 |
رواية غرام صعيدي
البارت العاشر 🌺🌺والحادي عشر حتي البارت الحادي والعشرون والاخير من الجزء الاول
بقلم اسراء ابراهيم
غرام صعيدي
اتصدمو جميعا من دخول الشرطة ولكن عندما رأت غرام منال زوجة ابيها علمت ان الموضوع يخص جابر نعم ومن غيره فهو دائما سبب حزنها وتعاستها ، تحدث عتمان خير يا حضرة الظابط في ايه ، انا اسف يا حج عتمان بس احنا جاين نقبض علي صقر ، خبطت عزيزة علي صدرها بصدمة يا مري صقر ولدي اما غرام فشعرت بالخوف علي صقر وكأن روحها ستفارقها وصقر يعلم انه مصدر الامان بالنسبة لها فنظر لها ليطمئنها وتحدث للظابط والتهمة ايه بجي ، الست منال مقدمة بلاغ بتتهم فيه حضرتك انك خطفت جوزها ، قال ادهم بعصبية واي حد يتهم اي حد كدة تقبضو عليه مش في دليل ولا ايه ، ما حضرتك جاين نفتش البيت هيا بتقؤل انه عندكم ، نظر صقر لعتمان ابوه فحرك رأسه بإيجاب ثم قال بهدوء تمام اتفضلو فتشو ، نظرت منال لغرام بحقد وتحدثت بغيظ انا مش هسيب حق جوزي وهوريكي يا غرام فردت عليها عزيزة جوزك اللي فرحانة بيه ده ميسواش في سوج الرجالة تلاتة مليم ولو مفكرة انها لوحدها تبجي غلطانة عشان لو فكرتي تجربي منها هاكلك بسناني انتي واعية ، خرجو العساكر وتحدثو للظابط مفيش حاجة يا فندم فتشنا البيت والمخزن وملقناش حد ، تمام احنا اسفين يا حج عتمان بس لازم صقر يجي معانا عشان المحضر ، اقتربت غرام من صقر وتمسكت بيده وتحدثت ببكاء متسبنيش ، هشش ومسح دموعها بيديه وتحدث بهمس اوعدك هرچعلك تاني متخفيش ، وتركها وذهب معهم ، عزيزة بخوف عتمان هو كدة جبضو علي ولدي ، لع يا عزيزة متخفيش هما هياخدو منه شوية معلومات ويسبوه عشان مفيش دليل ، تحدثت صفية باستهزاء وهي تنظر لغرام وده كان مكتوبلنا فين ده كله جاعدين لحالنا والمصايب بتتحدف علينا ، واكملت غادة ووجهت كلامها لغرام انتي السبب اهو صقر اتجبض عليه من تحت راسك ، نهرتهم عزيزة بشدة كل واحدة تحط لسانها في خشمها وتشوف وراها ايه انا ولدي هيرچع ومش عايزة حديت ماسخ ملوش عاذة ، اما غرام فكانت تستمع لهم وهي في عالم اخر وفي داخلها تلوم نفسها فيما حدث لصقر فهي السبب وهي من جلبت له المشاكل منذ قدومها وهو لا يستحق منها ما حدث له بسببها وفاقت من شردوها علي صوت فاطمة وهي تطبطب عليها وتطيب خاطرها ، سيبك منهم ومتزعليش عشان خاطري يا خيتي ان شاء الله صقر هيرچع انتي بس ادعيله ، انا السبب فعلا يا فاطمة مش كدة ، لع طبعا مش اكده هو بس شوية مشاكل وهتعدي زي اي مشكلة متحمليش نفسك فوج طاجتها يلا اطلعي ارتاحي وانا هخلص المطبخ وهطلع اجعد معاكي عشان متبجيش لوحدك ، متشكرة اوي يا فاطمة ، علي ايه يا عبيطة احنا خلاص بجينا اصحاب واخوات كمان يلا اطلعي ، حاضر .
🌹🌹🌹🌹🌹🌹🌹 لا حول ولا قوة الا بالله
كانت تجلس غادة في غرفتها وهي تشعر بالحقد تجاه غرام وتفكر في صقر وطريقته تعامله مع غرام فحتي عندما كانو معا لم يعاملها هكذا مع انه يعشقها حتي قطع ذلك خبط باب الغرفة وفتحت لتجد صفية ، خير يا صفية في حاچة ، دخلت صفية الغرفة وجلست ، وه انتي جعدتي كمان واضح ان في حاچة واعرة ، بصي انا عارفة انك بتكرهي غرام عشان خدت صقر منك وانا كمان مش طايجاها وعايزاها تغور فأيه رأيك نتفج سوا ونطفشها من اهنه ، نظرت لها غادة مطولا ، امممم طيب مصلحتي انا وعرفتها عشان ارجع صقر ليا انتي بجي مصلحتك ايه ، اني ابجي ست الدار يعني انتي سعتها تخلي صقر يجبلك دار لحالك وانا ابجي هنا والدار يبجي ليا ، وه وانتي ناسية عزيزة اياك ، لع مرت عمي هبجي اشوفلها صرفة صدجيني مش هغلب ، بعد تفكير ماشي موافجة ، صفية بحيرة طيب بس هنعمل ايه ، غادة بمكر انا هجولك هنعمل ايه .
🌹🌹🌹🌹🌹🌹🌹استغفر الله العظيم
كانت غرام تبكي وتشعر بالعجز لعدم مساعدة صقر حتي جاء حديث عتمان في رأسها بأنه لابد من تنازل منال عن المحضر فخطرت في بالها ان تتصل بمنال تترجاها لتتنازل ولأجل صقر ستفعل اي شي فامسكت الهاتف بسرعة واتصلت بمنال حتي اتاها صوتها الغاضب وكمان ليكي عين ترني عليا ، مرات ابويا لو سمحتي اسمعيني بجد انا مكنتش بكدب جابر فعلا حاول يعتدي عليا ودي مش اول مرة والله علطول كان بيحاول وكنت بخاف اقؤلك عشان مكنتيش هتصدقيني وعشان كدة انا اتجوزت بسرعة عشان اهرب منه ، منال بغيظ وكره وانتي مفكرة اني هصدقك بلاش كهن البنات ده جابر بيحبني وعمره ما يبص لواحدة غيري وتلاقيكي انتي اللي كنتي بتشاغليه صحيح ما انتي خطافة رجالة ومش هتنازل عن المحضر وخلي صقر ده بقي ينفعك واغلقت منال الهاتف في وجهها وانفجرت غرام في البكاء فلا مفر صقر سيسجن بسببها .
🌹🌹🌹🌹🌹 سبحان الله وبحمده سبحان الله العظيم
عتمان بغضب وصوت عالي ازاااي يهرب منكم يا بهايم ،
حجك علينا يا عمدة والله احنا خدناه زي ما جنابك امرت وكنا هنوديه الدار القبلية بس هو فك نفسه وهرب منينا ،
انتو عارفين صقر لو عرف هيعمل ايه فيكو مش بعيد يجتلكو
اخفو من وشي السعادي ودورو عليه كويس اكيد لسة في البلد وتحدث بصوت منخفض ربنا يسترها عليك يا صقر يا ولدي من الكلب اللي اسمه جابر ده
🌹🌹🌹🌹🌹 استغفر الله العظيم
دخلت صفية غرفتها وهيا سعيدة فقد اتفقت مع غادة للتخلص من غرام اخيرا ، فوجدت جمال زوجها يرتدي عِمته
، رايح فين يا چمال ، رايح لاخوي المركز ، ده انت لسة چاي من الغيط وتعبان ، يعني عايزاني اجعد ارتاح واسيب اخويا لوحده ، صفية بغيظ وهو فين اخوك وانت شجيان يا حبة عيني من صباحة ربنا لاخر الليل ومفيش حد حتي بيسأل فيك كانك مش ابنهم ، وقف جمال قصادها وتحدث بغضب جولتلك جبل اكده ملكيش صالح باللي بيني وبين اخواتي واللي بشجي فيها دي ارضي فاهمة ولا لع ولو فعلا محدش حاسس بيا يبجي انتي انا عمري ما حسيت اني متچوز عمرك ما هونتي عليا تعبي مبتعمليش حاچة غير التجطيم فيا وحتي عيالك مش مخلية بالك منهم انا جرفت منك ومش عارف اتبليت بيكي كيف وتركها وذهب وهي نظرت لاثره بصدمة وفي نفسها هل هذا جمال زوجها ماذا حدث له ليتغير هكذا .
🌹🌹🌹🌹🌹🌹 لا اله الا الله محمد رسول الله
في عصر تاني يوم كانت غرام في غرفتها بدلت ملابسها وعدلت حجابها لتدخل عليها عزيزة ، رايحة فين يا بتي ، رايحة ارجع صقر يا ماما ، لع ميصحش تخرچي انتي خابرة صقر لو عرف هيعمل ايه هيكسر الدنيا بلاش واستهدي بالله وهو ان شاء الله هيرچع ، لا مش هفضل قاعدة كدة وهو محبوس بسببي انا لازم اتصرف ، وتركت عزيزة وخرجت من الغرفة ومن البيت باكمله ، عزيزة بخوف استرها يارب ،
سألت غرام علي مكان المركز وذهبت ووجدت منال تقف بالخارج تنهدت بارتياح وذهبت تجاها وتحدثت بهدوء يلا عشان تتنازلي ، منال بغضب لولا انه جابر كلمني وقالي انهم بيهددوه و لو انا متنازلتش هيقتلوه انا كنت حبستهولك ، لم ترد عليها غرام ودخلت مما اغاظ منال كثيرا ودخلت وراءها ، لو سمحت ممكن ادخل للظابط قوله غرام سيد عبد المجيد مرات صقر الغراوي طيب ثواني هدخل ابلغه ظلت واقفة بقلق وتذكرت مكالمة جابر لها امس
فلاش بااااك
شعرت بالزعر حين سمعت صوته علي الهاتف لو تعلم انه هو لما فتحت الخط ، فاكرة انك هتخلصي مني بالسرعة دي ، استجمعت شجاعتها وتحدثت بغضب انت عايز مني ايه
حرام عليك بقي ما تسبني في حالي ، تؤ تؤ منا قولتلك انتي بتاعتي ومش هسيبك لحد تاني ، انا ابقي ضلك ومش هتعرفي تهربي مني طول ما انا عايش ، وتفتكر صقر هيسمحلك تقرب مني تبقي بتحلم ، لا خلاص مفيش صقر اعتبريه مش موجود انا هخلص عليه عشان فكر بس يقرب منك ، لا ارجوك متأذيهوش هو ملوش ذنب ، ذنبه انه خدك مني يا غرام وانا محدش ياخد حاجة ملكي ابدا بس في حل تاني ، غرام بحزن ايه هو ، انا هخلي منال تتنازل وهبعد عن صقر وهسيبه يعيش بس بشرط واحد بس وهو انك تخليه يطلقك وترجعيلي تاني ، لا تعلم ماذا تفعل فاذا رفضت فسيقتل صقر وهيا خائفة عليه بشدة واذا وافقت فستكون اسيرة جابر للأبد ولكن هذا هو الحل الوحيد لخروج صقر وحمايته من شر جابر فهو لا يستحق هذا ، تحدثت بضعف وكسرة موافقة ، حلوو بس لو خلفتي كلامك سعتها مش هرحمك وهخليكي تشوفيه وهو غرقان في دمه ، اغلقت الهاتف في وجهه وهي تبكي بصمت .
عودة من الفلاش باااك
اتفضلي الظابط مستنيكي ،شكرا ، دخلت منال وغرام التي خائفة وتشعر بالضياع بدون صقر فهو من يشعرها بالامان ، اتفضلو اقعدو ، تحدثت منال انا عايزة اتنازل عن المحضر اللي قدمته في صقر الغرباوي انه يعني خطف جوزي هو خلاص رجع وكان سوء تفاهم واتحل ، الظابط بعملية تمام مفيش مشكلة هو اساسا مفيش حاجة ضده وكان هيمشي وهو في المكتب جمبي هنا من امبارح هو عارف ان دي إجراءات روتينية وبعد فترة دخل صقر مكتب الظابط وعندما رأي غرام ، اقترب منها بغضب انتي ايه اللي چابك اهنه جولي ، انا انا جيت عشان اخرجك ، وانتي مش متچوزة راجل عشان تخرچي اكده لحالك فاكراني عيل اياك ، صقر انا اسفة بس انا كنت قلقانة عليك ، قاطعهم الظابط تقدرو تتفضلو يا صقر بيه ، امسك يدها وخرجو سويا وفي الطريق لم يتحدث معها مطلقا فتحدثت غرام صقر انا اسفة ، لم يرد عليها وتجاهل كلامها وحين وصلو البيت رأتهم عزيزة بفرحة حمدالله علي سلامتك يا ولدي ، باس ايدين امه الله يسلمك ياما ، وتحدث عتمان كيفك يا ولدي ، الحمد لله يا ابوي ، احم انا هطلع ارتاح شوية ، غادة بخبث تعالي يا صقر نطلع اوضتنا ارتاح ، شعر بنظرات غرام له ولكنه تجاهلها وتعمد ان يعاقبها احم ماشي يا غادة وسبقها علي فوق ، فرحت غادة بشدة ونظرت لغرام بشماته وذهبت وراءه اما غرام فكانت لا تصدق هل تركها وذهب مع غادة فعلا شعرت بالحزن والغيرة والكسرة كل شئ سئ شعرت به الآن ، اقتربت عزيزة منها وطبطبت عليها معلش يا بتي هو بس مضايج شوية انا جولتلك متخرچيش عشان صقر ولدي وانا عارفاه زين ، تحدثت غرام بحزن انا كنت خايفة عليه وعايزاه يرجع يعني ده ذنبي ، معلش يا بتي اطلعي قوضتك وهو اما يهدي هتلاجيه جالك ، صعدت غرام غرفتها فهي لا تعلم لما يعاقبها هكذا فهي فعلت ما فعلته لأجله وظلت تفكر به والغيرة تأكلها وبكت لقسوته عليها هكذا حتي تفاجئت بصقر يفتح الباب ويغلقه بسرعة واقترب منها وجذبها لأحضانه فلم يمهلها فرصة لتتحدث وجدت نفسها في احضانه يضمها اليه بشوق ......
البارت الحادي عشر
ربشت بعينيها عدة مرات فهي لا تصدق هل هي في احضانه؟
هل في احضان صقر لا تعلم لما تشعر بالسعادة هكذا لمجرد انه معها في نفس المكان لا بل هي في احضانه تقسم انها تسمع دقات قلبها بأذنها تدق بعنف تحتفل بعودة صقرها وعلمت انها تحبه لا بل تعشقه اما عن صقر فهو كان كالتائه بدونها اقسم ان يعاقبها ولكن لا يستطيع فقلبه تمرد عليه ونهره وصرخ باسمها وعلم انه يعاقب نفسه بالابتعاد عنها فعاد عاشقاْ متيم بها ، تحدثت غرام بخجل صقر نزلني ، صقر بهمس وحشتيني ، ردت عليه بصوت حزين لو كنت وحشاك مكنتش قسيت عليا ، انزلها ولكنها ما زالت بين يديه وامسك وجهها بكفيه وتحدث بحنان ، غصب عني انا اما شفتك في الجسم اتچننت حسيت ان عجلي طار مني كنت بتخيل كام واحد شافك وعارفة لو كان حد بصلك وانا چمبك
انا كنت جتلتله ، شهقت غرام وردت باستغراب للدرجادي ، واكتر كمان انتي متعرفيش غيرة الصعايدة عاملة كيف انتي چوهرة وانا لازم احافظ عليكي ومش من حج اي حد يشوف جمالك ده غيري ، ردت غرام وهي تنظر في عينيه وبتغير عليا بقي بصفتك ايه ؟ ، امممم چوزك مثلا ، بهتت وتذكرت غرام كلام جابر وتهديده بقتل صقر وردت بهدوء بس جوازنا سوري وبالغصب يا صقر ، امسك يدها وتحدث بعشق غرام انا اه في الاول مكنتش موافج بس صدجيني انا معاكي حسيت حچات اول مرة احسها انا مكنتش كدة ومتغيرتش غير معاكي انا اكتشفت اني بعشجك ، مع ان قلبها ينبض فرحا لاعترافه بحبها ولكن في نفسها تلعن جابر لأنه السبب في فراقهم فهي تريد ان ترتمي في احضانه وتعترف له بعشقها ولكن ستخسره وهي عند اتم الاستعداد ان تضحي بحريتها وسعادتها من اجل ان يعيش فهي تعلم جابر جيدا فمن المؤكد ان يأذي صقر فاستجمعت شجاعتها وتحدثت بقصد كل حرف وهي تعلم انها ستخسره للابد وادارت ظهرها له وتحدثت بحزن وانا منكرش اني كنت معجبة بشخصيتك بس مش لدرجة الحب و للاسف انا اتجوزتك بس عشان اهرب من مرات بابا وجوزها ومقدرة وقوفك جمبي طبعا وخلاص انا خلصت منهم واعتقد كدة التمسلية خلصت وانت كمان تقدر ترجع لمراتك ، صقر بتوهان فهو لا يصدق اذناه هل هي رفضته ولا تريده انتي بتجولي ايه ، التفت ونظرت في عينيه بجمود طلقني ، وكأن خنجرا وضع في قلبه نعم للمرة الثانية يطعن ولكن لما الوجع اشد هذه المرة لما اشعر وكأن قلبي يعتصر هل جميع بنات حواء هكذا ، نظر لها بجمود وعينيه حمراء من الغضب وامسك يدها بقوة لدرجة انها تألمت كثيرا وتحدث بغضب جحيمي بتحلمي يا غرام انا لما اعوذ اطلقجك انا اللي اجول مش انتي وانا هعرفك مين هو صقر الغرباوي وتركها وغادر واغلق الباب بعنف وراءه ،بقلمي اسراء ابراهيم ، اما غرام فور خروجه ارتمت عالسرير تبكي لضياع حبها وتحدثت ببكاء غصب عني يا صقر انا بحبك اووي والله بس غصب عني خايفة عليك .
💥💥💥💥💥💥💥 استغفر الله العظيم
كانت فاطمة في طريقها لغرفة غرام ووقفت عند غرفة ادهم
عندما سمعت صوته يتحدث في الهاتف ، يا نها انتي كمان وحشاني بس مينفعش اجي دلوقتي خالص عشان صقر اخويا عنده مشكلة ولازم تتحل الاول واكمل كلامه اكيد طبعا هفاتحهم في موضوعنا بس متنسيش انهم لسة ميعرفهوش اني سبت فاطمة ودي هتبقي مشكلة لأنها بنت عمي برضه
خلاص يا حبيبتي اول ما اخلص هاجي علطول وقطع كلامه عندما سمع صوت شهقة فاطمة ونظر وجدها تبكي وهي تضع يدها علي فمها ، اغلق الخط واتجه اليها ولكنها نظرت له بحزن وكسرة وجرت من امامه الي الاسفل وهي تتذكر كلامه لها دائما بأنه لن يعشق سواها ولن يتغزل في غيرها ابدا ، اما ادهم تحدث بغضب لنفسه غبيييي انا غبييي ووضع يده علي رأسه بضياع .
💥💥💥💥💥💥💥💥 لا اله الا الله محمد رسول الله
بعد مرور اسبوعين دخل جمال من باب المنزل فوجد عتمان والده ، السلام عليكم يا بوي وباس ايده ، وعليكم السلام يا ولدي كيفك ، الحمد لله يا بوي ، انت حالك مش عاچبني يا ولدي طول اليوم بتجضيه في الارض ايه اللي حوصل انا كنت مستنيك تيچي تحكيلي بس انت مجتش انت بتهلك صحتك يا ولدي اكده ، جمال بشرود اهو حاچة بطلع فيها غلبي يا بوي الواحد حاسس انه مخنوج ، ليه اكده يا ولدي في ايه ، مفيش يا حج متشغلش بالك ، ولما انا مش هنشِغل بيكو هنشغل بمين ، ربنا يخليك لينا يا حج عتمان ، تسلم وتعيش يا ولدي وقاطعهم دخول ادهم احم السلام عليكم ، عليكم السلام تعالي يا ادهم انا عايزك في موضوع اكده ، تحدث جمال طيب هطلع انا ارتاح واسيبكو تتحدتو ، بالسلامة يا ولدي ، مالك يا ادهم حاسس انك عايز تجول حاچة ، احم اتفضل انت يا بوي جول الاول كنت عاوز تجول ايه ، تحدث عتمان بعقل رجل حكيم اسمعني زين يا ولدي انا مكنتش موافج علي موضوع بت عمك لان مفيش حدانا اكده ولولا ان البنته هيا اللي جالت مش رايداك انا كنت خليتك اتچوزتها غصب عنك واياك تكون مش واعي اني خابر انك مش رايدها لع انا عرفت اول ما لجيتك موافج علي فسخ الخطوبة مع اني خابر برضك انك كنت طاير بالبنته بس اكيد في حاچة انا معرِفهاش ، رد ادهم بتوتر احم يا بوي انا ، متجولش حاچة انا بس بعرفك اني خابر كل حاچة جولي بجي انت كنت عايز ايه ، احم بصراحة كدة انا عايز اخطب
، وه بالسرعة دي ده انت لسة فاسخ مكملتش اديك اسبوع
، ماهو اصل انا قولت افاتحك الاول بالموضوع وبعدين نبجي
نتفج ، نظر له عتمان بتفكير وبت مين اللي عايز تخطبها ، احم هيا من مصر ، اممممم كدة بجي انا فهمت ونظر له نظرة ذات معني ، عموما يا ولدي طالما بت زينة يبجي علي خيرة الله ، بچد ربنا يباركلي فيك يا بووي ، رد عتمان بقصد التأكد من حاجة معينة ، طبعا بچد ولو انا مش متأكد ان بت عمك خلاص انت مبجتش فارج معاها مكنتش وافجت ، استغرب ادهم وتحدث ازاي يعني يا بوي مش فاهم ، ايوة منا عرفت انها هتكمل علامها وفي مصر كمان ، شدد ادهم علي قبضه يده وتحدث بنرفزة كيف ده يا بوي واحنا من امتي عندنا بنته بيكملو علامهم وكمان في مصر ولحالها كيف ده ، ابتسم عتمان وهز رأسه وهو ينظر لادهم نعم فهو وصل لمراده وتأكد من شئ ما وتحدث بهدوء وفيها ايه يا ولدي احنا من امتي ضد تعليم بناتنا وبعدين بت عمك مش هتبقي لحالها دي هتجعد عند عمتك جليلة في مصر وهيا عندها بنات بس
يعني مفيش مشاكل ، نفخ ادهم بضيق فهو لا يستطيع الاعتراض .
💥💥💥💥💥💥💥 سبحان الله والحمد لله
هذه الايام الماضية كانت بالنسبة لغرام قاسية ومملة فصقر كان يتجاهلها طول الوقت حتي في الليل يصعد لغادة وينام في غرفتها مما جعل غادة سعيدة وهيأت لنفسها ان صقر ما زال يعشقها ونسي ما حدث وعاد لها من جديد وكانت لا تتوقف عن مضايقة غرام بقربها من صقر ومعاملتها معه امامها ، اما غرام كانت حزينة بشدة لتغيره معها فهو يتجنب حتي انا يجتمع معها في مكان واحد وما كان يقلقلها ايضا مكالمات جابر المستمرة وتهديداته لها انه سوف يقتل صقر ان لم تجعله يطلقها وترجع له وظل هذا الحال حتي شعرت انها لا تستطيع العيش بدون صقر فهو عشقها وقررت ان تتحدث مع فاطمة فاتصلت بها لتأتي ليتحدثو سويا لانها بحاجة لان تحكي لاحد والا ستنفجر من الضغط .
💥💥💥💥💥💥 لا اله الا الله محمد رسول الله
كانت العائلة متجمعة وغرام تجلس بجانب عزيزة وهي تنظر
بحزن لصقر وهو يجلس بجانب غادة وهو لاحظ نظراتها فوضع يده علي كتف غادة وضمها اليه وهمس لها باذنيها فضحكت ضحكة عالية قاصدة ان تغيظ غرام التي شعرت بنار الغيرة تأكلها وتمنت لو تستطيع ان تمسك غادة من شعرها وتبعدها عن حضن صقر فهو ملكها وحدها ، نظرت عزيزة بقرف لغادة وتحدثت بغضب ما تلمي نفسك يا غادة واحترمي اللي جاعدين ، وه وانا عملت ايه انا بهزر مع چوزي ، وقفت غرام واستأذنت من عزيزة بعد اذنك يا ماما انا هطلع ، ردت عزيزة بحزن علي حالها روحي يا بتي ونظرت بعتاب لصقر الذي يتابع غرام وهي تغادر بحزن داخلي وفور مغادرتها نزع يده من علي غادة بقرف فهو فعل هذا ليجرح غرام ويجعلها تشعر بما شعر به ، قاطعهم دخول فاطمة وهي تلقي التحية علي الجميع ، السلام عليكم ، وعليكم السلام كيفك يا بتي ، الحمد لله بخير يا عمي ، ردت عزيزة دايما يارب يا بتي ، فينها غرام يا مرت عمي ، طلعت يا بتي اطلعيلها ماشي بعد اذنكو وصعدت وهي تري نظرات ادهم لها بغضب منذ دخولها ولكن تجاهلته وصعدت للاعلي ، ادهم تحدث وهو يغادر احم هعمل تلفون مهم بعد اذنكو وذهب خلف فاطمة ، يا فاطمة التفت حين سمعت صوته ، خير يا واد عمي في حاچة ، تحدث بغضب صحيح انتي هتكملي في الچامعة وكمان في مصر ، ردت فاطمة ببرود والله ده شئ ميخصكش ، امسك ادهم يدها وتحدث بتحذير فااطمة اتحددتي زين ، نزعت يدها من قبضته وتحدثت بعند انت ملكش حكم عليا اللي بينا خلاص يا ادهم وكل واحد فينا بجي حر يعمل اللي عاوزه في حياته ، تحدث باستهزاء انتي عملتي اكده عند فيا مش اكده مفكرة اني كدة هغير عليكي
، نظرت في عينه وردت بثقة ده لو انا لسة عشجاك لكن انت انتهيت من حياتي ودلوجتي انت ولد عمي وزي اخويا بالظبط ، شعر بنغزة في قلبه حين نطقت بأخر جملة فنظر وتحدث بجدية عندك حج يا بت عمي ربنا يوفجك ، ابتسمت وهزت رأسها بإيجاب وقبل ان تمشي قالت له ببرود اااه جبل ما امشي نسيت اباركلك عشان عرفت انك هتخطب الف مبرووك يا واد ربنا يتتم بخير وتركته بملامح باهتة واحساس
يأكد له ان تسرعه جعله خسر اهم شخص بحياته .
💥💥💥💥💥💥💥 استغفر الله العظيم
طرقت فاطمة باب غرفة غرام وما ان فتح لها الباب ونظرو الاثنان لبعض فترة واترمو الاثنان في احضان بعض يبكون كالاطفال لا يعلمو من فيهن تواسي الاخري اغلقو الباب وظلو يبكون سويا حتي هدأو مسحت غرام دموعها وتحدثت بصوت باكي ، طيب انا وعارفة انا بعيط ليه انتي بقي بتعيطي ليه ، هدأت فاطمة ثم قصت لغرام كل شئ من اول عشقها لادهم من صغرهم وحبه لها ايضا حتي لحظة حديثهم سويا منذ قليل ، خبطت غرام رأسها بيدها وتحدثت قال وانا اللي كلمتك عشان تيجي تهوني عليا واخد رأيك طلعتي محتاجة اللي يواسيكي يا عيني ،نظرت لها فاطمة وفجاة انفجرو الاثنان بالضحك سويا حتي شعرو انهم احسن من ذي قبل وقالت فاطمة بضحك احكيلي بجي انتي كمان ايه اللي مضايجك ، وقصت غرام هيا الاخري كل شئ وتعامل صقر معها ببرود وعلاقته بغادة ايضا ، نظرت لها فاطمة وتحدثت بقلق غلطانة يا خيتي انتي ازاي تعملي اجده ده انسان مش كويس ازاي توافجيه علي كلامه ثم انتي ايش ضمنك انه بعد ما ترجعيله يهَمل صقر لحاله ما يمكن يجتله برضه ، فكرت غرام في كلام فاطمة ووجدت انها علي حق وتحدثت بخوف انا بس خفت عليه وقولت انه لما ابعد عنه جابر هيسيبه في حاله ومش هيأذيه ده هددني بيه يا فاطمة وانا معنديش استعداد اضحي بصقر ، يبجي كنتي جولتيله كل حاجة و مكنتيش خبيتي عليه وكسرتيه اكده ،ازاي انا اكسره برضه ،
ردت فاطمة بحزن انتي متعرفيش انتي عملتي ايه انتي دوستي علي جرح صقر اللي كان بقاله سنين بيداويه ،
ردت غرام باستغراب انا مش فاهمة حاجة من كلامك يا فاطمة جرح ايه ده اللي بتتكلمي عنه اللي انا دوست عليه
، اتنهدت فاطمة وسألتها غرام هو صقر مجلكيش غادة مكنتش عايشة معاه ليه وكانت سايبة البيت ليها سنين ، لا معرفش انا بس عرفت انها سايبة البيت قولت يمكن كانت غضبانة ولا حاجة ورجعت ،طبطبت فاطمة علي ظهرها بحنان عشان كدة انا برضه استغربت بصي يا غرام انا هحكيلك عشان انتي لازم تعرفي كل حاجة ......يتبع 🔥
البارت الثاني عشر والثالث عشر
غرام صعيدي
تحدثت غرام بقلق تقؤليلي ايه انتي قلقتيني يا فاطمة هو في حاجة انا معرفهاش ، ايوة الموضوع مش ان غادة كانت غضبانة زي ما انتي فاهمة مسكت ايديها اسمعيني كويس يا غرام صقر متچوز غادة بقاله خمس سنين و كان بيعشجها وهو اللي اختارها غادة تبجي بنت شيخ البلد وفي مرة كان هناك عند ابوها وشافها وعشجها ولما فاتح عمي مرت عمي رفضت وموافجتش علي غادة بالذات واللي عرفته سعتها ان امها كانت عايزة تاخد عمي زمان من مرت عمي وانها وجفتلها وفضحتها وبعد كدة راحت اتچوزت شيخ البلد عشان تغيظ مرت عمي فعشان اكده مكنتش موافجة علي جواز صقر من بنت الست دي لانها كانت عارفاهم وعارفة ان غادة سماوية وشارباه من امها بس صقر صمم واتچوزو وعدي سنتين من غير خلفة وطبعا الكل بجي بيتحددت خد غادة وراحو مصر عملو تحاليل ورچعو وبعدها صقر عرف ان العيب منها فخبي عالكل حتي عمي ومرت عمي وجال ان العيب منه عشان كان بيعشجها وخايف علي مشاعرها وعشان محدش يزعلها بكلمة وعشان عمي ميغصبش عليه انه يتچوز عليها ، شعرت غرام بغصة في قلبها وقالت للدرجادي كان بيحبها ، طبطبت عليها فاطمة وقالتلها كان يا خيتي كان واكملت حديثها ، المهم اول ما جال كدة الدنيا اتجلبت والبيت كله زعل ان صقر مش هيبجاله عيل من صلبه وعمي جاله خلاص تسافر تتعالج ، ردت غرام باستغراب طيب ايه المشكلة بالعكس دي حاجة تخلي غادة تحب صقر اكتر ، ماهو ده بجي اللي جلب الدنيا صقر كان فاكر انها بتعشجه وانها اول ما تعرف كدة هتجف جمبه لكن سعتها بانت علي اصلها وفضحته في كل حتة ووجفت في جلب البيت وعلت حسها وجالتله انا عايزة ابجي امي وايه اللي يجبرني اني اعيش مع واحد معيوب وجالتله طلجني والا هرفع عليك جضية وافضحك واجول انك مبتخلفش ، شهقت غرام وتخيلت ما حدث لصقر وصدمته في زوجته وحبيبته ، واكملت فاطمة طبعا الصدمة كانت كبيرة علي صقر وكان مصدوم يا عيني من رد فعلها بس سعتها بجي ضربها حتة جلم يا غرام خلاها اتلوحت وجالها انا مش معيوب انتي اللي مبتخلفيش وانا جلت اكده عشان محدش يچرحك بس طلعتي متستهليش ومش هطلجك وهتروحي تعيشي في بيت ابوكي زي البيت الواجف لحد ما اقرر امتي اطلجك ومن سعتها بجي صعب اوي ومش بيتحددت كتير وبيزعج عالفاضية والمليانة وكان كلهم بيترعبو منه متهيجلي انا مشفتش ضحكت صقر الا لما انتي دخلتي البيت ده سعتها فعلا صقر اتغير بجي واحد تاني واجولك علي حاچة والله حتي وهو مع غادة جبل المشاكل دي مكنش بيعاملها زي ما بيعاملك هو كان مفكر نفسه بيعشجها بس لع هو معرفش العشج غير لما قابلك يا خيتي اسأليني انا انا شفته جبل اكده ودلوجتي اوعي تخسريه يا غرام صقر بيعشجك بس انتي بجاهلك جرحتيه زي ما غادة عملت جولتيله مش رايداك كانه معيوب طب انتي خابرة معاملته لغادة دي بتأكدلي انه بيعشجك لانه اصلا مش طايجها هو بيعمل اكده عشان يوچعك زي ما وچعتيه ، ظلت غرام مذهولة مما سمعته لا تعلم هل تفرح لانه يحبها ام تحزن لما سببته له من جرح كبير تحدثت بخوف طيب والعمل يا فاطمة انا كدة خسرت صقر يعني مش هيسامحني ، لع هيسامحك طبعا بس انتي اتحددتي معاه واحكيله كل حاچة ومتخبيش عليه ونصيحة من خيتك اوعي تفرحي غادى فيكي ولا تديها الفرصة انها تاخده منك عشان هيا متستاهلوش ، طب قومي قومي معايا ، علي فين يا مچنونة انتي ، هلحق صقر قبل ما تاكل عقله وتاخده في اوضتها ، ههههههه سبحان مغير الاحوال يلا ياختي يلا ، اه استني يا فاطمة انا اسفة اتكلمنا في موضوعي ونسيت موضوعك ،بقلمي اسراء ابراهيم ، ولا يهمك يا جمر انا مفيش موضوع اصلا خلاص كله خلص انا بس عشان لسة الصدمة واعرة عليه جوي ده حب عمري يا غرام ومش سهل علية في يوم وليلة اكده اتجبل ان ادهم مبجاش ليا ، اخذتها غرام في حضنها ان شاء الله هتلاقي اللي يحبك من قلبه ويستاهلك عشان انتي بنت مفيش زيك يا فاطمة ، تسلميلي يا خيتي بجولك ايه غيري خلجاتك دي والبسي كدة لبس حلو وخليكي ناصحة خليه هو اللي يبدأ حديت معاكي وغمزت لها بعينها ، نظرت غرام لنفسها تصدقي عندك حق استني هغير وهبهرك ولا اقؤلك انا عندي خطة جامدة جدا ، ضحكت فاطمة وتحدثت بمرح قائلة ويلآ لهذا الصقر من غرامه وضحكو هما الاثنان بسعادة
🔥🔥🔥🔥🔥🔥🔥🔥 استغفر الله العظيم
منال بغضب وصوت عالي لا ماهو انا مش هسكت الا لما اعرف كل حاجة يا جابر ، امسك يدها وابعدها بعنف انتي اتجننتي بتعلي صوتك عليا ، متوهش الموضوع وفهمني مين دي اللي مش هتهدا الا لما ترجعلك انا سمعتك وانت بتقؤل كدة في التلفون ، جابر ببرود حاجة بتاعتي ضاعت مني وهرجعها ملكيش فيه ، نظرت له بتحذير يعني الكلام ده مش علي الزفتة غرام ، امسك يدها بضيق وتحدث اسمعي بقي عشان انا خلقي اضيق من الابره لو شتمتيها تاني ولا جبتي اسمها علي لسانك هقطعهولك انتي فااااهمة ، اتصدمت منال من ردة فعله وتحدثت بزهول انت بتقول ايه معني كدة ان الكلام اللي قالهولي صقر حقيقي انت حاولت تغتصبها ، تحدث جابر بلا وعي غرام دي بتاعتي انا ملكي مش بعد ما عملت كل ده عشانها تروح مني كدة لا ، منال بدموع وصدمة يبقي كلام غرام صح يا كلب يا حيوان والله لاقتلك انت مستاهلش تعيش ، لا وانتي الصادقة انا اللي يقف في طريقي ملوش الا حاجة واحدة وهيا الموت انا اللي كان مصبرني عليكي غرام كنت مستحملك طول السنين دي عشانها وعشان تبقي قصاد عيني لكن دلوقتي انتي ملكيش لازمة انتي طالق يا منال ولو شوفتك بس قريبة من غرام صدقيني محدش هيرحمك مني واللي خلاني عملتها قبل كدة اعملها تاني وتالت ، منال تسمعه وهي غير مستوعبة ما يتفوه به هل ما قاله صحيح نعم فكل انسان يحصد نتيجة افعاله وهي الان تحصد نتيجة كرهها لغرام ومعاملتها لطفلة يتيمة بهذا الشكل
تركها جابر وغادر المنزل وهي جلست تندب حظها وجهلها وتلعن نفسها لعدم تصديقها لغرام .
🔥🔥🔥🔥🔥🔥🔥 الحمد لله رب العالمين
كان صقر يجلس مع امه عزيزة وغادة وصفية التي في عالم اخر نعم فكلام جمال يردد في اذنها لما يحملها ذنب غيابه طول الوقت واهمالها له فهي تفعل ما عليها تجاهه ولكن ليس لها ذنب انها لم تشعر بأي مشاعر تجاهه و نفضت الكلام من رأسها ونظرت لادهم بغموض قليلا وتحدثت جولي يا ولد عمي هتخطب امتي فلاحظت عزيزة تنظر لها باستغراب فاكملت بتوتر احنا عايزين نفرحو بيك ، لسة مش خابر يا صفية بس ان شاء الله هفاتح ابوي ونشوف هنروح امتي ، بسم الله تبارك الرحمن قالتها عزيزة وهي تنظر اعلي الدرج ، استغرب صقر ونظر مكان ما نظرت فوجد غرام تنزل وهي كالقمر ليلة تمامه ولما لا فهي ترتدي دريس ابيض به ورود زرقاء مثل عينيها وتضع الكحل العربي مما اضفي علي عينيها سحر خاص مع الطرحة الاوف وايت التي بينت بشرتها الناصعة البياض نظر صقر لها بزهول من هذه الملاك فنظرت غرام وضحكت لفاطمة الواقفة بجانبها وغمزو لبعضهم البعض ، ما شاء الله عليكي يا بتي كيف الجمر
، ربنا يباركلي فيكي يا ماما ونظرت لصقر الذي فقد النطق وتحدث بصعوبة احم انتي رايحة فين اكده ، تحدثت فاطمه ببعض الخوف انا لجتها مضايجة فجولتلها تعالي افرچك عالبلد هتعچبك جوي ، صقر بغيرة وانتي ملكيش راجل اياك عشان تجوليله هتخرچي اكده من نفسك ، اقتربت منه غرام مما جعل قلب صقر يدق بعنف وتحدثت بدلع لا طبعا مقدرش ده انت جوزي وحبيبي انا كنت نازلة عشان استأذنك لو سمحت يا صقر خليني اروح معاها ، يكفي هذا ارجوكي فقلبي سيخرج من مكانه من كثرة الدق نعم فعقله توقف عند كلمة حبيبي ولم يسمع ما قالته بعدها هل فعلا لقبته بحبيها فنظر لها ونظر لفاطمة باستغراب كانه يسألها ماذا فعلتي بها واين غرام التي يعرفها ، اما عزيزة فكانت سعيدة جدا وهمست لفاطمة بأذنها جدعة يا بت يا فاطمة خلتيها كيف اكده ، ضحكت فاطمة وهمست لعزيزة والله يا مرت عمي انا وعيتها بس وعرفتها حجيجة غادة ، براوة عليكي يا بتي ، اما غادة فكانت تستشيط غضبٱ من غرام وتلعنها في سرها واستنبهت علي صوت صقر وهو يتحدث بغيرة وهتطلعي كيف اكده يا غرام ، ماله ماهو حلو اهو يا صقر ولا انا مش عاجباك ، نظر لها مطولا نعم فلولا الاشخاص التي تراقبهم لكان اخبرها بطريقته الخاصة هل تعجبه ام لا
ورد عليها انا هاچي معاكم يلا ، فرحت غرام فقد نالت مرادها
ونظرت لفاطمة التي ابتسمت لها ودعت لها في سرها بالسعادة ، نزل صقر علي مستوي غرام وهمس لها في اذنها مما جعل قلبها يدق بس تمسحي الكحل ده واللي في شفايفك عشان مرتكبش جناية وانا معاكي ، غرام بخجل واضح احم حاضر حاضر همسحهم ، تحدثت فاطمة بقصد خلاص يا غرام طالما صقر معاكي بقي انا مليش لازمة وبعدين افتكرت اني لازم احضر نفسي عشان رايحة الچامعة الصبح يلا اشوفكو علي خير وتركتهم وذهبت
مع نظرات ادهم المليئة بالغيرة عليها .
🔥🔥🔥🔥🔥🔥 لا اله الا الله محمد رسول الله
كان يجلس جمال علي القهوة وهو يشرب الشاي ويتحدث لنفسه ، وبعدهالك يا چمال هتفضل اكده لحد امتي دي مش عيشة دي اللي انت عايشها اتنهد بضيق طول عمري مكنتش شايف غيرها كنت عاشجها وكنت بتمناها من ربنا بس عرفت دلوجتي ان مش كل اللي بنبجي رايدينه بيبقي خير يارب انا راضي بالاختبار بس هو صعب جوي صعب عليا ابجي عارف ان مرتي بتحب اخوي ، ياريتني عرفت جبل ما اتچوزها كنت
سبتها وكنت هدوس علي جلبي بس صعب جوي اني اتحمل
كل ما اجول هنسي واعيش ابص في وشها افتكر انا تعبت
تعبت جووي ياااارب حلها من عندك يارب .
🔥🔥🔥🔥🔥🔥🔥 لا حول ولا قوة الا بالله
كانت صقر يشبك اصابعه في اصابع غرام بتملك وهم يسيرون سويا وهي سعيدة للغاية بفعلته تلك ، الله بجد يا صقر البلد هنا جميلة اوووي ، حاول صقر ان يظهر زعله منها
فقال ايوة البلد اهنه چميلة دايما ، وقفت ونظرت له أنت لسة زعلان مني ، تحدث باستهزاء وانتي عملتي حاجة تزعل يعني
مثلا جولتي انك مش رايداني وعايزة تطلجي بس بسيطة اهي ، اممم ولو قولتك اني قولت كدة من ورا قلبي ، ازاي يعني هيا دي حاجة تتجال كدة في لحظة زعل ثم انا
مزعلتكيش اصلا ، عارفة يا صقر بس انا عملت كدة من خوفي عليك ، خايفة عليا من ايه يا غرام ، اتنهدت وقالته هحكيلك وقصت له كل شئ ومكالمة جابر لها وتهديده لها بقتله اذا لم تجعله يطلقها وترجع له ثانية ، مع كل كلمة تخبر بها غرام صقر كان وجهه يمتعض ويغضب فشدد قبضته لدرجة انها المته وتحدث بغضب وانتي ازاي متجوليش حاجة زي دي فاكراني مش راچل ومش هعرف احميكي منه اياك ، نظرت حولهم لان صوته عاليا وتحدثت ببكاء انا خفت عليك والله خفت انت اهم شخص في حياتي انا مليش غيرك
والله انت لو روحت مني انا ممكن اموت يا صقر وكان اهون عليا انك تبقي بعيد عني بس عايش من انك تكون معايا بس حياتك في خطر طول الوقت انت مش فاهم انا كنت عاملة ازاي وانت في القسم عيني مغمضتش عشان بعيد عني مكنتش حاسة بالامان انا كان كل همي انت مرضتش ابقي انانية واخسرك يا صقر انا انا اسفة بس انا كان لازم اعمل كدة وظلت تبكي بشحتفة اما هو فسمع كل كلمة وقلبه يعتصر لاجلها هل للدرجادي هو مهم عندها والسؤال الاهم هل عشقته لهذه الدرجة نظر حوله واقسم لو في البيت لاخذها في احضانه وخبأها بين ضلوعه ولن يخرجها منه ابدا
، امسك يدها بحنان خلاص اهدي انا اسف حجك عليا يا ست البنات انتي متعرفيش كلامك اللي جولتيه سعتها كا جاسي اووي ازاي كنتي عايزة تبعدي عني وعايزاني اطلجك بسهولة كدة انا مجدرش انا اتعلجت بيكي وبجيتي هوايا اللي بتنفسه يا غرام عشان خاطري اوعي تفكري تبعدي عني ، نظرت في عينيه وابتسمت من بين دموعها فكلماته
كالدواء نزلت علي قلبها طيبت جراحه نعم تعشق ذلك الصعيدي ، احم غرام يلا بينا نروح عشان انا اكده مضمنش
حالي ، ضحكت بخجل ونظرت بعينيها بعيدا عنه لتري من جعلها تتوقف عن الضحك فجأة والخوف يتملكها
وتمسكت بصقر بخوف ......... يتبع 🔥
البارت الثالث عشر
انتفضت غرام حينما رأت جابر يقف بعيدا لها ويبتسم بمكر تشبثت بأيد صقر وتحدثت بتوتر يلا انا بقؤل برضه نمشي
، مالك يا غرام ايه اللي غيرك مرة واحدة اكده ، مفيش يا صقر بس خلاص زهقت لو سمحت يلا نروح ، خلاص ماشي يلا و عادو الي المنزل حيث كانت غادة تنتظرهم بفارغ الصبر ، اما جابر فتعمد ان يجعلها تراه لكي تعلم انه لن يتركها وشأنها وان تهديده بقتل صقر حقيقي ، وصلو للبيت وتحدث صقر السلام عليكم ، عزيزة بفرحة وعليكم السلام يا ولدي حمدالله عالسلامة ،غرام بتوتر الله يسلمك يا ماما ، جوليلي يا غرام عچبتك البلد ، جميلة جدا يا ماما بجد مختلفة عن القاهرة خالص ، قامت غادة واقتربت من صقر بدلال قاصدة مضايقة غرام اتوحشتك جوي يا صقر كل ده ، نظرت لها غرام بغضب وتحدثت في سرها وحش اما يلهفك يا شيخة و لم تمهل فرصة لصقر في الرد فقررت ان تكيد غادة بنفس سلاحها فادعت انها تشعر بدوخة فامسكت رأسها اااه الحقني يا صقر ، امسكها صقر بلهفة مالك يا غرام فيكي ايه ، دايخة وحاسة الدنيا بتلف بيا ، وتحدثت عزيزة بقلق سلامتك يا بتي طلعها فوج يا صقر ترتاح وانا هخلي بدور تشيع للحكيمة ، فحملها صقر بلهفة عاشق وصعد بها لغرفتها فنظرت لغادة وصقر يحملها وغمزت لها بكيد وغادة تستشيط غضبا من تلك الغرام .
🌹🌹🌹🌹🌹🌹🌹 استغفر الله العظيم
كانت صفية تجلس في غرفتها وهي تنتظر جمال للتحدث معه ومعرفة سبب تجاهلها كل هذه المدة منذ حديثهم اخر مرة ، دخل جمال الغرفة فوجد صفية جالسة فلم يعيرها اهتمام واخذ ملابسه ودخل الحمام ليغير ويتحمم وصفية تضايقت من تجاهله لها بهذه الطريقة ، خرج جمال وجلس عالسرير واستعد للنوم ، مش هتاكل يا چمال انت مكلتش حاجة ، لع مش عايز اكل ، طيب انا كنت عايزة اتحدت معاك في موضوع ، خير في ايه، تحدثت بعصبية من بروده معها هكذا ممكن اعرف في ايه وايه اللي مغيرك اكده من ناحيتي يا واد عمي ، نظر لها وتحدث ببرود وانتي لساكي واعية اني متغير طيب والله كتر خيرك ، بجولك ايه يا چمال من غير مألسة علية اتحددت زين وبعدين انا مكنتش اعرف انك بتغيب اكده بسببي غير لما انت جولتي اخر مرة عشان اكده بسألك فيك ايه وليه بتغيب بسببي برة البيت ، وقف امامها وتحدث بعصبية عايزة تعرفي ليه متغير يا صفية ولية بغيب برة البيت اكده ، هزت رأسها بأيجاب ، عشان مش عايز اشوفك عشان كل ما بشوفك بفتكر اللي بحاول انساه ليا سنين عشان مش قادر انسي ان مرتي بتحب اخوي فهمتي ولا لع يا بنت عمي ، اتصدمت صفية وتغيرت ملامحها فكانت تعتقد ان لا احد يعرف هذا الموضوع سواها ولكن كيف علم جمال هذا ما تفكر به ، سكتي ليه طبعا مش مصدجة اني عارف عارفة انتي خلتيني اكره اخوي انتي شيطانة يا صفية مش انسانة انا غلطتي الوحيدة اني عشجتك من وانتي كنتي لسة عيلة صغيرة بس مكنتش اعرف انك بتيجي اهنه عشان اخوي كنت فاكر انك بتعشجيني يااااه للدرجادي كنت مغفل ، كانت تسمعه وقلبها يتقطع هل فعلت به كل هذا هل يستحق جمال منها هذا برغم كل ما فعتله وبرغم علمه بعشقها لاخوه الا انه لم يهينها ، بقلمي اسراء ابراهيم ،
جلست في الارض ومسكت يده وبكت بحرقه وهي تتحدث حجك عليا يا چمال والله ما كنت اجصد اوچعك يا واد عمي انا انا هجولك بس اديني فرصة واسمعني وبعديها اعمل اللي انت رايده اكملت ببكاء حاد انا كنت لسة عيلة يا جمال وكنت معرفش حاجة وعيت ولجيتك انت وادهم في وشي ولجيت نفسي بعشجه دايما كان بيضحك ويهزر معايا لكن انت كنت علطول بتزعجلي كنت بخاف منك كنت تجعد تجول اعملي ده ومتعمليش ده وكنت بلاجي ادهم بيجف معايا وبيطيب خاطري لحد ما جت مرات عمي وعرفت ان ولد عمي هيخطبني وفرحت ومكنتش اعرف ان انت والله ما كنت اعرف كنت مفكرة ادهم بيحبني لحد ما اجيت اهنه وعرفت انك انت اللي طلبتني مش ادهم انهارت وكنت ببكي لاني كنت بخاف منك جوي واتچوزنا ويعلم ربنا اني حاولت كتير اجرب منك بس انت كنت بتصدني صدجني كنت خلاص نسيته والله من يوم ما بجيت علي زمتك لحد بس عرفت بعدها ان ادهم بيحب فاطمة خيتي غصب عني زعلت لجيت نفسي ببكي بس خلاص انا من سعتها وانا نسيت كل اللي فات يا چمال وحاولت اجرب منك بس انت دايما جاسي عليا وظلت تبكي بنحيب ،اما جمال فكانت دموعه تنزل علي خده بصمت و شد يده منها بعنف وتحدث ببعض الحدة لو كنت جاسي فعشان كنت بغير عليكي يا بت عمي بس انتي چرحتي كرامتي ورجولتي وخلتيني مش راچل في نظر نفسي عارفة انا عرفت ازاي لما كنتي بتبكي عشان ادهم خطب اختك كنتي بتجولي وليه مش انا كنتي علي زمتي ومرتي ولسة عاشجة راچل تاني لع واخويا كمان وتركها وذهب واغلق الباب وراءه بعنف وهيا ظلت تبكي علي خسارة زوجها الذي فقدته بإرادتها .بقلمي اسراء ابراهيم
🌹🌹🌹🌹🌹🌹🌹لا اله الا الله محمد رسول الله
دخل صقر غرفته ووضع غرام عالسرير بخوف وتحدث بقلق انتي كويسة طمنيني ، متخافش انا كويسة جدا ، اتنهد بارتياح خلاص هنزل اجبلك حاجة تاكليها ، ابتسمت بحب بس انا كدة هاخد عالدلع ده ومش هتنازل عنه كل يوم ، ضحك صقر بقوة وهي نظرت له بعشق فكم هو وسيم حين يضحك هكذا ، للدرجادي انا حلو جوي اكده ولا ايه ، تنحنحت بخجل وغيرت مجري الحديث احم مش هتأكلني ولا ايه ، اممم ماشي يا ستي هسيبك تغيري الموضوع بس بمزاجي هه ، عموما هسيبك تدلعي براحتك بس عشان هسيبك كام يوم بس متاخديش علي اكده ، سمعت كلامه فانتابها الذعر
ايه انت مسافر ، اه لازم انزل القاهرة عشان اشوف الشغل انا بجالي فترة مروحتش ، بكت غرام وتحدثت بتوسل لا يا صقر عشان خاطري متسبنيش وتمشي ، اخذها باحضانه لعلها تهدأ
هششش اهدي خلاص عشان خاطري متبكيش ، لو عايزني اهدي بجد خدني معاك متسبنيش هنا لوحدي تنهد صقر بخوف عليها خلاص متخافيش هاخدك معايا ، وقفت غرام عالسرير وظلت تقفز بفرحة وهو ينظر لها فكم هيا طفلة تحزن بسرعة وتفرح ايضا بسرعة فجلست غرام بجانبه وطبعت قبله علي خده ببراءة وتحدثت بحب ربنا يباركلي فيك يا صقري ، شعر بدقات قلبه تعلي ونظر لها بعشق واضح لاحظتها هيا في عينيه ويباركلي فيكي يا روح جلبي واقترب ليقبلها ايضا فسمع خبط الباب فنظر لها بضيق مصطنع وتحدث انتي متفجة معاهم مش اكده ، هزت رأسها بإيجاب وضحكت عليه بشده فقام ليفتح وجدها بدور ، اسفة يا صقر بيه بس الحج عتمان عايزك تحت ، ماشي نازل
وتحدث لغرام اوعي تنامي هشوف ابويا عاوز ايه واجيلك اجولك حضري الشنط علي ما اچي ، هييييييه ماشي ، متجوز طفلة انا عاد ، غرام بدلال ايوة عندك مانع ، غمز لها بعينه لع وانا اجدر برضك يا جلبي ، بقلمي اسراء ابراهيم
🌹🌹🌹🌹🌹🌹🌹الحمد لله دائما وابدا
كانت غادة تجلس في غرفتها وهي تتحرك ذهابا وايابا بغيظ والله لاوريكي يا غرام الكلب والفون رن وردت بلهفة الووو ها عملت ايه اهممم عفارم عليك ايوة هو اكده استني هچيب ورجة وقلم ، وكتبت رقم خلاص اجفل انت هتصل بيك بعدين واغلقت الهاتف وطلبت الرقم واتاها الرد ، الوو ، چابر معايا ، ايوة مين انتي ، انا اللي هاتچبلك غرام لحد عندك ، انتي مرت صقر مش كدة ، وه عرفت كيف ، محدش ليه مصلحة غيرك بس تعجبيني ها قولي اللي عندك ،
بقلمي اسراء ابراهيم ، والمجابل ايه ، مقابل ايه اللي انتي عايزاه ماهو غرام لما تمشي من البيت محدش مستفاد غيرك ، خلاص نتفج ان محدش يعرف اني انا اللي ساعدتك ماشي ، اتفقنا ها هتجيبهالي ازاي ، ابتسمت غادة بشر وتحدثت بحقد هجولك انا ازاي ، بقلمي اسراء ابراهيم
🌹🌹🌹🌹🌹 سبحان الله وبحمد سبحان الله العظيم
طرق صقر علي باب مكتب والده عتمان ، تعالي يا ولدي
خير يا بوي كنت عاوزني ، اه بص يا ولدي انت طبعا مسافر بكرة ، ايوة وهاخد غرام معايا ، زين يبجي احسن برضه عشان هيا وغادة مينفعش يجعدو قي مكان وحديهم
اسمعني زين يا صقر خلي بالك من نفسك يا ولدي ومن مرتك
لازم تاخد حذرك من الكلب اللي اسمه جابر ده ، حاضر يا بوي متجلجش ان شاء الله جريب هخلص من موضوع جابر ده للابد ، بس من غير دم يا ولدي ، ان شاء الله ، في بجي حاچة تاني عايزها منك ، خير يابوي ، عايز تجبلي جرار البت اللي اخوك عاوز يتچوزها دي انا مش مرتاح للموضوع ده فعايزك تچبلي اصلها وفصلها اخوك مش واعي للي بيعله فعينك عليه ، حاضر يا بوي متجلجش ان شاء الله هعمل كل اللي جولت عليه ، ربنا يحميك ويسترها عليك يا ولدي .
🌹🌹🌹🌹🌹🌹🌹🌹🌹 اللهم اعفو عنا يارب
بعد عدة ايام كانت فاطمة عائدة من الجامعة مع صديقتها التي تعرفت عليها هناك وبالصدفة تسكن في نفس شارع عمة
فاطمة جليلة ، فاطمة بتعب لع بس محاضرة انهاردة دي تجيلة چدا علي جلبي يا نورهان ، يا بنتي قوليلي نور والله نورهان دي هيا اللي تجيلة علي جلبي وقلدت لهجة فاطمة
وضحكو الاثنان سويا وقالت نورهان يا لهووي استني احسن
اخويا هناك اهو وبيشاورلي هشوفه عايز ايه واجيلك والله انا عارفة اصلا تلاقيه مصبحش علي قفايا زي كل يوم فقال بالمرة طالما قابلني ، هههههه طب روحي عشان عايزة اتفرج
، اخس عليكي بقي انتي صاحبة انتي وذهبت لتري اخاها اما فاطمة فنظرت في الارض خجلا ولم تنظر تجاهم لحين عودة صديقتها ، فوجدت نورهان عائدة اليها ومعها اخاها فخجلت فاطمة كثيرا ، اعرفك يا فاطمة ده اخويا الوحيد أنس
حضرته دكتور بهايم خبطها أنس علي دماغها فتحدثت بسرعة اقصد دكتور صيدلي وعنده صيدلية قرفنا بيها احم اقصد بتاعته يعني في اخر الشارع هنا ، احم تشرفنا يا انسة فاطمة ، تحدثت فاطمة بخجل دون ان تنظر له الشرف ليا يا دكتور بعد اذنكو همشي عشان اتأخرت جوي ومشت بسرعة من امامهم ، وتحدثت نورهان يخربيتك طفشت البت من اول مقابلة وعاملي فيها دنجوان وعرفيني عليها كاتك نيلة استني يا فاطمة يا بت اصبري وتركت اخاها وجرت وراء فاطمة
اما أنس فنظر لاثرها وضحك علي خجلها ولهجتها التي ذادتها جمالا ، بقلمي اسراء ابراهيم
🌹🌹🌹🌹🌹🌹🌹 استغفر الله العظيم
كنت غرام تجلس في الشرفة وتشرب القهوة مع روايتها المفضلة وكانت تنتظر صقر الذي تأخر اليوم كثيرا فهي دائما تخاف من اي شئ وشعرت أن هذا يضايق صقر ويجعله يعتقد انها لا تشعر بالامان معه فقررت ان لا تذهب معه اليوم وتظل في البيت الذي فاجئها بانه اشتراه لها هنا ، ولكنها كانت خائفة عليه بشدة من ان يؤذيه جابر سمعت جرس الباب فذهب مسرعة لتفتح معتقدة انه صقر فتحت الباب واتصدمت حين رأت منال امامها ............. يتبع 🔥
البارت الرابع عشر. والخامس عشر
غرام صعيدي
اتصدمت غرام وشعرت بالخوف لمجرد ان رأت منال وظلت تنظر لها بخوف ، تحدثت منال بهدوء ازيك يا غرام انا عارفة اني اخر واحدة في الدنيا تحبي تشوفيها بس انا جاية عشان
اتكلم معاكي في موضوع مهم ، غرام فتحت لها مجال لتدخل دون ان تتحدث رغم خوفها ورعبها منها فما رأته من هذه السيدة ليس هينٱ ، تحدثت غرام بصعوبة تشربي ايه يا طنط منال ، ابتسمت بحزن لسة زي ما انتي يا غرام طيبة وجميلة
رغم كل اللي شوفتيه مني الا انك برضه بتعامليني كويس
، جلست غرام وابتسمت بحزن بابا علمني كدة اني اتعامل دايما مع الناس زي ما اتمني انهم يعاملوني وكان دايما يقؤلي
لو حد ظلمك يا غرام وفي ايدك تسامحيه سامحي يا بنتي
وخليكي انتي احسن ، نظرت منال لها يعني لو قولتلك اني جايالك انهاردة عشان تسامحيني هتسامحيني ؟ ، ابتسمت غرام وردت ببساطة اكييد ، وايه اللي يخليكي تصدقيني مش جايز اكون كدابة ، هزت رأسها بنفي وردت وهي علي نفس ابتسامتها الجميلة انا عارفاكي انتي لو كنتي لسة بتكرهيني مكنتيش جيتي لحد عندي دلوقتي ، قامت منال
وذهبت تجاه الشرفة وهي تدمع كنت ارملة بقالي خمس سنين مكدبش عليكي مكنش حيلتي حاجة لما قابلت ابوكي
واتقدملي واتجوزنا وكنتي انتي لسة صغيرة متوعيش علي حاجة هو صارحني ان سبب جوازو مني عشان اربي بنتو اللي مشفتش امها ، دمعت غرام وهي تسمع كلام منال وقلبها
يبكي معها كأنه يواسيها اكملت منال حديثها ويمكن ده اللي خلاني اكرهك ، كنت كل ما بشوف تعلقه بيكي كنت بتجنن
حنيته عليكي خلتني افتكر قسوة ابويا عليا وضربه ليا دايما عشان كان نفسه في ولد كان كل ما ابوكي يقرب منك كنت بغير كان عندي نقص وكنت اجبن من اني اعترف بيه والتفت
لتنظر لغرام واكملت حديثها عارفة اني غلطانة وان ده مش مبرر اني اعاملك كدة بس سعات ماضي الانسان بيبني منه
شخصية مختلفة قاسية ومعندهاش رحمة وانا كنت طفلة يا غرام وكانت القسوة من امي وابويا مكنتش بلاقي حد يطبطب عليا حتي امي كرهتني بسبب ابويا وضربه ليها
وانه بيلومها عشان مجبتلوش الواد ورماني لاول راجل اتقدملي كانه ما صدق يخلص مني ومسحت دموعها وتحدثت عشان كدة كنت كل ما بشوف ابوكي حنين عليكي
حاجة جوايا كانت بتصرخ وتقؤلي اشمعني هيا لقت اللي يحبها وانتي لاء وجلست منال تحت قدم غرام واكملت
ارجوكي سامحيني ربنا غفور رحيم وانا دعيته يغفرلي
وانتي كمان لازم تسامحيني يا غرام ربتت غرام علي
ظهرها بحنان وكأنها نست ما فعلته تلك المرأة بها من اذي
نعم فقلبها لا يعرف الحقد او الشماتة ، خلاص متعيطيش
انا مسامحاكي والله انا كان نفسي تعوضيني عن امي تعتبريني بنتك عالاقل كنت عوضتي نفسك من قسوة ابوكي ومامتك ومكنتيش عملتي زيهم ، عندك حق بس الطمع والجشع عماني ، ووقفت مرة ثانية واكملت ، انتي لازم تعرفي كل حاجة انا لسة مكملتش كلامي مسحت دموعها واكملت لحد ما للاسف قابلت جابر ضحك عليا بكلمتين
وهمني انه حبني من اول نظرة ومنكرش اني حبيته للاسف حبيته ومكنتش اعرف انه شيطان مش بني ادم بس وهو كانه عارف هيدخلي ازاي حسيت ان اول مرة حد يحبني عشاني واقتربت من غرام بانهيار انتي فاهماني يا غرام يعني يعني مش زي ابوكي عشان بس اربيله بنته ولا امي وابويا اللي اصلا كانو بيكرهوني و جلست بجانب غرام مرة اخري واكملت بتنهيدة ومع ذلك اعترضت ويمكن دي الحاجة اللي عملتها صح في حياتي اني صونت الراجل اللي كنت علي زمته وعرفت جابر اني متجوزة ومينفعش وبعديها
بفترة ابوكي مات ولقيته جاي يتقدملي مع اني استغربت انه رجع تاني وعرف منين اصلا وانا مشفتوش من ساعت ما قولتله اني متجوزة ويبعد عني المهم وافقت لاني حبيته او يمكن لاني ما صدقت حد يحبني عشاني انا والباقي انتي عارفاه مسحت دموعها وتحدثت بمرارة عارفة انا مصدقتكيش ليه لما قولتيلي انه كان بيتحرش بيكي وانه حاول يعتدي عليكي عشان خفت ايوة خفت من اني اواجه نفسي بحقيقة ان جابر متجوزنيش عشان بيحبني لا عشانك انتي وكنت غبية ومصدقة نفسي لحد ما ربنا بعتلي قلم فوقني من اللي كنت فيه عمري كله صدقيني كان صعب عليا
اووي اني اواجه نفسي و جلست علي مقعدها مرة اخري وتحدثت القلم كان من جابر اعترفلي بكل حاجة وباللي كان بيعمله معاكي وفي حاجة اكتشفتها لازم تعرفيها يا غرام ...
🌻🌻🌻🌻🌻🌻 استغفر الله العظيم
في غرفة صفية فمرت الايام عليها كأنها سنوات فجمال منذ اخر محادثة بينهم اصبح يتجاهلها تماما اكثر من ذي قبل والآن لا ينام في الغرفة ذاتها مما جعلها تعيد حساباتها مرة اخري فكانت تجلس بغرفتها متتعللة بالتعب وانما هي تلمم شتات افكارها وتتحدث في نفسها ، الاول كان كل همي اني ابجي ست البيت ده والكلمة تبجي كلمتي والشورة شورتي
بس اشمعني دلوجتي مضايجة اكده ايه اللي چد معجولة عشان جمال واخد علي خاطره مني ؟ طيب ولو انا مش عاشجاه ايه اللي مزعلني اكده يووووه انا نفوخي هيطج
انا مش عارفة ماله حالي اتشقلب اكده من ساعت ما عرفت ان چمال مكنش بيجي البيت بسببي غبية يا صفية معجولة چمال كان بيعشجني من ايام ما كنت عيلة صِغيرة يووه وانا مالي ماهو اللي كان علطول بيزعجلي ، ردت علي نفسها طيب انتي ايه اللي مزعلك دلوجتي ردت صفية بصوت عالي علي نفسها اللي مزعلني اني حاسة ان انا اول مرة اشوف چمال مش عارفة بجي كان بيعشجني وانا بغبائي ضيعته مني بيني اتهفيت ده چوزك يا صفية ومعاكي منه عيال ، بس اول مرة احس انه بيعشجني ولا بجي وهو بيجولي أنه كان بيزعجلي عشان غيران عليا طريجته وهو بيجولها بكسرة وحزن وچعاني جوي انا لازم ارجعه ليا انا بجد بعشجه و مجدرش اعيش من غير چمال وقامت صفية مسرعة لتخرج من غرفتها .
🌻🌻🌻🌻🌻🌻🌻 لا حول ولا قوة الا بالله
وحشتني يا دوومي اووي قالتها نها بدلع وهي تمسك ايد ادهم ، سحب يده بضيق وقال بعصبيه نها احترمي نفسك ايه اتخبلتي ولا ايه مش مكسوفة من نفسك وانتي اللي بتمسكي يادي اكده عادي ، نها بزعل مصطنع كدة يا ادهم انا زعلانة منك الحق عليا اني بعبرلك عن مشاعري وقد ايه انت واحشني ، اولا احنا في مكان شغل وانتي عارفة كويس انا في الشغل ببجي كيف ثانيا بجي ميصحش انك تعملي اكده
لانه عيب وحرام ، اتفضلي روحي شوفي شغلك ، خلاص بقي طيب اسفة يا سيدي متزعلش ، نظر لها بغضب روحي يا نها دلوجتي وهمليني لحالي بعد ان تركته جلس علي مكتبه بضيق من نفسه فهو دائما يقارن تصرفات نها بفاطمة ولماذا عندما امسكت نها يده جاء في خاطره صورة فاطمة عندما كان يتغزل بها فقط فتخجل وتقول انه لا يصح ان يتغزل بها الان فهي ليست زوجته بعد ، زفر ادهم بضيق وسأل نفسه ماذا تفعل فاطمة الآن .
🌻🌻🌻🌻🌻🌻🌻 استغفر الله العظيم
يا فطومة يا جامد قالتها نورهان بمرح وهي تجلس بجانب فاطمة بالجامعة ، يا بنتي مش هتبطلي چنانك ده هتفرچي علينا الجامعة ، ايوة مش بصيتك يا بنتي واكملت بتكبر
مش عارفة ليه مش بيطمر فيكو اذا كنتي انتي ولا الواد انس اخويا مع اني بخدمكو والله قالت الاخيرة وهيا تعدل طرحتها بغرور مصطنع ، ضحكت فاطمة علي طريقتها وردت وهيا تضربها علي رأسها بخفة لع وانتي الصادجة اسمه تسييح حضرتك مش بتصيتينا انتي بتسيحلنا في المكان والله ليه حج اخوكي يضربك هههههه ، انتو عالم لا تقدر الموهبة وبعدين تعالي هنا ومتاخدنيش في دوكة انا مش هتنازل عن الكريب هتعزميني والا هسيحلك بجد عندنا واقؤل انك انهاردة وقفتي قدام المدرج كله وشرحتي المادة احسن من الدكتور نفسه ، يخربيتك مش بطبطلي اكل ، وضعت نورهان يدها علي بطنها اه طبعا هو حد يشبع من الاكل ده هو اللي بيهون علينا والله ، تحدثت فاطمة وبعدين انتي محسساني اني اتخرچت ده يدوب شرحت المادة عشان الدكتور طلب اكده ، يا سلام يعني بس عشان طلب كدة مش عشان سأل سؤال ومحدش عرفه غيرك يا اروبه انتي خايفة لاحسدك صح قولي صح صح ؟ ، فاطمة بضحك عشر مرات صح يخرب بيتك يلا بينا عشان نروح بدل ما أتأخر وعمتي تجتلني ، احم فاطمة هو يعني ،امممم يبقي في مصيبة جولي يا جدري ونصيبي ، نورهان غمضت عنيها وقالت بسرعة اصل انس هيجي ياخدنا بعربيته هه ، وه ومجولتليش ليه يا نورهان خلاص هروح انا وانتي ابجي روحي مع اخوكي ، لا طبعا ازاي هو هيوصلنا ، لع ميصحش
وانتي خابرة طبعا ، خلاص بقي يا فطوم اخر مرة وبعد كدة
مش هخليه يوصلنا ، اممم ماشي ، يلا بينا زمانه اصلا بايت برة ، بتجولي ايه مش فاهمة حديتك ، لالا متاخديش في بالك اصل اخويا وحافظاه يلا .
🌻🌻🌻🌻🌻 سبحان الله وبحمده سبحان الله العظيم
وقفت منال بصدمة من رد غرام علي كلامها وتحدثت بعدم تصديق يعني انتي كنتي عارفة ، غرام كانت تجلس واضعة وجهها بين كفيها وتبكي بحرقة رفعت وجهها الاحمر من كثرة البكاء ايوة عارفة واكملت مكنتش بنام بليل من خوفي ليدخل عليا ومعرفش احافظ علي نفسي كنت بسهر طول الليل واحط الكرسي ورا الباب وفي يوم سمعته وهو بيتكلم في الفون وكان حد بيهدده بحاجة وقاله انا ممكن اقتلك زي ما قتلت ابو غرام قبل كدة ومحدش هيعرف حاجة ، اكملت عياطها بشحتفة اتصدمت يعني هو اللي قتل بابا والكرسي سعتها وقع وعرف اني سمعته وضربني جامد وهددني لو حتي فكرت بيني وبين نفسي في الموضوع ده هيقتلني
واجهشت بالبكاء ، اقتربت منها منال فقد رق قلبها لها فكان منظرها يلين الحجر واخذتها في أحضانها وطبطبت عليها
خلاص يا غرام متعيطيش جابر ده شيطان ولازم يموت وشردت وهي تفكر في امر ما وبعد فترة هدأت غرام في احضان منال وتحدثت منال بقيتي احسن ؟ ، حركت رأسها بإيجاب ، ماشي همشي انا بقي وهشوفك تاني ، ماشي تحركت تجاه الباب وقبل ان تفتحه نظرت لغرام وتحدثت
برجاء سامحيني يا غرام سامحيني ، ابتسمت غرام لها وحركت راسها بإيجاب .
🌻🌻🌻🌻🌻🌻 لا اله الا الله سيدنا محمد رسول الله
كانت صفية تخرج من غرفتها مسرعة الي الغرفة التي يقيم بها جمال وفتحت الباب ولكنها لم تجده فاغلقته ثانية بحزن وكانت في العودة لغرفتها حتي قاطعتها غادة ، صفية فينك
مش باينة يعني امبارح نظرت لها صفية وردت بضيق تعبانة
يا غادة ، طيب تعالي عاوزاكي في حاچة مهمة جوي ، دخلت معها غرفتها صفية ببرود خير يا غادة كنتي عاوزة ايه ، كنت هجولك اخر الاخبار جولت أما افرحك معايا ، وه اخبار ايه دي عاد ، مش انا لجيت اللي هيخلصنا من غرام دي للابد
، شردت صفية ولا تعلم لما تخيلت لو انها مكان غرام وان احد يفرق بينها وبين جمال معقول هل كلام جمال القاسي لها افاقها وجعلها شخص اخر ، فاقت علي صوت غادة ايه يا صفية سرحتي في ايه ، هه لع مفيش كملي ايه هيا بجي الطريقة ، هجولك بصي بجي انا اتصنت علي عزيزة وهيا بتتحدت مع عتمان عشية وعرفت ان عتمان هو اللي جال لصقر يتچوز غرام عشان چوز امها كان عينه منها واكملت بغضب مكتوم وان صقر عشقها بجد وانهم جال فرحانين انه خلاص عشجها وهيبجالهم عيال وهيشوفه خلفة صقر ، نظرت لها صفيه فلأول مرة تأخذ بالها من حقد غادة و كرهت نفسها لأنها كانت نسخة منها وحمدت الله انه فوقها في الوقت المناسب فردت علي غادة ، ايوة وعملتي ايه بجي لما عرفتي ، ردت غادة بغرور عشان تعرفي اني عجلي يوزن بلد چبت رقم جابر واتحددت معاه واتفجت اني هسلمه غرام وهو يسلمني صقر ، وه وهتعملي اكده كيف ، متجلجيش
انا اتفجت معاه علي كل حاچة وعشان مصلحتنا واحدة هجولك
🌻🌻🌻🌻🌻🌻استغفر الله العظيم واتوب اليه
فاطمة ونورهان خرجوا من باب الجامعة وجدو أنس ينتظرهم أمام السيارة وهو يبتسم لا تعلم لما توترت فاطمة
حين رأته وتمنت لو ترجع في قرارها ولم توافق علي ان يوصلهم ، اهلا ازيك يا انسة فاطمة ، الحمد لله يا دكتور ، ما بلاش دكتور دي اسمي انس بس ، نظرت بتوتر لنورهان ولم ترد فتولت نورهان الحديث ايه يا برنس مش هنروح انهاردة ؟ ، اه اه اتفضلو فتح لهم باب السيارة ولكن قبل ان تدخل فاطمة وجدت من يمسك يدها يمنعها نظرت علي يدها بصدمة وكانت ستتحدث وهي تنظر للشخص بغضب وجدته ادهم فتحدث والشرار يخرج من عينيه انتي ازاي تركبي مع راچل غريب ، تحدث انس بغضب حين رأه يمسك يدها انت اللي مين ابعد عنها ، امسكه ادهم من قميصه واعطاه لكمة في وجهه فوقع علي الارض من اثرها ، ادهم انت اتچننت وذهبت مسرعة لأنس الملقي ارضا انا اسفة چووي يا انس بچد ، ادهم جن جنونه حين رآها خائفة عليه هكذا فذهب لها وامسكها من معصمها بشدة واخذها في عربيته ومساق باقصي سرعة .
🌻🌻🌻🌻🌻🌻 استغفر الله العظيم
كانت غرام نائمة علي الكرسي مكانها حتي دخل صقر ووجدها مكانها وعلي وجهها اثار بكاء فذهب مسرعا بقلق ، غرام مالك يا جلبي انا اسف والله ، فاقت غرام وتحدثت بنعاس انت اتأخرت اوي يا صقر ، حجك عليا والله غصب عني كان في طلبية كانت متأخرة ومعاد تسليمها انهاردة ومكنتش چهزت وكان لازم افضل لحد ما اسلمها عشان الشرط الچزائي ، خلاص ولا يهمك المهم انك بخير ، اخذها في احضانه وهو يطمئنها حجك عليا اخر مرة فلم ترد عليه ووجدها نامت في احضانه فحملها وادخلها غرفتهم ووضعها علي السرير وابدل ملابسه ونام بجوارها واخذها في أحضانه
وتحدث بعشق شجلبتي حالي يا غرام مكنتش مصدج اني ممكن يجي عليا يوم واتعلج بواحدة اكده چيتي غيرتي حياتي وخليتي ليها طعم ببچي بعيد وعجلي وجلبي معاكي وطبع قبله علي رأسها وتحدث بخفوت بس لازم اعرف ايه سبب دموعك دي بس الصباح رباح وراح في نوم عميق ، اما غرام فابتسمت وهي باحضانه فقد كانت تستمع لكل كلمة وقلبها يدق عشقا لذلك الصقر .
🌻🌻🌻🌻🌻🌻 لا اله الا الله
خرجت صفية من غرفة غادة وهي مصدومة ولا تعرف ماذا تفعل فيما سمعته منها ووجدت جمال يدخل غرفته فأسرعت اليه وهيا قلبها لأول مرة يشعر بالسعادة لرؤيته كأنه شخص جديد دخلت فوجدته جالسا ، احم كيفك يا چمال ، نظر لها مطولا وتحدث بلا مبالاه الحمد لله انتي كيفك يا صفية والعيال ، كويسين الحمد لله واكملت بخجل چمال انا كنت عايزة اجولك علي حاچة ، جولي بس بسرعة عشان ورايا مشوار يدوب هغير خلجاتي وانزل ، وه ده انت لساك چاي من برة هتروح فين عاد ، نظر في عينيها وتحدث ببرود
انا هتچوز ........ يتبع 🔥
تفاعل نااار بقي 😊♥️
البارت السادس عشر. والسابع عشر
غرام صعيدي
صفية بصدمة تتچوز ازاي يعني يا چمال انت بتتحدت جد ،
نظر لها جمال ببرود واكمل ايوة حجي يا صفية اني اتچوز ولا ايه . بقلمي اسراء ابراهيم
نظرت له صفية بكسرة ودموع تهدد بالنزول واكملت بهدوء حجك يا واد عمي حجك الف مبروك يا چمال وربنا يسعدك
وتركته وخرجت .
نظر جمال في اثرها وقلبه ينزف جرحا فعقله من هيأ له ان هذه الطريقة الوحيدة لتطييب جراح قلبه منها ورد كرامته واستغرب برودها هكذا ولكن تحدث قي نفسه انه لم يفرق معها سابقا فهل سيفرق معها حاليا وهو مع اخري.
وصفية ذهبت الي غرفتها وجلست علي السرير وهيا ضامة ركبتها الي احضانها وتبكي بصمت وعقلها يتحدث معها وكأنه في صراع مع قلبها ، وانتي كنتي مفكرة ايه يا صفية انك لما تروحيله هيبجي مستنيكي هياخدك في حضنه ويصدجك انك اتغيرتي وبجيتي تحبيه غبية ضيعتيه من يدك واديكي انتي اللي خسرتي وردت علي نفسها بصوت مسموع ، بس انا استاهل كان لازم اعرف ان دي هتبجي اخرتها و ده جزاتي اللي استاهله علي طمعي اني اتحرم من چمال بعد ما عرفت جيمته و چمال يستاهل واحدة نضيفة زيه مش واحدة زي وظلت تبكي .
💥💥💥💥💥💥 استغفر الله العظيم
تحدثت فاطمة بصراخ وجف العربية يا ادهم بجولك ، نظر
ادهم لها بغضب وتحدث بعصبية اخرسي خالص لحد ما نوصل انتي فاهمة ، فاطمة بغضب لع مش هخرس وجف العربية ونزلني اهنه والا هتصل بصقر اخوك الكبير واعرفه اللي انت عملته ، وقف ادهم العربية وتحدث بغضب مكتوم
وهتجوليله ايه بجي ان انا شفتك وانتي بتركبي مع واحد
غريب العربية هه يا محترمة ، صفعته بالقلم والدموع في عينيها وتحدثت بصوت مهزوز انا محترمة غصب عنك انت اللي انسان مش محترم وانا اخلاقي احسن من الف واحدة انت تِعرفها اسمع يا ادهم انت واد عمي وبس وملكش حكم عليا فياريت تشلني من دماغك والا اقسم بالله هطلع علي عمي عتمان واخليه هو اللي يبعدك عني وتركته ونزلت من العربية ، ادهم كان يضع يده علي خده ومصدوم مما فعلته
هل صفعته فضرب علي مقود السيارة بضيق ولعن نفسه في سره علي ضعفه ومطاوعة قلبه بالمجئ إليها هنا
💥💥💥💥💥💥 لا اله الا الله سيدنا محمد رسول الله
فتحت غرام عينينها فلم تجد صقر بجانبها فقامت بفزع ونادت عليه بصوت عالي ، فتح صقر باب الغرف بلهفة وهو يطمئنها متجلجيش انا هنا اهو چمبك واقترب منها واخذها باحضانه ، تحدثت غرام بخوف انت كنت فين انا افتكرتك مشيت ، وانا اجدر برضه اسيبك انا بس لما صحيت لجيتك لسة نايمة فمرضتش اجلجك واكمل بحزن وهو يرفع وجهها اليه غرام انا مش عايزك تخافي كدة بضايج من نفسي بحس اني مش جادر احميكي وانك مش حاسة بالامان معاي ، ابتسمت غرام وامسكت ذقنه حقك عليا بس انا بقالي سنين بخاف من اي حاجة وكل حاجة يا صقر فصعب عليا اني اطمن في يوم وليلة وصدقني انت لو مش في حياتي مكنتش هبقي زي ما انت شايفني كدة عالاقل مكنتش هنام وانا مطمنة كدة انك جمبي انا خفت عشان قمت وملقتكش
عشان انا بطمن بوجودك ، تنهد صقر براحة وطبع قبلة علي
خدها بحنان جعلتها تشعر بقشعريرة تسري في جسدها وجعلت قلبها يدق وتحدثت بخجل احم انا جعانة اوووي
، صقر بمكر امممم انتي بتهربي بجي مش اكده بس المرادي
مفيش حد هيخبط علينا وهعرف استفرض بيكي قال هذا وهو يحملها ، غرام بخضة عاااااا صقر نزلني والنبي ، صقر بضحك ابدا مش هسيبك الليلة دي تعالي عاملك مفاچئة
وخرج من الغرفة وهو يحملها فوجدت الصالة مزينة بورد احمر وشموع والسفرة عليها الطعام ومرتبة بشكل جميل
غرام بانبهار ايه ده ونزلت من علي يده ، صقر بغرور مصطنع اومال انتي مفكرة اني معرفش في الرومانسية واكده لع ده انا اعجبك جوي ، نظرت له بحب وعيون بها دموع فرحة وتحدثت صقر انت عملت كل ده عشاني ، رد بابتسامة تخطف القلب وانا عندي مين اغلي منك يا غرامي ، ابتسمت وقلبها تسارعت نبضاته واعادت كلمته ثانياً غرامك !! ، صقر بعشق طبعا غرامي وحجي ومحدش يجدر ياخدك مني ابدا ، وجدت نفسها تلتف يدها حول رقبته وتضمه بعشق وتحدثت بصوت هادئ انا مكنتش مهمة عند حد اوي كدة يا صقر انت الوحيد اللي حسستني اني غالية عندك وعملت كل ده عشان بس تفرحني بجد ربنا يباركلي فيك ويديمك ليا ، شدد صقر من احتضانها وتحدث من انهاردة هعمل اللي اجدر عليه عشان بس اسعدك واشوف ضحكتك اللي بدوبني دي ،خرجت من احضانه وتحدثت بمرح طيب يلا بقي ناكل احسن هموت من الجوع ،صقر بمكر ماشي يا ستي بس بشرط ، ايه بقي هو الشرط ، تحكيلي ايه اللي خلاكي تعيطي امبارح ، تذكرت غرام ما حدث وهزت راسها بإيجابية هحكيلك .
💥💥💥💥💥💥 سبحان الله والحمد ولا اله الا الله
دخل جابر المنزل ، وجد منال تجلس وتنتظره فتحدث ببرود خير كلمتيني وجولتي عايزاني ضروري ، نظرت له بحقد وتحدثت بنفس بروده معها اقعد واسمع الاول ، بغضب لا بقؤلك ايه انا مش جاي اضايف ، لا ماهو انت لازم تسمعني
بمزاجك او غصب عنك ولا اقؤلك براحتك انت الخسران ،
نظر جابر لها باستغراب وجلس ليسمع ما عندها ، تحدثت منال بغرور ايوة كدة تعجبني بص بقي انت جوازتك دي انا مطلعتش منها بمليم احمر ، جابر باستهزاء لا ماهو انا مابيضحكش عليا انا بس اللي استفاد ، منال ببرود لا ماهو ياما هتديني بمزاجك ياما هوديك في داهية وتبقي انت الخسران ، رد ببرود اعلي ما في خيلك اركبيه وقام وهم بالخروج ولكن وقف مجددا عندما سمعها تقؤل تمام يبقي هروح النيابة وابلغهم عن قتل ابو غرام وعندي الشاهد وهما بقي يتصرفو ، التف وذهب تجاها وهو في قمه غضبه وامسكها من رقبتها وتحدث بصوت فحيح الافاعي لو انتي مفكرة نفسك بتهدديني تبقي متعرفيش مين هو جابر الاسيوطي ده انا اقتلك انتي كمان زي ما قتلت سيد جوزك قبل كدة ومش هاخد فيكي ساعة فاهمة ، تحدثت منال بصعوبة نفسي هموت ابعد عني ، نظر لها شذرا وتركها وهي تاخذ نفسها بسرعة وذهب واغلق الباب وراءه بعنف .
💥💥💥💥💥💥💥استغفر الله العظيم
كانت فاطمة محرجة جدا وهي تجلس في بيت نورهان فقد جاءت لتعتذر من نورهان وانس علي ما حدث امام الجامعة
فدخلت عليها نورهان بضحك لا وربنا مش مصدقة فاطمة في بيتنا يا مرحبا ، فاطمة باحراج نورهان حجك عليا يا خيتي والله علي اللي حصل ، انتي عبيطة يا بنتي مفيش حاجة عادي بتحصل كبري المهم انتي طمنيني انا قولت لما خدك كدة هيعمل منك شاورمة ، فاطمة بضيق اسكتي انا كنت علي اخري منه اصلا مكفهوش لا جاي ورايا الچامعة عشان يعملي مشاكل كمان ، نورهان بتفهم انا قولت انه هو ده ادهم اول ما شفته اتجنن عليكي لما ركبتي العربية ، ايوة معرفش اصلا ايه اللي چابه لعندي المهم انا مش عايزة اخوكي يكون مضايج مني عشان اللي حصل والله انا چيت اعتذر مخصوص ، لا انس انا فهمته الوضع وهو تقبل متقلقيش ، فاطمة بصدمة انتي حجتيله علي جصتي مع ادهم اخس عليكي يا نورهان ، نورهان بزعل مصطنع بقي بتظني فيا السوء ماشي يا ست فاطمة انا بقي اللي هزعل منك عشان انا مقلتلوش حاجة انا بس عرفته ان ده ابن عمك
وانه اضايج عشان شافك بتركبي مع حد غريب ، خلاص متزعليش يا نورهان انا بس افتكرتك حكيتيله ودي حاچة تخصني انا ، قاطعهم دخول انس ازيك يا انسه فاطمة
، نظرت فاطمة له فوجدت اثار الضربة فاخفضت راسها بخجل الحمد لله يا دكتور انس انا جيت مخصوص اعتذر لحضرتك عن سوء التفاهم معلش ده واد عمي ومكنش يعرف اني مش لوحدي اللي هركب معاك وانا فهمته فبعتذر بالنيابه عنه ، انس بابتسامة ولا يهمك يا انسه فاطمة ومكنش ليه لزوم تعتذري انا اللي اسف اني ادخلت بينكم ، لا مفيش حاجة استأذن انا ، نورهان برجاء ايه يا بنتي ما لسة بدري
خليكي قاعدة معايا شوية ، لا مش هينفع نتقابل بكرة في الچامعة ونتحددت سلام وتركتهم وغادرت بسرعة .
بقلمي اسراء ابراهيم
💥💥💥💥💥💥💥استغفر الله العظيم
قصت غرام لصقر ما حدث بينها وبين منال وكانت تبكي عند تذكرها تهديد جابر لها ، اخذها صقر باحضانه وتحدث ليه مجولتليش يا غرام انه جتل ابوكي ، خفت انا اسفة بس خفت انت متعرفش كان بيهددني ازاي ، خلاص متخفيش انا جمبك بس البني ادم ده مينفعش يفضل عايش اكده ، نظرت غرام بخوف صقر انت ناوي علي ايه ، تحدث بطمأنة متجلجيش طول ما انا عايش متخافيش واصل ، بس انا خايفة عليك ، شدد عليها وهي في احضانه وتحدث بصوت غير مسموع وانا كمان خايف عليكي يا غرامي وغير مجري الحديث ايه رأيك اخدك معايا المصنع بكرة ، غرام بفرحة طفولية بجد هتاخدني معاك ماشي موافقة هقؤم احضر لبسي لبكرة وذهبت لغرفتها اما هو ظل يفكر ماذا سيفعل
ليتخلص من شبح جابر .
💥💥💥💥💥💥💥لا حول ولا قوة الا بالله
في صباح يوم جديد كانت صفية في المطبخ ودخلت عليها عزيزة حضرتي الفطور يا صفية ، ردت بحزن ايوة يا مرت عمي ، ماشي سيبي بدور تكمل وتعالي عاوزاكي ، حاضر وخرجت مع عزيزة ودخلو غرفة لوحدهم ، خير يا مرت عمي
، جمال جالك انه هيتچوز ، ردت بحزن ايوة جالي ، عزيزة باستغراب وانتي رأيك ايه ، صفية بحزن حجه وانا مجدرش اجول لع هو يستاهل كل خير ، يعني موافجة ان چوزك يتچوز عليكي ، طالما يبجي مبسوط اني راضية ، وده من ميتي يا صفية راضية من ميتي ياما جولتلك يا بتي اهتمي بچوزك وراعيه بس انتي كانك طرشة ومش سامعة الا حالك وبس ، نظرت لها صفية بحزن ففتحت لها عزيزة ذراعيها تعالي يا بتي ، انهارت صفية في احضان عزيزة تبكي بحسرة ووتحدث بوجع انا استاهل يا مرت عمي عارفة اني استاهل حجك عليا كنت عفشة اني خابرة اني كنت عفشة بس يعلم ربنا ندمت وعرفت جيمة جمال بس بعد فوات الاوان بعد ما كرهني يا مرت عمي جمال هيتچوز ويهملني وبكت بحرقة وعزيزة تطبطب عليها وتأخذ بخاطرها .
💥💥💥💥💥💥 لا اله الا الله سيدنا محمد رسول الله
في المصنع كان صقر في مكتبه وغرام معه وبعد فترة قضاها صقر في الشغل نظر لغرام التي تجلس بملل وتحدث ها عجبك المصنع ، حلو بس كئيب ليه كدة ، وه يعني انتي من يوم وجولتي اكده اومال انا بجي اعمل ايه عاد ، لا ده انت كدة يتعملك تمثال وجدو من تطرق الباب وتدخل تحدثت نها لو سمحت يا صقر بيه الطلبية كدة تمام ممكن تمضي عشان يتم الشحن ، تمام هاتي امضهالك ونظرت غرام لنها بتفحص
فهي لبسها ضيق وتضع ميكب اوفر مما جعل غرام تتعجب
وعندما خرجت نظرت غرام لصقر بضيق وتحدثت وهيا مين الملزقة دي بقي ، ضحك صقر بصوت عالي ايه حلوة يعني
، نعمممم بقي دي حلوة دي ملزقة وحاطة كيلو بوية في وشها شبه البلياتشو ، تحدث صقر بجدية ماهي دي اللي ادهم عايز يتچوزها ، غرام بصدمة ايييه بقي يسيب فاطمة القمر عشان الملزقة دي ، اهو بجي العشج ، لا معلش هو اللي حساباته غلط ، هنشوف الموضوع ده بعدين تعالي نروح احسن مش جادر .
💥💥💥💥💥💥💥استغفر الله العظيم
كانت العائلة متجمعة علي السفرة فتحدث جمال ياريت يا بوي واحنا هناك انهاردة نعجل بموضوع كتب الكتاب يعني علي بكرة او بعده بالكتير ، حالة صمت عمت المكان ونظرت عزيزة لصفية التي خانتها دموعها ونزلت فمسحتهم سريعا
ولاحظ جمال دموعها فشعر بغصة في قلبه ولكن تظاهر بالبرود ، وايضا غادة التي تنظر لصفية بشماتة ، وقف عتمان ورد بغضب جمال تعالالي عالمكتب واعمليلي قهوة يا عزيزة وتركهم ودخل وذهب جمال وراءه وقفت عزيزة لتذهب وتعمل القهوة كما طلب عتمان فوقفت غادة مسىرعة خليكي انتي مرتاحة انا هعملها لعمي مظبوطة وذهبت مع استغراب عزيزة لحنية غادة المفاجئة هذه ، كانت صفية في عالم اخر
تشعر بالحزن والغيرة ولكن استنبهت علي غادة التي تطرق باب المكتب ودخلت وهيا تحمل القهوة فتذكرت صفية خطة
غادة التي اخبرتها بها فقامت مسرعة ........... يتبع 🔥
البارت السابع عشر
عتمان بغضب انت اتخبلت يا چمال وانا اللي بجول عليك عاجل تعمل اكده ، تحدث جمال وهو يعلم قصد والده جيدا
انا معملتش حاجة يا بوي انا بتكلم في شرع ربنا ، عتمان بهدوء شرع ربنا ميجولش اننا نچرح بنات الناس يا ولدي ودي مش اي حد دي بت عمك افهمني زين يا ولدي انت لما جيت تتحدت معايا في موضوع چوازك علي صفية انا موافجتش لان لو حدايا بنات انا مش هرضاها عليهم ومع ذلك انت عصيتني وصممت تتچوز بس لما تبجي جاصد انك تجول اكده وتجرح البنية ده اللي مش هرضي بيه واصل انت واعي لحديتي ولا لع واياك تكون فاكر عشان ممنعتش چوازك ابجي خلاص عجزت ومعدتش ليا كلمة لع يمين بالله انا لو عايز اعاود تربيتك من چديد محدش هيجدر يمعني ،
بقلمي اسراء ابراهيم
رد جمال وهو يخفض رأسه لاسفل العفو يا بوي حجك عليا انا مجصدش واللي انت رايده هو اللي هيحصل ، وقاطعه دخول غادة بالقهوة وتحدثت بخبس الجهوة يا عمي ، عتمان بوقار شكرا يا بتي واخدها عتمان ورفع الفنجان ليشرب ولكن منعه دخول صفية وهي تتحدث برجاء عمي اوعاك تشرب ، نظرت لها غادة بصدمة وهي لا تستوعب ما تفعله صفية ، انزل عتمان الفنجان وهو يتحدث في ايه يا صفية ، نظرت صفية لجمال وهي تعلم ان جمال سيزيد كرهه لها بسبب ما ستقصه عليهم فنظرت الي عتمان وتحدثت بحزن وندم انا اللي روحتلها وجولتلها اني عارفة انها بتكره غرام وهساعدها انها تخلص منيها مجابل انها تاخد صقر وتمشي من اهنه وانا ابجي ست البيت كنت عفشة انا عارفة اني كنت عفشة بس ندمت ويعلم ربنا اني ندمت وتوبت وامبارح جالتلي انها اتحددت مع جابر ده وجالتله انها هتسلمه غرام ،
صرخ جمال انتي بتجولي ايه بجي يا ولاد الك قاطعه عتمان وهو يطرق بعصاه عالارض جمااال خلاص سيبها تكمل حديتها ونظر عتمان لصفية بهدوء كملي يا صفية كملي وظل يسمعها بغموض وهو يستنتج من حديثها اذا كانت صادقة ام كاذبة فاكملت صفية حديثها ببكاء ممزوج بندم ولما هيا تسلمه غرام هو هيسلمها صقر واتفجو علي ان غادة هتحطك يا عمي سم في جهوتك ولما يعرف صقر انك لا قدر الله حصلتلك حاجة هيسيب غرام في مصر ويرچع اهنه جري وهو يروح لغرام ياخدها ويختفو ومحدش هيعرفلهم طريج ، كان يسمعها جمال وهو لا يصدق ما تتفوه به هل صفية لهذه الدرجة غبية نعم فهو كان مخدوع بها والآن فقط يراها علي حقيقتها اقترب من صفية وصفعها بالقلم وهي لم تمنعه فهي في نظرها تستحق كل هذا واكثر ، فتحدثت غادة بهلع كدابة والله يا عمي دي كدابة هي اللي جاتلي وجالتلي انها بتكره غرام وانا جولتلها لع دي غلبانة ويتيمة وابعدي عنها حتي كانت بتعامل غرام عفش والقهوة مفهاش حاچة دي واحدة كدابة ، قاطعها دخول عزيزة وهي تقف امامها وتحدثت بثقة محدش كداب اهنه غيرك يا غادة ......
بقلمي اسراء ابراهيم
💥💥💥💥💥💥💥💥استغفر الله العظيم
ها بقي هتيجي ولا ايه قالتها نورهان وهي تجلس بجوار فاطمة ، فاطمة بملل يا بنتي انتي مش بتزهجي جولتلك مش هروح ، لا يا فاطمة بالله عليكي دي بتقؤل عاملاه في نادي كبير وبعدين منا هكون معاكي وبصراحة كدة انا مش رايحة حبا فيها ده عشان نتفسح انا وانتي ، فاطمة بقلق بصراحة يا نورهان بنت خالتلك دي دمها تجيل علي جلبي وهيا كمان مش بطيجني انتي شوفتي اصلا بتولع ازاي وهي شايفاكي جاعدة معايا في الجامعة تحسي انها مختلفة عنك چدا ، تصدقي بالله مش بنت خالتي وانا نفسي مبطقهاش هههههه
هيا عزمتنا اصلا بغرور كدة تحسيها هتتخطب لوزير وهيا بنت سفير ، ضحكت فاطمة علي طريقة نورهان وتحدثت بفخر. والله انا عشانك انتي وعشان انتي غالية علي جلبي هروح معاكي ، نورهان بفرحة هيييييه اخيرا يا شيخة خلاص هعدي عليكي بليل واعملي حسابك ان اخويا هو اللي هيودينا بالعربية ، فاطمة بتوتر ماشي خلاص اتفجنا
💥💥💥💥💥💥💥لا حول ولا قوة الا بالله
الخوف امتلك غادة حينما رأت عزيزة تدخل المكتب فاقتربت ووقفت امامها و نظرت لها بغضب محدش كداب اهنه غيرك وتحدثت طول عمري بجول انك حرباية وشاربة الغل من امك العجربة ، غادة بحزن مصطنع انا يا ماما قاطعتها عزيزة بصراخ كاك مو متجوليش يا ماما انا مخلفش عجربة زيك انتي كدابة وكل اللي جالته صفية صدج ، نظرت لها صفية بحزن والله يا مرت عمي انا جولت الحجيجة ، نظرت لها عزيزة وهزت رأسها بطمانه عارفة عارفة كل حاچة يا صفية وعارفة انك بتجولي الحجيجة ، وجه عتمان حديثه لعزيزة باستغراب كنت عارفة وسكتي يا عزيزة ، ردت بثقة ايوة يا عتمان انا كنت طالعة لصفية عشان اتحددت معاها وعديت من علي قوضة العجربة دي وشاورت علي غادة وسمعت حديت صفية لغادة سعتها اضايجت وزعلت مش منها لع زعلت علي تربيتي لصفية اللي طلعتها اكده وبعدها بجيت اراجبهم وسمعت اخر حديت بينهم اللي في االاتفاج اللي بين غادة وولد المحروج جابر وتوجهت عزيزة تجاه صفية ووقفت امامها واكملت حديثها بس كنت متراهنة عليكي يا صفية مع اني كنت جادرة اني اطلع غادة من البيت بفضيحة واكسر عضمها عشان بس كانت هتفكر تأذي چوزي بس اتراهنت عليكي وعلي تربيتي ليكي وجولت انك لا يمكن هتخوني الناس اللي اتربيتي وسطيهم وتخليها تأذي عمك ، بكت صفية بمرارة وفي نفسها حمدت ربها انها فاقت في الوقت المناسب ونظرت عزيزة لجمال ووجهت حديثها له مرتك دي بت اصول يا ولدي ومش عيب ان الواحد يغلط العيب انه يكمل في الغلط بس هيا صانتك وصانت البيت وهيا اللي نجدت ابوك ، نظر جمال لصفية وهو في صراع بينه وبين نفسه فهل هيا سيئة فعلا كما يراها ام لا وتركهم ولم ينطق بحرف وخرج من المكتب والبيت باكمله ، وذهبت صفية لعتمان وقبلت يده برجاء وتحدثت له عشان خاطري يا عمي متزعلش مني والنبي يا عمي حجك عليا ، تحدث عتمان وهي يطبطب عليها بحنان مسامحك يا بتي مسامحك ، اما غادة فكانت تحقد عليهم جميعا وتلعن صفية لانها اضاعت عليها خطتها ، ذهبت عزيزة تجاها وتحدثت بتحذير اسمعي يا مخروبة انتي تطلعي تلمي خلجاتك وتغوري علي بيت ابوكي ولما يجي صقر هخليه يبعتلك ورجتك واحمدي ربك اني هسيبك تطلعي وانتي سليمة ولو عليا كنت جطعتك حتت ورميتك للكلاب غوووري نظرت لها غادة بكره وذهبت مسىرعا من امامهم .
💥💥💥💥💥💥 لا اله الا الله سيدنا محمد رسول الله
مالك بس يا نها ، نها بحزن مصطنع قولتلك مفيش بقي يا ادهم خلاص ، اومال مردتيش عليا ليه من اول مرة وانتي عارفة اني مبحبش كدة ، قولتلك اني مسمعتش الفون واكملت نها بمكر بص يا ادهم انا شايفة انك مبقتش تحبني لو شايف انك اتسرعت خلاص يبقي نبعد عن بعض وكل واحد مننا يشوف طريقه ، ايه اللي بتجوليه ده انا بس كنت مضغوط الفترة اللي فاتت لكن انا لسة بحبك اعمل ايه بجي عشان تصدقيني ، نها وقد وصلت لمرادها اممم خلاص يبقي تيجي معايا فرح هايدي ، خلاص يا جلبي نروح هعدي عليكي
علي سبعة ايه رايك؟ ، تمام يا حبيبي هستناك بااي واغلقت الهاتف وضحكت بغرور فهي تعلم كيف تقنع ادهم بعلاقاتهم
💥💥💥💥💥💥 استغفر الله العظيم
يا صقر انا زهقت اووي بجد وعايزة ارجع البلد قالت غرام هذا وهي تنظر لصقر الذي مشغول بالاوراق التي امامه علي المكتب ، رفع نظره لها وترك ما كان يفعله مالك بس يا جلبي ايه اللي مزهجك اكده ، غرام بتذمر انت علطول مشغول ياما في المصنع ياما هنا في البيت برضه شغل وانا مش بعمل حاجة وعايزة ارجع البلد ماما وحشتني ،صقر بحزن مصطنع للدرچادي زهجتي مني ، اقتربت منه غرام بسرعة واخذته في احضانها لا والله انا عمري ما ازهق منك ابدا انا بس عشان انت علطول مشغول عني ، شدد صقر من احتضانها وتحدث بعشق حجك عليا يا ست البنات انا اسف الشغل كان گتير شوية ، ولا يهمك يا حبيبي ، صقر بمكر انتي جولتي ايه دلوجتي ، غرام بخجل قولت ولا يهمك ، غرااام اللي بعدها عايز تجولي جولتي ايه بعدها ، خجلت غرام واحمرت وجنتاها وتحدثت احم حبيبي ، امسك وجهها بين كفيه وتحدث حنان اول مرة تجوليها ، نظرت له غرام بحب عشان حساها يا صقر ، اخذها في احضانه وانتي حبيبتي وجلبي وكل حاچة ليا خلاص اوعدك بكرة هخرجك خروجة متحلميش بيها ،غرام بتردد هه لا خلاص اانا مليش مزاج اخرج ، صقر توقع ان السبب هو جابر ومن غيره ولكن هذه المرة غضب كثيرا منها فتحدث بغضب لع اكده كتير يا غرام انا مش عيل جصادك عشان تخافي اكده وانتي معايا هتفهمي امتي انك متجوزة صقر الغرباوي يعني هو عارف زين انه ميجدرش يجربلك طول ما انتي معايا ليه دايما محسساني اني عيل جصادك ومش راچل ، نظرت له غرام بصدمة وخوف من صوته العالي فبكت بحزن وخاصا عندما اكمل صقر كلامه ، واتچوزتيني ليه من الاول لما انتي شايفة اني مش هجدر احميكي ولا لع افتكرت انك اتچوزتيني غصب
وتركها وخرج واغلق الباب وراءه بعنف وجلست هي تبكي
علي كلماته التي جعت قلبها جدا فهذا الغبي لا يعلم انها فعلا تخاف ولكن عليه هو ولكن ببساطة اتهمها هكذا ورحل .
💥💥💥💥💥لا حول ولا قوة الا بالله العلي العظيم
في الفرح كانت تجلس فاطمة ونورهان وكانو سعداء للغاية وجلس انس بعيد عنهم ولكن كان ينظر لفاطمة باعجاب ولانها فعلا جميلة فكانت تردتدي دريس محجبات وكانت جميلة للغاية مع مكياجها الهادي فتحدثت نورهان بمرح فطومة تعالي نتصور مع العروسة ، فاطمة بضيق ياختي اجعدي هيا بتطيجنا اصلا عشان نروح نسلم عليها ، نورهان بضحك علي رأيك بس شوفي هتفرع ازاي من الغرور، ملناش صالح بيها احنا جايين نغير جو وخلاص ، تعالي طيب نروح نجيب عصير نشربه ، ماشي يلا وقاطعهم انس ايه راحين فين ، نورهان بمرح هنجيب عصير ، انس بغيرة وهو ينظر لفاطمة لا خلاص خليكم وانا هروح وهو يتحدث لاحظ فاطمة وهي تنظر لاحد فنظر للشخص وجده من تشاجر معه
امام الجامعة فتحدث فاطمة انتي كويسة ، حركت راسها بإيجابية والدموع في عينيها فمن الصعب عليها ان تري ادهم مع البنت اللي تركها لاجلها امسكت نورهان بيدها متقلقيش انا جمبك ونظرت لانس لو سمحت يا انس ممكن تسيبنا شوية ، حرك رأسه بايجابية ورحل ولكنه تأكد ان هناك شئ
بين فاطمة وبين ذلك الشخص وانه ليس فقط ابن عمها كما قالت له نورهان .
💥💥💥💥💥💥💥استغفر الله العظيم
دخل جمال الي البيت وصعد لغرفته التي ينام بها في اخر فترة ولكن وقف عند الباب وذهب لغرفته هو وصفيه ودخل ، كانت صفية تجلس والدموع في عينيها وعندما رأته قادم وقفت ومسحت دموعها بعشوائية وتوقعت في عقلها اشياء كثيرة منها ان يغفر لها ومن الممكن ان يعاتبها وياخذها في احضانه وينسي موضوع زواجه بأخري ولكن حدث ما لم تكن تتوقعه او لم يكن يستوعبه عقلها او يتقبله ، تحدث جمال بجدية احم صفية انا فكرت كتير في موضوعنا وانا عارف انك اتغيرتي فعلا ومصدجك بس انا مش هجدر انسي يا صفية مش هجدر انسي انك بتحبي اخويا ولا هنسي انك كنتي عفشة الصورة اللي كنت بشوفك بيها خلاص معدتش موچودة ، كانت تسمعه وقلبها ينبض وكأنه يحذرها مما سيخبرها به جمال ، اكمل جمال كلامه انا كنت شايفك
البارت الثامن عشر
غرام صعيدي
اقتربت صفية وهي تضع يدها على فم جمال وتبكي بشدة لع يا چمال بالله عليك اوعاك تجولها انا مجدرش اعيش من غيرك انا عارفة اني غلط واستاهل بس تطلجني لع يا واد عمي چمال انا بحبك ورايداك اديني فرصة ولا اجولك خلاص اتچوز بس هملني علي ذمتك خليني معاك وظلت تبكي ،، اما جمال فشعر بغصة في قلبه فقلبه يريدها ولكن عقله يأبي ويذكره بما فعلته فتحدث بدموع متحجرة انتي طالج يا صفية وتركها وذهب وانهارت علي الارض تبكي بندم فهي تغيرت وطلبت منه السماح. ولكن تغيرها ورجاءها لم يشفعان لها عنده .
🌹🌹🌹🌹🌹🌹لا حول ولا قوة الا بالله العلي العظيم
تحدث ادهم بحب عشان تعرفي اني بحبك اديني جيت معاكي الفرح ، نها بدلال حبيبي يا دومي انت كدة اثبتلي انك بتحبني اوي كمان بقؤلك ما تيجي نرقص ، اووك وماله تعالي
وسحبها من يدها وذهبو ليرقصو سويا تحت نظرات فاطمة
اللي تشعر ان قلبها يؤلمها لرؤيته وتكره نفسها لشعورها هكذا
فقد تخيلت انها نسته ونسيت حبها له فتحدثت لنورهان صديقتها نورهان يلا نروح عشان خاطري ،، نورهان بغضب انتي هبلة يا بت انتي عايزة تبينيله انك ضعيفة ولسة بتحبيه
، فاطمة بدموع بس انا مخنوجة وعايزة امشي من اهنه ،، لا يا فاطمة خليكي قوية انتي هتبينيله انه خلاص مش فارق معاكي قاطعهم انس وهو يجلس معهم اولا اسف لتدخلي بس انا شفتك بتعيطي وبصراحة لقيت نفسي تلقائي جيت اشوف مالك ممكن تحكيلي واعتبريني زي اخوكي وقوليلي
في ايه وايه اللي مزعلك من الشخص ده يمكن اعرف افيدك ، تحدثت نورهان يا انس مفيش حاجة لو وقاطعتها فاطمة
ثواني يا نورهان ونظرت لانس انا هحكيلك يا دكتور
🌹🌹🌹🌹🌹🌹لا اله الا الله سيدنا محمد رسول الله
دخل صقر الشقة وهو يبحث بعينيه علي غرام ودخل غرفة النوم فلم يجدها فتعالت دقات قلبه واصابه الذعر فنادي عليها بخوف من ان تكون تركته ورحلت وبحث في الغرف الثانية الي ان وجدها في غرفة الاطفال تضم نفسها و نائمة
شعر بالراحة انها ما زالت هنا وشعر بالحزن ايضا فطفلته مستاءة منه وقررت ان تعاقبه بالنوم بعيدا عنه فدخل وحملها
وهيا نائمة وادخلها غرفته ووضعها علي السرير ونام بجوارها واخذها باحضانه وقبل جبهتها وتحدث بصوت هادئ حجك عليا يا غرامي انا اسف اني اضايجت عليكي بس غصب عني
نفسي اخليكي مش خايفة من حاچة واصل بس خلاص هانت وبعد اكده مش هيبجي في جابر وشدد علي احتضانها ونام هو الآخر
🌹🌹🌹🌹🌹🌹🌹استغفر الله العظيم واتوب اليه
نزلت صفية وهي تحمل شنطة ملابسها فقابلتها عزيزة يا مري رايحة فين يا بتي ، صفية بحزن همشي يا مرت عمي
خلاص مبجاش ليا جاعدة اهنه ونطقت بمرارة چمال طلجني
،، وه ده بينه اتخبل اخذتها باحضانها وطيبت خاطرها متزعليش يا بتي هو بس مصدوم من اللي حصل بكره عجله يرجعله ،، خلاص يا مرت عمي چمال كرهني وانا رضيت بنصيبي اجعدي بالعافية وتركتها وذهبت ودخلت عزيزة لعتمان لتتحدث معه وجدته يفكر في شئ فتحدثت بغيظ يرضيك اللي عمله ولدك يا عتمان يعني البنية بعد ما بجت زينة يطلجها ، عتمان برزانة متجلجيش يا عزيزة بكرة يرجعها
انا متوكد هو بس عايز وجت اللي عرفه عن مرته برضك واعر
جوي ،، ماشي يا خويا اما اشوف اخرتها معاك انت وولدك وقاطعتهم بدور وهي تدخل يا ابا الحج عتمان الست مهرة ام غادة مرت صقر برة وعايزة تجابلك ، نظرت عزيزة لعتمان بغيظ ، فضحك عتمان وتحدث لبدور طيب روحي يا بدور واني جاي وبعد ذلك وجه حديثه لعزيزة التي تنظر له بغيرة
لساكي بتغيري عليا احنا كبرنا عالحجات دي يا عزيزة ،، عزيزة بغضب لع مكبرناش يا عتمان وايوة لساني بغير عليك من الولية دي ،، عتمان بضحك وانتي خابرة انك انتي اللي في الجلب يا ام العيال ، ابتسمت بخجل يوافق سنها ، نعم فالحب ليس له سن ، فاكملت عزيزة بس برضك مش هتطلعلها يا عتمان ،، هز رأسه بيأس منها وتحدث خلاص تعالي معايا نشوفها عايزة ايه فخرجو سويا .
🌹🌹🌹🌹🌹🌹 لا اله الا الله سيدنا محمد رسول الله
تحدث ادهم لنها بذهق تعالي نجعد بجي انا تعبت ، ماشي يا بيبي وفي طريقهم اتصدم ادهم حين رأي فاطمة مع انس ثانيآ فلم يتوقع ان يراها هنا فذهب اليهم والغضب يتملكه
وامسكها من معصمها بشدة فوقفت بوجع من قبضه اااه لو سمحت سبني يا ادهم ، ادهم بغضب انتي ايه اللي چابك اهنه وجاعدة معاه لحالك ، انس بغضب مكتوم انت اللي ازاي تمسكها كدة اوعي ايدك من علي خطيبتي حالا والا هقطعهالك انت فااهم ، بهت وجه ادهم واتصدم من الجملة لا يصدق ما قاله هل قال خطيبها ، اما نورهان ففتحت فمها من الصدمة فلم تصدق ما قاله اخاها من اين اتي بهذه الفكرة واتصدمت اكثر عندما سمعت فاطمة وهي تأكد علي حديث اخاها ، فاطمة بتوتر ايوة ده انس خطيبي واوعاك يا ادهم تجرب مني اكده تاني وتلمسني انت واعي ثم انا مش جاعدة معاه لحالي اخته جاعدة معانا اهي وشاورت علي نورهان التي شاورت علي نفسها بصدمة فاكملت فاطمة بغضب انا واحدة تعرف الاصول الدور والباجي عليك انت يا واد عمي
اللي شكلك نسيت الاصول من اصله عشان داير مع السنيورة لحالك ومع ذلك انا مليش فيه كل واحد حر ، انس بغيرة
يلا يا فاطمة وانتي يا نورهان يلا بينا هنمشي من المكان ده
وذهبو وتركو ادهم في صدمته وكلام فاطمة يتردد في اذنه
وتركه ايضا نها التي تستشيط غضبا فهي من اصرت علي هايدي ان تعزم نورهان و فاطمة لتجعل فاطمة تراها وهي مع ادهم ولكن انقلب الامر عليها .
🌹🌹🌹🌹🌹🌹استغفر الله العظيم
خير يا مهرة چاية ليه قالها عتمان وهو يجلس علي الكرسي ، تحدثت مهرة بمكر چاية استسمحك يا حج عتمان واجولك حجك عللي راسي بسبب اللي عملته بتي ، نظرت لها عزيزة بشر وغيظ ورد عتمان عليها وانتي مفكرة ان اللي عِملته بتك
ينفع يتسامح فيه ده في دم بس انا عشان هيا مرت ولدي كفاية بس انها تطلج ومتعش تاني في البيت ده ، مهرة بحزن مصطنع وهي تترجاه احب علي يدك يا سيد البلد تسامحها ومتخليش ولدك يطلجها وانا والله ضربتها وعرفتها غلطها ، هنا ولم تستحمل عزيزة فصرخت بها انتي مجنونة يا ولية تعرفيها غلطها كيف يعني هيا عيلة صغيرة دي حية وطالعالك تربيتك يا مهرة ولازم تطلع زيك واكمل عتمان برزانة امشي يا مهرة ولو فعلا بتحبي بتك خديها وسيبو البلد
عشان لو صقر عرف باللي عِملته مش هجدر امنعه من االي هيعمِله فيها ، نظرت لهم بغضب وخرجت فهي تعلم ان حديث عتمان حقيقي وان صقر لن يرحمها اذا علم بما كانت ستفعله لوالده .
🌹🌹🌹🌹🌹🌹🌹لا حول ولا قوة الا بالله
وصل انس فاطمة عند بيتها هو ونورهان وهي تحدثت بحزن
انا متشكرة جوي يا دكتور انس علي وجوفك چمبي انت لو مكنتش جولتله اكده مكنش هيسيبني وكانت هتحصل مشكلة واعرة ،. انس بابتسامة ساحرة كان لازم اعمل كدة عشان يبعد عنك وبعدين هو انا اطول انك تكوني خطيبتي ده يبقي من حظي ، توترت فاطمة من كلامه وتحدثت بخجل
متشكرة اوي يا دكتور ده من زوقك بعد اذنكو هبجي اكلمك يا نورهان سلام وصعدت بسرعة ، نظرت نورهان لانس الذي يظهر عليه العشق وتحدثت بخفة انت يا عم الدنجوان يا برنس اااه واضح انك وقعت ومحدش سمي عليك ،، استنبه انس علي كلامها وقالها طيب يلا يا ام لسانين ماهو ده اللي فالحة فيه .
🌹🌹🌹🌹🌹🌹لا اله الا الله سيدنا محمد رسول الله
بجولك يانها سبيني في حالي دلوج انا مش طايج نفسي
،، نها بزعل مصطنع بقي كدة يا ادهم ماشي ثم انت مضايق عشان عرفت انها اتخطبت مش كدة ،، نظر لها بعصبية انا ماشي عشان مضمنش حالي لو جعدت اكتر من اكده واياكي تجيبي سيرتها تاني انتي واعية وتركها ورحل وهي تنفخ بغضب ،، ذهب ادهم وهو عقله لا يستوعب ما حدث يشعر بصراع داخله هل قررت ان تنساه وترتبط وتكمل حياتها مع اخري ولكن لما لا هل تتوقع ان تنتظرك لتعود اليها ام انك متوقع انها لن تحب احد بعدك وتحدث بصراخ لييييه ليه حاسس اني ضايع حاسس اني مخنوق جلس علي ركبتيه
وهو ضائع يعلم انه خسرها منه للابد .
🌹🌹🌹🌹🌹🌹🌹لا حول ولا قوة الا بالله
في الصباح فاقت غرام وهي تشعر بثقل عليها فاستنبهت ووجدت صقر نايم بجوارها ويحاوطها بيديه وفهمت انه حملها وجاء بها هنا ثانيا فابتسمت بعشق وظلت تنظر له وهو
نائم فملامحه جذابة وسمعته يتحدث وهو مغمض العينين
هتفضلي تتملي في چمالي كدة كتير اخاف اتحسد ، شهقت فلم تعلم انه مستيقظ وتذكرت ما حدث امس وعبست ثانيا ولكن قبل ان تقوم وجدته يقبض عليها بيديه يمنعها من النزول ، فتحدثت بغضب صقر سبني وملكش دعوة بيا عشان انا مخاصماك ، وه واهون عليكي يا غرامي ، نظرت له وردت بتحدي ايوة وابعد بقي كدة ومتكلمنيش ، ماشي يا ستي بس انتي متهونيش عليا حجك عليا اني اضايجت عليكي بس انتي اللي عصبتيني انا راجل صعيدي ومحبش ان مرتي تبجي معايا وخايفة اكده لازم تعذريني ، تحدثت غرام بهدوء
انت اللي فسرت خوفي غلط انا مش خايفة علي نفسي يا صقر انا خايفة عليك انت انت اهم مني انا من غيرك هعيش ازاي وهبقي مطمنة ازاي ، اخذها باحضانه حجك عليا مكنتش اعرف اني غالي عندك جوي اكده ، غرام بعشق واكتر يا صقري ، امممم صقرك طيب حيث كدة بجي تعالي ورن جرس الباب صقر بغضب ابااااي وده مين ده بجي ، ضحكت غرام عليه وتحدثت قوم شوف مين بقي ، ذهب صقر وفتح الباب واتصدم حين رأي جابر امامه فتحدث صقر بغضب وكمان جايلي برجلك انا بجي هوريك وامسكه من ملابسه بعنف وادخله عنوة وقبل انا يضربه وجد من يضربه بالعصا علي رأسه فوضع يده علي رأسه ونطق اسم غرام ووقع مغشيا عليه ،، نفض جابر بدلته وهو يبتسم بسخرية وتحدث ببرود كنت فاكر اني هسيبهالك تبقي بتحلم مفكر نفسك عشان لازق جمبها مش هعرف اجيبها هه غبي متعرفش مين جابر ونظر للرجل الذي يحمل العصا روح انت حضر العربية ،، خرجت غرام عندما سمعت ضجة بالخارج فوجدت صقر علي الارض وجابر امامه فصرخت صقرررر وجرت عليه
وهي متمسكة به وتنظر لجابر بكره وتحدثه بصراخ انت عملت اييييه فيه صقر قوم يا صقر متسبنيش بالله عليك قوم ،، تحدث جابر ببرود مش قولتلك محدش يقدر يبعدك عني اهو انتي السبب في اللي حصله لو كنتي جيتيلي بنفسك كان زمانه عايش ،، غرام بدموع وهي تنظر لصقر اسفة انا السبب اسفة ،، اقترب جابر منها وامسكها من معصمها بقوة قومي يلااا واخذها وتوجه لباب الشقة
ولكن تفاجأ ب........ يتبع 🔥
البارت التاسع عشر والبارت العشرين
غرام صعيدي
اتفاجأ جابر بمنال وهيا تمنعه من الخروج ومعها قوات الشرطة وتحدثت بسخرية علي فين يا جابر فاكر نفسك هتهرب بالسرعة ، نظر لها جابر بشر والعساكر تمسكه من ملابسه وتبعد غرام عنه وتحدث بغضب مش هتفلتي
بعملتك دي انا هوريكي يا منال ، اخذته الشرطة وذهبت وجرت غرام الي صقر بلهفة وحاولت افاقته ولكنه ما زال مغمي عليه فاقتربت منها منال وهي تحاول ان تطمئنها
، متقلقيش انا طلبت الاسعاف وزمانهم علي وصول متخفيش هيبقي كويس ، نظرت لها غرام بانهار انا خايفة اووي صقر لو جراله حاجة انا مش هسامح نفسي ابدا انا السبب انا السبب وزلت تبكي بخوف وجاءت الاسعاف واخذو صقر الي المستشفي وذهبت غرام ومنال معه .
🌹🌹🌹🌹🌹استغفر الله العظيم
تحدث أنس باحراج ازي حضرتك يا حج عرفة ، اهلا وسهلا يا ابني نورت بلادنا ، منورة باهلها يا حج ، ده يبجي ولدي الكبير كامل ، نظر انس لكامل بتوتر من نظراته الفضولية وتحدث اتشرفت بحضرتك يا استاذ كامل ، تحدث كامل بغموض الشرف لينا يا افندي ، وتحدث عرفة بود خير يا ولدي ،انس بابتسامة احم انا والله سمعت عنك كل خير وانا بسأل علي العنوان ، تسلم يا ولدي وتعيش انت جولتلي انك چاي بخصوص بتي فاطمة طمني يا ولدي في حاچة ، انس بسرعة لا لا خالص متقلقش هيا بخير انا ابقي اخو صحبت فاطمة في الجامعة وشوفتها معاها مرة وهما مروحين وبصراحة عجبني اخلاقها وادبها ويشرفني اني اطلب ايديها من حضرتك ، نظر له كامل بغموض وتحدث وانت بتشتغل ابه بجي علي اكده ، انس بتوتر انا ابقي دكتور صيدلي وعندي صيدلية باسمي وشقتي كمان جاهزة ، عرفة بهدوء تمام يا ولدي ادينا فرصة اكده وهنرد عليك في اجرب وجت
، ان شاء الله يا حج يكون في نصيب بعد اذنكو وده رقمي وان شاء الله هنتظر منكو الرد في اقرب وقت بالموافقة ،رد كامل شرفت يا دكتور ، الشرف ليا سلام عليكم وتركهم وغادر ، كامل بعصبية انت مجولتلوش ليه يا بوي ان احنا مش بجوز بناتنا لغريب وكمان من مصر ، عرفة بهدوء وليه لع يا ولديانا شايفه واد زين ومتربي وكمان دَكتور جد الدنيا ، كامل بغضب حديت ايه ده يا بويا عاد انت هتوافج ، عرفة بحزم ايوة يا كامل لو سألت عليه ولجيته شاب زين واهم حاچة ان اختك تكون راضية ورايداه هوافج والحديت خلص في الموضوع ده روح يلا شوف شغلك .
🌹🌹🌹🌹🌹 استغفر الله العظيم
كانت غرام ومنال في انتظار خروج الدكتور ليطمئنهم فغرام متوترة وخائفة من ان يصيب صقر مكروه وعند خروج الدكتور توجهت اليه غرام بلهفة طمني يا دكتور لو سمحت صقر كويس مش كدة ، الدكتور بطمأنة متقلقيش حضرتك هو بخير وفاق وبقي كويس الخبطة بس كانت جامدة شوية
عليه وكنت خايف ليدخل غيبوبة بس الحمد لله ربنا لطف وتقدري تطمني عليه بعد اذنكو وتركهم وغادر اما غرام فرفعت يدها وحمدت ربها وشكرته علي عودة صقر لها بالسلامة ودخلت بسرعة للغرفة لتطمئن عليه وذهبت له واترمت في احضانه ، صقر وهو يضمها بخوف حجك عليا معرفتش احميكي انا اسف ، نظرت له والدموع في عينيها ، متقؤلش كدة انت لو كان حصلك حاجة يا صقر مكنتش هسامح نفسي ابدا ، صقر بعشق ربنا يباركلي فيكي يا حبيبة جلبي وسمعو طرق الباب ودخلت منال وتحدثت بتوتر حمدالله علي سلامتك يا صقر ، صقر ببرود الله يسلمك
،، غرام لتهدئة الجو علي فكرة ياصقر لولا طنط منال بلغت البوليس ولحقو جابر قبل ما يخطفني بجد مكنتش عارفة كان حصل ايه ، نظر صقر لها بامتنان اشكرك يا ست منال
عاللي عملتيه ، منال بابتسامة العفو يا صقر ربنا يطمنا عليك بعد اذنكو عندي مشوار لازم يتعمل وتركتهم وذهبت وصقر
نظر لغرام بعشق واحتضنها بتملك وهي بادلته اخري بشوق وطمأنة .
🌹🌹🌹🌹🌹 استغفر الله العظيم
بعد اسبوعين عاد صقر وغرام الي البلد وقد اصبحت صحته افضل من ذي قبل اما الحج عرفة فقد تحدث لفاطمة وطلب منها ان تأتي في الاجازة الاسبوعية ليعرف رأيها في أنس
وصفية في بيت اهلها لم تتجاوز صدمة فقدانها جمال وغادة التي اختفت ولم يراها احد خوفا من رد فعل صقر التي تعلمه جيدا ولكن عليها تحمل عواقبها ففي بيت عتمان ءكان الجميع موجود فعتمان دعي اخوه واسرته عند عودة صقر ليجتمعو جميعا كأسرة واحدة ، وتحدثت عزيزة بمكر مجولتليش يا ام كامل عملتي ايه في عريس صفية ، نظر جمال بتفاجأ لصفية وهيا نظرت اليه بتوتر فتحدث هو بغضب ايه اللي بتجوليه ده يا اما عريس ايه وهيا لحجت وكيف يطلب طلب زي ده ،، عتمان وهو يعلم قصد زوجته من الحديث هدي حالك يا ولدي وانت متعصب اكده ليه وبعدين مش انتو خلاص اطلجتو يعني هيا مش هتفضل جاعدة اكده والبنته لسة صغيرة برضك ، جمال بغضب وهو ينظر لصفية كلام ايه ده والله لو عملتها لاخد العيال وهيا حرة بجي ، نظرت له صفية بحزن وتركتهم ودخلت المطبخ ،، حزنت غرام لأجلها فذهبت وراءها وتحدثت بحزن يا صفية متزعليش هو بس والله لسة بيحبك انا حاسة بكده ، صفية ببكاء لع يا غرام هو خلاص طلجني ومعدتش فارجة معاه هو كل اللي همه العيال هو جال اكده ، والله ابدا هو بس عايز يعقد الموضوع عشان متوافقيش عالعريس ده ، تفتكري ممكن يرجعني ، بصي انتي بس متوقفيش حياتك عليه عشان لو مرجعش تعرفي تتأقلمي علي كدة صدقيني انتي اقوي من كدة يا صفية ، نظرت لها نظره ندم وتحدثت غرام انا اسفة حجك عليا يا خيتي انا كنت عارفة اني عفشة معاكي بس انتي طلعتي احسن مني واستحملتي كتير حجك عليا ، غرام بابتسامة انتي اختي يا صفية انتي وفاطمة انا مكنتش احلم ان يبقي ليا اخوات زيكو كدة وحضنو بعضهم هما الاثنان وصقر يقف بعيدا يبتسم وقلبه يدق عشقا لتلك الغرام التي تكبر في نظره يوم بعد يوم ويزيد عشقه لها .
🌹🌹🌹🌹🌹🌹استغفر الله العظيم
بعد ايام دخل عرفة علي ابنته فاطمة وتحدث بحنان ها يا بتي ارد عالراچل اجوله ايه احنا بجالنا كتير بنفكر وبصراحة انا سألت عالراجل وطلع زي الفل دكتور واخلاجه زينة وهيصونك ، نظرت له فاطمة ولا تعلم لما هيا متوترة فهي تعلم في داخلها انها ما زالت تكن لادهم مشاعر نعم ما زالت تعشقه ولكن تفاجئت بطلب أنس ليدها فهي شعرت باعجابه بها من خلال كلامه ونظراته ولكن لا تعلم لما فعل ذلك وهو يعلم بحبها لادهم وقصتها معه والحل الوحيد لمعرفة السبب هو ان تقابله وايضا شعرت بالخوف من ادهم لو علم انهم ليسو مرتبطين فمن الممكن ان يفتعل مشكلة كبيرة واستنبهت علي صوت ابيها ، ها يا بتي مردتيش ، فاطمة بخجل اللي حضرتك شايفه يابوي ، يبجي علي خيرة الله
الف مبروك يا بتي ونادي علي امها وفرحها بالخبر اما فاطمة لا تعلم لما قلبها يدق بشدة هكذا واوهمت نفسها انه القلق لا اكثر ولا تعلم انه يشعر بالسعادة او من الممكن انه في طريقه للعشق الحقيقي .
🌹🌹🌹🌹🌹 استغفر الله العظيم
انا عايز افهم انا هنا ليه وبعمل ايه قالها جابر بعصبية شديدة
، الظابط بصريخ الزم حدودك ووطي صوتك يا متهم انت فاهم ، جابر بضيق ولكنه اخفض صوته قليلا انا بقالي هنا كتير يا حضرة الظابط ممكن اعرف تهمتي ايه ؟ ،، انت متهم بالتعدي علي صقر الغرباوي و ومحاولة اختطاف زوجته ،،
جابر ببرود محصلش انا كنت هناك عشان اسلم عليهم ولقيت
صقر واقع في الارض سايح في دمه ،، الظابط بنفس بروده ده كلامك انت لكن هو اتهمك بنفسه انك اتعديت علي بيته وكنت عايز تخطف مراته ، طرق الباب ودخل العسكري واخبر الظابط ان المحامي الخاص بجابر يريد الدخول وابتسم جابر بسخرية لانه يعلم ان هذا المحامي سيخرجه منها بسهولة
وبالفعل تحدث المحامي للظابط وقدم دلائل مزورة وخرج جابر بكفالة لحين العرض علي النيابة ابتسم جابر بنصر وعند خروجه من مكتب الظابط تفاجأ بمنال عبس ونظر لها بغضب
وهي نظرت له ببرود وتحدثت للظابط لو سمحت يا حضرة الظابط انا عايزة اعمل بلاغ ،، الظابط بلاغ عن ايه يا مدام
،،نظرت لجابر بتحدي وتحدثت جريمة قتل .... يتبع 🔥
البارت العشرون
بلع جابر ريقه في خوف ونظر لمنال بغضب عندما سمعها تقول لو سمحت يا حضرة الظابط جريمة القتل المتهم فيها جابر الاسيوطي وبرجو التحفظ عليه ، هنا صرخ بها جابر
انتي بتقؤلي ايه انتي اتجننتي قتل مين وايه اللي بتقؤليه ده
تحدث الظابط بغضب مش عاوز صوتك يعلي واقعد دي كدة قضية جديدة وانت متهم فيها ومن حقي اتحفظ عليك لحد ما اشوف لو في دليل يدينك ولو مفيش هتتفضل تمشي ما تفهمه يا متر ، نظر للمحامي فحرك رأسه بإيجاب فسكت ولم يتحدث او يعترض ولكنه يعلم ان منال لن تأتي هنا الا اذا
كان معها دليل يدينه فهو يعلم ما يدور برأسها وهذه النظرة
التي ترمقه بها فهي تريد التأكد من انه لن يخرج ثانيآ وانتبه علي صوت الظابط اتفضلي قولي اللي عندك ، قصت له منال ما حدث منذ ان تزوجت ابو غرام ثم زواجها من جابر وأنه عندما تشاجرت معه من قبل اخبرها انه من قتل زوجها السابق لانه يحب ابنته غرام وتزوجها ليصل اليها واخبرته عن تهديده لها بقتلها مثلما قتل زوجها السابق في اخر مشكلة بينهم لانها طلبت منه ان يبتعد عن بنت زوجها ويتركها لحالها واكملت منال حديثها وهي تنظر لجابر بتحدي وبصراحة في اخر مرة دي كنت بسجله لاني مش ضامناه وعارفة انه هيرجع يأذيني وعشان البت الغلبانة دي صعبت عليا وخفت ليأذيها تاني اصله كان بيضايقها وهيا عايشة معانا قبل ما تتجوز وكان بيتح*رش بيها انسان واطي وملوش امان ، تحدث جابر بغضب كدابة كل اللي قالته كدب انا مقتلتش حد
ورد المحامي بعملية انا بنفي التهم الموجهة لموكلي هيا تفعل ذلك بدافع الكيد لا اكثر فرد للظابط بسخرية كيد ايه يا متر
دي معاها دليل وتسجيل لاعترافه كدة القضية قتل متعمد
يعني هتتحول جنايات ، تغير وجه جابر وظهر عليه الخوف ونظر لمنال بشر وهو يتوعد لها هي وصقر وغرام .
🌹🌹🌹🌹🌹🌹استغفر الله العظيم
في بيت الحج عرفة كان البيت يعمه الفرح والسعادة فاليوم شبكة فاطمة وكانت في غرفتها تتزين ولكنها متوترة للغاية ولا تعلم سبب موافقتها علي أنس وفي الغرفة معها غرام وصفية وكانو الثلاثة سعيدين للغاية وسمعو طرق الباب فذهبت غرام لتفتح وجدته صقر فابتسمت بسعادة وخرجت له وهي تحدثه جاي ليه بقي حضرتك ، صقر بعشق وه مجيش ليه بجي انا من حجي اشوف مرتي ، امممم مراتك مشغولة جداااا ،، ماهو انتي عشان مشغولة عني جولت اجي اشوفك عشان وحشاني جوي ، ابتسمت غرام بخجل احم طيب يلا بقي هوينا عشان ادخل اشوف خلصو ولا لا ، ماشي يا جمري يلا ادخلي وغرام اوعي تحطي حاجة في وشك انا مش ناجص ،، غرام بتذمر لا بقي يا صقر مليش دعوة انا هبقي مع الحريم مش هخرج خالص عند الرجالة ،، صقر وهو يمسك يدها ماهو انا مش خايف غير من الحريم ربنا يستر ادخلي يا غرام ادخلي الله لا يسيئك ، ضحكت غرام عليه وتركته ودخلت الغرفة فوجدت فاطمة وصفية ينظران لها بمكر،، غرام باستغراب مالكو في ايه بتبصولي كدة ليه ،
فاطمةوصفية في وقت واحد اصلنا كنا بتفرچ علي فيلم رومانسي حلو جوووي ،، خجلت غرام منهم وتحدثت امممم انتو كنتو بتتصنتو بقي ماشي وجرت عليهم وعانقو بعضهم
بمرح.
🌹🌹🌹🌹🌹استغفر الله العظيم
عتمان بغضب شفت يا صقر اخوك ادهم وعمايله انا مش عارف ازاي يبجاله عين يجيب البت دي معاه وازاي هيا تيچي لحالها معاه اكده خلاص مفيش حيا ولا خشي ، صقر بهدوء هدي حالك يا بوي انا خلاص لجيت حل للموضوع ده وبعدين البنته اتخطبت ومبجاش في حاچة بينتهم ، عتمان بغضب مكتوم بس في ناس يجوله ايه وهما شايفينهم چاين اكده لحالهم وهيا جاية معاه في العربية انت لو محلتش الموضوع ده انا هحله بطريجتي ، خلاص يا بوي عشان الناس
متاخدش بالها اوعدك انا هحل الموضوع ده ، عتمان بقلة حيلة ماشي يا صقر اما اشوف يا ولدي وفينه جمال راخر راح فين ،، جال داخل يجولهم يحطو الوكل للرجالة ، ماشي كويس انا جولت مش هيرضي يجي ، صقر بضحك والله يا حج انا كنت متوكد انه هيجي ، نظر عتمان له بهدوء ربنا يصلح حاله
🌹🌹🌹🌹🌹🌹استغفر الله العظيم
كان جمال في داخل البيت في طريقه للمطبخ ولكنه شاهد صفية وهيا بالداخل فتحدث بتوتر كيفك يا صفية ، صفية وهي تنظر له بكسرة الحمد لله يا جمال كيفك انت ، بخير الحمد لله احم ياريت الوكل بسرعة عشان الرجالة برة چاعت
،، حاضر علطول اهو الوكل هيطلع ظل ينظران لبعضهما وشعرت صفية انه يريد ان يقول شيئا ولكن قطع ذلك صوت من خلفه وهو كامل يتحدث بغضب مكتوم ،، في حاچة يا جمال ، جمال بتوتر انا كنت بجولهم علي الوكل للرجالة ، كامل طب اتفضل انت انا هجولهم ، نظر جمال لصفية بحزن فهو يعلم ان كامل له الحق في ان يغضب هكذا فتركهم وذهب وتحدث كامل لصفية وهو يطبطب عليها هو ده الصح يا خيتي انا مجصدش حاجة ، صفية بحزن عندك حج يا خوي وانا مش زعلانة منك ربنا يباركلي فيك ، تعيشي يا خيتي يلا حضري الوكل وانا هروح اشوف الرجالة وهو في طريقه الي الخارج كان سيصتدم بببنت ولكنه تمالك نفسه قبل ان يصتدما ببعضهم هو بغضب مش تحاسبي وتفتحي عينك ماشية وخلاص ، رفعت نورهان نظرها له وتحدثت ببعض الحدة انت اللي عامل زي القطر وماشي واخد في وشك وبعدين انا اصلا معرفش حد هنا ،، نظر لها كامل فلفت نظره جمالها خاصا وهيا غاضبة هكذا ولكنه غض بصره بسرعة خلاص اني اسف ،،نورهان بهدوء ولا يهمك انا ابقي اخت انس العريس واول مرة اجي هنا ممكن تقؤلي مكان الحريم فين ،، اهلا بيكي معلش معرفش انك غريبة اهنه ومكان الحريم هتلاقيه جدام عاليمين ، تحدثت وهي تبتسم بامتنان اشكرك بجد بعد اذنك وتركوه وذهبت ونظر هو بأثرها وابتسم وخرج ثانياَ .
🌹🌹🌹🌹🌹🌹 استغفر الله العظيم
بعد.انتهاء الخطوبة جلسو جميعا في بيت عرفة وظل ادهم ينظر لفاطمة بحزن داخلي فهو لا يعلم سبب دعوته لنها ولما وافق علي ان تأتي معه هل يريدها ان تغار عليه ام هل يثبت لها انه لا يفرق معه ان ترتبط برجل أخر ولكنه اكتشف انه يثبت لنفسه انه ما زال يعشقها وظل يفكر في علاقتهم هي وانس قبلا ففي كل مرة يراهم سويا كان يغضب بداخله لانه يري نظرة انس لفاطمة وهذا سبب انفعاله فهذه النظرة يعلمها جيدا فهو دائما ما ينظر لفاطمة هكذا ولكن بغباءه اضاعها من يديه ، ولكنه محي هذا الاحساس واقنع نفسه انه يحب نها وانها الاختيار الصحيح له،، وغرام همست لصفية وتحدثت ايه الاخبار انا شايفة ان جمال هيتجنن ، فهمست لها صفية اسكتي انا حاسة اني جلبي بيدق جامد مش عارفة مالي ، تحدثت غرام ماشي مع اني مش عارفة هو بيعمل في نفسه ليه كدة ما دام لسة بيحبك ، همست لها صفية بحزن حاسة بيه وانا عندي امل انه يحدتني عشان نرجع انا عارفة انه محتاج وجت عشان ينسي وفي نفسها تعلم السبب الذي يجعله في صراع بين نفسه .
🌹🌹🌹🌹🌹اللهم صل وسلم وبارك علي سيدنا محمد
بعد فترة كانت فاطمة في طريقها لخارج الجامعة مع نورهان
وجدت انس ينتظرهم بالخارج وهو يستند علي عربيته ومظهره جذاب فهو انيق جدا في اختيار ملابسه وايضا وسيم للغاية ابتسمت له وذهبو تجاهه ، تحدث انس ازيك يا فاطمة ، ردت بخجل الحمد لله انت عامل ايه ،، انا بخير انا كلمت عمتك واستأذنتها نخرج شوية ، نورهان بفضول الله انا هروح معاكو ، انس وهو يخبطها علي دماغها لا انتي هتهوينا يلا عالبيت يا نورهان بدل ما ازعلك واخد فاطمة وذهبو
الي كافيه كان من اختياره ،، فاطمة هتفضلي ساكتة كدة ، فاطمة بأحراج هو ممكن اسألك سؤال ،، رد عليها كأنه يعلم ماذا ستقول انا ليه اتقدمتلك وانا عارف انك لسة بتحبي ادهم مش كدة ،، استغربت فاطمة كثيرا ايوة فعلا عرفت ازاي اني هسألك كدة ،، ابتسم وتحدث بثقة عشان انا اينعم معرفكيش من زمان بس انا من اول ما قابلتك وانا حاسس اني عارفك اكتر من نفسك ،، ابتسمت بخجل طيب ممكن تجاوبني علي سؤالي ،، اتنهد انس انا عارف انك مفكرة اني عملت كدة عشان بس اثبت الكلام اللي قولته لادهم ابن عمك عن ارتباطنا بس لا يا فاطمة اللي متعرفهوش اني حبيتك من اول يوم شوفتك فيه حسيت ناحيتك احساس اول مرة احس بيه وكان احساس حلو كأني اعرفك من زمان خطفتي قلبي ،، كانت تسمعه فاطمة ولا تعلم لما هي سعيدة للغاية هكذا ولما دعت ان لا يكون السبب انه تقدم لخطبتها بسبب ادهم ،،واكمل أنس كلامه منكرش ان لما عرفت انك بتحبي ادهم وكنتو مرتبطين اضايقت بس مستسلمتش انا راهنت نفسي اني اكسب قلبك وانسيكي ادهم واخليكي تحبيني زي ما بحبك اوعديني يا فاطمة انك هتديني فرصة مش طالب اكتر من فرصة وصدقيني مش هتندمي ،، ابتسمت فاطمة بخجل وتحدثت وانا موافقة وواثقة فيك يا أنس احم مش يلا بقي احنا اتأخرنا ،، انس بفرحة انا اسعد واحد في الكون يلا بينا يا قمري .
🌹🌹🌹🌹🌹استغفر الله العظيم
في بيت الحج عتمان كان صقر يجلس في مكتب والده ودخل عليه ادهم خير يا صقر كنت عاوزني في ايه ، اقعد يا ادهم ،، جلجتني في ايه ،، انت كنت فاتحت ابوي في موضوع چوازك من نها اللي بتشتغل معانا في المصنع ،، ايوة حصل وانا كنت منتظر اما تفضو عشان نروح نخطبها
،، صقر بثقة وانت متوكد بجي ان دي اللي انت رايدها وهيا تستاهلك ،، ايوة انا عاشجها ورايدها يا خوي ،، ايوة يعني متوكد انها دي اللي هتشيل اسمك و تبجي مرت ادهم الغرباوي ،، ادهم بعصبية هو في ايه يا صقر ما تجول اللي عندك علطول ،، طيب انا هسمعك حاجة اكده وعايزك تمسك اعصابك عشان تفكر صح وتعرف هتعمل ايه ،، ادهم بقلق هو ايه اللي هسمعه ده وعلم ان الموضوع له علاقه بزواجه من نها وبالفعل سمع ما جعله لا يصدق اذناه ..........يتبع 🔥
البارت الواحد والعشرون و الثاني والعشرون والاخيييييييير
غرام صعيدي
فتح صقر موبايله ووضعه امام ادهم علي المكتب وهو ينظر لاخوه ليري رد فعله ، وسمع ادهم صوت بيري صديقة نها فهو يعلم صوتها جيدا بحكم الشغل وانها صديقة نها ايضا سمعها وهي تتحدث مع نها وهي تخبرها انها ذهبت الي بلدهم وهي من اخبرت خطيبته فاطمة بأنهم مرتبطين وانه يحبها جدا وهي قصدت ذلك لتجعلها تبعد عن طريقهم وغمض عيزه بعنف حين سمع صوت نها وهي تعترف انها لعبت عليه وعرفت كيف تدخل له وما مواصفات البنت التي يريدها من مصر وكيف هو كان سهل بالنسبة لها وكل ما دار بعقله هل هو ساذج لهذه الدرجة لدرجة ان تخدعه بنت بهذه الاخلاق ولا يعلم لما فاطمة جاءت في خاطره الآن هل ظلمها هل هي تستحق ما فعله معها ااااه نادم نادم علي كل ما فعله ولو يعود الزمن لم يكن ليجرحها هكذا او يتركها لغيره معم فهي الآن اصبحت لغيره فتح عينيه بخذل من نفسه ونظر لصقر وتحدث بهدوء ما قبل العاصفة المكالمة دي وصلتك ازاي يا
صقر ،صقر برجاء اهدي يا ادهم وفكر زين جبل ما تعمل اي حاچة ، رد ادهم بعصبية جولتلك وصلك ازاي رد عليا ، صقر بقلة حيلة انا كنت حاسس ان البت دي مش زينة يا خوي
ولولا ستر ربك وان صحبتها زيها عفشة وعشان بتحجد عليها وبتكرها وعاوزة تبوظ جوازتها منك جالتلي عاللي حصل لع وكمان عايزة الحلاوة بس انا اتصرفت معاها ومش فاضل غير انك تسيب البت دي وتبعد عنها وقام صقر من وراء مكتبه وتقدم ووقف مقابل اخيه ووضع يده علي كتفه يسانده وتحدث بهدوء انت اتسرعت يا خوي دلوجتي لازم تصلح اللي عملته وتبعد عن البت دي وانا هتصرف معاها ، ادهم بعصبية وغضب لع انا هوريها ازاي تضحك عليا انا مفكراني عيل صِغير انا هوريها ،، ؤد صقر وهو يراعي ما يشعر به اخاه خلاص بس اوعدني متتهورش انا هسيبك تنهي الموضوع معاها بس من غير اذي احنا مش بنمد ايدنا علي ولايا يا ادهم ،، حاضر يا خوي انا ماشي وتركه وذهب ،، امسك صقر هاتفه وطلب احد ما وتحدث بجدية ايوة خو طلع دلوجتي عينك عليه متخلهوش يغيب عنك انت واعي لحديتي زين ولو في حاچة كلمني بسرعة .
🌹🌹🌹🌹🌹استغفر الله العظيم
في غرفة فاطمة كانت جالسة تفكر في كلام انس لها
وانه يحبها فكانت سعيدة لا تعلم لماذا تشعر هكذا فاعترافه
هذا جعلها تفكر هل هي تستحقه ام سيأتي يوم ويندم علي اختياره لها ووجدت موبايلها يرن بأسمه فشعرت بالتوتر ولكنها تمالكت نفسها وردت احم الو كيفك يا انس ،، انس بحب انا كويس الحمد لله انتي عاملة ايه يا فاطمة ، انا زينة الحمدلله ،،هو انا رنيت في وقت مش مناسب او حاجة لو كدة ممكن اقفل ،، فاطمة بخجل لا عادي انا مكنتش بعمل حاچة ،، تمام انا قولت اطمن عليكي يعني ،، متشكرة جوي علي اهتمامك انس هو ممكن اسألك سؤال محيرني شوية
،، انس باهتمام طبعا انتي تسألي زي ما انتي عاوزة ،،
فاطمة بأحراج هو يعني اشمعني انا يعني اقصد انك ما شاء الله دكتور وانسان كويس والف بنت تتمناك بس انا يعني مش زيك فاهمني اجصد يعني ،، قاطعها انس وهو يعلم بداخله انها تريد ان تستمد ثقتها بنفسها منه فادهم بتفضيل
غيرها عليها جعل ثقتها في نفسها معدومة تري نفسها اقل من اي بنت مثلها ولابد ان يعالج هذا بنفسه فرد عليها بهدوء فاطمة انتي مقللة من قيمة نفسك انا اللي مكنتش احلم ببنت زيك وزي ما انتي شايفاني ذي ما قولتي انا كمان شايفك احسن بنت في الدنيا اه في بنات كتير هنا بس انتي الوحيدة اللي خطفتي قلبي وده اللي اي بنت مقدرتش تعمله انتي جميلة اوي ومجتهدة واه بالمناسبة انا مش هتنازل عن الشهادة واني اشوفك مهندسة قد الدنيا عن انتي تستاهلي ده وانا ربنا بيحبني انه جعلك من نصيبي ولا يمكن هضيعك من ايدي ابداا ،، شعرت فاطمة في هذه اللحظة بكل كلمة قالها انس فيد لمست قلبها لا تعلم لما هي قارنته بأدهم في هذه اللحظة فادهم ارادها ضعيفة دائما تحتاج اليه ولم يتعب نفسه ان يسألها ماذا تريد ان تفعل او ان تفعل في حياتها الخاصة كان يريد ان يكون محور حياتها فقط اما انس
فهو فعلا رجل بما تحمله الكلمة من معني يريدها ان يكون لها حياتها ان تصنع طموحها التي دفنته منذ زمن يريد فاطمة
بشخصيتها المستقلة وبعد فترة من التفكير وجدت انه لا يوجد وجه مقارنة بين أنس وادهم فدائما عوض الله جميل
تنهدت بارتياح وتحدثت أنس انا كل يوم بكتشف فيك صفة جديدة بتعلقني بيكي اكتر ،، رد أنس بعشق واضح في صوته
وانا مش عايز ولا طمعان في اكتر من كدة كفاية عليا انك تكوني جمبي هسيبك تنامي ماشي ،، ردت بخجل تصبح علي خير ،، انس بحب وانتي من اهلي يا فاطمة .
🌹🌹🌹🌹🌹 لا حول ولا قوة الا بالله
في بيت الحج عرفة دخل كامل لغرفة صفية ليتحدث معها
جلس بجانبها وطبطب عليها وتحدث بحنان كيفك يا خيتي
،، تحدثت صفية بابتسامة وحزن داخلي انا زينة يا خوي كيفك انت ،، الحمد لله يا خيتي انا جولت اطمن عليكي
وكمان جمال تحت استأذن مني انه عايز يتحددت معاكي ،، صفية بفرحة بجد ماشي يا خوي انا هلبس وانزل ،، لاحظ كامل سعادتها وتحدث بحنان بصي يا صفية انتي خيتي وحتة من جلبي عايزك تعرفي اني سندك واني هفضل چارك علطول ،، صفية وهي تحتضنه ربنا يباركلي فيك يا خوي ،، فأكمل كلامه انا عايزك تبجي عارفة ان سعادتك اللي تهمني
انا بس عايز اعملك كرامة عايز الكل يعرف انك مش لحالك
ولو في اي حد فكر بس يضايجك جوليلي وانا هجيبلك حجك من حبابي عنيه ،، تسلم وتعيش يا خوي ،، يلا البسي وانزلي وبعدين نبجي نكمل كلامنا ،، صفية بفرحة حاضر
،، توجهت صفية الي الصالون وهي تشعر بدقات قلبها تسمع اذنها من قوتها وجدت جمال يجلس وهو ينظر في الارض بتوتر فتحدثت بهدوء كيفك يا واد عمي ،، رفع جمال عينيه
بلعفة فهو بداخله يشعر كأنه مرت اعوام ولبست ايام بدون ان يراها فتحدث زين يا صفية اجعدي عايزك في كلمتين
،، جلست صفية وهي تفرك يدها في توتر وفي داخلها تتمني
ان يكون احساسها صحيح وانه سخبرها انه قد سامحها ويطلب منها الرجوع وحتما ستوافق علي الفور وتعود معه للبيت ويبدأون حياه جديدة سويا قطع افكارها وهو يتحدث بهدوء صفية انا چاي انهاردة عشان اطلب منك انك ترچعيلي
،، ابتسمت صفية بسعادة وقلبها يرقص فرحا بهذا الخبر ولكن
لم تكمل فرحتها للأخر فابتسامتها اتمحت حين اكمل كلامه
الذي وجع قلبها بشدة ،، قال لها انا فكرت كتير ولجيت ان لازم نرچع لبعض عشان العيال حرام يتربو وهما بعاد عننا
وانا برضه مش هرضي اني احرمك منهم ولا هرضي ان راچل غريب يدخل عليهم عشان اكده بجولك نرچع واهو العيال تتربي وسطينا ولو عليا انا هيبجالي قوضة لحالي وكل اللي بينا العيال وبس ايه رأيك ،، لا تعلم ماذا تقول هل توبخه
هل تنهره علي مافعله بها الآن فهو رفعها لاعلي فوق السحاب
وفجأة هوي بها لسابع ارض لما كل هذا العقاب الا يكفي ما فعله بها ام سيظل يحاسبها علي ماضيها طوال العمر لا تعلم بماذا تخبره هل توافق ام ترفض وكفي اهانة لها ولكن مهلا فهو علي حق فما ذنب اولادها هل لأجل كرامتها ستجعلهم
مشتتين بينها وبينه لا بالطبع لا فوقفت والدموع بعينيها
وتحدثت بحزن انا موافجة اتحدت مع ابوي واخوي وتركته
وذهبت ولم تنتظر منه رد فعل،، اما هو شبح ابتسامة زينت وجهه وخرج هو الاخر ليتحدث الي عمه وابن عمه .
🌹🌹🌹🌹🌹🌹استغفر الله العظيم من كل ذنب عظيم
في بيت الحج عتمان كانت منال تجلس مع غرام لتفرحها وتعلمها ان جابر لن يخرج ثانيا احتضنتها غرام ببكاء وتحدثت بفرح انا مش مصدقة ان خلاص كدة مش هعيش في رعب تاني منه ،، منال بابتسامة خلاص يا حبيبة قلبي الكابوس هترتاحي منه علطول تقدري تعيشي في سعادة مع جوزك ربنا يسعدكو يارب ،، متشكرة اووي علي كل اللي عملتيه معايا يا طنط منال ،، منال بندم انا معملتش حاجة انا كان نفسي بس اعوضك ولو شوية عن اللي عملته معاكي واتمني انك تسامحيني واوعدك مش هتشوفيني تاني عشان متفتكريش الايام دي ،، منال وهي تمسك يدها بحب انا كفاية عليا انك تكوني جمبي واحس انك بتحبيني من قلبك وعشان خاطري خليكي عايشة معايا انا مش عايزاكي تمشي ،، منال بابتسامة مش هينفع يا حبيبتي خلاص اوعدك هزورك كل فترة ده انتي بنتي ياغرام ،، قاطعهم دخول صقر وهو يضحك هو انا چيت في وجت مش مناسب ولا ايه ،، نظرت له غرام بعشق وتحدثت لا طبعا انت تيجي في اي وقت تعالي افرحك معايا خلاص جابر كدة مش هيخرج تاني طنط منال اتهمته بقتل بابا وكانت مسجلاله يعني دليل قوي ومش هيعرف يخرج ،، صقر وهو يجلس بجانبها منا عارف وكنت متابع الموضوع الحمد لله انه اتحبس ومش هيخرچ تاني ربنا ينتجم منه وامسك يد غرام واكمل اظن بجي دلوجتي
معتيش خايفة من حاچة ،، غرام بابتسامة منا قولتلك اني كنت بخاف عليك بخاف يأذيني فيك مكنتش هستحمل
ربنا يديمك ليا ،، صقر بعشق ويخليكي ليا يا روح جلبي .
🌹🌹🌹🌹🌹🌹لا اله الا الله سيدنا محمد رسول الله
بعد فترة في القاهرة تحديدا في مصنع الغرباوي يمشي ادهم في طريقه لمكتبه بين الموظفين ولكن في داخله يشعر انه مكسور ومهزوز يشعر ان الجميع يتهامسون عليه يتحدثون علي سذاجته يلعن نفسه لانه من سمح لها بالتلاعب به هكذا وهو في طريقه سمع نها وهي تنادي عليه فاغمض عينيه بغضب وعزم علي فعل شئ ما فالتف لها وتوجه ناحيتها
فتحدثت هيا بدلال حبيبي ازيك ،، نظر لها ادهم بغضب وصفعها امام كل من بالمكان فنظرت له بخوف وتوتر فتحدث بصوت عالي اوعي تنسي نفسك انتي فاهمة انتي مچرد موظفة هنا في المصنع ولو عشان سمحتلك بانك تتقربي مني يبقي مفكرة حالك هتاخدي وضع اكبر من حچمك لا فوووقي
انتي واحدة سهلة وانتي مش النوع اللي يعچبني ومش كل واحدة هكلمها كلمتين تفتكر نفسها انها هتوقعني في حبها ورفع صوته اكثر انا مش عايز بعد كدة حد يتعدي حدوده معايا فاهمين واللي هتفكر تعمل نفسها ذكية وتتعدي حدودها يبجي بالسلامة واعاد نظره لنها المصدومة من كلامه وانتي ملكيش شغل هنا يلااااا في ستين داهية وكل واحد علي شغله ،، لم تصدق نها ما قاله ما الذي حدث هل علم بما فعلته وظلت تفكر في الامر وهي غاضبة لفشل خطتها وادهم الذي اضاع بماله منها ،، اما ادهم تركهم ودخل وجلس علي مكتبه بضيق وظل يفكر في فاطمة .
🌹🌹🌹🌹🌹🌹 استغفر الله العظيم
بعد فترة جمال رد صفية لعصمته والجميع كان في قمة السعادة لاجلهم ماعدا صفية نفسها كانت حزينة بداخلها لعلمها السبب الحقيقي لرجوعها لجمال ايضها هو في داخله
يشعر ان روحه عادت له من جديد في غرفة صفية كانت الدموع في عينيها لا تعلم هل يوجد امل ام تنسي جمال وتعيش لاجل اولادها ولكن بداخلها سعيدة لانها عادت لبيتها وعلي اسمه من جديد قطع افكارها خبط علي الباب ووجدت جمال يدخل شعرت بدقات قلبها تزيد ........... يتبع 🔥
البارت الثاني والعشرون والاخييير 🔥
دخل جمال ووقف امام صفية وهو متوتر لا يعلم لما قادته قدماه لغرفتها ولكن وجد نفسه يأتي اليها فهي الآن اصبحت ملكه ثانياً وليست ملك لرجل غيره نعم جزء في قلبه ما زال
لم يصفي بعد ما زال يتذكر ما فعلته ولكن تجاهل ذلك الجزء
وخطي وراء احساسه بأنه يعشقها قاطع تفكيره صفيه وهيا تحدثه يا چمال انت كويس ، رد جمال بابتسامة انا جيت اخد بس حاچة من دولابي ،، صفية بحزن وخيبة امل اتفضل،، ذهب جمال امام دولابه وهو يفكر ثم عاد ووقف امامها وتحدث وهو ينهج كأنه في سباق بينه وبين نفسه وتحدث
بسرعة صفية تتچوزيني ،، اتصدمت صفية جدا ولا تعلم
هل سمعت صح ؟ ثم ردت باستغراب ما احنا متچوزين يا چمال انت جصدك ايه ثم نظرت ليديه التي امسكت يدها بحنان وشعرت بخفقان قلبها لفعلته تلك واعادت النظر لعينيه
وهو يقول لها ،، انا جصدي چواز بجد يعني المرادي تكوني حبيبتي ومرتي وانا ابجي حبيبك يا صفية مش چوزك بس
،، اتنهدت صفية براحة وكأنها ردت روحها لها عند سماعها
كلماته وتحدثت وهي تقطع خطوة تقربها منه ونظرت في عينيه انا موافجة اني ابچي مرتك وحبيبتك وموافجة انك تبجي حبيبي وچوزي وابو ولادي انا يمكن مكنتش شايفة چمال اللي قدامي دلوجتي من زمان وكنت غبية والله يا چمال كنت غبية بس دلوجتي انا بحبك جوي واكتشفت اني محبتش غيرك معرفتش جيمتك غير لما بعدت عني لما حسيت انك هتروح مني سعتها بس عرفت اني عشجاك يا واد عمي عشجاك ومعشجتش غيرك صدجني عارف لما جولتلي انك هتتچوز كأنك چبت سكينة ودبتها في جلبي كنت هبلة ومكنتش واعية لحبك ليا بس دلوك عندي استعداد اني افضل معاك عمري كله بس متحرمنيش منك يا چمال ،، كان يستمع لكل كلمة وقلبه يخفق بشدة لا يصدق انها اخيرا تعشقه طفلته التي تربت امام عينيه تعترف انها تحبه مثلما عشقها منذ صغرها اقترب منها واخذها باحضانه وهي احتضنته بشوق وهي تبكي فرحا فلم تكن تتخيل انه سيعفو عنها ويغفر لها ،، وهي باحضانه همس لها في اذنها بعشق بحبك جوي يا صفية ،، صفية بفرحة وانا عشجانك يا واد عمي .
🌹🌹🌹🌹🌹استغفر الله العظيم من كل ذنب عظيم
تسلم ايدك يا طنط الاكل تحفة قالها أنس وهو عالسفرة في بيت عمة فاطمة فهي اصرت علي ان تعزمه فهو خطيب ابنة اخيها الغالية ،، تحدثت عمة فاطمة تسلم يا حبيبي بألف هنا علي فكرة بقي فاطمة اللي طابخة انهاردة صممت تعملك الاكل كله بأيدها ،، نظر انس لفاطمة بعشق وتحدث انا عارف اني محظوظ بيها ،، خجلت فاطمة من حديثه هكذا امام عمتها وبعد الغداء كانو جميعا يجلسون سويا وتحدث انس مش شايفة بقي اننا لازم ناخد الخطوة يا فاطمة عالاقل نكتب كتابنا وبعد الامتحانات نتجوز وكملي براحتك واحنا مع بعض ،، تحدثت عمتها بفرح والله فكرة جميلة وأنس عنده حق يا فاطمة خير البر عاجله يا بنتي وانتي عرفتيه اهو بقالك فترة ،، اتنهدت فاطمة معلش يا أنس خلينا نستني شوية ،، انس اضايق ولكنه محبش يضغط عليها ،، فتحدثت ابنه عمتها معرفتيش يا فاطمة مش ادهم ساب خطيبته
انا لسة عارفة من يومين بجد مكنتش مصدقة اصلا كنت عارفة انه هيسيبها البت دي مش كويسة طمعانة فيه ،، نظر أنس لفاطمة بغموض وهيا ايضا نظرت له بتوتر فهو يحاول ان يري ردة فعلها وايضا جاء في خاطره انها من الممكن انها تعلم لذلك رفضت ان يكتبو الكتاب قام انس واستأذن منهم
وهو يشعر بالضيق ،، فاطمة ذهبت وراءه ونادت عليه أنس
استني يا أنس ،، التف لها وهو يحاول ان يخفي حزنه نعم يا فاطمة ،، تحدثت بتوتر انت زعلت ليه ،، نظر في عينيها وتحدث انا مش زعلان يا فاطمة انا بس كنت فاكر انك خلاص وصمت ولم يكمل جملته فغيرت فاطمة الموضوع طيب في حاجة عايزة اكلمك فيها ،، خير في ايه ،، اخويا كامل كلمني وجالي انه عايز يخطب نورهان اختك وانه يعني
معجب بيها ،،انس بجدية خلاص ان شاء الله هفاتح والدي في الموضوع وابلغك تصبحي علي خير وتركها وذهب ،، اما هيا فلا تعلم لما لم تحدثه في الامر فهي تعلم سبب انفعاله هكذا .
🌹🌹🌹🌹🌹 استغفر الله العظيم واتوب اليه
كان صقر في غرفته وخرجت غرام من الحمام وجلست بجانبه وتحدثت بحب صقر ممكن اطلب منك حاجة ،، امم حاچة واحدة بس انتي تؤمري يا غرامي ،، كنت يعني عايزاك تكلم طنط منال عشان تعيش معانا هنا ،، صقر بابتسامة انتي عارفة اني مش ممانع هيا اللي موافجتش ،، غرام بتردد ماهو بصراحة هيا اكيد عارفة انك بتكر*ها وعشان كدة هيا موافقتش عشان خاطري كلمها تاني ،، صقر وهو يحتضنها بحب. من عيني حاضر هحدتها تاني واخليها تيجي تجعد اهنه ولو وصلت اني اخطفهالك هعملها ، ضحكت وهي تقوم من مكانها مش للدرجادي يعني بس انت كلمها وان شاء الله هتوافق ،،صقر تحدث وهو يمسك يدها غرام تعالي رايحة فين ،، احم صقر انا قاطعها صقر وهو يتحدث بحنان مالك يا غرام انتي من اول چوازنا وانتي خايفة علطول خايفة اكده
،، جلست بجانبه وتحدثت بحزن انا اسفه بس غصب عني
،، صقر بخوف انتي خايفة مني يا غرام ،، ردت بسرعة لتنفي ما يفكر به ابدا والله انا بحبك اوي يا صقر بس يعني انا
،، قاطعها صقر فهمت انا مش الراچل اللي تتمنيه مش اكده
فهمت يا غرام انتي بنت البندر هتحبي صعيدي كيف يعني
،، قاطعته غرام صقر انت فاهم غلط انا ،، لم يمهلها فرصة للرد تركها وذهب واغلق الباب وراءه.
🌹🌹🌹🌹🌹 استغفر الله العظيم
في اليوم التالي كانت فاطمة في طريقها لبيت عمتها ولكن اتصدمت حينما رأت ادهم امامها وقفت فجأة ولم تعلم ما
تفعله ولا تفسر ما تشعر به الأن تقدمت نحوه بهدوء ،، اما ادهم فمجرد ان رأها شعر بالراحة كأنه كان في غربة وعاد ثانياً فتحدث بتوتر كيفك يا فاطمة ،، ردت بتوتر كويسة الحمد لله انت كيفك يا واد عمي ،، ادهم بحزن واد عمك بس ؟ ،، فاطمة بثقة طبعا اومال ايه انت واد عمي مش اكتر من اكده ،، ادهم بندم عارف اني غلط يا فاطمة وچايلك وعندي امل تسامحيني ونرچع تاني وتبچي ليا ،، نظرت له فاطمة بملامح خالية من اي تعبير فهي في داخلها تستغرب نفسها لما ليست سعيدة من حديثه لما جاء انس في بالها وابتسمت لانها تأكدت من شئ ما فردت عليه ،، معدتش ينفع يا ادهم انت سبتني ومبصتش ورااك ولا حتي فكرت فيا
انت دوست علي كل اللي بينا وانت اللي موته بيدك ودلوجتي چاي تجولي نرچع اصلا مبجاش في حاچة نرچع عشانها انا دلوجتي لجيت الراچل الي حبني بچد اللي وجف جمبي وخلاني ارچع ثقتي في نفسي تاني واللي بسببك دلوجتي اتأكدت اني عشجاه انا كمان ربنا يرزجك ببنت الحلال اللي تستاهلك يا واد عمي مع السلامة وتركته ودخلت الي البيت ،، اما ادهم اغمض عينيه بحزن وندم فهو من اضاعها بيديه والان اصبحت لرجل غيره ،، ومن بعيد كان أنس في طريق عودته لمنزله ورأهم سويا وشعر بالغضب والحزن ايضا فهو منذ ان علم بفسخ خطوبة ادهم تأكد انه سيحاول العودة لفاطمة وعندما رأها تبتسم تأكد انها سامحته وستتركه وتعود لادهم مرة ثانيآ وسمع رنين هاتفه ووجدها فاطمة رد عليها بهدوء الو ،فاطمة بفرحة أنس ازيك ،، رد أنس بحزن فهو يعلم سبب سعادتها تمام كويس ،، طيب عمي
عتمان عامل عزومة عائلية اكده بكرة بمناسبة رچوع جمال واد عمي وخيتي لبعض وطبعا حدتني وجالي اجولك واكملت بخجل وكمان انا عايزة اتحدت معاك في موضوع اكده ،، حرك انس رأسه وتحدث في سره عارف يا فاطمة عارف اللي عايزة تقؤليه فهو في مخيلته انها ستتركه ،، تحدثت فاطمة
ها موافج ،، انس بهدوء تمام يا فاطمة هعدي عليكي بكرة ان شاء الله سلام دلوقتي عشان مشغول واغلق الخط وقلبه يؤلمه
🌹🌹🌹🌹🌹استغفر الله العظيم من كل ذنب عظيم
في بيت عتمان كان الجميع يجلسون سويا فجمال يجلس بجانب صفية واضعا يده علي كتفها يضمها اليه بعشق
فلا يصدق انه يفعل ذلك امامهم جميعا ولكن لما لا فالحب افعال وهو يحب صفية ومشاعره هيا ما تجعله يتعامل معها
هكذا اما هيا في دنيا اخري تريد من يخبرها انها ليست في حلم بل واقع جميل فهي الآن في احضان زوجها جمال فلا تريد شيئا فقط هو ولا احد غيره نظرت له بعشق وتحدثت بهمس ربنا ما يحرمني منك يا چمال ،، رد عليها جمال بنفس الهمس ولا يحرمني منك يا جلبي .
وانس كان يشعر بالغضب وهو يري نظرات ادهم لفاطمة وهي بجانبه وفاطمة تشعر بما يشعر به وارادت ان تغلق هذا الباب للأبد فنظرت لأنس وتحدثت انا قولتلك اني عايزاك في موضوع ،، تحدث انس بخوف ايوة فاكر واعتقد عندي خلفية
،، نظرت له باستغراب انت عارف انا عايزاك في ايه ،، تحدث انس بهدوء يعني خمنت كدة ونظر لادهم ،، فهمت فاطمة ما يدور في خاطره طيب قولي انا عايزاك في ايه ،، تحدث بحزن انا عارف يا فاطمة ان ادهم جالك عند عمتك وشوفتكو وانتو واقفين مع بعض وطبعا عارف انه عايزك ترجعيله وعشان كدة انتي عايزاني عشان نفسخ الخطوبة وترجعيله
،، فاطمة بحزن وانت عندك استعداد تسبني ليه ،، ابتسم بحزن وتحدث لو دي حاجة هتسعدك انا مستعد اني ابعد عنك طالما انتي لسة بتحبيه ،، فاطمة بابتسامه انت مش فاهم حاجة خالص يا أنس ،، انس باستغراب مش فاهم
،، فاطمة بسعادة يعني هضيع الوقت كدة مش هتفاتح بابا في كتب كتابنا ولا غيرت رأيك يا دكتور ،، انس ابتسم وكأنه لا يصدق ما يسمعه وتحدث بغباء يعني انتي قصدك انك يعني
موافقة يعني بتحبيني مش كدة ،، ابتسمت بخجل وتحدثت بفرحة لا دي بقي هجاوبك عليها بعد كتب كتابنا ،، شعر انس بالسعادة وذهب القلق الذي كان بداخله فهي الآن قررت ان تبقي بجانبه وعلي اسمه نظر لها بعشق وتحدث بهمس بحبك
وابتسمت له فاطمة بخجل ،، اما ادهم فهو كان بتابعهم من بعيد وعلم انه خسر فاطمة للأبد .
اما صقر فكان حزين فهو احب غرام وهي فقط من جعلته يعود كما كان عشقها واسكنها قلبه وحزن عندما علم انها لم تحبه مثلما يحبها فهذا السبب الوحيد الذي يجعلها تبتعد عنه
هي تريده حماية وليست معترفة به زوج اغمض عينيه بحزن
وشعر بمن تجلس بجانبه فتح عينيه وجدها غرام بابتسامتها
التي خطفت قلبه منذ اول نظرة ،، نظرت له غرام وتحدثت بعتاب بقي كدة تسيب مراتك حبيبتك تنام لوحدها زعلانة
،، نظر لها ولم يرد فاقتربت من اذنه مما جعل قلبه ينبض عشقا و تحدثت بهمس بحبك يا صقري وكان نفسي من زمان اني اعيش قصة حب وصدقني ملقتش احلي من
الغرام الصَعيدي ونفسي في بيبي صغنون يكون شبهك عشان لما تغيب عني ابصله واحس بالامان لحد ما ترجعلي تاني ،، ابتسم لها بعشق وعلم انها تعشقه واثبتت له بأنه فقط من اسكن قلبها فامسك يدها وشبك اصابعها بأصابعه
وتحدث بعشق وانا بحبك جوي يا غرامي انتي اللي خليتي لحياتي طعم ربنا يباركلي فيكي وتفضلي منورة حياتي دايما .
اما عتمان فكان سعيد وهو يتابع كل واحد منهم مع شريكة حياته وايضا ادهم فرح عندما علم بأنه ابتعد عن نها ودعا ان يجد من يحبها واتنهد بارتياح خصوصا انه علم ان جابر اخذ اعد*ام لق*تل والد غرام ولم يتحدث في الامر او يخبرهم بشئ فنظر لعزيزة التي حركت رأسها بإيجاب وكانها تعلم ما يفكر به زوجها ودعت لأولادها ان يعيشو بسعادة دائما .
تمت
بداية الروايه من هنا 👇👇👇
الي اللقاء في الجزء الثاني من غرام صَعيدي
