القائمة الرئيسية

الصفحات

آخر الأخبار

رواية سجينه مع وقف التنفيذ الفصل الحادي عشر والثاني عشر والثالث عشر والرابع عشر والخامس عشر بقلم أميره أسامه رواية سجينه مع وقف التنفيذ البارت الحادي عشر والثاني عشر والثالث عشر والرابع عشر والخامس عشر بقلم أميره أسامه

 رواية سجينه مع وقف التنفيذ الفصل الحادي عشر والثاني عشر والثالث عشر والرابع عشر والخامس عشر بقلم أميره أسامه 

رواية سجينه مع وقف التنفيذ البارت الحادي عشر والثاني عشر والثالث عشر والرابع عشر والخامس عشر بقلم أميره أسامه 


البارت الحادي عشر.....


عاليا...الوووو🥺


انسه عاليا؟


عاليا....ايوه انا مين حضرتك؟


انا اسمي شيماء حضرتك متعرفنيش بس معايا حد انتي تعرفيه ريم تبقي اختك مش كده


عاليا...😳😳😳 صـ ـدمه اصـ ـابت كامل جسدها وبمجرد ما نطقت الاسم رفعت عاليا عينها بسرعه علي ناصر بخـ ـوف ورعـ ـب واضح.


ناصر...بصلها بأستفسار في حاچه؟


هزت عاليا راسها بلأ.🥺


شيماء...انسه عاليا حضرتك معايا؟


عاليا...احمممم اه ايوه ااا انا.


شيماء...انسه عاليا حضرتك مش عارفه تتكلمي؟ اكلمك وقت تاني طيب؟


عاليا...بأرتباك واضح اااه ياريت.


شيماء....طيب اسفه لو كلمتك في وقت مش مناسب ياريت تسجلي رقمي و تكلميني ضروروي.


عاليا....اكيد حاضر سلام الوقت.


شيماء...سلام.


قفلت عاليا وبصتله و بعدت عينها ورجعت بصتله تاني و أبتسمت أبتسامه اي حد يشوفها يقسم انها هتموت من الرعـ ـب خصوصا رعشه جسمها اللي فشلت انها تخفيها.


ناصر....مالك؟


عاليا....بصوت مصاحبه رجفه ابتسمت لا ابدا يظهر اني محتاجه أرتاح شويه بس.


ناصر....مين اللي كلمك؟


عاليا...اااا ده تليفون شغل دي واضح انها واحده من العملاء بس مكنتش مسجله رقمها فكراني لسه بشتغل في الشركه بعدت عينها فوراً عشان ميكتشفش كـ ـدبها ورجعت شعرها ورا ودنها.


ناصر....ضيق عينيه ماشي يلا اطلعي أرتاحي انتي تعبتي انهارده جوي واني كمان هطلع انام مجادرش.


عاليا...بأبتسامه مزيفه تمام تصبح علي خير.


ناصر...بأبتسامه بسيطه وانتي من أهل الخير .


قفلت عاليا الباب وراه و قربت ودنها من الباب تسمع خطواته و تطمن انه بعد وبسرعه جريت علي الدور اللي فوق حطت ودنها علي الباب الفاصل بينهم.


سمعت صوت الباب بيتفتح

خدت نفسها ونزلت جري تاني علي تحت مسكت التليفون وهي ايديها بتترعش وبسرعه اتصلت علي الرقم فضلت راحه جايه قدام الباب لحد ما جالها الصوت.


شيماء...الووو.


عاليا....بدموع ريم عايشه اختي عايشه قولي انك تعرفي مكانها بالله عليكي قولي انها بخير ومفيهاش اي حاجه.


شيماء...بتأثر أرجوكي أهدي يا انسه عاليا هي بخير والله ولولا انها نايمه كنت أدتهالك علي فكره هي اللي ادتني رقمك ورقم خالتها كلمت خالتها التليفون مقفول وتليفونك اللي جمع معايا من بدري بكلمك بس مكانش مجمع معايا شبكه خالص.


عاليا....بدموع ورعشه اص ــابت كل جسمها أرجوكي طمنيني علي ريم او بصي قوليلي هي فين مكانك فين و هجيلك حالا.


شيماء....انا في إسماعيليه بعيد عن القاهره للاسف و نصيحه خليكي للصبح افضل تيجي حتي في النهار 


عاليا....ارجوكي قوليلي بس عنوانك فين في إسماعيليه وانا هجيلك علي طول.


ملتها شيماء العنوان


عاليا....أرجوكي طمنيني علي اختي فيها ايه 🥺


شيماء...صدقيني هي كويسه يمكن كانت تعبانه شويه بس الوقت افضل بكتير انا نفسي احكيلك والله بس في التليفون صدقيني مش هينفع هستناكي تيجي براحتك ولما تيجي هتعرفي مني كل حاجه ومنها هي كمان 


عاليا....بدموع ماشي انا مش عارفه اشكرك ازاي انتي رديتي فيا الروح والله العظيم ارجوكي خدي بالك منها وانا مش هتأخر عليكي وهتابعك بالتليفون لحد ما اوصلك.


شيماء....تمام هستناكي في حفظ الله.


قفلت معاها عاليا و وقفت ثواني مش مستوعبه اللي حصل 


عاليا....رييييييم 🥺💔ااااه كنتي فين يا قلبي وجعـ ـتيني اوي حرام عليكي مسحت دموعها وطلعت جري علي فوق جابت شنطتها واطمنت ان فلوسها معاها ورجعت نزلت جري وهي بتمسح دموعها اللي مش راضيه تقف قربت من باب المضيفه بسرعه فتحت الباب بهدوء عشان الغفر لكن فجأه صـ ـرخت ورجعت لورا اول ما شافت ناصر واقف قدام الباب مباشرهً وعينه عليها بغضـ ـب.


عاليا....🥺🥺🥺اااا انت انا.


ناصر....بغضـ ـب وعين حمراء رايحه فين يا انسه عاليا؟


عاليا....بدموع ااانا مش راحه كنت بس هخرج أشم هوا خـ ــايفه انام ووو اااا.


ناصر...وايه الحديت راح ولا الجطه كلت لسانك.


عاليا...بخـ ـوف انا خلاص هروح انام.


مسكها ناصر من كف ايدها بغضـ ـب وقرب منها


عاليا....برعـ ـب انا معملتش حاجه في ايه انااااا.


دخل ناصر وقفل الباب برجله كان حاسس انه فقد عقله خلاص 


عاليا.....انت عايز ايه ورجعت ليه؟


ناصر....خيتك فين؟


بصتله عاليا برعـ ـب و اتأكدت بعد سؤاله انه سمعها.


عاليا....مممعرفش انا هعرف منين هي مظهرتش ووو.


في اللحظه دي ناصر نسي اي حاجه حلوه حس بيها واتحول لوحش ثائر ومجـ ـروح وجرحـ ـه بيــ ـنزف ساب ايدها ومسك شعرها وقرب وشها ليه.


صـ ـرخت عاليا بوجـ ـع وخــ ـوف.


ناصر....لساتك هتكــ ـدبي اوعاكي تكوني صدجتي اني صدجتك اوعاكي تكوني فكرتي انها دخلت عليا وان اللي كلمتك عميله

خـ ـوفك ورعــ ــبك اللي بان علي عينك اول ما فتحتي التلافون فضحوكي عينك فضحكتك اني سمعت حديتك معاها وعرفت ان خيتك عايشه وظهرت جوليلي عنوانها وإلا ورحمه الغاليين هجتلك وهوصلها وهجتلها.


عاليا....بأنهيار ابوس ايدك سيبنا في حالنا ابوس ايدك انا مصدقت لقيتها عايشه متعملش كده فيا.


ناصر...عرفيني مكانها ومش هجربلها هعرف بس منيها اللي حوصل وهسيبكم.


عاليا....هزت راسها برفض مستحيل مش هنطق🥺💔 سبني أروحلها وانا هعرف منها صدقني وهقولك بس اعرف الاول اختي فيها ايه.


ناصر....ده علي چثتي اني اه‍ملك ويوم ما تفكري تطلعي من إهنه لحالك رچلك مش هتخطي البوابه وهتكوني چته 


عاليا....بدموع وهي بتمسك ايده وبتحاول تخفف ألالـ ـم اللي حاسه بيه مش مسكه ايده. لو هتقطع من جسمي بأيدك مش هنطق لو هكون جثه علي ايدك زي ما بتقول بردو مش هنطق لو روحي هتكون قصاد روح ريم مش هتردد لحظه ان ريم تعيش💔


ناصر....جولتلك مش ه‍أذيـ ـها


عاليا....وانا مستحيل أصدقك انت مش شايف شكلك عامل ازاي عشان بس عرفت انها عايشه🥺 مش هقول مش هقول حتي لو فضلت معاك هنا طول العمر😭


ناصر....بقسوه يبجي انتي الچانيه علي روحك قبض ناصر بأيده الاتنين علي رقبتها 😡

وبدأ يخـ ـنق فيها مسكت ايده بأيدها تحاول تبعدها وهو مش هنا بقي في دنيا تانيه مش شايف غير علي علامات الأختــ ـناق بقت ظاهره علي وشها أتحول وشها في كام ثانيه لأكتر من كام لون لحد ما بدأ وشها يحمر بشده نزلت دموعها من جنب عينها و بصتله  برجاء🥺💔

سابت أيدها من ايده اللي بتخـ ـنقها  و حاولت جاهده توصل لصدره وأول ما مسكت طرف جلبابه أتشبثت فيه وكأنها غرقـ ـانه ومحتاجه تحس بالأمان بمجرد ما لمست صدره فاق ناصر وبصلها بص ــدمه وذهول وبدأ يفك ايده عن رقبتها شويه بشويه لحد ما فضل ماسك رقبتها لكن من غير ما يخنـ ـقها بمجرد ما خف ايده من علي رقبتها اتنفست عاليا و قدرت تمد ايدها اكتر لصدره وبسرعه أتشبثت فيه اكتر وبدون مقدمات رمت نفسها جوه صدره و حضنته بكل قوتها وهي منهاره وهو واقف مصـ ـدوم.


عاليا...بأنهيار متعملش فيا كده أرجوك متوجـ ـعنش اكتر من كده بعد كل اللي عملته فيا وانا لسه مطمنالك انا محستش بالامان غير معاك بلاش تخـ ـوفني منك ده انا مليش حد في الدنيا دي اطمنله واحسن معاه بالامان غيرك💔😭


في اللحظه دي حس ناصر بنغزه أخترقت صدره وبسرعه رفع ايده لفها علي ضهرها وضمها ليه بكل قوته💔


فضلت عاليا تعيط وتعيط وتعيط وتمسك فيه اكتر وهو يشدد من أحتضانه ليها


ناصر....اسف والله اسف عاليا اهدي متخـ ـافيش مكانش قصدي أعمل كده صدقيني مكنتش في وعيي انا لا يمكن أذيـ ـكي يا عاليا بلاش عياط من فضلك.


رفعت عاليا وشها تحاول تستشف حاجه من عينه بعد نبرته اللي اتحولت و لهجته اللي اتغيرت.


قرب ناصر ايده بحنان مسح دموعها غمضت عاليا عينها بخ ــوف.


ناصر.... انا غلطان صدقيني محستش بنفسي ياعاليا حسيت اني   اتجننـ ـت وانا شايفك بتستغفليني وكمان عايزه تهربي ارجوكي افهميني و سامحيني


بصتله عاليا بوجـ ـع أرجوك سبني اروح اطمن عليها انا كل لحظه وقفاها قدامك الوقت قلبي بيتقــ ـطع عشان عارفه انها عايشه وعارفه مكانها ومش قادره اجري عليها. مش عارفه هي فيها ولا حاسه بأيه انا حتي مسمعتش صوتها والله العظيم اللي كلمتني قالت انها مش هتقدر ترد عليا.


ناصر...وانتي راحه كده عادي مش يمكن هي مش هناك اصلا انتي واثقه ازاي في اللي بيكلمك اصلا.


عاليا...معنديش بديل انا بحاول امسك في امل يحسسني ان لسه معايا حد من اهلي اي امل يخليني احس ان اختي عايشه حتي لو اللي بتقوله ده صح مبقاش فارق معايا يحصل اللي يحصل انا كده كده لوحدي خلاص ولو فعلا اللي كلمتني دي مش بتضحك عليا يبقي مخسرتش حاجه وروحي رجعتلي من تاني وصدقني والله العظيم اطمن عليها واعرف منها اللي حصل وهنطلع عالنيابه عشان نجيب حق اخوك وحق ضحي وخالتوا لو انت عايز تجيب حق اخوك فا انا كمان ليا حق يعني مش هسيبه متقلقش بس الاول اعرف اللي عايشه دي حصل فيها شافت ايه سليمه ولا فيها حاجه حط نفسك مكاني انت جربت الوج ــع🥺 وانا كمان جربته بس لسه ربنا مديني فرصه ان وجـ ـعي يخف شويه بظهرو ريم 

هتحرمني انت منه💔😭


ناصر...بتأثر عمري ما هعمل كده صدقيني بس انا مش هقدر اسيبك تروحي لوحدك وصدقيني انا عارف انك خـ ـايفه مني ويمكن تكوني كمان مش مصدقاني ولا حتي بتثقي فيا بس ورحمه علي 

انا مش هآذيـ ـها انا محتاجها تظهر زيك واكتر حق علي في ايدها يا عاليا هي الوحيده اللي هتدلنا علي القات ــل يمكن في الاول كنت شاكك ان هي وراء اللي حصل بس لما عشت معاكي الفتره اللي فاتت مستحيل اصدق ان اختك تكون كده..متخـ ـافيش مني ياعاليا والله ما هآذيـ ـها و هقف معاكي ومعاها ومش هسيبكم.


بصتله عاليا وهي دموعها نازله🥺


مدلها ايده وابتسم و هو بيهز راسه عشان يطمنها اكتر.


ناصر...ثقي فيا ياعاليا وعمري ما هخذلك 


حطت عاليا ايدها علي وشها وفضلت تعيط مش عارفه تعمل ايه تصدقه وتعرفه مكان اختها ولا متصدقهوش وتروح لوحدها ويمكن يطلع زي ما قالت مكالمه وراها حاجه.


هي محتجاله معاها لانها متعرفش ممكن يكون اختها فيها ايه محتاجه حد يقف معاهم هي لوحدها مش هتقدر وفي نفس الوقت خـ ـايفه غضـ ـبه يعميه كانت واقفه بين نارين وقدامها انها تختار بين اختيارين اصعب من بعض شالت ايدها وبصتله في عينه عشان تحاول تلاقي الامان وصدق كلامه وتقدر تطمن.


عاليا...بدموع انا معنديش بديل غير اني اصدقك لاني محتجالك تفضل معايا لحد ما اطمن علي اختي محتاجه انك تكون معايا انا وهي لو انت شايف اني ضعيفه وبخـ ـاف فا ريم اكتر مني صدقني احنا الاتنين وضحي وخالتوا كل واحده فينا كان جواها ضعف في حاجه معينه بس لما كنا بنبقي مع بعض كنا بقوي بعض اوي لكن الوقت اتنين مننا راحوا وواحده شافت حـ ـادثه خلتها اضعف بكتير من الاول وانا عشت كل الاحداث اللي فاتت لوحدي من غيرهم وبقيت اخـ ـاف اكتر من الاول وبقيت اضعف مستحبل اقدر اقويها ولا هي هتعرف تقويني 


بصتله ثواني ولاول مره تنطق اسمه مجرد من أي ألقاب.


عاليا....خليك معانا يا ناصر واوعي تخذلني.🥺💔


بصلها ناصر نظره لاول مره تظهر علي عينه اسمه اللي نطقته من غير القاب ونطقته بكل ضعف حرك كل مشاعره ومن غير اي وعي شدها لحضنه من تاني وطبع علي جبهتها قبله طويله مع تنهيده  اطوله.

مش هسيبك ياعاليا ولا هسيبها ولا حد هيقدر يمس منكم شعره  او يـآذيـ ـكم وعمري ما هحسسكم بأي ضعف من اللحظه دي.

رفع وشها بأيده.


ناصر....لازم تصدقيني💔


عاليا...مصدقاك 🥺


ناصر....أدخلي أغسلي وشك وانا هطلع أقول لمرعي يجهز العربيه 

وهطلع اصحي سيف عشان يجي معانا هو ومرعي 


عاليا...بخـ ـوف طيب ليه هتاخدهم🥺


ناصر....بلاش نظره الخـ ـوف دي قولتلك ورحمه علي محدش هيقدر يمسكم ولا حتي بس احنا مش عارفين رايحين فين ولا هنقابل مين ومش هقدر اخدك معايا لوحدك ويحصل حاجه وتتـ ـأذي ياعاليا ..علي لو كان لوحده يوم الحـ ـادثه انا واثق انه حتي لو كانت اتقطع ميت حته كان لاخر نفس هيدافع عن نفسه لان مش علي اللي يحصله كده من غير ما يقدر يرد الضـ ـربه لكن اللي ضيع حياته ان ضحي وريم كانوا معاه وانتي هتبقي معايا يا عاليا لازم يكون معانا حد يحميكي عالاقل.


هزت عاليا راسها وحست ان كلامه صح.


ناصر...انا هخرج ابلغ مرعي وهطلع اغير لبسي بسرعه واصحي سيف اكيد مش هتمشي يا عاليا صح؟


عاليا...متقلقش هستناك🥺


ابتسم ناصر وخرج بسرعه من قدامها.


راح بلغ مرعي وبسرعه مرعي قام يجهز العربيه وأستعد.


طلع ناصر جري و أقتحم في الوقت ده اوضه سيف كان لسه صاحي و بيتكلم في التليفون مع عز في حاجه مهمه.


سيف....انت متأكد يا عز.


عز...ايوه متأكد زي ما بقولك كده واحد من العمال هو اللي جالي وبلغني من شويه باللي حصل في الموقع.


سيف....انا لازم أبلغ ناصر ولازم نطلع الصبح عالقاهره انت بس اكد عالعامل ده يشهد خلي عينك عليه ياعز.


وفجأه دخل ناصر بسرعه عالاوضه.


سيف....ايه ياناصر في ايه.


ناصر...كويس انك لسه مانمتش جوم بسرعه أچهز.


سيف....في ايه انا اصلا كنت لسه هاجي اقولك حاجه مهمه عز معايا عالتليفون وبيقول ان في واحد من العمال اللي كانوا بيشتغلوا في الموقع راحله وقاله ان عزام مكانش في الموقع بعد الحـ ـادثه زي ما قال واختفي وقت طويل وهو اللي قالهم يقولوا انه متحركش وشكل كده العامل ده ضميره صحي.


ناصر....بغضـ ـب ابننننن الكـ ـلب وديني لا هسففه التراب 


سيف...طيب قولي بس هنروح فين الوقت.


ناصر....في واحده اتصلت علي عاليا وجالت ان ريم اختها عايشه ومعاها هي في إسماعيله.


سيف....ايييييه😳


ناصر...مش وجت صـ ـدمات يا سيف يلا بسرعه مفيش وجت.


سيف....عز انا مضطر اقفل الوقت ريم طلعت عايشه زي ما سمعت لازم نروحلها خلي الواد تحت عينك يا عز لحد ما اقولك هنعمل ايه.


عز...تمام تمام متقلقش.


سيف...سلام.


عز...سلام.


ناصر....ثواني تكون چاهز ومعايزش صوت مش عايز ستك تعرف اي حاچه.


سيف....ماشي اقل من دقيقه هكون جاهز.


خرج ناصر بسرعه راح علي اوضته. فتح دولابه وقرر يتخلي عن جلبابه طلع بنطلون چينس أسود وتيشرت بنص كم اسود وكوتشي اسود لبس بسرعه كان شكله علي قد ما يرعـ ـب علي قد ما هو جذاب جدا ومتغير تماماً عن مظهره المعتاد.


خرج من اوضته بسرعه سيف كان واقفله بره معلقش علي شكله لانه متعود علي تغييره ده

وبسرعه كانوا بينزلوا بكل خفه وسرعه علي درج البيت.


ناصر....روح انت بسرعه اتأكد ان العربيه تمام.


سيف....تمام.


راح بسرعه ناصر علي المضيفه خبط علي عاليا ثواني وفتحتله وتنحت اول ما شافته لكن معلقتش.


ناصر....يلا جاهزه.


عاليا...ايوه.


راحوا بسرعه علي العربيه ركبها قدام وركب سيف و مرعي وراء.


ناصر....اكدت عالغفر يا مرعي يخلوا بالهم من الدار.


مرعي...ايوه متجلجش يا بيه.


دور ناصر العربيه وطلع بسرعه من البيت وآذن الفجر عليهم اول ما خرجوا.


ناصر.....عز قالك ايه يا سيف؟


سيف كان عملي في كلامه لا علق علي لبسه ولا طريقه كلامه مركز علي عروقه النافره واللي بيحاول يخفيها ويتمسك بهدوءه قدام عاليا لكن هو كان اكتر حد حاسس باللي بيحصل فيه الوقت.


سيف....قالي ان في واحد من العمال كلمه وقاله انه عايز يشوفه ضروري و راحله علي الساعه 12 

قاله ان بعد اللي حصل في الموقع علي مشي هو والبنات بعدها عزام وشريكه اختفوا وخدوا معاهم اتنين من رجالتهم وفضلوا كام ساعه ملهمش اثر وبعدين رجعوا بليل كان باين عليهم التوتر لكن في اليوم ده فضلوا قاعدين معاهم لحد بليل وده طبعا عشان يثبتوا انهم كانوا موجودين قال ان عزام كان باين عليه القلق وقال كمان انه سمع عزام بيتكلم هو وشريكه عن ضحي وريم واضح انهم كانت عينهم عليهم وكانوا من الاول ناوين علي حاجه مش تمام


ناصر...وليه مقالش الكلام ده من البدايه.


سيف....هو قال ان مش كل العمال اتطلبوا للشهاده اختار كام واحد و قال ان عزام اداهم فلوس كتير بحجه انه قلقان يتفهم غلط خـ ـناقته مع علي ويلبسوله تهمه معملهاش العمال صدقوا وفرحوا بالفلوس وشهدوا معاه وهو كان منهم بس ضميره وجـ ـعه وبعد ما عرف اللي حصل لعلي والبنات اتأكد ان هما اللي وراها خصوصا ان ضحي اعتدوا عليها وهنا من البدايه عين عزام كانت هتطلع عليها.


نزلت دموع عاليا وهي بتسمع الكلام حطت ايدها علي ودنها بوجـ ـع.


بصلها ناصر بحـ ـزن...ماشي يا سيف تمام ورحمه علي لاهـ ـولع فيه صاحي 😡


سيف....طيب انت قولي ريم كويسه ؟


ناصر....ان شاء الله كويسه بأذن الله مش هيكون فيها حاجه


عاليا...يارب يارب 🥺🥺💔


مرعي....طيب ليه منبلغوش الوجت احسن يهرب او يعمل حسابه لما يعرف ان العامل ده فتش سره.


ناصر....نطمن علي ريم الاول يا مرعي ونعرف منها اللي حصل وبعدين ربنا يحلها المهم اكدت علي عز يا سيف عينه علي العامل ده احسن يخـ ـاف ويغير رأيه.


سيف...ايوه متقلقش.

بقلم اميرة اسامه 

كمل ناصر طريقه طول الطريق سيف بيتكلم معاه ومع مرعي

وهو عينه عليها كل شويه يبصلها حاسس بتوترها وخـ ـوفها دموعها مش بتقف خالص باصه علي الطريق وساكته.


فضل مكمل طريقه وموقفش في اي استراحه خالص لانهم صايمين و لانه كان طاير عالطريق كأنه بيسابق الزمن.


الطريق بين قنا والاسماعيله كان طويل اتحرك ناصر من قنا الساعه 3ونص الفجر وبين قنا والاسماعيله حوالي 8 ساعات يعني كان المفروض يوصل علي الساعه 11 الضهر الساعه بقت 8 الصبح ولسه حوالي 3 ساعات في خلال الوقت ده صحيت جدته وعرفت انهم مش موجودين كلمته وقالها ناصر علي كل حاجه كانت قلقانه لكن طمنها وأمنته ميـ ـأذيش ريم ولا عاليا قفل معاها وكمل طريقه.

نام مرعي ونام سيف لانه من وقت ما جه من القاهره مكانش نام اما عاليا رغم تعبها كانت بتقاوم النوم وبتحاول تفتح في عينها بالعافيه.


ناصر...بصوت واطي عشان سيف ومرعي ميصحوش عاليا.


بصتله عاليه بتعب نعم.


ناصر...نامي شويه لسه فاضل 3 ساعات كده هتتعبي


عاليا....لا لا انا كويسه متقلقش


ناصر...ياعاليا انا شايفك بتقاومي النوم من بعد ما طلعنا كده هتصدعي نامي شويه عالاقل عشان تكوني فايقه لما توصلي.


لمعت الدموع في عين عاليا.


عاليا....ممكن اقولك حاجه🥺


ناصر....بتأثر قولي ياعاليا.


عاليا....انا خـ ـايفه🥺


ناصر...مني؟ لو مني انا حلفتلك برحمه علي.


نزلت دموعها تجري علي وشها وهي بتهز راسها.


عاليا...لا مش منك.


ناصر....امال من ايه؟


عاليا...خـ ـايفه اشوف حاجه في اختي خ ــايفه ريم يكون حصلها حاجه 🥺 خـ ــايفه اعرف حاجه مكنتش عامله حسابها خـ ــايفه يكون حصلها زي ضحي يا ناصر💔🥺


فهم ناصر اللي تقصده قرب ايده مسحلها دموعها ومسك كف ايدها كانت متلجه رغم حراره الجو


ناصر....بلاش تشاؤوم يا عاليا صدقيني انا حاسس انها بخير ادعيلها ومش هقولك بلاش تفكري في حاجه وحشه بس اهم حاجه الوقت انك تطمني عليها وتشوفيها بعينك اي حاجه بعد كده خير

اللي قادر ينجيها يا عاليا ويخليها بعد الح ــادثه دي تطلع سليمه قادر يخليها كويسه صح.


هزت عاليا راسها 🥺


ابتسم ناصر بهدوء يلا نامي شويه ارتاحي وبطلي تفكير.


هزت عاليا راسها وسندت علي الكرسي و غمضت عينها ومن غير اي شعور منها او منه فضل ناصر ماسك ايدها وهي ماسكه فيه بكل قوتها.


ابتسم ناصر وفضل ماسك ايدها وعينه كل شويه علي المرايه يشوف سيف ومرعي.


بعد حوالي 3 ساعات وصل ناصر اسماعيليه. سيف ومرعي لسه نايمين وهو مبسوط عشان ماسك ايدها وهي نايمه ومش راضي يسيبها.


سحب ايده براحه من ايدها وهزها براحه من كتفها.


ناصر...عاليا عاليا.


عاليا...اممم وفجأه بصتله بفـ ـزع وصلنا😳


ناصر....ايوه احنا هنا في اسماعيليه بس قوليلي العنوان بالظبط اللي قالتلك عليه وياريت لو تكلميها كمان.


عاليا....حاضر هكلمها هي قالتلي 

..وبدأت تقوله العنوان زي ما شيماء قالتهولها.


صحي مرعي وسيف وفضلوا باصين علي الطريق بترقب.


اتصلت عاليا بيها.......


عاليا....بصت لناصر دي مش بترد🥺


ناصر...جربي تاني 


اتصلت عاليا تاني مردتش.


سيف....طيب هاتي نتصل من عندي لو مش قاصده انها متردش عليكي هيبان لو ردت عليا.


عاليا....تمام وقبل ما تقوله الرقم اتصلت هي عليها.


عاليا....دي بتتصل 


ناصر...ردي بسرعه.


عاليا....الوووو


شيماء....ايوه يا انسه عاليا معلش انا اسفه كان معايا تليفون.


عاليا...انا اللي اسفه مخدتش بالي ان حضرتك وايتنج


شيماء...لا ولا يهمك.


عاليا.....طيب انا جيت اسماعيليه والمفروض اني شويه وهكون عندك.


شيماء....تنوري حبيبتي اي وقت انا مستنياكي بس اول ما توصلي اديني تليفون وجوزي هينزل يفتحلك الباب عشان ده بيت عيله.


عاليا....طيب انا كنت عايزه اقولك علي حاجه كده.


شيماء...قولي طبعا اتفضلي.


عاليا...انا مش لوحدي معايا ناس قرايبي هما 3 رجاله انا بقولك بس عشان لو فيها مشكله ليكي معلش اعذريني انا معرفكيش ومكانش ينفع اجي لوحدي.


شيماء...بأبتسامه لا يا حبيبتي مفيش اي مشاكل تنوروا زي ما قولتلك انا مش لوحدي احنا هنا بيت عيله وكده كده جوزي واخو جوزي كانوا هيقابلوكي معايا 

وطبعا حقك انك تقلقي انتي فعلا متعرفنيش.


عاليا....شكرا لحضرتك عشان قدرتي موقفي.


شيماء....متقوليش كده العفو انا عموما في انتظاركم ولو الطريق توهك كلميني.


عاليا....ماشي يا حبيبي مع السلامه.


ناصر...بغضـ ـب انتي ازاي تقوليلها ان معاكي 3 رجاله يعني لو هي نيتها وحشه او وراها حد فا انتي بتخليهم ياخدوا حرصهم.


عاليا...بخـ ـوف انا مقصدتش كده والله بس هي بتقولي انها قاعده في بيت عيله وان جوزها هينزل يفتحلي لما اوصل فا قولت اعرفها عشان ميحصلهاش مشكله.


ناصر....استغفر الله


سيف...عادي عادي ياناصر مفيش اي مشكله احنا مأمنين نفسنا وبعدين احنا الضهر يعني.


سكت ناصر وكمل طريق.


وبعد حوالي ساعه من اللف وصلوا اخيرا تحت البيت اللي في العنوان كانت منطقه سكنيه في وسط البلد مش مكان مقطوع زي ما كان متخيل ناصر.


ناصر...احنا كده تقريبا في العنوان الصح.


سيف....طيب بدايه مبشره المكان عمران ووسط بيوت ومحلات يعني خير ان شاء الله.


عاليا...يارب


ناصر...طيب انزلوا يلا هركن العربيه وانتي ياعاليا كلميها عشان حد ينزل يفتح الباب.


عاليا...بخـ ـوف وتوتر حاضر.


نزل مرعي وسيف واتصلت عاليا عليها بلغتها 


ركن ناصر وبصلها....يلا انزلي 


عاليا....🥺🥺


ناصر...انزلي ياعاليا ومتـ ـخافيش قولتلك انا معاكي.


خدت عاليا نفس طويل وفتحت الباب ونزلت وقفوا مع بعض ثواني يبصوا علي البيوت مترقبين حد ينزل عينهم علي كل بوابات البيوت لحد ما لمحوا واحد في منتصف الثلاثينات سنه قريب من ناصر تقريبا شكله محترم لابس قميص وبنطلون 

اول ما شافهم أبتسم وقرب منهم 

دخل عليه ناصر وسيف ومرعي وعاليا.


مد ايده بالسلام وهو عينه علي عاليا.


ياسر....السلام عليكم انسه عاليا مش كده


عاليا...بخـ ـوف ايوه انا.


ناصر....اهلا بحضرتك 


ياسر...اهلا يا افندم انا دكتور ياسر واللي كلمت انسه عاليا تبقي المدام بتاعتي 


ناصر...اهلا يا دكتور ياسر انا ناصر وده سيف اخويا وده مرعي بيشتغل معانا واكيد طبعا هعرفك بنفسي.


ياسر...طبعا اتفضلوا معايا فوق.


ناصر...اتفضل 


طلع ياسر ووراه ناصر وعاليا وسيف ومرعي 

رغم ان ياسر مكانش شخص يقلق إلا انهم كانوا لسه واخدين حرصهم الشديد.


وقف ناصر قدام اول شقه قابلها في العماره خبط عليها ووقف ثواني فتحلهم شاب تاني في نفس عمر ياسر تقريبا ويشبه الي حد كبير 


عمر....اهلا وسهلا اتفضلوا


ياسر....بأبتسامه ده عمر اخويا.


ناصر...اهلا بيك 


سلموا علي بعض ودخلهم ياسر وعمر قعدوا علي الانتريه 


ياسر....يارب ما يكونش الطريق غلبكم من القاهره.


ناصر...الحقيقه احنا مش جايين من القاهره احنا جاين من قنا.


ياسر....ياخبر ابيض ده مشوار طويل


ناصر....فعلا بس الحمد لله كان الطريق كويس 


عمر....طيب بما انكم كنتوا علي سفر حد فيكم فاطر اجيب مايه او عصير.


ناصر....الله يخليك بس الحمد لله كلنا صايمين يدوم الواجب.


في اللحظه دي لمحوا بنت بتخبط علي الباب في اوائل الثلاثينات محجبه وباين علي ملامحها الهدوء 


شيماء...السلام عليكم.


قاموا كلهم وقفوا وردوا التحيه.


شيماء....بأبتسامه انتي عاليا مش كده.


عاليا بخـ ـوف....ايوه انا.


شيماء....انا شيماء اللي كنت بكلمك.


عاليا....اهلا بيكي 


شيماء...اتفضلوا ارتاحوا.


عمر....انا بقول ندخل في الموضوع لاني حاسس بتوتركم وقلقكم 


ناصر....في الحقيقه احنا فعلا قلقانين جدا وعايزين نطمن انا جاي هنا ومش عارف اصلا ريم فعلا عايشه ولا لا موجوده معاكم هنا ولا لا.


بصت عاليا لشيماء والدموع ماليه عينها اختي هنا صح🥺 انا حاسه بيها قلبي بيقولي انك مضحكتيش عليا.


شيماء...بتأثر أبتسمت لا والله مضحكتش عليكي اختك معانا هنا فعلا بس هي فوق في الشقه بتاعتي الاول خليني افهمك اللي حصل من البدايه وصدقيني هطمنك مبدأياً كده هي الوقت نايمه.

بقلم اميرة اسامه 

عاليا....طيب اشوفها بالله عليكي وبعدين افهم🥺


ياسر... انسه عاليا احنا كلنا مقدرين والله حالتك ومقدرين قلقكم كلكم وهنطلعكم تطمنوا عليها بس لازم الاول نفهمكم


ناصر...اتفضل يا دكتور ياسر 


ياسر....مبدأياً كده اعرفكم الاول بينا انا ياسر دكتور جراح وده دكتور عمر اخويا جراح برده مخ واعصاب ودي المدام بتاعتي دكتوره نساء وتوليد ونبقي ولاد عم في نفس الوقت البيت ده بتاعنا عايش فيه اختي ووالدتي وانا وعمر الشقه دي شقه ضيافه 

انما احنا الشقق بتاعتنا فوق وعشان كده ريم مش موجوده هنا.

انا يمكن بقول حاجه تشوفوها متهمكوش بس انا حابب اطمنكم في البدايه.


ناصر...الجواب بيبان من عنوانه يادكتور.


ياسر....الله يخليك هدخل في الموضوع وبعدين شيماء هتكمل


من حوالي 3 اسابيع شيماء كانت في القاهره بتزور والدتها و بتخلص كام مشوار خاص بيها قبل زحمه رمضان وهي طبعا متعوده انها تروح لوحدها 

و اتفاجئت وهي راجعه بريم وبالحاله اللي كانت عليها هي هتكملك وبعدين انا وعمر هنحكي الباقي.


شيماء...انا كنت راجعه علي هنا ومن اول ما طلعت لحد ما وصلت العاشر الدنيا كانت زحمه جدا يا دوب دخلت طريق العاشر وبدأت الدنيا تهدي اول ما مسكت طريق فجأه لمحت واحده خرجت قدامي عالطريق معرفش جت ازاي بتشاور بأيدها الاتنين ولمحتها بتقع علي ركبها انا كنت لوحدي معايا طفله صغيره لما شوفتها اتـ ـرعبت مش عارفه ازاي ظهرت اصلا لدرجه اني اقنعت نفسي انها شبح وبصراحه خفت علي بنتي وفي نفس الوقت خفت يكون حد وراها واكيد مش هقدر اساعدها بس مقدرتش لما شوفتها بتقع بصيت عليها في المرايه لقتها علي نفس وضعها كأنها فقدت الامل مقدرتش وقفت العربيه و واستودعت نفسي وبنتي عند ربنا ورجعت لورا هي لمحت اني برجع 

بقت تتحامل علي نفسها وتحاول تقوم نزلت بسرعه من العربيه اتصـ ـدمت كانت في حاله ذعـ ـر غير طبيعيه كلام مش مفهوم من كتر العياط والخـ ـوف كل اللي قدرت افهمه بتقولي الحقيني خديني من هنا انا بموت هدومها كانت مقطعه خالص راسها بتجيب د/م لدرجه ان الـ ـدم نازل قدامي ورا بعض خمنت ان راسها مفتوحه لمحت ورم غير طبيعي في مفصل ايدها عند كوعها ايدها فاصله عن بعضها 


عاليا...كانت بتسمعها ودموعها مش بتقف وايدها علي قلبها💔


شيماء...مكنتش قادره انطق ولا حتي اقولها في ايه او مالك كان الـــ ـخوف بدأ يسيطر عليا وكل همي ابعد من هنا ببنتي واخدها معايا وانقذها ركبتها في الكنبه وراء وجريت ركبت قدام وفضلت اسوق وانا بترعش وعيني عالمرايه لا يكون حد ورايا وكل همي ان ابعد علي قد ما اقدر عن المكان اللي لقتها فيه.


بعد حوالي نص ساعه هديت شويه السرعه وخدت نفسي  وبصتلها في المرايه. سألتها انتي كويسه.


كل اللي قالته في الوقت ده طلبت مني لو هوديها المستشفي اعمل انها قريبتي عشان ميتعملش محضر 


سألتها ليه...قالتلي حاجه رعـ ـبتني لو اتعرف اني لسه عايشه هيـ ـقتلني قبل ما الحقيقه تبان وقالتلي لو جرالها حاجه هلاقي في الشوز بتاعها كارت ميموري في الحقيقه.


انا كنت بسمعها وانا ميته في جلدي طلبت منها تهدي وتنام وطبعا لحسن حظها انا بعتبر نفسي ان ربنا اخترني انا بالذات عشان اكون قصادها في الوقت ده حظها ان جوزي واخوا جوزي دكاتره وعندهم مستشفي خاصه بيهم في الوقت ده ياسر اللي جه في بالي اتصلت بيه وانا شيفاها وراء بتموت ومـ ـرعوبه حكيتله اللي حصل الحقيقه هو كمان كان مرعـ ـوب اكتر مني خـ ـايف يكون حد ورانا خـ ـايف اقابل كمين والحمد لله ياسر طلع بنفسه بعربيه اسعاف وقابلني علي الطريق خدوا مننا ريم وفضل هو معاها يحاول يسعفها وانا وراهم.


كمل ياسر كلام...اول حاجه قالتهالي شيماء حكايه الكارت وده طبعا معانا وتاني حاجه لما نقلنا ريم هي كانت فايقه مفيهاش حاجه بتحاول تمسك في الدنيا بأيدها كان فيها جـ ـرح كبير جدا في راسها من وراء انا كنت واثق ان في ارتجاج ونـ ـزيف وطبعا اللي حسبته لقيته كان عنده نـ ـزيف داخلي وارتجاج بسيط في المخ من الخبطه اللي فر دماغها بس كنت مستغرب انها قادره تكمل وتحاول تستغيث بس طبعا دي قوه إلاهيه. كان عندها كسـ ـر مضاعف في المفصل بتاع دراعها الغريب لحد ما وصلت بيها عالمستشفي كانت فايقه واللي يشوفها يقول ان فيها خدش 


عمر كان مستنيني هناك وبمجرد ما وصلت استقبلها مني بعد الكشف عليها طلع فعلا ارتجاج دخلها عمليات فورا 

طلبت مننا نفس الطلب قبل ما نعمل العمليه وهو اننا منبلغش غير لما هي تفوق لانها عارفه اللي عمل كده  وطبعا لقينا الكارت واديته لشيماء فوراً العمليه قعدت حوالي ست ساعات ونجحت الحمد لله قعدت حوالي اسبوع في العنايه وطبعا عملت كمان عمليه فى  أيدها طبعاً في خلال الفتره دي  فضلنا نحاول نسأل من بعيد و عرفنا الحـ ـادثه اللي حصلت واتأكدنا ان ريم هي البنت اللي اختفت طبعا مقدرناش نبلغ لانها خـ ـافت حد يوصلها ويحاول يتخلص منها طبعا بعد ما شوفت الكارت و عرفت ان الشخص ده متصور بصراحه حسيت ان فعلا اختفائها الوقت في صالحها خصوصا ان هي مكانتش هتقدر ابدا يتحقق معاها في الوقت ده الكلام والتفكير والضغط كان غلط عليها جدا وطبعا بعد ما عرفت وشوفت اللي حصل للبنت التانيه قلقت انها تكون أتعرضت لأغتصاب هي كمان.


بصتله عاليا برعـ ـب 🥺🥺


ياسر....شيماء كشفت عليها والحمد لله هي زي الفل مفيهاش اي حاجه وسليمه.


اتنهد الجميع براحه وخصوصا عاليا اللي قلبها وقع ودموعها مش راضيه تقف.


ياسر....طبعا هي بعد العمليه مكانتش بتنطق ولا بتتحرك وده كان قالقني مفيش غير عينها بس اللي بتتحرك بس في دكتور نفسي شافها وقال انها تحت تأثير الصـ ـدمه وفعلا هي كانت مصـ ـدومه

بعدها بكام يوم بدأت تقوم وتتحرك بسيط اطمنا انها احسن وبعدها بدأت تتكلم بسيط جدا او تهز راسها عمر كتبلها علي خروج لانها اتحسنت وفي نفس الوقت كان جاي زياره للمستشفي زي لجنه كده ومكنش ينفع حد يجي يشوفها فا خرجناها علي هنا وفي نفس الوقت تبقي تحت رعايتنا انا وعمر.

من حوالي اربع ايام بس بدأت تتكلم واول حاجه قالتها اسمك يا انسه عاليا و كانت بتسأل علي خالتها حاولنا نتكلم معاها شويه ونسأل عن اي حد فيكم أفتكرت بصعوبه رقمك حوالي يومين تقوله ويطلع غلط لحد امبارح بس لما الانسه عاليا ردت.


عمر...في الحقيقه هي لسه تعبانه الخبطه و الارتجاج اللي عندها عاملها عدم اتزان صعوبه في التذكر بتنسي شويه مفيش تركيز قوي يعني تركيزها حاليا حوالي 50٪ بس بس ده بسبب العمليه طبعا احنا هنطلعكم تطمنوا عليها بس لازم تعرفوا ان الكلام كتير مش صح ليها بلاش مجهود او ضغط بلاش حركه كتير هي محتاجه راحه وطبعاً لو حابين تعرفوا اي حاجه منها بيتهيألي ان الميموري في كل حاجه حابين تعرفوها بس الاول ممكن أسأل حضرتك سؤال.


ناصر...اتفضل.


عمر...حضرتك قولت انك جاي من قنا والشاب اللي اتوفي عرفت انه اندفن في قنا هو حضرتك تعرفه.


ناصر...بحـ ـزن علي يبقي اخويا💔


سيف....وابن عمي💔


بص عمر وياسر لبعض.


ياسر..انا من رأيي ان بلاش تشوفوا الميموري سلموا افضل انا كنت فاكر ان حضرتك بعيد عن الموضوع كنت هطلب منك ان انسه عاليا ما تشوفش بس ده كده مينفعش حضرتك كمان تشوف.


ناصر....انا بقالي شهر تقريبا بموت مستني اللحظه دي ومستحيل اعديها من غير ما اعرف اللي حصل لاخويا.


ياسر...بتأثر طيب الاول خلينا نطلع نطمن علي ريم وزي ما قولنا بلاش إجهاد ليها يا انسه عاليا مفهوم. وخلي بالك هي متعرفش ان اللي كانت معاها اتوفت


عاليا...بدموع ولهفه حاضر حاضر اشوفها بس حتي لو من بعيد ومش هقولها اي حاجه🥺💔


ياسر....أتفضلوا معانا. 


طلعوا ورا ياسر كلهم فتحت شيماء الشقه ودخلت وهما وراها.


شيماء....ممكن لحظه اصحيها بس وامهدلها انك جيتي عشان مينفعش تشوفك فجأه زي ما دكتور عمر قال مينفعش انها تتفاجئ او تتخض عشان العمليه


عاليا....حاضر خدي راحتك.


عدي حوالي عشر دقايق


فتحت شيماء الباب وبصتلهم


شيماء...تقدروا تدخلوا


بصت عاليا لناصر بخـ ـوف وهي دموعها نازله 


ناصر....يلا ياعاليا انا معاكي مسكها من ايدها وسط الجميع ومشي بيها لحد باب الاوضه


عاليا....🥺🥺🥺🥺💔


#سجينه_مع_وقف_التنفيذ

#صاحبه_البطل_الواحد

#أميره_اسامه


البارت الثاني عشر..


فتحت شيماء الباب وبصتلهم


شيماء...تقدروا تدخلوا


بصت عاليا لناصر بخـ ـوف وهي دموعها نازله 


ناصر....يلا ياعاليا انا معاكي مسكها من ايدها وسط الجميع ومشي بيها لحد باب الاوضه


عاليا....بمجرد ما رفعت عينها علي السرير جحظت عينها🥺🥺💔

فرحه مع خـ ـوف مع صـ ـدمه مع عدم إستيعاب و تصديق


سابت ايد ناصر بهدوء دخلت بهدوء و بخطوات مرتعشه 


دخل ناصر وقف جمب الباب ومعاه سيف وعمر وياسر حتي مرعي.


فضلت عاليا تقرب ريم قدامها عايشه بتحلم ولا حقيقه الف سؤال بيهاجـ ـم عقلها خطواتها من الباب لحد السرير امتار بسيطه لكن حاسه انهم مسافه طويله


ريم قاعده قدامها عالسرير ملفوف علي راسها شاش ايدها ملفوفه بالجبس ومتعلقه علي رقبتها اثار كدمات بسيطه علي وشها لكن بدأت تروح دموعها نازله مش بتقف


قربت عاليا منها اكتر واول ما وقفت قدام السرير مدت ايدها لمست وشها بهدوء وفضلت تمشي ايدها علي كل جزء فيها كأنها بتأكد لنفسها ان ريم عايشه. وانها لمساها بأيدها ومش بتحلم


قعدت جمبها علي حرف السرير وهي ضهرها ليهم.


عاليا....بدموع انتي عايشه صح انتي قاعده قدامي ياريم ردي عليا وقوليلي اني مش بحلم ردي عليا وقوليلي ان الوجـ ـع اللي شوفته في بعدك خلص خلاص قوليلي انك كويسه ومش هتسبيني تاني ياريم💔 قوليلي اني لمستك بأيدي واني شيفاكي بعيني 


ريم...بوجـ ـع وتعب واضح وظاهرحتي علي مخارج كلامها 


أحضنيني ياعاليا💔


غمضت عاليا عينها بوجـ ــع ودموعها بقت زي الشلال وقربت منها بهدوء ضمتها في حضتها.

وفي اللحظه دي انهارت عاليا 

خلت كل اللي واقف متأثر والدموع بتلمع في عيونهم حتي ناصر كان واقف بيحارب دموعه.


عاليا....كنت محتاجه حضنك يا ريم كنتي فين ياقلبي وحصلك ايه.


في اللحظه دي أتصـ ـدم الكل من رد فعل ريم اللي صـ ـرخت بأعلي حس  عندها وكأن الصوت خارج من قلبها اللي اتدمـ ـر خارج من جواها.


ريم...اااااااااااااااااااه💔

اااااااااااااه ياعاليا ضحي ياعالياااااا 


عاليا....بخـ ـوف عليها وهي منهاره بس ياريم بس عشان خاطري💔


ريم....اااااااااااااااااااااااااااااااه 


عاليا....بس بس اسكتي 😭😭


ريم....ضحييييييييييييييي قلبي يااااااااارب


جري عليها عمر..


عمر....ريم ريم اهدي ياريم ريم احنا اتفقنا من الاول انتي وعدتيني ياريم تمسكي نفسك انتي عارفه ان ده غلط عليكي.


عاليا....عشان خاطري اسكتيييييييي💔 مش بعد مالقيتك هتضيعي مني ارجوكي اسكتي.


قعد سيف بإهمال وهو بيرمي جسمه علي اقرب كرسي وحط ايده علي راسه غمض عينه وحاول يسيطر علي دموعه بمجرد ما أفتكر علي حاله ريم تقول ان اللي شافته كان اكبر بكتير من ماهما توقعوا صـ ـرختها واللآه اللي طالعه من قلبها تقول انها عاشت يوم صعب هيفضل في ذاكرتها.


عمر....ريم من فضلك اهدي مش عايزين نرجع للمهدئ تاني.


عاليا....انا معاكي ومش هسيبك بس ارجوكي اسكتي.


عاليا....بوجـ ـع مش عارفه سيبوني محدش حاسس بيا محدش عاش اللي انا عيشته ضحي وعلي يا عاليا ليه ليه ياعاليا ليه عايزه ضحي ياعاليا عايزه اخدها في حضني ضحي ياعاليا تعبانه انا بس اللي حاسه بيها كنا لوحدنا ياعاليا دعيت ربنا كتير بس صوتي موصلهوش ياعاليا صوت ضحي كان مغطي علي صوتي ربنا مسمعنيش يا عاليا صوت ضحي كان اقوي صوت في الدنيا🥺💔


طلبت منها تسكت عشان ربنا يسمعني مكانتش بتبطل صريـ ـخ صوتها في ودني ياعاليا معرفتش اعملهم حاجه.


انا كنت في كابوس ياعاليا ومش عارفه اخرج منه لحد الوقت صحيني منه ياعاليا ورحمه ماما 

شوفولي حد يصحيني أرجوكم انا تعبانه منه اوي.


حضنتها عاليا تاني وهي منهاره


انهارت ريم اكتر في حضنها


ريم.....ضحييييييي


عمر....ياسر هات الحقنه بسرعه.


ريم...لاااااااا مش عايزه حقن مش عايزه انام انا عايزه افوووووووق عايزه اشوف ضحي متخليهوش ينيمني يا عاليا النوم مش بيريحني النوم بيوديني نفس المكان تاني 


عاليا....طيب اهدي اهدي عشان خطري مش هيديكي حاجه بس اسكتي عشان خاطري.


ريم...طيب فين ضحي فين خالتو مجتش معاكي ليه خديني ليهم ارجوكي عايزه ارجع بيتنا انا خـ ــايفه عاليا وديني بيتنا رجعيني أوضتي انا وضحي مشيني ياعاليا لو بتحبيني متسبنيش تاني انا محتجالكم اوي 


عاليا....هنمشي يا ريم هنمشي يا حبيبتي ومش هسيبك عمري تاني 


ريم....فين خالتو وضحي جرالها ايه لحقتوها مش كده.


عاليا...بوجـ ـع غمضت عينها وهي بتعيط اهدي ياريم خالتو كويسه وضحي كمان كويسه بس انا لما عرفت انك هنا جيت بسرعه هما في القاهره مش هنا خالتو قاعده مع ضحي ياريم مش هينفع تسيبها.


ريم...بشرود  وتوهان فضلت تبص علي وشوشهم كلهم وتهز راسها برفض


لاااا لاااا انتي بتكدبي عليا ضحي لا يمكن تكون كويسه انا شوفتها بعنيا🥺🥺 بعد اللي حصل فيها ضحي مش كويسه يا عاليا شوفتها غرقانه في دمـ ــها شوفتها اه اه انا شوفتها مكانتش بتتحرك صوتها بدأ يختفي شويه بشويه لحد ما بقي ملهاش صوت ناديت عليها وانا بصـ ـرخ مردتش عليا

مستر علي صـ ـرخ فيا وقاللي اجري 

اجري ياريم جريت جريت غصب عني يا عاليا سمعت صوته وهو بيتألـ ـم فضل يعافر ويصـ ـرخ محدش سمعه واختفي صوته زي ما صوت ضحي أختفي ولقيت حد بيمسكني عافرت كتير وبعدين وقعت جامد علي راسي حسيت بالـ ـدم غرق الدنيا وبدأت عيني تغمض وانا سامعه صوته بيقول دي ماتت هي كمان يلا بسرعه أستسلمت للموت وغمض عيني وحاجه فوقتني من تاني قمت فضلت ابص حواليا الدنيا ضلمه مبقتش فاكره انا سبت ضحي فين فضلت اجري لحد ما تعبت ومش عارفه ايه اللي حصل تاني 

كل اللي فكراه انه قال دي ماتت هي كمان يعني ضحي ماتت ضحي وعلي ماتوا يا عاليا 


ضحيييييييييييييبيي.


حضنتها عاليا وهي منهاره ومش قادره تنطق.


اخيرا بعد صمت دام كتير نطق ناصر. قرب منها وبصلها بحـ ـزن


ناصر....قوليلي مين اللي عملها مين اللي طلع عليكم ياريم مين اللي قـ ـتل اخويا 


ريم....بتوهان ضحي ماتت قتـ ـلها واغتصـ ـبها.


ناصر....ردي عليا ياريم وانا أوعدك حقهم هيجي.


عمر....انا اسف بس انا رأيي كفايه عليها كده نسيبها حتي ترتاح شويه اللي بيحصل ده غلط عليها والله الحركه والانفعال والصـ ـريخ ده غلط عليها جدا العمليه مكانتش بسيطه.


عاليا....نامي ياريم ارتاحي شويه وانا هفضل جمبك والله مش هسيبك ومش همشي من هنا غير وانتي معايا.


ريم.....هيقتـ ـلني لو عرف اني عايشه هيقتـ ـلني هيعمل فيا زي ما عمل في ضحي.غمضت عينها بتعب.


عاليا...بدموع محدش هيقدر يقرب منك متخـ ـافيش انا جمبك.


غمضت ريم عينها بأستسلام وهي ماسكه في ايد عاليا.


فضلت عاليا تعيط وهي بتبوس ايدها.


شيماء...اهدي يا انسه عاليا هتبقي كويسه اللي شافته كان كتير عليها هتاخد وقت لحد ما تبقي كويسه بس لازم انتوا تتماسكوا شويه مينفعش كده.


عاليا....اختي بتضيع مني انتي شايفه حالتها عامله ازاي.


ياسر.....حالتها دي طبيعيه جدا بسبب الصـ ـدمه انا كنت متوقع كل ده يحصل لما تواجه.


عمر...عشان كده مكنتش عايز ده يحصل الوقت كان لازم تشد حيلها اكتر من كده 


ناصر.....انا عايز اشوف الميموري من فضلكم ريم حالتها متسمحش ابدا اننا نضغط عليها وانا مش هقدر استني وبيني وبين اللي عملها خطوه.


ياسر.....هتشوفه بس مش الوقت


ناصر...بغضـ ـب انا عايز الميموري حالا.


ياسر....اهدي يا استاذ ناصر والله انا مراعي جدا حالتك بس معلش استني شويه انتوا صايمين والحاله اللي انتوا فيها دي غلط عليكم كلكم انتوا هتفضلوا معانا وهنفطر كلنا سوا وبعد الفطار أبقي شوف اللي انت عايزه.


ناصر...انا مش عايز افطر انا عايز اشوف الميموري احنا لازم نتحرك فوراً كلنا من هنا.


عمر....مش هينفع ريم مش هتقدر تتحرك الوقت الحركه غلط عليها خصوصا بعد المجهود الذهني اللي عملته والحركه و الصـ ـريخ ده كله ده في خـ ـطر علي حياتها.


ناصر....واحنا لايمكن نفضل اكتر من كده لازم نتحرك .


ياسر...استاذ ناصر معني ان ريم تظهر هي والميموري اللي عليه الحقيقه ان هيبقي فيه سين وجيم مش هتقدر عليه صدقني.


ناصر.....هبعدها هوديها قنا ومش هخلي اي حد يتعرضلها.


عمر....مينفعش مش هتستحمل المسافه دي كلها صدقني الطريق طويل و متعب عليها جدا.


ناصر....بغضـ ـب طب اعمل اييييه حسوا بيا انا في نـ ـار 


عمر...طيب تعالي بس نقعد بره واهدي شويه خلينا نكون متفقين ان طول ما اللي عملها ميعرفش حاجه عن ظهور ريم والدليل اللي معاها فاهو مطمن اعتبر ان ريم مظهرتش الوقت خالص واستحمل بس يومين تشد حيلها وبعدين اعملوا اللي انتوا عيزينه.


ياسر....يلا تعالي نقعد بره ونسيبها ترتاح وبعد الفطار هنتكلم 


بصله ناصر وسكت.


ياسر...متبصليش كده ده الصعايده دول اصل الكرم وانتوا هنا ضيوفنا مش عايزنا نقدم واجب الضيافه دي الاصول برده يلا تعالوا معايا.


خرجوا كلهم وفضلت عاليا مع ريم  هي وشيماء.


شيماء....هتبقي كويسه متخـ ـافيش عليها.


عاليا...يارب🥺💔


شيماء....بقولك ايه انتي كمان شكلك مرهق جدا اطلعي نامي جمبها خليها تحس بيكي ارتاحي لحد معاد الفطار وان شاء الله هتصحي كويسه. يلا انا هسيبك الوقت بس لو احتاجتي حاجه انا بره معاهم ماشي.


هزت عاليا راسها وهي عينها علي ريم وبمجرد ما خرجت شيماء نامت عاليا جمبها علي السرير وهي حضناها وماسكه فيها بقوه

فضلت تبوس في وشها وتشم ريحتها و تمسح علي خدها بحنان وبعدين غمضت عينها وفي ثواني نامت من كتر التعب🥺

............ببقلم اميرة اسامه 

خرجت شيماء وقفلت عليهم الباب.


ياسر....ايه ريم نامت؟


شيماء...اه نامت كالعاده بتسقط وبتنام بدون اي مقدمات.


سيف...بحـ ـزن طيب هو ده طبيعي يا دكتور؟


عمر...بعمليه شديده طبيعي جداً ده تأثير العمليه زي ما قولتلكم العمليه مكانتش بسيطه بس كمان ريم من الناس اللي تقف قدام حالتها تندهش لو حد غيرها وده طبيعي جدا كان هيبقي حالته أسوء كان ممكن بعد العمليه يدخل في غيبوبه مؤقته او يفضل بعد العمليه فاقد الوعي فتره

بس ريم بعد كام ساعه من العمليه فتحت عينها اه مكانتش بتتكلم او تتحرك بس لما كنت بسألها سمعاني شيفاني كانت بترد عليا بعينها فا ده كان مطمني لما دكتوره شيماء شافتها قالت انها فضلت في وعيها كتير تغمض وترجع تفتح حتي لما اتنقلت في الاسعاف لحد ما وصلت المستشفي وأستلمتها من ياسر كانت في وعيها وبتكلمنا كانت مرعـ ـوبه وفضلت كتير ماسكه ايدي و تترجاني قبل ما تاخد البنج عشان العمليه اني مبلغش مكانتش عايزه حد يعرف انها عايشه او بالتحديد الشخص اللي عمل كده كان كل همها ان الميموري يفضل معانا كل ده وهي عندها نـ ـزيف شغال مش بيقف الشخص اللي ضـ ـربها اداها بحجر كبير في راسها وده اللي عمل الارتجاج وطبعاً الارتجاج ده بيحتاج ان بعد العمليه المريض يرتاح اطول وقت ممكن ميتحركش كتير لان كمان الحركه بتسببله دوار شديد جدا وعدم إتزان الكلام الكتير المجهود الضغط الذهني بس في حاله ريم انا والله مستغرب جواها قوه رهيبه للتمسك بالحياه وكأنها متمسكه بالحياه عشان الحقيقه تظهر. وطبعا النوم المفاجئ ده اقل حاجه ممكن تحصل اعراض طبيعيه يعني.


سيف....طيب هو خروجها من المستشفي في الوقت ده عادي يعني ميأثرش عليها.


عمر....هو لو اي مريض غيرها المفروض يفضل وقت اطول بس هي الي حد كبير حالتها مستقره الحمد لله زي ما قولت لحضرتك احنا خرجناها بسبب اللجنه اللي كانت موجوده واحنا كنا و عدناها محدش هيعرف اي حاجه وهي طبعا مكانش معاها مرافق فا وجودها كان هيبقي في شك وطبعاً هي كانت امانه معانا من اول ما استلمناها في الحقيقه كلما أتعاطفنا معاها بعد الحـ ـادثه اللي حصلت واعتبرنا نفسنا اهلها جبناها هنا عشان تكون تحت رعايتنا انا ودكتور  وياسر ودكتوره شيماء محدش فينا قصر معاها وبقت واحده مننا خلاص عايز كمان اقولك حاجه هي كانت ملتزمه جدا بالتعليمات كنت مانع عنها الكلام والانفعال خالص طلبت منها ان الكلام يكون في اضيق الحدود وهي التزمت لما كانت تسرح وتعيط اقولها ده غلط لازم تستحملي وتكوني قويه عشان تقدري تقفي علي رجلك بسرعه وحقك يرجع كانت متعاونه جدا وجود انسه عاليا كنت عارف ان ده هيكون نتيجته كنت خـ ـايف وطلبت منها نأجل المقابله دي بس هي وعدتني تكون قويه لكن طبعا ده شعور داخلي جواها متقدرش تتحكم فيه انا عاذرها جدا بس اتمني ان الشعور ده ينتهي بسرعه عشان متتأثرش و يحصل مضاعفات عشان كده طلبت منكم بلاش نسألها كتير ونضغط عليها.


سيف....احنا مقدرين حالتها ومش حابين اننا نضغط عليها بس كمان محتاجين نعرف الحقيقه علي الاقل عشان هي ترتاح كلنا تعباين من اللي حصل بس هي شافت اللي حصل بعينها ولازم تحس ان حقها بيرجع.


عمر....انا فاهم ده كويس بس كمان بلاش نستعجل عليها الحقيقه موجوده وهي معانا يعني الحق عمره ما هيضيع كل حاجه هتعرفوها انهارده بس انا كنت طالب منكم ان حتي لو عرفتوا كل حاجه عالاقل نستني يومين لان بمجرد ما الحقيقه تتعرف لازم ريم تقول اقوالها اولا الكلام الكتير تعب عليها ثانيا لما هتحكي هتفتكر و ترجع تعرض عقلها للتفكير وترجع لذكري صعبه عدت عليها.


ناصر....بعد صمت دام كتير..طيب الوقت يا دكتور انا حابب اننا ناخدها معانا ايه العمل تتنقل عادي في العربيه ولا لازم اسعاف


عمر...ولا ده ولا ده ريم مينفعش تتحرك الوقت السفر غلط عليها مش هتقدر تتحمل المسافه دي كلها.


ناصر...مش هوديها قنا عشان المسافه هي هتروح علي القاهره.


عمر...صدقني الافضل انها تستني يومين تلاته عالاقل خليها معانا زي ماهي واكيد انتوا الوقت متطمنين عليها.


ناصر....اختها مش هتقدر تسيبها.


عمر...تفضل معاها و هنشيلهم فوق راسنا متقلقش.


هنا حس ناصر انه مضايق ومش عارف يعمل ايه خصوصا ان الكلام ده لو اتقال قدام عاليا هتوافق عليه فورا من غير اي وعي منه نطق ناصر


ناصر....انا نفسي مش هكون مطمن ومش هقدر اسيب مراتي في مكان وانا في مكان!!!!!!


بصله سيف ومرعي بذهول😳

من غير تعليق علي اي كلام


و بصله عمر وياسر بأستفسار.


عمر....مرات حضرتك هي انسه عاليا مراتك؟


ناصر....ايوه مكتوب كتابنا.


عمر...امممم طيب علي فكره البيت هنا كبير والشقه اللي تحت تقدروا تقعدوا فيها انتوا ضيوفنا وعلي راسنا علي الاقل يومين بس اطمن اكتر ان ريم هتعدي الوقت الصعب ده ولقائها هي واختها وبعدين تقدر تاخدهم عالقاهره زي ما تحب وانا بنزل القاهره تقريبا يوم بعد يوم عشان بتابع شغل هناك في القصر العيني هعدي عليها واتابع حالتها بنفسي وكمان في دكتور هخليه يتابعها الايام اللي مش هبقي فيها هناك هيساعدكم كتير لو حصل اي حاجه اتفقنا.


ناصر....بقله حيله تمام يا دكتور انا مش عارف بجد اقول لحضرتك ايه ودكتور ياسر و المدام بجد حضراتكم عملتوا اللي عليكم وزياده.


ياسر...متقولش كده احنا اخوات وده واجبنا المهم الوقت تعالوا انزلوا تحت شويه ارتاحوا انتوا جايين من سفر مع الصيام مع اللي حصل ده كله اكيد محتاجين ترتاحوا وبما ان ريم و انسه عاليا نايمين انا وعمر هنروح بسرعه كده المستشفي لاننا منزلناش واستنيناكم وقبل الفطار هنكون هنا نفطر مع بعض وبعدين هتبقي تشوف الميموري.


بص ناصر لشيماء بأستفسار هي عاليا نايمه؟


شيماء...ايوه قولتلها ترتاح شويه شكلها تعبان خالص واكيد محتاجه تكون مع اختها الوضع كان صعب عليهم هما الاتنين الله يكون في عونهم انزلوا انتوا ارتاحوا وانا موجوده معاهم هنا اطمن عليهم متقلقش.


ناصر...شكرا جدا تعبناكي.


شيماء...تعبكم راحه.


قام عمر وياسر وخدوهم علي تحت.


عمر...اعتبروا البيت بيتكم وده الكارت بتاعي لو في اي حاجه كلمني خدوا راحتكم ده بيت اخواتكم ومعاكم هنا والدتي واختي وجوزها والمدام بتاعتي ودكتوره شيماء يعني انتوا مش لوحدكم واحنا مش هنتأخر عليكم.


ناصر...انا مش عارف اقولكم ابه بجد اسفين جدا علي للازعاج اللي سببناه لحضراتكم.


عمر....متقولش كده وبلاش الحساسيه الزياده دي انا قولتلك احنا اخوات و كمل بأبتسامه وزي ما الصعايده اهل الكرم والجدعنه الاسماعيليه ولادها جدعان بردو


ناصر...بأبتسامه يدوم الكرم والجدعنه.


عمر....يلا هنسيبكم بقي ترتاحوا وانا هبلغ اللي في البيت قبل ما امشي انكم موجودين.


ناصر...تمام شكرا ليكم.


عمر....العفو سلام عليكم.


خرج عمر وياسر وسابوهم يرتاحوا قعد ناصر علي الكنبه وحط ايدول علي راسوا بتعب


مرعي...جوم ياولدي ارتاح انت وهو شويه لسه اربع ساعات عالفطار.


ناصر...بتعب هتاچي منين الراحه بس يا مرعي .


سيف....ناصر انت ليه قولت ان عاليا مراتك؟


ناصر....كنت عايزني أعمل أيه عاد أسيبهم مع ناس غريبه عنيهم ريم جاعده في شجت الدكتور ياسر يعني اكيد بيبيت معاهم هنجول ان ريم وضعها يسمحلها لانها مريضه طيب واختها كيف هتجعد مع راچل غريب اكيد ما هتاخدش راحتها كيف نهملهم ونسافر يا سيف.


سيف....انا فاهمك بس بردو متنساش اننا كنا اغراب لعاليا وكانت معانا.


ناصر...بأرتباك ايوه صوح بس كمان كانت جاعده لحالها في المضيفه واني اللي كنت مجعدها لحد ما اختها تظهر ثم اني ضامن حالي و ضامنك وعارف ان محدش فينا ممكن يتعرضلها انما مش ضامن غيري دول امانه يا سيف.


سيف...بس هما شكلهم ناس محترمه.


ناصر....عارف وولاد اصول كمان بس ميصحش احنا وهما يا سيف مشكلتنا واحده هنجدروا نفهم علي بعضينا لكن غيرنا مضمنش البتين بجيوا لحالهم يا سيف واحنا عارفين حكايتهم البت الصغيره مـ ـرعوبه من اللي شافته 

وهي الوجت في خــ ـطر مينفعش نهملهم ومكانش هينفع افضل معاهم لو مفيش حاچه تربطني بيهم فهمتني يا سيف.


سيف...بتنهيده فهمتك يا ناصر.


ناصر...كلمت عز عشان تشوف معاه اخر الاخبار.


سيف....اخر مره كلمته بعد ما اتحركنا من البلد قالي انه هيروح بكره بالعامل ده النيابه يكسب وقت عشان خـ ـايف العامل يغير رأيه او يخـ ـاف من عزام 


ناصر....ليه يا سيف كنت منعته كلمه الوجت وخليه ما يروحش 


سيف...ليه ياناصر؟


ناصر...بغضب عشان اني اللي هاخد روحه بيدي يا سيف حج اخوي هچيبه بيدي تاره اني اللي هاخده منيه ومن عيلته كلاتها وبعد الفطار هجلب عليه الاسماعيليه وهچيبه وهاخد روحه 

النهار ماهيطلعش غير واني جاتله كيف ما جتل علي.


سيف...ناصر ارجوك بلاش عشان خاطري خلي القانون ياخد مجراه هو كده كده هيتعدم كل حاجه بتدينه يعني مش هيقدر يخرج منها انا محتاجك معايا ياناصر متسبنيش زي ما علي سابني 🥺


بصله ناصر بحـ ـزن وخده في حضنه. ماجدرش يا سيف والله ماجادر اني واللي جتل اخوي في نفس البلد كيف اهمله بس


سيف....مين قال اننا هنسيبه بس متضيعش نفسك احنا من غيرك مش هنعرف نكمل متقضيش عليا انا كمان يا ناصر انت وستي اللي باقينلي متعملش فيا كده.


مرعي....سيف معاه حج يا ناصر يا ولدي متضيعش حالك مع واحد خسـ ـيس كيف عزام هو إكده او إكده ميت سلم الدليل ياولدي والحكومه هتچيبه وهينعدم وحج علي هيرچع.


خد ناصر نفس طويل ...طيب يلا جوموا أرتاحوا شويه عشان بعد الفطار نعرفوا هنعمل ايه عاد اكيد انتوا التنين ماعينفعش تفضلوا إهنه.


سيف...ماشي يا حبيبي يلا قوم انت كمان ريح شويه.


ناصر....ماشي.

..................بقلم اميرة اسامه 


نام مرعي علي الكنبه مكانه ودخل ناصر في اوضه يرتاح فرد جسمه علي السرير لكن مقدرش ينام


سيف مرضيش يسيبه ودخل نام جمبه كان خـ ـايف ناصر ينزل من وراهم ويروح لعزام.


.............................


عدت الساعات بسرعه كان فاضل علي الفطار نص ساعه


رجع ياسر وعمر.


طلع عمر علي شقته وطلع ياسر فوق في شقته فتحتله شيماء.


شيماء....حمد الله عالسلامه يا حبيبي.


ياسر...الله يسلمك ايه هنا لسه نايمين.


شيماء...بيتهيألي صحيوا كنت سامعه صوت انسه عاليا الوقت.


ياسر...طيب حصل اي حاجه.


شيماء...لا أطمن بخير يلا ادخل غير هدومك وخد حمامك لحد ما الفطار يجهز.


ياسر...طيب اعملي حسابك عمر هيفطر معانا عشان خديجه مراته راحت لمامتها انهارده وامي هتفطر مع رحمه وجوزها انا فهمتهم ان قرايب ريم موجودين كمان عشان لما يشوفوا الميموري يبقوا لوحدهم.


شيماء...بتفهم تمام يا حبببي يلا ادخل وانا الوقت ابقي ادخل اشوفهم.


ياسر...تمام.


..........

في اوضه عاليا وريم.

كانت عاليا و خداها في حضنها ودموعها نازله.


عاليا....كنت خـ ـايفه عليكي اوي.


ريم...بتعب وانا كنت محتجالك اوي ياعاليا كنت خـ ـايفه عليكي وبفكر ياتري حالتك عامله ايه.


عاليا....كنت بموت كل ثانيه وانا مش عارفه انتي فين مبطلتش ادعيلك لحظه يا ريم 


ريم كانت بتسمعها ودموعها نازله.


ريم....اول مره رمضان يعدي علينا و متبقاش مع بعض.


ابتسمت عاليا من وسط دموعها انتي عارفه اني جبتلك العروسه اللي طلبتيها كل يوم كنت اخدها في حضني واكلمها كأنك معايا.


ريم...بوجـ ـع انا مش مصدقه انك معايا يا عاليا 


عاليا...انا معاكي يا حبيبتي وجمبك ومش هسيبك تاني ابدا.


ريم....انتي ازاي جيتي مع مستر سيف و اخو مستر علي اتقابلتوا ازاي.


عاليا...بـ ــوجع دي حكايه طويله يا ريم تفوقي بس و احكيهالك احنا متقابلناش انا كنت عندهم في الصعيد.


ريم....الصعيد!! ليه وايه اللي وداكي.


عاليا....استاذ ناصر بعد اللي حصل كان فاكر ان انتي ليكي يد في اللي حصل واختفائك زود شكه خدني معاه علي اساس انك لما تعرفي تيجي تخلصيني من ايده مكانش يعرف ان انتي نفسك محتاجه المساعده.


ريم....بدموع عملك ايه آذاكـ ـي.


عاليا...لا لا خالص اطمني هو شخص محترم هو وجدته وسيف كمان كانوا بيعتبروني منهم يمكن الاول كان طريقته مختلفه وكان شايفني بداري عليكي او عارفه مكانك بس هو من جواه مكانش عارف بيعمل ايه كان عامل زيي بيحاول يتعلق بأي حاجه توصله باللي عمل كده في اخوه


ريم.....بدموع مستر علي كان بيحبه اوي


عاليا...عارفه ريم مش عيزاكي تقولي اي حاجه قدام الناس هنا عن اللي قولتله ده احسن يقلقوا ويبلغوا عنه.


ريم....انا عايزه ارجع البيت يا عاليا عايزه اطمن علي خالتوا هي اكيد تعبانه وحالتها وحشه كفايه عليها اللي حصل لضحي.


غمضت عاليا عينها بألـ ـم ودموعها نزلت تجري 🥺💔


عاليا....هنروح يا حبيبتي وهوديكي ليها 


ريم...بدموع وحشتني اوي يا عاليا🥺🥺💔


عاليا...انتي كمان وحشتيها اوي يا حبيبتي وهي مستنياكي😫💔


ريم....بوجـ ـع ضحي يا عاليا ضحي 💔😫😫😫


عاليا...بدموع احنا قولنا ايه كفايه عشان خاطري ورحمه ماما كفايه لو بتحبي ضحي بجد كفايه عشان متتعبيش🥺


خبطت شيماء في الوقت ده وفتحت براحه وهي مبتسمه.


شيماء....القمر بتاعي عامل ايه الوقت.


عاليا...بدموع ابتسمت الحمد لله بخير.


شيماء....احنا مش قولنا بلاش عياط يا انسه عاليا عشان متتعبش.


عاليا....كانت وحشاني اوي 💔 كنت هموت عليها مش مصدقه انها قدامي.


شيماء...ربنا يخليكم لبعض هي زي الفل اهي واطمني هي قدامك يا ستي ومش هتسيبك ولا تسيبيها تاني. ولا ايه يا ريم.


ريم....بأبتسامه بسيطه من وسط دموعها انا تعبتك معايا اوي انا مديونالك بحجات كتير مهما عدتها مش هقدر اوفيكي حقك انتي ودكتور ياسر ودكتور عمر.


شيماء...بتأثر متقوليش كده ابدا انتي اختي ربنا عالم من يوم ما شوفتك يا ريم وانتي دخلتي قلبي وحبيتك وخـ ـوفت عليكي كأنك مني كان كل همي اني انقذك.


عاليا....لو في حد مديون بجد فا هو انا مش ريم 🥺🥺 انتي رجعتيلي روحي بمكالمتك ليا كل اللي عملتيه مع ريم في رقبتي ليوم الدين 


شيماء....انتوا عايزني اعيط بقي ولا ايه والله انا ما عملتش اي حاجه واي حد مكاني كان عمل كده واكتر واوعي تفكري يا ست ريم انك لما تمشي من هنا هسيبك انا علي طول هجيلك وأسال عليكي احنا بقينا اخوات خلاص.


عاليا....بأبتسامه طبعا ربنا يديكي علي قد نيتك الجميله♥️


شيماء....طيب خلينا بقي في المهم هتفطري بره ولا هتاكلي مع ريم هنا هي ريم كده كده فاطره بس ده معاد اكلها لو عايزه تفطري مع جوز حضرتك براحتك.


عاليا.....لا خليني معاها.وفجأه انتبهت عاليا لكلمته 😳


ريم....جوزها!! انتي اتجوزتي يا عاليا.


بصتلهم شيماء باستغراب...اه انا اقصد استاذ ناصر هو قال انك مراته 


عاليا...بتوتر و أرتباك اه اه انا بحسب بتقولي لريم 


ريم....لعاليا انتي اتجوزتي ؟


بصتلها عاليا بعينها كأنها بتقولها هفهمك بعدين اه اه ياريم هحكيلك كل حاجه بعدين لما تبقي احسن.


ريم....فهمت ريم ان في حاجه بسرعه غيرت الكلام هو انا ممكن اطلع افطر معاكم بره انا وعاليا.


شيماء....طبعا لو هتقدري ومش حاسه بدوخه تعالي طبعاً انا هقوم اجهز السفره بسرعه يادوب الاذان هيآذن خلاص.


عاليا...محتاجه اي مساعده.


شيماء...لا يا قلبي خليكي معاها بعد اذنكم.

..............

اول ما خرجت بصتلها ريم


ريم....هو في ايه انا مش فاهمه حاجه.


عاليا....ولا انا ياريم مش عارفه ليه قال كده 


ريم....يعني ايه وليه هيقول كده اصلا.


عاليا...يمكن مقدرش يقول اني كنت معاه في الصعيد وانه مخليني عنده لحد ما تظهري.


ريم...ممكن هو بجد معملكيش اي حاجه.


عاليا...خالص والله اطمني ناصر حد محترم جدا هو يبان عصـ ـبي و يخـ ــوف بس هو طيب 


سمعوا صوت الباب بره وسمعوا صوت ياسر بيرحب بيهم و بيدخلهم مع عمر اخوه اللي عدي عليهم وجابهم.


عمر....ريم كويسه.


ياسر...اه كويسه شيماء لسه خارجه من عندهم وبتقول انها هتفطر معانا بره هينفع ولا ايه


عمر...اه عادي لو قادره تيجي هي لازم بردو من وقت للتاني تتحرك بس حركات بسيطه والمكان هنا مش بعيد.


ياسر....تمام هروح اجيب العصير بسرعه منورين يا جماعه.


سيف...ده نورك.


ناصر...منوره بيكم يا دكتور.


........

دخل ناصر لقي شيماء مبتسمه.


ياسر....الجميل مبتسم ليه.


بصتله شيماء وضحكت مش جوزها!


بصلها باستغراب 🤔هو مين


شيماء...استاذ ناصر مش متجوز عاليا


ياسر...وانتي ايه اللي عرفك


شيماء...سألتها هتاكل مع ريم ولا مع جوزها بره استغربت وارتبكت وسالتني جوزي وريم سألتها انتي اتجوزتي وبسرعه حاولت تفهم كلامي وقالتلي لا هفطر معاكو


ياسر....طب وهو ليه قال كده


شيماء ..بأبتسامه ودي عايزه كلام يا دكتور ده انت حبيب قديم وبتفهمها وهي طايره شكله بيحبها واكيد غيران انها تفضل هنا وانت وعمر موجودين.


ياسر...بابتسامه قولتيلي بقي بس هو شكله محترم.


شيماء...فعلا عموما كفايه اللي فيهم ربنا يعينهم و يسعدهم


ياسر...بأبتسامه طب يلا بقي الاذان اذن هروح اديهم العصير وهخبط علي البنات عشان يخرجوا


شيماء....بضحك بس اوعي تدخل احسن ده صعيدي 😂


ياسر....وانتي فكراني هدخل انا مش مستغني عن عمري😂😂


..........

خرج ياسر اداهم العصير وخبط علي باب الاوضه ثواني وفتحت عاليا.


ياسر...يلا يا انسه عاليا الفطار ريم هتقدر


عاليا...ايوه هجيبها حالا.


عمر....لحظه انا هساعدها.


دخل عمر وساعدها هو وعاليا قامت براحه وفضلت واقفه ثواني عشان الدوخه لان بقالها فتره نايمه.


عمر...براحه خالص يا ريم متستعجليش. لو مش قادره خليكي


ريم...لا خليني اخرج انا زهقت هقدر متقلقش.


عمر....طيب يلا براحه.


خرجها عمر هو وعاليا وقعدت علي كرسي السفره براحه.


ناصر...عينه كانت علي عاليا

رفعت عاليا عينها لاقيته باصصلها ارتبكت وبسرعه بعدت عينها عنه.


جابت شيماء الاكل وبدأوا كلهم ياكلوا سوا كان الوضع العام بين ترحيب من عمر وياسر وشيماء و احراج للباقي لكن طريقتهم الطيبه معاهم خلتهم فكوا شويه


بعد الاكل شكرهم ناصر وسيف وعاليا وراحت شيماء تشيل الاطباق ساعدتها عاليا ورجعت تاني قعدت مكانها لحد ما شيماء تعملهم الشاي.

...........


عاليا كل شويه تبصله عايزه تحاول تعرف ليه قال انها مراته بس كانت محرجه تسأله.


سيف....عامله ايه الوقت يا ريم.


ابتسمت ريم بتعب زي ما حضرتك شايف يا مستر سيف مبقتش انا.


سيف...بابتسامه متقوليش كده لسه زي القمر يا باربي.


ابتسمت ريم...حضرتك لسه فاكر مبقتش باربي خلاص.


سيف...هتبقي كويسه.


اتجمعت الدموع في عينها وبصتله ميتهيأليش🥺💔


سيف....بتآثر متقوليش كده انتي قويه يا ريم وانا واثق انك هتعدي كل ده و هترجعي احسن من الاول.


عاليا....اكيد ريم قويه و هتقدر تتخطي كل اللي حصل🥺


ناصر...حمدالله علي سلامتك يا انسه ريم.


بصتله ريم بريبه....الله يسلمك.


جات شيماء حطت الشاي ورحبت بيهم تاني وقعدت معاهم.


عمر....ريم استاذ ناصر كان عايز يرجعك معاه انهارده بس انا طلبت منه تفضلوا يومين كمان عشان اطمن اكتر انك بقيتي احسن وصحتك تبقي افضل و تقدري انك تسافري. انسه عاليا هتفضل معاكي هنا واستاذ ناصر واستاذ سيف وحاج مرعي ضيوفنا وهيفضلوا معانا في الشقه اللي  تحت يعني متقلقيش مش هيسيبوكي.


ريم...بس انا كويسه خلاص يا دكتور عمر بالله عليك انا عايزه امشي


عمر...دول يومين بس ياريم ايه لحقتي تزهقي مننا


ريم....لا خالص والله انا بس عايزه اطمن علي خالتو 


بصوا كلهم لبعض.


ريم....وبعدين كفايه اوي بجد اللي عملتوا معايا لحد كده 


ياسر....احنا معملناش معاكي حاجه ياريم وبعدين احنا خلاص بقينا اهل احنا اتعودنا علي وجودك كفايه فرحه شيماء بيكي


شيماء...خلاص يا ست ريم ادام عاليا جات تسيبيني.


ابتسمت ريم لشيماء لا والله ابدا انتي عارفه انتي بقيتي ايه بالنسبالي بس انا محتاجه ارجع بيتي محتاجه اكون مع خالتو هي محتجاني وكمان انا عايزه حق ضحي ومستر علي يرجع كفايه كده بقي🥺🥺🥺💔


عمر.....طيب يوم واحد بس يا ريم خليكي لحد بكره علي الاقل كمان الجماعه يرتاحوا دول جايين سواقه 8 ساعات.


ناصر....ريم انا عايز امشي و اجيب حقهم اكتر منك بس لو ده في خـ ـطر عليكي مفيهاش حاجه لما تستني مجاتش علي يومين ولو نفع تمشي بكره هنرجع كلنا بكره.


هزت ريم راسها بهدوء وسكتت.


بص ناصر لعمر....دكتور عمر انا عملت كل اللي قولت عليه واستنيت لبعض الفطار بس صدقني مش قادر خلاص من فضلك ريحني بقي.


بص عمر لياسر وشيماء وبعدين رجع بص لناصر بحـ ـزن وهو بيهز راسه ورجع وجهه كلامه لشيماء.


عمر....دخلي ريم يلا ترتاح شويه جوه وب....


قاطعته ريم


ريم...من فضلك يا دكتور متقلقش انا بخير وهفضل معاكم 


عمر...ريم معلش ادخلي انتي ارتاحي مش هينفع تكوني موجوده الوقت اسمعي الكلام


ريم....بدموع اللي هيشوفوا انا كنت موجوده فيه بنفسي 🥺 

و شيفاه في عيني طول الوقت

لازم اكون موجوده بس قبل ما تشغل الڤديو لازم احكيلهم اللي حصل🥺🥺🥺💔


بصولها كلهم بترقب وبصتلها عاليا برجاء.


عاليا....بلاش عشان خاطري يا ريم ادخلي جوه و اسمعي الكلام🥺


ريم...مبقاش ينفع يا عاليا خليني اتكلم وارتاح انا استنيت اللحظه دي كتير. رجعت بصتلهم تاني

بقلم اميرة اسامه 

ريم....سمعت انا وضحي العمال بيتكلموا علي انهم تاني يوم الصبح هيحطوا صبه لدورين زياده لما روحنا نتغدي بلغنا مستر علي بكل اللي سمعناه كان مضايق جدا. ومتعصـ ـب و خدنا ورجعنا تاني علي الموقع اتكلم مع مستر عزام وبعد كده بدأ صوتهم يعلي مستر عزام مصمم ان الادوار مش هتآثر لان الاساس من البدايه معمول حسابه والبرج يتحمل ومستر علي رفض قاله معنديش استعداد اني اتحمل ارواح ناس بريئه في رقبتي


بدأ مستر عزام يتعصـ ـب اكتر وأتحول تماما بقي يقوله انا خسرت نص مليون جنيه والادوار دي هتكون تعويض وعلي الاقل خليها في برج واحد بس اعوض الخساره مستر علي رفض ومشي وسابه بيتكلم مستر عزام كان بيـ ـزعق جامد وقاله ان الادوار هتتعمل غصـ ـب عنك ركب مستر علي ومشينا واحنا في الطريق بلغ مستر عز باللي حصل عشان يبدأ ياخد إجراء قانوني قبل ما نوصل عشان مستر علي مكانش هيلحق وكان عنده سفر بليل للصعيد وكان عايز يخلي مسؤوليته انه بلغ قبل ما مستر عزام يلحق يصب الخرسانه الصبح🥺


مشينا كتير لحد ما الليل دخل والدنيا حوالينا كانت ساكته كل فين وفين تيجي عربيه🥺


وفجأه حسينا ان مستر علي متوتر و بيبص كتير في المرايه وضوء كشاف قوي ضارب في المرايات بدأ يسرع اكتر وبعدها حسينا بخبطه في العربيه صـ ـرخت انا وضحي ووقتها عرفنا ان في حاجه غلط🥺


حاول مستر علي يهدينا وخلي ضحي رجعت وراء حاول كتير يطلع من العربيه اتفاجيئ انهم عربيتين مش واحده مكانش عارف يتحكم في العربيه وحس ان في حاجه خـ ـطر طلب اننا نبلغ البوليس مكانش في شبكه مفيش حاجه كانت بتجمع🥺🥺


لما حس بالخـ ـطر قرر انه يقف فضلنا كتير. نقوله بلاش كمل قال مش قادر العربيه هتتقلب لازم اقف اشوف مين دول وعايزين ايه

طلب مني اول ما ينزل اصور كل اللي هيحصل واني اقفل كل البيبان علينا🥺🥺


فضلنا نقوله لا كتير🥺🥺🥺😫

بس هو مكانش في حاجه يعملها غير انه يقف العربيات كانت بتحاوطنا ومش عارف يطلع منهم


ووقف ونزل و قفلتا وراه بسرعه وشغلت الموبايل اصور


في البدايه هتلاقوا الصوره باينه وبعد كده الصوره كانت بتتهز ومش جايبه حاجه غير صوت 😫🥺 بصت لعمر تقدر تفتح الوقت الڤديو كل حاجه هتسمعوها باقي الحكايه من بعد ما مستر علي نزل💔


بص ناصر بصـ ـدمه وغضـ ـب لعمر 

مسك عمر موبايله جاب الڤديو وقرب الموبايل من ناصر 🥺


مسك ناصر الموبايل سيف وعاليا كانوا جمبه باصين علب الموبايل بترقب  حط ناصر صباعه علي التشغيل وبدأ الڤديو  علي صوت صــ ـريخ قوي💔🥺


ريم.....مستر علييييييييي


ضحي....لاااااااا مستر عليي


ريم....انت بتعمل كده لييييييه😫


ظهر في الفديو اتنين مكتفين علي وواحد واقف وراه حاطت السكينه علي رقبته.


وشخص تاني واقف قدامه بيكلمه


علي.....انت اتجننت انت بتعمل ايه؟


الشخص....طول عمري تابع ليك طول عمري بعمل كل اللي انت عايزه واقف في ضهرك شايل شغلك علي كتافي عمري ما خذلتك سبت كل حاجه في حياتي عشانك يا علي عشان اقف معاك ونكبر سوا زي ما كنت بتقول كل حاجه كانت بتجيلك بكل سهوله وانت قاعد باشا حاطت رجل علي رجل انا اللي كنت بتعب وبتمرمط لحد ما الشركه بتاعتك وقفت علي رجلها كل ده مش مهم ياعلي لكن انك تاخد مني الانسانه الوحيده اللي حبتها علي جثتي يا علي 


علي...انت بتقول ايه؟


الشخص...بصوت قوي ضحييييي ضحي يا علي اللي كنت بتمني بس رضاها روحتلها وقولتلها اني بحبها وطالبها في الحلال


وفجأه لف وهو بيبص لضحي وريم بتوره الكل اتصدم ..


سيف....عززززززز😳

عاليا...حطت عاليا ايدها علي بوئها🙊🙊


ناصر...😳😡😡عز


عز....قولتلها هعملك كل حاجه في الدنيا قالتلي انت زي اخويا يا عز مش هقدر اشوفك غير كده.


الكلام ده كان من 3 ايام 


سبتها ومشيت وانا متحـ ـطم جيتلك في نفس اليوم كنت ناوي اتكلم معاك لقيتك بتصـ ـدمني وبتصارحني بحبك ليها سألتك طب وهي ؟قولتلي مش عارف بس هقولها وقولتلي كمان انك حاسس انها بتبادلك نفس الشعور 


سمعتك وانت بتكلمها في البريك وبتقولها علي اللي جواك أبتسمت وسكتت طلبت منها انك تشوف اهلها بعد ما ترجع من الصعيد وهي وافقت وقالتلك انها مش هتقول حاجه لوالدتها الوقت غير لما ترجع....ليه ياعلي قولي ليه كل حاجه انت بتعوزها بتطولها بسهوله ومن غير اي تعب ليه انا ديما عالرف ومش معمول حسابي


علي....اعقل يا عز كل شئ قسمه ونصيب انا لو اعرف انك بتحبها مكنتش خدت الخطوه دي يا صاحبي بس انت بنفسك بتقول هي قالتلك انك اخوها


عز بغضـ ـب...عشان انت موجوووووود وانا يا علي مش هستني لما تسافر وترجع تاخدها مني.


ضحي...بصـ ـريخ وانا مش هبقي ليك يا حيـ ــواااااان😫😫


عز....مبقاش بمزاجك يا ضحي

بص عز للرجاله اللي مأجرهم شوفوا شغلكم


علي....عزززز استني ياعززز وفجأه لقي لكمه قويه في وشه وبدأ يكون في بين علي والتلاته اللي معاه قتـ ـال.


صوت الصـ ـريخ بيعلي اكتر

 والموبايل مبقاش يصور


سمعوا صوت كسـ ـر في الشباك

وضحي بتصـ ــرخ جامد هي وريم.


ضحي....لااااااا ياعز سبني اااااه عليييييييي 


علي....سيبها يا عزززززززز


ريم....حد يلحقناااااااااا يا ضحييييييي 


ضحي...لا يا عز والنبي ابوس ايدك لااااه لاااااا ابعد عني يا حــ ــيوان


علي....يا عززززززز اه 🔪ودي كانت اول طعـ ـنه وعلي مستمر في الضـ ــرب.


صـ ـريخ مستمر من ضحي تبعه صـ ــرخه قويه موقفتش


ضحي...لاااااااااااااااااااااااااا وفجأه انقطع صوت ضحي وفضل صوت ريم.


علي....يا ابن الكاااااااااللـ ــب اه.🔪


عز....انا كنت عايزك في الحلال رفع ايده وضـ ــربها اول طعــ ـنه🔪


ضحي....اااااه


عز....بس انتي اللي مشوفتنيش انا كنت بحبك..🔪


ضحي....اااااه💔


قام عز زي المجـ ـنون راح لعلي وهو بيطـ ــعن فيه وبيعيط


عز.....ضحي ماااات 🔪


علي...ااااه


عز...انت السبب🔪


علي...ااااه.


واحد من اللي معاه خلاص يا باشا واحد مننا اتضـ ـرب يلا مفيش وقت


عز....بضياع انت السبب في كل ده🔪


علي...ااااه


ريم.....ضحيييييييييييي كفاااااااايه


عز....هاتها بسرعه.


علي...اجري ياريم  اجرررري


وفجأه بقي في حركه كتير في الموبايل و مره واحده فصل 

........

ريم....بتعب وانهيار. ضحي ماتت ضحي ماتت علي مات كلهم راحو


عاليا...ضحييييييييي😫وفجأه وقعت عاليا من طولها


ريم...مكمله كلام مع نفسها وكأنها في دنيا تانيه ومش حاسه بعاليا اللي فقدت وعيها


ناصر.. واقف عينه بيطلع منها شــ ـر وجحـ ــيم😡 ومش حاسس بعاليا اللي وقعت جمب رجله وياسر وعمر وشيماء بيفوقوا فيها


سيف....واقف دموعه نازله و مصـ ــدوم 


مرعي...واقف حاطت ايده الاتنين علي دماغه.


وكأن في لحظه كل واحد فيهم بقي في دنيا تانيه والارض بتلف بيهم🌎


#سجينه_مع_وقف_التنفيذ

#صاحبه_البطل_الواحد

#اميره_اسامه


البارت الثالث عشر..


وقعت عاليا من طولها فاقده الوعي من وقت ما شافت ضحي في تلاجه الموتي وهي صورتها مش بتروح من بالها قلبها بيتـ ـقطع علي الموته اللي مكانتش تستحقها قت ــل وهت ــك عرض عمر انتهي قبل ما لسه يبدأ.

وجعـ ــها كان كبير اوي لكن وجعـ ـها اتضاعف اكتر لما عرفت الحكايه بالتفصيل لما سمعت صوت استغاثتها و صـ ـريخها اللي كان بيرن في ودنها عياطها و توسلاتها 

الهيستريا اللي كانت فيها وهي بتعافر عشان تحافظ علي شرفها 

كل ده كان أصعب بكتير اوي من انها تشوفها قدامها ميته. مستحملتش حست ان الدنيا بتسود في وشها حست انها مش شايفه مش سامعه برد صاب كل جزء في جسمها خـ ـوف فظيع من كل حاجه حواليها وكأنها خلاص أستسلمت وهربت من الواقع قلبها متحملش ووقعت مش حاسه بأي حاجه بعد صــ ـرختها بأسم ضحي 

علي قد وجعـ ـها انها فقدت خالتها علي قد ما كانت تتمني تكون هي مكانها تموت قبل ما تعرف الحقيقه وتسمع صوت ضحي بودنها وقتها بس اتأكدت ان اوقات الموت بيكون رحمه وربنا عمره ما بيعمل حاجه مش في مصلحتنا هدي لو كانت عاشت للحظه دي مكانتش هتقدر تستحمل و هتعيش حياتها كلها متعــ ـذبه. حاولت عاليا انها هي كمان تستلم للغيامه اللي مرت قدام عينها وفقدت وعيها وقعت جمب ناصر.


اللي حاله مكانش يختلف عنها يمكن كان أسوأ كونه يعرف ان اخوه أتقتـ ـل حاجه وانه يشوفه و يسمعه و يحس باللحظات اللي عاشها لوحده كان أصعب كتير مع كل كلمه كانت بتتقال في الڤديو مع صرخـ ـات البنات مع نزاع علي الأخير مع كل الآه كان بيتمني اللحظه دي متكونش ماضي كانت بيتمني يكون في أختراع لأختراق الڤديو ويدخل جواه بنفسه يقـ ـتل عز ويقـ ـطع كل حته فيه بأيده كان بيتمني ينقذ اخوه كل أنفعالات جسمه وحركاته اللاأراديه اثناء مشاهدته للڤديو تبين قد ايه هو حاسس انه ممكن يعمل حاجه عقله وقف تماما علي ان الڤديو ده ماضي ومش أكتر من دليل وعلي مات وأدفن. الجحـ ـيم اللي كان في عينه يرعـ ـب نفس شعور عاليا حس بيه ومكانش سامع أي حاجه حرفياً كأن ودنه أتسدت للحظات 

عينه واقفه تماماً مش قادر يشوف قدامه غير علي وبس علي اللي لحد أخر لحظه كان بيدفع حياته تمن لإنقاذ ريم وضحي كان واقف بطوله قصاد اربع رجاله ورغم الضـ ــرب و الطـ ـعنات الا انه حافظ علي آخر ثبات ليه كان راجل لأخر لحظه. كل ذنبه في الحياه أنه حب وقف ناصر عند النقطه دي وحس أن حلمه أتسرق في لحظه أخوه الصغير بعد ما أخيراً حب وكان رايح يفاتحه اتقـ ـتل وحبيبته اللي اخترها أغتصـ ـبها عز قدام عينه مكفهوش انه يقتـ ـله ويقتـ ـلها لكن موته مقـ ــهور حسسه بعجزه انه يدافع عن شرف حبيبته أغتصـ ـبها قدام عينه من غير اي رحمه قتـ ـل رجولته قدام عينه حسسه بضعفه وهو سامعها بتنادي عليه وهو واقف مش قادر يعمل حاجه.


كل ضـ ـربه سـ ــكينه ناصر كان بيسمع بعدها آآآه من علي كأنها شقت قلبه من جوه.


الوجـ ـع اللي كان حاسس بيه محدش كان ممكن يتخيله 

حاسس أنه بيتخنق مش قادر يتنفس مش عارف يتحرك ضربات قلبه بتقل بيحاول يتماسك لكن شبح السواد اللي بيهاجمه مسيطر عليه مسك ناصر رقبته وهو بيحاول يتنفس مكانش قادر يحافظ علي ثباته أكتر من كده


سيف واقف جمبه مبينطقش دموعه بس اللي بتنزل مش قادر يصدق ان عز اللي عمل كده في صاحب عمره مش قادر يصدق ان الخيانه والغـ ــدر كانوا علي ايد اقرب حد ليهم.


وفجأه فاق لما لقي ناصر واقف جمبه بيتخنق وبيحاول يحافظ علي ثباته عشان ميقعش.


سيف....ناااصر ناصر فيك ايه


ناصر...هاااااااا هاااااا


سيف....بدموع ناصر خد نفسك براحه


عمر....الحقه يا ياسر بسرعه😳


ياسر....شيماء هاتي مايه بسرررررعه.


ياسر....استاذ ناصر براحه خد نفسك بهدوء انت بخير استاذ ناصر أنت سامعني.


ريم...مستمره ضحي ماتت علي مات🥺 ضحي ماتت علي مات.


سيف....بغضـ ـب وخـ ــوف صـ ـرخ فيها عشان توقف اللي بتقوله بسسسسسس كفايه ياريم.


بصتله ريم بفـــ ـزع وهي دموعها نازله 🥺🥺🥺 عاليا عاليا.


سيف....ناصر والنبي خليك معايا


ياسر...اطمن متقلقش يا استاذ سيف أشرب يا استاذ ناصر اشرب وحاول تهدأ .


سيف...اشرب ياناصر 


مرعي....خليك معانا يارب.


عمر كان بيحاول يفوق عاليا بس مكانتش بتفوق رين قاعده بتعيط وتنادي عليها.


عمر...شيماء تعالي خدي ريم من هنا وفضيلي الكنبه دي بسرعه


ريم....لا انا مش هسيب عاليا🥺🥺عاليا قومي والنبي هي كويسه يادكتور عمر.


عمر...متقلقيش بخير النبض كويس ضعطها وطي بس شويه.


ياسر....ها احسن شويه؟


هز ناصر راسه وهو شارد 


ياسر....شيماء هاتي جهاز الضغط بسرعه.


شيماء...بخـ ـوف اهو يا ياسر.


ناصر....بثبات اطمن يا دكتور 

ياسر اني بخير متجلجش.


بصله ياسر وعمر لمحه بسرعه ورجع يفوق في عاليا وشيماء بصت لياسر بأستغراب لهجته الصعيدي رجعتله من تاني و نبرته مش مفهومه إذا كان ده هدوء عادي او الهدوء الذي يسبق العاصفه.


ياسر....معلش مش هنخسر حاجه لو اطمنت عليك.


قرب من ايده جهاز الضغط وبعد ثواني بسيطه..


ياسر....ضغطه واطي اوي هاتي نقط الضغط بسرعه يا شيماء.


شيماء....ثواني.


بص ناصر علي عاليا وفي الوقت ده بس أستوعب انها فاقده الوعي

عاليا.... قام من مكانه وقف.


سيف...بقلق...ناصر؟


وطي ناصر شال عاليا من الأرض رفعها علي الكنبه عاليا عاليا ردي عليا 


عمر.....ياسر تعالي لحظه.


ياسر....معاك.


سأله عمر علي نوع حقنه معين إذا كان موجود عنده ولا لا.


ياسر....موجوده ثواني.


راح بسرعه ياسر جاب الحقنه وبدأ عمر يجهزها و أدهالها في الوريد وهو بيضغط بين حاجبها بقوه.


ناصر....فيها ايه؟


ريم....عاليا قومي🥺


عمر...اطمنوا يا جماعه زي الفل والله حالا هتبدأ تفوق.


ثواني عدت والكل قاعد باصص لعاليا🥺


بدأت تفتح عينها براحه وتغمض تاني.


عمر...انسه عاليا انتي كويسه.


مسكت عاليا دماغها بألــ ـم شديد وهي بتبص حواليها وبدأت تستوعب اللي حصل ضحي🥺

ضحي🥺


ياسر....انسه عاليا من فضلك حوالي تهدي لو مش عشانك عشان ريم هي لسه تعبانه 


عمر....صدقيني ده غلط عليها اللي بيحصل ده انا رفضته من البدايه بس هي صممت وانا وثقت فيها انها هتكون هاديه مينفعش انتي كمان تنهاري بالشكل ده انا عارف والله انه غصب عنكم كلكم بس اكيد انتي متتمنيش ليها اي حاجه وحشه طول ماهي شيفاكي كده هتتعب اكتر.


ريم....بدموع عاليا انتي كويسه.


هزت عاليا راسها بهدوء بأيوه عشان تطمنها🥺


ياسر....من فضلكم ممكن بقي تقعدوا كلكم عشان محتاج اقول كلمتين اتفضل با استاذ سيف اقعد يا حاج مرعي اقعد يا عمر.


قعدوا كلهم والصمت سيد الموقف

ريم دموعها مش بتقف وعاليا ساكته خالص وناصر جمبها في عالم تاني.


ياسر....شيماء من فضلك اعملي قهوه و هاتي لريم وانسه عاليا اي عصير بسرعه.


شيماء...بحـ ــزن حاضر.


ياسر....من فضلكم يا جماعه أسمعوني استاذ ناصر ياريت حضرتك بالذات تسمعني وتفهم كلامي. اللي شوفتوه انا عارف ان مفيش حد يقدر يتحمله انا كنت حامل هم اللحظه دي اوي وعارف انها مش هتعدي بسهوله.


بس كمان اللي شوفتوه ده حصل خلاص وانتهي لكنه دليل قوي

ودي حاجه المفروض تريحكم لازم قبل ما تاخدوا اي خطوه تحسبوها بالعقل و متعملوش اي حاجه تدينكم فاهمني يا استاذ ناصر.


ناصر....بجمود رايدني أهمل تـ ـار أخوي اني من جبل ما أشوف اللي حوصل معاه واني مستني اللحظه اللي يوجع في يدي اللي عملها 


بس بعد ما شوفت بعيني اللي حوصل معاه وعرفت مين الكـ ـلب اللي عملها هاخد روحه بيدي.


عمر....القانون هيرجع حقهم و هيتعدم سيبه ليهم و متضيعش نفسك هو كده كده ميت.


ناصر...أهمله كيف يا دكتور ده كان صاحبه و عشرته كان اجرب منيه ليا كان بيشوفه أكتر مني كان بيآمنله علي شغله وماله وكل حاچه وغدر بيه ياريته خانه ولا نصب عليه كنت وجتها جولت لأخوي يعوض عليك ربنا كفايه انك عرفته علي حجيجته بس دلوك أني بجول لحالي يعوض عليا ربنا بس كيف هيعوض عليا بعد ما روحي أتسرجت مني واني علي وش الدنيا كيف اجولها واللي راح ما هيتعوضش جولي يادكتور ياسر انت ودكتور عمر حطوا روحكم في مُكاني دجيجه واحده


وكل واحد يجولي لو انت يا دكتور ياسر شايف بعينك اخوك جدام عينك بيحصول فيه اللي حوصل مع علي وانت يا دكتور عمر لو اخوك هو اللي كان في الڤديو و عرفتوا ان اللي عملها حد جريب منيكم هتعملوا ايه هتهملوه للجانون ولا هتجطعوا من لحمه بيدكم عشان تاخدوا بتـ ــاركم.


نــ ـاركم هتبرد لما ينعدم ؟ ولا هتبرد وانتوا واخدين حجكم بيدكم؟


عمر....صدقني انا معنديش رد عليك بس بما اني بره الموقف خليني اكلمك بالعقل احنا مش في غابه يا أستاذ ناصر طول ما في قانون وحقنا بيرجع يبقي ليه ناخده احنا ونلوث ايدنا بالـ ـدم مينفعش نقف نقتـ ـل في بعض وفي قانون بيجيب حقنا.


ناصر....وعشان انت بره الموجف صعب تفهمني وتحس باللي چوايا

تعرف يا دكتور عمر طول عمري اسمع عالتـ ـار واشوف بعيني حكاوي كتير عنيه كنت بجول زييك إكده وأجول كيف الواحد يجدر يجتل بيده بس لما بجيت مكان اللي عنديه تــ ـار جَدرت مَوجفه و حسيت بالنار اللي ماسكه فيه واني ناري ما هتبردش 

غير واني واخد روحه بيدي وجتها بس هحس ان ناري بتهدأ وأخوي مرتاح في تربته.


عمر بحـ ـزن علي حاله سكت مقدر موقفه لكن بيحاول يهديه عشان ميضيعش نفسه.


حاول ياسر وعمر يتكلموا مع سيف شيماء كانت بتتكلم مع ريم وتحاول تطمن عليها.


ناصر قاعد بيحاول يتلم علي اعصابه ويرجع تاني يجمد ويقف علي رجله ويسيطر علي نفسه


بص بهدوء علي عاليا اللي كانت ساكته تماماً وبصوت غير مسموع إلا ليها.


ناصر....انتي كويسه؟ عاليا ردي عليا.


بصتله عاليا بحـ ـزن كبير جوه عينها..🥺مشيني من هنا يا ناصر عايزه أرجع انا وريم انهارده.


بصلها ناصر بحـ ـزن و هز راسه بهدوء.. حاضر ياعاليا.


عاليا....الوقت يا ناصر أرجوك🥺


ناصر....حاضر.


بص ناصر لعمر وياسر وهما بيتكلموا مع سيف لكن قطع كلامهم لما وجهه كلامه لمرعي.


ناصر....مرعي جوم چهز العربيه هنسافروا دلوك.


عمر....تسافر فين يا استاذ ناصر احنا اتفقنا تقعد لحد ما نطمن علي ريم.


ناصر....مبجاش ينفع يا دكتور عمر لازم نرچعوا علي القاهره.


ريم...انا كويسه عايزه امشي وأروح لخالتو.


بصله عمر بأستفهام وكأنه بيسأله هتقولها ايه.


فهمه ناصر ...متحلجش يا دكتور اني هتصرف وبعدين حضرتك جولت ممكن بكره تمشي مافرجتش انهارده من بكره 


ياسر....طيب عالاقل تمشوا في النهار بلاش الوقت.


ناصر...متجلجش يا دكتور ياسر ربنا يسترها و هنستناك اكيد يادكتور عمر تنزل القاهره عشان تطمن علي ريم.


عمر....انا بعد بكره هكون هناك وهكتبلك رقم الدكتور اللي قولت لحضرتك عليه تقدر تتواصل معاه اي وقت لحد ما اجي وانا هفهمه كل حاجه.


ناصر....تمام هكلمه.


عمر....طيب طلب كمان ياريت تسوق براحه علي قد ما تقدر اي مطب او تكسـ ـير تاخدهم بهدوء مش عايز ريم تتعرض للحركه كتير هديك سناده زي المخده هتحطها وراء راسها و ياريت هي اللي تقعد قدام لوحدها.


ناصر....اطمن يا دكتور هننفذ كل التعليمات ياريت بس العلاچ بتاعها تكتبهولي واي حاچه ضروريه تعرفهاني .


عمر...انا هكتبلك كل حاجه شيماء من فضلك عايز قلم و جهزيلها العلاج الموجود هنا 


شيماء...بحـ ـزن حاضر تعالي معايا ياريم عشان أجهزك.


عاليا....هاجي معاكم😔


شيماء....اتفضلي.


دخلوا مع بعض بدأوا يجهزوها و طلعتلها شيماء طقم من عندها وبدأت عاليا تساعدها في اللبس وشيماء تجمع العلاج بتاعها بعد ما خلصوا.


شيماء....ده كل العلاج الموجود يا انسه عاليا هتلاقي كل علبه عليها المواعيد و الجرعات ياسر هيكتبلك الحجات اللي هتتكرر تاني 


عاليا....شكرا يا دكتوره بجد تعبناكي اوي شكرا علي استقبالك لينا وشكرا علي اهتمامك باختي وشكرا عشان انقذتي حياتي شكرا علي كل حاجه.


نزلت دموع شيماء وهي باصه لريم متقوليش كده ريم دي بقت جزء مننا كلنا بجد انا مش مستوعبه انها خلاص هتمشي


ريم...بأبتسامه حـ ـزن ودموع هتوحشيني🥺


حضنتها شيماء انتي هتوحشيني اكتر كل ما هنزل القاهره هاجي اشوفك واطمن عليكي 🥺


ريم...وانا هستناكي🥺


عاليا....تقدري تيجي اي وقت ده بيتك واحنا اخواتك تليفوني معاكي كلميني اي وقت و اطمني عليها لحد ما هجيبلها موبايل جديد و هتكلمك من عليه.


شيماء...ان شاء الله يا حبيبتي🥺

خدي بالك منها اوي بلاش حركه ومجهود بلاش انفعال عشان خاطري ياريم بلاش اي حاجه صوتها عالي عشان هتعملها صداع بلاش إضاءه قويه علي قد ما تقدري قللي الوقت اللي هتقعد فيه فالأضاءه وطبعا كل ده دكتور ياسر هيعرفهولك ومتنسيش مواعيد علاجها ياريت تظبطي المنبه بكل المواعيد عشان مانسيش حاجه خالص.


ابتسمت عاليا بحـ ـزن هو انا ممكن احضنك🥺🥺


ابتسمت شيماء ومره واحده حضنت عاليا وهي بتعيط🥺


عاليا....انتي ربنا بعتك لريم من السما انتي ملاك بجد.


شيماء...خدي بالك منها اكيد مش هوصيكي عليها.


عاليا...اطمني محدش بيوصي حد علي روحه 🥺


شيماء....طيب يلا نخرجلهم


عاليا...يلا ياريم.


خرجوا براحه واول ما خرجوا وقف ناصر وبعده سيف ومرعي.


عمر...بابتسامه خلاص ياريم ماشيه وسيبانا.


ريم...بأبتسامه حــ ـزن عمري ما هنساكم و مقدرش اسيبكم ابدا


ياسر....كل ما ننزل لقاهره هنيجي نطمن عليكي.


ريم....وانا هستناكم هتوحشوني بجد كلكم عندي كلام كتير اوي محتاجه اقوله بس مش عارفه 


عمر...متقوليش اي حاجه ولا تجهدي نفسك انا حاسيين باللي عايزه تقوليه خدي بالك من نفسك انا كتبت العلاج اللي هيتكرر لاستاذ ناصر و فهمتهم العلاج ماشي ازاي وانا هتابع معاه حالتك اول بأول وان شاء الله بعد بكره هاجي وهشوف الجـ ـرح بنفسي  واسبوعين كمان هنفك الخياطه لما نطمن علي الجـ ــرح ونعمل الاشعه اللازمه بالنسبه لدراعها لسه شويه.


ناصر...ان شاء الله يا دكتور ربنا يكملها علي خير. ومره تانيه أسفين علي الإزعاچ.


ياسر....انتوا نورتونا 


عمر...هسبق انا اجيبلها السناده.


ياسر....ماشي.


ناصر...اسبج انت علي تحت يا مرعي شوف العربيه وچهزها.


مرعي....ماشي 


نزل مرعي بسرعه ونزلت عاليا وهي ماسكه ريم و قدامهم سيف


عاليا....قادره تنزلي.


ريم...متقلقيش.


ياسر.....ريم عارفه فعلا ولا لأ.


سيف....أسبقنا حضرتك يا دكتور ياسر افتح الباب خالص وانا هساعدها.


ياسر...ماشي حالا اهو.


وقبل ما تتكلم ريم كان سيف شالها مقدرتش تتكلم ولا تعترض هي اصلا مفيهاش نفس تتكلم.


نزلوا كلهم وراء سيف 


ركبها قدام بهدوء وكان وراهم عمر حطلها السناده وراء راسها ونزل سيف الكرسي ليها شويه عشان تريح عليه اكتر.


بعد السلام والوداع بينهم.


سيف...اركب انت وراء يا ناصر انا هسوق انت تعبان و منمتش من امبارح.


هز ناصر راسه...علي مهملك بس.


سيف...متقلقش.


ركب مرعي وراء سيف وناصر ركب في النص وعاليا وراء ريم.


اتحرك سيف بالعربيه و شاوروا بأيدهم لياسر وعمر وشيماء وبعدين أختفو.

........


فتح ياسر الشقه ودخل هو وشيماء وعمر.


واول ما دخلت شيماء قعدت علي الكنبه بحـ ـزن ودموعها نازله.


ياسر...ايه يا حبيبي وحدي الله بقي.


شيماء....هتوحشني يا ياسر مكنتش اعرف اني هتعود علي وجودها بالشكل ده🥺


عمر...انتي من البدايه عارفه انها كده او كده هترجع لاهلها ومكانها


ياسر....كفايه اوي احساسها بالامان اللي حسته لما شافت اختفها.


شيماء...والله انا مبسوطه عشانها هي شافت كتير اوي وتعبت بس غصب عني والله أتعودت عليها

انتوا عارفين كل مره كانت بتديني رقم ويطلع غلط كنت بفرح غصب عني والله مكنتش عيزاها تمشي انا مليش اخوات وبجد اعتبرتها اختي وبعدين انا اكبر منها حسيت اني مسؤوله منها جدا ومش قادره اسيبها

وقت ما افتكرت الرقم وطلع رقم اختها علي قد ما شوفت في عيونها الفرحه لما عرفت اني كلمتها علي قد ما كنت خـ ـايفه من اللحظه دي.


ياسر...بحب طب خلاص بقي هنورحلها وهنطمن عليها ديما وانتي كده كده بتنزلي القاهره لماما كتير روحي زوريها 


عمر.....المهم الوقت يوصلوا بس بالسلامه وصحتها تكون كويسه


ياسر....انت قلقان من حاجه.


عمر...لا هي احسن كتير بس انا كنت عايزها ترتاح علي قد ما تقدر بس ان شاء الله خير هما اللي يكون في عونهم بردوا ربنا معاهم


ياسر....يارب.


شيماء....ان شاء الله يوصلوا بالف خير.


عمر...خد بالك يا ياسر اكيد هيحتاجونا للتحقيق لما يقدموا الدليل يعني انت وشيماء بالذات لازم تكونوا مستعدين وانا معاكم طبعا.


ياسر...عارف طبعا وانا مستعد اكيد يارب بس اللي اسمه ناصر ميتهورش انا قلقان منه.


عمر....وانا كمان ربنا يسترها معاه بس بيني وبينك انا عاذره يمكن كنت بنصحه ويمكن كمان معرفتش ارد عليه لما قالي اتخيلك في نفس مكان اخوه بس من جوايا كنت بقوله هقــ ـتله بسناني رغم اني مش بأيد فكره التـ ــار واننا نبقي عايشين في غابه وناخد حقوقنا بايدنا لكن اوقات بتبقي حاجه خارجه عن إراده اي حد فكره انك تشوف حد من دمـ ـك بيتقل بــ ـدم بارد وتعرف القـ ـاتل فكره صعبه مستحيل ترتاح غير وانت مطفي نــ ـارك بأيدك.


ياسر....معاك حق انا معرفتش ارد عليه هو مش محتاج اننا نسخنه اكتر 


عمر...اااه طيب يلا انا هنزل بقي اليوم كان طويل ومرهق.


ياسر...تنزل فين مش خديچه بايته عن مامتها.


عمر....بسخريه خديچه امته ماباتتش عند مامتها


ياسر...انتوا لسه شاديين مع بعض.


عمر...خديچه طالبه الطلاق يا ياسر.


ياسر وشيماء بصـ ــدمه...اييييه


شيماء...طب ليه يا عمر حصل ايه تاني بس.


عمر....عمري ما قصرت معاها ومع ذلك هي شايفه انها مش مرتاحه جوازنا جه بسرعه مقدرناش نفهم بعض نفس الاسطوانه من اربع سنين


ياسر...استني عليها يا عمر يمكن موضوع الخلفه مضايقها انت عارف الموضوع ده حساس ازاي لاي ست


عمر....زي ما هي عايزه تكون ام انا كمان عايز اكون اب بس اعمل ايه مفيش في ايدي حاجه انا اللي المفروض اقول تعبت واني مش قادر استحمل حرماني من اني اكون اب ومع ذلك ساكت ومستني بس خلاص تعبت يا ياسر والله تعبت وانا اللي مبقتش قادر أكمل


شيماء...استهدي بالله ياعمر وانا ممكن اتكلم معاها


عمر...مبقاش لبه لزوم الكلام يا شيماء بكره بأذن الله هروح لباباها واعرف هي عايزه ايه واللي عيزاه هعمله.


ياسر...طيب اياً كأن اللي هيحصل متضايقش نفسك وهون علي نفسك يا عمر اكيد ربنا عنده الحل.


عمر...ان شاء الله يلا تصبحوا علي خير.


ياسر...وانت من اهله يا حبيبي.


...........بقلم  اميره اسامه 


شيماء...هنسيبه كده يا ياسر


ياسر....اعمل ايه يا شيماء مبقتش قادر ادافع انا لو كنت بدافع في الاول فا ده عشان بيت اخويا ميتخربش انما بصراحه لو الطلاق ده حصل انا اكتر واحد هكون مبسوط.


شيماء.. انت بتهرج يا ياسر هتتبسط عشان اخوك هيطلق مراته وبيته يتخرب.


ياسر...هو فين البيت ده يا شيماء من اول شهرين في جوازهم وهي اسبوع عند اهلها ومن غير اي سبب مشاكل هي اللي بتفتعلها وفي الاخر اخويا هو اللي يروح يجيبها ويصالح ويدادي وترجع هما يومين بالعدد وترجع تاني هو مش عيل صغير يا شيماء كفايه اوي حرمانه من الخلفه عمر بقي عنده 35 سنه محتاج يكون عنده اطفال يكبروا معاه مش يجيبهم علي كبر وميلحقش يعيش معاهم سنه اخويا طول الوقت متنكـ ـد ومخنوق انا حاسس بيه عشان كده مبقدرش اسيبه لوحده لاني عارف انه لو فضل لوحده هيجراله حاجه من التفكير بذمتك يا شيماء هو ده عمر اللي كان مبيبطلش ضحك وهزار ده الناس كانت بتفكرني انا الكبير وهو الاصغر لاني كنت هادي و خجول عكسه تماماً غير امي يا شيماء اللي انا عارف انها هتموت عليه


شيماء...بحـ ـزن انا عارفه ان خديچه زودتها جدا وعارفه كمان ان عمر تعب معاها اوي بس صعبان عليا خراب البيت مش سهل يا ياسر.


عمر....ده لو كان عمران يا شيماء انما انا اخويا طول الوقت لوحده  يبقي افضل الانفصال عشان يلحق يشوف حياته ويرجع ولو جزء بسيط من اللي اتسرق منه انا واثق ان عمر هيرجع زي الاول لو انفصل عن خديچه وهترجع ضحكته من تاني.


شيماء....ربنا يقدمله اللي فيه الخير ويرزق قلبه بكل حاجه جميله.


ياسر...يارب يا حبيبي طب ايه مش ناويه تسحرينا بقي ولا ايه🤨


شيماء...بأبتسامه بسيطه هتتسحر الساعه 12


ياسر...انا عندي شغل حضرتك وانتي كمان ولا مش ناويه تروحي.


شيماء...لا انا بكرا اجازه مش هقدر اروح.


ياسر....ماشي يا ستي طب يلا قومي نحضر مع بعض انا زهقان وعايز اتسلي في اي حاجه اليوم كان متعب للنفسيه بجد


شيماء...معاك حق يلا بينا.

بقلم اميرة اسامه 

..............

في الطريق من اول ما طلعوا وريم راحت في دنيا تانيه.


وكان وراها علي طول مرعي.


اما سيف وناصر وعاليا كانوا صاحيين.


ناصر...سيف جبل ما تمسك طريج وجف عند اي بجاله هات لكم اي حاچه تتسحروا بيها وهات مايه 


سيف...هجيب حاضر يا ناصر بس انت كمان هتاكل


ناصر...مليكش صالح بيا اني مش چعان 


سيف....يبقي مش هاكل انا كمان 


ناصر....بجولك ايه اني مفياش حيل للمناهده يا سييف.


سيف....وانا كمان قولت اللي عندي 

هجيب لمرعي وعاليا وهجيب عشان انسه ريم لما تصحي.


ناصر....يااارب وجف إهنه في بجاله هناك اهه هاتي منيها.


سيف...ماشي.


ركن سيف ونزل عشان يشتري 


عاليا كانت سانده راسها علي الشباك وفي دنيا تانيه ولا مركزه في كلامهم ولا معاهم اصلا دموعها نازله من سكات.


بصلها ناصر مكانش شايف وشها.


ناصر...عاليا عاليا انتي نمتي.


بصت عاليا قدامها وهي بتعدل نفسها وبتمسح دموعها.


عاليا...احممم لا منمتش انا صاحيه


وقبل ما تودي وشها للشباك مره تانيه مسك دقنها براحه ورجع وشها ليه لمح دموعها بصلها شويه وهو ساكت ومرر صباعه براحه مسح دموعها.


ناصر....مش جولتلك بكفياكي بكا عاد.


نزلت دموعها اكتر وهي بصاله 


ناصر...بصوت هامس وحيات كل وچـ ـع چوه جلبك وجلبي ما ههمل تـ ـاررهم يا عاليا لو اخر نفس فيا هچيب حج علي وحج ضحي وحج ريم وحج خالتك و حجك يا عاليا هطفي نـ ـارك بيدي و هرچع ضحكتك اللي اني واثج انها مكانتش هتغيب عن عينك.


عاليا...بدموع هنجيب حقهم 

مع بعض يا ناصر و مش هتعمل اللي في دماغك هنسلم الفديو يا ناصر وحقهم هيرجع.


بعد ناصر عينه عنها وهو بياخد نفس طويل


قربت عاليا ايدها من وشه واول مره تلمسه بأيدها حس ناصر كأن اصـ ـابته كهربا في كل جسمه من لمستها الرقيقه قربت عاليا وشه بأيدها.


عاليا....بدموع🥺🥺أوعدني يا ناصر انك هتشيل فكره التـ ـار دي من راسك 


ناصر....ترضيهالي ياعاليا؟


نزلت دموعها اكتر وهي بصاله ارضهالك يا ناصر لو ده هيخليك معانا🥺


بصلها ناصر بحب وهو مش قادر ينطق.  اني عايز أرتاح و أريحكم


عاليا....راحتنا في وجودك معانا يا ناصر...عشان انت امان وسند لكل اللي حواليك. اوعدني يا ناصر تفضل اماني انا وريم اوعدني تفضل جمبي ومتسبنيش لوحدي


بصلها ناصر بوجـ ـع كبير وحب اكبر

وبدون مقدمات مسكها من رقبتها قرب راسها لشفايفه طبع عليها قبله طويله كلها حب وامان.

اتنهد ناصر تنهيده طويله وقرب راسها من صدره وهو ساند دقنه علي راسها وفضل ساكت وهي ساكته.


مشاعر متبادله بينهم حب اتولد من غير اي اعتراف حتي بينهم وبين نفسهم كل يوم الحب بينهم بيكبر بيقربوا وهما مش حاسين مبسوطين حاسيين ان وجودهم في حيات بعض بيقويهم اكتر 

مبقاش في حد منهم قادر يبعد عن التاني أحساس بالاطمئنان والامان بتلاقيها عاليها في حضنه وفي نظره عينه ولمسه ايده

والغريب انها اعتادت علي كل المشاعر دي من غير حتي ماتجرؤ تسأل نفسها ايه اللي بيحصل وكأنهم اتنين عشاق من الدرجه الاولي وجودها في حضن ناصر حياه بالنسباله ومع ذلك معترفش ولا حتي خـ ـاف من الرفض 

الاتنين نسيوا نفسهم وكأن الاعتراف لا يعينهم بشئ حبهم بيقوي و بيكبر و كأن الحب اللي اتولد بينهم دوامه بتسحبهم لبحر واسع مش عارفين امته هيقولوها بعلو حسهم♥


#سجينه_مع_وقف_التنفيذ

#صاحبه_البطل_الواحد

#أميره_اسامه


البارت الرابع عشر...


لمح ناصر سيف خارج من السوبر ماركت من بعيد.

رفع دقنه بهدوء من علي راس عاليا مكانش عايز سيف يشوفها وهي في حضنه. حب يلفت نظرها من غير ما يقول.


ناصر...بهدوء يلا عشان تاكلي سيف چاب الوكل.


رفعت عاليا راسها بإحراج وبصت من الشباك علي سيف وهو بيلف عشان يركب في مكانه.


سيف...معلش أتأخرت ويلا عشان تتسحروا صحي عم مرعي يا ناصر.


ناصر...مرعي مرعي جوم يا راچل يا طيب عشان تتسحر.


سيف....جبتلكم مايه ودي شنطه فيها علب لبن و عصير و جبتلكم الجبن اللي لاقتها و فينو بيتهيألي منستش حاجه.


مرعي...سلم يدك يا ولدي.


سيف...تسلم يا عم مرعي.


ناصر....صحي خيتك تاكل حاچه عنديها بعد ربع ساعه علاچ دكتور عمر كتبلي المواعيد.


عاليا....انا لسه مش عارفه مواعيد علاجها.


ناصر...متجلجيش اني عارف الساعه واحده وعنديها علاج تاني الساعه اربعه وفي كمان الساعه 8 معلهش عتتعبي حبه لوجت ما تحفظي اني هجولك لما نوصلوا بإذن الله.


عاليا...بصوت هامس شكراً.


بصلها ناصر بإبتسامه بسيطه وهو باصص في عينها. يلا صحيها.


ابتسمت عاليا أبتسامه هاديه وهزت راسها وبدأ تصحي ريم.


عاليا...ريم ريم حبيبتي اصحي


سيف....ريم انسه ريم يلا قومي عشان تاكلي.


فتحت ريم عينها ببطئ ايوه


سيف...يلا قومي انا جبت اكل عشان نتسحر وانتي قومي كلي يلا عشان تاخدي العلاج بتاعك


عاليا...يلا ياريم قومي حبيبتي.


ريم....بصوت ضعيف جدا انا مش جعانه يا عاليا عايزه أنام.


ناصر...جومي ياريم يلا كلي وخدي علاچك وبعدين عاودي نامي من تاني.


سيف...يلا قومي جبتلك كمان عصير ولبن عشان الدواء اللي بتاخديه دكتور عمر قال انه تقيل.


ريم...حاضر.


سيف...أمسكي بقي ياعاليا انتي الشنط دي معلش هتعبك أعملي انتي الساندوتشات ليهم عشان أركز في السواقه.


عاليا....ماشي ياسيف .


ناصر....خليك واجف عشان تعرف تتسحر زين عتسوج كيف إكده.


سيف...متقلقش انا متعود علي كده كمان عشان نوصل علي طول 


ناصر...بشوجك وكمل بصوت حنون يلا ياعاليا أعملي لريم اللول 


عاليا...حاضر.  بدأت عاليا تعمل الساندوتشات ومن غير ما تحس كانت سانده الشنطه علي رجل ناصر و فاتحه الجبن و سنداها علي رجله وقاعده بالجنب مركزه في عمايل السندوتشات وهو باصص عليها و مبتسم أبتسامه بسيطه عملت اول واحد و مدت ايدها لريم مكانتش عارفه تبصلها ولا قادره ترفع ايد واحده و التانيه مربوطه علي رقبتها 


خد منها سيف ومد ايده لريم


سيف...يلا ياريم كلي كويس هاتيلها تاني يا عاليا. بقول ايه يا جماعه احنا يعتبر علي سفر لو حد مش هيقدر يصوم ممكن تفطروا خصوصا انتي يا عاليا


عاليا...لا يا سيف متقلقش انا تمام


سيف....تمام.


رفعت عاليا شعرها بأيدها وراء ودنها وهي بتبص لسيف تاكل بس الاول ده عشان مفيش حاجه تقع منها.


ورجعت تاني كملت وكل شويه شعرها يخرج من وراء ودنها وهي موطيه وبتعمل الاكل وترجع ترفعه.


عاليا....أتفضل يا عمو مرعي.


ابتسم ناصر بهدوء لكن معلقش.


مرعي...من يد ما نعدمها يا ست البنات.


عاليا...لحظه يا سيف هديك حالاً


سيف...براحتك خالص اديهم الاول 


رجعت عاليا تعمل تاني الاكل وشعرها مضايقها 


أبتسم ناصر ومن غير شعور رفع كف ايده بهدوء علي شعرها حطه وراء ودنها وفضل حاطت ايده عليه عشان مايقعش تاني.


الغريب انها كملت اللي بتعمله من غير اي تعليق.. من غير ما تبصله. من غير ما تحس انه عمل حاجه غريبه. وكأنها أعتادت قربه و لمساته و أعتادت انه يكون جمبها ويهتم بأبسط التفاصيل.


والأجمل انه كان عارف إنها مش هتعلق  ولا هتستغرب و إنها هتكمل عادي كأن مفيش حاجه حصلت.


عاليا....أتفضل يا سيف كل دول ولما تخلص هعملك غيرهم


سيف...تسلم ايدك يا عاليا.


عاليا...تسلم.


سيف...يلا يا ريم كلي انتي كل ده مخلصتيش.


ريم....حاضر باكل اهو.


عملت عاليا ساندوتش لناصر ورفعت عينها اخيرا في عيون العاشق اللي باصص عليها 


عاليا....أتفضل.


ناصر...بصوت هامس بأبتسامه لاه مش جادر يلا كلي انتي بجي 


عاليا....لازم تاكل.


ناصر...صدجيني دماغي هتنفچر ما هعرفش اكل واني مصدع.


عاليا...ومش هينفع تصوم من غير اكل هيفضل عندك صداع. يلا كل وبعدين خد مسكن ريم شنطتها فيها مسكن كتير 


ناصر....بحب ماشي يلا كلي انتي كمان.


عاليا....حاضر.. خلصت يا سيف


سيف...لسه معايا


عاليا...وانت يا عمو مرعي 


مرعي....معايا يابتي.


عاليا...طيب تشرب عصير ولا لبن.


مرعي....ماهشربش حاجه مسكره خليها لبن.


عاليا...أتفضل وانت ياسيف.


سيف....لبن بردو و هاتي لريم لبن


ريم....لا لبن لا مش هقدر حاسه اني دايخه وخـ ـايفه ارجع.


عاليا....طيب اشربي عصير احسن.


ادتهم عاليا وبصت لناصر تشرب ايه.


ناصر....ممكن تاكلي بجي .


عاليا....طيب تشرب ايه الاول.


ناصر...جهوه.


عاليا...ماشي فتحت عاليا الشنطه ورجعت بصتله بأستغراب قهوه أزاي.


ابتسم ناصر ...وانتي عتدوري علي ايه عاد.


ابتسمت عاليا غصـ ـب عنها. مخدتش بالي تشرب ايه بجد


ناصر...والله هتكلم چد عايز جهوه راسي هتنفچر.


سيف.....لو لمحت الوقت قهوه  قبل ما نطلع عالطريق هجيبلك.


ناصر....ماشي. بص لعاليا يلا كلي 


عاليا....🥺بصراحه انا مش قادره اكل والله مليش نفس.


ناصر....كلي عشان خاطري يا عاليا. يلا.


هزت عاليا راسها وعملت ساندوتش وبدأت تاكل فيه غصـ ـب عنها ولما لمحت مرعي خلص اكل سابت اكلها وعملتله واحد تاني وادتهوله.


مرعي....لاه مجادرش خلاص يابتي اني مبتسحرش من اساسه بس مرديتش أكسف يدك.


عاليا....طيب كل ده بس.


مرعي...مجادرش والله يا بتي.


عاليا...طيب امسك ياسيف كل انت.


خده منها سيف وكمل سواقه وهو كل شويه بيبص علي ريم يشوفها خلصت اكل ولا لسه.


ناصر....كملي وكلك اللي سبتيه.


بصتله عاليا بطرف عينها.


ناصر....يلاااااا.


رجعت تاني تاكل في صمت وبعد ما خلصت.


عاليا...اعملك ايه تاني.


ناصر...تسلم يدك اني إكده تمام جوي.


عاليا...انت كلت واحد.


ناصر....مش جادر خلاص.


سألتهم عاليا لو حد محتاج حاجه الكل قال لأ 


ناصر...ممكن تجفلي البجاله اللي علي رچلي دي بجي.


بصتله عاليا بإحراج واستوعبت انها كل الحفله دي كانت علي رجله وعملاه مسند.


عاليا...انا اسفه مخدتش بالي والله.


ناصر...بابتسامه ولا يهمك.


شالت عاليا كل حاجه في الشنط تاني وادت لكل واحد فيهم المايه بتاعته و طلعت هي وناصر العلاج بتاع ريم ركن سيف علي جمب لحد ما تاخد علاجها وبعدين ظبطلها سيف السناده وراء راسها ورجعها لنومتها تاني وكمل طريقه.


رجع ناصر راسه لوراء كان حاسس ان في حد بيخبط في راسه من كتر الصداع. حط ايده علي عينه بتعب.


عاليا...بهمس انت تعبان؟


رفع ناصر ايده وملامح وشه منكمشه من الصداع.


ناصر...راسي هتنفـ ـچر.


عاليا...طيب خد مسكن قبل الاذان مسكت عاليا الشنطه وفضلت تدور بين العلب لحد ما لقت علبه المسكن فتحت واحده وبصتله


عاليا...امسك يا ناصر يلا.


رفع ناصر راسه بتعب خد منها المسكن شرب ورجع ريح راسه من تاني.


بعد حوالي نص ساعه الآذان آذن.


رفع ناصر راسه براحه كان بدأ يحس ان الصداع خف شويه بص علي عاليا كان حاسس انها قاعده متكتفه.


ناصر...عاليا نمتي.


عاليا....لا.


ناصر...عارفه تجدي زين ولا الكرسي مضايجك كان يقصد الكرسي بتاع ريم لانه راجع لوراء.


عاليا....لا لا تمام متقلقش.


ناصر....سيف جادر تسوج.


سيف....اه كله تمام متقلقش معلش انا سايق علي مهلي عشان ريم يا عاليا.


عاليا....لا خليك براحتك يا سيف

علي مهلك.


عم الهدوء عليهم جميعاً سيف مركز في السواقه ناصر عينه علي الطريق بشرود ريم نايمه ومرعي نايم وفجأه حس ناصر براس عاليا سانده علي كتفه وراحه هي كمان في النوم ريح كتفه لوراء اكتر عشان ترتاح في نومتها وفضل مثبت نفسه من غير اي حركه طول الطريق.


............بقلم اميره اسامه 


بعد وقت طويل أخيراً وصلوا القاهره. كانت الساعه حوالي خمسه صباحاً

الطريق من الاسماعيليه للقاهره ياخد حوالي ساعتين بدأ سيف دخوله علي الطريق الساعه واحده ونص بعد ما جاب الأكل لكن خد وقت عشان كان ماشي علي سرعه هاديه عشان ميعرضش ريم للحركه.


سيف....ناصر انت صاحي.


ناصر....بإرهاق إيوه يا سيف.


سيف...خليك معايا بقي عشان انا معرفش طريق البيت بتاع البنات.


ناصر...بيت ايه مين جالك اننا هنرچعهم عالبيت.


بصله سيف في المرايا امال هنوديهم فين؟


ناصر...أطلع علي شجتك انت وعلي طوالي.


سيف...بذهول نعمممم


ناصر...هتفضل تبحلج فيا كتير كيف ما سمعت نفذ يا سيف


سيف....أزاي يا ناصر وليه.


ناصر...عشان أسباب كتير أولهم عز عرف منيك ان ريم عايشه و لجيناها يعني هي الوجت في خـ ـطر وهو لا حس ولا خبر من امبارح ثانيا هي مهتجدرش علي حديت الچيران والناس دلوك ثالثا والاهم متنساش خالتها يا سيف.


سيف...امممم طيب وهما هيوافقوا.


ناصر....هملها عليا دي.


سيف....طيب ولو قالت عايزه تروح عشان بصلها عشان يتأكد انها نايمه لقاها راحه في النوم..اقصد خالتها.


ناصر...معرفش لما نوصلوا يحلها ألف حلال.


سيف...ربنا يستر .


رفعت عاليا راسها بتعب وفتحت عينها بهدوء كان لسه يادوب النور خفيف في السما والليل يادوب هيمشي. اااه


ناصر...بصوت هامس تعبتي اني عارف؟


عاليا....بنغس نبره الصوت انا كويسه متقلقش احنا وصلنا.


ناصر....دخلنا القاهره خلاص هنروح الوجت عالبيت.


عاليا...يارب محدش يشوفنا  عشان ريم مش هتقدر خالص علي أسئلتهم 


ناصر...عاليا.


بصتله عاليا....نعم.


ناصر.....أحنا ماهنروحش علي شجتكم هنطلعوا علي شجه علي وسيف.


عاليا...بصـ ـدمه 🥺🥺🥺ليه؟


ناصر...هنجول ايه لريم لما تسأل عن خالتك ؟ عز عرف اننا لجينها امبارح واني طالع اجول لسيف يچهز حاله عشان هنسافر واكيد في خـ ـطر عليكي وعليها دلوك

هو مش ظاهر من امبارح والله اعلم دلوك يكون فين وطبعا كيف ما جولتي ريم لا هتجدر تجعد مع حد ولا هتجدر ترد علي أسئله حد وده أسلم حل.


عاليا...بحـ ـزن يعني عشان بس الأسباب دي ؟


ناصر....اكيد انتي شايفه حاچه غير إكده.


عاليا...يعني مش عشان نفضل تحت عينك انا وريم مش عشان نفضل محبوسين لحد ما ترجع حق اخوك.


ناصر....بصلها بتأثر اكيد عشان تفضلوا تحت عيني بس مش بما انكم محبوسين يا عاليا عشان ابجي مطمن عليكم عشان اجدر أحميكم منيه عشان مش هجدر أهملكم لحالكم عاليا عشان خاطري انسي اللي حوصل مني اني مش وحش كيف ما انتي شيفاني إكده 


عاليا...مين قالك اني شيفاك وحش 🥺 انا بس حبيت أسألك ويمكن انا من اول ما مشينا وانا خـ ـايفه نفضل لوحدنا .


ناصر...يعني ما هتبجيش مضايجه وانتي معانا؟


عاليا....لا يا ناصر بس لو ريم سألتني عن خالتوا اقولها ايه انا مـ ـرعوبه وخـ ـايفه تتعب.


ناصر....متخـ ــافيش لو سألت نجولها علي عز وعلي الناس اللي مهتسيبهاش في حالها الوجت وهي محتاحه ترتاح. وهنجولها ان خالتك هتاچي هي.


عاليا.....هتصدق؟


ناصر....همليها عليا اني.


عاليا....حاضر..


بعد وقت بسيط وصل سيف تحت العماره اللي فيها شقته هو وعلي

وركن العربيه.


سيف...حمد الله علي السلامه .


عاليا...الله يسلمك


مرعي...الله يسلمك يا ولدي.


ناصر...يلا مرعي انزل رچلي مش حاسس بيها.


نزل مرعي ونزل بعده ناصر.


عاليا...ريم ريم حبيبتي يلا.


سيف...انا بقول سبيها انا هطلعها عشان متفضلش تسأل ونفضل في الشارع نشرحلها.


عاليا....ماشي... وقبل ما تفتح الباب كان ناصر فتحهولها.


نزلت وهي مش قادره كل حته في جسمها مكسـ ـره.


خد ناصر المفتاح من سيف وسبق مرعي عشان يفتحلهم شالها سيف بهدوء لكن صحيت وهو بيشيلها

وقالها هفهمك كل حاجه لما نطلع.


طلعوا ورا سيف ودخلوا الشقه.


وبدأت ريم تسألهم ليه مراحوش علي شقتهم.


سكت الجميع و أنسحبوا من الرد علي السؤال ملقاش ناصر قدامه غير انه يتولي مهمه الرد.


ناصر.....شوفي يا ريم ظهورك دلوك عيخلي عز يعمل اي حاچه عشان يطولك لان انتي اللي تعرفي الحجيجه كامله فا لو رچعتي علي داركم أكيد هيكون في خـ ـطر عليكي انتي وعاليا


ريم....طيب و خالتو انا عايزه أشوفها 🥺


ناصر....هتاچي هي بس لما أچيب عز بيدي عشان ممكن يكون مراجب البيت عنديكم وممكن يوصلك عن طريجها.


ريم....بخــ ـوف بصت لعاليا هو انا ليه حاسه انكم مخبين عليا حاجه.


عاليا....🥺 هنخبي عليكي ايه بس ياريم  مفيش اي حاجه حبيبتي 


ريم....لو مفيش حاجه فعلا كلميلي خالتو🥺


أرتبكت عاليا وأتلجم لسانها وبدأت توزع نظراتها لناصر وسيف.


لحقها ناصر ...هنكلمهالك بس الوجتت هي اكيد نامت وانتي كمان محتاچه تريحي الطريج كان طويل عليكي الصبح ان شاء الله هنكلمها. يلا ياعاليا خديها ترتاح.


عاليا....ماشي تصبحوا علي خير.


ناصر...وانتي من اهل الخير.


سندتها عاليا وسيف لحد الاوضه اللي هتكون بتاعتهم مؤقتاً

ادتها علاجها و شربتها عصير و أكلتها تاني.


ريم ...طيب انا هفضل بلبسي ده كتير انا محتاجه اغير


عاليا....انا كمان محتاجه اغير هدومي بس مش معايا للاسف هنضطر ننام باللبس ده لحد الصبح هحاول انزل اشتري لينا كام غيار.


ريم....طيب وتشتري ليه ممكن نقول لخالتو تجيبلنا وهي جايه.


عاليا...بأرتباك اه اه صح خلاص 

ان شاء الله هقولها ممكن يلا تنامي 


ريم....حاضر يلا انتي كمان نامي معايا.


نامت عاليا وخدتها في حضنها فضلوا ساكتين شويه.


ريم....عاليا.


عاليا....ايوه يا حبيبتي.


ريم...انا خـ ـايفه🥺


عاليا....خـ ــايفه من ايه يا ريم انا معاكي.


ريم....خــ ـايفه عز يلاقيني.


عاليا...من الناحيه دي أطمني هو عمره ما هيظهر اصلا امبارح واحنا جايين عشان ناخدك ناصر دخل بلغ سيف اننا لاقيناكي وقاله يجي معاه وكان عز مع سيف علي التليفون وسمع كلام ناصر وعرف انك عايشه يعني اكيد استخبي.

متقلقيش يا حبيبتي انا مش هسيبك ابدا هفضل ديماً معاكي لحد ما الكـ ـابوس ده يخلص.


ريم....يارب🥺


باستها عاليا من راسها وبعد وقت بسيط راحوا الاتنين في النوم.


........


خرج سيف من الاوضه بتاعته يشوف ناصر ومرعي ناموا ولا لأ اتفاجئ بناصر بيربط رباط الكوتشي بتاعه وشكله نازل.


سيف......ناصر انت رايح فين😳


ناصر......هجلب الدنيا علي عز الكـ ـلب تلافونه مجفول.


سيف...وايه الجديد ما انا جربت امبارح كذا مره و قولتلك انه مقفول و قولتلك اني اتصلت بالشركه عرفت انه مراحش وأخر مره كلمني لما كنا رايحين أسماعيليه في الطريق اول امبارح وقالي انه الصبح هيروح مع العامل عشان يقول اقواله ويشهد باللي حصل من عزام.


وامبارح قبل ما نعرف اي حاجه اتصل وكان موبايله مقفول وقتها كنت متوقع انه ممكن يكون في النيابه و قافل موبايله.


ناصر....عشان كان هرب عز هرب من اول ما عرف ان ريم لساتها عايشه ولما كلمك في الطريج كان بيچس نبضك لا تكون عرفت حاچه.


سيف....كل ده انا فاهمه كويس اللي مش فاهمه الوقت انت رايح فين الساعه سته ونص الصبح يا ناصر.


ناصر...بغضـ ـب😡هجلب عليه الدنيا لحد ما الاجيه.


سيف....هتجيبه منين بس انت تعرف عنه اي حاجه غير انه شغال مع علي وحتي لو تعرف انت فاكر انك هتلاقيه في مكان احنا نعرفه

ناصر اسمعني عشان خاطري احنا هناخد الڤديو و هنطلع عالنيابه ننام بس ساعتين و ننزل نروح مع بعض انت منمتش كويس بقالك يومين من اول ما طلعنا من البلد وانت صاحي.


ناصر...مبجيش فيها راحه يا سيف 

اني معرتاحش غير لما أمسكه بيدي وأقبض بيها روحه.😡


سيف...انت وعدتني يا ناصر متضيعش نفسك وتفضل معايا..


ناصر....بحـ ـزن واني وعدت علي يا سيف أچيبله حجه و أريحه في تربته.


سيف.... بغضـ ـب بسيط انت ضامن انك لو لقيته ميغـ ـدرش بيك انت كمان قبل ما تجيب حق علي😡


ناصر....لو عمل فيا كد اللي عمله في علي عشر مرات ماهموتش غير واني مسلم روحه للي خلجها جبل روحي.


سيف....ماشي يا ناصر وانا هاجي معاك.


ناصر...تاچي معايا فين انت هتفضل إهنه متهملش عاليا وريم لحالهم.


سيف.....ومستحيل اسيبك لوحدك لو السما أتطربقت علي الأرض.


ناصر....سيف اني معنديش جلب اناهد وياك ادخل نام يا سيف. وسيبني بلاش صوتنا يطلع ونصحوا النايم .


سيف....هو انت فاكر لو سبتك تنزل هيجيلي نوم يا ناصر انت هتسيبني هنا بموت لحد ما تيجي انا هاجي معاك يا ناصر وده اخر كلام لو عايزني اسيبك تنزل 


ناصر....و لو صحيوا عاد و ملاجوناش .


سيف....ادخل عرف مرعي عشان يعمل حسابه ولو عاليا صحيت رقمك معاها هتكلم او تكلمني مع اني مظنش انهم يصحوا الوقت خالص.


ناصر...بغضـ ـب بسيط فوت جدامي😡😡


دخل ناصر فهم مرعي اللي كان مصمم يروح معاه هو كمان لكن ناصر رفض عشان البنات وخرجوا بسرعه قفلوا الباب وراهم بهدوء.


...........


الساعات بتجري والضهر آذن وناصر وسيف بيلفوا علي عز في كل مكان ممكن يكون موجود فيه لكن ملهوش اثر.


مراحش الشركه الموظفين قالوا انه قافل موبايله و ملهوش أي آثر 

وسايب الشغل فوق دماغهم ومش عارفين يتصرفوا.


راح سيف علي بيته مكانش حد موجود الشقه فاضيه.


لفوا كتير لكن كأن الارض أتشقت وبلعته.


سيف...بتعب وبعدين يا ناصر ملهوش آثر.


ناصر....هيظهر اكيد هيروح فين مني.


سيف....تفتكر ممكن يكون سافر بره البلد.


بصله ناصر بشرود حتي لو راح أخر بلاد الدنيا هچيبه بس لازم اللول نعرفوا سافر فعلاً ولا لاه


سيف.....طيب اسمعني يا سيف ما نبلغ احسن وهما هيعرفوا يجيبوا بطريقتهم ووقتها يا سيدي نبقي نعمل فيه اللي انت عايزه.


ناصر....بغضـ ــب جلتلك مهبلغش عالأجل دلوك هعمل كل اللي أجدر عليه عشان الاجيه ولو حسيت اني مش عارف هبلغ 


سيف...بقله حيله طيب الوقت هنعمل ايه هنفضل قاعدين كده في العربيه الجو حر واحنا صايمين و هلكانين نرتاح يا ناصر عشان نقدر نفكر.


ناصر...بتفكير بجولك ايه اني هوصلك علي الشجه وهطلع علي خليل الهواري.


سيف....خليل الهواري!! ليه؟


ناصر.....انت ناسي انه مستشار كبير وليه ناس ياما هيجدر يساعدنا يعرفلنا إذا كان لساته چوه البلد ولا خرچ منيها هيجدروا يوصلوا لمكانه.


سيف...طيب وعلي ايه الدوخه دي يا ناصر ماهي هي يبقي نبلغ احسن وبعدين انت فاكر ان خليل باشا هيسيبك تعمل اللي في راسك ولو فرضنا انه لسه مسافرش بس ناوي تقدر تقولي هيمنعوا ازاي و احنا مش مبلغين ومفيش حاجه تمنعه من السفر.


ناصر....يعرفني بس خطواته وجبل ما يوصل للمطار هكون ده لو ناوي يعني هيكون تحت يدي.


سيف.... برجاء. ياناصر؟


ناصر...سيف اني تعبان سيبني الله يرضي عنيك بجولك ايه صوح انت تعرف رجم عربيته؟ يعني يمكن نعرف من المرور مكانها


سيف....اه اعرفها.


ناصر.....كويس اكتبها و ابعتهالي عالتلافون دلوك هروحك وتطلع تنام شويه جبل الفطار عشان تصحي تچيب وكل واني هكون معاك علي تلافونك و أعرفك أذا كنت هاچي ولا لاه.


سكت سيف بقله حيله طلع ناصر بيه علي الشقه وصله ومشي ومقدرش سيف يقنعه ابدا.


..............


طلع سيف فتح بهدوء ودخل كان الجو هادي وفي سكون رهيب في الشقه قرب براحه من اوضه ريم وعاليا يسمع مكانش في صوت اطمن وعرف انهم لسه نايمين


دخل علي الاوضه بتاعته خد حمام وخرج ظبط المنبه علي ساعتين عشان يصحي يشوف هياكلوا ايه.


..............


كلم ناصر خليل وعرف منه المكان بتاعه وراح عليه بعد وقت بسيط

راح ناصر علي مكتبه.


سلموا علي بعض ورحب بيه خليل بحب وبعد ترحيب وسلامات.


خليل....ايه يا ناصر الحكايه قولتلي انك عايزني ضروري.


ناصر....عرفنا مكان اخت عاليا و روحنا چبناها .


خليل....ايه انت بتتكلم جد؟


ناصر بدأ يحكيله كل اللي حصل


وبعد ما خلص 


خليل....ناصر انت لازم تبلغ وفوراً


ناصر...ماجدرش صدجني ماهجدرش أبلغ عنيه ويبجي في يد الحكومه اني ما هرتاحش غير لو خدت بتاري منيه عارف يعني ايه يكون اللي جاتل أخوي كان جدامي شايفه و سامعه كيف ما اني شايفك و سامعك ومعرفش ان هو عارا يعني ايه يچيبلي عربيه و يبجي عارف اني هراجب عاليا وهاخدها عندي في الصعيد لحد ما اختها تظهر ويساعدني و شويه يشككني في عزام وشويه في عاليا عشان يبعد التهمه عنيه.


خليل...كنت عايز منه ايه يا ناصر غير كده هو كان عايز يبعد اي شك عنك عمل زي المثل اللي بيقول يقتـ ـل القتـ ـيل ويمشي في جنازته.


ناصر...بس عارف ورحمه علي كنت شاكك فيه وسألت سيف عنيه جالي لاه عز لا يمكن يعمل إكده ده هو وعلي كيف الاخوات وطول عمره شايل علي و واجف في ضهره وان علي بيثج فيه عشان إكده جولت ان العيب فيا مش جادر أرتب أفكاري و بجيت اشك في الكل بس اني كنت صح


خليل....خلينا في المهم الوقت يا ناصر هات الڤديو عشان خاطري وصدقني هياخد جزاءه 


ناصر....لاه ما جدرش يا خليل بيه اني بس عايزك تساعدني اني عارف انك ليك معارف كتير في كل حته طالب بس منيك تكشف علي نمره عربيته وتعرفلي إذا كان سافر ولا لساته چوه البلد 


خليل...العربيه مقدور عليها يا ناصر والمطار كمان بس قدر عرفنا انه هيسافر انهارده ولا بكره مثلا تقدر تقولي هنعمل ايه و هنمنعه ازاي بلاش تنشف راسك يا ناصر وتضيع حق اخوك بأيدك كل لحظه بتعدي بتخليك تخسر  فرصه كويسه في القبض عليه الڤديو اللي انت ورتهولي ده يوديه علي حبل المشنقه من غير تضيع في الوقت يعني حق اخوك مضمون

وبعدين في حاجه كمان عايز أقولك عليها انا فاهم طبعا سبب قعاد عاليا واختها تحت عينك بس انا شايف انهم لو رجعوا بيتهم هيكون أفضل وده هيساعدنا كتير اوي في القبض عليه لانه لو عرف انها ظهرت وفي بيتها هيظهر هو كمان عشان يحاول يخفي الدليل اللي هي مسكاه عليه.


ناصر....لاه طبعاً عايزني أحط عاليا واختها في وش المدفع ويكونوا هما الصيده اللي نچيبوا بيها عز الكلـ ـب من مطرحه لاه مستحيل


خليل....لما هتبلغ يا ناصر الشرطه عينها هتكون عليها وانا بنفسي اللي هتدخل في الموضوع وهتفضل عاليا واختها تحت عنينا


ناصر...برفض لاه انسي الحكايه دي خالص


خليل...خلاص خلينا الوقت في البلاغ عالاقل يكون كذا حد بيدور معانا ولو علي نمره عربيته وحوار المطار اعتبره خلصان كمان لازم نراقب موظفين شركه علي اللي كانوا قريبين من عز ضروري لان اكيد عز معاه حد او عالاقل في حد ممكن يكون عنده معلومه او عارف مكانه وده هيفيدنا كتير.


ناصر....حلو ده جوي واني هعرف من سيف مين كان جريب منيه او يعرف حاچه عنيه.


خليل...ومن غير اي نقاش هنعدي انهارده وبكره كمان يكون الدكتور اللي متابع حالتها جالها و طمنا عليها وبعدها نطلع علي النيابه ونقدم الڤديو ويبقي بلاغ رسمي متقدم في عز وهما هيتحركوا فورا.

.............


في منزل ناصر صحي مرعي وخرج بره كان قلقان ومستني ناصر بفارغ الصبر خرج سيف وهو لابس ومش قادر يفتح عينه لسه مخدش كفايته من النوم.


مرعي....ايه ياولدي صحيت ليه.


سيف....هنزل يا عم مرعي اشوف حاجه نفطر بيها واجيب شويه حجات للبيت زي ما انت شايف المطبخ فاضي خالص.


مرعي.....كلمت ناصر يا ولدي.


سيف...اه لسه مكلمه بس قفل معايا علي طول قاللي هيخلص مع خليل بيه و يكلمني.


مرعي...يا ولدي اني خـ ـايف يكون بيضحك عليك وچارك إهنه عشان يروح يدور لحاله 


سيف...لا متقلقش سمعت صوت خليل بيه وهو بيسلم عليا وناصر قاللي ساعه ويكون جه عالفطار.


مرعي....طيب زين الله يطمن جلبك.


خرجت في اللحظه دي عاليا من الاوضه وسمعت كلامهم.


عاليا....هو ناصر راح فين🥺


سيف...صباح الخير يا عاليا


مرعي...إصباح الخير يا بتي.


عاليا....صباح النور ايه مردتوش ليه هو ناصر نزل.


سيف....ناصر نزل اصلا من سته الصبح ساحلني معاه قلبنا الدنيا علي عز وملهوش اي آثر رجعني علي هنا جيت نمت شويه وهو راح لخليل بيه ده واحد معرفه من الصعيد بس عايش هنا.


عاليا....ايوه انا شوفته هناك واتعرفت عليه بس انت ازاي تسيبه يا سيف ؟


سيف...ناصر راسه ناشفه جدا ومستحيل تقدري تقنعيه بحاجه هو عايز يعمل عكسها بس اللي مطمني ان عز مختفي خالص 


عاليا...وانت ايه عرفك يا سيف ما يمكن يكون اصلا مراقبنا وعينه علينا.


سيف....انتي هتقلقيني ليه بس عموما هو فعلا مع خليل بيه و قاللي انه خلاص بيخلص معاه كلام وجاي و هيكون هنا عالفطار وانا هنزل الوقت عشان اشوف هنفطر ايه واجيب حجات للبيت.


سكتت عاليا وشردت بتفكيرها.


سيف....قوليلي يا عاليا محتاجه اي حاجه من تحت؟


عاليا...لا شكرا يا سيف.


سيف....طمنيني ريم عامله ايه صحيت.


عاليا....صحيت كذا مره ادتها العلاج و بترجع تنام تاني وكل مره تصحي تقولي اتصلي بخالتو وانا مش عارفه اقولها ايه.


سيف....انا مش عارف المفروض نعمل ايه في الحكايه دي بس انا شايف ان أسلم حل اننا نقولها الحقيقه.


عاليا...بفـ ـزع مستحيل يا سيف ريم كده هتتعب بجد كتير عليها اوي كل ده.


سيف....انا عارف انه كتير عليها بس كمان انا شايف بجملت التعب يا عاليا عالاقل ترتاح من التفكير ومتفضلش تسأل ترتاح وتعرف الحقيقه اكتر خصوصا اني حاسس انها مش مصدقانه وعارفه ان في حاجه .


عاليا....ده حقيقي هي فعلا قلبها حاسس ان في حاجه بس مش راضيه تصدق احساسها ماسكه في امل ان خالتوا عايشه بس انا مش هقدر اقولها يا سيف انت شوفت الدكتور قال بلاش نخليها تنفعل او نضغط عليها.


مرعي....اني اسف لو بدخل في حديتكم بس اني شايف ان مفيش غير حل واحد.


سيف...ايه هو يا عم مرعي.


عاليا...اتفضل يا عمو مرعي طبعاً


مرعي....تجولولها أي حاچه من إهنه لبكره ولما يچيها بكرا الدكتور يطمن عليها كيف ما جال تعرفوها خبر خالتكم عالأجل لو تعبت او حوصل حاچه لا جدر الله يكون هو إهنه ويعرف يتعامل معاها.


سيف....براڤو عليك يا عم مرعي انا شايف انه حل كويس اوي


عاليا....فعلا هو حل كويس عالاقل قبل ما نقولها نسأله ناخد الخطوه دي ولا لأ.


سيف...يبقي كده اتفقنا ان شاء الله بقولك ايه انا هنزل بقي اشتري الحاجه وعم مرعي هيفضل معاكم بس كنت محتاج منك خدمه.


عاليا...اتفضل طبعا.


سيف....يعني لو تكتبيلي ورقه كده سريعه بالحجات الاساسيه اللي اجيبها عشان متأخرش واجيب بسرعه من السوبر ماركت.


عاليا....طيب حاضر فين الورقه.


سيف...لحظه واحده.


دخل سيف جاب ورقه وكتبتله عاليا شويه حجات 


عاليا....اتفضل يا سيف.


سيف...تسلمي لو احتاجتي حاجه كلميني.


عاليا...حاضر خلي بالك من نفسك يا سيف ارجوك.


ابتسم سيف بهدوء متقلقيش يا عاليا ربنا يستر.


دخل مرعي قعد في البلكونه يبص علي سيف و يستني ناصر كان قلقان بس مش عارف يكون معاهم عشان البنات ميبقوش لوحدهم.


بمجرد ما دخل مرعي البلكونه راحت عاليا بسرعه جابت موبايلها واتصلت علي ناصر وهي من جواها خـ ـايفه و قلقانه. بسرعه جابت رقمه واتصلت عليه.

.......


رن تليفون ناصر وهو قاعد مع خليل ودي كانت المره الاولي اللي يلمح فيها ناصر أسم عاليا علي تليفونه حس ان قلبه بيدق و ابتسم غصب عنه. وأستغل ان خليل معاه تليفون رد عليها بهدوء.


ناصر...إصباح النور.


عاليا....ناصر انت فين🥺


ناصر...طيب ردي الصباح عاد.


عاليا....ناصر رد انت عليا انت كويس صح 


ناصر....كويس يا عاليا فيكي ايه عاد مالك.


عاليا...انت وعدتني يا ناصر انك تفكر وهدتني انك متعملش اي حاجه تـ ـأذيك سمعت سيف قال انك نزلت بعد ما رجعنا علي طول وانك من بدري في الشارع و رجعته وكملت انت ناوي علي ايه يا ناصر ليه مصمم تخليني خـ ـايفه علي طول.


أبتسم ناصر بحب قام وقف اتحرك ناحيه الشباك وكمل بصوت هامس هتخافـ ـي واني چمبك يا عاليا.


عاليا....بس انت مش جمبي ياناصر انت بعيد و ناوي علي حاجه هتخليني خـ ـايفه علي طول وكملت بدموع ارجع يا ناصر عشان خاطري وبلاش تعمل فيا كده والله العظيم ورحمه خالتو وضحي انا مش حمل اي وجـ ــع تاني


ناصر...بصوت مبحوح متبكيش ياعاليا اني زين صدجيني. اني بس كنت عند خليل بيه شويه وراچع خلاص الوجت.


عاليا....طيب اوعدني يا ناصر تشيل التـ ـار من دماغك اوعدني اننا هنروح نسلم الڤديو سوا🥺


اتنهد ناصر تنهيده طويله وسمع خليل خلاص بينهي المكالمه.


ناصر...عاليا اني مضطر أجفل الوجت هرچع احدتك تاني.


عاليا...مش هقفل يا ناصر 🥺 اوعدني الاول.


ناصر...وه أسمعي الحديت عاد الراچل خلص تلافون يلا أجفلي هعاود أحدتك تاني لما انزل.


عاليا...لا مش هقفل يا ناصر وهفضل معاك 


ناصر...بابتسامه ايه شغل العيال الصغيره ده عاد يلا أسمعي الحديت بدل ما أچيلك🤨 الراچل يجول ايه أجفلي يلا دجيجه وهرچعلك.


عاليا...مش هتكلمني وهتعمل اللي في راسك يا ناصر.


سكت ناصر ثانيه...وحياه عاليا عندي هحدتك.


ابتسمت عاليا ومسحت دموعها هستناك🥺


قفل ناصر معاها وراح علي خليل.


خليل...متآخذنيش كان معايا تلافون مهم.


خليل...ولا يهمك انا الوقت بلغت عميد في المطار بأسم عز وهو هيشوف إذا كان سافر او لأ ويبلغني و كلمت بردوا حد حبيبي في المرور و كلمت حد في شرطه السياحه عشان نعرف لو نازل في فندق او حاجه.


ناصر...إكده حلو جوي.


خليل....بعد بكره يا ناصر هنقدم بلاغ بالڤديو .


ناصر...سيبها علي الله يلا اني هجوم بجي عشان معطلكش اكتر من إكده وتلحج تروح.


خليل....نورتني يا ناصر يلا خدني معاك عشان الحق اروح للمجـ ـانين اللي مستنيني في البيت😂😂


ناصر...بأبتسامه سلملي عليهم كتير.


خليل...يوصل ان شاء الله 


نزل خليل مع ناصر ورجعت تاني عاليا تتصل بيه وهو بيكنسل عليها عشان خليل معاه ودعه وركب كل واحد عربيته ومشي.


اتصل ناصر علي عاليا.


عاليا....بتكنسل ليه.


ناصر...الراچل كان نازل معاي عشان يمشي هو كمان ممكن اعرف بجي ايه شغل العيال ده.


عاليا....انا بردو اللي بعمل شغل عيال يا ناصر مش انت اللي ضحكت عليا و جبتنا وبعدين نزلت الصبح من غير ما تقول.


ناصر...اني مضحكتش عليكي ياعاليا كل الحكايه اني مرضتش أجلجك وبعدين لو كنت جولتلك مكنتيش نمتي وانتي كنتي تعبانه 

ياعاليا.


عاليا....يعني انت اللي مش تعبان يا ناصر انت عارف انت بقالك قد ايه منمتش وبعدين انت كده فاكر انك مش بتقلقني علي فكره انا مش هصدقك تاني واي وقت تنزل فيه هبقي عارفه انك بتكـ ـذب عليا🥺


ناصر....مهكـ ـدبش عليكي تاني يا عاليا بس الله يخليكي سبيني أعمل اللي في راسي اني تعبان جوي يا عاليا ومهرتاحش غير لما أعمل اللي في راسي.


عاليا....انا حاسه بيك يا ناصر وعارفه والله انك تعبان بس اللي انت ناوي عليه هيتعبنا كلنا يا ناصر ارجع يا ناصر وهنتكلم مع بعض عشان ترتاح و مش هسيبك تعمل اللي في راسك لو علي موتي🥺


ناصر...بحب بعد الشـ ـر عنيكي خلاص يا عاليا لما أرچع نتحدت عايزه حاچه أچيبهالك واني چاي.


عاليا....عيزاك ترجع يا ناصر 🥺


ناصر ..بأبتسامه ربع ساعه ولا نص ساعه بالكتير وأبجي عنديكي عشان الطريج زحمه.


عاليا....ماشي يا ناصر خلي بالك بالك من نفسك.


ناصر...وانتي كمان سلام يا عاليا.

.......

دخلت عاليا بصت علي ريم لقتها راحه في النوم خرجت تاني وراحت وقفت جمب مرعي في البلكونه.


مرعي...تعالي يا بتي اتفضلي.


عاليا....سيف مرجعش.


مرعي...لاه لسه اديني واجف اطل عليه. أطمنتي علي خيتك.


عاليا....نايمه مش عارفه ليه بتنام كتير كده.


مرعي...هو مش الدكتور قال انه عادي المهم تبجي زينه.


عاليا...يارب يا عمو مرعي نفسي اصحي من الكـ ــابوس ده بقي حاسه اني طول الوقت قلقانه 


مرعي...ومين سمعك يا بتي اللي جالجني اكتر هو ناصر


عاليا....لازم نحاول معاه كتير يا عمو مرعي لازم نتكلم معاه عشان يشيل حكايه التـ ـار دي من راسه ولو فضل مصمم انا هاخد الڤديو وهنزل من غير ما اقوله وهبلغ مش عارفه تـ ـار ايه اللي عايز يا خده ويضيع نفسه الڤديو موجود يعني هيجيب لعز ده إعدام ليه مستني انه يلاقيه لما المباحث هتقدر توصله في أسرع وقت.


مرعي....معذور يا بتي صدجيني اني عارف ان جصه التـ ـار دي واعره ناصر جلبه انجسم نصين واني اللي حاسس بيه علي يابتي كان شاب زين شاب ينحـ ــزن عليه بحج مكانش فيه عيب يمكن هو الوحيد فيهم هما التلاته اللي كان طيب جوي وحنين ولسانه زين مع كل الناس كان في حاله عمره مـ ـآذي أي حد كان بالنسبه لناصر ولده مش اخوه واللي اسمه عز ده سرج روحه منيه مش هينه علي ناصر يابتي انه يشوف اخوه بينجتل و يسمعه بيتوچـ ـع مش هينه عليه انه يعرف انه خلاص اختار اللي تكمل معاه حياته وفچأه يروح جبل ما يفرح بيه.


ناصر مش بس عايز ياخد تـ ــار اخوه عشان انجتل يابتي لان علي منجتلش بس


علي انجتل و أتغــ ـدر بيه من صاحبه ومجدرش يدافع عن اللي جلبه أختارها وشاف صاحبه جدام عينه بينهش في عرضها سامعها وشايفها لكن معارفش يحوش عنيها الا. ذي الراچل منينا يابتي ممكن يهد الدنيا لاجل ما يحمي اللي بيحبها مابالك علي شافها والكلـ ـب ده بيعتدي عليها متخيله علي كان حاسس بأيه وجتها صعب أحساس العچز علي اي راچل يابتي علي انـ ـدبح ألف مره جبل ما ينجتل وناصر أنـ ـــدبح أضعاف علي عشان إكده صعبه عليه.


مسحت عاليا دموعها بوجـ ــع انا عارفه ان اللي صعب بكل المقاييس بس ناصر كده هيضيع نفسه بأيده يجيب حق اخوه من غير ما يـ ـتآذي ليه مصمم يـ ـآذي نفسه والحق معاه عشان خاطري ياعمو مرعي انا عارفه ان ناصر بيحبك اوي اتكلم معاه واقنعه لما يلاقينا كلنا بنتكلم معاه يمكن يسمع كلامنا.


ابتسم مرعي بحب لعاليا هتحدت معاه يابتي واوعي تجلجي اني مهاسيبهوش عمري ناصر ده هو وسيف وعلي ولادي اللي مخلفتهمش أتولدوا علي يدي التلاته كفايه علي راح مني ووچـ ــع جلبي مهسمحش بأي حاچه تـ ــأذي ناصر او سيف حتي لو أضطريت اني اخد انا بـ ـتار علي بيدي واروح فيها بس ناصر ميتــ ـآذيش.


ابتسمت عاليا ربنا ما يجيب اي أذ. ي لأي حد فيكم


مرعي...يارب يا بتي كفياكي بكي عاد عشان خيتك كمان متشوفكيش إكده واطمني هتبجي زينه والله و جريب هتجوم من تاني وترتاح.


عاليا...يارب يا عمو مرعي 


مرعي....سيف اهه رچع الحمد لله.


عاليا....طيب انا هحضر السفره الاذان خلاص هيآذن وكملت بأبتسامه وراحه ناصر كمان اهو عربيته جت.


مرعي...الحمد لله


فضل ناصر وعاليا با صين لحد ما لمحوا الاتنين دخلوا مدخل البيت اتنفسوا براحه ودخلوا علي جوه.


#سجينه_مع_وقف_التنفيذ

#صاحبه_البطل_الواحد

#اميره_اسامه 


البارت الخامس عشر...


خرجت عاليا من البلكونه وراح مرعي عشان يفتحلهم الباب و يستقبلهم.


طلع سيف معاه شنط كتير وناصر شايل معاه رافع النضاره علي راسه شكله يجنن🙈


عاليا كانت واقفه جمب رخامه المطبخ لانه مطبخ أمريكي لكن واقفه شيفاهم.


مرعي...لناصر بقلق واضح كان بيحاول يخفيه إكده يا ناصر تخلع جلبي عليك يا ولدي .


ناصر....بإبتسامه حنونه ليه بس يا مرعي اني زين أها 


مرعي....يارب ديماً يا ولدي أشوفك زين وأعمل حسابك من إكده وطالع مههملكش تروح أي موطرح لحالك رچلي علي رچلك.


سيف....يا عم مرعي خليك معايا ووشيل عني لا راضي تدخلني ولا راضي تاخد مني صوابعي ورمت


مرعي....وه متآخذنيش يا ولدي جلبي كان مخلوع علي ناصر.


سيف....ومتخـ ـافش عليا ليه وانا شايل كل الشنط دي😒


ناصر...بأبتسامه وسعله الطريج يا مرعي أحسن يفضحنا.

رفع عينه علي عاليا من بعيد لقاها واقفه مبتسمه.


ناصر....كيفك يا عاليا.


عاليا....بنظره عتاب الحمد لله. 


سيف...تعالي معايا يا عاليا نطلع الاكل بسرعه القرآن خلص خلاص والمغرب هتآذن.


عاليا....ماشي يلا.


ناصر...لاه همل عاليا تروح تچيب ريم واني هساعدك.


سيف...طيب يلا بسرعه.


خرجت عاليا من المطبخ راحت علي الاوضه كانت ريم لسه نايمه.


عاليا...ريم يلا يا حبيبتي الفطار جاهز يلا قومي يا ماما عشان تاكلي وتاخدي علاجك 


ريم...بأرهاق صباح الخير.


عاليا...بأبتسامه بسيطه صباح الخير ايه قصدك مسآء الخير يلا قومي المغرب بتآذن اهي.


ريم....حاضر قوميني يا عاليا.


عاليا...يلا يا حبيبتي سمي الله وقومي براحه.


قامت عاليا من جمبها نزلتلها رجلها براحه ووقفت قدامها مسكتها من ايدها السليمه وايدها التانيه علي وسطها.


ريم ...انا دايخه اوي يا عاليا.


عاليا...طبيعي يا حبيبتي عشان نايمه بقالك فتره الوقت الدوخه تمشي ولما تاكلي هتكوني احسن.


ريم....مش عايزه انام تاني يا عاليا خليني معاكي بره انا زهقت.


عاليا.....ماشي يا حبيبتي بس عشان الاضاءه الوقت غلط عليكي.


ريم...انا كويسه والله بس خلوني صاحيه لما بنام بحس اني بتخنق وبجس كأني مش هقوم تاني.


عاليا...بلهفه بعد الشـ ـر عليكي يا حبيبتي متقوليش كده خلاص خليكي بره بس لو حسيتي انك مصدعه هتدخلي تاني.


ريم....ماشي.


خرجوا براحه كان ناصر و سيف جهزوا السفره و معاهم مرعي بيساعدهم.


سيف....بأبتسامه اهلا صباح الخير 


ريم....صباح النور 


ناصر....عامله ايه الوقت يا ريم.


ريم....الحمد لله بخير.


ناصر...يلا تعالي عشان تاكلي وتاخدي علاجك.


ريم...بهمس لعاليا هو مش ده ناصر اخو مستر سيف.


عاليا...اه هو في ايه انتي نستيه ولا ايه.


ريم...لا متخـ ـافيش لسه مفقدتش الذاكره بس هو أزاي بيتكلم زينا


عاليا...كتمت ضحكتها لا متاخديش في بالك اصله ملبوس🙈


سيف...بابتسامه بتضحكي علي ايه🤔


عاليا....بضحك لا ابدا مفيش🙈


رفع ناصر حاجبه و بصلهم🤨 وفضل ساكت.


قعدوا كلهم وبدأوا ياكلوا مع بعض.


سيف...بقولك يا ناصر صحيح بعد الفطار هنزل اروح محطه مصر ولو لقيت في قطر انهارده طالع علي قنا هسافر ملاقتش يبقي بكره.


بصله ناصر بأستغراب تسافر ليه وبدأ القلق علي ملامحه ستك فيها حاجه.


سيف....لا لا مفيش متقلقش كده كل الحكايه اننا لما سافرنا جينا بعربيتك  وسبت عربيتي هناك كنت فاكر اننا هنرجع علي قنا تاني وانا بصراحه مش عارف اتحرك من غيرها كمان عشان شغلي 


ناصر....عربيتي موجوده يا سيف لو أحتاجتها مش وقته سفر خالص انا محتاجلك هنا معايا خصوصا ان اليومين دول هنزل كتير.


بصتله عاليا بقلق من غير تعليق.


سيف.....هتتحرك يعني هتحتاج عربيه انا هعمل ايه متقلقش مش هتأخر عليك و هيكون مسافه الطريق هطمن علي ستك كمان وأشوف كل حاجه ماشيه تمام ولا في حاجه وهاخد العربيه وهرجع مش هتأخر.


سيف....لو مشكلتك في العربيه خليك يا سيف ومرعي هيسافر مكانك 


بصله مرعي وسكت.


ناصر....اني محتاج مرعي يسافر عشان يعمل كام حاجه مهمه و يرجعلي تاني .


مرعي....عيني يا ولدي شوف عايز ايه واني هعمله وهچيبلك عربيتك يا سيف يا ولدي وهاچي تاني.


سيف....ايوه بس كده تعب علي عم مرعي انا ممكن اعملك اللي انت عايزه يا ناصر


مرعي....تعب ايه بس لساتني معچزتش متخـ ـافش عليا يا ولدي.


ناصر....اللي عايزه من مرعي مفيش غيره هيعرف يعمله كأني موجود يا سيف بعد الفطار هتطلع علي المحطه وخد معاك مرعي لو في سفر خليه يسافر علي طول ملاقتش احجز ورجعه تاني قبل ما تروح تشوف شغلك.


سيف....خلاص ماشي تمام.


ريم....مستر سيف ممكن تعدي تجيب خالتو بقي .


بصلها سيف وسكت 


ريم....كمان قولها تجيبلي انا وعاليا هدوم عشان مش معانا هنا حاجه.


لحقهم ناصر بسرعه.


ناصر....كلمتها وانا جاي يا ريم كنت ناوي أعملهالك مفجأه و أجيبها تفطر معانا بس لقيت صوتها تعبان شويه لما سألتها مالك قالتلي ان رجلها أتجزعت جامد وهي نازله من السلم و ورمت اوي  راحت المستشفي تطمن لقتهم عملولها جبيره لمده عشر ايام هي قالتلي مش هتستني انها تفكها عشان تجيلك بس الالـ ـم يخف شويه وتقدر تدوس علي رجلها هتيجي مبسوطه اوي وفرحانه جدا عشان عرفت انك موجوده وسطنا وقالتلي انها هتجيب تليفون و تكلمك عشان تسمع صوتك بنفسها لحد ما تجيلك.بس انا ممكن بكره اعدي عليها و هجيبلها تليفون تكلمك منه لانها مش هتقدر الوقت تنزل وهخليها تكلمك وانا هناك كمان.


ريم....بقلق وراحه في نفس الوقت كلامه مقنع لكن هي مش مرتاحه.


هي فين تليفونها.


ناصر...بهدوء شديد كأنه عارف بيقول ايه. لما رجلها اتجزعت التليفون وقع من ايدها و اتكسـ ـر 


سكتت ريم وبصت في طبقها من غير اي تعليق لكن الحـ ـزن والقلق كانوا باينين علي ملامحها.


عليا...ولو علي اللبس يا ستي مؤقتاً كده بعد ما نفطر انا هنزل اجيب ليا و ليكي حجات بسيطه لحد ما خالتو تيجي و تجيبلنا كل اللي هنقولها عليه.


تنزلي فين؟؟؟ وكان ده سؤال ناصر واللي فيه بعض الغضـ ــب.


عاليا...بقلق بسيط هشوف اي مكان هنا اجيب منه حجات ليا وليها احنا مش معانا حاجه هنا خالص.


ناصر....أزاي يعني تنزلي لوحدك انتي مش عارفه ان في قلق عليكي انتي وهي بعد الفطار هاخدك وننزل تجيبي كل حاجه نقصاكم 


عاليا...طب وريم هنسيبها أزاي وسيف وعمو مرعي كمان نازلين.

وبعدين انت منمتش خالص واكيد تعبان 


ناصر...ملكيش دعوه بيا انا كويس وبعدين خلاص يبقي هنستني لما يروحوا الاول و لو مرعي سافر سيف يرجع يقعد معاها لحد ما نيجي ولو مسافرش سيف يوصله ويطلع مرعي يفضل معاها لحد ما احنا نرجع.


في اللحظه دي نطقت ريم بخـ ـوف وفــ ـزع لا متسبينيش لوحدي يا عاليا🥺


سكتوا كلهم و بصتلهم عاليا بإحراج.


عاليا...ريم حبييتي اهدي ومتخـ ـافيش مفيش حاجه انتي هنا معانا في امان ريم لازم تنسي الحـ ـادثه ياريم شويه سيف وناصر و عمو مرعي مش زي عز يا ريم 


بصتلها ريم بعيون بتلمع بالدموع متسبنيش عشان خاطري.🥺


عاليا.....ريم انا مش هسيبك يا حبيبتي وبعدين خـ ـايفه من ايه دول اخوات مستر علي اللي طول عمرك انتي وضحي بتشكروا فيه صح🥺 احنا اكيد مش هينفع نفضل قاعدين بلبسنا ده ولازم نجيب حجات نقصانا انا مش هتأخر عليكي يا حبيبتي هنجيب الحاجه بسرعه و نيجي علي طول


سيف....بأبتسامه بصي يا ستي انا عندي اقتراح تاني بعد ما نفطر هما ينزلوا وانا وعم مرعي هنفضل معاكي ولما هما يجوا هنزل انا ومرعي وكمل بضحك عشان يبعد خـ ـوفها عنها وعلي بال بقي ما يجوا انا جبت من السوبر ماركت كنافه هقف انا وانتي وعم مرعي نعملها مع بعض واهو بالمره أعلم علي عاليا وناصر اصل الاتين بيعرفوا يعملوها وبصراحه انا ناوي اتفوق عليهم قوليلي صحيح بتعرفي تعمليها.


ابتسمت ريم غصب عنها وهزت راسها بلأ


سيف....اوبااااا🤨 قصدك انهم هيفضلوا معلمين عليا والله ما يحصل عموما بصي هنحاول وزي ما تيجي بقي معانا يا عم مرعي ولا علينا🤔


مرعي....بأبتسامه معاكم يا ولدي.


سيف....اتفقنا يا ريم 🤔 متكسفنيش شكلنا هيبقي وحش اوي.


ريم...بأبتسامه وهي دموعها نازله أتفقنا.


ضحكت عاليا بحـ ـزن و باستها من ايدها مش هتأخر عليكي يلا كلي بقي وفكري في اللي ناقصك عشان اجيبهولك معايا.


ابتسم ناصر في صمت و كملوا أكل.


.................

بعد الفطار قامت عاليا طلعت علاج ريم و أدتهولها و قعدتها علي الكنبه من تاني كان ناصر غير هدومه وخرج وعينه باينه انها حمرا جداااا من قله التعب والمجهود.


ناصر...يلا يا عاليا.


عاليا....بصت لريم هنزل ماشي 


هزت ريم راسها و أبتسمتلها.


باستها عاليا من راسها وبصت لناصر يلا.


ناصر لسيف....لو أفتكرت اي حاجه اتصل علينا وانتي ياريم لو احتاجتي اي حاجه خلي سيف يكلمنا علي طول.


ريم...شكرا لحضرتك


ناصر...مرعي حطها في عيونك انت وسيف 


مرعي...متخـ ـافش عليها يا ولدي في عيوني التنين.


ناصر...سلام عليكم.


الجميع...عليكم السلام.


...........


سيف...بضحك يا اعوذ بالله الجوز دول يتفات لهم بلاد فاكرين عشان عرفوا يعملوا كام اكله هيشوفوا نفسهم علينا ميعرفوش اني جوايا شيف مدفون.


ابتسمت ريم وسكتت.


مرعي....بضحك وكان فين الحديت ده وهما جدامك


سيف....الله جرا ايه يا عم مرعي انت معايا ولا عليا🤨 بص لريم هقولك علي سر خطـ ـير اصل انا نقطه ضعفي الكنافه بحبها جدا 

ناصر لما كان يجي من الصعيد في رمضان يقعد معانا هنا يومين عشان شغله كنت لازم أستغله واخليه يعملها وهو بصراحه حريف فيها مش بس هي هو اصلا بيعرف يعمل اكل حلو اوي عشان لما كان بيدرس هنا قبلنا كان قاعد لوحده فا كان بيخترع عشان ناصر مش بيحب اكل الشارع اوي معدته بتتعب من أقل حاجه فا بيحب اكل البيت وطبعا اتعلم كان يتصل بستي وهي توصفله وهو يقوم يطبق لحد ما بقي استاذ و بيخترع أكلات كمان و ابتسم بحـ ـزن علي الله يرحمه مكانش بيعرف اوي بس كان ممكن يعمل كام صنف سريع كده واغلبهم مكرونه هي الراعي الرسمي لأكلنا هنا مكرونه و باينيه مكرونه وفراخ محمره اي حاجه تمشي مع المكرونه كان بيعملها اما بقي العبد لله لا عمري حبيت المطبخ ولا في بينا وفاق انا باكل وبس.


ضحك مرعي بحب...الله يچازيك يا سيف ولدي.


سيف...بضحك اكـ ـذب يعني المهم بقي عاليا لما كانت عندنا لمحت كنافه في التلاجه طلبت منها تعملها وفعلا عملتها وكانت حاجه كده وهم عشان كده نفسي أعلم عليهم😭


ريم...بابتسامه عاليا اكلها كله جميل هي بتحب المطبخ اصلا زي خالتو.


سيف...عشان يبعد عن سيره خالتها عاليا ايه الوقت سيبك منها المهم انتي بتعرفي تعملي ولا لا.


ريم....بضحكه باين عليها التعب انا زيك بالظبط مليش في المطبخ باكل بس.


سيف....وطبعا انت كمان يا عم مرعي متعرفش🤔


مرعي...اني ياولدي اخري أسلج حتت فرخه اعمل شويه رز أجطع بطاطس مليش في الوكل الالفرانكه ده.


سيف...بضحك اني شكلي أستعجلت لما حبيت أقف قصادهم🙄 هعمل ايه الوقت🤔


ريم....خلاص افتح النت وهات وصفه وامشي عليها وربنا معاك


سيف....تصدقي صح بس لقتها خلاص قوموا يلا تعالوا ساعدوني قبل ما يرجعوا.

..........


نزل ناصر ركب عاليا وراح ركب واتحرك بالعربيه.


بصلها ناصر عايزه تروحي مكان معين ولا أوديكي انا.


عاليا....هو انت تعرف اماكن هنا 


ناصر...نسيتي اني كنت عايش هنا ولا ايه.


عاليا...بأبتسامه ايوه صح طيب خلاص وديني انت.


ناصر...ماشي يا ستي.


عاليا....عينك حمرا اوي انت شكلك تعبان ومحتاج ترتاح يا ناصر مكانش ينفع تنزل ابدا.


ناصر.....و اسيبك لوحدك؟


عاليا....لا بس عالاقل متنزلش وانت تعبان كده انا لولا اننا مش معانا غيار مكنتش نزلتك انهارده 


ناصر....انا اوقات ممكن اطبق بال3 ايام يعني متحمليش همي خالص سيبك بقي من الكلام ده خلينا في المهم 


عاليا....قول.


ناصر....🤨 ايه شغل العيال اللي عملتيه انهارده ده.


ابتسمت عاليا بإحراج و بعدت وشها عنه بسرعه.


ناصر....بصيلي هنا🤨


فضلت عاليا باصه قدامها وحاسه انها هتموت من الاحراج.


قرب ناصر ايده من دقنها لفه ليها وبصلها ها ردي عليا.


عاليا....كنت خـ ـايفه عليك يا ناصر.


ناصر....هيحصلي ايه يعني يا عاليا ما اللي بدور عليه هربان مني.


عاليا....مش يمكن يكون هربان بس عينه عليك وانت اللي مش شايفه.


ناصر...حتي لو مش هيقدر يعمل حاجه يا عاليا هو بظهور ريم عارف ان كلنا عرفنا الحقيقه.


عاليا...لما هو مش هيعمل حاجه ليه مخلينا قاعدين معاكم وبتقول ان في خـ ـطر علينا؟.


ناصر.....لاني مش ضامنه يا عاليا ولا عارف هو الوقت بيفكر في ايه

هل كل اللي شاغله الوقت انه يطلع بره البلد قبل ما ابلغ ويتمسك ولا يختفي عن عيني تماما عشان انا مطلهوش ولا الغـ ــل والحـ ـقد يكونوا عامينه و شايف انه مبقاش باقي علي حاجه ويفكر يــ ـآذي ريم او حد مننا هو الوقت يا عاليا مشتت مش عارف يفكر صح فا هتلاقيه ماشي بيلطش عشان كده انا ببعدكم عنه الوقت عشان لو فكر انه يلطش او يضـ ـرب ضـ ـربته ما تبقاش فيكم فهمتي.اللي زي عز يا عاليا غـ ـدار ملهوش أمان.


عاليا....هو انا ممكن أسألك سؤال يا ناصر؟


ناصر....بنظره حب طبعاً.


عاليا...بحـ ــزن بعد ما عرفنا الحقيقه كامله من ريم و شوفنا كلام عز بعيننا فا المفروض ان اللي حصل ده عز عمله بدافع حبه لضحي.


هو ممكن يا ناصر الحب يخلي واحد يـ ــآذي اللي بيحبه الآذيـ ـه دي كلها؟🥺


ناصر.....بصلها ناصر وعيونه كلها مشاعر مختلطه ما بين حب وبين وجـ ـع وحـ ـزن وبين غضـ ـب .


لا يا عاليا من يوم ما جينا الدنيا والحب ليه طريق واحد بس عشان نقدر نوصله لازم نمشي الطريق ده وشرط دخولك الطريق ده انك تكوني حد نضيف جواكي رحمه وقلبك برئ مليان حنان وعطف جواكي إنسانيه متعرفيش لا غـ ـدر ولا نفاق ولا خـ ـيانه ولا كـ ـدب اللي بيحب ياعاليا ميعرفش يخـ ـون تحت اي ظرف اللي بيحب ميقدرش يغـ ـدر او يحـ ـقد اللي بيحب بيتمني انه يشوف اللي بيحبه سعيد سواء كان معاه او مش معاه ولو مقدرتيش تتمني للي بتحبيه السعاده حتي وهو بعيد عنك تبقي انانيه وعمر ده ما يبقي حب الحب اللي يخليكي تـ ـآذي بني ادم وتدمـ ـري حياته او تنهي حياته بأيدك عشان ميبقاش مع حد غيرك عمره ما يكون حب ياعاليا ولا حتي يتسمي حب تملك لان التملك في الحب يمكن يكون وحش لان الشخص اللي واصل للدرجه دي في الحب بيبقي غيران علي اللي بيحبه وعايزه ليه هو وبس بيخـ ـنقه  بس بردو ميقدرش يـ ـآذيه لكن الاذيـ ـه دي لشخص أتعود ان اللي يحط عينه عليه ميبقاش لغيره حتي لو اضطر انه يقـ ـتله زي ما عز عمل مع ضحي ومش بس ضحي عملها مع صاحب عمره يعني لو فرضنا انه حب ضحي لدرجه الجــ ـنون طيب وصاحب عمرك غـــ ـدرت بيه ليه مقدرتش تفتكرله حاجه كويسه عملها معاك مصعبش عليك و ان بتطـ ـعنه بدل الطـ ـعنه تسعه كان فين قلبك اللي ادعيت بيه الحب وقتها 

عز لو كان حب وقلبه دق بجد مكانش ممكن يقدر يشوف د. م ولا يستحمل يشوف حد قدامه روحه بتروح لكن اللي يوجــ ـع بجد ان هو كان القــ ـاتل ده...فا عن اي حب عز أتكلم؟؟

عن اي حب حس بيه وهو من الاساس ميعرفش يعني ايه حب

هو مدخلش حتي لو خطوه واحده في طريق يا عاليا هو كان واخد طريق تاني طريق هو اللي رسمه بأيده بأسم الحب لكن نهايته كانت........ غـ ـدر وقسـ ــوه وخيـ ـانه.


نزلت دموع عاليا  هي بتفتكر المعاناه اللي عاشتها ضحي وعاشها علي.


ناصر...بابتسامه وجـ ـع مسح دموعها هموت اعرف بتجيبي الدموع دي كلها منين.


ابتسمت عاليا غصب عنها وكمل ناصر طريقه وكل واحد فيهم جواه وجـ ـع كبير💔


......... بقلم اميرة اسامه 

عند عمر في الإسماعيليه..


وصل عمر لبيت أهل خديچه عشان يشوف حل في مشكلتهم


سعيد....يعني ايه يا ابني انا مش فاهم تقصد ايه؟


عمر....لا حضرتك فاهم يا عمي خديچه مش عايزه تعيش انا اتحملت كتير اوي وحضرتك عارف ده كويس وعارف قد ايه انا جيت علي نفسي كتير وديما كنت انا اللي اجي اصالح واتحايل مع اني مكنتش غلطان.


سميره....يا ابني البيوت ديما فيها مشاكل ولازم تعرف مشكلتكم ايه وتحلها.


عمر...والله معنديش اي مشكله عشان أدورلها علي حل المشكله عند خديچه اللي بتحاسبني علي حاجه مليش يد فيها الخلفه واللي للاسف مش مني انا ومع ذلك انا لا عمري اتكلمت معاها في حاجه زي دي ولا عمري حسستها اني نفسي اكون اب 


سميره بدفاع عن بنتها...ازاي يا عمر وهي طالبه الطلاق اكيد انت حسستها بحاجه زي دي الغلط عندك يا عمر مش عند بنتي.


عمر...الغلط عندي انا ؟ حضرتك شايفه كده طيب تمام هاتيلي مره واحده بس من يوم ما انا وخديچه أتجوزنا زعلتـ ـها خليها تقولك وهي قاعده قدامك كده امته نزلت زعـ ـلانه من البيت بسببي امته كان في مشكله مني انا بسبب موضوع الخلفه انا اكيد مش ملاك بس انا معنديش وقت اعمل في مشاكل انا بنزل شغلي بقضي فيه اغلب يومي وبرجع يا دوب اتعشي معاها واقعد معاها شويه او لو عايزه تخرج وتجيب اي حاجه بنزل معاها وبرجع انام عمري ما قصرت معاها وديما بعوضها عن وقتي الطويل اللي بقضيه في الشغل.


سعيد....يا ابني انا عارف كل اللي بتقوله ده بس بردو معلش أستحملها.


خديچه...بجمود وانا مش عايزه حد يستحملني انا تعبت خلاص ومبقتش قادره اعيش العيشه دي 

انا عايزه اطلق.


سكتوا كلهم ثواني سعيد بيبصلها بغضـ ـب وامها بتحاول تهدي فيها


فضل عمر باصصلها من غير اي كلام


سميره...يا بنتي طلاق ايه بس استهدي بالله.


خديچه....وانا قولت مش عايزه اكمل انا حره دي حياتي.


عمر....بقوه وثبات تمام وانا موافق.


سعيد...موافق علي ايه يا ابني انت هتاخد علي كلامها


عمر....اللي ترفض تعيش معايا يا عمي وانا صابر عليها سنين متستاهلش اني أستحملها اكتر من كده واظن مفيش راجل في الدنيا يتحمل اللي انا اتحملته منها ولا في راجل يرضاها علي رجولته وكرامته ورجع بص لخديچه خلصت خلاص يا خديچه قام عمر وقف وبصلها انتي طالق يا خديچه ورقتك هتوصلك وعشان اكون راجل معاكي للنهايه كل حقوقك هتوصلك.

بعد اذنكم.


خرج عمر بسرعه من بيت أهل خديچه الصـ ـدمه كانت علي ملامح امها وابوها اللي فضلوا يلوموا فيها اما خديچه فا حست بوجـ ـع بعد طلاق عمر مكانتش فاكره انها هتحس بيه.


اما عمر فا نزل ولأول مره من سنين يحس براحه كبيره اوي كده وكأنه حمل اتشال من علي قلبه علي قد ما حب خديچه علي قد ما هي عرفت بطريقتها تشيل حبها من قلبه ومن كتر المشاكل حولت حياتهم لجحـ ـيم و روتين مميت بينهم هما الاتنين أبتسم عمر واتنفس براحه محسش بيها من سنين كتير لدرجه انه محسش للحظه بالندم او الحـ ـزن مقدرتش خديچه تسيب ليها ذكري تخليه يفتكر عشرتهم كل اللي كانت سيباها نكد.وخنـ ـاق ومشاكل وبعاد وجفاء وفجأه أبتسم لما أفتكر ريم... قدر عمر من بعد ما لقوا ريم بحوالي اسبوعين يحس من ناحيتها بحاجه جواه بتتولد خصوصا لما روحت معاهم عالبيت شعور غريب بيحركه تجاهها غصب عنه لاول مره من يوم ما اتجوز خديچه قلبه يدق لحد غيرها رغم المشاكل اللي بينهم كلها لكن عمره ما شاف حد غيرها ولا كان ده تفكيره لكن غصب عنه قدر يتشد لريم ويمكن يكون ظهورها شجعه من غير ما تقصد انه ياخد قرار صح ويخرج من سجن مميت عاش فيه سنين قدرت ريم من غير قصد منها انها تخليه يحس انه لسه جواه قلب بينبض وبيحس قدرت تخليه يشوف الدنيا بشكل تاني ويرجع لعمر القديم. ومن غير أي شعور منه طلع رقم ناصر عشان يطمن عليها منه لحد ما يروح بكره.


عمر.....الوووو استاذ ناصر.


ناصر...أهلا أزيك يا دكتور عمر عامل ايه.


عمر ..الحمد لله بخير.


ناصر...ودكتور ياسر اخباره ايه.


عمر...الحمد لله كلنا بخير وزي الفل طمني علي ريم عامله ايه؟


ناصر...الحمد لله كويسه مفيش غير الدوخه والنوم الكتير زي ما حضرتك قولت ان دي اعراض عاديه ولا ايه.


عمر....مظبوط متقلقش وعموما انا بأمر الله بكره هكون في القاهره وهعدي عليكم فا انا اتصلت عشان اطمن عليها وعشان كمان اعرف العنوان لو أمكن


ناصر...يا خبر يا دكتور حضرتك بتقول ايه ده بيتك وبيت اخواتك تنورنا اي وقت كفايه تعبك والله هبعتلك العنوان في رساله عشان متنساهوش وطبعا كان نفسي والله اديك ريم بس للاسف انا مش في البيت نزلت بعد الفطار علي طول


عمر...لا خالص مفيش مشكله المهم انها بخير.


ناصر....تسلم يا دكتور ياعمر كنت عايز كمان اقولك حاجه بس لما تيجي بكره بأمر الله قبل ماتشوفها كده عايزين نتفق علي حاجه بخصوص خالتها.


عمر...خلاص بأمر الله لما اجيلك نتكلم ان شاء الله هكون عندكم علي العشاء.


ناصر...عشاء ايه بس يا راجل عيب والله انا هستناك عالفطار رمضان خلاص كلها خمس ايام و ماشي عايزني اعمل معاك الواجب.


عمر....واجبك واصل يا ابو الكرم كله بس والله مش هقدر خليها وقت تاني.


ناصر....والله ما هيحصل هستناك خلاص بكره و هبعتلك العنوان الوقت.


عمر...ماشي يا سيدي بأمر الله يلا سلام عليكم


قفل عمر وخاب أمله في انه يسمع صوت ريم و يطمن عليها بنفسه.


وسرح شويه ورجع أبتسم الراجل ده مجـ ـنون ولا ملبوس ولا ايه شويه صعيدي وشويه قاهري🙄

هو ملبوس فعلا..


.........

عند سيف وريم.


سيف...يالهوييييييي الكنافه مبتتقطعش 😂😂🙈🙈


ريم...بضحك هو في ايه؟ ايه اللي حصلها😂


مرعي....وه تعرف يا سيف يا ولدي اني شوفت كنافه كتير وجليل انما كنافه كيف الحچر الصوان مشوفتهاش عمري😂😂


سيف...ياعم مرعي هي ناقصه تريقه يا جدعان قولولي اعمل ايه اداري الجـ ـريمه دي ازاي😭


ريم ....انا بس عايزه اعرف هي ليه عملت كده بيتهيألي المكونات اللي حطتها متهليهاش تنشف كده وتقريبا دي نفس الحاجه اللي ريم بتحطها😂😂


سيف...انتي بتسأليني انا 😭


ريم...طيب اسأل مين مش انت اللي عملتها😂😂


مرعي....لاه وكمان في حاچه يابتي.


ريم....حاجه ايه😂


مرعي...طول عمري اعرف من واني عيل صغير أن المهلبيه دي حاچن إكده طريه كانوا بيعملوها للعيال الصغيره او الناس العواچيز اللي محداهمش سنان سيف عاملها كيف الجرص ماعتتحركش😂😂


ريم...بضحك والله انا عم كلامي شبه الكاوتش او البلاستيك.


سيف...لا بقولكم ايه انتوا هتفوقوا عليا ما انتوا ساعدتوني 


ريم....هو انا اتحركت ولا قادره اعمل حاجه بايدي المربوطه دي😂


مرعي....هو إكده يابتي عشان باظت منيه تعرفي لو كانت طلعت زينه كان وجتها فضح الدنيا و جال انه عملها بروحه ومحدش فينا ساعده😂


سيف...طيب كملوا جميلكم بقي وقولولي اتصرف في المصيبه دي ازاي لازم نخفيها قبل ما ناصر وعاليا يرجعوا ونقولهم كسلنا نعمل بعد ما فطرنا.

😭😭 انا عارف ايه اللي حصلها ناقصلها شويه حمص وتبقي شبه قرص الحمصيه انا لازم ارميها 


مرعي....حرام يا ولدي نعمه ربنا سيبها نسجيها في شويه شاي يمكن تطري.


ريم...فضلت تضحك وهي ماسكه راسها.


سيف....بغيظ تسقيها في شويه شاي انت كده بتفرحني ولا بتضايقني اكتر يا عم مرعي و بص بقي هتروح مننا بسبب الضحك.


ريم....هتعمل ايه؟ انا رأيي سيبها وخلاص وبعدين عادي دي اول مره تجرب.


سيف....ولا يحصل والله لا هرميها واداري الجريمه دي حالا مسك الصنيه قلبها عالرخامه نزلت الكنافه واخده نفس شكل الصنيه لكن حطب🙈 اول ما عملت صوت مرعي وريم ضحكوا اكتر.


سيف....اتقلوا عليا اتخلص منها بس الاول وأرجعلكم


فتح الباسكت وكان صغير عن حجم الكنافه وطبعا ناشفه مش راضيه تدخل.


سيف...يالهوييييي دي مش بتترمي🤦


ريم...بضحك أضغط عليها طيب 


سيف....مش موافقه والله حاولت بس واضح اني ضغط عليها اوي فا مش مستحمله ضغط اكتر من كده😂😂😂


ريم...اكسـ ـرها نصين.


سيف...مبتتكسـ ــرررررررش🤦

فضل مرعي يكح من كتر الضحك

وريم بتضحك وميته من الضحك لكن بصوت واطي عشان راسها عيونها دمعت وقدر سيف من غير ما يشعر يخرجهم من مود النكد شويه من اول الحـ ـادثه ما حصلت.


فضل سيف يضغط بايده عالباسكت ويدوس عالكنافه لحد ما دخلت جوه الباسكت رفع وشه بأنتصار.


سيف....😁😁😁😁خلصت من الجـ ـريمه اخيراً🙈🙈


فضلوا يضحكوا عليه وبدأ ينضف مكانه 

..........


ناصر....ايه ياعاليا واقفه ليه يلا ادخلي هاتي انا مش عايز ادخل معاكي عشان تكوني براحتك هقفلك هنا.


عاليا....ياناصر ريحني عشان خاطري انا لا عارفه امشي ومجبش اللي احنا محتاجينه ضروري ولا عارفه اجيب ريحني وسبني انا اتعامل واشتري وتحاسب كأني لوحدي 


ناصر...بحب خلصتي.


عاليا....يووووووووه يا نااااصر


ناصر...بأبتسامه يلا ادخلي هاتي كل حاجه نقصاكم ولو مدخلتيش هضطر ادخل انا و اجيب بنفسي و مليش دعوه بقي هتتحرجي او لا ذوقي هيعجبك او لأ فا الاحسن تدخلي و تجيبي أنتي ويلا بقي حرام عليكي انا مش قادر بفتح بالعافيه.


عاليا...بقله حيله ماشي يا ناصر انا هنزل و هشتري لريم وانا مش عايزه حاجه فتحت الباب وقبل ما تنزل مسك ناصر ايده بقوه رجعها مكانها تاني بصتله بفـ ـزع


عاليا...خضتني يا ناصر في ايه.


ناصر....بحاجب مرفوع بصلها انا مبحبش اعيد كلامي كتير يا عاليا مفهوم تجيبي كل اللي ناقصك انتي و اختك و أعتبري ان انهارده اخر مره تكلميني في اي حاجه ليها علاقه بالفلوس اللي يخصك ويخص ريم انا مسؤول منه 


عاليا....بغضـ ـب ناقص تقولي لما تعوزي حاجه حطي ايدك في جيبي وخدي من غير ما تقوليلي.


أتمحت اثـ ـار الغضـ ـب و اترسمت بدالها ابتسامه.


ناصر...بالظبط لما تعوزي حاجه حطي ايدك في جيبي وخدي من غير ما تقولي حلو كده😉


أبتسمت عاليا وبسرعه فتحت الباب ونزلت دخلت علي المحل علي طول وهو و قفلها بره.

خلصت حاجتها واول ما شافها راحه عالكاشير دخل جوه المحل حاسب وخرجوا مع بعض وركبوا.


ناصر...سند راسه عالكرسي وخلاص عينه بتقفل ها اروح علي فين.


ضحكت عاليا علي شكله انا خلصت خلاص.


ناصر...خلصتي ايه انتي لحقتي.


عاليا....جبت كل اللي ناقصنا فاضل بس اروح اي صيدليه ويبقي كده خلاص.


ناصر...😴 سيف هيجيب علاج ريم وهو جاي بليل بس لو معاكي الروشته نجيبه بالمره.


عاليا...🤭انا عايزه اجيب حاجه ليا انا اصلا مجبتش روشته ريم عارفه ان سيف هيجيبها.


ناصر...وهو مغمض عينه 😴😴هتجيبي ايه؟


عاليا...🙄 هجيب حاجه يا ناصر


ناصر...ايوه حاجه ايه انتي تعبانه


عاليا....خلاص مش عايزه يلا روحني.


فتح ناصر نص عينه كده وبصلها.


هتجيبي ايه بقولك.


عاليا...وشها احمر وحست بالاحراج مش هجيب يا ناصر خلاص يلا بقي عشان منتأخرش.


فهم ناصر وحس هو كمان انه أحرجها طلع محفظته كلها ومدلها ايده. وهو مغمض انزلي بسرعه هاتي اللي عيزاه عشان ثانيه واحده وهقع منك😴


ابتسمت عاليا...ونزلت بسرعه عالصيدليه جابت اللي هي عيزاه🙄 ورجعت علي طول


عاليا...ناصر ممكن انا اسوق انت نايم خالص.


ناصر....لا انا كويس


عاليا....انا بقالي كتير مسوقتش والسواقه وحشتني.


ناصر....لا😴


عاليا...طيب😒


بصلها ناصر وهو مش قادر

 بجولك ايه تعالي سوجي انتي اني مش جادر أفتح عيني.


عاليا...بضحك ملبوس🙈


نزلت بسرعه وهو كمان نزل 

و ركبوا مكان بعض و اتحركت عاليا عالبيت.


بعد وقت بسيط وصلوا 

تحت البيت 

و..........للحديث بقيه..


بقلم اميرة اسامه 

وخليكم متابعين الاحداث الجايه هتقلب الدنيا


الفصل السادس عشر من هنا


بداية الروايه من هنا


الصفحه الرئيسيه من هنا


مجمع الروايات الكامله من هنا


إللي عاوز يوصله اشعار بتكملة الروايه يعمل إنضمام من هنا


تعليقات

CLOSE ADS
CLOSE ADS
close