expr:class='data:blog.languageDirection' expr:data-id='data:blog.blogId'>

رواية احببت فتاة من الريف الفصل التامن بقلم أمل هاشم حصريه وجديده على مدونة النجم المتوهج للروايات والمعلومات

رواية احببت فتاة من الريف الفصل التامن بقلم أمل هاشم حصريه وجديده على مدونة النجم المتوهج للروايات والمعلومات

رواية احببت فتاة من الريف الفصل التامن بقلم أمل هاشم حصريه وجديده على مدونة النجم المتوهج للروايات والمعلومات

🌸الفصل الثامن 🌸

سيف : معلش ياعمى انا حابب اقول حاجه قبل ما تنده لانسه نغم

نظر له محمد بطرف عينه وقال : قول

سيف وهو يشعر بالاحراج : انا عايز اعتزر لحضرتك الاول على سوء الفهم الى حصل انا عارف انى مندفع و ماكانش ينفع اعمل كده فيا من حضرتك انك تسامحنى

محمد بهدوء : الاعتزار ده لنغم مش ليا لانك غلطت غلط كبير لكن انا لو عليا مسامحك عشان خاطر ابوك مش اكتر

نبيل : تسلم يا غالي

جميله : حقك يا استاذ محمد

محمد : انا هطلع لنغم

وصعد محمد إلى أعلى وجدها تردى حجابها فقال : خلصتى يا قلبى

نغم بإبتسامه : ايوه بابا

محمد : طيب يلا ننزل الناس قاعده تحت

ونزلت نغم الى الاسفل وجدتهم يجلسون ومصطفى يجلس معهم

فتقدمت منهم بهدوء وقالت : السلام عليكم

رد الكل السلام معادا فارس الذى كان هائم فى وجهها

فوكذه ابيه حتى يستفيق

فنظر لها بحب وقال : ازيك يا انسه نغم عامله ايه

نغم دون أن تنظر له : الحمد لله

فساد الصمت لعده دقائق حتى قطعته جميله وهيا تقول :بصى يا نغم يا بنتى احنا جايين النهارده عشان الموقف الى فارس عمله عشان يعتذرلك

ونظرت لفارس وقالت ولا ايه يا فارس

فارس بحزن ونظر إلى نغم : انا فعلا اسف يا انسه نغم بس معرفش ايه الى حصل مقدرتش اتحكم فى اعصابى وافتكرته واحد بيعاكس بتمنى انك تسمحينى واوعدك انى معتش هدايقك تانى

نغم بهدوء : خلاص محصلش حاجه بس ياريت معتش تدخل فى حاجه تخصنى

فارس : ازاى يعنى معتش ادخل

فقاطعه نبيل وقال : معلش أصله بيخاف عليها زى فرح أخته

ونظر له نبيل بتحذير

فارس بعصبيه مكتومه : اه زى فرح

فقال محمد : خلاص حصل خير محصلش حاجه

وقال محمد دلوقتى العمال هيخلصوا كل حاجه على يوم الخميس وتقدر تشتغل وتفتح المزرعه من ورا وعم سيد هيبدأ فى الارض من الأسبوع الى جاى

فقال نبيل بامتنان : ربنا يخليك يا محمد والله ما عارف من غيرك كنت عملت ايه

محمد : عيب يا نبيل ما تقولي كده احنا اخوات

نبيل : ونعم الاخوه

جميله : حيث كده بقا احنا نعمل حفله صغيره يوم الجمعه فى البيت عشان الخبر الحلو ده

نبيل :فكره حلوة ايه رأيك يا محمد

محمد : الى انت عايزة على بركه الله

جميله : خلاص اتفقنا انا هقوم احط الغدا عشان نغم تدوق اكلى ونظرت لمصطفى وقالت تعالى معلش يا ابنى ورينى الحاجه الى فى المطبخ

مصطفى : حاضر يا طنت

نغم : خليك انت يا مصطفى هقوم انا

جميله : مش عايزة اتعبك يا بنتى

نغم وهيا تتحرك مع جميله للمطبخ : ولا تعب ولا حاجه يا طنت انا الى بشكرك على تعبك معانا النهارده

جميله بحب : تعبك راحه يا بنتى انتى زى فارس وفرح عندى وربنا يعلم

نغم : ربنا يخليكى يا طنت والله ده شرف ليا

ودلفوا إلى المطبخ واعدوا الطعام وجلس الجميع وتناولوا الطعام واعتذر مصطفى من نبيل وفارس وفارس اعتذر له وظلوا معاحتى انتهاء اليوم وعادت عائله نبيل إلى منزلهم وصعد كل شخص منهم إلى غرفته لينام

😌😌😌😌😌😌😌😌😌😌😌😌😌

فى صباح اليوم التالى استعدت نغم الى الذهاب الى الكليه واعدت الطعام وفطروا واتجه مصطفى إلى مدرسته ونغم الى كليتها تحت الوصيا العشر من ابيها حتى تهتم بنفسها

وكذالك الوضع عند عائله نبيل استيقظ فارس وفرح وتناولوا طعامهم وتحركوا ليوصل فارس فرح الى كليتها و يتجه إلى عمله

فى الكليه عند نغم كانت تجلس تنتظر رحمه ووجدت رحمه تأتى لها من بعيد وتلوح لها فقتربت منها نغم و حيو بعض فقالت رحمه : ازيك يا حبيبتى عامله ايه النهارده

نغم :الحمد الله كويسه النهارده

رحمه : الحمدلله احكيلى بقا ايه الى حصل لكل ده

فقصت عليها نغم كل شئ فقالت رحمه بشك :ده كان غيران عليكى يانغم

نغم : غيران عليا من ايه انشاء الله

رحمه : يا بنتى إلى انتى حكايه ده معناه أنه بيحبك أو معجب ليكى على الأقل

نغم : اعجاب وحب مره واحده يا ابنتى هو بقاله كام اسبوع يعرفنى هيلحق يعجب بيا ازاى بس لا ما اعتقدش

رحمه : انتى ليه ديما مش عايزة تشوفى الناس إلى حواليكى صح او بمعنى اصح انتى ليه قاصده تقفلى قلبك

نغم بحزن : كده يا رحمه مش عايزة احب حد مش عايزة اعيش البعد الى بابا عايشه ولا عايزة اتوجع انا عايزة اعيش لابويه واخويه بس

رحمه : غلط كده يا نغم انتى مش عارفه ربنا شيلك ايه مش كل واحد بيعيش نفس الى حصل لأهله

وانتى مش هتعيشى لوحدك العمر كله اخوكى بكره يكبر ويحب ويعيش حياته الدنيا بتتغير يا نغم

نغم بوجع : مش قادره أو خايفه مش عارفه اعمل ايه

رحمه : ماتخافيش وسيبى قلبك يختار مش عقلك

نغم : هحاول بس مش عارفه اعمل كده ازاى

رحمه : اقولك على حاجه شيلى انتى بس فكره

انك مش عايزة تحبى وسيبها على الله وانشاء الله ربنا يريح قلبك يا قلبى

نغم : حاضر يااارب

رحمه : فكى بقا عندى ليكى مفجأه حلوة

نغم : بجد ايه

رحمه : انا استأذنت من حسام و انى اجى اقضى يوم الجمعه معاكى

نغم بفرحه : بجد ده خبر حلو اوووووى

كويس عشان لما اروح اعرف بابا انى مش هروح معاهم

رحمه : لو عندك حاجه أجل واجيلك مره تانيه

نغم : لا عادى ده عمو نبيل عزمنا عشان هيفتح المزرعه بتاعته

وانا مكنتش عايزة اروح فهقول لبابا وهو مش هيقولى حاجه

رحمه : خلاص تمام اشطا اتفقنا

يلا بقا عشان ما نتأخرش على المحاضره

نغم : تمام يلا بينا

وذهبوا إلى المحاضره

🙂🙂🙂🙂🙂🙂🙂🙂🙂🙂🙂🙂

فى المكتب عند فارس كان يجلس ويقوم بأداء عمله حتى سمع أحد يدق على الباب فسمح بالدخول فدخلت منى السكرتيره وهيا تقول بمياعه : ازيك يا استاذ فارس

فارس دون أن يرفع وجه لها : تمام خير فى حاجه

منى وقد شعرت بالاحراج : اها جمال بيه عايزك

فارس : تمام تقدرى تروحى انتى وانا جاى وراكى

منى وهيا تخرج بعصبيه : تمام يا استاذ فارس

وخرجت وهيا تزفر بغضب

فهز فارس رأسه بعلامه الرفض وقام بلم جميع أوراقه وذهب الى مكتب جمال

ودلف بعد أن استأذن وقال : تحت امرك يا جمال بيه

جمال : تعاله اقعد يا فارس عايزك

جلس فارس وقال : خير يا فندم

جمال : دلوقتى المساعد بتاعى جاله فرصه شغل بره وهيسلم كل حاجه تحت أيده كمان شهر و كنت هحتاج مساعد تانى وانا برشحك بس بشرط أن المشروع الى انت ماسكه يبقا احسن مشروع من المشاريع الى هتتقدم اخر الاسبوع

فارس : والله يا فندم ما عارف اقول لحضرتك ايه ده شرف كبير ليا طبعا بس اشمعنا انا مش شغال بقالى يومين

جمال: عشان ملفك مميز عن بقيت الملفات بس الاول لازم مشروعك يبقا احسن مشروع

فارس بفرح : اكيد يا فندم لازم ابقا تحت حسن ظن حضرتك

جمال : وانا واثق من كده اتفضل روح شوف شغلك عشا ما اعطلكش

فارس : تمام يا فندم

وخرج فارس من المكتب وبه كتله من الحماس وقرر أنه سوف يحدث والده بشأن طلب يد نغم عندما يعد إلى المنزل

وبعد أن انها عمله ذهب وأخذ فرح وعادة الى البيت

😉😉😉😉😉😉😉😉😉😉😉😉

فى منزل حسام ورحمه

عاد حسام من العمل وجد رحمه تجلس وهيا مرتبكه فقال : ازيك يا رحمه مالك فى ايه

رحمه وهيا تسحبه من يده ونجليه بجانبها : اقعد كده عيزاك

حسام بقلق : ماشى مالك فى ايه حد دايقك

رحمه :نغم

حسام : مالها حد عملها حاجه ولا فى حاجه

رحمه : لا مش كده

حسام بعصبيه : اومال فى ايه ما تحكى

رحمه : طيب طيب وقصت عليه كل شئ

حسام : انا كنت حاسس ان الشخص ده وراه حاجه مش حتت جيران

رحمه : لازم تكلم باباها يوم الجمعه

حسام : ما ده الى لازم يحصل

رحمه : ربنا يجعلها من نصيبك يا حبيبى يااارب

حسام بشرود : ياارب يا رحمه

😏😏😏😏😏😏😏😏😏😏😏😏

فى منزل نبيل

كانوا يجلسون يتناولون طعامهم فقال فارس : انا عندى مفجأه حلوة

جميله : بجد ايه يا احكى

بسرعه

نبيل بضحك : اصبرى انتى بس وهو يحكى

فارس : انا احتمال اترقى اخر الشهر ده

نبيل بتعجب : ازاى بس يا ابنى انت مكملتش كام يوم

فارس : اه بس المدير قالى وحكى كل شئ دار بينه وبين المدير

فقالت جميله بفرحه : الف مبروك يا ابنى

فارس بمرح : لسه يا حبيبتى لسه بس انا عايز اتكلم معاكم فى موضوع تانى

فنتبه إليه فقال انا بصراحه بحب نغم بنت عمى محمد وعايز اتقدملها

نبيل : تانى يا فارس

فارس : والله يا بابا بحبها مش فى دماغى حاجه وحشه

جميله : خلاص بقا يا نبيل هو فارس بيقول ايه عايز يتقدم والى فيه الخير ربنا يقدمه ولما يجو يوم الجمعه تكلم محمد و تحدد معاه معاد نروح نطلبها فيه

نبيل : خلاص ماشى إلى فيه الخير ربنا يقدمه

فقام فارس بفرحه وقبل والده وقال : حبيبى انت يا بابا

والله

نبيل بضحك : خلاص يا ولد

جميله : شوف الواد ولا كأنى قاعده

فارس وهو يحتضنها: انتى الاصل يا جوجو بردوا

فنظر نبيل الى فرح وقال : مالك ساكته ليه يا فرح

فرح بضيق : وهتكلم اقول ايه الحمد الله شبعت انا هطلع ازاكر وصعدت إلى غرفتها

فقالت جميله : معلش يا حبيبى هيا بس متغيره بسبب أن المكان جديد عليها

نبيل : عادى محصلش حاجه

وجلسوا يضحكون وحتى انتهت اليوم وصعدوا إلى غرفهم

😊😊😊😊😊😊😊😊😊😊😊😊😊

ومرت الايام وجاء يوم الجمعه وتحضر محمد ومصطفى للذهاب إلى بيت نبيل

محمد : خلى بالك من نفسك يا نغم ولو فى اى حاجه كلمينى تمام

نغم : حاضر يا بابا

مصطفى بتزمر : طيب ما اقعد معاها

محمد وهو يسحبه من قفاه : يلا ياض عشان ما نتأخرش

وذهب محمد واعدت نغم بعض المأكولات والتسالى لحين مجئ رحمه

⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩⁦❤️⁩

فى منزل نبيل ذهب محمد وجد نبيل يجلس هو فارس فى حديقه المنزل

فتقدم نبيل وحياهم : ازيك نورت يا مصطفى يا حبيبى

مصطفى : ده بنورك يا عمو

فارس : ازيك يا عمى ازيك يا مصطفى

محمد ومصطفى : الحمد لله بخير

ولكن فارس تعجب من عدم وجود نغم

فقطع تفكيره نبيل وهو يقول : امال فين نغم

محمد : فى البيت فى واحده صحبتها جيالها

نبيل : خلاص ماشي المهم انها كويسه

فقتربت منهم جميله وحيتهم وقالت : طيب ماتجيب صحبتها وتجى

ده انا محضره اكل كتير عشان خطرها

محمد بحيره : مش عارف والله

جميله : خلاص روح انت ونبيل وخليهم يجو يتغدوا معانا

فوافق محمد تحت إصرارهم وذهب إلى منزل محمد ووجدو فتاه شابه وشاب يقفان أمام الباب

وجدو نغم تفتح الباب وهيا تردى اسدلها

فوجدت محمد ونبيل يقتربان منهم

فقال محمد : السلام عليكم

الكل : عليكم السلام

فقال حسام : حضرتك استاذ محمد والد الانسه نغم مش كده

محمد : ايوة انا

حسام : انا الرائد حسام اخو رحمه كنت جاى اوصلها واقابل حضرتك

فنظرت نغم الى رحمه بتسأل فأشارت رحمه بعدم معرفتها بشئ

فقال نبيل : اكيد مش هنقف نتكلم على الباب احنا كنا جايين ناخد البنات يتغدوا معانا ده طبعا بعد ازنك أن اختك تجى تشرفنى

فقال حسام : معلش مره تانيه انا جاى اتكلم مع استاذ محمد فى موضوع تانى

محمد : تمام اتفضل معايا

ودلف محمد وحسام إلى الصالون وجلس نبيل مع البنات

وبعد بعض الوقت وخرجوا واقترب محمد وحسام منهم وقال محمد : خلاص يا نبيل سيب البنات يقعدوا مع بعض دلوقتى ويجوا مره تانيه

نبيل : خلاص تمام الى انت شايفه

حسام : تمام عن ازنك يا استاذ محمد همشى انا وهاجى اخر النهار عشان اخد رحمه

محمد : ازنك معاك يا ابنى

وذهب حسام وبعده محمد ونبيل فقالت نغم : هو فى ايه حسام كام عايز بابا فى ايه

رحمه: معرفش ابقى اسألى باباكى لما يجى المهم عامله اكل ايه

نغم بضحك : همك على بطنك عامله سمبوسه و جلاش باللحمه المفرومه إلى انتى بتحبيها

رحمه بفرح : الله عليكى يا نغم يا حبيبتى

ودلوفوا وقضوا الوقت بين المرح والأكل

😂😂😂😂😂😂😂😂😂😂😂😂

بعد أن عاد محمد وجلسوا بعد تناول الطعام كان فارس يجلس بضيق لعدم وجود نغم

وبعض بعض الوقت قال نبيل: معلش يا محمد عايزك فى موضوع كده لوحدنا

محمد : ماشى يا نبيل تعاله نقعد بره

وخرجوا

فقال نبيل : انا عارف انك مدايق من فارس ابنى بس إلى عمله عشان بيحب نغم بنتك

محمد : بس

نبيل : اسمعنى بس للآخر هو الى حصل بسبب غيرته عليها وبصراحه هو كلمنى امبارح عشان عايز يتقدم ليها وانا قولت اكلمك الاول وتحدد وقت ونجى عندك ونتكلم فيه

محمد : والله يا نبيل مش عارف اقولك ايه بس كل حاجه فى ايد نغم وكمان الشاب إلى كان معايا النهارده هو كمان طلب أيدها منى وانا كنت هروح واتكلم معاها دلوقتى انت صعبت عليا الموقف بس الحاجه الوحيده الى اقدر اقولهالك أن كل حاجه فى ايد نغم مش ايدى

نبيل : خلاص يا محمد إلى فيه الخير يقدمه ربنا وانت لما تروح كلمها ورد عليا

محمد : انشاء الله

وبعد بعض الوقت عاد محمد إلى منزله هو ومصطفى

فقترب فارس من أبيه وقال : ايه كلمته

نبيل بضيق : ايوة كلمته

فارس بقلق : ماشى مالك مدايق ليه

فحكى له نبيل كل شيء

فارس بعصبيه : يعنى ايه عريس تانى يعنى ممكن ترفضنى مش هقدر

جميله : أهدى بس يا ابنى خير انشاء الله

فصعد فارس إلى غرفته بعصبيه دون أن يقول أى كلمه

😔😔😔😔😔😔😔😔😔😔😔😔

بعد أن عاد محمد إلى منزله وبعد أن رحلت رحمه

قال محمد : نغم تعالى معايا قضتى عايزك فى موضوع

نغم : حاضر يا بابا

ودلفوا إلى الغرفه

محمد : بصى يا نغم يا بنتى من غير لف ودوران فى عاريسين متقدمين ليكى

نغم بصدمه : اتنين مين

محمد بحذر : فارس ابن عمك نبيل و حسام اخو رحمه

وقفت نغم وقالت .



تابعووووني للروايات الكامله والحصريه



الفصل التاسع من هنا



بداية الروايه من هنا



جميع الروايات الكامله من هنا


تعليقات



CLOSE ADS
CLOSE ADS
close