سكريبت شيفروليه الغرام الفصل الثالث بقلم زهرة الربيع حصريه وجديده على مدونة النجم المتوهج للروايات والمعلومات
 |
3_تهاني لطمت وقالت..بوليس..يامصبتي ليه
زين شدها من ايدها وقال ..قولتلك مش وقتو يلا واخدها على العربيه وحماده جري وراهم وهو بيزعق ويقول انت عبيط يلا سيبها
بس زين ولا سمعه وطلع بيها على العربيه واول ما ركبو التلاته طلع بسرعه مهوله
على الطريق زين قال...انا بعد ما مشيت من عندك لقيت مفيش سيره غيرنا ناشرين صورك في كل مكان معايا بيقولو انك شريكه معايا في السرقه...رجعتلك على طول علشان احزرك وعلى الطريق شوفت الشرطه قريبين من المكان وكانو بيسألو على بيت حماده
تهاني بقت تبكي وتصرخ وتلطم وتقول...يامصبتي السوده يا انا ياما ياصغيره على الحبس ياتوته امانه يا حماده ابقى سلملي على امي
زين بصلها بضيق وقال...ايه يا بت الاوفر الي انتي فيه ده هو كل ما هتحصل حاجه هتندبلي كده اخرسي بقى صدعتيني
تهاني قالت ببكا..ايوه يا اخويا...ما انت متعود هتزعل ليه تلاقيك متعود على نومة البورش
زين قال بضيق...اه على فكره متعود على نومة البورش وبنام عليه بره السحن عادي يعني ..وبجد اهدي بقى علشان نفكر
حماده قال بغضب..هتفكر في ايه دي مفيهاش تفكير انت تروح تسلم نفسك وتقول انها ملهاش دخل مش جزات ما ساعدتك تدخلها السجن
زين بصلو بطرف عينو وقال..قولتيلي مين الكتكوت ده
تهاني قالت ...الكتكوت ده يبقى حماده ابن خالتي ومعاه حق على فكره انا مليش دعوه بكل ده
زين اتنهد وقال..عارف والله عارف.. ومتقلقيش انا هصلح كل حاجه تمام خليكي واثقه اني مش هسيبك كده... لو كانت نيتي وحشه مكنتش رجعت
تهاني سكتت وهديت شويه وحماده اتنهد بخنقه مكانش مطمن لزين وقلقان جدا خصوصا من نظراتو لتهاني ونظراتها ليه الي متطمنش ابدا
بعد ساعات كانو في مكان غريب كده في منطقه صحراويه ومجموعة خيام جمب بعض نزل زين وسلم على واحد صاحبو وقال..شكرا بجد يا سليم مش هنطول عليك هما يومين بس
سليم قال بابتسامه..عيب يا جدع متقولش كده ...ايه مش هتعرفنا على صحابك
زين قال..اه.. دي تهاني قريبتي وده..ده كمان قريبي اسمو حماده
سليم قال..اهلا بيكم اتفضلو احنا فريق كشافه..كل يومين في حته هتاخدو خيام زي زمايلكم وظبطو نفسكم بقى
زين شكرو وابتدي هو وتهاني يركبو الخيم وكان حماده بيبصلهم بضيق وغيره
تهاني قالت...هو صاحبك ده امان ولا ايه
زين ابتسم وقال..متقلقيش امن من الامان
تهاني قالت..طب انت.. انت مش هتحكيلي ايه حكايه الشنطه دي ومين كل الناس دول ..يعني هما دول صحاب الشنطه
زين ابتسم وقال..لا..انا قولتلك قبل كده انا سرقتها وهما كمان عايزينها بس كده
تهاني اتنهدت وقالت..طب انتى ناوي على ايه دلوقتي
زين قال..متقلقيش فيه واحد هيجي يا خدها مني وساعتها كل حاجه هتتحل....بس ادعيلي الموضوع يتم زي ما انا مخططلو
تهاني اتنهدت وقالت..يارب.. ربنا يخلص الموضوع ده على خير...وبصتلو وقالت..هو انت معندكش اهل..ولا قرايب ولا حد
زين ابتسم وقال..لا للاسف...انا كنت عايش في ملجأ
تهاني قالت...اه..انا..انا اسفه
زين ضحك وقال...خير العقل ده نزل عليكي امتي
تهاني ضحكت وقالت...هو انا لو فيا عقل كان زماني هنا
زين ضحك وقال..معاكي حق..مش هتقوليلي بقى..انتي ايه حكايتك وايه الشغل الغريب الي بتشتغليه ده
تهاني قالت..دي ورشة ابويا هو تعب وانا استلمت بدالو ..اصل انا معنديش اخوات صبيان
زين ابتسم وبص لحماده بطرف عينه وقال....وده ايه حكايتو معاكي
تهاني قالت...ما انا قولتلك ده ابن خالتي
زين قال...ابن خالتك وبس ولا
تهاني استغربت وقالت..لا ابن خالتي بالكاتشب..اه طبعا بس فيه ايه
زين ابتسم وقال...بس شكلو بيحبك
تهاني ضحكت من قلبها وقالت..حماده...ده اخويا يا ابني فيه ايه..فكرتني بامي هي بتقول زيك كده.... انتو الاتنين شكاكين قوي
زين ابتسم بسخريه وقال..انتي بس الي دماغك بيضه حبتين...على العموم هو مش بطال...على الاقل قريبك
زين قال كده ومشي وتهاني بقت تبص لحماده باستغراب وهو بصلها وابتسم
زين شافهم من بعيد اتنهد بحزن ومشي بقى يجهز الخيم
بالليل كانو خلصو كل حاجه وعاملين احتفال حلو وبيرقصو واخر انسجام
تهاني طلعت مع البنات بعد مالبسوها زيعم لبس بدوي وكانت تحفه
حماده اول ما شافها بصلها بزهول وزين بص مكان ما هو بيبص اتفاجا بيها كانت تجنن قرب منها وقال..احم..مشوفتيش واحده اسمها عنتر دخلت جوه
تهاني ضحكت ضحكه جميله وزين ابتسم ومسك ايدها وشدها للساحه وبقى يرقص معاها وكانت مبسوطه وبتضحك معاه
حماده اتنرفز اول ما شاف كده ودخل شدها من ايدها طلعها بره الساحه وقال بغضب...انتي بتعملي ايه...ازاي ترقصي كده مع واحد غريب
تهاني قالت ...حماده فيه ايه..هتكسر ايدي سبني يلا مالك
حماده خد بالو من مسكتو ليها كان هيكسر ايدها حرفيا سابها وقال بطريقه اهدى..مش عيب ترقصي كده مع واكد منعرفهوش..لا وكمان حرامي
تهاني قالت بضيق...فيها ايه يعني...على فكره زين انسان كويس هو بس باين انو ظروفه مكانتش احسن حاجه و
حماده قال بغضب..ده حرامي..عارفه يعني ايه حرامي
تهاني قالت بضحك..عارفه...يعني واحد مبيشلش هم الفلوس... ديما جيبه مليان
قالت كده بضحك ولسه هتمشي مسك ايدها تاني وقال بجرأه عجيبه.....تهاني انا بحبك...وعايز اتجوزك..قولتي ايه.
بقلم...زهرة الربيع
تهاني اتسعت عنيها بزهول...ومبقتش قادره تنطق ولا حرف حاولت تجمع كلامها وقالت...احم..حماده انا..انا مش بفكر فيك بالطريقه دي..وانت عارف...انا...انااسفه بس...بس انا مش بشوفك اكتر من اخ او صديق و
حماده قاطعها وقال بدموع...خلاص يا تهاني..احم...ردك وصل
قال كده ومشي وتهاني لسه هتروح وراه زين جيه وقال...خير مالو ..هو زعل لاني رقصت معاكي ولا ايه
تهاني بصتلو بدموع وقالت..كان معاك حق
زين فهم معنى كلامها واتنهد وقال..احم..مفيش داعي يقلق مني ..انا..انا انسان حياتي بايظه من كل ناحيه...خليه مطمن اني مش خطر عليكي..ولا على علاقتكم..عن ازنك
زين قال كده ومشي وتهاني فضلت واقفه مكانها مش عارفه تتصرف ازاي
حماده اول ما شافهم سوا تاني ضم اديه بغضب شديد وعمل مكالمه وقال ..الو بوليس النجده..انا واحد من قرايب تهاني عبد الرازق..تهاني في خطر..والشاب الي معاها المطلوب انا عارف مكانو ...بس تهاني ملهاش دعوه هيه اتورطت معاه...وهيه الي قالتلي اعمل البلاغ ده
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
