جميع الروايات كامله

رواية سجينه مع وقف التنفيذ الفصل السادس والسابع والثامن والتاسع والعاشر بقلم أميره أسامه 

رواية سجينه مع وقف التنفيذ البارت السادس والسابع والثامن والتاسع والعاشر بقلم أميره أسامه 

رواية سجينه مع وقف التنفيذ الجزء السادس والسابع والثامن والتاسع والعاشر بقلم أميره أسامه 

رواية سجينه مع وقف التنفيذ الفصل السادس والسابع والثامن والتاسع والعاشر بقلم أميره أسامه 

البارت السادس...

خرج ناصر كمل شغل مع الرجاله

وبعد وقت بسيط أنتهوا من الد.بح وبدأوا يحطوا اللحمه في الأكياس

اما سيف ومرعي و أتنين من الغفر حولوا كل الشنط بره في الجنينه

وقف ناصر وزع بنفسه علي الناس

وبدأ الناس يدعوله

الله يخليك يا ناصر بيه.

ربنا يبارك في عمرك يا ناصر بيه

ربنا ما يجطعهالك عاده يا ناصر بيه.

ناصر....اللهم امين أدعوا لعالي وأترحموا عليه.

الله يرحمه زينه الشباب

ربنا يچعله في ميزان حسناته

كان واقف ناصر بيسمع دعوات الناس لعلي وهو من جواه قلبه مكس.ور مش مصدق ان كل دعوات الرحمه دي عشان علي اخوه.

مش متخيل ان اليوم ده اللي المفروض علي كان هيكون واقف معاه و بيوزع بنفسه زي العاده جه وهو مش موجود.

ناصر...بو.جع وبصوت غير مسموع الله يرحمك يا حبيبي في الچنه ونعيمها يا أبن جلبي💔

خلص التوزيع ومشيوا الناس وبدأ الغفر يرجعوا الجنينه زي ما كانت 

طلع هو وسيف علي أوضهم عشان يجهزوا بسرعه لصلاه التراويح.

بعد وقت بسيط كان خد ناصر حمامه ونزل لابس جلبابه الاسود وعمته الملفوفه بإحكام وفي ايده عصايته اللي مش بتفارقه غير قليل جداً. وكأنه رجع من تاني لهيئته وهيبته♥️

ناصر....يلا يا سيف.

سيف...أنا جاهز يا ناصر.

ناصر....عايزه حاچه يا ستي.

فكريه...عيزاك طيب يا حبيبي هتعوجوا.

ناصر...هنصلوا التراويح وإن شاء الله هنرچعوا علي طول.

فكريه...ماشي يا ولدي خلوا بالكم من بعض وعلي ما تيجوا هيكون السحور چاهز.

ناصر...ماشي يا حبيبتي سلام عليكم.

سيف....سلام عليكم يا ستي .

فكريه...عليكم السلام يا حبايبي.

.........

وصل ناصر المسجد الكبير في البلد كان رجاله البلد كلهم موجودين وكالعاده منتظرين ناصر عمده بلدهم دخل ناصر وسيف 

وبدأوا صلاه التراويح.

وبعد إنتهائها قام إلامام بإلقاء خطبه سريعه عن فضل شهر رمضان وانهي خطبته بالدعاء للمتوفيين وأخص دعائه بي "علي"

الامام..

الحمد لله حمدًا كثيرًا طيبًا مباركًا فيه أحمده سبحانه وأشهد أن لا إله إلا الله وحده لا شريك له، وأشهد أن محمدًا عبده ورسوله، صلى الله عليه وعلى آله وصحبه ومن اتبع سنته بإحسان إلى يوم الدين..

أما بعد

أيها المسلم الكريم ها نحن علي مشارف أليوم الاول من شهر رمضان المبارك وإن من أعظم النعم التي أنعمها الله بها علينا جميعا أن وفقنا لإدراك هذا الشهر العظيم المبارك هذا الشهر الذي قال عنه نبينا (صلى الله عليه وسلم ( قد چاءكم رمضان شهر مبارك أفترض الله عليكم صيامه

تفتح فيه أبواب الچنه و تغلق فيه أبواب الچح.يم. و تغ.ل فيه الشيا.طين فيه ليله خير من ألف شهر فعلى كل من أنعم الله تعالى عليه بهذه النعمة ووفقه لصيام رمضان وقيامه أن يشكر الله تعالى.

اما عن فضل صلاه التراويح في هذا الشهر الكريم ففضل عظيم وكبير.

يا معشر المسلمين چعل الله تعالى شهر رمضان المبارك ليكون فرصة للمسلمين لتسارعم في التوبة والتقرب إلى الله عز وچل ونيل مغفرته وقد شرع في هذا الشهر المبارك صلاة التراويح حيث كانت مشروعيتها في أواخر عهد الرسول صلى الله عليه وسلم وقد ثبت أحبتي في الله عن عائشة رضي الله عنها أن رسولنا الكريم صلى التراويح ثلاث مرات وفي اليوم الرابع لم يخرچ للصلاة فحينما سُئل علي عدم خروچه أچاب ..

خشيت أن تفترض عليكم فتعچزوا عنها. فتوفي رسول الله صلي الله عليه وسلم والأمر.

فاعلموا يا عباد الله أن صلاة التراويح من شعائر الدين الإسلامي العظيمة فقد أجمع العلماء على أن حكمها سنة مؤكدة.

ختم الامام خطبته الجميله بالدعاء للمرضي وفك الكرب وصلاح الاحوال و دعاءه المتوفي وخص بدعاءه (علي)

اللهم إن عبدك (علي) ابن (مصطفي) في ذمتك وحبل

چوارك فقه من فتنة القبر وعذا.ب النا.ر وأنت أهل الوفاء والحقِ فاغفر له وارحمه إنك أنت الغفور الرحيم

الجميع....أمييين

اللهم أنت ربه وأنت خالقه وأنت من هديته للإسلام وأنت من أمرت بقبض روحه وأنت أعلم بسره وعلانيته أغفرله وأرحمه وأوسع مدخله وادخله چنتك مع الشهداء والصديقين. يا كريم امين امين .

الجميع...امين💔

بدأ الجميع في الانصراف ومنهم اللي وقف مع ناصر وسيف يواسوهم مره تانيه زي الامام .

بعد مده مش طويله رجع ناصر وسيف ومرعي علي البيت من تاني.

في الوقت ده كان السحور جهز خلاص وكان من عادتهم السحور والعشاء بدري.

فكريه...حرماً يا حبايبي

ناصر...چمعاً إن شاء الله 

سيف....جمعاً يا ستي.

فكريه....السحور خلاص چاهز يا ولدي مش هتنادى علي الضيفه من المضيفه.

ناصر....ماشي هروح أچيبها وهاچي خد ستك يا سيف عالسفره

سيف....ماشي قرب سيف من الكرسي بتاع سته وراح بيها علي السفره وفضل الشغالين يجيبوا في السحور.

............

راح ناصر علي المضيفه خبط علي عاليا.

سمعت عاليا الخبط كانت بتصلي التراويح وبتقرأ أول جزء في القرآن.

سابت المصحف و نزلت بسرعه فتحت الباب لمحت ناصر واقف بطلته اللي شافتها اول مره من تاني.

ناصر....سلام عليكم يا انسه عاليا.

عاليا...عليكم السلام.

ناصر...عطلتك عن حاچه؟

عاليا...لا ابدا انا كنت بصلي وبقرأ في القرآن.

ناصر...طيب يلا السحور چاهز.

عاليا...بإستغراب سحور ؟ دلوقتي؟

ناصر...كيف يعني الوجت مش انهرده اول يوم سحور ولا ايه؟

عاليا...لا مقصدش بس الساعه لسه عشره ونص تقريباً

ناصر...اااه تجصدي يعني الوجت بدري لاه إحنا إهنه متعودين علي العشاء بدري والسحور بدري إهنه مش كيف القاهره يا آنسه عاليا إهنه أغلب الناس هتنام بدري عشان بيصحوا من النچمه يچروا علي وكل عيشهم يمكن إحنا إهنه ماهنامش بدري يعني ستي بتسهر شوي ممكن تنام الساعه 12. أتعودت علي إكده مورهاش حاچه كمان يمكن لولا وچود سيف وعلي الله يرحمه لا كنا إتعشينا ولا حتي إتسحرنا بنام خفيف ممكن ناكلوا فاكهه خضار لكن في وچودهم لاه هما أتعودوا علي نظام مصر و أطبعوا بعيشه أهلها.

بصتله عالي بسخريه تقصد يعني اننا بناكل كتير علي فكره مش صح خالص.😏

ناصر....أبتسم ناصر أبتسامه بسيطه تكاد تكون معدومه والله اللي اعرفه أنكم بتاكلوا في أي وجت شوفت بعيني ماحدش جالي.

عاليا...هو يعني عشان اخوك وابن عمك كانوا بياكلوا في اي وقت يبقي كلنا كده😏

ناصر....لاه مش بس هما اللي إكده كل اللي أعرفهم في القاهره كيفهم.

عاليا...ده علي اساس أنك تعرف القاهره ولا بتروح القاهره اصلا غير عشان تطمن علي اخوك وابن عمك😏

ناصر...بسخريه😏 بروح القاهره؟

وفجأه أتحول ناصر تماماً وغير لهجته تماماً.

القاهره دي انا قعدت فيها اكتر ما قعدت في بلدي انا درست هناك وعشت فيها وليا صحاب كتير اوي فيها ولما جيت أشتغل هناك أبويا تعب قررت اني اسيب كل ده وراء ضهري وارجع واقف في ضهر أبويا ووقتها كنت مطمن علي سيف وعلي عشان كانوا كبروا وبقوا بالنسبالي رجاله يقدروا يعتمدوا علي نفسهم سافرت وكنت برجعلهم كل اسبوع اشوف طلباتهم وبعدها بقيت عايش هنا بعد ما ابويا أتوفي وبقيت عمده البلد وسفري للقاهره متقطعش بالعكس ده بقي دايم كل اسبوع مش بس عشان اطمن علي سيف وعلي بس كمان عشان كان في شغل ومصالح مع ناس كتير يعني إجتماعات في فنادق مقابلات لتجار كبار حجات كتير زي كده. وعشان كده انا عرفت طباع أهل القاهره و عادتهم يمكن في وقت من الاوقات كنت زيهم أسهر للصبح انام في الوقت اللي يعجبني اكل وقت ما أجوع بس لما بقيت عايش في الصعيد أكتر

رجعت من تاني للعادات والتقاليد 

عاليا...😳😳😳😳

ناصر...بأبتسامه ها يا آنسه عاليا أتوكدتي الوجت إن أني أعرف كل حاچه عن أهل القاهره.

عاليا...بذهول هو اللي سمعته ده بجد.

ناصر...بأبتسامه كيف يعني بچد تجصدي أيه؟

عاليا...انت أزاي كده؟ هو انت كنت الوقت بتتكلم زينا؟

ناصر...وه واني اللول مكنتش هتحدت كيفكم ولا كنت هتحددت بلغوه تانيه غريبه عنيكم.

عاليا....اه بتتكلم بطريقه غريبه انت من شويه او من اول ما شوفتك وانت صعيدي بس الوقت في حاجه غريبه حصلت هو انت اللي كنت بتتكلم ولا انت ملبوس ولا ايه🥺

ضحك ناصر ضحكه جميله وبصلها.

ناصر....يلا عشان منتأخروش سيف و ستي في أنتظارنا.

عاليا....بذهول وصوت واطي هو مين ده؟🥺

مشي ناصر خطوه و أبتسم وهو بيهز راسه 

راحت عاليا وراه في صمت ومن جواها في صوت بيقولها ان اللي واقف معاها كان شبح مش ناصر🥺

............ 

فكريه....يلا يا ناصر الوكل هيبرد.

ناصر....چينا ياستي يلا سموا الله.

فكريه....تعالي يا بتي أجعدي عشان تتسحري.

أبتسمت عاليا برهبه وإستغراب من كل حاجه بتحصل حواليها وقعدت في صمت.

فكريه....طمنيني عليكي يا بتي عامله ايه الوجت بجيتي أحسن.

عاليا...بإستفهام أحسن أزاي؟

فكريه....مش جولتي مصدعه وهتنامي.

عاليا....بلغبطه وهي لسه بتبص لناصر اااه اه احسن الحمد لله لما نمت بقيت احسن شويه.

فكريه....الحمد لله يلا كلي زين عشان تجدري تصومي .

عاليا...حاضر.

ناصر كان بياكل و هو ساكت وعينه علي الطبق بتاعه وعلي وشه إبتسامه خصوصا انه شايف خيال عاليا بصاله بإستغراب وواضح عليها لسه الصد.مه.

فكريه...جوليلي وكلنا عچبك ولا وكلكم أحلي.

بصتلها عاليا هااا..لا حلو اوي تسلم ايد اللي عمله

فكريه....أنتي لسه بتتعلمي.

عاليا...بإبتسامه بسيطه لا بتعلم ايه انا مخلصه من زمان انا عندي 27 سنه.

فكريه...وه ماشاء الله تبارك الله شكلك أصغير لسه.

عاليا...بأبتسامه شكراً مش اوي يعني انا خلصت دراسه أشتغلت كمان

فكريه....اللي يشوفك يجول بت 18. بتشتغلي ايه بجي.

عاليا...بحز.ن بصت قدامها كنت بشتغل في شركه للدعايا والاعلان

فكريه....وليه كنتي مبجتيش تشتغلي يعني.

عاليا...لا لحد من كام يوم كنت بشتغل اخر يوم روحت كان يوم الحا.دثه وبعدها ماروحتش ولا حتي عرفتهم اني مش هقدر اروح.

سيف....وليه مش هتروحي يا انسه عاليا انا عارف طبعا انك اكيد اللي حصل مآثر عليكي بس الشغل هو الحاجه الوحيده اللي ممكن تخرجك من اللي انتي فيه

عاليا....عندك حق بس هروح أزاي وانا قاعده هنا.

بصت لناصر في الوقت ده هي وسيف وفكريه.

ناصر...احممممم ماهتاكلوش ليه كلوا الوكل هيبرد.

بصت عاليا في طبقها في صمت

رفع ناصر طرف عينه لمح الحز.ن علي وشها.

حاول سيف يغير مجري الحديث.

سيف....الحمد لله الناس انهارده كانت مبسوطه.

فكريه...ايوه صوح والله يا ولدي الكل مروح فرحان ومتراضي ربنا يسعدك يا ناصر ويفرح جلبك كيف ما هتفرح الناس .

ناصر...ربنا يخليكي يا ستي.

خلصوا سحورهم وسط صمت عاليا وقبل ما تستأذن منهم صممت فكريه انها تشرب معاهم الشاي الاول.

وبعد وقت بسيط خلصت عاليا وأستأذنت منهم

قام ناصر عشان يوصلها.

عاليا...خليك يا استاذ ناصر انا عارفه المكان.

وقف ناصر وهز راسه بهدوء 

عاليا...تصبحوا علي خير.

الجميع...وانتي من اهل الخير 

...........

دخلت عاليا علي مكانها في المضيفه قعدت علي اول كرسي قابلها وهي بتتنهد.

عاليا...يارب بحق اول ايام شهرك الكريم اقف معايا و اقف مع اختي واحميها واحفظها يارب فوقنا من الكا.بوس ده علي خير🥺💔

...............

طلع ناصر وسيف علي اوضهم

فضل ناصر يحاول ينام لكن فضل النوم مجافي عنيه لحد بعد الفجر 

حاسس انه تايهه مش عارف اللي عمله ده صح ولا غلط مضايق انه بيظ.لم عاليا معاه وفي نفس الوقت شايف ان وجودها تحت عينه هو الحل عشان اختها تظهر

فضل في حرب الافكار الداخليه دي لحد ما اخيرا عينه راحت في النوم شويه لحد معاد شغله قام لبس ونزل علي الارض يتابع جمع المحاصيل ويتابع التسليم بنفسه.

.............بقلم اميره اسامه 

عدت الساعات بسرعه الفطار معاده قرب ناصر رجع ودخل يرتاح في اوضته شويه لحد المغرب ما تآذن سيف في أوضته عاليا في المضيفه فكريه علي كرسيها في بهو القصر بتشرف علي الفطار لكن كل واحد فيهم جواه حزن الدنيا بيحاولوا انهم يتأقلموا و يتعاملوا ويجاروا الدنيا والايام من حواليهم لكن جواهم حاجه مكس.وره وكل واحد فيهم كان واقف عند نقطه في الماضي.

في غرفه سيف.

كان قاعد علي السرير ماسك موبايله و جايب صورته هو وعلي و سرحان..

فلاش باك..

سيف....مساء الفل

ضحي...بأبتسامه بسيطه مساء النور.

سيف....علي جوه ولا مش موجود.

ضحي...ايوه جوه .

سيف...بإبتسامه معاه حد ؟

ضحي...لا هو لوحده بس اقوله مين.

سيف...بأبتسامه معذوره عشان لسه جديده انا ياستي ابن عمه سيف.

ضحي...اهلا بحضرتك يا استاذ سيف .

دخل سيف علي علي.

ريم....تمام يا مستر علي هبلغهم حالاً

سيف...مساء الحلويات.

ريم...بسم الله🙈😳

علي....يخربيت عقلك خضتنا انت  مش هتبطل تنط زي الفرقعلوز كده.

سيف....الحق عليا اني بسأل عليك وسط موظفينك عشان ميقولوش عليك مقطوع بص لريم مساء الحلويات😂

ريم...بإبتسامه مساء الخير.

علي....روحي انتي ياريم 

ريم...بعد إذنكم.

خرجت ريم وفضل سيف باصص عليها.

علي...ايه اقوم أخز.ق عينك دي.

سيف...أبتسم علي ورجع بصله وهو بيشاور بعينه علي الباب ولا ياعلي قولي عملتها ازاي دي؟

علي...هي ايه دي يا ظريف🤨

سيف....هو البعيد اعمي ولا ايه بقي انا اغيب عنك أسبوع ومجيش الشركه ارجع الاقي جوز القمرات دول🥴

علي...بأبتسامه يا ابني احترم نفسك واكبر شويه عيب علي أصلك يا صعيدي🤨

سيف...بغمزه وهو الصعيدي ملوش نفس يقول كلمه حق في الجمال ده كله 😉

علي....يا ابني احترم نفسك ايه معندكش اخوات بنات.

رفع سيف ايده بطريقه مضحكه والمصحف ما عندي✋🙄

علي...بضحك خلاص يبقي اعتبرهم أخواتك.

سيف...ولما اعتبر القمر دول اخواتي يبقي اعاكس مين بجد والله جم امته دول.

علي...من اسبوع يا سيدي من ساعت ما انت قررت ما تجيش الاسبوع ده 😂

سيف....ده انا حظي وحش اوي علي كده بقي انا مشغل معايا غفر في مكتب الصرافه تصدق بعد ما شوفت الحلويات دي بفكر اروح اطرد الموظفين اللي عندي كلهم

بس المشكله ياتري هلاقي من النسخه الملونه دي في السوق ولا هتيجي لحد عندي وتقلب ابيض واسود😫

علي...😂😂😂 هتقلب ابيض واسود طبعا عشان نيتك مش سالكه.

سيف...لا بجد دول ايه دول والله فكرتهم اجانب ولا اللي كانت عندك دي يالهوي عالقمر🥴

علي....أستغفر الله بقولك ايه قوم ياض امشي ومتجيش هنا تاني هتنحس المكان 

سيف....مجيش تاني ده ايه طب تصدق بالله انا بفكر اقفل مكتب الصرافه وأشتغل معاك في المقاولات ده طلع شغلها قمر اوي😂😂😂😂

علي...بضحك الله يخربيت عقلك تصدق بالله انت ملكش غير ناصر هو اللي هيظبطك يا واطي.

سيف...طب تصدق انت بالله ناصر لو جه وشاف الاتنين دول لا هيكر.ه نفسه ويكر.ه الصعيد وهيلبد هنا معاك😂😂

علي...بضحك تفتكر🤔

سيف...افتكر اوي.

فضل سيف وعلي يضحكوا 

فاق سيف علي ضحكه علي اللي بترن في ودنه ونزلت دموعه 🥺

سيف....الله يرحمك يا حبيبي و يغفرلك وحشتني يا سيف اوي وحشتني فوق ما تتخيل💔

...........

اما في اوضه ناصر.

خلص قراءه قرآن وقفل المصحف وفضل في ايده وشرد بعقله 

فلاش باك..

سمع ناصر خبط علي الباب وهو بيقرأ في المصحف.

وفجأه دخل علي عليه.

ناصر...صدق الله العظيم

علي....ايه ياناصر هتفضل قاعد تقرأ في المصحف سنه.

ناصر...عايز مني ايه؟

علي...ياجدع انت جاي من الصعيد عشان تقضي معانا يومين هنا وتعملنا حاجه ناكلها الاذان قرب يأذن.

ناصر...اااه قول كده بقي عايزني اسيب المصحف عشان اشتغلك انت والكسلان التاني طباخ😒

علي...بضحك بطننا نشفت من اكل الشارع ومفيش غيرك بيعرف يعمل اكل.

ناصر....انا جاي هنا يا ظريف منك ليه في شغل مش عشان اقضي وقتي معاكم 😒😒 بس خليها عليا عايزين تاكلوا ايه.

علي...بضحك اهو ده الكلام 😂

بص يا سيدي مش هنتقل عليك ممكن طاجن ورق عنب وشويه لحمه محمره وصنيه رقاق وحبه شوربه وياسلام لو لسان عصفور.

دخل عليهم سيف في الوقت ده 

سيف...ياسلام ولو صنيه كنافه والله ريحتها في مناخيري من امبارح

ناصر...حيلك حيلك انت وهو ده العصر اذن 

علي...يا جدع متقولش كده انت قدها اقولك هنساعدك انا وسيف.

سيف...وانا مستعد✋هعملكم السلطه🙄

ناصر....سلطه😒😒 وبعدين ايه اللي شامم ريحه الكنافه من امبارح ده انت بتتوحم يلا ولا ايه🤨

علي...بضحك لا بقولك ايه سيف حالته صعبه اوي من كام يوم صحاني بعد الفجر بيقولي ولا يا علي شامم اللي انا شامه🤔

فكرت في حريقه قولتله في ايه

قاللي شامم ريحه ملوخيه😂😂

ناصر...بضحك لا ده كده لازم نكشف عالواد ده😂😂

سيف....ياعم انت موافق المهم اكل يا خلق.

ناصر...خلاص صعبتوا عليا يلا هقوم اعملكم كل حاجه وبعد الفطار نبقي نفتح الشنطه عشان ستكم بعتالكم فطير وبط وشويه حجات مروقاكم.

..بقلم اميره اسامه 

علي...بط الحق يا سيف بيقولك فطير وبط.

سيف...بضحك وساكت يا جا. حد بس نلغي اللحمه المحمره ونعمل بط ورقاق و ورق عنب وملوخيه مش مهم شوربه😂😂

ناصر...بضحك طيب يلا قوموا بسرعه معايا عشان نلحق.

علي...يعيش ناصر المنشاوي.

سيف...يعيش ناصر المنشاوي.

فضل ناصر يضحك عليهم و هو باصصلهم بحب♥️

فاق ناصر وهو باصص للمصحف في ايده بحز.ن💔 ربنا يرحمك ويغفرلك يا ابن جلبي.

.............

اما في اوضه عاليا كان صوت القرآن اللي قبل آذان المغرب مسمعه في كل الميكرفونات في البلد والاذان خلاص قرب يآذن.

سرحت عاليا وهي مركزه مع الصوت وكأن الصوت خدها لمكان تاني مكان كان ماليه الدفئ والحب والحنان والامان 

فلاش باك...

هدي....يلا يابنات الآذان قرب انتي يابت انتي وهي تعالوا ساعدوني.

عاليا...بأبتسامه ايوه يا خالتوا انا معاكي اهو اساعدك في ايه.

هدي...تعالي يا عاليا اعصري ليمون علي السلطه وظبطي ملحها هما اللي مايتسموا دول بيعملوا ايه.

ضحي...عايزه ايه يا ست ماما مش هتبطلي السربعه بتاعتك اللي بتحصل قبل كل فطار دي.

هدي....يابت القرآن شغال والمغرب علي آذان خلاص.

دخلت ريم في الوقت ده يعني هو لو مفطرناش لما الاذان يآذن مينفعش بقي صايمه كل ده يا ست هدي ومش قادره تتحملي كام دقيقه كمان.

هدي....ايوه يا ام نص لسان مش قادره هو يابت ده مش وقت فطار

ولازم الوقت نكون بنحضر.

ريم...ماشي يا ستي انا كمان جيت اهو اعمل ايه.

هدي...فضي التمر والخشاف في الكوبايات.

ضحي....اطلع الكنافه دي يا ماما.

ضر.بتها هدي علي ايدها...كنافه ايه اللي تطلعيها الوقت دي بعد الفطار عشان نفسك متتسدش.

ضحي...اصل بصراحه ريحتها حلوه اوي مش قادره اقاوم.

عاليا...بفخر عمايل ايديا😎

هدي...تسلم ايدك يا حبيبتي 

وفي الوقت ده الاذان آذن وفضلت هدي تلف حوالين نفسها.

هدي...يالهوي الاذان اذن اقول عليكم ايه 🙆‍♀️

فضلت عاليا وضحي وريم يضحكوا عليها وعلي عادتها اللي مش بتبطلها ابداً ♥️.

فاقت عاليا علي صوت آذان المغرب نزلت دموعها بق.هر علي ذكريات جميله راحت 💔

عاليا....يارب الصبر من عندك ربنا يرحمك يا خالتوا انتي وضحي ويجعلكم من اهل الجنه ويجمعني بيكي علي خير ياريم ويطمن قلبي عليكي يا حبيبتي🥺🥺💔

سمعت في الوقت ده صوت خبط علي الباب مسحت دموعها ونزلت فتحت الباب.

ناصر...أزيك يا انسه عاليا

عاليا...الحمد لله.

كان باين علي لون عينها انها معيطه وطبعا قدر ناصر يعرف بتعيط ليه لان حالها ميختلفش عن حالته.

ناصر....الفطار چاهز.

عاليا....حاضر انا جاهزه.

مشيت عاليا جمبه في صمت كل واحد فيهم كان جواه و.جع بيكبر مع مرور الوقت مش بيقل و الذكريات كانت كفيله تتعبهم اكتر.

عاليا....سلام عليكم.

فكريه وسيف ....وعليكم السلام.

فكريه...كل سنه وانتي طيبه يابتي.

عاليا...بحز.ن وحضرتك طيبه.

فكريه....يلا شجي ريجك .

بدأوا ياكلوا في هدوء شديد

وكل واحد فيهم عينه في طبقه وشارد.

خلص سيف اكله...الحمد لله.

فكريه....مكلتش يا ولدي معاچبكش الوكل ولا ايه

سيف...لا كلت كتير والله ياستي 

 الاكل جميل اوي.

فكريه...بألف هنا يا حبيبي.

سيف....صحيح يا ستي انا همشي بعد الفجر بأذن الله عشان سايب الشغل بقالي كام يوم 

فكريه...بحز.ن لسه بدري يا ولدي مش جولت هتجضي كام يوم معانا في رمضان.

سيف....لا يا ستي متقلقيش انا أسبوع ولا حاجه اطمن بس ان الشغل بتاعي وبتاع علي ماشي تمام و اتابع القضيه واشوف وصلوا لأيه وهرجع تاني اصلا مش هقدر افضل لوحدي كتير.

ناصر....اني كمان يا حاچه هنزل معاه علي مصر عشان اشوف الجضيه وعشان عندي شويه شغل يومين بالكتير وراچع.

فكريه...ربنا معاكم يا ولدي.

في اللحظه دي أتكلمت عاليا بلهفه.

عاليا...استاذ ناصر ممكن انا كمان انزل معاكم عايزه اطمن علي القضيه واطمن علي ريم🥺

ناصر...بجمود جضيه ايه اللي تطمني عليها ما اني نازل عشان إكده نزولك ممنوش فايده

عاليا...حضرتك نازل تتابع قضيه اخوك انا كمان لازم اتابع قضيه اختي وبعدين عالاقل عشان وكيل النيابه ميلاحظش غيابي هو او الجيران اللي ممكن يشكوا ويفكروا اني فيا حاجه لما هرجع في البيت و يشوفوني واروح لوكيل النيابه وارجع امشي تاني مش هيبقي في شك او قلق.

ناصر....اني جولت اني هتابع بنفسي الجضيه وأظن ان جضيتنا واحده يا آنسه عاليا وبعدين لو حد شاكك في غيابك كانت الدنيا جامت مجعدتش ولو أختك ظهرت كنا احنا اول ناس نعرفوا ولا ايه ؟ انتي هتفضلي إهنه وزي ما جولتلك جبل سابج مهتمشيش غير لما اختك تظهر.

عاليا....بعص.بيه هو ايه اللي مش هتمشي من هنا اظن انا لما جيت معاك جيت من غير اي مشاكل ومشيت وراك عشان خاطر اختي يعني انا لو عايزه امشي الوقت همشي ومحدش هيقدر يمنعي 

ولو نزلت معاك مش ههر.ب يبقي ليه طريقتك وتحكماتك دي انا من حقي اطمن علي اختي بنفسي حتي لو انت شايف انها ليها يد في اللي حصل فا هي في الاخر اختي وقلبي وا.جعني عليها🥺

ضر.ب ناصر بكل قوته علي التربيزه.

ناصر....صوتك ميعلاش إهنه 😡

سيف ...أهدي يا ناصر انسه عاليا متقصدش.

فكريه....اهدي يابتي اهدي يا ناصر يا ولدي هي معذوره بردك.

قامت عاليا و بصتلهم ورجعت بصت علي ناصر ودموعها بتنزل

وخرجت بسرعه من غير ولا كلمه ولا حتي ردت علي سيف وفكريه اللي نادوا عليها.

سيف...انسه عاليا.

فكريه....استني يابتي.

ناصر...بغض.ب سيبوها.

سيف...ناصر انت عارف اني مش بعارضك عمري علي اي حاجه حتي لما جبتها معاك هنا مقدرتش اقف قدامك بس كده كتير عليها يا اخويا ده حقها عايزه تطمن علي اختها وبعدين انا شايف ان معاها حق وجودها هناك وسط الجيران ووكيل النيابه والتحقيقات اللي شغاله دي هتمنع اي شك خليها تيجي معانا وارجعوا سوا و انا هحصلكم.

ناصر....الحديت خلص يا سيف هتفضل إهنه و ما هتعاودش غير بظهور أختها.

فكريه...بلاش يا ولدي راسك الناشفه كيف الحچر دي 

ناصر...اني جولت اللي عندي يا ستي و جفلوا الموضوع ده خالص

اني خارچ.

سيف...علي فين طيب؟

ناصر....هلف شويه بالعربيه لحد معاد الصلاه أبجي حصلني عالچامع.

سيف...بتنهيده ماشي يا ناصر.

خرج ناصر و هو مضايق.

فكريه....بعدهالك يا ناصر مهتچيبهاش البر البت الغلابه دي ذنبها ايه بس ياربي.

سيف....انا هحاول اكلمه يا ستي واحنا راجعين من الصلاه يمكن ربنا يهديه.

فكريه....ماشي يا ولدي.

سيف....بقولك ايه انا هروح أقولها كلمتين كده واحاول اهديها هي كمان بدل ما تقف قصاد ناصر وناصر يعند معاها اكتر.

فكريه...ماشي يا ولدي .

خرج سيف وراح ناحيه المضيفه.

خبط براحه عالباب كانت عاليا قاعده علي الكرسي اللي جمب الباب و بتعيط قامت مسحت دموعها وفتحت.

ابتسم سيف بإحراج انتي كويسه.

هزت عاليا راسها بلأ وهي بتعيط.🥺🥺

سيف...انسه عاليا انا اسف بالنيابه عن ناصر.

عاليا...وانت ذ.نبك ايه بس يا استاذ سيف🥺

سيف....بأبتسامه ذ.نبي انه ابن عمي واخويا الكبير وراسه عامله زي الحجر تسمحيلي اتكلم معاكي شويه.

عاليا....طبعا اتفضل.

سيف....طيب معلش تعالي بره احسن .

خرجت معاه عاليا ووقفوا علي الباب.

سيف...طبعاً انا مش عارف أقولك ايه ولا أعتذرلك أزاي بس صدقيني يا انسه عاليا ناصر والله العظيم طيب جدا هو بس عص.بي شويه واكيد طبعا انتي عارفه ان اللي حصل هو اللي وصله لكده.

عاليا...بدموع طيب وانا ذ.نبي ايه انا مش فاهمه هو ليه بيعمل كده معايا ومش فاهمه أزاي بيفكر اصلا انا زيه بالظبط او زيكم اللي حصل مع استاذ علي حصل مع بنت خالتي وخالتو كمان حصلتها 

واختي محدش لاقيها لا عايشه ولا ميته ملهاش آثر صدقني لو في حد المفروض ينهار ويتعب ويكر.ه حياته كلها اكيد هيبقي انا🥺 بس انا لسه واقفه وبعافر عشان فى  عندي امل ان اختي ترجعلي لا جيت عليه ولا ظل.مته ولا حملته و.جع فوق و.جعه💔

سيف...بحز.ن طيب بالله عليكي بلاش تعيطي والله العظيم انا مقدر حالتك وفاهم كل اللي بتقوليه ده وصدقيني مش هدافع علي ناصر بس يمكن هو كمان يكون مقدر حالتك و و.جعك اكتر مني كمان بس ناصر انا نفسي اول مره اشوفه بالحاله دي واول مره اشوفه بيتصرف كده صدقيني ناصر يبان جامد بس انا حاسس بيه ناصر مد.بوح بيطلع في الروح انا وعلي الله يرحمه كنا اقرب حد ليه طول عمره شايل مسؤليتنا وهمانا رغم انه مش اكبر مننا بكتير بس ناصر من صغره وهو يعتمد عليه بيحبنا لدرجه مش ممكن تتخيليها لما علي مات كنت حاسس ان ناصر عايز يصر.خ ويكس.ر الدنيا بس مش عارف كأن حد بيخن.قه انتي عارفه ان موضوع التا.ر ده عندنا في الصعيد صعب يمكن احنا كاعيله معروفه هنا عمرنا ما اتحطينا في الموقف ده حتي من ايام جدي طول عمرنا بنخا.ف ربنا ومفيش بينا وبين اي حد عدا.وه تخيلي بقي يوم ما يحصل لحد فينا حاجه تكون في علي اطيب واحد فينا واحن حد ممكن تشوفيه صدقيني علي مكانش يستاهل الموته دي ابدا ناصر لحد الوقت يمكن يكون بيكد.ب نفسه مش مستوعب هو مش هيرتاح غير لو عرف اللي عملها.

عاليا....صدقني ضحي كمان مكانتش تستاهل الموته دي ولا خالتوا ولا اللي حصل او بيحصل مع ريم او معايا احنا كنا عيله جميله اوي حياتنا هاديه مفيهاش اي خو.ف او توتر او قلق كنا عايشين في سلام وفجأه حياتنا ادمر.ت و اتقلبت كأن الارض دارت بينا فجأه.

اقولك علي حاجه يمكن تستغربها.

سيف...قولي يا انسه عاليا.

عاليا...انا لما جيت مع استاذ ناصر من البدايه رغم انه خو.فني ور.عبني بطريقته لما جه خدني من البيت بس كنت واثقه انه مش هيأذ.يني وانه بيعمل كده من و.جعه او من وجهه نظره ان انا اللي هوصله لريم اختي..اه مكنتش عايزه اجى معاه كنت خا.يفه ومكنتش عايزه اسيب ريم

غير لما اطمن عليها بنفسي.

بس كمان لاقيت نفسي بوافق جزء فيا موافق خو.ف علي ريم احسن ينفذ تهد.يده و يأ.ذيها والجزء التاني لاني كنت خا.يفه افضل لوحدي كنت محتاجه احس ان في حد لسه معايا انا مبقاش ليا حد فجأه عيلتي الصغيره في يوم واحد فضيت من حواليا 

سيف...بحز.ن علي حالتها واحنا معاكي صدقيني محدش فينا ممكن يأذ.يكي ولا حتي ناصر احنا تقريبا قضيتنا واحده 

عاليا...بس ابن عمك مش شايف كده ده منعني من حقي في اني اسأل بنفسي علي اختي واطمن عليها وشايفها في نظره مذ.نبه بدل ما يشفق عليها بعد الله حصل لاخوه وبنت خالتي ويفكر ياتري حصلها ايه بيتهمها والله ريم مش كده خالص🥺💔

سيف....والله ناصر ما كده خالص  هو كمان ويمكن مش بيتهمها زي مابتقولي قد ماهو مستني ظهورها عشان تقول اللي حصل.

وكمل بأبتسامه اقولك علي حاجه

عاليا...اتفضل.

ابتسم سيف بحز.ن وقعد علي الارض نزلت عاليا هي كمان قعدت.

سيف....انا مصدق ان اختك متعملش كده ابدا مش عشان هي كانت موجوده في حاد.ثه بش.عه زي دي والله اعلم ايه اللي حصلها

بس عشان انا اقدر احكم علي البني ادم اللي قدامي كويس وعارف انها اضعف بكتير من انها تعمل كده.

عاليا...بدموع هو انت شوفت ريم قبل كده.

سيف...بأبتسامه وكنت بعاكسها كمان🙂

ضحكت عاليا من وسط دموعها تعاكسها؟

سيف....اه والله اول مره روحت و شوفتها هى وبنت خالتك كان بقالي اسبوع تقريبا مروحتش لعلي في مكتبه ولما روحت شوفتهم فضلت اعاكس فيهم وعلي يشتم فيا كانوا زي القمر 

وبعد كده بقيت اشوفهم ديماً وبقيت كل ما أشوفهم افضل اعاكس فيهم وعلي يقولهم متاخدوش علي كلامه ده عقله مفوت وهما يضحكوا 

ابتسمت عاليا بحز.ن وبصتله تفتكر هتر.جع 🥺💔

سيف...بأبتسامه حز.ن هترجع والله ان شاء الله وهتطمني عليها وهتكون سبب اننا نرجع حق علي وضحي وخالتك وحقها هي كمان في اللي شافته خليكي معانا هنا يا انسه عاليا مش بصفتك مسجونه زي ما ناصر قال خليكي بصفتك اختنا وواحده مننا اعتبرينا اهلك اللي اتحرمتي منهم ووعد مني طول ما انا في مصر هفضل متابع القضيه بنفسي وهدور علي اي حاجه توصلنا بريم اختك كمان.

ابتسمت عاليا....انت طيب اوي يا استاذ سيف ياريت ابن عمك كان زيك كده 

سيف...والله ناصر اطيب واحن مني هو بس اللي جواه ثوره مش هتهدا غير برجوع حق علي يمكن انا زيه واكتر منه عايز اجيب حق علي و اقت.ل بأيدي اللي عملها بس انا ممكن اكون قادر افرق بين الظا.لم والمظ.لوم لاني شوفت اختك وعارف انها متعملهاش لكن ناصر ميعرفهاش فا غض.ب عنه.

عاليا....ماشي انا بجد مش عارفه اقول ايه لحضرتك.

سيف....ولا اى حاجه انتي بس بطلي كلمه حضرتك وكلمه استاذ دي انا سيف وبس ماشي.

عاليا....ماشي🥺

سيف...هقوم انا بقي عشان الحق ناصر عشان هنصلي التراويح ونرجع نتسحر مع بعض قبل ما نمشي أتفقنا.

عاليا....ممكن تبقي تطمني علي اي حاجه توصلها🥺

سيف...طبعا ممكن هاتي رقمك.

بعد وقت بسيط دخلت عاليا وهي بتفكر وحاسه انها مرتاحه شويه بعد ما اتكلمت مع سيف.

فضلت في اوضتها لحد ما رجعوا والسحور جهز راح المرادي سيف اللي نادي عليها وهو ناصر بيحضر شنطته فوق نزل لقاها قعدوا اتسحروا مع بعض عاليا كانت باصه في طبقها وبتحاول متبصلهوش خالص اما ناصر فا كان بيحاول يعمل زيها وميبصلهاش عشان متصعبش عليه.

عدي الوقت بسرعه ومشي ناصر وسيف علي القاهره.

فضلت عاليا متابعه بعينها خروجهم لحد ما البوابه اتقفلت من تاني.

دخلت علي المضيفه وقفلت وراها🥺🥺

#سجينه_مع_وقف_التنفيذ

#صاحبه_البطل_الواحد

#أميره_اسامه

البارت السابع..

أنتهي اليوم برحيل ناصر وسيف.

ومع بدايه نهار جديد طول اليوم عاليا كانت في أوضتها مابين تصلي وتقرأ قرآن او ترجع تنام

مكانتش بتعمل اي حاجه حتي شنطتها اللي جابتها كانت زي ماهي مفتوحه و سيباها علي جنب يادوب بتاخد منها اللي هي محتجاه علي امل يتفك آثرها وترجع بيتها ومتبقاش مضطره ترجع تشيل حاجتها.

اما فكريه فا طول اليوم مشغوله كعادتها مع الشغالين كانت حابه تسيب عاليا علي راحتها عشان متضغطش عليها أكتر من كده.

.........

في القاهره وصل ناصر وسيف 

سابه سيف وراح يطمن علي مكتب الصرافه و يطمن ان كل حاجه ماشيه تمام كان راجع غريب علي غير عادته والموظفين كانوا حاسيين بتغييره مش هو ده سيف اللي الضحكه مبتفترقش وشه وديماً بيضحك ومبسوط كانوا مقدرين حالته لانهم عارفين ان علي كان بالنسباله كل حاجه.

........

اما ناصر فا راح لوكيل النيابه يتابع بنفسه أخر مستجدات التحقيق.

وكيل النيابه...للأسف يا استاذ ناصر التحقيق لسه شغال و القضيه مفتوحه بس كل حاجه زي ما هي مفيش جديد المكان اللي حصل فيه الحا.دثه مكانش فيه كاميرات او خيط يوصلنا بأي حاجه.

ناصر...طيب وعزام؟

وكيل النيابه...الشكوك كلها بتدور حوالين عزام بس مع شهاده شريكه و العمال بتوع استاذ علي كلهم أكدوا كلام عزام نفسه 

ان حصل بينهم شد وجذب فعلا لكن مكانش في اي تطاول من اي نوع لا بالكلام ولا بالأيد وطبعاً بعد التحريات اللي أتعملت علي عزام كل الكلام اللي اتقال عنه في صالحه الكل بيقول ان محدش شاف منه اي حاجه وحشه.

ناصر....بغض.ب امال مين اللي عملها😡

وكيل النيابه....شوف يا استاذ ناصر هو يا اما عزام فعلاً برئ يا اما حويط المشكله ان مفيش اي حاجه لقيناها في العربيه توصلنا مفيش اي خيط حتي الموبايلات مش موجوده وطبعا الخطوط اكيد أترمت.

ناصر...طيب البصمات ؟

وكيل النيابه البصمات اللي كانت موجوده علي العربيه كانت لشخصين ولما كشفنا عليها مطلعش حد فيهم مسجل او ليه أي سابقه بصمات مجهوله وطبعا بصمات عزام مش فيهم.

ناصر....طيب ما يمكن مجربش من العربيه.

وكيل النيابه....وارد البصمات اللي موجوده كانت علي الابواب الخلفيه للعربيه وعلي أجزاء الأزاز المكس.ور وغالباً دول اللي كانوا بيها.جموا البنات.

ناصر...مفيش أخبار عن البت التانيه؟

وكيل النيابه....لا كأنها أتبخرت ملهاش اي اثر حتي الد.م اللي كان موجود كان لعلي و ضحي بس يعني لو مثلا أتقت.لت او حتي اتعورت كان بان لكن واضح انها عايشه.

ناصر.....هي ممكن إتكون هي اللي مدبره الحاد.ثه دي او شريكه يعني.

وكيل النيابه....كل دي إحتمالات كانت موجوده لكن بردو بعد التحريات عن البنت دي أتبين انهم كانوا اسره هاديه ملهاش في المشاكل خالتهم كانت كل حياتهم ريم وضحي كانوا قريبين من بعض جداً بشهاده الجميع فا مفيش سبب حتي يخلينا نشك فيها وطبعاً ده معناه ان ريم مخطو.فه وفي خ.طر.

حط ناصر ايده علي وشه بحز.ن.

وكيل النيابه....شوفت ده قبل كده.

رفع ناصر وشه بص علي الشئ اللي طلعه وكيل النيابه من الدرج 

كان كان كاڤر موبايل جلد باللون ازرق وضهر موبايل.

ناصر....لاه.

وكيل النيابه....يعني مش شكل موبايل علي مثلا.

ناصر...اني مفتكرش تلافون علي بس أظن ان لونه ابيض.

وكيل النيابه....لما وريناه لأستاذ عز قال انه شافه مع حد من البنات بس مش فاكر بتاع مين.

و طبعا اللي هترد علي سؤال زي ده أنسه عاليا.

بصله ناصر بصد.مه.

كمل وكيل النيابه كلامه...انا بعتلها حد انهارده عشان يبلغها اني عايزها بس ملقينهاش وفي حد من جيرانها قال انها مش موجوده وبتدور علي اختها كلمتها وقالت انها مسافره وبتدور علي ريم عند كل معارفهم سألتها علي موبايلات ضحي وريم وقالت انه بتاع اختها

بس الغريب ان الكاڤر والضهر مش مكسورين والكاڤر نفسه سيليكون تقيل لو فرضنا ان حد ها.جمها و هي مثلا بتحاول تتصل او تستنجد بحد الموبايل عمره ما هيتفتح بسهوله كده.

ناصر...وده معناته أيه؟

وكيل النيابه..... انه اتفتح بالقصد بس ليه مش عارف خصوصا ان باقي الموبايل مش موجود 

ناصر....ريم دي للاسف هي اللي معاها حل اللغز .

وكيل النيابه... اطمن يا استاذ ناصر إحنا مش ساكتين وانهارده في عمليه مسح شامله بتتعمل في المنطقه اللي حصلت فيها الحا.دثه واكيد هنوصل لأي حاجه تكون خيط نقدر نمشي وراه ان شاء الله.

ناصر...يارب.

...........بقلم اميره اسامه 

خرج ناصر من مكتب وكيل النيابه راح علي شركه علي عشان يقابل

عز ويتكلم معاه أتفاجئ بوجود سيف.

دخل ناصر بهيبته...سلام عليكم.

عز...اهلا استاذ ناصر تعالي اتفضل.

سيف...ناصر مقولتليش ليه انك جاي 

ناصر....خلصت حديتي مع وكيل النيابه وچولت أفوت علي استاذ عز.

عز....اهلا بيك ده حضرتك نورت.

ناصر...النور نورك 

سيف...انا كمان خلصت الشغل اللي ورايا وقولت اعدي عالشركه هنا اشوف الدنيا ماشيه أزاي.

ناصر...خير ما عملت.

عز...كان نفسي اقولك تشرب ايه بس الصيام بقي

ناصر....خيرك سابج.

عز...لأ أزاي بس ده انتوا اه‍ل الكرم كله متقولش كده

ناصر...الله يعزك.

سيف...في اي جديد في القضيه؟

ناصر....مفيش چديد لسه 

عز....خير ان شاء الله ألمباحث مش ساكته واكيد اللي عملها هيقع.

ناصر....جولي يا استاذ عز علي لما كلمك كان باين عليه انه جلجان او في حاچه مخوفاه.

عز....لأ خالص هو بس كان واضح انه مضايق من اللي حصل وباين عليه الغض.ب وكان راجع في الطريق كمان 

ناصر...طيب عزام محاولش يتحدت معاك بعد ما عرف انك جولت في أجوالك جدام وكيل النيابه علي المشكله اللي حوصلت بينه وبين علي.

عز....لا خالص مع اني كنت متوقع انه يكلمني؟

ناصر....طيب جولي أيه اخبار الشغل في الموجع بتاعه شغال ولا وجف.

عز....في الحقيقه انا مكلمتوش بس اللي عرفته من العمال هناك ان الشغل مكمل عادي لان دي كانت اخر مرحله والمفروض ان الشغل خلاص بيخلص فيها.

ناصر...وليه متابعتش معاه باجي الشغل.

عز....الحقيقه اللي حاصل الكام يوم دول خلاني مش قادر اركز في كل حاجه خصوصا ان مشروع عزام مش هو المشروع الوحيد في مشاريع تانيه شغاله.

ناصر...لازماً تتابع يا استاذ عز بنفسك بالخصوص مشروع عزام. سبب مشكله علي مع عزام في الاساس كانت الادوار المخالفه و ممكن لو متابعتش المشروع عزام ينفذ اللي كان رايد يعمله و وجتها هيبجي علي چثتي انه ينفذ أخوي

تجريباً عمره ضاع بسبب عدم موافجته فا مش بعد ما روحه تروح للي خالجها عزام يعمل اللي في راسه.

عز...اطمن يا استاذ ناصر انا هتابع وهشرف بنفسي علي المشروع ومفيش طوبه واحده هتتحط بعد الدور العاشر بس أسمحلي يعني انا ليه حاسس انك متأكد ان عزام هو اللي عملها.

ناصر....لحد دلوك مفيش جدامي غيره كل حاچه حوصلت بتجول ان هو اللي وراها حتي لو كل كلمه في صالحه.

سيف....بس هو مفيش دليل ضده يا ناصر.

ناصر....علي يوم الحا.دثه كان متعا.رك وياه و السبب اللي اتعار.كوا عليه كان سبب جوي مش هين ارواح ناس علي خا.يف عليها وطم.ع وجش.ع من عزام.

عز....بس العمال اللي شهدوا مع عزام هما في الاساس تبعنا احنا يعني اكيد ولاءهم كله لعلي واظن لو فعلا عزام عملها كانوا شهدوا عليه بس الكل أكد انه متحركش بعد ما علي سافر.

ناصر....الفلوس يا استاذ عز بتغير نفوس الناس و مش بعيد يكون عزام أشتراهم.

عز....تفتكر هيشتري اكتر من أربعين عامل وتفتكر مفيش واحد فيهم ضميره كان صاحي.

ناصر...صدجني يشتري أضعافهم ولو عالضمير عادي في زمننا ده  الفلوس مش بس تنيم الضمير 

دي تمحيه.

فضلوا يتكلموا مع بعض شويه وبعدين مشي ناصر وسيف.

ناصر...وراك حاچه ولا هترچع عالبيت.

سيف.....لا هرجع الاذان خلاص فاضل عليه ساعه بعد الفطار بس هرجع المكتب بتاع الصرافه شويه

ناصر....ماشي.

سيف....أسبقني انت بس عالبيت هروح انا اجيب فطار وهاجي.

علي....ماشي خد بالك من روحك ومتعوجش.

سيف...مش هتأخر عليك يلا سلام.

روح ناصر علي البيت خد حمام وخرج نام شويه علي السرير بتعب وإرهاق لحد ما يرجع سيف.

.............

الوقت كان بيعدي بسرعه والاذان مكانش باقي عليه غير دقايق.

فكريه....محاسن.

محاسن...ايوه يا حاچه .

فكريه...روحي نادي علي الضيفه جوليلها الحاچه مستنياكي عالفطار.

محاسن...حاضر يا حاچه.

راحت محاسن علي المضيفه خبطت ثواني وفتحت عاليا.

عاليا...ايوه.

محاسن.....الست الكبيره بتجولك انها مستنيه حضرتك عشان الفطار.

عاليا....حاضر روحي وهاجي. وراكي.

محاسن....ماشي.

غيرت عاليا هدومها وراحت بسرعه علي البيت كانت داخله تتلفت وحاسه بالاحراج.

لمحتها فكريه.

فكريه...تعالي يا بتي .

عاليا....مساء الخير.

فكريه...مساء النور يا بتي اجعدي عشان تفطري.

قعدت عاليا بهدوء وبدأت تاكل وهي ساكته و باصه في طبقها.

كانت فكريه بتحاول تكلمها في اي حاجه عشان تكس.ر الصمت ده

بعد الفطار خدتها فكريه وراحوا مع بعض يشربوا الشاي.

عاليا كانت ساكته  لحد ما فجأتها فكريه بسؤالها.

فكريه....حابسه حالك ليه يابتي في المضيفه ؟

بصتلها عاليا بحز.ن باين علي عينها أبداً بس كل الحكايه اني بحاول ألتزم بوجودي هنا.

فكريه....كيف يعني؟

عاليا....استاذ ناصر محدد سبب وجودي هنا هفضل محبوسه لحد ما اختي تظهر وانا عارفه حدودي كويس.

فكريه....حديت ايه الخايب ده مين جال إنك محبوسه بس يابتي انتي ضيفتنا.

عاليا...استاذ ناصر هو اللي قال. وانا فعلا مش ضيفه لاني اصلا معرفكمش🥺 الضيف بيكون ليه سابق معرفه و بيتعامل علي انه ضيف لما يكون تمت دعوته من اصحاب البيت. وانا مش كده انا جيت هنا وانا مجبره جيت وانا عارفه اني هكون سجينه مع وقف التنفيذ وقت ما اختي تظهر ناصر بيه هيسقط الحكم من عليا🥺

فكريه....أسمعي يابتي هجولك كلمتين حطيهم حلجه في ودنك

اولاً انتي إهنه ضيفه ولو انتي متعرفيناش فعلاً فا نتعرفوا علي بعض وانسي السبب اللي چابك إهنه وأعتبري حالك بتغيري چو.

اما بجي علي كلام ناصر اني مهدافعش علي ولد ولدي بس صدجيني ناصر مفيش في جلبه يمكن كان جاسي معاكي وظل.مك بس أعتبريه مهواش في وعيه عشان ناصر لو كان في وعيه صوح مكانش عمل معاكي إكده 

والاهم يابتي هنصحك نصيحه شدي علي روحك شوي متبجيش خايبه إكده اني يمكن معرفكيش غير من كام يوم بس اني ست كبيره وشوفت ياما وأجدر افهم البني ادم زين. و فهمتك يابتي انتي بطبيعتك عتخافي وبتطاطي للريح وانتي خو.فتي من ناصر و چيتي معاه من سكات ومجدرتيش توجفي جصاده مع إنك معاكي الحج ومفيش أي حاچه تديينك أنتي او خيتك و طول ما خيتك مختفيه مفيش حاجه تجول ان عليها ذ.نب عشان ممكن تكون في ضيجه محدش عالم بيها غير ربنا مفيش دليل يخلينا نشكوا فيا كلامي ده مش معناته اني أجويكي علي ناصر لكن دي نصيحه ليكي متخا.فيش من أي مخلوج طول ما انتي ما غلطيش في حجه. شكلك طيبه والطيب في زمننا يابتي الجوي يدوس عليه ويفعصه واحده زيك بعد كل اللي شافته كانت توجف جدام ناصر كيف الغو.ل تاكله وتطلع و.چعها عليه لكن انتي خو.فتي علي خيتك خو.فتي ناصر يأذ.يها وهي اخر حاچه فضلالك.

عاليا....بحز.ن يمكن حضرتك معاكي حق في كل اللي قولتيه انا مش ضعيفه بس انا فعلا خو.فت علي ريم خو.فت تكون فعلا عايشه واول ما ترجع استاذ ناصر يأذ.يها لما جالي كان غضبا.ن لدرجه تخو.ف بجد جالي في وقت انا اصلا مرعو.به فيه بعد كل اللي حصل حسيت بخو.ف من الوحده اول مره احس بيه فجأه لقيته قصادي في حاله تر.عب اول مره اشوفه ويوم ما اشوفه الاقيه بيهد.دني و فاكر اني مخبيه اختي او اعرف مكانها لقيته بيقولي انها لو فضلت مختفيه مع اول ظهور ليها مش هديها فرصه تدافع عن نفسها وهقت.لها مكانش قدامي حل وكل اللي جه في بالي اني اوافقه عشان عالاقل لو قدر يوصل لحاجه او حتي عرف مكان ريم اقدر اوقفه اقدر اتابع كل حاجه والحق اختي قيل ما تتأذي منه.

ومن ناحيه تانيه فكرت اننا قضيتنا واحده اكيد مش هيأذ.يني لانه عايزني تحت عينه وانا لاول مره كنت احس اني محتاجه حد جمبي جيت معاه لاني مش عايزه اكون لوحدي جيت معاه وانا معرفهوش بس كان بالنسبالي فكره ان يكون معايا ونس في اصعب وقت بمر بيه هي اكتر حاجه انا محتجاها.

فكريه...بحز.ن واحنا وياكي يا بتي أعتبرينا اهلك و إياكي تخا.في من ناصر..

ناصر چدع وعمره ما يأ.ذي حرمه و حديته عن خيتك من ورا جلبه صدجيني اكيد كان رايد يخو.فك عشان لو تعرفي حاچه عنيها تجولي و يجدر يعرف منيها الحجيجه. المهم دلوك يا بتي بكفياكي اللي حوصل و كفياكي الحز.ن اللي چواكي صدجيني بأذن الله خيتك هترچع سليمه وهيطمن جلبك عليها.

عاليا....يارب يارب عندي امل في ربنا كبير.

فكريه...طول ما عندك أمل ربنا هيچبر بخاطرك ومهيوچعكيش فيها واصل.

عاليا...بابتسامه بجد شكرا يمكن لما جيت هنا اول يوم و سمعت من الباب اللي فوق صوت استاذ ناصر وصوت حضرتك عالي ودفاعك عني بس لما شوفتك كنت خا.يفه جدا وقلقانه كنت بقول ان موقفك من ناحيتي في دفاعك عني هو خو.ف علي استاذ ناصر لكن اكيد حضرتك مضايقه مني زيه بالظبط لكن بجد حضرتك طلعتي طيبه جدا

فكريه....الله يخليكي يا بتي اني كمان من وجت ما شوفتك جلبي إنفتحلك والله وحبيتك جوي يمكن مافيش حد ممكن يعوض مكان علي بس كأن ربنا بعتك وسطنا عشان تخففي علينا الو.چع أو نتجاسموا فيه.

عاليا....ربنا يخلي حضرتك ويديكي طوله العمر.

فكريه...ما بلاش حضرتك ديه

عاليا...طيب اقول ايه.

فكريه....جولي ياستي كيف ما ناصر وسيف وعلي الله يرحمه بيجولوا اني في مجام ستك.

عاليا...بأبتسامه طيب اولا ده شرف ليا ثانيا خليها تيته احلي مش هعرف اقول ستي.

فكريه...بأبتسامه حنونه جولي اي حاچه كله طالع من خاشمك زين يا بتي.

بقلم اميره اسامه 

عاليا...واضح ان استاذ علي كان حد طيب اوي.

فكريه....بحز. ن جوي جوي علي كان طيب ومحترم وجلبه كيف العيال الصغيره كان واخد حنيه ابوه الله يرحمه وچده ماهبحبش يزعل حد واصل ولو شاف عيل صغير بيعيط عيونه تدمع لسانه كان زين مع الكل لا عمره غلط في حد ولا ضايج حد كان يحب شغله جوي حياته كلها كانت شغل وصلاه ومساعده للناس وبس كان خفيف علي جلب أي حد يعرفه كان نفسي افرح بيه واشوفه عريس لما كنت احوله هفرح بيك ميته يا علي يجولي لسه ياستي ربنا ما آرادش ربنا أكيد شايلي بت الحلال عنديه كان جلبه حاسس يا ضنايا وكان واثج في ربنا انه شايله الخير يمكن اللي حوصوله عفش اوي بس ربك ليه حكمه فيه ربنا يچعل كل وجت عدي عليه صعب في ميزان حسناته.

عاليا...بحز.ن يارب.

فكريه....هو وسيف تجريبا من عمر بعض افتكر ناصر اكبر منيهم بأربع خمس سنين إكده سيف زمان امه وابوه ويجع عليهم البيت فاكره يومها كان عنديه اربع سنين كان هيلعب بره في الچنينه مع علي وناصر وامه كانت عند أهلها بتزور امها عشان تعبانه شويه وولدي راح معاها سيف مرضيش يسيب علي وفضل يعيط عشان يلعب معاه هملوه وراحوا هما يومها سمعنا صو.ات وصوت عالي وناس بتچري ولجينا الغفر داخلين چري يبلغونا أن الدوار بتاع أهل سميره وجع جلبي وجتها ويجع وچرينا علي هناك كانت الاسعاف موچوده والناس ملمومه كتير بجيت اصو.ت بعلو حسي وانادي علي ولدي وعلي سميره وجتها كان مصطفي ابو ناصر وعلي عايش وعبد الرحيم چوزي كان وجتها هو عمده البلد كانوا كيف المچا.نين بعد وجت طويل طلعوا كل اللي كان في الدوار سميره ام سيف وسته وچده و أخواله 

و ولدي كلهم ماتوا اليوم ده كنه كيف إنهارده البلد كلاتها باتت متنكده و مجهورين عبد الرحيم وجتها تعب چامد حز.ين علي فراج ولده الصغير يوم عن يوم بجي يتعب اصله كان مريض ربو وكان عنديه الجلب وجلبه متحملش مات بعديه بسبوعين والحز.ن بجي أكبر مصطفي ابو ناصر بجي العمده بعد ابوه الناس كانت بتحبه وهما اللي اختاروه وسيف اتربي في وسطينا خديجه مرت ابني مصطفي كانت بتربيه مع ناصر وعلي وكانت بتعامله كنه ولدها واكتر وعدت سنين وسيف بيكبر وسطينا وماتت خديچه كان وجتها ناصر في اولي ثانوي تجريباً وبعدها فضل معاهم مصطفي واني نربي فيهم ناصر اتخرچ من الچامعه في مصر كان معاه سيف وعلي هما كمان بيدرسوا هناك مصطفي تعب شيعت لناصر يچي يجف جار ابوه بس كان مصطفي التعب شد عليه ومات كيف ما مات عبد الرحيم بسبب الجلب وناصر كمل المسيره شال اله.م اكتر كان ديما هو اللي هيخلي باله علي سيف وعلي في مصر وديما سيف وعلي هما اهم حاچه عنديه وبعد موت ابوه بجي هو بالنسبالهم الاب جبل ما يكون الاخ عشان إكده فراج علي و.چعه كيف ما و.چعني كل ما افتكر اجول يارب يعني اني اعيش كل ده وأدفن بيدي كل الغاليين طيب ليه ماخدنيش وساب علي اللي لساته في عز شبابه وأرچع اجول اكيد ربنا ليه حكمه وأستغفر 

عاليا...ربنا يديكي طوله العمر اكيد هما محتاجينك معاهم.

فكريه....سيف يمكن و.چعه كيف و.چع ناصر عشان هو كان اجرب حد ليه لما ناصر چه إهنه وبجي عمده بعد ابوه فضلوا هما التنين مع بعض حتي شغلهم كان في مصر عشان إكده جطع بيه وكس.ره وناصر و.چعه اني حاسه بيه ربي وكبر وچلع وفالأخر راح من بين يده وياريته مات موتت ربنا ده إنجتل عشان إكده هو هيتچنن يابتي صدجيني ماهدافعش عنه بس اني حاسه باللي في جلبه والله.

عاليا...وانا مصدقاكي يمكن اللي ضايقني او زعلني هو طريقته معايا اللي خو.فتني لكن انا عذراه لان الو.جع اللي هو حس بيه انا حسيت بيه وزياده انا كنت عايشه وسط عيلتي في حلم جميل وفجأه صحيت علي كا.بوس لحد الوقت بتمني اصحي منه لكن مش عارفه..

بصت عاليا بتوهان وحز.ن لايدها المتشبكه في بعض.

عاليا....ماما الله يرحمها بعد ماماتت عيشنا مع خالتوا هدي انا وريم لان قبل ما ماما تتوفي  انفصلت عن بابا وبعدها بابا اختفي وبعد فتره عرفنا انه اتجوز وسافر لبلد عربيه مع مراته في الاول كان بيسأل علينا وبعد وفاه ماما كان بردو بيسأل اه كان بيسأل كل فين وفين بس عالاقل كان بيسأل ويتكلم بس بعد وفاه ماما شويه شويه سؤاله خف بقي علي فترات وبعدها بقي كل شهور بحجه شغله وبعدها اتقطع السؤال كنت انا بسأل عليه وبعدها بفتره تليفون اتغير ولما كنت اتصل يقولي الرقم غلط في الاول كنت تعبانه جدا ومش ببطل عياط لانه مهما كان ابويا بس واضح ان الوقت لما بيعدي الشعور من جواكي غص.ب عنك بيتغير بقيت عادي من كتر ما كنت بديله اعذار ومن كتر ما كنت بتوقع انه ممكن يكون فيه حاجه بقيت عادي معرفش عايش ولا ميت عندي اخوات من مراته التانيه ولا لأ.

وكملنا انا وريم مع خالتوا وجوزها وضحي الله يرحمها لحد ما جوز خالتوا هو كمان اتوفي خالتوا هدي تعبت عشانا اوي كانت بتحاول توفرلنا كل حاجه قدرت تخلينا نحب بعض اوي قدرت تخلينا نخاف علي بعض قدرت تخلينا نكون حنينين علي بعض والاهم انها قدرت تخلينا اخوات بجد بما اني الكبيره كنت انا اقرب واحده ليها كنت ديما اسهر معاها بليل وتقعد تحكيلي عن ايام زمان وعن ذكراتها مع جوزها ومع ماما و.تحكيلي عن بيتهم القديم كانت بالنسبالي اكتر بكتير من انها خالتي كانت امي واختي وصاحبتي كانت بتخا.ف علينا جدا ومترتاحش وتدخل من البلكونه غير لما نكون احنا التلاته معاها في الشقه تقولي الولاد تربيتهم اسهل من البنات.

اضحك واقولها ازاي بس يا خالتوا دول البنات احلي.

تقولي البنت حمل تقيل ما بيخفش غير لما تروح بيت جوزها وقتها تحسي انك كان عندك رساله

طويله وحملها كبير وقدرتي تخلصيها علي خير وتشمي نفسك وانا مش هشم نفسي وارتاح غير لما اشوفكم انتوا التلاته في بيوتكم وقتها بس هفرح باللي عملته طول حياتي معاكم وهرتاح وقلبي هيطمن وعقلي هيبطل تفكير وخو.ف من اللي جاي طول عمرها بتخا.ف من تربيه البنات رغم انها ربتنا تربيه سليمه والكل كان بيحلف بيها لما كانت تسمع اي خبر مش حلو عن بنت سواء خط.ف إغتصا.اب  كانت تتر.عب وتفضل بالايام رافضه تخلينا نروح اي مكان غير رجلها علي رجلينا

عشان كده مقدرتش تستحمل اللي حصل لضحي قلبها مقدرش يكمل لما شافت بنتها مقت.وله ومغتص.به 

استسلمت وسابتني انا وريم🥺

فكريه...بحز.ن الله يرحمها ويغفرلها ويچعل تعبها وو.چع جلبها في ميزان حسناتها صدجيني يابتي هي في الچنه اللي تربي يتامي وخصوصا ولايه وتعمل كل حاچه عشان تجدر توصلهم لبر الامان اچرها عند ربها كبير ما بالك بجي بتها تتحرم منيها وتشوفها في الحاله دي 

عاليا...ربنا يرحمها يارب ويظهر حق ضحي عشان يرتاحوا في تربتهم.

فكريه....امين يارب و يطمنا عالغايبه .

عاليا....يارب يارب.

فضلت عاليا تتكلم هي وفكريه كتير اوي من بعد الفطار وهما بيتكلموا شويه يحز.نوا ويدمعوا علي اللي حصل وشويه وتحكيلها فكريه عن البلد وتاخد عاليا معاها في رحله من الذكريات الجميله والجديده عليها. حست عاليا ان قلبها اتفتح بجد لفكريه وكأن ربنا عوضها بيها عن هدي.

عدي الوقت بيهم ودي كانت اطول فتره تقعدها عاليا جوه البيت الكبير لاهي حابه ترجع المضيفه وتسيب فكريه ولا فكريه راضيه تسيبها.

.............بقلم اميره اسامه 

في القاهره.

الساعه 11رجع سيف من مكتب الصرافه بعد مانزل بعد الفطار 

كان ناصر نايم في مكانه عالكنبه 

سيف....انت لسه نايم يا ناصر من وقت ما سبتك..قرب منه.

سيف...ناصر ناصر.

ناصر...انت چيت.

سيف... ايه انت لسه نايم من بعد الفطار.

ناصر....اه مش جادر اجوم ومفيش حاچه ورايا.

سيف...طيب ايه مجوعتش انا جايبلك سحور معايا.

ناصر....اني عايز أشرب جهوه عشان افوج دماغي هتنف. جر.

سيف....بس كده عيني هروح بس اغير هدومي وارجع اعمل فنجان قهوه وهجهز السحور كمان.

ناصر...ماشي و اني هكلم ستك اطمن عليها .

سيف....تمام سلم عليها.

ناصر...يوصل.

اتصل ناصر علي فكريه كانوا لسه بيرغوا مع بعض.

فكريه...بأبتسامه ده ناصر.

بصتلها عاليا بأبتسامه بسيطه وهي بتلعب في شعرها وسكتت.

فكريه....الووو ايوه ياحبيبي.

ناصر...كيفك يا غاليه.

فكريه....بخير عشان سمعت صوتك.

ناصر....معلهش يا غاليه مجدرتش أكلمك طول اليوم كان ورايا حچات كتير وچيت نمت لسه سيف چاي من بره مصحيني.

فكريه....عارفه يا ولدي ربنا يكون في عونك في أي أخبار عن الجضيه.

ناصر...بتنهيده لسه يا ستي بس إن شاء الله خير اطمني المهم طمنيني عليكي انتي بخير.

فكريه...الحمد لله سيف طيب؟

ناصر...إيوه الحمد لله اطمني علينا أتسحرتي ولا لسه؟

فكريه....لاه لسه ياولدي متسحرناشي.

ناصر...ليه بس ياستي الساعه 11 ونص مش بعاده يعني.

فكريه...بأبتسامه بصت لعاليا اصل اني وعاليا جاعدين من بدري نتحدت والحديت خدنا ونسينا روحنا بس هنتسحر الوجت.

معلقش ناصر علي الكلام...ماشي يا حبيبتي طيب يلا اتسحري اني وسيف هنتسحروا الوجت بردك 

فكريه....طيب يا حبيبي جولي هتاچي ميته؟

ناصر....ممكن بكرا هعمل كام مشوار إكده و هفطر مع سيف وهرچع طوالي.

فكريه....كنت خليك في النور احسن يا ولدي بدل ما تاچي في العتمه إكده.

ناصر....انتي عارفه ما هجدرش اسوج في الصيام مع الحر ده خليني أمشي بعد الفطور أحسن عالأجل أفطر مع سيف وإن شاء الله هاكون في البلد جبل الفچر.

فكريه....إن شاء الله المهم خلي بالك من روحك وسوج براحه يا ناصر.

ناصر....ماشي يا حبيبتي معيزاش حاچه من مصر..

فكريه...عيزاك طيب يا ولدي بجولك يا ناصر صوح

ناصر...جولي ياستي .

فكريه....النور إنهارده بيجطع كتير جوي لما تاچي أبجي شوف أيه الحكايه لو في سلك ولا حاچه عايز يتغير

ناصر....ماشي يا حبيبتي ارچع بس وهشوف الحكايه دي.

فكريه...تاچي بالسلامه يارب

ناصر...تسلمي يا حبيبتي يلا مع السلامه.

في الوقت ده نطقت اخيراً عاليا.

عاليا...ممكن اكلمه؟

فكريه...أيوه...ناصر أستني.

ناصر...ايوه يا ستي معاكي.

فكريه....عاليا رايده تتحدت معاك.

ناصر....بهدوء ماشي ياستي هاتيها.

فكريه....امسكي يابتي واني هروح اجول للبنات چوه يحضروا السحور علي ما تخلصي.

هزت عاليا راسها بهدوء وفضلت باصه علي فكريه وهي ماشيه بالكرسي المتحرك بتاعها.

اما عاليا فا ملامح الغض.ب بسرعه أترسمت علي وشها😡

عاليا...احمم ألوووو

ناصر....كيفك يا انسه عاليا.

عاليا....الحمد لله😡

ناصر...خير في حاچه؟

عاليا...بغض.ب وصوت عالي نسبياً ايوه في😡 في اني طلبت منك اجي معاك وانت حكمت رأيك ومرضتش قولتلك اني هروح عشان وكيل النيابه ميشكش في أختفائي بردو قولت لأ واللي انا عملت حسابه لقيته وكيل النيابه كلمني لما بعتلي حد يستدعيني و ملاقانيش وعرف من جارتي اني مسافره وبدور علي ريم وكان عايزني اروح عشان في كاڤر وضهر موبايل كان موجود في العربيه وكان حابب اتعرف عليه وقوله بتاع مين😡

ناصر...ببرود إيوه ما اني عارف جالي وجالي كمان انه كلمك لساتك فاكره تبلغيني.

عاليا....انت كمان بتعتب عليا😡

هو انا هقولك ازاي اصلا وبعدين اللي احنا فيه ده كله بسبب مين مش بسببك.

سكت ناصر ومردش.

عاليا....بغض.ب وراحه في الكلام والصوت العالي لانها ضامنه انه مش قدامها .انت مش بترد ليه عشان غلطان صح؟

ناصر....بهدوء وصوت واضح عليه النوم لسه....لساتك صوتك عالي؟ هو مش اني جولتلك ماهحبش الصوت العالي.

عاليا...بأرتباك لكن حاولت تفضل علي موقفها😡 هو ده كل اللي همك صوتي العالي ومش مهم اللي بقوله.

بعد ناصر التليفون عن ودنه بإنز.عاج.

عاليا....انت مش بترد ليه؟😡

ناصر....أرد كيف وانتي صوتك كيف الچرس في ودني بجولك ايه اني لسه صاحي ومصدع ممستحملش صوتك ده تعرفي اني لو جدامك الوجت كنت عرفت أسكتك صوح بس حظك اني مش عندك.

عاليا....انت بتهد.دني كمان 😡 وبعدين انت ليك نفس تنام😡

ناصر....بصوت حاد نسبياً بجولك ايه😡

عاليا.....حست عاليا بخو.ف رجعلها تاني من نبره صوته 

ناصر.....انتي جولتي اللي عندك واني جولتلك اني عارفه ووكيل النيابه جالي انك رديتي علي سؤاله وخلصنا يبجي في ايه عاد🤨

عاليا....مفيش حاجه وانا غلطانه اني قولتلك اصلا😡

ناصر...علي أساس انك جولتي جبل ما اعرف اني ؟

عاليا....ما انا....

قاطعها ناصر....اسمعي اني مش فاضي لحديتك الماسخ ده ورايا الف حاچه أهم ولما أچي بكرا هعرفك كيف ترفعي صوتك مره تانيه.

عاليا بغض.ب وكأنها أفتكرت كلام فكريه انها ضعيفه ولازم تقوي علي نفسها و متخا.فش. 

انا كلامي ماسخ 😡 طيب اسمع بقي عشان انا اللي عندي حجات اهم منك انا مش بخا.ف منك ومن اللحظه دي اياك تفكر تكلمني كده تاني وتهد.يدك ليا عمال علي بطال ده تبله وتشرب مايته انت فاهم😡 وصوتي ده ارفعه اوطيه انا حره مالكش دعوه انت فاهم.

ناصر...😳😳😳 انتي بتتحدتي إكده معاي أني؟

عاليا...اه معاك ومع اي حد انت فاهم ويلا سلام عشان مش فضيالك😡

قفلت عاليا وهي غضبا.نه من طريقته اما ناصر فا فضل باصص للتليفون بذهول😳

اول مره في حياته حد يتكلم معاه كده والأهم ان أستغرب عاليا من اول ما شافها وهو قدر يفهم شخصيتها وعارف هي قد ايه خو.افه.

سيف....بقلق في حاجه ولا ايه يا ناصر ستك كويسه.

ناصر...هااا.

سيف...في ايه يا ناصر مالك.

ناصر...لا لا ابدا فين الجهوه🤨

سيف....اهي امسك يلا علي ما تشربها السحور يكون جاهز المهم طمني ستك بخير.

ناصر...ايوه الحمد لله.

..............

أتسحرت عاليا وفكريه وكانت مبسوطه انها لاول مره تقف قدام اي حد هي في العادي مسالمه جدا وعمر ما حد ضايقها ابدا إلا ناصر واللي مكانتش تقدر تقف تنطق من خو.فها قدامه ولأنها معندهاش فنون للرد لكن فكريه من غير ما تقصد صحت فيها الروح الشر.سه.

فكريه.....كلي يابتي من الموز ده ده من ارضنا .

عاليا...لا انا مش قادره خلاص وبعدين انا عندي حساسيه مش هقدر.

فكريه...حساسيه ايه بس ده مهواش مرشوش يعني طبيعي دوجي بس واحد .

خدته منها عاليا عشان متكسفهاش .

وبعد وقت بسيط راحت علي المضيفه صلت شويه وقرأت في المصحف وبعدين نامت.

.................

تاني يوم الوقت كان بيجري بسرعه فطر ناصر وسيف مع بعض وفضل معاه لحد بعد العشاء وبعد ما جهز نفسه ودع سيف ومشي.

اما عند عاليا وفكريه فطروا مع بعض وكان اليوم مختلف عشان عاليا دخلتلها قبل الفطار بشويه من نفسها فكريه كانت مبسوطه اوي. 

فكريه....كلي يابتي فاكهه وشك دبلان جوي ومهتاكليش زين.

عاليا...مباكلش ايه بس انا تقريبا من وقت ما جيت هنا وانا مبعملش حاجه غير اني باكل.

فكريه...بألف هنا أمسكي من يدي متكسفنيش.

عاليا...مقدرش والله بس مشكلتي اني عندي حساسيه من الموز والفراوله والمشمش والشكولاته بتعب جدا بعد ما اكلهم فا بطلت.

فكريه...مفيش حاچه اسمها إكده يمكن بتبجي صدفه انتي مش كلتي امبارح حوصل حاچه.

عاليا...بأبتسامه بصراحه لأ.

فكريه...مش جولتلك ان الفاكهه اهنه طبيعيه ومهياش مرشوشه عشان إكده ماهتعملش حاچه كلي كلي.

فضلت عاليا قاعده مع فكريه وكل ما فكريه تفتكر الفاكهه تأكلها وعاليا مش قادره تحرجها لحد ما دخلت علي المضيفه بعد السحور 

والساعه اتنين كان لسه ناصر موصلش.

قلقت عاليا من النوم وهي تعبانه جدا الجو حر بطريقه لا تطاق وجسمها كله في و.جع رهيب قامت فتحت النور وبصت علي جسمها أتصدمت😳

كل حته فيه عامله بقع حمراء وكأن الاحمرار فرش في كل جسمها و وشها. والحساسيه ظهرت عليها فضلت عاليا تحك في جسمها بأي حاجه تقابله مكانتش مستحمله وبسبب الاحتكاك ده حصلها زي فوران في الد.م وجسمها بقي في حاله هيا.ج غير طبيعيه دخلت بسرعه تاخد دش بارد يمكن يهدي الفوران ده شويه لكن مكانش في اي فايده بدأت تعيط من الو.جع و الفوران اللي حاصل في جسمها مع الحر و المروحه مش عاملالها حاجه.

ومش معاها اي دهان من بتاع الحساسيه تدهنه.

لكن أفتكرت حاجه مهمه.

فلاش باك...

هدي....اقول عليكم ايه البت مموته نفسها من العياط.

ريم...بضحك طيب واحنا مالنا يا خالتو ماهي اللي طفسه وكلت الشيكولاته يعني نقولها لا متاخديش😂😂

هدي...ايوه قولولها لأ او متاكلوش اي حاجه بتتعبها قدامها 

عاليا...بدموع والنبي يا خالتو هموت من الو.جع😭

ضحي....بضحك بس بقي ياريم متضحكنيش شكل جسمها فظيع وشكلها تعبان بجد

هدي...وهي بتضر.بها لسه واخده بالك من جسمها ومن تعبها🤨

ضحي....طب اعمل ايه طيب😂

بقولك ايه هنزل اشوفلها حاجه في اي صيدليه.

هدي...تروحي فين الوقت متأخر الساعه 3 انا هتصرف.

ريم....هتعمليلها تركيبه ولا ايه😂😂😂

ضحي...😂😂😂🤭🤭

هدي....لا يا ظريفه انتي وهي هعملها مايه بنشا.

ضحي...مايه بنشا ابه بس يا ماما هي مهلبيه😂😂😂

عاليا...مشيهم من قدامي😭

هدي...امشي يابت انتي وهي علي اوضتكم امشي يا جاهله منك ليه المايه بالنشا هتهدي جسمها وتسحب الو.جع لحد الصبح ما يطلع هجيبلها حاجه من الصيدليه.

بااااااك

.......

فاقت عاليا علي الحل البديل اللي كانت خالتها بتلجأله وهي مضطره.

عاليا...نشا هي النشا فضلت تحك في جسمها وهي مش طايقه لبسها  فستان بيتي قصير من القطن لونه عسلي ماشي مع لون عينها وشعرها.

عاليا...بدموع اجيب منين نشا هنا😭 فضلت راحه جايه وخلاص حست انها فقدت السيطره علي نفسها وبقت تحك في جسمها بهيستريا مش عارفه تعمل ايه المضيفه مفيهاش مطبخ مفيش غير تلاجه صغيره فيها مايه وفيها فاكهه ولبن وبس.

حست عاليا انها مش هتقدر تتحمل الو.جع للصبح ولا هتعرف تنام طول ما الفوران ده عندها ومفيش حل غير انها تروح البيت الكبير تشوف نشا لكن واضح الكل نام والباب اتقفل الدنيا كانت مقفله في وشها. ملاقنش غير حل واحد تفتح الباب الفاصل بينها وبين البيت الكبير وتتسحب بهدوء تدخل المطبخ تشوف النشا بنفسها ويحصل اللي يحصل.

مسكت طرحه كبيره شبه الشال بتصلي بيها ديماً حطتها عليها مقدرتش تلبس خصوصا انها مطمنه مفيش في البيت الكبير غير فكريه و الشغالين يعني كلهم ستات فتحت الباب بهدوء كانت بتدعي تلاقي فكريه او حد من الشغالين عشان يساعدوها أفضل ما تدخل و متلاقيش حد ويشوفوها وهي بتدور في المطبخ ومنظرها يبقي وحش لكن بمجرد ما فتحت الباب وخرجت عالبيت الكبير الجو كان هادي جدا وواضح ان فكريه نايمه والاتنين الشغالين نايمين في اوضتهم.

خرجت بهدوء وفضلت تتسحب براحه لحد ما دخلت المطبخ 

كان المطبخ واسع وكبير ومليان درف كانت واقفه تايهه مش عارفه تدور فين والاهم هتلاقي نشا ولا لأ فضلت تفتح درفه درفه بسرعه و بهيستريا من كتر الو.جع وكمان قبل ما حد يحس بيها ويبقي شكلها وحش.

وفجأه النور قطع تاني أتفز.عت عاليا وبقت تبص حواليها بسرعه مش شايفه غير سواد وبس حواليها وهي اكتر حاجه بتكر.هها وبتر.عبها الضلمه بمجرد ما النور أتطفي صر.خت لكن كتمت نفسها بسرعه عشان محدش يسمع 

فضلت تاخد نفسها بسرعه وتحاول تمسك بأيدها في المطبخ نسيت تعب جسمها ونسيت كل حاجه في الوقت ده ومكانش في قدام عينها غير من منظر ضحي وهي في تلاجه الموتي بدأ جسمها يتنفض والر.عب يسيطر عليها وبقت تترعش بهيستريا

صوت صرختها تزامن مع وصول ناصر وفتحه للباب لكن هي مكانتش مركزه الباب بعيد وكل اللي مسيطر عليها الخو.ف وبس

دخل ناصر بهدوء وهو بيركز مع الصوت والخبط البسيط اللي سامعه والصوت اللي صر.خ واتكتم نور كشاف موبايله وراح بإتجاه الصوت في المطبخ وقبل ما يقرب خبي النور شويه بايده وبص براحه كان فاكره حرامي 

وفجأه وهي عاليا بتمشي بجمبها خبطت في ناصر واول ما حست انها لمست حد صر.خت.

ناصر....متخا.فيش اني ناصر.

اول ما سمعت ناصر مسكت في صدره بر.عب وهي بتعيط

ناصر....أتلبش ناصر اول ما مسكت فيه لكن كانت مرعو.به بطريقه تثير فضوله اهدي متخا.فيش 

فضلت تعيط من الخو.ف والاحراج والتعب لكن كل ده مكانش هاممها المهم انها مش لوحدها.

ناصر...جولتلك أهدي متخا.فيش اني معاكي النور بتاع الكشاف ظهرها ليه اكتر الطرحه وقعت من علي كتفها في الارض مكانتش لقياها في الضلمه وفجأه بقت في حضنه بفستانها🙈 فضلت ماسكه فيه و مخبيه راسها في حضنه وبتعيط ومن غير أي شعور مسك ناصر راسها بأيده ضمها ليه أكتر عشان تهدي.

ناصر....متخا.فيش ليه البكي ده كله.

عاليا....بدموع انا خا.يفه ممكن متسبنيش 🥺

ناصر...ماهسبكيش بس خا.يفه من ايه الوجت النور يچي وبعدين انتي مش لوحدك الغفر بره والبيت فيه ستي والشغالين.

شال ناصر ايده من عليها ومسك كتفها يبعدها من صدره بهدوء بعدت راسها بإحراج لكن فضلت ماسكه فيه.

ناصر....جولتلك متخا.فيش مالك كيف العيال الصغيره إكده.

عاليا...بدموع النور قطع فجأه وشوفت  منظر ضحي وهي ميته🥺

ناصر....أهدي وصلي عالنبي مفيش حاچه اني چنبك وبعدين فين تلافونك چيتي ليه من غيره طيب 

عاليا...مانا لما جيت النور مكانش قاطع وقطع فجأه.

ناصر....يعني انتي مخرچتيش لما النور جطع طيب چيتي ليه في حاچه.

سكتت عاليا وحست انها عكت الدنيا وأتحرجت🙈

ناصر...بصلها بترقب وهو بيضيق عينه رفع وشها بأيده وبصلها بعينه بصت عاليا لتحت وهي نفسها الارض تتشق وتبلعها.

ناصر...انطجي كنتي رايحه فين

عاليا....انت تقصد ايه؟

ناصر....اني بسألك

عاليا...بدموع والله مكنتش ههرب 

ناصر....امال كنتي هتعملي ايه عاد؟

سكتت عاليا ودموعها نازله.

ناصر...وه ما بكفياكي بكي وردي عليا عاد😡😡

عاليا...بدموع ممكن متعليش صوتك من فضلك عشان محدش يصحي ويشوفنا كده.

بصلها ناصر بغض.ب وفجأه مسك ايدها ومشي وهو ساحبها وراه وهي ماسكه في ايده جامد وساكته دموعها بس اللي نازله دخل بيها علي الباب اللي بيودي للمضيفه وقفل وراه ورجع بصلها.

ناصر...إكده بجينا لوحدنا جولي بجي كنتي رايحه فين.

عاليا بدموع انا كنت تعبانه حاولت أستحمل بس مقدرتش والباب الكبير مقفول دخلت من الباب ده وفجأه النور قطع وانت جيت وبعدين انا لو ههرب ايه اللي هيخليني ادخل البيت ما كنت ههرب من الباب بتاع المضيفه عادي.

ناصر...لاهو انتي فاكره أنك تجدري تهربي من الغفر اللي عالباب عاد😡

عاليا...طيب قول لنفسك واقف تتهمني ليه وبعدين انا قولتلك انا لو عايزه امشي همشي ومفيش حاجه هتمنعني انا جيت معاك برضايا.

بصلها ناصر وحس ان كلامها منطقي...جولتي انك تعبانه مالك؟

عاليا...بدموع انا عندي حساسيه في جسمي و مش معايا الدهان بتاعي و خالتوا كانت ديما لما ميبقاش في دهان تحطلي نشا وهنا مفيش فا دخلت اشوف في المطبخ🥺🥺 

ناصر....بسخريه حساسيه كيف يعني ومن ايه وليه مصحتيش ستي ولا حد من الشغالين.

عاليا...انا كنت محروجه ولولا اني تعبانه اوي مكنتش عملت كده ولا دخلت جوه اصلا وانا قولت لجدتك اني بتعب من الموز والمشمش وهي صممت تأكلني وانا مرضتش احرجها بس تعبت🥺

فجأه النور جه وظهرت عاليا قدامه بفستانها القصير وبجسمها 

مكانتش عاليا مركزه اصلا هي واقفه بأيه وهو شايفها ازاي طرحتها وقعت وخو.فها وتعبها خلوها مش مركزه

بمجرد ما شافها ناصر بمنظرها ده بلم حست عاليا وقتها بالمنظر اللي هي واقفه بيه

لكن بسرعه ناصر تجاهل منظرها واتصد.م من شكل جسمها اللي كله طفح جلدي باللون الاحمر وفجأه نسي اللهجه الصعيدي 

ناصر...ايه ده ايه اللي في جسمك ده 😳

بصتله عاليا وحست انه اتلبس تاني واتحول.

ناصر....انتي لازم تروحي لدكتور 

عاليا....انا محتاجه بس النشا لحد الصبح.

قرب منها ناصر وهو باصص علي جسمها كانت حاسه عاليا ان قلبها هيقف من كتر ما هي مكسوفه منه فضل ناصر يلف ويبص علي اجزاء جسمها اللي باينه وضهرها وكتفها اللي مش بايين 

ناصر....لما انتي عارفه ان جسمك بيتعب كده كلتي ليه.

عاليا....هي مصدقتنيش 😞وانا مقدرتش اكسفها.

ناصر...تقومي تاكلي وتتعبي بالشكل ده وبعدين انتي ازاي تمشي بمنظرك ده 😡

عاليا...بأحراج حضنت جسمها بأيدها وبصت في الارض انا كان معايا طرحه كنت حطاها عليا بس لما النور قطع وقعت مني 😞ومكنتش عارفه انك هتيجي

ناصر....خليكي هنا هروح اشوفلك النشا بسرعه وهجبلك الطرحه لحد ما الصبح يطلع وهاخدك عالدكتور ومره تانيه قبل ما تخرجي من اوضتك تكوني لابسه مفهوم.

هزت عاليا راسها من غير ما تبصله وفضلت واقفه متسمره في مكانها.

خرج ناصر بسرعه عالمطبخ فضل 

يدور هو كمان مش عارف مكان الحاجه اول مره يدخل المطبخ وميعرفش شايلين النشا فين لقي علبتين فيهم حاجه لونهم ابيض مقدرش يميز النشا فيهم خدهم الاتنين وخد طرحتها اللي واقعه عالارض وراح من تاني فتح الباب من غير ما يخبط لقاها لسه واقفه مكانها.

ناصر....انا لقيت دول مش عارف انهي واحد فيهم النشا.

مسكت عاليا منه العلبتين فتحت اول واحده كان دقيق.

عاليا...ده دقيق🥺

ناصر....شوفي التاني كده.

فتحته عاليا ومن ملمسه عرفت انه نشا.

عاليا...هو ده.

ناصر....طيب هتعمليها ازاي 

عاليا....هحطها في مايه بسيطه وادهنها علي جسمي شويه.

دخل ناصر علي الحمام لقي طبق بلاستيك صغير حط فيه شويه مايه ورجعلها مسك من ايدها النشا وحط منها علي المايه وفضل يدوبها بأيده وبصلها.

ناصر....كده صح.

عاليا....ايوه صح 

ومن غير اي مقدمات حط ناصر ايده في النشا ولف عاليا من كتفها

وقرب ايده من ضهرها 

جحظت عين  عاليا بإحراج 😳 وفجأه بعدت ولفت تاني بصتله

عاليا....بتعمل ايه انا هعمل لنفسي.

ناصر... رجع تاني لطريقته هكون بعمل ايه عاد چسمك لازم يهدي وبعدين انتي حرارتك عاليا 

عاليا...لا لا انا انا هعمل لنفسي🥺

ناصر....بهدوء مهتعرفيش تحطي في ضهرك انتي ضهرك بايظ خالص هحطلك في ضهرك وانتي كملي.

عاليا....لا شكرا انا هحط لنفسي من فضلك🥺 هعرف والله وممكن كمان تتفضل حضرتك شكرا عشان جبتلي النشا.

بصلها ناصر بغض.ب😡 وفجأه لف ضهرها اني مهاعيدش حديتي مرتين وبدأ يحطلها علي ضهرها النشا اما عاليا فا صوتها راح تماما ومع كل لمسه منه جسمها يتنفض مش من بروده النشا علي جسمها القايد نار لكن من لمسه ايده الخشنه 🥺 حست عاليا من كتر الاحراج انها أستسلمت ومبقتش حاسه بحاجه غير انها بتتمني اللحظه دي تعدي بسرعه وانها تكون جزء من الكا.بوس اللي بتتمني تصحي منه 

اما ناصر لما حس انها استسلمت بدأ يحط علي دراعها ورقبتها وخدها اللي بايظ خالص بص علي رقبتها بمنطقه صدرها وبصلها 

ناصر....تجدري تكملي انتي.

بلعت عاليا ريقها بتوتر وإحراج خدت منه النشا وراحت علي شنطتها طلعت منه بچامه بسرعه وخرجت تاني قدامه دخلت علي الحمام. حطت في باقي جسمها و غيرت هدومها خرجت لقيته لسه واقف بصت للارض بإحراج.

ناصر...أحسن دلوك؟

عاليا...الحمد لله احسن.

ناصر...فين تلافونك؟

عاليا....في الاوضه جوه.

ناصر...هاتيه.

دخلت عاليا تجيب التليفون من غير اي اعتراض وخرجت تاني

مسك منها التليفون وسجل رقمه واتصل علي نفسه مدلها ايده بالتليفون و بصلها.

ناصر...اني سچلتلك رجمي لو حسيتي اي وجت انك تعبتي اتصلي عليا بسرعه ماشي.

عاليا....حاضر.

ناصر...دلوك نامي وأرتاحي والصبح تكوني چاهزه عشان هوديكي للدكتور.

عاليا...مفيش لزوم انا احسن.

ناصر...اني جولت ما هعيدش حديتي الصبح هخبط عليكي و تكوني لابسه.

هزت عاليا راسها بهدوء.

ناصر....مره تانيه حتي لو متوكده ان مفيش راچل في الدار متخرچيش كيف ما خرچتي مفهوم.

عاليا...بإحراج هزت راسها وهي عينها في الارض😞

ناصر....واه صوح عشان حالتك اللي انتي فيها هنأچلوا حديت في صوتك العالي وحديتك اللي جولتيه أنك مهتخا.فيش مني 🤨

تصبحي علي خير.

وقبل ما يخرج..

عاليا...استاذ ناصر.

وقف ناصر و بصلها... نعم

عاليا....شكراً😔

ناصر....العفو بصلها ثواني وخرج علي طول من المضيفه راح علي اوضته.

وبمجرد ما خرج حطت عاليا ايدها علي قلبها وفضلت واقفه شويه تاخد في نفسها وبعدين راحت علي السرير نامت بسرعه وهي بتفتكر كل لحظه عدت عليها من اول ما دخل عليها🙈 وازاي هتوريله وشها تاني بعد اللحظات اللي عاشتها معاه من ثواني.

#سجينه_مع_وقف_التنفيذ

#صاحبه_البطل_الواحد

#أميره_اسامه

البارت الثامن..

في صباح يوم جديد صحي ناصر من نومه وبعد ما خد حمامه ولبس خرج من الاوضه ونزل علي تحت كانت فكريه صاحيه كالعاده.

ناصر....إصباح الخير يا ستي.

فكريه....إصباح الهنا يا سيد الناس حمدالله علي سلامتك.

ناصر...الله يسلمك 

فكريه...چيت ميته يا ولدي ؟

ناصر...چيت جبل الفچر مرضيتش أصحيكي.

فكريه....انت خارچ.

ناصر...اه وهاخد انسه عاليا معاي عشان الناس تتعرف عليها وأجدمها ليهم علي انها المهندسه الزراعيه الچديده وكمان هنطلع اللول علي المستوصف عشان تعبانه شويه.

فكريه...وه تعبانه كيف دي كانت زينه امبارح.

ناصر....ابدا امبارح لما چيت واني طالع كنت سامع خبط وصوت عالي في اوضتها من الباب عرفت انها لسه صاحيه و جولت لا يكون في حاچه روحت خبطت عليها وكانت تعبانه جوي الموز اللي و كلتيهولها تعبها🤨 ووشها مش باين من الحساسيه.

فكريه....بحز.ن يا حبيبتي طيب ومصحتنيش ليه.

ناصر...أتحرچت تجلجكك وطلبت مني أچيبلها نشا.

فكريه...يجطعني هي جالتلي و اني اللي غص.بت عليها .

ناصر...بحب بعد الش.ر عنك يا حبيبتي يعني انتي أيش عرفك بس انها هتتعب إكده اني هعدي أخدها ونروح اللول عالمستوصف نطمنوا عليها وبعدين هنطلعوا عالارض شويه.

فكريه....طيب واچب وديني اطمن عليها يا ولدي.

ناصر....واچب طبعا بس خلينا لما نرچع احسن عشان منعوجش.

فكريه...ماشي يا ولدي.

باس ناصر راسها ....سلام عليكم.

فكريه...ناصر.

ناصر...ايوه يا ستي.

فكريه....خد بالك عليها ياولدي وبلاش تجسي عليها ملهاش ذنب في اي حاچه صدجني البت دي غلبانه جوي.

ناصر ..بأبتسامه حاضر يا ستي متجلجيش♥️

خرج ناصر وراح علي المضيفه خبط عليها دقيقه كانت فاتحه وهي لابسه بنطلون چينس وتيشرت أسود بنص كم ولسه آثار الاحمرار علي جسمها باينه خلت منظرها جذاب اكتر.

عاليا...بإحراج صباح الخير.

ناصر....صباح الخير كيفك انهارده.

عاليا...الحمد لله احسن انا جاهزه

ناصر....جاهزه كيف هتخرچي إكده؟

عاليا...كده ازاي مش فاهمه.

ناصر...يعني بخلجاتك دي انتي ناسيه اننا في الصعيد

عاليا...بغض.ب بصتله مش فاهمه يعني مالها ؟ وبعدين انا اصلا مش لابسه حجاب وأظن انا مش لابسه حاجه ملفته للنظر يعني 

ناصر....بحده عارف انك مش لابسه حچاب بس كل مكان وله أصوله يا انسه عاليا الناس إهنه غير ناس القاهره.

عاليا....والله ده لبسي وانا مش خارجه ببدله رقص ده تيشرت وبنطلون😡

ناصر....صوتك🤨

عاليا...اوووف بقولك ايه احنا فيها خليني قاعده احسن بجملت الحبسه لا عايزه اروح لدكتور ولا عايزه اخرج.

ناصر....جولتلك صوتك..وبعدين انتي لازم تيچي معاي عشان هنطلعوا عالأرض وهناك في رچاله كتير أيه عادي بالنسبالك يشوفوكي إكده.

عاليا....كده اللي هو ازاي مش فهماك وبعدين انت معترض علي لبسي ولا علي المكان اصل لو علي لبسي وعلي الرجاله فانا بخرج كده في القاهره عادي والناس كلها بتشوفني ولو عالمكان زي ما قولتلك احنا فيها انا مش معايا لبس غير اللبس ده.

ناصر.....بغض.ب أطلعي هاتي الطرحه اللي فوج حطيها عليكي دجيجه واحده تكوني جدامي مفهوم.

عاليا....بصد.مه 😳 انت ليه واثق ان انا هسمع كلامك اصلا و بتاع ايه اصلا بتتحكم فيا انت مالك لابسه ايه ولا مش لابسه ايه.

ناصر...بصوت عالي نسبياً جولت يلااااااا😡

اتنفضت عاليا من صوته بصتله بغض.ب وطلعت بسرعه علي فوق.

ناصر...لنفسه چرالها ايه البت دي كانت كيف الجطه المغمضه يومين سفر أرچع الاجيها لسانها طولها🤨

ثواني وكانت عاليا نزلت وحطت علي كتفها طرحه و ملامحها باين عليهم الغضب.

مشي ناصر وهي وراه راح ناصر علي البوابه الكبيره كان مرعي محضرله عربيه حنتور من الجلد متوصله بفرس أسود بلون الليل من جماله تستعجب♥️

مرعي...إصباح الخير يا ولدي

ناصر....إصباح الخير يا مرعي أسمر چاهز.

مرعي....چاهز يا ولدي 

ناصر....أفتح البوابه يا مرعي

مرعي...عينيا حاضر 

طلع ناصر علي الكرسي في الحنتور ومسك لجام الحصان "أسمر"

بص ناصر لعاليا اللي واقفه تتابع في زهول.  أركبي

عاليا....أركب ايه؟

ناصر.....أركبي الحنتور.

عاليا....لا طبعاً لنا مش هركب انا بخا.ف وبعدين هو مش حضرتك معاك عربيه.

ناصر....ايوه بس ما هينفعش اطلع  بيها عالارض متستحملش يلا أركبي.

عاليا....ايوه بس انا بخا.ف وبعدين العربيه عاليه اوي مش هعرف🥺

ناصر...هتخا.في من ايه أسمر جدام وبعدين ماهيخوفش ثم انتي في ايه معتخافيش منه؟

عاليا....برجاء مكانتش قادره تجادل معاه استاذ ناصر ارجوك بلاش الحنتور ده او بلاش انا اجي معاك خالص انا بقيت كويسه.

ناصر....يلا عشان منتأخروش الغفر هيبصوا علينا اطلعي.

عاليا....بتنهيده وخو.ف العربيه عاليه.

مدلها ناصر ايده من غير ولا كلمه.

بصتله عاليا بإحراج فضل ناصر باصصلها في صمت ومن غير أي أعتراض مدت عاليا أيدها براحه مسكت كفه الكبير بكفها الصغير قبض ناصر بأيده علي كفها وشدها براحه 

طلعت عاليا جمبه كان الكرسي يادوب ياخد اتنين وبس قعدت عاليا جمبه قريبه منه جداً تكاد تكون مش باينه من حجمه و الاحراج ملازمها.

خرج ناصر من البوابه وفضل ماشي في الطريق ساكت وهي كمان ساكته وصل بيها بسرعه علي المستوصف كان في هناك دكتوره كشفت عليها وكتبتلها علي علاج وطلبت منها تبعد عن اي حاجه تسببلها الحساسيه وكتبتلها قايمه بالممنوعات في الاكل اللي بيزود الطفح الجلدي.

خرجوا من المستوصف وراح ناصر جاب العلاج من الصيدليه ورجعلها تاني.

ناصر...مدلها ايده بشنطه العلاج 

أتفضلي بعد الفطار ابجي خديه بأنتظام .

عاليا...شكراً ممكن اعرف....

ناصر...تعرفي ايه؟

عاليا...بخو.ف من رد فعله احممم اعرف حساب العلاج والكشف

رفع ناصر حاجبه بغض.ب من غير ولا كلمه🤨

عاليا...بخو.ف هو انت بتبصلي كده ليه انا قولت ايه غلط حضرتك ودتني وجبتلي العلاج كفايه جدا تعبك لكن حساب ال..

ناصر....تعرفي تجفلي خاشمك شويه ولا أجفلهولك بطريجتي؟

بصتله عاليا بصد.مه وتفكير داخلي دام ثواني بينها وبين نفسها ياتري ايه هي طريقته اكيد واحد زي ده لو ضر.بني بكف ايده هقع ميته مفيش كلام🙄

أبتسم ناصر أبتسامه نصر ورفع ايده مره واحده باللجام شده ورجع سيبه مشي فورا الحصان

فضلت عاليا علي صمتها و أختارت انها تسكت احسن ما تلقي مصرعها علي أيد ناصر🙈

بصت عالطريق براحه منظر الخضره حواليها في كل مكان الجو جميل. بقالها فتره محبوسه ومش بتشوف الشارع كانت مرتاحه وسعيده وحست انها كانت محتاجه انها تخرج.

وصل بيها الارض بتاعته كانت ارض كبيره جدا رجاله وبنات شغالين فيها كانت مبسوطه جدا اول مره تشوف ارض زراعيه

قدمها ناصر للعمال علي انها مهندسه زراعيه وقفت عاليا تبص بشغف علي طريقه شغلهم واللي لفت نظرها اكتر و عجبها غيطان العنب لمحت من بعيد بنات وستات بيلموا المحصول وبيضيعوا وقتهم بالغنا سرحت عاليا معاهم وهي مبتسمه و مستمتعه بالاغاني القديمه اللي بيغنوها ناصر كان واقف يتابع شغله لكن عينه كانت عليها.

أبتسمت عاليا ابتسامه صافيه لمجرد ماسمعت صوت جميل من بنت فيهم بتغني وهما يرددوا وراها.

 على بياعين العنب

على بياعين العنب

العنب عنبى

والجنب جنبى

وانت ياشلبى

يابتاع العنب

على بياعين العنب

على بياعين العنب

جاب لى الشبشب

يقرا ويكتب

عاود الشبشب

أنا طلبى العنب

على بياعين العنب

على بياعين العنب

جاب لى القبقاب

فى وابور ركاب

عاود القباب

أنا طلبى العنب

على بياعين العنب

على بياعين العنب

جاب لى الجزمة

ملهاش لزمة

عاود الجزمة

أنا طلبى العنب

على بياعين العنب

على بياعين العنب

أبتسمت عاليا بفرحه 

ناصر....انسه عاليا يلا عشان هنلف علي باجي الارض

هزت راسها وراحت وراه بهدوء وهي عينها عليهم.

بصلها ناصر...ايه عچبك غناهم.

فضلت عاليا باصه عليهم...صوتها حلو اوي. هما ليه بيغنوا.

ناصر....عادي عاده و أتعدوا عليها بيسلوا روحهم في الحر والشغل.

شكلك أول مره تشوفي الحچات دي.

عاليا....بصراحه اه انا تقريباً اول مره اسافر اصلا من زمان اخر مره سافرت بره القاهره اصلا روحت أسكندريه مع خالتوا وجوزها روحنا نصيف كنت وقتها صغيره لسه ودي كانت اخر مره اسافر لان بعدها جوز خالتوا اتوفي و مروحناش اي مكان تاني .

ناصر....يعني مروحتيش غير سكندريه بس.

عاليا....ايوه ريم وضحي الله يرحمها اللي سافروا كتير في كذا محافظه بسبب شغلهم يعني لكن انا دي اول مره .

ناصر....وعچبتك الصعيد بجي.

عاليا....مقدرش اقول رأيي فيها لان دي اول مره اشوفها انا من يوم ما جيت مطلعتش بره البيت بس لو عالمكان اللي احنا فيه فاهو جميل اوي.

ناصر....لو عچبك ممكن تاچي معايا كل ما تحبي..احمم اجصد يعني بصفتك مهندسه وإكده عشان متزهجيش من جعده الدار عارف انك مش متعوده علي الجعده دي.

عاليا....بسخريه قصدك الحبسه😏

عموما لو قعدتي في البيت وزهقي متحملش هم لكن لو انت محتاجني عشان شكلك ممكن اجي.

بصلها ناصر...بتفحص هو انتي ايه اللي چرالك عاد.

عاليا.....تقصد ايه؟

ناصر...اجصد ان جبل ما اسافر مكنتيش إكده كنتي مسالمه وهتنفذي اللي بجوله من غير اي اعتراض لكن لما چيت لجيت حد تاني واحده لسانها اطول منيها.

عاليا...🤨تقصد اني لساني طويل يمكن انا كنت عبي.طه الاول لكن الوقت خلاص مبقتش عبي.طه واللي مش هيعجبني هعترض عليه😡 تيته فكريه قالتلي لازم تكوني قويه ومتخا.فيش من اي حاجه ولا من اي حد حتي لو انت.

بقلم اميره اسامه 

نطقت بغبا.ء كلام مكانش ينفع تقوله لناصر بالذات وفجأه ولأول مره ضحك ناصر غص.ب عنه علي سذاجتها وقدر يعرف سبب تغييرها.

حست عاليا باللي قالته وحست بغا.بئها لكن كان فات الوقت🙈

ناصر....جولتيلي بجي تيته فكريه هي السبب😂😂😂

عاليا...بغض.ب ممكن اعرف انت بتضحك علي ايه😡

ناصر...لاه متشغليش بالك بس مجولتليش يعني انك بتعترفي من جبل اول جلم😂😂

عاليا...🥺 بقولك ايه انا معملتش كده عشان كلام تيته فكريه انا عملت كده من نفسي عشاان هي معاها حق مينفعش اكون طيبه مع اي حد خصوصا اللي زيك.

ناصر....ايوه واخد بالي بس جوليلي تجصدي ايه باللي زيي؟

عاليا....لو انك بتقولها بتريقه بس ماشي هعديها و لو علي أقصد ايه باللي زيك اقصد اللي شايفين نفسهم فوق الناس فَرحهم و حز.نهم بس اللي يفرق معاهم انما باقي الناس حاسين بأيه؟ مبسوطين موجو.عين مش مهم يتحر.قوا بجاز كلهم المهم ان اللي زيك يبقوا تمام و اخر همكم اللي زيي تظلموا عادي لكن مينفعش تكونوا مظلو.مين🥺

ناصر...بغض.ب وتأثر لكلامها مسك ايدها بغض.ب 😡 كنتي رايداني أعمل ايه وأخوي الصغير اتغد.ر بيه و واخد تسع طعنا.ت أعمل ايه و حج أخوي مربوط بظهور خيتك

أعمل ايه و اخوي تحت التراب و الجاتل بره عايش حياته عمرك چربتي إحساس العچز چربتي إحساس إنك ترچعي لكل اللي يحتاچك حجه وتيچي عند حج أغلي الناس ليكي و توجفي متكتفه و متبجيش عارفه ترچعيه

چربتي إحساس أن عينك ليل نهار متبجاش شايفه غير أخر منظر لاخوكي وهو مجتول  چربتي تنكس.ري و تنحني و جلبك يموت بالحياه...بصلها بضياع وصوت لين حز.ين💔 مكانش جدامي غيرك

عاليا...بدموع تأثر منه وغض.ب عليه انا عيشت كل اللي انت عيشته واكتر انا بقيت لوحدي انت تقدر تتحمل لانك راجل لكن انا بنت وفجأه كل اللي ليا في الدنيا راحوا فجأه🥺 انا يوم ما راحوا ملاقتش حد اترمي في حضنه واعيط💔 كل اللي حواليا كانوا اغراب وجيران ومعارف بسيطه اللي من د.مي راحوا والوحيده اللي ممكن تكون عايشه معرفش عنها حاجه كنت نفسي اكون معاها تاخدني في حضنها واخدها في حضني لكن فجأه لقيتني بحضن نفسي بنفسي🥺 قلبي اتقسم ميت حته مبقاش فيه حته سليمه عمرك شوفت حد مش عارف يحز.ن او يتو.جع علي ايه اكتر من التاني أحز.ن علي خالتوا اللي كانت ليا امي والملجأ والامان

ولا احز.ن علي بنت خالتي اللي زي اختي و صاحبه عمري  ولا احز.ن علي اختي اللي مش عارفه هي شافت ايه الفتره دي مش عارفه عايشه ولا ميته احساسها ايه خا.يفه ولا مطمنه الوقت بيمر عليها أزاي 🥺  ولا احز.ن علي نفسي عشان بمر بكل ده لوحدي ولا احز.ن عاللي انت عملته فيا💔 ولا احز.ن عشانك وكملت بدموع وو.جع متستغربش بس والله انت صعبان عليا🥺💔

فضلت عاليا بصاله ثواني وهو باصصلها وساكت رجعت بصت قدامها وهي بتاخد نفسها و بتغمض عينها بق.هر وو.جع بتصارع دموعها اللي نازله من غير رحمه

سابها ناصر تعيط وتخرج كل اللي جواها ووقف جمبها هو كمان بيصارع كم الضغط اللي جواه وبيصارع كلامها اللي و.جعه. واتهامها ليه بالظا.لم في الوقت اللي هي عذرته و شافته مظلو.م💔

عدت دقايق مرت ببطئ عليهم كل واحد فيهم كان بيحاول يستنشق اكبر قدر من الهواء يملاء به رئته يمكن يرجع جزء بسيط للحياه في داخلهم.

أحياناً يكون الصمت له قدره أعظم من الكلام في تفريغ الو.جع الداخلي فبعض الكلمات لا تشفي بل تزيد من الوجع أضعافً

لذا فا في حضره الصمت بُطل الكلام.✋

خد ناصر نفس طويل وخرج صوته هادي.

ناصر....يلا عشان نرچعوا.

هزت عاليا راسها ومشيت جمبه لحد ما راحوا علي العربيه مدلها ايده بهدوء مدت عاليا كفها ليه في صمت وطلعت قعدت في مكانها وراح ناصر علي مكانه من غير ولا كلمه.

فضلت عاليا باصه علي الناس في الارض وشارده وملامح وشها حز.ينه.

بعد مده بسيطه من الصمت اللي طال وصل ناصر قدام بوابه البيت

ناصر....أنزلي يا انسه عاليا لو ستي سألت عليا انا لسه ورايا مشوار.

بصتله عاليا وهزت راسها وقبل ما تنزل كان مسك ايدها من تاني ومد ايده التانيه بشنطه العلاج.

مشيت عاليا بخطوات عشوائيه تحت نظرات ناصر دخلت علي المضيفه وبعد ما اطمن عليها وصي مرعي ياخد باله من البيت لحد ما يرجع ومشي.

كان حاسس بخن.قه كبيره مش قادر يدخل ولا عايز يتكلم مع اي حد لقي رجله بتاخده غصب عنه علي قبر علي .

دخل وقف قدام قبره قرأ الفاتحه وفضل يدعيله شويه وبعدين قعد سند ضهره علي قبر علي جنب اسمه المحفور.

ناصر....بحز.ن تعبت يا علي مبجتش جادر يا اخوي الحمل كل يوم بيزيد والو.چع بيزيد معاه مين اللي عمل فيك إكده يا اخوي ياريتني كنت اجدر أسمعك ياريت كان ينفع أچيلك واعرف منيك طلع الوصول للحجيجه صعب جوي يا علي اني مهسيبش حجك بس خا.يف الوجت يطول وافضل أظ.لم يا خوي هي شيفاني ظا.لم حجها بس والله غص.ب عني الو.چع كبير يا علي كبير جوي يا اخوي

أتوحشتك يا حبيبي أتوحشتك ونفسي أخدك في حضني ريحتك وحشتني يا زينه الشباب 💔

وعد مني يا علي هچيب حجك حتي لو اخر نفس في عمري هخلي اللي عملها يتمني الموت الف مره جبل ما روحه تحصلك هدوجه العذ.اب اللي دوجهولك هعرفه معني الخو.ف اللي انت عيشته هخليه يطلب الموت عشان ارحمه وماهرحمهوش غير واني نا.ري اللي جايده علي فراجك مطفيه هرچعلك تاني يا اخوي بس واني چايب حجك بيدي وجتها بس هطمن ان روحك ارتاحت.

عدي وقت طويل علي ناصر وهو قاعد المغرب كانت خلاص قربت قام ركب العربيه ورجع علي البيت

فكريه.....كنت فين كل ده يا ولدي 

ناصر...ابدا يا ستي كان ورايا كام مشوار 

فكريه...طيب يلا المغرب هتآذن و الفطار چاهز فين عاليا.

ناصر....اني رچعتها و رچعت اكمل اللي ورايا اكيد مرتاحه چوه.

فكريه....طيب اطلع غير خلجاتك واني هبعت محاسن تنادم عليها 

ناصر....ماشي ياستي.

طلع ناصر و بعتت فكريه الشغاله لعاليا. وبعد وقت بسيط رجعتلها محاسن.

فكريه....ايه فين الضيفه يا محاسن.

محاسن...جولتلها يا ست فكريه بس جالتلي أعتذر منيكي وبتجولك سامحيها هي مش جادره تيچي حاسه بصداع وهتبجي تشرب لبن عالفطار مجدراش تاكل.

فكريه...وه لبن ايه عاد طيب روحي يا محاسن بسرعه أبعتيلها صنيه وكل وخليها مرتاحه انهارده وبعد الفطار هبجي اروح اطل عليها.

محاسن...حاضر يا ست فكريه.

راحت بسرعه محاسن جهزت الصنيه ورجعت خبطت علي عاليا ادتها الصنيه.

محاسن....ست فكريه بتجولك خليكي مرتاحه بس لازماً تاكلي 

عاليا...بأبتسامه شكرا 

محاسن...بألف هنا بعد أذنك.

عاليا...اتفضلي.

...................بقلم اميره اسامه 

نزل ناصر بعد شويه في نفس وقت الاذان واتفاجئ بفكريه قاعده لوحدها مستنياه.

ناصر....معلهش اتأخرت عليكي يا ستي.

فكريه...ولا يهمك يا ضنايا يلا اجعد افطر.

ناصر....فين انسه عالي؟

فكريه.....بتجول تعبانه و مرضيتش تاچي بعتلها الفطار مع محاسن.

سكت ناصر وهز راسه وبدأ ياكل في صمت لكن للحظه حس انه مضايق ومكانش عارف ايه اللي مضايقه 

ناصر...الحمد لله.

فكريه...وه انت كلت حاچه يا ولدي ده انت وكلك كيف ماهو.

ناصر....مش جادر والله ياستي شربت كتير 

فكريه...طيب خد بس دي من يدي.

ناصر...خلاص والله ياستي مش جادر الحمد لله اللهم ديمها نعمه

جوليلي صوح سيف كلمك انهارده اني مكلمتوش خالص.

فكريه....ايوه كلمني مره الصبح والوجت وانت فوج كلمني وسأل عليك جال انه كلمك ومردتش.

ناصر....يمكن كلمني واني بتسبح هجوم أكلمه الوجت .

فكريه....ماشي يا ولدي كلمه واني هجول لمحاسن تعملك جهوتك.

ناصر...تسلمي ياستي.

خرج ناصر اطمن علي سيف وقفل معاه وفضلت عينه رايحه جايه علي باب المضيفه من غير ما يحس صوت من جواه بيقوله روح شوفها وصوت تاني رافض لكنه قرر انه يسيبها براحتها .

دخل شرب القهوه وبعد كده خرج تاني عشان يصلي 

مرعي....ناصر بيه.

ناصر...ايوه يا مرعي.

مرعي....كنت عايز اجولك إكده علي حاچه جبل ما تمشي.

ناصر...جول خير في ايه؟

مرعي....الغفير مصباح.

ناصر...ماله لساته تعبان.

مرعي...ايوه يا ولدي وعشان إكده عايز اتحدت معاك اني شايف ان رجدته طولت كنت بجول نشوف حد غيره خصوصا يعني ان في حد من الغفر شافه واطمن عليه وبيجوا ان صحته بجيت عال ولساته جاعد چنب مراته شكله إكده بيدلع ماهو بردك اللي يلاجي راحه ومرتاحش يبجي عبي.ط وده جاعد شارب نايم ومرتاح ومتربه بيوصله لحد الدار هينزل ليه شغله بجي.

ناصر....يا راچل حرام عليك چرالك ايه يا مرعي عتعوم علي عوم الغفر الراچل كان عامل عمليه كبيره ومش عشان شد حيله شويه يبجي جادر وبيتدلع ربنا ما يحعلنا من جطاعين الارزاج يا مرعي مصباح طول عمره شغال معانا وعمره ما جصر في شغله لما يوجع منتحملوش همله يرتاح ويرچع لصحته يا مرعي وفلوسه وكل طلباته توصله جبل الكل ده فاتح بيت ومعاه خمس عيال بلاش تكون سبب في جطع رزج حد يا مرعي عشان ربنا ما يبعتلكش ويبعتلنا اللي يجطع رزجنا و متسمعش للغفر هما لو موطرحه ما هيجولوش للرزج لاه

كل واحد فينا يا مرعي يوم ما عمره يخلص هيروح لربنا وهو شايل عمله علي كتفه خلينا نروح واحنا مشايلينش ذ.نب حد ولو الشغل كتير عالغفر هاتلهم واحد چديد يسترزج لكن يفضل مكان مصباح كيف ماهو مفهوم يا مرعي.

مرعي....بتأنيب ضمير معاك حج يا ولدي وحجك عليا اني مجصدش والله بس لما جالولي انه بجي زين جولت حرام فلوسك اللي بتترمي في الارض.

ناصر....الخير اللي بنعمله يا مرعي عمره ما بيترمي في الارض ده رزج و الرزج عارف صاحبه زين

مرعي....عنديك حج ربنا يسعدك يا ولدي ويديك علي كد نيتك ويريح بالك.

ناصر....يارب اني رايح اصلي 

مرعي...واني هحصلك دلوك.

ناصر...سلام عليكم.

مرعي...عليكم السلام ورحمه الله وبركاته.

عدي الوقت بسرعه وفي خلال الوقت اللي كان بيصلي فيه ناصر راحت فكريه اطمنت علي عاليا وقعدت معاها شويه و طبعا اعتذرت عاليا تاني عن السحور بحجه انها عايزه تنام ومش قادره.

رجع ناصر بعد وقت طويل وعرف من سته انها مش قادره تتسحر كان مضايق لكن سكت وسابها.

تاني يوم خرج علي شغله وفضل طول اليوم بره وفي الوقت ده خرجت عاليا قعدت مع فكريه وقبل الفطار استأذنت وطلبت انها ترتاح بعتتلها فكريه الاكل علي المضيفه.

بدأ ناصر يحس انه مش علي بعضه حاسس ان في شعور جواه هو مش فاهمه ومش عارف ليه إختفائها مضايقه وعدم قعدتها معاهم علي السفره مخلي في حاجه ناقصه وكأنه اتعود علي وجودها معاهم قرر انه يسيبها لحد السحور لو مجاتش هيروح يجيبها بالعافيه ويطلع غض.به اللي هو مش فاهمه عليها.

وفعلا مع وقت السحور بعتتلها فكريه الاكل واتعمدت تشغل ناصر بالكلام 

ناصر....هي مرضياش تيچي ليه.

فكريه....سيبها يا ولدي براحتها هي طول اليوم جاعده معايا حجها تجعد مع حالها شويه.

ناصر...بغض.ب تمام يلا كلي 🤨

ابتسمت فكريه بهدوء علي غض.به وكلت من غير اي تعليق.

بعد وقت بسيط طلعوا علي اوضهم عشان يناموا.

لكن كان صعب النوم يجي بعد كم الغض.ب الداخلي واللي مش مفهوم. بقاله يومين مشافهاش ومش عارف سبب رفضها للجماع بيهم.

قام ناصر من مكانه لبس جلبابه ونزل راح علي المضيفه

وهو في قمه غض.به😡

خبط علي الباب وثواني وفتحت عاليا.

ناصر...😡

#سجينه_مع_وقف_التنفيذ

#صاحبه_البطل_الواحد

#أميره_أسامه

البارت التاسع

نزل ناصر بغض.ب وهو مش علي بعض راح علي المضيفه.

خبط علي الباب.

كانت عاليا بتستعد للنوم خلاص

يادوب كانت مخلصه قرأه قرآن وصلاه سمعت صوت الخبط بصت في الساعه ونزلت بسرعه فتحت الباب ورغم إستغرابها من تخبيطه عليها في الوقت ده إلا أنها محسستوش.

عاليا....أهلا يا استاذ ناصر.

ناصر...بأرتباك حاول يداري غض.به خالص و أتكلم بهدوء عكس اللي كان جواه.

كيفك يا آنسه عاليا؟

عاليا....الحمد لله بخير في حاجه؟

ناصر...اااه لا اجصد يعني أصل اني مشوفتكيش أنهارده ولا امبارح واخر مره شوفتك اول امبارح فا جولت أچي أطمن عليكي يعني عشان كنتي تعبانه 

عاليا...بأدب شكراً لسؤالك انا بخير الحمد لله احسن كتير العلاج اللي كتبته الدكتوره كويس جدا.

ناصر....طيب الحمد لله ولما أنتي كويسه ما هتخرچيش ليه من المضيفه وليه ما بتاچيش من امبارح لا علي فطار ولا علي سحور وحابسه حالك إهنه.

عاليا....لا خالص انا بخرج الصبح أقعد مع تيته فكريه شويه و بخرج بردو بعد الفطار وأرجع تاني ووقت الفطار حبيت اقعد هنا عادي يعني عشان تكونوا براحتكم اكتر وو....

قاطعها ناصر ومين جالك اننا رايدين نجعد لحالنا تدارك ناصر بسرعه اللي قاله أجصد يعني مفيش أسرار بيني وبين ستي انتي عارفه انها هتعزك جوي وبتفرح ونفسها تتفتح وانتي معاها.

عاليا...بأبتسامه انا كمان بحبها اوي بس يعني فضلت اني أختلي بنفسي شويه وكمان عشان مبقاش عبئ و..

ناصر....جولتلك بلاها من الحديت الخايب ده لا في بيني وبين ستي اسرار ولا انتي ياستي عبئ علي حد فينا واتكلم بحده بسيطه تعبر عن جزء بسيط من اللي جواه أسمعي 🤨 ماهكررش حديتي تاني وجت الفطار والسحور ألاجيكي جاعده وسطينا ماشي

خلص الحديت✋

بصتله عاليا بذهول من طريقته اللي أتحولت فجأه😳

ناصر....بجولك ايه متبصليش إكده وعشان مترچعيش تجولي حديتك الخايب اني بچبرك علي حاچه او بحكم رأيي اني بجولك إكده عشان متبجيش لحالك بس.

عاليا....🙄يعني طريقتك دي عشان بس مبقاش لوحدي لا شكراً بجد😒

ناصر....بأبتسامه بسيطه تكاد تكون معدومه اني إكده ماهعرفش أزوج الحديت.

عاليا....غريبه؟

ناصر....ايه الغريب عاد؟

عاليا....مستغربه أنك بتعرف تضحك زيننا.

ناصر...ليه جالولك عني إني چاي من كوكب تاني.

عاليا.....لا هما مقالوش انا اللي شوفت بنفسي.

ابتسم ناصر إبتسامه جذابه بينت غمزاته وظهرت لمعه جميله في لون عينه.

ابتسمت عاليا من غير ما تحس علي إبتسامته.

ناصر...طب ما انتي كمان بتعرفي تضحكي أهه.

عاليا....طب ماانا بعرف اضحك فعلا مش زيك.

ناصر...مين جال إكده🤨 طب ده اني ماهشوفكيش غير بتبكي كأن عينك متوصله بحنفيه مفتوحه.

ضحكت عاليا غص.ب عنها تقصد يعني اني نكد.يه🤨

ناصر...بأبتسامه اني مجولتش انتي اللي هتجولي اهه.

ابتسمت عاليا وسكتت فضل ناصر مبتسم ثواني و باصصلها.

ناصر....تحبي تاچي معايا الارض بكره. حط ايده علي دقنه بأرتباك يعني بصفتك مهندسه و إكده

عاليا....ياريت اقصد لو ينفع.

ناصر....وايه اللي مهينفعوش عاد  بكره چهزي حالك و هنطلع سوا.

عاليا.....بأبتسامه ماشي.

ناصر....يلا أدخلي و اجفلي وراكي و اطلعي نامي عشان تجدري تصحي.

عاليا...حاضر تصبح علي خير.

ناصر....بأبتسامه وانتي من أهل الخير 

طلعت عاليا علي اوضتها و الابتسامه مرسومه علي وشها مكانتش عارفه سببها لكن اسلوب ناصر معاها خلاها مرتاحه شويه عن الاول.

اما ناصر فكان حاله مختلف حاسس انه بقي احسن لما نزل واتكلم معاها واطمن عليها الغض.ب اللي كان جواه تلاشي تماماً بمجرد ما فتحت الباب ونسي هو رايح ليه. قلع هدومه ونام علي السرير و لأول مره يروح في النوم بسرعه كده.

في صباح يوم جديد نزل ناصر وهو حاسس بنشاط علي غير العادي سلم علي فكريه و عرفها ان عاليا هتروح معاه عشان تغير جو وقدام الناس تبان انها بتشوف شغلها و ودعها وخرج.

ابتسمت فكريه بحب يارب كملها كيف ما جلبي رايد♥️

خرج ناصر من الباب.

ناصر...مرعي 

مرعي...إيوه چاي أها.

ناصر...لاه خليك حضر أسمر بسرعه.

مرعي.....جوام اها من عنيا.

راح ناصر خبط علي الباب ثواني وفتحت عاليا كانت لابسه فستان ازرق بنص كم ضيق من الصدر ونازل واسع ولابسه عليه كوتشي أبيض ولابسه نضاره الشمس.

كانت طالعه جميله اوي.♥️

عاليا....صباح الخير.

ناصر...إصباح النور

عاليا....انا جاهزه.

ناصر...هتخرچي إكده🤨

عاليا...وهي بتبص علي نفسها ماله ده كمان 😡 

ناصر....يعني أجصد انه.

عاليا....ولا تقصد ولا متقصدش ده فستان ومش هغير ولا هحط عليا طرحه انا طايقه اللي عليا بالعافيه عشان لسه مخفتش اوي.

بصلها ناصر بغض.ب مكتوم قفلت عاليا الباب ومشيت جمبه.

بصلها ناصر بطرف عينه....طيب النضاره ملهاش لازمه عاد 😒

عاليا....علي فكره بقي لما خرجت معاك اول امبارح شوفت بنات في المستشفي اللي احنا روحناها وبنات في الشارع لابسين لبس عادي جدا و لابسين نضارات بردو 

انت بس اللي شايف نفسك في الصعيد بتاعت زمان

ناصر....بصوت واطي لكن مسموع اني الغلطان عشان جولتلك تعالي معاي

ابتسمت عاليا بهدوء.

بصلها ناصر 🤨🤨 مش جولتلك جعدتك مع ستي خلت لسانك اطول منيكي😒

مرعي.....اسمر چاهز صباحكم فل إصباح الخير يا ست البنات

عاليا....بابتسامه صباح النور ياعمو مرعي

ناصر....بتمتمه مرعي بجي عمو 🤨ده باينه يوم أزرج 

عاليا....بتكلمني.

ناصر...لاه بكلم عمو مرعي🤨

ابتسمت عاليا غص.ب عنها وفي لحظه كان ناصر طلع ومدلها ايده 

مسكت عاليا في كف ايده وكأنها أعتادت علي عناق من نوع خاص

وصلوا الارض فضل ناصر يلف ويتكلم مع العمال ويتابع الشغل وهي ماشيه جمبه مبسوطه بالزرع والمنظر الطبيعي.

وقف ناصر مع واحد من سواقين الجرارات يتكلم معاه عن مشكله في الجرار وبعد ما السواق مشي فجأه وقفت قدامه عربيه.

خليل....كيفك يا چناب العمده.

بقلم اميره اسامه 

ناصر...بأبتسامه وه خليل باشا

نزل خليل من العربيه حضن ناصر وسلموا علي بعض بحراره ونزل من العربيه شاب في الثلاثين من عمره وبنت تقريباً نفس عمر عاليا 

خليل....واحشني والله يا ناصر البقيه في حياتك مقدرتش اكون معاك وقت اللي حصل

ناصر....والله انت اكتر. حياتك الباجيه متجولش إكده نفسك معاي في كل وجت وبص ناصر علي الشاب اللي نزل ليك وحشه والله ياخالد

خالد....بأبتسامه اهلا بعمدتنا♥️

حضنه ناصر وسلم عليه.

خالد....البقاء لله.

ناصر....ونعم بالله.

رغده.....ازيك يا حضره العمده.

ناصر...بأبتسامه الله يسلمك يا دكتوره رغده

رغده.....البقاء لله.

ناصر....ونعم بالله لساتكم چايين ولا ايه.

خالد....لا ده احنا جينا امبارح بليل

سياده المستشار راسه وألف سيف نقضي انهارده وبكرا هنا في الصعيد.

خليل....بذمتك يا ناصر ينفع رمضان يجي من غير ما اجيبهم ونفطر يوم وسط اهلنا.

ناصر...بأبتسامه خير ما عملت يا سياده المستشار من فات جديمه تاه يا سي خالد.

خالد...بضحك ابدا والله مش كده خالص بس غص.ب عني عشان شغلي كل بوم في بلد شكل ورغده الله يعينها المستشفي والعياده والوقت الوحيد اللي خدناه اجازه عشان نرتاح صمم يتعبنا ويجينا هنا.

ناصر....والله عمل الصح أجله عشان نشوفكم.

رغده....بصراحه انا كنت جايه علي اخري بس لما شوفت البلد حسيت انها فعلا وحشتني اوي.

ناصر....نورتوا بلدكم وسط اهلكم وناسكم 

خليل....بص علي عاليا اللي واقفه جمب ناصر في صمت قولي ياناصر صحيح هو القمر بقي يطلع الصبح ولا ايه.

ناصر....بأبتسامه بسيطه الجمر عندينا بيطلع في كل وجت دي انسه عاليا بتشتغل معانا إهنه في الارض.

وبص لعاليا وده سياده المستشار خليل الهواري عين اعيان البلد و عشرتنا الچميله وكان صاحب ابوي الروح بالروح جاعد في مصر وده ولده خالد طيار ودي انسه رغده دكتوره كد الدنيا.

عاليا...بأبتسامه ودوده اهلا بحضرتك.

خليل....اهلا بيكي يابنتي نورتي الصعي.

عاليا....منوره بحضرتك.

بصت لرغده بأبتسامه اهلا يا دكتور 

رغده...بشقاوه لا بقولك ايه بلاش والنبي دكتوره دي نسيت اسمي وبعدين انا في اجازه متفكرنيش بالشغل😂😂

عاليا...بأبتسامه خلاص بلاش دكتوره نمشيها رغده.

رغده...اهو ده الكلام تصدق يا سياده المستشار بعد القمر اللي شوفته ده كان ليك حق تصمم اني اجي معاكم.

عاليا...بضحكه بسيطه شكرا انتي اللي جميله والله.

خالد....اتشرفت بيكي يا انسه عاليا .

عاليا... الشرف ليا يا كابتن.

ناصر....بما انكم هتعاودوا بكره يبجي نفطروا مع بعض انهارده

مينفعش تكونوا إهنه ومنفطرش سوا.

خليل....الفطار انهارده صعب احنا اول يوم زي ما قولتلك وانت عارف اهلي هيكونوا موجودين عشان يسلموا علينا بس اسمع انت وحاجه فكريه وانسه عاليا كمان هتيجوا عالسحور نتسحر سوا ونسهر شويه مع بعض لان احتمال كبير نمشي بكره بعد الفطار علي طول.

ناصر....إذا كان الفطار مهينفعش يبجي السحور عندي خلاص ماهينفعش تكون عندينا و متاخدش واچبك يا سياده المستشار.

خليل...بحب نعم يا سي ناصر بقول ايه انت عمده وعلي راسنا بس متنساش ان انا الكبير واوعي تفكر الكام كلمه المصري دول خلوني بقيت ضيف في بلدي اني صعيدي ولد صعيدي 

ناصر...بضحك بص لخالد سياده المستشار  رفع حاچبه😂

خالد...بضحك اه خد بالك ده عليه قلبه الله لا يوريك جالتني انا والغلبانه دي هنا علي ملا وشنا😂😂😂

ناصر...بأبتسامه حديتك علي راسي يا سياده المستشار بس مهينفعش والله ترضهالي 

خليل...اني جولت وخلاص هستناك يا ابن الغالي كمان عشان رايد اتحدت معاك 

رغده....بضحك عاجبك كده يا حضره العمده اهو رجع للصعيدي تاني ما كنت وافقت من الاول وخلاص.

ناصر...بضحك عنديكي حج دي غلطتي 😂

رغده.....بقول ايه ياعاليا اسمحيلي يعني اقولك عاليا 

عاليا....طبعا♥️

رغده.....اوعي متجيش انا لسه بقولك اهو جايه هنا تحت تهد.يد السلاح ومصدقت الاقي حد شبههي 

ناصر...بأبتسامه الله متجلجيش هچيبها يمكن بس حاچه فكريه اللي متجدرش.

خليل....ليه بس دي المدام معانا هي بس اللي في الڤيلا مجاتش معانا الوقت.

ناصر....هي مهتحبش تخرج انت خابر مهتجدرش.

خليل...عموما قولها لو قدرت هتشرفنا طبعا.

ناصر...الشرف لينا يا سياده المستشار.

رغده....بقول ايه والنبي متتأخروش يعني تيجوا علي 10ولا 11 هموت من الزهق يا ناس.

ناصر...بضحك بص لخليل چيبتها معاك ليه بس.

خليل...بضحك عشان تصدعني هي وخالد.

ضحكوا كلهم.

ناصر...ربنا يخليهملك ويفرحك بيهم جريب.

خليل....لما نفرح بعمدتنا الاول يلا مش هنعطلكم بقي اكتر من كده علي الشغل وهشوفكم بليل.

ناصر...ان شاء الله.

رغده....سلام يا عاليا😍

عاليا....سلام يا رغده♥️

خالد....سلام يا حضره العمده

ناصر....سلام يا خالد بالسلامه✋

...........

بص ناصر لعاليا....ايه نكملوا ولا تعبتي من الوجفه

عاليا....لا خالص نكمل مشيت جمبه كام خطوه و انتبهت لكلامه 

ناصر....خليل بيه ده كان صاحب ابوي الروح بالروح بس هو من يومه كان كيف سيف وعلي الله يرحمه رايد يتعلم ويشتغل في مصر اتعلم وإچتهد و بجي مستشار كبير جوي إتچوز بنت عمته وسافر بيها عمره ما جدر يبعد عن البلد غير للشديد الجوي اكيد المشاغل و حال الدنيا بياخدوا الواحد من كل حاچه بس هو مصمم ان كل مناسبه أو اي فرصه تچيلوا ياچي إهنه البلد الناس كلها هتحبه طيب جوي عيلته كبيره جوي وهو متواضع چداً مع الكل هيعامل اصغر واحد كيف اكبر واحد عرف يربي ولاده زين بيتعامل معاهم علي انه صاحبهم وجدر يزرع فيهم حب البلد مايغركيش حديتهم انهم چاين غص.ب عنيهم هما بس شغلهم واخد كل وجتهم انسه رغده دكتوره اطفال شاطره جوي وخالد طيار كل يوم في بلد شكل ما هيجعدش لكن بياچوا ديماً معاه وكيف ما شوفتي إكده لما بياچوا إهنه ما هيجعدوش بياخدهم ويلف بيهم البلد كلاتها. وجت اللي حوصل لعلي مكانش إهنه كان بره مصر بس مسابنيش في التلافون و وصي عيلته كلاتها يجفوا معاي وفعلا مسابونيش واصل.

عاليا....شكلهم محترمين فعلا ورغده دي لذيذه اوي.

ناصر....هتاچي معاي عنديهم.

عاليا....بصراحه انا محرجه معرفتش اقول لا بس كمان مش عايزه اروح انا معرفهمش.

ناصر....مهينفعش هما عزموكي وبعدين رغده كيف ما شوفتيها هتاخد عالناس جوام وطيبه جوي تعالي غيري چو و بالمره تلاجي حد تجعدي معاه شويه

عاليا....إن شاء الله.

قربوا من البنات اللي بتلم العنب وقفت عاليا تبص عليهم بسعاده.

ناصر.....تحبي تچربي؟

عاليا....هو ينفع.

ناصر...بأبتسامه تعالي القي ناصر عليهم التحيه سلموا عليه كلهم

ناصر....دي الانسه عاليا المهندسه الزراعيه الچديده رايده تساعدكم شويه.

رحب بيها البنات و خدوها معاهم عرفوها ازاي تلم محصول العنب 

في البدايه كانت محرجه ومش عارفه تعمل حاجه من نظراتهم لكن بعد محاولاتهم في تعليمها بدأت عاليا تلم العنب وهي مبسوطه اوي.

فضل ناصر يراقبها بهدوء وهو من جواه مبسوط عشان شايفها مبتسمه كان حاسس براحه عشان قدر يخليها تتبسط ولو يوم واحد بعد ما غير طريقته شويه معاها.

بعد وقت طويل خدها ناصر ورجع بيها علي العربيه.

كان مستني اللحظه دي عشان يمسك كف ايدها بين ايديه وكأنه رجع مراهق من غير ما يحس مد ايده بعفويه و مسكت هي ايده براحه وكأن كفوفهم أعتادت العناق ♥️

رجعوا مع بعض كان اليوم طويل ومرهق وحر لكن في المجمل كان يوم مختلف ومميز علي كل واحد فيهم.

فطروا مع بعض وبعد الفطار استأذنت منهم عاليا ترتاح شويه قبل معاد العزومه وراحت علي المضيفه. وطبعا فكريه مرضيتش تروح معاهم لكن شجعتهم بأبتسامتها الطيبه انهم يروحوا ويغيروا جو.

طلع ناصر خد حمامه ونزل راح يصلي رغم انه تعبان ومحتاج يرتاح لكن كانت عاده عنده يصلي مع اهل البلد.

بعد الصلاه رجع وبدأ يجهز كانت الساعه عشره ونص.

لبس جلبابه الاسود و فوقيها القفطان مع عمامته الملفوفه بإحكام و عصايته اللي لا يمكن تفارقه شكله كان جذاب جدا وهيبته طاغيه عليه بشكل يهوس.

نزل استأذن من فكريه بأحترام وباس راسها وخرج راح خبط علي 

عاليا...فتحت الباب كانت لابسه بنطلون چينس و تيشرت ابيض

بصلها ناصر من تحت لفوق في نظره هاديه 

بقلم اميره اسامه 

عاليا...بهدوء احممم يلا انا جهزت خلاص 

ناصر...بأبتسامه بسيطه يلا بينا.

راح ناصر فتحلها باب العربيه بصتله عاليا بأستغراب من طريقته الهاديه وركبت من غير اي تعليق 

ركب ناصر و أتحركوا علي بيت خليل.

بعد وقت بسيط وصلوا سلموا علي بعض ورحب بيهم الجميع وعرف خليل زوجته شهيره بعاليا 

كان الجو بينهم جميل حست عاليا انها لاول مره من بعد اللي حصل انها مبسوطه شويه ضحك رغده وهزارها فكروها بضحي وريم 

طيبه شهيره وأسلوبها اللي كله ضحك بينها وبين رغده فكروها بهدي ومناقرتها معاهم،

عاليا كانت حابه تبعد بمناقشتهم عن الجزء الخاص بيها و بعيلتها لانها مكانتش عارفه ممكن تقول ايه ومتقولش ايه خصوصا ان ناصر قدمها ليهم علي انها مهندسه زراعيه بتشتغل معاه في الارض.

كانت مناقشتهم كلها ضحك وهزار بين رغده وخالد و والدتهم حتي والدهم كانوا اسره جميله وهاديه ومرحيين لابعد حد.

خليل....بقولك ايه يا ناصر تعالي ندخل جوه نتكلم شويه في المكتب وسيبك من المجانين دول 

خالد...ليه بس كده ياسياده المستشار مكانش العشم والله 

خليل...بضحك هو انا قولت حاجه غلط ما انتوا جوز مجانين فعلا بعد اذنك يا عاليا يا بنتي.

عاليا...بأبتسامه أتفضل حضرتك.

بصلها ناصر بهدوء و إيماءه بسيطه بعينه ودخل مع خليل المكتب.

.......

خليل...ياااه ده العيال دي عامله حتت دوشه هنا احسن واهدي بكتير.

ناصر...بضحك ربنا يخليهم لسعادتك يا باشا ومتتحرمش من دوشتهم واصل.

خليل...يارب يا ناصر قولي ياناصر البلد عامله ايه في اي حاجه حاصله 

ناصر....كيف ماسيبتها كل حاچه تمام.

خليل...يعني مفيش اي قلق ولا انت محتاج اي حاجه.

ناصر...حسك في الدنيا يا خليل بيه كل حاچه تمام متجلجش.

خليل...اقلق وانت عمدت بلدنا يا ناصر مستحيل طبعاً المهم طمني مفيش اخبار عن القضيه.

ناصر...بحز.ن لحد دلوك لاه الجضيه معجده مفيش اي خيط النيابه تمشي وراه بس هما شغالين مهيسكتوش 

خليل....مفيش قضيه في الدنيا يا ناصر ملهاش خيط يمكن الحقيقه لسه مظهرتش بس لازم تعرف ان ربك مبيظل.مش ابدا وهيجي يوم وكل حاجه تنكشف اطمن.

ناصر...من الناحيه دي اني واثج في ربنا بس صدجني مش جادر أصبر حج علي عامل كيف الطوج اللي لافف علي رجبتي خانجني كيف ماهو خانجه نفسي اعرف اللي عملها نفسي اخد تار علي بيدي 

خليل....انا حاسس باللي انت فيه يا ناصر بس عشان خاطري سيب القانون ياخد مجراه بلاش تضيع نفسك.

ناصر....و أهمل تا.ر اخوي يا ياسياده المستشار؟

خليل....مين قال كده بس يا ناصر بس كمان التا.ر ده مش ليك يا ابني انت وابوك وعيلتك كلها ايدكم عمرها ما تلو.ثت بالد.م بلاش تضيع حياتك حتي لو انت مبقاش فارق معاك حاجه بس لازم تفكر صح يا ناصر انت مش لوحدك انت في رقبتك بلد بحالها في رقبتك سيف ابن عمك وستك يمكن الكلام ده مكنتش ممكن اقوله لو لحد غيرك بس انت راجل متعلم عشت كتير بعيد عن الصعيد حتي لما عشت هنا يا ناصر خدت من الصعيد احلي ما مابيميز الراجل فيها الرجوله والجدعنه والشهامه والطيبه وخدت من القاهره العلام والهدوء والتفكير وتحكيم العقل مينفعش تضيعهم في وقت غض.ب 

ناصر....مش جادر صدجني كل ما افتكر شكل علي احس ان في چوايا نا.ر نا.ر ماهتنطفيش طول عمري اسمع عن التا.ر واجعد مع خلج كتير بيناتهم تا.ر شوفت بعيني و.چع الاهل اللي فجدوا ضناهم بس مكنتش بحس بو.چعهم غير لما چربته وحسيت بتصميمهم علي اخد تا.رهم 

خليل...بردوا يا ناصر حكم عقلك يا ابني انت عارف اني بعتبرك ابني وعارف غلاوه ابوك وعمك عندي كانت ازاي مقدرش اشوفك بتأ.ذي نفسك واقف اتفرج انت هنا أمتداد ليا يا ناصر لما اختاروك تبقي العمده انا كنت اول واحد ابصم بالعشره ليك وقولتها للكل هنا ان محدش غير ناصر ينفع يكون عمدتنا انت عارف اني مش هسيبك واني مش ساكت  و هفضل معاك لحد ما نجيب حق علي صدقني يا ناصر انا بعمل كل اللي اقدر عليه عشان الحقيقه تظهر.

ناصر...عارف من غير ما تجول يا خليل باشا.

 

خليل...طيب قولي بقي ايه الحكايه بالظبط؟

ناصر...حكايه ايه؟

ابتسم خليل بذكاء اوعي تكون فاكر ان حكايه المهندسه الزراعيه دي خالت عليا 🤨

بصله ناصر وسكت.

خليل...مين عاليا دي يا ناصر؟

اتنهد ناصر تنهيده طويله وبصله شويه وبعدين بدأ يحكيله.

............

اما في الخارج 

رغده....بضحك والله يا عاليا لو تشوفيه وهو بيجري وراه تقولي قافش حرا.مي😂😂😂😂

ضحكت عاليا علي رغده.

خالد ..بغي.ظ 🤨 خلاص يا ظر.يفه خلصتي ولا لسه في فضا.يح

رغده....😂😂😂لسه في كتير.

خالد...بقولك ايه يا ماما خدي البت دي من قدامي بدل ما أرتكب فيها جنايه😡

شهيره....بضحك ما تسكتي يار.خمه انتي بقي ويلا قومي تعالي معايا نحضر السحور قبل ما بابا واستاذ ناصر يخرجوا.

رغده....بضحك عاليا هقوم اساعد ماما وهاجي اكملك باقي فضا.يح خالد 😂😂😂

خالد...امشي يا بت من هنا امشي😡

فضلت عاليا ورغده و شهيره يضحكوا .ودخلوا يحضروا السحور 

وفضل خالد مع عاليا.

عاليا...بضحك رغده دي مشكله د.مها خفيف اوي.

خالد...دي ر.خمه😡

عاليا...لا والله دي عسل.

خالد ..بضحك رغم انها نقرها من نقري كده علي طول بس بصراحه مقدرش استغني عنها تعرفي اني اوقات اقعد اتخيل انها اتخطبت او اتجوزت واحس اني مضايق.

عاليا...يمكن عشان لسه محصلش بس لما يحصل ان شاء الله انت اكتر حد هيكون مبسوط.

خالد....سعات بحس بكده وسعات بحس اني هبقي انا اللي حماه وحماته و ضرته كمان😂😂

عاليا...ربنا يخليكم لبعض يا كابتن 

خالد....امين يارب 

فضل خالد يتكلم معاها ويحكيلها عن شغله وعن حياتهم في القاهره وعلاقته بأهله وهي بتسمع بأهتمام وتتبادل معاه الحديث.

اما في غرفه المكتب.

بعد ما ناصر حكي كل حاجه لخليل.

خليل...بصد.مه غلطت يا ناصر غلطت و غض.بك عماك انت عارف ان اللي انت عملته ده ممكن يعملك مشكله كبيره وكان ممكن يكون ليه رد فعل قوي لو اي. غير البنت دي واضح انها طيبه يمكن انا المفروض استغرب انها وافقتك من البدايه بس واضح بردوا ان اللي هي شافته خلاها أستسلمت ومبقاش في حاجه تخا.ف عليها اصل هتخا.ف علي ايه مبقاش ليها اي حد غير اختها اللي متعرفش عنها حاجه واللي في نفس الوقت خا.يفه عليها منك وقت ما تظهر ظل.متها يا ناصر معاك.

ناصر...بحز.ن صدجني مجصدتش اني اظل.مها بس ربنا اللي عالم بيا وعارف نيتي.

خليل...احمد ربنا انه وقعك في البنت دي يا ناصر انا عارف انك عمرك ما هتأذ.يها وواثق فيك بس عشان خاطر علي يا ناصر اوعي تجر.حها انا لولا عارف ناصر كويس انا بنفسي اللي كنت هقف مع البنت دي ضدك بس انت ابني مش ابن صاحبي و انا ابني راجل يقدر يصون ويحافظ علي اي حد معاه انا شايف انها مآمنالك ومطمنه متخذلهاش يا ناصر ولازم تعرف ان حقك وحقها واحد مش اتنين حسسها بالامان يا ناصر انك بتدور معاها علي اختها عشان ترجعهالها متحسسهاش انها محبوسه و حياه اختها مهد.ده فاهمني يا ناصر.

ابتسم ناصر بحب فاهمك زين  ماعيزكش تخا.ف او تجلج ربنا شاهد اني بعاملها كيف.

خليل...وانا واثق فيك♥️ يلا بقي تعالي نخرجلهم ونشوف السحور شكلهم مش هيأكلونا ولا ايه.

ضحك ناصر وخرج معاه

لمح ناصر عاليا وخالد لوحدهم وواضح انهم مندمجين بيضحكوا وهي باين عليها مبسوطه حس ناصر انه اضايق.

خليل....امال فين شهيره ورغده.

خالد...بيحضروا السحور 

خليل...منوره يا عاليا يا بنتي.

عاليا...ده نور حضرتك والله

خليل...يارب ما يكونش خالد كل دماغك انا عارفه😂

عاليا....بعفويه لا والله خالص الكابتن حد جميل بيدخل القلب من غير إستآذان هو ورغده.

بصلها ناصر بغض.ب حاول يخفيه.

خليل....ابسط ياعم لقينا حد يشكر فيك انت و رغده😂😂

رغده...بضحك مالها رغده يا سي بابا.

خالد....ياساتر اهي نطت زي الفرقعلوز😂😂

رغده...ماما بتقولكم يلا اتفضلوا السحور جاهز.

قاموا كلهم مع بعض اتجمعوا علي السفره وبدأوا ياكلوا وسط مناقره خالد ورغده وضحكهم عاليا كانت مندمجه جدا لكن ناصر كان بيبتسم وساكت إلا لو اتوجهله كلام.

خلصت سهرتهم ودعوهم بعد ما اتبادلت رغده وعاليا التليفونات وبعدها مشيت هي وناصر

طول الطريق كان ساكت الوقت كان اتأخر كانت الساعه تقرييا اتنين بليل محاولتش عاليا تكلمه لانها مكانتش اصلا ملاحظه تغييره كانت مرهقه سندت راسها عالباب لحد ما وصلوا.

نزل ناصر ودخلوا بهدوء علي جوه 

فضل ناصر ماشي معاها لحد المضيفه فتحت عاليا الباب وبصتله.

عاليا....تصبح علي خير

بصلها ناصر....بهدوء وفجأه

#سجينه_مع_وقف_التنفيذ

#صاحبه_البطل_الواحد

#أميره_اسامه 

البارت العاشر...

عاليا...تصبح علي خير يا استاذ ناصر.

ناصر...بحده في كلامه وانتي من اهل الخير إبجي نامي زين بجي اليوم كان طويل عليكي.

عاليا...بعفويه بالعكس ده اليوم كان حلو اوي.

ناصر...واضح انك انبسطي جوي شايفك يعني اندمچتي بسرعه مع انسه رغده وخالد.

عاليا...في الحقيقه هما طيبين اوي ود. مهم خفيف.

ناصر....ايوه ويدخلوا الجلب كيف ما جولتي علي خالد.

عاليا.....ببراءه وجهل شديد لتغيير وتلميحات ناصر.

فعلا خالد طيب ومحترم وتحس كده انك تعرفه من زمان في الحقيقه كلهم لطاف جداً حتي مامتهم و بباهم.

ناصر...وتعرفي منين بجي انه طيب؟ من جاعده واحده حكمتي عليه متعوده انتي اياك تتعرفي عالناس بسرعه و تشوفيهم طيبين؟

عاليا...بأستغراب والله أفتراض حسن النيه ده شيئ مريح

ناصر....والله مش دايماً؟

عاليا...تقصد يعني ان خالد مش طيب؟

ناصر....خالد!! غريبه انك تاخدي عليه بسرعه وتشيلي ألالجاب بيناتكم أديلك إهنه داخله علي سبوعين و بتناديلي استاذ ناصر وسيف استاذ سيف بس ما علينا.

اني ماهجصدش حاچه عفشه عنيه خالد ولد حلال ومحترم ومتربي زين اللي أجصده ان مش دايماً ينفعوا نفرض حسن النيه عنديكي اني مثلا من اول ماشوفتك كنت فاكر إنك ما هتعرفيش تتعاملي مع حد ولا ليكي في الحديت من اصله بس انهارده غيرت فكرتي بالاخص لما شوفتك بتتسايري وتضحكي مع خالد.

عاليا....بغض.ب بسيط تقصد ايه؟

ناصر....ما هجصدش حاچه اطلعي نامي.

عاليا...لحظه لو سمحت انا مخلصتش كلامي.

ناصر...بس اني خلصت وعايز انام🤨

عاليا....بغض.ب علي فكره مش من الذوق ابدا انك تمشي و تسيبني وانا بكلمك😡

وقف ناصر وبصلها بغض.ب وقرب منها 😡 مش من الذوج؟ لا هو انتي هتعرفيني أني الذوج وطريجه التعامل كمان

عاليا....والله لما متبقاش عارف تتعامل ازاي اعلمك ليه لا؟

ناصر... خدي بالك من حديتك زين ووفري علامك لحد محتاج العلام.

عاليا....انا مش فاهمه انت ازاي تتكلم معايا كده اصلا انا بجد بدأت أشك انك ملبوس كل دقيقه بحال لازم تعرف اني مش تحت امرك 😡شويه تقولي انتي هنا محبوسه ومش هتخرجي غير بأمري وشويه تانيه اصعب عليك وتقولي ابقي اخرجي و متفضليش حابسه نفسك في المضيفه.

شويه تقولي لبسك مينفعش هنا في الصعيد وشويه تبقي عادي و متعلقش عاللي انا لبساه شويه تقولي من يوم ما شوفتك و انتي مش بتبطلي عياط ولما تلاقيني بضحك ومبسوطه تحسسني اني عملت مصيبه اقولك هتحرج اجي معاك تقولي الناس عزمتك وروحي وغيري جو واتعرفي عليهم واخرجي من اللي انتي فيه ولما اعمل زي ما قولتلي الاقيك مضا.يق انت بجد مش طبيعي انت فاكر ان الكون ده ماشي علي مزاجك.😡

فوق شويه وانزل عالارض اللي احنا عايشين عليها وبطل تتحكم فيا ملكش دعوه البس ايه اقعد مع مين اضحك مع مين انت مش واصي عليا انا وجودي هنا من البدايه كان عشان حاجه معينه مش اكتر غير كده تلتزم حدودك معايا ولو حابب انك تتحكم وتمارس سلطتك يبقي تشوفلك خد غيري لاني مش هسمحلك تعمل ده معايا ومش هسمحلك تلمح تلميح ميعجبنيش او يسيئ لي مره تانيه  انت فاااااهم😡

في اللحظه دي صوتها العالي وكلامها اللي وجهته لناصر أثار غض.به اكتر ومع اخر كلمه نطقتها قرب منها ناصر بغض.ب ومسك فكها بأيده وضغط عليه بقوه😡

شهقت عاليا في الوقت ده وحست ان الر.عب دب قلبها 😳

ناصر...بصوت واطي جولتلك الف مره صوتك ما يعلاش ولما تتحدتي معاي تتحدتي بهدوء وإلا هتصرف تصرف مهيعچبكيش أعتبري ده أخر تحذير ليكي والمره الچايه هنفذ و مره تانيه 

ماعيزش ألمحك بتتحدتي مع أي راچل وبتضحكي و واخده راحتك انتي إهنه في الصعيد و ولا عادتنا ولا تجاليدنا تسمح بالمسخره دي لو متعوده تعملي ده في مصر فا انتي الوجت في الصعيد ومتنسيش اني عمده البلد يعني تحترمي ده زين ومتتعديش حدودك 😡

عاليا...كانت بتسمعه وهي دموعها نازله ومر.عوبه من تحوله المفاجئ ونظره عينه اللي كلها ش.ر .

ناصر....وصدجيني اني لحد دلوك بعاملك بما يرضي الله بس لو حابه تچربي الحابسه صوح هخليكي تكر.هي حالك مفهووووووم😡 يلا اطلعلي علي فووووج.

سابها ناصر زقت عاليا الباب دخلت وقفلت وراها بخو.ف وجريت علي فوق وهي بتعيط اما ناصر فا خد نفس طويل وزفره بغض.ب.

ناصر....ايه اللي انت هببته ده  كان لازم تطولي لسانك يعني ده اني مش طايج حالي دلوك. فيك ايه يا ناصر ايه اللي معص.بك و مشجلب حالك إكده. طلع ناصر علي اوضته وهو مش طايق نفسه  خد حمام بارد عشان يهدي. بعد شويه خرج لابس بنطلون رمادي وصدره عريان و حاطت التيشرت علي كتفه قعد علي حرف السرير يأنب في نفسه علي طريقته وأقنع نفسه انه مضا.يق بسبب الضغط اللي حاسس بيه.

في نفس الوقت كانت عاليا قاعده علي سريرها بتعيط وبتكلم نفسها.

عاليا....لحد امته هفضل اتبهدل بالشكل ده لحد امته الناس هتتعامل معايا علي اني طيبه وعادي انهم يضا.يقوني  ويجر.حوا فيا  بس دي غلطتي عشان عارفين اني شويه و هتراضي انا اللي غلطانه الطيب في الزمن ده مينفعش يعيش وسط الناس عشان كل ما مزاجهم هيكون مش تمام هيدو.سوا عليه🥺😔.

و الله لا اعرفك تتعامل ازاي معايا بعد كده انا هعرفك تلتزم حدودك معايا من هنا ورايح ومن اللحظه دي مش هخرج من الاوضه لا عايزه اشوفك ولا المح وشك ده تاني🥺

في الوقت ده النور قطع 

للحظه حست عاليا ان من كتر الدموع عينها وجعتها فضلت تغمض وتفتح لحد ما اتأكدت ان النور قطع فعلاً هنا حست بر.عب وقامت بسرعه وهي بتتلفت في كذا مكان وتسد بأيدها عالحيطه عشان توصل للموبايل أفتكرت ان شنطتها في الدور اللي تحت سابتها عالكرسي وهي بتكلم ناصر. بدأت دموعها تنزل وخو.فها يزيد حاولت تقرأ قرآن وتهدي نفسها عشان تبعد عن عينها صوره بتحاول تقتحم عقلها لكن مقدرتش خو.فها و الهيستريا اللي كانت فيها وتركيز عقلها مع الخو.ف خلوا صوره ضحي وهي ميته اقتحمت عقلها.

عاليا....بدموع و انفاس سريعه ومتلاحقه بسم الله بسم الله يارب  بسم الله اعوذ بالله من الشيطان الرچيم و اثناء ما هي ماشيه تخبط في الاوضه اتخبطت في حاجه وقعتها وعملت صوت صر.خت بفز.ع.

في نفس الوقت ده كان ناصر قاعد علي السرير بمجرد ما النور قطع أفتكر عاليا لما شافها وهي في المطبخ افتكر حاله الر.عب اللي كانت فيها ورعشه جسمها وايدها المتلجه أفتكر حضنها ليه وايدها اللي مكانتش راضيه تسيبه وافتكر خو.فها من منظر ضحي .

كان مضا.يق منها لسبب هو مش عارفه وقرر انه مش هيسأل فيها ويسيبها خا.يفه لوحدها لكن للحظه حس انه مش قادر لبس التيشرت بتاعه ومسك موبايله ونزل بسرعه عالباب الفاصل بينهم 

حط ايده علي اوكره الباب وفتح لقي الباب اتفتح ومكانش مقفول من جوه وقف بره ثواني يسمع قبل ما يدخل خا.ف تكون نامت ويقتحم خصوصيتها اكتر من كده لكن أتفاجئ بصوت عياط.

ناصر....بصوت واطي انسه عاليا. سمع الصوت جاي من اوضه جمبه راح براحه فتح الباب في اللحظه دي صر.خت عاليا.

ناصر...اهدي ده انا...قرب بسرعه منها ومدلها ايده تعالي أتفاجئ بأيدها المتلجه والرعشه اللي صابت كفها بين ايده.

أتخلي ناصر في الوقت ده عن لهجته المعتاده.

ناصر...متخافيش انا معاكي بطلي عياط.

عاليا....بدموع ضحي ضحي😫

سحبها ناصر من كف ايدها بهدوء شدييييييييد لحد ما قرب كفه من رقبتها وقرب راسها لصدره وغمض عينه مش فاهم بيعمل ايه بس حاسس انه مرتاح.

مسكت فيه عاليا وهي بتعيط رغم خو.فها لكن الامان رجعلها.

اما ناصر كان جواه الف صوت بيدعي النور يفضل قاطع شعور غريب وسعاده داخليه وأفعال صبيانيه لاول مره يحس بيها ويجربها لكن كانت عجباه ومخلياه سعيد.

فضل ساكت وهي ساكته دافنه راسها في صدره شامه ريحته سامعه صوت دقات قلبه اللي ظاهره بوضوح من وسط السكون وماشي زي عقرب الساعه. 

أستغربت حالها من دقايق فاتت كانت بتقسم انها هتعرفه حدوده ومش هتوريله وشها تاني و في لحظه في وقت خو.فها أتمنت يجيلها بسرعه لسه عند كلامها شيفاه ملبو.س كل دقيقه بحال

شخصيه غير مفهومه اوقات يبان طيب واوقات نظره واحده بس منه كفيله تر.عبها افكار كتير كانت بتها.جم عقلها شويه تدافع عنه وشويه تحس انها مش طيقاه و شيفاه ظا.لم شويه تخا.ف منه وشويه تحس ان حضنه هو الامان.

جحظت عين عاليا عند الكلمه دي.😳😳 حضنه؟؟

حست كأن في مايه بارده نزلت عليها ضربات قلبها زادت اكتر وحست انها محرجه خرجت بهدوء من حضنه وهي عينها نازله.

وحبت تخرج من الموقف ده وتقطع السكون اللي بينهم.

رفعت وشها بهدوء وهي دموعها نازله و ضحكت ضحكه بسيطه.

ابتسم ناصر وبصلها بتضحكي علي ايه.

عاليا..بأبتسامه من وسط دموعها.

مش بقولك اني بدأت أشك انك ملبو.س.

ناصر....بنبره حنونه و أبتسامه ليه بقي

عاليا....يعني من شويه كنت صعيدي علي حق كلامك و لبسك 

والوقت مستحيل اللي يشوفك يقول انت نفس الشخص ده لبس كاچوال كلام عادي زينا.

طريقتك من شويه كانت كلها عصب.يه و ز.عيق وغض.ب 

الوقت مش موجود غير حد طيب هادي.

ابتسم ناصر وسكت.

ضحكت عاليا...اقولك علي سر 

ناصر...قولي.

عاليا...انا أبتديت احس ان انا كمان ملبوسه من شويه خفت منك و مصدقت قفلت و بعدت عنك بس لما النور قطع كنت بدعي انك تجيلي ولما جيت نسيت خو.في منك 

بصلها ناصر بأبتسامه جميله.

واتكلم بهمس وهدوء بس انا مش بخو.ف يا عاليا.

بصتله عاليا بصد.مه😳 لاول مره ينطق اسمها من غير لقب (انسه) نطقه لاسمها كان في صدق رهيب وغريب والاغرب انها حست ان همسه باسمها ليه جمال من نوع خاص حست بأرتباك ولغبطه من همسه و أبتسامته وعينه اللي باصه جوه عينها بثبات نظره عينه ليها كانت غريبه وزودت أرتباكها. محبتش تعلق علي نطقه 

لأسمها احسن يفكرها ز.علت وفي نفس الوقت أرتباكها ضيع منها الكلام فا سكتت.

ناصر....ساكته ليه انا بخو.ف؟

بصتله عاليا...و أبتسمت بهدوء ساعات  مش ديماً اوقات بحس اني خا.يفه منك واوقات بحس اني مطمنه. واللي بيخو.فني اكتر هو انك كل دقيقه بحال يا ملبوس.😊

ضحك ناصر...طيب وياتري بقي انهي عفريت فيهم اللي بيعجبك أكتر الصعيدي ولا اللي زيك.

ابتسمت عاليا...يعني الصعيدي بالنسبالي بيعجبني عشان انت بالنسبالي نموذج مختلف اول مره اشوفه في الحقيقه سنك صغير و رغم سنك ده انت عمده البلد ليك هيبه وكل الناس بتحترمك.بس كمان التناقض اللي في شخصيتك غريب ومميز انك تكون صعيدي وفجأه تتحول لشاب عادي لبسك وكلامك حتي نبره صوتك بتتغير بس بتفضل محتفظ بنفس الهيبه 

بص من الاخر انت ميكس غريب وملبو.س.

ناصر...بأبتسامه طب خا.في مني بقي احسن اتحول عليكي.

عاليا....مش مهم عالاقل العفر.يت اللي نعرفه احسن من اللي منعرفهوش🙈

ناصر....ماشي يا ستي ممكن بقي اطلب منك طلب 

عاليا...اكيد.

ناصر....بلاش اشوفك بتعيطي تاني ومش عايزك تخا.في ابدا مفيش حاجه اصلا تخو.ف أتفقنا.

عاليا...حاضر.

ناصر....يلا روحي بقي شغلي النور بتاع موبايلك وادخلي نامي النور شكله مطول.

عاليا....بخو.ف انت هتمشي ؟

ناصر....اه مينفعش افضل هنا وبعدين انا مقتو.ل عايز انام 

عاليا....طيب معلش خليك شويه تاني هو اكيد قرب مش هعرف افضل لوحدي وهو النور قاطع ولا عمري هعرف انام أرجوك المضيفه هنا تخو.ف حتي الشباك اللي في اوضتي مر.عب بيبص علي جنينه البيت من الضهر وقدامها مفيش غير ضلمه ومفيش اي صوت.

ناصر....طيب هتفق معاكي اتفاق.

عاليا....أتفاق ايه؟

ناصر....هقعد معاكي كمان عشر دقايق لو النور جه هسيبك بس لو مجاش بردو هسيبك هتشغلي كشاف موبايلك وهتنامي شويه والشغالين وكل اللي في البيت هيصحوا مش عايز حد يفكر بس اني كنت هنا

بصتله عاليا بإحراج وهزت دماغها وسكتت.

اتحرك ناصر كام خطوه.

عاليا...انت رايح فين استني.

ناصر...هقعد شويه تعالي اقعدي مسك ناصر ايدها وراحوا قعدوا علي الكنبه فضلوا ساكتين مش بيتكلموا في اي حاجه كل واحد فيهم في وادي ناصر سرحان في دوامه من التفكير واللغبطه وعاليا حاسه بأحراج وارتباك من وجوده معاها.

بعد حوالي عشر دقايق من الصمت بص ناصر عليها اتفاجئ لما لقاها نامت🙈

فضل باصصلها شويه وهو مبتسم 

قام براحه من جمبها عدل راسها بهدوء شديد ومشي براحه لحد الباب فتحه بهدوء واول ما اطمن ان مفيش اي حد خرج بسرعه وقفل وراه وطلع علي الاوضه بتاعته 

أبتسم ناصر كان حاسس بسعاده غريبه جواه مش قادر يحكم علي احساسه لكن كان مبسوط نام عالسرير وفضلت الابتسامه مرسومه علي وشه لحد ما راح في النوم خالص.

..............

بعد مرور كام ساعه قام ناصر من نومه خد حمامه ولبس جلبابه وجهز نفسه ونزل صبح علي جدته وراح علي الارض يشوف شغله.

اما عاليا فا فضلت نايمه في نفس مكانها علي الكنبه لحد الضهر رغم ان النومه متعبه جدا لكن نامت نوم عميق لدرجه انها محستش بالنور لما جه.

قامت عاليا من نومها تبص حواليها بأستغراب لكن بسرعه افتكرت احداث اليوم اللي فات كله ابتسمت لا أرادياً وفضلت تسأل نفسها مشي امته وازاي محستش بيه وازاي نمت وهو قاعد دخلت خدت حمام بارد وخرجت صلت وقرأت شويه في القرآن.وبعد كده راحت لفكريه.

عاليا....بأبتسامه صباح الخير يا تيته.

فكريه....بأبتسامه صباح النور يا جلب تيته عامله ايه 

عاليا...الحمد لله زي الفل.

فكريه....چيتوا ميته امبارح من عزومه خليل الهواري.

عاليا...علي اتنين تقريبا 

فكريه....جوليلي أتبسطتي.

عاليا...اوي والله ناس محترمه جدا .

فكريه...ايوه صوح طول عمرهم محترمين وولاد أصول والله

عاليا.....المهم طمنيني عليكي.

فكريه...اني زينه وزي الفل كمان

عاليا....يارب ديماً طيب قوليلي محتاجه تعملي اي حاجه او عيزاني اساعدك في اي حاجه.

فكريه....اعوزك طيبه يا بتي من كام دجيجه جبل ما تاچاي كنت اني والبنات محتارين في الوكل بتاع انهارده معارفينش نعمل ايه واديني سبتهم يعملوا اللي يعملوا بجي.

عاليا...بإحراج تحبي اساعدهم.

فكريه...ياسلام ده اني احب جوي بتعرفي تعملي اكل يا عاليا.

عاليا....طبعا أبتسمت بحز.ن خالتوا علمتني كتير اوي طول عمري بحب اساعدها يمكن اتعلمت في الاول من غير قصد منها كنت اقف معاها وهي بتعمل الاكل نرغي وهي تعمل الاكل عيني كانت عليها ديما لحد ما حبيت اللي هي بتعمله وطلبت منها اساعدها علمتني لحد ما بقيت كل اجازه اصمم انا اللي اعمل الاكل وهي اللي تقف ترغي معايا و تسليني

فكريه... الله يرحمها يارب خلاص يا ستي جومي يلا أعملي في المطبخ ما بدالك واني هاچي معاكي اسليكي و نرغوا سوا والبنات تساعدك كمان.

عاليا...بأبتسامه وانا موافقه يلا بينا♥️

............

في القاهره قبل كام ساعه 

صحي سيف راح علي مكتب الصرافه خلص كل الشغل اللي وراه هو والموظفين وظبطلهم شويه حجات عشان كان ناوي يطلع علي الصعيد و يعملهالهم مفجأه خلص وراح علي شركه علي تابع كل حاجه بنفسه ووصي عز  انه يتابع كل حاجه ويبلغه اول بأول عن اي حاجه في الشغل واي حاجه في القضيه.

عز... اطمن يا سيف كل حاجه هتمشي زي ما كان علي عايز واكتر واه بالمناسبه العمال عند عزام المفروض هيخلصوا انهارده العصر كل شغلهم وهيستلم منهم رسمي اخر مرحله وبكده نعلن عن انتهاء المشروع الحمد لله.

سيف....طيب والادوار المخالفه.

عز....مقدرش طبعا ده يروح في ستين دا.هيه مش قولتلك اني حذرته وهو حتي من غير تحذيري مكانش هيقدر يعملها انت ناسي ان ده كان سبب مشكلته مع علي يعني مستحيل يقدر ينفذ.

سيف....الحمد لله بيني وبينك كنت قلقان يعملها لان ناصر مكانش هيسكت.

عز...الحمد لله ربنا ستر.

سيف....مش عارف ليه حاسس ان عزام برئ.

عز...بيني وبينك انا كنت شاكك فيه لان علي لما كلمني كان مضايق جدا بس كلامه في التحقيق يقنعك خصوصا شهاده الناس معاه بس بردو قولت هو اللي وراها واكيد مش هيرتاح غير لو بني الادوار المخالفه بأي طريقه لكن اتفاجئت بصراحه لما الشغل خلص ومعملش كده.

سيف...خد بالك هو اصلا ميقدرش يعمل كده بعد اللي حصل عشان العين عليه و النيابه عرفت انه كان هيعمل كده وهو بنفسه اعترف بالجزء ده فا عمره ما هيقدر يعملها بس اللي اقصده انه كلامه منطقي مش هيرتكب جريمه زي دي يا عز إلا لو في سبب اقوي بكتير من المشكله اللي حصلت بينهم ميتهيأليش كام دور وخساره لمبلغ بسيط لعزام اللي مش هيفرق معاه نص مليون اصلا هما اللي يخلوه يقت.ل ويغتص.ب مستحيل 

عز...معاك حق القضيه كل شويه بتقفل اكتر انا بدأت اشك ان اللي عمل كده ممكن يكون شباب شاربه زي ما اتقال في التحقيق اصل فكره ان علي يكون ليه اعداء بصراحه مش مقنعه ولا راكبه معايا خالص انا عمري ما شوفت علي عنده عداوه مع اي حد 

سيف....بحز.ن ياريت الناس كلها زي علي.

عز....ربنا يرحمه ويغفرله يارب.

سيف...انا اللي هيجن.ني بجد هو أختفاء البنت التانيه ياتري حصلها ايه وراحت فين عايشه ولا ميته.

عز...اهي دي كمان الواحد مش عارف ممكن تكون فين؟

سيف....اكيد هتظهر واكيد الحقيقه هتظهر ربك كريم.

عز....يارب المهم طمني انت مسافر الوقت ولا ايه.

سيف وهو بيقوم....اه انا يا دوب اقوم الوقت عشان الحق انت عارف السفر من القاهره لقنا حوالي خمس ست ساعات عايز الحق اوصل قبل الفطار انا عاملهالهم مفجأه.

عز....توصل بالسلامه ان شاء الله خلي بالك من نفسك هتطول.

سيف...الله يسلمك لا يومين بردو وهرجع انت عارف انا مش قادر اسيب ناصر وستي لوحدهم كتير الفتره دي خصوصا ناصر 

عز....معاك حق سلملي علي استاذ ناصر كتير.

سيف....يوصل ان شاء الله يلا سلام عليكم.

عز...وعليكم السلام يا صاحبي.

.............

عند ناصر من اول ما راح الارض وهو بيحاول يلهي نفسه في الشغل علي قد ما يقدر مكانش عايز يفكر في اي حاجه حاسس ان دماغه واقفه تماماً كل تفكيره رايح لعلي واللي حصله و اللي جد هو تفكيره في عاليا اللي مش بيقف مش عارف ايه سر اهتمامه بيها ولا عارف يشيل من راسه فكره انه ظا.لم وهو شايف نفسه مظلو.م كلامها ليه عن تغييره وانه كل شويه بحال بيتردد في ودنه 

شايف طول الوقت صورتها في عينه وهي بتعيط وهي خا.يفه وهي مبتسمه وهي ماسكه في صدره بر.عب وهي جوه حضنه إحساس قوي تجاهها انها بنته الصغيره انها طفله مش بتلاقي الامان غير معاه رغم خو.فها منه 

الاحساس بالتناقض اللي هي بتحسه معاه هو نفسه حاسه 

كان سرحان وغرقان في دوامه تفكيره شويه يبتسم وشويه يتأثر شويه عينه تلمع بسعاده وشويه تلمع بدموع الاشتياق.

مسك راسه بأيده وخد نفس طويل ورجع كمل شغل تاني.

ناصر...مسعد اني راچعت كل الشغل ده بلغ العربيات تطلع خلاص وجبل ما تطلع أكد بروحك ان الحموله تمام.

بقلم اميره اسامه 

مسعد...تحت امرك يا ناصر بيه طيب هنعمل ايه في طلبيه حاج مندور اللي طالبه اكتر من اللي عندينا 

ناصر....ازاي بس هو طالب خمس حمولات اللي عندينا اكتر بكتير من اربعين حموله.

سعد...بس كلهم محچوزين.

ناصر...روح انت بس مشي العربيات دي واني هشوف حاچ فوزي وأكد عليه الطلبيه بتاعته لو محتاج يجل شويه هنكمل بيها لطلبيه حاچ مندور.

مسعد....تمام يا بيه بعد اذنك.

ناصر....أتفضل.

...........

بعد يوم شغل مرهق وطويل اتعمد ناصر انه يرجع علي معاد الفطار عشان ميديش لنفسه فرصه انه يفكر. وصل البيت قبل الاذان بحوالي ربع ساعه.

دخل من البوابه ركن عربيته ووقف علي عتبه البيت الكبير وهو بيبص علي المكان اللي بيودي علي المضيفه كان جواه حاجه بتقوله يروح يشوفها وينادي عليها بحجه الفطار. حاجه تانيه بتقوله لأ وبعد جهاد مع نفسه هز راسه بأرهاق وطلع علي البيت دخل من البوابه سمع صوت وضحك جاي من المطبخ وحس انه سمع صوت سيف استغرب.

راح علي المطبخ بسرعه

لقي عاليا واقفه واضح انها بتعمل اكل وسته قاعده علي الكرسي بتاعها و شكلها مبسوطه الشغالين واقفين مبسوطين وسيف واقف يضحك معاهم.

ناصر.....وه چيت ميته انت؟

سيف...بأبتسامه جميله لسه واصل من نص ساعه بس ايه رايك في المفجأه.

ناصر....زينه أتوحشتك.

قرب منه سيف وباسه انت اكتر يا حبيبي.

ناصر...سلام عليكم كيفك ياستي.

فكريه....عليكم السلام بخير يا ولدي.

ناصر....كيفك يا آنسه عاليا.

عاليا...بأرتباك وإحراج نزلت عينها الحمد لله.

بص ناصر لسته وسيف هتعملوا ايه في المطبخ.

فكريه....أنهارده عاليا بتعمل الوكل بنفسها واني بتونس معاها والبنات بيساعدوها.

بصتله عاليا بطرف عينها واول ما لمحته بيبصلها بعدت عينها بسرعه.

معلقش ناصر علي الكلام وبص لسيف وانت هتعمل ايه إهنه يا سي سيف.

سيف...بضحك انا بقي بستغل الموقف😂 بصراحه اول ما جيت مصدقتش ان عاليا هي اللي بتطبخ والاكل ريحته تجنن وببص بعيني لقيت كنافه أسكت.

فكريه...بضحك ودي تاچي.

سيف...اهي قالتلك😂😂 سألتها بتعرفي تعملي كنافه قالتلي طبعا قولتلها والنبي اعملي صنيه نفسي فيها اخر مره كلتها كنت انت اللي عاملها بأيدك في القاهره السنه اللي فاتت.

ناصر...بثبات طيب يلا اطلع غير خلجاتك الاذان جرب خلاص.

سيف....ماشي وبص لعاليا بقولك ايه انا اهم حاجه عندي انهارده الكنافه بقالي زمن مكلتش اي حاجه حلوه حاسس ان عندي نقص سكر🙈

عاليا...بأبتسامه متقلقش هي خلاص زمانها قربت تخلص تطلع بس و احطلها العسل وتبقي جاهزه.

سيف....اهم حاجه عايزها احلي من بتاعت ناصر مش عايزه يشمت فيا عشان استغنيت عن خدماته هو بصراحه بيعملها فظيعه😂😂

عاليا بصت لناصر بطرف عينها وابتسمت اطمنت هتطلع حلوه ان شاء الله.

سيف.....طيب انا طالع انا اغير بقي.

فكريه...هموا يابنات چهزوا السفره يلا.

رفع ناصر عينه يخطف نظره سريعه من عاليا كانت هي سبقاه واول ما جاب عينه في عينها بعد عينها بسرعه حسا بأرتباك وصورته امبارح وهو معاها لما النور قطع في عينها محرجه مبسوطه متلغبطه مشاعر كتير كانت بتحاول تتخطاها لكن نظرته كل ثانيه ليها بتربكها اكتر .

ناصر....احمممم اني طالع يا ستي اغير وهاچي تاني.

فكريه...ماشي يا ولدي علي ما تنزلوا الوكل يكون چاهز متتأخروش بس المغرب هتآذن.

ناصر...ماشي بالأذن رفع عينه عليها تاني ومشي بسرعه من المطبخ.

وقفت عاليا بضهرها لفكريه وهي مبتسمه وبتاخد نفسها علي قد ما نظراته مخلياها مبسوطه علي قد ما هي بتلغبط أصل اكتر حاجه ممكن تلغبط اي بنت هي النظرات الصامته اللي مبيتبعهاش كلام.

................

طلع ناصر اوضته خد حمام بسرعه وخرج لبس جلباب تاني وقف ثواني قدام الشباك وهو مبتسم هرب منها وهو داخل ومرحلهاش لقاها قدامه في البيت الكبير وكأن كل حاجه بتحطها قدامه من غير أي عمد أبتسم لما أفتكر أرتباكها ولغبطتها اول ما شافته مبسوط بأندماجها مع سته وسيف ومبسوط اكتر ان سته وسيف حبوها وكأن القدر حطهم في طريق بعض عشان يخففوا و.جعهم عن بعض من غير ما يحسوا والاهم انها جات في الوقت المناسب ليه هو♥️

سمع خبط عالباب وبعدها دخل سيف.

سيف...ايه ياعم مش سامع الاذان ولا ايه اخلص هموت من الجوع.

ناصر...ماشي يلا اني خلصت.

خرج ناصر مع سيف.

ناصر....مفيش چديد.

سيف...لا لسه بس حاسس انها قربت اوي.

ناصر...واني كمان كله خير إن شاء الله.

نزلوا الدرج وراحوا ناحيه السفره .

فكريه...يلا يا ولاد أجعدوا أفطروا الفطور انهارده حاچه تانيه عشان من يد ست البنات.

عاليا...بأبتسامه تسلمي يا تيته فكريه.

سيف....بأبتسامه اوبااااا ايه الاكل الجامد ده انا كده ضمنت ان الكنافه تطلع حلوه.

عاليا....بألف هنا بس دوق الاول.

سيف....حالا هخلص السفره دي كلها.

قعدوا كلهم وبدأوا ياكلوا ناصر كان ساكت خالص ومكتفي بنظراته ليها كل دقيقه والتانيه اما عاليا فكانت بتحاول تبعد بعينها عنه خالص عشان مايبانش عليها انها متوتره.

فكريه....بسم الله تبارك الله

عاليا...بأبتسامه وترقب ايه حلو؟

فكريه.... تعرفي لما لجيتك زهجانه وجولتي انك كنتي بتحبي تعملي الوكل جولتلك تعالي ندخلوا المطبخ واتسلي بيني وبينك كنت شاكه انك بتعملي وكل زين بس لما دوجته والله ما دوجت في طعامته جبل إكده نفسك زين يا بتي.

عاليا....شكرا بجد 

سيف....ايه ده😳

عاليا...ايه🙄

سيف ...والله العظيم مش ببالغ الاكل حلو اوي🙈

ضحكت عاليا بطيبه خضتني فكرته وحش 

سيف...وحش ايه ده فظيع بجد تخيلت انك زي باقي البنات مبتعرفيش تعملي اكل.

عاليا....مش كل البنات مبتعرفش في بنات شاطره جدا.

سيف....لا بجد والله براڤو عليكي فعلا نفسك في الاكل حلو اوي بس تعرفي بقول ياريتك ما عملتي.

عاليا...ليه طيب😂

سيف....كده هنتعود ومش هنعرف ناكل من ايد الشغالين تاني.

عاليا....ياسيدي اتعود وانا هعمل ميهمكش.

سيف....اهو ده الكلام بجد تسلم ايدك.

عاليا....الله يسلمك. بصت عاليا في طبقها ورفعت طرف عينها علي ناصر كان بياكل في صمت لكن واضح علي ملامحه ان الاكل مش وحش بالنسباله والدليل انه مكمل اكل وفجأه لمحت عاليا ناصر رفع عينه وبصلها.

اتوترت ووقعت منها الشوكه .

عاليا...احمممم اااا اسفه.

ابتسم ناصر وكمل اكل.

فكريه...ولا يهمك يا بتي محاسن يا محاااسن هاتي شوكه من عنديكي.

محاسن...حالا يا ست فكريه.

سيف....بضحك والله لولا اني جعان كنت اديتك شوكتي بس الاكل حلو مقدرش.

ضحكت عاليا عليه...لا كمل انت بالف هنا.

جات محاسن بسرعه بالشوكه

ادتهالها ومشيت.

فكريه...ايه ولدي ساكت ليه انت زين.

سيف....في حد يضيع وقت في الكلام قدام الاكل الحلو ده.

أبتسمت عاليا لكن اضايقت لما ناصر معلقش خالص علي كلامه 

ناصر...اني زين يا ستي بس مصدع شويه الشغل كان كتير جوي انهارده. والچو كان حر.

و رفع عينه في الوقت ده علي عاليا كانت باصه في طبقها وساكته وباين عليها انها مضايقه.

ناصر...وبعدين كيف ما سيف جالك الوكل حلو جوي تسلم ايدك يا انسه عاليا

رفعت عاليا راسها بسرعه وبصتله وهي مبتسمه شكراً

قام ناصر الحمد لله 

فكريه...كمل وكلك يا ولدي.

ناصر...صدجيني مش جادر كلت كتير هروح اخلص شويه حچات إكده في المكتب عشان نروح نصلوا التراويح مش هتاچي ولا ايه يا سيف.

سيف....لا هاجي طبعا بس الاول اكل كنافه 😍🙈

ناصر....ماشي يا سيدي كل براحتك معلهش يا ستي جولي  لمحاسن تعملي الجهوه  وتچيبها علي المكتب.

فكريه...عيني يا ولدي.

............

خرجوا بره وبدأ الشغالين يشيلوا السفره.

سيف....عاليا ما تيجي نجيب الكنافه.

فكريه...بضحك وه ايه اللي چرالك يا ولدي انت لسه واكل.

سيف...بضحك انتي مش شامه ريحتها يا ستي والله هموت عليها.

فكريه....بلهفه بعد الشر عنيك يا حبيبي بس ده وحم عاد😂

سيف....ماشي اعتبريني بتوحم بس ادوني كنافه😂😂😂

عاليا....صعبت عليا طيب تعالي والله هديك انت اول واحد.

دخلت عاليا ووراها سيف وقف جمبها زي الطفل الصغير اللي مستني منابه من اكله بيحبها.😍

قطعتله عاليا حته في طبق وقبل ما تمد ايدها خد منها الطبق وقعد عالكرسي ياكل بنهم 

ضحكت علي عاليا وفكريه.

فكريه...والله يا بتي بنأكلوه اللي يشوفه يجول ما كالش بجاله سنه.

سيف....هو اكل العاذب ده اكل يا ستي ده انا تعبت من اكل الشارع.

فكريه....بحز.ن علي عيني يا ضنايا.

عاليا....طيب ليه مش بتاخد معاك اكل يكفيك المده اللي هتقعدها في القاهره او عالاقل يكفي اربع ايام ولا اسبوع وتطلع تسخن منه

فكريه....وه كيف تاهت عني الفكره دي🤔

سيف....ماهو الاهتمام مبيطلبش يا فكريه🤨

ضحت عاليا غص.ب عنها😂🙈

فكري...اتحشم يا جليل الربايه😂

عاليا....تشربي حاجه يا تيته اعملك شاي او قهوه.

سيف....انا ياريت قهوه والنبي يا عاليا عشان تحاول تسيطر علي اللي عملته ده😂😂

عاليا...حاضر عيني 

بقلم اميره اسامه 

فكريه....اني معيزاش يا بتي شويه إكده لما يروحوا يصلوا نشربوا سوا بس ينفع تعملي لناصر جهوه مع سيف.

عاليا...بأرتباك ابتسمت اه طبعا عيني بس هو بيشربها ازاي

ابتسمت فكريه برضا ساده هروح اني اصلي المغرب لساتني مصلتهاش.

عاليا...تقبل الله.

فكريه...منا و منيكي يابتي .

سيف....بقول ايه انا هاخد الطبق ده واكمله بره في هدوء لحد ما تخلصي القهوه.

عاليا...بأبتسامه ماشي عايز تاني.

سيف...بضحك اخا.ف اقولك اه تقولي عليا طفس.

عاليا...بضحك لا والله ابدا بالف هنا انا لو عليا عيزاك تاكل الصنيه كلها عشان اطمن انها حلوه.

سيف...انتي لسه مش متأكده😂😂 

ضحكت عاليا وخرج سيف قعد عالكنبه ياكل وهو مش قادر ياخد نفسه خلص الطبق بسرعه وسند راسه عالكنبه بسعاده وحس انه عايز ينام خلاص الاكل طبق علي نفسه😂

اما عند عاليا خلصت القهوه لناصر حطتها في صنيه وحطت معاها طبق في كنافه.

عاليا....محاسن ممكن تودي القهوه التانيه دي لاستاذ سيف.

محاسن...بأبتسامه من عينيا ياست عاليا واه صوح سلم ايديكي يارب.

عاليا...بابتسامه الاكل عجبكم؟

محاسن...ده يعچب الباشا تصدجي بعد ما داجوا وكلك  خا.يفه يجطعوا عيشي ويمشوني ويجولوا ايه الوكل العفش اللي كنتي بتعميله ده.

عاليا...بأبتسامه لا والله ده انتوا اكلكم جميل اوي 

محاسن...ان شاالله يچبر بخاطرك يا بت الاصول.

عاليا...تسلمي يارب يا محاسن يلا ودي القهوه عشان متبردش وانا هدخل دي لاستاذ ناصر.

محاسن...ماشي.

..................

راحت عاليا خبطت علي الباب ووقفت استنت الرد.

ناصر...تعالي يا محاسن.

فتحت عاليا الباب ودخلت بهدوء 

كان هو باصص علي الورق اللي قدامه.

حطت الصنيه علي مكتبه من غير ولا كلمه كانت بتبص علي اوضه المكتب بأهتمام.

رفع ناصر عينه ليها واتصد.م انها عاليا لتاني مره في نفس اليوم يهرب منها ويلاقيها قصاده.

ناصر....أنتي اللي چايبه بروحك الجهوه.

عاليا...بأحراج بصتله احمم اصل محاسن و صفاء بيشيلوا السفره فا عملت انا القهوه و  اااا بس جبتها لحضرتك.

ابتسم ناصر بهدوء و بنبره حنونه مالك بس متوتره ليه إكده 

عاليا...لا لا خالص ابدا انا جبتلك كمان كنافه عشان تدوقها سيف بيقول انك بتعرف تعمل اكل وانك يعني بتعملها حلوه فا شوف بقي بتاعتي هتبقي حلوه برده ولا لأ.

ابتسم ناصر وبص للطبق ومسك الشوكه بايده قطع حته صغيره وكلها تحت نظرات عاليا المترقبه مع ابتسامتها وإحراجها.

بصلها ناصر وفضل ساكت شويه

ناصر....تسلم ايدك 

عاليا....زي اللي بتعملها.

ناصر...تؤ احلي😉

ابتسمت عاليا بإحراج بجد حلوه

ناصر...مش مصدجاني.

عاليا...لا والله بس.

ناصر....كل حاچه منيكي زينه مكنتش اعرف انك شاطره إكده وكيف ما جال سيف ربنا يعينا علي اكل محاسن وصفاء بعد إكده.

ضحكت عاليا بسعاده 

ابتسم ناصر وحس انها فعلا مبسوطه.

وفجأه سألها سؤال ربكها اكتر.

ناصر....نمتي زين؟ ولا صحيتي تاني؟

عاليا..احمم انا لا اقصد نمت ومصحتش غير علي الضهر هو انت مشيت امته.

ناصر...بأبتسامه اول ما روحتي في النوم.

وشها احمر وبعدت عينها بسرعه

 لمحها بتبص علي المكتبه.

ناصر...بتحبي الكتب.

عاليا...اوي بحب اقرأ جدا 

ناصر....خلاص وجت ما تحسي انك مضايجه تعالي خدي الكتاب اللي تحبيه 

عاليا...ينفع؟

ناصر...لو عيزاني أنجلك المكتبه كلاتها في المضيفه حالا تكون منجوله.

ابتسمت عاليا بإحراج وهي بتحاول تتلاشي نظراته احممم لا مش اوي كده انا ممكن اخد كتاب ولما اخلصه هاخد غيره.

ناصر....ماشي كيف ما انتي عايزه المكتبه جصادك اختاري منيها اللي يعچبك.

راحت عاليا اختار من المكتبه كتاب و شكرته و استأذنت وخرجت من قدامه بسرعه 

ابتسم ناصر وخد نفس طويل وقرر يخرج عشان يروح يصلي.

خرج لقي سيف نايم صحاه و خدوا وخرجوا بسرعه.

خرجوا صلوا مع بعض وفضلوا يلفوا شويه ويقعدوا مع الناس شويه ويسمعوا شكاوي من بعض الناس ويحلوها.

لحد ما الساعه بقت 11 رجعوا تاني علي البيت ومع تشجيع سيف لعاليا قامت هي حضرتلهم السحور وهي سعيده وطول الوقت بتحاول تبعد عن نظرات ناصر.

أتسحروا مع بعض وفضلوا يتكلموا شويه وبعدين طلع سيف عشان ينام كان فاصل خالص وتعبان.

حتي فكريه دخلت عشان تنام.

راح ناصر معاها يوديها المضيفه 

فتحت عاليا الباب وقفت من غير ولا كلمه ساكته وايدها مشبكه في بعض بإحراج.

ناصر...سيف تعبك انهارده بطلباته اللي مهتخلصش

عاليا...لا خالص والله ده اخويا وبعدين كفايه انه مش بياكل غير لما بيكون هنا 

ناصر....تسلم يدك و...

فجأه سمع موبايلها بيرن في ايدها.

بصت عاليا علي الموبايل بإستغراب.

ناصر....الوجت اتأخر مين هيكلمك الوجت؟

عاليا...ببعض الخو.ف معرفش والله ده رقم من غير اسم🥺

حس ناصر...بقلقها طيب اهدي عادي ردي شوفي مين مش يمكن في اخبار زينه عن خيتك ردي يلا.

حاول ناصر يطمنها عشان تفتح الخط ومتخافش انها ترد في وجوده.

هزت عاليا راسها وحطت الموبايل علي ودنها بخو.ف.

عاليا...الوووو🥺

انسه عاليا.

عاليا....ايوه انا مين حضرتك

انا اسمي شيماء حضرتك متعرفنيش بس معايا حد انتي تعرفيه ريم تبقي اختك مش كده

عاليا...😳😳😳😳😳😳

ريممم

تكملة الرواية من هنا

بداية الروايه من هنا

الصفحه الرئيسيه من هنا

مجمع الروايات الكامله من هنا

إللي عاوز يوصله اشعار بتكملة الروايه يعمل إنضمام من هنا

تعديل المقال