رواية الحب كدا بقلم سلمي ابراهيم الفصل الخامس والسادس والسابع حصريه وجديده علي مدونة النجم المتوهج للروايات والمعلومات
 |
الحلقه 5
حسام بابتسامه خبث..ارفعي النقاب بقا ..خلينا نشوف القمر......
كانت واقفه هي متجمده عاوزه تنادي ع يوسف بس مش عارفه وخايفه اوي.......
في الوقت دا كان داخل يوسف لانه سمع صوت الكوبايه اللي اتك"سرت....سمع حسام صوت حد جاي بعد عنها بسرعه.....
حسام..فين الشاي بقا يهنا...قولتلك ميت مره
يوسف بصلو بغلل وراح شدو كدا وخنق"و فالحيطه واتكلم بمنتهي الرجوله..اي اللي موقفك هنا مع مراتي...وازاي بتانديلها باسمها كدا..هااا
حسام بياخد نفسو بالعافيه..معملتلهاش....حاجه..يي..يوسف
يوسف..اقسم بالله لو لسانك خاطب لسانها تاني أو شوفتك جنبها ببعد 10 متر.....وربنا لاد"فنك..انت لسه متعرفنيش..فاهم
حسام بخوف شديد ونفسو متق"طع..فاهم.....سيبني.......سابه يوسف وز"قه كدا....
يوسف بزعيق..انت ليه هتبصلي....غور فداهيه.........خرج حسام بسرعه لانو كان خايف من يوسف....إنما هنا كانت لسه واقفه مكانها وباصه ليوسف كدا بحب...اخدلي حقي....انا كرامتي اتردت وحسام اللي بقالو سنين بيضايقني خلاص كدا مش هيقدر يبصلي تاني......
قرب عليها يوسف..انتي كويسه.....
هنا هزت راسها..اه.....كويسه
يوسف بحده..الواد دا ان حاول بس يكلمك تاني....اقسم بالله يهنا..لو عرفت انك رديتي عليه هزعلك..وتيجي تقوليلي علطول
هنا بخوف..حاضر..متقلقش عن اذنك.....جايه تمشي مسك دراعها براحه وشدها عليه شويه وهي كانت مكسوفه اوي
يوسف بصلها في عيونها العسلي الجميله واتكلم بحنيه..هو نا قولتلك امشي
هنا اتوترت من البص في عنيه وبصت فالارض بكسوف....
يوسف..لما اكلمك متبصيش فتحه غير فعيني فاهمه........ارفعي راسك وبصيلي....
هنا رفعت عنيها ليه بكسوف شديد واتكلمت برقه..نعم....
يوسف..بعد كدا متمشيش غير لما اقولك امشي....والخوف اللي شوفته فعينك مني دا..مش عاوز اشوفه تاني...انا آخر حد في الدنيا ممكن تخافي منو.....ماشي يهنا.....
هنا بابتسامه..حاضر......
يوسف بابتسامه..حاضر يا اي.......
هنا ضحكت خفيف كدا لكنو شايف عنيها بس..حاضر يا...يوسف....
يوسف ابتسملها وساب دراعها..روحي انتي يلا......
هنا..حاضر...عن اذنك.....وسابته ومشيت وهو فضل واقف كدا يبص عليها لحد ما مشيت من ادامو وراح وقف عالباب اطمن عليها لحد ما طلعت شقتهم...وهو ابتسم كدا وسابها وراح يقعد مع الرجاله......
طلعت هنا وهي مبسوطه اوي ودخلت الشقه وكانت صباح قاعده مستنياها...دخلت كدا وقل"عت النقاب ورمت جسمها عالسرير بفرحه شديده
صباح بضحكه عليها..مالك يبت.....قابلتي يوسف...صح
هزت راسها هنا..انا فرحانه اوي.......
صباح..اي اللي حصل....قوليلي..........
هنا..بصي...حسام الرزل دا...رخم عليا تاني..لا واي كان حاطط ايده ع الحيطه وريا..وعمال بردو يقولي ارفعي النقاب وكدا.....اول ما سمع صوت يوسف...كش زي المعزة بالظبط.....ويوسف لما لقاه واقف معايا وكمان بيقول اسمي كدا....مسكو روقو.....
صباح بفرحه..احسن....هو دا اللي هيظبطو...ويوسف..عرف انو كان حاطط ايده عالحيطه وراكي
هنا..لا طبعا...انا بصراحه خوفت اقوله
صباح..جاتك خيبه....قوليلو يبت
هنا..لا خلاص بقا.....لو عمل حاجه تاني هقوله.......دا بقولك عمل فيه كدا عشان كان واقف معايا..اومال بقا لو عرف..دا ممكن يق"تله
صباح..ايوه يعم.....بدانا نغير علي بعض بقا.....ابتسمت هنا بكسوف
سمعو صوت حليمه من تحت...هنااااااا.....بت يهناااااااا
هنا بزهق..بدانا بقا.....قومي يبنتي......وقامت لبست النقاب وخرجو من الشقه نزلو
عادل..ابقا تعالي علطول يحسين
حسين..من عنيا يا اخويا......
سهام..هتوحشنا ييوسف...هنبقا نجيلكم تاني
يوسف استغرب انها بتكلمو هو.....بصتلها هنا كدا
هنا..انشاءالله يحبيبتي..........مع الف سلامه.......وكلهم مشيو
يوسف قرب ع هنا..اطلعي انتي ونا جاي وراكي.......
هنا..حاضر.....وطلعت بسرعه
حليمه..انتي يبت
وقفت هنا عالسلم..نعم ياما
حليمه..المواعين والدار دي..مين هيعملها
يوسف رد بسرعه..هنا....هو نا مش قولتلك اطلعي....اسمعي كلام جوزك وبس واطلعي
هنا كملت السلم بسرعه وطلعت
حليمه بغيظ شديد..انت بتتحداني يعني
يوسف..هنا هي اللي روقت الدار الصبح وجابتلنا الفطار وعملت الغدا لينا كلنا دا غير الشاي وكل دا.....اعملي انتي حاجه بقا
حليمه بحده..بقا كدا......
يوسف بابتسامه..تصبحي علي خير يا اما.....وسابهم وطلع
حليمه..شوفت ابنك
عادل..بصراحه انتي بتيجي عالبت اوي...اعملي انتي انهارده مكانها
حليمه..اعمل اي بس....البت دي كانت بتعمل كل حاجه...انا مقدرش اعمل ربعها
عادل..لي يعني....انتي لسه في سن الخمسينات بالكتير.....لسه فيكي صحه
حليمه..بس انا اتعودت عالقاعده وان البت دي تعمل كل حاجه....مش هقدر.......
طلع يوسف فتح باب الشقه لقاها قاعده عالكنبه في الصاله مستنياه.......وقف كدا شويه وقفل الباب وراه وقرب عليها شويه
يوسف..هنا....تعالي هنا.......
هنا قامت بخجل وقفت ادامو..بصلها اوي فعيونها وهي بقت بتهرب عينيها منو بسبب احراجها........حط ايده علي آخر النقاب وقعد يلعب في طرفه كدا مديها ايحاء انو هيرفعو وهو باصصلها اوي
يوسف بحنيه ونبره حنيه..هو نا مش قولتلك من شويه..لما اكلمك تبصيلي فعيني.....عينك بتتحرك عن عيني لي
هنا بكسوف شديد..عشان......انا.......
يوسف بابتسامه..مكسوفه مني صح.........
هنا بصت للارض........يوسف كان بيرفع النقاب براحه خالص...وصل كدا لحد ربعه....وبصلها فعيونها...وسابو تاني وبعد عنها
يوسف..ادخلي يلا......غيري هدومك ونامي
هنا طبعا كان قلبها بيدق اوي بسبب توترها..حاضر....ودخلت الاوضه وهو قعد يضحك ع شكلها شويه
دخلت وقفل وراها الباب واخدت نفسها كدا..يخربيتك يشيخ..قلبي كان هيوقف.......
دخل يوسف الحمام اخد دش وبعدها خرج وراح خبط عالاوضه وكانت هي قل"عت النقاب.......جابت طرحه كدا حطتها ع وشها كانها نقاب وكانت مسكاها بايديها وفتحتلو
يوسف..معلش.. ديما بنسا لبسي........
هنا..اتفضل طبعا..........
يوسف راح الدولاب وفضل يدور ..هو فين بقيت اللبس
هنا..عندك اهو..استني وقربت اوي وفضلت تشب عشان تجيبو لحد ما الطرحه وقع"ت منها وهي كانت قاصده تعمل كدا شويه وشعرها ووشها بانو
يوسف اول ما شافها فضل مبلم كدا شويه بيتامل في جمالها فعلا قمر.......وشعرها الناعم الجميل جدا
هي بقت مكسوفه من نظراته دي..آسفه...الهدوم من الدولاب وقعت مني
يوسف بتوهان فيها..دنا اللي وقعت
هنا بكسوف شديد..نعم
فاق يوسف كدا..لا ابدا....عادي ولا يهمك.....انتي..زعلانه اني شوفتك دلوقتي
هنا بصت للارض بكسوف..لا عادي...انت بردو من محارمي.....
يوسف بابتسامه..ماشي....بس انتي ..ماشاء الله قمر
هنا اتكسفت اوي اول مره حد يبصلها كدا بالنظره دي واول مره تسمع كدا من حد
يوسف حس بكسوفها..طب خلاص..انا هاخد اللبس دا وهروح اوضتي بقا
هنا بابتسامه..ماشي
يوسف لنفسه..مخبيه عليا الابتسامة الجميله دي....وسابها وخرج وهي بقت مكسوفه اوي بس مبسوطه
راح هو لبس وخرج تاني من الاوضه نده عليها
هنا خرجت كدا وكانت لابسه بجامه بيضا وعليها كرتون ..نعم
يوسف كان منتظر خروجها بالنقاب بس اتبسط اوي انها عملت كدا لانها كدا بدأت تثق فيه
يوسف..تعالي أقعدي هنا...واقفه لي....راحت قعدت جنبو
يوسف..انا مسافر بكرا القاهره
هنا وشها اتقلب وزعلت اوي..اي...مسافر...لا متسافرش
يوسف بصلها كدا وقال فنفسه..ونبي متعمليش كدا بدل ما هشدك دلوقتي وابو"سك....ونتي زي القمر كدا
يوسف..احم.....دا بس عشان اجيب تصريح العياده وكدا
هنا بطفوله..هو ....نا مينفعش اجي معاك
يوسف ونسي انو هيقابل منه..لا ينفع.....اجهزي بكرا...ماشي
هنا بفرحه ..حاضر.....تصبح على خير وقامت دخلت الاوضه وقفلت الباب
يوسف لنفسه..الله يخربيتك...هعيش معاكي ازاي كدا ......همسك نفسي ازاي.....ودخل ينام هو كمان
طبعا الاتنين نامو بصعوبه لأنهم بيفكروا في بعض اوي.....
صحيو الصبح وكانت هنا بتلبس النقاب وعيونها الجميله ظهرت...حس انو غيران عليها في عيونها
يوسف..عينك دي.....مينفعش تتغطي
هنا..ينفع.....بس انا بدوخ منها وبتزغلل عيني
يوسف..طب تفضلي مغمضاها بقا...ضحكت هنا وبعدها نزلو
حليمه..رايحين فين
يوسف..هروح القاهره اجيب التصريح بتاع العياده..انا قايل لابويا
حليمه..وهنا...واخدها معاك لي
يوسف..هفسحها شويه..البت عمرها ما راحت القاهره
حليمه بتتصنع التعب..ونبي يبني مش قادره ادوس ع رجلي ومحتاجاها........خليها تقعد معايا........
يتبع..............
رواية الحب كدا ❤️
الحلقه 6
يوسف..اه..هاخدها معايا البت عمرها ما راحت القاهره..هفسحها شويه.....
حليمه بتمثل التعب..ونبي يبني سيبها معايا..احسن انا رجلي بتوجعني اوي..خليها تساعدني
هنا خافت اوي ومسكت في ايد يوسف وهو فهم.....
يوسف..معلش يا أمي....انا هعدي ع عمي حسين..هخليه يبعتلك صباح وسهام يساعدوكي...
حليمه بتمثل اكتر..يبني .....هما اصلا بيعملو في بيتهم...سيبها معايا انا تعبانه اوي.....
عادل جهه..صباح الخير....في اي مالكم......
يوسف..مفيش.. انا رايح القاهره عشان اجيب التصريح..وواخد هنا معايا وامي مش راضيه
عادل..مهي عندها حق..هنا منعرفش نستغني عنها
حليمه..سيبها بقا ييوسف...والله عاوزاها
يوسف بص لهنا..طب معلش يهنا....اقعدي انتي.....ونا هاجي علطول...علي باليل كدا هاجي
هنا كانت عاوزه تقولو لا خدني معاك بس خايفه..هزت راسها بقلة حيله...
يوسف بحنيه..زعلانه.....
هنا بصت فالارض بحزن
حليمه..بلا دلع....يلا يختي ...ورانا شغل......
هنا..حاضر..براحه
حليمه ضحكت بسخريه...يا دلعو...يلا يختي.....وشدتها من دراعها ودخلو عالمطبخ وكانت هنا عماله تبص ليوسف بس هو مش عارف يعمل اي..غير انو افتكر انو المفروض يقابل منه...فقال يسيبها احسن من المشاكل
يوسف..بالله عليك يابا....متشغلوهاش كتير....البت بتصعب عليا
عادل..متقلقش
يوسف..انا مش عارف امي بتعمل معانا كدا لي..انا ساعات بحس انها مش امي
اتوتر عادل..لا .....طبعا امك يبني.....بس هي طبعها صعب شويه
يوسف..ماشي...يلا انا ماشي....العربيه برا صح
عادل..اه يحبيبي...سوق علي مهلك
يوسف..حاضر....سلام......وسابه ومشي......
حليمه..دانا هعلمك الادب .....بقا انتي يبت...تعملي فيا كدا انا وابني
هنا بخوف وتوتر..انا عملت اي بس.....كل اللي يوسف بيقولي عليه بعملو
حليمه..يوسف....انتي اصلا كنتي تحلمي بواحد زي يوسف.....دكتور وزي القمر وراجل...احمدي ربنا بدل ما اقلب عليكي...خليني حلوه معاكي
هنا لنفسها..هو نتي كل دا..ومش قالبه عليا...كل دا وحلوه معايا.......
دخل عادل....
حليمه..يوسف مشي....
عادل..اه....خدو بالكم الواد حسام جاي انهارده عشان ياخد الكيماوي بتاع الأرض اللي هنرشو..ابقي خديه يهنا...وريلو الكيماوي فين..عشان انا وحليمه هنروح عند حسين عاوزنا هناك...
هنا..آسفه يعمي...بس يوسف محرج عليا اني اتعامل معاه خالص...وهيزعل مني
عادل..انا اللي بقولك...ملكيش دعوه بيوسف
هنا بتوتر..يعمي بس....
عادل بغضب..انتي هتردي عليا...اسمعي الكلام ونتي ساكته بدل ما وربنا....هضر"بك تاني
حليمه..لا هي خلاص..اتعودت عالضر"ب....مبتسمعش الكلام غير كدا
هنا دموعها بدأت تنزل من ذل"ها وحزنها.........
عادل..قولي حاضر يبت.....فاهمه
هنا بدموع وخوف..حاضر يعمي.....حاضر.......
عادل..تعالي يحليمه..عاوزك
حليمه..خلصي يختي..انا جيالك اهو..........خرجت حليمه وهنا عيطت اوي بصوت ومبقتش عارفه هما لي بيعاملوها كدا
خرج يوسف وركب العربيه وكان بيسمع امير عيد(كايروكي)..هو مدمن كايروكي بيسمعهم كتير اوي وعمال يغني معاهم.....رن تليفونه
يوسف..الو....اي يمنه.....
منه..جاي ولا اي......
يوسف..اه....جاي اهو....
منه..وحشتني اوي........
يوسف حس انو مش عاوز يقولها ونتي كمان مش عارف لي..ماشي ماشي،..انا جاي اهو..باي
قفلت منه باستغراب واستنيتو
خرجت حليمه مع عادل
حليمه..اي..في اي
عادل..خدي بالك...الواد بدا يحس انك مش امه......بطلي بقا حركاتك دي
حليمه..اعمل اي..هو دا طبعي...
عادل بحده..الواد بيقولي ساعات بحس انها مش امي...انا مش عاوزه يعرف حاجه
حليمه..خلاص يعادل......هحاول اتعامل معاه كويس
عادل..ومتضايقيش الزفته هنا كتير
حليمه..ملكش دعوه بهنا....يلا روح انت
عدي وقت كتير ووصل يوسف القاهره...جاب التصريح وراح عشان يقابل منه......
منه راحه تحضنو لكن ايده منعتها.....
منه باستغراب..مالك..في اي
يوسف..مفيش..بس الناس حولينا......بعدين...
منه بابتسامه..زي ما تحب....ها...عامل اي
يوسف..كويس يمنه.....
منه..يوسف انا...كنت عاوزه افاتحك في موضوع
يوسف بانتباه.. خير.....
منه..انت هتيجي تخطبني امتي..بقالنا خمس سنين مرتبطين...اي بقا
يوسف..امممم...مهو نا ..كنت جاي اتكلم معاكي بردو
منه بقلق..متوقعش قلبي ونبي....في اي
يوسف مبقاش عارف يقولها اي..منه بصراحه انا.....متجوز
منه اتصدمت خالص..نعمم....متجوز ازاي.......
في البلد....كان خارج عادل هو وحليمه.......
حليمه..بعد ما تخلصي الدار..ابقي اغسلي المواعين
هنا..بس انا ايدي هتنز"ف
حليمه مسكت دراعها جامد..اسمعي الكلام يروح امك.....ها.....
هنا بحزن..الله يرحمها..لو كانت عايشه..مكنش حد قدر يعملي كدا
حليمه بغضب اكتر..اقسم بالله لو سمعت حسك تاني.. لنادي لعمك عادل يضر"بك....ونا كمان هضر"بك
هنا بحزن وباصه للارض..حاضر......
عادل..بت يهنا..متنسيش لما حسام يجي
هنا..طب هو هيجي لوحده ونا هنا فالبيت لوحدي
عادل..هو هياكلك
هنا..والله يعمي بيرخم عليا وبيقعد يقولي ارفعي النقاب وكدا.......ونبي يعمي
عادل بزهق..يووووه....خلاص....هبعت معاه اخته سهام
حليمه..يلا بقا ...بلا دلع بنات
وسابوها وخرجو وفضلت هي تعيط اوي..تعالي بقا ييوسف
يوسف..بس كدا...هو دا الموضوع
منه بحده..ايوه....ونت كنت جاي ناوي تطلقها اي اللي حصل
يوسف مبقاش عارف يرد عليها
منه بحزن..حبيتها..صح
يوسف بسرعه..لا طبعا.....انا معاكي انتي
منه..لي مقولتش بحبك انتي....لي قولت معاكي مش بحبك......
يوسف..متكبريش الموضوع يمنه
منه..انت ازاي تخبي عليا حاجه زي دي من خمس سنين
يوسف..عشان مكنتش بعتبر دا جواز...فاهمه يمنه
منه..لا مش فاهمه.....يعني انت قصدك اي...هنبعد عن بعض
يوسف..لا طبعا........مش عارف
منه..خلاص ييوسف..انا اخدت اجابتي.....بس انت مش راجل ييوسف...عن اذنك.....وسابتو ومشيت وهو بصلها بقلة حيله وقام ركب عربيته ورايح للبلد.................
عدت ساعات كتير وكانت هنا خلاص مبقتش قادره تتحرك عملت كل حاجه....وكمان غسلت المواعين وفضلت ايديها تنز"ف وعماله تكتمها بمناديل
باب الدار خبط...قامت هي ونزلت النقاب وراحت فتحت الباب لقت حسام ومعاه سهام
هنا..تعالي يسهام.....ادخل انت بقا الشيكاره بتاع الكيماوي جوه
حسام..تعالي وريهالي
سهام..متدخلي يختي...خايفه من اي
هنا دخلت..تعالي.......اهي وجايه تمشي مسك ايديها
حسام..مش هترفعي النقاب بردو
هنا..وسع يحيو"ان انت
حسام..متخافيش......جوزك مش هنا......تعالي بقا
هنا بصراخ..يسهااااام الحقيني
حسام..سهام مشيت وقفلت الباب..انا قولتلها
هنا بخوف شديد..بقي كدا.......
حسام عمال يقرب عليها......
هنا حطت ايديها عالترابيزه وراها وجابت السكي"نه
هنا حاولت تبان قويه لكنها مرعوبه من جواها..اقسم بالله لو قربت مني....هقت"لك
حسام خاف منها..خلاص....اهدي طيب......ولف ضهره وبعدها لفلها تاني وقرب اوي
هنا محستش بنفسها غير لما ضرب"تو بالسكي"نه في دراعه اتع"ور في دراعه
حسام بخوف وصدمه منها..يبنت المجنونه....اي اللي عملتيه دا
هنا..امشي بدل وربنا هقت"لك....امشي
فالوقت دا كان داخل يوسف ولقا حسام بيقرب علي هنا وهنا السكي"نه وقعت من ايديها بتوتر
يوسف بصوت رعبهم..حسام
حسام بص وراه برعب..يوسف؟!!
يوسف راح جابو ونزل فيه ضر"ب
يوسف بزعيق شديد وعصبيه..بتقرب منها تاني..اقسم بالله ما هسيبك
وبيضر"بو اوي.....دخلت سهام بسرعه
سهام..اهدي ييوسف.....وشدوه من عليه بصعوبه سهام وهنا
يوسف..البنات هما اللي لحقوك من تحت ايدي.....اقسم بالله لو عينك اترفعت عليها تاني هدف"نك.....فاهم
كان حسام مش قادر يتكلم.....سندتو اختو سهام ومشيو......
يوسف بص لهنا كدا.........واتكلم بحده..تعالي معايا
طلعو هما الاتنين الشقه بتاعتهم
يوسف بعصبيه..انتي ازاي تسمحيله يقرب منك كدا....هااا
هنا بعياط وخوف منو..والله العظيم هو اللي عمل كدا..دنا حتي عو"رتو..اعمل اي تاني
يوسف بنرفزه..بس انا قايلك..لسانك ميخاطبش لسانه صح
هنا بعياط اكتر..والله عمي هو اللي قالي خليكي معاه
كان واقف يوسف متنرفز اوي عينه جات علي ايديها اللي بتنز"ف و.........
يتبع...................
رواية الحب كدا ❤️
الحلقه 7
يوسف كان واقف متنرفز وعينه جات علي ايديها وهي بتتز"ف.......
هدي يوسف خالص وقرب منها مسك ايديها .....
يوسف بعصبيه خفيفة..انتي بردو غسلتي المواعين.......
هنا عيطت اوي..طب انا مالي.....هما اللي خلوني اغسلها...ولو قولتلهم لا بيضر"بوني..انا تعبت بقا ...تعبت
يوسف بحنيه وحالها صعب عليه..طب اهدي.....صوتي علي عليكي شويه...آسف......
هنا في نفسها..اول مره حد يعتذرلي......اول مره حد يهتم بيا ونا بعيط
يوسف حط ايده علي طرف النقاب وبدا يرفعو واحده واحده وهي خدودها مليانه دموع وحمرا كدا......
يوسف بابتسامه..شكلك كيوت اوي ونتي بتعيطي
ضحكت كدا وسط دموعها..انت بتهزر.....
يوسف..متزعليش مني....آسف.....وكمل بحده..بس تحكيلي اي اللي حصل بالظبط
هنا..في اي..اي القلب دا.....بص يعم......
يوسف..يعم؟؟!.....اي يعم دي...قوليلي ييوسف بحب اسمعها منك اوي ....
هنا بابتسامه كسوف..بص ييوسف........
يوسف..طب ونتي بتحكي تعالي اطهرلك الجر"ح.......
هنا..ماشي........
روحت سهام وهي سانده اخوها حسام........
عادل..ينهار اسود....مين عمل فيك كدا...
سهام..يوسف....
حسين..اييي...ويوسف يعمل فيك كدا لي...
حليمه بشهقه..اوعي تكون بتعاكس البت هنا بجد..انا مصدقتهاش لما قالتلي
حسام مكنش قادر يتكلم اصلا من كتر ضر"ب يوسف ليه......
صباح..اه...كل شويه بيضايقها...هي قالتلي..
عادل بحده..اخرسي يبت انتي..وملكيش دعوه
حسين بزعيق..جرا اي يعادل.....انت مش عارف انت بتكلم مين ولا اي..دي مرات اخوك..فاهم
عادل باحراج..حاضر يخويا....يلا يحليمه...نشوف يوسف......
حليمه..يلا........
وخرجو هما الاتنين........
عادل..تفتكري يوسف ممكن يعرف فيوم من الايام انك مش امه......ويعرف كمان اننا خلاص قربنا ناخد ورث هنا
حليمه..متخوفنيش بقا...احنا كان لازم نعمل كدا...ولا انت عاوز اخوك المهبول اللي ما"ت دا..يكتب الورث دا كله لبت هو لقيها ف الشارع ومفهمها انها بنتو.....ولا مراتك...ام يوسف....مكانتش عاوزه تشاركك فاللي انت عملتو.....ونا كان لازم اسمها عشان تمو"ت بدل ما تفضحنا
عادل..متفكرنيش بقا....خلاص...احنا كدا كدا عملنا الصح...ونا كنت عارف ان اخويا هيعمل كدا...وكنت هقت"لو من قبل يوسف ما يتولد...بس ام يوسف كانت عاوزه تبلغ عني.....فكان لازم تموت هي الاول لما كان يوسف عمره ٣ سنين ....بعد بقا مالموضوع هدي قتل"ت اخويا لما لقيتو راح اتبني البت دي وكمان هيديها كل فلوسه..
حليمه..كا دا ومش عاوزنا نعمل كدا.....يلا بينا نروح البيت.......
يوسف طهرلها الجرح خالص وهي سرحانه فملامحو اوي......
يوسف بحده..اممم يعني الواد ابن ال***دا......بيضايقك.....انا هسيبو بس يخف من جروحه دي...تخف وانفخو تاني
هنا ضحكت اوي علي شتيم"ته...انت بت"شتم......
يوسف بضحكه..بطلي ضحك....اكيد ب"شتم
هنا بضحكه اكتر..في دكتور بيش"تم
يوسف ضحك عليها..خلاص بقا........وكمل في نفسه..يخربيت قمرك يشيخه....
وبعدين سكتو كدا شويه وفضلو باصين في عيون بعض اوي......فضل يوسف يقرب عليها وحده وحده وكان خلاص هيبو"سها...باب شقتهم خبط...قامت بسرعه هنا بخضه......
هنا..يالهوي...في اي.....وكانت مكسوفه اوي من اللي كان هيعملو
يوسف بزهق..دا اللي بيخبط دا انا عاوز اطلع ........جاي اهو......
فتح لقاها حليمه....
يوسف بحده..نعم...عاوز اي....
حليمه..هنا فين........
يوسف..لي......عاوزاها تغسلك رجلك كمان ولا...مش كفايه اللي عملتوه فيها
حليمه..مالك يبني..بتكلمني كدا لي.....
يوسف..انا عاوز انام....عشان بكرا افتتاح العياده..تصبحي علي خير.....وقفل الباب....
حليمه بصدمه..نهارك اسود...ماشي ييوسف.....ماشي
عدي اليوم ونامو يوسف وهنا وكل حد فيهم في اوضه.......
عملو الافتتاح بتاع العياده ومنطقتهم دي مفيهاش عيادات اصلا..فالناس كلهم كانو فرحانين......
كان قاعد هو في مكتبه ودخلت السكرتيرة بتاعته.........
يوسف..خير
عايده..في واحده عاوزاك يدكتور
يوسف..مين.......دخلت منه....
منه..انا ييوسف.......
قام وقف يوسف بصدمه و......
تعليقات
إرسال تعليق