رواية دخلت الفيلا انسه خرجت حامل الحلقة الثانية بقلم هويدا زغلول حصريه وجديده على مدونة النجم المتوهج للروايات والمعلومات

محروس

لا يمكن الكلام ده يكون حقيقي معقول

الام

ارجوك يا ابني انا عايزه حق بنتي هات حق بنتي

وبعدها كلم محمد وراح قابله في مكان

مهجور

محمد...

معقول الكلام اللي انت بتقوله ده يا محروس ..

محروس

ده مش كلامي ده كلام مرت عمي وهي مش هيتقول حاجه زي كده وخلاص اكيد الحاجه دي..

محمد..

وعمك نعمان جاب القساوه دي من فين عشان يعمل كده في بنته..

محروس..

البنت ضحيه الجوع والفقر وهو خلص عليها مرتين مره لما وداها عند الشرقاوي... والمرة التانية لما خلص عليها... فاكر بكده انه هيغسل عاره..

محمد..

لا حول ولا قوه الا بالله انا صعبان عليا البنت دي قوي وعايزين نشوف اي حل عشان نرجع بيه حقها وابوها ده لازم يتحاكم..

محروس...

انت عارف انك صاحبي واقرب حد لي والكلام ده مش عايز حد يعرفه

محمد...

من غير ما تقول الكلام ده ما ينفعش حد يعرفه... بس قول لي اساعدك ازاي وانا مش هتاخر

محروس..

ده الموضوع اللي انا عايزك فيه.... احنا لازم نشوف مين اللي عمل كده واكيد اللي اسمه احمد ابن الشرقاوي ورا ده كله...

محمد..

هو انت مين اللي مخليك متاكد كده انا اللي عمل الحركه دي يبقى هو

فلاش باااااك..

محروس..

مالك يا اسماء زعلانه ليه

اسماء..

ما فيش حاجه يا محروس بصراحه كرهت الشغل في البيوت... وحتى الباشا الصغير ما يبص عليا

محروس..

خلاص كفاياكي من شغل البيوت... وانا هكلم عمي واقول له انه ما عادش ليك واحد ثاني هناك..

اسماء..

انت بتقول ايه بس يا محروس ما انت خابر الموال بتاع ابوي هيقولك مش هينفع تبطل شغل غير لما اخواتها يتجوزوا..

محروس...

خلاص هملي انتي الشغل وانا كل شهر هساعد مع ابوكي باللي يقدر عليها ربنا ... انا برده مش هينفع اسيب بنت عمي تتبهدل كده واقعد بتفرج

اسماء...

بقول لك يا محروس كل واحد فيه اللي مكفيه وانت معاك هم ما يتلم انا فاتح ابوي ولو رفض ماشي.. وافق برده ماشي... يمكن ربنا يهديه ويحنن قلبه

محروس...

طيب انا عايزك تخلي بالك ولما تنامي اقفل على نفسك الباب من جوه وما تخرجيش بره الدار بالليل خالص...

اسماء....

انا بعمل كده كل مره بس برده نظراته مريبه.... انا همشي دلوقتي بدل ما حد يستعوقني وانا هبقى ارن عليك من وقت للتاني بس اوعى تجيب لابويا سيرة باللي قلتهولك.... احنا مش قد الناس دي.

باااااااك..

محروس...

من وقتها وانا مش مطمن وحاسس ان المواضيع مش هتعدي على خير

محمد....

يبقى ما فيش حد عملها غيره.... والبنت دي ما ينفعش حقها يضيع انا جاتلي فكرة بس مش هينفع نعملها دلوقتي غير لما نتأكد الأول عشان متبقاش فضيحة علي الفاضي....

محروس...

طيب قولي علي الفكرة الاول ولو عجبتني يبقي ننفذها..

محمد...

مش هينفع دلوقتي اقول لك على كل حاجه غير لما اشوف ولاؤ لو وافقت هقول لك على الفكره

محروس..

وهي ولا بنت عمك اي علاقتها بالموضوع وهتساعدنا ازاي...

محمد..

اصبر يا محروس وقلت لك هعرفك كل حاجه بس اشوفها الاول هتوافقني ولا لا سلام دلوقتي وبكره نتقابل هنا في نفس الميعاد..

في السرايا..

الشرقاوي...

عاجبك اللي حصل ده قلت لك اخرتها مش هيبقى كويس..

أحمد..

حضرتك مكبر الموضوع قوي يا بابا دي بنت خدامه ولا راحت ولا جت في 60 داهيه بكره ابوها ينسى الموضوع ونبقى نعوضه بقرشين..

الشرقاوي..

طبعا انت حاطط ايدك في الميه البارده وحاسس انك انت السبب في ده كله..

أحمد..

صدقني يا بابا انا كل مره بعمل حسابي بس ما اعرفش المره دي.... وبعدين دي يعني مش اول مره وكل مره بتعدي

الشرقاوي..

يا بجاحتك يا اخي مش مكسوف من نفسك طيب بلاش تقول الكلام ده قدامي قوله قدام حد تاني...

أحمد...

انا بصراحه زعلان علي البنت... مش عشان راحت عشان كنت عايزها تطول معانا شويه البنت برده بطل

الشرقاوي...

المهم انا عايزك تختفي اليومين دول من البلد حتى لو هتسافر بره سافر لغايه ما موضوع البنت ده يتنسي..

أحمد...

انا كده لو سافرت ممكن يشكوا في حاجة... ولا اقول لك يا بابا خليهم يشكوا دول شويه فلاحين اخرهم بس كلام..

الشرقاوي..

وانا كلها يومين ولا ثلاثه بالكثير وهجيب شغاله جديده بس المره دي هحاول اجيبها ما تكونش جميله..

أحمد...

الطيب احسن عايزين بنت كده تكون جميله وعليها العين..

الشرقاوي...

انت هتسكت خالص مش عايزك تتكلم كفايه انها عدت لغايه دلوقتي سلامات ومش عارفين هتوصل لغايه فين....

أحمد...

طيب انا هقوم عشان اجهز عشان هسافر شهرين ثلاثه وانت بقى خلي بالك من البيت ومن الشغاله الجديده...

عند ولاء..

ولاء...

معقول يا محمد عايزني اروح اشتغل في البيوت ولا عشان انا بخدمكم هنا بقيت خلاص خدامه في نظرك

محمد بحزن..

انت عارفه ان انا عمري ما بصيت لك البصه دي وطول عمري بعتبرك بنت عمي لو الموضوع بايدي ما كنتش خليتك تعملي اي حاجه كنت جبت لك مكان تقعدي فيه لوحدك...

ولاء....

امال ليه عايز اروح اشتغل عند الشرقاوي وخصوصا بعد ما عرفت اللي حصل للبنت الغلبانه اسماء

محمد...

عشان ما فيش حد هيرجع حق اسماء غيرك

ولاء باستغراب...

انا بتقول اي يا محمد انا ارجع حقها كيف...

محمد...

لما تروحي هناك انا هقول لك على طريقه كويسه وهتاخدي معاكي كاميرا تحطيها في مدخل الباب بتاع اوضتك اللي هتنامي فيها واحنا هنراجب كل حاجه بس ما تخافيش انت مش هتكوني باينه هو مدخل الاوضه بس اللي هيبان.

ولاء بدون فهم

كمل يا محمد وبعدين

محمد..

وبعدين هعرف مين اللي بيدخل الاوضه عند البنات دي وبيستغلهم ويعتدي عليهم..

ولاء

ما هو كده هيعتدي علي انا كمان ويحصل معايا نفس اللي حصل معاهم..

محمد..

لا ما تخافيش انت ناسي ان احنا مراقبين كل حاجه وفي الوقت المناسب هنتدخل المهم قلت ايه ما فيش حد غيرك ممكن ارجع حق البنت الغلبانه دي

ولاء....

طيب هقول لعمي ايه ومرت عمي ازاي همشي من هنا..

محمد...

ما تخافيش سيبي الموضوع ده عليا انا هقول لهم انك هترجع عند اهلك زياره كم يوم وانتي عارفة إن أمي ما هتصدق...

ولاء

انت هتقول لي امك عايزه تخلص من النهارده قبل بكره مع اني والله معملتش اي حاجة معاها..

سيدة...

بنت يا ولاء انتي لسة صاحية لغاية دلوقتي منمتيش..

ولاء..

معلش اصلي مش جايلي نوم وقاعده شويه اتكلم انا ومحمد

سيدة

طيب يلا اخلصي نامي عشان بكره معاكي خبيز وشغل البيت كله لازم تصحي بدري

محمد..

معلش يا امايا ولاء عايزه تروح عند اهلها شهر ولا اثنين.... وكانت يعني محرجه تقول لك فانا بتكلم معاك نيابه عنها

سيدة بفرح..

الف نهار ابيض مع السلامه المركب اللي تودي بس بلاش بكره خليها بعد بكره بعد ما تخلصي شغل البيت

محمد...

خلاص ياما مش مهم بكره من بعد ما فرقتش تستنى يوم كمان وانا بنفسي هوصلها...

في اليوم الثاني بيتقابل محروس مع محمد وبيحكي له اللي حصل بينه وبين اسماء..

محروس..

والله ما عارف اشكرك ازاي يا صاحبي وكويس ان اسماء وافقت تعمل حاجه زي كده..

محمد...

اسماء جدعه وبنت حلال وهي كمان صعبان عليه اللي حصل للبنت وعايزه تساعدها..

محروس..

المهم لازم نحمي البنت دي باي طريقه..

محمد.

ما تخافش انا اعمل حسابي والليل كله انا وانت كل واحد فينا هيكون صاحي شويه عشان يراقب الكاميرات من على التليفون مش هنام..

محروس...

طيب لما نتاكد ان احمد هو اللي عمل كده هنعمل ايه لازم يكون في دليل... انت خابر ان كل ده برده مش دليل ده لانه ممكن يقولك انا كنت رايح عشان اصحيها تعمل عشاء او قهوه يعني هيلاقي الف حل..

محمد..

شكلك بتنسى مش انا قلتلك اني بعد ما اسماء توافق هقولك ازاي هنعرف ونتاكد أن هو اللي عمل كده..

محروس

ودي هنتاكد منها ازاي..

محمد...

ما تزعلش في الكلام اللي هقوله... احنا هنجيب اذن من نيابه وناخد عينه من اسماء الله يرحمها من الجنين وهنعمل تحليل دي ان ايه عشان كلامنا يبقى صح...

محروس..

وده هينفع

محمد...

ايوه طبعا هينفع لانها راحت والجنين في بطنها... المهم بكره انت هتروح مع ولاء على اساس ان هي تبقى اخت اسماء الله يرحمها وجاية تشتغل مكانها...

محروس..

وهم ما فيش حد فيهم يعرف اخوات اسماء يعني ما فيش حد هيشك في حاجه...

محمد...

وغير كده كمان هيطمنوا أنهم ما عرفوش اي حاجه.... المهم عمك نعمان ما يعرفش اي حاجه بالموضوع ده.. اتفقنا يا صاحبي

محروس..

تمام اتفقنا...

في اليوم الثاني بياخد محروس ولاء وبيروح بيها السرايا عند الشرقاوي .

الشرقاوي..

يعني انت شاطره اللي هتشتغلي هنا في البيت... المهم تكوني زي اسماء الله يرحمها

محروس...

اطمن يا شرقاوي بيه ولاء هتعجبك...

الشرقاوي...

خلاص انت روحي يا محروس وانا اول كل شهر هبعت لابوها الفلوس

محروس..

ها ... لا الفلوس اديها ل ولاء وهي تبقى تبعتها لابوها بمعرفتها

الشرقاوي...

خلاص ماشي روح انت... وبعد ما بيمشي بيكون نازل احمد من فوق بشنطته..

أحمد اول ما اول ما شاف ولاء صفر

معقول القمر ده كله جاي يشتعل خدامه... انت اسمك ايه يا شاطره

ولاء

انا اسمي ولاء..

أحمد

اسمك جميله بس يا ريت يكون اسم على مسمى يكون في ولاء وطاعه

الشرقاوي..

انت هتفضل تتكلم كده كتير يلا خلاص عشان تلحق الطياره بتاعتك

أحمد...

لا طياره ايه بقى انا مستحيل امشي واسيبك مع الصاروخ ده انا خلاص لغايه الاجازه

الشرقاوي...

انت بتقول ايه انت اتجننت ولا ايه

أحمد...

انا ابقى اتجننت فعلا لو مشيت من هنا انا خلاص رجعت في قراري ومش هغير الكلام ثاني وفعلا احمد بيرجع على اوضته ثاني ويرجع الشنطه والهدوم..

الشرقاوي..

اسمع يا شاطره اي حاجه تحصل هنا في البيت ما فيش حد يعرفها..

ولاء..

حاضر يا سعادة البيه مفهوم...

الشرقاوي..

هتدخلي المطبخ هتلاقي اوضه صغيره وفيها حمام دي الاوضه بتاعتك... النوم هنا بميعاد والصحيان كمان بمعاد..

ولاء...

مفهوم يا سعاده البيه اي خدمه تاني..

الشرقاوي..

لا خلاص روحي انت ولو احتجت اي حاجه انا هنادي عليكي بتمشي ولا وبينزل احمد من فوق..

أحمد...

البنت دي مستحيل تتعوض بنت بطل بمعنى بطل.

الشرقاوي..

بقول لك ايه موضوع اسماء لسه مهديش ولغايه دلوقتي مش عارفين هيحصل ايه انت لازم تعيد النظر في حوار قعادك في البيت...

أحمد...

انا بعد ما شفت البنت دي عدت النظر فعلا ومش هينفع امشي واسيبها ولا انت عايزني..

الشرقاوي.

خلاص ما تكملش اللي عايز تعمله اعمله بس اللي في دماغك مش هيحصل

أحمد...

بصراحه اتمنى انه ما يحصلش.. بس نقول ايه بقى الله يجازيك يا شوشو

الشرقاوي..

مين شوشو ده..

أحمد...

الشيطان يا بابا معقول ما تعرفش الشيطان

الشرقاوي...

والله ما في حد شيطان غيرك انا مش عارف خلفتك ليه..

أحمد..

نصيب بقى هتقول ايه هنعترض على إرادة ربنا.... ما تنادي على ولاء تعملنا حاجه نشربها ولا اروح انادي عليها انا

الشرقاوي..

اقعد مكانك هنا انت عايز تفضحنا من اول يوم

الحلقه الاخيره من هنا

بداية الروايه من هنا

الصفحه الرئيسيه للرويات من هنااا

روايات كامله وحصريه من هنا

اكتبوا في بحث جوحل( مدونة النجم المتوهج للروايات والمعلومات) تظهر القصص كامله

القراء والمتابعين الغاليييييييين عليا إللي يدخل عندنا ميخرجش كل إللي محتاجينه هتلاقوه من غير تعب ومن غير لف في الجروبات والصفحات موجود في اللينكات بالاسفل 👇👇👇

أروع الروايات الكامله من هنا

اللي يخلص قراءه ميسبناش ويمشي أنا بحبكم أدخلوا انضموا معايا علي تليجرام واستمتعوا بقراءه الروايات من اللينكات بالاسفل 👇💙👇❤️👇

انضموا معنا على تليجرام عشان كل متنزل روايه يصلكم اشعار فور نزولها من هناااااا

اعملوا متابعه لصفحتي عليها جميع الروايات إللي عوزينها من هناااااااا

الروايات الحديثه من هنا

جميع الروايات الكامله من هنا

وكمان روايات كامله من هنا

🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺

تعديل المقال