 |
عندما التقينا(صغيرتي نور)
البارت السادس والسابع
البارت السادس
احدهم موجه المسدس ناحية مراد
دخلت الممرضة الغرفة ووجدت شخص يحمل سلاح ولسه هتصر*خ هج*م عليها ثم وضع منديل علي فمها لتفقد الوعي
القا*تل محدثا نفسه :دي شافتني يعني لو قت*لته هتبلغ عني وما هي الا ثواني حتي سمع اصوات قريبة من الغرفة فاخذ الممرضة ودخل الي الحمام
دخل والد مراد الي الغرفة :مش هتقوم بقي يابني قوم يلا واتخا*نق معايا زي زمان وحشتني يابني صحيح انت من ساعة نبرة وانت بعيد عني وعن كل الناس بس كنت بطمن عليك يوميًا من بعيد خمس سنين وانت مش قادر تنسي اللي اتعمل فيك بس خلاص كفاية كده انا مش هسيبك تاني قوم انت بس وانا مش هفارقك لحظة يابني وهرجعك مراد بتاع زمان اللي كان كله فرح ونشاط وحيوية قوم يابني بقي ابوس ايدك ونزلت دمعة من عينه
دخلت والدة مراد :وجلست تبكي بجانب ابنها وتترجاه ان يستيقظ
والد مراد :هيقوم هيقوم منها إن شاء الله انا متأكد ابننا قدها وهيقوم
في غرفة نور
والد نور :انتي بتقولي ايه يابنتي
نور:زي ما بقولك يابابا هي اللي كانت عايزة تقت*لني ودفعت لواحد خمسين الف جنيه وقالتله هتديله زيهم لما يخلص عليا
فوزية :انتي بتقولي ايه يابت انتي انتي الحاد*ثة اثرت علي دماغك ولا ايه
والد نور :متأكدة يابنتي انك مش شايفه كابو*س ولا حاجه
نور ببكاء :والله يابابا بقول الحقيقة وقصت له كل ما حدث احنا قبل الحاد*ثة كنا هنوديهم القسم ونعمل محضر ونثبت كل الكلام ده حتي اسألوا حراس مراد
فوزية بح*قد وبجا*حة:الاول تخلي جوزي يكتبلك كل فلوسه ودلوقتي جايبه ناس تتبلي عليا علشان تسجنيني وتشردي عيالي بقي كدة يا خويا ترضي علي اختك البهدلة دي وبدأت تتصنع البكاء
والد نور :وقفي دموع التما*سيح دي يا فوزية انا بنتي لا يمكن تكذب ولو اتأكدنا من الكلام ده هحطك في السجن بايدي
والدة نور وقفت قدام فوزية وصف*عتها صف*عة قوية بقي انتي كنتي عايزه تق*تلي بنتي ومش بس كده كنتي بتشككي في شر*ف بنتي
واللي نايم بين الحياة والمو*ت ده بسببك كل ده علشان الفلوس حسبي الله ونعم الوكيل فيكي
في غرفة مراد
دخل الدكتور وطلب منهم ان يغادروا غرفة مراد حتي يرتاح المريض
خرجوا ونزلوا الكافتيريا يشربوا حاجه ثم خرج القا*تل من الحمام وترك الممرضة في الحمام ثم سمع صوت في الخارج
نور للطبيب :بس انا عايزه ادخل اطمن عليه
الدكتور :ممكن بكره لان انتي كمان محتاجه ترتاحي
والد نور:خلاص يابنتي تعالي شوفيه بكره
وافقت نور وذهبت مع والدها ولكنها توقفت عندما رأت الدكتور يبتعد
نور لوالدها :بص يابابا انا هدخل وانت اقفلي علي الباب لو جه ابقي اديني اي اشارة وانا هخرج علي طول
والد نور:ما تخليها بكره يابنتي
نور :عايزه اطمن عليه يابابا ده الشخص اللي انقذني
والد نور:خلاص ادخلي يابنتي وهستناكي يابنتي
دخلت نور الغرفة ووجدت احدهم يشهر سلاحه علي مراد
وجه السلاح علي نور وقال لها لو سمعت صوتك هق*تلك وبعدين هق*تله
خليكي ساكته وانا هق*تله وهخرج من سكات وانتي كأنك مشوفتيش حاجه
ذعرت نور بما سمعته
وعندما وجدته يوجه سلاحه تجاه مراد …….
اتمني البارت يعجبكم ♥️
البارت السابع
صغيرتي نور
وعندما وجدته يوجه سلاحه تجاه مراد دفعت الترابيزة التي امامها تجاه القا*تل ثم امسكت بمقص كان بجانبها وطع*نته في ذراعه وعلي اثر هذه الضجه دخل والد مراد ووالد نور الي غرفة مراد ووجدوا المشهد كالآتي نور ملقاه علي الارض تبكي بشده لان احد جرو*جها اتفتح والقا*تل كان جالس علي الارض ممسك بذراعه بأ*ام وبجانبه علي الارض المسد*س
والد نور بخضة: في اي يا نور مالك اي بيوج*عك
نور بأ*لم وبكاء :امسك الراجل ده يابابا ده عايز يق*تل مراد
وقعت تلك الجملة علي مسامع والد مراد كالصاعقة وجري تجاه الرجل
والد مراد :بقي انت يا حيو*ان عايز تق*تل ابني وبدأ يص*فعه
والده نور :سيبه ده مجر*وح هيم*وت كده في ايدك
والد مراد ومازال ممسك به :يموت ولا يروح في داهي*ة مش مهم جاء الدكتور ليري نور فاقده الوعي وغير منتبه لها احد
الدكتور بذعر :يا انسة يا انسة هي حصلها اي وفجأة وجدها تنز*ف بشدة
والد مراد :انتبه لنور وبلهفة وخضة الحق نور يا دكتور بسرعة وبالفعل حمل الدكتور نور وذهب بها الي الغرفة ثم بدأوا في اسعاف نور وإعادة تضميد جرو*حها ثم قاموا بإسعاف القا*تل أيضًا
والد نور :طمني يا دكتور بنتي عاملة ايه
الدكتور :بنتك بخير بس هي عملت مجهود وجر*حها اتفتح ف ده طبعا كان صعب جدا عليها هي دلوقتي بخير بس مينفعش تتحرك غير لما الجر*ح يلم وممنوع انها تنفعل
جاءت الشرطة وبدأت تأخد اقوال الممرضة ثم نور ثم قاموا بالتحفظ علي المتهم
والد مراد :شكرا يابنتي
نور بصوت منخفض انا معملتش حاجه يا عمي
والدة مراد اقتربت من نور ثم قبلتها من وجهها :انا لو فضلت اشكرك عمري كله مش هوفيكي حقك انتي انقذتيلي ابني الوحيد ونور عيني في الدنيا
نور بصوت منخفض :انا معملتش حاجه يا امي ابن حضرتك انقذ حياتي قبل كده ودي اقل حاجه ممكن اقدمهاله
بدأت والدة مراد تشكر اهل نور كل هذا يحدث وهي تراقب بح*قد شديد وتتمني ان تتخلص منهم جميعًا
مجهول ١:بتقول ايه ازاي محصلهوش حاجه
مجهول٢:انا عملت زي مانت ما قولتلي ياباشا فضلت اراقب الراجل بتاعك علشان اول ما يق*تل مراد اخفيه من الوسط شويه بس اللي حصل عكس كده تمام
مجهول١:ايه اللي حصل
مجهول٢: قص له كل ما حدث بالفعل
مجهول١بغ*ضب:تاريخ البنت دي يكون عندي كمان ساعة بالكتير من وقت ما اتولدت لحد دلوقتي
مجهول٢:اوامرك ياباشا
مجهول١:عايزك كمان تحاول تدخل الاوضة اللي كرم فيها (اللي حاول يق*تل مراد )وتنبه كويس انه ميفتحش بوقه ولا يذكر اسمي مهما كان التمن
مجهول٢:اوامرك ياباشا
اغلق الهاتف وهو يتو*عد لتلك الفتاة التي د*مرت له خططه
عودة للمستشفي
والد مراد :ياترا مين عايز يك*سر ضهري كده ويذ*لني
والدة مراد:انا خا*يفة علي ابني ممكن يحاولوا تاني
والد مراد :متخافيش انا بعت اجيبله حراس وهما علي وصول دلوقتي
والدة مراد :ربنا يستر
مرت نصف ساعة حتي وصل ستة حراس يبدوا عليهم الشدة
والد مراد :اسمعوني كويس في ناس بته*دد حياة ابني وعايزكم تفتحوا عنيكم كويس اوي اوي
انتوا الاتنين هتقفوا هنا علي الباب وانت هتكون دايما في الاوضة مع ابني وانتوا الاتنين هتقفوا برا المستشفي تحديدا تحت الشباك اللي بيودي علي اوضة ابني وانت هتعقد في اوضة الكاميرات عينك متغفلش عن مراقبة الكاميرات ولو حسيت باي حاجه تبلغني فورًا ورديتكم هتكون ١٢ساعة وهيجي زمايلكم يستلموا منكم الشغل باقي اليوم
انصرف الجميع الي الاماكن المحدده لهم
مر اسبوع وبدأت نور تتعافي ومراد مازال علي وضعه وفي صباح اليوم التالي كانت نور واهلها يجهزون لمغادرة المستشفي وذهبوا ليودعوا مراد
نور :تسمحلي يا عمي اسلم علي مراد قبل ما امشي
والد نور طبعا ادخلي يابنتي
دخلت نور ووجدت شخص يقف(الحارس)
بدأت نور تتحدث مع مراد
نور:انا عارفه ان انت سامعني وحاسس بوجودي حواليك انا عايزه اشكرك علي كل حاجه عملتها معايا وعايزه اعتذرلك لاني السبب في وضعك ده دلوقتي اتمني من كل قلبي انك اصحي وترجع لاهلك اللي بيحبوك ولحياتك دعت نور من قلبها ان يستيقظ ثم قامت لتغادر الغرفة خرجت نور وما هي الا ثواني حتي خرج الحارس من الغرفة وقال مراد بيه بيتكلم وعمال يقول نور الجميع فرح ودخلوا الي الداخل وجاء الطبيب وفحص مراد
الدكتور الحمد لله هو بقي كويس جدا وهيفوق كمان ربع ساعة او اقل إن شاء الله
بعد مرور ربع بدأ مراد يفتح عينه ويتحدث ببطئ نور
نور :مراد اصحي كلنا حواليك هنا
استيقظ مراد واصبحت الرؤية واضحة امامه
والد مراد:حمدله علي سلامتك يابني
مراد :الله يسلمك يابابا
والدة مراد :كده ياحبيبي تخضنا عليك ده كله
مراد :حقك عليا يا امي
نظر الي نور فوجدها امامه بصحة جيدة
مراد :شكلي انا بس اللي عملت حاد*ثة
والدة مراد :لا يا حبيبي نور كانت مجرو*حه اكتر منك
مراد بعدم فهم :بس ماشاء الله كويسه اهي
الدكتور وقد فهم ان مراد لا يعلم انه كان داخل غيبوبة :نور كويسه علشان انتوا بقالكم ٩ايام في المستشفي
مراد :قولت بقالنا قد ايه
الدكتور :تسع ايام وانت كنت في غيبوبة
مراد وقد فهم الامر :علشان كده عبد الحق لمراد :انا بشكرك يابني علي كل حاجه عملتها مع بنتي
مراد :انا معملتش حاجه يا عمي ده واجب اي شاب انه لو شاف حاجه زي كده يتدخل ويساعد
قاطعهم الدكتور قائلًا بالمناسبة السعيدة دي انا حابب اطلب طلب سعيد منك يا عمي
عبد الحق :اطلب يابني
الدكتور :انا اطلب ايد الانسة نور
وقعت تلك الجملة علي مسامع البعض كالصاعقة والبعض الاخر انتابه الدهشة ثم نظر مراد ونور لبعضهم البعض في نفس اللحظة وتحدثت نور
نور:……
اتمني البارت يعجبكم
البارت الثامن والتاسع والعاشر من هنا 👇👇👇👇👇👇
بداية الروايه من هنا 👇👇👇
