رواية ويبقي الحب الفصل السابع والتامن بقلم اسماء ابراهيم حصريه وجديده على مدونة النجم المتوهج للروايات والمعلومات - النجم المتوهج The glowing star

بحث هذه المدونة الإلكترونية

Translate

المتابعون

2023/12/29

رواية ويبقي الحب الفصل السابع والتامن بقلم اسماء ابراهيم حصريه وجديده على مدونة النجم المتوهج للروايات والمعلومات

 رواية ويبقي الحب الفصل السابع والتامن بقلم اسماء ابراهيم حصريه وجديده على مدونة النجم المتوهج للروايات والمعلومات

رواية ويبقي الحب الفصل السابع والتامن بقلم اسماء ابراهيم حصريه وجديده على مدونة النجم المتوهج للروايات والمعلومات


في مكتب النائب العام كان يجلس فاروق ومعه المحامي 


فاروق... اتصرف يا اسماعيل انا لايمكن افضل في المكان ده 


المحامي... فاروق بيه موقفك صعب جدا وكل الورق اللي موجود انا اطلعت عليه بنفسي وحضرتك متورط جامد لان كل الصفقات كانت بتم باسمك.


فاروق...ازاي ده يحصل وانا مرتب لكل حاجه  وازاي الورق ده وصل هنا والاهم من ده كله مين اللي بلغ.


المحامي...اكيد طبعا هانعرف مين بس الاهم دلوقتي ان مش هاقدر افيدك 


فاروق بعصبيه...يعني ايه اتصرف نشوف حد يشيل الموضوع ونرميله قرشين


المحامي...صعب جدا لان اتقبض علي رجالتك وهما بيخرجوا البضاعه من المخازن وللاسف اعترفوا عليك.


فاروق...يعني ايه انا انتهيت وكل حاجه ضاعت.


المحامي...انا اسف فاروق بيه بجد المره دي مش هاقدر ادخل.

⚘⚘⚘⚘⚘⚘⚘⚘⚘⚘⚘⚘

في الشركه بالتحديد مكتب ابراهيم المنصوري كان يتحدث في الهاتف مع الحاج محمد.


ابراهيم...يااااه يامحمد اخيرا خلصت من الموضوع ده كأن جبل وانزاح من فوق دماغي


الحاج محمد...الحمدلله ياابراهيم ربنا كملها بالستر وكان لازم فاروق ياخد جزاته


ابراهيم....الحمد والشكر لله ولولا وقفتك معايا ماكنتش عرفت اتصرف بجد يامحمد انا مش عارف اشكرك ازاي ربنا يديم المحبه بينا


الحاج محمد...ماتقولش كده ياابراهيم احنا اخوات من قبل ما نكون نسايب ربنا يبارك فيك وفي ولادك


ابراهيم...طيب بما انك جيبت سيره النسب انا كنت عايز اطلب فريده لجاسر انت عارف هما متربين مع بعض وانا شايف جاسر ميال لفريده فايه رايك لو نخطبهم لبعض.


الحاج محمد...فريده بنتك وجاسر ابني وانا مش هلاقي احسن من ولدك لبنتي بس ياريت نأجل الموضوع شويه عشان انت خابر زين أدهم وآدم في الثانويه العامه نخلصوا من امتحاناتهم وربك يعدلها.


ابراهيم....ربنا يبارك وزي ما تحب بسلامه يامحمد.


في احد المطاعم كان جاسر ينتظر المهندس المختص بكاميرات المراقبه فارتفع صوت الهاتف اخذه ونظر الي اسم المتصل فكان محمود صديق منه


جاسر...الو ايوه يامحمود خير في حاجه جديده


محمود.... اه كنت ببلغك ان منه عايزه تنفذ بكره وانا مش قادر اقنعها بالتأجيل 


جاسر...ماشي يامحمود هاكلمك انا بالليل وهقولك تعمل ايه عشان عندي اجتماع مهم حاليا


محمود...ماشي وانا هستناك وهحاول معها نستني شويه


جاسر....لا لا اوعا تعمل كده انا هاظبط كل حاجه سلام مؤقت. 


يدخل المهندس ويسلم علي جاسر

المهندس...اهلا جاسر باشا اسف لو كنت عطلت حضرتك بس اللي شوفته ماينفعش نتكلم فيه في الشركه


جاسر...اتفضل اقعد الاول وتشرب حاجه وبعد كده نتكلم.


يجلس المهندس وجاسر يطلب من الجارسون اثنين عصير ليمون.


جاسر...اتفضل قولي ايه اللي شوفته بالظبط


المهندس....ده الفيديو اللي فرغته من كام يوم وفيه ندي السكرتيره وهي بتاخد صوره من ملف الصفقه وكانت بتكلم مع واحده اسمها اروي


جاسر....ندي  ياااااه تصدق يابشمهندس كنت شاكك فيها بس كنت بقول لا مش معقول دي بقالها خمس سنين معايا


المهندس....جاسر بيه كله دلوقتي بيمشي بالفلوس ومافيش حد بيبقي علي حد في الزمن ده وعلي فكره فيه فيديو تاني للمخازن وده سلمته لإبراهيم بيه وقدمه للنائب العام.


جاسر...متشكر جدا وتعبتك معايا انا مش عارف من غيرك ماكنتش وصلت للشخص اللي بينقل اخبار الشركه


المهندس.ماتشكرنيش ياجاسر بيه ده شغلي وماينفعش اشوف حاجه غلط واسكت عليها.


جاسر يبتسم له ويسلم عليه وكل واحد منهم يذهب الي منزله.

⚘⚘⚘⚘⚘⚘⚘⚘⚘

عند منه وهي نائمه علي السرير في احضان محمود.. يعني خلاص يابيبي هاتنفذ بكره وهانكسر جاسر واعرف فريده دي مقامها


محمود...اه ياروحي هانفذ بكره واخلص خالص فهو كان يقول بداخله اخيرا هاخلص من الكبوس ده وارتاح منك


وفي ذلك الوقت ياتي اتصال لمنه وكان واحد من الخدم..

منه...الو ايه يا زفت انت عايز ايه


المتصل....الحقي ياست هانم فاروق بيه اتقبض عليه


منه تقوم منفزعه...ازاي ده حصل وبابي فين دلوقتي 


المتصل...ياهانم الشرطه جات الظهر وفاروق بيه خرج معاهم والمحامي بيحاول يكلم سعادتك مش بتردي


منه...اقفل اقفل وانا هاكلم المحامي

تغلق منه الهاتف وتجري الاتصال بالمحامي 

يقوم المحامي بالرد عليها ويقص لها ما حدث لوالدها


منه...ماشي يااونكل اسماعيل الصبح هاكون عندك.


محمود.... فيه ايه يا منه حصل ايه


منه بسرحان..بابي اتقبض عليه.


يدخل جاسر الي مكتبه ثم يغلق الباب خلفه بقوه تنتفض علي فعلته ندي وتقول ربنا يستر شكل جاسر بيه مايطمنش ياتري ايه اللي حصل. 


اما عند جاسر في الداخل جلس علي مكتبه وهو يقول اما جننتك ياندي مابقاش جاسر المنصوري وهفضل كده العب باعصابك لحد ماتيجي تحت رجلي .

وفي ذلك الوقت يأتي له اتصال من محمود 


جاسر....ايوه يامحمود زي ما اتفقنا هاتنفذ النهارده 


محمود...لا لان ابو منه اتقبض عليه وهو حاليا في مكتب النائب العام ومنه عنده 


جاسر....انت بتقول ايه وحصل امتي ده


محمود....امبارح بالليل عرفنا من المحامي واتصلت عليك كنت قافل تليفونك.


جاسر...ماشي واي جديد بلغني.


يغلق جاسر الخط مع محمود وهو يقول ياتري يكون بابا هو اللي بلغ 


يدخل احمد عليه مسرعا جاسر عرفت اللي حصل فاروق البنهاوي اتقبض عليه وعلي رجالته واعترفوا عليه انه بيتاجر في السلاح وان كل الصفقات الشمال كانت باسمه 


جاسر...اه لسه عارف دلوقتي هو بابا موجود في مكتبه. 


احمد...لا لسه ماوصلش لكن انا قلقان من حاجه ان فاروق ده يورطنا معاه وخاصه البضاعه اتمسكت وهي خارجه من المخازن بتاعه الشركه.


جاسر بقلق انت بتقول ايه هي البضاعه دي كانت في المخزن .انا لازم امشي حالا اشوف بابا فين وليه علاقه بالموضوع ده ولا لأ


احمد...انا جاي معاك بس هانروح فين مش عايزين نظهر في الصوره لحد ماتشوف ابراهيم بيه فين اقولك اتصل عليه


جاسر...عندك حق. ويمسك جاسر الهاتف ويتصل علي والده 


ابراهيم ...الو ايوه ياجاسر اهدي انا بخير وجاي علي الشركه.


جاسر...بابا ارجوك طمني انت ليك دخل باللي حصل مع فاروق .


ابراهيم ...جاسر ماتقلقش اول ما اوصل هانعقد ونتكلم وهاتعرف كل حاجه سلام دلوقتي.


جاسر...سلام يابابا.

ينظر جاسر الي احمد الحمد لله بابا جاي في الطريق وبيقول هايعرفني كل حاجه.


احمد...الحمدلله عارف ادفع نص عمري واشوف منظره وهو متكلبش 


جاسر...سيبك من الموضوع ده وعايزك في حاجه اهم انا عرفت مين اللي كان بينقل الاخبار لفاروق. 


احمد...مين ده اوعا يكون اللي في بالي 


جاسر...تخيل طلعت هي ندي السكرتيره تبقي بنت عم اروي صاحبه منه هاتجنن من كتر التفكير مش عارف اعمل معاها ايه.


احمد...سيبلي الموضوع ده وانا هتصرف.

⚘⚘⚘⚘⚘⚘⚘⚘⚘⚘⚘⚘

في مديريه الامن.

منه تدخل علي والدها وتلقي بنفسها بين احضانه بابي انت ازاي ساكت كده اكيد في حاجه غلط 


فاروق...ماتخافيش يامنه هي مسأله وقت وهاخرج يعني هاخرج المهم دلوقتي انا عايزك تتصلي بندي وتعرفي منها اذا كان ابراهيم وجاسر ليهم دخل ولا لأ.


منه...جاسر وايه دخله في الموضوع ده 


فاروق...منه مش وقته لازم نعرف ليهم يد في كده ولا لأ الاول وروحي للمحامي وهو هايعرفك كل حاجه.


منه تسرح في كلام والدها وتقول ده لو فعلا يبقي انتقامي منك ياجاسر هيكون اضعاف.


عند جاسمين وفريده في الجامعه كان خبر القبض علي فاروق البنهاوي حديث الجامعه 


فريده....معقول اللي حصل ياجيسي وانكل ابراهيم عشان كده قطع معاه


جاسمين...اكيد انتي مش شايفه الصور في المجله وكمان منه ماجتش الجامعه.


اروي صديقه منه...كانت قريبه منهم وسمعت حديثهم وقالت يبقي الخبر بجد مش كلام وبس


محمود...اه الخبر اكيد انا عارف من امبارح ومنه عنده حاليا.


اروي...يعني كده منه خلاص مش هاتقدر تتكبر علينا وطول عمرها هاتكون وشها في الارض


محمود بعصبيه ايه اللي بتقوليه ده وازاي انتي صاحبتها حقيقي انا غلطان فعلا اني عرفت ناس زيكو وسابها ومشي.


اروي تضحك عليه وتقول انت وقعت يامودي وكمان بدافع علي حبيبه القلب


واحد من اصحابهم..ومايدافعش ليه انتي ماتعرفيش ان منه ومحمود متجوزين عرفي


اروي بصدمه انت بتقول ايه معقول.


اه معقول جدا انا كنت شاهد علي العقد عقبالك يامزه وسابها ومشي.


اروي...بقي كده يامنه دي حلوت اوي.

⚘⚘⚘⚘⚘⚘⚘⚘⚘⚘⚘

يصل ابراهيم الي الشركه ويدخل مكتب جاسر .

جاسر...بابا اتفضل استريح وهطلبك القهوه حالا.


ابراهيم....لا واقعد كده وكمان كويس ان احمد موجود.


جاسر..طمني يابابا اننا مافيش حاجه تدين الشركه في موضوع فاروق


ابراهيم جلس معهم واخذ يحكي لهم القصه من البدايه ومساعده الحاج محمد له ولحد ما اتقبض علي فاروق ورجالته


احمد...يااااه كل ده ياعمى وساكت 


جاسر...ليه يابابا ماقولتليش وشايل كل ده لوحدك.


ابراهيم...خوفت عليك وعلي والدتك واختك وبعدين انا مكنتش لوحدي عمك محمد كان معايا خطوه خطوه


جاسر...الحمدلله هم وانزاح فاضل بس اخلص من الكلبه ندي 


ابراهيم...انت عرفت انها هي اللي بتنقل الاخبار.


جاسر..اه عرفت المهندس قابلني وعرفني كل حاجه.


ابراهيم...تمام انا هاروح علي مكتبي وانت قول للواد اللي جنبك ده ميعاده بكره الساعه سبعه.


احمد بعدم فهم بكره الساعه سبعه هو في ماتش ولا ايه


جاسر يغمز لوالده خلاص يابابا ده واحد دماغه في الماتشات والكره سيبك منه


ابراهيم يضحك اه واضح ويتركهم ويخرج


جاسر ..انت ياعم ماتش ايه بابا يقصد انك تيجي عشان موضوعك مع جاسمين


احمد يخبط رأسه اوبس ده ايه الغباء ده لا ياعم انا راشق عندكوا من النهارده


يضحك جاسر عليه يالا ياخويا روح شوف شغلك بدل ما حماك العزيز يغير رأيه. 


احمد لا يغير مين ويخرج مسرعا يضحك جاسر بقوه ويدعي لهم باكتمال سعادتهم.


❣❣❣البارت الثامن❣❣❣❣


في قاعه المحكمه انه يوم محاكمه فاروق البنهاوي كانت منه واقفه بجوار قفص الاتهام تتحدث مع والدها.

منه...بابي انا خايفه اوي 


فاروق....ماتخافيش يامنه وبعدين انا حولت مبلغ كبير باسمك بره مصر وعايزك بعد الحكم تسافري علي طول انا كلمت المحامي وهو هيخلص كل الإجراءات 


منه...ازاي يعني انا مستحيل اسافر قبل ما انتقم من جاسر واجيب حقك منه


فاروق...اسمعي الكلام خلاص مافيش فايده كل حاجه اكشفت 


وفي اثناء حديثهم دخل القاضي والمستشارين فاعلن الحاجب بصوته العالي محكمه ونادا علي رقم القضيه وبعد المرافعه واخذ شهاده الشهود

اعلن القاضي بالحكم عليه بالسجن بخمسه عشر عام مع الشغل والنفاذ والتحفظ علي ممتلكاته. ورفعت الجلسه.


منه صارخه بصوت عالي لا مستحيل يابابي ماتسبنيش لوحدي يابابي 


فاروق...سافري يامنه وحافظي علي حاجتك سافري وابعدي علي قد ماتقدري.


منه....مش هسافر قبل ما ادمرهم زي ما دمروني.

⚘⚘⚘⚘⚘⚘⚘⚘⚘⚘⚘

عند فريده وجاسمين...

كان اليوم هو عيد ميلاد جاسر فاتفقت فريده مع جاسمين واحمد ان يقومون له احتفالا بعيد ميلاده في جنينه الفيلا واصرت فريده علي ان تقام الحفل في الجنينه الخلفيه التي تحمل كل الذكريات السعيده التي جمعتهم


فريده...هاااه ياجيسي كل حاجه تمام مش عايزه تبقي حاجه ناقصه


جاسمين...يابنتي اتهدي بقي انا تعبت من الصبح واه ياستي كل حاجه تمام واحمد كلم اصحابهم وجايين.


فريده ...تمام يالا بينا بقي نروح نجهز ونشوف هانلبس ايه.


جاسمين...يالا انا عارفه انه يوم مهبب


فريده تضربها علي كتفها اخرسي ده احلي يوم في حياتي


جاسمين...هييييح طيب يااختي يالا عشان خلاص مافيش وقت.


تصعد كلا منها ويبدؤن في تجهيز انفسهم للاحتفال.

⚘⚘⚘⚘⚘⚘⚘⚘⚘⚘⚘

جاسر في سيارته كان يتحدث مع احمد انا مش عارف انت عايزني اروح ليه دلوقتي مع اني كنت عايز اخلص الملف عشان يتسلم بكره.


احمد...ياعم بكره نكمله وبعدين عازم نفسي عندكوا علي العشا ايه ولا الاخ بخيل.


جاسر...لا مش بخل بس شاكك فيك ولا عايز تروح تشوف جيسي ويغمز له.


احمد...اكيد طبعا عايز اشوفها وتكون جنبي طول الوقت بس اكل طنط واحشني اوي.


يصل جاسر الي الفيلا فكانت مظلمه ويعم الهدوء اركانها دخل من البوابه وهو في قلق من الظلام فقال..احمد هو فيه ايه الدنيا هاديه اوي والنور مقطوع .


احمد...عادي ايه عمرك ماشوفت النور قاطع قبل كده.يالا بس تعالي ننزل ونروح الجنينه يمكن قاعدين هناك .


يذهب معه جاسر وعند اقترابهم من المكان يعلو صوت الاغاني وتضئ الانوار فكان المكان كله مزين بالاضاءه والبالونات تجري عليه فريده وهي مبتسمه..كل سنه وانت طيب ياحبيبي.


جاسر...بدهشه وصدمه في نفس الوقت.وانتي طيبه ياقلبي انتي عملتي كل ده عشاني.


فريده تبتسم له ..كان نفسي افرحك واشوف السعاده دي في عيونك زي ما شايفها دلوقتي. 


جاسر...بحبك يافيري 


فريده تنظر له بسعاده وتقول...يالا بقي عشان نحتفل.


جاسمين..تحضنه كل سنه وانت طيب ياجاسر.


ناديه وابراهيم...كل سنه وانت طيب ياحبيبي وتقدم ناديه له هديه.


ويبدأ كل من في الحفل بتقديم التهاني والهدايا له.


ابراهيم.....ياجماعه بمناسبه ان كلنا متجمعين النهارده احب تشاركوني في فرحتي وانا بعلن موافقتي علي خطوبه جاسمين بنتي علي المهندس احمد...


تعلو الاصوات بالمباركات وتجري جاسمين علي والدها ويأخذها بين احضانه...مبروك ياجيسي وربنا يسعدكوا


احمد ومازال يقف مكانه غير مستوعب المفاجأه 


جاسر...انت يابني ساكت كده ليه مبروك ياعم سابقتني ياابن المحظوظه.


احمد كان يتحرك ببطء شديد من اثر المفاجأه عمي انا مش عارف اقولك ايه بس هقول حاجه واحده ان جيسي في قلبي وفي عينيا.


ابراهيم يربت علي كتفه...مبروك يا احمد وانا مش هالاقي لبنتي احسن منك.


ناديه...تبتسم لهم وتبارك لجاسمين وتدعو لهم باتمام الزواج علي خير


كانت فريده تنظر لهم بابتسامه وهي شارده ياتي بجانبها جاسر ايه ياقلبي واقفه لوحدك ليه 


فريده...ابدا بس فرحانه لجيسي واحمد اوي ربنا يسعدهم.


جاسر ...وعقبال ما نبقي لبعض نفسي اليوم ده يجي بسرعه. 


فريده...مستعجل اوي ههههه


جاسر...انتي بتقولي فيها طيب انا هثبتلك حالا وياخذها جاسر من يدها ويذهب ناحيه والده ووالدته ويقول بصوت عالي 

بابا انا بحب فريده وعايز اتجوزها وينظر لها ..بحبك بحبك بحبك


يصفق الجميع لهم وينتهي اليوم بسعاده علي الجميع فكل واحد حصل علي حبيبه ولكن هل يحدث شئ يعكر صفو سعادتهم.


اول يوم في امتحان النصف الدراسي الاول في الجامعه فكان التوتر والقلق يسيطر علي  فريده..


جاسمين...يابنتي اهدي بقي انتي وترتيني معاكي 


فريده..خايفه اوي ياجاسمين مع اني مقفله الماده دي مرتين بس حاسه اني مش هجاوب


جاسمين...ياحبيبتي ربنا يسهلها ويالا بقي نجهز عشان مانتأخرش.


تقوم فريده وتدخل الحمام تأخذ حمام دافئ يهدأ من توترها وتخرج تصفف شعرها وتلبس وتنزل مع جيسي للذهاب الي الجامعه.


جاسر...هااا ايه الاخبار جهازين.


جاسمين...اه جهازين بس اعمل ايه مع الهانم اللي قلقاني من صبحيه ربنا 


جاسر...حبيبتي يافيري مش عايزك تقلقي من حاجه وانا واثق انك هاتجيبي تقدير كبير اوي.


فريده...يارب ياجاسر انا خايفه اوي .


جاسر...خايفه ايه ياعمري كله هايبقي تمام ويالا بقي عشان اوصلكوا


يدخل احمد توصل مين ياعم انت امال انا ملطوع بره بقالي ساعه عشان مين.


جاسمين...حبيبي اسفه والله مش ذنبي فيري اللي تأخرت


جاسر يضربها خلف رأسها احترمي نفسك وايه حبيبي دي .


احمد...ايه ياعم ايوه حبيبها انت مالك وخليك مع اللي معاك..يالا ياجيسي 


تضحك جاسمين وتخرج مع احمد 


فريده تبتسم يالا احنا كمان عشان مانتأخرش. 


جاسر...يالا والله احسن حاجه عملها احمد عشان نبقي لوحدنا


في شقه منه

محمود...برضه يامنه مصره علي الانتقام 


منه...اه واكتر من الاول وكفايه تأجيل لحد كده انا اه كنت مشغوله مع بابي لكن دلوقتي خلاص فوقتلهم وكمان انا عملت تأجيل يعني مش داخله الامتحانات


محمود...ماشي يامنه اللي تشوفيه وماتنسيش اني حذرتك وعشان تعرفي ان جاسر مش سهل .


منه بضيق مالكش دعوه انت تنفذ من غير رغي كتير.


محمود...تمام انا نازل عشان الامتحان واول ما اخلص هاكلمك. وينحني عليها يقبلها ويخرج.

⚘⚘⚘⚘⚘⚘⚘⚘⚘⚘

في سوهاج

الحاج محمد ينادي علي زوجته يافاطمه 


تاتي فاطمه ملبيه النداء ايوه ياحاج انا جايه اهووو


الحاج محمد...تعالي يافاطمه عايزك في موضوع مهم.


فاطمه...خير يارب مالك ياحاج.


الحاج محمد....خير باذن الله الحاج ابراهيم كلمني وعايز فريده لولده جاسر وكان قبل سابق جاسر كلمني بنفسه وانا شايف انه زين الشباب وهيحافظ عليها.


فاطمه بفرحه...بتتكلم بجد  ياحاج يابركه دعايا .


الحاج محمد...استني بس انا قولت نستني لما العيال تخلص الثانويه العامه عشان منعطلهمش


فاطمه...خير ماعملت ياحاج لما قوم اتصل علي ناديه وابركلها


الحاج محمد...اوعاكي تعملي كده مافيش حد يعلم بالموضوع غير ابراهيم وجاسر والعبدلله


فاطمه...حاضر ياحاج وربنا يتم فرحتنا علي خير.


ينزل في ذلك الوقت آدم ويطلب من والدته ان تحضر له الطعام ومعه كوب شاي


فاطمه...من عينيا ياحبيبي اخوك فين مانزلش معاك ليه


آدم....ادهم قال هينام شويه .


فاطمه....طيب ياآدم هاروح اجهزلك لقمه


الحاج محمد...كيفك ياولدي عايزكوا ترفعوا راسي وتجيبوا مجموع كبير وتدخلوا كليه الهندسه.


آدم....باذن الله يابابا نفرحك وربنا يبارك لنا فيك وفي ماما.


الحاج محمد...ويباركلي فيكوا ياولدي

⚘⚘⚘⚘⚘⚘⚘⚘⚘⚘

في الجامعه عند فريده كانت خارجه من قاعه الامتحانات وهي مبسوطه ان الامتحان كان سهل وانها جاوبت كويس عكس توترها قبل الامتحان.


فريده...الحمدلله يارب انا كنت هموت من الخوف


جاسمين...اه يافيري عندك حق الامتحان كان سهل انا كنت خايفه عليكي جدا.


فريده...المهم انتي عملتي ايه


جاسمين...الحمدلله امتياز طبعا


يضحك من خلفهما جاسر لانه فضل البقاء في الجامعه للاطمئنان عليهم


فريده...تلتفت للصوت معقول جاسر انت جيت


جاسر...اكيد طبعا لازم اكون موجود عشان اطمن علي حبيبي.


جاسمين... اه وصله الحب ابتدت اجيب شجره واتنين ليمون


احمد...لا خاليها برتقال هههههه


جاسمين...احمد انت كمان هنا


احمد....اه يا اختي اعمل ايه في اخوكي المجنون مارضيش يمشي وفضلنا قاعدين نستني الهوانم


فريده...بجد ياجاسر انت هنا من الصبح.


جاسر....عيون جاسر ايوه ماكنتش عايز اسيبك وانتي قلقانه ولو كان ينفع ادخلك اللجنه كنت عملتها.


فريده.بابتسامه حب...اما مش بحبك بس انا بموت فيك.


جاسر....بعد الشر عليكي من الموت .


احمد...مش يالا بينا بقي عشان عاملين لكم مفاجأه. 


تنظر فريده وجاسمين الي بعضهم وقولون في نفس  في مفاجأه انتظروهااااااا



بداية الروايه من هنا




انضموا معنا على تليجرام عشان كل متنزل روايه يصلكم اشعار فور نزولها من هناااااا



الروايات الحديثه من هنا



جميع الروايات الكامله من هنا



🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

 
close
 
CLOSE ADS
CLOSE ADS