سكريبت شيفروليه الغرام الفصل الاول بقلم زهرة الربيع حصريه وجديده
 |
طلعت من تحت العربيه ووشها كلو بنزين وقالت العربيه بقت فل يا باشا تقدر تاخدها الحساب ٥٠٠ جنيه
الشاب قال يعني.. متاكد انها بقت تمام يا معلم
بصتلو بضيق وقالت...متاكد ايه ومعلم مين .اولا انا بنت تقول متأكده.. ثانيا معلم دي تقولها للجزار الي تحت بيتكم بعد ما يحطلك حته زياده على الكيلو الي بتشتريه كل عيد انما انا تقولي يا اسطى.. اسطى تهاني
الشاب قال بسرعه...خلاص خلاص مش غلطنا في البخاري يعني...مخدتش بالي انك بنت بشكلك ده
قالت بزعيق..مالو شكلي بقى هنخيب ولا ايه على المسا
الشاب بص يمين وشمال بارتباك وقال..يا ستي قمر قمر والله
شهقت بردح وقالت...نااااعم ايه قمر دي لا بقولك ايه تيجي معاك قلة ادب اخبطك باقل مفتاح عندي افتح نفوخك
بقلم...زهرة الربيع
الشاب قال بزهق.....اييييه...مش هنخلص... يا ستي انا اسف انتي حلوه وانا حمار ومش بعاكس ولا حاجه تمام ..قال كده وركب العربيه ولسه هيطلع
تهاني وقفت قدامو وقالت...ايه يا حلاوه عايز تخلع عيني عينك كده الحساب يا هندسه
الشاب قال بضيق...اكيد مش هسرقك يعني ..هجربها ولا اخدها منك وتعطل على الطريق
فتحت باب العربيه وقعدت جمبو وقالت..لا انا عرفاه حوار اجربها ده..نجربها سوا واهو اطمن عليها دي عشرة ٣ سعات... اتفضل سوق
اتنهد بخنقه وطلع بالعربيه وبقى يلف بيها شويه ووقف وقال...هيه العربيه بتعمل صوت بس تمام مش مشكله عايزه كام
تهاني قالت ..١٠٠٠ جنيه يا باشا
قال بزعيق..١٠٠٠ ليه...هو انتي مش لسه قايله ٥٠٠
قالت بصوت اعلى..لا بقولك ايه متزعقش...متستعرضش قدراتك الصوتيه عليا ..هو انا كنت اتفقت معاك على حاجه اصلا ولا انت عايز تخلع هو ١٠٠٠ مينقصش جنيه واحد
داس على اسنانو بغضب وقال..ماشي المهم اخلص منك ...ولسه بيطلع لها الفلوس اتفاجئو بضرب نار شديد في العربيه
تهاني بقت تصرخ والشاب طلع بالعربيه بسرعه البرق والعربيات لسه وراه وبيضربو نار
تهاني نزلت لتحت وقالت برعب...مين دول...يخربيتك..يخربيتك انت عامل ايه
الشاب مكانش بيرد عليها وبقى يسوق بسرعه وصوت ضرب النار من كل مكان... تهاني بقت تلطم وقالت...يالهوي يالهوي باحوستي يا مصيبتي يا...
بس قاطعها لما صرخ فيها وقال..بس بقى اخرسي متوترنيش
قالت بزهول ...اوترك هو كلامي الي موترك مفيش حاجه تانيه توتر... يا خراااابي يا جزمتي يا شرابي ...وانبي حرام عليك انا صغيره والله صغيره وابويا عندو السكر وامي عندها شاي ...وانبي يا اسمك ايه مش عايزه اموت دلوقتي
بصلها وهو لسه بيسوق وقال بابتسامه..زين ..اسمي زين
تهاني صرخت فيه وقالت..وانا مالي باسمك هو انا هطلعلك بطاقه..اتصرف في النيله الي احنا فيها دي
زين ساق بسرعه ومشي على الكبري بطريقه محترفه بقى يدخل ما بين العربيات وكانت فيه عربيه محمله اسطوانات غاز عداها بسرعه وضرب نار على العجل بتاعها بطريقه متقنه فقدت التوازن وانزلقت الاسطوانات وحصل انفجار على الكبري وفي الوقت ده قدر يهرب بسهوله
بعد شويه وصل حته مقطوعه كده متطرفه وقف العربيه واخد نفس وقال....يلا بقى تقدري تنزلي
تهاني بصت حواليها المكان كان مقطوع ويخوف والدنيا ضلمه قالت بتوتر...انزل فين...لا ..لا انت لازم ترجعني ورشتي انا مش عارفه احنا فين حتى
زبن بصلها بخنقه وقال...بصي يا بتاعه انتي انا كنت مستحملك لان العربيه عطلت قريب من ورشتك ومكانش فيه طريقه غيرك و
تهاني قاطعتو وقالت ..ايوه عارفه ما انا الي راميه المسامير هناك
بقلم..زهرة الربيع
زين بصلها بدهشه وقال...نعم يااختي... يعني انتي الي عطلتي العربيه..ما انا بقول ازاي العجل ينام كلو مره واحده لا و حظي يطلع حلو كده والعربيه تعطل جمب ورشه.. دا انا غبي غباء يحترم
تهاني قالت بزعيق...ياعم فلقتنا بالعربيه .ماخلاص هيه عربيه محمد رمضان دي حتة شيفروليه معفن من الألفينات ...وبعدين اركنلي غبائك على جمب دلوقتي..انا هرجع البيت ازاي...ومين دول الي بيجرو وراك
زين قال بغضب... وانتي مالك مين دول انتي هتصاحبيني
تهاني وقفت وقالت بغضب لا بقولك ايه...متكرمشليش وشك مش بعد ما كنت هروح فيها بسببك انت وعربيتك تقولي انتي مالك
زين بصلها بضيق وقال..انتي الي جبتي كل ده لنفسك حد قلك تخدعي الناس وترمي مسامير تبوظيلهم بيها عربياتهم ...المهم هقولك احسن ما فضولك يقتلك واتبلي بيكي...طلع شنطه من تحت الكرسي وقال..دي شنطه فيها الماس بملاين ودول عصابه عايزين يسرقوها...ارتحتي
تهاني قالت .. طب يا عم ما انت غلطان من الاول...حد يحتفظ بحاجتو الغاليه كده في العربيه.. وديها يا عم بنك ولا نيله على دماغك ده انت فعلا غبي غباء يحترم ويضربلو سلام كمام
زين ابتسم وقال ببساطه...لا مهو هيه مش بتاعتي...انا كمان سارقها
تهاني قالت ..اه اذا كده تما....بس قطعت كلامها بزهول لما خدت بالها من جملتو وبصتلو بصدمه وقالت..انت...حضرتك...حضرتك كمان..
زين ضحك على شكلها وقال...اه...انا كمان حرامي
تهاني كانت بصالو جامد وعيونها هيطلعو من مكانهم وفاجأتو لما صرخت بعلو صوتها وقالت...ياخراااااااابي...حرااااااااامي يالااااااااااهوي ووووووو
ياعيني عليكي يا تهاني 🤣🤣🤣🤣 ولسه القصه رووووووعه
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺
