رواية جوازي من ابو جوزي الحلقه السابعه بقلم هويدا زغلول
 |
وفي الوقت ده ياسر رد عليها وقالها
ياسر
تقدري تروحي تقعدي عند خالتي اليومين دول
أنا عريس وعايز اكون معاه عروستي ، وكانت
حماتي مصدومه من كلام ياسر وبعدها قالت
حماتي
معقول يا بني تعمل فيا كده انا غلط اه بس
حقك عليا أنا اسفه والله مكنش قصدي اللي
حصل ده ، وياسر كان واقف ساكت بعدين
قال ل نورا
ياسر
ادخلي يلا يا نورا غيري هدومك عقبال ما اجيلك
وراحت نورا قايله ليه بدلع
نورا
بس بسرعه يا حبيبي بلاش تتأخر عليا احنا
عرايس ومش عايزين اي إزعاج ، وبعدها
دخلت وحماتي وقفت جمب ياسر وقالت ليه
حماتي
بص أنا عارفه أن أنا غلطانه والله.وحقك
عليا متزعلش مني بس ارجوك ما تعاملني كده
، وبص ياسر ليها وقالها
ياسر
انتي اللي عملتي في نفسك كده كنت عايش
مع مراتي حبيبتي اللي كنت بحبها روحتي
واتجوزتي عيل من دور عيالك وشوفتي
عمل فينا اي ، وحماتي عيطت وقالت
حماتي
وندمت والله يا بني علي اللي عملته حقك
عليا ، وبص ليها ياسر. وقال
ياسر
تقدري تيجي تاني بعد ما اسافر أنا اصل
هسافر أنا ونورا كمان يومين شهر عسل
حماتي
ماشي يابني اللي تشوفه ،
وبعدها مشيت
حماتي من البيت راحت لأختها وتاني يوم
في شقتي كنت نايمه وبعدها صحيت لقيت
سالم قاعد علي السرير وانا قولت ليه
منال
اي ده انت قاعد كده ليه الساعه كام وبصيت
في الساعه كانت 2 وقولت معقول إنا
نمت كل ده وسالم بص ليا وقالي
سالم
احلي صباح في الدنيا يوم ما اصحي علي عيونك
يا احلي منال والله انا مش قادر اصدق لحد دلوقتي ان أنا وانتي فيه شقه واحده ، وبعدها
قومت من عالسرير وقولت ليه
منال
معقول انت بتحبني اوي كده طيب انا
عايزه أسألك سؤال هو انت ليه مش اتجوزت
بنت تكون من سنك من الاول ، وبعدها
بص ليا وقالي
سالم
مين هترضي ب حته صبي جزار مهوش الا تمن
اكله كل يوم وبعدين ده من حظي الحلو
علشان اتجوزك ، وانا بصيت ليه وقولت
منال
والله ما عارفه اقولك اي يا سالم بس بصراحه
مش قادره انسي أن أطلقت بسببك
سالم
والله ياسر ما يستاهل واحده زيك ونفسي
تحسي بيا بقي وتحبني ربع ما بحبك ، ومش
عارفه ليه كنت حاسه ان مرتاحه ليه وسكت
وبعدها لقيته بيقولي
سالم
يلا أنا جهزت الفطار يلا علشان نفطر ، وبعدها
خرجنا نفطر وفي شقه اخت حماتي كانت حماتي
قاعده في الصاله وخرجت اختها وقالت ليها
الاخت
اي هتفضلي قاعده كده لا اسمعي بقي
أنا واحده صحتي علي قدي يعني الكام يوم
اللي هتعيشي معايا فيهم هنا تساعدني
في شغل البيت ، وحماتي قالت ليها
حماتي
حاضر حاضر انا هاقوم اشوف ايه اللي في المطبخ عايز يتعمل وهاعمله ليكي ، والنبي عايزاك تكلمي ياسر وتحنني قلبه شويه عليا ،وبعدها
بصت ليها اختها وقالت
الاخت
احنن قلب مين هو انتي ناسيه ان انتي رفضتي ان ابنك يخطب بنتي ده انا ما صدقت ان ابنك عمل فيك كده بصراحه بقي حسيت أن حقي جالي ، وبعدها حماتي قامت وقفت وقالت
حماتي
أنا مقولتش له حاجه هو كان بيحب زملته
واتجوزها أنا مليش ذنب وبعدين هو انتي
شمتانه فيا ولا اي ، وفي الوقت ده اخت
حماتي قالت ليها
الاخت
بقولك اي صوتك مش يعلي في البيت ده
لو مش عجبك اسلوبي امشي يا حبيبتي مش عايزه اشوف وشك تاني ، وحماتي ردت عليها
وقالت
حماتي
اخس عليكي والله انا غلط أن فكرت أن اجي
اقعد معاكي ، وراحت اختها وقفت وقالت
الاخت
عندك حق ابقي اقفلي باب الشقه وانتي خارجه
بقي يا حبيبتي ، وبعدها دخلت الاوضه وحماتي
نزلت من شقتنا وفي شقه ياسر صحي
من النوم مش لقاه نورا جمبه وخرج لقاها
بتتكلم في التلفون وبتقول
نورا
هههه معقول يا حبيبي تفتكر كده اخس عليك
وربنا زعلت منك بقولك اي أنا انهارده هستناك
تيجي نتغدا سوا (وسكت شويه وبعدين قالت
لا لا مافيش اعزار ده ياسر هيفرح اوي لو
جيت يلا هستناك سلام وفي الوقت ده راح
ياسر قعد جنبها وقال
ياسر
اي ده هو انتي كنتي بتكلمي مين وازاي
تقولي لحد يا حبيبي ، وقامت نورا وقفت وقالت
نورا
اي ده بسم الله الرحمن الرحيم انت كنت واقف
تتصنت عليا. ولا اي وبعدين ده ابراهيم ابن
عمي واعمل حسابك أنه جاي يتغدا عندنا
انهارده ، وبص ليا ياسر وقالها
ياسر
ابن عمك وانتي بتقولي لابن عمك يا حبيبي
ده ازاي يعني ، وبعدها نورا قالت ليه
نورا
لا بقولك اي صوتك ميعلاش عليا انت
فاهم ولا اي أنا يا حبيبي مش الحلوه
اللي اتجوزتها في الاول هترعب من كلامك واخاف ده ابن عمي ومتربين سوا
واقوله اللي أنا عايزه
،وفضلوا يزعقوا
مع بعض وصوتهم كان عالي.وانا سمعت
الصوت وبعدها لقيت سالم بيقولي
سالم
شكل العروسه الجديده ناويه تاخد حقك
شيفاه من تاني يوم جواز بتعمل فيه اي
وفي الوقت ده انا قولت ليه
منال
من يوم ما تجوزتك وبقت على اسمك بجد موضوع ياسر ما بقاش يهمني وما ليش دعوه باللي بيحصل معاه ، وهو فرح اوي لما
قولت ليه كده وقالي
سالم
معقول يا منال الكلام ده بجد والله ما تعرفيش انت فرحتيني ازاي ، وقبل ما يخلص كلامه
لقيت الباب بيخبط وراح ياسر فتح وكانت
حماتي وقالها
سالم
يا فتاح يا عليم يا رزاق يا كريم ايه اللي جايبك على الصبح عايزه ايه ، وحماتي عيطت وبعدها دخلت
وقالت ليا
ياتري حماتي عايزه تقول ليا اي
