سكان العمارة الفصل الرابع والخامس بقلم زهره عصام كامله على مدونة النجم المتوهج للروايات

 سكان العمارة

الفصل الرابع والخامس بقلم زهره عصام

كامله على مدونة النجم المتوهج للروايات 

الفصل الرابع 

أروي يا رب انا تعبت أوي اجعل تعبي بفايده ..

سجده أروي الحقي 

أروي اي يا بنتي في أي 

سجده اطلعي بسرعة نتيجة الاوائل ظهرت

أروي بجد يا سجدة استني طلعالك

اتجهت أروي الي ابيها تستاذنه بالصعود الي رفيقاها سجدة للاستعلام عن النتيجة 

أروي بابا انا هطلع عند استاذ ياسين عشر دقائق أشوف النتيجة و هاجي 

محمد مطوليش يا أروي مش عاوز اسمع كلمة من حد 

أروي حاضر يا بابا و بعدين دا استاذ ياسين اللي هو اطيب واحد في العمارة اللي تغم دي .. بكرة ابقي مهندسة قد الدنيا و ابنيلك عمارة باسمك

محمد يا رب يا حبيبتي تحققي كل اللي نفسك فيه 

صعدت أروي علي السلم و لكن قابلت عزل نازلة و تنظر لها بسخرية 

غزل ..

......

- يا فندم زي ما بنقول لحضرتك كدا انسب واحد للمهمة دي هو الرائد صخر حسين الرخاوي 

- انت اتجمننت وألا اي انت عارف دا يبقي ابن مين عاوزني ابعتوا لمهمة زي دي كلها ارهاب دا انا و انت نترحل على المقابر بدري يا ابني 

-يا فندم اسمعني بس احنا لو عرضنا عليه القضية مش هيرفض بالعكس هيكون اول المتطوعين 

- يا سيادة النقيب عاوزني اروح اقول لحسين الرخاوي وزير الداخلية معلش عرض ابنك للخطر دا كان يبقي آخر يوم ليا في الداخلية كلها 

- يا عماد بيه انت مش متخيل خطورة الموقف دول إرهاب و منتشرين في البلد بحلها لازم يطحطلهم حد و العملية دي احتمال كبير تدمر قاعدة مهمه جدا من قواعد الإرهاب في مصر .. صدقني معالي الوزير نفسه هو اللي هيبعت ابنه و بعدين صخر بشا وصل لمركزه بمجهوده مش بنفوذ أبوه 

عماد انا عارف يا مصطفى أن صخر وصل لكل حاجة بمجهوده و أنه حتي مكنش بيذكر اسم والده علشان محدش يعمله حساب .. بس اللي بتقول عليه دا صعب اوي 

مصطفى يا فندم بجد العملية صعبة و محتاجة حد ذكي و في نفس الوقت متمكن من قدراته و انا شايف أن صخر هو الأنسب الموضوع يستاهل أننا ناخد الريسك يا فندم دا رجل المهام الصعبة 

عماد هشوف و هبقي اعرفك يا مصطفى اتفضل انت على شغلك 

.......

غزل اهلا اهلا بالناس الشحاتة اللي قاعد علطول عند الناس الاعلي منها في المستوي 

هنا غزل عيب كدا هي معملتلكيش حاجة لي تجري شكلها كدا 

غزل ملكيش دعوه انتي يا هنا انا بتكلم مع الناس البيئة دي مش معاكي 

هنا و ترجعي تزعلي في الآخر لما بابا يزعقلك .. انا آسفة يا أروي اتفضلي شوفي كنتي رايحة فين 

أروي متتاسفيش يا هنا انتي معملتيش حاجة .. طب عن اذنكم انا بقي اصل نتيجة الاوئل بانت و هشوفها 

غزل قال عامله نفسها مجتهدة اووي و طالعة من الأوائل يلا يا بنتي هنتاخر علي النادي و زمان ياسمين و فيروز مستنينا هناك .. هما دول الصحاب اللي من مستوانا 

أروي سلام يا هنا و أن شاء الله السنه اللي جاية تكوني خلصتي الثانوية العامة بتاعتك و دخلتي اللي نفسك فيه 

هنا تسلمي يا أروي

غادرت أروي و تحدثت هنا قائله هو انتي علي طول كدا اول ما تشوفيها لازم تسممي بدنها بكلمتين ما تسبيها في حالها بقي دا الرسول بيقولك " من كان يؤمن بالله واليوم الآخر فليقل خيراً أو ليصمت " اي يا ست فكيها و ملكيش دعوه بيها كانك مش شيفاها 

غزل وفري نصايحك لنفسك يا ست الشيخة .. و بعدين مين دي اللي احطها في دماغي بنت البواب يلا يا اختي نروح النادي

هنا نادي اي بتقولك النتيجة هتظهر اي مش هتستني تشوفيها انتي مش كنتي ثانوية السنادي 

غزل كنت اديكي قولتي يلا يا اختي انا عاوزه اتفسح و اشم هوا 

هنا لله الامر من قبل و من بعد 

..... 

طرقت علي الباب برفق ففتح لها الصغير عمر 

عمر ادخلي يا أروي دي سجدة عماله تحمل في الموقع من الصبح بس تقيل اوي 

أروي بهدوء معلش هتلاقي عليه ضغط يا عمر اومال فين هبه 

عمر قاعدة جمب ساجدة عاوزه تعرف النتيجة اكتر منكم 

أروي عاوزه تاخد حافذ علشان الثانوية العامة اللي داخله عليها عبالك انت كمان يا عمر لما تخلص الاعداديه بتاعتك دي و تدخل ثانوي بقي 

حضرت أسماء في هذا الوقت و قالت اي يا أروي واقفة على الباب لي ادخلي جوه في الاوضة البنات مستلمين اللاب توب من الصبح علشان بس يجيبوا نتيجة الاوائل

أروي انا داخلهم اهو يا طنط اسماء 

اسماء يلا علي ما احضرلكم حاجة حلوة تكلوها 

أروي متتعبيش نفسك دا انا عشر دقائق و نازلة

اسماء لا طبعاً انتي هتقعدي تتغدي معانا و مفيش اعتراض بقالك كتير مش بتيجي هنا 

أروي بابتسامة حاضر أمري لله

اسماء شاطره يا حبيبتي يلا ادخلولي مع القرود اللي جوه دول 

أروي حاضر 

دلفت أروي إلي الغرفة و جلست بجانبهم على الأريكة و قالت ها يا سجدة الموقع فتح 

سجده لسه يا أروي تقريبا في ضغط جامد عليه انا دخلت خمسين مرة مش راضي يفتح 

أروي طب حربي تاني كدا 

سجده حاضر هجرب اهو 

حاولت سجده أن تفتح الموقع مره اخري و لكن هذه المرة قد صابت و بدأ الموقع في التحميل 

هبه هيييييي الموضوع فتح اهو و هيحمل متشوقة اعرف الاوائل و أن شاء الله السنه الجايه نكون قاعدين نفس القعدة دي عشاني 

أروي أن شاء الله يا حبيبتي ربنا هيحققلك اللي بتتمنيه انتي طيبه و تستاهلي كل خير

احتضنتها هبه و قالت شكرا يا اروتي علي الدعوه الجميلة دي أنا بحبك اووي 

أروي و انا كمان بحبكِ أوي 

سجده استنوا الأولي اهي ظهرت 

هبه مين حد نعرفة 

سجده الأولي على الجمهورية شعبة علم رياضه حبيبة موسي 

أروي يا رب كنت طمعانه اني اخد الترتيب الأول على الجمهورية يلا حصل خير 

هبه اصبري علي رزقك انا حاسة ان اسمك بعدها علي طول 

أروي هو الموقع بيحمل ببطئ كدا لي 

عمر الضغط يختي الضغط استني بقي بدأ يجمع تأتي اهو 

سجده الثانية على الجمهورية شعبة علم رياضه أروي محمد سلطان 

أروي و عمر و هبه هيييييي اللهم لك الحمد 

عمر تستاهليها يا أروي انتي تعبتي اووي 

أروي تعبي كله راح ساعة ما سمعت الخبر دا 

هبه طب شوفي اللي بعده كدا يمكن ربنا يكون نفخ في صورتك و طلعتي انتي كمان 

سجده انا عارفة حظي مش هطلع

هبه شوفي بس 

سجده بلا مبالاة الثالثة على الجمهورية شعبة علم علوم 

انتبه الجميع لهنا قالت سجدة بصدمة سجدة ياسين التهامي

سجده يلهوي دا انا .. نهار اسود انا طلعت من أوائل الجمهورية لولولولولوي 

علت صوت صياحهم الي أن جاءت اسماء و قالت .. اي في أي الفرحة دي كلها 

هبه بلي الشربات يا ماما بسرعة أروي التانية على الجمهورية و بنتك ربنا نفخ في صورتها و طلعت التالته

اسماء بصدمة انتوا بتتكلموا بجد 

هبه اه والله 

اسماء بفرح انا لازم اتصل بياسين اعرفة الخير الجميل دا 

.....

غزل ها يا ياسمين قاعدة كدا لي 

ياسمين مفيش يا غزل ملل 

غزل طب ما تشوفيلنا كدا نتيجة الاوئل بتاع الثانوية العامة 

ياسمين اوعي تقولي انك هتطلعي من الاوائل 

غزل أوائل اي اللي اطلع منهم هو أنا فتحت كتاب طول السنه دا انا لو نجحت هبوس ايدي وش و ظهر 

ياسمين اوومال عاوزه تعرفي نتيجة الاوائل لي 

كادت أن تتحدث و لكن قاطعتها فيروز علشان تشوف أروي طلعت من الأوائل واللي لا 

غزل صح 

ياسمين و هو انتي لسه حطاها في دماغك يا غزل ما تسيبك منها بقي و اعملي زينا و لا كاننا شايفينها 

غزل و انتوا مفكريني هحط واحده زيها في دماغي مجرد فضول مش اكتر 

ياسمين تمام تعالي نشوف 

.....

مني مالك يا أحمد

احمد حيران يا مني 

مني من أي بس 

احمد هو اللي احنا عملناه مع أروي دا صح و أننا بعدنا الولاد عنها 

مني طبعا صح انت مش عارف كانت ممكن تعلمهم اي 

احمد أروي طلعت الثانية على الجمهورية و سجده الي كانت مصحبها و بيذكروا مع بعض طلعت الثالثة على الجمهورية

مني دا بجد 

احمد ايوه تعالي شوفي انا جايب النتيجة من بدري و قاعد مصدوم 

.....

الو يا حبيبي 

الو يا نورا طمنيني النتيجة بانت نتيجة الاوائل بانت 

نورا لا يا حبيبي النتيجة لسه ما ظهرتش 

يوسف اومال فين الولاد 

نورا غزل و هنا في النادي و يزيد نايم

يوسف طبعا بنتك مطلعتش من الأوائل و لا اخدت مركز 

نورا و هي بنتي انا لوحدي مهي بنتك انت كمان 

يوسف اصري تعرفي أن أروي طلعت الثانية على الجمهورية و سجده بنت ياسين طلعت الثانية 

نورا نعم بنت البواب تطلع من أوائل الجمهورية و انا بنتي لا 

.....

مصطفى ها يا فندم قررت اي .. هتكلم معالي الوزير عن رجل المهام الصعبة و الا اي 

عماد أيوة يا مصطفى هناخد الريسك بس يا تري معالي الوزير هيوافق 

مصطفى ....

اي رأيكم في المفاجأة بقي البطل صخر بشا ابن الوزير 😂😂 كنتوا تتوقعوها 🤔 رأيكم يهمني 

الفصل الخامس سكان العمارة...

نورا نعم بنت البواب تطلع من أوائل الجمهورية و انا بنتي لا انت لازم تشوفلك حل للي بيحصل دا دي مهزله

يوسف و اي اللي بيحصل بقي يا ست نورا .. مش دي بنتك الدلوعة حبييه ماما اللي بتكذب و مش بتتحاسب و بعدين تعالي هنا مهزله اي و كلام فاضي اي اللي بتقولية دا البنت اجتهدت و خدت نتيجة اجتهادها .. علي الأقل تشجعي بنتك تبقي زيها

نورا بنتي انا تبقي زي بنت البواب لا طبعاً 

يوسف نورا متخلناش نفتح في القديم ماله يعني البواب راجل مكافح بياكل بعرق جبينه ربي بنته كويس و رفعت راسه 

نورا قصدق اي يعني اني مربتش العيال كويس لا يا حبيبي انا عيالي متربيين احسن تربيه و برضوا لازم يمشوا من العمارة دي بقي أنا مش طيقاهم 

يوسف إذا كان لابد حد يمشي فهو احنا مش هما 

نورا لا طبعاً هما إلا هيمشوا دا حتت بواب لا راح ولا جه 

يوسف اينعم هو بواب بس بنه التانية على الجمهورية أما نشوف بنت الدكتور بقي هتبقي اي

نورا هه اكيد طبعا هتدخل طب زيك بالظبط 

يوسف بخيبه امل اتمني يطلع كلامك صح بس للأسف الشديد أنا عارف اللي فيها 

......

احمد ايوه تعالي شوفي انا جايب النتيجة من بدري و قاعد مصدوم 

مني يلهوي دا بجد طلعت من أوائل الجمهورية 

احمد ايوة يا مني .. هو احنا غلطنا لما منعنا ولادنا يلعبوا معاها .. مش يمكن كانت شجعتهم و طلعوا زيها كدا 

مني بص يا احمد احنا مغلطناش لما منعنا ولادنا يلعبوا معاها .. احنا كاهل خايفين عليهم مش اكتر عاوزينهم يبقوا أحسن الناس .. مكناش عاوزينهم يختلطوا بأقل منهم في المستوى علشان ميتعلموش يتكلموا زيهم بس

احمد مش عارف بس ضميري مانبني من ناحيتها اووي يا مني كسرت بخاطرها و زعلتها انتي عارفة أنه مش طابعي أن اكسر بخاطر حد 

مني عارفه يا حبيبي بس خلاص اللي حصل حصل و لو عاوز تعوضها ممكن تجبلها هدية كويسة بمناسبة ناجحها

احمد فكرة هايله اجبلها اي بقي .. بس لقيتها انا ممكن اجبلها فون جديد و كويس و نعملها حفله في الحديقه ليها و لـ سجده و نعزم سكان العمارة 

مني فكرة هائلة تجيب لسجده كمان فون جديد و انا هنزل اجيب لكل واحدة خاتم دهب شيك و اجيب تورته ليهم 

احمد تمام 

......

مصطفى ها يا فندم قررت اي .. هتكلم معالي الوزير عن رجل المهام الصعبة و الا اي 

عماد أيوة يا مصطفى هناخد الريسك بس يا تري معالي الوزير هيوافق 

مصطفى هيوافق يا فندم طلما في مصلحة البلد هيوافق 

عماد توكلنا على الله انا هطلب مقالبه معالي الوزير و ابنه الرائد صخر

مصطفى تمام يا فندم و أنا هكون على تواصل مع حضرتك بآخر التطورات 

.....

عمر اي دا يا أروي الحقي 

أروي بابتسامة في أي يا عمر 

عمر بدهشة بصي يا سجدة علي عينيها كدا بسرعة بصي يا هبه 

نظرت سجده و هبا الي أروي و لكن لجمتهم المفاجأة فهم اول مره يروا مثل هذه الحالة 

أروي في أي يا جماعة 

هبه عنيكي بتتحول انتي اكيد راكبك عفريت 

أروي

......

اسماء يا ياسين بقولك أروي الثانية على الجمهورية و سجده الثالثة

ياسين بطلي هزار بقي يا اسماء

اسماء بضحك و الله ما بهزر دول عاملين هيصا هنا جامده جدا 

ياسين يعني انتي بتتكلمي جد طب اقفلي هتاكد بنفسي و لو طلع الخبر صح كل واحدة عندي هيبقي ليها هديه

اسماء طيب سلام انت هروح اشوفهم

اغلق معها ياسين ثم اتجة الي اللاب توب الخاص به ليري النتيجة بنفسة

....

أروي متهزريش يا هبه بتتحول أي بس 

سجده والله زي ما بتقولك كدا يا أروي عينك بتتحول بقت لونها أزرق فاتح زي البحر بدل ما كانت زرقاء

أروي بطلوا هزار بقي هتفتح ازاي بس 

عمر ايوه زي ما هبه قالت انتي عليكي عفريب ثم أكمل بصوت عالي عفريت في بيتنا يلهوي عفريت 

ضحكت أروي بشدة و بصوت مرتفع و قالت بطل بقي يا عمر ضحكتني 

سجده يلهوي عنيكي فتحت اكتر و الله عليكي عفريب و صرخت راكضة بالتجاه الباب و ركض خلفها اخويها

أروي شكل الموضوع بجد ثم اتجهت إلى المرآة و نظرت بها لتتاكد من صحة كلامهم و بالفعل وجدت عينيها قد فتح لونها .. يلهوي شكل عليا عفريت زي ما بيقولوا و لكن لحظات و كانت عيونها ترجع إلى الطبيعة مره اخري 

اسماء في أي يا ولاد بتضرخوا لي و عفريب اي اللي بتقولوا عليه 

سجده أروي عليها عفريب اه والله 

هبه عنيها بتغير لونها أروي بتتحول 

عمر كان علي عيني يا أروي افضل معاكي بس انتي بتتحولي و انا يختي خايف على عمري تأكلي دراع كدا رجل كدا و انتي مش واخد بالك 

اسماء بطلوا هبل رعبتوا البت هي فين 

أشارت هبه علي الغرفة بيد مرتعشة و تحدثت باللغة العربية الفصحى من شدة ارتباكها 

هبه لقد تركناها تقطن في هذه الغرفة امي عليك الذهاب اليها الآن و منعها بأي طريقة من التحول إلى وحش مخيف 

اسماء طب اترزعوا هنا على ما ارجع و حاولوا تظبطوا لاختكم الإعدادات بتاعتها 

هبه حسننا امي سننتظرك 

عمر يا اختي اتكلمي عدل بدل ما تتحولي انتي كمان 

هبه بخوف ماذا تقصد عمر 

سجده قصده سيبك من الفصحى و البلاغة اللي قلبتي عليهم فجأة كدا و ارجع تاني 

هبه اي دا هو أنا كنت بتكلم لغة عربية بجد طب كويس نشوف العفاريت بتاع أروي و بعدين اقعد انمي اللغة بقي 

عمر اقدي في جمب يا بت انك دخلت لـ أروي انا مش سامع صوتها تفتكروا قتلتها

سجده لا هي عضيتها و سممتها زي بينازير في جودا اكبر 

هبه يخربيت الهندي اللي اكل دماغ .. ممكن تكون مش عليها عفاريت و عندها قوه خارقه زي حياة في رواية زوجتي الخارقة 

عمر بس يا هبله يا بتاع الروايات اللي هتاكل دماغك دي هي امك مش طلعلها صوت ماتت من الخضة 

....

دلفت اسماء الي الغرفة بقلب مرتجف خوفا من أن يكون حديث أولادها صحيح

اسماء أروي

أروي نعم يا طنط 

نظرت اسماء إلي عينيها فكانت طبيعية ليس بها تأثير 

اسماء اكيد العيال اتهبلت ما انتي عينك زي ما هي اهي اومال اي بتتحول دي 

اروي لا يا طنط هما متهبلوش ولا حاجة انا بصيت في المراية لقيتها فتحت و بعدين رجعت تاني زي ما هيا 

اسماء أنتي بتتكلمي بجد أصلها تبقي متلازمة و نادره جدا بتغير لون العين حسب الحالة المزاجية 

أروي الصراحة مش عارفه يا طنط اسماء 

اسماء كنتي حاسة بايه ساعة لما لون عينك اتغير 

أروي كنت مبسوطة اووي علشان نجحت

اسماء طب نستني لو جاتلك تاني نبقي نشوف 

أروي بابتسامة حاضر

اسماء تعالي بقي نطلع العيال الخايفة اللي بره دي

أروي تمام 

....

غزل اي يا بنتي انتي متنحه كدا لي 

ياسمين أروي طلعت الثانية على الجمهورية و كمان هتطلع في لقاء تلفزيوني مع الاستاذ عمرو الليثي 

غزل انتي بتهزري يا ياسمين هاتي التلفون دا كدا .. ثم التقطت منها الهاتف لتنظر اليه .. الثانية على الجمهورية أروي محمد سلطان 

هنا و الله تستحق كل خير أروي كانت بتذاكر كتير مكانيتش بتسيب الكتاب و اهو ربنا عوضها و كرمها من عنده اخر كرم

فيروز أيوة فعلا كنت أما انزل القاها قاعدة في مدخل العمارة بتذاكر مكانيتش بتسيب الكتاب لولا بابا منبه عليا منتكلمش معاها كنت روحتلها خلياها تذاكري 

هنا فعلاً والله انا نفسي ابقي زي أروي في يوم من الايام علي الرغم من كل اللي حصل إلا أنها بتتكلم معايا عادي جدا حتى بتدعيلي 

ياسمين انا والله كان نفسي نتصاحب و نبقي كلنا شله واحدة هي اكبر مني بسنه بس لو كنت طلبت منها حاجه كانت عملتهالي بس من ساعة ما كنا بنلعب معاها و بابا زعقلنا ز انا مش عاوزة اقرب منها علشان المشاكل

غزل اي خلاص كلكم حنيتوا على ست أروي علشان طالعة الثانية على الجمهورية مش ناقص غير تشتروا هدايا و تروحوا تباركولها 

هنا و فيها اي يعني مش انسانة زيها زينا وألا هنتكبروا على خلق الله بطلي الغل و السواد اللي انتي فيه دا بقي 

غزل غل و سواد و من مين من أروي بنت البواب ها ها ها اكيد بتهزري دي انا مبصلهاش اصلا 

فيروز اومال حطاها في دماغك لي يا غزل ما تسيبي البنت في حالها عملتلك اي لكل دا 

غزل بغل مش فاكرين عملت اي خلت بابا يعاقبني و احنا صغيرين إزاي

هنا بغضب 

.....

نورا مهو أنا مش ههري و هنكت في نفسي كدا كتير انا عارفه أن عزل مش هتجيب مجموع .. دا لو نجحت هيبقي كرم من عند ربنا اكيد سهاد دلوقتي فرحانه و بتزغرط فرحانة ببنتها انا لازم افكر في حاجة تعكر عليهم فرحتهم علشان ارتاح

يوسف يا تري بتفكري في أي يا نورا عارفك مش هتعدي أن أروي طلعت من أوائل الجمهورية علي خير استرها يا رب علشان مش مستعد اصلح غلطات ايها اكتر من كدا 

.....

انا اللؤاء عماد ذكي و عندي معاد مع معالي الوزير حسين الرخاوي و ابنه الرائد صخر بشا

- بطاقه حضرتك يا فندم 

عماد اتفضل 

- اتفضل حضرتك معالي الوزير في انتظارك

دلف عماد بتوتر كبير الي مكتب معالي الوزير و ...

يتبع ....

تفاعل يا جماعة لو سمحتم 🙂

علشان الناس اللي بتتلغبط في الأسامي و دول ولاد مين و كدا 

احمد مراته مني و عندهم بنات 

ياسمين و فيروز

يوسف مراته نورا و عندهم ولاد

غزل و هنا و يزيد

ياسين مراته اسماء و عندهم ولاد

سجده و هبه و عمر 

دمتم بخير 💜