يا أنا يا حماتي الحلقه الثالثه بقلم هويدا زغلول
 |
وفي الوقت ده شريف قام وقف.وقال
شريف
اخوكي اي متقوليش الكلمه دي علشان مزعلش منك ، وحماتي كانت قاعده وقالت
الحما
شكل الشيطان اللي فرق بينكم هيبعد عنكم
دلوقتي ربنا يهديكم لبعض يا ولاد ، وفي شقه
نورا أنا كنت قاعده بعيط ونورا قالت
نورا
طول عمري مش برتاح لرقيه دي وانهارده
والله كنت حاسه ان هتحصل مشكله
بسببها
نسمه
نفسي افهم بس ليه إمك بتعمل فيا
كده عملت فيها أي ده انا معتبرها
زي امي بالظبط ، وفي الوقت ده دخل
ابراهيم وقال
ابراهيم
مساء الخير ازيك يا نسمه عامله اي
نورا
حمد لله علي السلامه يا حبيبي اقعد
معاها بقي لحد ما اعمل الاكل
نسمه
طيب انا هاجي اساعدك انتي حامل ومينفعش
الحركه ليكي كتير
نورا
ابدا والله مانتي قايمه خليكي قاعده مرتاحه
وبعدها دخلت المطبخ وجه ابراهيم
اقعد جمبي وقال
ابراهيم
اي مالك فيكي اي يا نسمه شكلك عامل
ليه كده اوعي تكون حماتك مزعلاكي
نسمه
ابدا بس حسيت ان انا مخنوقه شويه
قولت اجي اقعد مع نورا
ابراهيم
البيت بيتك طبعا متعرفيش أنا ونورا
بنعزك ازاي اصل نورا قالت ليا
انك انتي اللي اتديها فلوس العمليه
نسمه
نورا دي اختي بعد اذنك انا داخله أسعدها
في المطبخ ، وفعلا بعدها دخلت وبليل
دخلت نمت في اوضه الاطفال وهي
دخلت هي وجوزها اوضتهم وابراهيم قال
ابراهيم
ممكن افهم بقي فيه اي ومن أمتي
اخوكي بيسب مراته تيجي وكمان تبات هنا
نورا
وطي صوتك مالك فيه اي البت زعلانه مع
جوزها شويه وانت عارف انها ملهاش حد
خالص
ابراهيم
معقول اخوكي يزعلها البت شكلها طيب
اوي
نورا
بس انا خايفه من امك لما تطلع وتشوفها
هنا اكيد هتعمل مشكله كبيره
ابراهيم
ملكيش دعوه ب امي أنا هقولها أن هي
جايه تساعدك في شغل البيت وبعدها تلفون
نورا رن
نورا
ربنا يستر امك بتتصل وبعدها ردت
وقالت الو ايوه يا ماما خير فيه حاجه
الحما
ايوه ياختي عايزكي تنزلي تعملي ليا حاجه
دافيه حاسه ان داخله علي دور برد
نورا
انتي عارفه أن الحمل تعبني يا ماما ارجوكي
اطلعي وانا هعملك حاجه تشربيها هنا
الحما
جري اي ياختي هو مافيش حد حامل
إلا انتي ولا اي اخلصي انزلي اعملي ليا حاجه
اشربها
نورا
حاضر يا ماما ، وبعدها قفلت السكه وقالت
نفسي اعرف امك دي هتحبني أمتي ده كتير
اللي بيحصل فيا ده ، وبعدها خرجت وإبراهيم
قال
ابراهيم
لما ترحموا انتو بنات الناس الاول يبقي
ربنا يرحمكم وبعدها نزلت ، وعدا كام يوم
وفي شقتي دخل شريف وقال
شريف
مساء الخير يا ماما امال فين رقيه
ليها عندي خبر حلو اوي ، وخرجت رقيه
وقالت
رقيه
انا اهو خير فيه اي يا شريف
شريف
المحامي اقعد مع جوزك وبعدين جوزك
قاله أن هيدفع كل حاجه من غير قضيه
وكل حقوقك هتخديها
رقيه
بجد يا شريف متعرفش انت فرحت
قلبي ازاي والله وهو يشوف ياخد
الأتعاب اللي هو عايزها
شريف
مش عيب لما تقولي الكلام ده انا هدفع
كل حاجه
الحما
ربنا يخليكم لبعض يا ولاد متعرفوش
أنا فرحانه ازاي
شريف
المهم ناويه تعملي اي بالفلوس دي أنا
راي تعملي مشروع وتجيبي شقه صغيره
تعيشي فيها
رقيه
محدش هيعمل المشروع غيرك انت
يا شريف انا عرفت من ماما ان عندك فكره
مشروع في دماغك خد الفلوس واعمل
بيها المشروع المناسب
شريف
معقول انتي هتديني الفلوس بتاعتك
الحما
شوفت مجتش من مراتك اصيله طول عمرك
يا بنت اختي والله
رقيه
مراته طيب وليه بتفكرني بيها بقي
يا خالتي انتي ناسيه أن أنا حبيبه شريف
الاولي ولا اي ، وبعدها دخلت الاوضه
الحما
يوووو شكلي عكيت الدنيا يا ولا اي ادخل
يابني والنبي وراها
شريف
لازم تجيبي سيره نسمه دلوقتي انا مصدقت
ان هعمل المشروع اللي نفسي فيه وبعدها
دخلت وحماتي قالت
الحما
نسمه البت دي راحت فين صحيح دي ملهاش
مكان تقعد فيه ، وفي شقه نورا
أنا كنت بلم الحاجه علشان امسح الشقه
وخرجت نورا وقالت
نورا
برضه يا بنتي مش عايزه تريحي نفسك
شويه
نسمه
والله انا مش تعبانه وبعدين قولت فرصه وجوزك
مش موجود علشان اعرف اروقلك الشقه
نورا
ربنا يخليكي ليا طيب انا هنزل اجيب
شويه طلبات لحماتي واجي عالطول
نسمه
هو شريف برضه متصلش بيكي يطمن
عليا برضه
نورا
وهو يعرف برضه أن انتي عندي أنا كده كده
هروح واعرف الدنيا ماشيه ازاي
نسمه
بجد مش قادره اصدق لحد انهارده متصلش
بيا
نورا
منعرفش برضه اي اللي حصل
هناك بلاش تظلمي أنا اخر مره لما
كلمت ماما عرفت أن هي تعبانه ممكن يكون
ملخوم في تعبها
نسمه
اي طيب والنبي ابقي اطمني عليها
وقوليلي هي برضه زي امي
نورا
اصيله والله يا نسمه وبعدها نزلت
نورا وشويه ورجع ابراهيم وانا من بمسح
واول لما دخل قولت
نسمه
اي ده هو انت رجعت بدري ليه نورا
مش هنا
ابراهيم
منا عارف انا فضلت قاعد فوق
علي السلم لحد ما تنزل علشان اجي واتكلم
معاكي بعدها حصل
تعليقات
إرسال تعليق