يا أنا يا حماتي الحلقه الرابعه بقلم هويدا زغلول
 |
وفي الوقت ده انا خوفت. وقولت
نسمه
انت عايز اي مني يا ابراهيم ارجوك اطلع
برا أنا مش عايزه مشاكل
ابراهيم
طول عمري بحسد شريف عليكي بنت
جدعه وبنت ناس وطيبه الدنيا فيكي
كفايه انك مستحمله أنه مش بيخلف
نسمه
والله يا ابراهيم لو مش خرجت برا أنا هصوت
والم الناس كلها ، وفي الوقت ده سمعنا
صوت الباب بيتفتح وبعدها هو دخل
يجري علي الاوضه وكانت نورا
نورا
اي يا بنتي مالك واقفه كده ليه هو حصل حاجه ولا ايه
نسمه
لا بس ابراهيم جه وأنا مكنتش عارفه اعمل
اي
نورا
ده زي اخوكي والله ومتعرفيش انتي صعبانه
عليه ازاي
نسمه
معلش يا نورا انا عايزه اروح يا ريت تيجي معايا وتروحي
نورا
تروحي فين هو حصل حاجه ولا ايه
نسمه
لا بس انتي عارفه أن بحب اخوكي وعايزه
ارجع بيتي لو بتحبني تعالي معايا روحني
مش عايزه اروح لوحدي
نورا
والله مش عارفه اقولك اي بس حاضر هعملك
اللي انتي عايزه ،. دخلت الاوضه وبعدها
ابراهيم قام وقف وقالها
ابراهيم
هو هو فيه اي بيحصل برا وبعدين اي
اللي خلاكي تخليها تمسح الشقه امشي
في بيتي ازاي دلوقتي
نورا
مالك يا ابراهيم بتتكلم كده ليه هو حصل حاجه اصل انا نزلت وجيت لقيتها متضايقه
اوعي تكون زعلتها
ابراهيم
معرفش زعلت ولا اي لما لقيتني داخل مكشر
ليه هي قالتلك حاجه
نورا
مقالتش حاجه بس عايزه تمشي مش عارفه ايه اللي حصل وعايزني اروح معاها
ابراهيم
هو انتي ايه مش ملاحظه ان انت حامل ولا ايه ودكتور قال الحركه الكتير غلط عليكي ما فيش مرواح
نورا
ارجوك يا ابراهيم هي مش هينفع تروح لوحدها بعد الغيبه دي كلها لانهم ما كانوش يعرفوا هي فين
ابراهيم
وانا قولت كلامي وخلاص لو خرجتي من البيت لو روحتي معاها ما ترجعيش خليكي بقى قاعده عند امك
نورا
بعد كده يا ابراهيم انت ناسي ان هي وقفت جنبانه وهي اللي سعدتني علشان اكون حامل
ابراهيم
كلامي خالص يا نورا خلاص وانا كنت سمعه
كلامه وبعدها نزلت روحت بيت حماتي واول
لما حماتي فتحت قالت
حماتي
ايه ده هو انتي جيتي يا غندوره امال كنتي فين الفتره دي كلها ده انا قولت مش هتخش البيت ده تاني
نسمه
ارجوكي يا حماتي انا تعبت ومبقاش ليا مكان
اروحه
حماتي
طيب كويس ان انتي جيتي علشان تعملي الاكل للعرايس مش شريف هيتجوز رقيه اخيرا سمع
كلام أمه والبت يعني وحيده وبقت مطلقه
نسمه
يعني اي يا حماتي عايزه تجوزي شريف
ل بنت اختك أنا مالي هي أطلقت ولا لا
حماتي
اه يا حبيبتي هتجوزو ولو مش عجبك
وعايزه تمشي معنديش مشكله الباب يفوت جمل
نسمه
انتي عملتي كده يا حماتي علشان خاطر عارفه اني ماليش مكان اروحه
الحما
والله انا مقولتش ليكي تمشي عايزه تقعدي
هنا اقعدي عايزه تمشي برحتك وبعدها سابتني
ودخلت الاوضه ولقيت رقيه خرجت وقالت
رقيه
ايه ده هو انتي رجعتي والله كنت هزعل اوي لو انت ما جيتيش حضرتي فرحي
نسمه
اشمعنى جوزي يا رقيه
رقيه
ما انت عارفه ان انا كنت بحبه من زمان والشيطان بعدنا عن بعض واهو الحمد لله
رجعنا تاني لبعض اهو
نسمه
متفرحيش اوي كده يا رقيه بكره هيحصل
فيكي اللي كنت أنا فيه
رقيه
انت يا بنت بتحطي راسك براسي طب تصدقي بقى ان انتي مش هتقعدي علي ذمه
شريف دقيقه واحده يا شريف شريف ، وبعدها
خرج شريف وحماتي
شريف
ايه ده هو انتي رجعتي هو انتي كنتي فين يا نسمه الفتره دي كلها
رقيه
مش وقته الكلام ده انا دلوقتي بخيرك يانا يا نسمه واختار ما بينا دلوقتي
الحما
هو انتي بتقولي ايه يا رقيه هو انتي بتخيري ما بينك وما بينها لا طبعا يا حبيبتي انتي كفايه ان انتي اللي وقفتي جنب جوزك
رقيه
اسمع الكلام ده من شريف ياخالتي
وهو كام عامل يبص عليا وقالي
شريف
عملتي ليها اي بس
رقيه
شكلك شاريها هي ومش عايزني انا يا شريف صح
الحما
اهدي بس يا بنتي وما يقصدش كده في ايه يا شريط ما تفوق كده
نسمه
انا اللي بقولك اهو يا شريف طلقني انا مش عايزه اعيش معاك تاني
حماتي
لولوللوي والله لوزع شربات انهارده
طلقها يا واد وفعلا شريف طلقني وبعدها
نزلت وانا عامله اعيط ولقيت نورا وافقه وقالت
نورا
حقك عليا والله ما تعرفيش انا عملت مع ابراهيم ايه علشان خاطر اقدر اجي هنا انا عمري ما هنسى جميل اللي انتي عملتيه عشاني هو انتي مالك نازله معيطه ليه
نسمه
اخوكي طلقني وانا مش عارفه اتصرف ازاي
نورا
والله بكره هيندم علي اللي هو عمله ده
تعالي يا قلبي اقعدي معايا لحد ما تشوفي
هتعملي اي
نسمه
لا مش هكون مرتاحه انا عايزه اشوف اوضه
بس اعيش فيها لحد ما اعرف هعمل اي
نورا
طيب تعالي معايا ، وبعدها اخدتني شقه
اول مره اروحها
نسمه
شقه مين دي انا اول مره اشوفها
نورا
دي شقه اخت جوزي هي مسافره وخليكي
فيها لحد ما نشوف هنعمل ايه
نسمه
بجد انا مش عارفه اشكرك ازاي
نورا
حبيبتي والله متعرفيش أنا بحبك ازاي وفعلا
انتي زي اختي واعملي حسابك بكره هخدك
تشتغلي عند حد كويس وربنا يكتب اللي فيه الخير
نسمه
بس عايزه اطلب منك طلب بلاش جوزك يعرف
ان انا هنا اقصد يعني علشان ميعملش
ليكي مشاكل
نورا
حاضر يا حبيبتي ، وبعدها مشيت وفعلا روحت
اشتغلت في شركه ولقيت صاحب الشركه
بيقولي
مصطفي
هو انتي ليه عالطول حزينه أنا والله بسال
عادي حابب اطمن عليكي
نسمه
لا عادي شويه ضغوط بس هكون كويسه
ولقيته قام من عالمكتب وقالي
مصطفي
هو انتي تقربي اي ل نورا
نسمه
أنا طليقه اخوها بس هي كويسه معايا
علشان كده دورت ليا عالشغل
مصطفي
اي معقول هو انتي كنتي مرات شريف
وطلقك أمتي
نسمه
هو انت تعرف اسم جوزي منين
مصطفي
هو انتي متعرفيش أن أنا مصطفي اللي
كنت متجوز رقيه قربيته
تعليقات
إرسال تعليق