حكاية رغد الفصل التاسع والعاشر حصريه وجديده على مدونة النجم المتوهج للروايات والمعلومات
 |
حكاية رغد الفصل التاسع والعاشر حصريه وجديده على مدونة النجم المتوهج للروايات والمعلومات
حكاية رغد الفصل التاسع
فادي بيمد ايده عايز فلوس من سميره
عشان يتكلم.
اتنهدت سميره بغيظ.
انجز اتكلم وهعطيك اللي تطلبه .
فادي رافع حاجبه وهز راسه وقال .
_ماشي يا ماما . انتي مش ملاحظه حاجه غريبه . ان ادهم جوز بنتك بيختفي لما تظهر رغد ويشوفها.
_ سميره رفعت حاجبها واتسعت عنيها
وافتكرت كلام هايدي بالمستشفي
_ ايوووه فعلا . طب معقول يكون بينهم حاجه ؟ طيب ولو فعلا بينهم حاجه!!!
اي هيا بقي ؟
بصلها فادي وابتسم .
مهو دي اللي بفكر فيه .
ازاي هنعرف اللي بينهم . ونشكفهم للكل وبكدا نطيرها.. بس في مشكله.
بصتله سميره .
_ قصدك هايدي صح
_ايوه يا ماما . كدا هتبقي في مشاكل بينهم.
_متخفش سيب الموضوع دي عليا .
هايدي اصلا مش بتحبه وعايزه تخلص منه
وبكدا . احنا نخلص من جوزها ورغد ونضم هايدي لينا بعد ما خدتها رغد بصفها.
وكدا فارس هيبقي قدام الامر الواقع
ويبعد عنها. انا هخطط للموضوع دي برواق...
فادي بضحكه.
_كدا ضربة معلم يا ماما . ايدك بقي ورايا مشوار هخلصه وارجعلك.
_ خليك هنا رجعالك.
دخلت سميره غرفتها وفادي واقف مكانه..
= فارس راجع من الشركه دخل الفيلا
وقعد بالصاله . طلب من الخدامه تجيبله قهوه.
شوي ورجعت الخدامه لفارس وقالت
_ فارس بيه في واحد عايز حضرتك
واقف بره.
_ مقلش اسمه اي ؟
_ بيقول اسمه موسي . وعايز حضرتك بحاجه مهمه.
= قام فارس من مكانه وقابل موسي
دخلوا الاتنين جوه مكتب حسان اللي بالفيلا..
سميره طالعه من غرفتها شافت فارس
وموسي داخلين المكتب.
وقالت في نفسها.
مين اللي مع فارس دي . اول مره اشوفه
ندهت علي الخدامه تسالها
_ مين اللي مع سيدك فارس دي ؟
_ معرفش يا ست هانم . مقليش غير انه عايز سيدي فارس بحاجه مهمه بس .
_ سكتت سميره وبتفكر
يا تري اي المهم اللي مع الراجل دي .
بصت للخدامه وامرتها تمشي ..
= في مكتب حسان !!!
فارس قاعد ع المكتب
وقدامه موسي . بصله فارس وقال .
_ اتفضل يا عم موسي اي الحاجه المهمه اللي عايزاني فيها .
_ انا يا سعادة البيه بواب العماره اللي في المعادي الا فيها شقة حسان بيه.
قاطعه فارس ..
ايوه افتكرت . تحت امرك يا عم موسي اتكلم.
_حسان بيه كان طالب مني اراقب الشقه واشوف مين بيدخلها غيره ومن كام اسبوع جاني واحد سألني. في حد قاعد بالشقه
والا لا . قلتله مفيش . راح مشي وبعدها بكام يوم بقيت اشوفه كل يوم والتاني واقف بعيد بعربيته وبيراقب الشقه
_قاطع فارس..
شكله اي يا موسي الراجل دي
_ والله يا سعادة البيه هو جاني بالليل والنور مش قوي بره العماره ومش متمكن اوي مش شكله . بس قدرت
اخد رقم عربيته.
_ برافوا يا عم موسي . اعطيني الرقم
مد موسي ورقه فيها الرقم . دي الرقم يا سعادة البيه . وانا بعتذر عشان اتاخرت عليكم بس كنت منتظر حسان بيه يفوت عليا ..
_ مش مشكله يا عم موسي . حسان بيه تعيش انت..
موسي بحزن .. الباقيه بحياتك يا بني . حسان بيه كان خيره علينا. واحسن واطيب واحد عرفته.
_ تعيش يا عم موسي تسلم
= فارس طلع فلوس من جيبه وعطاها لموسي..
_ خد دول يا موسي واعتبرني زي بابا بالظبط. وعايزك تجبلي اي معلومه ولو صغير عن اي حد تشوفه رايح الشقه ضروري..
_ موسي خد الفلوس وشكر فارس واستاذن وطلع بره الفيلا ..
_ فارس قاعد علي المكتب وقدامه رقم العربيه وبيقول لنفسه ..
يا تري مين دي ؟ واي مصلحته يعمل كدا في رغد ؟
= مسك تليفونها وبيكلم واحد من موظفين الشركه..
فارس : ايوه نادر انا فارس عايزك في مهمه ضروري .
نادر : امرك يا فارس بيه
_ اكتب الرقم دي عندك وضروري تكون عندي الصبح بشركه كل المعلومات عن صاحب العربيه دي ..
_ تحت امرك فارس بيه الصبح ملف كامل عنه هيكون علي مكتبك.
=قفل تليفونه فارس وخرج بره المكتب .
ورايح علي اوضته . سمع صوت طالع من اوضة سميره وصوتها عالي ..
قرب من الاوضه وكانت سميره وهايدي
_اسمعي يا هايدي ابعدي عن البنت اللي اسمها زفت رغد دي وراها مصيبه كبيره.
_ انا مشفتش منها غير كل خير يا ماما .
_ فين الخير دي وجوزك بيخونك معاها.
عشان كدا مش معبرك
_انتي بتقولي اي يا ماما ؟ !!
ازاي ادهم يعمل كدا . وانتي عرفتي ازاي بيخوني
_ عرفت بقي وبكره هثبتلك دي قدام عينك
_وازاي هتثبتي يا ماما ..
_ مالكيش دعوه. سيبي الحكايه دي عليا
= فارس بيسمع الكلام ومصدوم . مش معقول ابدا . كل الحقد اللي جوا ماما من ناحية رغد.
يا تري هتعملي اي يا ماما . الحمد لله اللي سمعتك وعرفت انتي بتخططي لايه ..
وانا مش هسكت ولا هسيبك تاخدي فرصه عليها....
وهشوف مين فينا اللي الرابح..
حكاية رغد الفصل التاسع والعاشر حصريه وجديده على مدونة النجم المتوهج للروايات والمعلومات
الجزء العاشر.
.حكاية رغد
فارس دخل اوضته وقاعد علي سريره
وبيفكر في كلام سميره الا قالته لهايدي.
_يا تري ناويه علي اي يا ماما ..
حس بتعب فارس من كثر التفكير ونام.. .
* اليوم التالي . سميره وفادي وهايدي وعمرو قاعدين بيفطرو علي السفره .
هايدي بصت ناحية سميره وقالت.
_ امال رغد مش باينه هيا مش هتفطر
معانا ؟
سميره بقرف !
_ يختي بلي قرف تبقي تفطر لوحدها.
هايدي بتنهيده.
_ يا ماما دي مسئوله مننا حرام نعاملها كدا .
بصلهم فادي وقال بسخريه .
_ لا لا يا ماما ملكيش حق ابعتيلها حد يقولها تعالي افطري ..
اضايقت هايدي من طريقة فادي في الكلام
_ هو انا قلت حاجه تستاهل التريقه.
يا استاذ فادي . خلي في قلوبكم رحمه بقي.
ندهت هايدي الخدامه وقالت .
_ اطلعي اندهي لرغد خليها تيجي تفطر معانا
الخدامه.
_ حاضر يا ست هانم ..
طلعت الخدامه لفوق عند اوضة رغد تناديها علشان تنزل تفطر.
_ خرج فارس من اوضته وقرب منهم.
_ صباح الخير يا جماعه
الكل بصوت واحد .
صباح الخير يا فارس .
بصتله سميره ..
اقعد افطر يا حبيبي .
فارس بهدوء..
معلش يا ماما عندي اجتماع مهم . هعمل ساندوتش ع الماشي واخرج. ..
**
فارس عمل الساندوتش وقبل ما يتحرك من عندهم..
الكل وقف علي صوت الخدامه ..
الخدامه بصوت عالي .
يا ست يا ست رغد اوضتها مفتوحه ومش قاعده فيها.
طلعت هايدي تجري لفوق ووراها فارس وفادي
وصلوا غرفة رغد .
دولابها مفتوح ومفيش هدوم.
فارس بص ناحية هايدي ومستغرب
_ طيب هيكون خدت هدومها وراحة فين ؟
هايدي ..
_ طب وهتروح فين دي ملهاش حد غيرنا.
مسك فادي تليفونه وبيرن عليها
تليفونها مقفول.
_ الله وكمان قافله تليفونها هو اي الحكايه
فارس ساب الغرفه ونزل بسرعه لتحت ولحقته هايدي وفادي..
قرب من سميره ومكشر.
_ رغد فين يا ماما.
سميره مستغربه من سواله!!!!
_ ايه اللي راحة فين دي متروح في اي داهيه وانا مالي !!
فارس بتنهيده وضيق ،.
_ ازاي انتي مالك يا ماما . انا سامعك بوداني وانتي بتكلمي هايدي وعايزه تخلصي منها باي طريقه.
= بص لهايدي وراه وكمل كلامه
_ واللي كلامه مش صحيح يا هايدي.
هايدي نزلت وشها بالارض وسكتت .
سميره بتبص ناحيته بغل !!
_ وانت بقي بتصنت عليا يا سي فارس
عشان خاطرها..
_ انا مش بصنت علي حد يا ماما . دي قدرت ربنا عشان يكشفك انا ورايح اوضتي كان صوتك عالي وسمعتك.
كمل كلامه فارس بتعب ..
_ ارجوكي يا ماما رغد فين .
_ انا صحيح كنت بكلم هايدي عليها بس والله معرف هيا راحت فين ..
فارس قرب من فادي ..
_ اسمع يا فادي . ادخل مكتب بابا في اجنده فيها كل عناوين الاوتيلات اتصل عليهم واسال عنها .
انا رايح الشركه اخلص الاجتماع وابعت حد من الموظفين يدور عليها بكل مكان..
= طلع فارس من الفيلا وركبت عربيته رايح علي الشركه.
قربت عايدي من سميره وبتبصلها بنظرات لوم وعتاب.
سميره : مالك انتي كمان بتبصيلي كدا ليه !
_ مفيش يا ماما بس اللي مستغرب ليه ؟ وعايزه افهمه ؟ ليه الكره دي كله علي رغد ؟..
***
وصل فارس الشركه وطلب من السكرتيره تبعتله نادر..
دخل نادر مكتب فارس ومعاه الملف العربيه
_ اتفضل يا فارس بيه . الملف في كل حاجه عن صاحب العربيه..
_ تمام يا نادر يعطيك الف عافيه..
_ استاذن انا يا فارس بيه .
_ اتفضل وشكرا علي تعبك معايا
_ تحت امرك فارس بيه
خرج نادر من مكتب فارس . وطلب فارس من السكرتيره محدش يدخل عنده. .
مسك نادر الملف بسرعه وبيقلب فيه
ولحظه وفتح عنيه جامد واتصاب بالزهول والصدمه وقال ..
_ حسان ابو المكارم دي بابا !!
ازاي دي ؟ ومين اللي معاه عربية بابا
انا مش فاهم حاجه ؟ معقول بابا ليه يد في كل اللي بيحصل لرغد دي .
امال ليه جابها الفيلا. طيب وليه وصاني عليها وهو سبب المصايب دي ..
انا هجنن..
قاطع تفكيره دخول نادر المفاجئ.
_فارس بيه فارس بيه
فارس بخضه..
_ خير يا نادر حصل أي.
_ العربيه اللي جبتلك بياناتها موجوده قدام .
_ مين اللي السواق انطق.
_ مش هتصدق يا فارس بيه مين اللي سايق العربيه ؟
تابعوني وتابعو المدونه ليصلكم اشعار بالروايات فور نزولها
انضموا معنا على تليجرام ليصلكم اشعار بالروايات فور نزولها من هناااااا
