رواية ويبقي الحب الفصل الخامس والسادس بقلم اسماء ابراهيم حصريه وجديده على مدونة النجم المتوهج للروايات والمعلومات - النجم المتوهج The glowing star

بحث هذه المدونة الإلكترونية

Translate

المتابعون

2023/12/29

رواية ويبقي الحب الفصل الخامس والسادس بقلم اسماء ابراهيم حصريه وجديده على مدونة النجم المتوهج للروايات والمعلومات

 رواية ويبقي الحب الفصل الخامس والسادس بقلم اسماء ابراهيم حصريه وجديده على مدونة النجم المتوهج للروايات والمعلومات

رواية ويبقي الحب الفصل الخامس والسادس بقلم اسماء ابراهيم حصريه وجديده على مدونة النجم المتوهج للروايات والمعلومات


بعد عده اسابيع مرت علي ابطالنا دون ان يحدث اي جديد فكل منهم كان مشغول في اعماله او دراسته.


في يوم كان بدايه الشتاء كانت فريده تجلس في الجنينه منشغله في عمل بحث مهم 

جاء من خلفها جاسر وكان يحمل بيديه كوبين من النسكافيه


فريده...يااااه ياجيسي اتأخرتي كده ليه كل ده بتعملي نسكافيه.


جاسر ...ينفع جاسر ولا ارجع تاني


فريده...ههههه لا طبعا ياحبيبي انت بتقول ايه


جاسر...بحبك يافيري وجلس بجوارها واخذ يديها وقبلها برقه


فريده بخجل جاسر بس بقي الله


جاسر...ياااه يافيري ده انا كنت هموت وأعرف اذا كنتي بتحبيني ولا لا


تسرح فريده في كلامه


فلاش بااااك....


جاسر كان يجلس في سيارته ينتظر قدوم فريده. نزلت فريده وجلست بجواره ثم قالت له معلش ياجاسر جاسمين تعبانه ومش هاتروح النهارده.

ينظر لها جاسر ويبتسم ان خطته مع جاسمين قد نجحت


جاسر...ماشي يافيري انتي عندك محاضرات ايه النهارده


فريده...عندي محاضره الساعه عشره


جاسر....تمام اوي ويذهب جاسر الي كافيه علي البحر ويقول يالا يافيري انزلي


فريده..انزل فين انا كده هاتأخر 


جاسر ينزل ويمسك يدها ويدخل الي الكافيه اقعدي انا عايزك في موضوع مهم.


فريده...موضوع ايه .


جاسر ...فريده انا بحبك 


فريده تندهش من كلامه وتصمت......


جاسر...فريده انا بحبك بجد وعايز اعرف انت بتحبيني ولا لأ


فريده بخجل وتوتر انا مش عارفه اقولك ايه وكمان انت فاجأتني انا مش هنكر اني ببقي مبسوطه وانا معاك وببقي نفسي اكون جنبك طول الوقت


جاسر ...يعني افهم من كده انك ويغمز لها....

فريده..تبتسم في خجل وتنظر الي الجهه الاخري.


جاسر..يقوم من مكانه وباعلي صوت..

بحبببببببببببك وبعشقك يافريده 


ينتبه كل الموجودين في الكافيه ويبدؤن في التصفيق وترتفع الاصوات ويهنئونهم.


عوده للوقت الحاضر

جاسر ..ايه روحتي فين يافيري


فريده...افتكرت يوم ما اعترفتلي بحبك وفرجت علينا الناس في الكافيه.


جاسر يضحك والله لو اطول الف اسكندريه كلها وافضل اقول بحبك يافريده هاعملها.


تأتي عليهم جاسمين طبعا قاعدين هنا تحبو في بعض وانا شغاله اعمل نسكافيه وعصير ماكونش انا الفلبينيه الجديده.

⚘⚘⚘⚘⚘⚘⚘⚘⚘⚘

في شقه منه

ايه يامودي عملت ايه كل ده وقت عايزين 

نخلص منهم


محمود..هانخلص اكيد بس كله في وقته


منه بدلع طيب يامودي مش يالا ننزل نروح الديسكو في بارتي جامده والشله كلها هناك


محمود..شله ايه وبارتي ايه دلوقتي انا عايزك في موضوع مهم


تضحك بدلع وتذهب معه في دنيا لا اخر لها الا الهلاك


في سوهاج كان الحاج محمد بدء يجمع كل الاوراق والملفات التي تدين فاروق وكان قد اجري اتصالا باحد الأشخاص وقال له عن كل شئ وطلب منه الحمايه لصديق عمره ابراهيم المنصوري


الشخص...ماتقلقش ياحاج محمد من اي حاجه وابراهيم بيه في امان وانا فعلا حاطت فاروق تحت المراقبه لانه زودها اوي.


الحاج محمد...ربنا يبارك فيه ويجيب العواقب سليمه ثم يغلق معه الخط وتدخل في ذلك الوقت فاطمه مساء الخير ياحاج


الحاج محمد...مساء الخير ياحاجه 


فاطمه...كنت عايزاك في حاجه مهمه البت هنيه جالها عدلها وكان عايز ياجي يقابلك عشان يطلب يدها منك


الحاج محمد...مبارك عليها يارب وقوليلها تقول يتفضل يوم الخميس بعد العشا وانتي يافاطمه تنزلي وتجيبلها كل شئ في جهازها خليها تتشرف قدام اهل جوزها 


فاطمه...تسلم ياحاج وربنا يباركلنا في عمرك وكله من خيرك

وتذهب فاطمه الي المطبخ لتبشر هنيه بالميعاد لياتي فرج ليتفق مع الحاج محمد علي خطبتها.


هنيه...ربنا يخليكوا ليا ياستي الحاجه ويباركلكوا في الست فريده وتفرحي بعدلها يارب.

⚘⚘⚘⚘⚘⚘⚘⚘⚘⚘

عند احمد كانت جيسي تتعمد تجاهله عندما يكون معهم فكان هو يتعمد النظر اليها بطريقه ملفته الانظار فكانت تخشي ان ياخذ باله جاسر من ذلك فقررت ان تتحدث الي احمد


جاسمين...احمد الو ازيك من فضلك عايز اتكلم معاك


احمد...حاضر ياجيسي اتكلمي


جاسمين..انا عارفه اني الفتره اللي فاتت دي كنا تقريبا مابنتكلمش كتير وانا معترفه اني غلطت معاك لما قولتلك اني مش مستعده للحب ده دلوقتي لكن احب اعرفك اني معجبه بيك وحاسه ناحيتك بمشاعر خاصه.


احمد...جيسي انتي بتتكلمي بجد انتي قصرتي عليا طريق طويل جدا انا بجد بحبك وعايز اعترفلك بده من زمان 


جاسمين ..خلاص يا احمد ممكن نتقابل بكره ونتكلم مع بعض.


احمد...تمام ايه رايك نتقابل بكره الساعه خمسه في الكافيه....


جاسمين...تمام يا احمد....


في الشركه عند جاسر كان يجلس في مكتبه يراجع بعض الاوراق 

تطرق الباب ندي السكرتيره وتدخل 


ندي...جاسر بيه واحد اسمه محمود المنشاوي عايز يقابل حضرتك


جاسر...مين ده انا اول مره اعرف حد بالاسم ده تمام خليه يتفضل.


محمود...صباح الخير ياجاسر بيه 


جاسر يترك الاوراق من يديه اتفضل استريح 


محمود...طبعا حضرتك ماتعرفنيش لكن انا اعرفك كويس اوي وكنت محتاج اقولك علي موضوع مهم بخصوص حضرتك وانسه فريده.


جاسر ينهض من مجلسه ويلف حول المكتب ويجلس امامه موضوع ايه بقي اللي يخصني ويخص الانسه فريده


محمود...انا اسمي محمود المنشاوي صديق منه 

جاسر عند ذكر اسم منه اتعصب ومسكه من ياقه قميصه انت عايز ايه وقول للزفته اللي بعتاك هنا انها مش هاتقدر تعمل معايا حاجه ولو حد فيكو فكر بس أنه يقربلها انسفه من علي وش الارض


محمود ..ياجاسر بيه اهدي انا جاي عشان مصلحتك اسمعني بس ارجوك ده لمصلحتك 


جاسر تركه بعنف وفوقع محمود علي الكرسي واخذ يعدل من ملابسه


محمود...انا جايلك عشان اقولك ان منه طلبت مني ان اوقع بينك وبين فريده واني ادخل عليها في دور حب وبعد كده كانت عايزه مني اني اخضرها واخدها علي شقتها وتصورها وهي في اوضاع مخله عشان تبعتلك الصور وتفهمك انها بتخونك


جاسر بعصبيه شديده اااه ياولاد ....ده انا هرتكب فيكو جنايه وبعدين انا ايه اللي يثبتلي ان كلامك صحيح مش ممكن تكون لعبه عاملنها مع بعض.


محمود ...والله ابدا انا كنت في الاول معاها وموافقها بس حصلت حاجه بيني وبينها خلتني افكر ولاقيت نفسي جايلك عشان احذرك ونشوف هانعمل ايه


جاسر...خلاص ماشي يامحمود انا عايزك تنفذ كل اللي قالتلك عليه وانا هكون وراك خطوه بخطوه بس طبعا موضوع انك تكلم فريده وترسم الحب عليها ده مستحيل.


محمود...وانا معاك وهقولك كمان علي اللي بيني وبينها احنا متجوزين عرفي واللي رجعني في الاتفاق معاها ان سمعتها بتكلم مع اروي ان اول ما نخلص من موضوعك هاتكلم حد يقتلني.


جاسر...متقلقش انا معاك وزي ما اتفقنا وخليك علي الاتصال بيا


محمود يستأذن من جاسر ويخرج وبعدها يجلس جاسر في مكتبه يفكر في كلام محمود. 

⚘⚘⚘⚘⚘⚘⚘⚘⚘⚘⚘⚘

في سوهاج كان موعد فرج البقال مع الحاج محمد لخطبه هنيه


الحاج محمد...اهلا وسهلا يافرج يابني 


فرج...اهلا بيك ياحاج محمد انا جاي النهارده وعندي امل في ربنا ثم فيك ان حضرتك تقبل جوازي من هنيه


الحاج محمد...وانا يابني موافق انت زين الشباب ياولدي بس هقولك كلمتين ابرك من عشره هنيه طول عمرها متربيه معانا وبعتبرها كيف بتي عايزك تحافظ عليها واوعاك تزعلها في يوم.


فرج...ربنا مايجيب زعل ياحاج ومتخافش عليها هنيه في عينيا واللي هاتأمر بيه انا في الخدمه


الحاج محمد...شوف يابني ظروفك ايه وانا مش هاجبرك علي حاجه واللي انت هاتقصر فيه انا سداد


فرج يقوم من مجلسه ويذهب ليقبل يد الحاج محمد


الحاج محمد يربت علي كتفه ويقول مبروك عليك ياولدي وباذن المولي الاسبوع الجاي نقروا الفاتحه وبعدها بشهر نكتب الكتاب 


فرج...اللي تشوفو ياحاج وربنا يباركلنا في عمرك..هستأذن انا بقي السلام عليكم.


الحاج محمد..وعليكم السلام ياولدي وربنا يتمها علي خير 


تخرج الحاجه فاطمه مسرعه من المطبخ هاااه ياحاج عملت ايه نقول مبروك


الحاج محمد...يضحك لها مبروك يافاطمه وعقبال مانفرح بولادنا


تنادي فاطمه علي هنيه وبعدها تقوم تعلي صوتها بزغاريد وتقول مبروك ياهنيه الحاج محمد وافق 


تذهب هنيه ناحيه الحاج محمد وتقبل يديه ربنا يخليك ياحاج ويجعلك سند لكل الناس


الحاج محمد...مبروك ياهنيه يابتي وربنا يسعدك وعايزك تصوني جوزك وتحافظي علي ماله ودايما تحفظي سره


هنيه...حاضر يابا الحاج

⚘⚘⚘⚘⚘⚘⚘⚘⚘⚘⚘

عند فريده وجاسمين في الجامعة 


فريده...يعني انتي ياجيسي هاتروحي تقابلي احمد


جاسمين...ايوه يافيري لازم اقعد معاه ونحط النقط علي الحروف عشان مش عايزه اعمل حاجه من واره جاسر وبعدين ماتنسيش انهم اصحاب طول عمرهم ومش عايزه حاجه تحصل تفرقهم بسببي


فريده...حبيبتي ربنا يسعدك وبعدين احمد شخصيه محترمه ومتربي مع جاسر اكيد عمره ماهيقبل بان حاجه تحصل 


جاسمين ...خلاص انا هاروح اقابله النهارده الساعه خمسه 


فريده..يبقي مش هاتحضري المحاضرة بقي 


جاسمين...خليكي جدعه بقي يافيري واول ما اخلص هاجيلك علي طول.


فريده...هههههه ماشي ياختي عدي الجمايل بقي.

⚘⚘⚘⚘⚘⚘⚘⚘⚘⚘⚘

في المينا

كان ابراهيم المنصوري في مكتب يجلس مع مدير الامن يتحدث معه بخصوص الشحنه الاتيه له من الصين


يدخل عليهم احد افراد الامن تمام ياسين باشا الشحنه وصلت واتفتشت وامان مافيش قلق 

ياسين ..تمام ياعسكري وروح شوف رجاله فاروق لسه موجودين ولا لا


العسكري...امر سعادتك ياباشا ويقوم بالتحية العسكريه ويخرج


ياسين...ابراهيم بيه دلوقتي اقدر اقولك انك في امان وان فاروق ورجالته مستحيل ينفضوا منها المره دي 


ابراهيم...يعني هو كده رجالته فهمه ان الشحنه وصلت وان هما يقدروا يدخلوا المخازن عشان يفرغوها وطبعا هيلاقوا السلاح ويتم القبض عليهم.


ياسين..بالظبط بس مش هايتقبض عليهم لان ببساطه هايلاقي اللي هايشيل الليله مكانه


ابراهيم...اللي تشوفه ياسين بيه وانا معاك وبشكر حضرتك انك سمحتلي بوقتك وانك تفهمت موقفي لان بجد خايف علي سمعتي في السوق.


ياسين بابتسامه ..ماتشكرنيش ده واجبي واللي يستاهل الشكر فعلا هو الحاج محمد لانه هو اللي اتصل بيا وفهمني الموضوع بجد ونعمه الصديق


ابراهيم...يبتسم ويقول هو كده طول عمره يخاف علي اللي ليه وطول ماهو عايش هايفضل يحافظ علي كل اللي حواليه. هاستأذن انا بقي وهكون علي الاتصال بحضرتك.


يودعه ياسين ثم يأمر احد العساكر بمتابعه خروج الشحنه ويكلف قوه بمراقبه فاروق ورجاله.


❣❣❣❣البارت السادس...❣❣❣❣❣❣


كانت جاسمين في طريقها لمقابله احمد في الميعاد المتفق عليه.


تدخل جاسمين الكافيه تلقي التحيه علي احمد ثم يقف احمد مستقبلا لها بابتسامه مليئه بالحب


جاسمين...ازيك يا احمد عامل ايه 


احمد...الحمدلله ياجيسي اتفضلي استريحي ويسحب لها الكرسي وتجلس ثم يرجع الي كرسيه ويجلس امامها.


جاسمين...طبعا يااحمد انا وافقت بس اني اقابلك بره البيت عشان خاطر جاسر ونفس الوقت انا متضايقه اني بعمل حاجه من وراه


احمد...وانا عمري ماهكون السبب في انك تضايقي ومقدر ده بس كان لازم اتكلم معاكي  واعرف رايك عشان انا ناوي بعد قعدتنا دي هاكلم جاسر في موضوعنا علي طول


جاسمين بابتسامه...ماشي يااحمد اتفضل اتكلم بس مش عايزه اتأخر علي فريده لانها لسه في الجامعه.


احمد...بصي بقي من غير مقدمات انا بحبك وعايز اتجوزك وانتي طبعا عرفاني كويس اوي وبعتذرلك ياستي علي الرسايل الهبله اللي كنت ببعتهالك 


جاسمين تضحك...بس تعرف اني علي قد ماكنت متغاظه اني معرفش مين اللي بيبعتها علي قد ما فرحت لما عرفت انك اللي بتبعتهالي.


احمد...والله ياجيسي بحبك واوعدك طول ما فيه نفس هفضل احبك واحافظ عليكي ودلوقتي عايز اعرف انتي موافقه انك ترتبطي بيه ونكمل حياتنا مع بعض ولا لأ


جاسمين...تنظر له بخجل وتحرك رأسها بنعم وتقف لكي تذهب الي فريده يمسك يدها احمد وهو يقول رايحه فين خليكي معايا شويه 


جاسمين...اتأخرت علي فيري يا احمد وعد بعد ما تكلم جاسر مش هاسيبك لحظه.


احمد....جيسي نفسي اسمعها منك زي ما انا شايفها في عيونك. وحياتي عندك تقوليها.


جاسمين بخجل تقول بهمس بحبك...وتذهب مسرعه وهي في قمه سعادتها.


في منزل فاروق 

كان فاروق يتحدث علي الهاتف مع أحد رجاله وهو يضحك يعني خلاص الشحنه خرجت من المينا وفي طريقها للمخازن


المتصل..طبعا يافاروق بيه واطمن كل حاجه هاتتسلم في ميعادها


فاروق...تمام وابقي عدي عليا بالليل عشان تاخد باقي حسابك.


المتصل...تسلم ياباشا احنا عايشين في خيرك واي حاجه تاني انا رقبتي سداده


فاروق...قدها وقدود يالا سلام واستني مني الامر بالتسليم.


يغلق فاروق الهاتف ويقول بكل غل وحقد ماشي ياابراهيم لما نشوف مين فينا اللي هيضحك في الاخر. 


تدخل منه عليه وتطلب منه بعض الاموال 

منه...بابي كنت عايزه فلوس عشان مسافره يومين مع اصحابي 


فاروق...سفر ايه دلوقتي مش المفروض عندك امتحانات بعد شهر


منه...بابي انا حره وبعدين دول يومين بس تغير قبل الامتحانات. 


فاروق...براحتك واتفضلي الفيزا اهيه


منه تاخذها وتقول ميرسي كتير باي انا خارجه اشتري شويه حاجات للسفر 


فاروق...ماشي يامنه لما اشوف اخرتها معاكي ايه.

⚘⚘⚘⚘⚘⚘⚘⚘⚘⚘

عند فريده في الجامعه كانت تنتظر جاسمين .بقي كده ياجيسي كل ده تاخير يارب بقي وكمان قافله الفون


يأتي محمود عليها وهو يقول مساء الخير يافريده ازيك


فريده...نعم انت بتكلمني انا 


محمود...اه هو في حد هنا اسمه فريده غيرك انتي مش فكراني ولا ايه


فريده...انت مين اصلا وتعرفني منين واه انا مش فاكره حد


محمود...انا محمود اللي اتعرفت عليكوا مع منه.


فريده ...اه اهلا خير في حاجه


محمود ...لا ابدا بس كنت ماشي ولامحتك قاعده لوحدك قولت اجاي اسلم عليكي اشوفك لو محتاجه حاجه..


فريده بغلاسه...لا شكر مش محتاجه حاجه و اممم خلصت اتفضل بقي لان مش منظر انك تقعد معايا 


محمود...انا اسف اني تطفلت عليكي عن اذنك


يذهب محمود ويتصل بجاسر يبلغه ان اتكلم مع فريده وان اروي شافته وهو بيكلمها عشان تبلغ منه


جاسر...تمام يامحمود واي جديد كلمني علي طول 


محمود....اكيد وانا دلوقتي هاروح اقابل منه واقولها اني كلمت فريده وبدأت الخطه عشان ماتقلقش مني


جاسر...تمام ويغلق معه الخط.


في المساء كانت تجلس جاسمين مع فريده تحكي لها ما دار في مقابله احمد


فريده ...بجد ياجيسي انا فرحانه اوووي ربنا يسعدك ياقلبي


جاسمين ...عقبالك يافيري ياسلام لو نعمل خطوبتي وخطوبتك في يوم واحد


وفي اثناء حديثهم. يرن جرس الهاتف فكان جاسر من كان يقوم بالاتصال عليها


جاسر...الو يافيري عايزك تجهزي في نص ساعه عشان هانخرج نتعشا بره


فريده..حاضر ياحبيبي هاجهز بسرعه


جاسمين ...علي فين كده طبعا ماناس ليها عشا بره وناس قاعده تندب حظها


تضربها فريده بالمخده ليه بقي ما انتي كنتي مع حبيب القلب من شويه وسبتيني ملطوعه لوحدي


جاسمين....هههههه ماشي يااختي روحي اجهزي عشان ما تتأخريش


تدخل فريده تاخذ حمام وترتدي بنطلون جينز وشميز احمر وعليه جاكت اسود وتترك شعرها ينسدل بحريه علي ظهرها وكانت تضع القليل من الملمع للشفاه وكحل فكان شكلها جذاب ووضعت بعض قطرات من عطرها وأخذت شنطها وخرجت


كان جاسر يجلس في سيارته ينتظرها وهو شارد فكان يفكر في كلام المهندس المختص بخصوص كاميرات المراقبه


ياتري ايه الحاجه اللي اكتشفها المهندس وعايز يقابلني بره الشركه في ذلك الوقت كانت فريده تصل الي السياره وتقول


ايه ياجاسر سرحان في ايه ينتبه جاسر لها وهو يغمز ويصفر علي جمالها 

جاسر... سرحان فيكي ياعمري وبعدين ايه الجمال ده كله


فريده...بحبك 


جاسر وهو يمسك يدها ويقبلها وانا كمان بعشقك 


فريده ...ربنا يخليك ليا ياجاسر ويالا بقي احنا هانقضي الليل كله في العربيه ولا خلعت من العشا..


جاسر...لا طبعا حبيبتي تحب تتعشا ايه


فريده..اممم بيتزا بسي فود


جاسر يضحك..عيوني احلي بيتزا بسي فود لأحلي عيون في الدنيا 


فريده تبتسم بخجل وتنظر خارج السياره وتهمس بحبك ياجاسر 


جاسر بضحكه عاليه..سمعتك علي فكره وانا بعشقك ياقلب جاسر.


يوم جديد علي جميع الابطال يحمل كثير من المفاجأت منها السعيد والاخر مؤلم .


احمد كان يجلس في مكتبه يفكر في موضوعه مع جاسمين وانه يجب الحديث مع جاسر فقرر أنه يذهب الي مكتب جاسر ويفتح معه الموضوع 

احمد يقوم ويذهب الي مكتب جاسر ويدخل عليه ويقول..

احمد...جاسر كنت عايزك في موضوع مهم مش مستحمل تأجيل.


جاسر يضيق عينيه...موضوع ايه اللي مخليك عامل كده 


احمد...جاسر انت صديق عمري واحنا متربين مع بعض وحابب انك تكون اول واحد اتكلم معاك في الموضوع ده


جاسر بقلق...خير يا احمد انت قلقتني هو فيه ايه بالظبط


احمد بدون مقدمات..انا بحب جاسمين وعايز اخطبها.


جاسر....يضحك ويقول هو ده الموضوع اللي عامل عليه كل ده .احمد انت مش صديق وبس انت اخويا وانا يشرفني انك تكون جوز اختي لاني واثق فيك وانها هتكون معاك في امان


احمد يجري عليه وياخذه بين احضانه..ربنا يخليك ياجاسر وانا بوعدك طول ما فيه نفس جاسمين هتكون في عينيا وقلبي ومش هاسمح لحد يزعلها


جاسر يشدد من احتضانه...مبروك يا احمد وربنا يسعدكوا


احمد...طيب رتب انت بقي ميعاد عشان اقابل عمي ونشوف هانعمل الخطوبه امتي وكده


جاسر ...ايه ياعم حيلك مش لما اتكلم مع العروسه وناخد رأيها ويغمز جاسر له ثم يكمل كلامه ولو اني عارف رأيها من دلوقتي


احمد...انت بتقول ايه وعارف ايه...


جاسر بابتسامه خبث ...ابدا انا بقول يعني عارف ممكن تقول ايه ولا تحب تاخد رايها انت زي موضوع الرسايل..


احمد يندهش علي كلام جاسر وانه يعلم بموضوع الرسايل ثم يقول له تمام اعرف الميعاد وبلغني ويخرج مسرعا من امام جاسر..


جاسر يضحك عليه ويقول مجنون وهايتلم علي مجنونه ربنا يستر.

⚘⚘⚘⚘⚘⚘⚘⚘⚘


في سوهاج انه يوم كتب الكتاب المتفق عليه الحاج محمد وفرج


الحاج محمد...ياحاجه فاطمه جهزتي كل حاجه عشان الناس


فاطمه...ماتخافش انت كل حاجه هاتبقي في ميعاد بالمظبوط


الحاج محمد...ربنا يتمها علي خير


فاطمه...والله ياحاج محمد كان نفسي فريده تكون معانا 


الحاج محمد...يعني هاتسيب دراستها وتاجي باذن الله تكون معانا في الفرح.


يتركها الحاج محمد ويدخل مكتبه وتقوم الحاجه فاطمه بتجهيز المنزل لاستقبال اهل العريس واقاربهم.


ياتي المساء عليهم يحمل السعاده لهنيه وفرج لقد تم عقد قرانها واصبحت زوجته علي سنه الله ورسوله وبعد انتهاء المأذون تعلو اصوات النساء بالزغاريد والمباركات للعروس يخرج الحاج محمد ومعه فرج لكي  يبارك لهنيه.


الحاج محمد...مبروك ياهنيه وربنا يسعدك يابتي.


هنيه ...بخجل وهي تنظر الي الارض الله يبارك فيك يابا الحاج.


الحاج محمد...سلم علي مراتك يافرج وباركلها واسمعها مني كلمه خلي بالك منها وحافظ عليها واوعاك تغضبها في يوم هاتلاقيني انا اللي واقفلك.


فرج ...ماتخافش يابا الحاج هنيه هتكون في عينيا وربنا ما يجيبش زعل بينا


فاطمه...مبروك يافرج يجعلها جوازة العمر. 


في الفيلا يدخل جاسر وهو يغني 

(هي دي هي فرحه الدنيا دق ياقلبي غني ياعينيا)

تخرج ناديه علي صوته وتقول ايه الروقان ده ربنا يروق بالك دايما بس ايه سببه


جاسر يحضنها ويقبل يدها وجبينها...انت تكرهي تشوفي جاسر حبيبك رايق وفرحان


ناديه تربت علي كتفه ...يارب يابني يفرحك ويسعدك


جاسر...امال فين البنات مس سامع صوتهم


ناديه...رجعوا من الكليه اتغدوا وطلعوا ناموا ولحد دلوقتي مش راضين يصحو بس سيبك منهم وقولي ايه الروقان ده


جاسر...حاضر يجلس ويقول لها جاسمين جالها عريس وعايز نحدد ميعاد عشان يجي يقابل بابا.


ناديه بفرحه ..بجد ياجاسر انت بتتكلم بجد ومين ده انت تعرفه يعني ابن ناس ومركزه كويس.


جاسر...ايه كل الاسئله دي اهدي ياماما لما اتكلم مع جاسمين الاول واشوف بابا وعلي العموم انتي تعرفيه كويس


ناديه ...اعرفه كويس ده مين ده


جاسر...احمد صاحبي ياماما وانتي عارفه اخلاقه ومتربي معانا وانا بصراحه موافق جدا 


ناديه....بجد ياجاسر احمد هو اللي طالب جيسي طبعا ياحبيبي احمد ابني وبحبه زي ابني ربنا يقدم الخير.

⚘⚘⚘⚘⚘⚘⚘⚘⚘⚘

في فيلا فاروق..


يدخل احد الحراس..فاروق بيه في واحد ظابط عايز حضرتك.


فاروق....ظابط وعايزني انا ليه علي العموم خليه يدخل.


فاروق في باله ياتري عايز ايه ده كمان ويارب مايكنش ليه علاقه بالشغل ولا حد عرف بموضوع المخازن.


الظابط يدخل عليه ومعه قوه ويقول لفاروق انت فاروق البنهاوي


فاروق ...كان يجلس واضعا قدم فوق الاخري ايوه انا وازاي تدخل هنا باللي معاك دول انت مش عارف بتكلم مين


الظابط...انا لحد دلوقتي مش عايز اتصرف بطريقه ماتعجبش حضرتك وياريت تتفضل معانا من غير شوشره


فاروق...انا مش هاتحرك من مكاني وهاتصل بالمحامي هو يروح يشوف عايزني ليه 


الظابط...مافيش داعي لان مطلوب القبض عليك للاتجار في السلاح .


فاروق بعصبيه وصوت عالي انت اكيد غلطان وانا هعرف اخليك تعرف كويس اوي من هو فاروق البنهاوي.


الظابط ...اعمل اللي انت عايزه ودلوقتي اتفضل معانا ..




الفصل السابع والتامن من هنا




بداية الروايه من هنا




انضموا معنا على تليجرام ليصلكم اشعار بالروايات فور نزولها من هنااااااااا



الروايات الحديثه من هنا



جميع الروايات الكامله من هنا



🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

 
close
 
CLOSE ADS
CLOSE ADS