حكاية رغد الجزء الحادي عشر قبل الاخير والأخير حصريه وجديده على مدونة النجم المتوهج للروايات والمعلومات
 |
حكاية رغد الجزء الحادي عشر قبل الاخير والأخير حصريه وجديده على مدونة النجم المتوهج للروايات والمعلومات
نادر واقف قدام فارس خد نفس وقال.
_ اللي سايق العربيه ادهم يا فارس بيه !!
بصله باستغراب وذهول فارس
_ انت بتتكلم بجد
_ايوه يا فارس بيه انا شايفه بعيوني دول
جوه العربيه.
فارس حط ايده علي دماغه..
_ انا هجنن خلاص . ازاي ادهم سايق العربيه وهيا ملك بابا انا مش فاهم اي الموضوع. في حاجه غريبه بتحصل ؟ ! تعالي ورايا بسرعه
_ طلع فارس من مكتب يجري بره الشركه
بيبص يمين وشمال مش شايف العربيه . بص لنادر وقال..
_هيا فين يا نادر ؟ انا مش شايف حاجه !!
نادر استغرب !!
العربيه مش موجوده راحت فين . بص لفارس بذهول..
_ لسه من شويه شيفاها والله يا فارس بيه.
فارس مستغرب من كلامه وبص ناحية بتاع الامن اللي بره الشركه وقرب منه وقال ..
_ شوفت العربيه السوده اللي كانت هنا .
ايوه يا فارس بيه . وكان سايق ادهم بيه زوج هايدي هانم . اخت حضرتك.
_ طيب راحت فين العربيه ؟ !!
_ العربيه وقفت شويه وبعدها مفيش دقيقتين وكانت عربية شرطه وراها. ادهم بيه نزل بسرعه وجري.
العساكر جريوا وراه وبعد شوي رجعوا تاني وواضح ملحقوش ادهم بيه . ركب عسكري العربيه وخدوها ومشيوا..
فارس بيسمع الكلام ومذهول من اللي بيحصل .. بص لنادر باستغراب
_ معقول اللي بيحصل دي . ولا افلام السيما .
* دخل الشركه فارس وبيخبط كف علي كف ومش مستوعب اللي بيحصل..
رايح علي مكتبه وقفته السكرتيره !!!
_ فارس بيه الاستاذ معروف المحامي جوه المكتب منتظرك ..
_ كمان الاستاذ معروف كملت . اليوم باين من اوله ..
دخل فارس مكتبه وسلم علي المحامي وقعد علي مكتبه.
المحامي بص لفارس وقال ..
_ سامحني يا فارس يا بني انا كنت مشغول بقضيه مهمه مقدرتش احضر عزاء والدك واتاخرت عليكم في المجي..
_ هز فارس راسه وقال بتعب ؛
_ وليهمك يا استاذ معروف . انا مقدر شغلك والتعب اللي انت فيه..
_ اسمع يا بني انا جيت اقولك ان النهارده المغرب انا جاي الفيلا عندكم عشان وصية المرحوم .حسان بيه الله يرحمه وياريت تبلغ الكل يكون موجود..
_ الله يرحمه يا عم معروف . بصراحه فجائتني بموضوع الوصيه . بابا مجبش ليا سيره عنها.. .
_ معلش يا بني الوصيه مينفعش حد يعرفها دي بتكون سريه..
بصله فارس وقال ..
_ حاضر يا استاذ معروف انا هكلمهم دلوقت واخليهم يجهزوا..
وقف المحامي من مكانه وقال ..
_ معلش يا بني مضطر امشي ونتقابل بالليل في الفيلا..
خرج المحامي من عند فارس وطلع بره الشركه. فارس قاعد بمكتب ودماغه مشغوله بيفكر باللي بيحصل حواليه ..
***
فادي دخل الفيلا جاي من بره . شاف سميره قاعده بالصاله وصل عنده ورمي جسمه علي الكرسي وباين عليه التعب والارهاق.
بص ناحية سميره واتنهد بتعب.
_ انا خلاص دوبت من اللف علي الاماكن وكانها فص ملح وداب يا ماما .
بصتله سميره بقرف !.
_ ومين قالك تتعب نفسك . ما كان اولي يلف البيه عشان يشوف الست هانم غارت باي داهيه. .
_ ما انتي عارفه يا ماما مينفعش نكسر كلام فارس بيه . هو الكبير دلوقت ..
_طيب قوم خد شور . وانا هخلي الخدامه تحضرلك الغداء ..
_ هايدي فين يا ماما مش باينه يعني !!
_ هايدي زعلانه علي الست الهانم وراحة تتمشي شوي بالحديقه ..
_ طيب اقوم انا اخد شور عشان افوق انا حاسس جسمي كله مكسر وتعبان اووي ..
قام فادي وراحت ناحية الحمام ياخد شور . وقامت سميره من مكانها وهيا رايحة ناحية المطبخ وقفت لما شافت فارس داخل الفيلا..
قرب منها فارس وقال .
_ فادي فين يا ماما
بصتله كالعاده بتنهيده وقالت.
_ فادي لسه راجع وتعبان دخل ياخد شور .
_ مفيش اخبار عن رغد
.هزت راسها وزمت شفايفها
_ للاسف لف بكل مكان مفيش اثر ليها.
اتنهد فارس وقال. .
انا هدخل اريح شويه تعبان . الاستاذ معروف المحامي جاي هنا ومعاه وصيه بابا ياريت تبلغي الكل يكون موجوده يا ماما.
_ واي حكاية الوصيه دي كمان
_ علمي علمك شويه وهنعرف .. صحيح هايدي فين ..
_ هايدي في الحديقه بره بتتمشي.
_ طيب انا ميت وعايز اريح شويه . ياريت لما ترجع قوليلها فارس عايز بموضوع ضروري. لان مش قادر اروحلها دلوقت لازم ارتاح شوي ...
_ طيب . خلاص روح انت وانا هكلمها ..
* هايدي بتتمشي في الحديقه وبتتكلم بالفون وماشيه ناحية بدروم الفيلا
وفجاه ايد اتحط علي بوقها وسحبتها لغرفه بالبدروم
حكاية رغد الجزء الحادي عشر قبل الاخير والأخير حصريه وجديده على مدونة النجم المتوهج للروايات والمعلومات
الجزء الاخير..
حكاية رغد
*********
اتشالت الايد من علي بوء هايدي وبتاخد نفسها بصعوبه وبصت. لقيت ادهم قدامها
هايدي جسمها بيرتعش وبتحاول تستعيد اعصابها . وكانت مرعوبه وخايفه
خدت نفس وبلعت ريقها وكشرت في وش ادهم وغصبت
_ انت اجننت يا ادهم عايز تخلص مني ؟ عملتلك ايه انا ؟!
ادهم كشر ..
اخلص منك اي يا مجنونه انتي . انا عملت كدا عشان متنطقيش اسمي .
انا في مصيبه دلوقت وحلت علي دماغي..
هايدي بصت ناحيته واتفزعت من كلامه
_ مصيبه ؟
_ ايوه مصيبه يا هايدي !!!
والسبب الست زفت رغد
هايدي مستغربه كلامه !!
_واي دخل رغد بمصيبتك يا ادهم عملت ايه انت !!
ادهم خد نفس بصعوبه ..
تعالي اقعدي هنا طيب وهحكيلك كل حاجه . .
قعدت قباله هايدي ومتحمسه تسمع كلامه
_ اخد نفس طويل وبصلها وقال ..
_ انا غلطت يا هايدي وعايزك تسامحيني . اللي حصل كان غصب عني كنت شارب ومش داري بنفسي .
كشرت هايدي وبصتله بغيظ ..
_ انطق اي اللي حصل ؟ احكيلي عملت اي .
_انا كنت دايما اخد صحابي ونروح نسهر في شقة حسان بيه من غير ما يعرف
_ قاطعته هايدي ..
_ طب استني استني شقة مين ؟ وحسان مين دي ؟
_ متستغربيش شقة والدك حسان بيه ايوه . معاه شقه ومحدش يعرف عنها حاجه. كان يروح اوقات يقعد فيها يغير جو ويروح الفيلا..
_ولما محدش يعرف انت عرفت ازاي ؟
__ بالصدفه قبلت الراجل اللي باع الشقه لحسان بيه . كان جاي يعطيه المفاتيح . وعرفت منه مكانها. وقلتله متقولش قبلتني .. ودخلته مكتب حسان بيه وبعد ما طلع حسان بيه من المكتب راقبته وعرفت الشقه دور كام و امتي بيروح هناك وامتي مش بيروح واخدت مفتاح من مكتبه من غير ما يعرف وعملت نسخه وبقيت اسهر فيها انا وصحابي . .
قاطعته تاني هايدي ..
_ طيب وايه دخل رغد بكلامك دي ..
اتنهد ادهم بضيق ..
_ في يوم رحت انا واصحابي وكنت يومها مش بيوعي وسكران . سمعت صوت بغرفة النوم وعرفت انه في واحده جوه وبدون وعي اعتديت عليها واغتصبتها.
وقفت من مكانها هايدي وشاطت من الغضب..
_ يعني انت اغتصبت رغد واعتديت عليها . عشان كدا مش قادر تواجها عشان متتعرفش عليك ..
_هز راسه بتأنيب ضمير
_ للاسف ايوه
_ يبقي عشان كدا بابا جابها الفيلا وقال مرات واحد صاحبه اتوفي ..
يعني ضيعت مستقبل واحده ملهاش ذنب وجاي تعتذر . بعد اي . انت معندكش ضمير ولا انسانيه..
_ قرب منها بتوسل ادهم..
_ انا عرفت غلطي وعايزك تتوسلي ليها تسامحني.. انا النهارده من كتر تانيب ضميري وتفكيري بالموضوع دي
كنت سايق عربية حسان بيه وعملت حادثه والشرطه بدور عليا..
هايدي اتفزعت اكثر ..
_ وكمان النهارده صدمت واحد ويا تري دي عايش والا مات ؟
_ معرفش حاجه عنه انا هربت ..
_ هايدي واقفه قدامه ومستغربه من كل حاجه . دماغها بتلف من كل اللي قاله ادهم
رن تليفونها وكان فارس وطلب منها ترجع الفيلا بسرعه.
_ بصت لادهم
انا رايحه اشوف اي قصة المحامي بتاع بابا وراجعه خليك هنا اوعي تمشي ..
. دخلت الفيلا هايدي وكان المحامي قاعد بالصاله والكل موجود ما عدا رغد ..
فارس بص للمحامي وقال ..
_ اتفضل اتكلم يا استاذ معروف كلنا موجودين اهو.. .
بصلهم المحامي ورجع بص ناحية فارس وقال..
بس في واحده ناقصه كدا وهيا انسه رغد
بصتله سميره بزهق ..
_ واي دخل رغد بالوصيه يا استاذ..
_ لانها باختصار فرد من افراد الوصيه ليها حقوق زيكم بالظبط يا مدام سميره .
_ سميره بنرفزه .
وهيا كانت تقرب لينا ايه عشان تبقي فيها استاذ..
_ دي مش شغلي انا بنفذ وصيه وماليش دخل باي حاجه تاني..
فارس بص لمامته ..
اهدي يا ماما الاستاذ معروف ملوش ذنب بحاجه دي وصية بابا ..
محدش فينا هيقدر يغير حاجه .
_ خلص فارس كلمته مع مامته فوجئ الجميع بصوت طالع من الحديقه الكل طلع بره يجري وكانت الشرطه محاوطه الحديقه كلها..
تقدم فارس لعند ضابط الشرطه وبيساله..
في اي يا حضرت الضابط حصل ايه ؟
_ معانا امر بالقبض متهم هارب ومستخبي هنا.. .
لحظه . وظهرت رغد ومعاها عساكر وضابط شرطه ماسكين ادهم وطالعين من البدروم .. .
_ فارس استغرب من وجود رغد معاهم.
_ هو ايه بيحصل وازاي رغد هنا معاهم
ركب ادهم عربية الشرطه وقرب ظابط الشرطه من رغد ..
_ في انتظارك في قسم الشرطه نخلص باقي التحقيقات
_ تحت امرك شوي وهكون عندك..
مشيت الشرطه ومعاهم ادهم وطلعوا بره الفيلا.
سميره واقفه مع هايدي وعمرو وفادي . سميره بصت ناحية هايدي وقالت
_ هيا الشرطه واخده جوزك فين . واي حكايته مع رغد
_ هايدي بصت لسميره
_ كدا يا ماما الحق رجع لصحابه
سميره بصتلها مش فاهمه حاجه..
_ هو في ايه بالظبط وحق اي فهميني
_ اصبري يا ماما هحكيلك كل حاجه اصبري بس يمشي المحامي.
_ فارس قرب ناحية رغد . وبصلها باستغراب..
_ اي الحكايه . وكنتي يا فين رغد قلبت عليكي الدنيا كلها . كنتي فين ؟
_ اهدي يا فارس هحكيلك كل حاجه بالتفصيل.. .
_ طيب تعالي الاول نشوف المحامي وبعدها فهميني كل حاجه...
رجعوا كلهم الفيلا وكان المحامي في انتظارهم..
_ طلع المحامي اوراق من شنطته وبص
ناحية رغد وقال ..
_ انسه رغد دي عقد بيع وشري شقه المهندسين باسمك باعها ليكي حسان بيه ومسجله بالشهر العقاري . وكمان دي عقد مسجل بحصتك بالشركه.
_ قامت سميره من مكانها وبصوت عالي .
ازاي دي يا متر الوصيه دي باطله
قامت وراها هايدي وبتحاول تهديها تقعد
قعدت سميره مكانها..
كمل المحامي باقية الوصيه وعطي كل واحد النسبه بتاعته بالشركه والفيلا وختم كلامه.
_ كل حاجه متسجله بالشهر العقاري ومعاها اقرار من حسان بيه واللي حابب يتاكد من حاجه قدامه الشهر العقاري ويسأل وكل حاجه ماشيه قانوني..
قام المحامي ومشي من الفيلا..
_ سميره بصت لفارس وهايدي بنرفزه وغضب..
_ ممكن تفهموني اي اللي بيحصل بالظبط
واي حكاية رغد ..
قامت رغد من مكانها وخرجت بره الفيلا ناحية الحديقه..
فارس قام من مكانها وقال لهايدي..
_ فهمي مامتك يا هايدي . شوي وراجع.
طلع فارس يجري وراء رغد..
فارس لحق رغد وسحبها من ايدها وقال
_ مالك يا رغد رايحه فين . انا مصدقت رجعتي الفيلا تاني .. وبعدين احكيلي حصل اي..
_ هحكيلك كل حاجه .
بس دلوقت تعالي وصلني قسم الشرطه واحنا بطريق هفهمك كل حاجه..
ركب فارس العربيه وركبت رغد معاه وهما بالطريق بصت لفارس وقالت اسمع بقي اي حصل..
_ سامعك قولي..
اختفائي دي كان بالاتفاق مع هايدي . جاتني بالليل وحكتلي كل حاجه قلتها مامتها وعشان تبعد عني التهمه اللي هدبرها مامتك ليا . اتفقنا اقعد بغرفة حارس الفيلا ومحدش هيشك فيها وفعلا قعدت اليوم دي..
قاطعها فارس .
_ تصدقي المكان الوحيد اللي مش ممكن حد يتوقعه . كملي.
بالصدفه بتكلم مع هايدي بالتليفون وهيا كانت بالفيلا وفجاه صوتها راح وانا بتكلم معاها فضلت شويه مقفلتش الخط وفجاه سمعتها هيا وبتكلم ادهم وفهمت ان ادهم سحبها من الحديقه للبدروم وبدا يحكيلها كل حاجه .
سجلت انا المكالمه كلها. واتاكدت ان ادهم هو اللي اعتدي عليا . وبسرعه طلعت علي قسم الشرطه عملت بلاغ وعطيتهم التسجيل اللي حصل بين هايدي وادهم.
وزي ما انت شفت طلعت معايا الشرطه وعرفتهم مكان ادهم وقبضوا عليه..
_ بصلها فارس بابتسامه..
برافوا عليكي . لو معملتيش كدا انا النهارده كنت ناوي امسكه بنفسي واجبله الشرطه لاني عرفت انه هو وراء كل المصايب اللي بتحصل دي..
وصلوا قسم الشرطه ودخلت رغد ومعاها فارس القسم..
** هايدي ختمت كلامها مع اخواتها ومامتها وقالت ..
_ اي رايك يا ماما بحكاية رغد تستاهل اللي كنتي عايزه تعمليه معاها..
هزت راسها سميره وقالت
_ دي حكايتها ولا بالافلام وكمان الوطي ادهم حسبي الله ونعم الوكيل فيه ضيع مستقبلها بعملته دي..
_ اللي عمله بابا معاها دي يعتبر جزء بسيط كمان قدام السنين اللي قضاها والدها بخدمة الشركه مع بابا
_ حقيقي انا من جوايا فعلا ظلمتها والاغرب من كدا كنت مفكراها انها بالاخر هتطلع بنت واحده ابوكي مجوزها بالسر
انا فعلا ظلمتها ولازم اصالحها واخليها تسامحني..
تمت
تابعوني وتابعو المدونه ليصلكم اشعار بالروايات فور نزولها
انضموا معنا على تليجرام ليصلكم اشعار بالروايات فور نزولها من هناااااا
