جميع الروايات كامله

 

⁦✍️⁩تمرد صحفيه ⁦✍️⁩

بقلم دودو محمد

🌻من الفصل الخامس حتي العاشر 🌻

فى القسم 

صرح أدهم الحناوى وقال إن داليا مراته والكل اتصدم من كلامه 

تامر :- بصدمه مراتك

أدهم :- ايوه مراتى من شهر 

تامر :- بص على داليا وشاف علامة الصدمه على وشها وبص على حمزه شاف الشر على وشه بص لادهم وقال معاك ما يثبت كلامك 

أدهم :- خرج العقد من جيبه ومد ايده بيه وقال ده عقد جواز عرفى متوثق عند المحامى من الشهر اللى فات 

حمزه :- قام بسرعه والشر بينط من عينه شد العقد من ايد تامر وبص فيه واتأكد من كلام أدهم 

داليا :- انهارت وقعدت تعيط وتقول والله ما حصل ده كداب حسبى الله ونعمه الوكيل فيك 

حمزه :- راح عندها ورفع أيده ولسه هيضربها 

أدهم :- مسك أيده وقال مسمحش حد يمد أيده على مراتى حتى لو اخوها 

حمزه :- شد أيده من ايد ادهم ومسكه من رقبته وخنقه وقال هموتك يا ادهم ودينى لاموتك 

تامر :- قام يجرى وشد حمزه وبعده عن أدهم وقال اهدا يا حمزه لما نفهم الموضوع  

حمزه :- بعصبيه سبنى يا تامر نفهم ايه بس الهانم متجوزه عرفى وعامله كل الحكايه دى علشان تدارى على عملتها 

تامر :- لاء يا حمزه مش صح كلامك علشان لو صح كانت مجتش تعمل فيه بلاغ وتفضح نفسها فكر بالعقل يا اخى شويه 

حمزه :- والعقد ده ايه يا تامر مش دى امضتها مش ده الرقم القومى بتاعها احنا مش عيال يا تامر 

داليا :- بدموع والله انا مظلومه منك لله يا شيخ 

حمزه :- بعصبيه وصوت عالى خليها تسكت مش عايز اسمع صوتها 

داليا :- راحت عنده ووقفت قصاده وقالت انت تصدق أن اختك تعمل كده انت عارف اختك ايه وايه تربيتها مش انا البنت اللى تحط راس اهلها فى التراب يا حمزه 

حمزه :- وهو بيدوس على سنانه سؤال واحد بس دى امضتك ولا مش امضتك 

داليا :- بدموع امضتى 

حمزه :- وهو بيحاول يفك نفسه من ايد تامر سبنى عليها يا تامر اهى اعترفت انها متجوزه عرفى 

أدهم :- وانا ايه مصلحتى اكدب عليكم اهى بنفسها قالت إنها مضت على العقد 

داليا :- بدموع اخرس انت انا اه مضيت على العقد بس مش من شهر انا مضيت عليه امبارح علشان تتنازل وعلشان متأذيش حد من اهلى لكن أنا بنت زى ما انا وربنا شاهد على صدق كلامى 

تامر :- انا مصدقك يا انسه داليا 

أدهم :- قعد على الكرسى وقال انا بقى مش هسيب مراتى معاكم وهخدها معايا وانا ماشى 

داليا :- مرات مين وتاخد مين معاك انت بتستعبط مستحيل ده يحصل انا مش مرات حد

أدهم :- مدام العقد مكتوب ومتوثق عند المحامى فى المحكمه انتى مراتى 

تامر :- كلامك حضرتك غلط لازم يتوفر شروط النكاح حتى لا يبطل لازم ولى ليها ولازم يتوفر الشهود واساس الجواز الاشهار 

أدهم :- بكدب كان موجود شهود 

داليا :- كداب مكنش حد موجود امبارح 

أدهم :- وهو الجواز كان امبارح التاريخ عندك من شهر على ايد المحامى والشهود 

داليا :- بدموع كداب اقسم بالله كداب  

حمزه:- قدر يفك نفسه من ايد تامر ومسك داليا من شعرها وقال جبت العار لينا اقول ايه لابوكى لو عرف هيروح فيها منك الله 

داليا :- بألم اااااه والله مظلومه يا حمزه 

أدهم :- بعد حمزه عن داليا وقال قولتلك محدش يمد أيده على مراتى 

داليا :- ملكش دعوه وابعد عننا بقى من يوم ما شوفتك وحياتى قلبت سواد متجبش أسمى على لسانك فاهم ولا تقول كلمة مراتى دى تانى 

تامر :- طيب اقعدو بس واهدو علشان نشوف حل للمشكله دى 

أدهم :- مش هتنازل عن مراتى 

داليا :- بدموع انا بكرهك بكرهك 

حمزه :- يطلقها 

أدهم :- طلاق مش هطلق 

داليا :- بدموع ياربى على المصيبه اللى انا فيها انت ايه بارد جبله بقولك بكرهك بكرهك 

تامر :- طيب نشوف حل وسط 

حمزه :- ازاى إن شاءالله يوم عنده ويوم عندنا 

تامر :- لاء طبعآ مش قصدى انا اقصد أن مثلا ممكن يتجوزها جواز حقيقى والناس كلها تعرف وبعد كده لو هى حابه تطلق منه تطلق حابه تكمل تكمل 

داليا :- مستحيل ده يحصل 

تامر :- علشان ابوكى لو حس بأى حاجه ممكن يروح فيها ميستحملش الصدمه دى 

حمزه :- مستحيل احط ايدى فى ايد واحد وسخ زى ده 

أدهم :- حسابك تقل اوى معايا 

حمزه :- ولا انت ولا مليون واحد يقدرو يعملو ليا حاجه 

أدهم :- خليك راجل واستحمل للآخر بس مترجعش تعيط 

حمزه :- انا ارجل من عشره زيك 

أدهم :- هنشوف رجولتك هتستحمل لحد فين 

داليا :- عايز مننا ايه ابعد عن حياتنا بقى يا اخى انا حاسه ان انا فى كابوس ونفسى اصحه منه 

تامر :- وحدو الله كده وسيبكم من الكلام ده وخلينا فى المفيد أدهم باشا لازم يتقدم رسمى للانسه داليا علشان كلام الناس 

داليا :- هزت راسها بمعنى لاء وقالت مستحيل 

حمزه :- بعصبيه انتى تخرسى خالص مسمعش نفسك فاهمه 

أدهم :- انتو اصلا كنتو تحلمو انكم تشوفينى حتى فى طريقكم 

داليا :- ياريت يا شيخ ما كنا شوفنا وشك 

تامر :- شوفو بقى هيجى يتقدم امته اخلصو 

حمزه :- هتتجوز اختى بس هطلقها علطول وخليك عارف ان انا مش هسيبك فى حالك يا ادهم 

أدهم :- ههههههههههه نكته حلوه ضحكتنى 

حمزه :- بتحدى الرك على اللى هيضحك فى الاخر يا ادهم 

تامر :- احم خلاص يوم الجمعه حلو مناسب صح 

حمزه :- بص بغيظ لتامر وقال مالك مستعجل كده 

تامر :- علشان الموضوع يتلم قبل ما حد يعرف وينتشر وبالذات أن أدهم باشا رجل اعمال مشهور وكل حياته معروفه وأخباره بتتنشر علطول 

حمزه :- وهو بيدوس على سنانه قال ماشى 

داليا :- قامت وقفت اخدت شنطتها وطلعت تجرى من مكتب تامر وهى دموعها على خدها 

تامر:- روح وراه اختك يا حمزه 

حمزه :- مش ده اختيارها من الاول تستحمل بقى 

أدهم :- وقف وقال انا ماشى وقرب من حمزه وقال مستنى اشوف رجولتك وخبط على كتفه ومشى 

حمزه :- عااااااااا مش هسيبك يا ادهم مش هسيبك 

تامر :- اهدا يا حمزه انا حاسس بيك بس اختك مظلومه فى الموضوع ده الحركه دى لعبه من ادهم الحناوى ووقعت فيها اختك 

حمزه :- بعصبيه ما انت سمعت بودنك يا تامر أن دى امضتها 

تامر :- ما هى قالت الحقيقه انها مضت عليه امبارح مقابل يتنازل 

حمزه :- برضه غبيه كانت صبرت وانا كنت هخرجها منها اتصرفت غلط يا تامر طلعت نفسها من مصيبه رمت نفسها فى مصيبه اكبر 

تامر :- يعنى مصدقها

حمزه :- هتفرق ايه اذا كنت مصدقها ولا لاء فى الاخر حطت رقبتنا تحت رجله 

تامر :- حاول تمسك اعصابك علشان ابوك ميحسش بحاجه لو عرف كل ده ممكن يجراله حاجه 

حمزه :- وانا ايه سكتنى وخلانى قبلت ما خوف على بابا 

تامر :- كل حاجه هتتحل وهتعدى أن شاءالله المهم لاقيت سلاحك

حمزه :- لاء 

تامر :- اخر مره كان فين 

حمزه :- ساعة ما خرجته وكنت عايز اضرب بيه زفت الطين أدهم 

تامر :- طيب دورت كويس 

حمزه :- ايوه بس هدور تانى وربنا يسهل 

تامر :- أن شاءالله هتلاقيه 

حمزه :- يارب ووقف وقال انا هروح مكتبى عن اذنك وخرج من مكتب تامر راح مكتبه وقعد يدور على السلاح بتاعه 

~•~•~•~•~•~•~•~•~•~•~•~•~•

عند داليا 

خرجت وهى متعصبه وقعدت تمشى فى الشارع ودموعها نازله منها ومره واحده قعدت فى الارض وقالت بدموع 

داليا :- ليه بيحصلى كل ده ليه عملت ايه علشان يعمل فيا كل ده يارب انت المنتقم انتقم ليا منه وفى الوقت ده سمعت صوت أدهم وهو بيضحك بصت لفوق لاقته بيضحك ومربع أيده على صدره 

أدهم :- ههههههههه انتى لسه شوفتى حاجه انا هخليكى تبكى بدل الدموع دم هخليكى تتمنى الموت ومطلهوش 

داليا :- وقفت وراحت عنده وقالت ليييييييييه عملت ليك ايه 

أدهم :- فكرتى نفسك بنأدمه وعملتى راسك براسى كلكم جزم وأقل كمان من الجزم انتو اخركم افعصكم تحت جزمتى 

داليا :- اقسم بالله انت ما طبيعى انت واحد مريض محتاج دكتور نفسانى 

أدهم :- مسكها من دراعها وقال انا بكره هعرفك الجنان بعينه وهنشوف هتستحملى الجنان ده ولا لاء 

داليا :- قادر ربنا يخدك ومتلحقش تأذى حد فينا 

أدهم :- هههههههههه متخفيش لما اطلع عليكى القديم والجديد الاول 

داليا :- شدت دراعها من أيده وقالت اياك تلمسنى انا بقرف منك 

أدهم :- بلاش تستفزينى علشان متشفيش منى حاجه مش هتعجبك

داليا :- انا من يوم ما شوفتك وانا كل حاجه مش بتعجبنى وسابته ومشيت 

أدهم :- بكره تبوسى رجلى علشان ارحمك وركب عربيته ومشى بيها راح يكمل يومه فى المكان اللى بيسهر فيه علطول 

~•~•~•~•~•~•~•~•~•~•~•~•~•

فى بيت صغير جدآ توجد اسره فقيره مكونه من اربع أفراد الاب والام والابن والابنه ويجلسون على طبلية العشاء 

ميرفت :- بابا بعد اذنك كنت عايزه اطلب منك طلب 

ابو ميرفت :- خير يا بنتى 

ميرفت :- الجزمه بتاعتى اتقطعت وكنت عايزه انزل اشترى واحده جديده علشان اروح بيها الشركه بكره 

ام ميرفت :- وانتى شايفه فيه فلوس 

ميرفت :- انا معايه حق الجزمه 

ام ميرفت :- يعنى معاكى فلوس وشايفه أن احنا معناش نشترى اللقمه وساكته 

ميرفت :- بس انا مش معايا غير حق الجزمه بس حتى مش هيتبقى معايا فلوس اشترى بيها غدا فى الشغل 

ام ميرفت :- هاتى يا بت مفيش جزم هتيجى الاكل اهم روحى خيطى الجزمه القديمه وقضى بيها وخلاص 

ميرفت :- بدموع بس 

ام ميرفت :- مفيش بس قومى يا بت هاتى الفلوس 

حسن اخو ميرفت :- حلو هاتى بقى اجيب علبة سجاير 

ام ميرفت :- مش لما تدينى الفلوس الاول 

حسن :- انجرى يا بت هات الفلوس لامك

ميرفت :- بدموع ح.ح.حاضر وقامت تجيب الفلوس من شنطتها 

ابو ميرفت :- حرام عليكى كنتى خليهم ليها تجيب بيهم الجزمه 

ام ميرفت :- اخليهم وتدينى انت فلوس 

ابو ميرفت :- منين ما انتى شايفه الحال 

ام ميرفت :- يبقى انكتم واسكت 

ميرفت :- جابت الفلوس وقالت بدموع خدى اهم

ام ميرفت :- شدتهم من ايديها وقالت هاتى يا اختى 

حسن :- هاتى بقى يا اما اجيب السجاير خرمان 

ام ميرفت :- خد يا اخويه هو ده اللى فالح فيه وادته فلوس وقامت تشيلهم فى الاوضه جوه 

ميرفت :- قعدت تبص عليهم ودموعها نازله منها 

ابو ميرفت :- طبطب عليها وقال معلش يا بنتى ياريت كان فى ايديا حاجه 

ميرفت :- مسحت دموعها وقالت ولا يهمك يا حبيبى الجزمه هخيطها وهكمل بيها

ابو ميرفت :- استنى خدى العلاج بتاعى ده رجعيه الصيدليه وخدى الفلوس وهاتى بيها جزمه 

ميرفت :- لاء طبعآ يا بابا انا مستحيل اعمل كده اخد علاجك اللى لسه مشترياه ليك علشان اجيب جزمه انا اهم حاجه عندى صحتك 

ابو ميرفت :- يا بنتى انا مش هعيش قد ما عشت يعنى اخد العلاج ولا لا دى اعمار بيدى الله 

ميرفت :- ربنا يطول لينا فى عمرك يا حبيبى 

ابو ميرفت :- ربنا يرزقك الزوج الصالح اللى يسعدك ويهنيكى يارب 

ميرفت :- ويخليك ليا يا بابا يارب 

~•~•~•~•~•~•~•~•~•~•~•~•~•

فى فيلا خالد الحناوى 

فى اوضت دينا 

كانت قافله على نفسها الباب وبتتكلم فى التليفون وهى زعلانه 

دينا :- كده يا أسر انا زعلانه منك 

اسر :- زميلها فى النادى ليه بس يا بيبى 

دينا :- علشان شوفتك وانت عمال تتكلم مع المسلوعه اللى اسمها جيجى

اسر :- وتزعلى ليه ما انتى عارفه انها بنت صاحبة مامى وبتيجى معايا النادى علشان امشيها 

دينا :- انت عارف ان انا بغير عليك منها ومن اى واحده 

اسر :- عادى يا قلبى طيب ما انا بشوفك واقفه مع شباب وعادى مش بزعل 

دينا :- ما ده برضه هيجنينى انت ليه عمرك ما غيرت عليا 

اسر :- عادى يعنى واثق فيكى 

دينا :- مش حكاية ثقه بس لما حد بيحب حد اوى بيغير عليه حتى من النسمه الطايره

اسر :- يا بنتى عادى يعنى لما تقفى تتكلمى مع الشباب هيكلو منك حته المهم فين الألفين جنيه اللى قولتلك عليهم 

دينا :- معايا كنت جايه ادهوملك النهارده فى النادى لما شوفتك واقف مع البت دى اتغاظت ومشيت 

اسر :- بس انا محتاجهم جدآ وعايزهم بأى طريقه 

دينا :- بكره ابقى اجبهم ليك وخلى بالك أدهم سألنى بودى الفلوس دى كلها فين علشان باخد منه الفين جنيه كل اسبوع تقريبآ ده غير اللى بخده من ماما وبابا وعلاء وفادى

اسر :- بزعل مزيف خلاص يا دينا لو الفلوس دى هتسبب ليكى مشكله بلاش 

دينا :- لاء مش قصدى والله بس انا بقولك حافظ على دول مؤقتآ علشان مش هقدر اطلب فلوس اليومين دول تانى 

اسر :- أن شاءالله المهم بكره تجيبى الفلوس اول ما تصحى 

دينا :- حاضر تصبح على خير 

اسر :- وانتى من أهله يا احلى ما فى ايامى

دينا :- بكسوف بحبك 

اسر :- بعشق امك 

دينا :- اسر ايه بعشق امك دى بلاش الطريقه دى مش بحبها 

اسر :- انا اسف يا ستى بعشقك 

دينا :- باى 

اسر :- باى يا عمرى 

~•~•~•~•~•~•~•~•~•~•~•~•~•

فى شقة سعيد 

وصلت داليا وهى منهاره دخلت تجرى على اوضتها وقفلت الباب عليها واترمت على السرير وقعدت تعيط 

وفى الوقت ده باب اوضتها خبط مسحت دموعها وقامت فتحت الباب وقالت 

داليا :- ايوه يا مؤمن 

مؤمن :- انتى جيتى ودخلتى اوضك علطول ليه

داليا :- عادى مصدعه شويه وكنت هنام 

مؤمن :- هتنامى من دلوقتى 

داليا :- ايوه يا مؤمن مش تحقيق هو 

مؤمن :- لاء بجد مالك يا داليا مش متعود عليكى تكونى زعلانه كده فيكى ايه 

داليا :- وهى ماسكه دموعها بالعافيه مفيش حاجه يا حبيبى شوية مشاكل فى الشغل وهتتحل قريب إن شاءالله 

مؤمن :- على العموم مفيش حاجه فى الدنيا تستاهل دمعه من عيونك ولا حاجه تستاهل تخفى ضحكتك الحلوه دى 

داليا :- ربنا يخليك يا حبيبى طول ما انتو موجودين حاوليه بالدنيا واللى فيها 

مؤمن :- بسها فى راسها وراح على اوضه 

داليا :- بصت على اخوها وهو ماشى وقالت ربنا يخليكم ليا انتو ضهرى وسندى فى الدنيا دى ودخلت وقفلت باب الاوضه بتاعها ودخلت نامت على سريرها 

وفى الوقت ده تليفونها رن بتبص لاقتها فاطمه ردت عليها وقالت ايوه يا فاطمه 

فاطمه :- فى ايه يا بنتى نزلتى تجرى من الجريده وقعدنا ننادى عليكى انا والبت توته مردتيش علينا 

داليا :- معلش يا فاطمه بس افتكرت حاجه ضروريه نزلت أجرى 

فاطمه :- حاجة ايه دى اللى افتكرتيها وجريتك بالمنظر ده 

داليا :- حاجه وخلاص يا فاطمه 

فاطمه :- بت انتى مالك مش طبيعيه ليه من يوم مقابلة أدهم الحناوى 

داليا :- ها ق.ق.قصدك ايه

فاطمه :- يعنى النهارده جايه سرحانه وحزينه وعينك كلها دموع ولما بنسألك بتتعصبى علينا وسبتينا ونزلتى تجرى 

داليا :- مفيش حاجه ع.ع.عادى يعنى 

فاطمه :- عليا انا الكلام ده انا حفظاكى اكتر من نفسك انطقى يا داليا فيكى ايه 

داليا :- هقولك بس متقوليش لحد 

فاطمه :- قولى متقلقيش محدش هيعرف

داليا :- حكت ليها كل حاجه حصلت ما بنها وبين أدهم 

فاطمه :- بصدمه نهار اسود ومنيل كل ده حصل 

داليا :- ايوه يا فاطمه انا بموت من ساعة ما شوفته 

فاطمه :- بس انتى غبيه يعنى تمضى على عقد جواز عرفى 

داليا :- مكانش فى ايديا حاجه انا ممكن ارمى نفسى فى النار ولا أن حد من اهلى يتأذو 

فاطمه:- ما انتى فعلا رميتى نفسك فى النار يا فالحه وكمان مش تفكرى قبل ما تروحى تعملى بلاغ فيه انتى روحك فى أيده يا غبيه اهو قلبها عليكى 

داليا :- انا نسيت موضوع العقد ده انا قولت انتقم منه وأثبت براءتى معرفش أن هو واحد وسخ لدرجاتى وعمل العقد كمان بتاريخ قديم وفوق كل ده هيجى يتجوزنى هقدر ابص فى وشه ازاى ده انا مش قادره أتخيل نفسى مراته انا بموت يا فاطمه بموت 

فاطمه :- ولا تموتى ولا حاجه موته تخدو هو وأهله مدام هو كده يبقى طلعى عينه عرفيه أن الله حق ندميه على اليوم اللى فكر يأذيكى فيه خليه يندم أن اتجوزك بالطريقه دى 

داليا :- ازاى مش فاهمه 

فاطمه :- يعنى بعد الجواز امشى معاه بأسلوب شوق ولا تدوق 

داليا :- الا يعنى كده فهمت ما توضحى كلامك يا بت 

فاطمه :- يعنى البسى كل اللى يخليه مش على طبيعته يبقى هيموت ويلمسك ومش عارف خليكى قويه الراجل بطبيعته بيضعف اوى قصاد الجمال وبيموت لما تكون واحده حلاله ومش قادر يجى جنبها ويلمسها هيجى ليكى مذلول علشان تسامحيه وينول الرضا منك 

داليا :- يخربيت دماغك السو دى بتجيبى الأفكار دى منين وبعدين انا مستحيل اعمل كده ولا عايزه اشوف وشه من اساسه كل اللى محتاجه يبعد عنى وينسانى 

فاطمه :- كتك نيله يا عبيطه حد يطول يتجوز واحد زى أدهم ده ياريت كان كل ده حصل معايا انا كنت خليته يلف حوالين نفسه لحد لما يعرف أن الله حق اسيبه يقرب منى ونعيش فى تبات ونبات ونجيب صبيان ونجيب بنات 

داليا :- والله ياريتها بالسهوله دى اصلك متعرفهوش ولا شوفتيه ده كفايه بس يبص ليكى البص يخليكى مش قادره تقفى على رجليكى ولا لما يكون متعصب ويكلمك وعينه بطق شرار يا لهوووووى يخليكى تعملى بيبي على نفسك 

فاطمه :- وووووواو يارب اوعدنى براجل شبه كده 

داليا :- بس يا عبيطه ربنا ما يكتبها عليكى 

فاطمه :- انا عبيطه بحب الراجل الحمش واو اللى يفضل يزعق وعيونه تطلع شرار ولا يدينى قلمين على وشى يظبطنى 

داليا :- فاطمه روحى اتخمدى 

فاطمه :- قولى روحى نامى واحلمى بالواد الحمش هييييييييح الو الو يا داليا كده بتقفلى السكه فى وشى 

داليا :- قفلت السكه فى وش فاطمه وقالت واحده مجنونه ربنا يشفيها 

~•~•~•~•~•~•~•~•~•~•~•~•~•

فى فيلا أكرم 

فى اوضت اكرم

مسك تليفونه وقعد يتصل على ادهم وميردش عليه وفى اخر مره رد عليه وقال 

أدهم :- افندم عايز ايه 

أكرم :- انت فين 

أدهم :- زى كل مره هقولك وانت مالك 

أكرم :- أدهم انا عايزه اقعد معاك ونتكلم شويه 

أدهم:- مفيش كلام ما بنا انتهت على كده 

أكرم :- اللى ما بنا اكبر من ان هو ينتهى بمشكله صغيره تحصل ما بنا ولا خناقه احنا اخوات يا ادهم ومتعودين من صغرنا نتخانق مع بعض بس عمرنا ما بعدنا عن بعض 

أدهم :- بعد اللى حصل النهارده مفيش صحوبيه ما بنا يا اكرم 

أكرم :- كل ده علشان عايز مصلحتك وخايف عليك 

أدهم :- انا مش صغير عارف مصلحتى كويس اوى مش هستنا نصيحه من واحد زيك 

أكرم :- ماشى يا سيدى شكرآ ممكن اعرف انت فين علشان اجيلك 

أدهم :- مش هقولك يا اكرم 

أكرم :- ليه يا ادهم انا عارف انك فى كباريه بس أنه واحد 

أدهم :- اقفل يا اكرم بكره ابقى قولى عايز ايه فى الشركه وقفل السكه 

أكرم :- أدهم يا ادهم بص فى التليفون لاقه قفل السكه فى وشه قال ربنا يهديك يا صاحبى 

~•~•~•~•~•~•~•~•~•~•~•~•~•

بقلمى دودو محمد

⁦✍️⁩تمرد صحفيه ⁦✍️⁩

🌻الفصل السادس🌻

اشرقت شمس صباح يوم جديد بنورها الساطع فى سماء الاسكندريه لتبدء داليا بفتح عيونها على صوت تليفونها بصت لاقته رقم غريب استغربت وردت وقالت 

داليا :- السلام عليكم 

أدهم :- وعليكم السلام يا مراتى 

داليا :- مراتى مين معايا 

أدهم :- انتى متجوزه غيرى ولا ايه 

داليا :- بصدمه انت! انت جبت رقمى منين 

ادهم:- من الجريده يا قلبى وده حاجه هتصعب عليا يعنى 

داليا :- وعايز منى ايه 

ادهم:- بطمن عليكى بشوف لسه فيكى نفس ولا خلصتى 

داليا :- أنشالله انت يا بعيد بعد الشر عليا وبعدين متقولش كلمة مراتى دى انا مش مراتك وعمرى ما هكون مراتك يا ادهم 

أدهم :- هههههههههه قولى كلام تكونى قده برضاكى أو غصب عنك انتى مراتى 

داليا :- ده فى احلامك يا ادهم 

ادهم:- انتى فعلا مراتى يا داليا 

داليا :- انت بتسمى الورقه دى جواز انت عبيط ولا بتستعبط 

أدهم.:- بعصبيه لمى لسانك بدل ما اجى عندك اقطعهولك 

داليا :- وهى فرحانه انها قدرت تعصبه قالت ههههههههه ليه فاكرها وكاله من غير بواب روح يا بابا العب بعيد وقفلت السكه فى وشه 

أدهم :- اتعصب وحدف التليفون وقال ماشى يا داليا هوريكى وقام دخل الحمام ياخد شاور 

داليا :- بغيظ بنأدم مستفز قامت دخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه وقالت صباح الخير 

الكل :- صباح النور 

مؤمن :- عامله ايه دلوقتى يا حبيبتى 

داليا :- كويسه يا مؤمن الحمدالله 

سعيد :- ربنا يريح بالك علطول يارب يا بنتى 

داليا :- ويطول لينا فى عمرك يارب وبصت حاوليها وقالت فين حمزه 

مؤمن :- حمزه هيتجن 

داليا :- ليه 

مؤمن :- السلاح بتاعه ضاع ومش لاقيه وخايف علشان هيبقى فيها جزا ليه علشان ده إهمال لسلاح الميرى بتاعه 

داليا :- يا نهار هو ملاقهوش 

مؤمن :- لاء وهد الدنيا عليه ونزل من الصبح راح مكتبه علشان يدور عليه كويس 

داليا :- يارب يلاقيه

سعيد :- صحيح يا بنتى اخوكى قالى على العريس اللى جاى يوم الجمعه مش ده ادهم الحناوى رجل الأعمال

داليا :- احم ايوه يا بابا هو 

سعيد :- وازاى بعد اللى حصل ما بنكم جاى يتقدم 

داليا :- م.م.ما هو اتأسف ليا وطلب يحدد معياد يجى يتقدم فيه وحمزه قابله وقال ليه يوم الجمعه 

سعيد :- على العموم يا بنتى دى حياتك وانتى حره فيها انا كل اللى عليا ادعى ربنا يحفظك ويسعدك ويفرح قلبك تملى 

داليا :- ربنا يخليك يا حبيبى ووقفت وقالت هروح انا بقى 

سعيد :- انتى مأكلتيش حاجه يا بنتى 

داليا :- الحمدالله يا حبيبى شبعت يلا مع السلامه وسابتهم ونزلت وقفت تاكسى وركبته وراحت على الجريده 

~•~•~•~•~•~•~•~•~•~•~•~•~•

فى فيلا خالد الحناوى 

نزل أدهم بكل شموخ وقعد من غير ولا كلمه على السفره

دينا :- وعليكم السلام ورحمة الله وبركاته ايه يا ادهومى مش شايف بنأدمين 

ادهم:- الصراحه لاء 

إنعام :- قصدك ايه بقى أن شاءالله 

أدهم.:- حد جاب سيرتك 

إنعام :- ما لما تقول انك مش شايف بنأدمين يبقى مش شايفنا بنأدمين 

أدهم :- وانتو مفكرين نفسكم بنأدمين انتو متعرفوش حاجه عنها 

خالد:- اتكلم عدل مع مرات ابوك 

أدهم :- انا لا عايز اتكلم معاها ولا معاك انا جيت اقولكم حاجه واحده يوم الجمعه رايح اتقدم لعروسه 

إنعام :- بصدمه عروسه 

أدهم.:- اه عروسه مالك مصدومه كده 

أنعام:- بنت مين من عيلة مين ايه مستواها الاجتماعى 

أدهم :- وانتى مالك هو انتى اللى هتتجوزيها 

خالد :: اتكلم عدل الحق عليها خايفه عليك وعلى فلوسك 

أدهم :- انت هتقولى على خوفها عليا المهم محدش ليه دعوه هى من عيلة ايه انا اللى هتجوزها اللى عايز يجى يجى اللى مش عايز يريح برضه 

دينا:- انا رشقه معاك طبعآ ده يوم المنى يوم ما اشوف البنت اللى خطفت قلب ادهم الحناوى 

أدهم.:- لا عاش ولا كان اللى يخطف قلبى منى 

فادي :- وانا معاك طبعآ 

علاء :- وانا جاى معاك 

سندس :- هيييييا وانا كمان يا أبيه 

أدهم :- وقف وقال اللى هيجى يحضر نفسه يوم الجمعه وسابهم ومشى 

إنعام :- بصت بغيظ لخالد 

خالد :- بص ليها نظره فهمتها وضحك ليها ضحكة شر 

~•~•~•~•~•~•~•~•~•~•~•~•~•

فى الجريده 

وصلت داليا الجريده وقالت 

داليا :- السلام عليكم 

منتهى وفاطمه :- وعليكم السلام 

منتهى :- مبروك يا دودى 

داليا :- بصت لفاطمه وبعدين بصت لمنتهى وقالت الله يبارك فيكى بس على ايه 

منتهى :- على خطوبتك 

داليا :- والله وبصت لفاطمه 

فاطمه :- احم ما توته مش غريبه احنا طول عمرنا مش بندارى حاجه على بعض 

منتهى :- انتى زعلتى أن طمطم قالت ليا 

داليا :- لاء والله بس انا قولتلها متقوليش لحد وكنت هقولك انا عمومآ يا ستى حصل خير واكيد عرفتى الاسباب اللى هتخلى زفت الطين ده يتقدم ليا 

منتهى :- ايوه قالت ليا بس انا شايفه انك غلطى غلط كبير لما وافقتى تمضى على العقد العرفى ده اخوكى ظابط يعنى كان هيقدر يخرجك منها من غير ما تورطى نفسك الورطه السوده دى 

داليا :- ده مفترى يا توته وهددنى بأهلى 

توته :- وبرضه متستقليش بأخوكى 

داليا :- معرفش بقى يا توته اهو اللى حصل 

فاطمه :- والنبى انتو الاتنين عبط حد طايل واحد حلوه زى أدهم ده ده لو هيصيحنى بعلقه ويمسينى بعلقه مش هفرط فيه برضه 

داليا :- علشان معندكيش ريحة الكرامه 

فاطمه :- كرامه وانا هعمل ايه بيها الكرامه المهم يكون معايا واحد زى أدهم الحناوى هييييييح 

منتهى :- ربنا يشفيكى يا طمطم يا مجنونه 

فاطمه :- هيييييييييييح

منتهى وداليا :- بصو لبعض وقعدو يضحكو 

~•~•~•~•~•~•~•~•~•~•~•~•~•

فى شركة أدهم الحناوى 

وصل أدهم الشركه ودخل على مكتبه وقعد ومسك تليفون مكتبه وطلب مكتب السكرتيره 

ميرفت :- أمر يا فندم 

أدهم :- هاتى الملفات اللى محتاجه أمضى واطلبى ليا واحد قهوه ساده 

ميرفت :- حاضر يا فندم وقفلت معاه واتصلت طلبت القهوه ووقفت حضرت الملفات ولسه هتمشى كانت هتقع فى نفس الوقت اللى أكرم جاى فيه أنقذها قبل ما تقع وقال 

أكرم :- خدى بالك يا بنتى 

ميرفت :- احم ا.ا.اسفه يا فندم ولسه هتمشى لاقت الجزمه اتقطعت تانى اتكسفت ووقفت مكانها 

أكرم :- فيه ايه يا بنتى ما تمشى 

ميرفت :- ها ا ا اتفضل حضرتك الاول 

أكرم :- مالك يا بنتى مش على بعضك 

ميرفت :- ها و.و.ولا حاجه 

أكرم :- ما باين على شك

وقطع كلامه لما شاف الجزمه مقطوعه فى رجليها 

ميرفت :- اتكسفت لما أكرم شاف الجزمه ومسكت دموعها بالعافيه 

أكرم :- صعبت عليه وقال هاتى الملفات دى ادخلها معايا انا كده كده داخل لادهم 

ميرفت :- ب.ب.بس أدهم بيه ممكن يزعقلى 

أكرم :- ملكيش دعوه هاتى بس واخد الملفات ومشى شويه ووقف حط أيده فى جيبه وطلع المحفظه اخد منها فلوس وقال احم ميرفت 

ميرفت :- ايوه يا فندم 

أكرم :- خدى دول 

ميرفت :- بتوع ايه يا فندم

أكرم :- دول مكافئه صغيره على مجهودك معانا 

ميرفت :- بس يا فندم انا باخد مرتب على مجهودى ده

أكرم :- يا ستى انا مبسوط من شغلك وعايز اكافئك

ميرفت :- بكسره انا اسفه يا فندم مش هقدر اخدهم

اكرم:- انتى بتقولى لمديرك لاء 

ميرفت :- اسفه جدآ لحضرتك بس شغلى باخد مرتبى عليه وفى الوقت ده تليفون المكتب رن راحت ترد عليه لاقته أدهم بيستعجلها قفلت معاه وبتبص ملاقتش أكرم ولاقت الفلوس على المكتب دموعها نزلت منها ومدت ايديها ببطئ اخدتهم وقعدت على الكرسى وحطت راسها على المكتب وقعدت تعيط 

~•~•~•~•~•~•~•~•~•~•~•~•~•

فى القسم فى مكتب حمزه 

كان حمزه بيدور على سلاحه وهو متوتر وقلقان وفى الوقت ده دخل تامر عليه 

تامر :- ايه يا ابنى لسه ملاقتهوش

حمزه :- وهو بيدور فى المكتب لاء لسه هموت واعرف اختفه فين 

تامر :- افتكر كويس يا ابنى ده لو الخبر انتشر هتتحاكم وتتجزا على السلاح ده 

حمزه :- والله شكرآ على المعلومه اللى مكنتش اعرفها دى 

تامر :- العفو يا سيدى عد الجمايل بقى 

حمزه :- تامر روح مكتبك وخلينى اعرف ادور على السلاح 

تامر :- طيب ادور معاك 

حمزه :- يا سيدى متشكرين امشى بقى 

تامر :- طيب طيب متزقش كده وخرج وساب حمزه يدور على السلاح بتاعه 

~•~•~•~•~•~•~•~•~•~•~•~•~•

عند دينا 

خرجت من الفيلا راحت النادى علشان تدى اسر الفلوس ملاقتهوش سألت عليه أصحابه قالو ليها أن هما شافو جيجى معاه وخرجين مع بعض اتغاظت ومسكت تليفونها واتصلت عليه وانتظرت الرد 

اسر :- ايوه يا بيبى 

دينا :- بغيظ بيبى فى عينك انت فين يا أسر 

اسر :- انا فى البيت تعبان شويه 

دينا :- كداب انا عارفه انك معاها يا أسر 

اسر :- مع مين يا بنتى 

دينا :- مع المسلوعه 

اسر :- جيجى 

دينا :- اه جيجى 

اسر :- ايوه خرجنا مع بعض من النادى وصلتها الفيلا بتاعتها وروحت انا كمان الفيلا عندى 

دينا :- كداب هى معاك 

اسر :- مفيش حد معايا ولو مش مصدقه تعالى شوفى بنفسك 

دينا :- اجى ا.ا.اجى فين 

اسر :- تعالى الفيلا عندى 

دينا :- ل.ل لا طبعآ مقدرش 

اسر :- ليه خايفه منى 

دينا :- لاء مش بخاف منك ب.ب.بس عيب مينفعش 

اسر :- خلاص براحتك يا دينا عايزه حاجه 

دينا :- انت زعلت 

اسر :- لاء عادى سلام بقى وقفل السكه 

دينا :- اسر اسر وبصت لتليفون ودموعها نزلت وقالت اعمل ايه يا ربى شكله زعل وسكتت شويه وقالت خلاص هروح عنده ومدخلش هكلمه من على الباب وركبت عربيتها وراحت عند فيلا اسر ونزلت من العربيه وهى متوتره وراحت عند باب الفيلا ورنت الجرس وقعدت تدعك فى ايديها بتوتر ولما أتأخر فكرته مش جوه ولفت ولسه هتمشى 

اسر :- فتح الباب وقال دينا تعالى ادخلى 

دينا :- ها ل.ل.لا شكرآ انا جيت بس اطمن عليك واديك الفلوس وامشى 

اسر :- طيب تعالى ادخلى شويه متخفيش 

دينا :- ا.ا انا مش خايفه منك 

اسر :- مدام مش خايفه منى يبقى ادخلى 

دينا :- بصت ليه بخوف ومشيت ببطئ ودخلت وهى متوتره 

اسر :- بصلها بشر وضحك ليها ولسه هيقفل الباب 

دينا :- ل.ل.لا متقفلش الباب خليه مفتوح 

اسر :- براحتك زى ما تحبى 

دينا :- دخلت جوه وقعدت على الكنبه وفتحت الشنطه بتاعتها وقالت خ.خ.خد الفلوس اهى

اسر :- قعد جنبها وقال ربنا يخليكى ليا يا بيبى واخدهم من ايديها وحطها جنبه وقرب من دينا اوى وبسها فى رقابتها وقال واحشتينى 

دينا :- وقفت وقالت بعصبيه اسر انت عارف ان انا مبحبش الطريقه دى ولا علشان جيت لحد عندك فكرتينى واحده سهله 

اسر :- وقف وقال ا.ا.انا اسف انا اندفعت بمشاعرى بس لكن اوعدك مش هعمل كده تانى اتفضلى اقعدى 

دينا :- م.م.ماشى وقعدت على الكنبه تانى 

اسر :- خليكى قاعده هدخل احط ليكى العصير وجاى بسرعه 

دينا :- ل.ل.لا شكرآ مش عايزه 

اسر :- ازعل منك والله 

دينا :- خ.خ.خلاص ماشى 

اسر :- حبيبت قلبى وسابها ودخل المطبخ وبعد وقت جاب العصير ومد أيده ليها وقال اتفضلى 

دينا :- اخدته وقالت ش.ش.شكرآ 

اسر :- اشربى 

دينا :- شربت العصير وهى متوتره وحطت الكوبايه ووقفت وقالت ا.ا.انا لازم امشى بس حست نفسها دايخه قعدت على الكنبه ومسكت راسها 

اسر :- مالك يا قلبى 

دينا :- وهى مسكه راسها قالت م.م.مش عارفه دايخه ليه ومره واحده اغمى عليها 

اسر :- خبط على وشها وقال دينا يا قلبى دينا لاقها مش بترد عليه ضحك بشر وقال ايوه بقى الشغل هيبدأ ونده بصوت عالى وقال جيجى يا قلبى

جيجى :- عيون جيجى ايه المحروسه اغمى عليها بسرعه كده 

اسر :- هههههههه ايوه مستحملتش المهم هطلع الاوضه بيها اقلعها واقلع وانتى اجهزى علشان تصورينا 

جيجى :- لاء طبعآ طلعها الاوضه وسبها انا اقعلها واياك تبص عليها ولا تطمع فيها اموتك فاهم 

اسر :- يا عبيطه انتى عارفه أن عينى مش بتشوف غيرك بس دى سبوبه هنكسب من وراها الشهد

جيجى :- برضه أتصور معاها وابعد عنها علطول اوعى عقلك يوزك كده ولا كده عليا وعلى اعدائى 

اسر :- انتى عبيطه يا بت حافظه مش فاهمه ما انتى هتكونى معانا فى الاوضه هعمل معاها حاجه ازاى 

جيجى :- طيب يلا بسرعه قبل ما تفوق 

اسر :- يلا وشالها طلعها الاوضه وحطها على السرير وجيجى قلعتها هدومها واسر قلع هدومه ونام جنبها على السرير 

جيجى :- قعدت تصورهم مناظر مخله وبعد وقت طويل خلصت وقالت قوم بقى من جنبها علشان البسها

اسر :- بسرعه كده 

جيجى :- نعم يا اخويه 

اسر :- هههههههه بهزر يا قلبى 

جيجى :- اتعدل يا أسر لاعدلك واطلع بره علشان البسها 

اسر :- حاضر حاضر وقام من جنب دينا وقال لنفسه حرام حتة القشطه دى تكون جنبى وملمسهاش ربنا على المفترى وطلع من الاوضه ولبست جيجى دينا هدومها وطلعت من الاوضه وقالت 

جيجى :- البت بدأت تفوق 

اسر :- اختفى انتى بقى

جيجى :- انا واقفه وراه الباب اوع تفكر تقربلها ماشى 

اسر :- خلاص يا جيجى ماشى ماشى ودخل وسابها وكانت دينا بدأت تفوق 

دينا :- وهى ماسكه راسها اممممم انا فين 

اسر :- انتى فى اوضى يا قلبى 

دينا :- بصت على صوت اسر وبصت حاوليها وقامت قعدت بسرعه وقالت بدموع ا.ا.انا ايه جبنى هنا 

اسر :- انا يا روح اسر 

دينا :- وهى بتقف قالت و.و.وجبتنى هنا ليه 

اسر :- علشان نتصور انا وانتى احلى صور لذكره 

دينا :- ق.ق.قصدك ايه 

اسر :- مسك تليفونه وفرجها على الصور 

دينا :- بصدمه يا نهار اسود ومنيل يا نهار اسود ومنيل ليه كده يا أسر عملت فيا كده ليه حرام عليك يا اخى ده انا كنت بحبك حسبى الله ونعمه الوكيل فيك وقعدت على حرف السرير وحطت ايديها على وشها وقعدت تعيط 

اسر :- متقلقيش طول ما انتى بتسمعى كلامى وبتنفذيه محدش هيشوف الصور دى بس لو نشفتى دماغك ورفضى كلمه من اللى هقولها ليكى الصور دى هتكون عند اخواتك وابوكى وعيلتك كلها 

دينا :- ليه تعمل فيا كده ليييييييه 

اسر :- اسمعينى بقى يا حلوه عايزك زى الشاطره كده تجيبى ليا شنطه فيها نص مليون جنيه 

دينا :- بصدمه كام 

اسر :- نص مليون جنيه 

دينا :- وانا هجبلك المبلغ ده كله منين 

اسر :- والله دى مشكلتك انتى اتصرفى بيعى شوية الماظ من اللى عندك 

دينا :- مقدرش لو حد سألنى عليهم هقولهم ايه 

اسر :- قوليلهم اتسرق اى حاجه المهم المبلغ ده يكون عندى بكره بليل لو المبلغ ده مجاش بكره الصور دى هتتنشر عندكم وعلى النت وهيتعمل بيها شغل جامد اوى 

دينا :- بدموع حرام عليك يا أسر معندكش اخوات بنات ابوس ايدك بلاش تفضحنى 

اسر :- والله القرار ده فى ايدك جبتى الفلوس الصور هتبقى فى الحفظ والصون مش هتجيبى انتى عارفه ايه اللى هيحصل 

دينا :- وقفت بدموع وراحت عنده وضربته بالقلم وقالت صحيح انك واحد ندل وجبان وانا اللى كنت عبيطه علشان حبيتك منك الله فيه ربنا اقوى منك ويقدر يجيب ليا حقى منك ويسترنى 

اسر :- مسكها من دراعها بغيظ وفتح الباب وجرها وراه ونزل فتح باب الفيلا وحدفها قدام الباب وقال على الله تتأخرى بكره بالفلوس فاهمه وقفل الباب فى وشها 

دينا :- بدموع ياااااااارب انت قادر على كل شئ انتقم ليا منه واسترنى حلها من عندك يارب  وقامت بصعوبه من على الارض ونفضت هدومها وهى دموعها نازله منها وراحت ركبت عربيتها ومشيت بيها على الفيلا 

~•~•~•~•~•~•~•~•~•~•~•~•~•

فى شركة أدهم الحناوى 

فى مكتب ادهم 

دخل أكرم وقال 

أكرم :- ايه يا عم أدهم مخاصمنى ولا ايه

أدهم :- عايز ايه يا اكرم 

أكرم :- عايز صاحبى وأخويه يرجع معايا زى زمان 

أدهم :- قولتلك مفيش ما بنا صحوبيه خلاص انتهت 

أكرم :- وانا قولتلك اللى بينا اكبر من ان هو ينتهى بسبب خلاف عبيط زى ده انتو اخويه يا ولا 

أدهم :- خلاص يا اكرم روح مكتبك 

أكرم :- لا مش هروح غير لما تسامحنى 

أدهم :- يا اكرم قولتلك روح مكتبك 

أكرم :- يا ابنى انت ربنا بيحبك بعتلك صديق ارزل من الرزاله نفسها 

أدهم :- وانت امك داعيه عليك علشان وقعت مع صديق مبيعرفش يتفاهم غير بالايد بس 

أكرم :- احم انا بقول اروح مكتبى احسن برضه 

أدهم :- ايوه كده خليك عارف مصلحتك فين 

أكرم :- راح عنده وقال وانا عبيط علشان اسيبك وقعد يضرب فى أدهم 

أدهم :- بلاش هزعلك 

أكرم :- ههههههههه انا جبله مش بزعل وقعد يضرب فيه 

أدهم :- قام لف دراع أكرم وراه ضهره ولف دراعه التانى على رقابته وقال انت اللى جبته لنفسك 

أكرم :- وهو مش قادر يتكلم خلاص خلاص احنا اسفين يا صلاح 

أدهم :- ولما انت مش قد الهزار وبتقلب سوسن بتهزر ليه 

أكرم :- اصل بحب اتقمص شخصيه غير شخصيتى مالها سوسن زى الفل نعمه ورضا 

أدهم :- زقه وقال طيب كويس انك عارف نفسك انك مش راجل 

أكرم :- مين اللى قال كده عيب عليك يا جدع ده انا ارجل من الرجوله نفسها 

أدهم.:- اه ما واضح يا سوسن 

أكرم :- بصوت ستات ودلع اخص عليك يا قاسى تعمل عملتك وترمينى انا واللى فى بطنى فى الشارع اهئ اهئ اهئ

أدهم :- هههههههه انت مش طبيعى على فكره 

أكرم :- وهو بيرقص انا حلوه وزى الفل انا مزه وكايده الكل هيييييييي 

أدهم :- حدفه بالتحفه اللى على المكتب وقال اطلع بره كتك القرف 

أكرم :- طلع يجرى من المكتب وقال احبك ادهومتى وراح على مكتبه 

أدهم :- بنأدم تافه وقعد يشوف شغله 

~•~•~•~•~•~•~•~•~•~•~•~•~•

بقلمى دودومحمد

ههههه مش انتم انا بكلم ⁦✍️⁩تمرد صحفيه ⁦✍️⁩

🌻الفصل السابع 🌻

فى فيلا خالد الحناوى 

وصلت دينا الفيلا وهى دموعها على خدها وطلعت تجرى على اوضتها ودخلت وقفلت الباب وراها واترمت على السرير بتاعها وقعدت تعيط وتقول 

دينا :- يارب اعمل ايه فى المصيبه اللى انا فيها دى انا اللى غلطانه غبيه علشان صدقت واحد زى ده وروحت عنده لحد بيته وسكتت شويه وقالت اروح ابلغ عنه بس لو عرف هيفضحنى انا ممكن اروح اطلب مساعده من ظابط يقف جنبى وان شاءالله ربنا هيسترنى مش هيفضحنى ابدآ ودخلت الحمام غسلت وشها واخدت شنتطها ونزلت ركبت عربيتها وراحت القسم ودخلت لاقت عسكرى واقف قالت ليه لو سمحت ممكن اقابل اى ظابط موجود

العسكرى :- بخصوص ايه 

دينا :- احم حاجه شخصيه 

العسكرى :- اقفى هنا ثوانى وسابها وخبط على الباب ودخل وقفل الباب وراه وشويه وخرج وقال اتفضلى يا انسه 

دينا :- ش.ش.شكرآ ودخلت المكتب وقفل العسكرى الباب 

تامر :- اتفضلى يا انسه مش انسه برضه 

دينا :- احم ا.ا.ايوه انسه دينا

تامر :- اتفضلى اقعدى يا انسه دينا 

دينا :- قعدت وقالت ش.ش.شكرآ 

تامر :- تشربى ايه 

دينا :- ولا حاجه ميرسى 

تامر :- خير اتفضلى 

دينا :- بدء يظهر عليها علامة التوتر وتدعك فى ايديها 

تامر:- لاحظ توترها طلب ليها عصير ليمون وقال أهدى يا انسه وان شاءالله اقدر اساعدك اتفضلى قولى مشكلتك 

دينا :- احم ه.ه.هو انا مش عايزه اعمل محضر انا جايه اطلب مساعده شخصيه 

تامر :- اتفضلى قولى 

دينا :- احم ا.ا.انا كنت بحب واحد من سنه تقريبآ بس كانت علاقتنا فى حدود الأدب وكل ما الاقيه هيتجاوز حدوده افوقه

تامر :- تمام وبعدين 

دينا :- احم وكان تملى يطلب منى فلوس وانا كنت بديها ليه علطول 

تامر :- انتى من عيله غنيه يعنى 

دينا :- ايوه 

تامر :- وهو 

دينا :- وهو كمان بس طبعآ مش فى المستوى بتاعنا 

تامر :- ها وبعدين

دينا :- احم فى الفتره الاخيره دى لحظة منه أفعال غريبه بس كنت بقول عادى شاب وطايش وكده 

تامر :- أفعال زى ايه 

دينا :- يعنى كنت اشوفه بيتكلم مع بنت بطريقه مش تمام أو يقف بطريقه مش كويسه مع بنت وكنت تملى اعمل معاه مشكله بسبب كده 

تامر :- ها وبعدين 

دينا :- بس من كام يوم كلمته أن هو يبعد عن بنت قال انها بنت صاحبة مامته ومفيش حاجه ما بنهم

تامر :- وبعد عنها 

دينا :- لاء طبعآ المهم بدء يزود طلبه على الفلوس بطريقه صعبه فطلبت منه يحافظ شويه على الفلوس اللى بياخدها منى زعل بس رضيته وانتهى الموضوع النهارده روحت اديله فلوس كان طلبها منى أصحابه قالو ليا أنه مشى هو و البنت اللى مصاحبها اتصلت بيه أنكر أن هى معاه وان هو وصلها وروح على البيت علشان تعبان وطلب منى اروح عنده علشان يثبت ليا انها مش معاه ولما رفض زعل وقفل السكه احم وبعد كده ركبت العربيه وروحت ليه على أساس أن انا مش هدخل هديلو الفلوس من على الباب واطمن عليه وامشى علطول بس وسكتت ودموعها نزلت منها 

تامر :- أهدى يا انسه ومد أيده بمنديل وقال اتفضلى 

دينا :- اخدت المنديل ومسحت دموعها وقالت شكرآ وكملت كلامها وقالت بس هو طلب منى ادخل علشان أثبت ليه ان انا مش خايفه منه دخلت وطلبت منه يسيب الباب مفتوح وافق على كلامى وسابه ودخلت قعد على الكنبه خرجت ليه الفلوس من الشنطه واديتها ليه اخدها منى وحاول يقرب منى لما زعلت وقولت امشى اتأسف ليا وقال إنه اندفع بمشاعره مش اكتر واستأذن منى ودخل يجيب ليا عصير 

تامر :- اكملك انا وطبعآ حط ليكى منوم فى العصير وانتى شربتى العصير ومحستيش بحاجه 

دينا :- فعلا ده اللى حصل حضرتك عرفت منين 

تامر :- بأنفعال مش انتى بس ضحية شاب كتير جدآ من البنات بتقع ضحايا شباب كتير بيستعملو نفس الاسلوب ويوقعو بنت فيهم بمسمى الحب وفى الاخر حباية منوم والبنت تقع فى المحظور لأمته البنات هتفضل ضحايا شباب مستهتره لازم يكون فى توعيه من الأهل للبنت لازم يعرفوها أن اكتر الشباب تعابين بيعرفو يدخلو للبنت كويس اوى علشان يوصلو لرغباتهم الشهوانيه لازم يكون فيه توعيه من المجتمع ازاى البنت تقدر تسلم من الاعيب الشباب وازى متقعش فيه فوقو بقى الحب اللى بجد هو اللى يدخل الشاب من بابه اللى يخبط بيه على باب اهلكم ويطلب ايديكم بالحلال هو ده الحب بجد مش اللى يقول كلام معسول الحب هو خوف من ربنا عليكى قبل ما يكون عليه من الحرام الحب هو الشاب الغيور على حبيبته ويدارى جسمها ويحافظ عليه من عيون الناس كلها حتى من نفسه لحد ما يطولو فى الحلال كفايه بقى احنا زمن الانترنت والتوعيه الالكترونيه اتعظو منها ابوس ايديكم كفايه لبس ضيق واغراء فى الشباب جسمك امانه حافظى عليه للى يستاهل مش اى واحد يقولكم بحبك تروحو وتصدقو وتجرو عليه  

دينا :- كانت بتسمع الكلام ده وهى منهاره 

تامر :- اخد باله قال أنا آسف ليكى بجد بس اندفعت بكلامى لأن انا تعبت بجد من القضايا بتاعة الشرف تاج البنت عفيتها بس للاسف البنات دلوقتى القليل منهم ميعرفوش يعنى ايه عفه 

دينا :- بدموع للاسف كلام حضرتك كله صح 

تامر :- اتنهد وقال وطبعآ سلب منك اعز ما تملكى

دينا :- لالالا 

تامر :- امال ايه 

دينا :- ودموعها نازله منها ومكسوفه احم قلعنى ه.ه.هدومى وصورنى معاه مناظر مخله  

تامر :- الوقح الزباله ادينى عنوانه 

دينا :- لاء ابوس ايدك ده مهددنى لو مجبتش ليه الفلوس اللى طلبها منى هينشر الصور بتاعتى دى على النت ده غير أنه هيبعتها لاهلى

تامر :- هو طالب منك كام 

دينا :- بدموع نص مليون جنيه 

تامر :- ابن اللعيبه لعبها صح واكيد فيه حد بيساعده 

دينا :- معرفش 

تامر :- اكيد امال مين صوركم وانتو مع بعض 

دينا :- اتكسفت وبصت فى الارض 

تامر :- احم اسف مقصد كلامى أن دى عصابه وعارفين بيعملوا ايه كويس اوى 

دينا :- كل اللى بطلبه من حضرتك انك تساعدنى من غير ما حد يعرف حاجه انا من عيله مشهوره وممكن خبر زى ده يضيع اهلى كلهم ده غير سمعتى انا كبنت 

تامر :- فاهم فاهم هو طالب الفلوس دى امته 

دينا :- بكره 

تامر :- تمام بكره هتروحى عنده بشنطه مزيفه وسيبى الباقى عليا 

دينا :- مش فاهمه حضرتك يعنى ايه شنطه مزيفه 

تامر :- يعنى لما يشوفها يقول جواها الفلوس 

دينا :

⁦✍️⁩تمرد صحفيه ⁦✍️⁩

اسألكم الدعاء لاخويه بالشفاء العاجل 

🌻الفصل الثامن🌻

فى الكافيه 

عند داليا واكرم 

كان قاعد أكرم مع داليا فى الكافيه علشان يشرح ليها الأسباب اللى خليته يغير أقواله فى القسم وطلب من داليا انها تساعده فى رجوع أدهم لحياته الطبيعيه وبدء أكرم يحكى حكاية ام ادهم اللى كانت السبب فى تغير شخصية أدهم الحناوى 

أكرم :- قبل اى حاجه اوعدينى أن الكلام اللى هقولو ليكى ده ميخرجش بره وخصوصآ انك صحفيه وممكن تستغلى الكلام ده لمصلحتك 

داليا :- اكيد طبعآ انا عمرى ما نشرت حاجه شخصيه تخص اى رجل اعمال 

أكرم :- تمام الحكايه دى بدأت من سابعه و عشرين سنه كان أدهم عنده خمس سنين وكان طفل متمرد ومتكبر جدآ كان وحيد امه وأبوه وكل حاجه بيطلبها بيلاقيها كان عايش اسعد ايام طفولته وكان أبوه بيعشق أمه جدآ وهى كمان كانت بتحب ابو أدهم جدآ كان الكل بيحسدهم على سعادتهم لحد ما فى يوم اتقابلو مع إنعام 

داليا :- إنعام مين 

أكرم :- اللى هى مرات ابوه حاليآ 

داليا :- اتقابلو ازاى 

أكرم :- فى النادى ومن اليوم ده اتغيرت حياتهم تمامآ

داليا :- بمعنى 

أكرم :- انعام طول عمرها حلوه وبتهتم بمظهرها جدآ وخالد أبو ادهم جميل جدآ طول عمره من هو شاب وكان عنده نفس طباع أدهم يعنى كان بيجذب اى بنت ليه المهم إنعام اول ما شافت خالد اعجبت بيه ولما شافت الحب اللى بينه وبين مراته اتشدت ليه اكتر عملت نفسها أنها بتسأل على حاجه واتكلمت معاهم وفتحت معاهم مواضيع وبدأت تعرفهم بنفسها وتتكلم معاهم واخدت منهم ارقام تليفونهم وبدأت تقرب منهم شويه بشويه وكل مره تلبس حاجه شكل وطبعآ لبس ملفت جدآ للأنظار وبدأت تشد انتباه خالد ليها وبدء يقل اهتمامه بمراته ويزود اهتمامه بإنعام دى ومرت الايام وإنعام مستمره فى اللى هى بتعملو والمشاكل بتزيد ما بين خالد ومراته كل ده وادهم متابع ومش فاهم حاجه بس متأثر جدآ من المشاكل دى والسعاده اللى كانت الناس كلها بتحسدهم عليها انتهت وعلطول مشاكل وانشغل خالد بإنعام وبقى يخرج معاها يوميآ ويسهر معاها لصبح ويرجع البيت على النوم وام أدهم طلبت الطلاق من خالد لكن هو رفض وهددها أن هو هياخد منها أدهم وعاشت واستحملت الاهانه من خالد لدرجة أن هو بقى يمد أيده على ام ادهم وادهم يوميآ ووصل لدرجة أن هو بقى يجى عندهم الفيلا كل كام يوم يطمن عليهم ويديهم فلوس ويمشى بدأت ام ادهم تحس بالملل وأحتياجها لراجل جنبها وفى الوقت ده ظهر جار ليهم فى الشارع جديد وكان اعزب وفى يوم ام ادهم تعبت ومفيش معاهم حد وادهم كان طفل صغير ومش عارف يتصرف ازاى طلع يجرى من الباب وراح خبط على باب الشاب ده وطلب منه المساعده طبعآ الشاب متأخرش وجه يجرى مع ادهم على الفيلا بتاعتهم وشاف ام ادهم مغمى عليها فى الارض شالها واخدها على المستشفى ومعاهم أدهم وكشف عليها الدكتور وقال إن هى الضغط واطى عندها وفاقت ام ادهم وشكرت الشاب ده على وقفته جنبها واخدهم وصلهم الفيلا ورجع هو كمان فيلته وطبعآ كل ده وخالد غرقان فى العسل مع إنعام واتحسنت صحة ام ادهم وخالد معرفش حاجه عن موضوع مرض ماجده ده وجه بص عليهم وساب ليهم فلوس كالعاده ومشى وجه الشاب ده اطمن على ام ادهم وعلى أدهم وعرف حكايتهم واتعاطف معاهم وبقى بيسأل عليهم بأستمرار ولحد ما ام ادهم والشاب ده حبو بعض هما كمان كان الشاب اصغر من ام ادهم بسنتين بس وطلب منها أنها تطلب الطلاق من خالد ويتجوزو طبعآ لما طلبت الطلاق خالد رفض وفى الوقت ده كان اتجوز انعام وانقطع نهائى عن زيارة ماجده وابنها أدهم وفى يوم ماجده نيمت أدهم وخرجت من اوضه وباب الفيلا خبط فتحت لاقته الشاب ده كان بيتصل بيها ومش بترد عليه قلق عليهم جه يطمن وسأل على ادهم قالت أن هو نام طلب أن هو يدخل رفضت بس رجعت وافقت تانى دخل الشاب ده عند ام ادهم والشيطان ضحك عليهم ودخلو اوضت النوم بس للاسف فى الوقت ده صحه أدهم من نومه علشان يدخل الحمام وسمع صوت أمه مع حد فى الاوضه فتح الباب فتحه صغيره وشاف الشاب ده مع أمه فكر أن الشاب ده بيأذى أمه ولسه هيدخل الاوضه عندهم التليفون رن ومسمعتهوش امه طلع يجرى على التليفون ورد وطلع ابوه قالو أن فيه واحد بيضرب أمه فى الاوضه وقفل التليفون بعد ما ابوه قال أن هو جاى حالا وفى الوقت ده خرجت الام والشاب ده لما سمعوا صوت أدهم بيتكلم فى التليفون واول ما أدهم شافهم طلع يجرى على الشاب وقعد يضرب فى رجليه ويقولو انا بكرهك علشان بتضرب ماما انا قولت لبابا وهيجى يموتك الاتنين اول ما سمعوا كده بصو لبعض بخوف وطلعو يجرو على ادهم واخدته أمه فى حضنها وقالت ليه أن هو مكانش بيضربها وضحكو عليه واقنعوه أن لما يجى أبوه يقول ليه أن هو قال كده علشان يجى يقعد معاه وبالفعل مشى الشاب على فيلته ووصل خالد وهو ناوى على الشر ودخل سأل وكان التوتر باين على وش ماجده وقال ادهم زى ما هما قالو ليه وزعق خالد لادهم وسابه ومشى ودخل أدهم اوضه وقعد يعيط ومرت الايام وبقت تروح ام ادهم لشاب ده فيلته بعد ما ادهم ينام بس اكتر الاوقات كان ادهم بيعمل نفسه نايم لحد ما أمه تمشى ويقوم يقعد على سريره ويعيط لحد ما مره جه خالد بليل متأخر وملاقاش ماجده فى الفيلا وخرج يدور عليها شافها خارجه من الفيلا اللى قصادهم مسكها من شعرها وقعد يضرب فيها لحد ما اعترفت ليه بكل حاجه ما بنها وبين الشاب اللى قصادهم قعد يضرب فيها لحد ما وشها كله جاب دم وكسر ليها دراعها وطلقها ودخل الاوضه بتاعة أدهم لاقه قاعد خايف على سريره وبيعيط راح عنده وقعد يضرب فيه وشيله ذنب ان هو عارف خيانة أمه وساكت واخده معاه عاش مع إنعام اللى كانت حامل وطبعآ مقولكيش عن المعامله اللى كانو بيعملوها ليه والضرب اللى كان بيضربه من ابوه ومكانش بيقولو غير يا ابن الخاينه وبدء يكبر على الكره والحقد والانتقام وراحت منه طفولته وبيروح منه شبابه بسبب الماضى ده كله 

داليا :- وانت عرفت ده كله منين وادهم كان لسه صغير خالص وميفهمش حاجه 

اكرم:- غلطانه السن ده بيفتكر كل حاجه وبتعيش معاه لحد ما يموت لان الذاكره فى الوقت ده عند اى طفل بتكون جاهزه لتحفظ اى معلومه او ذكرى علشان كده أدهم عاش حياته كلها تحت تأثير الأحداث دى كلها أما انا عرفت ازاى انا وادهم طول عمرنا أصحاب من ايام الدراسه فى الابتدائي ولما قابلته كان صعب ان هو يستريح ويحكى ليا اى حاجه لحد ما اتصاحبنا على بعض وقال ليا كل اللى قولتو ليكى دلوقتى وفيه حاجه كمان 

داليا :- ايه هى 

أكرم :- احم امى صاحبة إنعام مرات ابو ادهم من قبل ما تتجوز خالد ده وكانت حاضره حكاية خالد وإنعام لما حصلت من البدايه 

داليا :- وامك ليه منصحتش انعام دى تبعد عن حياة ماجده وخالد 

أكرم :- حاولت كتير بس أنعام طول عمرها بتجرى وراه الفلوس ولما اجتمع المال والجمال فى شخص واحد جريت عليه ومسمعتش كلام اى حد 

داليا :- انا حاسه ان بشوف فيلم عربى مش مصدقه أن ده يحصل فى الحقيقه 

أكرم :- فعلا اللى حصل لادهم ده صعب اوى اخرنا نشوفو فى الافلام والمسلسلات المهم قررتى ايه هتساعدينى ننسى أدهم الماضى ونعيشه الحاضر ونثبت ليه أن الدنيا كلها مش ماجده وإنعام وخالد فيه ناس كويسين كتير 

داليا :- سؤال بس قبل ما اجوبك أمه راحت فين بعد ما خالد طلقها 

أكرم :- اتجوزت الشاب ده وعيشه معاه بره مصر بعد ما خالد انتقم منه وخسره كل فلوسه

داليا :- وعنده اخوات من أمه 

أكرم :- معرفش بس كل اللى اعرفو أنها حاولت كتير تبعت لادهم علشان يسامحها وهو رافض أن اى حد يجيب سيرتها قدامه  

داليا :- صعب اوى يعنى هى مشفتهوش من سابعه وعشرين سنه 

اكرم:- ايوه 

داليا :- تلاقيها لو قابلته فى اى مكان مش هتعرفو لان اكيد شكله اتغير عن لما كان عنده خمس سنين 

أكرم :- اكيد قلبها هيحس بيه 

داليا :- عندك حق 

أكرم :- قررتى ايه

داليا :- بص انا منكرش أن هو صعب عليا اوى لما سمعت حكايته بس برضه مش هنسى البهداله اللى اتبهدلتها بسببه ولسه مستمر فيها انا اسفه مش هقدر اساعدك فى الموضوع ده وياريت تخليه يبعد عن سكتى ويبعت ليا العقد العرفى وينسانى 

أكرم :- بأستغراب عقد عرفى مش فاهم 

داليا :- يعنى انت متعرفش أن صاحبك خلانى أمضى على عقد عرفى علشان احمى اخواتى منه ومن شره وعلشان يتنازل عن القضيه وراح سجله بتاريخ قديم وخلى اخويه يشوفه وحكم عليا أن هو هيجى يتقدم ليا يوم الجمعه 

أكرم :- وهو مستغرب قال أدهم عمل كده 

داليا :- ايوه حتى روح أسأله 

أكرم :- غريبه اول مره أدهم يستخدم الاسلوب ده ومش فاهم ازاى هيتجوزك وهو رافض موضوع الجواز ده بسبب اللى حصل من أمه مش بقولك انتى قدرتى تعملى حاجه من ادهم وموضوع جوازه منك ده اول الحكايه 

داليا :- مش فاهمه قصدك ايه 

أكرم :- يعنى انتى قدرتى تغيرى أدهم وتخليه يفكر فى موضوع الارتباط والجواز عمر أدهم ما استخدم مع بنت اسلوب الجواز ده خالص أدهم يقضيها اه إنما يتجوز غريبه الصراحه 

داليا :- بص انا ميهمنيش الكلام ده يتغير ميتغيرش شئ ميخصنيش أنا كل اللى عايزه يبعد عن طريقى نهائى 

أكرم :- بصى انا مش هاخد الرد دلوقتى منك هسيبك تفكرى كويس فى الكلام اللى قولته ليكى ولو موافقه ده الكارت بتاعى فيه كل ارقامى اتصلى فى اى وقت يعجبك واه موضوع جوازه منك ده هيسهل علينا كتير ياريت توافقى ووقف وحط الحساب على الترابيزه وقال بتمنى توافقى ترجعى لشاب الحياة من اول وجديد على ايدك وسابها ومشى 

داليا :- بصت عليه وهو ماشى ومدت ايديها مسكت الكارت وبصت فيه وقطعته وقالت داهيه تاخدك انت وصاحبك وقامت من على الكرسى وخرجت وقفت تاكسى وروحت البيت 

~•~•~•~•~•~•~•~•~•~•~•~•~•

فى فيلا خالد الحناوى 

وصل أدهم الفيلا وشاف سندس وفادى قاعدين فى الجنينه راح عندهم وقال 

أدهم :- عاملين ايه 

سندس :- قامت تجرى واترمت فى حضن أدهم وقالت واحشتنى اوى يا أبيه 

ادهم:- بسها من راسها وقال انتى اكتر يا حبيبتى عامله ايه فى دراستك 

سندس :- الحمدالله مش ناوى تقعد تذاكرى يا أبيه زى الاول 

ادهم.:- اخلص بس من الصفقه بتاعة بكره واقعد اذاكر ليكى براحتنا 

سندس :- هييييييا بحبك اوى اوى يا أبيه وبسته من خده 

أدهم :- هههههه يا بكاشه 

فادى :- شكلك رايق النهارده 

أدهم :- وهو اللى يعيش فى بيت زى ده يعرف يكون رايق شويه 

فادى :- على رأيك 

أدهم :- امال فين البت دينا 

فادى :- فى اوضتها طول النهار

أدهم :- ليه فيها حاجه 

سندس :- انا خبط عليها مرضتش تفتح ليا وقالت  امشى وسبينى لوحدى 

أدهم :- اوعى يكون حد زعلها من هنا 

فادى :- معتقدش لأنها جايه من بره وهى كده 

أدهم:-وفين علاء 

فادى :- لسه مجاش من الشركه 

أدهم.:- ماشى هطلع اشوف دينا وسابهم وطلع عند دينا وخبط على الباب بتاعها 

دينا :- قولت محدش ليه دعوه بيا سبونى فى حالى 

أدهم :- افتحى يا دينا 

دينا :- ا.ا.ادهم ح.ح.حاضر وقامت فتحت الباب وقالت ت.ت.تعال ادخل 

ادهم:- سمعت انك حابسه نفسك فى الاوضه 

دينا :- انا ل.ل.لاء بس تعبانه شويه 

ادهم :- اتصل بالدكتور 

دينا :- ل.ل.لا مش لدرجه بس النهارده نزلت اقعد شويه فى النادى والجو كان حر والشمس حاميه فتعبت مش اكتر 

ادهم :- انا ليه حاسس انك بتكدبى عليا 

دينا :- ها و.و.وانا هكدب عليك ل.ل.ليه 

ادهم :- عمومآ مش هتغط عليكى بس لو فيه حاجه وحابه تحكيها ليا انا موجود

دينا :- ح.ح.حاجه حاجه زى ايه م.م.مش فاهمه 

ادهم :- اى حاجه 

دينا :- م.م.مفيش ا.ا.انا هنام والصبح هكون كويسه أن شاءالله 

أدهم :- ماشى بس خليكى فاكره أن سألتك وطلبت منك تحكى ليا اى حاجه وانتى اللى رافضى علشان لو عرفت اى حاجه من بره مش هيحصلك كويس وسابها ومشى 

دينا :- وقفت مكانها مصدومه من كلام اخوها ليها وخافت ليكون عرف حاجه ودخلت تجرى وقفلت الباب وراها بالمفتاح واتصلت على رقم تامر وانتظرت الرد 

تامر :- الو السلام عليكم 

دينا :- وعليكم السلام 

تامر :- مين معايا 

دينا :- ا.ا.انا الانسه دينا 

تامر :- الانسه دينا مين 

دينا :- احم انا اللى كنت عندك النهارده وطلبت مساعدتك علشان الصور اللى اتصورت ليا 

تامر :- ايوه ايوه افتكرتك خير حصل حاجه تانى 

دينا :- بخوف ا.ا.انا خايفه ليكون بعت الصور لاخويه اصل النهارده كلامه ليا مش مريحنى 

تامر :- ليه جاب ليكى سيرة الصور 

دينا :- لاء طبعآ بس قعد يقولى مالك واحكيلى ومش هيحصلك كويس لو عرفت حاجه من بره كلام من ده يعنى 

تامر :- لاء متخفيش هو ممكن يكون حس بتوترك فقال ليكى الكلام ده علشان تخافى وتقولى ليه لو فيه حاجه مخبياها  لان لو عرف اى حاجه عن موضوع الصور دى اكيد كان ضربك صح 

دينا :- ضربنى بس ده مش بعيد يموتنى فيها 

تامر :- لدرجاتى اخوكى صعب 

دينا :- جدآ فوق ما تتصور على قد ما هو حنين علينا  على قد ما هو شديد علينا اوى اوى بنخاف منه موت 

تامر :- اجمدى كده وحاولى تكونى طبيعيه عندك فى البيت علشان محدش يحس بحاجه وان شاءالله كل حاجه هتتحل بكره 

دينا :- يارب يارب احسن انا خايفه اوى من موضوع الصور ده 

تامر :- اطمنى وثقى فيا 

دينا :- اكيد واثقه فى حضرتك وأسفه على الازعاج 

تامر :- لا ولا يهمك انا تحت امرك فى اى وقت 

دينا :- ميرسى جدآ لذوق حضرتك مع السلامه 

تامر :- العفو فى رعاية الله 

دينا :- قفلت السكه وقالت يارب اقف جنبى بكره يارب واتنهدت ونامت على سريرها بتفكر فى اللى هيحصل بكره

~•~•~•~•~•~•~•~•~•~•~•~•~•

فى بيت سعيد 

وصلت داليا البيت ودخلت واترمت على الكنبه وفى الوقت ده خرج سعيد من المطبخ وقال 

سعيد :- حمدالله على السلامه يا حبيبتى 

داليا :- بتعب الله يسلمك يا بابا 

سعيد :- قعد جنبها وقال مالك يا حبيبتى 

داليا :- ولا حاجه يا حبيبى سلامتك 

سعيد :- على بابا برضه انا عرفك لما يكون فيه حاجه شغله تفكيرك 

داليا :- ها م.م.مفيش غير الشغل بس اللى شاغل تفكيرى 

سعيد :- يا بت عينى فى عينك كده 

داليا :- بصت فى عين ابوها وقالت يووووه بقى خلاص يا بابا انت صح انا فيه موضوع شاغل بالى غير الشغل 

سعيد :- وهو بيضحك قال طيب قولى يمكن اقدر افيدك فيه 

داليا :- ه.ه.هو حاجه تخص واحده.صحبتى 

سعيد :- قصدك على مين فاطمه ولا منتهى 

داليا :- احم لا دى ولا دى واحده تانيه حضرتك متعرفهاش 

سعيد :- اممممم قولتيلى طيب احكى

داليا :- احم هى مطلوب منها تساعد واحد مش بتحبه وتخليه يحب الحياه علشان هى الوحيده اللى قدرت تقف قصاده من غير خوف وهو عنده مشاكل كتير خليته بنأدم مش كويس وفى ايد البنت دى تساعده وتشد أيده لبر الامان وتخليه يبقى بنأدم كويس ومحترم 

سعيد :- واحده واحده انا مش فاهم منك حاجه

داليا :- يعنى يا بابا صحبتى دى مطلوب منها تقف جنب بنأدم مش كويس وتخليه يتوب ويبقى شخص محترم ويحب الحياة على ايديها  

سعيد :- طيب وصحبتك دى رأيها ايه 

داليا :- هى مش عارفه بس حاسه بمسؤوليه كبيره اوى لو وافقت انها تساعده وخايفه تفشل ومتبقاش قد المسؤوليه دى 

سعيد :- ولا خايفه تحبه وبعد كده يعرف الحقيقه يبعد ويسيبها 

داليا :- ا.ا.ايه اللى حضرتك بتقولو ده مستحيل تحبه بس هى خايفه من الفشل  وهى مش متعوده تفشل فى حاجه بدأت فيها 

سعيد :- بس انا مش شايف كده خالص انا شايف واحده خايفه من الحب 

داليا :- ها ق.ق.قصد حضرتك ايه 

سعيد :- قصدى على صحبتك بيأكد ليا وجهة نظرى انها خايفه من الحب مش من المساعده 

داليا :- احم لا حضرتك غلطان انا عارفه صحبتى اكتر منك مش بتأمن لحاجه اسمها الحب المهم ممكن تقول رأى حضرتك فى الموضوع ده ايه 

سعيد :- رأى انها تساعده  وده عمل خير ربنا هيجزيها عليه لان هى هتساعده يبعد عن الحرام وهتاخد بأيده لحلال وهتعرفه اصول دينه يبقى ليه تتأخر عن فعل الخير 

داليا:- يعنى من رأى حضرتك انها توافق 

سعيد :- ايوه طبعآ بس الرأى الاول والاخير لصحبتك دى 

داليا :- لالالا انا هقولها مش تساعدوه

وفى الوقت ده دخل مؤمن 

مؤمن :- هى مين دى ومش تساعد مين 

داليا :- وانت مالك يا بارد خليك فى حالك 

مؤمن :- ايوه يا عم من حقك تتكلم كده كلها بكره وبعده وهتبقى مخطوبه لأكبر رجل اعمال فى مصر أدهم الحناوى

داليا :- بصوت واطى كتك نيله عليه 

مؤمن :- بتقولى ايه مش سامعك 

داليا :- مؤمن غور فى داهيه مش نقصاك وقامت وقفت وقالت انا هدخل اغير هدومى وانام 

سعيد :- مش هتاكلى 

داليا :- مليش نفس ومشيت لحد الباب 

سعيد :- داليا 

داليا :- نعم يا بابا 

سعيد :- قولى لصاحبتك تساعد الشاب ده

داليا :- بصت لابوها بصه طويله وقالت حاضر يا بابا ودخلت اوضتها 

مؤمن :- مين يساعد مين 

سعيد :- خليك فى حالك وادخل غير هدومك ويلا علشان ناكل 

مؤمن :- مش لما يجى ابنك حمزه وفى الوقت ده وصل حمزه 

سعيد :- اهو اخوك جه اخلص بقى 

مؤمن :- ماشى ودخل اوضه غير هدومه وخرج وسعيد حضر الاكل وقعدو ياكلو 

سعيد :- عملت ايه فى موضوع السلاح

حمزه :- لسه يا بابا مش عارف راح فين هتجن اقسم بالله 

مؤمن :- ما يمكن يكون وقع منك وانت مش حاسس

حمزه :- هيقع ازاى منى انت عبيط ده ليه مكان مخصص عندى يعنى لو حصل ايه ميتحركش من مكانه

مؤمن :- وانا ايه عرفنى كنت ظابط قبل كده انا قولت اقترح عليك فكره ممكن متكونش جت فى بالك قبل كده 

حمزه :- لاء وفر افكارك الجهنميه دى لنفسك 

سعيد :- خلاص كلو وانتو ساكتين 

وبعد وقت انتهو من الاكل وكل واحد دخل اوضه 

~•~•~•~•~•~•~•~•~•~•~•~•~•

انتهى يوم وبدء يوم اخر جديد اشرقت شمس صباح يوم جديد بنورها الساطع فى سماء الاسكندريه لتبدء داليا بفتح عيونها على صوت تليفونها بصت فيه واتنهدت وقالت 

داليا :- بدأنا الجنان على الصبح ردت وقالت صباح الجنان 

فاطمه :- صباح هو فين الصباح ده هو انا عينى شافت النوم ده انا مش عارفه ليلى من نهارى

داليا :- بس بس ليه كل ده 

فاطمه :- بفكر فى ابن المبقعه

داليا :- اللى هو مين 

فاطمه :- الواد الملون ده 

داليا :- ملون تقصدى مين الله يحرقك 

فاطمه :- الواد اللى جه ليكى امبارح المكتب 

داليا:- امبارح مين ده اه اه تقصدى أكرم 

فاطمه :- وكمان اسمه أكرم هييييييح كرم الله وجهك يا اخت داليا 

داليا :- ربنا يزيدنا من بركاتك يا اخت طمطم

فاطمه :- ومين أكرم ده ها ها قولى بسرعه يلا

داليا :- ده أكرم شريك ادهم الحناوى وصديقه الوحيد 

فاطمه :- الله يعنى شخصيه فى المجتمع كمان ادينى عنوانه بسرعه اروح اخطبه

داليا :- يخربيت جنانك أهدى يا مجنونه 

فاطمه :- ما هو يا اتجوزه يا تشوفو ليا عريس بسرعه عايزه اتجوز يا خالق عايزه اتجوز يا هووووو

داليا :- وربنا مجنونه اقفلى يا فاطمه اقفلى يا حبيبتى 

فاطمه :- طيب هتشوفى ليا عريس 

داليا :- اه طبعآ امال ايه بس اقفلى دلوقتى 

فاطمه :- ربنا يخليكى ليا يا دودو يارب بحبك يا بت 

داليا :- وانا كمان باى وقفلت السكه وقالت ربنا يشفيكى يا طمطم يارب وقامت دخلت الحمام اخدت شاور واتوضت وخرجت لبست هدومها وأدت فرضها وبتبص فى الفون بتاعها لاقت رقم غريب على الفون بتاعها  محاول الاتصال بيها كذا مره ورن فى الوقت ده ردت وقالت

داليا:- السلام عليكم 

ادهم :- وعليكم السلام 

داليا :- انت أدهم صح 

ادهم :- شطوره حفظتى صوت جوزك 

داليا :- قولتلك مليون مره متقولش كلمة جوزك دى انت مش جوزى ولا عمرى هكون مراتك 

ادهم :- هههههههههه كلها بكره وكام يوم وتبقى مراتى وسعتها هوريكى النجوم فى عز الضهر 

داليا :- ابقه غطي وسكتت شويه وقالت غطى رجلك كويس علشان متحلمش كتير 

ادهم :- بكره ادفعك تمن كل كلمه قولتيها يا داليا 

داليا :- ههههههههه بتحلم يا ادهم يا حناوى وبكره ده عمره ما هيجى 

ادهم :- هيجى وهخليكى خدامه تحت رجلى  

داليا :- ههههههههه ما قولتلك ابقى غطيها كويس بقى وقفلت السكه فى وشه وداست على التليفون بغيظ وقالت انت اللى جبته لنفسك يا ادهم يا حناوى واخدت شنطتها وخرجت من اوضتها وقالت صباح الخير 

سعيد :- صباح النور يا حبيبتى نمتى كويس 

داليا :- ايوه يا بابا ليه بتسألنى السؤال ده 

سعيد :- قولت اكيد هتفكرى فى موضوع صحبتك دى والشاب اللى هتساعده 

داليا :- احم اه ما انا فكرت خلاص 

سعيد :- وقررتى تقوليلها ايه 

داليا :- ..........

~•~•~•~•~•~•~•~•~•~•~•~•~•

بقلمى دودومحمد

⁦✍️⁩تمرد صحفيه ⁦✍️⁩

🌻الفصل التاسع🌻

فى فيلا خالد الحناوى 

صحيت دينا من نومها على صوت تليفونها اخدت التليفون من جنبها ودعكت عينها وبصت فى التليفون لاقته رقم اسر قامت قعدت بخوف على السرير وقعدت تبص على التليفون ودموعها نزلت منها واول ما التليفون سكت طلبت رقم تامر وانتظرت الرد 

تامر :- بصوت نايم السلام عليكم 

دينا :- بخوف ودموع الحقنى يا استاذ تامر 

تامر :- استاذ مين معايا 

دينا :- انا دينا اللى طلبت منك تساعدها فى مشكلتها امبارح 

تامر :- ايوه ايوه خير حصلت حاجه تانى 

دينا :- بدموع ا.ا.اسر بيتصل بيا 

تامر :- اسر مين 

دينا :- يا استاذ تامر ركز معايا اسر اللى مصورنى 

تامر :- اه اسف اصل لسه صاحى من النوم مش مركز 

دينا :- بدموع انا اسفه أن صحيتك من النوم وازعجتك 

تامر :- ولا يهمك مفيش ازعاج ولا حاجه 

دينا :- فيه مسج جالى ثوانى اشوفه 

تامر :- معاكى 

دينا :- بخوف وتوتر د.د.ده بعت ليا صوره من الصور اللى عنده ا.ا.انا خايفه اوى ليكون بعت حاجه لاهلى

تامر :- أهدى بس يا انسه دينا 

دينا :- د.د.ده بيرن عليا اهو 

تامر :- طيب ردى عليه وانا معاكى على الويتنج 

دينا :- ماشى وردت على اسر بخوف وقالت ا.ا.ايوه 

اسر :- ايه يا جميل تقلان علينا ليه بس 

دينا :- عايز منى ايه 

اسر :- واحشتينى

دينا :- وحش لما يلهفك انا بكرهك بكرهك 

اسر :- ليه بس ده لوله الظروف امبارح كنت ظبطك بس حكم القوى بقى 

دينا :- بس بس قرف بقى كفايه حرام عليك 

اسر :- اااااااه ده انا مش على بعضى من امبارح من ساعة ما شوفت جسمك القشطه ده 

دينا :- انت متصل بيا ليه دلوقتى مش انت عايز الفلوس هتكون عندك بليل ومش عايزه اسمع صوتك تانى ولا اشوف وشك مفهوم 

اسر :- لاء استنى هنا فيه شرط كمان 

دينا :- ايه هو 

اسر:- هتعرفيه لما تيجى بليل عندى فى الفيلا 

دينا :- ل.ل.ليه ما تقولو دلوقتى 

اسر :- لاء اصل ده مفاجئه سلام يا عمرى اشوفك بليل بقى وقفل السكه 

تامر :- الو انسه دينا يا انسه 

دينا :- بدموع الو 

تامر :- كان عايز ايه 

دينا :- ب.ب.بيقولى أن فيه شرط تانى علشان اخد الصور 

تامر :- شرط ايه ده 

دينا :- معرفش بيقولى هتعرفيه بليل لما اروح عنده الفيلا 

تامر :- فهم وقال اه خلاص فهمت 

دينا :- فهمت هو يقصد ايه

تامر :- احم يقصد يعنى احم بصى خلى بالك على نفسك انا هبقى متابع من بره وهدخل فى الوقت المناسب 

دينا :- بخوف ليه ه.ه.هو ناوى يعمل فيا ايه 

تامر :- متقلقيش وخليكى واثقه فيا انا هحميكى منه 

دينا :- اكيد طبعآ واثقه فيك وشكرآ ليك بجد على وقفتك جنبى 

تامر :- ده واجبى يا انسه دينا مع السلامه اشوفك بليل وتكونى قويه كده علشان  ميكشفش حاجه بسهوله 

دينا :- أن شاءالله مع السلامه وقفلت السكه مع تامر واتنهدت وقامت من على سريرها دخلت الحمام اتوضت وأدت فرضها وخرجت من اوضتها ونزلت كان الكل بيفطر قالت صباح الخير 

الكل :- صباح النور 

خالد :- اقعدى افطرى 

دينا :- لاء مليش نفس 

علاء :- مالك تعبانه ولا ايه 

دينا :- لالالا انا كويسه بس منمتش كويس 

فادى :- وبتفكرى فى ايه بقى 

دينا :- مش تحقيق هو عن اذنكم ولسه هتمشى 

إنعام :- رايحه فين كده 

دينا :- مخنوقه هروح اتمشى شويه 

إنعام :- روحى بس متغبيش علشان تجهزى نفسك النهارده 

دينا :- اجهز نفسى ليه 

إنعام :- فيه ضيوف جاين النهارده 

دينا :- وانا مالى ما يجو هما جاين ليا ولا جاين ليكى 

إنعام :- بنت ردى عليا بأدب واسمعى الكلام تيجى بدرى وتجهزى نفسك وتقابلى الناس كويس مفهوم 

دينا :- أن شاءالله سلام وخرجت وسابتهم

خالد :- مين اللى جاى النهارده يا قلبى

إنعام :- بعدين ابقى اقولك بعدين 

خالد :- اوك يا قلبى وبص لعلاء وقال يلا علشان عندك معاد مع صحفيه جايه تعمل معاك حوار النهارده 

علاء :- معايا انا 

خالد :- ايوه جريدة(......) كلمتنى وطلبوا يعملو معايا حوار وانا دماغى مش فاضيه قولتلهم انك انت هتعمل معاهم الحوار مكانى 

علاء :- ومقولتش ليا ليه من الاول يا بابا 

خالد :- هتفرق ايه اذا كنت عرفت من الاول ولا عرفت دلوقتى قوم يلا بلاش كلام فاضى 

علاء :- حاضر يا بابا حاضر وقام مع ابوه وخرجو وكل واحد ركب عربيته وراح على الشركه 

سندس :- هو أبيه أدهم منزلش ليه لحد دلوقتى 

فادى :- شكله راح عليه نومه 

سندس :- وأبيه أكرم مش بيجى هنا من فتره 

أكرم :- ايوآ مين بيجيب فى سيرتى 

سندس :- أبيه اكرم واحشتنى انا لسه بسأل عليك 

أكرم :- انتى اكتر يا قلب ابيه اكرم من جوه فين اخوكى أدهم 

سندس :- نايم فى اوضه فوق 

فادى :- ايه مش شايف قدامك بنأدمين ولا ايه ارمى السلام الاول 

أكرم :- دودى واحشتنى 

فادى :- ما بلاش مليون مره قولتلك الاسم ده بيعصبنى مش شيفنى بنت قدامك

أكرم :- خلاص خلاص متعصبش نفسك انت راجل وسيد الرجاله كمان هههههههه وبعدين بص لانعام وقال منوره يا خالتى 

إنعام :- تانى يا إكرم على فكره انا قولت لمامتك وقالت هتملص ليك ودانك 

أكرم :- تملص ودان مين يا حاجه شيفانى قدامك عيل توته ولا ايه

إنعام :- يايى على كلامك لوكل اوى 

أكرم :- بصوت واطى الله يرحم المرحوم كان بيشرب الشوربه بالخرطوم 

فادى :- سمع أكرم ومقدرش يمسك نفسه من الضحك 

إنعام :- ممكن افهم انت بتضحك على ايه 

فادى :- وهو مش قادر يمسك نفسه من الضحك على الخرطوم هههههههههه

إنعام :- ايه مش فاهمه 

أكرم :- احم ماشى يا خالتى عن اذنك بقى هطلع اشوف ادهم وقرب على فادى وقال اهدا شويه الله يحرقك هتودينى فى داهيه

إنعام :- تانى خالتى ماشى يا أكرم مبقاش انا لو مكنتش علمتك الادب 

فادى :- وهو بيضحك اهو ده اللى عمره ما يحصل ابدآ

إنعام :- كل وانت ساكت مسمعش حسك فاهم 

فادى :- وهو بيكتم ضحكته وانا مالى هو انا اللى قولت الخرطوم 

إنعام :- ولد 

فادى :- خلاص خلاص وقعد ياكل وهو ماسك نفسه من الضحك بالعافيه 

~•~•~•~•~•~•~•~•~•~•~•~•~•

فى شقة سعيد 

خرجت داليا من اوضتها وهى واخده قرار مهم وقعدت اتكلمت مع ابوها وسألها وصلت لايه بعد التفكير وردت عليه وقالت 

داليا :- انا قررت اقولها تساعده 

سعيد :- هو ده عين العقل يا حبيبتى ربنا هيجزيها خير خير الناس انفعهم لناس يعنى مساعدتها ليه عمل كبير 

داليا :- بتوعد ده هتوريه النجوم فى العز الطهر علشان يتوب ويصلى عن أذية الناس 

سعيد :- شكلها ناويه ليه على حاجه كبيره 

داليا:- هههههههههه الله يكون فى عونه على اللى هيشوفه معاها 

مؤمن :- هو مين ده 

داليا :- يا ابنى انت حشرى ليه كده ما تخليك فى حالك 

مؤمن :- اخس عليكى يا دودى بتقولى كده لاخوكى اللى بيحبك وجايب ليكى حرنكش مخصوص وربنا 

داليا :- بفرحه احلف 

مؤمن :- بغنى وما ليك عليا حلفان اه اه 

داليا :- ضربته على كتفه وقالت اخلص يا غلس فين الحرنكش 

مؤمن :- اااااه يا مفتريه طيب مفيش ها 

داليا :- ده عند ام ترتر هات يلا ده انا اروح فيك السجن 

مؤمن :- اهدا أعرب يخربيت اللى يزعلك خدى اهو 

داليا :- اخدته منه وقالت ناس متجيش غير بالعين الحمرا واكلت منه وقالت يا اغلى شئ فى حياتى بمووووووت فيه اممممممم جميل اوى اوى 

سعيد :- هههههههه عمرك ما هتكبرى ابدآ 

داليا :- اكبر ليه يا بابتى خلينى صغيره مش محتاجه حاجه من الكبر 

سعيد :- لا محتاجه اهم حاجه من الكبر 

داليا :- ايه هى 

سعيد :- العقل مخك رايح فى داهيه 

مؤمن :- هههههههههههههه بشهادة ابوكى انتى مجنونه ومش فيكى عقل هههههههه

داليا:- هه يا خفه اسم الله عليك يا ابو نص لسان انت ادخل اصورك الفطيره اللى على المرتبه وانشرها على الاكونت بتاعك على الفيسبوك هههههههههههه

مؤمن :- هه يا لهوى هموت من الاستظراف 

سعيد :- بس بس انت وهى وادخلوا صحو اخوكم 

مؤمن :- ده مين ده اللى يصحى حمزه 

سعيد :- انت او اختك 

مؤمن :- عندك داليا انا مليش دعوه 

سعيد :- ادخلى صحى اخوكى 

داليا :- بتاكل الحرنكش ومش بترد 

سعيد :- داليا انتى يا بت 

داليا :- ايوه يا بابتى 

سعيد :- روحى صحى اخوكى 

داليا :- خلى مؤمن انا مش فاضيه باكل حرنكش 

سعيد :- بزعيق قومو انجرو صحو اخوكم 

مؤمن وداليا :- قامو وطلعو يجرو على اوضت حمزه 

مؤمن :- يعنى كان لازم تقومى لما ابوكى يزعق

داليا :- ده على اساس انك قومت لما طبطب عليك صح 

مؤمن :- والعمل ايه دلوقتى 

داليا :- بصت على حمزه وقالت اننا نصحى الجثه دى 

مؤمن :- نام على سريره وقال مع نفسك يا حلوه 

داليا :- اه يا واطى ماشى وبصت على حمزه وقالت استعنا على الشقه بالله وراحت على سرير حمزه وبصت على تليفونه وجت ليها فكره مسكت تليفون حمزه وكان حاطط عليها صوت عربية الشرطه شغلتها بأعلى صوت وحطتها جنب ودن حمزه علطول 

حمزه :- قام يجرى وقال انا جاهز يا فندم 

داليا :- ههههههههههه هموت مش قادره ههههههههههه

حمزه :- فاق لاق نفسه لسه فى الاوضه ومؤمن وداليا بيضحكو عليه قال يا ولاد وطلع يجرى وراهم 

داليا ومؤمن :- طلعو يجرو من الاوضه وهما بيضحكو 

داليا :- هههههههههه خلاص يا حمزه اهدا انا كنت بصحيك بس ههههههههههه

حمزه :- بعصبيه مش هتبطلى شغل الاستعباط بتاعك ده 

سعيد :- خلاص يا حمزه انا اللى قولتلها تصحيك 

حمزه :- يا بابا محدش مقوى قلبها كده غير حضرتك

سعيد :- براحتها طول ما انا عايش فى الدنيا تدلع براحتها 

داليا :- ربنا يخليك ليا ويطول فى عمرك يا احلى بابا فى الدنيا 

حمزه :- ماشى يا داليا هتروحى منى فين دى الشقه كلها اوضين وصاله يعنى هجيبك هجيبك

سعيد :- طيب على الله تيجى جنبها يا حمزه 

حمزه :- سؤال واحد بس انتى عرفتى تفتحى الرمز ازاى بتاع التليفون 

داليا :- اقولك ولا تزعلش 

حمزه :- امممم

داليا :- شوفتك وانت بتفتحه من يومين اروبه انا مش كده ههههههههه

حمزه :- ماشى هغيره وابقى ورينى هتعرفى تفتحيه ازاى وسابهم ودخل الاوضه 

داليا :- وهى بتضحك همووووووت ده حمزه ده فصلان هههههههه

مؤمن :- نفسى اشوفك بالجرأه دى قصاده لكن أنا مش بشوف غير كتوت مبلول بيترعش من الخوف قدامه 

داليا :- فشر قال اخاف منه قال

حمزه:- حضرى الفطار بسرعه علشان نازل الشغل 

داليا :- هوا وقامت تجرى 

مؤمن :- لاء واضح انها شخصيه فعلا يلا هو اصلا البيت ده بيت المجانين 

سعيد :- وانت اولهم قاعد بتكلم نفسك يا عبيط اخواتك 

مؤمن :- تشكر يا حاج مش عارف اقولك ايه بصراحه 

سعيد :- متقولش حاجه اتكتم واسكت بس 

مؤمن :- لنفسه واضح جدآ انه بيموت فيا الحاج 

داليا :- تعال خد منى الاطباق يا مؤمن 

مؤمن :- المساعده الفلبينيه جايه حالا وقام راح عندها اخد منها الاطباق حطها وقعدو كلهم ياكلو وبعد وقت طويل خلصو اكل وكل واحد راح على شغله 

~•~•~•~•~•~•~•~•~•~•~•~•~•

فى فيلا خالد الحناوى 

فى اوضت أدهم 

دخل أكرم الاوضه عند ادهم ملقهوش نايم على السرير بص حاوليه فى الاوضه ملاقاش حد قال بصوت عالى 

أكرم :- ادهممممممممم

ادهم :- خرج من الحمام وهو بيمسح شعره بالفوطه وقال فيه ايه بتزعق كده ليه 

أكرم:- اتخضيت لما ملاقتكش فى الاوضه 

ادهم :- ده على اساس ان انا عيل وهتوه فى الفيلا يا اهبل يا متخلف 

أكرم :- شكرآ مش عارف من غير التهزيق ده كنت هعمل ايه 

ادهم :- العفو ابقى تعال كل يوم 

أكرم :- ده انا بايت عندك اصلا 

ادهم :- أكرم عايز ايه جاى ليه كنت مرتاح منك اليومين اللى فاتو 

أكرم :- جاى اغلس عليك 

ادهم:- اطلع بره يا اكرم وخلينى اجهز نفسى 

أكرم :- استنا بس نتكلم جد شويه بالنسبه لصفقه بتاعة النهارده اللى هتتسلم بليل مع شركة السماح 

ادهم :- مالها 

أكرم :- مش عارفين نتواصل مع حد من شركة السماح كلهم مختفين 

ادهم :- فعلا كان فيه اجتماع امبارح معاهم واتأجل علشان نتفق

أكرم :- والعمل 

ادهم :- خلى ميرفت تتصل بيهم لآخر مره ولو محدش فيهم رد خلى المحامى يقوم بشغله القانونى 

أكرم :- تمام ماشى 

ادهم :- فيه حاجه تانى 

أكرم :- احم اه استفسار صغير بس 

ادهم :- امممم قول 

أكرم :- انت رايح تتقدم لصحفيه بكره 

ادهم :- بصله وقال انت عرفت منين  

أكرم :- احم سمعت الخبر هو فيه حاجه بتستخبى فى البلد دى وبالذات عليك انت 

ادهم :- بعدم تصديق والله 

أكرم :- احم اه وانا هكدب عليك ليه 

ادهم :- سابه ومشى 

أكرم :- انت استنا هنا رد عليا 

ادهم :- ملكش دعوه خليك فى حالك يا اكرم وشغل المخابرات ده بلاش منه فاهم 

أكرم :- العن ابو كده يا شيخ بتتعب لما تريح حد وتجاوب عليه 

ادهم:- اطلع بره يا اكرم 

أكرم :- هو اللى نازل عليك اطلع بره يا اكرم اطلع بره يا اكرم يخربيت معرفتك يا شيخ وسابه وخرج من الاوضه 

ادهم :- لبس هدومه وجهز نفسه وخرج بص على باب دينا راح خبط عليه محدش رد عليه نزل وقال هى دينا مش فى اوضتها 

فادى :- لاء خرجت تتمشى شويه 

ادهم :- وهى عامله ايه دلوقتى 

فادى :- لسه زى ما هى 

ادهم :- ماشى ولسه هيمشى 

إنعام :- ياريت بلاش تتأخر النهارده بره 

ادهم :- وقف وبصلها وقال ليه أن شاءالله لتكونى خايفه عليا وعلى صحتى وضحك ضحكه بتريقه 

إنعام :- لا ده ولا ده بس فيه ضيوف جاين النهارده عندنا ولازم تكون موجود 

أدهم :- بصلها بقرف وقال اعتبرينى مش موجود من امته وانتى بيهمك وجودى 

إنعام :- حتى لو وجودك ده يخص مصلحة اختك دينا 

ادهم :- يخص اختى قصدك ايه 

إنعام :- عريس جاى يتعرف على اختك من عيله ومستوى عالى والده فى مركز كبير فى الدوله وهو اللى طلب أن العيله كلها تكون موجوده لو مطلبش مكنتش هطلب وجودك معانا 

ادهم :- داس على سنانه بغيظ وقال اعتبرونى مش موجود فى حياتكم زى ما طول عمركم بتنكرو وجودى وسابهم ومشى 

إنعام :- بغيظ ماشى يا ادهم انا هعرف اخليك تيجى ازاى  

فادى :- اتنهد وقال انتو عايزين منه ايه ادخل مش عاجب بعد مش عاجب 

إنعام :- ولد خليك فى حالك وأتكلم بأدب 

فادى :- ده الواحد على ما يخرج من الفيلا دى هيكون جالو شلل من افعالكم ووقف وقال انا ماشى وسابها ومشى 

إنعام :- ولد مش متربى صحيح وقامت دخلت اوضتها 

~•~•~•~•~•~•~•~•~•~•~•~•~•

فى بيت ميرفت 

صحيت ميرفت من نومها خرجت دخلت الحمام اتوضت ودخلت اوضتها أدت فرضها وغيرت هدومها ولبست الجزمه الجديده وخرجت وقالت

ميرفت :- صباح الخير 

ابو ميرفت :- صباح النور يا حبيبتى 

ام ميرفت :- ايه يا ست البرنسيسه النوم ده كله مستنيه لما الطفح يتحضر ليكى وتاكلى على الجاهز 

ميرفت :- لا والله بس على ما صليت وغيرت هدومى مش اكتر 

حسن :- ايه ده يا اما الحقى بنتك لابسه جزمه جديده 

ام ميرفت :- ايه ده فين دى يا ولا 

حسن :- اهى فى رجليها 

ام ميرفت :- مسكت ميرفت من دراعها وقالت ما انتى حلوه اهو ومعاكى فلوس تشترى بيها جزم امال مسكه لينا الفقر ليه 

ميرفت :- بألم ودموع قالت والله انا مش معايا فلوس د.د.ده المدير بتاعى لما لاقه الجزمه بتاعتى مقطوعه ادانى فلوس اشترى بيها جزمه جديده علشان مظهر الشركه 

حسن :- اداكى كام انطقى 

ميرفت :- ل.ل ليه 

ام ميرفت :- ردى على اخوكى يا بت 

ميرفت :- بصت لابوها بدموع وقالت خمسوميه 

حسن :- يا دين النبى خمس ميات مره واحده 

ام ميرفت :- وهى الجزمه اللى فى رجلك دى تعمل المبلغ ده كله 

ميرفت :- بدموع لاء بس  اللى معايا يدوب اقضى بي بقيت الشهر 

ام ميرفت :- تقضى بيه ايه قومى يا بت انجرى يعنى انتى يبقى معاكى فلوس واحنا مش لاقين ناكل 

ابو ميرفت :- سبيها باللى هى فيه الراجل كتر خيره أداها القرشين دول نخدهم منها ليه مش كفايه انكم بتاخدو منها قبض الشهر كله 

ام ميرفت :- راجل انت اسكت لو مش عجبك قوم اشتغل وهات لينا مصروف البيت

ميرفت :- بدموع لالالا بابا تعبان ا..ا.انا هديكى الفلوس بس ملكيش دعوه بى بابا

ام ميرفت :- قومى يلا انجرى 

ميرفت :- قامت فتحت شنتطها ومدت ايديها بالفلوس وقالت اهى واخدت شنتطها ومشيت وهى دموعها على خدها  

ام ميرفت :- اخدت الفلوس وقعدت تبص ليها وتضحك 

حسن :- اما حبيبتى ادينى اجيب سجاير احسن مأشفر على الاخر 

ام ميرفت :- هو انت كل ما هتلاقى معايا قرش تطلب منى اجبلك سجاير

حسن :- انتى الخير والبركه يا اما هاتى بقى 

ام ميرفت :- خد اهو بس اعمل حسابك مفيش فلوس تانى 

حسن :- اخدها وقال من يد ما نعدمها يارب وطلع يجرى يشترى علبة سجاير

ابو ميرفت :- بص ليهم وقال لله الامر من قبل ومن بعد انت بس اللى عالم بالحال يارب ارزق بنتى بأبن الحلال اللى يسعدها ويخرجها من الهم اللى هى فيه ده 

~•~•~•~•~•~•~•~•~•~•~•~•~•

فى الجريده 

وصلت داليا الجريده ودخلت على مكاتبها وقعدت وقالت 

داليا :- صباح الخير يا شوية متعيس

منتهى :- هههههههه صباح النور يا اخت معنسه زينا 

فاطمه :- فين العريس يا بت 

منتهى :- عريس ايه ده 

داليا :- دى الاخت المجنونه دى مصحيانى الصبح بتطلب منى اجبلها عريس 

منتهى :- هههههههههه يا لهوى على الجنان 

فاطمه :- هموووووت واتجوز يا خلق ميرضيش حد وربنا اوصل لسن ده ولسه متجوزتش طيب اتصلى بالواد الحليوه ده اتجوزه وخلاص اينعم حلاوته تغمم النفس بس راضيه والله 

داليا :- ههههههههه لا قنوعه يا بت 

منتهى :- احنا قدرانا نعنس يا طمطم 

فاطمه :- فال الله ولا فالك متقوليش كده فى وشى يا شيخه انا هتجوز أن شاءالله 

داليا :- ههههههههههه دى عشمانه انها تتجوز يا توته متعرفش اننا شله منحوسه ههههههههه

منتهى :- ههههههههههه اسكتى بقى بلاش إحباط فيها اكتر من كده 

فاطمه :- عااااااااااااا اتلمو يا جوز غراب انا عندى امل هتجوز قريب إن شاءالله 

منتهى :- وقفت وقالت ابقى اتغطى كويس بليل ههههههههههه

داليا:- رايحه فين كده

منتهى :- رايحه شركة خالد الحناوى علشان اعمل الحوار مع علاء الحناوى ادعى لاختك بقى 

داليا:- ربنا معاكى ومتشوفيش اللى انا شوفته مع ادهم الحناوى 

منتهى :- بس فى الاخر أتقدم ليكى هههههههههه

داليا :- يا شيخه اتنيلى اهم حاجه تكونى شخصيه قدامه وبلاش شغل الخوف والعبط بتاعك ده لان هما كعيله  كلهم مستفزين 

منتهى :- هههههههههه حاضر اى نصايح تانيه 

فاطمه :- لو عرفتى توقعيه خليه يشوف ليا عريس يكون صاحبه ولا حاجه

منتهى :- ههههههههههه حاضر يا مجنونه واخدت شنتطها ونزلت وقفت تاكسى وراحت على شركه خالد الحناوى 

~•~•~•~•~•~•~•~•~•~•~•~•~•

فى القسم 

فى مكتب حمزه 

دخل تامر المكتب عند حمزه وقعد على الكرسى من غير ولا كلمه 

حمزه :- بأستغراب مالك 

تامر:- مفيش 

حمزه :- وانا عبيط عنك شكلك واضح أن فيه حاجه مزعلاك 

تامر :- متخانق مع امى 

حمزه :- ليه 

تامر :- اتفقت مع واحده صحبيتها اننا نروح بليل عندها علشان نشوف بنتها ليا 

حمزه :- وايه يزعلك فى كده ما هى ام ونفسها تفرح بيك 

تامر :- اولا مش بحب الجواز اللى بالطريقه دى ايه هيخلى ام تعرض بنتها للجواز غير أنها وحشه ومفيش عرسان متقبله عليها وثانيآ بقى انا النهارده مش فاضى ورايا شغل مهم اوى بليل 

حمزه :- مش شرط تكون وحشه ممكن تكون هى رافضه الجواز بس امها عايزه تحطها قدام الأمر الواقع زيك كده بالظبط جرب مش هتخسر حاجه

تامر :- بقولك انا النهارده مش فاضى بليل ورايا شغل مهم 

حمزه :- شغل ايه ده 

تامر :- شغل وخلاص يا حمزه 

حمزه :- وناوى تعمل ايه 

تامر :- معرفش بس اهم حاجه اخلص الشغل ده الاول وبعد كده يبقى يحلها ربنا من عنده 

حمزه :- ربنا يوفقك 

تامر :- عملت ايه فى موضوع السلاح بتاعك 

حمزه :- ولا حاجه والنهارده عندى شغل ومحتاجه مش عارف اعمل ايه 

تامر :- شغل ايه ده 

حمزه :- حبوب هتدخل للبلد عن طريق البحر واحنا مجهزين نفسنا للهجوم عليهم بليل والقبض عليهم متلبسين 

تامر :- ربنا يوفقك يا صاحبى ووقف وقال هروح مكتبى اشوف شغلى عايز حاجه 

حمزه :- لاء شكرآ وفكها شويه واللى مكتوب عند ربنا هو اللى هيحصل 

تامر :- ونعمه بالله وسابه وراح على مكتبه 

~•~•~•~•~•~•~•~•~•~•~•~•~•

فى شركة خالد الحناوى 

وصلت منتهى ودخلت عند السكرتير وبلغته انها صحفيه وجايه تعمل حوار مع علاء الحناوى وطلب منها السكرتير انها تنتظر ثوانى ودخل بلغ علاء وبعد شويه خرج ودخل منتهى لمكتب علاء 

علاء :- من غير ما يبص ليها اتفضلى يا انسه 

منتهى :- شكرآ وقعدت قصاده وقالت احنا اسفين اننا هنزعج حضرتك و هناخد من وقتك 

علاء :- من غير ما يبص ليها مفيش ازعاج ولا حاجه اتفضلى حضرتك انا تحت امرك 

منتهى :- بدأت تسأل علاء الاسأله وهو يجاوب عليها بكل ذوق وادب ومن غير ما يرفع عينه فيها ولا يبصلها حتى 

علاء :- جه ليه تليفون قطع الحوار وقال ثوانى ارد على التليفون 

منتهى :- اه طبعآ اتفضل حضرتك 

علاء :- رد على التليفون وقال ها عملت ايه 

الشخص :- كله تمام الحاجه اتحطت من هنا وخروجو روحنا احنا نزلنا الحاجه تانى من غير ما حد يشوفنا ورجعنا كل حاجه زى ما كانت فى الاول

علاء :- الله ينور يا رجاله تبقو تعالو هتلاقو شيك ليكم انتو والرجاله دى حاجه بسيطه شكر منى ليكم على مجهودكم معايا 

الشخص :- احنا تحت امرك يا باشا خيرك سابق والله 

منتهى :- كانت بتبص على علاء وهو بيتكلم فى التليفون وكان عجبها شخصيته جدآ

علاء :- خلص تليفونه وبالصدفه رفع عينه عند منتهى لاقها بتبص عليه وسرحانه فيه واعجب بشكلها وبعدين انتبه لنفسه ونزل عينه وقال احم ا.ا اسف لو عطلتك 

منتهى :- نزلت عينها بسرعه وقالت و و ولا يهم حضرتك نكمل 

علاء :- اه طبعآ اتفضلى 

منتهى :- كملت الحوار وبعد وقت طويل خلصت وقالت شكرآ لسعت صدر حضرتك وانا سعيده جدآ بالحوار مع حضرتك 

علاء :- من غير ما يبص ليها العفو وانا استمتعت جدآ بالحوار معاكى يا انسه 

منتهى :- أسمى منتهى 

علاء :- اسم غريب بس جميل جدآ

منتهى :- شكرآ ده من ذوق حضرتك ووقفت وقالت قبل النشر هنبلغ حضرتك بالميعاد 

علاء :- وقف وبص ليها وقال إن شاءالله نورتينى يا انسه منتهى 

منتهى :- السلام عليكم وخرجت وسابته

علاء :- قعد يبص عليها لحد ما خرجت وبعدين انتبه لنفسه قعد وقال احم استغفر الله العظيم وهز راسه وقال ايه يا علاء مالك مش على بعضك ليه كده مش عوايدك تبص على واحده ولا تلفت انتباهك واحده احم ايه اللى انا بقوله ده لا اهدا كده وركز ومسك الورق اللى قدامه على المكتب وبص فيه وقعد يشتغل

~•~•~•~•~•~•~•~•~•~•~•~•~•

انتهى النهار وجاء الليل وبدء تامر فى تنفيذ خطته اتصل بدينا واتفقوا على المكان اللى هيبدء يتابعها منه ونزلت دينا وهى خايفه ومتوتره وركبت عربيتها وهى ماسكه شنطه وهميه وراحت على فيلا اسر واطمنت أن تامر موجود وبيتابعها رنت جرس الباب وانتظرت أن اسر يفتح ليها 

اسر :- فتح الباب وقال حبيبة قلبى منورانى تعالى ادخلى 

دينا :- بصت ليه بتوتر وبصت بطرف عينيها على مكان تامر ودخلت معاه جه يقفل الباب قالت ل.ل.لا سيبه مفتوح 

اسر :- وهو بيمشى أيده على كتفها قال مينفعش يا روحى الليله دى بالذات لازم كل حاجه تتقفل 

دينا :- بعدت عنه وقالت ت.ت.تقصد ايه بكلامك ده 

اسر :- ولا حاجه يا روح الروح المهم الفلوس جبتيها 

دينا :- ا.ا.ايوه معايا اهى

اسر :- قلبى يا ناس ادخلى يا عمرى ومتقلقيش الباب مفتوح على آخره ااااااااه

دينا :- بصت بخوف ودخلت معاه وقعدت على الكنبه وقالت ع.ع.عايزه الصور بتاعتى وانا هديك الشنطه بتاعت الفلوس 

اسر :- مستعجله ليه بس مش لما تشربى حاجه الاول 

دينا :- م.م.مش عايزه حاجه منك انا عايزه الصور بتاعتى وخلاص 

اسر :- انتى تأمرى يا عيونى بس علشان تخدى الصور لازم تطلعى معايا فوق

دينا :- ن.ن.نعم اطلع معاك فوق ليه 

اسر :- علشان تتأكدى أن صورك كلها معاكى 

دينا :- ل.ل.لا هاتها هنا 

اسر :- الفون واللاب فوق يا روحى 

دينا :- ع.ع.عادى نزلهم هنا

اسر :- من غير كلام كتير عايزه الصور بتاعتك تطلعى معايا فوق 

دينا :- بخوف ودموع لو سمحت خد فلوسك وهات الصور وخلصنى 

اسر :- مد أيده ومسح دموعها وقال لا يا قلبى بلاش دموع عيونك غاليييين عليا اوى 

دينا :- ابعد ايدك لو سمحت 

اسر :- اااااااه ده انا كل املى أمد ايدى وا

دينا :- قطعته وقالت لو سمحت بلاش كلامك القذر ده ويلا خلينا نخلص بقى 

اسر :- اطلعى قدامى 

دينا:- اتنهدت وقالت اللهم يطولك يا روح حاضر وطلعت قدامه 

اسر :- طلع وراها وهو بيبلع ريقه بصعوبه وبيمشى أيده على صدره وبيقول ااااااه حتة مهلبيه يخربيت كده 

دينا :- غمضت عينيها واخدت نفس وقالت لنفسها اطمنى تامر اكيد مش هيسيبك ودخلت الاوضه وبصت على السرير ورجعت بصت لأسر وقالت فين الصور بقى 

اسر :- مش لما تيجى فى حضنى شويه وهجم عليها وزقها على السرير وحاول يعتدى عليها

دينا :- قعدت تزق فيه وتقول ابعد عنى يا قذر يا تاااااااامر الحقنى 

وفى الوقت ده الباب اتفتح ودخل تامر ووجه المسدس على اسر وقال ابعد عنها يا قذر 

دينا :- زقته وطلعت تجرى وراه تامر ومسكت فيه

اسر :- ههههه الله الله ده انتى مظبطها بقى مع حضرت الظابط

تامر :- يا واطى يا جبان يا زباله بقى بتستغل البنات وتضحك عليهم علشان تاخد قرشين منهم اتفو عليك وعلى تربيتك الواطيه 

اسر :- ههههه حلو اوى الشويتين دول شكلك حاطط عينك على المزه بس ايه يثبت كلامك 

تامر :- راح عنده ومسكه من هدومه وضربه فى وشه وقال كل حاجه متسجله يا وسخ وهتشرف كام سنه فى السجن علشان تعرف أن الله حق امشى قدامى 

دينا :- استنا لسه مأخدش الصور 

تامر :- فين الصور بتاعة الانسه 

اسر :- معرفش 

تامر :- ضربه وقال انطق 

اسر :- برضه معرفش 

دينا :- فى اللاب والفون 

تامر :- انطق فين الصور وقعد يضرب فيه ومسكه من رقبته وخنقه وقال انطق لاطلع روحك فى ايدى 

اسر :- وهو مش قادر يتكلم شاور على الدولاب 

دينا :- طلعت تجرى على الدولاب وفتحته ولاقت التليفون واللاب توب اخدتهم وقعدت على السرير وحاولت تفتحه لاقته معمول برمز بصت لتامر وقالت الرمز 

تامر :- انطق الرمز 

اسر :- قال ليهم الرمز وقال هموت 

تامر :- ياريت تموت تريح الدنيا من وسختك وحط الكلبشات فى أيده وزقه وقعه فى الارض وقال اترزع هنا وراح قعد على السرير جنب دينا وقال لاقيتى الصور 

دينا :- ا.ا.ايوه 

تامر :- لسه هيبص 

دينا :- احم لو سمحت مش هينفع تبص 

تامر :- احم ا.ا.انا اسف وقام وقف وقال بس ياريت تنجزى فى مسح الصور 

دينا :- ح.ح.حاضر وقعدت تمسح الصور لحد ما انتهت وقالت خ.خ.خلصت 

تامر :- يلا بينا 

دينا :- ط.ط.طيب سؤال 

تامر :- اسألى 

دينا :- طيب انا دلوقتى سيرتى هتيجى فى القضيه دى حضرتك عارف الأسباب 

تامر :- لاء متخفيش هيتعمل ليه قضيه معتبره مش هيخرج منها غير بعد كام سنه يكون اتعلم الادب كويس اوى بعيد عن سيرتك طبعآ ده شغلى وعارفه كويس متقلقيش 

دينا :- شكرآ لحضرتك وقفت جنبى بجد كلام الدنيا مش هيكفيك 

تامر :- ده واجبى وبلاش كلام كتير من ده احسن اتغر فى نفسى 

دينا :- ههههههههههه من حقك الصراحه تتغر 

تامر :- هههههههه لاء انتى كده بتعكسينى 

دينا :- اتكسفت وبصت للأرض 

تامر :- احم طيب يلا بينا بقى واخد اسر فى أيده ونزلو التلاته وراح تامر واسر القسم ورجعت دينا الفيلا وهى مرتاحه انها خلصت من الموضوع ده 

~•~•~•~•~•~•~•~•~•~•~•~•~•

فى ميناء الإسكندرية

وصلت شحنة المعدات وبدء أدهم يمضى على ورق استلام الشحنه واكرم يخلص باقى الإجراءات واول ما أدهم أمر العمال أنهم ينزلو البضاعه دخل حمزه بكل فخر وقال 

حمزه :- محدش يحرك حاجه من مكانها 

الكل :- بص لحمزه بأستغراب 

أكرم :- ممكن افهم السبب

حمزه :- الشحنه دى متبلغ عنها واحنا معانا اذن بالتفتيش 

ادهم :- وده مين اللى مبلغ أن شاءالله 

حمزه :- والله انا مش مطالب اجاوب على اسألتكم وبص للعساكر وقال شوفو شغلكم يلا  وبص بتحدى لادهم 

ادهم :بص بغيظ لحمزه وقال انت متعرفش نتيجة اللى بتعملو معايا ده 

حمزه :- هههه لاء خوفتينى بصراحه 

ادهم :- مش هتكلم كتير بس خليك فاكر انك انت اللى دخلت عرين الاسد برجليك وسابه ومشى وقف جنب أكرم وقعد يتابع التفتيش وبعد وقت طويل نزلو العساكر من السفينه وقالو 

العسكرى :- تمام يا فندم 

حمزه :- ايه الاخبار 

العسكرى :- ...............

~•~•~•~•~•~•~•~•~•~•~•~•~•

بقلمى دودومحمد

⁦✍️⁩تمرد صحفيه ⁦✍️⁩

🌻الفصل العاشر 🌻

فى ميناء الاسكندريه 

عند استلام أدهم شحنة المعدات دخل حمزه بكل غرور وثقه وبلغهم أن محدش يجى جنب الشحنه لان فيه ابلاغ عنها وأمر العساكر انها تقوم بالتفتيش وحصل مشدات كلاميه ما بين أدهم وحمزه وبعد وقت جه العسكرى عند حمزه وقال 

العسكرى :- تمام يا فندم

حمزه :- ايه الاخبار

العسكرى :- الشحنه سليمه ومفيهاش حاجه يا فندم

حمزه :- بص للعسكرى بصدمه وقال ايه بتقول ايه انت متأكد من كلامك ده 

العسكرى :- ايوه يا فندم 

ادهم :- هههههههه ايه كنت مفكر أن البضاعه فيها مخدرات ههههههههه تعيش وتاخد غيرها يا حضرت الظابط وبص للعمال وقال شوفو شغلكم يلا 

حمزه :- بص ليهم بغيظ واخد العساكر ومشى على مكتبه واول ما دخل المكتب مسك التليفون واتصل على رقم خالد وانتظر الرد 

خالد :- بفرحه ها طمنى كله تمام 

حمزه :- بعصبيه ملاقتش حاجه تعرف انا ممكن اعملك محضر بلاغ كاذب حالا 

خالد :- بصدمه ايه اللى انت بتقولو ده ملاقتش حاجه ازاى انا متأكد من الكلام اللى قولته ليك 

حمزه:- وانا بقولك مفيش حاجه موجوده 

خالد :- يبقى اكيد حد بلغه واخد حذره قولتلك أن أدهم ده مش سهل 

حمزه :- انا وراه والزمن طويل 

خالد :- ايدى فى ايدك هنوقعه أن شاءالله 

حمزه:- بقرف اه إن شاءالله وقفل السكه معاه وفى الوقت ده جه ليه تليفون بيبلغه أن هو اتحول لتحقيق بسبب اختفاء السلاح بتاعه   قفل التليفون وهو مصدوم من الخبر وقام خرج من المكتب روح على بيته وهو حزين دخل على اوضه من غير ولا كلمه 

~•~•~•~•~•~•~•~•~•~•~•~•~•

فى فيلا خالد الحناوى

وصلت الضيوف على الفيلا وكان فى استقبالهم خالد وإنعام وفادى وسندس وعلاء وكانت دينا فى اوضتها فوق 

إنعام :- اتفضلو فى الصالون 

نيفين ام العريس :- ميرسى يا حبيبتى 

خالد :- منورين المكان كله

محمود ابو العريس:- المكان منور بأصحابه يا خالد باشا 

علاء :- اتفضلوا اقعدو 

الكل قعد وبدء كل اتنين يتكلموا فى مواضيع مختلفه 

محمود :- امال فين أدهم باشا 

خالد :- احم زمانه جاى هو بس عنده شوية شغل وهيوصل متأخر 

محمود :- ربنا معاه 

كل ده والعريس قاعد مصدوم ومش بينطق

نيفين :- امال فين عروستنا 

إنعام :- بتجهز نفسها ونازله حالا وبصت لفادى وقالت اطلع هات اختك 

فادى :- حاضر وطلع يجيب دينا وخبط على الباب بتاع اوضتها فتحت الباب وهى لسه بهدوم البيت وقالت 

دينا :- عايز ايه يا فادى 

فادى :- بتقولك ماما انزلى 

دينا :- مش نازله 

فادى :- يعنى انزل اقولها انك مش نازله 

دينا :- اه فيها ايه انزل قولها 

فادى :- براحتك ونزل تانى وراح عند امه وقرب من ودنها وقال دينا مش عايزه تنزل 

إنعام:- بصوت واطى وغيظ قالت ماشى اقعد انت ووقفت وقالت عن اذنكم ثوانى 

نيفين :- خير يا حبيبتى فيه حاجه

إنعام :- لا يا فوفو بس العروسه مكسوفه شويه هطلع اجبها وجايه وسابتهم وطلعت الاوضه  عند دينا وخبطت على الباب 

دينا :- فتحت وقالت نعم مش هنخلص من ام الليله السوده دى 

إنعام :- زقتها جوه الاوضه ودخلت وقفلت الباب وقالت انتى فيه ايه يا بت مش عايزه تنزيلى تقابلى الضيوف ليه 

دينا :- علشان عارفه ومتأكده مدام عملتى كده يبقى الموضوع فيه عريس 

إنعام :- وفيها ايه لو عريس مش تشوفيه الاول يمكن يعجبك 

دينا :- مش عايزه اتجوز انا هو الجواز بالعافيه 

إنعام :- اه الجواز بالعافيه ومسكتها من شعرها وقالت عارفه لو مجهزتيش نفسك بسرعه ونزلتى هتشوفى منى الوش التانى اللى انتى عارفه فاهمه 

دينا :- بدموع ااااه شعرى 

إنعام :- سابت شعرها وقالت تجهزى نفسك بسرعه فاهمه وسابتها ونزلت 

دينا :- بصت بدموع لأمها وهى خارجه ونامت على السرير وقعدت تعيط 

إنعام :- نزلت تانى الصالون وقالت شويه والعروسه نازله 

خالد :- بص للعريس وقال بس انت شكلك مش غريب عليا حاسس ان شوفتك قبل كده 

العريس :- بصدمه اه ما احنا اتقابلنا فعلا 

خالد :- بجد فين 

العريس :- اتقابلنا فى بس قطع كلامه لما شاف العروسه وقال لاء بقى ده يوم المفاجئات 

دينا :- انتبهت لصوت وبصت بسرعه وقالت بصدمه انت استاذ تامر 

تامر :- يعنى اتفاجئ أن العروسه اخت أدهم الحناوى وابوها خالد الحناوى والمفاجئه الأكبر تطلع أن انتى العروسه 

خالد :- انتو تعرفو بعض ولا ايه 

تامر :- اه 

دينا :- لاء 

وبعدين بصو لبعض وقالو 

تامر :- لاء 

دينا :- اه 

فادى :- دى فزوره ولا ايه هو ايه اللى اه وايه اللى لاء تعرفو بعض ولا لاء 

دينا :- ا.ا.اه اتقابلنا صدفه فى النادى

تامر :- فعلا ده اللى حصل  

نيفين :- طيب حلو انكم طلعتو تعرفو بعض ده هيسهل حاجات كتير بس يعنى 

إنعام :- بس ايه

نيفين :- بس مش طالعه زيك يا إنعام مش مهتميه بنفسها ده انتى كنتى فى سنها كل الشباب هتموت عليكى 

إنعام :- لاء غلطانه دينا بنتى شيك جدآ بس هى لسه راجعه من بره وملحقتش تجهز نفسها وبصت بغيظ لدينا 

تامر :- على يدى فعلا 

دينا :- بصت لتامر وبعدين بصت لامه وقالت على فكره يا طنط انا مش من البنات اللى تحب تلبس ضيق ومحزق بحب اللبس المحترم يعنى دى طريقه لبسى ومش بيهمنى رأى حد فيا المهم ان انا مقتنعه بنفسى وبطريقة لبسى وان مش بلبس حاجه تغضب ربنا 

تامر :- اعجب جدآ بطريقة كلامها وقال الله ينور عليكى كلامك مظبوط جدآ

إنعام :- بأحراج من طريقة كلام بنتها قالت احم اتفضلو اقعدو واقفين ليه 

الكل قعد وخالد قال 

خالد. :- مكملتش كلامك احنا اتقابلنا فين بقى 

تامر :- فى القسم فى مكتب حمزه صاحبى 

خالد :- اتوتر وقال احم ا.ا.اه وانت كنت بتعمل ايه هناك

محمود :- انا ابنى الرائد تامر محمود 

خالد :- بتوتر بجد ماشاءالله ربنا يباركلك فيه يارب 

تامر :- ده حتى انا اتعاملت مع أدهم باشا 

خالد :- ب.ب.بجد 

تامر :- ايوه ده هو نفسه هيتفاجئ بوجودى هنا 

محمود :- سيبك انت من الكلام ده خد عروستنا الحلوه واقعدو شويه فى الجنينه اتكلمو شويه مع بعض ده بعد اذن خالد باشا وإنعام هانم طبعآ

إنعام :- طبعآ مفيش مشكله روحى معاه يا دينا وبصت ليها بصت تحذير 

دينا :- بصت لامها وقالت حاضر واخدت تامر وطلعت بره فى الجنينه وقعدو على الكراسى وهما ساكتين ومش بيتكلموه

تامر :- احم لا ما هو يا ندخل جوه يا نتكلم بتخنق انا من جو السكوت ده 

دينا :- نتكلم نقول ايه مفيش حاجه ما بنا تتقال 

تامر :- لاء فيه نتعرف على بعض عندك كام سنه دارسه ايه كده يعنى 

دينا :- وعايز تعرف الحاجات دى عنى ليه 

تامر :- عادى يعنى 

دينا :- لتكون بتفكر تتجوزنى زى ما ماما ومامتك عايزين 

تامر :- منكرش أن انا اه مش بحب الطريقه دى فى الجواز بس يعني 

دينا :- قطعتو وقالت بس ايه هترضى تتجوز واحده لسه من شويه كنت بتساعدها تجيب صورها اللى كانت متصورها مع واحد وهى فى حضنه وعريانه 

تامر :- احم بس مكانش برضاكى ده كان حاطط ليكى منوم 

دينا :- هههههههه انت مقتنع بالكلام ده حتى لو مش برضايا بس يكفى أن انا اللى كنت السبب فى اللى حصلى ده لو مكنتش روحت ليه بغبائى مكانش حصل اللى حصل 

تامر :- احنا بشر وكلنا بنغلط مفيش حد معصوم من الغلط المهم نتعلم من غلطنا ده ومنعملهوش تانى 

دينا :- بدموع غلط عن غلط بيفرق يا استاذ تامر غلطتى انا كبنت صعب تتغفر حتى لو محصلش حاجه ليا بس يكفى أن انا اتصورت من غير لبس فى حضن بنأدم وسخ زى ده ومش هرضاها ليك تاخد واحده زى انت عملت معايا خير وساعدنى مش هيكون ده جزاتك ورد المعروف ليك بتمنى انك تدخل وتقول ليهم انك مش موافق على الجوازه دى عن اذنك وقامت وسابته ودخلت تجرى و طلعت على اوضتها 

تامر :- بص عليها وهى ماشيه لحد ما اختفت وقام دخل ليهم وقعد من غير ولا كلمه

إنعام :- فين دينا 

تامر :- طلعت اوضتها 

خالد :- ليه فيه حاجه حصلت 

تامر :- لاء خالص اتكلمنا شويه واستأذنت وطلعت اوضتها 

محمود :- تلاقيها مكسوفه ولا حاجه ما انتو عارفين البنات فى السن ده 

نيفين :- مع أن مش باين عليها انها بتتكسف ردت عليا بكل جرأه 

إنعام :- لاء بنتى جخوله جدآ على فكره 

نيفين :- والله يمكن 

محمود :- احم طيب نستأذن احنا بقى 

خالد :- ليه خليكم شويه لسه بدرى 

محمود :- معلش الوقت أتأخر كان نفسنا نقابل أدهم باشا بس ملناش نصيب 

خالد :- المرات الجايه كتير أن شاءالله 

محمود :- أن شاءالله يلا سلام 

خالد:- سلام 

محمود :-  شوفوا برضه رأى عروستنا ايه وردو علينا فى التليفون واحنا كمان نشوف عرسينا وان شاءالله ربنا يجعل ليهم نصيب مع بعض 

خالد :- أن شاءالله شرفتونا 

ومشو عيلة تامر روحو على الفيلا بتاعتهم 

وطلعت إنعام اوضت دينا وهى متعصبه ودخلت ليها وقالت 

إنعام:- بت انتى معندكيش ذوق كده ليه احرجتينى من طريقة ردك على مامت العريس وفى الاخر تسيبى العريس لوحده فى الجنينه وتطلعى اوضك 

دينا :- هقعد معاه اعمل ايه وبعدين انا قولتلك من الاول مش بحب الطريقه دى انا حره فى حياتى محدش يفرض حاجه عليا 

إنعام :- تصدقى انك متربتيش وانا بقى هربيكى كويس يا دينا واعملى حسابك أن هو ده اللى هتتجوزيه 

دينا :- بالعافيه يعنى 

إنعام :- اه عافيه 

دينا :- وانا مش هتجوزه وورينى هتعملى ايه 

إنعام :- لاء فعلا انتى لازم تتربى ورفعت ايديها ولسه هتضربها 

ادهم:- مسك ايديها وقال اياكى تفكرى تمدى ايدك عليها 

دينا :- طلعت تجرى عليه واترمت فى حضنه وقالت بدموع ادهم انت كنت فين وسيبنى لوحدى

ادهم :- انا جنبك يا حبيبتى وطول ما انا عايش فى الدنيا مش هسمح لحد يمد أيده عليكى ولا يهينك 

إنعام :- شدت ايديها وقالت لاء حنين اوى يا ولا مدام انت بتحبها اوى كده ليه مهتمتش بالميعاد وجيت تقابل العريس 

أدهم:- انا عارف مصلحة اختى كويس ومدام هى مش عايزه الموضوع محدش هيقدر يغصبها على حاجه ووجودى مكانش هيضيف كتير مدام هى مش متقبله الموضوع ده الكلام انتهى على كده 

إنعام :- لاء بقى دى بنتى انا وانا ادرى بمصلحتها والموضوع ده هيمشى برضاك أو غصب عنك يا ادهم 

أدهم :- ورينى هتقدرى تمشيه ازاى 

إنعام :- والله وطلع ليك صوت شكلك وحشك ضرب ابوك ليك يا ابن الخاينه  

أدهم:- مسكها من دراعها بغيظ وقال لو هى خاينه انتى خطافة رجاله نسيتى ولا افكرك مين دخل حياتنا وخربها مش انتى والضرب ده كان زمان مش دلوقتى انا ممكن انصفك انتى وجوزك ده من على وش الارض فاهمه 

إنعام :- بألم اااااه بتمد ايدك على اللى ربتك صحيح انك قليل الاصل وابن بنأدمه و******

أدهم:- لو هى و***** انتى واحده ***** بتعرفى تلعبى اوى على الرجاله وتوقعيها فى شباكك صح 

إنعام :- ماشى يا ادهم مبقاش انا لو مدفعتكش تمن كل كلمه قولتها غالى اوى وشدت دراعها من ايد ادهم وخرجت من الاوضه 

دينا :- بدموع انا تعبت من معاملتها ليا يا ادهم تعبت 

ادهم :- ششششش أهدى متخفيش من حاجه طول ما انا جنبك ولو مش عايزه العريس يبقى محدش هيقدر يغصبك على حاجه اهم حاجه العيون الحلوين دول متنزلش دموع علشان غالييين اوى عليا 

دينا :- حضنت اخوها جامد وقالت بدموع ربنا يخليك ليا يا ادهم وتفضل سندى فى الدنيا بحبك اوى اوى يا ادهم 

ادهم :- وانا بموت فيكى يا روح أدهم نامى ومتشليش هم حاجه وبسها فى راسها ونيمها على السرير وغطاها وقعد على حرف السرير يمشى أيده على شعرها لحد ما راحت فى النوم طفه النور عليها وخرج من الاوضه وقفل الباب وراه وراح على اوضه غير هدومه ونام 

~•~•~•~•~•~•~•~•~•~•~•~•~•

اشرقت شمس صباح يوم جديد بنورها الساطع فى سماء عروس البحر المتوسط لتبدء داليا بفتح عيونها مسكت تليفونها بصت على الساعه ورجعت حطته تانى جنبها ونفخت وقالت 

داليا :- اموت واعرف ايه بيصحينى بدرى يوم الاجازه نفسى انام مره لضهر زى ما الناس بتعمل يوم اجازتها وبعدين سكتت وقالت اجازه يعنى النهارده الجمعه يعنى أدهم جاى عندنا النهارده نهار اسوح مش فايت ا.ا انا اعمل ايه يا لهووووووى عليا وعلى سنينى السوده طيب اهرب لالالا اهرب ايه ايه شغل الروايات ده طيب انتحر لاء ده على اساس ان ده مش شغل روايات طيب اعمل لالالا ده انا شكلى هتجن قبل ما يجى الليل يعنى بليل هيجى ابن المنكوبه هيخطبنى لاء ده مستحيل فكرى يا داليا فكرى 

سعيد :- ربنا يشفيكى يا بنتى ما كنتى بعقلك ايه جرارك 

داليا :- بابا انت هنا من امته 

سعيد :- لسه دلوقتى دخلت لاقيتك بتكلمى نفسك 

داليا :- ها ا.ا.اه ا.ا اصل م.م.متوتره شويه 

سعيد :- علشان بليل 

داليا :- ا.ا.اه 

سعيد :- قعد جنبها وقال بنوتى كبرت وبقت عروسه وهتتخطب مش مصدق نفسى انتى بنتى الصغيره اللى كنت بشلها على كفوف ايدى اول ما اتولدت ياااااااه قد ايه العمر بيجرى مننا من غير ما نحس كنتى لسه صغيره وبعلمك المشى وكنا نقعد انا وامك الله يرحمها نضحك على لمضك وطريقة كلامك ودموعه نزلت وقال كانت امك بتحلم باليوم ده كانت نفسها تشوفك عروسه 

داليا :- دموعها نزلت منها وقالت الله يرحمها واحشتنى اوى يا بابا 

سعيد :- هى اكيد حاسه بيكى وشيفاكى دلوقتى وفرحانه ليكى 

داليا :- مسحت دموعها وقالت ايه يا بابا مالك قلبتها دراما كده خلتنا نعيط على الصبح 

سعيد :- وبالنسبه لجنان اللى عندك ده ايه 

داليا :- لاء ده شئ طبيعى يا بابتى مش حاجه جديده فيا 

سعيد :- طيب قوليلى بقى كنتى بتكلمى نفسك ليه 

داليا :- مش عارفه يا بابا خايفه من الموضوع بتاع بليل ده 

سعيد :- خلاص لو مش مرتاحه للموضوع ده بلاش منه 

داليا :- ها لالالا انا مقولتش مش مرتاحه انا بقول خايفه زى اى بنت فى الوضع ده 

سعيد :- ااااه انا قولت لتكونى مش عايزه الموضوع ده ولا حاجه 

داليا :- احم اللى تشوفه حضرتك 

سعيد :- ضربها بخفه على راسها وقال يا بكاشه قومى يلا ورانا حاجات كتير 

داليا :- حاجات ايه دى إن شاءالله 

سعيد :- البيت عايز يتنضف 

داليا :- ده على اساس أنه معفن ما البيت زى الفل اهو يا بابا ليه التعب ده بس الواحد ما صدق يوم الاجازه جه يريح شويه 

سعيد :- اهو الوقت اللى اخديه فى اللك ده كان زمانك خلصتى فيه البيت من بدرى 

داليا :- هوف بقه والله حرام اللى بيحصل ده وقامت دخلت الحمام 

سعيد :- هههههههههه مجنونه ووقف وقال ربنا يسعدك يا بنتى يارب وخرج من الاوضه وقفل الباب وراه 

وبعد شويه خرجت داليا من الحمام لبست هدوم البيت وأدت فرضها وخرجت تنضف البيت زى ما ابوها طلب منها 

~•~•~•~•~•~•~•~•~•~•~•~•~•

فى فيلا خالد الحناوى 

فى اوضت أدهم 

صحى من نومه على صوت تليفونه مد أيده وهو نايم على وشه اخد التليفون من جنبه قفل الصوت من غير ما يشوف مين وسابه ونام تانى بس التليفون رجع رن تانى نفخ وفتح التليفون من غير ما يشوف مين وقال 

ادهم :- امممم

أكرم :- ايه يا ادهومتى انت لسه نايم 

ادهم:- عايز ايه يا زفت الطين انت 

أكرم :- اصحه بقى يا عريس 

ادهم:- اللهم يطولك يا روح هتنطق ولا اقفل السكه فى وشك اخلص عايز ايه 

أكرم :- يخربيت افشتك دى 

ادهم.:- اكررررررررررم 

أكرم :- خلاص خلاص هقول البضاعه وصلت المخازن وكله تمام ايه اللى هيحصل بعد كده 

ادهم :- تصدق انك واحد معندكش دم ما تتصرف يا اخى وسبنى انام 

أكرم :- ما شركة السماح دى اختيارك اتصرف انت بقى من الاول قولتلك بلاش وانت اللى صممت عليهم 

ادهم :- وقولتلك خلى المحامى يقوم بكل الاجراءات القانونيه 

أكرم :- وبعد كده ايه اللى هيحصل 

ادهم.:- هنتحمل احنا تمن الشحنه كلها 

أكرم :- بس ده هيخسرنا كتير يا ادهم 

ادهم :- هو ده الحل اللى عندى لو عندك حل تانى اعمله وسبنى انام بقى ممكن 

أكرم :- تنام.ايه نامت عليك حيطه قوم فوق كده الو الو أدهم الو قفلت ماشى يا ادهم 

ادهم.:- قفل السكه فى وش أكرم ونفخ وقال بنأدم رخم ولسه هينام تانى باب اوضه خبط قال ده مين الرخم التانى ده وقال ادخل

الباب اتفتح ودخلت سندس وقعدت جنبه وبسته من خده وقالت 

سندس :- صباح الخير يا أبيه 

ادهم :- صباح النور يا حبيبتى ايه مصحيكى بدرى كده 

سندس :- بدرى ايه يا أبيه احنا قربنا على الضهر 

ادهم :- ماشى يا لمضه جايه ليه 

سندس :- بص يا أبيه ايه رأيك اروح بده ولا ده معاك بليل 

ادهم :- الاتنين حلوين روحى بأى حاجه فيهم يا سوسو

سندس :- خلاص هروح بالاحمر ده ايه رأيك 

ادهم :- جميل اطلعى بقى وسبينى انام متبقيش رخمه زى أكرم 

سندس :- ده أبيه اكرم عسل انا بموت فيه 

ادهم.:- موتى فيه بعيد عنى اطلعى يلا بره 

سندس :- طيب طلب اخير وهطلع 

ادهم :- اممممم اخلصى يا رغايه

سندس :- عايزه اكلم العروسه فى الفون

ادهم:- نعم 

سندس :- علشان خاطرى يا أبيه يلا بقى 

ادهم :- ما انتى هتشوفيها بليل 

سندس :- لاء عايزه اكلمها دلوقتى ومسكت تليفون أدهم وقالت خد يلا اتصل بيها 

ادهم :- اخد التليفون من ايديها وقال بطلى استهبال بقى واطلعى يلا من الاوضه 

سندس :- بزعل كده يا أبيه ماشى انا زعلانه منك ومشيت من قدامه 

ادهم :- استنى هخليكى تكلميها 

سندس :- هييييييا حبيب قلبى والله يا أبيه 

ادهم :- اتنهد وقال مشكلتى أن انا بحبك ومش بحب ارفضلك طلب ومسك التليفون وطلب رقم داليا بس محدش رد عليه 

سندس :- ايه محدش رد طيب جرب تانى وحياتى عندك 

ادهم.:- اتنهد وقال اخر مره لو محدش رد مش هتصل تانى 

سندس :- لاء أن شاءالله هترد 

ادهم :- جرب تانى واتصل على داليا وقبل ما يقفل ردت عليه داليا وقالت 

داليا :- ايوه متصل ليه 

ادهم :- احم اختى عايزه تكلمك 

داليا :- والله وده من ايه أن شاءالله 

سندس :- شدت التليفون وقالت هات يا أبيه انا هكلمها وقالت هاى يا عروسه 

داليا :- هاى ورحمة الله وبركاته وبعدين متقوليش يا عروسه أسمى داليا 

سندس :- الله اسمك حلو اوى يا ابله 

داليا :- ابله انتى عندك كام سنه 

سندس :- عندى ستاشر سنه انتى زعلتى علشان بقولك ابله

داليا :- انتى صغننه لسه لاء مزعلتش ولا حاجه 

سندس :- شكلك طيبه اوى ولذيذه

داليا :- اه اصل انا بطعم الفواكه 

سندس :- هههههههه دمك خفيف اوى انا حبيتك من قبل ما اشوفك انا دلوقتى عرفت قدرتى تخطفى قلب ابيه أدهم ازاى 

داليا:- احم طيب انتى جايه بليل صح 

سندس :- اكيد 

داليا :- خلاص نتكلم بليل ونتعرف على بعض اكتر 

سندس :- أن شاءالله باى

داليا :- باى وقفلت السكه 

ادهم :- ارتحتى دلوقتى امشى بقى 

سندس :- دمها خفيف اوى يا أبيه انا حبيتها اوى 

ادهم :- طيب ربنا يهنى سعيد بسعيده بره الاوضه بقى 

سندس :- اديته بوسه من خده وقالت حاضر وخرجت من الاوضه وهى بتجرى 

ادهم :- بص عليها وهى بتجرى وابتسم ودخل الحمام وشويه وخرج لبس هدومه ونزل من اوضه ولسه هيخرج 

خالد :- رايح فين 

ادهم :- وانت مالك 

خالد :- ياريت تخلى عندك شوية ادب وترد على ابوك كويس 

ادهم :- والله ده اسلوبى عايز ايه اخلص 

خالد :- هتروح امته بليل 

ادهم :- بتسأل ليه 

خالد :- علشان نروح معاك 

ادهم :- نروح قصدك على مين 

خالد :- انا وإنعام واخوك علاء 

ادهم :- لاء متتعبوش نفسكم 

خالد :- اوعى تفكر اننا رايحين علشان خاطرك احنا بس علشان المنظر قدام الناس 

ادهم :- انا مش مهم عندى الناس مش بشغل بالى بحاجه زى كده 

إنعام :- واحد غيرك يبوس أيده اننا هنروح معاه فى مشوار زى ده 

ادهم :- بصلها بقرف ومردش عليها وقال عمومآ انا هروح على المغرب وسابهم ومشى 

إنعام :- شوفت طريقة ابنك فى الكلام 

خالد :- سبيه بكره هعلمو الادب 

إنعام :- هو ازاى عرف يخرج من موضوع امبارح 

خالد :- مش عارف هتجن الرجاله أكدت عليا أنهم حطو الحاجه فى الشحنه 

علاء :- كح وقال احم طيب انا هخرج اتمشى شويه 

خالد :- اترزع لما نشوف ايه اللى بوظ لينا خطة امبارح 

علاء :- احم وانا ايه عرفنى 

أنعام:- اوعى تكون ليك يد فى الموضوع ده يا علاء 

علاء :- ها ل ل.لا طبعآ وانا هعمل كده ليه 

خالد :- بص لانعام وقال امك عندها حق مفيش غيرنا احنا التلاته اللى يعرف الموضوع ده واللى ساعد أدهم حد مننا احنا التلاته ومستحيل انا ولا امك نبلغ أدهم مفيش غيرك يا علاء 

علاء :- ها وانا هعمل كده ليه 

خالد:- لان انت الوحيد اللى كنت رافض الخطه دى 

علاء :- ارفض اه لكن ايه هيخلينى ابلغ أدهم انا مستحيل اعمل كده ووقف وقال عن اذنكم وخرج وسابهم 

إنعام :- انا حاسه كده أن علاء هو اللى انقذ أدهم من الموضوع ده 

خالد :- وانا كمان حاسس بكده 

إنعام :- يبقى الخطه الجديده محدش يعرف حاجه عنها غير انا وانت بس 

فادى :- هو ايه ده اللى محدش يعرف حاجه عنها غيرك وغيره 

إنعام :- ها وانت مالك وبعدين كنت فين كده على الصبح 

فادى :- كنت فى الجيم 

إنعام :- مش تقول قبل ما تخرج 

فادى :- ليه شيفانى طفل صغير هستأذن منك قبل ما اخرج 

إنعام :- اه طول ما انت عايش هنا تستأذن قبل ما تخرج فاهم اطلع يلا خد شاور وانزل افطر ونزل معاك الهوانم اللى فوق

فادى :- مليش دعوه انا طالع أوضى ابعتى حد من الشغالين وسابهم وطلع.

إنعام :- شايف ولادك يا خالد 

خالد :- وقف وقال تربيتك 

إنعام :- رايح فين 

خالد :- رايح ادفع فلوس لرجاله اللى حطت البضاعه فى الشحنه واعرف منهم ازاى مكانتش موجوده 

إنعام :- ماشى اديهم بالزياده احنا محتاجينهم كتير الفترة الجايه 

خالد :- ماشى وانتى متنسيش تجهزى فى الميعاد 

إنعام :- اكيد متقلقش يا قلبى 

خالد :- يلا سلام وخرج ركب عربيته وراح للرجاله

~•~•~•~•~•~•~•~•~•~•~•~•~•

فى بيت ميرفت 

صحيت ميرفت من نومها خرجت من اوضتها دخلت الحمام اتوضت ورجعت تانى اوضتها أدت فرضها وخرجت وقالت 

ميرفت :- صباح الخير 

ابو ميرفت :- صباح النور يا حبيبتى ايه مصحيكى بدرى كده يوم اجازتك 

ميرفت :- مفيش يا بابا انا علشان واخده اصحه بدرى قومت من نفسى فى نفس الميعاد بتاع كل يوم 

ام ميرفت :- طيب عملتى خير يلا علشان تنضفى الشقه 

ميرفت :- بس يا ماما انا محتاجه اريح جسمى شويه علشان اقدر اصد على الشغل 

ام ميرفت :- بلا كلام فارغ هجيب مين ينضف ليا الشقه يعنى وبعدين موضوع الشغل ده انسيه 

ميرفت :- بصدمه ايه انتى بتقولى ايه 

ام ميرفت :- زى ما سمعتى انتى خلاص هتقعدى من الشغل علشان هتتجوزى 

ميرفت :- اتجوز ازاى يعنى 

ام ميرفت :- ابن خالك احمد طلب ايدك وانا وافقت 

ميرفت :- ا.ا.احمد لا يا امى متعمليش فيا كده انا مش بفكر فى الجواز دلوقتى 

ام ميرفت :- انا قولت كلمه واحده هتتجوزى ابن خالك يعنى هتتجوزيه 

ميرفت :- مسكت ايد امها وقالت ابوس ايدك يا امى بلاش تعملى فيا كده انا مش بحبه ومش هعرف اعيش معا فى الصعيد وبصت لابوها وقالت ليه بترجى ارجوك يا بابا قولها حاجه وبصت لاخوها حسن وقالت طيب اتكلم انت يا حسن بالله عليكم اقنعوها بلاش الموضوع ده 

ابو ميرفت :- سبيها براحتها مدام مش حابه تتجوزه خلاص بكره يجى نصيبها مع واحد هنا وتبقى عايشه جمبنا هنا 

ام ميرفت :- اسكت انت يا راجل الكلام اللى قولته هو اللى هيمشى انا خلاص اديت كلمه لاخويه وجاين هنا بكره وهيجيبو الشبكه معاهم واخر الشهر هيكتب عليها هناك فى البلد ويتجوزها 

ميرفت :- لالالا مستحيل الكلام ده يحصل وحياة اغلى حاجه عندك يا ماما بلاش هشتغل شغل اضافى وهجبلك فلوس كتير وكل اللى انتى عايزاه بس بلاش تجوزينى لاحمد ارجوكى يا امى بلاش بلاش 

حسن :- مسكها من شعرها وقال انتى بتتكلمى كتير كده ليه قولنا هتتجوزى احمد ابنك خالك خلص الكلام مفهوم 

ميرفت :- بدموع والم اااااه مش هتجوزه انا مش بطيقه افهمونى بقى 

حسن :- جرها من شعرها ودخلها اوضتها وقفل الباب بالمفتاح وقال البت دى مش هتخرج من باب الشقه غير على الصعيد ساعة الجواز وبص لابوه وقال اللى هيخرجها من الاوضه مش هيحصلو كويس فاهمين 

ام ميرفت :- ربنا يحميك ويحرسك يا ابنى راجل بجد مش طالع لابوك وبصت لابو ميرفت بقرف 

ابو ميرفت :- بص ليهم بقلة حيله وقال يارب انت رب الضعيف وقليل الحيله اقف جنب بنتى وانصفها من اللى هى فيه وابعت ليها سند فى الحياة يقويها ويقف جنبها يارب 

ميرفت :- اترمت على السرير وقعدت تعيط وتقول يارب اقف جنبى انت بس عالم بحالى وابعد عنى الجوازه دى يارب انا مش بحبه ولا بطيقه وعمرى ما هقدر اعيش فى الصعيد لوحدى مع ناس متعرفش الرحمه انا اضعف مخلوقه على الأرض يارب وقعدت تعيط 

~•~•~•~•~•~•~•~•~•~•~•~•~•

فى فيلا تامر 

فى اوضت تامر 

صحى تامر من نومه وبص فى الساعه بتاعته واتنهد افتكر اللى حصل امبارح مع دينا وحط أيده على وشه وقال 

تامر :- ليه شغله تفكيرى بالطريقه دى ليه حاسس ان فيه رابط بيربطنى بيها حاجه شدانى ليها عايز اسمع صوتها اشوف عيونها واسمع رعشة صوتها انا ايه اللى بيحصلى ده شعور غريب عمرى ما حسيته معقول اكون حبتها طيب امته وازاى انا لسه شيفها من يومين مش لاقى تفسير لكل ده وحط أيده على وشه وقال فوق يا تامر فوق متنساش انت كنت بتساعدها فى ايه دى واحده كانت نايمه فى حضن راجل غريب وسكت شويه وقال ايه اللى انت بتقوله ده ما انت عارف ان هو كان ضحك عليها وحطط ليها منوم وسكت شويه وقال بس هى اللى راحت ليه برجليها وسكت وحط أيده على وشه وقال بس بقى كفاااااااايه بتفكر فيها ليه وقام دخل الحمام غسل وشه واتوضه واده فرضه ونزل وكان الكل قاعد على سفرة الفطار قال

تامر :- صباح الخير 

الكل :- صباح النور 

محمود :- محدش شاف وشك امبارح جيت من عند العروسه دخلت اوضك ومقولتش رأيك ايه 

نيفين :- يقول رأيه فى ايه مستحيل طبعآ ابن ياخد البنت دى انت مش شايف اسلوبها فى الكلام عامل ازاى ولا لبسها دى وحش خالص وعامله شبه العبيطه فيه 

تامر :- بأندفاع هى علشان لبسها محترم يبقى شبه العبيطه فيه لكن لو جسمها كله باين تبقى واو شيك جدآ ولما تبقى شبه عروسة المولد تبقى حلوه انتو ليه تملى تبصو للمظاهر انا شايف  كان لبسها فى قمة الشياكه ومحترم جدآ ومش ظاهر تفاصيل جسمها وبالنسبه للرد هى مغلطتش فيكى هى ردت عليكى بكل ادب واحترام ودافعت عن لبسها وشكلها 

نيفين :- وانت مالك زعلان اوى عليها كده 

تامر :- ها و.و وانا هزعل عليها ليه ا.ا انا بقول كلمة الحق مش اكتر 

محمود :- يعنى موافق على العروسه ولا لاء 

تامر :- سكت شويه وقال.............

~•~•~•~•~•~•~•~•~•~•~•~•~•

بقلمى دودومحمد

بداية الروايه من هنا 👇👇👇

من هنا

تعديل المقال