رواية نوح الفصل الحادي عشر حتى الفصل الخامس عشر بقلم أماني سيد حصريه وجديده
 |
البارت الحادى عشر
شذى : أنت جايبى هنا ليه
نوح : لما نطلع هتعرفى ولو قولتى اى حاجه غير حاضر ونعم وموافقه اعتبرى نفسك طالق يا شذى وبالتلاته كمان
شذى طلعت مع نوح وهى خايفه
نوح للاستقبال: فى معاد مع دكتوره رشا دلوقتي باسم شذى
الاستقبال: اه يا فندم اتفضل واخذته لغرفه الكشف
نوح : مساء الخير
الدكتوره: مساء النور اتفضل يا نوح بيه
نوح : دى شذى مراتى وجايين نركب وسيله حمل تكون امنه ونضمن بيها عدم حدوث حمل
ظلت شذى واقفه وملامحها مبهوته هى بالفعل كانت تاخذ منشطات لتعزز عمليه الحمل اتى هو وهدم جميع تخيلاتها
( يا جماعه هو كان متجوز شذى فى السر فاكرين يوم الحفله لما قالتله نفسى العالم كله يعرف انى مراتك ودمامته فهمت انه كان ناوى يخلص من اللى عايزه ويسبها عشان كده ضغطت عليه فقرر إنه يغير طريقه الانتقا*م
(
الدكتوره: مافيش اى وسيبه تضمن منع العمل بنسبه ١٠٠٪ بس ممكن نركبلها لوب ده اكتر وسيله أمنه وفى نفس الوقت النسبه بتكون ١ او ٢٪ اللى ممكن يحملوا منه
نوح : تمام يا دكتوره ركبيه
الدكتوره: مدام شذى حضرتك ممكن تتفضلى معايا عشان نركبه
شذى بدون كلام دلفت خلف الحاجز وتمددت على السرير الطبى وقامت الدكتوره بتركيب مانع الحمل لها
ذهبوا من عند الدكتورة وكانت شذى تجلس في السيارة بجانب نوح وتبكى
شذى : ليه عملت كده انا ماصدقت اننا اتجوزنا رسمى
نوح : انا مش عايز اخلف منك يا شذى وعمرى ماقولتلك انى عايز اخلف خلينا نعيشلنا يومين تلاته حلوين كده
وصلوا القصر وصعدوا لغرفه نوح تزينت شذى وظلت فى انتظار نوح الى ان انتهى من غسله
خرج نوح من المرحاض وتوجه للتخت وتمدد عليه
ذهلت شذى من تجاهل نوح اليها حاولت الحديث معه لكنه تجاهلها وخلد للنوم
فى اليوم التالى صباحا استيقظ نوح وارتدى ملابسه وذهب لوالدته التى كانت تجلس بجانب شمس يتثامرون
مرفت : ايه ده انت جيت ليه المفروض امبارح كان فرحك
قامت شمس وتركت لهم بعض الخصوصيه
مرفت : فين مراتك مجبتهاش معاك ليه
نوح بجديه : ماما لو سمحت انا نفذتلك اللى انتى عايزاه بلاش بقى تصدقى انها مراتى فعلا
مرفت احست بغضب نوح فالتزمت الصمت إلى أن يهدأ وتعاود الحديث معه مره اخرى
نوح : هى شمس مشيت ليه عايز اكلمها ابعتى حد يناديها
ارسلت مرفت لشمس لكى تتحدث مع نوح
شمس: ازي حضرتك يا نوح بيه
نوح : ازيك انتى يا مش اقعدى
بقولك طليقك ده حاول يتعرضلك تانى او يجيى جمبك
شمس : لأ الحمد لله هو بس اخر حاجه لما اتهمنى انى كسرتله الشقه وخضرتك وقتها بعتلى محامى وخلص الموضوع
نوح : طيب كويس بقولك بقى لو حصل فى مره وحاول يتعرضلك او يطلب منك اى حاجه تعرفينى فوراً
شمس : شكرا لحضرتك بجد بس انا حالياً بدور على شقه تكون قريبه من الشغل تكون ايجار اوضه وصاله وانا هفرشها واقعد فيها
نوح: ليه حد ضايقك هنا
شمس : لأ طبعا حضرتك انا بس بقالى كتير هنا وقاعدتى طولت
نوح : بصى يا شمس أولا اقعدى هنا براحتك محدش أبدا متضايق منك ثانياً كان ممكن تفكرى كده لو انا ببات هنا مثلا كل يوم وحتى لو انا ببات هنا فانتى قوضتك بتبقى مقفوله عليكى
ثالثاً انتى وماما واخدين بحس بعض ولو مشيتى ماما هتضايق لانها اتعودت على وجودك فمش عايز اسمع الكلام ده تانى
نظرت مشس له وأماءت رأسها بمعنى نعم
انتهى الحديث عن حياه شمس الشخصيه وبدأوا فى احاديث جانبيه عن العمل
وانضمت لم مرفت
قضى نوح اليوم برفقتهم وبعد انتهاء اليوم ذهب إلى قصره ووجد شذى تنتظره
شذى : ممكن اعرف كنت فين انهارده صبحيتنا
نوح : صبحيه مين يا شذى انتى صدقتى فعلا وبعدين بلاش بقى دور الزوجه اللى بجد وتسألى رايح فين وجاى منين لانى مش معتبرك مراتى أصلا
شذى : امال الماذون واللى حصل امبارح ده كان ليه
نوح : مجرد حبر على ورق ولما يجيلى مزاج يببقى فى الحلال بدل ماكنا متجوزين في السر
شذى : نوح ليه بتعاملنى كده انا بحبك
نوح : وانا معرفش احب حد يا إما تعيشى كده يا إما كل واحد يعيش فى طريق
شذى قربت منه ومسكت ايده وبصتله : وانا هفضل وراك لحد ما تحبنى
نوح بسخريه : لما نشوف وسبينى بقى انام عشان عندى شغل بكره
مر ثلاثة اشهر وكان خلالهم نوح يعامل شذى بجفاء ويتجنبها بقدر الامكان وأحيانا يخلد للنوم بغرفه اخرى كى يتجنبها قررت شذى اللجوء لوالدته لانها تعلم انها الوحيدة التى تستطيع التأثير عليه
ذهبت شذى لفيلا والدت نوح و جدتها تجلس فى الصالون ومعها أميره وشمس
مرفت : اتفضلى يا شذى ازيك عامله ايه
ذهبت لها شذى وسلمت عليها
شذى : انا بخير يا طنط معلش الزياره جت متأخرة بس انا لما نوح بيجيلك مبيقولش عشان كده مش باجى معاه
وبصت لشمس : الواضح انى جيت فى معاد غير مناسب وعندك ضيوف
مرفت بطيبه : لا يا حبيبتي دى شمس وزى بنتى وقاعده معايا على طول
نظرت شذى لشمس بكره وخمنت انها السبب لعدم تقبل نوح لها
شذى : وعلى كده انتى بتشتغلى يا شمس
شمس : اه طبعاً انا المدير المالى لشركه .....
شذى : ايه ده انتى كمان شغاله عند نوح
اكيد طبعا مديكى المنصب الكبير ده بسبب القرابه بينك وبين مامته
شمس : لأ حبيبتي انا قديمه جدا فى الشركه واترقيت لحد ماوصلت للمكانه دى
شذى : تمام اكيد نوح ادرى بشغله طبعا وبصت لمرفت : لو سمحت يا طنط ممكن اتكلم معاكى على إنفراد
مرفت : اه طبعا يا شذى تعالى
نظره لها اميره باستحقار : من امته وفى بينك وبين ماما اسرار
شذى تمالكت نفسها ورسمت ابتسامه على وجهها
شذى : من دلوقتي يا اميره لو مكنش عند طنط مانه
مرفت : لأ مافيش تعالى معايا
دخلت مرفت وشذى لغرفه المكتب الخاصه بنوح داخل الفيلا
مرفت : خير ياشذى فى ايه
شذى : بصى يا طنط انا هحكيلك اللى نوح بيعمله من ساعت ماتجوزنا وامانه عليكى ماتقوليلوش انى حكيتلك عشان مايزعلش منى زياده بس قوليلى اعمل ايه
حكت شذى لوالده نوح جميع ما فعله نوح بها
مرفت : بصى يا شذى انا طبعا مايرضنيش الكلام ده وانا هتكلم مع نوح بطرقيتى وربنا يسهل إن شاء الله
شذى : كنت عارفه إن حضرتك طيبه واكيد هتساعدينى
مرفت: فى الأول والاخر انتى مرات ابنى وانا يهمنى انكوا تعيشوا كويسين فى إستقرار
اتى نوح لوالدته وتفاجئ بوجود شذى وتجاهل الحديث معها فى أى شىء
الى أن طلب من شمس الحديث معها داخل المكتب فى موضوع يخص العمل
شكت شذى فى أمر نوح وشمس وقررت ان تبحث خلفها وتتانى فى التصرف معها
داخل المكتب
نوح : بصى يا شمس انا الفتره اللى فاتت بقيت باجى الشركه بشكل قليل جدا بسبب انشغالى فى الفرع الجديد لأن هناك مافيش حد اثق فيه او اعتمد عليه وغير كده الشغل اكبر فأنا بعرض عليكى منصب جديد
إنك تكونى النائب بتاعى فى الشركه أثناء غيابى وده عشان مافيش شغل يتعطل لان انا لما برجع بلاقى شغل كتير متعطل وواقف على امضتى وكل حاجه هتعمليها تبعتيلى بيها ايميل
شمس : ده شرف كبير جدا ليه واخاف مكنش اده
نوح : لا يا شمس انا واثق انك اده وإلا مكنتش كلمتك نظر نوح تجاه الباب وجد شذى تقترب وتريد فتح الباب فتقدم من شمس وامسكها من كتفها
نوح : وماتخافيش من اى غلط حتى لو غلطتى انا كده كده معاكى ومتابعك فمتقلقيش
توترت شمس جدا من قربه وضربات قلبها اذدادت ارتفاع وهو احس بذلك ولم يعلق وفى تلك الأثناء دخلت شذى وتعمد نوح ان يجعلها ترى ذلك
شذى : نظرت لشمس باحتقار دون حديث ووجهت حديثها لنوح
شذى : نوح احنا اتاخرنا مش هنمشى
نوح : استنينى بره وانا جاى وراكى
شمس استطاعت التحدث بصعوبه : تمام موافقه بس مين هيمسك مكانى
نوح : هنمسك صبا مكانك ونشوف حد يبقى مساعد ليها بكره انا هاجى الشركه ونعمل عقود جديدة
شمس : تمام
نوح : خلاص نتقابل بكره فى الشركه مع السلامه
خرج نوح من المكتب وجلست شمس على اقرب كرسى وامسكت ملف واصبحت تهوى على وجهها لا تعرف لما هذا الخوف الذى يجعل ضربات قلبها تتقافذ منه كلما تراه ليست اول مره تتعامل مع وهو لم يفعل شئ يجعلها تخشاه إذا لما كل هذا الخوف
فى السيارة التزمت شذى الصمت وقررت أن تجعل هيثم يستعلم عن هويه شمس حتى تستطيع ابعادها عن نوح دون الظهور
وصلوا القصر دون الحديث لبعضهم صعد نوح لغرفته وذهبت شذى لغرفه هيثم
شذى : هيثم عايزاك فى موضوع مهم اوى
هيثم : خير
شذى فى بنت شغاله في الفرع الرئيسي اللى انت كنت ماسكه اسمها شمس عارفها
هيثم : اه عارفها متجوزه من واحد اسمه شريف فى الشركه
شذى : طيب عايزاك تعرف وضعها ايه مع جوزها دلوقتي او على الاقل تجبلى رقمه او عنوانه ممكن
هيثم : ليه شاكه فى حاجة بينهم
شذى : اه اصلها قاعده عند امه وهو اغلب الوقت هناك فاكيد الموضوع ده فيه إنه
هيثم هنا حس بنشوه داخله انه ممكن يمسك غلطه على نوح ويقدر يضربه بيها
هيثم : ماتقلقيش بكره كل اللى انتى عايزاه هيكون عندك
تانى يوم اتصل هيثم بشخص يعمل فى شئون العاملين داخل الشركه تابع له وبدأ يساله عن شريف
وابلغه ان شريف تزوج امرأة أخرى وانه انفصل عن شمس وأن شمس تم ترقيتها اليوم من مدير مالى إلى نائب رئيس الشركة
فطلب هيثم رقم هاتفه وعنوانه وأعطاهم له الموظف وابلغه ان هذا الموضوع يجب أن لا يعلم به أى شخص لتجنب أى اذى لأى طرف
اعطى هيثم رقم الهاتف والعموان لشذى وقرروا الذهاب مباشره لمنزل شريف
فى مكتب شذى كانت تتحدث مع صديقتها صفا
صفا : انا مش مصدقه يا شمس فى فتره قصيره اوى اترقينا ترقيتين عمرها محصلت
شمس : انتى تستاهلى خير وده اكيظ عشان اتقينا ربنا فى شغلنا بس عارفه يا صفا انا خايفه اوى من المنصب الجديد ده بسبب خوفى من نوح
صفا : المفروض يا شمس انك اتعاملتى معاه كتير والمفروض خوفك يقل
شمس : مش عارفه يا صفا بس لا ده الخوف بيزيد وضربات قلبى بقت تزيد اكتر من الاول لما بشوفه
صفا بتوجس : شمس انتى بتحسى بايه بالظبطت لما بتشوفيه
شمس : بحس إن الهوا اللى فى المكان بيبقى محبوس بعيد عنى مش قادره اتنفس كويس وسخونه كده فى جسمى وضربات قلبى بتزيد واول مابيمشى بحس جسمى ساب نتيجه التوتر اللى كنت فيه
صفا : شمس ظه مش خوف
شمس : امال ايه
صفا: انتى بتحبيه دى مشاعر حب يا شمس
شمس سكتت فتره تستوعب خلالها حديث صفا
عند شذى ذهب لمنزل شريف ووجدت شاديه بمفردها وطلبت منها ان تتصل بزوجها تستدعيه
اتصلت شاديه على شريف الذى أتى فورا للمزل ووحد شذى وهيثم منتظرينه
شذى : انت جوز شمس
شاديه: قصدك طليقها
شذى : وانت طلقتها ليه
شريف لسه هيتكلم وقفته شاديه باشاره منها
شاديه: وانتى بتسألى ليه يهمك فى ايه الموضوع ده
شذى : يهمنى أوى و .....
ياترى ايه اللى ناويين يعملوه وهل هيكون فى صالح شمس ولا ضد مصلحتها
البارت الثاني عشر
كان الجميع يجلسون في منزل شاديه وكانت شاديه تريد استغلال شذى وايذاء شمس
لاحظت شذى هذا الشئ وقررت اللعب عليه
شذى: انت عارف طليقتك عايشه فين دلوقتي
شريف: اكيد عند اخوها مهو مافيش مكان تاتى تروحه
شذى بسخرية: طيب تعرف مراتك قصدى طليقتك منصبها ايه فى الشركه
شريف: اه مدير مالى
شذى : انت غلبان اوى كده ليه انت تعرف ان طليقتك عايشه فى بيت أم نوح مالك الشركه اللى انت شغال فيها
شاديه بصدمه وغل : معقول
شذى : ومش بس كده شمس اصبحت النائب فى غياب جوزى مهو نوح جوزى وخلى امضتها محل امضته فى غيابه تفتكر ازاى وصلت للمنصب ده بسرعه
شاديه: وهى دى محتاجه قواله وممكن تكون كانت بتقرطسك وعلى علاقة معاك ومعاه فى نفس الوقت
وبصت لشريف انت بقالك كام سنه فى الشركه اترقيت كام مره انما هى كل شويه ترقيه اكيد كانت ماشيه معاه
شريف : بنت ال.... كانت مقرطسانى كل ده وانا اللى فاكرها الملاك اللى بيتمنالى الرضا ارضى
شاديه: منا قلتلك قبل كده مافيش ست تقبل إن جوزها يتجوز عليها إلا اذا كان وراها حاجه واهو ربنا كشفهالك
شريف: يلا ادينى طلقتها اهو وكويس انى عملت كده وغورتها
شذى : بالسهوله دى
شاديه: واحنا هنستفاد ايه لما نشوشر عليها احنا لو عملنا كده ممكن شريف يترفد وقتها هنعيش منين
شذى فهمت تلميح شاديه
شذى : ده شيك بنص مليون جنيه وزيه لما شمس تمشى خالص من الشركه بفضيحة
شاديه بطمع من بكره اللى انتى عايزاه هيتعمل
شذى : طيب نسمع جوزك هو اللى هينفذ يمكن يكون ليه رأى تانى
شريف لسه هيكلم راحت شاديه بصتله بتبريقه اللى هو وافق
شريف: من بكره طبعا هنفذ
شاديه: قوم بقى يا شريف هات للضيوف حاجه يشربوها
شذى : مافيش داعى احنا خلصنا كلام وماشيين
خرجت شذى وهيثم من عند بيت شاديه
هيثم: انتى واثقه انه هينفذ
شذى : أنت ماشفتش مراته والغل اللى جواها لشمس وخصوصاً لما عرفت إنها اترقت من غير مانديها فلوس أصلا كانت هى هتعمل كده
هيثم: طيب ادتيهم فلوس ليه
شذى: اللى زى دى كلبه فلوس بشتريها عشان تعمل أى حاجة اطلبها منها افرض المره دى العيار ماصبش هنحتاج عيار اتقل
هيثم : بقولك ايه كان فى صفقه قطع غيار مضروبه وكنت عايز ادخلها عن طريق شركة نوح تفتكرى البت دى تاخد قرشين وتساعدنا
شذى : بص يا هيثم بكره الصبح ابعت شريكك يقابلها ويساومها على طول وبلاش مكالمات او رسايل ممكن الموضوع ده يتم من ورا نوح أصلا لو هى مضت مكانه بس وقتها هاخد نسبتى
هيثم: طيب افرضى قالتله وعملت بريقه
شذى: ماتفتح دماغك بقولك ابعت شريكك نوح مايعرفوش ده أولا وثانيا مافيش اى شئ يدل إن فى حد تواصل معاها او طلب منها حاجه يعنى لو الثفقه تمت وهى مكنتش قالتله هى هتلبس مع نوح وما ادراك لما حد يلبس معاه تانى حاجة هنكون احنا بعيد عن اى حاجه غلط فهمت
هيثم: يخرب بيت دماغك
شذى : ومش بس كده مع انتشار الاشاعه إن فى علاقه بينهم الموضوع ده هيخليه مش بس يطردها من البيت والشركة لأ ده ممكن يق*تلها
هيثم : يخرب بيت دماغك دى سم ماهى اللى توقع واحد زى نوح ده تبقى دماغها سم
عند شاديه وشريف
شاديه: بكره الصبح يا شريف تروح الشركه وتقول للناس إن واحده خاينه زى دى ازاى تمسك منصب حساس زى ده وانها خسرتك صاحب عمرك لما عرفت انها كانت ماشيه معاه وانها دلوقتي ماشيه مع نوح وانك راقبتها لقيتها عايشه فى بيته بدون جواز
شريف: بس مش دى الحقيقة
شاديه: ليه يا حبيبي مش صاحب عمرك ده قاطعك عشانها ردله بقى اللى عمله معاك
شريف: عندك حق طيب والشيك
شاديه: وإنت مالك وماله انا بكره هصحى بدرى واروح اصرفه وبعدين افكر نعمل ايه بالفلوس دى واستفاد بيها إزاى
شريف: وانا كمان مش هحتاج شغل الورشة ده وكفايه شغل الشركه لأنه بقى متعب اوى وانا نفسي انام وارتاح
شاديه: طيب وفلوس الشغاله هتجبها منين دى بقالها شهرين بس شغاله ولا انت هتقوم بدورها لو انت هتقوم بدورها خلاص مشيها
شريف: يا شاديه ده دورك انتى مش انا ده بيتك المفروض انك صاحبته يعنى تنضفيه تروقيه وتعملى اكل بسيط لفرضين والشغاله تجيلك كل اسبوع او اتنين مثلاً
شاديه: انا ماليش في شغل البيت ده وقولتلك انى اطلقت من جوزى اللى قبلك بسببه وقبل ماتجوزك جالى وباس ايدى وحب يرجعنى وقالى هجبلك شغاله وانا رفضت لانى عايزاك انت
انما بقى تقولى شغل بيت وكلام فاضي يبقى طلقنى من سكات
شريف: خلاص يا شاديه مشيها وانا هقعد من الشغل التاتى والقرشين دول ممكن نحطهم وديعه واهو يساعدوا
شاديه : ماشى ماشى ربنا يسهل من هنا لبكره
عند صفا وشمس
شمس مازالت مصدومه من كلام صفا وبتكذب اللى سمعته
صفا : ايه يا شمس سكتى ليه
شمس: عشان غلط أيوه غلط المفروض ماحسش بكده ايه ده وانهارت من العياط
صفا: اهدى يا شمس دى حاجة مش بايدك
شمس: ده راجل متجوز يا شمس والفرق بينا بين السما والارض يعنى كل حاجه بتقول مستحيل
بس اكيد فى علاج اكيد انا هروح لدكتور نفسى ممكن يكون وسكتت وهم وسكتت
رجعت كملت
انا بحبه فعلا يا صفا وقلبى وجعنى لما شفت مراته ده الإنسان الوحيد اللى بتكهرب لما بشوفه او اسمع صوته او اتكلم عنه ده الإنسان الوحيد اللى حسيت فى قربه بالأمان
اصبحت شمس تتحدث بهذيان
وصفا صامته مصدومه من صديقتها وخائفه عليها شمس بهزيان
انا بحبه لا لا مش بحبه
انا بحب طريقته مع مامته واخته ومساعدته ليا و كلامه وثقته فيا
لا لا انا بحبه وهو ونفسى احس انى مسئوله منه لالالا هو متجوز مش من حقى لا انا احساسى اتجاهه خوف ته هو كده خوف وبس
صفا حاولت تسكتها معرفتش راحت ضربتها بالقلم و دلقت على وشها كوبايه مايه
صفا : اهدى يا شمس اهدى بصى اتعاملى عادى جدا ممكن يكون ده انبهار بشخصيته وهياهد وقته وممكن يكون اعجاب وهيروح مع الوقت اهدى خالص واتعاملى عادى وربنا يرزقك بابن الحلال وقتها هتحبيه وتنسى اى مشاعر تانيه جواكى انا واثقه من كلامى
شمس : صح انتى صح انا هركز فى شغلى ومستقبلى دول أهم حاجة
عند مرفت واثناء ماكان الجميع فى العمل سمعت مرفت طرق باب وفتحته ووجدت الرفاعى امامها
مرفت: خير نوح مش هنا ولا أميره
الرفاعي: أنا عارف عشان كده جيتلك وعايز اكلمك
مرفت: الكلام بينا منتهى يا رفاعى
الرفاعي: لا منتهاش طيب خلينى اكلمك أدينى فرصه
مرفت: مهما قولت يا رفاعى ده مش هيعوض اللى انت عملته
الرفاعي: طيب خلينى ادخل ونتكلم
دخل الرفاعي الى الصالون ومرفت قدمت له فنجان من القهوه
الرفاعي: مرفت انا طول عمرى بحبك وعمرى مانسيتك ابدا حتى لما اتجوزت إلهام
مرفت: ازل مره اشوف واحد بيحب واحده يتجوز عليها واحده تانيه وهو مابيحبش التانيه اللى اتجوزها امال اتجوزتها ليه
الرفاعي: كنت مريض باحساس النقص قدامك كنت عايز اسبتلك انى اعلى منك طول عمري كنت حاسس بالنقص قدامك
مرفت : وولادك برضو كنت حاسس بالنقص قدامهم تعرف نوح لحد دلوقتي مش قادر تخطى الماضى لما طردته عشان ابن إلهام ولا لما كنت بتاخدهم وتسافر وتسيبنى انا وولادى
لحد ما اخويا هو اللى يخرجنا
الرفاعي: كنت بغيظك كنت عايزك تثورى عليا لكن كل مره الاقيكى بتردهالى بشكل اكبر كنتى بتسافرى مع اخوكى مكان افضل من اللى كنت بسافر انا فيه
مرفت : مجاش فى دماغك انك كنت بتخسرنى انا كان لازم اعمل كده عشان محسسش عيالى بالنقص
الرفاعي: انا اللى كنت بحس بالنقص وقتها عارفه ببقى فى نيتى اجى اخدكم مكان تانى احلى بس بلاقيكى اخدتى الولاد وسافرتى بيهم كان احساسى بالنقص وقتها بيزيد
عارفه لو بس مره بس مره حسيتينى انك من غيرى هتتعبى كنت وقتها سبت إلهام انما انتى دايما كنت بتاخدى الامور تحدى وتزودى الفجوه
مرفت: يا سلام بقيت انا الغلطانه دلوقتي كمان لا كتر خيرك
عارف يا رفاعى كان ممكن اسامحك رغم كل اللى عملته لو كنت طلقت الهام وكنت صارحتنى بكل ده قبل ما الاولاد يعيشوا اللى عاشوه ده انما انت كنت بتتمادى وضربتنى عشانها
الرفاعي: لا والله ضربتك عشان كنت غيران عليكى من عيون كل اللى فى الحفله وانا سامع همسهم عليكى وانك خساره فيا وقتها عملت كده عشان تمشى لكن فعلى كان غلط انا عارف وندمت صدقينى ندمت لو عايزانى اجمعهم تانى واعتذرلك وابوس ايدك قدامهم انا موافق
مرفت : صدقني بقى مستحيل يا رفاعى الحركة دى كسرت اى شئ جوايا ليك دلوقتي انت ابو ولادى وبينا كل احترام انما انى أسامح صعب صعب اوى
الرفاعي: وأنا مش هيأس يا مرفت
مر اليوم بدون احداث جديده
وفى اليوم التالى بدا شريف فى نشر الاشاعات فى المصنع بخصوص شمس فى البداية كان يوجد قلق بين الموظفين في نقل الكلام ثم أصبحت الاشاعات تتنقل بينهم بشكل سرى
كانت شمس تجلس في المكتب وتتابع عملها دلفتةاليها السكرتيرة ابلغتها بأن هناك شخص يريد التحدث معها بشأن هام .
دخل رجل في بداية الثلاثينات إلى مكتب شمس وبيده ملف صفقه
عادل : مساء الخير
شمس : مساء النور
عادل: انا عادل راشد صاحب شركه ...
شمس : اهلا بحضرتك اتفضل
عادل: نوح بيه موجود
شمس : انا النائبه بتاعته ممكن حضرتك تقولى محتاج ايه
عادل : كان فى صفقه بينى وبينه بخصوص قطع غيار جايه من الصين وكان نوح بيه معاه الملف بتاع الصفقه والمفروض اننا كنا هنمضى عليها انهارده
شمس : للاسف معنديش علم بيها كيب ممكن حضرتك توضحلى تفاصيلها
عادل :.....
البارت الثالث عشر
شمس: استاذ عادل ممكن حضرتك تكلمنى اكتر عن الصفقه ولو تمت هتبقى نسبتنا أد ايه
عماد بدأ يتحدث عن الصفقه ويعرض عليها ارباح وهمية شمس أحست بخطأ كبير في النسب التى يعرضها عليها وقررت ان تتمادى معه للآخر لتعلم ماذا يريد منها
عماد : ها إيه رأى حضرتك يا استاذه شمس
شمس : طبعا ممتازه وانا هتصل بنوح بيه ولسه هتكمل كلام
عادل : نوح بيه مش بيحب يتعامل مع الشركات الناشئة اللى زى شركتنا
شمس : طيب لو حضرتك عارف كده جتلى ليه
عادل: ممكن نمررها تحت شعار الشركه بدون مانوح بيه يعرف
شمس : طيب وانا هستفاد ايه
هنا ادرك عادل أن خطته هو وهيثم تسير كما خطتوا لها
عادل: النسبه اللى هتكون للشركه هتروح ليكى
شمس : بصراحه عرض مغرى جدا طيب استاذن حضرتك تسيلى الملف ارجعه وأشوف ازاى نقدر ندخل البضاعه تبع الشركه من غير مانوح بيه يعرف وارجع اكلمك تانى بس سيبلى رقمك
عادل: اتفضلى ده الكارت بتاعى ودى ارقامى الشخصيه
شمس : تمام يا استاذ عادل انتظر منى مكالمه
خرج عادل من الغرفه وعندما تأكدت من غلقه الباب خلفه وضعت الهاتف على اذنها
شمس : حضرتك سمعت الحوار
نوح: برافو عليكي انك اتصرفتى كده
( شمس اتصلت بنوح فعلا لما قالتله هتصل بنوح بيه اخد رأيه واستكملت حديثها معه عندما فتح نوح الهاتف ولم تظهر له هذا وعندما سمع نوح كلام شمس استمع جيداً لحديثهم لكى يعرف ما يخطتون له )
بصى يا شمس هاتى الملف معاكى والكارت الفيلا وانتى مروحه انهارده وانا هعدى عليكى نتكلم هناك براحتنا
شمس : حاضر عموماً الملف انا حطيته فى دوسيه اسود عشان مايتلغبطش مع أى دوسيه تانى
عند سليم وصفا كانوا يتحدثون فى مكتب صفا بخصوص الاشاعات
سليم : شريف ماشى فى المصنع بيقول انى انا ونوح على علاقه غير شرعيه بشمس عشان كده هو طلقها
صفا: يا لهوى انت بتقول ايه حسبى الله ونعم الوكيل فيه
سليم: طيب ايه العمل دلوقتي
صفا: دى شمس لو عرفت ممكن يجرالها حاجه
دخلت شمس اثناء حديثهم
شمس: ليه ايه اللى حصل
صفا: مافيش يا شمس بنتكلم فى موضوع عادى
شمس : انا سمعت طراطيش كلام فى ايه مخبينه عنى
سليم : بصراحه يا شمس شريف بيطلع عليكى اشاعات
شمس : عليا انا بيقول ايه
صفا: كلام مش حقيقي يا شمس
شمس : يا صفا لو سمحت فهمينى في ايه
صفا: شريف عمال يقول انك على علاقه بسليم ونوح بيه
شمس : يا نهار اسود هو اتجنن أنا لازم اروح اوقفه عند حقه
صفا : اصبرى بس يا شمس الموضوع مش مستاهل قفش اصبرى لازم نتصرف بعقل
شمس عقل ايه انتى فاهمه انتى بتقولى ايه الراجل اللى امه فتحالى بيتها اسمه دخل فى اشاعات بسببى أقلها هيرفدنى ويريح نفسه من الاشاعات
صفا: طيب اقعدى الاول نفكر هنعمل ايه
خرجت شمس مسرعه من بوابه الشركه وذهبت للجهه الاخرى من الشركه التى يوجد بها المصنع وذهب خلفها سليم وصفا
وقفت شمس أمام شريف وبدون مقدمات او عتاب قامت بضربه على وجهه
شريف بصدمه: انتى اتجننتى انتى بتعملى ايه
شمس: بعمل اللى المفروض كنت اعمله من زمان بقى انت بتجيب سيرتى بالكلام الوحش ده ليه ليه الحقد مالى قلبك ده
شريف : بقولك ايه يا شمس ايه هتطردينى ولا ايه منتى هدتينى قبل كده بالطرد ماهى مش اول مره
شمس : انت انسان حقير
شريف : انتى اللى ماشيه على حل شعرك خلال كام شهر تترقى من موظفه عاديه فى الحسابات لنائب رئيس الشركه ايه مشغلين معانا احمد زويل ولا كنتى تقربى لصاحب الشركه واحنا منعرفش
عم الهدوء في المكان وأصبح لا يوجد غير صوت الأنفاس تلفتت شمس خلفها وجدت نوح يقف بهيبته وخلقه الحرس الخاص به
نظر نوح لشريف باذدراء ثم همس بصوت كفحيح الاعفى
نوح : كنت بتقول بقى من شويه ثم صمت
اه افتكرت بتقولها اترقيتى فى الفترة القصيره دى ليه عشان تقربى لصاحب الشركه مثلا
اه احب اقولك إن شمس خطيبتى وكمان اسبوع كتب كتابنا والمنصب ده هى احق بيه بصفتها مراتيى واتك على الكلمه
ولأنها اثبتت كفائتها
وقلت ايه تانى انها كانت على علاقه بسليم جوز صفا نادى نوح على صفا
ايه علاقه جوزك بشنس اظن لو صحبتك بتخونك دى انسب وقت تاخدى حقك
صفا : شمس أشرف واحده عرفتها وعمرها ماتعدت بكلامها لا مع سليم ولا مع اى حد
نوح: انت بقى بأى صفا بترمى المحصنات ولا كل ده عشان رفضت ترجعلك بعد ما خنتها واتجوزت عليها
مش اللى كانت معاك فى الحفله دى مراتك ولا إحنا فاهمين غلط وهى حاجه تانيه
صُدم شريف من حديث نوح واخفض شريف وجهه فى الأرض لم يجد حديث يستطيع به مواجهه نوح وحتى إذا كان يمتلك حديث فهيبه نوح تجلعه لا يستطيع رفع رأسه لاعلى
نظر نوح للجميع وتحدث بصوت مرتفه
كل العاملين بالمصنع والشركه مخصومين منهم ٣ أيام من المرتب وانظار بالفصل لو اتكرر واتحدثنا مره تانيه على حد بالعاطل هيتم طرده كل و كل واحد يروح على شغله اتفضلوا
ذهب الجميع لعملهم وتبقى نوح وشمس وصفا وسليم
نوح تحدث للحارس: اطلع مكتب استاذه شمس وهات شنطتها وهتلاقى ملف اسود هاتوا
استاذنت صفا وزوجها وذهبوا وامسك نوح كف شمس وذهبوا للسيارة وكانت شمس تبكى بلا توقف خوفاً من رد فعل نوح وامه
فى السيارة
نوح :بطلى عياط بقى المشكلة خلصت خلاص وكل واحد اخد جزاؤه
شمس ظلت تبكى الى ان وصلوا المنزل
دخلت للفيلا وذهبت لغرتها بصوره مباشره كى تجمع اغراضها
حاولت مرفت ان توقفها لكن وجهه شمس منعها من الحديث معها
نظرت مرفت لنوح
مرفت: مالها شمس يا نوح انا أول مره اشوفها بالمنظر ده حصل ايه
نوح : طلقها عرف انها عايشه معاكى هنا وغار منها عشان اترقت فنشر إشاعات عليها انها على علاقه معايا
مرفت : يا لهوى وانت عملت ايه
نوح : أبدا قولتلهم انها خطبتى
مرفت : نعم ومراتك إزاى تعمل كده انت ناسى انك متجوز ولا عشان معملتش فرح وكده
نوح : هو ده الحل الوحيد اللى خطر على بالى
هنا نزلت شمس وهى ماسكه شنطتها
شمس : شكراً جدا لمساعدتك ليا يا نوح بيه عموماً انا همشى من هنا وفتره كده وقولهم اننا مرتحناش عشان كده فسخنا الخطوبه وبكده نبقى حلينا المشكله
نوح : يا سلام بالسهولة دى وتطلعينى عيل قدام الناس
شمس : ده الحل الوحيد وعادى ناس كتير اتخطبت وفركشت قبل ما تكمل الجوازه
نوح : وقتها هيقولوا انى كداب وفعلا على علاقه بيكى وقلت الكلمتين دول عشان اسكتهم وقتها الكلام هيبقى اكبر
شمس : يعنى ايه
نوح : يعنى هنتجوز فعلاً يا شمس
مرفت : نوح عنده حق يا شمس لازم نقطع سيره أى حد ممكن يتكلم وخصوصاً على نوح انتى عارفه وضعه اى إشاعات ممكن تأثر على اسهمه
شمس: وده برضو هياثر على جوازه
نوح : دى حاجة تخصنى انا دى مشكلتي وأنا هتصرف فيها انا مش هتحايل عليكى يا شمس
البارت الخامس عشر
دلف نوح غرفه المكتب ودلفت خلفه شمس
تحدث نوح بدون اى مقدمات
نوح : بصى يا شمس من دلوقتي انتى مراتى وكلها كام يوم والعالم كله هيعرفك
عايزك تتعاملى على الاساس ده مش عايزك تخافى من حاجه وتتصرفى من وضعك الحالي محدش هيقدر عليكى غير ربنا بلاش تبقى ضعيفة ولا عايز اشوف الضعف والخوف اللى بشوفه كل أما حاجه تحصلك خليكى واثقه في نفسك انا عمرى ما هظلمك او اجى عليكى فمتحطيش نفسك في مقارنه مع حد فهمانى طبعا انتى بنفسك شفتى اخوكى لما جه كان عامل ازاى وقبل ما يكشى كان عامل ازاى ومن بكره فى حرس هيكونوا معاكى
شمس: مافيش داعى للحرس
نوح : لأ طبعا فى داعى وخصوصا الفترة الجاية ومعاكى صلاحيات تتقدرى بيها تتعاملى مع الموظفين اى قرار هتاخديه تقدرى تبلغى بيه الh.r وهما هيتصرفوا
وحاجه اخيره يا شمس
اقترب منها وقبلها بلهفه ثم بعد فتره تركها
انتى مراتى بلاش رسميات واتعودى على كده وسابها وخرج وسط زهولها وضربات قلبها التى تقسم انه سمعها حتى خرج من المنزل
خرج نوح ووجد مرفت امامه نظرت إليه ولوجهه الذى ترتسم عليه ابتسامه جديده عليه
مرفت: شيفاك مبسوط يارب دايما
نوح: وماتبسطش ليه
مرفت: ربنا يبسطك كمان وكمان يا جوز الاتنين
نوح : انا همشى وهجهز للفرح كمان اسبوع عايزك تظبطيها بقى وراح غامزلها ومشى
دخلت مرفت على شمس وجدتها مازالت واقفه مكانها
مرفت: مالك يا شمس واقفه كده ليه
شمس: هه لأ مافيش
مرفت: طيب اطلعى غيرى هدومك واعملى حسابك من بكره هننزل نحضر لفرحك
شمس بابتسامه: حاضر
فى مكان ما كان يقف نوح ووالده يتحدثوا
الرفاعي: بردوا روحت اتجوزت من ورايا
نوح: مانت عارف الموضوع جه على غفله
الرفاعي: يا راجل وانت من امته بتستنى الغفله ولا بتتحط قدام الامر الواقع
نوح : لأ ماهى الغلفه دى على مزاجى
الرفاعي: هههههههههههه ماشى يا جوز لاتنين
بقولك ايه مش ناوى تكلملى امك يا نوح انت عارف انى ندمت على الماضي
نوح : صعب يا بابا صعب اوى انا واميره سامحناك عشان انت فى الأول والاخر ابونا انما ماما للاسف رافضه اى مجال للكلام على
الرفاعي: مش هيأس وهحاول معاها تانى وتالت
نوح : جرب بس بلاش تغصبها على حاجه
الرفاعي: واثق انت فى مراتك انها ماتبيعكش
نوح : طبعا النوع اللى زى شمس ده نقى وصعب تلاقى زيه شمس قوية من الداخل بس الظروف اللى مرت بيها فقدتها الثقه في نفسها بدليل انها مخافتش وجت بلغتنى بسرقة المعارض مع انها كان ممكن تهددهم وتاخد منهم فلوس ومكنتش هشك فيها
وتانى حاجه لما شكت فى عادل اللى باعته هيثم كلمتنى فى وقتها وعملت تصرف سليم
الرفاعي: ربنا معاك ونقبض على المافيا دى كلها
نوح : قريب بإذن الله ماتقلقش كل حاجه تحت عينى
مر يومين واصبحت شاديه تقوم بتصوير شريف وهو فى المنزل أثناء تنضيفه للمنزل واثناء ماكانت تعنفه وتقوم بتعديل الفديوهات وترسلهم لصلاح وكان صلاح يطلب منها صور بملابس بيتيه خفيفه وكانت ترسل له وكان يعطيها كثيراً من الوعود ويعطيها هدايا ويرسل لها نقود
وبالنسبه لشمس كانت تجلس في مكتبها وتتحدث مع صديقتها صفا واخذت تروى لها ما فعله معها نوح
صفا: على فكره واضح إن نوح بيه معجب بيكى يا شمس
شمس: مش عارفه بس انا فرحانه
صفا: حقك طبعا وعلى فكره محدش يعرف إنه متجوز من شذى غير ناس قليله اوى يعنى فى نظر الناس هتبقى انتى الزوجة الأولى ده اكبر دليل على إنه بيحبك ومساواش بيكى وبينها
شمس: تفتكرى يا صبا
صبا : طبعا يا شمس اهم حاجه عايزاكى تثقى فى نفسك وتعرفى إن ربنا لما بيبعد عنك حاجة بيرزقك الاحسن منها
شمس: فعلا عندك حق ربنا رزقني بأم واخت زى اميره وماما مرفت اللى بجد مافيش منها وأميره حاجه لمضه كده ودمها وخفيف
صفا: شوفتى باباه
شمس: لأ لسه باباه عايش مع مراته التانيه
مابيجيش خالص غير قليل اوى
صفا: ربنا معاكى يا حبيبتي وخدى بالك من نفسك يا شمس انتى جميله وتستاهلى كل خير
اثناء حديثهم دخل عليهم نوح واستأذنت صفا ومشيت
نوح بدون مقدمات قرب من شمس وحضنها وقبلها ووقفت شمس متصلبه فابتعد نوح عنها
نوح : مالك يا شمس هو انا كل اما اقرب منك هتعملى كده
شمس بتوتر : إحنا فى المكتب وممكن حد يدخل علينا
نوح : محدش يستجرى يدخل بدون إذن بطلى حجج يا شمس احنا فرحنا كمان كام يوم وانا كل اما اكلمك او اقربلك بيحصلك كده
شمس: مش متعوده على كده
نوح باستغراب: هو انتى مش كنتى متجوزه قبل كده
شمس بإحراج : أه بس هو مكنش بيعمل كده
نوح : آمال كان بيعمل ايه
شمس : عادى بقى يا نوح انا بس بحس بحاجات غريبه لما بتقرب منى بحس بزغزغه هنا كده فى بطنى وبحس قلبى بيدق جامد ببقى متلغبطه
ضحك نوح بعلو صوته وفهم ما تريد شمس قوله
كل ده من بوسه امال لو
شمس حطت ايديها على بقه بس كفايه كده
نوح : بمداعبه خلاص صلحينى
شمس: نعم
نوح : انتى فصلتينى اتفضلى صلحينى
شمس: ازاى
نوح : دخلينى في المود تانى
شمس باحراج واحمرار وجه مش هينفع بص وفضلت تتلغبط فى الكلام
نوح : خلاص خلاص صعبتى عليا
شمس : خلاص هتمشى.
نوح : لأ انا هدخل نفسى فى المود تانى
واقترب منها مره اخرى وفى تلك المره شنس تجاوبت معه وابتعد عنها بعد فتره
كانت شمس وجهها احمر وضربات قلبها عاليه وضح نوح يده على وجهها يقيس الحرارة وجدها طبيعية
نوح : انتى مش سخنه يا شمس مالك
شمس: متقلقش هبقى كويسه
نوح : طيب تعالى اقعدى عشان نتكلم
جلسوا على اريكه داخل مكتب شمس وكان نوح معه حقيبه اخرج منها علبه بها هاتف جديد واعطاه لشمس
شمس: ايه ده
نوح : الموبايل ده ليكى عايزك ماتكلميش عادل غير منه تمام واعمليله بلوك من رقمك التانى
شمس: اشمعنى
نوح : بعدين هفهمك ويلا بقى عشان اوصلك
خرجت شمس برفقه نوح وذهبوا للتسوق فى اكبر المولات ثم أوصلها للمنزل
مر باقر الاسبوع بشكل طبيعي إلى أن أتى يوم الزفاف ارتدت شمس فستان منفوش مرصع بالالماس وطرحه طويله مرصعه بالورود وداخل الورود الماس وكان يجلس معها مجموعة من مصففين الشعر والميكب ارتيست وكانت تجلس معها مرفت واميره وصفا واميره وصفا اصبحوا اصدقاء
انتهت شمس التحضير لزفافها وانتظرت نوح الذى استاذن الجميع وبقى هو معها بمفردهم
ذُهل نوح من منظر شمس فاصبحت كالحوريات تسمر فتره مكانه ثم اقترب منها واخذها ووقف امام المرآة ثم اخرج من جيبه علبه مخمليه بها طقم الماس حر عباره عن كوليه وخاتم وقام بتلبيسه لها وقبلها من يدها و راسها
نوح : شمس نوح اللى معاك. غير نوح اللى قدام العالم بره واول مايتقفل علينا باب واحد هقولك كل مشاعرى اوعى تخافى او تتوترى انا دايما معاكى تحت هتلاقى صحافه واعلام وعالم تانى عايز اشوف شمس القويه الواثقة من نفسها سمعانى يا شمس مرات نوح الرفاعى لازم نظرتها تربك اللى قدمها مش اللى قدامها هو اللى يربكها
امائت شمس براسها وحديث نوح أعطاها ثقه كبيره في نفسها
امسك نوح يد شمس وخرج بها من جناحها ونزل بها إلى القاعه كان هناك حضور كبير من الفنانين والمشاهير وكبار رجال الأعمال داخل مصر وخارجها وكان نوح يمسك يد شمس ويسير بهيبه بين الحضور تشبثت شمس جيدا بنوح وسارت بجانبه ورأسها مرفوع وحضر الحفل أيضا هيثم وشذى وإلهام
ذهب الرفاعي لنوح وبارك له وبارك لشمس وقبل رأسها ثم ذهب بعد ذلك للوقوف بجانب مرفت
الرفاعي : مبروك المره دى يستاهل كلمه مبروك بجد
مرفت : الله يبارك فيك وتشوف اولاده
الرفاعي: نشوف احفادنا يا مرفت
مرفت : اكيد مانت جدهم
الرفاعي: يعنى سامحتينى وموافقه ترجعيلى
مرفت: بص يا رفاعى عشان بجد انا عايزه اقفل الموضوع ده سامحتك دى اه انت ابو ولادى لكن رجوع تانى لبعض مستحيل يا رفاعى فى اخطاء بتفضل معلمه جوانا ماتتنسيش كل اما اشوفك هفتكرها وهفتكر ايام مش عايزه افتكرها وصعب ارجع بعدها اتعامل معاك تانى
فارجوك يا رفاعى خلينا ننفصل بهدوء لو فعلا عايزنى اسامحك من قلبى مش بس كلمه
الرفاعي: بدموع حاضر يا مرفت هنفذلك طلبك
ذهب الرفاعى جلس على طاوله وجاء احد رجال الأعمال يتحدث معه وكانت شذى تقف بجانب إلهام والنا*ر تاكلها من الغيره هى وامها حاولت شذى صنع مشاكسات داخل القاعه لكنها كانت تجظ الحرس المنتشر الخاص بنوح يتعامل معها ولم تستطيع إلهام التعرض لمرفت خوفا من رد فعل الرفاعي الذى يتابع مرفت بعينيه طول الوقت
كانت شاديه تجلس بجانب شريف ويشاهدون فرح شمس ونوح وكانت شاديه تلوم نفسها انها هى من جعلت شريف يطلقها ظنا منها انها على علاقه بصديقه لكنها صدمت من الذى تراه ومن وضع شمس
نظر شريف للهاتف بحسرة فحياته مع مرفت اصبحت كالجحيم كان يعتقد ان الحب كافى لعيش معها حياه سويه لكنه اكتشف انها إنسانه غير سوية خسر بسببها كل شئ حاول أن يرجع صديقه مره اخرى لكن سليم رفض وبشده ان يصبح صديق له نره اخرى
دخل شريف فى حالة من الاكتئاب واصبح يعمل بلا توقف داخل المنزل وخارج المنزل واصبح ينفذ لشاديه جميع طلباتها الغريبه دون مجادلة كانه يعاقب نفسه على الوضع الذى اوصل نفسه اليه
عند نوح وشمس انتهى الزفاف واخذ نوح شمس وسافروا لقضاء شهر العسل ( اسبوع مش شهر 😂😂😂 احنا بنسميه شهر )
رات شمس خلال هذا الأسبوع الجنه على الارض رأت وجهه اخر من نوح لم تراه يوما كم كان صبوراً معها رومانسيا لأبعد الحدود يغرقها هدايا قيمه
ذاد حب شمس لنوح واصبح حبها له هوسا اصبحت تفعل من اجله اى شئ ليصبح سعيد ما كان يعكر صفو عسلها هو الخوف من عودتهم مره اخرى للبلد وكيف سيكون وضعهم هل سيعيش فى بيت ابيه مع شذى او سيعيش معها مع والدته هى لا لن تتقبل فكره ان يشاركها احد به لا لن تتقبلها فقط حكت لها مرفت عن شذى وأمها وأسباب زواجهم لذلك فهى قررت الحديث مع نوح عن حياتهم القادمه حتى تطمئن
اما عن شريف أثناء عمله الثانى أحس بوجع في جميع جسده وذهب للمنزل لكى ياخد قسطا من الراحة
فتح شريف باب المنزل ولم يجد شمس تجلس أمام التليفزيون كعادتها وهى ممسكه الهاتف خلع حذائه ودخل لغرف نومه ليتفاجئ بزوجته مع صلاح
هيكون رد فعل شريف ايه هل هيسامحها ولا هيعمل ايه ؟
ياترا نوح وضعه هيكون ايه وهيعيش فين ولا الوضع هيستمر كما هو عليه ؟؟
انتظروا القادم بإذن الله
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
