رواية زوج و4ضراير الحلقه الرابعه بقلم هويدا زغلول
 |
هدي
اي ده هو انتي هنا يا شيماء معلش انا اسفه لو دخلت من غير مخبط كنت فاكره محمود لوحده
شيماء
هدى معقول انتي هنا والله وحشاني قوي ازيك يا بنتي ايه ما بقتيش تسالي ليه
هدي
غصب عني والله ازيك يا محمود عامل ايه يا حبيبي
محمود
بخير والله يا حبيبتي ربنا يخليكي ليا اقعدي طيب واقفه ليه
هدي
لا بقى انا ما صدقت شوفت شيماء احنا نروح نقعد في كافيه علشان محتاج اتكلم معاها شويه
محمود
طب تحبي اجي معاكوا انا كده كده خلصت
شغلي لو عايزه
هدي
لا يا حبيبي خليك تكمل شغلك اصل انا محتاج اتكلم معاها شويه
شيماء
خير يا حبيبتي كلامك ده قلقني انتي كويسه
هدي
اه يا حبيبتي بخير بس محتاجه اتكلم معاكي شويه بس يلا بينا ، وبعدها مشيوا وراحوا
كافيه وبدأت هدي تعيط
شيماء
ايه ده مالك يا هدى في ايه شكلك عامل ليه كده
هدي
انا لسه راجعه من عند الدكتور دلوقتي وقالي ان انا ما فيش فرصه ثاني للحمل ومش عارفه اتصرف ازاي محمود بقاله فتره عمال يكلمني في الموضوع ده
شيماء
طيب ازاي يا بنتي وبعدين في وسائل تانيه كثيره يعني ما تعملي حقن مجهري
هدي
للاسف انا هشيل الرحم يا شيماء لاني تعبانه والدكتور بيقولي لازم يحصل في اسرع وقت وانا مش عارفه اتصرف ازاي
شيماء
هدى مصلحتك اهم انتي لازم تعملي العمليه لو ده هيكون في ضرر عليكي
هدي
انا شايفه ان هو نفسه يكون اب ومش عايز يخلف من هبه مش عارفه اعمل ايه
شيماء
لا ثانيه واحده كده معلش هو انتي عايزه جوزك يخلف من الخدامه ازاي يعني
هدي
هبه مش خدامه يا شيماء هبه تبقى مرات محمود الاولى بس هو مابيحبهاش
شيماء
انا مش فاهمه حاجه هو انتي وافقت تتجوزي محمود هو انتي عارفه ان هو متجوز واحده ثانيه
هدي
بحب قوي يا شيماء والله بجد هو كويس ويستاهل كل خير ، المهم انا لازم امشي
علشان اتاخرت ، وبعدها جت البيت وانا كنت
قاعده عامله اعيط
هدي
في ايه يا هبه هو انتي على طول بتعيطي كده ايه اللي حصلك تاني
هبه
ابدا ما فيش حاجه تحبي احضرلك الغداء عشان تاكلي ولا ايه
هدي
لا مش جعانه دلوقتي هو محمود جه ولا لسه
هبه
اه موجود جوه في اوضه ، وبعدها لقيتها
قربت ليا وقالت
هدي
هبه هو انتي ليه لحد دلوقتي لسه ما خلفتيش
هبه
علي فكره انا اخر مره نمت انا ومحمود في اوضه واحده كان قبل جوازك منه ب اسبوع
هدي
طب يا بنتي هو انتي ايه اللي مخليكي موافقه على الكلام ده
هبه
هروح فين يعني انا ما بقاش ليا حد خلاص يلا عيشه والسلام
هدي
بجد يا هبه انتي طيبه قوي ومش فاهمه انتي
ليه بيحصل فيكي كده عالعموم أنا داخله
لمحمود تعملي ليا شاي
هبه
حاضر هعملك اللي انتي عايزاه ، وبعدها دخلت
الاوضه
محمود
ايه يا بنتي فينك كل ده عمال اتصل بيكي مش بتردي عليا ليه هو في حاجه حصلت ضايقتك او انتي سمعتي حاجه يعني
هدي
مش فاهمه كلامك سمعت من مين
محمود
ارجوكي يا هدى قولي ليا مالك شكلك متغير قوي وبجد انا مخنوق علشانك
هدي
انا عايزاك تدخل اوضه هبه ما ينفعش اللي انت بتعمله معاها ده
محمود
ارجوكي يا هدى ما تفتحيش الحوار ده تاني انا قولتلك ان انا مش بحبها هو انا معايا علشان انت طلبت مني كده وبس
هدي
طيب انا عايزاك تكون اب يا محمود وبصراحه كده انا لسه راجعه من عند الدكتور وقالي ان انا لا يمكن اعرف اخلف ثاني لازم اعمل عمليه في اسرع وقت
محمود
ايه الكلام ده وزي ما تقوليش على الموضوع زي ده لا انا مش عايزه عيال خلاص انتي عندي
بالدنيا كلها كفايه حبك ليا
هدي
حبيبي يا محمود بلاش كلامك ده لانه بيتعبني قوي والله بس انا لازم اعمل العمليه بسرعه
محمود
طيب احنا لازم نعمل عمليه بسرعه طالما الموضوع خطر بالنسبه ليكي
هدي
ما انا لسه مكلمه شيماء وباذن الله ممكن اعملها الاسبوع الجاي
محمود
مش عايزه اقولك يا جدعه ازاي وبتحبك قوي والله
هدي
شيماء دي اختي مش صاحبتي يا محمود ربنا يعلم انا كمان بحبها ازاي وزعلت علشان هي اتطلقت وبعدها سكتت ومحمود قالها
محمود
ايه يا حبيبتي مالك سكتي ليه ما تكملي كلامي
هدي
ايه رايك يا محمود لما تتجوز شيماء بجد انا هتكون صعبان عليا اوي لو انت مش بقى ليك عيل وانا عارفه ان انت هتموت وتخلف
محمود
ايه انا اتجوز شيماء ده صحيح طبعا الكلام ده يحصل انتي بتقولي ايه يا بنتي انا اتجوز عليكي لا يمكن يحصل
وبعدها أنا دخلت ولما سمعت كده الصينيه وقعت من ايدي وقولت
مجمع الروايات الكامله من هناااا
إللي عاوز يوصله اشعار بتكملة الروايه يعمل إنضمام من هنا
