الحب كدا الحلقه التانيه والتالته والرابعه بقلم سلمي إبراهيم حصريه وجديده علي مدونة النجم المتوهج للروايات والمعلومات
 |
بيبص لقاها جايه ولسه لابسه النقاب ومعاها طبق كبير كدا فيه ميه وبدأت تقل"عو الجزمه و....
يوسف باستغراب..انتي هتعملي اي.....
هنا وكانت خايفه منو..هغسلك رجلك...مش انت جوزي....ولازم اكون تحت امرك....
يوسف حس انها حافظه الكلام..مين بقا قالك كدا......
هنا..يلا بقا....قبل ما امي تيجي.....عشان متزعلش
يوسف..وامي هتزعل لي....قومي قومي.......وقامت كدا وباصه فالارض وعماله تعض شفايفها من تحت النقاب بتوتر وخوف
هنا..هتعمل اي.....
يوسف..الحركه اللي انتي كنتي هتعمليها دي متتعملش تاني...انتي مش خدامه عندي.....
هنا..ايوه بس....
يوسف بهدوء..انا ارضي انك تعملي كدا..لو بتعمليه بحب...مش بخوف منهم..متخافيش يهنا.....
هنا..حاضر.....هحضرلك الحمام طيب..تاخد دش اكيد تعبان
يوسف بابتسامه..ماشي...روحي.....
مشيت هنا من ادامو واخدت نفسها كدا بتوتر..يخربيت حلاوتك..احلويت اكتر من الاول....
حضرت الحمام وخرجت..تعالي خلصت .....
يوسف..ماشي......
هنا..هنزل..اشوفهم حضرو الاكل ولا لا.....
يوسف تليفونه رن ..طب يهنا...روحي انتي.......
هنا نزلت بسرعه لام يوسف اللي هي بتقولها ياامي.....
حليمه بحده كاعدتها مع هنا..تعالي هنا......
هنا بخوف منها..نعم.....انا عملت كل اللي قولتي عليه.....
حليمه..غسلتيلو رجلو.....
هنا بخوف اكتر..لا....مهو...
حليمه ضر.بتها ع وشها عالنقاب..هو نا مش قولتلك تسمعي كلامي ....جوزك دا انتي تحت رجلو..فاهمه
هنا بعياط شديد..والله هو اللي مرضيش....هو قالي متعمليش كدا تاني
حليمه..طبعا..مهو اكيد انتي بينتيلو انك مغصوبه عالكلام دا.......
هنا كانت خايفه اوي ودموعها نازله جدا..والله انا....
حليمه..اخر"سي......تعالي معايا نطلعلو.....
يوسف..الو يمنه.....
منه..وحشتني اوي.....
يوسف..ونتي كمان...اي اخبارك
منه..وحشه اوي منغيرك.....هترجع امتى....
يوسف..والله شكلها ممنهاش راجعه....انتي رجعتي القاهره ولا لسه ف امريكا
منه..طيارتي بكرا.....
يوسف..تيجي بالسلامه يحبيبتي....
منه..لازم انت اول حاجه اشوفها
يوسف..طبعا....هنزل القاهره بعد بكرا....عشان اجيب تصريح العياده اللي هفتحها هنا
منه..ماشي يحبيبي..نتقابل
سمع يوسف صوت حد طالع..طب سلام دلوقتي وقفل.......
طلعت حليمه وجرا في ايديها هنا....
حليمه..البت دي مضايقاك فحاجه
يوسف باستغراب من هنا اللي عيونها مليانه دموع..في اي يا أمي.....مالها
حليمه..انت مخليتهاش تغسلك رجلك لي....
يوسف..وهو انا اتشل"يت عشان مغسلهاش لنفسي..غير كدا هي مش خدامه....
حليمه..انت بترد عليا....ونتي قعدتي تتمسكني عليه عشان يعمل كدا
هنا بعياط شديد..والله العظيم معملتش حاجه
حليمه..اخر"سي........
يوسف..في اي لكل دا....سيبيها يا امي
حليمه..انزلي تحت حطي الأكل واغرفيه....
هنا وكانت بتعيط اوي وسابتهم ومشيت وهو حس احساس غريب كدا كأنه عاوز ياخدها فحضنه ويطبط عليها...وكان باصص عليها لحد ما مشيت
حليمه..اسمع بقا....انت مش عشان قعدت برا السنين دي كلها..هتغير ف قوانين البيت.....
يوسف..انا مبغيرش فقوانين البيت....انا بتكلم فقوانين الرحمه والإنسانية
سابته حليمه ومشيت وهو اتنهد كدا وقعد......
بعدها بشويه نزل تحت واتغدو وعادل ابوه كان عاوزه.....
عادل..الشاي يبت يهنا.....
يوسف..هو مفيش غير هنا فالبيت
عادل..ملكش دعوه......المهم
يوسف..خير.....
عادل..انت طبعا لسه مشوفتش وشها
يوسف..لا...وحاسس انها مش عاوزه..البنت شكلها خايفه من حاجه
عادل..بقولك اي...احنا عاوزين حفيد بقي.....
يوسف بصدمه..حفيد.....حفيد من هنا.......
كانت جايه هنا بالشاي ..وقع"ت صنيه الشاي من ايديها اول ما سمعت و.....
رواية الحب كدا ❤️
الحلقه 3....
كانت جايه هنا وشايله صنيه الشاي....
عادل..احنا عاوزين حفيد بقا من هنا
يوسف بصدمه..حفيد....حفيد من هنا......
وقع"ت صنيه الشاي من ايد هنا اول ما سمعت الكلام دا...ّ.
حليمه جريت عليها بغضب شديد..اي اللي عملتيه دا يا زفت"ه انتي...انتي حيوا"نه
هنا اترعبت لأنها عارفه عقابها هيكون اي وعيطت اوي..غصب عني ....والله العظيم غصب عني......
حليمه..لمي الزفت دا...يلا.....
هنا لمتو وايديها اتع"ورت من الازاز بتاع الكوبايات....وهي مكمله عادي رغم المها بس عشان حليمه متضر"بهاش....
يوسف قام بسرعه..في اي يا أمي...براحه عليها.....
هنا كانت بتعيط اوي من تحت النقاب بخوف شديد......
حليمه..بقولك اي...ملكش دعوه بقوانين البيت انا قولتلك اهو
يوسف بحده..قوانين اي....البت ايديها اتع"ورت ولسه مكمله....بس يا هنا سيبي كل دا
هنا جايه تقوم بصتلها حليمه بحده ....قعدت تاني هنا وكملت.....
يوسف..بقا كدا.....ونت ساكت يابا لي
عادل..يوسف..متصغرش نفسك في أمور الحريم
يوسف اتضايق اوي..كدا..تمام....قومي يهنا
حليمه بصتلها تاني
يوسف بزعيق..انا جوزك وبقولك قومي....قومي......
قامت هنا وهي بتعيط اوي ومرعوبه..........
مسك ايديها..يلا....يلا نطلع......
هنا كانت واقفه متجمده مش قادره حتي تتحرك......
يوسف..يلا يهنا...متخافيش.......طب تعالي بقا.....وشالها ادامهم كلهم لأنها مكانتش قادره حتي تتحرك
حليمه..عاجبك اللي ابنك بيعملو دا......
عادل..مش عارف....هنشوف اي اللي هيحصل
حليمه..هيجرا البت عليا...ونا بعمل كده دا عشان تفضل خايفه مني وتسمع كلامي
اتنهد عادل كدا..هبقا اتكلم معاه..متقلقيش..الواد عيشه بلاد الخواجات نسيتو اصولنا.....
كانت هنا مكسوفه اوي وهو شايلها كدا ...فتح الباب ودخلو البيت.....حطها عالكنبه......
يوسف..ثواني هجيب شنطه الاسعافات من جوه
هنا كانت مكسوفه اوي ومبتردش وخايفه من حليمه وعقابها.......
يوسف جهه وطلع مطهر وشاش وقطن لان الجر"ح كان جامد.....وبدا يطهرو
هنا بوجع وطفوله..ااه.........
ابتسم يوسف كدا..اي....بتوجعك
هزت راسها بخجل......
يوسف بحنيه..معلش....خلاص اهو استحملي..كانت سرحانه فملامحه اوي.......وبعدها خلص.....
هنا..شكرا
يوسف..شكرا اي يهبله انتي....وبعدين انا عاوز أسألك سؤال
هنا..اتفضل.....
يوسف..انتي اي اللي مخوفك منهم اوي كدا......
هنا بتوتر..طب انا...هنزل عشان امي حليمه متزعلش مني
مسك ايديها وقعدها جنبه....
يوسف..اقعدي هنا....لي خايفه منهم كدا...حد فيهم بيضر"بك
هنا بتوتر اكتر..لا ابدا....انا بس بحترمهم
يوسف..الاحترام مش كدا.....وهما كمان لازم يحترموكي..فاهمه....
هنا هزت راسها لكنها اكيد مش هتقدر تعمل اللي هو عاوزه دا.....
يوسف..هو نتي لي اصلا وقع"تي الشاي...غصب عنك يعني ولا اي
هنا كانت ايديها بتترعش كدا وهو مش عارف اي ورا كل دا..البنت حالتها مش طبيعيه
يوسف..هنا....مالك.....
هنا بتوتر..مفيش..ممكن انزل.....
يوسف..لا....هتقعدي هنا.......
هنا..وامي حليمه.....
يوسف..انا هنزلها....خليكي انتي
هنا..بس انا خايفه.....
يوسف طبطب علي ايديها بحنيه..متخافيش.....وسابها ونزل.......
قامت هنا قفلت وراه الباب ورفعت النقاب.....القمر ظهر...هنا فعلا قمر بمعني الكلمه وملامحها طفوليه شويه..راحت الحمام غسلت وشها من الدموع وكل دا.......وقعدت كدا شويه تفتكر حنيه يوسف عليها اللي هي مفتقداها......
نزل يوسف وكان ظاهر عليه الغضب....
حليمه..مالك..جاي كدا كانك عاوز تضر"بني......
يوسف بحده..لا يا أمي......انا مبعملش شبه ناس كدا...تضر"ب الضعيف
عادل..يبني متدخلش نفسك في شغل الحريم دا....
يوسف..يجدعان حرام عليكم بقا....
حليمه..حرم"ت عليها عيشتها...روح ناديها عشان تغسل المواعين دول
يوسف..ياما ما انتي كان عندك خدم....مشيتيهم لي
حليمه..احنا لازم نعمل كل حاجه بنفسنا
يوسف..أدام بنفسكم..يبقي اعملي انتي انهارده........هي ايديها متعو"ره.....
حليمه بصتلو بصدمه من دفاعو عنها
عادل..تعالي انا عاوزك
يوسف..متطلعيلهاش يا أمي....فاهمه........
وراح مع ابوه.....
عادل..براحه شويه ع امك....
يوسف..براحه انتو عالبنت الغلبانه دي
عادل..انا هتكلم مع امك.....بس زي ما قولتلك...الحفيد
يوسف اتنهد..مش دلوقتي يابا....البت خايفه اوي ...شكلها مرت بايام صعبه
عادل..مش دلوقتي اي..اعمل اي حاجه حتي لو غصب عنها
بصلو يوسف بصدمه..انا...انا اعمل حاجه زي كدا...اي حصلك يابا....عن اذنك
....وسابو وطلع وهو متضايق اوي وكانت الساعه تقريبا 12 بالليل
فتح الباب لقاها نايمه عالارض جنب السرير ولسه لابسه النقاب..استغرب اوي و......
روايه الحب كدا ❤️
الحلقه 4
طلع يوسف الاوضه وهو متعصب من تفكير ابوه وكانت الساعه تقريبا 12 بالليل...دخل لقا هنا نايمه عالارض ولسه لابسه النقاب..استغرب اوي قرب عليها شويه وبدأ يصحيها......
يوسف بحنيه..هنا....اصحي ياهنا....
هنا قامت بخضه شديده..حاضر...قايمه اهو ...قايمه يا أمي حليمه....
يوسف..ششش....اهدي....انا يوسف....مالك......
هنا قامت وقفت بسرعه..انا آسفه والله اني نمت قبل ما انت تخلص طلباتك....عاوز اي ونا اعملهولك
يوسف بقا مصدوم من حالتها..لا...الموضوع شكلو كبير اوي....يبنتي انا كنت بصحيكي بس عشان متناميش عالارض
هنا انصدمت ان في حد قلبو عليها كدا وخايف عليها من نومة الأرض..كتر خيرك...لا انا هنام كدا....ونت نام عالسرير.....
يوسف..انتي اتجننتي....انا عارف انك مش واخده عليا...انتي نامي هنا فالاوضه وارفعي النقاب براحتك ونا هنام فالاوضه التانيه
هنا..لا ميصحش...نام انت فالاوضه دي..التانيه فيها كنبه مش سرير......
يوسف..ملكيش دعوه انتي....
هنا..مش هينفع والله.....
يوسف..هو مش المفروض ان البنت بتسمع كلام جوزها في كل حاجه.....
هنا..حصل اه....
يوسف..يبقا اسمعي الكلام.....نامي انتي هنا ونا هنام هناك ماشي.....
هنا برقه..حاضر....
ابتسم يوسف..بردو مش عاوزه تقوليلي خايفه منهم لي......
هنا بصت للارض بخوف وكسوف.......
يوسف..طب خلاص......بلاش دلوقتي..انا هروح انام بقا عشان تعبان....تصبحي علي خير
هنا بخجل..ونت من اهلو........
يوسف ابتسملها وسابها وخرج من الاوضه...هي رفعت النقاب وقعدت شويه كدا مبتسمه كل ما تفتكر مواقفه معاها تفرح. فتحت الدولاب ولبست بجامه كدا عليها قطط شكلها حلو ..ورمت جسمها عالسرير اللي مكانتش بتنام عليه غير قليل اوي...ونامت بعمق شديد........
راح يوسف الاوضه التانيه وقعد شويه لقا منه بعتالو رساله ..رن عليها
يوسف..عامله اي.....
منه..بخير الحمد لله.....ونت عامل اي.....
يوسف..بخير بردو......طيارتك الساعه كام.....
منه..الساعة 2 ..كمان ساعتين يعني.....خلاص اهو بحضر آخر الحجات
يوسف..ربنا معاكي...المهم اني هاجي بعد بكرا بفكرك.....
منه..ونا فاكره طبعا...انت واحشني اوي
يوسف..ونتي كمان...يلا بقا عشان هنام....تعبان
منه..ماشي يحبيبي..سلام.......قفل هو وافتكر انو لسه مغيرش هدومه ....وكل لبسه فالاوضه التانيه....قام خرج من اوضته وصل لحد اوضته خبط لكن هنا كانت في سابع نومه.....
يوسف لنفسه..وبعدين بقا..اكيد رفعت النقاب....ونا مش عاوز اشوفها غير بارادتها.....انا هدي ضهري للسرير.......
دخل وهو مدي ضهره للسرير فعلا والدولاب ادام السرير اصلا..فتحه وخرج منه لبس مريح اخده ..كان جواه احساس عاوز يبص عليها اوي لكن قدر ع نفسو وخرج من الاوضه...راح اوضته وغير هدومه وفرد جسمه عالكنبه وفضل يفكر يتري اي اللي مخوفها اوي كدا..لازم اعرف....
عدي اليوم....صحيت هنا بنشاط لأنها نامت كتير اول مره تكمل ال9 ساعات نوم.......قامت كدا ولبست النقاب ولبسها وخرجت من الاوضه دخلت الحمام غسلت وشها واتوضت وخرجت برا قضت فريضتها وقامت خبطت عليه الباب مردش فتحت كدا لقيتو نايم بصتلو بابتسامه وخرجت قفلت الباب....ونزلت من شقتها راحت لحليمه...راحت با"ست ايديها.....
هنا بخوف منها..صباح الخير ياما
حليمه بحده..صباح الخير..ما لسه بدري....انتي صاحيه من امتي يبت......
هنا..والله صاحيه من شويه..كنت تعبانه اوي......
حليمه مسكتها من دراعها جامد..بصي بقا..لو فاكره ان عشان يوسف رجع انك مش هتشتغلي..تبقي بتحلمي...انتي هتفضلي زي مانتي..فاهمه
هنا بالم بسبب دراعها..حاضر..والله مفيش فدماغي كدا...آسفه....
حليمه..يلا يختي...كفايه الكوبايات اللي كسر"تيهم امبارح...داهيه تكس"ر دماغك...وزق"تها...يلا غور"ي.....
مشيت هنا بسرعه وبدأت تكنس الدار وتروق معاها...........
حليمه..خدي بالك عاوزين نخلص بدري عشان عمك حسين جاي انهارده هو وولاده حسام وسهام..ومراتو الجديده صباح صاحبتك يختي....انا عارفه اي اللي خلاه يتجوز بعد المرحومه مراتو
هنا..براحتو بقا ياما.....
حليمه..عارفه يبت لو قعدتي تلكي انتي والزفته صباح دي ...هعمل فيكي اي....مش كفايه أن حسين كبير العيله اتجوز بت صغيره....
هنا..دي أكبر مني بخمس سنين.....
حليمه بحده..انتي هتقفي تحكي معايا..يلا يبت انتي .......
صحي يوسف من النوم وبص عالساعه لقاها 10 الصبح.......قام كدا اتوضي وصلي...وبعدها نزل تحت لقا هنا بتروق وأمه قاعده كدا
يوسف..صباح الخير يجماعه
حليمه..صباح الهنا يولدي.....
يوسف بص لهنا كدا..صباح الهنا يستي.....
حليمه..لا انا مش قصدي هنا دي.....
اتنهد يوسف..هو مفيش غيرها تنضف.....
حليمه..ملكش دعوه انت...ويلا روح لابوك الزرعه....مستنيك فالارض.....والفطار هيجيلكم والشاي
يوسف..ماشي...وقرب علي هنا..متجيش علي نفسك اوي..لو تعبتي اطلعي ومتخافيش
هزت راسها هنا بدون كلام وهو سابهم وخرج.....راح لابوه........
حليمه..خلصتي
هنا بتنهج..خلاص اهو......
حليمه..طب...انا عملت مكانك الفطار اهو...يلا خديه وديهلهم....وتعالي عشان تخلصي وتعملي الاكل
هنا بتعب..حاضر...واخدت الاكل والشاي وراحه.....
يوسف..انا قولتلك يحاج عادل يا ابويا..انا مش هعمل كدا...انا حتي مشوفتش وشها
عادل..لي....لي يبني....دي البت زي القمر
يوسف..انشاءالله تبقي ملكة جمال....طول ماهي مش عاوزه عمري ما هعمل كدا غصب عنها
عادل..طب ونت....عاوزها
يوسف..انا اصلا كنت جاي ناوي اطلقها
عادل..اي....بتقول اي انت
يوسف..والله بتكلم جد....في بنت كدا....
عادل..بنت.....لا شيل من دماغك خالص.....بس اي غير رايك وخلاك متطلقهاش
يوسف..مش عارف......صدقني مش عارف......
عادل..واي حكاية البنت دي
يوسف..مش وقتو يابا...هبقي اقولك بعدين......اي دا هي مش اللي جايه دي هنا
عادل..ايوه هنا......جايبه الفطار اهي
هنا..سلام عليكم ..جبتلكم الفطار
عادل..حطيه هنا
يوسف..رد السلام طيب....عليكم السلام يهنا......
هنا..وادي الشاي اهو....حاجه تانيه
عادل..روحي يلا شوفي امك عاوزه منك اي....
هنا بتعب..حاضر....وسابتهم وماشيه
يوسف..ثواني يابا......وقام وراها نده عليها
هنا..نعم....اجيبلك حاجه تانيه
يوسف..لا تسلمي...انا بس كنت عاوزك متجيش ع نفسك....ومتغسليش مواعين..ايدك هتنز"ف تاني
هنا ابتسمت من تحت النقاب..حاضر يا يوسف
اول مره تقوله اسمه.....
يوسف بابتسامه..حاضر يا اي.......
هنا اتكسفت اوي..حاضر يا...يوسف....عن اذنك.....وسابته ومشيت بسرعه بكسوف
يوسف بابتسامه..احلي يوسف سمعتها فحياتي وضحك كدا ورجع لابوه.......
عدي الوقت وجهه حسين وابنو حسام وبنتو سهام وصباح مراتو.......
رحبو بيهم وقعدو.........
صباح..عامله اي يهنا
هنا..الحمدلله يصباح.....
صباح..تعالي نطلع فوق نتكلم شويه.....
حليمه..وطلبات الرجاله....مين هيعملها
هنا بملل..منا عملتلهم الشاي بعد الغدا وجبتلهم الحلو وكل اللي طلبوه.......
سهام بغلل..مش عارفه كل ما تيجو تتكلمو تطلعو فوق لي
صباح..متيجي معانا يسهام
سها بابتسامه صفرا..لا شكرا...هقعد مع مرات عمي
هنا وصباح طلعو الاوضه........
حسام..ونت بقا....اي رجعك...قصدي يعني اي سبب رجوعك
يوسف..هو نت عندك مانع ولا اي....انا اجي فالوقت اللي انا عاوزه
حسام..مقصدش والله.......
يوسف بصلو كدا لانو عارف انو من صغرهم وهو بيغل منو
حسام..وهنا.....عامله معاك اي.......
يوسف اتعصب اوي انو جاب سيرة مراتو..ونت مالك انت...إياك تقول اسمها علي لسانك تاني فاهم
عادل..براحه يولاد شويه...ونت ياحسام...احترم نفسك
حسام..مقصدش والله....انا..هروح الحمام..........وقام
يوسف..عيل مستفذ
صباح..ونتي....عامله معاه اي
هنا..عادي...بس هو حنين اوي بجد
صباح..اه.....واحلو ع فكره
هنا بغيره..احترمي نفسك...دا جوزي
صباح بضحكه..والله وبقينا نغير
هنا اتكسفت..انا...هروح المطبخ اعمل شاي لينا واجي
صباح بضحكه..اهربي اهربي
قامت هنا ونزلت للمطبخ بتعمل الشاي...شافها حسام دخل وراها وحط ايده عالحيطه وراها
حسام بخبث..اي...لسه بتتكسفي مني
هنا لفتلو بخضه وقع"ت من ايديها الكوبايه بخضه ورعب
هنا بتوتر وخوف...ابعد عني.....فاهم
حسام بابتسامه خبث..وان مبعدتش...هتعملي اي.......
هنا بقت خايفه منو اوي وعاوزه تنادي ليوسف
حسام..ارفعي النقاب دا...خلينا نشوف القمر
كان سمع يوسف صوت الكوبايه اللي اتكس"رت وداخل يشوف في اي و......
الحلقه الخامسه والسادسه والسابعه من هنا
