رواية نوح الفصل السادس عشر حتى الفصل الأخير بقلم أماني سيد حصريه وجديده
 |
البارت السادس عشر
عند شمس قررت أن تتحدث مع نوح ولكنها لن تتسول منه الحب كما كانت تفعل مع شريف
دلفت شمس للغرفه وجدت نوح جالس يتصفح احدى مواقع التواصل الاجتماعي وقفت شمس امامه بتوتر لا تعرف كيف تبدأ الحديث معه
أحس نوح بها وجذبها لتجلس على قديمه
نوح : ها عايزه تقولى ايه
شمس: فاضل يومين ونرجع تانى
نوح : اه منا عارف
شمس: طيب انا وضعى هيبقى ايه هنعيش فين
نوح : هقسم الايام بينك وبين القصر
سمعت شمس هذا الحديث وأصبح وجهها شاحب هى تزوجته وتعلم إنه متزوج ومن الطبيعي ان يقسم الايام بينهم إذن لما كل هذا الوجع.
شعر نوح بوجعها واراد أن يطمئنها
نوح : بصى يا شمس انا ماينفعش اسيب القصر ولازم اروح هناك عشان عندى شغل هناك مش عشان شذى ولو انتى حابه تيجى تقعدى معايا في القصر أنا موافق وهخليهم يعملولك جناح منفصل ليا انا وانتى
شمس : بس انا مش عايزه اسيب ماما مرفت
نوح : ماما مرفت مش لوحدها وهنقضى نص الاسبوع واكتر عندها ها إيه رأيك
شمس: انا معرفش حد فى القصر
نوح : آمال انا وضعى ايه متخافيش مش هسيبك لوحدك معاهم ها موافقه
شمس : موافقه المهم انى ابقى معاك
نظرت له شمس بتردد قبل أن تسأله ولكنها تراجعت لأن تلك المره ستكون اقوى إذا قال لها نوح إنه لا يحبها
حتى لو لم يحبنى تكفى معاملته يكفنى الأمان الذى اشعر به
نوح : مالك بتكلمى نفسك فى ايه شاركينى يا شمس
شمس : لأ مافيش مافيش
فهم نوح ما يدور بخلدها
نوح نظر مطولاً داخل عينيها: عارفه يا شمس انا بحبك
حد سمع صوت العاب ناريه داخل قلبى
نظرت له شمس بدموع ولأول مرة تذوق معنى دموع الفرحة
شمس : بجد
نوح : بجد يا شمس انا بحبك وعارفه من أمته
من اول ماوقفتى قدام العربيه وادتينى الملف انتى مشيتى وقلبى مشى وراكى وعرفت عنك كل حاجه وقتها كنت بتضايق من سلبيتك الزيادة اللى انا شايف انها ملهاش مبرر ليه تستحملى يتعمل فيكى كده
عارفه يا شمس انا اللى بعت ناس لبيت شريف بعد ما طلقك وخليتهم يكسروا حتى السيراميك شالوا من على الحيطه
انا كمان اللى بعتلك المحامى بتاعى عشان يطلعك منها حتى الظابط اللى بيحقق معاكى كان معرفه ومخلتهوش يدخلك الحجز
اخوكى لما جه انا كنت عارف انه هيجيى وكنت مرتب كل حاجه من قبلها
شمس حضنت نوح بحب من الكلام اللى سمعته منه مش مستوعبه إن فى حد ممكن يعمل عشانها كل ده
شمس عاشت طول عمرها تضحى وتدى اول مره تجرب احساس ان حد خايف عليها وبيحميها
عارفه يا شمس
أنا امى رغم اللى عاشته مع بابا إلا إنه مقدرش يعمل معاها ربع اللى شريف عمله معاكى كانت بتردله مواقفه بمواقف اقوى بس كانت مواقفه بتعلم جواها وقتها احنا كنا اطفال مش فاهمين حاجه اتعمل جوانا عقده كبيرة حلفت انى لازم اعمل فيهم نفس اللى اتعمل فى امى وارجعهم شحاتين تانى
بابا كان العند والكبر بيزيد جواه وبعد ماما عنه كان مجننه بقى يتصرف بعشوائية التصرفات دى خلت إلهام وابنها ياخدوا فلوس من بابا ويشغلوها فى الممنوعات
طبعاً مكنش فى دليل عليهم لأن مافيش شركه باسم حد فيهم إلى الآن ولو اتقبض عليهم هيخرجوا منها لعدم اكتمال الادله
فى تسجيلات ليهم باتفاقياتهم بس للاسف على ارض الواقع منعرفش اى حاجه
شمس: طيب باباك برضو لسه بيعاند مع مامتك
نوح : لأ بابا فاق من فتره طويله وحاول كتير يوصل لماما بس ماما عارفه ان اكبر عقاب ليه انها تفضل بعيد عنه وهى أصلا مبتحبش الظهور في الصحافة عشان كده فضلت موجوده في الفيلا اللى هى قاعده فيها دى
شمس: طيب هتفضل سايبهم كده كتير وشذى هيكون وضعها ايه
نوح : بقولك ايه احنا جايين هنا ننبسط وانتى عماله تكلمينى عن شذى ومرات ابويا بقولك ايه ريحى نفسك بقى وسبيلى نفسك خالص
شمس: نوح استنى بس عايزه اقولك على حاجه مهمه
انا بحبك
نوح : وانا عارف سيبك بقى من الكلام وتعالى
عند شريف دخل غرفة النوم وصدم بوجود صلاح مع شاديه ويقوموا بتصوير ما يفعلوا
شريف دخل المطبخ عشان يجيب السكينه ويقتلهم كان صلاح لبس هدومه هو وشاديه
حاول شريف يهجم على صلاح لكنه لم يستطيع فصلاح ذو جسم رياضي اخذ صلاح السكينه من يد شريف بسلاسه وقام بدفعه بقوة فوقع شريف على الأرض
صلاح نفض يده
ايه ياض عامل نفسك راجل بجد ولا ايه
شريف: انا راجل غصب عنك
صلاح: وهو فى راجل يعمل كده وفرجه على فديوهات ليه أثناء توبيخ شاديه له وهو يقوم بأعمال المنزل وتم تعديل تلك الفديوهات لتصبح أكثر بشاعه
شريف بصدمه : ايه ده
شاديه: دا أنت ياشريف مالك مصدوم ليه
شريف: انتى كنتى بتستغلى حبى ليكى عشان تستغلينى وتعملى كده
صلاح: انت عارف مراتك اسمها ايه على النت اسما شاديه الملكه شوف انت بقى بيتعمل فى فديوهاتك دى ايه
جلس شريف على الأرض بصدمه لم يكن يتخيل فى أحلامه ان شاديه ستفعل به تلك الأشياء لهذه الدرجة كان مخدوع بها كيف سيواجه الناس مره اخرى إذن ماذا لو رأى زملاءه تلك الفديوهات
اثناء شروده خرج صلاح من المنزل وجلست شاديه تنظر لشريف بشماته اقترب شريف منها
وجلس امامها
ليه يا شاديه ليه عملتى كده فيا انا بعت كل الناس واشتريتك بعت شمس اللى كانت زى ألماس بعتها بالرخيص عشانك عمرى ماقولتلها كلمه حلوه دايما كنتى واقفه بينا عمرى ماقربت منها مكنتش عارف اشوف غيرك
كنت بعمل كل حاجه عشان ارضيكى جيت على نفسى وجيت على كرامتى وفى الاخر اتفاجئ انك بتطعنينى فى شرفى وبتشهرى بيا
قام شريف من مجلسه وعينيه مليئه بالدموع وتناول السك*ين وط*عن زوجته اكتر من ١٠٠ طعنه فى كل طعنه يتزكر اهماله لشمس وجرحها وطردها من المنزل وزواجها من غيره كل ما يتوقف يتزكر إذ*لال شاديه له ظل يضرب*ها بدون توقف وجلس بجانبها يبكى
هو من أوصل نفسه لتلك المرحلة اخذ السكي*ن بجيبه وذهب للورشه التى يمتلكها صلاح وذهب بالقرب منه ومن دون مقدمات أمام الجميع قام بضربه فى جانبه وقلبه وقع صلا قت*يلا وهجم الناس على شريف يبرحونه ضر*با ظنوه فاقد عقله اتى البوليس واخذ شريف للتحقيق معه
مر يومين واتى ابطالنا من شهر العسل
سمعت شمس ماحدث لشريف عن طريق الاخبار لكنها لم تعطى رد فعل فهو اخذ جزاءه حاول شريف التواصل معها لكنها رفضت كل محاولاته
فهو ظلمها وجرحها وتزوج عليها وطردها ولم يكتفى بهذا بل وطعنها بشرفها هو اخذ جزاؤه اذن يستحق ما حدث له
طلبت شمس من نوح ان يجلسوا اسبوع عند والدته قبل العيش في القصر ووافق نوح على طلبها
كانت تجلس شمس بغرفه المكتب مع نوح يخطتوا المكالمه التالية لعادل ماذا تقول فيها شمس لعادل
نوح : بصى يا شمس الموبايل ده كل المكالمات اللى متوصله بارقام عادل هتكون مراقبه مش عايزك تقلقى ابدا
شمس : عمرى ما اقلق وانت جمبى
نوح : هتخور واحنا فى المكتب وساعتها هتحمرى وانا مش مسئول
شمس : خلاص خلاص انا أسفه
نوح : صحيح يا شمس بكره هاجى متاخر لأن السكرتيره بتاعتى هتتجوز وقدمت استقالتها وانا محتاج سكرتيره جديده والانترفيو هيكون اخر اليوم لأن الصبح هكون مشغول في اجتماعات
شمس بغيره داخليه : مممممم سكرتيره جديده وماله يا حبيبي طيب بص انا بكره كده كده فاضيه هخلص الشغل وانا اعدى عليك ونروح سوا اصل ده هيكون اول يوم ليا فى القصر ومش عايزه ابقى لواحدى وبالمره احضر معاك الانترفيو
ضحك نوح على غيرتها ووافق فوراً على اقتراحها
فى مكان اخر عند أشخاص لاول مره سوف يتم ظهورهم
مها : ايمان فاكره شمس زميلتنا بتاعت زمان فى الثانوية
ايمان: اه فاكرها البت الهبله اللى كنا بنضحك عليها وناخد مصروفها
مها : ايوه هى دى عارفه اتجوزت مين وفرحهم فضل ترند اسبوع على كل مواقع التواصل الاجتماعى
ايمان: مين
مها : نوح الرفاعي
ايمان: يا شيخه هى دى شمس بتاعتنا طلعت مش سهله واحنا اللى كنا بنقول عليها هبله
مها : بصى كده كان نازل اعلان انهم محتاجين سكرتيره جديده ايه رايك بقى انا هقدم وهبقى سكرتيره ليه
ايمان: طيب مانتى بتشتغلى
مها : انا اه بشتغل وده هيساعدنى انى اتقبل بسهوله بسبب خبرتى فى الشغل
ايمان: وانتى هتستفادى ايه
مها : هستفاد ايه طبعاً هستفاد اللى يخلى واحد زى نوح بجلاله قدره يبص لشمس ويتجوزها امال هيعمل معايا ايه
ايمان: يالهوى عليكى يا مها مايمكن شمس اتعيرت
مها: هيبان طبعا عموماً لو اشتغلت عنده ده هيقربنى ليها ولو قربت منها سهل اوى اقربله بشكل غير رسمى ماتقلقيش انا عندى خطه وهنفذها
اصل مبقاش غير شمس دى كمان اللى تتجوز واحد زى نوح
يعينى عليكى يا شمس هتلاقيها منين ولا منين
تفتكروا لما شمس هتنقل فى القصر هيسيبوها فى حالها ولا هيعملولها مكائد
وهل مها هتستغل شمس وهتفضل شمس هبله ولا هتغير من نفسها
ده امتحان اختبار لشمس ياترا هتنجح فيه ولا هتفشل
البارت السابع عشر
مر اليوم بدون احداث جديده
فى اليوم التالى ارتدى كلاً من شمس ونوح ملابسهم تحت معاكسة نوح لشمس
شمس : اللى يشوفك دلوقتي مايشوفكش في الشركه
نوح : الشركه حاجه تانيه خالص واعرفى انى هفضل زى منا هناك انا كده معاكى انتى بس
الشغل شغل واعملى حسابك لو غلطتى فى الشغل مش هرحمك انا بفصل بين حياتى الشخصية والشغل والناس
انتى وماما واميره حاجه والباقى حاجه تانيه خالص عشان كده عايزك انتى كمان تتعلمى كده صداقتك وعلاقاتك بره الشركه حاجه وجوه الشركه حاجه تانيه فهمانى يا شمس اى حاجه بتعمليها هتكون فى وشى فلازم تاخدي بالك من تصرفاتك كويس اوى وواحده واحده هتتعلمى وهتتعودى
شمس حضنته : حاضر يا حبيبي ماتقلقش صدقنى انا هخليك تكون فخور بيا انا حاسه اني بقيت شمس جديده واثقه في نفسها الفترة اللى فاتت راجعت نفسى وراجعت الماضي لقيت انى أنا اللى ظلمت نفسي بسلبيتى وخوفى دايما كنت بفكر ارضى الكل على حسابى حتى لو مايستهلوش انما دلوقتي انا بقيت احب نفسي واحبك واحب ماما واميره واتمنى ربنا يسامحنى على ضعفى وهوانى فى حق نفسى
نوح : أيوه كده دى شمس حبيبتي الجريئه
ذهبت شمس للفرع القديم تتابع الأعمال وفى منتصف يوم العمل خرجت من الشركه لكى تذهب الى نوح
وصلت شمس ومعها الحراس ودلفت لمكتب السكرتاريه ووجدت المتقدمين جالسين لم تنظر شمس لاى شخص منهم ودخلت مباشره الى غرفة نوح
نوح : جيتى بدرى
شمس: قولت ابدأ الانترفيو من اوله واقولك إن عادل كلمنى وعايز يقابلنى عشان يحدد معاد وصول البضاعه
نوح : بصى يا شمس عايزك تسأليه اذا كان لواحده واا معاه حد ولو معاه حد شريك اصرى إنك تقابليه
طلع نوح التليفون وفتح لها صوره شخص ما
بصى يا شمس ده هيثم شريك عادل وهو اللى زاقه عليكى أصلا وده الشخص اللى انا عايز اوصله لان عادل ده عباره عن ديكور
خدى بالك يا شمس لازم تماطليه لحد ماتقابلى هيثم غير كده كأننا معملناش حاجه
شمس: ماتقلقش عليا هعرف اخليه يظهر ثق فيا يا نونو
نوح : مين ياختى
شمس : بدلعك يا نونو
نوح : شمس احنا في الشركه وداخل ناس يعملوا انترفيو وانتى بتقولىلى نونو افرضى حد سمعك يبقى شكى ايه بقى نوح بيه يتقلوا نونو
شمس بدلع : مهو انت اللى مش واثق في قدراتى يا نونو
نوح : شمس حرام عليكى إحنا فى الشركه بس لما نروح افتكرى انك انتى اللى جبتيه لنفسك
شمس بضحك حاضر يلا نبدا بقى
جلست شمس بجانب نوح وبدأ المتقدمين بالدخول وبدأوا بعض الاسئله عليهم منهم من لكن الغريب بالنسبة لشمس إنها وجدت أغلبية المتقدمين يعتمدون على امكانياتهم الجسدية وليس خبراتهم فى العمل مما جعلها ترفضهم ونوح لا يجادلها لانه يريد سكرتيره تعمل بجد وتتحمل ضغط العمل وليس عارضة أزياء
شمس لنوح : نوح هو انت كاتب انك عايز سكرتيره ولا عارضة أزياء ايه ده فى ايه اومال لو رايحين فرح هيلبسوا ايه
نوح : هما فاكرين انهم بكده هيغرونى ويشغلونى لو كانت عندى شركه ازياء كنت قبلتهم انما للاسف انا بدور على واحده تكون جاده فى العمل مش واحده بترسم على صاحب العمل
رن نوح للسكرتيره كى تدخل المتقدم
دخلت مها للغرفة ونظرت لشمس ونوح ونظرت لها شمس وتعرفت عليها
مها : شمس ازيك عامله ايه مش فاكرانى انا مها صاحبتك
شمس بجديه : اتفضلى يا آنسه مها عشان نبدأ الانترفيو
برود شمس مع مها جعل مها تشعر بغل اكبر تجاه شمس وقررت تحديها
بدأت الأسئلة واستطاعت مها الاجابه عليا بسهوله نظراً لخبرتها السابقة في عمل اكتر من انترفيو وساعدها عملها الحالى فى الرد على جميع الأسئلة
شمس: فى السى فى بتاعك بيقول انك مازلتى إلى الان بتشتغلى فى شركه ... ايه سبب انك عايزه تسبيها
مها : مافيش مقارنة بين سلسلة شركات الرفاعى والشركه اللى بشتغل فيها وانا دايما بسعى للأفضل بلس ان شغلى هنا هيدينى خبره اكبر وهيكون مكانه اعلى ومرتب اكبر
شمس : تمام نوح بيه عند أى اسئله تانيه
نوح : لا المفروض انك من بكره هتدربى مع منى بره لانها من الاسبوع القادم مش هتكون موجوده عايزك تتعلمى الشغل منها كويس لانى مش بقبل اى اخطاء وبعدين شاور بإيده تجاه الباب اتفضلى
خرجت مها وزاد التحدي بداخلها هى لم تقوم بعمل حساب للصداقة القديمه من الواضح انها بالفعل تغيرت
داخل المكتب
نوح : هى البنت دى صحبتك فعلاً
شمس: كانت معرفه مقدرش اقول صداقه عشان الاصدقاء مابيعملوش كده كانت بتحب تستغلنى وتاخد مصروفى ولو رفضت تخاصمنى
وتخلى زمايلنا البنات كمان يخاصمونى ومحدش يكلمنى ولما بابا عرف انى بدى مصروفى لصحابى ضر*بنى جامد اوى وحرمنى من المصروف نهائى بسببها ومن بعدها محدش منهم فى المدرسة بقى يكلمنى بسببها إلا ولد واحد كان أكبر منى اسمه فريد ولما عرف اللى بابا عمله كنت بصعب عليه وأوقات كان بيجبلى حاجات حلوه
نوح بغيره: وبعدين راح فين الولد ده
شمس : سافر يكمل تعليم بره من ساعت ماتخرجت من ثانوى معرفش عنه حاجه كان اخر حاجه قالهالى إنه هيسافر
نوح : ماشى يا طيبه عموما حالياً للاسف مها دى هى أنسب واحده بسبب خبرتها في مجال السكرتاريه
يلا بينا بقى نروح لأن اليوم خلص من بدرى
شمس : اه يلا لحسن ضهرى وجعنى من كتر القاعده
نوح : تحبى اعملك مساج
شمس : انت مابتصدق مجرد ماهتحرك هيخف
ذهب كلا من نوح وشمس للقصر اعطى نوح لاحدى الخدم مفتاح السياره كى ياخذوا الشنط منها ويضعوها داخل الجناح
دلف نوح شمس الى الداخل وجدوا إلهام تجلس مع شذى وهيثم الذى كان ينظر لشمس بنظرات وقحه
تجاهل نوح الجالسين وامسك شمس من خصرها كى يصعد بها لأعلى قامت شذى بالركض عليه وحضنته وقامت بإبعاد شمس لكن شمس لم تبتعد ووقفت حائل بينها وبين نوح
شذى : فى ايه يا اسمك ايه انتى جوزى واحشنى و بسلم عليه
شمس: وجوزى انا كمان واحنا لسه في شهر العسل
عن ازنك بقى نطلع نريح عشان كان عندنا شغل كتير سابتهم وطلعت هى ونوح غرفتهم
نوح : شايفك مابقتيش تسكتى محدش يعرف شمس الطيبة راحت فين
شمس: موجوده بس أى حد هيجيى عليا أو على حاجه تخصنى مش هسكتله وانت تخصنى يا نوح انت حبيبي وجوزى وكل اللى ليا فى الدنيا
نوح : وانا مش عايز غيرك في قلبى ماتقلقيش محدش يقدر يدخل جواه غيرك
عند ثلاثى الشر بالاسفل
إلهام: شفتى البت بتعمل ايه وهو ساكلتها ازاى شكله واقع لشوشته وانتى اللى عامله نفسك جامده وفاكره انك وقعتيه
شذى بغيظ : اصبرى عليا وشوفى انا هعمل ايه
هيثم : هتعملى ايه اللى رحتيلهم وادتيهم فلوس واحده اتق*تلت والتانى في السجن ها هتعملى ايه
شذى هعمله عمل
إلهام: انتى هبله يابت انتى بتصدقى في النصب ده كان غيرك اشطر
هيثم: بصلها بتريقه وسكت وقرر انه يخلى عماد همزه وصل بينه وبينها
لاحظت شذى خروج الخامده بصنيه طعام متوجهه لاعلى
شذى : استنى هنا الأكل ده رايح فين
الشغاله : نوح بيه طلب منى احضرله الاكل والعصير
شذى : طيب هاتى الصينيه دى وروحى انتى وانا هطلعها بنفسى
اخدت شذى الصنيه ووضعتها على الطاولة واخرجت قرص برشام ودوبته ووضعته فى العصير
الهام : بتعملى ايه
شذى : مش هو مش عايزنى احمل منه انا كمان مش هخليها تحمل منه ويبقى يورينى بقى جوز لاتنين
صعدت شذى لجناح نوح بالصينيه وفتح لها نوح
شذى : اتفضل
نوح : وانتى جايبه الصينية بنفسك ليه
شذى : اصلك وحشتنى وقلت أسألك ناوى تجيلى امته
نوح : بعدين يا شذى بعدين واخد منها الصينية واغلق الباب
شمس : يا انا هموت من الجوع
نوح : لأ متاكليش
شمس: فى ايه اصبرى
اتصل نوح بغرفه الخدم وطلب منهم ان يغيروا الطعام وان لا يعطوه لاحد وان يوصلوه بنفسهم
نوح : ممكن تكون شذى حطالك حاجه
شمس : طيب ليه القلق ده
نوح : ناخد احتياطتنا مش هيحصل حاجه
عند مها وايمان
مها : شوفتى شمس هانم عامله نفسها مش عرفانى حتى مرحمتنيش في الاسئله معملتش حساب للعشره القديمه
إيمان: هى لو هتعمل على العشره القديمه يا مها مكنتش هتشغلك اننى ناسيه كنتى بتعمليها ازاى والاشاعات اللى بتطلعيها هليها عشان محدش يصاحبها هى لحد دلوقتي معرفتش موضوع الاشاعات ده
مها : انتى معايا ولا معاها
ايمان : معاكى طبعا انا بس بعرفك عشان تعرفى تتعاملى معاها ازاى
مها : انا عايزه اوصلها بأى طريقة لانها المفتاح لنوح عايزه اعرف بيحب ايه بيكره ايه ولما يعرف انى صاحبه مراته اكيد مش هيتعامل بحذاذيه زى اللى بيتعامل بيها مع الغريب
ايمان: وانتى ناويه على ايه
مها : هروحلها الشركه واحاول اكلمها واصالحها
ايمان: بس انتى بتقولى اتغيرت
مها : الطبع غلاب يا ايمان
ايمان: عندك حق
مها : انا كده كده فى فتره تدريت وبخلص بدرى هخرج من التدريب عليها واشوف رد فعلها ايه
عند هيثم وعادل
هيثم : اخبارك مع شمس ايه اوعى تكون بتلعب عليك
عادل : لأ طبعا واضح إنها عايزه تعمل مصلحه
هيثم : وانت ايه اللى عرفك انها مش معرفه نوح
عادل : بص يا هيثم البت دى مش سهله ومش عايزه تكشف نفسها اولا بتكلمنى من خط غريب ومتسجل على تروكولر باسم وهمى
ثانياً وهى بتكلمنى بتكلمنى فى اوقات نوح استحاله يكون معاها فيها وانا اتاكدت من ده
ثالثا: خوفها انى اكلمها وجوزها موجود ده ياكدلى انها مخبيه عليه
هيثم : عندك حق بص بقى يا كبير انت عايزك تقزلها إن شريكى عليز يتعرف عليكى وتحاول تخليها تقابلنى عشان نحدد معاد التسليم
عادل : هى فاهمه اننا بنتاجر في قطع غيار السيارات مقولتلهاش على الحقيقة
هيثم: ومش لازم تعرف الحقيقة طالما هتعدى تحت شعار شركات الرفاعى محدش هيجى جمبها اصلا وهى تاخد مكسبها وحلال علينا احنا بقى الباقى
عادل: دماغك دى ايه سم
البارت الثامن عشر
صعدت العامله بالطعام مره اخرى لجناح نوح واخذ نوح منها الطعام واعطاها الطعام الذى قدمته له شذى ونبه على تلك العامله أنها المسئوله عن طعامهم وغير مسموح لأى شخص اخر لمسه واذا احد اخر لمسه ستحاسب هى
وافقت العاملة وذهبت لتباشر عملها
شمس : تفتكر ممكن تكون حاطه ايه سم
نوح : مش لدرجه سم ممكن تكون حاطه مانع حمل او حاجه تسقط الجنين عشان لو انتى حامل مثلا دماغ شذى تجبها لكده
شمس: هى شذى ممكن تكون حامل
نوح : بصى انا بقول ايه وهى بتقول ايه
عموما استحاله انا شذى اتجوزتها عرفى وقربت منها مره واحده بس ولما اتجوزتها رسمى يوم الفرح خليتها تركب وسيلة منع حمل فتحمل ازاى فأكيد هى عايزه تردهالى فيكى
شمس : معقول طيب ليه عملت كده مكان ممكن ماتقربش منها وخلاص
نوح : شذى هتقول كل حاجه لأمها وانا عايزها تعرف انى مش عايز احمل من بنتها وعشان كل حكاياتهم اللى بيخطتولها يبلوها ويشربوا ميتها
شمس عقدت مابين حواجبها
وانت عرفت خطتهم منين
نوح : هو انتى فاكرانى سايبهم عايشين هنا ليه تعرفى إن بابا من سنتين قرر انه يطلق إلهام ويرميها بره
شمس: طيب ليه موافقتش وكنت خلصت منهم
نوح : شمس هيثم لما مسك الشركه كان بيستغل اسم الشركه وبيدخل ممنوعات وللاسف ماتقبضش عليه والحاجه اتهربت بسرعه البرق دليل على وجود عصابه كبيرة بتساعده هو فاهم ومتأكد انى مش عارف حاجه بس اللى انتى ماتعرفيهوش إن الهام بتساعده هى كمان
ووجودهم هنا عشان البيت كله في اجهزه تصنت معادا الجناح بتاعنا وطبعاً ده مش كفايه لأن مش كل الكلام بيتقال هنا فى القصر انا عايز اوصل للى بره القصر وبلاش تقوليلى ركبله جهاز تصنط فى هدومه وشنطته وجو الافلام العربى ده لانه بيغير وبيلبس ميت مره
نوح : وعلى فكره فى مفاجأة محضرهالك بس مش هقولك عليها دلوقتي مفاجأة هطمنك إنك انتى الوحيدة اللى مش بس فى قلبى لأ فى حياتى كلها
شمس: لا كده هموت واعرف قولى دلوقتي
نوح : تؤتؤ قلتلك مفاجأة ويلا بقى عشان ننام عشان عندنا شغل بكره
فى صباح اليوم التالي ذهبت شمس ونوح لعملهم وكان يوم مليئ بالاحداث لشمس
رن هاتفها الخاص بمكالمات عادل واجابته شمس
عادل: ازيك يا مدام شمس عامله ايه
شمس: بخير الحمدلله
عادل: معاد الشحن اتحدد قدرتى تخلصى الورق
شمس: قولى المعاد تانى يوم انا هجبلك التصريح بإسم الشركه
عادل: تمام بس فى حاجة كنت عايزك تعرفيها انا معايا شريك للشركة بتاعتى
شمس: ايه ده بقى إحنا متفقناش على كده
عادل: استنى بس ماتقفشيش كده
شمس: انا معرفش مين شريكك ده وممكن يفتن لنوح ولا لأ وافرض راح قاله أنا اخسر كل حاجه لا طبعا مش موافقه اعتبر اتفقنا ملغى
عادل: استنى بس انتى لو عرفتى هو مين استحاله هتقولى كده وهتثقى فينا اكتر
شمس: وأنا أضمن منين إنه مش مغرز ليا
هيثم كان يجلس بجوار عادل ويستمع للمكالمه وطريقة شمس وخوفها من معرفة نوح اكدت له انها لم تبلغ نوح وأبلغ عماد ان تحدد هى المعاد والمكان والوقت الذى تريده
عماد : يا ستي شوفي الضمانات اللي انت عايزاها واحنا هننفذهالك حددي انتى الميعاد والوقت واحنا موافقين ها قولتى ايه لص والله احنا اكتر ناس مش عايزين نوح يعرف حاجه لانه لو عرف كل مصالحنا هتقف
شمس: خلاص استنى منى مكالمه
ونهت المكالمه
عماد : ها ايه رايك
هيثم: حلو اوى تعرف إن دى اللى تقدر تستعدنا نوقع نوح ده فى مره هدخل شحنه ممنوعات بإسم الشركه بس وقتها هبلغ عنه
عماد: انت دماغك دى ايه
هيثم: عشان بعد كده مايشفش حاله عليا تانى
عماد: اهم حاجه الصفقه دى تدخل دول ١٠ مليون دولار مش قليلين
هيثم: ماتقلقش هتعدى بإذن الله
اتصلت شمس بنوح لتقص عليه ماتم فى المكالمه
شمس:نوح مش هتصدق اللى هقولهولك
نوح : حصل ايه
شمس: عادل كلمنى وهيثم عايز يقابلنى عشان يحدد معاد التسليم
نوح : بالسرعه دى
شمس: قلتلك ماتشكش في قدراتى تربيتك
نوح : ماشى يا جامده اقفلى وكلمك تانى
عاود نوح الاتصال نره اخرى بشمس
بصى يا شمس فى واخد جايلك دلوقتي وهيقول انه تبع شركه شحن وهيسلمك شنطه خدى منه الشنطه دى ومتحاسبيهوش
شمس: طيب ليه مدتهانيش انت بنفسك
نوح : هما مراقبينك اكيد مش احنا بس اللى مراقبينهم الشنطه دى فيها كاميرا ومايكرفون هتسجل كل حاجه هتتقال
شمس: وهما مش هيلاحظا
نوح : لو انتى قدرتى تعرفى مكانها من غير منا اقولك ابقى وقتها قوليلى انت متبتفهمش
شمس: متقولش على نفسك كده انت جميل
نوح : لو انا جميل تبقى انتى ايه صحيح يا شمس انتى خبيتى عليا ليه
شمس: خبيت ايه
نوح : امك كانت بتتوحم على قشطه بالعسل عشان تجيب البياض والحلاوه دى كلها
شمس بضحك : ايه ده انت بتعرف تعاكس كمان
نوح : بعرف أعمل كل حاجه واثناء حديثهم خبط باب المكتب ودخلت مها
مها : نوح بيه دى الملفات اللى حضرتك طلبتها
نوح اخد منها الملفات وشاورلها بصباعه انها تخرج
شمس : دى مها
نوح : اه
شمس : هى لسه معاك
نوح : لا طبعاً شاورتلها بصباعى تخرج
شمس: مممم عشان كده
نوح : مش اى حد اتكلم معاه يا شمس حتى لو السكرتيرة صوتى مايطلعش غير فى الضروره انا لما كلمتك لانك شدتينى من أول مره
شمس: ودلوقتي شداك بس
نوح : لأ دلوقتي بحبك وبموت فيكى وعايزك تبقى كل حياتى
شمس : وأنا كمان نفسي اكمل عمرى كله معاك
اغلق شمس مع نوح الهاتف واستكملت عملها
دخلت مها مره اخرى لنوح
مها : نوح بيه حضرتك عايز حاجه انا خلصت تدريبى وهروح
نوح : بدون مايرفع راسه من قراءة الملف
متستاذنيش منى المسئولة عنك اللى بتدربك اللى تقولهولك تنفذيه
خرجت مها من عند نوح وهى بتتاكل من الغيره وقررت انها سوف تذهب لشمس اليوم
خرجت من الشركه وذهب لشركه شمس وطلبت مقابلتها ووافقت شمس وسمحت لها بالدخول
مها : ازيك يا شمس عامله ايه وحشتينى اوى
شمس: بخير يا مها الحمد لله اتفضلى
مها : معلش مش معايا رقمك عشان استاذنك قبل ماجى
شمس: خير يا مها فى حاجة مهمه على كده
مها : انتى زعلانه منى
شمس: ليه انتى عملتى حاجه تزعل يا مها
مها : عشان زمان ايام ثانوى
شمس : وانتى كنتى بتعملى ايه يزعل
مها حست بتوتر وان الموضوع مش سهل ابدا
مها : كنا أطفال وقتها يا شمس مش فاكره بلظبط كنت بعمل ايه بس فاكره اننا كنا بنهزر معاكى وانتى بتزعلى من الهزار
شمس بضحك: بتهزروا بجد يعنى مكنتوش بتستغلونى عشان تاخدوا مصروفى مثلا ومكنتيش بتبى على زمايلنا وتقولى عنى كلام غلط على فكره فريد كان بيوصلى اللى كنتى بتعملى
مها : فريد ده كداب هو كان بيحبك وكان بيقولك كده عشان يبعدك عننا لانه جه قالى انه بيحبنى وانا رفضته
شمس : انتى كدابه اوى يا مها ومش بس كدابه انتى حقيره وبجحه أولا فريد ده انتى اللى كنتى بتحبيه مش هو وهو دايما كان بيعتبرنى اخته ولحظك الوحش اوى عارفه مين اخته صفا وهى زميلتى هنا هههههههههههه شفتى الكدب مالوش رجلين انتى طول عمرك طماعه وانانيه وعايزه تاخدى كل حاجه ليكى لواحدك فكرانى شمس القديمة لكن انا بقولك غبيه حتى محاولتيش تطورى من نفسك في الكدب فى طرق جديدة اتعلميها
مها : شمس انتى بتكلمينى كده ليه وعدين وقتها كنا أطفال
شمس : اطفال ايه يا مها دانتى لسه بتعملى حركات زمان لما بتعوزى حاجه منى
مها : قصدك ايه
شمس : اوعى تكونى فاهمه انى مش واخده بالى من نظراتك لجوزى وعارفه انتى ناويه على ايه وعارفه كمان انتى جايه هنا ليه
بس احب اقولك ان نقبك طلع على شونه وانا فهماكى كويس اوى وبالنسبة لجوزى انا واثقه فيه اوى اوى اوى وعارفه انه عمره مايبصلك ووجودك دلوقتي اكدلى انى انا كنت طفله سويه وطبيعة وانتى اللى محتاجة دكتور نفسانى ومحتاجة تتعالى
لو اللى مافيش حاجه تقوليها اتفضلى اطلعى بره
مها : ايه ده مبقاش غيرك وبقى ليكى صوت كمان الله يرحم ايام المدرسه لما كنتى بتتحايلى عليا بالساعات عشان بس اوافق اكلمك
شمس: كنت طفله طبيعية طيبه مش خبيثة زيك كنت صادقه مش كذابه وعشان كده ربنا كرمنى فى النهاية وكلامك ده بيبسطنى مش بيضايقنى خالص المفروض انتى اللى تتكسفى من نفسك وياريت تركزى في شغلك عشان جوزى مابيرحمش واللى بيرفده مافيش مكان تانى بيشغله اتفضلى خدى الباب فى ايدك
خرجت مها من عند شمس ودمها محروق وقررت انها لازم توقع نوح من غير مساعده شمس عشان تقهر شمس
عند شذى ذهبت الى دجال كى تقوم بعمل للتفرقة بين نوح وشمس
البارت التاسع عشر
ذهبت شذى للدجال لكى تفرق بين شمس ونوح ذهبت على موعد مسبق مع الدجال وبمجرد وصولها دخلت على الفور
شذى : انا جوزى اتجوز عليا ومن ساعتها مقربش منى ولا طايقنى عايزه اعمله حاجه اقربه منى واخليه يبقى زى الخاتم في صباعى ويطلق اللى متجوزها دى
الدجال : عايزه العمل مدته اد ايه
شذى : يعنى ايه
الدجال: يعنى يستمر سنه اتنين عشره دائم زى مانتى عايزه بس كل بحسابه
شذى : عايزاه دائم طبعاً
الدجال : بصى عايزك تجبيلى اسمع واسم امه وابوه و تجبيلى برضو اسمها واسم امها وابوها وصوره ليهم مع بعض وحاجة من ملابسها الداخلية و ١٠٠.٠٠٠ جنيه واعتبريه بقى خاتم فى صباعك
شذى : بكره يكونوا عندك
الدجال: وبكره جوزك هيبقى بتاعك لوحدك
خرجت شذى من عند الدجال سعيده وتسللت لغرفه شمس وفتشت فى اغراضها وحصلت على ما طلبه الدجال منها وخرجت مسرعه من الغرفه
انتهى اليوم وذهب نوح وشمس ليقيموا بقيت الاسبوع فى منزل والده نوح
وكانوا يجلسون بتناولون الطعام معا
مرفت: كده يا نوح تاخد منى شمس كانت مسليانى وواخده بحسى ربنا يعلم انى بعتبرها زى اميره
شمس: لأ طبعا محدش يقدر ياخدنى منك وهقعم معاكى كام يوم كمان
نوح : انا رأيى تفضلى هنا مع ماما الفتره الجايه دى كلها لحد ماخلص بعض الحاجات كده
شمس: طبعا انا احب ما على قلبى انى اعيش هنا على طول لان فعلا هنا بحس براحه محستهاش في القصر
بس انا مش عايزه اسيبك لوحدك
مرفت: هى الزوجة الأصلية كده ربنا يكملك بعقلك يا بنتى بس طمنينى عليكى حد حاول يضايقك هناك
شمس: عيب مادتش حد فرصه يضايقنى طبعا
مرفت: برافو عليكي اعرفى انك لو ماخدتيش حقك بنفسك محدش هيجبهولك انا كنت بعمل كده
نوح : وانا روحت فين عويل مش هعرف اجبلها حقها
مرفت : مش قصدي طبعا بس افرض ضيقوها وانت مش معاها
نوح : لأ شمس كبرت وبتاخد حقها
كلهم ضحكوا على كلامه
نوح : انا بعد الغدا عندى مشوار صغنن كده وجاى استنينى ياشمس
شمس: حاضر أنا كده كده سهرانه مع ماما
نوح : حاضر هخرج انا منها
ذهب نوح لمخزن من المخازن التابعة له وجدوا الحرس ينتظرونه بالخارج
دخل نوح المخزن والحرس خلفه وكان يوجد شخص يجلس على كرسى مكتف الايادى والاعين والفم
اشار لهم نوح بفك فمه وعينه
فتح الدجال عينه وجد أمامه نوح وخلفه يوجد حراس اصابه الرعب من هيبه نوح
نوح : جاتلك كانت عايزه ايه
الدجال: هى مين
شاور نوح للحرس وقاموا بضر*به
نوح : جاتلك ليه شذى
الدجال: اه اه حاضر هقول جاتلى وكانت عايزه تفرق بينك وبين مراتك التانيه اللى انت اتجوزتها عليها
نوح : وانت قولتلها ايه
الدجال: قولتلها تجبلى حاجه فيها ريحتها وانا هعملها العمل
نوح : الحاجه اللى هتجيلك بكره تسبها زى ماهيه ماتفتحهاش سامعنى وانا رجالتى هيجوا ياخدوها منك انما اللى هتديك الحاجه عايزك تديها دول وخرج ازازتين
الازازه دى تنبه عليها تشرب هى منها
والازازه دى قولها تشربى منها ضرتك وانت طبعاً ليك طريقه فى اقناعها عشان تخليها تنفذ كلامك واه دى بقى قولها ترشلنا منها على عتبه الباب هههههههههههه عشان تصدقك وسابه مشى وشاور للحراس يفكوه ويسيبوه وهما
وصل نوح القصر وجد والدته وشمس يجلسون يشاهدون احدى المسرحيات جلس نوح معهم متناول بعض المسليات وبعدها استاذن ليذهب للنوم واخذ معه شمس
شمس : مش كنا فضلنا شويه كمان معاها
نوح : انتى عايزانى اغير بقى
شمس : مستحيل تغير من مامتك
نوح : بغير من الهوا مش من مامتى بغير من اى حاجه انتى بتحبيها
شمس : للدرجة دى انا اتحب
نوح : واكتر من كده يا شمس انتى اللى اديتى لحياتى طعم ولون
شمس: مش هتقولى المفاجأة
نوح : تؤتؤ انتى مش عارفه تقنعينى عشان اقولك المفاجأة
شمس: طيب اعمل ايه
نوح: انتى وشطارتك بقى
صحيح قبل ما انسى بكره هتكلمى الواد اللى اسمه عادل ده وهتحددى معاه معاد تقابليه فيه بعد بكره وتتاكدى منه انه هيثم موجود معاه وبكره هنروح نبات فى القصر
شمس: مش بقيت الاسبوع ده هنا
نوح : بكره بس وهنرجع تانى
شمس : ماشى مع انى مش فاهمه حاجه
نوح : هتفهمى كل حاجه بعدين المهم بقى فكرينى كنتى هتقنعينى عشان اقولك على المفاجأة
نسيبهم عرسان
فى اليون التالى ذهب كلا منهم لشركته وقامت شمس بالاتصال بعادل
عادل : الو مدام شمس فكرتى فى كلامى
شمس: اه وقلت مش هخسر حاجه عشان أتأكد اذا كنت هثق فيكم ولا لأ
عادل بفرحه 😂😂 : انا واثق انك من هتندمى أبدا بسبب قرارك ده ها هنتقابل امته
شمس : بكره باذن الله فى مول ....
عادل: أه طبعا عارفه
شمس: فى مطعم جوه بيكون مقفول اسمه ... هنتقابل فيه هيكون جمب بيوتى سنتر ال.....
عادل: تمام تمام عارفه هنتقابل الساعه كام
شمس : مش عايزه نوح ياخد باله انى هتاخر عشان كده هخرج من الشغل ساعتين بدرى وهقابلك هناك الساعه ٣ مش عايزه اتاخر وبلغ شريكك بكده
عادل: ماتقلقيش مش هناخرك خالص هى نص ساعه بالكتير إن شاء الله
شمس : اتمنى ذلك واغلقت الهاتف واتصلت بنوح وابلغته ما تم فى المكالمه
نوح : هيبقى معاكى حد من الحراس
شمس : هاخد صفا معايا واسيب الحراس عند العربيه عشان ماحدش يشك فحاجه لو اخدوا الحراس
نوح : أهم حاجة ماتبقيش لوحدك بس نبهى على صفا متجبش سيره بحاجة وانتى كمان ماتجبيش سيره ليها بحاجة قوللها هبلغك بكل التفاصيل بعدين بلغيها لما يتقبض عليهم
شمس حاضر
اثناء حديثهم خبطت مها الباب و دخلت مكتب نوح
شمس : مها اللى دخلت دى يا نوح
نوح: اه
شمس : قولى اه يا حبيبتي
نوح باستغراب نعم
شمس : قولى اه يا حبيبتي وحشتينى اوى
نوح : شمس
شمس : نوح بجد هزعل منك
نوح : وحشتينى اوى يا شمس
شمس: قولى هستناكى متتاخريش
نوح : هستناكى متتاخريش
شمس : نص ساعه وجيالك يا حبيبي باى
نوح : ايه ده بجد
شمس : اه باى يا حبيبي قولى باى يا حبيبتي
نوح : باى يا حبيبتي مستنيكى
ونظر نوح لمها وهز راسه بمعنى خير
مها : شكل حضرتك بتحبها أوى شمس كانت زميلتى ايام ثانوى وكنا صحاب اوى
نوح : انتى حشرتى نفسك ليه وازاى تعدى حدودك في الكلام أصلا
مها : مقصدش انا بس بدعى ربنا يخليكوا لبعض
نوح : مين انتى أصلا عشان تدعلنا ولا ماتدعيش وازاى تتعدى حدودك وتقولى شمس حاف كده ولو فعلا شمس صحبتك كانت عرفتنى عليكى لكن هى تجاهلتك أصلا معنى كده انها مش معترفه بيكى مره تانيه تاخدى بالك من كلامك انا مبعديش اى غلطه واسمها شمس هانم فاهمه يا مها شمس هانم خطوط حمر وهي جايه دلوقتي لما تيجى مابتحتحش اذن عشان تدخل المكتب هنا لانها مكانى فى اى مكان ومكانتها من مكانتى بالظبطت اظن كلامى مفهوم انتى جايه هنا تشتغلى وقبلناكى عشان خبراتك السابقة مش عشان معارفك حافظى على شغلك بقى وشاورلها براسه لتخرج من الغرفه
خرجت مها تبكى من حديث نوح واغلاقه جميع الابواب بوجهها فعل بها ما فعل لمجرد زكر زوجته بدون ألقاب فماذا لو حاولت التقري منه
عند شذى ذهبت للدجال ومعها الطلبات التى طلبها منها اخذ الدجال منها الطلبات ولم يقوم بفتحها
شذى : مفتحتش الطلبات ليه تتاكد منها
الدجال: مش محتاج افتحها وانتى موجوده انا هشتغل عليها لما تمشى المهم خدى دول
شذى : ايه ده
الدجال: هبلغك واوعى تتلغبطى عشان العمل مايتعكسش ويطلقك انتى
الازازه دى هترشى منها على باب غرفتهم
ودى انتى هتشربى منها عشان يحبك والازازه دى هتحطيهالها فى اى عصير بتشربه ولازم تشرب منها لازم انتوا الاتنين تشربوا عشان تحصل العكوسات
شذى : وهيتم المراد
الدجال: اه وهاتى بقى المعلوم
شذى خرجت الفلوس وهو اخدها وخرجت من عنده مبسوطه عشان هتقدر تبعد شمس وتستولى على نوح
دخل حراس نوح اخدوا الفلوس والطلبات وخرجوا بدون اى حديث وبعدها قاموا بالابلاغ عنه حسب اوامر نوح
وصلت شمس لنوح الشركه وصعدت له المكتب وقابلتها مها وادخلتها مباشره دون أى حديث
نوح قابلها بابتسامه
نوح : ممكن افهم بقى اللى عملتيه فى التليفون ده ليه
شمس : عشان تشيل عينها من عليك
نوح : وحتى لو حاطه عنيها عليا انا مش شايف غير واحده
شمس : أصل انا نسيت اقولك عملت ايه هى امبارح لما جتلى الشركه
نوح : هى جتلك
شمس : اه وقصت له ما حدث بينهم
نوح : بنت ال
شمس : عيب عيب انا مسكتلهاش طبعا وقولتلها اللى تستحقه
نوح : حبيبي الشطور على فكره حاولت تكلمنى عليكى انهارده
شمس قربت وجلست امامه على المكتب
تكلمك ليه تشتكيلك منى
نوح : لأ عايزه تفتح اى كلام
شمس : وانت عملت ايه
نوح : تشربى ايه الاول
شمس : مانجا نفسى فيها اوى
نوح : حالا وطلب ليها مانجه وقامت مها بادخالها ولاحظت وضع شمس ونظرت أرضا وخرجت
نوح : سمعتنى لما خلصت معاكى كلام وبتقولى شكلكم بتحبوا بعض اوى ربنا يخليكم لبعض وقص لها ما قاله لها
شمس : تستاهل فعلا احسن هى عنيها منك زى منا حاسه وواخده بالى
طيب يلا اشربى المانجا اللى نفسك فيها عشان نمشى بقى
وصلوا القصر لم يجدوا أحد يجلس كالعادة واثناء صعوده للغرفه طلب من شذى تجيبلهم حاجه يشربوها وهى وافقت فورا
شمس : ايه ده مش حظرتنى منها
نوح : اه محنا مش هنشربها انا بشغلها بلقمتها بس 😂😂😂😂
ياترا نوح هيشرب شذى ايه ؟
ياترى باقى اد ايه على انتهاء الرواية ؟؟
ياترى مها هتجيب آخرها ولا لسه ؟؟
البارت العشرين
اخذت شذى المشروبات وصعدت لجناح نوح وشمس
نوح :ايه ده جبتى العصاير بنفسك
شذى : وانا عندى أهم منك يهمنى مصلحته
دى بتاعتك ودى بتاعت شمس شرب نوح من كوبايته
شكرا يا شذى اتفضلى انتى عشان هغير
شذى بفرحه : تمام يا حبيبي أهم حاجة راحتك واعرف انى دايما مستنياك
نوح : تمام اتفضلى بقى
خرجت شذى وذهبت لغرفتها شكل الراجل ده هيجبلى من الاخر إذا كان لسه معملش حاجه ونوح بيكلمنى من غير منا ابدأ كلام معاه امال لما يخلص شغل نوح هيبقى معايا ايه انا لازم استغل الوضع
اخذت شذى الزجاجه وشربت مابها وقامت بارتداء ملابس منزليه خفيفه وانتظرت نوح
عند نوح وشمس نوح : عايزه تشربى العصير اشربيه ماتقلقيش
شمس: مالك واثق كده
نوح : اصلها حطالك فيه فيتامين c
شمس : وانت عرفت منين
نوح : مافيش حاجه معرفهاش يا شموستى
شمس: طيب تعرف انا بحبك من امته
نوح : اعرف كل حاجه حبتينى من أول مره شوفتينى فيها انا كنت حاسس بضربات قلبك وعارف انك مش بتمثلى
شمس: طيب لو حبيت اخبى عنك أعمل ايه
نوح : مش هتعرفى انا مابقتش نوح الرفاعي من قليل يا ام أركان
شمس: مين أركان ده
نوح : ابنى المستقبلى 😂😂
شمس: مش لما احمل وحتى لو حملت أفرض جبت بنت
نوح : اهم حاجه انتى تبقى كويسه والبيبى كويس
شمس: انت ليه بتكلمنى على أساس انى خلاص حامل
ضحك نوح بعلو صوته : بهزر بهزر يا رمضان ايه مابتهزرش أثناء حديثهم خبطت أميره على الباب ودخلت
اميره: يعنى انت هنا قاعد تهزر وسايبنى مع ابوك محتاسه صحيح العروسه للعريس والجرى للمتاعيس
نوح : انتى هتنقى يا اميره
اميره: يا خويا بكره ربنا يرزقنى انا كمان بابن الحلال انتم السابقون ونحن اللاحقون
نوح : مالك طيب داخله بزعابيبك ليه
اميره: انت سايب شغل شركه ابوك كله عليا وفى عميل مصمم يقابل المالك الأصلى الشركه ويتاكد انها فعلا تبعنا ولا إحنا بنستغل الإسم
نوح : حددى معاه الاسبوع الجاي ده وانا بنفسي هبقى موجود أنا وبابا
اميره: ماشى يا كبير خد رحتك وانا اكمل سحله فى الشغل صحيح صاحبك كلمنى وادانى دول اديهملك
نوح : طيب يسطا شكرا على التوصيله بقولك خليكى هنا مع شمس ١٠ دقايق وأنا جاى
شمس : هو نوح فتح فرع جديد للشركة
اميره: لا بابا فاتحه هو ونوح من فتره بياكلوا بيها السوق الصينى عشان يستولوا على السوق كله يابانى كورى المانى واخيرا الصينى وبابا هو رئيس مجلس إدارتها وقريب المفروض يطلع فى لقاء صحفي إزاى ماتعرفيش
شمس: معندناش وقت نتكلم طول الوقت عن الشغل
اميره بغمزه : آمال بتتكلموا فى ايه
شمس: لما تكبرى هقولك
عند نوح ذهب لغرفة شذى وجدها فى حالة من الهذيان
شذى: نوح ايه ده أخيرا جيت كنت عارفه إنك هتيجي ومستنياك
نوح : اه جيتلك اهو ها عايزه ايه
شذى: احضنى
نوح من بعيد اداها مخده: منا حضنك أهو
نوح : بقولك ايه يا شذى مكان المخزن بتاع اخوكى فين
شذى : فى عالم تانى بتتخيل احلام
نوح : شغل المسجل عشان يسجل كلامها
ها ياشذى عارفه لو قولتليى مكان المخزن هديكى مليون جنيه اخر مره طلبت منك تجيبي العنوان قولتيلى هجيبه وماجبتيش عشان كده انا بعدت عنك
شذى : مالفلوس اللى انت ادتهانى قربت تخلص
نوح : خلصتى ٥ مليون
شذى : اه اديت للدجال ١٠٠٠٠٠ و شاديه ٥٠٠٠٠٠ و شاركت هيثم ب ٣٠٠٠.٠٠٠٠ غير مصاريفى
نوح : طيب مكان المخزن فين وهديكى تانى
شذى : موجود في عماره رقم ... اللى فى اخر الشارع بتاع الفرع الرئيسي جمب المخزن بتاعكم الأساسي
نوح : ده لازق فى مخزنا
شذى : فضلت تهذى مره تانيه وفى عالم تانى اغلق نوح المسجل لانه عارف إنه مش هيعرف ياخد معلومات تانى وهى فى الحالة دى وسابها مع احلام اليقظه وخرج
ودخل مره تانيه على شمس واميره وجدهم مازالوا يتحدثون
نوح: اميره ده اخر تسجيل ابعتيه لتامر
اميره: حاضر البوسطجى هيوصل اسيبكم يا عصافير
نوح : فظيعه اميره اكيد اكلت دماغك
شمس : بحبها اوى دمها خفيف
نوح : حكيتلك هى على الشركه
شمس : اه
نوح : على فكره دى بقالها سنه مش جديده بس إحنا هدفنا نسيطر على السوق كله كبير وصغير عشان كده لسه ماعلناش عنها والمفروض ان اميره هتباشرها مع بابا
شمس: ربنا يعينها كنت فين
نوح : عند شذى
شمس وشها قلب ليه
نوح : مالك وشك قلب ليه ياستى ماتقلقيش كنت بسالها على حاجه لو كنت بعمل حاجه كنت اتاخرت
شمس: ماشى يا نوح سالتها
نوح : اه
شمس : واخدت الاجابه اللى انت عايزها
نوح : أه ومش هروحلها تانى اطمنى بقى
شمس : انا عارفه انها مراتك و
نوح : ماتكمليش يا شمس انتى بس اللى فى حياتى وبحبها يا أم أركان
شمس: تانى هيقولى أركان
مر اليوم بدون احداث جديده فى اليوم التالى ذهبت شمس للعمل وطلب من صفا مرافقتها وان تثقىبها وانها لم تستطع ان تحكى لها شئ الان لكن عليها أن تثق بها
ذهبت شمس لمقابله عادل ووجدت هيثم وتصنعت الدهشة
شمس: اعتبره ايه ده بقى كمين ولا
هيثم: لأ طبعا مش كمين انا ونوح اكتر اتنين اعداء ممكن تقابليهم عشان كده ثقى إن استحاله نوح يعرف حاجه مننا وبص لصديقتها
شمس: ودى صدقتى وهى اللى هتخلص التصريح
هيثم: وعمولتك محفوظه مش هتقل جنيه يا عسل
شمس: اتكلم عدل مش معنى انى بشتغل معاك من ورا نوح انى اخونه أنسى انا بعمل كده عشان أأمن نفسى مش أكتر المهم انا عايزه أعرف الحقيقة نوح البضاعه اللى هتدخل ايه
هيثم : محنا قلنا قطع غيار
شمس: كذاب ها خلينا نكون صرحا مع بعض طالما الكلام بقى على المكشوف
هيثم: مخدرات
شمس: مخدرات ايه هيروي*ن يعنى
هيثم: لأ فى حاجات تانيه استرو*كس وهيرو*ين وحبوب هلاوس كده يعنى
شمس: مشكل
هيثم : بالظبطت
شمس: وعندكم المكان لأنى استحاله هدخلها فى المخازن بتاعتنا
هيثم : اه المكان موجود ومتساليش فين عشان مش هجاوبك انتى اللى ليكى نسبتك وانا اللى طالبه منك ان البضاعه تعدى وسط قطع الغيار هتروح فين دى بتاعتى انا
شمس: خلاص طالما هتبقى بعيد عن المازن بتاعتنا المعاد امته
هيثم : كمان ٣ ايام هى اتغلفت هناك كويس واتشحنت من اسبوع وهتوصل بحرى
شمس : تمام بكره التصريح هيطلع هات باقى الورق واخدت منه الورق
عند نوح حاولت مها التقرب منه عن طريق العمل اكتر من مره وفتح حوار خارج العمل لكنها كانت تجد دائما صد منه وقرر نوح طردها بعد ان يأتى بسكرتيره جديده من قسم داخل قسم السكرتاريه داخل الشركه ويعلن عن اخرى
مر اليوم وعلم نوح من شمس موعد وصول البضائع وابلاغ الجهات المعنيه واخذ جميع اجهزه التصنط من شمس بعد اعطاء عادل التصريح الوهمى لدخول البضائع بإسم الشركه
مر يومين اخرين دون احداث جديده
فى اليوم التالت تم دخول الشحنه داخل الميناء وخروجها من الميناء والذهاب بها الى المخازن الخاصه بهيثم
عند دخول الممنوعات للمخازن ظهرت عناصر الشرطه وتم القبض على هيثم وعادل متلبثين بالجريمه وفى تلك الأثناء تم القبض على إلهام وشذى كشركاء لهيثم فى تجارته وبعدها تم اخذ جميع اجهزه التصن*ت من القصر
اثناء التحقيقات استدعت شذى نوح ولكنه رفض مقابلتها مما جعلها تعلن زواجهم امام الصحافه والاعلام لتوريط نوح معاها كشريك ولكن المفاجأة
البارت الاخير
اثناء التحقيقات أظهرت شذى قسيمة الزواج بنوح ومحاولة توريطه معها هى واخيها
إجتمع حشد كبير من الاعلام اثناء التحقيقات و ذهبوا أمام الشركات الخاصة به مما جعل عدد كبير من رجال الأعمال يقوموا ببيع اسهمهم من الشركه وكانت اميره تتابع الاخبار وتقوم بشراء تلك الاسهم
كانت شذى وهيثم وإلهام يجلسون في الحجز اثناء التحقيقات
الهام : تفتكرى نوح هيتصرف
شذى: أكيد بعد ما اسمه اتلط طبعاً
إلهام: ماتنسيش إن التصريح طالع من شركته يعنى متورط متورط
هيثم: تفتكروا ليه ما قبضوش عليه لحد دلوقتي
إلهام: اكيد بيعملوا إذن من النيابة متنساش ان ده نوح الرفاعي برضه
ذهبت شمس لشركه نوح بعد سماع تلك الأخبار
شمس: نوح أنت كويس
نوح : اه يا حبيبتي
شمس: الصحافة مغرقه الدنيا تحت انا طلعت من الجراج ورجال الأعمال بيبيعوا اسهمهم
نوح : ماتقلقيش يا شمس هتتخلى عنى انتى كمان
شمس: انت بتقول ايه انا اللى هتحمل المسئولية لو حصل اى حاجه وهعترف إن انا اللى عملت التصريح من وراك واكيد فى كاميرات فى المطعم بس انت مش كنت بتقول فى ظابط تبعك ولا طلع اشتغاله
نوح : بضحك هتضحى عشانى بقى لا انا كده هطمن لو الظابط طلع فشنك وكان بيضحك عليا
شمس: نوح مش وقت هزار على فكره
نوح : شمس حبيبتي ثقى فيا وكمان ٣ ساعات الحقيقة كلها هتظهر وانا فى قناه كبيرة هطلع فيها وهتكلم بس انا عايز اعرف مين معايا ومين ضدى مين اللى هيقف في صفى لو فعلا وقعت ومين الخاين اللى واقفلى على غلطه وانا قاصد التأخير في الرد تكون اميره اشترت أكبر عدد من الأسهم
شمس: هاجى معاك مش هسيبك
نوح: تعالى براحتك يا حبيبتي
مر بعض الوقت وخرج نوح برفقة شمس أمام الجميع حاول الصحفيين اخذ منه أى معلومه لكنه ابلغهم أن يتابعوا قناه .... سيتحدث بكل شئ هناك
دخل نوح وشمس الاستديو وكان كل شئ جاهز لاستقباله وكان بانتظاره أيضا اللواء المسئول عن القضية
بدأ المذيع فى تقديم البرنامج وبدأ يسأل نوح الأسئلة المتفق عليها مسبقاً منعاً لتسريب أى معلومات تضر القضية
ورد نوح واللواء على جميع الأسئلة
المذيع: طيب اخر سؤال هو حضرتك فعلاً متجوز من شذى المتهمه فى قضيه المخدرات
نوح : شذى انا اتجوزتها فتره لدواعى امنيه وتم الانفصال عنها يوم زواجى من شمس واعتقد الكل على علم بموعد زفافى كان امته ودى قسيمه الطلاق اللى تثبت صحه كلامى
المذيع: يعنى فعلاً كان فى جواز لدواعى امنيه وتم الانفصال من شهر او اكتر صح كده
نوح اماء برأسه بمعنى نعم
اللواء: لولا تدخل نوح وامداده لينا بالمعلومات كان يصعب علينا جدا اننا نمسكهم لانهم كانوا حويطين وكانوا بيحاولوا يدخلوا الشحنات بتاعتهم عن طريق شركات موثوق منها واحنا معانا كل التسجيلات اللى تدينهم حتى موعد التسليم وكل حاجه هتظهر فى التحقيقات
المذيع: شكرا جدا لحضرتك سياده اللواء وشكرا جدا نوح بيه على وقتكم تحب تضيف حاجه تانيه
نوح : اه أنا عامل حفله فى فندق .... وعازم كل رجال الأعمال والصحافة بمناسبة دمج الشركه الجديدة مع الفرع الرئيسي اللى متولى ادارتها والدى
انتهى البرنامج وخرج نوح وشمس وذهبوا للقصر وكانت مرفت تجلس في انتظارهم برفقة الرفاعي
مرفت: كده كده يانوح تخبى عليا طيب عرفنى وانتى يا شمس بتساعديه وتخبى عليا
شمس: والله يا ماما انا مكنتش اعرف كل التفاصيل دى نوح كان بينقطنى بالكلام ودايما منبه عليا إن كل حاجه في سريه تامه
الرفاعي: عارفه لو رضيتى ترجعيلى كان زمانى حكيلك كل حاجه
مرفت: مش مهم ادينى عرفت برضو
نوح : يا ماما عايزين نتلم فى بيت واحد
مرفت: نوح لو سمحت الكلام ده انتهينا منه انتوا ولاده من صلبه ومهما حصل هتفضلوا ولاده وانا عمرى ما امنعكم عنه ولا هو يمنعكوا عنى وخلاص انتوا كبرتوا واتجوزت واميره بكره هتتجوز واللى هيفضل بينى انا وابوك الود والاحترام إنما رجوع تانى صعب يا نوح انا مبعدتش من اول جرح عشان لما اخدت القرار بالبعد قررت انى مش هرجع تانى
الرفاعي: صعب بس مش مستحيل يا مرفت وانا متقبل منك اى حاجه
والاولاد هيفضلوا بينا زى ما قولتى
مر اليوم وذهب نوح وشمس للتحقيقات لإعطاء شهادتهم وقابلوا إلهام وشذى وهيثم
هيثم نظر لشمس بتوعد ولاحظ نوح تلك النظره فامسك بيدها جيداً
نوح : عينك لو بس رفعت وبصتلها تانى هطلعهالك بنفسى واحطها فى ايدك لو عايز تبقى مسجون واعمى أرفع عينك تانى وذهب لشذى وإلهام كل اللى بتفكروا في وبتخطتولوا طلع اونطه هههههههههههه لا عاش ولا كان ولا اتولد اللى يفكر يضحك على نوح الرفاعي وعلى فكره يا إلهام ابويا كان مطلقك من سنه كامله وكل اللى كنتى فيه ده كان تمثيليه وانتوا مسلتوا كويس بصراحه ونظر لهيثم عارف يا هو هو كان مين بيسربلى المعلومات عنك اختك الجميله دى واخدت منى فلوس مقابل ده اللى شركتك منها في اخر ثفقه دى اللى مقبوض عليك فيها دلوقتي وهى اللى ادتنا عنوان المخازن عشان تعرفوا بس انكم عيله مالهاش أمان زمان لما أبويا مديلكم ايده عضتوها وحاولتوا تبعدونا عنه وتاذونا ونسيته إنه فى النهاية الدم بيحن يا هوهو لم يستطيعوا الرد عليه او النظر له خوفا ان يسلط عليهم احد داخل السجن يكفى مابهم
نظر هيثم لشذى وقام بصفعه*ا
لولاكى مكنش حد قدر يقبض عليا بتديلوا اخبارى اديكى اتاخدتى معايا
شذى : كل واحد بيدور على مصلحته خلى الطابق مستور انت ناسي انك كنت بتخلينة انا اكلم الرجاله عشان اتوسطلك عندهم ماتتحمقش اوى كده
إلهام: اسكتوا اسكتوا بقى سيبونى أفكر نتصرف ازاى
شذى بسخرية: وهى دى هنطلع منها ازاى بقالهم سنه بيرقبونا ومسجلين كل حاجه بنقولها احنا نشوف حد يهربنا لو عرفنا
عند اميره ونوح
اميره : دول يا نوح اللى باعوا الأسهم بتاعتهم ال ١٠ دول والباقيين محدش باع تانى
نوح : ال ١٠ دول ممنوع التعامل معاهم او توريد اى شئ ليهم
اميره: فى منهم كان عايز يرجع يشترى الاسهم تانى
نوح: الاسهم دى سعرها يبقى الضعفين وبرضوا مش هبيع ليهم خليهم يدوقوا الخسارة عشان هما باعوا وخانوا وماستنوش يعرفوا الحقيقة
اميره: بقولك تامر اشترى أسهم في شركته من الناس اللى كانوا بيبيعوا
نوح : تامر حلو تامر ابيض وعيونه ملونه عشان كده بعتيلوا صح انا قلتلك بيعى لحد
اميره: استثناء استثناء
نوح : حاضر يا اميره صاحبى برضو تامر
مر اسبوع وتم عمل حفل كبير والإعلان عن دمج الشركه الجديدة الخاصة برفاعى بالشركة الرئيسيه وسوف تكون تحت إدارة الرفاعي وشمس واميره أصبحوا من أعضاء مجلس الإدارة
توطدت العلاقه بين تامر واميره وتقدم تامر لخطبتها ووافق نوح والرفاعى على الفور ومرفت احست بالفرحه لاولادها
كانت تجلس شمس بجوار مرفت يتحدثون عن
واحثت شمس بتعب داخل معدتها وتكرر معها أكثر من مرة لكنها كانت لا تبالى لكن اليوم تكرر بشكل اشد
اتصلت مرفت على نوح الذى اتى ومعه اختبار حمل وأعطاه لشمس التى تفاجئت بأنها حامل
شمس: هو انت كل حاجه كده عارفها قبلى
نوح : انتى اللى مش لماحه يا حبيبتي عمال اقولك أم أركان ام اركان وانتى ولا هنا
مرفت: وانت عرفت منين يا فلته حملت قبل كدهو
نوح : خو انتى مش واخده بالك من كميه الاكل اللى بتاكلها ولا المانجه اللى عماله تسف فيها وهو فى واحده طبيعية تاكل كده
شمس: انت بتعد ورايا يا نوح
نوح : لا بس انتى الوظتى يا شموستى فطبيعى اخد بالى
شمس نظرت لمرفت : انا تخنت
مرفت بضحك : هو ادرى بيعرف فى كل حاجة وسابتهم على راحتهم ومشيت
نوح : نتكلم جد يا شمس: انا بحبك اوى ومبسوط اوى بحملك محبتش اقولك اكون بيتهيقلى واعشمك وتطلعى مش حامل فتحبطى عشان كده كنت ساكت عموما انهارده بإذن الله هنروح لدكتوره نساء وتتابعى معاها باذن الله
شمس : حاضر يا حبيبي عارف يا نوح انت ادتنى قوه فى حياتى وثقه فى نفسى عمرى ماكنت اتخيل انى اتغير وابقى كده حبيت حياتى بجد وعرفت يعنى ايه حب وعيله والفرق لين الحب الحقيقي والخوف من الوحده وعرفت إن الضعف بيقتل صاحبه عشان كده عايزه اربى ابنى او بنتى مايكونوش ضعاف ومايتنمروش على حد ويبقوا واثقين من نفسهم
نوح : هنعلمهم كل حاجه مع بعض بإذن الله
شمس: عملت ايه مع مها
نوح : راحت انهارده الشركه لقت السكرتيرة الجديدة مكانها وسلمتها ورقة رفدها فى ايديها اديتها فرصه لكن هى للأسف مش هتتغير
شمس: احسن انسانه غير سوية بقولك انا عازمه صفا انهارده وسليم كنت حابه اشكرها على ثقتها فيا طول الوقت حتى لما قابلت هيثم وعادل محاولتش انها تخونى
نوح : اكيد طبعا اللى زى دول ماتفرطيش فيهم أبدا الصاحب ساحب وهى كانت دائما بتحاول تفوقك ووقفت جمبك وانتى سحبتيها معاكى للخير لما كنتى بتترقى
الحكايه خلصت
كلنا مرت علينا فتره فى حياتنا كنا فيها شبهه شمس مش بس انها حبت من طرف واحد او جوزها اتجوز عليها لا شمس مستنا كلنا فى ضعفها وخوفها من الوحده عطاءها بدون مقابل حد الهبل اتمنى من كل واحدة أنها تراجع نفسها وماتجيش على نفسك بزياده ابدا عشان اى حد حبى نفسك وثقى فيها لو عايزه غيرك يحبك لو محبتيش نفسك وقدرتيها محدش هيقدرك
انتظرونى الرواية القادمه قريبا جدا جدا جدا
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
