 |
مختمره بين يدي شيطان
الحلقه الثامنه والتاسعه والعاشرة والحادي عشر
بقلم ايمان عكاشه كامله على مدونة النجم المتوهج للروايات
ريحان : رعد انت لسه زعلان
رعد : لا بس هزعل لو عملتيها تاني
ريحان : خلاص يا عم مش هعمل كده
رعد بضيق:عم انتي بتكلمي جوزك علي فكره
ريحان : خلاص متزعلش نفسك ماشي ياجوزي كده حلو
رعد : لا انا عايزك تقوليلي ماشي ياجوزي ياحبيبي
خجلت ريحان من ان تقول هذ الكلمه
رعد :يلا نفسي اسمعها منك
ريحان بخجل : هتسمعها بس مش دلواقتي
رعد :وانا مستعد استني عمري كله علشان اسمعها
ريحان صمتت ولم تعلق
عند بسنت
محمد :وانا موافق يابني
بسنت بغضب :بس انا مش موافقه
كريمه :يعني ايه مش موافقه هو انتي هتلاقي زي ياسين فين
بسنت :مش عايزه اتجوزه ياماما مش عايزه هو بالغصب
كريمه :اه
بسنت :بابا لو سمحت انت عمرك ماغصبتني علي حاجه لو سمحت متغصبنيش دلواقتي
محمد :بسنت حبيبتي دي تقاليد لازم نمشي عليها وانتي دلواقتي او بعدين هتتجوزي ياسين
بسنت : بس انا
سليمان بهدوء :بسنت تعالي ورايا
اخد سليمان بسنت وذهب بها الي غرفته
سليمان :تعالي يا بسنت
بسنت :نعم يا جدو
سليمان :ادخلي يا بنتي واقفلي الباب
بسنت :حاضر ياجدي
ودخلت خلف سليمان واغلقت الباب
سليمان بهدوء وهو يجلس علي الكرسي : اقعدي يا بنتي
بسنت :حاضر
سليمان :بصي يا حبيبتي انا هقولك علي سبب الجواز ده
بسنت بضيق : عارفه يا جدو علشان العادات والتقاليد
سليمان :لا يا بنتي مش علشان كده انا لو عارف ان ده غلط ليكم كنت مهتمتش بالعادات والتقاليد
بسنت : امال حضرتك عملت كده ليه
سليمان : علشان ده الافضل ليكم
بسنت : ازاي
سليمان : انا كل واحد جوزته للتاني لسبب معين
بسنت :يعني ايه السبب
سليمان : بصي علياء اولا لبلال علشان هو شخص ملتزم هيحافظ عليها وهيربيها علشان هي لبسها زي مانتي عارفه واسلوبها مش حلو بلال هيعدلها
بسنت : طب وريحان
سليمان : رعد كان قاعد طول حياته برا فكان احتمال كبير انه مش بيصلي او عارف تعاليم الدين فكان لازم تكون ريحان له علشان تعلمه وترجعه لدينه
بسنت :فهمت
سليمان : وحضرتك وبسمله بسمله انا عارف انها بتحب مالك وهو كمان بيحبها فدول سببهم باين وكمان محدش هيحافظ علي بسمله زي مالك
بسنت :طب وانا
سليمان : بصي يا بسنت ياسين عصبي
ومتملك مبيحبش حد يقوله لا بس اكتر واحد هيقدر يسعدك ويحافظ عليكي
بسنت باستغراب : ليه
سليمان : ليه دي هتعرفيها مع الايام بس دلواقتي انا عايزك في مهمه
بسنت : مهمه ايه
سليمان :انا عايزك تغيري ياسين
بسنت :اغيره
سليمان :اه انتي الشخص الواحيد الي هتقدري تغيريه ياسين
بسنت : اشمعنا انا وازاي
سليمان : هتعرفي قدام هتغيريه ازاي ياسين مكنش كده ياسين كان بيضحك وانتي اكيد ملاحظه ده بس مش عارفه سبب تغيره وكمان انا شوفت ياسين بيضحك معاكي الفتره دي
بسنت :جدي لو سمحت متتكلمش بالالغاز انا مش فاهمه حاجه
سليمان :هتفمي بعدين بس دلواقتي انتي هتتجوزي ياسين ومش هيكون كتب كتاب لا فرح ده لو انتي حابه طبعا
بسنت :جدي انا
سليمان : بسنت انا عارف انك بتحبي ياسين
بسنت : جدي
سليمان : خلاص متقوليش حاجه انا عارف لو بتحبيه بجد غيريه
بسنت :طب هو ايه الي حصله
سليمان :هتعرفي
بسنت :ماشي يا جدي
سليمان :بسنت اعرفي دايما اني معاكي لو في اي وقت عايزه تطلقي انا معاكي
بسنت :بس انا مش عايزه فرح انا عايزه حفله بس وكمان هيكون بعد اسبوعين
سليمان :الي انتي عايزاه
بسنت : يلا يا جدي تصبح علي خير
سليمان :وانتي من اهله
عند نور
نور : انت
سيف : ايوه
نور : انت عايز ايه
وهنا تذكرت
فلاش باك
نور تذهب الي الحمام وهي تنظر الي الارض ولكنها ارتطمت في جسد ضخم
سيف : انتي ليه باصه في الارض
نور : وانت مالك
سيف : يعني ايه وانا مالي انتي خبطي فيا علي فكره
نور : اسفه مكنش قصدي
سيف : ولا يهمك انا سيف وانتي
نور : انت مالك انا مين وكمان انت هتسوق هو علشان قولتلك اسفه خلاص يا عم سحبت اسفي الله
وتركته وذهبت
نهايه الفلاش باك
سيف :روحتي فين
نور :هها
سيف :هها ايه انتي فين
نور :انت عايز ايه
سيف :جاي ومتقدم وقعدين قاعدة تعارف هكون عايز ايه
نور : مش اقصد
سيف :خلاص ياستي هبدأمن الاول
اهلا انا سيف عندي ٢٧ سنه عندي شركات ادويه مع صديقي رعد
نور :
سيف :ها وانتي
نور :انا نور عندي ٢٢ سنه متخرجه من كليه تربيه
سيف : تمام احنا كده متفقين
نور:لا مش متفقين
سيف :ليه
نور : انا عايزه اسألك شويه اسأله
سيف :تمام قولي
نور :بتصلي
سيف :نعم
نور :بتصوم
سيف :
نور : حافظ كتاب الله لو حتي جزء
سيف :
نور :تمام يبقي اسفه انا رافضه
سيف :نعم
نور:انا عايزه جوزي يبقي ملتزم وحضرتك اقل الفروض مبتعملهاش
سيف :يعني ايه
نور :يعني مش موافقه
وقامت لكي تذهب
ولكن منعتها يد سيف
سيف :انتي هتوافقي غصب عنك ومش هتكوني لحد غيري
نور : قولتلك انت مش مناسب ليا
سيف :انتي مش هتكوني لحد غيري حطي الجمله دي في دماغك مفهوم
قال اخر كلمه بصراخ وأتي عليها سيد وناديه ثم خرج ولم يتحدث مع احد
سيد :في ايه
ناديه : ايه الي حصل
نور : معرفش انا لما اقعدت معاه مستريحتش ولما قولتلوا رافضي زعق ومشي
سيد : خلاص يا حبيبتي متزعليش نفسك الي فيه الخير ربنا هيقدمه
بعد اسبوع
في امريكا
ريحان : رعد انا عايزه اتكلم معاك في موضوع
رعد : حاضر ياحبيبتي سامعك في ايه
ريحان : رعد احنا بقالنا اسبوع متجوزين صح
رعد : صح ياقلبي
ريحان : انا في الاسبوع ده كله لحظة انك مش بتصلي
رعد :
ريحان : رعد رد عليا انت بتصلي ولا لاء
رعد : لاء يا ريحان مش بصلي
ريحان بحزن : ليه يا رعد انت مش عارف ذنب تارك الصلاه
رعد : عارف
ريحان : طب ليه مش بتصلي
رعد :
ريحان : طب انت بتعرف تصلي
رعد : اه
ريحان : طب انا مستعده اخليك ترجع تصلي تاني بس انت خليك معايا
رعد : تمام
ريحان : بجد يعني هترجع تصلي تاني
رعد : اه بس مش دلواقتي
ريحان : ليه
رعد : كده سبيني وانا هرجع لوحدي
ريحان : بس انا مقدرش
رعد : متقدريش ايه
ريحان : مقدرش اعيش مع واحد مش بيصلي
رعد :
٠٠يتبع
ياتري رد فعل رعد ايه؟
هل سيف هيترك نور؟
ما هو الذي حصل مع ياسين؟
هذا ما سوف نعلمه قريبا
الحلقة التاسعة
اللهم صل وسلم على سيدنا محمد 🌺
السلام عليكم ورحمة الله وبركاته
رعد : يعني ايه
ريحان : يعني لازم تتغير
رعد : وهو انا قولتلك مش هتغير
ريحان : رعد بجد قولي الحقيقه هتتغير بجد ولا بتقولي كده وخلاص
رعد بصوت عالي : ولو متغيرتش هتعملي ايه
ريحان : هنفصل عنك
رعد اقترب من ريحان وامسك فكها وضغطه عليه بشده
رعد بزعيق: اوعي تقولي كده تاني علشان متشوفيش الوش التاني
مفههههوم
ريحان بوجع وقد انهمرت دموعها : ااه مفهوم
وتركها في دموعها وذهب
عند علياء وبلال
حسنا ها هي علياء اصبح وجهها ذابل وعينيها دائما حمراء من كثرة البكاء واصبحت نادرا ما تأكل
علياء : انا تعبت بجد مش عارفه اعمل ايه طب اكلم اهلي هيقولهم علي حكايه امير الزفت طب اهرب هروح فين
ودخل عليها بلال في هذه اللحظه
بلال بجمود : روحي كلي حاجه علشان متقعيش من طولك وتعمليلي مشاكل بمنظرك ده
ذهبت علياء من امامه من دون كلمه
بلال : ولسه ياما هتشوفي مني
ثم ذهب الي المستشفي
بلال :دكتوره انا هخشلها انهارده صح
الدكتوره :اه اتفضل حضرتك بس ده مجرد اختبار هنشوف هتتقبلك ولا لاء
بلال :انشاء الله هتتقبل
ذهب مع الدكتوره ليدخل غرفة اخته التي لم يراها منذ مده كبيره
بلال :شكرا يا دكتورة
ودخل الغرفه
بلال :السلام عليكم ورحمته الله وبركاته
جودي :
بلال دخل وجد جودي جالسه علي السرير وتنظر الي الحائط بضياع
بلال :جودي حبيبتي انا اخوكي بلال
جودي :
بلال اقترب من جودي وحاول ان يمسك يديها
ولكن جودي انتفضت من مكانها
جودي :متلمسنيش ابعد عني
بلال :جودي حبيبتي اهدي انا اخوكي بلال اهدي يا حبيبتي
وكان يقترب منها
جودي : ابعد عني ابعد متقربليش ابعد عني
بلال :خلاص اهدي والله هبعد بس اهدي
جودي : ابعد ابعد ابعد عني متلمسنيش ارجوك متلمسنيش
ظلت تصرخ بهذه الجمل ثم
وانفجرت في البكاء
بلال لم يتحمل منظرها وخرج من الغرفه
وجاءت الدكتورة عندما سمعت صوت صراخ جودي ودخلت سريعا وبعد قليل خرجت وكان بلال بالخارج يجلس ويضع رأسه بين يديه
الدكتوره :استاذ بلال
بلال :هي عامله ايه
الدكتوره :انا قدتها حقنه مهدئ وهي نايمه دلواقتي بس للاسف حضرتك هتقعد شهر مش هتقعد معاها علشان هي كده لسه في الحاله
بلال :يعني ايه انا لما صدقت انها فاقت من الغيبوبه واستنيت شهرين مشوفهاش تقوليلي لسه هستني شهر كمان
الدكتوره :استاذ بلال دي حاله اغتصاب يعني من اكتر الحالات الي بتقصر علي النفسيه وبقدي لحالات اكتئاب وانتحار وحالات كتير فارجوك لازم تفهم ده
بلال :تمام
وخرج من المستشفي وهو في قمه غضبه وحزنه علي اخته
نعم هذا ما يحصل لهن هذا واكثر بكثير حالات لاتوجد كلمات تستطيع التعبير عن هذه الحالات حالات الاغتصاب يكون اضرارها علي الفتايات تدمرها جسديا ونفسيا وتدمر مستقبلها نعم الرجال لا يتضرروا لماذا لان مجتمعا ليس مجتمع عادل ابدا يلوم الفتاه ام الرجل لا فهو رجل يفعل مايريد حقا اتعلمون اذا رجعت الفتاه الي حياتها الطبيعيه فلن تسلم من نظرات المجتمع ينظرون اليها كانها المذنبه حقا ما هذا الظلم اهذا ما يقوله الدين اهذا ما يامركم به دينكم ان تكونوا من اكثر الشعوب ظلما ان الله يامرنا بالعدل ونحن مسحنا هذه الكلمه من عقولنا
ارجعوا لدينكم يرحمكم الله
بلال :والله لخليكي زيها
عند بسمله وبسنت
بسمله :يلا يا بسنت علشان نروح
بسنت :استني انا بعت السواق علشان مالك كلمني وقالي هيجي يوصلنا
بسمله :تمام
بسنت :بس و ليه مكلمكيش انتي
بسمله : علشان انا قولتله
فلاش باك
بسمله :مالك عايزه اكلمك في حاجه
مالك : نعم يا قلبي عايز ايه
بسمله : مالك حرام الي احنا بنعمله ده
مالك :هو ايه انا مش فاهم
بسمله :بص انا كنت ببحث علي النت عن شروط الخطوبه الشرعيه ولقيت ان كل حاجه بنعملها حرام
مالك : زي ايه
بسمله :زي مثلا كلمنا طول الوقت علي الموبيل ده حرام و انحنا نخرج مع بعض برضه حرام هي ريحان دايما كانت بتقولهملي بس انا نستهم نسيت شروط الخطوبه الشرعيه علشان كده مقولتلكش من الاول
مالك :خلاص يا قلبي الي تشوفيه
بسمله :برضو مينفعش تقولي قلبي ولا روحي ولا الكلام ده وكمان مينفعش تفضل تبوصلي زي دلواقتي كده وانا كمان مينفعش افضل ابصلك يعني نغض بصرنا عن بعض
مالك :خلاص انا معاكي من انهارده هنخلي خطوبتنا شرعيه وانا هبحث عن الشروط علشان ابقي اعرفها وانفذها تمام
بسمله :تمام بجد يا مالك شكرا انك فهمتني
مالك :طبعا افهمك انا لو اعترضت ابقي مش بحبك وخايف عليكي
نهايه الفلاش باك
بسنت :اه بس علي فكره كده فعلا احلي بكتير
حقا ما اجمل الالتزام بالاسلام وما اجمل الحب الحلال الذي يبني علي التقوي والخوف من الاخره كان من الممكن ان يثور مالك ويقول ماذا هل انتي مجنونه ام انكي قرارتي ان تكوني شيخه ويستهزاء بكلامها ولكنه حقا يحبها ويخاف عليها من الاخره ويريد ان تكون من الفائزين في الدنيا والاخره واريد ان انصحك اذا ثار عليكي فاعلمي انه لن يكون خيرا لكي اختاري من يجعلكي تقربين من الله من يجعلكي تذهبي في طريق الخير طريق التقوي احسنوا اختيار الرجال لتستريحوا باقي حياتكم
وبعد قليل وصل مالك واخذ الفتاتان الي القصر
في المساء
عند علياء وبلال
بلال وصل الي الفيلا
بلال بغضب : علياااء
علياء :نعم
بلال : انتي بت حيوانه وقذره وسفله
علياء :انا عملت ايه
بلال :اختي في المستشفي بسببك وبتقولي عملتي ايه
علياء :اختك ايه انا معرفش اختك انا مضرتش حد انا معرفش اختك هاذيها ازاي
بلال :متكدبيش
علياء :طب هي اختك ايه الي جرالها
بلال :ايه الي جرالها انا هقولك ايه الي جرالها
وظل يقترب منها وهي ترجع حتي امسكها
بلال :انا هوريكي انتي عملتي ايه في اختي
علياء :لاااااا
عند ريحان
ريحان : رد يا رعد انا عماله اتصل بيك من الصبح رد
وفي هذه اللحظه وجدت سياره رعد
ريحان : اخيرا
وركضت باتجاه باب القصر
ريحان : رعد قلقتني عليك مبتردش علي تليفونك ليه
رعد ببرود : مكنتش سامعه
ريحان : رعد انت بتكلمني ببرود ليه
رعد : ريحان انا تعبان وعايز انام تصبحي علي خير
تركها وذهب الي الغرفه
ولكن ريحان لم تتركه وذهبت خلفه
ريحان : رعد انا
قطعت كلامها عندما رأت
٠٠٠٠يتبع
مارأيكم في الحلقه
مالك عجبكم رده؟
ماذا رأت ريحان
والسلام عليكم ورحمة الله وبركاته 🥰🥰
تابعوني على صفحتي
الحلقة العاشرة والحادي عشر
اللهم صل وسلم على سيدنا محمد 🌺
السلام عليكم ورحمة الله وبركاته
اولا انا عايزه اعتزلكم عن التأخير ده بس بجد النت كان مقطوع انا نزلت الحلقه التاسعه بالعفيه وكمان معرفتش انزل الدردشه فاسفه تاني علي التاخير
😭😭😭💖💖
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ريحان : رعد انا
قطعت كلامها عندما رأت الاتي
رعد قميصه به دماء
ريحان بخوف :رعد ايه الدم ده
رعد : مفيش
وتركها ودخل الي الحمام
وبعد عدة دقائق خرج
ريحان :رعد ها ايه ده ده دمك انتي مجروح لازم نروح المستشفي
رعد :مفيش داعي ده جرح سطحي
واقتربت منه وعينيها ممتلئه بالدموع
ريحان بدموع :رعد انت كويس طب تعالي اغيرلك عليه
رعد :ريحان اهدي ده جرح صغير
ريحان :طب تعالي اقعد هنا ومتتحركش
وذهبت وبعد قليل عادت وهي تحمل علبه الاسعاف
ريحان بدموع :خليني اغيرلك عليها
رعد :ريحان اهدي وبطلي دموع
وقام بمسح دموعها بيده
ريحان: طب خليني اغيرلك عليه لو سمحت
رعد :اتفضلي
مدت يدها لتغيير علي الجرح وكانت ترتعش بشده
رعد :ريحان اهدي
ريحان :ححاضر
ولكن يدها اصبحت ترتجف اكثر
ولم تقل الا عندما امسكها يد رعد
ريحان :انا
رعد :خلاص اهدي اهدي خالص
وقامت بالتغيير عليه
ريحان :رعد الجرح ده منين
رعد ببرود :ملكيش دعوه
وذهب ليرتدي ملابسه ثم عاد
ريحان :رعد انا اسفه انا خايفه
رعد :
ريحان :رعد انا عارفه اني قولت كلام ميصحش اقوله بس ده من خوفي والله
رعد :متخفيش مش هكون ذي خطيب صحبتك السافل
ريحان بصدمه :انت انت عرفت منين
رعد : ريحان انا اعرف كل حاجه عنك
ريحان :ازاي
رعد :هتعرفي في الوقت المناسب
ريحان :رعد انت غامض اوي بس انا
رعد : مبسش ريحان انا عايز انام
ريحان اقتربت من رعد وقامت باحتضانه وهي تبكي
ريحان : انا اسفه مكنش قصدي انا كان لازم اصبر لغايت لما يجي الوقت الي تتغير فيه بس خايفه يكون فات الاوان
رعد لم يتحمل رؤيه دموعها اكثر فهي معشوقته في الاول والاخر ولا يستطيع ان يغضب منها فقام سريعا باحتضانها
رعد : خلاص اهدي كفايه دموع دموعك بتموتني
وقام برفع رأسها ومسح دموعها
رعد : اول مره تحضنيني
ريحان بخجل : انااا هروح اجبلك الاكل
رعد : متفكريش بس انك تهربي وتعالي هنا انت كنتي خايفه عليا اوي كده ليه
ريحان بتوتر : اه لا اه طبعا مش انت جوزي
رعد : علشان جوزك بس
ريحان لتغيير الموضوع لانه وجهها اصبح كالطماطم من شده الخجل : هو انت انجرحت من ايه
رعد وقد فهم انها تهرب ولكن لم يرد ان يخجلها اكثر : مفيش يا ستي كان في ناس بتحاول تقتلني
ريحان بخوف : ايه يقتلوك ليه ومين دول
رعد : ده منافس ليا واكيد علشان اخسر الصفقه
ريحان : عايز يقتلك علشان صفقه
رعد : اه وممكن يعمل اكتر من كده
ريحان : طب انت لازم تبلغ عنه
رعد : حبيبتي متشغليش عقلك بالحاجات دي ماشي
ريحان : لا يا رعد لازم نبلغ علشان ممكن يعمل كده تاني
رعد :انا هتصرف معاه يا حبيبتي ماشي
ريحان :بس
رعد :خلاص يا ريحان اهدي الموضوع خلص وهو خد جزاءه وكمان فين الاكل ولا انتي غيرتي رأيك
انهي كلامه وهو يسحبها من خصرها اليه ليقربها منه اكثر
ريحان بخجل : لا اانا هروح بس سبني
رعد :خدي عقابك الاول وبعدين امشي
ريحان :عقاب ايه
رعد :عقاب كلامك
انهي جملته وهو يقترب منها اكثر
ريحان :رعد
رعد :بكره هتعرفي عقابك ودلواقتي يلا يا حبيبتي ننام انا مش جعان
ريحان :بس انا جعانه ومكلتش حاجه من الصبح يلا يلا
رعد :حاضر
في صباح اليوم التالي
جثه بل جسد بدون روح ملقاه علي السرير ملابسه مقطعه فاقده للوعي لا تدري ماذا يحدث حولها نعم يا اصدقائي انها علياء والان بدأت في فتح عينيها
علياء : ااه ايه الي حصل ها
نعم لقد صدمات تذكرت ما حدث بالامس ووجدت ملابسها مقطعه والغرفه فارغه وسائل دافئ ينزل من عينيها
نم ظلت تبكي وتبكي ثم ذهبت الي الحمام بالم جسدي ونفسي استحمت ثم خرجت
وكل هذه الفتره عينيها لم تتوقف عن البكاء ولأول مره منذ فتره كبير ذهبت لتصلي وتناجي ربها وهي تبكي تبكي بقوه
علياء :يا رب ارحمني يارب انا عارفه اني عملت حاجات وحشه كتير قويني واهديني يارب سامحني يارب انا تعبانه اوي اوي ياررب
في قصر الباسل
كريمه : بسنت حبيبتي يلا علشان نجهز حاجات الفرح
بسنت :ماما حبيبتي الحفل صغيره يعني مفيش داعي للتجهيزات الكتيره دي
كريمه :انا مش عارفه منعملش فرح كبير ليه ونعزم كل اقربنا
بسنت : انا مش عايزه اعمل حاجه كبيره
كريمه :طب وياسين موافق
بسنت :اه يا ماما جدي كلمه وهو وافق
كريمه :خلاص يابنتي الي انتوا عايزينه
بسمله :تعالي يا بسنت نكلم ريحان ونقولها علي الفرح
بسنت :اشطا يلا
كريمه :خليها هي في شهر عسلها
بسنت : لا يا ماما تيجي تحضروا وبعدين تسافر
جهاد :صح كلموها دي وحشتني اوي
كريمه :اعملوا الي انتوا عايزينوا وانا هروح اكلم علياء
عند رعد وريحان
ريحان :صباح الخير
رعد :صباح الجمال
ريحان :رعد عامل ايه دلواقتي
رعد :كويس
ريحان :الحمد لله يلا علشان اغيرلك علي الجرح
رعد : مفيش داعي
وذهب الي خارج الغرفه ولكن قبل ان يخرج وجدها امامه
ريحان :مش هتطلع غير لما تغير علي الجرح
رعد :والله
ريحان :اه يلا يا رعد لوسمحت
رعد :ريحان انا كويس مش عايز اغير
تجاهلت كلامه وهي تسحبه معها
ريحان :لا عايز يلا
استسلم لها نعم فهو حقا يحب اهتمامها به هو يحب كل شئ يتعلق بها فهي ملاكه هي التي اسرت قلبه
ريحان بخجل :ممكن تقلع التيشرت
وبحركه سريعه خلعه رعد
ريحان اقتربت ببطء منه وقامت بتغيير الجرح وهي تتجنب النظر الي عينيه خجلا
رعد :ليه منعاني اني اشوف سحر عيونك
قال هذا الكلام وهو يرفع وجهها لتتقابل عيونهم لقتره من الزمن ليست قليله حتي قاطعها رنين هاتفين
ريحان بخجل : موبيلتنا بترن
رعد : ماشي يا فراولتي
وانتهزت الفرصه وركضت من امامه وهي تاخذ هاتفها وخرجت من الغرفه
ضحك رعد علي خجلها
ثم التقط هاتفه وتحول الي رجل بارد وجامد ونظراته بارده جدا حسا من وجهت نظري ان لديه انفصال في الشخصيه فهو تغير من رجل كان يضحك منذ قليل الي رجل اذا رأيته تعتقد انه لم ولن يبتسم قط
عند نور
نور :ماما انا هروح المعهد
ناديه :ماشي يا حبيبتي
نزلت نور من عند بيتها ومالبثت حتي جاءت سياره وقام شخص بسحبتها لداخل السياره
عند علياء
الهاتف يرن مره واثنين ولكن لا رد
دخل الي الفيلا وجدها هادءه جدا ومظلمه والهاتف يرن ولم يجد احد قلق نعم لقد شعر بالقلق والخوف عليها ذهب سريعا ليبحث عنها في جمع الغرف غرفه خلف غرفه حتي وجدها في احدي الغرف تجلس علي سجادة الصلاه تناجي ربها وعينيها حمرا ومنفوخه من شده البكاء وجسدها ينتفض ايضا
بلال : علياء
علياء سمعت صوته انتفضت وارتجف جسدها
بلال اقترب منها حتي اصبح امامها
وحاول رفع رأسها وياليته ما فعل فقد انتفضت وتراجعت للخلف وجسدها ينتفض
علياء ببكاء وانهيار :متلمسنيش ارجوك ابعد عني اراررجع متقربش
بلال : عرفتي ايه الي حصل لاختي علي الاقل انا جوزك مش حد غريب
علياء ببكاء :وانا ذنبي ايه تعمل فيا كده ليه
بلال :لا ليكي ذنب وكمان ده حقي
علياء :حقك
بلال :اه حقي مش انتي مراتي وكل لما يكون ليا مزاج هاخدو تمام
قال هذا الكلام وذهب ولكنه توقف عند الباب
بلال : يبقي كلمي امك علشان كانت بترن عليكي و طبعا انتي عارفه لو جبتي سيرة اي حاجه هيحصلك ايه
ثم تركها وذهب
ونتركهم نحن ايضا ونذهب الي
رعد
رعد : يلا يارجاله
ذهب رعد ومعه عدد كبير من الرجال الي مكان مهجور لا يوجد به احد
مايكل : الشيطان اهلا وسهلا
طلعا بالانجليزي وكل الي جاي بالانجليزي
رعد : الفلوس كامله
مايكل :نعم
رعد :تمام
وقام مايكل بتسليم رعد النقود وجاء دور رعد في تسليم السلاح
مايكل :حسنا اين السلاح
رعد :من حقي
مايكل :ماذا لما
رعد :هذا جزاء غلطك وبعتك لجاسوس
مايكل :جاسوس ماذا انا لا رخل لي
رعد :لا تكذب
وتركه وذهب
مايكل :لن تذهب قبل ان تعطيني اسلحتي حسنا اطلقوا عليهم النار
ولكن قبل ان يرفع احد مسدسه كان رجاله رعد قد انهوا حياتهم
رعد :قرصت ودان بس لو عملت الحركات الوسخه دي تاني هيكون التمن حياتك
تركه وذهب بكل هدوء وبرود وطبعا غرور
مايكل :حسنا ايها الشيطان لن اجعلك تستمتع بحياتك انتظر وستري
٠٠٠يتبع
من الذي خطف نور؟
هل حقا علياء لها يد في ما حصل لاخت بلال؟
ماذا سوفه يفعل مايكل؟
رأيكم في الحلقه
عايزه اقولكم علي حاجه انا جروب الفيس ده هيتفل بسبب مشكله وعملت جروب تاني جديد هحط اللينك بتاعه علي البروفيل بتاعي وارجو انكم تشرفوني هناك 🥰🥰🥰
الحلقه الحادي عشر
اللهم صل وسلم علي سيدنا محمد 🌺
السلام عليكم ورحمة الله وبركاته 🥰
عاملين ايه
🍂🍂🍂🍂🍂🍂🍂🍂🍂🍂
عند ريحان
مكالمة فيديو
بسنت :ريحان حبيبتي عامله ايه
ريحان :الحمد لله يا قلبي وانتي عامله
بسنت :انا تمام الحمد لله
ريحان :وماما ومرات مي وجدي وكلكم عاملين ايه وحشتوني اوي
بسنت :كلنا كويسين يا قلبي وانتي كمان وحشتينا كتير اوي
بسمله : وسعي كده ٠٠ ازيك يا ريحان يا حبيبتي عامله ايه وحشتيني اوي
ريحان :وانتي كمان يا قلبي والله انا الحمد لل وانتي
بسمله :انا كويسه
بسنت :ريحان انتي لازم تنزلي الاسبوع الي جاي
بسمله :ايوه يا ريحان
ريحان :ليه في حاجه
بسنت :لا يا قلبي مفيش بس انا وياسين كتب كتابنا بعد اسبوع
ريحان :مبرروك يا قلبي الف مبرووك
بسنت :الله يبارك فيكي
بسمله : علشان كده لازم تيجي ماشي
ريحان :طبعا يا قلبي هقول لرعد وهننزل
بسنت :ماشي يا حبيبتي
بسمله :صحيح يا ريحان كنت عماله اتصل عليكي مردتيش ليه
وهنا تذكرت ريحان ماحدث عندما كانت تغير لرعد علي الجرح وعندما اخذت الهاتف ولم تستطيع ان ترد من كثرة خفقان قلبها الشديد
بسنت :ريحان رحتي فين
ريحان :نعم يا حبيبي انا هنا عايزين ايه
بسمله :لا يا قلبي ولا حاجه سلام يا قلبي شكلنا اتصلنا في وقت غير مناسب
بسنت :فعلا صح يلا سلام
ريحان :لا انتوا
وقبل ان تكمل حديثهم اغلقوا الخط
ريحان بسرحان : مش عارفه ليه كل لما اسمع اسمك او اشوفك قلبي بيدق جامد اوي
وبعدها ذهبت لتقضي فرضها
🍂🍂🍂🍂🍂🍂🍂🍂🍂🍂
صلوا علي النبي
🍁🍁🍁🍁🍁🍁🍁🍁🍁🍁
في مكان مجهول
نور تستيقظ من اغماءها ورأسها يؤلمها من مفعول المخدر
نور :آاه راسي بتوجعني اوي ايه ده انا فين ايه المكان ده
ونظرت حولها وجدت نفسها في غرفه مغلقه ومتسخه جدا ورأحتها عفنه
نور :انا فين ايه ده انا فييين
قالت اخر جملتها وهي تصرخ
وظلت تبكي وهي خائفه وتطرق علي الباب لعلي احدا يسمعها
نور بصراخ وبكاء :خرجوني من هنا افتحوا الباب وخرجوني من هنا
وبعد ذلك فتحي الباب
الرجل :نور اهدي بلاش صوتك يعلي مش صوت المرأة عوره برضو
نور بصدمه:انت
🍂🍂🍂🍂🍂🍂🍂🍂🍂🍂
صلوا علي النبي
🍁🍁🍁🍁🍁🍁🍁🍁🍁🍁
عند كريمه
كريمه :الو ايوه يابنتي عامله ايه
علياء ببكاء :انا كويسه يا ماما انتي عامله ايه
كريمه :بخير يا بنتي مالك يا قلب امك بتعيطي ليه
علياء :وحشتيني اوي يا ماما
كريمه :وانتي والله يا بنتي وحشني جدا
علياء :ماما تعالي اقعدي معايا شويه
كريمه : طب يا بنتي وجوزك يقول ايه
علياء :مش هيقول حاجه هو اصلا بينزل الشغل
كريمه :بينزل الشغل من اول الجواز كده
علياء :اه يا ماما تعالي بقي
كريمه :اوعي يكون زعلتيه في حاجه يا بنتي
علياء :لا ابدا يا ماما
كريمه : طب هو يا بنتي بيعاملك حلو
علياء وقد تذكرت معاملة بلال القاسيه معها : حلو حلو اوي قالتها بمراره
كريمه :طب يا بنتي الحمد لله
علياء :يلا يا ماما جيبي بابا وتعالي مستناكي
كريمه :خلاص ماشي يا بنتي يلا عايزه حاجه مسافت السكه وهكون عندك
علياء :ماشي يا ماما سلام
كريمه :سلام
🍂🍂🍂🍂🍂🍂🍂🍂🍂🍂
صل علي النبي
🍁🍁🍁🍁🍁
عند ريحان ورعد
ريحان :السلام عليكم ورحمه الله السلام عليكم ورحمه الله
رعد :حرما
ريحان :انشاء الله جمعا
رعد :ريحان حبيبتي البسي علشان هنخرج
ريحان :بجد الله يارعد انا كنت زهقانه اوي ثواني وهلبس
وركضت ريحان الي الخزانه لتختار فستان ولكن رعد
رعد :استني البسي الفستان ده
واحضر لها فستان في غايه الجمال لونه احمر غامق وعليها خمار ابيض وعليه حذاء
ريحان: الله الفستان تحفه شكرا
ثم اخذت الفستان ودخلت الي الحمام
تحت انظار رعد العاشقه
وبعد قليل خرجت وهي تردي الفستان والخمار وكانت في قمه الجمال والبساطه ولم تضع اي ميك اب
خرجت وجدت رعد يرتدي بدله وكان هو ايضا في قمه الجمال والشياكه
رعد وهو يقترب من ريحان : ايه الجمال ده
وامسك يديها وقام بتقبيلها
ريحان بخجل :شكرا ٠٠٠ وانت كمان
رعد :وانا كمان ايه
ريحان وهي تنظر للارض : جميل
وهنا قام رعد برفع رأسها ونظر الي عينيها وثم وضع يده علي خصرها وقربها له اكثر ثم قبل جبينها بعمق
رعد : ريحان
نظر لها وجدها مغمضه العين وتبتسم بخجل
رعد اقترب منها اكثر وقبل وجنتها ثم همس في اذنها
رعد بهمس: ريحان
ريحان بهيام : امممم
رعد : افتحي عينك
ريحان : اه
رعد وضحك علي منظرها : فراولتي
ريحان بخجل : متضحكش عليا
رعد : وشك عامل زي الطماطم
ريحان :خلاص بقي يا رعد
رعد ورجع يهمس عند اذنها : طب وبالنسبه للعقاب
ريحان :عقاب ايه
رعد :بتاع امبارح
ريحان :انت لسه فاكر بس علفكره انا اعتذرتلك ده ظلم
رعد : قصدك اني ظالم
ريحان : انا مش
رعد :واقدي عقاب تاني
ريحان :انت
رعد :انا ايه
ريحان :ولا اي حاجه
رعد :اول عقاب انك تبوسيني
ريحان : لا انا مش هعمل كده
رعد :خلاص مفيش خروج ولا هديه
ريحان :هديه
رعد :اه كنت محضرلك هديه بس خلاص شكلك مش عايزه
ريحان :لا خلاص هبوسك
واقتربت منه ثم قبلته في وجنته قبله سريعه وكادت ان تذهب ولكن منعتها يد رعد التي علي خصرها
ريحان بخجل :خلاص سبني
رعد :لسه العقاب التاني
ريحان :نعم
رعداقترب منها وهمس في اذنها ببعض الكلمات ليتسع اعين ريحان
ريحان بخجل شديد :لا مش هقدر
رعد :مش انهارده بكره يلا دلواقتي علشان منتاخرش
وذهبا الاثنان
في السياره
ريحان :رعد هو انت ليه بتمشي بحراس كتير
رعد :دول للحمايه
ريحان :حمايه من ايه
رعد : ريحان انا راجل غني و مشهور وده سبب في ان ناس كتير عايزه تسرقني علشان كده في حراسه
ريحان :فهمت زي الراجل الي جرحك كده
اكتفي رعد بهز رأسه
وثم ذهبوا الي مكان بعيد عند شاطئ البحر
ونزلا من السياره
رعد :ريحان مضي عينك
ريحان : ليه ان
وقبل ان تكمل حديثها شهقت من الصدمه لان رعد قام بحملها
ريحان :رعد نزلني لوسمحت نزلني
رعد :اسكتي يا ريحان وغمضي عينك
ريحان :طب نزلني وانا هغمض عيني
رعد :لا يلا
ريحان :ماشي
وبالفعل قامت بغلق عينيها
وحملها رعد الي مكان ثم انزلها
رعد :ريحان فتحي عينك
ريحان :حاضر
وقامت بفتح عينيها وكانت المفاجاه
٠٠٠٠٠يتبع
والسلام عليكم ورحمة الله وبركاته 💖💖💖🥰
عشر ملصقات علشان الحلقه الجديده 😍
تعليقات
إرسال تعليق