القائمة الرئيسية

الصفحات

آخر الأخبار

رواية جوازي من ابو جوزي الحلقه السادسه بقلم هويدا زغلول

رواية جوازي من ابو جوزي الحلقه السادسه بقلم هويدا زغلول

رواية جوازي من ابو جوزي الحلقه السادسه بقلم هويدا زغلول

وفي الوقت ده حماتي كانت وافقه مخنوقه 

ومش فاهمه اي اللي بيحصل بالظبط 

وبعدها قالت 


حماتي 

جوزك ازاي يعني عملتها يا سالم انت ازاي 

تعمل فيا كده بعد ما اديتك كل حاجه ، وهو 

بص ليها وقالها 


سالم 

معلش بقي يا حبيبتي كان لازم اتجوز واحده 

من سني اه امال هفضل عايش عمري كله 

مع واحده قد امي برضه ، وبعدها أنا بصيت 

ليه وقولت 


منال 

طيب هطلع بقي شقتنا يا حبيبي لحد ما تيجي 

ورايا متتاخرش عليا وبعدها بصيت لحماتي 

وقولت ليها وانتي يا ست انتي اوعي 

تأخري الاكل عليا انتي سامعه ولا لا ، وبعدها 

سبتهم وطلعت الشقه وحماتي قالت 


حماتي 

معقول يا سالم انت تعمل فيا كده عملت 

ليك اي أنا فضلتك علي ابني اللي من بطني 

معقول ، وبعدها هو بص ليها وقالها 


سالم 

مكنش ليكي خير في ابنك هيكون ليكي 

خير فيا انا وليه خرفانه عايشه في سن 

المراهقه وهي خالص كلها كام شهر 

وتكون جده لما ابنك يخلف 


حماتي 

حرام عليك طيب كنت اتجوز اي واحده 

غير البت دي حرام عليك تعمل كده في ابني 

والله ياسر طيب وغلبان ، وبعدها هو بص ليها 

وقالها 


سالم 

بس ابن أمه نعمله اي بقي هو لو كان راجل 

بصحيح كان عمره ما طلق واحده زي دي 

، وفي الوقت ده حماتي قالت 


حماتي 

والله يا سالم ما تعرف انا هعمل فيك اي 

، وهو بص ليها وقالها 


سالم 

اسمعي بقي يا وليه انتي ابنك مبقاش معاكي 

زي الاول وكمان لما يعرف أن أنا اتجوزت 

اللي كانت مراته اكيد هيفضل فاكر الموضوع 

ده ليكي عيشي بقي اليومين اللي فاضلين 

ليكي بسلام احسن يلا سلام ، وبعدها 

طلع الشقه وحماتي دخلت قعد علي الانتريه

وشويه وياسر فتح الباب وقالها 


ياسر 

ماما ازيك عامله اي أنا خلاص حجزت 

القاعه والفرح الخميس الجاي أنا حاسس ان 

نورا دي طيبه اوي وهتعوضني علي اي 

حاجه حصلت معايا ، وبعدها لقاه أمه 

قاعده مضايقه وقالها مالك يا امي فيه اي 

شكلك عامل ليه كده ، 


وبصت ليه حماتي وقالت 


حماتي 

سامحني يابني علي اللي أنا عملته فيك 

ارجوك تسامحني ،وفي الوقت ده بص ليها 

وقالها 


ياسر 

هو فيه اي يا ماما انا مش فاهم منك حاجه 

هو حصل حاجه ولا اي ، وبعدها راحت 

حماتي قعدت جمبه وقالت 


حماتي 

سالم اتجوز منال وانا حقك عليا يا بني في اللي 

حصل والله ما عارفه اقولك اي ، وفي الوقت 

ده ياسر أنصدم وقال 


ياسر 

اي انتي بتقولي اي يعني كان فيه حاجه 

بينهم فعلا قبل ما أطلقها ، وحماتي 

قالت ليه 


حماتي 

لا لا يابني والله ابدا أنا كنت متفقه معاه

 أن نخليك تشك فيها علشان تطلقها والله 

هي اكيد فكرت في كده علشان توجع 

قلبك زي ما وجعت قلبها بس ، وياسر 

كان مصدوم وقالها


ياسر 

هو انتي عرفتي منين أنه اتجوزها هو قالك 

يعني ولا اي ، وحماتي سكتت شويه وبعدين 

قالت 


حماتي 

هو جابها هنا وقاعده في الشقه اللي فوق 

، وفي الوقت ده ياسر قام وخرج من الشقه

وفي شقتي أنا كنت قاعده في الصاله وسالم 

جه وقالي 


سالم 

الف الف مبروك يا عروسه اي ده هو انتي 

لسه قاعده بفستان الفرح ، وفي الوقت 

ده انا كنت ساكته ولقيته بيقولي 


سالم 

ادخلي يا منال غيري هدومك واقعدي 

في الاوضه اللي جوا دي ، وطبعا انا كنت 

مصدومه من كلامه وقولت ليه 


منال 

مش فاهمه كلامك تقصد اي ، وهو جه

قعد جمبي وقالي 


سالم 

انا فعلا حبيتك يا منال وعمري ما هغصبك على حاجه ابدا وعارف أن انتي وافقتي علي الجواز 

علشان تخدي حقك من ياسر ، وبعدها أنا 

قولت ليه 


منال 

مش بالضبط كده يا سالم كل الموضوع ان انا مش قادره انسى اللي انت عملته معايا وخليت ياسر طلقني


سالم 

هو انتي لسه بتحبي ياسر ، وقبل ما ارد 

عليه لقينا الباب بيخبط وراح سالم 

فتح الباب وكان ياسر وقالو 


ياسر 

هو انت ازاي يا بني ادم انت تعمل كده

وبعدها رد عليه سالم وقالو 


سالم 

عملت اي اتجوزت الانسانه اللي بحبها 

غلط في ، وكانت الصدمه لما رد عليه وقالو 


ياسر 

انا مالي ما تتجوز اللي انت تعوزها بس من 

البجاحه انك تجبها هنا ازاي يعني ، وبعدها أنا 

قومت وقفت وقولت 


منال 

امال نروح فين يعني شقه جوزي ولازم 

اكون موجوده فيها ، ولقيت 

ياسر بص ليا وقالي 


ياسر 

بجد ندمان ان في يوم من الأيام أن حبيتك

معقول انتي تطلعي كده ،  بعدها أنا بصيت 

ليه وقولت 


منال 

مين عمل في مين سايب الفعل وبتتكلم 

عن رد الفعل عالاقل سالم راجل بيقدر 

يحافظ علي الانسانه اللي معاه الدور 

والباقي علي ناس تانيه ، ولقيت 

ياسر بص ليا وقالي 


ياسر 

بكره تندمي علي كل كلمه قولتيها يا منال 

، وفي الوقت ده بص ليه سالم وقالو 


سالم 

لا بقي لحد هنا وألزم حدودك معاش ولا 

كان اللي يهدد مراتي ، وبعدها خرج ياسر 

وهو متعصب وسالم قالي 


سالم 

ادخلي الاوضه يلا غيري هدومك لحد ما 

اطلب اكل مينفعش نخلي أمه تعمل 

لينا اكل مش  ضامن ممكن تعمل فينا 

اي ، 


وفعلا دخلت غيرت وعدا اسبوع 

وبعدها جه ياسر وعروسته ومكنش 

خلاه أمه تحضر الفرح واول لما دخلت 

نورا حماتي قالت 


حماتي 

الف الف مبروك يا عروسه والله زعلانه 

اوي يا ياسر ان مش حضرت فرحك الاول 

ولا فرحك التاني ، وبعدها نورا بصت بزعل 

وقالت 


نورا 

هو انت يعني لازم تفكريني انه كان متجوز قبل كده دي كلمه تقوليها ليا في يوم زي ده 

ويلا بقي شوفي هتروحي فين انهارده أنا 

عروسه وعايزه اكون انا وعريسي لوحدنا 


وبعدها حماتي بصت ل ياسر بزعل وقالت ليه 


حماتي 

انت موافق على الكلام ده يا ياسر ، وفي 

الوقت ده ياسر قال 


الفصل السابع من هنا


بداية الروايه من أولها هنا


تعليقات

CLOSE ADS
CLOSE ADS
close