 |
رواية غرام صعيدي الجزء الاول
اقتباس
البارت الاول والتاني والتالت
بقلم اسراء ابراهيم
غرام 💔💔💔 صعيدي💔💔
ام صقر برجاء لع يا ولدي انت الكبير وانا عايزة افرح بيك يا صقر جبل ما اموت ، بعد الشر عنك يا ست الكل بس انا مش رايد الموضوع ده انتي اكده بتظلميها هيا عشان عارفة اللي فيها ، ماهو عشان تنسي لازم تتچوز يا ولدي ، مجدرش ياما غصب عني عشان خاطري يا حچة خرچيني من الموضوع ده ، هتكسر كلمتي يا صقر قالها ابو صقر وهو داخل البيت ، لع مجدرش يابوي انا بس مش رايدها ، وانا خلاص چولت كلمتي هتتچوزها يعني هتتچوزها ،بقلمي اسراء ابراهيم
صقر بغضب مدفون اللي تؤمر بيه يبوي مجدرش اكسر كلمتك .
💥💥💥💥💥💥💥💥
وضعت غرام الطعام ودخلت غرفتها بسرعة لعلها تبعد عن عيون جابر التي تشمئز منها دخلت غرفتها وصلت فرضها وبكت علي ماهيا فيه وطلبت من الله انا ينجدها من امها وزوجها الخبيث وسمعت صوت امها تناديها فخرجت وهيا تعدل حجابها وهدومها بهستيرية ، نعم يا ماما ، ايه ياختي كل ده يلا شيلي الاكل وروقي واعملي الشاي بسرعة وانا هروح للخياطة وجاية علطول ، لا بالله عليكي يا ماما متخرجيش قالت ذالك وهي تنظر لجابر بخوف ورعب ، ليه ياختي بتخافي نغة انتي ولا ايه يلا بلاش دلع هروح واجي علطول اشوفها عملت ايه في العبايتين بتوعي يارب تكون خلصتهم وقامت لبست وخرجت ، نظرت غرام لجابر برعب
البارت الاول
انتي بتجولي ايه ياما انتي عاوزاني اخد واحدة من مصر يعني لا تعرف عوايدنا ولا اصولنا حديت ايه ده عاد اللي بتجوليه ،ياصقر افهم دي بت غلبانة ابوها ميت وملهاش حد ،
وه وانا مالي بكل ده انا مرايدهاش يما خلاص چوزيها لادهم ولا لچمال ، مينفعش يا ولدي چمال متچوز و ادهم اخوك خاطب وانت عارف وكدة تبجي بتظلمه يا ولدي لما يسيب عروسته ، اباااي وانا اللي مش هتظلم يعني لما اتجوز واحدة معرفهاش ، لع انت الكبير وانا عايزة افرح بيك يا صقر جبل ما اموت ، بعد الشر عنك يا ست الكل بس انا مش رايد الموضوع ده انتي كدة بتظلميها هيا عشان عارفة اللي فيها ، ماهو عشان تنساها لازم تتجوز يا ولدي ، مجدرش ياما غصب عني عشان خاطري يا حجة خرجيني من الموضوع ده ، هتكسر كلمتي يا صقر قالها ابو صقر وهو داخل البيت ، لع مجدرش يابوي انا بس مش رايدها ، وانا خلاص جولت كلمتي هتتجوزها يعني هتتجوزها ،بقلمي اسراء ابراهيم
صقر بغضب مدفون اللي تؤمر بيه يبوي مجدرش اكسر كلمتك ، زين يا ولدي ربنا يكملك بعچلك ، زغرطت ام صقر وقالتله دي يا بختها يا ولدي اللي هتتچوزك عمدة الكفر وكبير عيلة الغرباوي کٍلها ،صقر بغضب في نفسه بيتوعد لتلك العروس ، خير يا مرت عمي بتزغرطي ليه ، تعالي يا صفيه باركي لصقر هيتچوز ، صفية بغضب مبروك يا واد عمي ، صقر بلا مبالاه الله يبارك فيكي يا صفية اومال فين چوزك ، راح الارض من بدري عشان عنده شغل گتير ، الله يعينه يا مرت اخوي ، ابو صقر بجدية يا صقر يلا هنروح لعروستك نتفج ، بالسرعة دي يابوي ، ايوة يا ولدي بعدين نبجي نحكي يلا هم بينا دلوجتي ، حاضر هطلع اغير خلاجاتي وانزل ، كل هذا تحت نظرات صفية الغاضبة .
🌹🌹🌹🌹🌹🌹🌹صلو علي رسول الله
في مكان اخر تقوم غرام من النوم مفزوعة علي ركلة شخص لها ، قومي ياختي كل ده نوم ، يا ماما انا مبنمش بليل اصلا وعلي ما خلصت اللي ورايا قولت اريح شوية ، وايه اللي خلاكي متناميش ياختي بتحبي جديد ، نظرت لامها بقهر ولسة هتتكلم وهو انتي تعرفي عني ايه انا مش بيغمضلي عين بليل بسبب جو ، قاطعت كلامها امها انتي هتحكيلي قصتك يلا قومي حضري الغدا لعمك جابر ، بحزن حاضر ياماما قايمة اهو ، حضرت الغداء ووضعته عالسفرة مع نظرات جابرالمتفحصة لها ، وضعت الطعام ودخلت غرفتها بسرعة لعلها تبعد عن عيون جابر التي تشمئز منها دخلت غرفتها وصلت فرضها وبكت علي ماهيا فيه وطلبت من الله انا ينجدها من امها وزوجها الخبيث وسمعت صوت امها تناديها فخرجت وهيا تعدل حجابها وهدومها بهستيرية ، نعم يا ماما ، ايه ياختي كل ده يلا شيلي الاكل وروقي واعملي الشاي بسرعة وانا هروح للخياطة وجاية علطول ، لا بالله عليكي يا ماما متخرجيش قالت ذالك وهي تنظر لجابر بخوف ورعب ، ليه ياختي بتخافي نغة انتي ولا ايه يلا بلاش دلع هروح واجي علطول اشوفها عملت ايه في العبايتين بتوعي يارب تكون خلصتهم وقامت لبست وخرجت ، نظرت غرام لجابر برعب وهو نظر لها برغبة ورجعت غرام خطوة للخلف وهو يبتسم لها ابتسامة ساخرة ويتقدم للامام تجاها حتي رأته قادم نحوها فجرت تجاه غرفتها واغلقت الباب ووقفت وراءه وهي تنهج وتبكي بخوف من خبط جابر عالباب ، بقلمي اسراء ابراهيم المرادي مش هتعرفي تهربي مني يا غرام واللي مش عارف اخده من زمان هاخده دلوقتي وبراحتي قال هذا وهو يحاول فتح الباب بعنف وهي ترتعش بخوف منه ومن ما سوف يحدث لها وجاء فكرة بخاطرها فابتعدت عن الباب واختبأت بجانب الدولاب ، فتح جابر الباب بعد ما دفعه دفعة قوية ودخل يبحث عنها وهيا من الخوف ترتعش وعندما جاءت اللحظة المناسبة فخرجت جري وهو وراءه وذهبت لباب الشقة وفتحته وجاءت تخرج حتي اصطدمت بجسم صلب ولم تمهل نفسها فرصة لتعرف من هو فكل همها ان ينجدها اي شخص من زوج امها واختبأت باحضانه وكأنها تهرب من كل شئ سئ مرت به ورفعت وجهها ونظرت له ، نعم انه صقر الغروباوي وقالت بضعف
ا ل ح ق ني ووقعت مغشيا عليها بين احضانه تفاجأ صقر وحملها ونظر لجابر بغضب جحيمي ........يتبع 🔥
البارت التاني والثالث
غرام صعيدي
نظر صقر لجابر بغضب جحيمي ودخل وهو يحمل غرام التي فاقدة الوعي وخلفهم ابو صقر (عتمان ) بعد فترة فاقت غرام وهيا مفزوعة بلهفة وخوف من ان تكون بين يدي زوج امها جابر ، استهدي بالله يا بنيتي متجلجيش احنا هنه جارك ، انتبهت غرام فوجدت رجل كبير في السن ومعه راجل اقل ما يقال عليه انه وسيم جدا وامها وزوج امها وكانت امها تندر لها بشك ، مالك ايه اللي حصل يا بت ، نظرت غرام لزوج امها بخوف منه ، هه مفيش يا ماما مفيش انا بس كنت خايفة من الفار اللي في الشقة وخرجت جري واغمي عليا ، ابتسم جابر بخبث وقالها طيب مش تقؤليلي يابنتي وانا كنت موتهولك ،
لاحظ صقر خوفها وشك انها تكذب وان هناك سبب اخر لخوفها بهذه الطريقة ،بقلمي اسراء ابراهيم، تحدثت امها بملل اهلا يا حج عتمان نورتو بس هو في حاجة يعني اقصد سبب الزيارة ايه ، نظر صقر لها بغضب وتحدث بعصبية الزمي حدودوك يا خرفانة انتي متعرفيش بتتحدتي مع مين ولا ايه ، بخوف لا طبعا عارفة عتمان صاحب المرحوم الله يرحمه ،تجاهل عتمان كلامها ووجه كلامه لغرام ، بصي يا ابنيتي انا وابوكي كنا صحاب الروح بالروح وانتي ولد الغالي وهو وصاني عليكي وانتي وصيتي ولازم احافظ عليكي ، غرام بدموع وكنت فين يا عمي الحج كل السنين دي ، حجك عليا يا ولد الغالي بس يعلم ربنا انا دورت عليكي گتير وروحتلك بعد موت الغالي الله يرحمه بس ملجتكيش وعرفت انكو عزلتو ومسكتش برضه دورت لحد ما عرفت طريجك وجيت طوالي ، كل هذا وصقر ينظر لهذه الحورية اقل ما يقال عليها حورية فان جمالها فاق كل شئ فغرام ذات عيون واسعة زرقاء بلون البحر مع بشرة ناصعة البياض وملامح طفولية بريئة تخطف قلب كل من يراها وانتبه علي كلام غرام لابوه ، طيب خدني معاك يا عمي الحج عشان خاطري لو ليا خاطر وحيات غلاوة بابا عندك خدني من هنا وانا والله هشيل جميلك العمر كله بس خدني من هنا وبكت بحرقة ، بقلمي اسراء ابراهيم ، شعر صقر بقلبه يؤلمه فقط لرؤيتها هذه فأن توسلها يجعل من يراها ينفطر قلبه لاجلها واستغرب انها هيا التي تعرض عليهم الذهاب معهم واكد لنفسه شكوكه ان زوج امها له علاقة بكل هذا وغضب بشدة عند تفكيره بأن زوج امها السبب ، متجلجيش يا بنيتي انا چاي انهاردة عشان كدة انا چاي اطلب يدك لابني صقر ، ايه الكلام ده لا طبعا مستحيل قالها جابر بغل واندفاع وتدارك ما قاله بصحح ذلة لسانه ااقصد يعني البت صغيرة عالجواز لسة
، غرام بلهفة وانا موافقة يا عمي الحج بس ابوس ايدك خدني معاك متسبنيش هنا قالت هذا وهيا تنظر لجابر بخوف ، نظر لها صقر باستغراب الان وضحت له الرؤية وتأكد من ظنونه
واقسم في نفسه انه لن يرحمه ولكن مهلا تصبح فقط علي اسمه وسيعرفه مقامه جيدا ، الام ايه للدرجادي عايزة تمشي ماشي ياختي روحي بس يارب تعمري ومترجعليش تاني وانتي مطلقة ، نظرت لها غرام بحزن وقالت لها لو هموت هناك اهون عندي من العيشة معاكي ربنا يسامحك يا ماما ،
جومي حضري نفسك يا بنيتي يلا عشان نمشي جبل الليل ما يحل علينا ،قامت غرام بسرعة وكأنها خائفة انا يرجعو بقرارهم ويتركوها لهذا الجابر المفترس .بقلمي اسراء ابراهيم
🌹🌹🌹🌹🌹 🌹🌹🌹استغفرووو
همي يا بت منك ليها جبل ما يوصلو يلا ، بدور بت يا بدور،
نعم يا عمة ، الوكل جهز ولا لسة ، خلاص يا عمة هطفي النار اهو ، كويس وصفية فينها ، خلصت معانا وطلعت تغير هدومها يا عمة ، ماشي روحي انتي واما يجو هشيعلك تحطي الوكل ، اللي تؤمري بيه يا عمة ، اه يا ناااري بجي انا صفية بنت الحچ عرفان تيجي واحدة وتبچي ست الدار وانا لع اااخ كله منه ماشي يا چمال ، دخل جمال بتندبي ليه يا صفيه عالمسا ، نظرت له بغضب واه هكون بندب ليه يا واد عمي كله منك انت السبب ياما چولتلك حاول تتقرب لابوك بدل ما صقر ياخد كل حاچة بس انت اللي دماغك كيف الحچر ، بقلمي اسراء ابراهيم ، وانتي ايش دخلك بينا احنا خوات وانا وصقر اخوي زي بعض وهو الگبير ويعمل اللي هو عاوزه فاهمة ولا لع ، الحچ عليا خايفة عليك ، ملكيش صالح بينا اخرجي انتي وهيا تعمر وفزي جومي طلعيلي هدوم علي ما اتحمم بلا جرف ، اوف ده ايه الحظ ده مش كنت اتچوزت انا صقر كان زماني متهنية وست الدار انا اللي دايما اكده حظي عفش يلا بلا هم ، بقلمي اسراء ابراهيم
🌹🌹🌹🌹🌹 لا حول ولا قوة الا بالله
نزلت غرام من العربية بخوف من المستقبل ولكن مهلا فما سيحدث معي ارحم بكثير مما رأيته في بيت امي ، تعالي يا بتي متخفيش هنا دارك واحنا اهلك وناسك ، ابتسمت بخجل ودخلت مع عتمان البيت ، اهلا يا بتي تعالي تعالي متخفيش انا زي امك حضنتها ام صقر وغرام بادلتها الحضن وشعرت بالامان وسط هذه العائلة الكبيرة ، تعالي يابتي اجعدي ده انتي هتبجي مرت الغالي ، فركت غرام يدها بتوتر ونظرت لصقر بتوجس ،وسمعو صوت من خلفهم بس انا مش موافق عالچوازة دي يا بوي تفاجأ صقر با...........يتبع 🔥
البارت التالت
نظرو جميعا لمصدر الصوت واتجه صقر بهدوء غريب وغرام شعرت بالخوف وفي داخلها يارب مرجعش تاني هناك يارب خليك جنبي انا تعبت ومش هقدر ارجع هناك تاني ، وقف صقر امام الشخص وفجأة ضحكو جميعا ، مش هتبطل هزارك الماسخ ده يا واد ، عيب عليك يا وِلد ابوي مبجاش ادهم لو مهزرتش بس دخلت عليكو مش اكده وحضنو بعض هو وصقر ، متجلجيش يا بتي ده ادهم اخو صقر الصغير ، هزت رأسها مع ابتسامة بسيطة وتنفست بارتياح ، تعالي يا ادهم سلم علي خطيبة اخوك ،بقلمي اسراء ابراهيم اهلا وسهلا نورتي بلدنا ، غرام بابتسامة متشكرة دي منورة بأهلها ، يا بدور خدي غرام وريها جوضتها روحي معاها يا بتي ريحي انتي اكيد تعبتي من الطريج ، هزت رأسها وذهبت ،ابوي انا عايز اتحدت معاك ضروري ، تعالي يا صقر نجعد في المندرة ونتحدتو براحتنا واعمليلنا شاي يا عزيزة ،من عيني يا حج ايه ده وانا محدش هيعبرني ولا ايه ده انا لسة چاي من سفر يا ناس ، ضحكت عزيزة لع وانا اجدر يا نن عين امك تعالي هوكلك وكل احسن من بتاع مصر اللي ملوش طعم ،اه والله يما ده انا بطني نشفت .
⭐⭐⭐⭐⭐⭐ لا اله الا الله
جابر بعصبية شديدة انتي ازاي توافقي علي حاجة زي دي ،
هو ايه اللي ازاي هو انا كنت هلاقي جوازة زي دي فين دول ناس اغنيا اوي انا اعرفهم من ايام المرحوم ، لا بس برضه البت صغيرة ، بشك بقؤلك ايه هو ايه الموضوع بالظبط ، بتلعثم موضوع ايه البنت زي بنتي يعني وانا شايف انها صغيره على الجواز ، ولا صغيره ولا حاجه انت اللي مكبر الموضوع وبعدين اهي سابت البيت عشان اعرف اخذ راحتي معاك ولا ايه قالت الاخيرة بدلع ، جابر في محاولة منه لكتم غيظه طبعا يا روحي وفي داخله مش هتعرفي تهربي مني برضه هجيبك يا غرام انتي بتاعتي انا وبس
⭐⭐⭐⭐⭐⭐⭐ استغفر الله
خير يا ولدي ، جولي حكاية غرام عشان ابجي عارف كل حاچة ، بص يا ولدي ابوها كان صاحبي وشريكي في مصر
ودايما كان يشتكيلي من مرته وانها قاسية علي بنتهم وانها
طماعة وتحب الجرش زي عنيها وكل همها الفلوس وبس وفي مرة لجيته بيكلمني وكان تعبان وكان حاسس انه اجله جرب
ووصاني علي بنته وجالي اني لازم اخدها عندي واحافظ عليها لحد ما اسلمها لعريسها بيدي لانه مش مأمن عليها مرته
وخايف منها وفعلا بعديها بكام يوم عرفت انه جابل وجه كريم وعلي ما روحت مصر عالعنوان عرفت ان امها باعت الشجة وعزلت ودورت كتير عليها بس فص ملح وداب
لحد من جريب عرفت مكانهم وأن امها اتچوزت والدم ضرب في نفوخي ازاي الولية جدرت تدخل راچل غريب علي بنتها ومكنش في حل جدامي غير اني اچوزهالك عشان تعيش وسطينا اهنه ومحدش من اهل البلد ياكل وشنا عرفت بجي يا ولدي ، كان يستمع لكل كلمة باهتمام ونظر بعيون غاضبة لوالده ، واضح ان اللي اسمه چابر ده مش مظبوط
انا حاسس اكده يا بوي انت شوفت البت ما صدجت لقتنا ازاي وكانت خايفة لنسيبها ونمشي ، عارف يا ولدي وعشان كدة لازم نسرع بچوازكو عشان تكون في حمايتك وتبچي انت راچلها وسندها ، هز راسه بموافقة تمام هجوم انا اشوف اشغالي ، يوم الخميس كتب كتابك علي غرام والدخلة وانا هبلغ امك عشان الوكل والتچهيزات وهنعمله فرح يليج بصقر الغرباوي ، اللي انت شايفه ياحچ بعد اذنك
⭐⭐⭐⭐⭐⭐ اللهم صلِ علي سيدنا محمد
بعد كام يوم في بيت الغرباوي كانت جالسة عزيزة ومعها صفية وغرام ، وانتي فينها امك يا غرام بجي مجتش يعني عشان الفرح والتچهيزات ، شعرت غرام بالاحراج وخفضت رأسها بحزن ، وانتي مالك يا صفية ما تخليكي في حالك يا اما جومي شوفيلك حاچة اعمليها ، وه انا مجصدش حاچة يا مرت عمي انا بسأل عادي ، غرام ببراءة ولا يهمك يا صفية عادي ، بصي يا بتي عشان تبچي عارفة كل حاچة دي صفية سلفتك ومرت چمال اخو صقر الوسطاني وتبجي بنت عمه وادهم اخوهم الصغير هو خاطب اخت صفية الصغيرة يعني بنت عمه برضه ، تمام يا طنط ، لع طنط ايه انا زي امك جوليلي يا ماما ، ابتسمت غرام وبدموع بجد ممكن اقؤلك يا ماما ،طبعا يا بتي ،حضنتها غرام بتلقائية وكانها تعوض حنان امها التي افتقدته منها ، صفية بصوت غير مسموع اهو من اولها كهن بنات انا چولت دي راسمة علي تجيل ، بقلمي اسراء ابراهيم ، دخل صقر البيت ولمح غرام وكانت نظراته باردة بعض الشئ ولما يعيرها اهتمام ، تعالي يا ولدي ،كيفك يا ست الكل بخير يا ولدي طول ما انت بخير ، كانت غرام متوترة لا تعلم لما هيا تتوتر في وجوده ، مش هتسلم علي عروستك ، احم كيفك يا غرام ، نظرت في الارض بخجل الحمد لله ازي حضرتك ، وه حضرتك ايه يا بتي ده هيبچي چوزك ، صفية بمكر ايوة يا مرت عمي ماهي عيلة بالنسبة لصقر برضك ولا ايه ، صقر ب ..........يتبع 🔥
عند وعدي اهووو ♥️
البارت الرابع والخامس والسادس والسابع والثامن والتاسع من هنا 👇👇👇👇
تعليقات
إرسال تعليق