دول كلهم يروحو ما عدا كريم والا ورب الكعبة اخرج من هنا علي مراتك واعرفها انت كل ليلة خميس وجمعه بتروح تعمل اية في كوم حمادة وبعد ما بتخلص حمادة بيعمل فيك اية
القاضي من غير تفكير
براء عبده واصحابه والاعدام شنقا ل كريم كرميل
كريم
لية اعدام هو انا جاسوس دة انا حرامي نتن
القاضي وقف وقال
رفعت الجلسة
وخرج جري من المحكمة وسعاد بصت ل عبده واللي معه وقالت
اي خدمة يا ولاد ال،،،،،،
لكنها سكتت وقالت
هحاول ابقي متربيه النهاردة والشقق اللي انتم عايزنها هفتحهلكم ،،،،،،،
تمت
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق