رواية حكاية رغد الفصل الاول والتاني حصريه وجديده على مدونة النجم المتوهج للروايات والمعلومات
 |
رواية حكاية رغد الفصل الاول والتاني حصريه وجديده على مدونة النجم المتوهج للروايات والمعلومات
الجزء الاول
كانت اخر مكالمه بيني وبينهم بالليل لما كانوا راجعين من اسكندريه للقاهره . !!
واخر كلمه قالها ليا بابا ؛
، خلي بالك من نفسك يا رغد ،
_ صحيت الصبح علي الصدمه !!
والخبر المفجع. اللي مكنتش عامله حسابه !!
واللي غير حياتي وقلبها رأسا على عقب !!!
انا رغد فتاه عشرينيه علي قدر من الجمال و طيبه . . خريجة كليه علوم .
بعد وفاة بابا وماما بحادثه هما راجعين من اسكندريه اتغيرت حياتي فجاه لقيت نفسي بقيت لوحدي مفيش حد جمبي واهل بابا وماما مقطعينا من زمان ومحدش بيسئل فيهم علينا. في الوقت دي مريت بظروف قاسيه جدا وكل ما افكر انهض واحاول اعيش حياتي كنت بقع تاني الصدمه كانت شديده عليا. بدأت احس بالمسئوليه اللي وقعت فيها فانا وبابا وماما عايشين في شقه بالايجار وحياتنا بسيطه جدا وبعدت وفاة بابا بكام شهر لقيت نفسي قدام ضغوط كتير ولا قادره اوفر احتياجاتي والفلوس اللي كانت معايا خلصت
ومكنش قدامي غير ادور علي شغل واعتمد علي نفسي !!
تراكمت عليا فلوس ايجار الشقه وكنت قلقانه وخايفه ينفذ صبر عم صالح صاحب الشقه ويطردني وابقي بالشارع!
نزلت ادور علي شغل !!
رحت الشركه اللي كان بيشتغل فيها
بابا ودخلت هناك رفضوا يشغلوني بحجة مفيش اماكن فاضيه .
زعلت جدا !!
قلت لنفسي دي المفروض المكان الوحيد اللي يشغلوني فيه عشان بابا كان موظف معاهم !!
مشيت من الشركه .
رواية حكاية رغد الفصل الاول والتاني حصريه وجديده على مدونة النجم المتوهج للروايات والمعلومات
ونزلت الشارع وانا حزينه وزعلانه اوي
روحت شقتي ومن كتر الزهق والتعب والتفكير نمت ومحستش بنفسي..
_ صحيت تاني يوم وقررت اروح الشركه تاني واقابل صاحب الشركه ..
ونزلت من شقتي وروحت علي الشركه ومنعوني من دخولي للمدير صاحب الشركه.
ومع اصراري الشديد وصوتي العالي في الشركه اني لازم اقابله دخلوني ليه .
راجل في حدود الستين سنه من عمره له هيبه وشخصيه قويه !
قابلني بتواضع وقعدت قدامه احكيله عني وعن بابا والحادثه اللي حصلت واني محتاجه الشغل ضروري.
وبعد ما خلصت كلامي معاه.
بصلي بعيون كلها شفقه ورحمه وقالي.
_ اسمعي يا رغد هاتي الورق بتاعك وانا هشوفلك وظيفه بالشركه
بصراحه انا فرحت اووي من جوايا ومكنتش الفرحه سيعاني اخيرا هشتغل وهيبقي معايا فلوس وهعتمد علي نفسي. وقالتله وانا مبسوطه وفضلت ادعيله . وقفت من علي الكرسي وحطيت الاوراق قدامه !!
وانا خارجه من مكتب لقيته واقفني.
وقام من علي مكتبه وقرب مني وقال .
_ اسمعي يا رغد انا عندي شقه ملك ليا بعيد عن الفيلا بتاعتي كنت بروح اقعد فيها لما بكون مضايق .انا دلوقتي مش محتاجها.
سكت شويه وطلع فلوس من جيبه ومدلي الفلوس بابتسامه وقال.
_ خدي دول ادفعي ايجار شقتك اللي عليكي وتعاليلي بكره هنا تاني وهديكي عنوان الشقه واقعدي فيها
رديت عليه !!
_ بس انا هشتغل عند حضرتك وهيبقي معايا فلوس.
اتغيرت ملامحه قدامي وبصلي وقال
_ وبعدين معاكي انتي لازم تسمعي كلامي من دلوقتي عشان نفضل كويسين مع بعض واعتبريها سلفه ومتعمليش تكليف بينا
اخدت الفلوس وانا مستغربه من طريقته معايا .انا اول مره اعرفه وهو كمان . وقلت لنفسي .
معقول يكون صعبت عليه وبيعطيني الفلوس شفقه كدا او اتاثر بكلامي او عايز يقدملي خدمه عشان بابا كان موظف عنده.
كلام كتير خطر ببالي وأستفسارات كنت عايزه اعرفها بس مقدرتش . لقيت نفسي قدام امر واقع مديت ايدي واخدت الفلوس وشكرته ومشيت من قدامه..
وصلت شقتي وقعدة بالصالون وحطيت الفلوس قدامي وعماله افكر .
فلوس وشقه ومن اول مره مش عارفه او مستوعبه دي كل حصل ومن اول لقاء بيني وبين صاحب الشركه وبسرعه دي
رواية حكاية رغد الفصل الاول والتاني حصريه وجديده على مدونة النجم المتوهج للروايات والمعلومات
الجزء الثاني .
في الصبح قمت من النوم وغيرت ملابسي وطلعت من شقتي عشان اروح اقابل مدير الشركه الاستاذ حسان زي ما اتفق معايا نشوف شقته.
وانا نازله من العماره افتكرت الفلوس نسيتها فوق رجعت اخدتها عشان ادفع الايجار !!!
رحت علي شقة صاحب العماره !
وعطيته الفلوس المتاخره عليا في الايجار
ركبت تاكسي وطلعت علي الشركه !!!!
وصلت الشركه واول ما قابلت السكرتيره قالت ،
_ الاستاذ حسان منتظرك من بدري.
استغربت شويه وقلت مع نفسي . مستنيني !! ومن بدري كمان !!
يا تري اي سر الاهتمام دي بقي .
دخلت مكتبه واول ما شافني رحب بيا والابتسامه علي وجهه وقال .
_ اذيك يا انسه رغد ؛
رديت عليه بنفس الابتسامه ،
_ الحمد لله بخير
كلم السكرتير في الانتركام تجبلي قهوه. وبعد خمس دقايق جات القهوه وشربت القهوه . وقف من مكانه بهدوء وبصلي وقال ،
_ طيب يلا بينا عشان تشوفي الشقه ويارب تعجبك !!!
هزيت راسي وقمت من علي الكرسي .
طلع قدامي ومشيت وراه وطلعنا بره الشركه وركبنا العربيه .
قعدت جمبه من قدام وساكته وبحاول اراقب نظراته ليا وطول الوقت ساكت . وصلنا الشقه وكانت في المهندسين .
العماره في مكان جميل وهدوء وطلعنا الشقه اللي كانت بالنسبه ليا مفاجأه.
شقه كبيره اووي وتحفه وكمان مفروشه علي اعلي مستوي. بصراحه وانا بتفرج عليها مش متخيله دي انا هقعد فيها لوحدي .
شقه بالجمال والتحفه هقعد فيها لوحدي .
بدات استغرب ويا تري اي السر وراء حسان بيه عشان بسهوله دي يقدملي شقه بالمستوي دي ..
خلصنا فرجه علي الشقه كلها . وقعدنا بالصاله وكالعاده بصلي بابتسامه. اللي انا مش عارفه تخفي وراها اي وقال .
__ اتمني الشقه تكون عجبتك يا انسه رغد ؟
بصراحه مش عارفه ارد اقوله إيه ؟
سكتت شويه ورديت عليه .
_ بصراحه يا استاذ حسان شقه مكنتش احلم بيها وعمري ما اتخيلت ان هسكن في وحدها زيها.
ضحك بهدوئه الغير عادي وبصلي وقال .
_ لا تستاهلي احسن من كدا كمان .
ابتسمت واتكسفت ارد عليه .
وقف من مكانه وطلع مفاتيح من جيبه وقال .
_ خدي يا ستي المفاتيح دي .كدا باي وقت هاتي حاجتك واسكني فيها براحتك.
بصراحه لساني عجز عن كلمات شكر وحاولت اعبره عن شكري باي كلام.
_ ربنا يخليك يا استاذ حسان انا بصراحه مش لاقيه كلام اشكرك بيه وعلي كرمك الزياده معايا بجد متشكره اووي
هز راسه وقال
_ انتي تستاهلي كل خير والناس لبعضيها ووالدك كان من اخلص الموظفين عندي.
فرحت بكلامه عن والدي وانه لسه فاكر بابا .
طلعنا من الشقه وركبنا عربيته ومشينا علي الشركه وصلنا الشركه ودخلنا مكتبه وقعد علي مكتبه وبصلي وقال .
_ قررتي امتي هتنقلي علي شقتك الجديده والا لسه
رديت عليه بصوت هادي .
_ ان شاء اللة يومين هلم حاجتي وانقل هناك.
هز راسه وقال.
_ طيب لو محتاجه اي حاجه لازم تقوليلي فلوس او عربيه تساعدك بنقل حاجتك كلميني.
شكرته انا كالعاده ودماغي فيها الاسئله اللي محتاجه اجابات ولكن مشنفعش اتكلم . انا ما صدقت لقيت مكان انام في ويكون امان وكمان شقه ولا في الاحلام .
قاطع تفكيري وقالي .
_ وانا كمان يومين هكون جمعتلك وظيفتك الجديده .
فرحت اووي بالخبر لاني هشتغل وهشغل وقتي بالشغل وكمان هيبقي معايا فلوس.
خلص كلامه واستاذنته ومشيت وروحت علي شقتي وانا مرتاحه نفسيا . نمت شويه من التعب وقمت اجهز في الحاجات اللي هاخدها معايا عشان ابقي جاهزه خلال اليومين .
***
عدو اليومين بسرعه وانا كنت مجهزه كل حاجه وناس من العماره اللي انا فيها ساعدوني ونقلت حاجتي للشقه الجديده وسلمت الشقه.القديمه لصاحب العماره والنهارده كان اول يوم ليا في الشقه الجديده . وبعد مرور وقت جهزت حاجتي كلها وحطيت هدومي بمكانها وكان يوم تعب جدا .
دخلت اوضتي ورميت نفسي علي السرير ونمت ومحستش بنفسي وحوالي الساعه 12 بعد نص الليل قومت مفزوعه من النوم علي ايد بتلمسني..
تابعوني وتابعو المدونه ليصلكم اشعار بالروايات فور نزولها
انضموا معنا على تليجرام ليصلكم اشعار بالروايات فور نزولها من هناااااا
