جميع الروايات كامله

 ⁦✍️⁩تمرد صحفيه⁦✍️⁩

🌻الفصل الثالث  والرابع والخامس 🌻

بقلم دودو محمد

فى شقة سعيد 

فى اوضت داليا 

بعد ما تامر فتش اوضتها ومسك الشنطه بتاعة داليا وفتحها ودور فيها بص لحمزه وداليا وقال 

تامر :- هو انتى خرجتى بالشنطه دى النهارده 

داليا :- ايوه ممكن بقى تقولى فيه ايه وليه كل التفتيش ده 

تامر :- طلع الساعه من شنتطها وقال بتاعة مين دى 

داليا :- بأستغراب ايه دى معرفش ايه جابها فى شنطتى وبتاعة مين اصلا

تامر :- دى ساعة أدهم الحناوى لكن ايه جابها شنطتك اجابتها عندك انتى 

داليا :- بصدمه نعم ساعة أدهم الحناوى 

تامر :- للاسف أدهم الحناوى مقدم فيكى بلاغ بيتهمك بسرقة ساعته الدهب ولازم اخدك معايا القسم

داليا :- لالالا مستحيل حمزه واقف ساكت ليه قول حاجه 

حمزه :- مقدرش اعمل حاجه الدليل معاه ده شغله مقدرش ادخل فيه 

داليا :- ايه اللى انت بتقولو ده يا حمزه 

تامر :- اخوكى فاهم شغلنا للاسف مدام بنلاقى الدليل لازم نعمل تحقيق مع المتهم لحد ما تثبت براءته

داليا :- بدموع متهم لالالا ا.ا.انا مستحيل اقعد ثانيه واحده فى الحجز مع المجرمين انا معملتش حاجه اصلا مظلومه والله انا معرفش مين جاب الساعه دى فى شنطتى وراحت عند حمزه وقالت اتصرف يا حمزه هترضى اختك تدخل الحجز مع المجرمين 

حمزه :- بص الاتجاه التانى وداس على سنانه وقال روحى مع تامر متخفيش مش هينزلك الحجز هيسيبك قاعده معاه فى المكتب وانا هقدر اثبت براءتك ازاى ماشى يا ادهم حسابك كبر معايا اوى 

تامر :- يلا يا استاذه داليا 

داليا :- بصت لحمزه بدموع وخرجت مع تامر 

سعيد :- وهو قاعد على الكنبه قال هو فيه ايه يا ولاد بتعملو ايه فى اوضت داليا 

تامر :- ها ولا حاجه يا عمى كنا بنتكلم فى شغل يخص الصحافه مع الاستاذه داليا وهتيجى معايا شويه نخلص شغلانه صغيره ومش هأخرها وحمزه جاى ورانا 

سعيد :- بص بأستغراب وقال شغل ايه ده ما بين الشرطه وداليا بنتى 

تامر :- ها د.د.ده تحقيق صحفى كانت عامله الاستاذه داليا وفيه بعض المعلومات ضروريه هتيجى معايا المكتب بتاعى علشان تقولى المعلومات دى 

سعيد :- بس انتى شكلك معيطه يا بنتى 

داليا :- لاء يا حبيبى دى عينى دخل حاجه فيها 

مؤمن :- مش عارف ليه مش مصدق كلامكم 

حمزه :- خرج من اوضت داليا وقال مش تحقيق هو يا جماعه روح انت يا تامر سيبك منهم مش هيبطلو أسأله 

تامر :- براحتك يا عمى أسأل زى ما انت عايز ملكش دعوه بالولا اللى اسمه حمزه كأبه ده 

سعيد :- ربنا يجبر بخاطرك يا حبيبى روحو انتو علشان تلحقو تخلصوا شغلكم 

تامر :- حاضر يا عمى عن اذنكم ومشو لحد الباب 

مؤمن :- هو انتى هتمشى بالبجامه يا داليا 

داليا :- بصت على نفسها لاقت نفسها بالبجامه قالت ص.ص.صح نسيت وبصت على تامر وقالت عن اذنك البس هدومى بسرعه 

تامر :- اه طبعآ براحتك 

داليا :- دخلت اوضتها وقعدت على سريرها ودموعها نزلت منها وقالت ازاى بس ايه جابها عندى ومعقول يكون أدهم هو اللى عمل كده فيا علشان ينتقم منى بس ينتقم منى على ايه محصلش حاجه كبيره لدرجة الانتقام منى بالشكل ده بس مدام هو اللى قدم فيا بلاغ يبقى اكيد هو مفيش غيره بس حطها ازاى فى شنطتى وانا مسبتهاش ولا لحظه هتجن ياربى مش قادره أتخيل أن هو ممكن يطلع بالشر ده بس ودينى لو هو هندمه ندم عمره على اليوم اللى فكر يأذينى بالشكل ده وقامت غيرت هدومها وخرجت كان حمزه كمان غير هدومه ونزلو راحو على القسم 

~•~•~•~•~•~•~•~•~•~•~•~•

فى فيلا أكرم 

فى اوضت أكرم 

كان قاعد وهو حاسس بتأنيب الضمير وقال لنفسه 

أكرم :- بندم انت واحد غبى ازاى ترضى تعمل حاجه زى كده فى بنت وتأذيها بالشكل ده يا ترى عامله ايه دلوقتى واهلها شكلهم ايه ليه يا ادهم تخلينى اذي بنت بالطريقه دى ومسك تليفونه وطلب رقم أدهم وانتظر رده 

ادهم:- عايز ايه يا اكرم 

أكرم :- انت فين 

أدهم :- وانت مالك متصل علشان تسألنى فى حاجه متخصكش 

أكرم :- تلاقيك عايش حياتك ولا همك انت عملت ايه فى البنت الصحفيه 

أدهم :- بهدوء هى اللى جبته لنفسها لعبة بالنار لحد ما حرقتها تستحمل بقى النتايج

أكرم:- ليه كل ده علشان بس ردت عليك ووقفت قصادك 

أدهم :- متخلقش لسه اللى يفكر يقف قصاد أدهم الحناوى يا اكرم 

أكرم :- بس دى بنت ابوس ايدك بلاش تأذيها وتشتكيها فى القسم 

أدهم :- هههههههههههه زمانها محجوزه دلوقتى فى الحجز مع المجرمين 

أكرم :- لاء اوعى تقول نفذت خلاص 

أدهم :- وبحتفل بأنتصارى كمان 

أكرم :- ليه بس انا ضميرى بيأنبنى يا ادهم أن ساعدك وحطيت الساعه بتاعتك فى شنطتها حرام عليك اتنازل ارجوك 

أدهم :- اكرررررم اقفل مش ناقص صداعك ده

أكرم :- براحتك يا ادهم بس انا بقى مش هسكت وهروح اقول الحقيقه انشالله لو فيها حبسى 

أدهم :- لو فكرت تنطق بكلمه واحده يا اكرم يبقى انت السبب فى اللى هيحصل فيها وفى اهلها انت عارف انا مستعد اعمل فيهم ايه لو عايز تأذيهم اكتر روح وقول الحقيقه وقفل السكه فى وش أكرم 

اكرم :- أدهم يا ادهم اسمعنى بس وحدف التليفون على السرير وحط أيده على راسه من فوق وقال هتعمل ايه يا اكرم لو انقذتها من الحبس يبقى بترميها فى نار اكبر ربنا يهديك يا أدهم يارب 

~•~•~•~•~•~•~•~•~•~•~•~•

فى القسم 

وصلت داليا مع تامر وحمزه وهى متوتره وخايفه وقفت وبصت لتامر وحمزه بدموع 

حمزه :- امشى يا داليا متخافيش 

داليا :- بصت على سلم القسم وقالت انا خايفه يا حمزه 

تامر :- عيب ده انتى صحفيه كبيره وقويه جدآ فى حواراتك تطلعى بجبن ده 

داليا :- اعمل حوار جرئ دى حاجه وان ادخل القسم كمتهمه دى حاجه تانيه خالص 

حمزه :- ودينى وما اعبد لاندم اللى عمل فيكى كده 

داليا :- حمزه ارجوك بلاش تهور 

حمزه :- مش حمزه سعيد اللى أخته تدخل القسم متهمه 

تامر :- ماشى بس بلاش تهورك ده ممكن يضيعك على فكره 

حمزه :- ربنا يسهل المهم خد داليا وخلى بالك عليها ارجوك يا تامر ومتخليش حد من العساكر يتكلم معاها نهائى 

داليا :- وانت رايح فين 

حمزه :- هروح اثبت براءتك

تامر :- تعال بس اطلع معايا فوق والصباح رباح 

حمزه :- قولتلكم روحو انتو 

داليا :- يا حمزه بلاش تقلقنى عليك 

حمزه :- بقولكم ايه بلاش كلام كتير اخلصو

تامر :- امشى يا استاذه داليا اخوكى دماغه جزمه ومش هيسمع كلام حد 

داليا :- بصت لاخوها بخوف ومشيت مع تامر ودخلت القسم 

حمزه :- وقف بص على أخته لحد ما دخلت مع تامر ووقف تاكسى وركبه ومشى 

~•~•~•~•~•~•~•~•~•~•~•~•

فى فيلا خالد الحناوى

خرج خالد من مكتبه ونده على ابنه علاء وقال 

خالد :- بصوت عالى علاء يا علاء  

علاء :- نزل يجرى وقال ايوه يا بابا خير 

خالد :- مش خير خالص أسهم بورصة شركات خالد الحناوى نزلت خالص 

علاء:- وفيها ايه يا بابا ما الأسهم مش بتبقى ثابته يوم بتنزل ويوم بتطلع واحنا عارفين أن لعبة البورصه دى صعبه يوم تطلعك السما ويوم تنزلك الارض 

خالد :- الكلام ده كان هيبقى طبيعى بس لما شركات اخوك أدهم اعلى من شركاتى يبقى فيه حاجه غلط 

دينا :- خير يا بابا بتزعق ليه كده 

فادى :- خير يا بابا 

سندس :- هو فيه ايه

إنعام :- ايه الزعيق ده يا خالد 

خالد :- تعالو شوفو وساخة اخوكم أدهم بيلعب بأسهم الشركات بتوعى انا نزلو بشكل كبير بطريقه مفاجئه بعد ما كانت متصدره القمه واسهم البيه أدهم كانت تحت طلعت مره واحده وبقت هى المتصدره دلوقتى 

دينا :- وفيها ايه يا بابا ما فى الاخر كلها بتاعة عيلة الحناوى يعنى القمه مخرجتش بره العيله 

خالد :- بت انتى اسكتى متنرفزنيش بكلامك ده 

فادى :- بس دينا عندها حق مغلطتش فى كلامها حضرتك وادهم واحد 

خالد :- بعصبيه مش واحد يا فادى عمرنا ما هنكون واحد 

سندس :- بليز يا بابا متقولش على أبيه أدهم كده وهو مش ذنبه أن سهوم حضرتك تنزل ده فى الاول والاخر توفيق ربنا ليك 

خالد :- خلاص كلكم بقيتو بتفهمو فى شغل البزنس وبتتكلمو فى اى حاجه وخلاص 

دينا :- مش حكاية أن كلنا فاهمين ولا لاء بس احنا عارفين أن أدهم عمره ما يأذيك فى شغلك ابدآ يا بابا أدهم طيب وبيخاف على العيله كلها حتى على  حضرتك كمان رغم قسوتك عليه بدون داعى 

خالد :- ده بنأدم كله شر واخد طبع أمه ملهوش امان ومستعد يعمل اى حاجه علشان مصلحته ومصلحة شركاته 

فادى :- شايفك ساكت يا علاء شكل الكلام جاى على هواك قول كلمة الحق يا شيخ علاء 

علاء :- انا متكلمتش وساكت علشان مظلمش حد لازم اتأكد قبل ما اقول الكلمه واشيل ذنبها 

بسم الله الرحمن الرحيم 

{يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ} صدق الله العظيم 

الكل :- صدق الله العظيم 

إنعام :- بس أدهم اخوك بيكره ابوك ومستعد يعمل اى حاجه علشان يدمر شغله 

دينا :- ايه اللى انتى بتقوليه ده 

إنعام :- قولت ايه بقول الحقيقه ادهم بيكره ابوه بسبب المشاكل القديمه 

فادى :- بعصبيه والله العظيم انتو اللى قلبكم اسود وخساره أن أدهم يكون عايش مع ناس قلوبها اسود زيكم 

إنعام :- ولد اتكلم اتعدل 

فادى :- انا سيبكم وطالع اوضى احسن الكلام هنا يفور الدم فى النفوخ وسابهم ومشى 

إنعام :- ماشى يا فادى انا هوريك على طريقة كلامك دى 

دينا :- والله فادى كان عنده حق فى كل كلمه قالها عن اذنكم وسابتهم وطلعت اوضتها 

إنعام :- فعلا معرفتش اربى شوفت ولادك يا خالد 

سندس :- عن اذنكم انا طالعه اوضى انا كمان 

إنعام :- بصت ليها وهى طالعه وقالت ابنك عامل ليهم ايه دول علشان يدافعو عليه بالطريقه دى 

خالد :- بكره يعرفوه على حقيقته 

علاء :- طيب حضرتك محتاج منى حاجه دلوقتى 

خالد :- هتروح فين مش تزفت تقعد علشان نشوف ام صرفه لموضوع البورصه دى 

علاء :- هنعمل ايه يعنى يا بابا سبها على ربنا وان شاءالله كل حاجه هترجع احسن من الاول 

خالد :- طول ما شركات اخوك أدهم مكتسحه الساحه مش هنعرف نتقدم نهائى 

علاء :- ليه بس يا بابا أدهم شغال فى مجال تانى خالص غير بتاعنا 

خالد :- بس البورصه مش بتعرف كده 

إنعام :- واللى يقولكم تعملو ايه فى شركات ادهم علشان شركاتكم ترجع زى الاول 

خالد :- قولى 

إنعام :- .................  

علاء :- بصدمه ايه اللى انتى بتقوليه ده مستحيل اقبل بالكلام ده 

إنعام :- اخرس انت وبصت لخالد وقالت ها ايه رأيك انت يا حبيبى 

خالد :- والله دماغك دى الماظ 

إنعام:- يعنى عجبتك الفكره 

خالد. :- اوى 

علاء :- على فكره انا مستحيل اوافق على الكلام ده 

إنعام :- اطلع على اوضك يا علاء وملكش دعوه بأى حاجه بس لو نطقت بكلمه واحده من اللى سمعتها دى هتشوف ايام سوده 

علاء :- حضرتك موافق بجد على كلام ماما ده ادهم ابنك الكبير ازاى تقدر تعمل فيه كده 

خالد :- مصلحة شغلى فوق الكل حتى لو هدوس على اخوك برجلى وافعصه 

علاء :- معنى كلام حضرتك ده أن لو يوم انا كنت عقبه فى طريقك هتفعصنى انا كمان 

خالد :- لاء انت مصلحة شغلى تهمك إنما ده واحد غدار طالع لأمه خاين ومش بيهمه غير نفسه وبس 

علاء :- انا اسف ليك يا بابا بس كلام حضرتك غلط عمر ما أدهم كان انانى طول عمره بيخاف علينا اكتر من نفسه كنا بنلاقى فيه حنية الاب اللى كنا مفتقدنها من حضرتك ادهم مستعد يضحى بعمره علشان احنا نعيش بس للاسف حضرتك اللى طول عمرك مش بتحبه وبتيجى عليه واخده بذنب هو ملوش فيه ارجوك يا بابا بلاش تأذى أدهم ابنك عن اذنكم وسابهم وطلع اوضه 

إنعام :- سيبك منه ده عبيط وعلى نياته انا وانت اكتر اتنين عارفين أن أدهم طالع لأمه ملوش امان نفذ اللى اتفقنا عليه 

خالد :- بس علاء ممكن يحذروا

إنعام :- متقلقش علاء هيخاف يتكلم 

خالد :- بس ا

إنعام :- مفيش بس وقربت منه وقالت ابنك يستاهل اللى هيحصل فيه وقربت من شفايفه وباسته وقالت علشان خاطر نعومه حبيبتك اللى بتخاف على مصلحتك اكتر من اى حد ومسكت أيده وشدته ودخلو اوضت النوم وقفلت الباب وراهم

~•~•~•~•~•~•~•~•~•~•~•~•

فى القسم 

فى مكتب تامر 

كان قاعد تامر على مكتبه وبيحقق مع داليا 

تامر :- ممكن تحكيلى ايه حصل بالظبط من ساعة ما صحيتى من نومك لحد ما انا جيت 

داليا :- وهى متوتره قالت اللى حصل معايا الصبح ده طبيعى بيحصل كل يوم بس بدء الشد من ساعة ما وصلت الجريده والمدير بلغنى أن انا هروح اعمل حوار صحفى مع رجل الأعمال ادهم الحناوى رفض طبعآ وقولت مستحيل اروح اعمل معاه 

تامر :- وايه سبب رفضك 

داليا :- لان سمعته مش كويسه وأن هو راجل مش محترم وليه فى السكك الحرام 

تامر :- ها وبعدين 

داليا :- المدير صمم على رأيه ووافقت أن انا اروح وخلاص وقولت لنفسى دى ساعه هقضيها بالطول والعرض وهيبقى فى مكان عام ومش هيقدر يعمل ليا حاجه 

تامر :- وبعدين روحتى ايه حصل 

داليا :- اول ما دخلت اتفاجئت أنه مش موجود قعد فى مكتب السكرتيره واتعصبت لما أتأخر جدآ عن معاده وقررت امشى بس اتفاجئت أنه وصل ومع عصبيتى غلط فيه وسيبته ومشيت لاقيت المدير بيتصل بيا وبيقولى لازم اروح اعتذر ليه رفض هددنى بالرفض وهيحولنى على التحقيق واللى لازم ادفع فيه قيمة الشرط الجزائي اللى مش موجود معانا نصه حتى طلعت عنده المكتب تانى وطلبت من السكرتيره أن انا ادخل اعمل معاه الحوار الصحفى بس قالت ليا أن هو مشغول وسابنى قاعده بره فتره كبيره جدآ لحد ما وصل شريكه أكرم واخدنى ودخلنى عنده وبدأنا نشد انا وادهم ده فى الكلام مع بعض 

تامر :- ثوانى وكل ده شنطتك فى ايدك ولا كانت فين 

داليا :- طبعآ كانت معايا فى ايدى ومسبتهاش ولا ثانيه 

تامر :- ماشى كملى 

داليا :- بس وخرج أكرم ده وطلب منى اعتذر ليه رفض طبعآ قالى بكره هتترجينى علشان اسامحك 

تامر :- كلامه كده بيدل أنه بيهددك أن هينتقم منك بأى طريقه 

داليا :- فعلا وبعد كده عملت معاه الحوار وفى نص الحوار بدأنا نشد تانى مع بعض وبدأ يتطاول عليا بالكلام وحاول يعتدى عليا بس الحمدالله شريكه أكرم ده وصل فى الوقت المناسب وقدر يحمينى منه وحصل مشده ما بين شريكه ده وادهم مد أيده عليه ولكن شريكه طلع راجل وقدر يخدنى من مكتبه ونزلنى ركبت تاكسى وروحت البيت بس هو ده كل اللى حصل 

تامر :- طيب الشنطه محدش غيرك مسكها 

داليا :- سكتت شويه وقالت لاء 

تامر :- طيب حد غيرك شاف كل اللى حصل ده 

داليا :- مفيش غير السكرتيره وشريكه أكرم 

تامر :- طيب انا هجيب أكرم والسكرتيرة دى واخد أقوالهم لعلى تكون فى صالحك

داليا :- معتقدش أنهم هيقولو الحقيقه اكيد هيخافو من ادهم ده وبالذات السكرتيره 

تامر :- محاوله مش هنخسر حاجه وبعدين انتى بتقولى أكرم ده جدع وقف لشريكه ده وانقذك منه 

داليا:- فعلا بنأدم طيب جدآ

تامر :- أن شاءالله خير اقعدى على الكنبه واستريحى وانا خارج شويه وجاى متقلقيش محدش هيجى جنبك 

داليا :- لاء بالله عليك خليك معايا لحد ما يوصل حمزه متسبنيش لوحدى هنا 

تامر :- طيب طيب أهدى مش همشى غير لما يجى حمزه اقعدى استريحى وطلب ليها عصير ليمون (بنت المحظوظه 😂😂) وقعد يفكر فى طريقه يخرج بيها داليا من القضيه 

~•~•~•~•~•~•~•~•~•~•~•~•

عند حمزه 

وصل بالتاكسى عند شركة أدهم الحناوى وسأل عليه ملاقهوش موجود ركب التاكسى تانى وراح عند فيلا الحناوى وسأل عليه الامن قالو ليه أن هو مش موجود طلب أن هو يقابل حد من أهله وخرج ليه خالد الحناوى 

خالد :- ايوه خير 

حمزه :- انا المقدم حمزه سعيد 

خالد :- اهلا بحضرتك والمطلوب منى ايه 

حمزه :- عايز اقابل ابنك أدهم الحناوى 

خالد :- بفرحه بجد ليه 

حمزه :- من غير ليه عايزه فى موضوع خاص 

خالد :- لو محتاج مساعده انا ممكن اساعدك انا اهم حاجه عندى القانون 

حمزه :- لاء شكرآ بس ممكن تقولى الاقيه موجود فين 

خالد :- هتلاقيه فى اى كباريه مع النسوان 

حمزه :- شكرآ ليك عن اذنك 

خالد :- انا عارف كل حاجه عن شغل أدهم لو محتاج اساعدك واقولك عليه 

حمزه :- رجع تانى وقال هحتاجك بس مش دلوقتى اخلص بس من المهم ولينا لقاء مع بعض تانى عن اذنك وسابه ومشى

خالد :- والله وجت فرصتك يا خالد لحد عندك وضحك ضحكة شر ودخل الفيلا عنده 

~•~•~•~•~•~•~•~•~•~•~•~• 

وصل حمزه القسم ودخل المكتب عند تامر اول ما داليا شافته طلعت تجرى عليه وقالت 

داليا :- عملت ايه يا حمزه 

حمزه :- قعد على المكتب وقال ولا حاجه 

تامر :- ايه برود الاعصاب اللى عندك دى يا اخى مش شايف اختك هتموت ازاى 

داليا :- طيب روحت فين روحت لادهم ده وكلمته ولا عملت ايه ريحنى يا حمزه بقى 

حمزه :- حاولت اروح ليه أكلمه ملقتهوش فى اى مكان وابوه قالى هلاقيه فى اى كباريه كلمت ناس صحابى ليهم فى سكك الكباريهات دى يسألو عليه ويبلغونى اول ما يلاقوه 

داليا :- يعنى انا هفضل هنا لحد ما نلاقى البنأدم ده 

حمزه :- انتى شايفه ايه 

داليا :- انا ليه حاسه انك مشيلنى ذنب اللى انا فيه 

حمزه :- بعصبيه ايوه يا داليا انتى عارفه ده ايه ليه تروحى عنده وتعرضى نفسك لموقف زى ده بسبب قلة تفكيرك  حصلك كل ده 

تامر :- انت واعى لكلامك يا ابنى ده شغلها يعنى مكانتش رايحه تعمل حاجه غلط 

حمزه :- وهو مفيش غير ده يتعمل معاه حوار صحفى يغور الشغل فى ستين داهيه ولا انها تروح عنده وتحطنا كلنا فى موقف زى ده 

تامر :- مستحيل يكون عندك عقل زينا ابدآ ده طبيعى لاى صحفيه انها تتقابل مع رجال أعمال وتعمل معاهم حوار وكمان لما تكون صحفيه مجتهده زى اختك بتبقى مطلوبه اكتر من اى حد 

حمزه :- يبقى تستحمل نتيجة شغلها بقى 

داليا :- قعدت على الكنبه ودموعها نزلت منها وقالت هتفضل قاسى وقلبك حجر لحد امته بدل ما تقولى كلمتين تهدينى بتوترنى اكتر من التوتر اللى انا فيه

تامر :- معلش يا استاذه اصل البعيد حمار مش بيحس محدش ياخد عليه 

حمزه :- تاااااااامر 

تامر :- يا شيخ روح كده وفى الوقت ده خبط الباب ودخل العسكرى وقال إن السكرتيره ميرفت موجوده بره 

حمزه :- مين ميرفت دى 

تامر :- دى السكرتيره الخاصه لمكتب أدهم الحناوى بعت جبتها علشان اخد اقولها 

حمزه :- اااااه دخلها بسرعه 

العسكرى :- تمام يا فندم وخرج ودخل ميرفت وخرج وقفل الباب وراه 

تامر :- اتفضلى يا انسه ميرفت 

ميرفت :- بخوف ه.ه.هو انا هنا بعمل ايه 

تامر :- متخفيش احنا بس هناخد منك كلمتين وهتروحى علطول 

ميرفت :- كلمتين عن ايه حضرتك 

تامر :- تعرفى الانسه دى 

ميرفت :- بصت على داليا وقالت ا.ا.ايوه دى الصحفيه اللى جت النهارده تعمل حوار مع استاذ ادهم 

حمزه :- ايووووه ايه حصل بقى فى مكتب ادهم ده 

ميرفت :- بخوف م.م.معرفش 

حمزه :- بعصبيه نعم يا اختى هتستعبطى 

ميرفت :- دموعها نزلت وقالت م.م.معرفش والله 

تامر :- ما تهدا يا حمزه انت بتخوفها يا اخى وبص لميرفت وقال أهدى يا انسه ومتخفيش والله 

داليا :- بالله عليكى قولى كل حاجه حصلت فى مكتب ادهم ده 

ميرفت :- بدموع والله معرفش غير اللى حصل قدامى 

حمزه :- ايه بقى حصل قدامك 

ميرفت :- بخوف ا.ا أن الانسه داليا اتعصبت من تأخير استاذ ادهم واول ما شافته غلطت فيه وبعد كده نزلت وشويه وجت تانى وطلبت تدخل مكتب ادهم تعمل معاه الحوار وجه استاذ أكرم شريك استاذ ادهم واخد الانسه داليا و شنتطها ودخلها المكتب 

تامر :- اخد ايه 

ميرفت :- شنطة الانسه داليا وبس معرفش ايه حصل تانى والله 

تامر :- بس هى كده وصلت شكرآ يا انسه اتفضلى امشى 

ميرفت :- خلاص كده امشى 

حمزه :- بعصبيه ما تمشى ولا تحبى انزلك الحجز 

ميرفت :- اخدت شنتطها وخرجت تجرى من المكتب 

تامر :- بص لداليا وقال مش سألتك أن فيه حد مسك شنطتك وانتى قولتى لاء 

داليا :- انا مش فاكره اذا كان مسكها ولا لاء

حمزه :- يبقى شريك ادهم ده ليه يد فى الموضوع 

تامر :- عمومآ هو زمانه جاى انا بعت اجيبه وفى الوقت ده دخل العسكرى وقال إن أكرم بره وقالو ليه يدخل حالا ودخل أكرم وهو متوتر 

داليا :- اول ما شافته طلعت تجرى عليه وقالت بدموع ليه تعمل فيا كده انا بقول انك كويس وانقذتنى من ايد ادهم 

أكرم :- احم ت.ت.تقصدى ايه 

تامر :- أهدى يا استاذه داليا اقعدى وقال لأكرم اتفضل اقعد 

أكرم :- قعد وقال خير حضراتكم جيبنى هنا ليه 

حمزه :- بعصبيه من غير لف ولا دوران حطيت ساعة أدهم الحناوى فى شنطة اختى ليه 

أكرم :- احم ساعة ايه وشنطة ايه مش فاهم حاجه 

حمزه :- بقولك ايه اتكلم علطول 

تامر :- حمزه حمزه اهدا ابوس ايدك مش كده يا اخى وبص لاكرم وقال شريكك ادهم الحناوى مقدم بلاغ فى الأستاذة داليا بيقول انها سرقة ساعته النهارده ولاقنها فى شنطتها وبالعقل كده مستحيل صحفيه مشهوره زى الاستاذه داليا هتمد ايديها على ساعة أدهم ومفيش غيرك اللى مسك شنطة الاستاذه داليا وبشهادة السكرتيره 

أكرم :- احم وانا هحط ليها الساعه ليه فى شنطتها انا فعلا مسكت الشنطه بس دخلتها المكتب وسبتها علطول 

حمزه :- راح مسك أكرم من هدومه وقال انتو الاتنين اوسخ من بعض انطق عملتو فى اختى كده ليه 

تامر :- قام يجرى وبعد حمزه عن اكرم وقال مش كده يا حمزه خلينى اشوف شغلى يا اخى متدخلش انت فى الموضوع ده 

حمزه :- ودينى وما اعبد لو متكلمش وقال الحقيقه انا هخليه يتكلم بطريقتى 

تامر :- طيب اسكت بقى وقال اتفضل اقعد يا استاذ أكرم 

أكرم :- قعد وقال انا ممكن اقدم شكوه فيه بس علشان ذوقك انت هعديها 

حمزه :- ورينى هتقدم شكوه فيا ازاى 

تامر :- مسح على وشه وقال ادينى الصبر يارب اطلع بره يا حمزه 

حمزه :- لاء مش طالع وقعد على الكرسى وقال لما نشوف اخرتها معاهم 

تامر :- طيب خليك بس متتكلمش وبص لاكرم وقال استاذ أكرم انت الوحيد اللى مسكت الشنطه ممكن تكون حطتها فى شنطة الاستاذه علشان تساعد صاحبك علشان ينتقم منها 

أكرم :- وانا هعمل كده ليه وادهم هينتقم منها ليه اصلا هى جت عملت الحوار ومشيت من غير اى مشاكل 

داليا :- بصدمه انت اللى بتقول كده لو مكنتش انت بنفسك اللى اخدنى من مكتب ادهم لما حاول يعتدى عليا 

أكرم :- أدهم حاول يعتدى عليكى امته ده محصلش الكلام ده خالص 

داليا :- انت كداب انت اللى انقذتنى وبأمارة اللى فى وشك ده 

أكرم :- اللى فى وشى ده من واقعه ملهوش دعوه أدهم بيها 

داليا :- بدموع حسبى الله ونعمه الوكيل فيكم 

أكرم :- احم فيه حاجه تانى 

تامر :- لاء شكرآ تقدر تمشى 

حمزه :- وقف ومسكه من هدومه وقال مستحيل يتحرك من هنا غير لما يقول الحقيقه 

تامر :- طلع يجرى ومسك حمزه وقال اتفضل انت يا استاذ أكرم 

حمزه :- سبنى يا تامر مش هيمشى من هنا 

تامر :- اسكت بقى اتفضل انت يا استاذ أكرم 

أكرم :- فتح الباب ولسه هيخرج اتفاجئ بأدهم وقال بصدمه أدهم 

~•~•~•~•~•~•~•~•~•~•~•~•

بقلمى دودومحمد

⁦✍️⁩تمرد صحفيه ⁦✍️⁩

🌻الفصل الرابع🌻

فى القسم 

بعد ما قال أكرم اقواله وحاول يخرج مسك فيه حمزه ومنعه من الخروج بس خلصه تامر من ايد حمزه ولسه بيفتح الباب اتفاجئ بوجود أدهم قال

أكرم :- بصدمه أدهم 

أدهم :- بصلو ومردش عليه ولسه هيدخل 

العسكرى :- رايح فين كده هى وكاله من غير بواب 

أدهم :- داخل اقابل الرائد تامر بخصوص قضية سرقة الساعه الدهب 

العسكرى :- ثوانى اديله خبر

أكرم :- طيب ممكن اعرف انت جاي تعمل ايه دلوقتى ممكن ترد عليا 

أدهم :- شئ ميخصكش 

أكرم :- بترجى خرجها من هنا يا ادهم البنت منهاره حرام عليك 

وفى الوقت ده خرج العسكرى وقال لادهم يدخل 

ادهم:- بص لأكرم وقال مش انت اللى هتقولى اعمل ايه وسابه ومشى 

أكرم :- اتنهد وبص على ادهم وهو داخل المكتب ومشى 

دخل أدهم المكتب بتكبر وبص لداليا من فوق لتحت وقعد على الكرسى وقال 

أدهم :- ممكن اعرف ايه الاخبار 

تامر :- ساعة حضرتك معانا اهى بس متحفظين عليها لحد ما تنتهى القضيه 

داليا :- منك لله علشان انت وشريكك اللى عملتو فيا كده 

أدهم :- بتكبر وانا هعمل كده ليه وانا عندى وقت علشان اشغل بالى بواحده زيك انتى اصغر من أن انا اديكى اهتمام وافكر انتقم منك 

حمزه :- قام مره واحده ومسكه من هدومه وقال حسابك كبر معايا اوى يا ادهم يا حناوى انا هعرفك مين داليا سعيد وازاى تعمل فى اختى كده 

أدهم :- زق حمزه ومسكه من رقبته وقال بقى انت يا حشره هتنتقم منى انا انت متعرفش انا مين ولا ايه انا ممكن اوديك وراه الشمس واخسرك وظفتك اللى فرحان بيها وعامل نفسك راجل اوى 

حمزه :- زقه ومسكه من هدومه وقال انا ارجل من عشره زيك 

داليا :- بخوف ودموع أبعدهم عن بعض ارجوك 

تامر :- ادخل وبعدهم عن بعض ومسك حمزه وقال اتفضل اقعد يا ادهم باشا نتكلم بهدوء ارجوك وقرب من ودن حمزه وقال اهدا يا حمزه يمكن نقدر نقنعه أن هو يتنازل عن القضيه 

حمزه :- هيتنازل عن القضيه غصب عنه احسن اضربه رصاصه واريح الناس من واحد وسخ زيه 

أدهم :- مش هتنازل وورينى هتضربنى بالرصاص ازاى 

حمزه :- طلع مسدسه ووجه فى وش أدهم وقال هوريك يا ادهم 

داليا :- طلعت تجرى وقفت قصاد المسدس وقالت بدموع علشان خاطرى بلاش يا حمزه بلاش تضيع مستقبلك علشان واحد زى ده ابوس ايدك فكر فى ابوك لو عرف ايه هيحصله بلاش يا حمزه بلاش 

تامر :- اهدا يا حمزه وبلاش تهورك ده كل شئ هيتحل والله بس نزل المسدس بقى 

أدهم :- بأستفزاز اضرب انا قصادك اهو 

داليا :- بدموع انت ايه يا شيخ شيطان مستحيل تكون بنأدم زينا ابدآ 

حمزه :- اوعى من قدام المسدس يا داليا 

داليا :- هزت راسها بمعنى لاء وقالت مش هتحرك غير لما تنزل المسدس ده وتديه لتامر 

حمزه :- بعصبيه قولتلك اوعى يا داليا 

داليا :- بدموع لاء يا حمزه

تامر :- هات المسدس ده يا حمزه 

حمزه :- مش هسيب المسدس ده غير لما اخلص منه 

أدهم :- وانا مستنى 

حمزه :- كده ماشى وحط صوبعه على الزناد ولسه هيدوس 

داليا :- اغمى عليها من الخوف 

حمزه :- حدف المسدس فى الارض و طلع يجرى عليها شالها وحطها على الكنبه وقعد يخبط على وشها ويقول داليا ردى عليا يا داليا 

تامر :- خد ازازه البرفان اللى فى شنتطها وفوقها بيها 

حمزه :- فتح الشنطه بتاعة داليا وطلع ازازة البرفان وراح عندها ورش على أيده وفوقها 

داليا :- امممم انا فين 

حمزه :- فوقى يا داليا انا جنبك 

داليا :- فتحت عينيها وشافت اخوها جنبها اترمت فى حضنه وقعدت تعيط 

حمزه :- اهدا يا حبيبتى متخفيش كل حاجه هتكون تمام 

أدهم :- ها خلصتو المسلسل الهندى بتاعكم ده 

حمزه :- داس على سنانه وقال اللهم طولك يا روح اقسم بالله شكلى هصور قتيل دلوقتى 

تامر :- اهدا بس وراح عند ادهم وقال تمام يا باشا هنبلغك اول ما نوصل لحاجه جديده فى القضيه 

أدهم :- انا جاى لسبب واحد بس ممكن اقعد مع الانسه داليا على انفراد 

حمزه :- مستحيل ده يحصل 

تامر :- وحضرتك عايز تقعد معاها على انفراد ليه 

أدهم :- ممكن أتنازل عن القضيه بعد القعده دى 

حمزه :- مش هيحصل 

داليا :- وقفت وهى حاسه بدوخه وقالت بدموع انا موافقه اقعد معاه على انفراد 

حمزه :- وانا قولت مش هيحصل 

داليا :- علشان خاطرى سبنى معاه 

تامر :- علشان مصلحتها يا حمزه ولو فيه حاجه احنا جنب المكتب 

حمزه :- انا قولت لاء يعنى لاء انا مش هسيب اختى تقعد مع واحد زى ده 

أدهم :- وقف وقال براحتكم ونتقابل فى المحكمه بقى 

داليا :- استنا وبصت لحمزه وقالت علشان خاطر بابا يا حمزه وافق 

تامر :- راح مسك ايد حمزه وقال تعال معايا بس واخده وخرج من المكتب وساب داليا مع ادهم 

داليا :- وادينا قعدنا اهو على انفراد ممكن اعرف بقى عايز ايه 

أدهم :- طلع سيجار وولعه وشرب نفس وطلعه فى الهوا وقال انا مستعد اخرجك من هنا بس بشرط 

داليا :- شرط ايه ده 

أدهم :- طلع ورقه وقال تمضى على العقد ده 

داليا :- بتاع ايه ده 

أدهم :- ده عقد جواز عرفى هيفضل معايا لو فكرتى تقفى قصادى تانى ولا تتحدينى هيطلع علطول 

داليا :- وانا مش موافقه مش علشان اطلع من مصيبه احط نفسى فى مصيبه اكبر 

أدهم :- براحتك بس خليكى عارفه أن انا لو متنزلتش عن القضيه دى هتترفضى من شغلك وهتتشطبى من نقابة الصحفيين وهتقضى كام سنه فى السجن مع المجرمين ومستقبلك هيضيع 

داليا :- مش مهم كل ده مش انا البنت اللى تحط رأس اهلها فى التراب وتروح تمضى على عقد جواز عرفى اعمل اللى تعملو اتفضل من غير مطرود وراحت عند الباب ولسه هتمد ايديها وتفتحه 

أدهم :- وشغل اخوكى اللى فرحان بيه ده انسوه بمكلمه واحده منى هيترفض من وظيفته علطول واخوكى مؤمن من بكره هيسيب مدرسته والشقه اللى انتو فيها دى من بكره هتبقى بتاعتى وقعد وحط رجل على رجل واخد نفس من السيجار بتاعه ونفخ الدخان فى الهوا وقال فى ايدك تمنعى كل ده بأمضه واحده منك 

داليا :- وقفت مصدومه مكانها لما سمعت كده ودموعها نزلت منها وقالت ليه كل ده عملت ليك ايه علشان تنتقم منى بالطريقه دى كل ده علشان غلط فيك انا اسفه يا اخى بس بلاش الشر اللى عندك ده احنا ناس غلابه مش بتوع مشاكل سبنا فى حالنا ارجوك 

أدهم :- قام وقف وراح عندها وقرب وشه من وشها وقال الكلام ده كان الأول قبل ما تتحدينى انا ادهم الحناوى تيجى واحده زيك تحط راسها براسى كلامك ده فات أوانه ها هتمضى ولا انفذ اللى قولتلك عليه 

داليا :- بدموع حرام عليك بلاش تعمل كده 

أدهم :- شكلك هتتكلمى كتير براحتك بقى انتى السبب فى اللى هيحصل لأهلك سلام ومشى لحد الباب ولسه هيخرج 

داليا :- بدموع انا موافقه 

أدهم :- ضحك ضحكة شر ولف ليها وقال شطوره وراح عندها وحط الورقه على الترابيزه وقال اتفضلى أمضى 

داليا :- بصت لورقه بدموع وبعدين بصت لادهم ومسكت القلم وهى ايديها بتترعش ومدتها ببطئ وبدأت تمضى على العقد العرفى وهى دموعها بتنزل وراه بعضها مضت ورمت القلم وحطت راسها على الترابيزه وقعدت تعيط 

أدهم :- ضحك بأنتصار وقال ادينى بطاقتك بقى يا حلوه 

داليا :- بصت ليه بدموع وقالت ليه 

أدهم :- علشان العقد ده هيتوثق عند محامى 

داليا :-بخوف ليه محامى طيب 

أدهم :- اصل انا بحب امشى قانونى يا قمر وقرصها براحه فى خدها 

داليا :- سحبت وشها بعيد عنه بقرف ومسحت مكان أيده وقامت وهى مكسوره واخدت البطاقه بتاعتها من الشنطه ومدت ايديها لادهم وقالت اتفضل 

أدهم :- اخد البطاقه وشد داليا من ايديها قعدها على حجره وقال من يد ما نعدمها يا زوجتى العزيزه 

داليا :- زقته وقامت وقفت وقعدت تمسح جسمها بأيديها بقرف وقالت اياك تمد ايدك عليا تانى فاهم مش نقصه قرف من واحد زيك 

أدهم :- ههههههههههه ماشى بس براحه عليا علشان بخاف هههههههههه

داليا :- يخربيت ابو تقل  دمك يا شيخ 

وفى الوقت ده دخل تامر ومعاه حمزه 

تامر :- وصلتو لايه 

أدهم :- هتنازل خلاص اتفقنا انا والانسه داليا على كل حاجه خلاص 

حمزه :- اللى هو ايه الاتفاق أن شاءالله

أدهم :- عندك اختك لو حابه تقولك على الاتفاق انا معنديش اى مشكله 

داليا :- بصت بخوف وقالت ها م.م.مفيش اعتذرت ليه وطلبت منه السماح 

حمزه :- بشك بس 

داليا :- ها ا.ا.اه طبعآ مفيش اى حاجه تانيه 

تامر :- عمومآ يا جماعه حصل خير اتفضل حضرتك يا باشا أمضى على التنازل 

أدهم :- وهو بيبص لداليا راح مضى على التنازل 

داليا :- كانت متوتره وعماله تدعك ايديها فى بعض 

ادهم:- مبروك يا عروسه اقصد مبروك على الإفراج 

داليا :- بلعت ريقها بصعوبه وتوتر وقالت ا.ا الله يبارك فيك 

تامر :- ساعة حضرتك اهى 

أدهم :- هديه منى للانسه داليا 

داليا :- ها ش.ش.شكرآ اتفضل ساعة حضرتك مش بقبل هدايا من حد غريب 

أدهم :- بس انا مش حد غريب 

داليا :- ها 

حمزه :- تقصد ايه بكلامك ده 

أدهم :- يعنى خلاص احنا بقينا احباب مش كده يا انسه يا داليا 

داليا :- وهى فاتحه بؤقها ها 

حمزه:- هو فيه ايه انتو الاتنين مخبين ايه بالظبط 

داليا :- بخوف م.م.مفيش ه.ه.هو يقصد يعنى اننا اتصالحنا مش اكتر 

أدهم :- هههههه حاجه زى كده 

داليا:- بصت بترجى لادهم علشان ميتكلمش 

ادهم:- كان فرحان بأنتصاره وهو بيلعب بأعصابها وقال يلا انا ماشى اشوف وشك على خير يا انسه داليا وقرب من حمزه وقال اما انت لسه ليك عندى عقاب على اللى حصل منك هعرفك مقامك وازاى تقف قصاد أدهم الحناوى يا جربوع وعمل أن هو بينضف حاجه على كتف حمزه وقال اجمد يا بطل للى جاى ومشى وسابهم

داليا :- قعدت على الكرسى بتوتر وقالت اقدر امشى بقى 

تامر :- ماشى امشى وتعالى الصبح نخلص إجراءات التنازل 

حمزه :- على فكره انا مش مقتنع بالاسباب اللى اتقالت بسهوله كده يتنازل 

داليا :- ها ت ت.تقصد ايه 

حمزه :- ولا حاجه يا داليا امشى يلا قدامى 

داليا :- مشيت قدام حمزه بتوتر وروحت معاه على البيت ودخلت اوضتها وحدفت نفسها على سريرها وقعدت تعيط

~•~•~•~•~•~•~•~•~•~•~•~•

اشرقت شمس صباح يوم جديد بنورها الساطع فى سماء عروس البحر لتبدء داليا بفتح عيونها بصعوبه قامت قعدت على السرير وافتكرت اللى حصل ما بينها وبين أدهم قعدت تعيط وتقول 

داليا :- يارب حلها من عندك انا طول عمرى بخاف اعصيك وانت اعلم باللى حصل انا خايفه اوى يارب ابعد عنى شر أدهم وأعوانه يارب انا وليه ضعيفة ومكسورة الجناح يارب وفى الوقت ده حست بالباب بيتفتح مسحت دموعها بسرعه 

سعيد :- صباح الخير يا حبيبتى 

داليا :- صباح النور يا بابا 

سعيد :- صاحيه من بدرى 

داليا :- لاء لسه صاحيه

سعيد :- قعد جنبها وقال مالك يا حبيبتى باين عليكى انك معيطه ومتقوليش داخل فيهم حاجه لان واضح انك معيطه طول الليل 

داليا :- شوية مشاكل فى الشغل متقلقش عليا انت بس 

سعيد :- مشاكل بسبب أدهم الحناوى 

داليا :- ها ح.ح.حاجه زى كده متشغلش بالك انت بس 

سعيد :- ازاى مشغلش بالى وبنتى ونور عيوني حزينه بالشكل ده 

داليا :- هبقى كويسه بدعواتك ليا يا بابا 

سعيد :- ربنا يريح قلبك ويروق بالك ويسعد ايامك وينورك طريقك يا بنتى يارب 

داليا :- يااااااه اللهم امين ادعيلى علطول كده يا بابا 

سعيد:- بدعيلك فى كل صلاتى انتى واخواتك يا حبيبتى 

داليا :- ربنا يتقبل منك يا بابا 

سعيد :- طيب يلا قومى خدى شاور وفوقى كده واجهزى علشان تصحى اخوكى حمزه 

داليا :- معلش يا بابا حاول تصحيه انت.

سعيد :- ماشى يا حبيبتى جهزى نفسك وبسها فى راسها وخرج من الاوضه 

داليا :- بصت عليه وهو خارج ودموعها نزلت منها وقالت يارب انت بس اللى حاسس باللى جوايا وقامت دخلت الحمام اخدت شاور واتوضت وخرجت لبست هدومها وأدت فرضها وخرجت من اوضتها وكان سعيد حضر الفطار قعدت داليا من غير ما تنطق ولا كلمه

مؤمن :- ده على اساس انك مش قاعده مع بنأدمين طيب صبحى قولى اى حاجه 

داليا :- مؤمن مش نقصاك على الصبح سبنى فى حالى

مؤمن :- وانا كلمتك انا بقولك صبحى علينا بس 

داليا :- حاضر صباح الخير حلو كده اسكت بقى 

سعيد :- مؤمن اسكت بقى متغلسش على اختك 

مؤمن :- سكتنا اهو 

حمزه :- كلى ويلا بينا 

سعيد :- على فين 

حمزه :- ها ه.ه.هوصلها معايا على السكه 

سعيد :- ربنا يحميك ويحرسك يا حبيبى 

مؤمن :- مدام فيه دور جدعنه يبقى وصلنى معاك على السكه 

حمزه :- واوصلك ليه يا اخويه انت راجل إنما دى بنت 

مؤمن :- مفيش مره تنصفنى ابدآ خلاص هروح لوحدى بس ايدك على خمس حتة احسن اخوك مأشفر على الاخر 

حمزه :- وانا مالى هو انا كنت خلفتك ونسيتك 

مؤمن :- كده مكانش العشم احموزه 

داليا :- هات الشنطه يا مؤمن انا هديك 

مؤمن :- ايوه بقى اشوفك مجبورة الخاطر يا داليا يا بنت ام داليا يارب 

داليا :- اخلص بقى يا مؤمن 

مؤمن :- حاضر هوا وراح جاب الشنطه واديته خمسين جنيه ووقفت وقالت

داليا:- انا اكلت يلا بينا 

سعيد :- يا بنتى كلى انتى مأكلتيش حاجه 

داليا :- الحمدالله يا بابا شبعت 

حمزه :- وقف وقال يلا ونزلو الاتنين مع بعض خلصو إجراءات التنازل وراحت على الجريده 

~•~•~•~•~•~•~•~•~•~•~•~• 

فى فيلا خالد الحناوى 

فى اوضت أدهم 

دخلت دينا الاوضه عند ادهم وقعدت على حرف السرير وخبطت على ضهر أدهم العريان وقالت 

دينا :- أدهم يا ادهم اصحه بقى اتأخرت على شغلك 

أدهم :- اممممم

دينا :- قوم يلا 

أدهم:- اطلعى بره وبلاش صداع يا داليا 

دينا :- داليا مين دى يا ادهم انا اختك دينا تلاقيها واحده من اللى بتسهر معاهم لصبح 

أدهم :- يا دين النبى على الصداع اطلعى بره يا دينا 

دينا :- مش طالعه غير لما تقوم 

أدهم :- يخربيت الرزاله بتاعتك على الصبح عامله شبه اللى اسمه أكرم 

دينا :- وقفت وقالت رزله علشان عايزه مصلحتك 

أدهم :- يخربيت كده انتى ايه يا بنتى مش بتفصلى ليه كده خلاص اتنيلت وصحيت وقام قعد على السرير وقال اطلعى بره بقى 

دينا :- هو اللى نازل عليك اطلعى بره اطلعى بره ما تصبر يا اخى عايزاك فى موضوع 

أدهم :- امممم ما انا قولت كده برضه مستحيل تيجى تصحينى غير لما تكونى عايزه مصلحه 

دينا :- اخص عليك يا ادهم انا كده برضه 

أدهم :- امممم قولى عايزه كام 

دينا :- احم مش كتير الفين جنيه 

أدهم :- ليه هتعملى بيهم ايه 

دينا :- ها عايزه اشترى شوية حاجات ليا 

أدهم.:- ما انتى لسه واخده زيهم من اسبوع وقولتى برضه هتشترى شوية حاجات 

دينا :- ا.ا.اصل احنا كبنات بنشترى حاجات كتير لينا وانا بستعملهم علطول وبيخلصو بسرعه 

أدهم :- قام وقف وراح عند الدولاب وفتحه وطلع الفين جنيه وقال خدى اهم 

دينا :- اخدتهم منه بفرحه وقالت ربنا يخليك ليا يا احن اخ فى الدنيا وبسته فى خده وطلعت تجرى من الاوضه 

أدهم :- بصلها وابتسم ودخل الحمام اخد شاور وخرج لبس هدومه ونزل وقال صباح الخير 

الكل :- صباح النور 

خالد :- لسه فاكر 

أدهم :- وايه مضيقك فى كده 

خالد :- ما سهرك لصبح فى الكباريهات هو اللى مضيعك 

ادهم:- وانتو شاغلين بالكم بيا ليه انا حر اعمل اللى اعملو محدش ليه عندى حاجه 

إنعام :- اتكلم مع ابوك كويس صحيح ولد مش متربى 

أدهم :- ما هو فى الاول وفى الاخر تربيتك يا مدام انعام 

إنعام:- وانت عملت بيها 

أدهم :- اعمل بيها لو تربية كويسه إنما تربيتك  فاشله 

خالد :- صحيح انك واحد واطى طالع لامك ناكر الجميل 

أدهم :- بعصبيه مليون مره قولتلك انا مش شبه حد متخلنيش ارتكب غلطه اندم عليها 

علاء :- اهدا يا ادهم واقعد 

خالد :- مهما تعمل هتفضل فضيحة امك ملازمك يا ابن الخاينه سامع امك كانت بتخونى وانت عارف هيفضل عارها ملازمك وهفضل محملك الذنب طول ما انا عايش 

أدهم :- بعصبيه شد مفرش السفره وقع الاطباق كلها فى الارض وقال عااااااااا كفايه انتو الاتنين ازبل من بعض انتو الاتنين خاينين انا بكرهكم بكرهكم 

فادى :- اهدا يا ادهم اهدا 

أدهم :- زقه وقال بعصبيه محدش ليه دعوه بيا انا بكرهكم كلكم كلكم وطلع يجرى وركب عربيته ومشى بيها 

دينا :- ليه بتعملو فيه كده حرام عليكم بقى ارحمو تملى تعملو اى حاجه تزعلو 

إنعام :- اسكتى انتى يا اختى بلاش الحنيه الزياده دى 

فادى :- دينا عندها حق ليه تملى تقصدو تعملو الحاجه اللى تزعلو 

سندس :- بدموع انا بكرهكم علشان تملى مزعلين ابيه أدهم وطلعت تجرى على اوضتها

إنعام :- انا مش عارفه بتحبوه على ايه ده واحد مش بيهمه غير مصلحته احنا اللى بنحبكم وبنعمل كل ده علشان نحافظ على فلوسكم منه 

دينا :- أدهم عمره ما بص لفلوس بالعكس هو اللى تملى يدينا وقت ما نحتاج ولسه من شويه لما احتاجت روحت طلبت منه ومرفضش انتو اللى بتحقدو عليه تملى بس هو ليه حق وربنا قادر يجيبو منكم عن اذنكم وسابتهم ومشيت 

فادى :- معنديش كلام اقولو ليكم دينا قالت كل الكلام بس هقولكم كلمه واحده بس العين مش بتكره غير اللى احسن منها وعلشان كده انتو بتكرهو أدهم عن اذنكم وسابهم ومشى

إنعام :- عجبك اللى ولادك بيعملوا ده يا خالد 

خالد :- سبيهم بكره هيجو يبوسو ايدينا علشان نسامحهم على كلامهم ده بعد ما أدهم يظهر ليهم على حقيقته 

علاء :- ما اعتقدش أن ده هيحصل يا بابا أدهم فعلا طيب وانتو اللى ظلمينه بس انا بعمل معاكم بالمعروف اللى ربنا امرنى بيه بس مش معنى سكوتى أن انا موافق على كل اللى بتعملو ده انا رافض افعالكم ومفيش فى ايدى حاجه غير أن انا  ادعى ليكم فى صلاتى أن ربنا يهديكم عن اذنكم وخرج وسابهم

إنعام :- بغيظ اموت واعرف اللى اسمه أدهم ده عامل ليهم ايه علشان يقفو قصدنا علشانه 

خالد :- اصبرى بس كل ده هيتغير قريب اوى 

إنعام :- تقصد ايه 

خالد :- يعنى خلاص لاقيت اللى هيساعدنا على خطتنا 

إنعام :- بفرحه بجد 

خالد :- اه والله بالصدفه امبارح شوفته ووعدنى أن هيتقابل معايا قريب اوى واقوله زى ما اتفقنا 

إنعام :- يلا فى داهية تاخدو وتاخد امه 

خالد :- بشر بكره كل أملاكه دى هتكون ملكى انا والساحه هتبقى ليا لوحدى 

إنعام :- ايوه بقى اموت فيك يا قلبى 

~•~•~•~•~•~•~•~•~•~•~•~•

فى الجريده 

وصلت داليا وهى منكسره دخلت على مكتبها وقعدت من غير ما تقول ولا كلمه 

منتهى :- ايه يا بنتى ما ترمى السلام على اللى قاعدين دول 

داليا :- بالله عليكى يا منتهى سبينى فى حالى 

فاطمه :- وده من ايه هو كل من قابل رجل اعمال شاب ووسيم يتكبر على الناس كده 

داليا :- لنفسها كانت ساعه سوده ساعة ما قابلته 

منتهى :- ما تردى علينا يا بنتى 

داليا :- اللهم طولك يا روح عايزين ايه منى بس 

فاطمه :- عايزينك تقولى لينا كل حاجه حصلت مع ادهم الحناوى بالتفاصيل وتقولى شكله عامل ازاى 

داليا :- اتنهدت بكسره وقالت ولا حاجه عملت معاه الحوار ومشيت 

منتهى :- يا سلام ما تحكى بذمه يا بت

داليا :- احكى ايه هو ده كل اللى حصل 

فاطمه :- طيب شكله ايه وسيم بقى وجسم رياضى وشعر ناعم على الخدود بيهفهف وعيون صقر 

داليا :- بصت ليهم وسكتت

منتهى :- ردى علينا ردت المايه فى زورك 

داليا :- ايوه حلو وجسم رياضى طول بعرض وعيون صقر وشعر ناعم خلاص ارتحتو اسكتو بقى 

فاطمه :- هييييح طيب كان بيتكلم معاكى ازاى جرئ ولا محترم 

داليا :- جرئ

منتهى :- محاولش يمسك ايديكى 

داليا :- افتكرت اللى حصلها ومسكت دموعها بالعافيه 

فاطمه :- ها ردى سكتى ليه 

داليا :- محصلش حاجه وياريت بقى تشوفو شغلكم وبطلو كلام كتير 

منتهى :- لاء طبعآ احنا عايزين نعرف كل حاجه عن أدهم الحناوى انتى عارفه يعنى ايه أدهم الحناوى يعنى الجمال والوسامه والتقل كله 

داليا :- ده على اساس انك تعرفيه وشوفتيه قبل كده 

منتهى :- عمرى ما شوفته بس بسمع عنه ونفسى ربنا يوعدنى بمقابلته 

داليا :- ربنا ما يكتبها ليكى ابدآ ولا تقعى فى سكته يارب 

فاطمه :- بغمزه ايه الحكايه غيرانه عليه ولا ايه شكلك كده وقعتى 

داليا :- انا فعلا وقعت وربنا ما يوقعكم وقعتى يارب واتنهدت وقالت حسبى الله ونعمه الوكيل 

منتهى :- انتى مال كلامك النهارده بالالغاز كده مش واخدين على داليا الحزينه احنا واخدين على داليا الفرفوشه 

داليا :- بدموع خلاص الضحكه خصمتنى معدتش هتزورنى تانى يا توته 

فاطمه :- بتعيطى كمان ايه اللى حصل لكل ده يا داليا 

داليا :- مسحت دموعها وقالت ولا حاجه انا بس تعبانه شويه 

منتهى :- ومن امته لما بتتعبى بتعيطى 

داليا :- ابوس ايديكم كفايه أسأله بقى وسبونى فى حالى 

فاطمه :- مش هاين علينا نشوفك زعلانه بالشكل ده ونسيبك 

داليا :- انا ههداه وهكون كويسه بس سبونى مع نفسى شويه 

منتهى :- خلاص يا دودى براحتك وقت ما تحبى تحكى هتلاقينا جنبك وبنسمعك 

داليا :- ربنا يخليكم ليا وسابتهم ودخلت الحمام وقعدت تعيط 

~•~•~•~•~•~•~•~•~•~•~•~•

فى شركة أدهم الحناوى 

دخل أدهم مكتبه وقعد على الكرسى وهو متعصب ومسك تليفون المكتب وطلب السكرتيره 

ميرفت :- أمر يا فندم 

ادهم:- اتصلى بالمحامى وخليه يجى ليا حالا 

ميرفت :- حاضر يا فندم 

أدهم :- واتصلى على أكرم وخليه هو كمان يجى 

ميرفت :- تمام يا فندم 

أدهم :- قفل التليفون من غير ولا كلمه وطلع بطاقة داليا وبص فيها وقال 

أدهم :- بكره هعرفك انتى واخوكى اللى فرحان بنفسه ده مين أدهم الحناوى 

وفى الوقت ده الباب خبط واذن أدهم ليهم بدخول

المحامى :- السلام عليكم 

أدهم :- وعليكم السلام تعال عايزك 

المحامى واكرم دخلو قعدو 

المحامى :- خير يا ادهم باشا 

أدهم :- مد أيده بالبطاقه بتاعة داليا والعقد العرفى وقال عايزك توثق ده 

المحامى :- اخد البطاقه والعقد وقال عقد عرفى 

أدهم :- ايوه عندك اعتراض

المحامى :- بخوف لاء يا باشا براحتك 

أدهم :- اتفضل شوف شغلك 

المحامى :- وقف وقال عن اذن حضرتك وخرج من المكتب 

أدهم :- بص لأكرم وقال هتفضل ساكت كتير كده 

أكرم :- لو اتكلمت مش بيعجب ولو سكت برضه مش بيعجب 

أدهم :- لاء اتكلم بس فى اللى يخصك انت 

أكرم :- وانا وانت ايه يا ادهم ما واحد واللى يخصك يخصنى طول عمرنا مع بعض على الحلوه والمره بس من يوم اللى حصل وانت بقيت واحد تانى خالص غير أدهم بتاعنا ضيعت طفولتك فى حاجات اكبر منك بكتير ولما كبرت بضيع عمرك فى شخصيه مش بتاعتك ارجوك يا ادهم فوق بقى وبلاش افترا على الناس خاف ربنا ابعد عن اللى بتعملو ده 

أدهم :- داس على سنانه وقال بعصبيه متتكلمش كتير يا اكرم انت عارف ان انا ممكن اخسر صداقة عمرنا لو فتحت الموضوع ده فاهم 

أكرم :- طول ما انت رافض تتكلم فيه هتفضل كده اتكلم طلع كل اللى فى قلبك اضربنى زعقلى اعمل كل اللى انت عايزه بس خرج كل اللى جواك علشان تقدر تعيش طبيعى زينا بعيد عن الكره والانتقام 

أدهم :- اكررررررررررم اسكت بقولك 

أكرم :- لاء مش هسكت يا ادهم مش هسكت كفايه بقى العمر اللى راح منك بلاش تخسر كمان اللى جاى 

أدهم :- وقف وراح عنده وقعد يضرب فى اكرم وقال اسكت قولتلك اسكت 

أكرم :- زق أدهم وبعده عنه وقال انا مش بالضعف اللى انت مفكره ده يا ادهم بس عمرى ما هستقوى على صديق عمرى اللى بعتبره اكتر من اخ ليا وبتمنى ليه الخير 

أدهم :- بعصبيه انا كده وهفضل كده يا اكرم عجبك تكمل صدقتنا على كده كمل مش عجبك فى ستين داهيه هتروح زى اللى راحو وبعد كده متدخلش فى اللى ملكش فيه فاهم وزقه واخد تليفونه ومفاتيح عربيته ونزل وسابه

أكرم :- خرج من المكتب وهو بينده على ادهم بس مشى وسابه من غير ما يرد عليه 

ميرفت :- هو فيه ايه 

أكرم :- بعصبيه وانتى مالك خليكى فى حالك 

ميرفت :- احم اسفه وقعدت تشوف شغلها 

أكرم :- ربنا يهديك يا أدهم وكلامى يكون اثر فيك وراح على مكتبه 

~•~•~•~•~•~•~•~•~•~•~•~•~•

عند ادهم 

نزل ركب عربيته وهو متعصب ومشى بسرعه وبدء يزود السرعه بطريقه جنونيه وكذا مره كان هيعمل حادثه ومره واحده وقف ونزل من العربيه فى حته خاليه مفيهاش حد وقعد يصرخ يصرخ لحد ما حس أنه مش قادر يقف على رجله قعد فى الارض وقال 

أدهم :- كله بيلوم عليا وعلى اللى بعملو محدش فيهم حاسس باللى جوايا محدش فيهم شايف الوجع اللى عايشه انا بكرهم كلهم بكره اللحظه اللى بقيت ابن ليهم بكره اللحظه اللى أسمى اتكتب على اسمهم ووقف بكل شموخ وقال لاء مش أدهم الحناوى اللى يتكسر مش أدهم الحناوى اللى ينحنى فى الارض انا هفضل رافع راسى لفوق وهفضل انا زى ما انا واللى مش عجبه فى ستين داهيه واخد نفس عميق ورجع ركب عربيته ومشى بيها

~•~•~•~•~•~•~•~•~•~•~•~•~•

فى الجريده 

طلعت داليا تليفونها علشان تسمع الحوار اللى عملته مع ادهم وتنقله على الورق وقعدت تسمع الحوار والدموع نازله منها لحد ما وصل التسجيل لاخره واتفاجئت باللى حصل فى مكتب ادهم كله متسجل فى تليفونها فرحت بدليل برأتها واخدت شنطتها وتليفونها ونزلت تجرى وقفت تاكسى وراحت على القسم عند تامر وحمزه ودخلت مكتب حمزه ملقتهوش موجود خرجت من المكتب وراحت مكتب تامر ودخلت عنده وقالت بفرحه انا لاقيت دليل البراءه بتاعتى 

تامر :- بجد فين هو 

داليا :- طلعت تليفونها وقالت اهو وادته لتامر 

تامر :- اخده منها وقال كان فين ده من امبارح 

داليا :- مكنتش اعرف انه مسجل كل حاجه صحيح فين حمزه 

تامر :- حمزه ملاقاش السلاح بتاعه راح يشوفه فى البيت عندكم 

داليا :- تلاقيه ناسيه فى الدولاب زى كل مره المهم اسمع ده بقى واعمل ليه محضر معتبر بالتعدى عليا 

تامر :- عنيا وعمل المحضر لادهم وبعت يجيبه وبعد وقت طويل وصل حمزه وعرف كل حاجه وقعد ينتظر وصول أدهم ووصل أدهم الحناوى القسم بكل فخر وتكبر ودخل المكتب عند تامر وبص لداليا نظره هى مفهمتش معناها وبص بتحدى لحمزه وقعد وقال 

أدهم :- خير 

تامر :- الانسه داليا مقدمه بلاغ فيك بتقول انك حاولت تعتدى عليها 

أدهم :- محصلش 

تامر :- بس الدليل موجود وطلع تليفون داليا وسمع التسجيل لادهم 

أدهم :- قعد يضحك 

الكل بص ليه بأستغراب 

تامر :- ممكن اعرف حضرتك بتضحك على ايه

أدهم :- ههههههههههه اصل النكته دى حلوه اوى 

تامر :- نكته 

أدهم :- اه نكته لما تجيبو تسجيل لراجل بيحاول يقرب لمراته يبقى دى نكته ودمها بايخ اوى 

الكل اتصدم من كلام أدهم 

تامر :- بصدمه مراتك 

أدهم :- ..............

~•~•~•~•~•~•~•~•~•~•~•~•~•

بقلمى دودومحمد

⁦✍️⁩تمرد صحفيه ⁦✍️⁩

🌻الفصل الخامس 🌻

فى القسم 

صرح أدهم الحناوى وقال إن داليا مراته والكل اتصدم من كلامه 

تامر :- بصدمه مراتك

أدهم :- ايوه مراتى من شهر 

تامر :- بص على داليا وشاف علامة الصدمه على وشها وبص على حمزه شاف الشر على وشه بص لادهم وقال معاك ما يثبت كلامك 

أدهم :- خرج العقد من جيبه ومد ايده بيه وقال ده عقد جواز عرفى متوثق عند المحامى من الشهر اللى فات 

حمزه :- قام بسرعه والشر بينط من عينه شد العقد من ايد تامر وبص فيه واتأكد من كلام أدهم 

داليا :- انهارت وقعدت تعيط وتقول والله ما حصل ده كداب حسبى الله ونعمه الوكيل فيك 

حمزه :- راح عندها ورفع أيده ولسه هيضربها 

أدهم :- مسك أيده وقال مسمحش حد يمد أيده على مراتى حتى لو اخوها 

حمزه :- شد أيده من ايد ادهم ومسكه من رقبته وخنقه وقال هموتك يا ادهم ودينى لاموتك 

تامر :- قام يجرى وشد حمزه وبعده عن أدهم وقال اهدا يا حمزه لما نفهم الموضوع  

حمزه :- بعصبيه سبنى يا تامر نفهم ايه بس الهانم متجوزه عرفى وعامله كل الحكايه دى علشان تدارى على عملتها 

تامر :- لاء يا حمزه مش صح كلامك علشان لو صح كانت مجتش تعمل فيه بلاغ وتفضح نفسها فكر بالعقل يا اخى شويه 

حمزه :- والعقد ده ايه يا تامر مش دى امضتها مش ده الرقم القومى بتاعها احنا مش عيال يا تامر 

داليا :- بدموع والله انا مظلومه منك لله يا شيخ 

حمزه :- بعصبيه وصوت عالى خليها تسكت مش عايز اسمع صوتها 

داليا :- راحت عنده ووقفت قصاده وقالت انت تصدق أن اختك تعمل كده انت عارف اختك ايه وايه تربيتها مش انا البنت اللى تحط راس اهلها فى التراب يا حمزه 

حمزه :- وهو بيدوس على سنانه سؤال واحد بس دى امضتك ولا مش امضتك 

داليا :- بدموع امضتى 

حمزه :- وهو بيحاول يفك نفسه من ايد تامر سبنى عليها يا تامر اهى اعترفت انها متجوزه عرفى 

أدهم :- وانا ايه مصلحتى اكدب عليكم اهى بنفسها قالت إنها مضت على العقد 

داليا :- بدموع اخرس انت انا اه مضيت على العقد بس مش من شهر انا مضيت عليه امبارح علشان تتنازل وعلشان متأذيش حد من اهلى لكن أنا بنت زى ما انا وربنا شاهد على صدق كلامى 

تامر :- انا مصدقك يا انسه داليا 

أدهم :- قعد على الكرسى وقال انا بقى مش هسيب مراتى معاكم وهخدها معايا وانا ماشى 

داليا :- مرات مين وتاخد مين معاك انت بتستعبط مستحيل ده يحصل انا مش مرات حد

أدهم :- مدام العقد مكتوب ومتوثق عند المحامى فى المحكمه انتى مراتى 

تامر :- كلامك حضرتك غلط لازم يتوفر شروط النكاح حتى لا يبطل لازم ولى ليها ولازم يتوفر الشهود واساس الجواز الاشهار 

أدهم :- بكدب كان موجود شهود 

داليا :- كداب مكنش حد موجود امبارح 

أدهم :- وهو الجواز كان امبارح التاريخ عندك من شهر على ايد المحامى والشهود 

داليا :- بدموع كداب اقسم بالله كداب  

حمزه:- قدر يفك نفسه من ايد تامر ومسك داليا من شعرها وقال جبت العار لينا اقول ايه لابوكى لو عرف هيروح فيها منك الله 

داليا :- بألم اااااه والله مظلومه يا حمزه 

أدهم :- بعد حمزه عن داليا وقال قولتلك محدش يمد أيده على مراتى 

داليا :- ملكش دعوه وابعد عننا بقى من يوم ما شوفتك وحياتى قلبت سواد متجبش أسمى على لسانك فاهم ولا تقول كلمة مراتى دى تانى 

تامر :- طيب اقعدو بس واهدو علشان نشوف حل للمشكله دى 

أدهم :- مش هتنازل عن مراتى 

داليا :- بدموع انا بكرهك بكرهك 

حمزه :- يطلقها 

أدهم :- طلاق مش هطلق 

داليا :- بدموع ياربى على المصيبه اللى انا فيها انت ايه بارد جبله بقولك بكرهك بكرهك 

تامر :- طيب نشوف حل وسط 

حمزه :- ازاى إن شاءالله يوم عنده ويوم عندنا 

تامر :- لاء طبعآ مش قصدى انا اقصد أن مثلا ممكن يتجوزها جواز حقيقى والناس كلها تعرف وبعد كده لو هى حابه تطلق منه تطلق حابه تكمل تكمل 

داليا :- مستحيل ده يحصل 

تامر :- علشان ابوكى لو حس بأى حاجه ممكن يروح فيها ميستحملش الصدمه دى 

حمزه :- مستحيل احط ايدى فى ايد واحد وسخ زى ده 

أدهم :- حسابك تقل اوى معايا 

حمزه :- ولا انت ولا مليون واحد يقدرو يعملو ليا حاجه 

أدهم :- خليك راجل واستحمل للآخر بس مترجعش تعيط 

حمزه :- انا ارجل من عشره زيك 

أدهم :- هنشوف رجولتك هتستحمل لحد فين 

داليا :- عايز مننا ايه ابعد عن حياتنا بقى يا اخى انا حاسه ان انا فى كابوس ونفسى اصحه منه 

تامر :- وحدو الله كده وسيبكم من الكلام ده وخلينا فى المفيد أدهم باشا لازم يتقدم رسمى للانسه داليا علشان كلام الناس 

داليا :- هزت راسها بمعنى لاء وقالت مستحيل 

حمزه :- بعصبيه انتى تخرسى خالص مسمعش نفسك فاهمه 

أدهم :- انتو اصلا كنتو تحلمو انكم تشوفينى حتى فى طريقكم 

داليا :- ياريت يا شيخ ما كنا شوفنا وشك 

تامر :- شوفو بقى هيجى يتقدم امته اخلصو 

حمزه :- هتتجوز اختى بس هطلقها علطول وخليك عارف ان انا مش هسيبك فى حالك يا ادهم 

أدهم :- ههههههههههه نكته حلوه ضحكتنى 

حمزه :- بتحدى الرك على اللى هيضحك فى الاخر يا ادهم 

تامر :- احم خلاص يوم الجمعه حلو مناسب صح 

حمزه :- بص بغيظ لتامر وقال مالك مستعجل كده 

تامر :- علشان الموضوع يتلم قبل ما حد يعرف وينتشر وبالذات أن أدهم باشا رجل اعمال مشهور وكل حياته معروفه وأخباره بتتنشر علطول 

حمزه :- وهو بيدوس على سنانه قال ماشى 

داليا :- قامت وقفت اخدت شنطتها وطلعت تجرى من مكتب تامر وهى دموعها على خدها 

تامر:- روح وراه اختك يا حمزه 

حمزه :- مش ده اختيارها من الاول تستحمل بقى 

أدهم :- وقف وقال انا ماشى وقرب من حمزه وقال مستنى اشوف رجولتك وخبط على كتفه ومشى 

حمزه :- عااااااااا مش هسيبك يا ادهم مش هسيبك 

تامر :- اهدا يا حمزه انا حاسس بيك بس اختك مظلومه فى الموضوع ده الحركه دى لعبه من ادهم الحناوى ووقعت فيها اختك 

حمزه :- بعصبيه ما انت سمعت بودنك يا تامر أن دى امضتها 

تامر :- ما هى قالت الحقيقه انها مضت عليه امبارح مقابل يتنازل 

حمزه :- برضه غبيه كانت صبرت وانا كنت هخرجها منها اتصرفت غلط يا تامر طلعت نفسها من مصيبه رمت نفسها فى مصيبه اكبر 

تامر :- يعنى مصدقها

حمزه :- هتفرق ايه اذا كنت مصدقها ولا لاء فى الاخر حطت رقبتنا تحت رجله 

تامر :- حاول تمسك اعصابك علشان ابوك ميحسش بحاجه لو عرف كل ده ممكن يجراله حاجه 

حمزه :- وانا ايه سكتنى وخلانى قبلت ما خوف على بابا 

تامر :- كل حاجه هتتحل وهتعدى أن شاءالله المهم لاقيت سلاحك

حمزه :- لاء 

تامر :- اخر مره كان فين 

حمزه :- ساعة ما خرجته وكنت عايز اضرب بيه زفت الطين أدهم 

تامر :- طيب دورت كويس 

حمزه :- ايوه بس هدور تانى وربنا يسهل 

تامر :- أن شاءالله هتلاقيه 

حمزه :- يارب ووقف وقال انا هروح مكتبى عن اذنك وخرج من مكتب تامر راح مكتبه وقعد يدور على السلاح بتاعه 

~•~•~•~•~•~•~•~•~•~•~•~•~•

عند داليا 

خرجت وهى متعصبه وقعدت تمشى فى الشارع ودموعها نازله منها ومره واحده قعدت فى الارض وقالت بدموع 

داليا :- ليه بيحصلى كل ده ليه عملت ايه علشان يعمل فيا كل ده يارب انت المنتقم انتقم ليا منه وفى الوقت ده سمعت صوت أدهم وهو بيضحك بصت لفوق لاقته بيضحك ومربع أيده على صدره 

أدهم :- ههههههههه انتى لسه شوفتى حاجه انا هخليكى تبكى بدل الدموع دم هخليكى تتمنى الموت ومطلهوش 

داليا :- وقفت وراحت عنده وقالت ليييييييييه عملت ليك ايه 

أدهم :- فكرتى نفسك بنأدمه وعملتى راسك براسى كلكم جزم وأقل كمان من الجزم انتو اخركم افعصكم تحت جزمتى 

داليا :- اقسم بالله انت ما طبيعى انت واحد مريض محتاج دكتور نفسانى 

أدهم :- مسكها من دراعها وقال انا بكره هعرفك الجنان بعينه وهنشوف هتستحملى الجنان ده ولا لاء 

داليا :- قادر ربنا يخدك ومتلحقش تأذى حد فينا 

أدهم :- هههههههههه متخفيش لما اطلع عليكى القديم والجديد الاول 

داليا :- شدت دراعها من أيده وقالت اياك تلمسنى انا بقرف منك 

أدهم :- بلاش تستفزينى علشان متشفيش منى حاجه مش هتعجبك

داليا :- انا من يوم ما شوفتك وانا كل حاجه مش بتعجبنى وسابته ومشيت 

أدهم :- بكره تبوسى رجلى علشان ارحمك وركب عربيته ومشى بيها راح يكمل يومه فى المكان اللى بيسهر فيه علطول 

~•~•~•~•~•~•~•~•~•~•~•~•~•

فى بيت صغير جدآ توجد اسره فقيره مكونه من اربع أفراد الاب والام والابن والابنه ويجلسون على طبلية العشاء 

ميرفت :- بابا بعد اذنك كنت عايزه اطلب منك طلب 

ابو ميرفت :- خير يا بنتى 

ميرفت :- الجزمه بتاعتى اتقطعت وكنت عايزه انزل اشترى واحده جديده علشان اروح بيها الشركه بكره 

ام ميرفت :- وانتى شايفه فيه فلوس 

ميرفت :- انا معايه حق الجزمه 

ام ميرفت :- يعنى معاكى فلوس وشايفه أن احنا معناش نشترى اللقمه وساكته 

ميرفت :- بس انا مش معايا غير حق الجزمه بس حتى مش هيتبقى معايا فلوس اشترى بيها غدا فى الشغل 

ام ميرفت :- هاتى يا بت مفيش جزم هتيجى الاكل اهم روحى خيطى الجزمه القديمه وقضى بيها وخلاص 

ميرفت :- بدموع بس 

ام ميرفت :- مفيش بس قومى يا بت هاتى الفلوس 

حسن اخو ميرفت :- حلو هاتى بقى اجيب علبة سجاير 

ام ميرفت :- مش لما تدينى الفلوس الاول 

حسن :- انجرى يا بت هات الفلوس لامك

ميرفت :- بدموع ح.ح.حاضر وقامت تجيب الفلوس من شنطتها 

ابو ميرفت :- حرام عليكى كنتى خليهم ليها تجيب بيهم الجزمه 

ام ميرفت :- اخليهم وتدينى انت فلوس 

ابو ميرفت :- منين ما انتى شايفه الحال 

ام ميرفت :- يبقى انكتم واسكت 

ميرفت :- جابت الفلوس وقالت بدموع خدى اهم

ام ميرفت :- شدتهم من ايديها وقالت هاتى يا اختى 

حسن :- هاتى بقى يا اما اجيب السجاير خرمان 

ام ميرفت :- خد يا اخويه هو ده اللى فالح فيه وادته فلوس وقامت تشيلهم فى الاوضه جوه 

ميرفت :- قعدت تبص عليهم ودموعها نازله منها 

ابو ميرفت :- طبطب عليها وقال معلش يا بنتى ياريت كان فى ايديا حاجه 

ميرفت :- مسحت دموعها وقالت ولا يهمك يا حبيبى الجزمه هخيطها وهكمل بيها

ابو ميرفت :- استنى خدى العلاج بتاعى ده رجعيه الصيدليه وخدى الفلوس وهاتى بيها جزمه 

ميرفت :- لاء طبعآ يا بابا انا مستحيل اعمل كده اخد علاجك اللى لسه مشترياه ليك علشان اجيب جزمه انا اهم حاجه عندى صحتك 

ابو ميرفت :- يا بنتى انا مش هعيش قد ما عشت يعنى اخد العلاج ولا لا دى اعمار بيدى الله 

ميرفت :- ربنا يطول لينا فى عمرك يا حبيبى 

ابو ميرفت :- ربنا يرزقك الزوج الصالح اللى يسعدك ويهنيكى يارب 

ميرفت :- ويخليك ليا يا بابا يارب 

~•~•~•~•~•~•~•~•~•~•~•~•~•

فى فيلا خالد الحناوى 

فى اوضت دينا 

كانت قافله على نفسها الباب وبتتكلم فى التليفون وهى زعلانه 

دينا :- كده يا أسر انا زعلانه منك 

اسر :- زميلها فى النادى ليه بس يا بيبى 

دينا :- علشان شوفتك وانت عمال تتكلم مع المسلوعه اللى اسمها جيجى

اسر :- وتزعلى ليه ما انتى عارفه انها بنت صاحبة مامى وبتيجى معايا النادى علشان امشيها 

دينا :- انت عارف ان انا بغير عليك منها ومن اى واحده 

اسر :- عادى يا قلبى طيب ما انا بشوفك واقفه مع شباب وعادى مش بزعل 

دينا :- ما ده برضه هيجنينى انت ليه عمرك ما غيرت عليا 

اسر :- عادى يعنى واثق فيكى 

دينا :- مش حكاية ثقه بس لما حد بيحب حد اوى بيغير عليه حتى من النسمه الطايره

اسر :- يا بنتى عادى يعنى لما تقفى تتكلمى مع الشباب هيكلو منك حته المهم فين الألفين جنيه اللى قولتلك عليهم 

دينا :- معايا كنت جايه ادهوملك النهارده فى النادى لما شوفتك واقف مع البت دى اتغاظت ومشيت 

اسر :- بس انا محتاجهم جدآ وعايزهم بأى طريقه 

دينا :- بكره ابقى اجبهم ليك وخلى بالك أدهم سألنى بودى الفلوس دى كلها فين علشان باخد منه الفين جنيه كل اسبوع تقريبآ ده غير اللى بخده من ماما وبابا وعلاء وفادى

اسر :- بزعل مزيف خلاص يا دينا لو الفلوس دى هتسبب ليكى مشكله بلاش 

دينا :- لاء مش قصدى والله بس انا بقولك حافظ على دول مؤقتآ علشان مش هقدر اطلب فلوس اليومين دول تانى 

اسر :- أن شاءالله المهم بكره تجيبى الفلوس اول ما تصحى 

دينا :- حاضر تصبح على خير 

اسر :- وانتى من أهله يا احلى ما فى ايامى

دينا :- بكسوف بحبك 

اسر :- بعشق امك 

دينا :- اسر ايه بعشق امك دى بلاش الطريقه دى مش بحبها 

اسر :- انا اسف يا ستى بعشقك 

دينا :- باى 

اسر :- باى يا عمرى 

~•~•~•~•~•~•~•~•~•~•~•~•~•

فى شقة سعيد 

وصلت داليا وهى منهاره دخلت تجرى على اوضتها وقفلت الباب عليها واترمت على السرير وقعدت تعيط 

وفى الوقت ده باب اوضتها خبط مسحت دموعها وقامت فتحت الباب وقالت 

داليا :- ايوه يا مؤمن 

مؤمن :- انتى جيتى ودخلتى اوضك علطول ليه

داليا :- عادى مصدعه شويه وكنت هنام 

مؤمن :- هتنامى من دلوقتى 

داليا :- ايوه يا مؤمن مش تحقيق هو 

مؤمن :- لاء بجد مالك يا داليا مش متعود عليكى تكونى زعلانه كده فيكى ايه 

داليا :- وهى ماسكه دموعها بالعافيه مفيش حاجه يا حبيبى شوية مشاكل فى الشغل وهتتحل قريب إن شاءالله 

مؤمن :- على العموم مفيش حاجه فى الدنيا تستاهل دمعه من عيونك ولا حاجه تستاهل تخفى ضحكتك الحلوه دى 

داليا :- ربنا يخليك يا حبيبى طول ما انتو موجودين حاوليه بالدنيا واللى فيها 

مؤمن :- بسها فى راسها وراح على اوضه 

داليا :- بصت على اخوها وهو ماشى وقالت ربنا يخليكم ليا انتو ضهرى وسندى فى الدنيا دى ودخلت وقفلت باب الاوضه بتاعها ودخلت نامت على سريرها 

وفى الوقت ده تليفونها رن بتبص لاقتها فاطمه ردت عليها وقالت ايوه يا فاطمه 

فاطمه :- فى ايه يا بنتى نزلتى تجرى من الجريده وقعدنا ننادى عليكى انا والبت توته مردتيش علينا 

داليا :- معلش يا فاطمه بس افتكرت حاجه ضروريه نزلت أجرى 

فاطمه :- حاجة ايه دى اللى افتكرتيها وجريتك بالمنظر ده 

داليا :- حاجه وخلاص يا فاطمه 

فاطمه :- بت انتى مالك مش طبيعيه ليه من يوم مقابلة أدهم الحناوى 

داليا :- ها ق.ق.قصدك ايه

فاطمه :- يعنى النهارده جايه سرحانه وحزينه وعينك كلها دموع ولما بنسألك بتتعصبى علينا وسبتينا ونزلتى تجرى 

داليا :- مفيش حاجه ع.ع.عادى يعنى 

فاطمه :- عليا انا الكلام ده انا حفظاكى اكتر من نفسك انطقى يا داليا فيكى ايه 

داليا :- هقولك بس متقوليش لحد 

فاطمه :- قولى متقلقيش محدش هيعرف

داليا :- حكت ليها كل حاجه حصلت ما بنها وبين أدهم 

فاطمه :- بصدمه نهار اسود ومنيل كل ده حصل 

داليا :- ايوه يا فاطمه انا بموت من ساعة ما شوفته 

فاطمه :- بس انتى غبيه يعنى تمضى على عقد جواز عرفى 

داليا :- مكانش فى ايديا حاجه انا ممكن ارمى نفسى فى النار ولا أن حد من اهلى يتأذو 

فاطمه:- ما انتى فعلا رميتى نفسك فى النار يا فالحه وكمان مش تفكرى قبل ما تروحى تعملى بلاغ فيه انتى روحك فى أيده يا غبيه اهو قلبها عليكى 

داليا :- انا نسيت موضوع العقد ده انا قولت انتقم منه وأثبت براءتى معرفش أن هو واحد وسخ لدرجاتى وعمل العقد كمان بتاريخ قديم وفوق كل ده هيجى يتجوزنى هقدر ابص فى وشه ازاى ده انا مش قادره أتخيل نفسى مراته انا بموت يا فاطمه بموت 

فاطمه :- ولا تموتى ولا حاجه موته تخدو هو وأهله مدام هو كده يبقى طلعى عينه عرفيه أن الله حق ندميه على اليوم اللى فكر يأذيكى فيه خليه يندم أن اتجوزك بالطريقه دى 

داليا :- ازاى مش فاهمه 

فاطمه :- يعنى بعد الجواز امشى معاه بأسلوب شوق ولا تدوق 

داليا :- الا يعنى كده فهمت ما توضحى كلامك يا بت 

فاطمه :- يعنى البسى كل اللى يخليه مش على طبيعته يبقى هيموت ويلمسك ومش عارف خليكى قويه الراجل بطبيعته بيضعف اوى قصاد الجمال وبيموت لما تكون واحده حلاله ومش قادر يجى جنبها ويلمسها هيجى ليكى مذلول علشان تسامحيه وينول الرضا منك 

داليا :- يخربيت دماغك السو دى بتجيبى الأفكار دى منين وبعدين انا مستحيل اعمل كده ولا عايزه اشوف وشه من اساسه كل اللى محتاجه يبعد عنى وينسانى 

فاطمه :- كتك نيله يا عبيطه حد يطول يتجوز واحد زى أدهم ده ياريت كان كل ده حصل معايا انا كنت خليته يلف حوالين نفسه لحد لما يعرف أن الله حق اسيبه يقرب منى ونعيش فى تبات ونبات ونجيب صبيان ونجيب بنات 

داليا :- والله ياريتها بالسهوله دى اصلك متعرفهوش ولا شوفتيه ده كفايه بس يبص ليكى البص يخليكى مش قادره تقفى على رجليكى ولا لما يكون متعصب ويكلمك وعينه بطق شرار يا لهوووووى يخليكى تعملى بيبي على نفسك 

فاطمه :- وووووواو يارب اوعدنى براجل شبه كده 

داليا :- بس يا عبيطه ربنا ما يكتبها عليكى 

فاطمه :- انا عبيطه بحب الراجل الحمش واو اللى يفضل يزعق وعيونه تطلع شرار ولا يدينى قلمين على وشى يظبطنى 

داليا :- فاطمه روحى اتخمدى 

فاطمه :- قولى روحى نامى واحلمى بالواد الحمش هييييييييح الو الو يا داليا كده بتقفلى السكه فى وشى 

داليا :- قفلت السكه فى وش فاطمه وقالت واحده مجنونه ربنا يشفيها 

~•~•~•~•~•~•~•~•~•~•~•~•~•

فى فيلا أكرم 

فى اوضت اكرم

مسك تليفونه وقعد يتصل على ادهم وميردش عليه وفى اخر مره رد عليه وقال 

أدهم :- افندم عايز ايه 

أكرم :- انت فين 

أدهم :- زى كل مره هقولك وانت مالك 

أكرم :- أدهم انا عايزه اقعد معاك ونتكلم شويه 

أدهم:- مفيش كلام ما بنا انتهت على كده 

أكرم :- اللى ما بنا اكبر من ان هو ينتهى بمشكله صغيره تحصل ما بنا ولا خناقه احنا اخوات يا ادهم ومتعودين من صغرنا نتخانق مع بعض بس عمرنا ما بعدنا عن بعض 

أدهم :- بعد اللى حصل النهارده مفيش صحوبيه ما بنا يا اكرم 

أكرم :- كل ده علشان عايز مصلحتك وخايف عليك 

أدهم :- انا مش صغير عارف مصلحتى كويس اوى مش هستنا نصيحه من واحد زيك 

أكرم :- ماشى يا سيدى شكرآ ممكن اعرف انت فين علشان اجيلك 

أدهم :- مش هقولك يا اكرم 

أكرم :- ليه يا ادهم انا عارف انك فى كباريه بس أنه واحد 

أدهم :- اقفل يا اكرم بكره ابقى قولى عايز ايه فى الشركه وقفل السكه 

أكرم :- أدهم يا ادهم بص فى التليفون لاقه قفل السكه فى وشه قال ربنا يهديك يا صاحبى 

~•~•~•~•~•~•~•~•~•~•~•~•~•

بقلمى دودو محمد

من الفصل الخامس حتي العاشر من هنا 👇👇👇👇👇👇

من هنا

بداية الروايه من هنا 👇👇👇

من هنا

تعديل المقال