سكان العمارة الفصل الاول والتاني والتالت بقلم زهره عصام كامله على مدونة النجم المتوهج للروايات

الفصل الاول والتاني والتالت

بقلم زهره عصام 

كامله على مدونة النجم المتوهج للروايات 

الفصل الاول 

 هو أنا ممكن العب معاكم 

انتي مين انتي 

- انا أروي بنت البواب 

اممم بنت البواب خلاص تعالي العبي معانا 

أروي هو انتوا اسمكم اي 

انا ياسمين و دي اختي فيروز احنا ولاد البشمهندس احمد النويهي شوية و هتلاقي باقي ولاد سكان العمارة هينزلوا يلعبوا معانا 

أروي ماشي 

فيروز يلا بقي نلعب قبل ما بابا يجي يا ياسمين 

ياسمين يلا تعالي 

ظل الأطفال يلعبون لمدة الي أن جاء فجأة والدهم .. نظر إلي أروي باشمئزاز و قال 

احمد انتي مين يا بنتي 

= انا أروي 

احمد / أروي مين يعني اي اللي دخلك هنا 

= انا أروي بنت البواب 

- نظر إليها باستحقار و قال باشمئزاز مين بنت البواب ثم أكمل بانفعال بنت البواب تقعد جمبه علي البوابه مش تيجي هنا يلا غوري عند ابوكي

نظرت إليه بعيون مدمعة و ذهبت الي ابيها تبكي بحرقة 

نظر احمد الي اولاده و قال بانفعال اياك اشوفكم بتلعبوا معاها تاني انتوا فاهمين .. انا مش ناقص تتعلموا كلمه من كلام الشوارع اللي بيقولوه دا انتوا فاهمين 

ياسمين و فيروز حاضر يا بابا بس هي 

قاطعها احمد مفيش بس اللي بقول عليه يتسمع مفيش لعب مع بنت البواب تاني انتوا مش شايفين مستواهم و مستوانا .. طب بلاش كدا مش شايفين الهدوم المقطعة اللي هي لبساها إياكم اشوفكم بتتكلموا معاها حتي والله لضربكم .. انا كنت بتعب نفسي و ادخلكم مدارس لغات علشان تلعبولي مع بنت البواب 

فيروز بخوف خلاص يا بابا حاضر مش هنلعب معاها تاني 

احمد يلا بسرعة اطلعوا فوق علي ما اشوف البواب اللي سايب بنته تلعب مع اللي اعلي منها دي و هاجي 

ياسمين حاضر حاضر ثم ركضوا الي الاعلي بزعر من والدهم 

....

وصلت إلى أبيها و الدموع علي خديها تنزل بقهر زل

محمد مالك يا حبيبتي فيكي اي 

أروي يا بابا استاذ احمد اللي ساكن في الدور الثاني لقاني بلعب مع ولاده ياسمين و فيروز راح مزعقلي و قالي انتي مكانك جمب ابوكي علي البوابه مش هنا 

محمد مش انا قولتلك يا أروي ملكيش دعوه بيهم .. دول عالم يا بنتي ما يعلم بيها الا ربنا .. معندهمش ذره شفقه بيبصوا لناس من مناخيرهم .. كان مفيش حد عايش غيرهم ..ثم احتضنها و قبل رأسها و قال متزعليش يا بنتي تعالي ادخلي لامك تأكل يلا 

أروي لا انا مش جعانة انا زعلانه أوي من اللي اسمه احمد دا 

محمد خلاص يا أروي ادخلي انتي جوه دلوقتي 

أروي حاضر 

.....

- ماما احنا خلصنا اكل ممكن تنزل نلعب في الجنينه شوية 

ماشي يا غزل بس تخلي بالك من يزيد و هنا كويس انتي الكبيرة و دول اخواتك 

غزل حاضر يا ماما 

يلا و انا هقفلكم في البلكونه .. يزن و هنا مش تروحوا بعيد و العبوا سوا 

يزيد و هنا حاضر يا ماما 

ثم نزلوا الي الحديقة يمرحون قليلا 

....

اتجه إليه و الغضب على وجهه ثم قال اي يا محمد دا 

محمد ايوه يا استاذ احمد حصل حاجة 

احمد بنتك بتلعب مع ولادي لي يا محمد انتوا اول يوم ليكم هنا لسه مش عاوز مشاكل 

محمد عيله متعرفش يا استاذ احمد و انا هنبه عليها متلعبش مع ولاد حضرتك خالص 

احمد و لا حتي تتكلم معاهم 

محمد حاضر يا أستاذ أحمد 

احمد أما نشوف هتلتزم واللي لا .. لم ينتظر جوابه و تركه و صعد إلى الاعلي 

....

سهاد اي يا أروي مش عاوزة تأكلي لي 

أروي انا عاوزه ارجع العمارة القديمة مش عاوزة اقعد هنا يا ماما

سهاد لي بس يا أروي اي اللي حصل

أروي في العمارة القديمة السكان كانوا كويسين معانا و مش بيزعقولي لما العب مع أولادهم انما هنا بيزعقولي علشان بلعب معاهم

كادت أن تجيب سهاد و لكن قاطعها دخول محمد 

سهاد هو في أي يا محمد أروي زعلانة لي 

محمد ولاد استاذ احمد لعبوا معاها و هو مش عاوزها تلعب معاهم 

سهاد و انتي تلعبي معاهم لي يا أروي 

أروي كنت مفكراهم هيكونوا صحابي زي اللي كانوا في العمارة القديمة 

سهاد خلاص يا حبيبتي اديكي عرفتي أنهم ناس متكبرة متلعبيش معاهم تاني بقي علشان متجبيش لـ بابا الكلام.. احنا جايين هنا علشان نشتغل

أروي حاضر مش هلعب مع حد منهم تاني 

محمد شاطره يا أروي تعالي بقي اقعدي معايا بره و فكي التكشيرة دي 

أروي ماشي 

.....

دلف احمد الي الداخل و نادي علي زوجته بصوت مرتفع 

احمد يا مني .. مني 

مني ايوه يا احمد في أي 

احمد طبعا قاعدة هنا و مش عارفه ولادك بيعملوا اي تحت 

مني اي اللي حصل بس مهم بيلعبوا مع صحابهم تحت 

احمد و انتي عارفة كانوا بيلعبوا مع مين النهاردة 

مني لا مع مين 

احمد كانوا بيلعبوا مع بنت البواب 

مني اييييييه .. ياسميييين .. فيرووووز

انتوا من الداخل علي صوت صراخ والدتهم 

مني صحيح كنتوا بتلعبوا مع بنت البواب 

ياسمين ايوه بس 

مني مفيش بس البنت دي متلعبوش معاها تاني انتوا فاهمين 

فيروز ماشي مش هلعب معاها تاني 

ياسمين فاهمه مش هلعب معاها تاني 

....

كانت تنظر من النافذة وجدت اصدقائها يلعبون بالحديقة ..ركضت الي والدتها بتلهف و قالت 

ماما هو أنا ممكن انزل العب مع غزل تحت 

- هي غزل لوحدها اللي تحت يا سجده 

سجده لا معاها يزيد و هنا كمان 

خلاص خدي معاكي اخواتك يلعبوا معاكي 

سجده ماشي 

- مش تخرجوا بره البارك يا سجده عاوزه اقف في البلكونه اشوفكم 

سجده حاضر يا ماما .. ثم نادت على اخواتها 

سجده يا هبه يا عمر 

عمر نعم يا سجدة 

سجده يلا ننزل نلعب تحت شوية 

عمر هو يزيد تحت 

سجده ايوه يزيد بيلعب مع غزل و هنا تحت 

هبه طب يلا ننزل نلعب معاهم 

سجده يلا 

.....

مرت الساعة و كانت أروي تجلس مع والدها بمدخل العمارة تراقب الأطفال و هم يلعبون .. تمنت لو ذهبت لتلعب معهم و لكنها خشت أن يحدث مثل المره السابقه 

الآن انتهي موعد. العمل و الجميع يعود إلى منزله ليستريح 

...

دلف الي العمارة المحامي المعروف ياسين الجمال وجدها تجلس علي المقعد وحدها و تنظر إلى الأطفال

ياسين بابتسامة انتي مين يا جميل

أروي بخوف انا اروي

ياسين و مالك خايفة كدا لي يا أروي هو أنا بخوف كدا 

هزت راسها نافيه و قالت هو انت مش هتزعقلي

ياسين و ازعقلك لي بس يا اروي انتي بنت محمد مش كدا 

أروي ايوه 

اتي محمد بسرعة و قال عملتي اي تاني يا اروي

أروي و الله مش عملت حاجه انا كنت قاعده و عمو هو اللي جه يتكلم معايا 

ياسمين في أي بس يا محمد و بعدين مقعدها معاك لي مش سايبها تلعب مع الولاد 

محمد أصلها لعبت الصبح مع ولاد استاذ احمد و جه زعقلها و بهدلني هنا فقولت بلاش تلعب مع حد .. احنا فين و انتوا فين 

نظر له ياسين بغضب و قال ....

الفصل الثاني سكان العمارة

محمد أصلها لعبت الصبح مع ولاد استاذ احمد و جه زعقلها و بهدلني هنا فقولت بلاش تلعب مع حد .. احنا فين و انتوا فين 

نظر له ياسين بغضب و قال زعقلها علشان لعبت مع ولاده لي هما ولاده نازلين من الجنه و انا مش واخد بالي احنا كلنا ولاد تسعه.. ثم نظر  باتجاه الاطفال و نادي علي أطفاله

ياسين سجدة هبه عمر تعالوا هنا 

اتي الأطفال بسرعة مجبيبن نداء أبيهم 

سجده نعم يا بابا ى

ياسين دي أروي بنت عمو محمد من هنا ورايح في أي وقت تنزلوا تلعبوا هنا في البارك تلعبوا معاها

سجده حاضر يا بابا ثم نظرت إلي أروي و قالت بابتسامة ازيك يا أروي

أروي الحمدلله

ياسين بصي يا أروي دي سجدة بنتي و دي هبه و دا عمر من هنا ورايح دول اخواتك تلعبي معاهم شكل ما انتي عاوزه.. و لو عاوزة تطلعي تلعبي معاهم فوق اطلعي ماشي

أروي يعني انت مش هتزعقلي زي عمو احمد و مش هتقولي انتي مكانك علي البوابه جمب ابوكي

ياسين لا يا أروي انتي زي ولادي بالظبط

أروي ماشي شكرا يا عمو ياسين 

محمد ربنا يجبر بخاطرك و يحفظلك ولادك زي ما جبرت بخاطرها يا استاذ ياسين 

ياسين تسلم يا محمد انا مليش دعوه بسكان العمارة انا ليا دعوة بنفسي و بولادي محدش له فضل علي حد كلنا بنكمل بعض .. و بكره حد يجي اعلي من احمد يجي يهينه ساعتها هيحس بالفرق بس 

محمد حصل خير يا استاذ ياسين .. و الله لولا أني محتاج الشعل دا ما كنت كملت هنا 

ياسين لا يا محمد متخليش حد يهز ثقتك بنفسك .. كلنا بنكمل بعض .. هستاذنك اطلع انا بقي لاني جاي هلكان

محمد اتفضل يا استاذ ياسين

.....

سهاد عملت اي أروي تاني يا محمد 

محمد لا معملتش حاجة دا استاذ ياسين إلهي ربنا يكرمه كان طالع و شافها قاعدة زعلانة و عرف اللي حصل من استاذ احمد فجبر بخاطرها و خلي ولادة يلعبوا معاها

سهاد ربنا يجبر بخاطره و يحفظه استاذ ياسين .. مش زي استاذ احمد بيكلم الناس من منخيره 

محمد يلا ربنا يتولانا 

...

سجده أروي تعالي نلعب كلنا في الجنينه

أروي ماشي يلا 

غزل هي مين دي يا هبه 

هبه دي أروي بنت عمو محمد البواب 

هنا و هي بتعمل اي هنا 

سجده هتلعب معانا 

غزل اي بنت البواب هتلعب معانا احنا .. انتي بتقولي اي لا مشيها 

أروي ...

......

- ايوه يا يوسف يا حبيبي اتاخرت لي 

يوسف انا خلاص داخل علي العمارة اهو يا نورا كان عندي بس عمليات كتير 

نورا ربنا معاك يا حبيبي انا هجهزلك الغداء على ما تطلع

يوسف تمام ماشي 

.....

دلف الي المنزل بوجه متهجم لا يستطيع اخفائه من فعلت جاره المهندس احمد النويهي

اي يا حبيبي مالك فيك اي 

ياسين مضايق شوية بس يا حبيبتي

- اي اللي مضايقك يا ياسين هتخبي علي أسماء حببتك

ياسين لا يا سمكة مش كدا .. الموضوع و ما فيه هو أن و سرد لها ما حدث من احمد تجاه أروي و والدها

اسماء أخص عليه هو دا يصح برضوا .. كلنا ولاد تسعه .. بس هقول اي 

ياسين متقوليش حاجة اهم حاجة تتابعي الولاد كويس يا اسماء و تعرفيهم أن مفيش فرق بينا و أن دي كلها شكليات دا راجل شريف بياكل بعرق جبينه مش احسن ما يسرق 

اسماء عندك حق والله يا ياسين 

ياسين و لو حسيتي أن ولاد احمد هياثروا على تربية العيال متخهومش يلعبوا معاهم تاني بعد اذنك

اسماء حاضر يا ياسين 

.....

أروي انتي لي مش عاوزة تخليني العب معاكم 

غزل بتكبر علشان انتي مش من مستوانا شوفي هدومك مقطعة ازاي و شوفي هدومنا جميله ازاي 

أروي علي فكرة أنا كمان عندي هدوم حلوة بس بلبسها لما اكون راحة مشوار 

سجده اي اللي انتي بتقوليه دا يا غزل هي علشان فقيرة تعملي معاها كدا أروي هتلعب معانا 

غزل لا مش هتلعب معانا 

يزيد اي يا غزل مش عاوزاها تلعب معانا لي 

غزل اسكت انت يا يزيد 

يزيد لا مش هسكت انتي واحدة متكبرة اوي 

أروي خلاص يا جماعة انا هروح عند بابا مش عاوزة العب بس متتخانقوش 

غزل بقي انا متكبرة يا يزيد بتشتم اختك الكبيرة علشان واحدة زي دي شوفتي بسببك انتي شتمني 

أروي و هو أنا كنت قولته يشتمك 

سجده خلاص بقي انتي اي مشكلتك يا غزل انها بنت بواب طب أو باباكي انتي اللي كان بواب كنتي عملتي اي 

غزل اولا انا بابا مش بواب انا بابا الدكتور يوسف .. و بعدين متحطنيش في مقارنة مع واحدة زي دي تاني 

أروي انا اصلا متشرفش اني اتحط في مقارنة معاكي .. علي الاقل انا بنت البواب و بطلع من الاوائل كل سنه وانتي بقي بتعملي اي 

ضحكت هنا و قالت كانت شايله ملحق ... ضحك الجميع عليها مما أثر غضب غزل و كادت أن تفتك بـ أروي و لكن قاطعها صوت اختها هنا و هي تعلن مهلهله وصول ابيها

هنا بابا جه بابا جه ثم ركضت اليه مسرعة 

فكرت غزل بسرعة و ركضت الي ابيها تبكي بحرقة

يوسف اي يا غزل يا حبيبتي بتعيطي لي

غزل أروي بنت عمو محمد البواب ضربتني

نظرت لها أروي بصدمة و قالت انا 

غزل ايوة انتي اللي ضربتيني 

......

كانت تقف في الشرفة تتابع أولادها منتظره عودة زوجها من العمل و لكنها تفاجات حينما وجدت ابنتها تركض إلي ابيها و تبكي .. ركضت بسرعة خائفة من أن يكون قد أصابها مكروه 

نظر يوسف إلي أروي و كاد أن يتحدث و لكن قاطعه مجئ زوجته راكضه 

نورا في أي يا يوسف مالك يا غزل بتعيطي لي 

غزل أروي ضربتني يا ماما ثم احتضنت والدتها و هي تتصنع البكاء 

نظرت نورا إلي أروي بغضب و قالت انتي مين انتي و إزاي تتجراي تضربي بنتي 

أروي بخوف انا اروي بنت البواب بس انا ما 

قطعتها نورا بغضب و قالت و كمان بنت البواب و بتضربي بنتي لي ها عملتلك اي دي اتكرمت و لعبت معاكي .. فين ابوكي نادي ابوكي انتوا اول يوم و اخر يوم ليكم النهاردة 

يوسف خلاص يا نورا بلاش مش مستاهله عيال و بيلعبوا مع بعض 

نورا عيال اي و زفت اي بقي عيله زي دي متجيش ربع بنتي تضربها أما صحيح تربيه شوارع 

أروي بدموع مسمحلكيش انك تقولي عليا تربيه شوارع .. انا متربية كويس أوي 

نورا لا مهو واضح و تربيتك دي تخليكي تمدي ايدك على اسيادك 

أروي و الله علي حسب علمي انكم مش اسيادنا ولا حاجة و زي ما احنا بنشتغل عندكم انتوا بتشتغلوا عند ناس تانية ترضوا يعملوا فيكوا كدا 

نورا احنا بنشتغل عند ناس محترمه .. و 

قاطعتها أروي بذكاء و قالت و احنا كمان بنشتغل عند ناس محترمه و الاحترام باين منهم اووي 

نورا لا بقي دا انتي مش متربية .. يا محمد يا محمد .. يوسف الناس دي لازم تمشي من هنا النهاردة 

يوسف اي بس اللي حصل يا نوا لكل دا عيال و بيلعبوا مع بعض و اتخانقوا هتعملي عقلك بعقل عيال 

نورا اه هعمل عقلي بعقل عيال انت مش شايف بنت خدامة زي دي لا تسوي تضرب بنتي 

أروي انا مضربتهاش 

نورا انتي كذابة انا بنتي مش بتكذب ولا بتتبلي علي حد 

جاء محمد الي هنا و قال في أي 

نورا بعضب في انكم عالم زباله لا تسوي شئ و لازم تمشوا من العمارة النهاردة اللي ميعترمش أسيادهم ملهومش عيش هنا 

سهاد اينعم إحنا شغالين عندكم بس دا ميدكوش الحق انكم تهنونا كدا يلا يا محمد يلا يا أروي احنا هنمشي من هنا و رزقنا على الله 

نورا يلا في ستين داهيه 

سجده غزل كذبت جامد و اتسببت أن الناس ملهاش ذنب هتمشي من العمارة انا لازم أتصرف ...

يا ترى سجده هتعمل اي ؟!

موقف نورا بعد ما تعرف اللي حصل و اهانتها لمحمد و عائلته ؟!

مصير عيله أروي؟!

الفصل الثالث سكان العمارة

سهاد اينعم إحنا شغالين عندكم بس دا ميدكوش الحق انكم تهنونا كدا يلا يا محمد يلا يا أروي احنا هنمشي من هنا و رزقنا على الله 

نورا يلا في ستين داهيه 

سجده غزل كذبت جامد و اتسببت أن الناس ملهاش ذنب هتمشي من العمارة انا لازم أتصرف ثم نظرت إلي أخيها و قالت عمر تعال معايا 

عمر هنروح فين يا سجده استني نتفرج .. شوفتي غزل طلعت وحشة و بتكذب 

سجده احنا هنروح نقول لـ بابا علشان حرام غزل كذبت و هما قالوا على أروي أنها الكذابة و طنط نورا عماله تزعق ليهم اووي و هما هيمشوا و يسيبوا العمارة كله بسبب كذب غزل 

عمر ماشي يلا نروح نقول لـ بابا 

......

الحق يا أحمد 

اي يا مني في أي 

مني كنت بنشر الغسيل و لقيت دكتور يوسف و مراته بيتخانقوا مع البواب الجديد و حرام بهدلوهم أوي

احمد ملناش دعوه بحد اهم حاجة العيال متختلطش ببنت البواب انا مش ناقص يتعلموا منها كلام الشوارع بتاعها دا 

مني طب ننزل نشوف في أي حتي 

احمد لا زي ما محدش بيدخل في خصوصيتتا احنا كمان مش هنتدخل في خصوصيات حد 

.....

محمد احنا هنمشي من العمارة دي بس الأول اعرف اي اللي حصل 

يوسف محصلش حاجة يا محمد عيال و بيلعبوا و المدام بس مكبره الموضوع شوية ثم نظر الي زوجته و قال لمي الموضوع يا نورا 

نورا بعند لا مش هلمه و مش هيقعدوا هنا ثانيه واحده

سهاد و احنا مش هنقعد في مكان اتهانا فيه 

نورا يلا مع السلامه قال بنت البواب تضرب بنتي قال 

محمد لحظة أروي تضرب بنتك انتي 

نورا ايوه ضربتها 

محمد حضرتك شوفتيها و هي بتضربها

نورا بعضب لا بس بنتي مش بتكذب 

محمد أروي انتي ضربتيها 

أروي لا يا بابا مضربتهاش 

غزل اه يا كذابة هتروحي النار 

أروي انا. برضوا اللي كذابة .. انا مبكذبش شوفي نفسك انتي 

نورا اخرسي أنا بنتي مش كذابة انتي اللي كذابة و يلا اطلعوا بره العمارة 

محمد احنا ماشين و مش مسامحين في أي اهانه اتوجهت لينا .. لاني عارف و متاكد ان بنتي مش بتكذب 

.....

بابا الحق 

ياسين اي يا سجدة في أي 

سجده غزل راحت قالت لباباها أن أروي ضربتها و هي مضربتهاش و طنط نورا بهدلت عمو محمد و مامت أروي و زعقت جامد لاروي و قعدت تقولها يا بت البواب و عمو محمد هيمشي من العمارة 

ياسين يعني غزل كذبت و هما صدقوها

سجده أيوة حرام يا بابا أروي معملتلهاش حاجة 

ياسين طب تعالي معايا ننزل يا سجده .. عمر انت شوفت كل حاجة 

عمر ايوه يا بابا و هنا و يزيد و هبه كمان 

ياسين طب تعالوا يلا 

اسماء هتعمل اي يا ياسين

ياسين هرجع الحق لصحابه انا محامي و دي وظيفتي 

اسماء طب اجي معاك 

ياسين لا خليكي انتي انا مش هطول 

.....

سهاد انا هدخل أحضر حاجتنا يا محمد احنا ملناش عيش في المكان دا و ربك اللي بيرزق 

نورا يلا يختي مع السلامه و القلب دعيلكم

ياسين استني بس يا أم أروي .. اي يا دكتور يوسف اي اللي حصل

يوسف و الله يا متر انا كنت راجع من الشغل لقيت غزل بنتي جاية تجري عليا و تقول أروي بنت عمو محمد ضربتني .. و اديك شايف لما المدام عرفت قومتها مقعدتهاش 

ياسين اي المشكلة بس يا مدام نورا عيال و بيلعبوا مع بعض مفهاش حاجة 

نورا ترضاها انت يا متر علي عيالك لما بنت بواب لا راح و لا جه تضرب بنتي و الله لو ترضاها على عيالك انا مرضهاش على عيالي 

ياسين أولا يا مدام نورا مش كل شوية بواب بواب دا بشر زيه زينا و يمكن كمان احسن مننا دا بيشتغل بشرف دا بدل ما يسرق وألا ينصب 

محمد حد الله بينا و بين الحرام

نورا بسخرية لا شريف أوي يخويا 

ياسين ثانيا بقي انتي سمعتي لبنتك طب اسمعي لباقي العيال اللي كانت بتلعب معاهم

نورا بعند لا أنا بنتي مبتكذبش انا متاكده و هيمشوا من العمارة 

ياسين للأسف يا مدام نورا العمارة لاهي ملكي ولاهي ملكك علشان تقرري مين يقعد و مين يمشي و للأسف للمرة التانية بنت حضرتك كذابة 

نورا انا مسمحلكش تقول عليها كدا انت فاهم 

ياسين كلامي مش معاكي كلامي مع الراجل اللي واقف دا .. دكتور يوسف بنت حضرتك كذابة جت تعيط و تقولك ضربتني علشان انا قولت لولادي يلعبوا معاها و هي مكنتش عاوزها تلعب معاهم 

يوسف الكلام دا صح يا غزل 

غزل بتوتر لا هما بيكذبوا انا اللي بقول الحقيقة 

ياسين لو مش مصدقني تعالي يا سجدة قولي اي اللي حصل 

سجده لما أروي جت تلعب معانا غزل مرضيتش تخليها تلعب معانا و قعدت تقولها انتي بنت البواب ازاي تلعبي معانا و مش عندك هدوم حلوة و هدومك كلها مقطعة و قعده تزعلاها كتير و أروي قالتلها أنها بطلع من الاوائل و مش يشرفها انها تلعب معاها راحت هنا قالت إن هي شايله ملحق و كلنا ضحكنا عليها و لما عمو يوسف جه جرت عليه تعيط و تقوله أروي ضربتني 

ياسين شوفت يا استاذ يوسف اللي المدام عماله تهزق فيهم من الصبح لا و الغلط من عندكم انتوا ..  علي فكرة يا محمد انا ممكن ارفعلك قصيه سب و قذف و تاخد منها تعويض كويس 

محمد مش عاوزين حاجة منهم انا كل اللي عاوزه أن احنا هنمشي من هنا 

نورا و انت فكرك أنا مصدقه التمثليه دي ما يمكن انك اللي محفظ بنتك الكلام دا 

ياسين بصدمة لا هو انتي بتشكي في اخلاقي انا كمان واللي اي .. هه متنسيش حضرتك اني محامي و انا مش زي محمد هسيب حقي و إن كان جوزك مش عارف يحكمك و سايبك طايحة في خلق الله القانون موجود

يوسف اهدي بس يا استاذ ياسين حقك عليا انا .. ثم نظر الي زوجته و قال اعتذري يلا 

نورا لا مش هعتذز انا اصلا مش مصدقاهم أنا مربيه بنتي كويس استحالة تكذب و بعدين انت خايف من دا دا مجرد محامي 

ياسين امممم و المحامي اللي حضرتك بتستحقريه دا عارف كل حاجة أصله مش هيقعد مع ناس إلا إذا كان عارف اصلهم و فصلهم و أنهم كانوا مجرد بياعين في محل في الشارع مثلا 

نورا بغضب دا كان زمان انت فاهم 

يوسف اسكتي بقي انتي كمان و اعتذري من محمد و الاستاذ ياسين 

نورا انت عاوزني انا مدام نورا اعتذر من بواب و حتت محامي دا لا عاش ولا كان 

يوسف انتي لو معتذرتيش منهم و رجعتي لعقلك هتبقي طالق انتي فاهمة مش عارف متكبرة على اي .. كنت انا بقي عملت كدا مع ابوكي و انا جاي اطلبك منه 

نورا انت ناوي تطلقني يا يوسف هان عليك تنطقها 

يوسف لما تبقي بالغل اللي جواكي دا و التكبر على خلق الله و مطلعالي العيال زيك يبقي متلزمنيش .. ثم نظر الي محمد و قال أنا آسف يا محمد اسف يا مدام و حضرتكم مش هتسيبوا العمارة و المعامله معاكم هتبقي بالف حساب غصب عن عين اي حد ثم نظر الي غزل و قال و انتي بقي محتاجة تربية من اول و جديد على اللي عملتية دا 

غزل انا اسفه مش هعمل كدا تاني 

يوسف مش ليا لـ أروي و عمو محمد و طنط سهاد يلا 

اعتذرت غزل من أروي و والدها و والدتها تبعتها بالاعتذار نورا كمان اعتذرت لـ ياسين 

أخذ اطفال ياسين يهلهلوا بعد معرفتهم عدم مغادرة أروي العمارة و أنهم سيبقون

مرت السنين و تتجنب أروي عائلة أحمد النويهي و يوسف المرشدي كان كل تعاملها مع عائله ياسين الجمال و أولاده و خاصة سجدة فهي من سن أروي و كانوا يدرسون سويا تذكرت أروي حلم لها فشردت فيه 

فلاش باك

سجده انتي عاوزه تطلعي اي يا أروي

أروي نفسي اوي ادخل هندسه 

سجده اشمعني هندسه 

أروي انا بابا اتهان اوي في العمارة دي حلمي اني ابنيله عماره باسمه 

سجدة انا بقي نفسي اطلع دكتوره أطفال ة

أروي ربنا معانا يا رب يلا نذاكر 

سجده يلا 

باااك 

أروي يا رب انا تعبت أوي اجعل تعبي بفايده ..

سجده أروي الحقي 

أروي .......... يتبع 

الفصل الجاي ضرب نار 😌😌 مفاجأة بالكوم و شخصيات جديدة هتظهر 🙂 مين مستني بقا 🤔

تكملة الرواية من هنا