رواية إبن حفيدوا الحلقه الثالثه بقلم محمد منصور حصريه وجديده على مدونة النجم المتوهج
 |
وفي نفس الوقت عبده يوصل للشقة ويقف قصاد منها و يفتح علبه البيتزا ويطلع ماكيتة خاصة بالنجارين وبص حوالين منه قبل ما يشغل الماكيته وراح بيها ناحية اول مسمار وفكه وراح ناحية تاني مسمار وفكه وقدر يفك الكالون القديم بعد ما ضرب الباب ضربه صنيعي ما عبده اشتغل ل فترة نجار وخلع الكالون القديم ولسة هيركب الجديد لقي حد بيحط ايدة علي كتفه اتصدم وبص يشوف مين دة
ابن حفيدو
★الحلقة الثالثة★
كتابة واقتباس
محمد منصور **منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
لقي واحد بتاع دلبفري بيقول
اية يا زميلي هو دة الخامس ولا الرابع
عبده بص له بقرف وقال
زميلي
بتاع الدليفري قال
م احنا بتوع دليفري زي بعض يعني انت زميلي وانا زميلك ولا اية يا زميلي
كان باين اوي ان بتاع الدليفري دة شارب حشيش بسبب عيونه الحمراء فقال عبده
ماشي طيب ممكن بقي تشوف حالك وتخلبني في حالي
لكن بتاع الدليفري مد ايده ل عبده وقال
اخوك كريم كرملة وانت يا اخويا اسمك اية
مد عبده ايدة بزهق وقال
جيلي كولا
كريم
طيب هو الكلام علي اية
عبده ما فهمش وقال
نعم
كريم
انا اقصد يعني انت واقف بتعمل اية هنا
عبده
جايب بيتزا للناس ومستني حد يفتح
كريم بص لمكان الجالون اللي فاضي ومبين الشقة من جوة وقال
وانت بتبص من عين السحرية عليهم ولا اية
عبده
يا عم وانت مالك ما تروح ل حال سبيلك سيبني اخلص اللي بعمله
كريم
ما براحة يا اسطي والكلام خد وهات ورايح جاي مش حلو الكلام يقف عند سهرايا واحدة
عبده صوب الماكيته ناحية كريم وقال
انت هتمشي ولا اديك طلقة في قلبك اجيب اجلك
رفع كريم ايده ل فوق وهو ماسك الاوردر وقال
اية دة انت حكومة
عبده
ايوة حكومة وكلمة تاني هخلص عليك
كريم
خلاص يا زميلي ما تزعلش انا مش جايا معايا في حكاية انا جاية معايا في اكل عيش
عبده
طيب غور
وسابه كريم وطلع ورجع عبده يشوف هو بيعمل اية لكن الجالون كان معناد معه ومش عايز يركب ،،،،،
في نفس الوقت في الزفة كان سعيد لسة بيضرب في شيماء وشيماء جسمها كله وجعها وباست ايد سعيد وهي بتقول
كفاية بقي الهي تنستر انا جسمي ورم
سعيد
ما ينفعش ابطل ضرب قبل ما عبده يخلص نقل الجالون الجديد مكان القديم ويديني المفتاح
وراح ضربها بالرسية صرخت شيماء ووقعت علي الارض هنا ينزل حد بالكف علي قفاة سعيد بص وراء منه لقي راجل صعيدي ضخم بيقول له
انت ما حدش مالي عينك ولا اية عمال تضرب في البنيه الغلبانه
سعيد
انت مين
الصعيدي
اني المعلم بدر الجزار
وشال سعيد علي كتفة وصرخ سعيد وهو بيقول
رايح بيا فين يا عم الاتوبيس انت نزلني بدل ما اوديك في داهية
لكن بدر ما ردتش وفضل سعيد يصرخ ويقول
الحقوني الحقوني يا عبده يا ابن الكلب انت فين ،،،،،،،،،
في نفس الوقت كان عبده عمال يحاول مع الباب وما كنش عارف يركب الجالون الجديد خالص وقتها سمع صوت كريم جاي من وراء
لسة ما حدش فتح لك
عبده من غير ما يبص له
لسة
كريم راح ناحيته وطلع مفك صغير من جيبه وقال
طيب اوعي
عبده بص له وقال
انت يا عم مين سلطك عليه
لكن كريم كان ماسك لاب توب وموبيلين ايفون اداهم ل عبده وقال
امسك دول بس ووسع لي
بص عبده للاب توب والموبيلين باستغراب شديد وقال
اية دة
كريم وهو بيضرب المفك بين الباب والحلق
دة التيبس بتاعي
عبده باستهزاء
يااااا دة الاكل عجبهم اوي ل درجة انهم دفعوا تيبس قد سعر الاكل خمس مرات انت حرامي يلا
في الوقت دة الباب اتفتح وحط كريم الجالون الجديد وجربه وطلع المفتاح من الجالون واداه ل عبده وقال
اة
ومد ايدة كريم ناحية حاجتة اللي مع عبده وقال
اديني حاجتي
عبده
حاجة اية يا حرامي دة انا هبلغ عنك
كريم
وماله
وطلع كريم موبيله وكتب 122 وادي الموبيل ل عبده وقال
خد البوليس معاك قولهم مسكت واحد سارق موبيلين ولاب توب وعامل نفسه بتاع دليفري وانا هقول اني كمان مسكتك بتفتح شقة مش بتاعتك
قفل عبده المكالمة وادي ل كريم الحاجة وقال
انا مش حرامي علي فكرة
ابتسم كريم وقال
كلنا مش حرامية لكن الظروف بتحكم
وطلع كريم قلم وكتب رقمه علي ايد عبده وقال
دة رقمي المخصوص علشان لو احتجتني افتح لك باب تاني
عبده بص للرقم وسمع صوت كريم بيقول
لا اله الا الله
عبده
محمد رسول الله
ومشي كريم وقال عبده باستهزاء
حرامي من فجر الاسلام
وبص للشقة المفتوحة وقال
بص نفع والله شكلها متسهله معاك يا سعيد يا ابن المحظوظة ،،،،،،
في نفس الوقت كان بدر معلق سعيد من قفاه علي باب محل الجزارة نفس تعليقة الذبيحة وكان رايح جاي رايح جاي في الهواء وعمال يقول
الله يخرب بيتك يا عبده يا ابن الكلب
وشيماء وفيحاء كانو واقفين قصاد المعلم وشيماء بتقول له
يا معلم نزله علشان خاطري
وبعدها فيحاء قالت
يا معلم نزله علشان خاطري
المعلم بص للاثنين
هو مين فيكم مراته
شيماء
انا
فيحاء
انا
بصت شيماء ل فيحاء وقالت بعصبية
اسكتي دلوقتي مش وقته البغبغان اللي جواكي يشتغل
فيحاء
حاضر
بدر ل شيماء
انت مالك بتتعصبي علي البنيه لية ما زي ما انتي مراته هي كمان مراته
شيماء
دي مش مراته انا بس اللي مراته وبليز علشان خاطري نزله بقي
بدر
لا
شيماء
هو اية اللي لا هو ما فيش جاموسة غيرك اتكلم معاها
بدر وهو مبرق
جاموسة
ومسكها من لايقة الفستان ورفعها ل فوق،،،
وفي الوقت دة كانت فيحاء واقفة بعيد عن محل الجزارة بتبص ناحية المحل وبتشوف شيماء والمعلم بدر بيعلقها ورن موبيلها طلعت الموبيل لقت عبده اول ما فتحت الخط قال عبده
انتو فين
فيحاء
انت اللي فين عماله ارن عليك موبيلك بيدي جرس وانت ما بتردتش
عبده
الجالون الزفت ما كنش عايز يركب لكن الحمد لله ربنا بعد لي حرامي ابن حلال ساعدني افتح الشقة
فيحاء
بص انا مش فاهمة انت بتقول اية لكني احب اعرفك ان خططك الزفت خربت وفي معلم جزار طخين دخل في الحكاية و هو دلوقتي معلق شيماء وسعيد علي باب المحل
عبده اتصدم
ولية وصلنا للحال دة
فيحاء
مش وقته يا خويا شرح تعالي اعمل حاجة انا هموت من القلق علي شيماء ورغم اني كنت هبوس علي ايد الراجل علشان يعلقني مكانها لكنه بارد وطور رفض
عبده
طيب وفين وسيم و حجاج ،،،،،،،،،
في نفس الوقت كان حجاج علي الكنبة اللي وراء في عربيه وسيم ومقلع ابن سعيد وشيماء اللي بالمناسبة اسمه مودي وكان حجاج بيغسلة رجله من تحت بمناديل مبلله وحاطط واحدة بامبرز في بوقه ومودي عمال يقول
اروح اروح
حجاج مش عارف يتكلم من البامبرز اللي في بوقه وكل ما يمسح وراء ل مودي يشخ مودي من قدام يمسح له قدام يشخ من وراء بص حجاج ل وسيم اللي قاعد قدام ورابط فوطة صفراء علي مناخيرة وقال بعد ما تف البامبرز من بوقه
ما تيجي يا عم الزفت انت تساعدني الواد دة حوض الصرف عنده باينه مخروم
وسيم من وراء الفوطة ومن غير حتي ما يبص ل حجاج
هي بيعمل نمبر وان ولا نمبر تو
حجاج
هيو اية اللي نمر وان هيو احنا معانا محمد رمضان و اية نمبر تو دي
وسيم
يا فلاح انا اقصد بيعمل حمام مية ولا كيكي
حجاج
هي شبة الكيكة لكنها مش كيكة خالص
وسيم
بطل قرف
حجاج
يعني انت قرفان وانت قاعد قدام اومال اني اعمل اية اللي بغير له دة اني حاسس ان بوقي في من الكيكي دة
وسيم
واية اللي جاب الكيكي في يوقك
حجاج وهو بيحط البامبرز في بوقة
هيو اني بس هعرف منين دة الله يكون في عون النسوان
وسيم
طيب اخلص بقي ولبسة البامبرز علشان انا خلاص بطني قلبت والعربية كلها بقت رحتها زفت دة كان يوم ملهوش ملامح يوم ما حبيت اعمل فيها جدع
حجاج وهو لسة بيمسح لمودي
صاحبك وفي زنقه ما تقفش جنبه
وسيم مد ايدة ب واحدة بامبرز ل حجاج وقال
بطل رغي وخد البامبرز النظيف ولبسة لي
حجاج برق وقال
هيو البامبرز النظيف معاك اومال اللي في بوقي دي اني واحد
بص وسيم ل حجاج وقال
يا غبي اللي في بوقك دة اللي هو كان لابسة
حجاج
هيو
ومسك البامبرز اللي في بوقه وصرخ وخرج جري من العربية وهو هيموت من القرف هنا يقف قدام منه عبده وبص لوشة واللي عليه وقال
يعني انت عمال تاكل هنا وسايب سعيد متعلق
حجاج
ايوة باكل ولازم تاكل زي ما اني كلت يا خولفة الشؤم والنكد يا صاحب الفكرة
ومد ايدة حجاج جوة العربية جاب البامبرز القديم وطلع جري وراء عبده ،،،،،،،،،،،
وبعدها بشوية كان عبده في الشارع وجنب منه حجاج و وسيم وحجاج عمال يرش مية علي وشة ويحط مية في بوقه ويتغرغر ويرجع يتفها و عبده في ايدة الموبيل
يا محمد افهم روحت للجزار اللي معلقهم واتكلمت معه وهو راسه والف جذمة انه ما ينزلهمش الا لما يجي كبيرهم يتاسف له
محمد
وانت عايز مني انا اية بقي
عبده
تشوف حد كبير في السن يمثل انه كبيرهم اي حد من الكومبارسات اللي اشتغلنا معاهم
محمد
انت عارف الساعة كام اجيب لك منين انا حد كبير دلوقتي
عبده
اتصرف يا زفت انت واخلص بدل وكتاب الله اسلم نفسي واقولهم انك معانا في العصابة
محمد
خلاص يا عم هتصرف
وقفل عبده ومحمد رمي الموبيل جنب منه وبعدها قال
واجيب له حد كبير منين دلوقتي ،،،،،،،،
وبعدها ب ساعتين يوصل محمد في تاكسي لكنه كان لوحده قابلو الثلاثة وقال عبده
فين الراجل الكبير
محمد
قالي اسبني انت علي الجزار وابعت لي لوكيشن من هناك وهو جاي وراء مني في عربية ملاكي
عبده
طيب بينا نروح للجزار نعرفه ان كبيرهم جاي
وفعلا راحو للجزار واول ما شافهم الجزار قال
انتو تاني وزيادة عليكم القنفد
وبص ل محمد فقال
قنفد دة عليه انا دة تنمر مع عالم موازي منحط في ايام الزاوية الحمراء وانا ما سمحمش بكدة لان ممنوع اي حد يسخر مني او من شكلي الا استاذي محمود حميدة
بدر الجزار
الواد دة بيقول اية و مع مين اصلا
عبده زقه بعيد عنه
ولا نعرفه يا معلم
وراح بدر ناحية محمد وهو بيقول
يبقي حلال في التعليقة
ومسكوا من هدومة وبدا يسحبوا ناحية المحل وهنا كلهم يسمعوا صوت جاي من وراهم بيقول
الواد دة معايا انا يا طور الزريبة
عبده برق لان الصوت دة يعرفوا كويس لكنه كذب نفسه ولف وشه وهو بيقول لنفسه
يارب ما يكون هو يارب ما يكون هو
لكنه لف وشاف ابوه حفيدو لابس جلبية معلمين وفي ايدة نبوت بكباسين فلطم وقال
يا ابن الكلب يا محمد بقي جايب ابويا هو اللي يحلها دة احنا كدة اتنفخنا ،،،،،،،،،
خلصت الحلقة لكن ما خلصتش الحكاية واللي عجبته الحلقة عارف هو هيعمل اية
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق